देवी गीता में भक्ति की महिमा का वर्णन

श्लोक 1 (devibhagavatam.7.37.1)

हिमालय उवाच । स्वीयां भक्तिं वदस्वाम्ब येन ज्ञानं सुखेन हि । जायेत मनुजस्यास्य मध्यमस्याविरागिणः

himālaya uvāca | svīyāṁ bhaktiṁ vadasvāmba yena jñānaṁ sukhena hi | jāyeta manujasyāsya madhyamasyāvirāgiṇaḥ

हिमालय ने कहा — हे माता, अपनी भक्ति के विषय में बताइए, जिससे मध्यम श्रेणी के, अनासक्त मनुष्य को सहजता से ज्ञान की प्राप्ति हो सके।

श्लोक 2 (devibhagavatam.7.37.2)

देव्युवाच । मार्गास्त्रयो मे विख्याता मोक्षप्राप्तौ नगाधिप । कर्मयोगो ज्ञानयोगो भक्तियोगश्च सत्तम

devyuvāca | mārgāstrayo me vikhyātā mokṣaprāptau nagādhipa | karmayogo jñānayogo bhaktiyogaśca sattama

देवी ने कहा — हे पर्वतराज, मोक्ष की प्राप्ति के लिए मेरे तीन मार्ग विख्यात हैं — कर्मयोग, ज्ञानयोग और भक्तियोग, हे सत्तम।

श्लोक 3 (devibhagavatam.7.37.3)

त्रयाणामप्ययं योग्यः कर्तुं शक्योऽस्ति सर्वथा । सुलभत्वान्मानसत्वात्कायचित्ताद्यपीडनात्

trayāṇāmapyayaṁ yogyaḥ kartuṁ śakyo'sti sarvathā | sulabhatvānmānasatvātkāyacittādyapīḍanāt

इन तीनों में से यह भक्तिमार्ग सर्वथा करने योग्य और सुगम है, क्योंकि यह सुलभ है, मानसिक है, और शरीर-चित्त आदि को कष्ट नहीं देता।

श्लोक 4 (devibhagavatam.7.37.4)

गुणभेदान्मनुष्याणां सा भक्तिस्त्रिविधा मता । परपीडां समुद्दिश्य दम्भं कृत्वा पुरःसरम्

guṇabhedānmanuṣyāṇāṁ sā bhaktistrividhā matā | parapīḍāṁ samuddiśya dambhaṁ kṛtvā puraḥsaram

मनुष्यों के गुण-भेद से वह भक्ति तीन प्रकार की मानी गई है। दूसरों को पीड़ा पहुँचाने के उद्देश्य से, दम्भ को आगे रखकर —

श्लोक 5 (devibhagavatam.7.37.5)

मात्सर्यक्रोधयुक्तो यस्तस्य भक्तिस्तु तामसी । परपीडादिरहितः स्वकल्याणार्थमेव च

mātsaryakrodhayukto yastasya bhaktistu tāmasī | parapīḍādirahitaḥ svakalyāṇārthameva ca

और ईर्ष्या-क्रोध से युक्त होकर की जाने वाली भक्ति तामसी कहलाती है। दूसरों को पीड़ा पहुँचाने से रहित, केवल अपने कल्याण के लिए —

श्लोक 6 (devibhagavatam.7.37.6)

नित्यं सकामो हृदयं यशोऽर्थी भोगलोलुपः । तत्तत्फलसमावाप्त्यै मामुपास्तेऽतिभक्तितः

nityaṁ sakāmo hṛdayaṁ yaśo'rthī bhogalolupaḥ | tattatphalasamāvāptyai māmupāste'tibhaktitaḥ

जिसका हृदय सदा कामनाओं से युक्त रहता है, जो यश की इच्छा रखता है, भोगों का लोभी है, वह उन-उन फलों की प्राप्ति के लिए अत्यन्त भक्ति से मेरी उपासना करता है —

श्लोक 7 (devibhagavatam.7.37.7)

भेदबुद्।ह्ध्या तु मां स्वस्मादन्यां जानाति पामरः । तस्य भक्तिः समाख्याता नगाधिप तु राजसी

bhedabud|hdhyā tu māṁ svasmādanyāṁ jānāti pāmaraḥ | tasya bhaktiḥ samākhyātā nagādhipa tu rājasī

और भेद-बुद्धि से जो तुच्छ मनुष्य मुझे अपने से भिन्न समझता है — हे पर्वतराज, उसकी भक्ति राजसी कही गई है।

श्लोक 8 (devibhagavatam.7.37.8)

परमेशार्पणं कर्म पापसङ्क्षालनाय च । वेदोक्तत्वादवश्यं तत्कर्तव्यं तु मयानिशम्

parameśārpaṇaṁ karma pāpasaṅkṣālanāya ca | vedoktatvādavaśyaṁ tatkartavyaṁ tu mayāniśam

'यह कर्म पापों के प्रक्षालन के लिए परमेश्वर को अर्पित है, वेद द्वारा कहे जाने के कारण यह मेरे द्वारा अवश्य ही सदा करने योग्य है' —

श्लोक 9 (devibhagavatam.7.37.9)

इति निश्चितबुद्धिस्तु भेदबुद्धिमुपाश्रितः । करोति प्रीतये कर्म भक्तिः सा नग सत्त्विकी

iti niścitabuddhistu bhedabuddhimupāśritaḥ | karoti prītaye karma bhaktiḥ sā naga sattvikī

इस प्रकार निश्चित बुद्धि वाला, भेद-बुद्धि का आश्रय लेने वाला जो मनुष्य प्रीति के लिए कर्म करता है — हे पर्वत, उसकी भक्ति सात्त्विकी है।

श्लोक 10 (devibhagavatam.7.37.10)

परभक्तेः प्रापिकेयं भेदबुद्।ह्ध्यवलम्बनात् । पूर्वप्रोक्ते ह्युभे भक्ती न परप्रापिके मते

parabhakteḥ prāpikeyaṁ bhedabud|hdhyavalambanāt | pūrvaprokte hyubhe bhaktī na paraprāpike mate

यह सात्त्विकी भक्ति परा भक्ति की प्राप्ति कराने वाली है, यद्यपि यह भी भेद-बुद्धि के आश्रय पर टिकी है; पूर्वोक्त दोनों भक्तियाँ परा भक्ति की प्राप्ति नहीं करातीं, ऐसा माना गया है।

श्लोक 11 (devibhagavatam.7.37.11)

अधुना परभक्तिं तु प्रोच्यमानां निबोध मे । मद्गुणश्रवणं नित्यं मम नामानुकीर्तनम्

adhunā parabhaktiṁ tu procyamānāṁ nibodha me | madguṇaśravaṇaṁ nityaṁ mama nāmānukīrtanam

अब मुझसे कही जा रही परा भक्ति को सुनो। मेरे गुणों का नित्य श्रवण, मेरे नाम का सतत कीर्तन —

श्लोक 12 (devibhagavatam.7.37.12)

कल्याणगुणरत्नानामाकरायां मयि स्थिरम् । चेतसो वर्तनं चैव तैलधारासमं सदा

kalyāṇaguṇaratnānāmākarāyāṁ mayi sthiram | cetaso vartanaṁ caiva tailadhārāsamaṁ sadā

कल्याणकारी गुण-रत्नों की खान मुझमें चित्त की स्थिर वृत्ति, जो तेल की धारा के समान अविच्छिन्न बनी रहती है —

श्लोक 13 (devibhagavatam.7.37.13)

हेतुस्तु तत्र को वापि न कदाचिद्भवेदपि । सामीप्यसार्ष्टिसायुज्यसालोक्यानां न चैषणा

hetustu tatra ko vāpi na kadācidbhavedapi | sāmīpyasārṣṭisāyujyasālokyānāṁ na caiṣaṇā

उसमें कोई कारण कभी भी नहीं होता; न सामीप्य, न सार्ष्टि, न सायुज्य, न सालोक्य की कोई इच्छा होती है।

श्लोक 14 (devibhagavatam.7.37.14)

मत्सेवातोऽधिकं किञ्चिन्नैव जानाति कर्हिचित् । सेव्यसेवकताभावात्तत्र मोक्षं न वाञ्छति

matsevāto'dhikaṁ kiñcinnaiva jānāti karhicit | sevyasevakatābhāvāttatra mokṣaṁ na vāñchati

मेरी सेवा से बढ़कर वह कुछ भी नहीं जानता; सेव्य-सेवक-भाव होने के कारण वह मोक्ष की भी इच्छा नहीं करता।

श्लोक 15 (devibhagavatam.7.37.15)

परानुरक्त्या मामेव चिन्तयेद्यो ह्यतन्द्रितः । स्वाभेदेनैव मां नित्यं जानाति न विभेदतः

parānuraktyā māmeva cintayedyo hyatandritaḥ | svābhedenaiva māṁ nityaṁ jānāti na vibhedataḥ

जो अथक भाव से परम अनुराग से मेरा ही चिन्तन करता है, जो मुझे सदा अपने से अभिन्न ही जानता है, भिन्न रूप से नहीं —

श्लोक 16 (devibhagavatam.7.37.16)

मद्रूपत्वेन जीवानां चिन्तनं कुरुते तु यः । यथा स्वस्यात्मनि प्रीतिस्तथैव च परात्मनि

madrūpatvena jīvānāṁ cintanaṁ kurute tu yaḥ | yathā svasyātmani prītistathaiva ca parātmani

जो समस्त जीवों का चिन्तन मेरे ही स्वरूप में करता है, जिसकी अपनी आत्मा में जैसी प्रीति है, वैसी ही अन्य की आत्मा में भी है —

श्लोक 17 (devibhagavatam.7.37.17)

चैतन्यस्य समानत्वान्न भेदं कुरुते तु यः । सर्वत्र वर्तमानानां सर्वरूपां च सर्वदा

caitanyasya samānatvānna bhedaṁ kurute tu yaḥ | sarvatra vartamānānāṁ sarvarūpāṁ ca sarvadā

जो चैतन्य के समान होने के कारण किसी में भेद नहीं करता, जो सर्वत्र विद्यमान समस्त प्राणियों को मुझ सर्वरूपा जानकर सदा —

श्लोक 18 (devibhagavatam.7.37.18)

नमते यजते चैवाप्याचाण्डालान्तमीश्वर । न कुत्रापि द्रोहबुद्धिं कुरुते भेदवर्जनात्

namate yajate caivāpyācāṇḍālāntamīśvara | na kutrāpi drohabuddhiṁ kurute bhedavarjanāt

चाण्डाल तक को भी ईश्वर मानकर नमन और पूजन करता है; भेद-भाव त्यागने के कारण कहीं भी किसी के प्रति द्रोह-बुद्धि नहीं रखता।

श्लोक 19 (devibhagavatam.7.37.19)

मत्स्थानदर्शने श्रद्धा मद्भक्तदर्शने तथा । मच्छास्त्रश्रवणे श्रद्धा मन्त्रतन्त्रादिषु प्रभो

matsthānadarśane śraddhā madbhaktadarśane tathā | macchāstraśravaṇe śraddhā mantratantrādiṣu prabho

मेरे स्थान के दर्शन में श्रद्धा, मेरे भक्तों के दर्शन में भी वैसी ही श्रद्धा; हे प्रभो, मेरे शास्त्र के श्रवण में, मन्त्र-तन्त्र आदि में श्रद्धा —

श्लोक 20 (devibhagavatam.7.37.20)

मायि प्रेमाकुलमती रोमाञ्चिततनुः सदा । प्रेमाश्रुजलपूर्णाक्षः कण्ठगद्गदनिस्वनः

māyi premākulamatī romāñcitatanuḥ sadā | premāśrujalapūrṇākṣaḥ kaṇṭhagadgadanisvanaḥ

मुझमें प्रेम से आकुल बुद्धि, सदा रोमांचित शरीर, प्रेमाश्रुओं से भरे नेत्र, गद्गद कण्ठ-ध्वनि —

श्लोक 21 (devibhagavatam.7.37.21)

अनन्येनैव भावेन पूजयेद्यो नगाधिप । मामीश्वरीं जगद्योनिं सर्वकारणकारणम्

ananyenaiva bhāvena pūjayedyo nagādhipa | māmīśvarīṁ jagadyoniṁ sarvakāraṇakāraṇam

हे पर्वतराज, जो अनन्य भाव से मुझ ईश्वरी, जगत् की योनि, समस्त कारणों के कारण की पूजा करता है —

श्लोक 22 (devibhagavatam.7.37.22)

व्रतानि मम दिव्यानि नित्यनैमित्तिकान्यपि । नित्यं यः कुरुते भक्त्या वित्तशाठ्यविवर्जितः

vratāni mama divyāni nityanaimittikānyapi | nityaṁ yaḥ kurute bhaktyā vittaśāṭhyavivarjitaḥ

जो नित्य और नैमित्तिक दोनों प्रकार के मेरे दिव्य व्रतों को सदा भक्तिपूर्वक करता है, धन के लोभ और छल-कपट से रहित —

श्लोक 23 (devibhagavatam.7.37.23)

मदुत्सवदिदृक्षा च मदुत्सवकृतिस्तथा । जायते यस्य नियतं स्वभावादेव भूधर

madutsavadidṛkṣā ca madutsavakṛtistathā | jāyate yasya niyataṁ svabhāvādeva bhūdhara

जिसमें मेरे उत्सवों को देखने और उन्हें मनाने की इच्छा स्वभावतः ही सदा उत्पन्न होती रहती है, हे भूधर —

श्लोक 24 (devibhagavatam.7.37.24)

उच्चैर्गायंश्च नामानि ममैव खलु नृत्यति । अहङ्कारादिरहितो देहतादात्म्यवर्जितः

uccairgāyaṁśca nāmāni mamaiva khalu nṛtyati | ahaṅkārādirahito dehatādātmyavarjitaḥ

जो ऊँचे स्वर में मेरे नाम गाते हुए नाचता है, अहंकार आदि से रहित होकर, देह के साथ तादात्म्य को त्यागकर —

श्लोक 25 (devibhagavatam.7.37.25)

प्रारब्धेन यथा यच्च क्रियते तत्तथा भवेत् । न मे चिन्तास्ति तत्रापि देहसंरक्षणादिषु

prārabdhena yathā yacca kriyate tattathā bhavet | na me cintāsti tatrāpi dehasaṁrakṣaṇādiṣu

जो कुछ भी प्रारब्ध से होना है, वह वैसा ही होगा — इस प्रकार शरीर की रक्षा आदि विषयों में भी जिसे कोई चिन्ता नहीं है।

श्लोक 26 (devibhagavatam.7.37.26)

इति भक्तिस्तु या प्रोक्ता परभक्तिस्तु सा स्मृता । यस्यां देव्यतिरिक्तं तु न किञ्चिदपि भाव्यते

iti bhaktistu yā proktā parabhaktistu sā smṛtā | yasyāṁ devyatiriktaṁ tu na kiñcidapi bhāvyate

इस प्रकार जो भक्ति कही गई, वही परा भक्ति मानी गई है, जिसमें देवी के अतिरिक्त और कुछ भी अनुभव नहीं होता।

श्लोक 27 (devibhagavatam.7.37.27)

इत्थं जाता परा भक्तिर्यस्य भूधर तत्त्वतः । तदैव तस्य चिन्मात्रे मद्रूपे विलयो भवेत्

itthaṁ jātā parā bhaktiryasya bhūdhara tattvataḥ | tadaiva tasya cinmātre madrūpe vilayo bhavet

हे भूधर, जिसमें इस प्रकार वास्तव में परा भक्ति उत्पन्न हो जाती है, उसका उसी समय शुद्ध चिन्मात्र, मेरे स्वरूप में विलय हो जाता है।

श्लोक 28 (devibhagavatam.7.37.28)

भक्तेस्तु या परा काष्ठा सैव ज्ञानं प्रकीर्तितम् । वैराग्यस्य च सीमा सा ज्ञाने तदुभयं यतः

bhaktestu yā parā kāṣṭhā saiva jñānaṁ prakīrtitam | vairāgyasya ca sīmā sā jñāne tadubhayaṁ yataḥ

भक्ति की जो चरम सीमा है, वही ज्ञान कहलाती है; और वैराग्य की भी वही सीमा है — क्योंकि ज्ञान में ये दोनों समाहित हो जाते हैं।

श्लोक 29 (devibhagavatam.7.37.29)

भक्तौ कृतायां यस्यापि प्रारब्धवशतो नग । न जायते मम ज्ञानं मणिद्वीपं स गच्छति

bhaktau kṛtāyāṁ yasyāpi prārabdhavaśato naga | na jāyate mama jñānaṁ maṇidvīpaṁ sa gacchati

हे पर्वत, जिसकी भक्ति सम्पन्न होने पर भी प्रारब्ध के वशीभूत होकर मेरा ज्ञान उत्पन्न नहीं होता, वह मणिद्वीप को प्राप्त होता है।

श्लोक 30 (devibhagavatam.7.37.30)

तत्र गत्वाखिलान्भोगाननिच्छन्नपि चर्च्छति । तदन्ते मम चिद्रूपज्ञानं सम्यग्भवेन्नग

tatra gatvākhilānbhogānanicchannapi carcchati | tadante mama cidrūpajñānaṁ samyagbhavennaga

वहाँ जाकर वह समस्त भोगों को, इच्छा न होते हुए भी, भोगता है; और उसके अन्त में उसे मेरे चिद्रूप का सम्यक् ज्ञान हो जाता है, हे पर्वत।

श्लोक 31 (devibhagavatam.7.37.31)

तेन मुक्तः सदैव स्याज्ज्ञानान्मुक्तिर्न चान्यथा । इहैव यस्य ज्ञानं स्याद्धृद्गतप्रत्यगात्मनः

tena muktaḥ sadaiva syājjñānānmuktirna cānyathā | ihaiva yasya jñānaṁ syāddhṛdgatapratyagātmanaḥ

उसके द्वारा वह सदा के लिए मुक्त हो जाता है — मुक्ति ज्ञान से ही होती है, अन्यथा नहीं। जिसे यहीं हृदय-स्थित प्रत्यगात्मा का ज्ञान हो जाता है —

श्लोक 32 (devibhagavatam.7.37.32)

मम संवित्परतनोस्तस्य प्राणा व्रजन्ति न । ब्रह्मैव संस्तदाप्नोति ब्रह्मैव ब्रह्म वेद यः

mama saṁvitparatanostasya prāṇā vrajanti na | brahmaiva saṁstadāpnoti brahmaiva brahma veda yaḥ

मेरी संवित् में लीन-तनु उसके प्राण कहीं नहीं जाते; वह ब्रह्म-स्वरूप होकर उसी ब्रह्म को प्राप्त होता है — जो ब्रह्म को जानता है, वह ब्रह्म ही हो जाता है।

श्लोक 33 (devibhagavatam.7.37.33)

कण्ठचामीकरसममज्ञानात्तु तिरोहितम् । ज्ञानादज्ञाननाशेन लब्धमेव हि लभ्यते

kaṇṭhacāmīkarasamamajñānāttu tirohitam | jñānādajñānanāśena labdhameva hi labhyate

जैसे गले में पड़ा हुआ स्वर्णाभूषण अज्ञान से छिपा रहता है, वैसे ही यह ज्ञान अज्ञान से आच्छादित है; अज्ञान के नाश से ज्ञान द्वारा वह पहले से प्राप्त वस्तु ही नए सिरे से पाई जाती है।

श्लोक 34 (devibhagavatam.7.37.34)

विदिताविदितादन्यन्नगोत्तम वपुर्मम । यथादर्शे तथात्मनि यथा जले तथा पितृलोके

viditāviditādanyannagottama vapurmama | yathādarśe tathātmani yathā jale tathā pitṛloke

हे पर्वतश्रेष्ठ, मेरा वह स्वरूप ज्ञात और अज्ञात दोनों से भिन्न है; जैसे दर्पण में प्रतिबिम्ब स्पष्ट दिखता है, वैसे ही आत्मा में; जैसे जल में धुँधला दिखता है, वैसे ही पितृलोक में।

श्लोक 35 (devibhagavatam.7.37.35)

छायातपौ यथा स्वच्छौ विविक्तौ तद्वदेव हि । मम लोके भवेज्ज्ञानं द्वैतभावविवर्जितम्

chāyātapau yathā svacchau viviktau tadvadeva hi | mama loke bhavejjñānaṁ dvaitabhāvavivarjitam

जैसे छाया और धूप स्पष्ट रूप से पृथक् दिखाई देते हैं, वैसे ही मेरे लोक में द्वैत-भाव से रहित स्पष्ट ज्ञान होता है।

श्लोक 36 (devibhagavatam.7.37.36)

यस्तु वैराग्यवानेव ज्ञानहीनो म्रियेत चेत् । ब्रह्मलोके वसेन्नित्यं यावत्कल्पं ततः परम्

yastu vairāgyavāneva jñānahīno mriyeta cet | brahmaloke vasennityaṁ yāvatkalpaṁ tataḥ param

और जो केवल वैराग्यवान् है परन्तु ज्ञानरहित है, यदि वह मर जाए, तो वह ब्रह्मलोक में एक कल्प तक निवास करता है, उसके पश्चात् —

श्लोक 37 (devibhagavatam.7.37.37)

शुचीनां श्रीमतां गेहे भवेत्तस्य जनिः पुनः । करोति साधनं पश्चात्ततो ज्ञानं हि जायते

śucīnāṁ śrīmatāṁ gehe bhavettasya janiḥ punaḥ | karoti sādhanaṁ paścāttato jñānaṁ hi jāyate

उसका पुनर्जन्म पवित्र और सम्पन्न लोगों के घर में होता है। फिर वह साधना करता है, और तत्पश्चात् उसे ज्ञान की प्राप्ति होती है।

श्लोक 38 (devibhagavatam.7.37.38)

अनेकजन्मभी राजंज्ञानं स्यान्नैकजन्मना । ततः सर्वप्रयत्नेन ज्ञानार्थं यत्नमाश्रयेत्

anekajanmabhī rājaṁjñānaṁ syānnaikajanmanā | tataḥ sarvaprayatnena jñānārthaṁ yatnamāśrayet

हे राजन्, ज्ञान अनेक जन्मों से प्राप्त होता है, एक ही जन्म से नहीं। इसलिए ज्ञान की प्राप्ति के लिए सम्पूर्ण प्रयत्न के साथ यत्न का आश्रय लेना चाहिए।

श्लोक 39 (devibhagavatam.7.37.39)

नोचेन्महान् विनाशः स्याज्जन्मैतद्दुर्लभं पुनः । तत्रापि प्रथमे वर्णे वेदप्राप्तिश्च दुर्लभा

nocenmahān vināśaḥ syājjanmaitaddurlabhaṁ punaḥ | tatrāpi prathame varṇe vedaprāptiśca durlabhā

अन्यथा महान् विनाश होगा, क्योंकि यह मनुष्य-जन्म फिर से पाना दुर्लभ है; और उसमें भी प्रथम वर्ण में जन्म तथा वेद की प्राप्ति भी दुर्लभ है।

श्लोक 40 (devibhagavatam.7.37.40)

शमादिषट्कसम्पत्तिर्योगसिद्धिस्तथैव च । तथोत्तमगुरुप्राप्तिः सर्वमेवात्र दुर्लभम्

śamādiṣaṭkasampattiryogasiddhistathaiva ca | tathottamaguruprāptiḥ sarvamevātra durlabham

शम आदि छह गुणों की सम्पत्ति, योग-सिद्धि, तथा उत्तम गुरु की प्राप्ति — यह सब यहाँ अत्यन्त दुर्लभ है।

श्लोक 41 (devibhagavatam.7.37.41)

तथेन्द्रियाणां पटुता संस्कृतत्वं तनोस्तथा । अनेकजन्मपुण्यैस्तु मोक्षेच्छा जायते ततः

tathendriyāṇāṁ paṭutā saṁskṛtatvaṁ tanostathā | anekajanmapuṇyaistu mokṣecchā jāyate tataḥ

इसी प्रकार इन्द्रियों की कुशलता, शरीर की सुसंस्कृतता — अनेक जन्मों के पुण्यों से ही मोक्ष की इच्छा उत्पन्न होती है।

श्लोक 42 (devibhagavatam.7.37.42)

साधने सफलेऽप्येवं जायमानेऽपि यो नरः । ज्ञानार्थं नैव यतते तस्य जन्म निरर्थकम्

sādhane saphale'pyevaṁ jāyamāne'pi yo naraḥ | jñānārthaṁ naiva yatate tasya janma nirarthakam

इस प्रकार साधन सफल होते हुए भी, अवसर उत्पन्न होते हुए भी, जो मनुष्य ज्ञान के लिए प्रयत्न नहीं करता, उसका जन्म व्यर्थ है।

श्लोक 43 (devibhagavatam.7.37.43)

तस्माद्राजन्यथाशक्त्या ज्ञानार्थं यत्नमाश्रयेत् । पदे पदेऽश्वमेधस्य फलमाप्नोति निश्चितम्

tasmādrājanyathāśaktyā jñānārthaṁ yatnamāśrayet | pade pade'śvamedhasya phalamāpnoti niścitam

इसलिए, हे राजन्, यथाशक्ति ज्ञान के लिए यत्न का आश्रय लेना चाहिए; इस प्रकार पग-पग पर निश्चित रूप से अश्वमेध यज्ञ का फल प्राप्त होता है।

श्लोक 44 (devibhagavatam.7.37.44)

घृतमिव पयसि निगूढं भूते भूते च वसति विज्ञानम् । सततं मन्थयितव्यं मनसा मन्थानभूतेन

ghṛtamiva payasi nigūḍhaṁ bhūte bhūte ca vasati vijñānam | satataṁ manthayitavyaṁ manasā manthānabhūtena

जैसे घी दूध में छिपा रहता है, वैसे ही सत्य ज्ञान प्रत्येक प्राणी में छिपा रहता है; मन को मथानी बनाकर उसे निरन्तर मथते रहना चाहिए।

श्लोक 45 (devibhagavatam.7.37.45)

ज्ञानं लब्ध्वा कृतार्थः स्यादिति वेदान्तडिण्डिमः । सर्वमुक्तं समासेन किं भूयः श्रोतुमिच्छसि

jñānaṁ labdhvā kṛtārthaḥ syāditi vedāntaḍiṇḍimaḥ | sarvamuktaṁ samāsena kiṁ bhūyaḥ śrotumicchasi

ज्ञान प्राप्त कर मनुष्य कृतार्थ हो जाता है — यही वेदान्त की उद्घोषणा है। मैंने संक्षेप में सब कुछ कह दिया; अब और क्या सुनना चाहते हो?