प्रकृति चरित्र वर्णन

श्लोक 1 (devibhagavatam.9.1.1)

श्रीनारायण उवाच । गणेशजननी दुर्गा राधा लक्ष्मीः सरस्वती । सावित्री च सृष्टिविधौ प्रकृतिः पञ्चधा स्मृता

śrīnārāyaṇa uvāca | gaṇeśajananī durgā rādhā lakṣmīḥ sarasvatī | sāvitrī ca sṛṣṭividhau prakṛtiḥ pañcadhā smṛtā

श्री नारायण ने कहा — गणेश की माता दुर्गा, राधा, लक्ष्मी, सरस्वती और सावित्री; सृष्टि के विधान में प्रकृति को पाँच रूपों में स्मरण किया गया है।

श्लोक 2 (devibhagavatam.9.1.2)

नारद उवाच । आविर्बभूव सा केन का वा सा ज्ञानिनांवर । किं वा तल्लक्षणं साधो बभूव पञ्चधा कथम्

nārada uvāca | āvirbabhūva sā kena kā vā sā jñānināṁvara | kiṁ vā tallakṣaṇaṁ sādho babhūva pañcadhā katham

नारद ने कहा — हे ज्ञानियों में श्रेष्ठ! वह किससे प्रकट हुई, वह कौन है? हे साधो! उसका क्या लक्षण है और वह पाँच प्रकार की कैसे हुई?

श्लोक 3 (devibhagavatam.9.1.3)

सर्वासां चरितं पूजाविधानं गुण ईप्सितः । अवतारः कुत्र कस्यास्तन्मे व्याख्यातुमर्हसि

sarvāsāṁ caritaṁ pūjāvidhānaṁ guṇa īpsitaḥ | avatāraḥ kutra kasyāstanme vyākhyātumarhasi

उन सबका चरित्र, पूजा-विधान, अभीष्ट गुण, तथा किसका अवतार कहाँ हुआ — यह सब आप मुझे बताने की कृपा करें।

श्लोक 4 (devibhagavatam.9.1.4)

श्रीनारायण उवाच । प्रकृतेर्लक्षणं वत्स को वा वक्तुं क्षमो भवेत् । किञ्चित्तथापि वक्ष्यामि यच्छ्रुतं धर्मवक्त्रतः

śrīnārāyaṇa uvāca | prakṛterlakṣaṇaṁ vatsa ko vā vaktuṁ kṣamo bhavet | kiñcittathāpi vakṣyāmi yacchrutaṁ dharmavaktrataḥ

श्री नारायण ने कहा — हे वत्स! प्रकृति के लक्षण को कहने में भला कौन समर्थ हो सकता है? फिर भी जो कुछ मैंने धर्मवक्ता के मुख से सुना है, वह कुछ कहूँगा।

श्लोक 5 (devibhagavatam.9.1.5)

प्रकृष्टवाचकः प्रश्न कृतिश्च सृष्टिवाचकः । सृष्टौ प्रकृष्टा या देवी प्रकृतिः सा प्रकीर्तिता

prakṛṣṭavācakaḥ praśna kṛtiśca sṛṣṭivācakaḥ | sṛṣṭau prakṛṣṭā yā devī prakṛtiḥ sā prakīrtitā

"प्र" शब्द श्रेष्ठता का वाचक है और "कृति" शब्द सृष्टि का वाचक है — जो देवी सृष्टि में सबसे श्रेष्ठ हैं, वे ही प्रकृति कही गई हैं।

श्लोक 6 (devibhagavatam.9.1.6)

गुणे सत्त्वे प्रकृष्टे च प्रशब्दो वर्तते श्रुतः । मध्यमे रजसि कृश्च तिशब्दस्तमसि स्मृतः

guṇe sattve prakṛṣṭe ca praśabdo vartate śrutaḥ | madhyame rajasi kṛśca tiśabdastamasi smṛtaḥ

गुणों में सत्त्व श्रेष्ठ है, इसलिए वहाँ "प्र" शब्द का प्रयोग सुना जाता है; मध्यम रजोगुण के लिए "कृ" तथा तमोगुण के लिए "ति" शब्द कहा गया है।

श्लोक 7 (devibhagavatam.9.1.7)

त्रिगुणात्मस्वरूपा या सा च शक्तिसमन्विता । प्रधाना सृष्टिकरणे प्रकृतिस्तेन कथ्यते

triguṇātmasvarūpā yā sā ca śaktisamanvitā | pradhānā sṛṣṭikaraṇe prakṛtistena kathyate

जो त्रिगुणात्मक स्वरूप वाली तथा शक्ति से युक्त हैं और सृष्टि-कार्य में प्रधान हैं, इसीलिए वे प्रकृति कही जाती हैं।

श्लोक 8 (devibhagavatam.9.1.8)

प्रथमे वर्तते प्रश्न कृतिश्च सृष्टिवाचकः । सृष्टेरादौ च या देवी प्रकृतिः सा प्रकीर्तिता

prathame vartate praśna kṛtiśca sṛṣṭivācakaḥ | sṛṣṭerādau ca yā devī prakṛtiḥ sā prakīrtitā

प्रथम अक्षर श्रेष्ठता का द्योतक है और "कृति" सृष्टि का वाचक है — सृष्टि के आदि में जो देवी थीं, वे ही प्रकृति कही गई हैं।

श्लोक 9 (devibhagavatam.9.1.9)

योगेनात्मा सृष्टिविधौ द्विधारूपो बभूव सः । पुमांश्च दक्षिणार्धाङ्गो वामार्धा प्रकृतिः स्मृता

yogenātmā sṛṣṭividhau dvidhārūpo babhūva saḥ | pumāṁśca dakṣiṇārdhāṅgo vāmārdhā prakṛtiḥ smṛtā

सृष्टि-रचना के समय योग द्वारा वह आत्मा दो रूपों में हो गया — दाहिना आधा अंग पुरुष तथा बायाँ आधा अंग प्रकृति कहा गया।

श्लोक 10 (devibhagavatam.9.1.10)

सा च ब्रह्मस्वरूपा च नित्या सा च सनातनी । यथाऽऽत्मा च तथा शक्तिर्यथाग्नौ दाहिका स्थिता

sā ca brahmasvarūpā ca nityā sā ca sanātanī | yathā''tmā ca tathā śaktiryathāgnau dāhikā sthitā

वह ब्रह्मस्वरूपा, नित्य तथा सनातन हैं; जैसे आत्मा है वैसे ही शक्ति है, जैसे अग्नि में दाहिका-शक्ति सदा स्थित रहती है।

श्लोक 11 (devibhagavatam.9.1.11)

अत एव हि योगीन्द्रैः स्त्रीपुम्भेदो न मन्यते । सर्वं ब्रह्ममयं ब्रह्मञ्छश्वत्सदपि नारद

ata eva hi yogīndraiḥ strīpumbhedo na manyate | sarvaṁ brahmamayaṁ brahmañchaśvatsadapi nārada

इसीलिए योगीन्द्रगण स्त्री-पुरुष का भेद नहीं मानते; हे नारद! यद्यपि यह सब सदा विद्यमान है, तथापि सब कुछ ब्रह्ममय ही है।

श्लोक 12 (devibhagavatam.9.1.12)

स्वेच्छामयस्येच्छया च श्रीकृष्णस्य सिसृक्षया । साऽऽविर्बभूव सहसा मूलप्रकृतिरीश्वरी

svecchāmayasyecchayā ca śrīkṛṣṇasya sisṛkṣayā | sā''virbabhūva sahasā mūlaprakṛtirīśvarī

स्वेच्छामय श्रीकृष्ण की इच्छा से तथा सृष्टि करने की कामना से वह ईश्वरी मूलप्रकृति सहसा प्रकट हुई।

श्लोक 13 (devibhagavatam.9.1.13)

तदाज्ञया पञ्चविधा सृष्टिकर्मविभेदिका । अथ भक्तानुरोधाद्वा भक्तानुग्रहविग्रहा

tadājñayā pañcavidhā sṛṣṭikarmavibhedikā | atha bhaktānurodhādvā bhaktānugrahavigrahā

उसकी आज्ञा से वह सृष्टि-कर्म के भेद के अनुसार पाँच प्रकार की हो गई, तथा भक्तों के अनुरोध पर उन पर अनुग्रह करने के लिए भी रूप धारण करती है।

श्लोक 14 (devibhagavatam.9.1.14)

गणेशमाता दुर्गा या शिवरूपा शिवप्रिया । नारायणी विष्णुमाया पूर्णब्रह्मस्वरूपिणी

gaṇeśamātā durgā yā śivarūpā śivapriyā | nārāyaṇī viṣṇumāyā pūrṇabrahmasvarūpiṇī

गणेश की माता दुर्गा, जो शिवरूपा और शिवप्रिया हैं, नारायणी, विष्णुमाया तथा पूर्ण ब्रह्मस्वरूपिणी हैं।

श्लोक 15 (devibhagavatam.9.1.15)

ब्रह्मादिदेवैर्मुनिभिर्मनुभिः पूजिता स्तुता । सर्वाधिष्ठातृदेवी सा शर्वरूपा सनातनी

brahmādidevairmunibhirmanubhiḥ pūjitā stutā | sarvādhiṣṭhātṛdevī sā śarvarūpā sanātanī

ब्रह्मादि देवों, मुनियों और मनुओं द्वारा पूजित तथा स्तुत, वे सर्वाधिष्ठात्री देवी शर्व का ही स्वरूप और सनातन हैं।

श्लोक 16 (devibhagavatam.9.1.16)

धर्मसत्यपुण्यकीर्तिर्यशोमङ्गलदायिनी । सुखमोक्षहर्षदात्री शोकार्तिदुःखनाशिनी

dharmasatyapuṇyakīrtiryaśomaṅgaladāyinī | sukhamokṣaharṣadātrī śokārtiduḥkhanāśinī

वे धर्म, सत्य, पुण्य, कीर्ति, यश तथा मंगल प्रदान करने वाली हैं; सुख, मोक्ष और हर्ष देने वाली तथा शोक, पीड़ा एवं दुःख का नाश करने वाली हैं।

श्लोक 17 (devibhagavatam.9.1.17)

शरणागतदीनार्तपरित्राणपरायणा । तेजःस्वरूपा परमा तदधिष्ठातृदेवता

śaraṇāgatadīnārtaparitrāṇaparāyaṇā | tejaḥsvarūpā paramā tadadhiṣṭhātṛdevatā

वे शरणागत, दीन और पीड़ितों की रक्षा में सदा तत्पर रहती हैं; वे तेजःस्वरूपा, परम तथा तेज की अधिष्ठात्री देवी हैं।

श्लोक 18 (devibhagavatam.9.1.18)

सर्वशक्तिस्वरूपा च शक्तिरीशस्य सन्ततम् । सिद्धेश्वरी सिद्धिरूपा सिद्धिदा सिद्धिरीश्वरी

sarvaśaktisvarūpā ca śaktirīśasya santatam | siddheśvarī siddhirūpā siddhidā siddhirīśvarī

वे सर्वशक्तिस्वरूपा हैं तथा सदा ईश्वर की शक्ति हैं; सिद्धेश्वरी, सिद्धिरूपा, सिद्धिदायिनी तथा सिद्धियों की ईश्वरी हैं।

श्लोक 19 (devibhagavatam.9.1.19)

बुद्धिर्निद्रा क्षुत्पिपासा छाया तन्द्रा दया स्मृतिः । जातिः क्षान्तिश्च भ्रान्तिश्च शान्तिः कान्तिश्च चेतना

buddhirnidrā kṣutpipāsā chāyā tandrā dayā smṛtiḥ | jātiḥ kṣāntiśca bhrāntiśca śāntiḥ kāntiśca cetanā

वे बुद्धि, निद्रा, भूख-प्यास, छाया, तन्द्रा, दया, स्मृति, जाति, क्षमा, भ्रान्ति, शान्ति, कान्ति तथा चेतना के रूप में हैं।

श्लोक 20 (devibhagavatam.9.1.20)

तुष्टिः पुष्टिस्तथा लक्ष्मीर्धृतिर्माया तथैव च । सर्वशक्तिस्वरूपा सा कृष्णस्य परमात्मनः

tuṣṭiḥ puṣṭistathā lakṣmīrdhṛtirmāyā tathaiva ca | sarvaśaktisvarūpā sā kṛṣṇasya paramātmanaḥ

वे तुष्टि, पुष्टि, लक्ष्मी, धृति तथा माया भी हैं — वे परमात्मा श्रीकृष्ण की सर्वशक्तिस्वरूपा हैं।

श्लोक 21 (devibhagavatam.9.1.21)

उक्तः श्रुतौ श्रुतगुणश्चातिस्वल्पो यथागमम् । गुणोऽस्त्यनन्तोऽनन्ताया अपरां च निशामय

uktaḥ śrutau śrutaguṇaścātisvalpo yathāgamam | guṇo'styananto'nantāyā aparāṁ ca niśāmaya

श्रुति में उनके गुण संक्षेप में ही कहे गए हैं, यद्यपि आगम के अनुसार उस अनन्ता के गुण अनन्त हैं; अब दूसरी देवी के विषय में सुनो।

श्लोक 22 (devibhagavatam.9.1.22)

शुद्धसत्त्वस्वरूपा या पद्मा सा परमात्मनः । सर्वसम्पत्स्वरूपा सा तदधिष्ठातृदेवता

śuddhasattvasvarūpā yā padmā sā paramātmanaḥ | sarvasampatsvarūpā sā tadadhiṣṭhātṛdevatā

जो शुद्ध सत्त्वस्वरूपा पद्मा हैं, वे परमात्मा की हैं; वे सर्वसम्पत्तिस्वरूपा तथा उसकी अधिष्ठात्री देवी हैं।

श्लोक 23 (devibhagavatam.9.1.23)

कान्तातिदान्ता शान्ता च सुशीला सर्वमङ्गला । लोभमोहकामरोषमदाहङ्कारवर्जिता

kāntātidāntā śāntā ca suśīlā sarvamaṅgalā | lobhamohakāmaroṣamadāhaṅkāravarjitā

वे अत्यन्त सुन्दर, संयमी, शान्त, सुशील तथा सर्वमंगलकारिणी हैं; लोभ, मोह, काम, क्रोध, मद और अहंकार से रहित हैं।

श्लोक 24 (devibhagavatam.9.1.24)

भक्तानुरक्ता पत्युश्च सर्वाभ्यश्च पतिव्रता । प्राणतुल्या भगवतः प्रेमपात्रं प्रियंवदा

bhaktānuraktā patyuśca sarvābhyaśca pativratā | prāṇatulyā bhagavataḥ premapātraṁ priyaṁvadā

वे भक्तों तथा अपने पति में अनुरक्त, सब पतिव्रताओं में श्रेष्ठ हैं; भगवान की प्राणतुल्या, प्रेमपात्र तथा प्रियवचन बोलने वाली हैं।

श्लोक 25 (devibhagavatam.9.1.25)

सर्वसस्यात्मिका देवी जीवनोपायरूपिणी । महालक्ष्मीश्च वैकुण्ठे पतिसेवारता सती

sarvasasyātmikā devī jīvanopāyarūpiṇī | mahālakṣmīśca vaikuṇṭhe patisevāratā satī

वे देवी सभी अन्न-धान्य की आत्मा तथा जीवनोपाय-स्वरूपा हैं; वैकुण्ठ में महालक्ष्मी के रूप में पतिसेवा में रत रहने वाली सती हैं।

श्लोक 26 (devibhagavatam.9.1.26)

स्वर्गे च स्वर्गलक्ष्मीश्च राजलक्ष्मीश्च राजसु । गृहेषु गृहलक्ष्मीश्च मर्त्यानां गृहिणां तथा

svarge ca svargalakṣmīśca rājalakṣmīśca rājasu | gṛheṣu gṛhalakṣmīśca martyānāṁ gṛhiṇāṁ tathā

स्वर्ग में वे स्वर्गलक्ष्मी, राजाओं में राजलक्ष्मी तथा मनुष्यों के घरों में गृहलक्ष्मी के रूप में विद्यमान हैं।

श्लोक 27 (devibhagavatam.9.1.27)

सर्वप्राणिषु द्रव्येषु शोभारूपा मनोहरा । कीर्तिरूपा पुण्यवतां प्रभारूपा नृपेषु च

sarvaprāṇiṣu dravyeṣu śobhārūpā manoharā | kīrtirūpā puṇyavatāṁ prabhārūpā nṛpeṣu ca

सभी प्राणियों और वस्तुओं में वे मनोहर शोभा के रूप में, पुण्यवानों में कीर्ति के रूप में तथा राजाओं में प्रभा के रूप में हैं।

श्लोक 28 (devibhagavatam.9.1.28)

वाणिज्यरूपा वणिजां पापिनां कलहाङ्कुरा । दयारूपा च कथिता वेदोक्ता सर्वसम्मता

vāṇijyarūpā vaṇijāṁ pāpināṁ kalahāṅkurā | dayārūpā ca kathitā vedoktā sarvasammatā

व्यापारियों में वे व्यापार के रूप में तथा पापियों में कलह के अंकुर के रूप में हैं; वेदों में वे दयारूपा कही गई हैं और सर्वसम्मत हैं।

श्लोक 29 (devibhagavatam.9.1.29)

सर्वपूज्या सर्ववन्द्या चान्यां मत्तो निशामय । वाग्बुद्धिविद्याज्ञानाधिष्ठात्री च परमात्मनः

sarvapūjyā sarvavandyā cānyāṁ matto niśāmaya | vāgbuddhividyājñānādhiṣṭhātrī ca paramātmanaḥ

वे सब द्वारा पूज्य और वन्दनीय हैं; अब मुझसे दूसरी देवी के विषय में सुनो, जो परमात्मा की वाणी, बुद्धि, विद्या तथा ज्ञान की अधिष्ठात्री हैं।

श्लोक 30 (devibhagavatam.9.1.30)

सर्वविद्यास्वरूपा या सा च देवी सरस्वती । सा बुद्धिः कविता मेधा प्रतिभा स्मृतिदा नृणाम्

sarvavidyāsvarūpā yā sā ca devī sarasvatī | sā buddhiḥ kavitā medhā pratibhā smṛtidā nṛṇām

जो सभी विद्याओं की स्वरूपा हैं, वे ही देवी सरस्वती हैं; वे मनुष्यों को बुद्धि, कवित्व, मेधा, प्रतिभा तथा स्मृति प्रदान करने वाली हैं।

श्लोक 31 (devibhagavatam.9.1.31)

नानाप्रकारसिद्धान्तभेदार्थकलना मता । व्याख्याबोधस्वरूपा च सर्वसन्देहभञ्जिनी

nānāprakārasiddhāntabhedārthakalanā matā | vyākhyābodhasvarūpā ca sarvasandehabhañjinī

वे नाना प्रकार के सिद्धान्तों के भेद और अर्थ की योजना करने वाली मानी गई हैं; वे व्याख्या और बोध का स्वरूप हैं तथा सब संदेहों का निवारण करने वाली हैं।

श्लोक 32 (devibhagavatam.9.1.32)

विचारकारिणी ग्रन्थकारिणी शक्तिरूपिणी । स्वरसङ्गीतसन्धानतालकारणरूपिणी

vicārakāriṇī granthakāriṇī śaktirūpiṇī | svarasaṅgītasandhānatālakāraṇarūpiṇī

वे विचार करने वाली, ग्रन्थ रचने वाली तथा शक्तिस्वरूपा हैं; वे स्वर, संगीत, तालमेल तथा ताल के कारणस्वरूप हैं।

श्लोक 33 (devibhagavatam.9.1.33)

विषयज्ञानवाग्रूपा प्रतिविश्वोपजीविनी । व्याख्यावादकरी शान्ता वीणापुस्तकधारिणी

viṣayajñānavāgrūpā prativiśvopajīvinī | vyākhyāvādakarī śāntā vīṇāpustakadhāriṇī

वे विषय-ज्ञान और वाणी की स्वरूपा हैं, जिन पर प्रत्येक जीव जीवित रहता है; वे व्याख्या और वाद करने वाली, शान्त तथा वीणा-पुस्तकधारिणी हैं।

श्लोक 34 (devibhagavatam.9.1.34)

शुद्धसत्त्वस्वरूपा च सुशीला श्रीहरिप्रिया । हिमचन्दनकुन्देन्दुकुमुदाम्भोजसन्निभा

śuddhasattvasvarūpā ca suśīlā śrīharipriyā | himacandanakundendukumudāmbhojasannibhā

वे शुद्ध सत्त्वस्वरूपा, सुशीला तथा श्रीहरि की प्रिय हैं; वे हिम, चन्दन, कुन्द, चन्द्रमा, कुमुद और कमल के समान उज्ज्वल हैं।

श्लोक 35 (devibhagavatam.9.1.35)

यजन्ती परमात्मानं श्रीकृष्णं रत्नमालया । तपःस्वरूपा तपसां फलदात्री तपस्विनाम्

yajantī paramātmānaṁ śrīkṛṣṇaṁ ratnamālayā | tapaḥsvarūpā tapasāṁ phaladātrī tapasvinām

वे रत्नमाला से परमात्मा श्रीकृष्ण का यजन करने वाली हैं; वे तपःस्वरूपा तथा तपस्वियों को तप का फल देने वाली हैं।

श्लोक 36 (devibhagavatam.9.1.36)

सिद्धिविद्यास्वरूपा च सर्वसिद्धिप्रदा सदा । यया विना तु विप्रौघो मूको मृतसमः सदा

siddhividyāsvarūpā ca sarvasiddhipradā sadā | yayā vinā tu vipraugho mūko mṛtasamaḥ sadā

वे सिद्धविद्यास्वरूपा और सदा सर्वसिद्धि देने वाली हैं; उनके बिना ब्राह्मणों का समूह सदा मूक और मृतक के समान हो जाता है।

श्लोक 37 (devibhagavatam.9.1.37)

देवी तृतीया गदिता श्रुत्युक्ता जगदम्बिका । यथागमं यथाकिञ्चिदपरां त्वं निबोध मे

devī tṛtīyā gaditā śrutyuktā jagadambikā | yathāgamaṁ yathākiñcidaparāṁ tvaṁ nibodha me

इस प्रकार तीसरी देवी, जो श्रुति में कही गई जगदम्बिका हैं, वर्णित हुईं; अब आगम के अनुसार जो कुछ है, वह तुम मुझसे दूसरी के विषय में सुनो।

श्लोक 38 (devibhagavatam.9.1.38)

माता चतुर्णां वर्णानां वेदाङ्गानां च छन्दसाम् । सन्ध्यावन्दनमन्त्राणां तन्त्राणां च विचक्षणा

mātā caturṇāṁ varṇānāṁ vedāṅgānāṁ ca chandasām | sandhyāvandanamantrāṇāṁ tantrāṇāṁ ca vicakṣaṇā

वे चारों वर्णों, वेदांगों और छन्दों की माता हैं; वे संध्यावन्दन के मन्त्रों और तन्त्रों में भी निपुण हैं।

श्लोक 39 (devibhagavatam.9.1.39)

द्विजातिजातिरूपा च जपरूपा तपस्विनी । ब्रह्मण्यतेजोरूपा च सर्वसंस्काररूपिणी

dvijātijātirūpā ca japarūpā tapasvinī | brahmaṇyatejorūpā ca sarvasaṁskārarūpiṇī

वे द्विजों के जन्म का स्वरूप, जप का स्वरूप तथा तपस्विनी हैं; वे ब्राह्मणों के तेज का स्वरूप तथा सभी संस्कारों की स्वरूपा हैं।

श्लोक 40 (devibhagavatam.9.1.40)

पवित्ररूपा सावित्री गायत्री ब्रह्मणः प्रिया । तीर्थानि यस्याः संस्पर्शं वाञ्छन्ति ह्यात्मशुद्धये

pavitrarūpā sāvitrī gāyatrī brahmaṇaḥ priyā | tīrthāni yasyāḥ saṁsparśaṁ vāñchanti hyātmaśuddhaye

वे पवित्रस्वरूपा सावित्री, गायत्री तथा ब्रह्मा की प्रिया हैं; तीर्थ भी अपनी शुद्धि के लिए उनके स्पर्श की कामना करते हैं।

श्लोक 41 (devibhagavatam.9.1.41)

शुद्धस्फटिकसङ्काशा शुद्धसत्त्वस्वरूपिणी । परमानन्दरूपा च परमा च सनातनी

śuddhasphaṭikasaṅkāśā śuddhasattvasvarūpiṇī | paramānandarūpā ca paramā ca sanātanī

वे शुद्ध स्फटिक के समान उज्ज्वल तथा शुद्ध सत्त्वस्वरूपा हैं; वे परमानन्दस्वरूपा, परम तथा सनातन हैं।

श्लोक 42 (devibhagavatam.9.1.42)

परब्रह्मस्वरूपा च निर्वाणपददायिनी । ब्रह्मतेजोमयी शक्तिस्तदधिष्ठातृदेवता

parabrahmasvarūpā ca nirvāṇapadadāyinī | brahmatejomayī śaktistadadhiṣṭhātṛdevatā

वे परब्रह्मस्वरूपा तथा निर्वाणपद देने वाली हैं; वे ब्रह्मतेजोमयी शक्ति तथा उसकी अधिष्ठात्री देवी हैं।

श्लोक 43 (devibhagavatam.9.1.43)

यत्पादरजसा पूतं जगत्सर्वं च नारद । देवी चतुर्थी कथिता पञ्चमीं वर्णयामि ते

yatpādarajasā pūtaṁ jagatsarvaṁ ca nārada | devī caturthī kathitā pañcamīṁ varṇayāmi te

हे नारद! जिनके चरणों की रज से सारा जगत पवित्र होता है, ऐसी चतुर्थ देवी का वर्णन हुआ; अब मैं तुम्हें पाँचवीं देवी का वर्णन सुनाता हूँ।

श्लोक 44 (devibhagavatam.9.1.44)

पञ्चप्राणाधिदेवी या पञ्चप्राणस्वरूपिणी । प्राणाधिकप्रियतमा सर्वाभ्यः सुन्दरी परा

pañcaprāṇādhidevī yā pañcaprāṇasvarūpiṇī | prāṇādhikapriyatamā sarvābhyaḥ sundarī parā

जो पाँचों प्राणों की अधिष्ठात्री देवी तथा पाँचों प्राणों की स्वरूपा हैं, वे प्राणों से भी अधिक प्रिय तथा सबसे परम सुन्दरी हैं।

श्लोक 45 (devibhagavatam.9.1.45)

सर्वयुक्ता च सौभाग्यमानिनी गौरवान्विता । वामाङ्गार्धस्वरूपा च गुणेन तेजसा समा

sarvayuktā ca saubhāgyamāninī gauravānvitā | vāmāṅgārdhasvarūpā ca guṇena tejasā samā

वे सर्वगुणयुक्त, सौभाग्य का अभिमान रखने वाली तथा गौरवान्विता हैं; वे कृष्ण के बाएँ आधे अंग की स्वरूपा हैं और गुण एवं तेज में उनके समान हैं।

श्लोक 46 (devibhagavatam.9.1.46)

परावरा सारभूता परमाद्या सनातनी । परमानन्दरूपा च धन्या मान्या च पूजिता

parāvarā sārabhūtā paramādyā sanātanī | paramānandarūpā ca dhanyā mānyā ca pūjitā

वे उत्कृष्ट और साधारण दोनों में सारभूता, परम आद्या तथा सनातन हैं; वे परमानन्दस्वरूपा, धन्या, माननीया तथा पूजित हैं।

श्लोक 47 (devibhagavatam.9.1.47)

रासक्रीडाधिदेवी श्रीकृष्णस्य परमात्मनः । रासमण्डलसम्भूता रासमण्डलमण्डिता

rāsakrīḍādhidevī śrīkṛṣṇasya paramātmanaḥ | rāsamaṇḍalasambhūtā rāsamaṇḍalamaṇḍitā

वे परमात्मा श्रीकृष्ण की रासक्रीड़ा की अधिष्ठात्री देवी हैं; वे रासमण्डल में उत्पन्न हुई और रासमण्डल की शोभा बढ़ाने वाली हैं।

श्लोक 48 (devibhagavatam.9.1.48)

रासेश्वरी सुरसिका रासावासनिवासिनी । गोलोकवासिनी देवी गोपीवेषविधायिका

rāseśvarī surasikā rāsāvāsanivāsinī | golokavāsinī devī gopīveṣavidhāyikā

वे रासेश्वरी, अत्यन्त रसिक तथा रासस्थल में निवास करने वाली हैं; वे गोलोकवासिनी देवी गोपी का वेष धारण करती हैं।

श्लोक 49 (devibhagavatam.9.1.49)

परमाह्लादरूपा च सन्तोषहर्षरूपिणी । निर्गुणा च निराकारा निर्लिप्ताऽऽत्मस्वरूपिणी

paramāhlādarūpā ca santoṣaharṣarūpiṇī | nirguṇā ca nirākārā nirliptā''tmasvarūpiṇī

वे परम आह्लाद की स्वरूपा तथा सन्तोष एवं हर्ष की स्वरूपा हैं; वे निर्गुण, निराकार तथा निर्लिप्त आत्मस्वरूपा हैं।

श्लोक 50 (devibhagavatam.9.1.50)

निरीहा निरहङ्कारा भक्तानुग्रहविग्रहा । वेदानुसारिध्यानेन विज्ञाता मा विचक्षणैः

nirīhā nirahaṅkārā bhaktānugrahavigrahā | vedānusāridhyānena vijñātā mā vicakṣaṇaiḥ

वे निष्काम, निरहंकार तथा भक्तों पर अनुग्रह करने के लिए रूप धारण करने वाली हैं; वेदानुसार ध्यान से ही विद्वानों द्वारा वे जानी जाती हैं।

श्लोक 51 (devibhagavatam.9.1.51)

दृष्टिदृष्टा न सा चेशैः सुरेन्द्रैर्मुनिपुङ्गवैः । वह्निशुद्धांशुकधरा नानालङ्कारभूषिता

dṛṣṭidṛṣṭā na sā ceśaiḥ surendrairmunipuṅgavaiḥ | vahniśuddhāṁśukadharā nānālaṅkārabhūṣitā

वे न तो ईश्वरों, न देवराज इन्द्र, न श्रेष्ठ मुनियों द्वारा सामान्य दृष्टि से देखी गई हैं; वे अग्नि के समान शुद्ध वस्त्र धारण करने वाली तथा नाना अलंकारों से भूषित हैं।

श्लोक 52 (devibhagavatam.9.1.52)

कोटिचन्द्रप्रभा पुष्टसर्वश्रीयुक्तविग्रहा । श्रीकृष्णभक्तिदास्यैककरा च सर्वसम्पदाम्

koṭicandraprabhā puṣṭasarvaśrīyuktavigrahā | śrīkṛṣṇabhaktidāsyaikakarā ca sarvasampadām

वे करोड़ों चन्द्रमाओं की प्रभा वाली, समस्त शोभा से पूर्ण शरीर वाली हैं; वे श्रीकृष्ण की भक्ति और दास्य तथा समस्त सम्पदाओं की एकमात्र प्रदाता हैं।

श्लोक 53 (devibhagavatam.9.1.53)

अवतारे च वाराहे वृषभानुसुता च या । यत्पादपद्मसंस्पर्शात्पवित्रा च वसुन्धरा

avatāre ca vārāhe vṛṣabhānusutā ca yā | yatpādapadmasaṁsparśātpavitrā ca vasundharā

वराह अवतार में वे ही वृषभानु की पुत्री हुईं; जिनके चरणकमल के स्पर्श से पृथ्वी पवित्र हो जाती है।

श्लोक 54 (devibhagavatam.9.1.54)

ब्रह्मादिभिरदृष्टा या सर्वैर्दृष्टा च भारते । स्त्रीरत्नसारसम्भूता कृष्णवक्षःस्थले स्थिता

brahmādibhiradṛṣṭā yā sarvairdṛṣṭā ca bhārate | strīratnasārasambhūtā kṛṣṇavakṣaḥsthale sthitā

जो ब्रह्मादि देवों द्वारा भी न देखी जा सकीं, वे भारतवर्ष में सबके द्वारा देखी गईं; वे स्त्रीरत्नों के सार से उत्पन्न तथा श्रीकृष्ण के वक्षःस्थल पर स्थित रहती हैं।

श्लोक 55 (devibhagavatam.9.1.55)

यथाम्बरे नवघने लोला सौदामनी मुने । षष्टिवर्षसहस्राणि प्रतप्तं ब्रह्मणा पुरा

yathāmbare navaghane lolā saudāmanī mune | ṣaṣṭivarṣasahasrāṇi prataptaṁ brahmaṇā purā

हे मुनि! जैसे नवीन मेघ में चंचल बिजली होती है, वैसी ही वे हैं; पूर्वकाल में ब्रह्मा ने साठ हजार वर्षों तक इसी हेतु तप किया था।

श्लोक 56 (devibhagavatam.9.1.56)

यत्पादपद्मनखरदृष्टये चात्मशुद्धये । न च दृष्टं च स्वप्नेऽपि प्रत्यक्षस्यापि का कथा

yatpādapadmanakharadṛṣṭaye cātmaśuddhaye | na ca dṛṣṭaṁ ca svapne'pi pratyakṣasyāpi kā kathā

उनके चरणकमल के नखों के दर्शन और आत्मशुद्धि के लिए ब्रह्मा ने तप किया, फिर भी स्वप्न में भी उनका दर्शन नहीं हुआ, प्रत्यक्ष दर्शन की तो बात ही क्या।

श्लोक 57 (devibhagavatam.9.1.57)

तेनैव तपसा दृष्टा भुवि वृन्दावने वने । कथिता पञ्चमी देवी सा राधा च प्रकीर्तिता

tenaiva tapasā dṛṣṭā bhuvi vṛndāvane vane | kathitā pañcamī devī sā rādhā ca prakīrtitā

उसी तप के प्रभाव से वे पृथ्वी पर वृन्दावन में देखी गईं; इस प्रकार पाँचवीं देवी का वर्णन हुआ, जो राधा नाम से प्रसिद्ध हैं।

श्लोक 58 (devibhagavatam.9.1.58)

अंशरूपाः कलारूपाः कलांशांशांशसम्भवाः । प्रकृतेः प्रतिविश्वेषु देव्यश्च सर्वयोषितः

aṁśarūpāḥ kalārūpāḥ kalāṁśāṁśāṁśasambhavāḥ | prakṛteḥ prativiśveṣu devyaśca sarvayoṣitaḥ

प्रकृति के अंशरूप, कलारूप तथा कला के अंश के अंश से उत्पन्न देवियाँ प्रत्येक लोक में तथा सभी स्त्रियों में विद्यमान हैं।

श्लोक 59 (devibhagavatam.9.1.59)

परिपूर्णतमाः पञ्च विद्यादेव्यः प्रकीर्तिताः । या याः प्रधानांशरूपा वर्णयामि निशामय

paripūrṇatamāḥ pañca vidyādevyaḥ prakīrtitāḥ | yā yāḥ pradhānāṁśarūpā varṇayāmi niśāmaya

पाँच पूर्णतम विद्यादेवियों का वर्णन हुआ; अब जो प्रधान के अंशरूप देवियाँ हैं, उनका वर्णन करता हूँ, सुनो।

श्लोक 60 (devibhagavatam.9.1.60)

प्रधानांशस्वरूपा सा गङ्गा भुवनपावनी । विष्णुविग्रहसम्भूता द्रवरूपा सनातनी

pradhānāṁśasvarūpā sā gaṅgā bhuvanapāvanī | viṣṇuvigrahasambhūtā dravarūpā sanātanī

भुवनपावनी गंगा प्रधान के अंशस्वरूप हैं; वे विष्णु के शरीर से उत्पन्न, द्रवरूपा तथा सनातन हैं।

श्लोक 61 (devibhagavatam.9.1.61)

पापिपापेध्मदाहाय ज्वलदग्निस्वरूपिणी । सुखस्पर्शा स्नानपानैर्निर्वाणपददायिनी

pāpipāpedhmadāhāya jvaladagnisvarūpiṇī | sukhasparśā snānapānairnirvāṇapadadāyinī

पापियों के पापरूपी ईंधन को जलाने के लिए वे प्रज्वलित अग्निस्वरूपा हैं; उनका स्पर्श सुखद है और स्नान-पान से वे मोक्षपद प्रदान करती हैं।

श्लोक 62 (devibhagavatam.9.1.62)

गोलोकस्थानप्रस्थानसुखसोपानरूपिणी । पवित्ररूपा तीर्थानां सरितां च परावरा

golokasthānaprasthānasukhasopānarūpiṇī | pavitrarūpā tīrthānāṁ saritāṁ ca parāvarā

वे गोलोक-धाम को जाने की सुखद सीढ़ी के समान हैं; वे तीर्थों तथा नदियों में श्रेष्ठतम और निकृष्टतम दोनों में पवित्रस्वरूपा हैं।

श्लोक 63 (devibhagavatam.9.1.63)

शम्भुमौलिजटामेरुमुक्तापङ्क्तिस्वरूपिणी । तपःसम्पादिनी सद्यो भारतेषु तपस्विनाम्

śambhumaulijaṭāmerumuktāpaṅktisvarūpiṇī | tapaḥsampādinī sadyo bhārateṣu tapasvinām

वे शिव की जटाओं के मुकुट पर मोतियों की पंक्ति के समान हैं; वे भारतवर्ष में तपस्वियों के तप को तत्काल सिद्ध करने वाली हैं।

श्लोक 64 (devibhagavatam.9.1.64)

चन्द्रपद्मक्षीरनिभा शुद्धसत्त्वस्वरूपिणी । निर्मला निरहङ्कारा साध्वी नारायणप्रिया

candrapadmakṣīranibhā śuddhasattvasvarūpiṇī | nirmalā nirahaṅkārā sādhvī nārāyaṇapriyā

वे चन्द्रमा, कमल और दूध के समान उज्ज्वल हैं तथा शुद्ध सत्त्वस्वरूपा हैं; वे निर्मल, निरहंकार, साध्वी तथा नारायण की प्रिय हैं।

श्लोक 65 (devibhagavatam.9.1.65)

प्रधानांशस्वरूपा च तुलसी विष्णुकामिनी । विष्णुभूषणरूपा च विष्णुपादस्थिता सती

pradhānāṁśasvarūpā ca tulasī viṣṇukāminī | viṣṇubhūṣaṇarūpā ca viṣṇupādasthitā satī

तुलसी भी प्रधान के अंशस्वरूप तथा विष्णु की प्रिया हैं; वे विष्णु के आभूषण के रूप में तथा विष्णु के चरणों में स्थित रहने वाली सती हैं।

श्लोक 66 (devibhagavatam.9.1.66)

तपःसङ्कल्पपूजादिसङ्घसम्पादिनी मुने । सारभूता च पुष्पाणां पवित्रा पुण्यदा सदा

tapaḥsaṅkalpapūjādisaṅghasampādinī mune | sārabhūtā ca puṣpāṇāṁ pavitrā puṇyadā sadā

हे मुनि! वे तप, संकल्प तथा पूजा आदि के समुदाय को सिद्ध करने वाली हैं; वे सभी पुष्पों में सारभूता, पवित्र तथा सदा पुण्य देने वाली हैं।

श्लोक 67 (devibhagavatam.9.1.67)

दर्शनस्पर्शनाभ्यां च सद्यो निर्वाणदायिनी । कलौ कलुषशुष्केध्मदहनायाग्निरूपिणी

darśanasparśanābhyāṁ ca sadyo nirvāṇadāyinī | kalau kaluṣaśuṣkedhmadahanāyāgnirūpiṇī

उनके दर्शन और स्पर्श से तत्काल मोक्ष मिलता है; कलियुग में पाप के सूखे ईंधन को जलाने के लिए वे अग्निस्वरूपा हैं।

श्लोक 68 (devibhagavatam.9.1.68)

यत्पादपद्मसंस्पर्शात्सद्यः पूता वसुन्धरा । यत्स्पर्शदर्शने चैवेच्छन्ति तीर्थानि शुद्धये

yatpādapadmasaṁsparśātsadyaḥ pūtā vasundharā | yatsparśadarśane caivecchanti tīrthāni śuddhaye

जिनके चरणकमल के स्पर्श मात्र से पृथ्वी तत्काल पवित्र हो जाती है, जिनके स्पर्श और दर्शन की कामना तीर्थ भी अपनी शुद्धि के लिए करते हैं।

श्लोक 69 (devibhagavatam.9.1.69)

यया विना च विश्वेषु सर्वकर्म च निष्फलम् । मोक्षदा या मुमुक्षूणां कामिनी सर्वकामदा

yayā vinā ca viśveṣu sarvakarma ca niṣphalam | mokṣadā yā mumukṣūṇāṁ kāminī sarvakāmadā

उनके बिना संसार में सभी कर्म निष्फल हो जाते हैं; वे मुमुक्षुओं को मोक्ष देने वाली, कामना करने योग्य तथा सबकी सभी कामनाएँ पूर्ण करने वाली हैं।

श्लोक 70 (devibhagavatam.9.1.70)

कल्पवृक्षस्वरूपा या भारते वृक्षरूपिणी । भारतीनां प्रीणनाय जाता या परदेवता

kalpavṛkṣasvarūpā yā bhārate vṛkṣarūpiṇī | bhāratīnāṁ prīṇanāya jātā yā paradevatā

वे कल्पवृक्ष की स्वरूपा हैं और भारतवर्ष में वृक्षरूप में प्रकट होती हैं; वे भारतवासियों को प्रसन्न करने के लिए अवतरित परादेवता हैं।

श्लोक 71 (devibhagavatam.9.1.71)

प्रधानांशस्वरूपा या मनसा कश्यपात्मजा । शङ्करप्रियशिष्या च महाज्ञानविशारदा

pradhānāṁśasvarūpā yā manasā kaśyapātmajā | śaṅkarapriyaśiṣyā ca mahājñānaviśāradā

जो मनसा देवी कश्यप की पुत्री तथा प्रधान के अंशस्वरूप हैं, वे शंकर की प्रिय शिष्या तथा महाज्ञान में निपुण हैं।

श्लोक 72 (devibhagavatam.9.1.72)

नागेश्वरस्यानन्तस्य भगिनी नागपूजिता । नागेश्वरी नागमाता सुन्दरी नागवाहिनी

nāgeśvarasyānantasya bhaginī nāgapūjitā | nāgeśvarī nāgamātā sundarī nāgavāhinī

वे नागों के स्वामी अनन्त की बहन तथा नागों द्वारा पूजित हैं; वे नागेश्वरी, नागमाता, सुन्दरी तथा नागों पर सवारी करने वाली हैं।

श्लोक 73 (devibhagavatam.9.1.73)

नागेन्द्रगणसंयुक्ता नागभूषणभूषिता । नागेन्द्रवन्दिता सिद्धा योगिनी नगशायिनी

nāgendragaṇasaṁyuktā nāgabhūṣaṇabhūṣitā | nāgendravanditā siddhā yoginī nagaśāyinī

वे नागराजों के समूह से युक्त, नागों के आभूषणों से भूषित हैं; वे नागेन्द्रों द्वारा वन्दित, सिद्ध, योगिनी तथा पर्वत पर शयन करने वाली हैं।

श्लोक 74 (devibhagavatam.9.1.74)

विष्णुरूपा विष्णुभक्ता विष्णुपूजापरायणा । तपःस्वरूपा तपसां फलदात्री तपस्विनी

viṣṇurūpā viṣṇubhaktā viṣṇupūjāparāyaṇā | tapaḥsvarūpā tapasāṁ phaladātrī tapasvinī

वे विष्णुरूपा, विष्णुभक्ता तथा विष्णु-पूजा में तत्पर हैं; वे तपःस्वरूपा तथा स्वयं तपस्विनी होकर तपस्वियों को फल देने वाली हैं।

श्लोक 75 (devibhagavatam.9.1.75)

दिव्यं त्रिलक्षवर्षं च तपस्तप्त्वा च या हरेः । तपस्विनीषु पूज्या च तपस्विषु च भारते

divyaṁ trilakṣavarṣaṁ ca tapastaptvā ca yā hareḥ | tapasvinīṣu pūjyā ca tapasviṣu ca bhārate

उन्होंने हरि को प्राप्त करने के लिए तीन लाख दिव्य वर्षों तक तप किया; वे तपस्विनियों में तथा भारतवर्ष के तपस्वियों में पूज्य हैं।

श्लोक 76 (devibhagavatam.9.1.76)

सर्वमन्त्राधिदेवी च ज्वलन्ती ब्रह्मतेजसा । ब्रह्मस्वरूपा परमा ब्रह्मभावनतत्परा

sarvamantrādhidevī ca jvalantī brahmatejasā | brahmasvarūpā paramā brahmabhāvanatatparā

वे सभी मन्त्रों की अधिष्ठात्री देवी हैं और ब्रह्मतेज से देदीप्यमान हैं; वे ब्रह्मस्वरूपा, परम तथा ब्रह्मभावना में तत्पर हैं।

श्लोक 77 (devibhagavatam.9.1.77)

जरत्कारुमुनेः पत्नी कृष्णांशस्य पतिव्रता । आस्तीकस्य मुनेर्माता प्रवरस्य तपस्विनाम्

jaratkārumuneḥ patnī kṛṣṇāṁśasya pativratā | āstīkasya munermātā pravarasya tapasvinām

वे मुनि जरत्कारु की पत्नी तथा कृष्णांश की पतिव्रता हैं; वे तपस्वियों में श्रेष्ठ आस्तीक मुनि की माता हैं।

श्लोक 78 (devibhagavatam.9.1.78)

प्रधानांशस्वरूपा या देवसेना च नारद । मातृकासु पूज्यतमा सा षष्ठी च प्रकीर्तिता

pradhānāṁśasvarūpā yā devasenā ca nārada | mātṛkāsu pūjyatamā sā ṣaṣṭhī ca prakīrtitā

हे नारद! जो देवसेना प्रधान के अंशस्वरूप हैं, वे मातृकाओं में सर्वाधिक पूज्य तथा षष्ठी नाम से प्रसिद्ध हैं।

श्लोक 79 (devibhagavatam.9.1.79)

पुत्रपौत्रादिदात्री च धात्री त्रिजगतां सती । षष्ठांशरूपा प्रकृतेस्तेन षष्ठी प्रकीर्तिता

putrapautrādidātrī ca dhātrī trijagatāṁ satī | ṣaṣṭhāṁśarūpā prakṛtestena ṣaṣṭhī prakīrtitā

वे पुत्र-पौत्रादि देने वाली, तीनों लोकों की धात्री तथा सती हैं; वे प्रकृति के छठे अंशस्वरूप हैं, इसीलिए षष्ठी कहलाती हैं।

श्लोक 80 (devibhagavatam.9.1.80)

स्थाने शिशूनां परमा वृद्धरूपा च योगिनी । पूजा द्वादशमासेषु यस्या विश्वेषु सन्ततम्

sthāne śiśūnāṁ paramā vṛddharūpā ca yoginī | pūjā dvādaśamāseṣu yasyā viśveṣu santatam

शिशुओं की रक्षा के स्थान में वे परम तथा वृद्धरूपा योगिनी हैं; उनकी पूजा सभी लोकों में बारहों महीने निरन्तर होती है।

श्लोक 81 (devibhagavatam.9.1.81)

पूजा च सूतिकागारे पुरा षष्ठदिने शिशोः । एकविंशतिमे चैव पूजा कल्याणहेतुकी

pūjā ca sūtikāgāre purā ṣaṣṭhadine śiśoḥ | ekaviṁśatime caiva pūjā kalyāṇahetukī

प्रसूतिगृह में शिशु के जन्म के छठे दिन उनकी पूजा प्राचीन काल से होती आई है, तथा इक्कीसवें दिन भी कल्याण के लिए उनकी पूजा की जाती है।

श्लोक 82 (devibhagavatam.9.1.82)

मुनिभिर्नमिता चैषा नित्यकामाप्यतः परा । मातृका च दयारूपा शश्वद्रक्षणकारिणी

munibhirnamitā caiṣā nityakāmāpyataḥ parā | mātṛkā ca dayārūpā śaśvadrakṣaṇakāriṇī

मुनियों द्वारा नमस्कृत यह देवी नित्य कामनाओं से भी परे हैं; वे दयारूपा मातृका तथा सदा रक्षा करने वाली हैं।

श्लोक 83 (devibhagavatam.9.1.83)

जले स्थले चान्तरिक्षे शिशूनां सद्मगोचरे । प्रधानांशस्वरूपा च देवीमङ्गलचण्डिका

jale sthale cāntarikṣe śiśūnāṁ sadmagocare | pradhānāṁśasvarūpā ca devīmaṅgalacaṇḍikā

जल में, स्थल में, आकाश में तथा शिशुओं के घर में वे रक्षा करती हैं; देवी मंगलचण्डिका भी प्रधान के अंशस्वरूप हैं।

श्लोक 84 (devibhagavatam.9.1.84)

प्रकृतेर्मुखसम्भूता सर्वमङ्गलदा सदा । सृष्टौ मङ्गलरूपा च संहारे कोपरूपिणी

prakṛtermukhasambhūtā sarvamaṅgaladā sadā | sṛṣṭau maṅgalarūpā ca saṁhāre koparūpiṇī

वे प्रकृति के मुख से उत्पन्न तथा सदा सर्वमंगल देने वाली हैं; सृष्टि में वे मंगलस्वरूपा हैं और संहार में क्रोधस्वरूपा।

श्लोक 85 (devibhagavatam.9.1.85)

तेन मङ्गलचण्डी सा पण्डितैः परिकीर्तिता । प्रतिमङ्गलवारेषु प्रतिविश्वेषु पूजिता

tena maṅgalacaṇḍī sā paṇḍitaiḥ parikīrtitā | pratimaṅgalavāreṣu prativiśveṣu pūjitā

इसीलिए विद्वानों ने उन्हें मंगलचण्डी कहा है; प्रत्येक मंगलवार को वे प्रत्येक लोक में पूजित होती हैं।

श्लोक 86 (devibhagavatam.9.1.86)

पुत्रपौत्रधनैश्वर्ययशोमङ्गलदायिनी । परितुष्टा सर्ववाञ्छाप्रदात्री सर्वयोषिताम्

putrapautradhanaiśvaryayaśomaṅgaladāyinī | parituṣṭā sarvavāñchāpradātrī sarvayoṣitām

वे पुत्र, पौत्र, धन, ऐश्वर्य, यश तथा मंगल देने वाली हैं; प्रसन्न होने पर वे सभी स्त्रियों की समस्त कामनाएँ पूर्ण करती हैं।

श्लोक 87 (devibhagavatam.9.1.87)

रुष्टा क्षणेन संहर्तुं शक्ता विश्वं महेश्वरी । प्रधानांशस्वरूपा सा काली कमललोचना

ruṣṭā kṣaṇena saṁhartuṁ śaktā viśvaṁ maheśvarī | pradhānāṁśasvarūpā sā kālī kamalalocanā

कुपित होने पर वे क्षणभर में संसार का संहार करने में समर्थ महेश्वरी हैं; कमललोचना काली भी प्रधान के अंशस्वरूप हैं।

श्लोक 88 (devibhagavatam.9.1.88)

दुर्गाललाटसम्भूता रणे शुम्भनिशुम्भयोः । दुर्गार्धांशस्वरूपा सा गुणेन तेजसा समा

durgālalāṭasambhūtā raṇe śumbhaniśumbhayoḥ | durgārdhāṁśasvarūpā sā guṇena tejasā samā

शुम्भ-निशुम्भ के युद्ध में वे दुर्गा के ललाट से उत्पन्न हुईं; वे दुर्गा के आधे अंश की स्वरूपा तथा गुण एवं तेज में उनके समान हैं।

श्लोक 89 (devibhagavatam.9.1.89)

कोटिसूर्यसमाजुष्टपुष्टजाज्वलविग्रहा । प्रधाना सर्वशक्तीनां बला बलवती परा

koṭisūryasamājuṣṭapuṣṭajājvalavigrahā | pradhānā sarvaśaktīnāṁ balā balavatī parā

वे करोड़ों सूर्यों के समान तेजस्वी तथा पूर्ण शोभा से युक्त शरीर वाली हैं; वे सब शक्तियों में प्रधान, बलशालिनी तथा परम बलवती हैं।

श्लोक 90 (devibhagavatam.9.1.90)

सर्वसिद्धिप्रदा देवी परमा योगरूपिणी । कृष्णभक्ता कृष्णतुल्या तेजसा विक्रमैर्गुणैः

sarvasiddhipradā devī paramā yogarūpiṇī | kṛṣṇabhaktā kṛṣṇatulyā tejasā vikramairguṇaiḥ

वे देवी सभी सिद्धियाँ देने वाली, परम तथा योगस्वरूपा हैं; वे कृष्ण की भक्ता हैं और तेज, पराक्रम एवं गुणों में कृष्ण के समान हैं।

श्लोक 91 (devibhagavatam.9.1.91)

कृष्णभावनया शश्वत्कृष्णवर्णा सनातनी । संहर्तुं सर्वब्रह्माण्डं शक्ता निःश्वासमात्रतः

kṛṣṇabhāvanayā śaśvatkṛṣṇavarṇā sanātanī | saṁhartuṁ sarvabrahmāṇḍaṁ śaktā niḥśvāsamātrataḥ

कृष्ण के ध्यान से वे सदा कृष्णवर्णा तथा सनातन हैं; वे मात्र एक श्वास से समस्त ब्रह्माण्ड का संहार करने में समर्थ हैं।

श्लोक 92 (devibhagavatam.9.1.92)

रणं दैत्यैः समं तस्याः क्रीडया लोकशिक्षया । धर्मार्थकाममोक्षांश्च दातुं शक्ता च पूजिता

raṇaṁ daityaiḥ samaṁ tasyāḥ krīḍayā lokaśikṣayā | dharmārthakāmamokṣāṁśca dātuṁ śaktā ca pūjitā

दैत्यों के साथ उनका युद्ध लोकशिक्षा के लिए एक लीला मात्र है; वे धर्म, अर्थ, काम और मोक्ष देने में समर्थ तथा पूजित हैं।

श्लोक 93 (devibhagavatam.9.1.93)

ब्रह्मादिभिः स्तूयमाना मुनिभिर्मनुभिर्नरैः । प्रधानांशस्वरूपा सा प्रकृतेश्च वसुन्धरा

brahmādibhiḥ stūyamānā munibhirmanubhirnaraiḥ | pradhānāṁśasvarūpā sā prakṛteśca vasundharā

ब्रह्मादि देवों, मुनियों, मनुओं तथा मनुष्यों द्वारा स्तुत की जाने वाली वसुंधरा भी प्रकृति के प्रधान अंशस्वरूप हैं।

श्लोक 94 (devibhagavatam.9.1.94)

आधाररूपा सर्वेषां सर्वसस्या प्रकीर्तिता । रत्नाकरा रत्नगर्भा सर्वरत्नाकराश्रया

ādhārarūpā sarveṣāṁ sarvasasyā prakīrtitā | ratnākarā ratnagarbhā sarvaratnākarāśrayā

वे सबका आधार तथा सभी अन्न-धान्य से युक्त कही गई हैं; वे रत्नों की खान, रत्नगर्भा तथा सभी रत्नाकरों की आश्रयदाता हैं।

श्लोक 95 (devibhagavatam.9.1.95)

प्रजाभिश्च प्रजेशैश्च पूजिता वन्दिता सदा । सर्वोपजीव्यरूपा च सर्वसम्पद्विधायिनी

prajābhiśca prajeśaiśca pūjitā vanditā sadā | sarvopajīvyarūpā ca sarvasampadvidhāyinī

प्रजा तथा प्रजापतियों द्वारा वे सदा पूजित और वन्दित हैं; वे सबकी आजीविका का आधार तथा सभी सम्पदाओं को देने वाली हैं।

श्लोक 96 (devibhagavatam.9.1.96)

यया विना जगत्सर्वं निराधारं चराचरम् । प्रकृतेश्च कला या यास्ता निबोध मुनीश्वर

yayā vinā jagatsarvaṁ nirādhāraṁ carācaram | prakṛteśca kalā yā yāstā nibodha munīśvara

उनके बिना समस्त चराचर जगत निराधार हो जाता है; हे मुनीश्वर! अब प्रकृति की जो अन्य कलाएँ हैं, उन्हें सुनो।

श्लोक 97 (devibhagavatam.9.1.97)

यस्य यस्य च या पत्नी तत्सर्वं वर्णयामि ते । स्वाहादेवी वह्निपत्नी प्रतिविश्वेषु पूजिता

yasya yasya ca yā patnī tatsarvaṁ varṇayāmi te | svāhādevī vahnipatnī prativiśveṣu pūjitā

जो-जो जिसकी पत्नी हैं, वह सब मैं तुम्हें बताता हूँ; देवी स्वाहा अग्नि की पत्नी हैं और प्रत्येक लोक में पूजित हैं।

श्लोक 98 (devibhagavatam.9.1.98)

यया विना हविर्दानं न ग्रहीतुं सुराः क्षमाः । दक्षिणा यज्ञपत्नी च दीक्षा सर्वत्र पूजिता

yayā vinā havirdānaṁ na grahītuṁ surāḥ kṣamāḥ | dakṣiṇā yajñapatnī ca dīkṣā sarvatra pūjitā

उनके बिना देवता हवि ग्रहण करने में समर्थ नहीं होते; दक्षिणा यज्ञ की पत्नी हैं और दीक्षा सर्वत्र पूजित है।

श्लोक 99 (devibhagavatam.9.1.99)

यया विना हि विश्वेषु सर्वकर्म हि निष्फलम् । स्वधा पितॄणां पत्नी च मुनिभिर्मनुभिर्नरैः

yayā vinā hi viśveṣu sarvakarma hi niṣphalam | svadhā pitṝṇāṁ patnī ca munibhirmanubhirnaraiḥ

उनके बिना संसार में सभी कर्म निष्फल होते हैं; स्वधा पितरों की पत्नी हैं, जो मुनियों, मनुओं तथा मनुष्यों द्वारा पूजित हैं।

श्लोक 100 (devibhagavatam.9.1.100)

पूजिता पितृदानं हि निष्कलं च यया विना । स्वस्तिदेवी वायुपत्नी प्रतिविश्वेषु पूजिता

pūjitā pitṛdānaṁ hi niṣkalaṁ ca yayā vinā | svastidevī vāyupatnī prativiśveṣu pūjitā

उनके बिना पितरों को दिया गया दान निष्फल होता है; स्वस्तिदेवी वायु की पत्नी हैं और प्रत्येक लोक में पूजित हैं।

श्लोक 101 (devibhagavatam.9.1.101)

आदानं च प्रदानं च निष्फलं च यया विना । पुष्टिर्गणपतेः पत्नी पूजिता जगतीतले

ādānaṁ ca pradānaṁ ca niṣphalaṁ ca yayā vinā | puṣṭirgaṇapateḥ patnī pūjitā jagatītale

उनके बिना लेना-देना दोनों निष्फल होते हैं; पुष्टि गणपति की पत्नी हैं, जो पृथ्वीतल पर पूजित हैं।

श्लोक 102 (devibhagavatam.9.1.102)

यया विना परिक्षीणाः पुमांसो योषितोऽपि च । अनन्तपत्नी तुष्टिश्च पूजिता वन्दिता भवेत्

yayā vinā parikṣīṇāḥ pumāṁso yoṣito'pi ca | anantapatnī tuṣṭiśca pūjitā vanditā bhavet

उनके बिना पुरुष और स्त्री दोनों क्षीण हो जाते हैं; तुष्टि अनन्त की पत्नी हैं, जो पूजित और वन्दित होती हैं।

श्लोक 103 (devibhagavatam.9.1.103)

यया विना न सन्तुष्टाः सर्वलोकाश्च सर्वतः । ईशानपत्नी सम्पत्तिः पूजिता च सुरैर्नरैः

yayā vinā na santuṣṭāḥ sarvalokāśca sarvataḥ | īśānapatnī sampattiḥ pūjitā ca surairnaraiḥ

उनके बिना सम्पूर्ण लोक कहीं भी सन्तुष्ट नहीं होते; सम्पत्ति ईशान की पत्नी हैं, जो देवताओं और मनुष्यों द्वारा पूजित हैं।

श्लोक 104 (devibhagavatam.9.1.104)

सर्वे लोका दरिद्राश्च विश्वेषु च यया विना । धृतिः कपिलपत्नी च सर्वैः सर्वत्र पूजिता

sarve lokā daridrāśca viśveṣu ca yayā vinā | dhṛtiḥ kapilapatnī ca sarvaiḥ sarvatra pūjitā

उनके बिना संसार के सभी लोक निर्धन हो जाते हैं; धृति कपिल की पत्नी हैं, जो सबके द्वारा सर्वत्र पूजित हैं।

श्लोक 105 (devibhagavatam.9.1.105)

सर्वे लोका अधैर्याश्च जगत्सु च यया विना । सत्यपत्नी सती मुक्तैः पूजिता च जगत्प्रिया

sarve lokā adhairyāśca jagatsu ca yayā vinā | satyapatnī satī muktaiḥ pūjitā ca jagatpriyā

उनके बिना सभी लोक धैर्यहीन हो जाते हैं; सती सत्य की पत्नी हैं, जो मुक्त पुरुषों द्वारा पूजित तथा जगत्प्रिया हैं।

श्लोक 106 (devibhagavatam.9.1.106)

यया विना भवेल्लोको बन्धुतारहितः सदा । मोहपत्नी दया साध्वी पूजिता च जगत्प्रिया

yayā vinā bhavelloko bandhutārahitaḥ sadā | mohapatnī dayā sādhvī pūjitā ca jagatpriyā

उनके बिना संसार सदा बन्धुहीन हो जाता है; साध्वी दया मोह की पत्नी हैं, जो पूजित तथा जगत्प्रिया हैं।

श्लोक 107 (devibhagavatam.9.1.107)

सर्वे लोकाश्च सर्वत्र निष्फलाश्च यया विना । पुण्यपत्नी प्रतिष्ठा सा पूजिता पुण्यदा सदा

sarve lokāśca sarvatra niṣphalāśca yayā vinā | puṇyapatnī pratiṣṭhā sā pūjitā puṇyadā sadā

उनके बिना सभी लोक सर्वत्र निष्फल होते हैं; प्रतिष्ठा पुण्य की पत्नी हैं, जो पूजित तथा सदा पुण्य देने वाली हैं।

श्लोक 108 (devibhagavatam.9.1.108)

यया विना जगत्सर्वं जीवन्मृतसमं मुने । सुकर्मपत्नी संसिद्धा कीर्तिर्धन्यैश्च पूजिता

yayā vinā jagatsarvaṁ jīvanmṛtasamaṁ mune | sukarmapatnī saṁsiddhā kīrtirdhanyaiśca pūjitā

हे मुनि! उनके बिना सारा संसार जीवित रहते हुए भी मृतक समान हो जाता है; कीर्ति सुकर्म की सिद्ध पत्नी हैं, जो धन्य पुरुषों द्वारा पूजित हैं।

श्लोक 109 (devibhagavatam.9.1.109)

यया विना जगत्सर्वं यशोहीनं मृतं यथा । क्रिया तूद्योगपत्नी च पूजिता सर्वसम्मता

yayā vinā jagatsarvaṁ yaśohīnaṁ mṛtaṁ yathā | kriyā tūdyogapatnī ca pūjitā sarvasammatā

उनके बिना सारा संसार यशहीन होकर मृतक के समान हो जाता है; क्रिया उद्योग की पत्नी हैं, जो पूजित और सर्वसम्मत हैं।

श्लोक 110 (devibhagavatam.9.1.110)

यया विना जगत्सर्वं विधिहीनं च नारद । अधर्मपत्नी मिथ्या सा सर्वधूर्तैश्च पूजिता

yayā vinā jagatsarvaṁ vidhihīnaṁ ca nārada | adharmapatnī mithyā sā sarvadhūrtaiśca pūjitā

हे नारद! उनके बिना सारा संसार विधिहीन हो जाता है; मिथ्या अधर्म की पत्नी हैं, जो सभी धूर्तों द्वारा पूजित हैं।

श्लोक 111 (devibhagavatam.9.1.111)

यया विना जगत्सर्वमुच्छिन्नं विधिनिर्मितम् । सत्ये अदर्शना या च त्रेतायां सूक्ष्मरूपिणी

yayā vinā jagatsarvamucchinnaṁ vidhinirmitam | satye adarśanā yā ca tretāyāṁ sūkṣmarūpiṇī

उनके बिना विधाता द्वारा निर्मित सारा जगत नष्ट हो जाता; सत्ययुग में वे अदृश्य रहीं तथा त्रेतायुग में सूक्ष्मरूप में रहीं।

श्लोक 112 (devibhagavatam.9.1.112)

अर्धावयवरूपा च द्वापरे चैव संवृता । कलौ महाप्रगल्भा च सर्वत्र व्यापिका बलात्

ardhāvayavarūpā ca dvāpare caiva saṁvṛtā | kalau mahāpragalbhā ca sarvatra vyāpikā balāt

द्वापर में वे अर्धावयवरूपा तथा गुप्त रहीं; कलियुग में वे अत्यन्त प्रगल्भ होकर बलपूर्वक सर्वत्र व्याप्त हो जाती हैं।

श्लोक 113 (devibhagavatam.9.1.113)

कपटेन समं भ्रात्रा भ्रमते च गृहे गृहे । शान्तिर्लज्जा च भार्ये द्वे सुशीलस्य च पूजिते

kapaṭena samaṁ bhrātrā bhramate ca gṛhe gṛhe | śāntirlajjā ca bhārye dve suśīlasya ca pūjite

वे अपने भाई कपट के साथ घर-घर घूमती हैं; शान्ति और लज्जा सुशील की दो पत्नियाँ हैं, जो पूजित हैं।

श्लोक 114 (devibhagavatam.9.1.114)

याभ्यां विना जगत्सर्वमुन्मत्तमिव नारद । ज्ञानस्य तिस्रो भार्याश्च बुद्धिर्मेधाधृतिस्तथा

yābhyāṁ vinā jagatsarvamunmattamiva nārada | jñānasya tisro bhāryāśca buddhirmedhādhṛtistathā

हे नारद! उनके बिना सारा संसार उन्मत्त जैसा हो जाता है; बुद्धि, मेधा तथा धृति — ज्ञान की तीन पत्नियाँ हैं।

श्लोक 115 (devibhagavatam.9.1.115)

याभिर्विना जगत्सर्वं मूढं मत्तसमं सदा । मूर्तिश्च धर्मपत्नी सा कान्तिरूपा मनोहरा

yābhirvinā jagatsarvaṁ mūḍhaṁ mattasamaṁ sadā | mūrtiśca dharmapatnī sā kāntirūpā manoharā

उनके बिना सारा संसार सदा मूढ़ और मत्त के समान रहता है; मूर्ति धर्म की पत्नी हैं, जो कान्तिस्वरूपा तथा मनोहर हैं।

श्लोक 116 (devibhagavatam.9.1.116)

परमात्मा च विश्वौघो निराधारो यया विना । सर्वत्र शोभारूपा च लक्ष्मीर्मूर्तिमती सती

paramātmā ca viśvaugho nirādhāro yayā vinā | sarvatra śobhārūpā ca lakṣmīrmūrtimatī satī

उनके बिना परमात्मा और सारा विश्व-समूह निराधार हो जाता; लक्ष्मी सर्वत्र शोभास्वरूपा तथा मूर्तिमती सती हैं।

श्लोक 117 (devibhagavatam.9.1.117)

श्रीरूपा मूर्तिरूपा च मान्या धन्यातिपूजिता । कालाग्नी रुद्रपत्नी च निद्रा सा सिद्धयोगिनी

śrīrūpā mūrtirūpā ca mānyā dhanyātipūjitā | kālāgnī rudrapatnī ca nidrā sā siddhayoginī

वे श्रीस्वरूपा, मूर्तिस्वरूपा, माननीया तथा अत्यन्त धन्य एवं पूजित हैं; निद्रा रुद्र की पत्नी हैं, जो सिद्धयोगिनी हैं।

श्लोक 118 (devibhagavatam.9.1.118)

सर्वे लोकाः समाच्छन्ना यया योगेन रात्रिषु । कालस्य तिस्रो भार्याश्च सन्ध्या रात्रिर्दिनानि च

sarve lokāḥ samācchannā yayā yogena rātriṣu | kālasya tisro bhāryāśca sandhyā rātrirdināni ca

उनके योग से रात्रि में सभी लोक ढके रहते हैं; संध्या, रात्रि तथा दिन — काल की तीन पत्नियाँ हैं।

श्लोक 119 (devibhagavatam.9.1.119)

याभिर्विना विधाता च सङ्ख्यां कर्तुं न शक्यते । क्षुत्पिपासे लोभभार्ये धन्ये मान्ये च पूजिते

yābhirvinā vidhātā ca saṅkhyāṁ kartuṁ na śakyate | kṣutpipāse lobhabhārye dhanye mānye ca pūjite

उनके बिना विधाता भी गणना नहीं कर सकते; भूख और प्यास लोभ की दो पत्नियाँ हैं, जो धन्य, माननीय तथा पूजित हैं।

श्लोक 120 (devibhagavatam.9.1.120)

याभ्यां व्याप्तं जगत्सर्वं नित्यं चिन्तातुरं भवेत् । प्रभा च दाहिका चैव द्वे भार्ये तेजसस्तथा

yābhyāṁ vyāptaṁ jagatsarvaṁ nityaṁ cintāturaṁ bhavet | prabhā ca dāhikā caiva dve bhārye tejasastathā

उनसे व्याप्त सारा संसार सदा चिन्ताग्रस्त रहता है; प्रभा तथा दाहिका — तेज की दो पत्नियाँ हैं।

श्लोक 121 (devibhagavatam.9.1.121)

याभ्यां विना जगत्स्रष्टा विधातुं च न हीश्वरः । कालकन्ये मृत्युजरे प्रज्वारस्य प्रियाप्रिये

yābhyāṁ vinā jagatsraṣṭā vidhātuṁ ca na hīśvaraḥ | kālakanye mṛtyujare prajvārasya priyāpriye

उनके बिना जगत का स्रष्टा ईश्वर भी सृष्टि करने में असमर्थ है; मृत्यु और जरा — काल की दो कन्याएँ, ज्वर की प्रिय-अप्रिय पत्नियाँ हैं।

श्लोक 122 (devibhagavatam.9.1.122)

याभ्यां जगत्समुच्छिन्नं विधात्रा निर्मितं विधौ । निद्राकन्या च तन्द्रा सा प्रीतिरन्या सुखप्रिये

yābhyāṁ jagatsamucchinnaṁ vidhātrā nirmitaṁ vidhau | nidrākanyā ca tandrā sā prītiranyā sukhapriye

उनके द्वारा विधाता का निर्मित सारा जगत नष्ट हो जाता है; तन्द्रा निद्रा की पुत्री हैं, तथा प्रीति दूसरी सुखप्रिय पुत्री हैं।

श्लोक 123 (devibhagavatam.9.1.123)

याभ्यां व्याप्तं जगत्सर्वं विधिपुत्र विधेर्विधौ । वैराग्यस्य च द्वे भार्ये श्रद्धा भक्तिश्च पूजिते

yābhyāṁ vyāptaṁ jagatsarvaṁ vidhiputra vidhervidhau | vairāgyasya ca dve bhārye śraddhā bhaktiśca pūjite

हे विधिपुत्र! विधाता के विधान में उनसे सारा संसार व्याप्त है; श्रद्धा और भक्ति — वैराग्य की दो पूजित पत्नियाँ हैं।

श्लोक 124 (devibhagavatam.9.1.124)

याभ्यां शश्वज्जगत्सर्वं यज्जीवन्मुक्तिमन्मुने । अदितिर्देवमाता च सुरभी च गवां प्रसूः

yābhyāṁ śaśvajjagatsarvaṁ yajjīvanmuktimanmune | aditirdevamātā ca surabhī ca gavāṁ prasūḥ

हे मुनि! उनके द्वारा ही सारा संसार जीवन्मुक्ति को प्राप्त होता है; अदिति देवताओं की माता तथा सुरभि गौओं की जननी हैं।

श्लोक 125 (devibhagavatam.9.1.125)

दितिश्च दैत्यजननी कद्रूश्च विनता दनुः । उपयुक्ताः सृष्टिविधावेतास्तु कीर्तिताः कलाः

ditiśca daityajananī kadrūśca vinatā danuḥ | upayuktāḥ sṛṣṭividhāvetāstu kīrtitāḥ kalāḥ

दिति दैत्यों की माता हैं, तथा कद्रू, विनता और दनु भी — ये सब सृष्टि-कार्य में उपयुक्त कलाएँ कही गई हैं।

श्लोक 126 (devibhagavatam.9.1.126)

कला अन्याः सन्ति बह्व्यस्तासु काश्चिन्निबोध मे । रोहिणी चन्द्रपत्नी च संज्ञा सूर्यस्य कामिनी

kalā anyāḥ santi bahvyastāsu kāścinnibodha me | rohiṇī candrapatnī ca saṁjñā sūryasya kāminī

उनकी और भी बहुत सी कलाएँ हैं, उनमें से कुछ को मुझसे सुनो; रोहिणी चन्द्रमा की तथा संज्ञा सूर्य की प्रिया पत्नी हैं।

श्लोक 127 (devibhagavatam.9.1.127)

शतरूपा मनोर्भार्या शचीन्द्रस्य च गेहिनी । तारा बृहस्पतेर्भार्या वसिष्ठस्याप्यरुन्धती

śatarūpā manorbhāryā śacīndrasya ca gehinī | tārā bṛhaspaterbhāryā vasiṣṭhasyāpyarundhatī

शतरूपा मनु की पत्नी हैं तथा शची इन्द्र की गृहिणी हैं; तारा बृहस्पति की पत्नी हैं तथा अरुन्धती वसिष्ठ की भी।

श्लोक 128 (devibhagavatam.9.1.128)

अहल्या गौतमस्त्री साप्यनसूयात्रिकामिनी । देवहूतिः कर्दमस्य प्रसूतिर्दक्षकामिनी

ahalyā gautamastrī sāpyanasūyātrikāminī | devahūtiḥ kardamasya prasūtirdakṣakāminī

अहल्या गौतम की पत्नी हैं तथा अनसूया भी अत्रि की प्रिया हैं; देवहूति कर्दम की तथा प्रसूति दक्ष की प्रिया हैं।

श्लोक 129 (devibhagavatam.9.1.129)

पितॄणां मानसी कन्या मेनका साम्बिकाप्रसूः । लोपामुद्रा तथा कुन्ती कुबेरकामिनी तथा

pitṝṇāṁ mānasī kanyā menakā sāmbikāprasūḥ | lopāmudrā tathā kuntī kuberakāminī tathā

मेनका पितरों की मानसी कन्या तथा अम्बिका की जननी हैं; लोपामुद्रा, कुन्ती तथा कुबेर की प्रिया भी हैं।

श्लोक 130 (devibhagavatam.9.1.130)

वरुणानी प्रसिद्धा च बलेर्विन्ध्यावलिस्तथा । कान्ता च दमयन्ती च यशोदा देवकी तथा

varuṇānī prasiddhā ca balervindhyāvalistathā | kāntā ca damayantī ca yaśodā devakī tathā

वरुणानी प्रसिद्ध हैं, तथा विन्ध्यावली बलि की पत्नी हैं; कान्ता, दमयन्ती, यशोदा तथा देवकी भी हैं।

श्लोक 131 (devibhagavatam.9.1.131)

गान्धारी द्रौपदी शैव्या सा च सत्यवती प्रिया । वृषभानुप्रिया साध्वी राधामाता कुलोद्वहा

gāndhārī draupadī śaivyā sā ca satyavatī priyā | vṛṣabhānupriyā sādhvī rādhāmātā kulodvahā

गांधारी, द्रौपदी, शैव्या तथा प्रिया सत्यवती भी हैं; वृषभानु की प्रिय साध्वी पत्नी, कुल को उन्नत करने वाली राधा की माता भी हैं।

श्लोक 132 (devibhagavatam.9.1.132)

मन्दोदरी च कौसल्या सुभद्रा कौरवी तथा । रेवती सत्यभामा च कालिन्दी लक्ष्मणा तथा

mandodarī ca kausalyā subhadrā kauravī tathā | revatī satyabhāmā ca kālindī lakṣmaṇā tathā

मन्दोदरी, कौसल्या, सुभद्रा तथा कौरवी भी हैं; रेवती, सत्यभामा, कालिन्दी तथा लक्ष्मणा भी हैं।

श्लोक 133 (devibhagavatam.9.1.133)

जाम्बवती नाग्नजितिर्मित्रविन्दा तथापरा । लक्ष्मणा रुक्मिणी सीता स्वयं लक्ष्मीः प्रकीर्तिता

jāmbavatī nāgnajitirmitravindā tathāparā | lakṣmaṇā rukmiṇī sītā svayaṁ lakṣmīḥ prakīrtitā

जाम्बवती, नाग्नजिति, मित्रविन्दा तथा अन्य भी हैं; लक्ष्मणा, रुक्मिणी तथा सीता स्वयं लक्ष्मी कही गई हैं।

श्लोक 134 (devibhagavatam.9.1.134)

काली योजनगन्धा च व्यासमाता महासती । बाणपुत्री तथोषा च चित्रलेखा च तत्सखी

kālī yojanagandhā ca vyāsamātā mahāsatī | bāṇaputrī tathoṣā ca citralekhā ca tatsakhī

कालिका योजनगन्धा तथा व्यास की माता महासती भी हैं; बाणासुर की पुत्री ऊषा तथा उनकी सखी चित्रलेखा भी हैं।

श्लोक 135 (devibhagavatam.9.1.135)

प्रभावती भानुमती तथा मायावती सती । रेणुका च भृगोर्माता राममाता च रोहिणी

prabhāvatī bhānumatī tathā māyāvatī satī | reṇukā ca bhṛgormātā rāmamātā ca rohiṇī

प्रभावती, भानुमती तथा सती मायावती भी हैं; रेणुका भृगु की माता तथा रोहिणी बलराम की माता हैं।

श्लोक 136 (devibhagavatam.9.1.136)

एकनन्दा च दुर्गा सा श्रीकृष्णभगिनी सती । बह्व्यः सत्यः कलाश्चैव प्रकृतेरेव भारते

ekanandā ca durgā sā śrīkṛṣṇabhaginī satī | bahvyaḥ satyaḥ kalāścaiva prakṛtereva bhārate

एकानंशा दुर्गा, जो श्रीकृष्ण की सती बहन हैं, भी उनकी कला हैं; भारतवर्ष में प्रकृति की ऐसी अनेक सत्य कलाएँ हैं।

श्लोक 137 (devibhagavatam.9.1.137)

या याश्च ग्रामदेव्यः स्युस्ताः सर्वाः प्रकृतेः कलाः । कलांशांशसमुद्भूताः प्रतिविश्वेषु योषितः

yā yāśca grāmadevyaḥ syustāḥ sarvāḥ prakṛteḥ kalāḥ | kalāṁśāṁśasamudbhūtāḥ prativiśveṣu yoṣitaḥ

जो-जो ग्रामदेवियाँ हैं, वे सब प्रकृति की कलाएँ हैं; कला के अंश के अंश से उत्पन्न स्त्रियाँ प्रत्येक लोक में हैं।

श्लोक 138 (devibhagavatam.9.1.138)

योषितामवमानेन प्रकृतेश्च पराभवः । ब्राह्मणी पूजिता येन पतिपुत्रवती सती

yoṣitāmavamānena prakṛteśca parābhavaḥ | brāhmaṇī pūjitā yena patiputravatī satī

स्त्रियों के अपमान से प्रकृति का ही अपमान होता है; जिस प्रकार पति-पुत्रवती सती ब्राह्मणी पूजित होती है।

श्लोक 139 (devibhagavatam.9.1.139)

प्रकृतिः पूजिता तेन वस्त्रालङ्कारचन्दनैः । कुमारी चाष्टवर्षीया वस्त्रालङ्कारचन्दनैः

prakṛtiḥ pūjitā tena vastrālaṅkāracandanaiḥ | kumārī cāṣṭavarṣīyā vastrālaṅkāracandanaiḥ

उसे वस्त्र, आभूषण तथा चन्दन से पूजित करने पर प्रकृति स्वयं पूजित होती है; आठ वर्ष की कुमारी को भी वस्त्र, आभूषण तथा चन्दन से पूजित करना चाहिए।

श्लोक 140 (devibhagavatam.9.1.140)

पूजिता येन विप्रस्य प्रकृतिस्तेन पूजिता । सर्वाः प्रकृतिसम्भूता उत्तमाधममध्यमाः

pūjitā yena viprasya prakṛtistena pūjitā | sarvāḥ prakṛtisambhūtā uttamādhamamadhyamāḥ

जिस विधि से ब्राह्मण की कन्या पूजित होती है, उसी से प्रकृति पूजित होती है; सभी स्त्रियाँ प्रकृति से उत्पन्न हैं, चाहे वे उत्तम, मध्यम अथवा अधम हों।

श्लोक 141 (devibhagavatam.9.1.141)

सत्त्वांशाश्चोत्तमा ज्ञेयाः सुशीलाश्च पतिव्रताः । मध्यमा रजसश्चांशास्ताश्च भोग्याः प्रकीर्तिताः

sattvāṁśāścottamā jñeyāḥ suśīlāśca pativratāḥ | madhyamā rajasaścāṁśāstāśca bhogyāḥ prakīrtitāḥ

सत्त्वगुण के अंश वाली स्त्रियाँ उत्तम, सुशील तथा पतिव्रता जाननी चाहिए; रजोगुण के अंश वाली मध्यम तथा भोग्या कही गई हैं।

श्लोक 142 (devibhagavatam.9.1.142)

सुखसम्भोगवश्याश्च स्वकार्ये तत्पराः सदा । अधमास्तमसश्चांशा अज्ञातकुलसम्भवाः

sukhasambhogavaśyāśca svakārye tatparāḥ sadā | adhamāstamasaścāṁśā ajñātakulasambhavāḥ

वे सुख-भोग के वशीभूत तथा सदा अपने ही कार्य में तत्पर रहती हैं; तमोगुण के अंश वाली अधम तथा अज्ञातकुल में उत्पन्न कही गई हैं।

श्लोक 143 (devibhagavatam.9.1.143)

दुर्मुखाः कुलहा धूर्ताः स्वतन्त्राः कलहप्रियाः । पृथिव्यां कुलटा याश्च स्वर्गे चाप्सरसां गणाः

durmukhāḥ kulahā dhūrtāḥ svatantrāḥ kalahapriyāḥ | pṛthivyāṁ kulaṭā yāśca svarge cāpsarasāṁ gaṇāḥ

वे दुर्मुख, कुल का नाश करने वाली, धूर्त, स्वतन्त्र तथा कलहप्रिय होती हैं; पृथ्वी पर कुलटा स्त्रियाँ तथा स्वर्ग में अप्सराओं के समूह भी इसी कोटि के हैं।

श्लोक 144 (devibhagavatam.9.1.144)

प्रकृतेस्तमसश्चांशाः पुंश्चल्यः परिकीर्तिताः । एवं निगदितं सर्वं प्रकृते रूपवर्णनम्

prakṛtestamasaścāṁśāḥ puṁścalyaḥ parikīrtitāḥ | evaṁ nigaditaṁ sarvaṁ prakṛte rūpavarṇanam

प्रकृति के तमोगुण के अंश वाली स्त्रियाँ ही कुलटा कही गई हैं; इस प्रकार प्रकृति के रूप-वर्णन का सम्पूर्ण विवरण कहा गया।

श्लोक 145 (devibhagavatam.9.1.145)

ताः सर्वाः पूजिताः पृथ्व्यां पुण्यक्षेत्रे च भारते । पूजिता सुरथेनादौ दुर्गा दुर्गार्तिनाशिनी

tāḥ sarvāḥ pūjitāḥ pṛthvyāṁ puṇyakṣetre ca bhārate | pūjitā surathenādau durgā durgārtināśinī

वे सब पृथ्वी पर तथा पुण्यक्षेत्र भारतवर्ष में पूजित हुईं; सबसे पहले राजा सुरथ ने दुर्गा की पूजा की, जो दुर्गति और पीड़ा का नाश करने वाली हैं।

श्लोक 146 (devibhagavatam.9.1.146)

ततः श्रीरामचन्द्रेण रावणस्य वधार्थिना । तत्पश्चाज्जगतां माता त्रिषु लोकेषु पूजिता

tataḥ śrīrāmacandreṇa rāvaṇasya vadhārthinā | tatpaścājjagatāṁ mātā triṣu lokeṣu pūjitā

तत्पश्चात् रावण-वध की इच्छा रखने वाले श्रीरामचन्द्र ने उनकी पूजा की; उसके बाद जगत की माता तीनों लोकों में पूजित हुईं।

श्लोक 147 (devibhagavatam.9.1.147)

जाताऽऽदौ दक्षकन्या या निहत्य दैत्यदानवान् । ततो देहं परित्यज्य यज्ञे भर्तुश्च निन्दया

jātā''dau dakṣakanyā yā nihatya daityadānavān | tato dehaṁ parityajya yajñe bhartuśca nindayā

वे पहले दक्ष की कन्या के रूप में उत्पन्न हुईं, दैत्य-दानवों का वध करके; फिर यज्ञ में अपने पति की निन्दा सुनकर उन्होंने देह त्याग दिया।

श्लोक 148 (devibhagavatam.9.1.148)

जज्ञे हिमवतः पत्न्यां लेभे पशुपतिं पतिम् । गणेशश्च स्वयं कृष्णः स्कन्दो विष्णुकलोद्भवः

jajñe himavataḥ patnyāṁ lebhe paśupatiṁ patim | gaṇeśaśca svayaṁ kṛṣṇaḥ skando viṣṇukalodbhavaḥ

फिर उन्होंने हिमवान की पत्नी के गर्भ से जन्म लिया तथा पशुपति को पुनः पति रूप में प्राप्त किया; गणेश, स्वयं कृष्ण तथा विष्णु की कला से उत्पन्न स्कन्द —

श्लोक 149 (devibhagavatam.9.1.149)

बभूवतुस्तौ तनयौ पश्चात्तस्याश्च नारद । लक्ष्मीर्मङ्गलभूपेन प्रथमं परिपूजिता

babhūvatustau tanayau paścāttasyāśca nārada | lakṣmīrmaṅgalabhūpena prathamaṁ paripūjitā

हे नारद! ये उनके पुत्र हुए; लक्ष्मी की पूजा सर्वप्रथम राजा मंगल ने पूर्ण विधि से की थी।

श्लोक 150 (devibhagavatam.9.1.150)

त्रिषु लोकेषु तत्पश्चाद्देवतामुनिमानवैः । सावित्री चाश्वपतिना प्रथमं परिपूजिता

triṣu lokeṣu tatpaścāddevatāmunimānavaiḥ | sāvitrī cāśvapatinā prathamaṁ paripūjitā

उसके बाद तीनों लोकों में देवताओं, मुनियों तथा मनुष्यों ने उनकी पूजा की; सावित्री की पूजा सबसे पहले राजा अश्वपति ने पूर्ण विधि से की थी।

श्लोक 151 (devibhagavatam.9.1.151)

तत्पश्चात्त्रिषु लोकेषु देवतामुनिपुङ्गवैः । आदौ सरस्वती देवी ब्रह्मणा परिपूजिता

tatpaścāttriṣu lokeṣu devatāmunipuṅgavaiḥ | ādau sarasvatī devī brahmaṇā paripūjitā

उसके बाद तीनों लोकों में देवताओं और श्रेष्ठ मुनियों ने उनकी पूजा की; देवी सरस्वती की पूजा सर्वप्रथम ब्रह्मा ने पूर्ण विधि से की थी।

श्लोक 152 (devibhagavatam.9.1.152)

तत्पश्चात्त्रिषु लोकेषु देवतामुनिपुङ्गवैः । प्रथमं पूजिता राधा गोलोके रासमण्डले

tatpaścāttriṣu lokeṣu devatāmunipuṅgavaiḥ | prathamaṁ pūjitā rādhā goloke rāsamaṇḍale

उसके बाद तीनों लोकों में देवताओं और श्रेष्ठ मुनियों ने उनकी पूजा की; राधा की पूजा सबसे पहले गोलोक में रासमण्डल में हुई थी।

श्लोक 153 (devibhagavatam.9.1.153)

पौर्णमास्यां कार्तिकस्य कृष्णेन परमात्मना । गोपिकाभिश्च गोपैश्च बालिकाभिश्च बालकैः

paurṇamāsyāṁ kārtikasya kṛṣṇena paramātmanā | gopikābhiśca gopaiśca bālikābhiśca bālakaiḥ

कार्तिक की पूर्णिमा को परमात्मा कृष्ण ने, गोपिकाओं और गोपों ने, बालिकाओं और बालकों ने —

श्लोक 154 (devibhagavatam.9.1.154)

गवां गणैः सुरभ्या च तत्पश्चादाज्ञया हरेः । तदा ब्रह्मादिभिर्देवैर्मुनिभिः परया मुदा

gavāṁ gaṇaiḥ surabhyā ca tatpaścādājñayā hareḥ | tadā brahmādibhirdevairmunibhiḥ parayā mudā

गौओं के समूहों तथा सुरभि ने भी उनकी पूजा की; उसके बाद हरि की आज्ञा से ब्रह्मादि देवों तथा मुनियों ने परम हर्ष के साथ —

श्लोक 155 (devibhagavatam.9.1.155)

पुष्पधूपादिभिर्भक्त्या पूजिता वन्दिता सदा । पृथिव्यां प्रथमं देवी सुयज्ञेनैव पूजिता

puṣpadhūpādibhirbhaktyā pūjitā vanditā sadā | pṛthivyāṁ prathamaṁ devī suyajñenaiva pūjitā

पुष्प, धूप आदि से भक्तिपूर्वक उनकी सदा पूजा और वन्दना की गई; पृथ्वी पर देवी की पूजा सर्वप्रथम सुयज्ञ द्वारा की गई थी।

श्लोक 156 (devibhagavatam.9.1.156)

शङ्करेणोपदिष्टेन पुण्यक्षेत्रे च भारते । त्रिषु लोकेषु तत्पश्चादाज्ञया परमात्मनः

śaṅkareṇopadiṣṭena puṇyakṣetre ca bhārate | triṣu lokeṣu tatpaścādājñayā paramātmanaḥ

शंकर के उपदेश से पुण्यक्षेत्र भारतवर्ष में उनकी पूजा फैली; उसके बाद परमात्मा की आज्ञा से तीनों लोकों में भी।

श्लोक 157 (devibhagavatam.9.1.157)

पुष्पधूपादिभिर्भक्त्या पूजिता मुनिभिः सदा । कला या याः समुद्भूता पूजितास्ताश्च भारते

puṣpadhūpādibhirbhaktyā pūjitā munibhiḥ sadā | kalā yā yāḥ samudbhūtā pūjitāstāśca bhārate

मुनियों द्वारा पुष्प, धूप आदि से सदा भक्तिपूर्वक उनकी पूजा हुई; जो-जो कलाएँ उत्पन्न हुईं, वे भी भारतवर्ष में पूजित हुईं।

श्लोक 158 (devibhagavatam.9.1.158)

पूजिता ग्रामदेव्यश्च ग्रामे च नगरे मुने । एवं ते कथितं सर्वं प्रकृतेश्चरितं शुभम्

pūjitā grāmadevyaśca grāme ca nagare mune | evaṁ te kathitaṁ sarvaṁ prakṛteścaritaṁ śubham

हे मुनि! गाँव और नगर में ग्रामदेवियाँ भी पूजित होती हैं; इस प्रकार मैंने तुम्हें प्रकृति के शुभ चरित्र का सम्पूर्ण वर्णन सुनाया।

श्लोक 159 (devibhagavatam.9.1.159)

यथागमं लक्षणं च किं भूयः श्रोतुमिच्छसि

yathāgamaṁ lakṣaṇaṁ ca kiṁ bhūyaḥ śrotumicchasi

आगम के अनुसार यह उनका लक्षण है; अब आगे और क्या सुनना चाहते हो?