हरिवर्ष, केतुमाल और रम्यक

श्लोक 1 (devibhagavatam.8.9.1)

श्रीनारायण उवाच । हरिवर्षे च भगवान्नृहरिः पापनाशनः । वर्तते योगयुक्तात्मा भक्तानुग्रहकारकः

śrīnārāyaṇa uvāca | harivarṣe ca bhagavānnṛhariḥ pāpanāśanaḥ | vartate yogayuktātmā bhaktānugrahakārakaḥ

श्रीनारायण ने कहा — हरिवर्ष में पापनाशक भगवान् नृहरि, योगयुक्त आत्मा वाले, भक्तों पर अनुग्रह करने वाले विराजमान हैं।

श्लोक 2 (devibhagavatam.8.9.2)

तस्य तद्दयितं रूपं महाभागवतोऽसुरः । पश्यन्भक्तिसमायुक्तः स्तौति तद्गुणतत्त्ववित्

tasya taddayitaṁ rūpaṁ mahābhāgavato'suraḥ | paśyanbhaktisamāyuktaḥ stauti tadguṇatattvavit

उनके उस प्रिय रूप को देखकर, महान् भागवत असुर (प्रह्लाद), भक्तिपूर्ण होकर, उनके गुणों के तत्त्व को जानने वाला, स्तुति करता है।

श्लोक 3 (devibhagavatam.8.9.3)

प्रह्लाद उवाच । ॐ नमो भगवते नरसिंहाय नमस्तेजस्तेजसे आविराविर्भव वज्रदंष्ट्र कर्माशयान् रन्धय रन्धय तमो ग्रस ग्रस ॐ स्वाहा । अभयं ममात्मनि भूयिष्ठाः ॥ ॐ क्षौम् ॥ स्वस्त्यस्तु विश्वस्य खलः प्रसीदतां ध्यायन्तु भूतानि शिवं मिथो धिया । मनश्च भद्रं भजतादधोक्षजे आवेश्यतां नो मतिरप्यहैतुकी

prahlāda uvāca | oṁ namo bhagavate narasiṁhāya namastejastejase āvirāvirbhava vajradaṁṣṭra karmāśayān randhaya randhaya tamo grasa grasa oṁ svāhā | abhayaṁ mamātmani bhūyiṣṭhāḥ || oṁ kṣaum || svastyastu viśvasya khalaḥ prasīdatāṁ dhyāyantu bhūtāni śivaṁ mitho dhiyā | manaśca bhadraṁ bhajatādadhokṣaje āveśyatāṁ no matirapyahaitukī

प्रह्लाद ने कहा — "ॐ नमो भगवते नृसिंहाय, तेजों के तेज को नमस्कार! हे वज्रदंष्ट्र! प्रकट हों, प्रकट हों! हमारे कर्माशयों को विदीर्ण करें, विदीर्ण करें! अन्धकार को ग्रस लें, ग्रस लें! ॐ स्वाहा! मेरी आत्मा में अभय अत्यधिक हो! ॐ क्षौं! विश्व का कल्याण हो; दुष्ट प्रसन्न हों; प्राणी परस्पर बुद्धि से कल्याण का ध्यान करें; और मन अधोक्षज के प्रति कल्याणकारी भाव धारण करे; तथा हमारी बुद्धि, यद्यपि निष्काम हो, फिर भी आप में लीन हो।"

श्लोक 4 (devibhagavatam.8.9.4)

मागारदारात्मजवित्तबन्धुषु सङ्गो यदि स्याद्भगवत्प्रियेषु नः । यः प्राणवृत्त्या परितुष्ट आत्मवान् सिद्ध्यत्यदूरान्न तथेन्द्रियप्रियः

māgāradārātmajavittabandhuṣu saṅgo yadi syādbhagavatpriyeṣu naḥ | yaḥ prāṇavṛttyā parituṣṭa ātmavān siddhyatyadūrānna tathendriyapriyaḥ

"यदि हमें घर, स्त्री, पुत्र, धन और बन्धुओं में आसक्ति होनी ही है, तो वह भगवान् को प्रिय जनों के प्रति हो; जो प्राणवृत्ति मात्र से सन्तुष्ट, आत्मवान् है, वह शीघ्र ही सिद्धि प्राप्त करता है, इन्द्रियप्रिय के समान नहीं।"

श्लोक 5 (devibhagavatam.8.9.5)

यत्सङ्गलब्धं निजवीर्यवैभवं तीर्थं मुहुः संस्पृशतां हि मानसम् । हरत्यजोऽन्तः श्रुतिभिर्गतोऽङ्गजं को वै न सेवेत मुकुन्दविक्रमम्

yatsaṅgalabdhaṁ nijavīryavaibhavaṁ tīrthaṁ muhuḥ saṁspṛśatāṁ hi mānasam | haratyajo'ntaḥ śrutibhirgato'ṅgajaṁ ko vai na seveta mukundavikramam

"उनके संग से प्राप्त वह वीर्य-वैभव, मानो एक तीर्थ, जो बार-बार स्पर्श करने वालों के मन को पवित्र करता है; वे अजन्मा भीतर से, कानों द्वारा प्राप्त होकर, शरीर से उत्पन्न पाप को हर लेते हैं; ऐसे मुकुन्द के पराक्रम की सेवा कौन नहीं करेगा?"

श्लोक 6 (devibhagavatam.8.9.6)

यस्यास्ति भक्तिर्भगवत्यकिञ्चना सर्वैर्गुणैस्तत्र समासते सुराः । हरावभक्तस्य कुतो महद्गुणा मनोरथेनासति धावतो बहिः

yasyāsti bhaktirbhagavatyakiñcanā sarvairguṇaistatra samāsate surāḥ | harāvabhaktasya kuto mahadguṇā manorathenāsati dhāvato bahiḥ

"जिसकी भगवान् में निष्काम भक्ति है, उसमें सभी गुण उसी प्रकार निवास करते हैं जैसे देवता (स्वर्ग में); हरि के प्रति अभक्त में महान् गुण कहाँ से हों, जो असत् में मनोरथ से बाहर की ओर दौड़ता है?"

श्लोक 7 (devibhagavatam.8.9.7)

हरिर्हि साक्षाद्भगवाञ्छरीरिणा\- मात्मा झषाणामिव तोयमीप्सितम् । हित्वा महांस्तं यदि सज्जते गृहे तदा महत्त्वं वयसा दम्पतीनाम्

harirhi sākṣādbhagavāñcharīriṇā\- mātmā jhaṣāṇāmiva toyamīpsitam | hitvā mahāṁstaṁ yadi sajjate gṛhe tadā mahattvaṁ vayasā dampatīnām

"हरि साक्षात् शरीरधारियों की आत्मा हैं, जैसे मछलियों के लिए वांछित जल; उस महान् को छोड़कर यदि कोई घर में आसक्त हो, तो दम्पतियों की महानता केवल आयु के साथ ही रहती है।"

श्लोक 8 (devibhagavatam.8.9.8)

तस्माद्रजोरागविषादमन्यु\- मानस्पृहाभयदैन्याधिमूलम् । हित्वा गृहं संसृतिचक्रवालं नृसिंहपादं भजतां कुतो भयम्

tasmādrajorāgaviṣādamanyu\- mānaspṛhābhayadainyādhimūlam | hitvā gṛhaṁ saṁsṛticakravālaṁ nṛsiṁhapādaṁ bhajatāṁ kuto bhayam

"अतः रज, राग, विषाद, क्रोध, मान, स्पृहा, भय और दैन्य के मूल स्वरूप घर को, जो संसार-चक्र है, त्यागकर नृसिंह के चरणों की भक्ति करने वालों को भय कहाँ?"

श्लोक 9 (devibhagavatam.8.9.9)

एवं दैत्यपतिः सोऽपि भक्त्यानुदिनमीडते । नृहरिं पापमातङ्गहरिं हृत्पद्मवासिनम्

evaṁ daityapatiḥ so'pi bhaktyānudinamīḍate | nṛhariṁ pāpamātaṅgahariṁ hṛtpadmavāsinam

इस प्रकार वह दैत्यराज भी प्रतिदिन भक्तिपूर्वक, पापरूपी हाथी के लिए सिंह के समान, हृदय-कमल में निवास करने वाले नृहरि की स्तुति करता है।

श्लोक 10 (devibhagavatam.8.9.10)

केतुमाले च वर्षे हि भगवान्स्मररूपधृक् । आस्ते तद्वर्षनाथानां पूजनीयश्च सर्वदा

ketumāle ca varṣe hi bhagavānsmararūpadhṛk | āste tadvarṣanāthānāṁ pūjanīyaśca sarvadā

केतुमाल वर्ष में कामदेव का रूप धारण करने वाले भगवान् विराजते हैं, और वे उस वर्ष के स्वामियों द्वारा सदा पूजनीय हैं।

श्लोक 11 (devibhagavatam.8.9.11)

एतेनोपासते स्तोत्रजालेन च रमाब्धिजा । तद्वर्षनाथा सततं महतां मानदायिका

etenopāsate stotrajālena ca ramābdhijā | tadvarṣanāthā satataṁ mahatāṁ mānadāyikā

इस स्तोत्र-समूह से रमा (लक्ष्मी), जो क्षीरसागर से उत्पन्न हुई, उनकी उपासना करती है; उस वर्ष के स्वामी सदा महात्माओं को मान देने वाले —

श्लोक 12 (devibhagavatam.8.9.12)

रमोवाच । ॐ ह्रां ह्रीं ह्रूं स्म नमो भगवते हृषीकेशाय सर्वगुणविशेषैर्विलक्षितात्मने आकूतीनां चित्तीनां चेतसां विशेषाणां चाधिपतये षोडशकलाय छन्दोमयायान्नमयायामृतमयाय सर्वमयाय महसे ओजसे बलाय कान्ताय कामाय नमस्ते उभयत्र भूयात् । स्त्रियो व्रतैस्त्वां हृषीकेश्वरं स्वतो ह्याराध्य लोके पतिमाशासतेऽन्यम् । तासां न ते वै परिपान्त्यपत्यं प्रियं धनायूंषि यतोऽस्वतन्त्राः

ramovāca | oṁ hrāṁ hrīṁ hrūṁ sma namo bhagavate hṛṣīkeśāya sarvaguṇaviśeṣairvilakṣitātmane ākūtīnāṁ cittīnāṁ cetasāṁ viśeṣāṇāṁ cādhipataye ṣoḍaśakalāya chandomayāyānnamayāyāmṛtamayāya sarvamayāya mahase ojase balāya kāntāya kāmāya namaste ubhayatra bhūyāt | striyo vrataistvāṁ hṛṣīkeśvaraṁ svato hyārādhya loke patimāśāsate'nyam | tāsāṁ na te vai paripāntyapatyaṁ priyaṁ dhanāyūṁṣi yato'svatantrāḥ

रमा ने कहा — "ॐ ह्रां ह्रीं ह्रूं, भगवान् हृषीकेश को नमस्कार, जो सब गुणों की विशेषताओं से विलक्षण आत्मा वाले हैं; आकूतियों, चित्तों, मनों और उनकी विशेषताओं के अधिपति को; षोडशकला वाले, छन्दोमय, अन्नमय, अमृतमय, सर्वमय, तेज, ओज, बल, कान्तिमान, काम-स्वरूप को — दोनों लोकों में आपको नमस्कार हो। स्त्रियाँ अपने व्रतों से आपको ही हृषीकेश्वर मानकर पूजा करती हैं, फिर भी लोक में किसी अन्य को पति के रूप में चाहती हैं; परन्तु उनकी संतान, प्रिय धन और आयु की रक्षा आप नहीं करते, क्योंकि वे स्वतन्त्र नहीं हैं।"

श्लोक 13 (devibhagavatam.8.9.13)

स वै पतिः स्यादकुतोभयः स्वतः समन्ततः पाति भयातुरं जनम् । स एक एवेतरथा मिथो भयं नैवात्मलाभादधिमन्यते परम्

sa vai patiḥ syādakutobhayaḥ svataḥ samantataḥ pāti bhayāturaṁ janam | sa eka evetarathā mitho bhayaṁ naivātmalābhādadhimanyate param

"वही सच्चा पति हो सकता है जो स्वयं सर्वथा निर्भय हो, जो सब ओर से भयभीत जनों की रक्षा करे; वही एक है, अन्यथा परस्पर भय ही बना रहता है; वह अपनी आत्मा की प्राप्ति से बढ़कर कुछ और नहीं मानता।"

श्लोक 14 (devibhagavatam.8.9.14)

या तस्य ते पादसरोरुहार्हणं न कामयेत्साखिलकामलम्पटा । तदेव रासीप्सितमीप्सितोऽर्चितो यद्भग्नयाञ्चा भगवन् प्रतप्यते

yā tasya te pādasaroruhārhaṇaṁ na kāmayetsākhilakāmalampaṭā | tadeva rāsīpsitamīpsito'rcito yadbhagnayāñcā bhagavan pratapyate

"जो स्त्री, सम्पूर्ण कामनाओं में लिप्त होते हुए भी, आपके चरण-कमलों की अर्चना नहीं चाहती — वही वास्तव में इच्छित को प्राप्त करती है जब, हे भगवन्! उसकी याचना अस्वीकृत होने पर वह तपती है, चाहे वह पूजित और इच्छित ही क्यों न हो।"

श्लोक 15 (devibhagavatam.8.9.15)

मत्प्राप्तयेऽजेशसुरासुरादय\- स्तप्यन्त उग्रं तप ऐन्द्रिये धियः । ऋते भवत्पादपरायणान्न मां विदन्त्यहं त्वद्धृदया यतोऽजित

matprāptaye'jeśasurāsurādaya\- stapyanta ugraṁ tapa aindriye dhiyaḥ | ṛte bhavatpādaparāyaṇānna māṁ vidantyahaṁ tvaddhṛdayā yato'jita

"मुझे प्राप्त करने के लिए, हे अज-ईश! देव-असुर आदि उग्र तप करते हैं, फिर भी उनकी बुद्धि इन्द्रिय-विषयों में रहती है; आपके चरणों में परायण जनों को छोड़कर वे मुझे नहीं जानते — क्योंकि, हे अजित! मैं तो आपके हृदय की हूँ।"

श्लोक 16 (devibhagavatam.8.9.16)

स त्वं ममाप्यच्युत शीर्ष्णि वन्दितं कराम्बुजं यत्त्वदधायि सात्वताम् । बिभर्षि मां लक्ष्य वरेण्य मायया क ईश्वरस्येहितमूहितुं विभुः

sa tvaṁ mamāpyacyuta śīrṣṇi vanditaṁ karāmbujaṁ yattvadadhāyi sātvatām | bibharṣi māṁ lakṣya vareṇya māyayā ka īśvarasyehitamūhituṁ vibhuḥ

"हे अच्युत! आप ही अपने सिर पर मुझे भी धारण करते हैं, जो हाथ-कमल सात्वतों (भक्तों) पर रखा गया — हे वरेण्य! आप मुझे अपनी माया से धारण करते हैं; भगवान् के अभिप्राय को समझने में कौन समर्थ है?"

श्लोक 17 (devibhagavatam.8.9.17)

एवं कामं स्तुवन्त्येव लोकबन्धुस्वरूपिणम् । प्रजापतिमुखा वर्षनाथाः कामस्य सिद्धये

evaṁ kāmaṁ stuvantyeva lokabandhusvarūpiṇam | prajāpatimukhā varṣanāthāḥ kāmasya siddhaye

इस प्रकार प्रजापति आदि उस वर्ष के स्वामी, कामना की सिद्धि के लिए, लोक के बन्धु-स्वरूप काम की स्तुति करते हैं।

श्लोक 18 (devibhagavatam.8.9.18)

रम्यके नामवर्षे च मूर्तिं भगवतः पराम् । मात्स्यां देवासुरैर्वन्द्यां मनुः स्तौति निरन्तरम्

ramyake nāmavarṣe ca mūrtiṁ bhagavataḥ parām | mātsyāṁ devāsurairvandyāṁ manuḥ stauti nirantaram

रम्यक नामक वर्ष में मनु निरन्तर भगवान् के परम मत्स्य-रूप की, जो देवासुरों से वन्दित है, स्तुति करते हैं।

श्लोक 19 (devibhagavatam.8.9.19)

मनुरुवाच । ॐ नमो भगवते मुख्यतमाय नमः सत्त्वाय प्राणायौजसे बलाय महामत्स्याय नमः । अन्तर्बहिश्चाखिललोकपालकै\- रदृष्टरूपो विचरस्युरुस्वनः । स ईश्वरस्त्वं य इदं वशे नय\- न्नाम्ना यथा दारुमयीं नरः स्त्रियम्

manuruvāca | oṁ namo bhagavate mukhyatamāya namaḥ sattvāya prāṇāyaujase balāya mahāmatsyāya namaḥ | antarbahiścākhilalokapālakai\- radṛṣṭarūpo vicarasyurusvanaḥ | sa īśvarastvaṁ ya idaṁ vaśe naya\- nnāmnā yathā dārumayīṁ naraḥ striyam

मनु ने कहा — "ॐ नमो भगवते मुख्यतमाय, सत्त्व को नमस्कार, प्राण को, ओज को, बल को, महामत्स्य को नमस्कार। भीतर-बाहर सब लोकपालों से अदृष्ट रूप में, विशाल स्वर वाले, आप विचरण करते हैं; आप ही ईश्वर हैं, जो इसे अपने वश में इस प्रकार ले जाते हैं जैसे मनुष्य नाम से काष्ठ-निर्मित स्त्री को नचाता है।"

श्लोक 20 (devibhagavatam.8.9.20)

यं लोकपालाः किल मत्सरज्वरा हित्वा यतन्तोऽपि पृथक् समेत्य च । पातुं न शेकुर्द्विपदश्चतुष्पदः सरीसृपं स्थाणु यदत्र दृश्यते

yaṁ lokapālāḥ kila matsarajvarā hitvā yatanto'pi pṛthak sametya ca | pātuṁ na śekurdvipadaścatuṣpadaḥ sarīsṛpaṁ sthāṇu yadatra dṛśyate

"जिसे लोकपाल, ईर्ष्या-ज्वर से पीड़ित, पृथक्-पृथक् तथा मिलकर प्रयत्न करते हुए भी, द्विपद, चतुष्पद, सरीसृप और स्थावर, जो यहाँ दिखते हैं, रक्षा नहीं कर सके —"

श्लोक 21 (devibhagavatam.8.9.21)

भवान् युगान्तार्णव ऊर्मिमालिनि क्षोणीमिमामोषधिवीरुधां निधिम् । मया सहोरुक्रम तेऽज ओजसा तस्मै जगत्प्राणगणात्मने नमः

bhavān yugāntārṇava ūrmimālini kṣoṇīmimāmoṣadhivīrudhāṁ nidhim | mayā sahorukrama te'ja ojasā tasmai jagatprāṇagaṇātmane namaḥ

"आप युगान्त के तरंगमाला वाले समुद्र में, इस पृथ्वी को, जो औषधियों-लताओं का भण्डार है, मेरे साथ अपने ही बल से, हे विक्रमशाली अजन्मा! धारण करते हैं; उन जगत् के प्राणसमूह-स्वरूप आपको नमस्कार है।"

श्लोक 22 (devibhagavatam.8.9.22)

एवं स्तौति च देवेशं मनुः पार्थिवसत्तमः । मत्स्यावतारं देवेशं संशयच्छेदकारणम्

evaṁ stauti ca deveśaṁ manuḥ pārthivasattamaḥ | matsyāvatāraṁ deveśaṁ saṁśayacchedakāraṇam

इस प्रकार पृथ्वीपतियों में श्रेष्ठ मनु, संशय को काटने के कारणस्वरूप, देवेश मत्स्यावतार की स्तुति करते हैं।

श्लोक 23 (devibhagavatam.8.9.23)

ध्यानयोगेन देवस्य निर्धूताशेषकल्मषः । आस्ते परिचरन्भक्त्या महाभागवतोत्तमः

dhyānayogena devasya nirdhūtāśeṣakalmaṣaḥ | āste paricaranbhaktyā mahābhāgavatottamaḥ

भगवान् के ध्यानयोग से समस्त पापों से मुक्त होकर वे परम महाभागवतोत्तम भक्तिपूर्वक उनकी सेवा करते हुए विराजते हैं।