देवी गीता में श्रीदेवी की पूजाविधि का वर्णन

श्लोक 1 (devibhagavatam.7.39.1)

हिमालय उवाच । देवदेवि महेशानि करुणासागरेऽम्बिके । ब्रूहि पूजाविधिं सम्यग्यथावदधुना निजम्

himālaya uvāca | devadevi maheśāni karuṇāsāgare'mbike | brūhi pūjāvidhiṁ samyagyathāvadadhunā nijam

हिमालय ने कहा — हे देवाधिदेवी, हे महेश्वरि, हे करुणा-सागर अम्बिके, अब मुझे अपनी पूजा-विधि भली-भाँति यथावत् बताइए।

श्लोक 2 (devibhagavatam.7.39.2)

श्रीदेव्युवाच । वक्ष्ये पूजाविधिं राजन्नम्बिकाया यथा प्रियम् । अत्यन्तश्रद्धया सार्धं शृणु पर्वतपुङ्गव

śrīdevyuvāca | vakṣye pūjāvidhiṁ rājannambikāyā yathā priyam | atyantaśraddhayā sārdhaṁ śṛṇu parvatapuṅgava

श्रीदेवी ने कहा — हे राजन्, मैं अम्बिका की प्रिय पूजा-विधि कहूँगी; हे पर्वतश्रेष्ठ, अत्यन्त श्रद्धा के साथ सुनो।

श्लोक 3 (devibhagavatam.7.39.3)

द्विविधा मम पूजा स्याद् बाह्या चाभ्यन्तरापि च । बाह्यापि द्विविधा प्रोक्ता वैदिकी तान्त्रिकी तथा

dvividhā mama pūjā syād bāhyā cābhyantarāpi ca | bāhyāpi dvividhā proktā vaidikī tāntrikī tathā

मेरी पूजा दो प्रकार की है — बाह्य और आभ्यन्तर। बाह्य पूजा भी दो प्रकार की कही गई है — वैदिकी और तान्त्रिकी।

श्लोक 4 (devibhagavatam.7.39.4)

वैदिक्यर्चापि द्विविधा मूर्तिभेदेन भूधर । वैदिकी वैदिकैः कार्या वेददीक्षासमन्वितैः

vaidikyarcāpi dvividhā mūrtibhedena bhūdhara | vaidikī vaidikaiḥ kāryā vedadīkṣāsamanvitaiḥ

हे भूधर, वैदिकी पूजा भी मूर्ति-भेद से दो प्रकार की है। वैदिकी पूजा वेद-दीक्षा से युक्त वैदिक जनों द्वारा ही करनी चाहिए।

श्लोक 5 (devibhagavatam.7.39.5)

तन्त्रोक्तदीक्षावद्भिस्तु तान्त्रिकी संश्रिता भवेत् । इत्थं पूजारहस्यं च न ज्ञात्वा विपरीतकम्

tantroktadīkṣāvadbhistu tāntrikī saṁśritā bhavet | itthaṁ pūjārahasyaṁ ca na jñātvā viparītakam

तान्त्रिकी पूजा तन्त्रोक्त दीक्षा वाले जनों के लिए है। इस प्रकार पूजा के इस रहस्य को न जानकर, इसके विपरीत —

श्लोक 6 (devibhagavatam.7.39.6)

करोति यो नरो मूढः स पतत्येव सर्वथा । तत्र या वैदिकी प्रोक्ता प्रथमा तां वदाम्यहम्

karoti yo naro mūḍhaḥ sa patatyeva sarvathā | tatra yā vaidikī proktā prathamā tāṁ vadāmyaham

जो मूर्ख मनुष्य ऐसा करता है, वह सर्वथा पतित हो जाता है। उनमें जो पहले वैदिकी पूजा कही गई, उसे मैं बताती हूँ।

श्लोक 7 (devibhagavatam.7.39.7)

यन्मे साक्षात्परं रूपं दृष्ट्वानसि भूधर । अनन्तशीर्षनयनमनन्तचरणं महत्

yanme sākṣātparaṁ rūpaṁ dṛṣṭvānasi bhūdhara | anantaśīrṣanayanamanantacaraṇaṁ mahat

हे भूधर, मेरा जो साक्षात् परम रूप तुमने देखा — अनन्त सिर और नेत्रों वाला, अनन्त चरणों वाला, महान् —

श्लोक 8 (devibhagavatam.7.39.8)

सर्वशक्तिसमायुक्तं प्रेरकं यत्परात्परम् । तदेव पूजयेन्नित्यं नमेद् ध्यायेत्स्मरेदपि

sarvaśaktisamāyuktaṁ prerakaṁ yatparātparam | tadeva pūjayennityaṁ named dhyāyetsmaredapi

समस्त शक्तियों से युक्त, प्रेरक, परात्पर स्वरूप — उसी की सदा पूजा करनी चाहिए, उसी को प्रणाम करना चाहिए, उसी का ध्यान और स्मरण करना चाहिए।

श्लोक 9 (devibhagavatam.7.39.9)

इत्येतत्प्रथमार्चायाः स्वरूपं कथितं नग । शान्तः समाहितमना दम्भाहङ्कारवर्जितः

ityetatprathamārcāyāḥ svarūpaṁ kathitaṁ naga | śāntaḥ samāhitamanā dambhāhaṅkāravarjitaḥ

हे पर्वत, इस प्रकार यह प्रथम पूजा का स्वरूप कहा गया। शान्त, एकाग्रचित्त, दम्भ और अहंकार से रहित होकर —

श्लोक 10 (devibhagavatam.7.39.10)

तत्परो भव तद्याजी तदेव शरणं व्रज । तदेव चेतसा पश्य जप ध्यायस्व सर्वदा

tatparo bhava tadyājī tadeva śaraṇaṁ vraja | tadeva cetasā paśya japa dhyāyasva sarvadā

उसी में तत्पर रहो, उसी की यजन करो, उसी की शरण में जाओ; मन से उसी को देखो, उसी का जप और ध्यान सदा करो।

श्लोक 11 (devibhagavatam.7.39.11)

अनन्यया प्रेमयुक्तभक्त्या मद्भावमाश्रितः । यज्ञैर्यज तपोदानैर्मामेव परितोषय

ananyayā premayuktabhaktyā madbhāvamāśritaḥ | yajñairyaja tapodānairmāmeva paritoṣaya

अनन्य, प्रेमयुक्त भक्ति से मेरे भाव का आश्रय लेकर, यज्ञों, तप और दान से मुझे ही सन्तुष्ट करो।

श्लोक 12 (devibhagavatam.7.39.12)

इत्थं ममानुग्रहतो मोक्ष्यसे भवबन्धनात् । मत्परा ये मदासक्तचित्ता भक्तवरा मताः

itthaṁ mamānugrahato mokṣyase bhavabandhanāt | matparā ye madāsaktacittā bhaktavarā matāḥ

इस प्रकार मेरी कृपा से तुम संसार-बन्धन से मुक्त हो जाओगे। जो मेरे परायण हैं, जिनका चित्त मुझमें आसक्त है, वे ही श्रेष्ठ भक्त माने गए हैं।

श्लोक 13 (devibhagavatam.7.39.13)

प्रतिजाने भवादस्मादुद्धराम्यचिरेण तु । ध्यानेन कर्मयुक्तेन भक्तिज्ञानेन वा पुनः

pratijāne bhavādasmāduddharāmyacireṇa tu | dhyānena karmayuktena bhaktijñānena vā punaḥ

मैं प्रतिज्ञा करती हूँ कि मैं शीघ्र ही उन्हें इस संसार से उद्धार करती हूँ — चाहे कर्मयुक्त ध्यान से, चाहे भक्ति से, चाहे ज्ञान से।

श्लोक 14 (devibhagavatam.7.39.14)

प्राप्याहं सर्वथा राजन्न तु केवलकर्मभिः । धर्मात्सञ्जायते भक्तिर्भक्त्या सञ्जायते परम्

prāpyāhaṁ sarvathā rājanna tu kevalakarmabhiḥ | dharmātsañjāyate bhaktirbhaktyā sañjāyate param

हे राजन्, इस प्रकार मैं सर्वथा प्राप्त होती हूँ, केवल कर्मों से नहीं। धर्म से भक्ति उत्पन्न होती है, और भक्ति से परम तत्त्व उत्पन्न होता है।

श्लोक 15 (devibhagavatam.7.39.15)

श्रुतिस्मृतिभ्यामुदितं यत्स धर्मः प्रकीर्तितः । अन्यशास्त्रेण यः प्रोक्तो धर्माभासः स उच्यते

śrutismṛtibhyāmuditaṁ yatsa dharmaḥ prakīrtitaḥ | anyaśāstreṇa yaḥ prokto dharmābhāsaḥ sa ucyate

जो श्रुति और स्मृति द्वारा कहा गया है, वही धर्म कहलाता है; अन्य शास्त्रों द्वारा जो कहा गया है, वह धर्माभास कहलाता है।

श्लोक 16 (devibhagavatam.7.39.16)

सर्वज्ञात्सर्वशक्तेश्च मत्तो वेदः समुत्थितः । अज्ञानस्य ममाभावादप्रमाणा न च श्रुतिः

sarvajñātsarvaśakteśca matto vedaḥ samutthitaḥ | ajñānasya mamābhāvādapramāṇā na ca śrutiḥ

सर्वज्ञ और सर्वशक्तिमान् मुझसे ही वेद उत्पन्न हुआ है; मुझमें अज्ञान का अभाव होने के कारण श्रुति अप्रमाण नहीं हो सकती।

श्लोक 17 (devibhagavatam.7.39.17)

स्मृतयश्च श्रुतेरर्थं गृहीत्वैव च निर्गताः । मन्वादीनां श्रुतीनां च ततः प्रामाण्यमिष्यते

smṛtayaśca śruterarthaṁ gṛhītvaiva ca nirgatāḥ | manvādīnāṁ śrutīnāṁ ca tataḥ prāmāṇyamiṣyate

स्मृतियाँ भी श्रुति के अर्थ को ग्रहण करके ही प्रकट हुई हैं; इसलिए मनु आदि की स्मृतियों को भी श्रुति के समान प्रामाणिक माना जाता है।

श्लोक 18 (devibhagavatam.7.39.18)

क्वचित्कदाचित्तन्त्रार्थकटाक्षेण परोदितम् । धर्मं वदन्ति सोंऽशस्तु नैव ग्राह्योऽस्ति वैदिकैः

kvacitkadācittantrārthakaṭākṣeṇa paroditam | dharmaṁ vadanti soṁ'śastu naiva grāhyo'sti vaidikaiḥ

कहीं-कहीं, तन्त्र के अर्थ के प्रति संकेत मात्र से, अन्य कोई धर्म कह दिया जाता है; उस अंश को वैदिक जनों को ग्रहण नहीं करना चाहिए।

श्लोक 19 (devibhagavatam.7.39.19)

अन्येषां शास्त्रकर्तॄणामज्ञानप्रभवत्वतः । अज्ञानदोषदुष्टत्वात्तदुक्तेर्न प्रमाणता

anyeṣāṁ śāstrakartṝṇāmajñānaprabhavatvataḥ | ajñānadoṣaduṣṭatvāttadukterna pramāṇatā

अन्य शास्त्रों के रचयिता अज्ञान से उत्पन्न होने के कारण, अज्ञान के दोष से दूषित होने के कारण, उनका कथन प्रामाणिक नहीं है।

श्लोक 20 (devibhagavatam.7.39.20)

तस्मान्मुमुक्षुर्धर्मार्थं सर्वथा वेदमाश्रयेत् । राजाज्ञा च यथा लोके हन्यते न कदाचन

tasmānmumukṣurdharmārthaṁ sarvathā vedamāśrayet | rājājñā ca yathā loke hanyate na kadācana

इसलिए मुमुक्षु को धर्म के लिए सर्वथा वेद का ही आश्रय लेना चाहिए। जैसे राजा की आज्ञा को लोक में कभी टाला नहीं जाता —

श्लोक 21 (devibhagavatam.7.39.21)

सर्वेशान्या ममाज्ञा सा श्रुतिस्त्याज्या कथं नृभिः । मदाज्ञारक्षणार्थं तु ब्रह्मक्षत्रियजातयः

sarveśānyā mamājñā sā śrutistyājyā kathaṁ nṛbhiḥ | madājñārakṣaṇārthaṁ tu brahmakṣatriyajātayaḥ

वैसे ही सर्वेश्वरी मेरी आज्ञा-स्वरूप उस श्रुति को मनुष्य कैसे त्याग सकते हैं? मेरी ही आज्ञा की रक्षा के लिए ब्राह्मण और क्षत्रिय जातियाँ —

श्लोक 22 (devibhagavatam.7.39.22)

मया सृष्टास्ततो ज्ञेयं रहस्यं मे श्रुतेर्वचः । यदा यदा हि धर्मस्य ग्लानिर्भवति भूधर

mayā sṛṣṭāstato jñeyaṁ rahasyaṁ me śrutervacaḥ | yadā yadā hi dharmasya glānirbhavati bhūdhara

मेरे द्वारा ही रची गई हैं, अतः श्रुति के वचन को मेरा ही रहस्य जानना चाहिए। हे भूधर, जब-जब धर्म की हानि होती है —

श्लोक 23 (devibhagavatam.7.39.23)

अभ्युत्थानमधर्मस्य तदा वेषान्बिभर्म्यहम् । देवदैत्यविभागश्चाप्यत एवाभवन्नृप

abhyutthānamadharmasya tadā veṣānbibharmyaham | devadaityavibhāgaścāpyata evābhavannṛpa

और अधर्म का उत्थान होता है, तब मैं विविध रूप धारण करती हूँ। हे राजन्, देव और दैत्य का भेद भी इसी कारण उत्पन्न हुआ।

श्लोक 24 (devibhagavatam.7.39.24)

ये न कुर्वन्ति तद्धर्मं तच्छिक्षार्थं मया सदा । सम्पादितास्तु नरकास्त्रासो यच्छ्रवणाद्भवेत्

ye na kurvanti taddharmaṁ tacchikṣārthaṁ mayā sadā | sampāditāstu narakāstrāso yacchravaṇādbhavet

जो लोग उस धर्म का पालन नहीं करते, उन्हें शिक्षा देने के लिए मैंने सदा नरकों की रचना की है, जिनके श्रवण मात्र से भय उत्पन्न होता है।

श्लोक 25 (devibhagavatam.7.39.25)

यो वेदधर्ममुज्झित्य धर्ममन्यं समाश्रयेत् । राजा प्रवासयेद्देशान्निजादेतानधर्मिणः

yo vedadharmamujjhitya dharmamanyaṁ samāśrayet | rājā pravāsayeddeśānnijādetānadharmiṇaḥ

जो वेद-धर्म को छोड़कर अन्य धर्म का आश्रय ले, राजा को चाहिए कि वह ऐसे अधर्मी लोगों को अपने देश से निर्वासित कर दे।

श्लोक 26 (devibhagavatam.7.39.26)

ब्राह्मणैर्न च सम्भाष्याः पङ्क्तिग्राह्या न च द्विजैः । अन्यानि यानि शास्त्राणि लोकेऽस्मिन्विविधानि च

brāhmaṇairna ca sambhāṣyāḥ paṅktigrāhyā na ca dvijaiḥ | anyāni yāni śāstrāṇi loke'sminvividhāni ca

उनसे ब्राह्मणों को बातचीत भी नहीं करनी चाहिए, न ही द्विजों को उन्हें पंक्ति में स्वीकार करना चाहिए। इस लोक में जो अन्य नाना प्रकार के शास्त्र हैं —

श्लोक 27 (devibhagavatam.7.39.27)

श्रुतिस्मृतिविरुद्धानि तामसान्येव सर्वशः । वामं कापालकं चैव कौलकं भैरवागमः

śrutismṛtiviruddhāni tāmasānyeva sarvaśaḥ | vāmaṁ kāpālakaṁ caiva kaulakaṁ bhairavāgamaḥ

जो श्रुति-स्मृति के विरुद्ध हैं, वे सर्वथा तामस ही हैं — वाम, कापालक, कौल, तथा भैरव-आगम —

श्लोक 28 (devibhagavatam.7.39.28)

शिवेन मोहनार्थाय प्रणीतो नान्यहेतुकः । दक्षशापाद् भृगोः शापाद्दधीचस्य च शापतः

śivena mohanārthāya praṇīto nānyahetukaḥ | dakṣaśāpād bhṛgoḥ śāpāddadhīcasya ca śāpataḥ

ये शिव द्वारा केवल मोहित करने के प्रयोजन से रचे गए हैं, अन्य किसी कारण से नहीं — दक्ष के शाप, भृगु के शाप, और दधीचि के शाप से —

श्लोक 29 (devibhagavatam.7.39.29)

दग्धा ये ब्राह्मणवरा वेदमार्गबहिष्कृताः । तेषामुद्धरणार्थाय सोपानक्रमतः सदा

dagdhā ye brāhmaṇavarā vedamārgabahiṣkṛtāḥ | teṣāmuddharaṇārthāya sopānakramataḥ sadā

जो श्रेष्ठ ब्राह्मण दग्ध होकर वेद-मार्ग से बहिष्कृत हो गए थे, उनके उद्धार के लिए, चरणबद्ध सोपान-क्रम से सदा —

श्लोक 30 (devibhagavatam.7.39.30)

शैवाश्च वैष्णवाश्श्चैव सौराः शाक्तास्तथैव च । गाणपत्या आगमाश्च प्रणीताः शङ्करेण तु

śaivāśca vaiṣṇavāśścaiva saurāḥ śāktāstathaiva ca | gāṇapatyā āgamāśca praṇītāḥ śaṅkareṇa tu

शैव, वैष्णव, सौर, शाक्त, तथा गाणपत्य आगम भी शंकर द्वारा ही रचे गए।

श्लोक 31 (devibhagavatam.7.39.31)

तत्र वेदाविरुद्धांशोऽप्युक्त एव क्वचित्क्वचित् । वैदिकैस्तद्ग्रहे देषो न भवत्येव कर्हिचित्

tatra vedāviruddhāṁśo'pyukta eva kvacitkvacit | vaidikaistadgrahe deṣo na bhavatyeva karhicit

उनमें भी जो अंश वेद के अविरुद्ध है, वह कहीं-कहीं कहा गया है; वैदिक जनों द्वारा उस अंश को ग्रहण करने में कोई दोष कभी नहीं होता।

श्लोक 32 (devibhagavatam.7.39.32)

सर्वथा वेदभिन्नार्थे नाधिकारी द्विजो भवेत् । वेदाधिकारहीनस्तु भवेत्तत्राधिकारवान्

sarvathā vedabhinnārthe nādhikārī dvijo bhavet | vedādhikārahīnastu bhavettatrādhikāravān

किन्तु द्विज को उस अंश में कभी भी अधिकार नहीं है, जो वेद से सर्वथा भिन्न अर्थ वाला हो; परन्तु जो वेद के अधिकार से रहित है, वह उसमें अधिकारी हो सकता है।

श्लोक 33 (devibhagavatam.7.39.33)

तस्मात्सर्वप्रयत्नेन वैदिको वेदमाश्रयेत् । धर्मेण सहितं ज्ञानं परं ब्रह्म प्रकाशयेत्

tasmātsarvaprayatnena vaidiko vedamāśrayet | dharmeṇa sahitaṁ jñānaṁ paraṁ brahma prakāśayet

इसलिए वैदिक जन को सम्पूर्ण प्रयत्न से वेद का ही आश्रय लेना चाहिए। धर्म-सहित ज्ञान ही परब्रह्म को प्रकाशित करता है।

श्लोक 34 (devibhagavatam.7.39.34)

सर्वैषणाः परित्यज्य मामेव शरणं गताः । सर्वभूतदयावन्तो मानाहङ्कारवर्जिताः

sarvaiṣaṇāḥ parityajya māmeva śaraṇaṁ gatāḥ | sarvabhūtadayāvanto mānāhaṅkāravarjitāḥ

समस्त कामनाओं को त्यागकर जो केवल मेरी शरण में आए हैं, समस्त प्राणियों पर दया करने वाले, मान और अहंकार से रहित —

श्लोक 35 (devibhagavatam.7.39.35)

मच्चित्ता मद्गतप्राणा मत्स्थानकथने रताः । संन्यासिनो वनस्थाश्च गृहस्था ब्रह्मचारिणः

maccittā madgataprāṇā matsthānakathane ratāḥ | saṁnyāsino vanasthāśca gṛhasthā brahmacāriṇaḥ

मुझमें चित्त वाले, मुझमें ही प्राण अर्पित करने वाले, मेरे स्थानों की कथा में रत — चाहे वे संन्यासी हों, वानप्रस्थी हों, गृहस्थ हों अथवा ब्रह्मचारी हों —

श्लोक 36 (devibhagavatam.7.39.36)

उपासन्ते सदा भक्त्या योगमैश्वरसंज्ञितम् । तेषां नित्याभियुक्तानामहमज्ञानजं तमः

upāsante sadā bhaktyā yogamaiśvarasaṁjñitam | teṣāṁ nityābhiyuktānāmahamajñānajaṁ tamaḥ

जो सदा भक्ति से ऐश्वर-योग नामक साधना करते हैं — उन नित्य साधनारत भक्तों का अज्ञान से उत्पन्न अन्धकार —

श्लोक 37 (devibhagavatam.7.39.37)

ज्ञानसूर्यप्रकाशेन नाशयामि न संशयः । इत्थं वैदिकपूजायाः प्रथमाया नगाधिप

jñānasūryaprakāśena nāśayāmi na saṁśayaḥ | itthaṁ vaidikapūjāyāḥ prathamāyā nagādhipa

मैं ज्ञान-सूर्य के प्रकाश से नष्ट कर देती हूँ, इसमें कोई सन्देह नहीं। इस प्रकार, हे पर्वतराज, प्रथम वैदिक पूजा का —

श्लोक 38 (devibhagavatam.7.39.38)

स्वरूपमुक्तं सङ्क्षेपाद् द्वितीयाया अथो ब्रुवे । मूर्तौ वा स्थण्डिले वापि तथा सूर्येन्दुमण्डले

svarūpamuktaṁ saṅkṣepād dvitīyāyā atho bruve | mūrtau vā sthaṇḍile vāpi tathā sūryendumaṇḍale

मैंने संक्षेप में स्वरूप बताया; अब मैं दूसरी पूजा के विषय में कहती हूँ। मूर्ति में, स्थण्डिल में, अथवा सूर्य-चन्द्र-मण्डल में —

श्लोक 39 (devibhagavatam.7.39.39)

जलेऽथवा बाणलिङ्गे यन्त्रे वापि महापटे । तथा श्रीहृदयाम्भोजे ध्यात्वा देवीं परात्पराम्

jale'thavā bāṇaliṅge yantre vāpi mahāpaṭe | tathā śrīhṛdayāmbhoje dhyātvā devīṁ parātparām

जल में, अथवा बाणलिंग में, यन्त्र में, अथवा महापट में, तथा श्रीहृदय-कमल में, परात्पर देवी का ध्यान करके —

श्लोक 40 (devibhagavatam.7.39.40)

सगुणां करुणापूर्णां तरुणीमरुणारुणाम् । सौन्दर्यसारसीमां तां सर्वावयवसुन्दरीम्

saguṇāṁ karuṇāpūrṇāṁ taruṇīmaruṇāruṇām | saundaryasārasīmāṁ tāṁ sarvāvayavasundarīm

जो सगुण हैं, करुणा से पूर्ण हैं, तरुणी हैं, प्रातःकालीन अरुण के समान रक्तवर्ण हैं, सौन्दर्य की चरम सीमा हैं, समस्त अंगों में सुन्दर हैं —

श्लोक 41 (devibhagavatam.7.39.41)

शृङ्गाररससम्पूर्णां सदा भक्तार्तिकातराम् । प्रसादसुमुखीमम्बां चन्द्रखण्डशिखण्डिनीम्

śṛṅgārarasasampūrṇāṁ sadā bhaktārtikātarām | prasādasumukhīmambāṁ candrakhaṇḍaśikhaṇḍinīm

शृंगार-रस से पूर्ण, भक्तों की व्यथा से सदा द्रवित, प्रसन्न मुख वाली माता, जो चन्द्रखण्ड को शिखा में धारण करती हैं —

श्लोक 42 (devibhagavatam.7.39.42)

पाशाङ्कुशवराभीतिधरामानन्दरूपिणीम् । पूजयेदुपचारैश्च यथावित्तानुसारतः

pāśāṅkuśavarābhītidharāmānandarūpiṇīm | pūjayedupacāraiśca yathāvittānusārataḥ

जो पाश, अंकुश, वर और अभय-मुद्रा धारण किए हैं, आनन्द-स्वरूपा हैं — उनकी अपनी सामर्थ्य के अनुसार उपचारों से पूजा करनी चाहिए।

श्लोक 43 (devibhagavatam.7.39.43)

यावदान्तरपूजायामधिकारो भवेन्न हि । तावद्बाह्यामिमां पूजां श्रयेज्जाते तु तां त्यजेत्

yāvadāntarapūjāyāmadhikāro bhavenna hi | tāvadbāhyāmimāṁ pūjāṁ śrayejjāte tu tāṁ tyajet

जब तक अन्तर-पूजा में अधिकार प्राप्त न हो, तब तक इसी बाह्य पूजा का आश्रय लेना चाहिए; अधिकार प्राप्त होने पर उसे त्याग देना चाहिए।

श्लोक 44 (devibhagavatam.7.39.44)

आभ्यन्तरा तु या पूजा सा तु संविल्लयः स्मृतः । संविदेव परं रूपमुपाधिरहितं मम

ābhyantarā tu yā pūjā sā tu saṁvillayaḥ smṛtaḥ | saṁvideva paraṁ rūpamupādhirahitaṁ mama

अन्तर-पूजा को संवित्-लय कहा गया है; संवित् ही उपाधि-रहित मेरा परम रूप है।

श्लोक 45 (devibhagavatam.7.39.45)

अतः संविदि मद्रूपे चेतः स्थाप्यं निराश्रयम् । संविद्रूपातिरिक्तं तु मिथ्या मायामयं जगत्

ataḥ saṁvidi madrūpe cetaḥ sthāpyaṁ nirāśrayam | saṁvidrūpātiriktaṁ tu mithyā māyāmayaṁ jagat

इसलिए मुझ संवित्-स्वरूप में चित्त को निराश्रय होकर स्थिर करना चाहिए। संवित्-स्वरूप से भिन्न यह जो जगत् है, वह मायामय और मिथ्या है।

श्लोक 46 (devibhagavatam.7.39.46)

अतः संसारनाशाय साक्षिणीमात्मरूपिणीम् । भावयेन्निर्मनस्केन योगयुक्तेन चेतसा

ataḥ saṁsāranāśāya sākṣiṇīmātmarūpiṇīm | bhāvayennirmanaskena yogayuktena cetasā

इसलिए संसार के नाश के लिए, साक्षी-स्वरूपा, आत्म-स्वरूपा मुझ का, मनरहित योगयुक्त चित्त से ध्यान करना चाहिए।

श्लोक 47 (devibhagavatam.7.39.47)

अतः परं बाह्यपूजाविस्तारः कथ्यते मया । सावधानेन मनसा शृणु पर्वतसत्तम

ataḥ paraṁ bāhyapūjāvistāraḥ kathyate mayā | sāvadhānena manasā śṛṇu parvatasattama

अब इससे आगे मैं बाह्य पूजा का विस्तार बताती हूँ। हे श्रेष्ठ पर्वत, सावधान मन से सुनो।