देवी गीता में महोत्सव, व्रत एवं तीर्थस्थानों का वर्णन

श्लोक 1 (devibhagavatam.7.38.1)

हिमालय उवाच । कति स्थानानि देवेशि द्रष्टव्यानि महीतले । मुख्यानि च पवित्राणि देवीप्रियतमानि च

himālaya uvāca | kati sthānāni deveśi draṣṭavyāni mahītale | mukhyāni ca pavitrāṇi devīpriyatamāni ca

हिमालय ने कहा — हे देवेशि, पृथ्वी पर देखने योग्य कितने प्रमुख और पवित्र स्थान हैं, जो देवी को अत्यन्त प्रिय हैं?

श्लोक 2 (devibhagavatam.7.38.2)

व्रतान्यपि तथा यानि तुष्टिदान्युत्सवा अपि । तत्सर्वं वद मे मातः कृतकृत्यो यतो नरः

vratānyapi tathā yāni tuṣṭidānyutsavā api | tatsarvaṁ vada me mātaḥ kṛtakṛtyo yato naraḥ

उसी प्रकार वे कौन-से व्रत हैं जो सन्तोष देने वाले हैं, और कौन-से उत्सव हैं? हे माता, यह सब मुझसे कहिए, जिससे मनुष्य कृतकृत्य हो सके।

श्लोक 3 (devibhagavatam.7.38.3)

श्रीदेव्युवाच । सर्वं दृश्यं मम स्थानं सर्वे काला व्रतात्मकाः । उत्सवाः सर्वकालेषु यतोऽहं सर्वरूपिणी

śrīdevyuvāca | sarvaṁ dṛśyaṁ mama sthānaṁ sarve kālā vratātmakāḥ | utsavāḥ sarvakāleṣu yato'haṁ sarvarūpiṇī

श्रीदेवी ने कहा — दृश्यमान समस्त सृष्टि ही मेरा स्थान है, समस्त काल ही व्रत-स्वरूप हैं; उत्सव भी सभी कालों में होते हैं, क्योंकि मैं ही सर्वरूपा हूँ।

श्लोक 4 (devibhagavatam.7.38.4)

तथापि भक्तवात्सल्यात्किञ्चित्किञ्चिदथोच्यते । शृणुष्वावहितो भूत्वा नगराज वचो मम

tathāpi bhaktavātsalyātkiñcitkiñcidathocyate | śṛṇuṣvāvahito bhūtvā nagarāja vaco mama

फिर भी भक्तवत्सलता के कारण कुछ-कुछ कहा जा रहा है। हे पर्वतराज, सावधान होकर मेरे वचन सुनो।

श्लोक 5 (devibhagavatam.7.38.5)

कोलापुरं महास्थानं यत्र लक्ष्मीः सदा स्थिता । मातुः पुरं द्वितीयं च रेणुकाधिष्ठितं परम्

kolāpuraṁ mahāsthānaṁ yatra lakṣmīḥ sadā sthitā | mātuḥ puraṁ dvitīyaṁ ca reṇukādhiṣṭhitaṁ param

कोल्हापुर महास्थान है, जहाँ लक्ष्मी सदा निवास करती हैं; दूसरा मातृपुर है, जो रेणुका द्वारा अधिष्ठित है।

श्लोक 6 (devibhagavatam.7.38.6)

तुलजापुरं तृतीयं स्यात्सप्तशृङ्गं तथैव च । हिङ्गुलाया महास्थानं ज्वालामुख्यास्तथैव च

tulajāpuraṁ tṛtīyaṁ syātsaptaśṛṅgaṁ tathaiva ca | hiṅgulāyā mahāsthānaṁ jvālāmukhyāstathaiva ca

तीसरा तुलजापुर है, और उसी प्रकार सप्तशृंग भी है; हिंगुला-देवी का महास्थान है, और उसी प्रकार ज्वालामुखी का भी।

श्लोक 7 (devibhagavatam.7.38.7)

शाकम्भर्याः परं स्थानं भ्रामर्याः स्थानमुत्तमम् । श्रीरक्तदन्तिकास्थानं दुर्गास्थानं तथैव च

śākambharyāḥ paraṁ sthānaṁ bhrāmaryāḥ sthānamuttamam | śrīraktadantikāsthānaṁ durgāsthānaṁ tathaiva ca

शाकम्भरी का श्रेष्ठ स्थान है, भ्रामरी का उत्तम स्थान है; श्री रक्तदन्तिका का स्थान है, और उसी प्रकार दुर्गा का भी स्थान है।

श्लोक 8 (devibhagavatam.7.38.8)

विन्ध्याचलनिवासिन्याः स्थानं सर्वोत्तमोत्तमम् । अन्नपूर्णामहास्थानं काञ्चीपुरमनुत्तमम्

vindhyācalanivāsinyāḥ sthānaṁ sarvottamottamam | annapūrṇāmahāsthānaṁ kāñcīpuramanuttamam

विन्ध्याचल-निवासिनी देवी का सर्वोत्तम स्थान है; अन्नपूर्णा का महास्थान है, और अनुपम काञ्चीपुर भी है।

श्लोक 9 (devibhagavatam.7.38.9)

भीमादेव्याः परं स्थानं विमलास्थानमेव च । श्रीचन्द्रलामहास्थानं कौशिकीस्थानमेव

bhīmādevyāḥ paraṁ sthānaṁ vimalāsthānameva ca | śrīcandralāmahāsthānaṁ kauśikīsthānameva

भीमादेवी का श्रेष्ठ स्थान है, विमला का स्थान भी है; श्री चन्द्रला का महास्थान है, और कौशिकी का भी स्थान है।

श्लोक 10 (devibhagavatam.7.38.10)

नीलाम्बायाः परं स्थानं नीलपर्वतमस्तके । जाम्बूनदेश्वरीस्थानं तथा श्रीनगरं शुभम्

nīlāmbāyāḥ paraṁ sthānaṁ nīlaparvatamastake | jāmbūnadeśvarīsthānaṁ tathā śrīnagaraṁ śubham

नीलाम्बा का श्रेष्ठ स्थान नील-पर्वत के शिखर पर है; जाम्बूनदेश्वरी का स्थान है, और उसी प्रकार शुभ श्रीनगर भी है।

श्लोक 11 (devibhagavatam.7.38.11)

गुह्यकाल्या महास्थानं नेपाले यत्प्रतिष्ठितम् । मीनाक्ष्याः परमं स्थानं यच्च प्रोक्तं चिदम्बरे

guhyakālyā mahāsthānaṁ nepāle yatpratiṣṭhitam | mīnākṣyāḥ paramaṁ sthānaṁ yacca proktaṁ cidambare

गुह्यकाली का महास्थान नेपाल में स्थापित है; मीनाक्षी का परम स्थान है, और जो चिदम्बरम् में कहा गया है, वह भी।

श्लोक 12 (devibhagavatam.7.38.12)

वेदारण्यं महास्थानं सुन्दर्याः समधिष्ठितम् । एकाम्बरं महास्थानं परशक्त्या प्रतिष्ठितम्

vedāraṇyaṁ mahāsthānaṁ sundaryāḥ samadhiṣṭhitam | ekāmbaraṁ mahāsthānaṁ paraśaktyā pratiṣṭhitam

वेदारण्य महास्थान है, जो सुन्दरी देवी द्वारा अधिष्ठित है; एकाम्बर महास्थान है, जो परा शक्ति द्वारा प्रतिष्ठित है।

श्लोक 13 (devibhagavatam.7.38.13)

महालसा परं स्थानं योगेश्वर्यास्तथैव च । तथा नीलसरस्वत्याः स्थानं चीनेषु विश्रुतम्

mahālasā paraṁ sthānaṁ yogeśvaryāstathaiva ca | tathā nīlasarasvatyāḥ sthānaṁ cīneṣu viśrutam

महालसा का श्रेष्ठ स्थान है, और उसी प्रकार योगेश्वरी का भी; तथा नीलसरस्वती का स्थान चीन-देश में विख्यात है।

श्लोक 14 (devibhagavatam.7.38.14)

वैद्यनाथे तु बगलास्थानं सर्वोत्तमं मतम् । श्रीमच्छ्रीभुवनेश्वर्या मणिद्वीपं मम स्मृतम्

vaidyanāthe tu bagalāsthānaṁ sarvottamaṁ matam | śrīmacchrībhuvaneśvaryā maṇidvīpaṁ mama smṛtam

वैद्यनाथ में बगला का स्थान सर्वोत्तम माना गया है; श्रीभुवनेश्वरी का मणिद्वीप — वह मेरा ही स्थान माना जाता है।

श्लोक 15 (devibhagavatam.7.38.15)

श्रीमत्त्रिपुरभैरव्याः कामाख्यायोनिमण्डलम् । भूमण्डले क्षेत्ररत्नं महामायाधिवासितम्

śrīmattripurabhairavyāḥ kāmākhyāyonimaṇḍalam | bhūmaṇḍale kṣetraratnaṁ mahāmāyādhivāsitam

श्री त्रिपुरभैरवी का कामाख्या-योनि-मण्डल है, जो महामाया द्वारा अधिष्ठित पृथ्वी-मण्डल का रत्नस्वरूप तीर्थ है।

श्लोक 16 (devibhagavatam.7.38.16)

नातः परतरं स्थानं क्वचिदस्ति धरातले । प्रतिमासं भवेद्देवी यत्र साक्षाद्रजस्वला

nātaḥ parataraṁ sthānaṁ kvacidasti dharātale | pratimāsaṁ bhaveddevī yatra sākṣādrajasvalā

पृथ्वी पर इससे बढ़कर कहीं भी कोई स्थान नहीं है, जहाँ देवी प्रतिमास साक्षात् रजस्वला होती हैं।

श्लोक 17 (devibhagavatam.7.38.17)

तत्रत्या देवताः सर्वाः पर्वतात्मकतां गताः । पर्वतेषु वसन्त्येव महत्यो देवता अपि

tatratyā devatāḥ sarvāḥ parvatātmakatāṁ gatāḥ | parvateṣu vasantyeva mahatyo devatā api

वहाँ के समस्त देवता पर्वत-स्वरूप को प्राप्त हो गए हैं; महान् देवता भी पर्वतों में ही निवास करते हैं।

श्लोक 18 (devibhagavatam.7.38.18)

तत्रत्या पृथिवी सर्वा देवीरूपा स्मृता बुधैः । नातः परतरं स्थानं कामाख्यायोनिमण्डलात्

tatratyā pṛthivī sarvā devīrūpā smṛtā budhaiḥ | nātaḥ parataraṁ sthānaṁ kāmākhyāyonimaṇḍalāt

उस स्थान की सम्पूर्ण पृथ्वी को विद्वानों ने देवी-स्वरूप माना है। कामाख्या के योनि-मण्डल से बढ़कर कोई स्थान नहीं है।

श्लोक 19 (devibhagavatam.7.38.19)

गायत्र्याश्च परं स्थानं श्रीमत्पुष्करमीरितम् । अमरेशे चण्डिका स्यात्प्रभासे पुष्करेक्षिणी

gāyatryāśca paraṁ sthānaṁ śrīmatpuṣkaramīritam | amareśe caṇḍikā syātprabhāse puṣkarekṣiṇī

गायत्री का श्रेष्ठ स्थान श्री पुष्कर कहा गया है; अमरेश्वर में चण्डिका हैं, और प्रभास में पुष्करेक्षिणी हैं।

श्लोक 20 (devibhagavatam.7.38.20)

नैमिषे तु महास्थाने देवी सा लिङ्गधारिणी । पुरुहूता पुष्कराक्षे आषाढौ च रतिस्तथा

naimiṣe tu mahāsthāne devī sā liṅgadhāriṇī | puruhūtā puṣkarākṣe āṣāḍhau ca ratistathā

नैमिष के महास्थान में देवी लिंगधारिणी रूप में हैं; पुष्करक्ष में पुरुहूता हैं, और आषाढ़ में रति भी हैं।

श्लोक 21 (devibhagavatam.7.38.21)

चण्डमुण्डीमहास्थाने दण्डिनी परमेश्वरी । भारभूतौ भवेद्भूतिर्नाकुले नकुलेश्वरी

caṇḍamuṇḍīmahāsthāne daṇḍinī parameśvarī | bhārabhūtau bhavedbhūtirnākule nakuleśvarī

चण्डमुण्डी के महास्थान में परमेश्वरी दण्डिनी हैं; भारभूति में भूति हैं, और नाकुल में नकुलेश्वरी हैं।

श्लोक 22 (devibhagavatam.7.38.22)

चन्द्रिका तु हरिश्चन्द्रे श्रीगिरौ शाङ्करी स्मृता । जप्येश्वरे त्रिशूला स्यात्सूक्ष्मा चाम्रातकेश्वरे

candrikā tu hariścandre śrīgirau śāṅkarī smṛtā | japyeśvare triśūlā syātsūkṣmā cāmrātakeśvare

हरिश्चन्द्र में चन्द्रिका हैं, श्रीगिरि में शांकरी मानी गई हैं; जप्येश्वर में त्रिशूला हैं, और आम्रातकेश्वर में सूक्ष्मा हैं।

श्लोक 23 (devibhagavatam.7.38.23)

शाङ्करी तु महाकाले शर्वाणी मध्यमाभिधे । केदाराख्ये महाक्षेत्रे देवी सा मार्गदायिनी

śāṅkarī tu mahākāle śarvāṇī madhyamābhidhe | kedārākhye mahākṣetre devī sā mārgadāyinī

महाकाल में शांकरी हैं, मध्यमा नामक स्थान में शर्वाणी हैं; केदार नामक महाक्षेत्र में देवी मार्गदायिनी हैं।

श्लोक 24 (devibhagavatam.7.38.24)

भैरवाख्ये भैरवी सा गयायां मङ्गला स्मृता । स्थाणुप्रिया कुरुक्षेत्रे स्वायम्भुव्यपि नाकुले

bhairavākhye bhairavī sā gayāyāṁ maṅgalā smṛtā | sthāṇupriyā kurukṣetre svāyambhuvyapi nākule

भैरव नामक स्थान में भैरवी हैं, गया में मंगला मानी गई हैं; कुरुक्षेत्र में स्थाणुप्रिया हैं, और नाकुल में स्वायम्भुवी भी हैं।

श्लोक 25 (devibhagavatam.7.38.25)

कनखले भवेदुग्रा विश्वेशा विमलेश्वरे । अट्टहासे महानन्दा महेन्द्रे तु महान्तका

kanakhale bhavedugrā viśveśā vimaleśvare | aṭṭahāse mahānandā mahendre tu mahāntakā

कनखल में उग्रा हैं, विमलेश्वर में विश्वेशा हैं; अट्टहास में महानन्दा हैं, और महेन्द्र में महान्तका हैं।

श्लोक 26 (devibhagavatam.7.38.26)

भीमे भीमेश्वरी प्रोक्ता स्थाने वस्त्रापथे पुनः । भवानी शाङ्करी प्रोक्ता रुद्राणी त्वर्धकोटिके

bhīme bhīmeśvarī proktā sthāne vastrāpathe punaḥ | bhavānī śāṅkarī proktā rudrāṇī tvardhakoṭike

भीम में भीमेश्वरी कही गई हैं, और वस्त्रापथ नामक स्थान में भवानी शांकरी कही गई हैं; अर्धकोटि में रुद्राणी हैं।

श्लोक 27 (devibhagavatam.7.38.27)

अविमुक्ते विशालाक्षी महाभागा महालये । गोकर्णे भद्रकर्णी स्याद्भद्रा स्याद्भद्रकर्णके

avimukte viśālākṣī mahābhāgā mahālaye | gokarṇe bhadrakarṇī syādbhadrā syādbhadrakarṇake

अविमुक्त (काशी) में विशालाक्षी हैं, महालय में महाभागा हैं; गोकर्ण में भद्रकर्णी हैं, और भद्रकर्णक में भद्रा हैं।

श्लोक 28 (devibhagavatam.7.38.28)

उत्पलाक्षी सुवर्णाक्षे स्थाण्वीशा स्थाणुसंज्ञके । कमलालये तु कमला प्रचण्डा छगलण्डके

utpalākṣī suvarṇākṣe sthāṇvīśā sthāṇusaṁjñake | kamalālaye tu kamalā pracaṇḍā chagalaṇḍake

सुवर्णाक्ष में उत्पलाक्षी हैं, स्थाणु नामक स्थान में स्थाण्वीशा हैं; कमलालय में कमला हैं, और छगलण्डक में प्रचण्डा हैं।

श्लोक 29 (devibhagavatam.7.38.29)

कुरण्डले त्रिसन्ध्या स्यान्माकोटे मुकुटेश्वरी । मण्डलेशे शाण्डकी स्यात्काली कालञ्जरे पुनः

kuraṇḍale trisandhyā syānmākoṭe mukuṭeśvarī | maṇḍaleśe śāṇḍakī syātkālī kālañjare punaḥ

कुरण्डल में त्रिसन्ध्या हैं, माकोट में मुकुटेश्वरी हैं; मण्डलेश में शाण्डकी हैं, और कालंजर में काली हैं।

श्लोक 30 (devibhagavatam.7.38.30)

शङ्कुकर्णे ध्वनिः प्रोक्ता स्थूला स्यात्स्थूलकेश्वरे । ज्ञानिनां हृदयाम्भोजे हृल्लेखा परमेश्वरी

śaṅkukarṇe dhvaniḥ proktā sthūlā syātsthūlakeśvare | jñānināṁ hṛdayāmbhoje hṛllekhā parameśvarī

शंकुकर्ण में ध्वनि कही गई हैं, स्थूलकेश्वर में स्थूला हैं; और ज्ञानियों के हृदय-कमल में परमेश्वरी हृल्लेखा हैं।

श्लोक 31 (devibhagavatam.7.38.31)

प्रोक्तानीमानि स्थानानि देव्याः प्रियतमानि च । तत्तत्क्षेत्रस्य माहात्म्यं श्रुत्वा पूर्वं नगोत्तम

proktānīmāni sthānāni devyāḥ priyatamāni ca | tattatkṣetrasya māhātmyaṁ śrutvā pūrvaṁ nagottama

ये देवी के अत्यन्त प्रिय स्थान बताए गए। हे पर्वतश्रेष्ठ, उस-उस क्षेत्र की महिमा को पहले सुनकर —

श्लोक 32 (devibhagavatam.7.38.32)

तदुक्तेन विधानेन पश्चाद्देवीं प्रपूजयेत् । अथवा सर्वक्षेत्राणि काश्यां सन्ति नगोत्तम

taduktena vidhānena paścāddevīṁ prapūjayet | athavā sarvakṣetrāṇi kāśyāṁ santi nagottama

उसमें बताई गई विधि से फिर देवी की पूजा करनी चाहिए। अथवा, हे पर्वतश्रेष्ठ, समस्त क्षेत्र काशी में ही विद्यमान हैं।

श्लोक 33 (devibhagavatam.7.38.33)

अतस्तत्र वसेन्नित्यं देवीभक्तिपरायणः । तानि स्थानानि सम्पश्यञ्जपन्देवीं निरन्तरम्

atastatra vasennityaṁ devībhaktiparāyaṇaḥ | tāni sthānāni sampaśyañjapandevīṁ nirantaram

इसलिए देवी-भक्ति में तत्पर मनुष्य को वहीं सदा निवास करना चाहिए, उन सभी स्थानों को देखते हुए और निरन्तर देवी का जप करते हुए —

श्लोक 34 (devibhagavatam.7.38.34)

ध्यायंस्तच्चरणाम्भोजं मुक्तो भवति बन्धनात् । इमानि देवीनामानि प्रातरुत्थाय यः पठेत्

dhyāyaṁstaccaraṇāmbhojaṁ mukto bhavati bandhanāt | imāni devīnāmāni prātarutthāya yaḥ paṭhet

उसके चरण-कमलों का ध्यान करते हुए, वह बन्धन से मुक्त हो जाता है। जो प्रातः उठकर देवी के इन नामों का पाठ करता है —

श्लोक 35 (devibhagavatam.7.38.35)

भस्मीभवन्ति पापानि तत्क्षणान्नग सत्वरम् । श्राद्धकाले पठेदेतान्यमलानि द्विजाग्रतः

bhasmībhavanti pāpāni tatkṣaṇānnaga satvaram | śrāddhakāle paṭhedetānyamalāni dvijāgrataḥ

हे पर्वत, उसके पाप उसी क्षण भस्म हो जाते हैं। श्राद्ध के समय ब्राह्मणों के समक्ष इन निर्मल नामों का पाठ करना चाहिए।

श्लोक 36 (devibhagavatam.7.38.36)

मुक्तास्तत्पितरः सर्वे प्रयान्ति परमां गतिम् । अधुना कथयिष्यामि व्रतानि तव सुव्रत

muktāstatpitaraḥ sarve prayānti paramāṁ gatim | adhunā kathayiṣyāmi vratāni tava suvrata

उसके सभी पितर मुक्त होकर परम गति को प्राप्त होते हैं। हे उत्तम व्रतधारी, अब मैं तुम्हें व्रतों के विषय में बताती हूँ।

श्लोक 37 (devibhagavatam.7.38.37)

नारीभिश्च नरैश्चैव कर्तव्यानि प्रयत्नतः । व्रतमनन्ततृतीयाख्यं रसकल्याणिनीव्रतम्

nārībhiśca naraiścaiva kartavyāni prayatnataḥ | vratamanantatṛtīyākhyaṁ rasakalyāṇinīvratam

जो स्त्रियों और पुरुषों, दोनों के द्वारा प्रयत्नपूर्वक करने योग्य हैं — अनन्ततृतीया नामक व्रत, और रसकल्याणिनी-व्रत,

श्लोक 38 (devibhagavatam.7.38.38)

आर्द्रानन्दकरं नाम्ना तृतीयाया व्रतं च यत् । शुक्रवारव्रतं चैव तथा कृष्णचतुर्दशी

ārdrānandakaraṁ nāmnā tṛtīyāyā vrataṁ ca yat | śukravāravrataṁ caiva tathā kṛṣṇacaturdaśī

आर्द्रानन्दकर नामक तृतीया का व्रत, तथा शुक्रवार-व्रत, और उसी प्रकार कृष्ण-चतुर्दशी-व्रत —

श्लोक 39 (devibhagavatam.7.38.39)

भौमवारव्रतं चैव प्रदोषव्रतमेव च । यत्र देवो महादेवो देवीं संस्थाप्य विष्टरे

bhaumavāravrataṁ caiva pradoṣavratameva ca | yatra devo mahādevo devīṁ saṁsthāpya viṣṭare

और भौमवार-व्रत, तथा प्रदोष-व्रत भी — जिसमें महादेव देवी को आसन पर स्थापित करके —

श्लोक 40 (devibhagavatam.7.38.40)

नृत्यं करोति पुरतः सार्धं देवैर्निशामुखे । तत्रोपोष्य रजन्यादौ प्रदोषे पूजयेच्छिवाम्

nṛtyaṁ karoti purataḥ sārdhaṁ devairniśāmukhe | tatropoṣya rajanyādau pradoṣe pūjayecchivām

देवताओं के साथ रात्रि के प्रारम्भ में उनके सामने नृत्य करते हैं। उस दिन व्रत रखकर, रात्रि के प्रारम्भ में, प्रदोष-काल में शिवा की पूजा करनी चाहिए।

श्लोक 41 (devibhagavatam.7.38.41)

प्रतिपक्षं विशेषेण तद्देवीप्रीतिकारकम् । सोमवारव्रतं चैव ममातिप्रियकृन्नग

pratipakṣaṁ viśeṣeṇa taddevīprītikārakam | somavāravrataṁ caiva mamātipriyakṛnnaga

प्रत्येक पक्ष में विशेष रूप से यही देवी को प्रसन्न करने वाला है। हे पर्वत, सोमवार-व्रत भी मुझे अत्यन्त प्रिय है।

श्लोक 42 (devibhagavatam.7.38.42)

तत्रापि देवीं सम्पूज्य रात्रौ भोजनमाचरेत् । नवरात्रद्वयं चैव व्रतं प्रीतिकरं मम

tatrāpi devīṁ sampūjya rātrau bhojanamācaret | navarātradvayaṁ caiva vrataṁ prītikaraṁ mama

उस दिन भी देवी की पूजा करके रात्रि में ही भोजन करना चाहिए। नवरात्र का जोड़ा भी मुझे प्रसन्न करने वाला व्रत है।

श्लोक 43 (devibhagavatam.7.38.43)

एवमन्यान्यपि विभो नित्यनैमित्तिकानि च । व्रतानि कुरुते यो वै मत्प्रीत्यर्थं विमत्सरः

evamanyānyapi vibho nityanaimittikāni ca | vratāni kurute yo vai matprītyarthaṁ vimatsaraḥ

हे प्रभो, इस प्रकार जो मनुष्य अन्य नित्य और नैमित्तिक व्रतों को भी मात्सर्य-रहित होकर मेरी प्रसन्नता के लिए करता है —

श्लोक 44 (devibhagavatam.7.38.44)

प्राप्नोति मम सायुज्यं स मे भक्तः स मे प्रियः । उत्सवानपि कुर्वीत दोलोत्सवसुखान्विभो

prāpnoti mama sāyujyaṁ sa me bhaktaḥ sa me priyaḥ | utsavānapi kurvīta dolotsavasukhānvibho

वह मेरे सायुज्य को प्राप्त करता है — वही मेरा भक्त है, वही मुझे प्रिय है। हे प्रभो, डोलोत्सव जैसे सुखद उत्सव भी मनाने चाहिए।

श्लोक 45 (devibhagavatam.7.38.45)

शयनोत्सवं यथा कुर्यात्तथा जागरणोत्सवम् । रथोत्सवं च मे कुर्याद्दमनोत्सवमेव च

śayanotsavaṁ yathā kuryāttathā jāgaraṇotsavam | rathotsavaṁ ca me kuryāddamanotsavameva ca

जिस प्रकार शयनोत्सव करना चाहिए, वैसे ही जागरणोत्सव भी; मेरा रथोत्सव भी करना चाहिए, और उसी प्रकार दमनोत्सव भी।

श्लोक 46 (devibhagavatam.7.38.46)

पवित्रोत्सवमेवापि श्रावणे प्रीतिकारकम् । मम भक्तः सदा कुर्यादेवमन्यान्महोत्सवान्

pavitrotsavamevāpi śrāvaṇe prītikārakam | mama bhaktaḥ sadā kuryādevamanyānmahotsavān

श्रावण मास में पवित्रोत्सव भी प्रसन्नता देने वाला है। मेरा भक्त सदा इस प्रकार अन्य महोत्सव भी करता रहे।

श्लोक 47 (devibhagavatam.7.38.47)

मद्भक्तान्भोजयेत्प्रीत्या तथा चैव सुवासिनीः । कुमारीर्बटुकांश्चापि मद्बुद्।ह्ध्या तद्गतान्तरः

madbhaktānbhojayetprītyā tathā caiva suvāsinīḥ | kumārīrbaṭukāṁścāpi madbud|hdhyā tadgatāntaraḥ

मेरे भक्तों को प्रेमपूर्वक भोजन कराए, तथा सुहागिन स्त्रियों को भी; कुमारियों और बालकों को भी मेरी ही बुद्धि से, उन्हीं में तल्लीन होकर —

श्लोक 48 (devibhagavatam.7.38.48)

वित्तशाठ्येन रहितो यजेदेतान्सुमादिभिः । य एवं कुरुते भक्त्या प्रतिवर्षमतन्द्रितः

vittaśāṭhyena rahito yajedetānsumādibhiḥ | ya evaṁ kurute bhaktyā prativarṣamatandritaḥ

धन के लोभ और छल से रहित होकर, फूलों आदि से उनकी पूजा करे। जो इस प्रकार प्रतिवर्ष अथक भक्ति से करता है —

श्लोक 49 (devibhagavatam.7.38.49)

स धन्यः कृतकृत्योऽसौ मत्प्रीतेः पात्रमञ्जसा । सर्वमुक्तं समासेन मम प्रीतिप्रदायकम्

sa dhanyaḥ kṛtakṛtyo'sau matprīteḥ pātramañjasā | sarvamuktaṁ samāsena mama prītipradāyakam

वह धन्य है, वह कृतकृत्य है, वह सचमुच मेरी प्रसन्नता का पात्र है। मुझे प्रसन्न करने वाला यह सब मैंने संक्षेप में कह दिया।

श्लोक 50 (devibhagavatam.7.38.50)

नाशिष्याय प्रदातव्यं नाभक्ताय कदाचन

nāśiṣyāya pradātavyaṁ nābhaktāya kadācana

यह अशिष्य को कभी नहीं देना चाहिए, और अभक्त को भी कभी नहीं देना चाहिए।