देवी की आवरण-पूजा विधि वर्णन

श्लोक 1 (devibhagavatam.9.50.1)

नारद उवाच । श्रुतं सर्वमुपाख्यानं प्रकृतीनां यथातथम् । यच्छ्रुत्वा मुच्यते जन्तुर्जन्मसंसारबन्धनात्

nārada uvāca | śrutaṁ sarvamupākhyānaṁ prakṛtīnāṁ yathātatham | yacchrutvā mucyate janturjanmasaṁsārabandhanāt

नारद ने कहा — प्रकृतियों का सारा उपाख्यान मैंने यथार्थ रूप से सुना, जिसे सुनकर प्राणी जन्म-संसार के बन्धन से मुक्त हो जाता है।

श्लोक 2 (devibhagavatam.9.50.2)

अधुना श्रोतुमिच्छामि रहस्यं वेदगोपितम् । राधायाश्चैव दुर्गाया विधानं श्रुतिचोदितम्

adhunā śrotumicchāmi rahasyaṁ vedagopitam | rādhāyāścaiva durgāyā vidhānaṁ śruticoditam

अब मैं वेद में छिपा वह रहस्य सुनना चाहता हूँ — राधा और दुर्गा की श्रुति-प्रेरित पूजा-विधि।

श्लोक 3 (devibhagavatam.9.50.3)

महिमा वर्णितोऽतीव भवता परयोर्द्वयोः । श्रुत्वा तं तद्गतं चेतो न कस्य स्यान्मुनीश्वर

mahimā varṇito'tīva bhavatā parayordvayoḥ | śrutvā taṁ tadgataṁ ceto na kasya syānmunīśvara

आपने उन दोनों श्रेष्ठ देवियों की महिमा का अत्यंत विस्तार से वर्णन किया है। हे मुनीश्वर, उसे सुनकर किसका मन उनकी ओर आकृष्ट न होगा?

श्लोक 4 (devibhagavatam.9.50.4)

ययोरंशो जगत्सर्वं यन्नियम्यं चराचरम् । ययोर्भक्त्या भवेन्मुक्तिस्तद्विधानं वदाधुना

yayoraṁśo jagatsarvaṁ yanniyamyaṁ carācaram | yayorbhaktyā bhavenmuktistadvidhānaṁ vadādhunā

जिनका अंश यह सारा जगत् है, जिनके नियम में सारा चराचर है, जिनकी भक्ति से मुक्ति मिलती है — अब उनकी वह पूजा-विधि कहिए।

श्लोक 5 (devibhagavatam.9.50.5)

श्रीनारायण उवाच । शृणु नारद वक्ष्यामि रहस्यं श्रुतिचोदितम् । यन्न कस्यापि चाख्यातं सारात्सारं परात्परम्

śrīnārāyaṇa uvāca | śṛṇu nārada vakṣyāmi rahasyaṁ śruticoditam | yanna kasyāpi cākhyātaṁ sārātsāraṁ parātparam

श्री नारायण ने कहा — हे नारद, सुनो, मैं तुम्हें वह श्रुति-प्रेरित रहस्य कहता हूँ, जो किसी से नहीं कहा गया — सारों का सार, परात्पर।

श्लोक 6 (devibhagavatam.9.50.6)

श्रुत्वा परस्मै नो वाच्यं यतोऽतीव रहस्यकम् । मूलप्रकृतिरूपिण्याः संविदो जगदुद्भवे

śrutvā parasmai no vācyaṁ yato'tīva rahasyakam | mūlaprakṛtirūpiṇyāḥ saṁvido jagadudbhave

इसे सुनकर किसी अन्य से नहीं कहना चाहिए, क्योंकि यह अत्यंत रहस्यमय है। मूलप्रकृति-स्वरूपा उस चित्-स्वरूपा से जगत् की उत्पत्ति में,

श्लोक 7 (devibhagavatam.9.50.7)

प्रादुर्भूतं शक्तियुग्मं प्राणबुद्ध्यधिदैवतम् । जीवानां चैव सर्वेषां नियन्तृप्रेरकं सदा

prādurbhūtaṁ śaktiyugmaṁ prāṇabuddhyadhidaivatam | jīvānāṁ caiva sarveṣāṁ niyantṛprerakaṁ sadā

प्राण और बुद्धि की अधिष्ठात्री, एक शक्ति-युगल प्रकट हुआ — जो सदा सब जीवों का नियन्ता और प्रेरक है।

श्लोक 8 (devibhagavatam.9.50.8)

तदधीनं जगत्सर्वं विराडादिचराचरम् । यावत्तयोः प्रसादो न तावन्मोक्षो हि दुर्लभः

tadadhīnaṁ jagatsarvaṁ virāḍādicarācaram | yāvattayoḥ prasādo na tāvanmokṣo hi durlabhaḥ

विराट् आदि सहित सारा चराचर जगत् उन्हीं के अधीन है; जब तक उनकी कृपा नहीं होती, तब तक मोक्ष दुर्लभ ही है।

श्लोक 9 (devibhagavatam.9.50.9)

ततस्तयोः प्रसादार्थं नित्यं सेवेत तद्द्वयम् । तत्रादौ राधिकामन्त्रं शृणु नारद भक्तितः

tatastayoḥ prasādārthaṁ nityaṁ seveta taddvayam | tatrādau rādhikāmantraṁ śṛṇu nārada bhaktitaḥ

अतः उनकी कृपा के लिए उन दोनों की नित्य सेवा करनी चाहिए। इनमें से पहले, हे नारद, राधिका का मन्त्र भक्तिपूर्वक सुनो।

श्लोक 10 (devibhagavatam.9.50.10)

ब्रह्मविष्ण्वादिभिर्नित्यं सेवितो यः परात्परः । श्रीराधेति चतुर्थ्यन्तं वह्नेर्जाया ततः परम्

brahmaviṣṇvādibhirnityaṁ sevito yaḥ parātparaḥ | śrīrādheti caturthyantaṁ vahnerjāyā tataḥ param

जो ब्रह्मा-विष्णु आदि द्वारा सदा सेवित हैं, वे परात्पर — "श्रीराधा" चतुर्थी-अन्त, फिर "अग्नि की पत्नी" [स्वाहा] —

श्लोक 11 (devibhagavatam.9.50.11)

षडक्षरो महामन्त्रो धर्माद्यर्थप्रकाशकः । मायाबीजादिकश्चायं वाञ्छाचिन्तामणिः स्मृतः

ṣaḍakṣaro mahāmantro dharmādyarthaprakāśakaḥ | māyābījādikaścāyaṁ vāñchācintāmaṇiḥ smṛtaḥ

— यह छह-अक्षर का महामन्त्र है, जो धर्म आदि पुरुषार्थों को प्रकाशित करने वाला है; माया के बीज से युक्त यह वांछा-चिन्तामणि कहा गया है।

श्लोक 12 (devibhagavatam.9.50.12)

वक्त्रकोटिसहस्रैस्तु जिह्वाकोटिशतैरपि । एतन्मन्त्रस्य माहात्म्यं वर्णितुं नैव शक्यते

vaktrakoṭisahasraistu jihvākoṭiśatairapi | etanmantrasya māhātmyaṁ varṇituṁ naiva śakyate

करोड़ों मुखों और अरबों जिह्वाओं से भी इस मन्त्र का माहात्म्य कभी वर्णित नहीं किया जा सकता।

श्लोक 13 (devibhagavatam.9.50.13)

जग्राह प्रथमं मन्त्रं श्रीकृष्णो भक्तितत्परः । उपदेशान्मूलदेव्या गोलोके रासमण्डले

jagrāha prathamaṁ mantraṁ śrīkṛṣṇo bhaktitatparaḥ | upadeśānmūladevyā goloke rāsamaṇḍale

भक्तिपरायण श्रीकृष्ण ने ही सबसे पहले यह मन्त्र गोलोक के रासमण्डल में मूलदेवी से उपदेश पाकर ग्रहण किया।

श्लोक 14 (devibhagavatam.9.50.14)

विष्णुस्तेनोपदिष्टस्तु तेन ब्रह्मा विराट् तथा । तेन धर्मस्तेन चाहमित्येषा हि परम्परा

viṣṇustenopadiṣṭastu tena brahmā virāṭ tathā | tena dharmastena cāhamityeṣā hi paramparā

उन्होंने विष्णु को उपदेश दिया, उनसे ब्रह्मा और विराट् को भी; उनसे धर्म को, और उनसे मुझे — यही इसकी परम्परा है।

श्लोक 15 (devibhagavatam.9.50.15)

अहं जपामि तं मन्त्रं तेनाहमृषिरीडितः । ब्रह्माद्याः सकला देवा नित्यं ध्यायन्ति तां मुदा

ahaṁ japāmi taṁ mantraṁ tenāhamṛṣirīḍitaḥ | brahmādyāḥ sakalā devā nityaṁ dhyāyanti tāṁ mudā

मैं उस मन्त्र का जप करता हूँ, इसीलिए मैं इसका ऋषि माना जाता हूँ। ब्रह्मा आदि सब देवता सदा हर्षपूर्वक उनका ध्यान करते हैं।

श्लोक 16 (devibhagavatam.9.50.16)

कृष्णार्चायां नाधिकारो यतो राधार्चनं विना । वैष्णवैः सकलैस्तस्मात्कर्तव्यं राधिकार्चनम्

kṛṣṇārcāyāṁ nādhikāro yato rādhārcanaṁ vinā | vaiṣṇavaiḥ sakalaistasmātkartavyaṁ rādhikārcanam

राधा की अर्चना के बिना कृष्ण की अर्चना का अधिकार नहीं है; इसीलिए सभी वैष्णवों को राधिका की अर्चना करनी चाहिए।

श्लोक 17 (devibhagavatam.9.50.17)

कृष्णप्राणाधिदेवी सा तदधीनो विभुर्यतः । रासेश्वरी तस्य नित्यं तया हीनो न तिष्ठति

kṛṣṇaprāṇādhidevī sā tadadhīno vibhuryataḥ | rāseśvarī tasya nityaṁ tayā hīno na tiṣṭhati

वे कृष्ण के प्राणों की अधिष्ठात्री देवी हैं, क्योंकि वह विभु उनके अधीन हैं; वे सदा उनकी रासेश्वरी हैं, और वे उनके बिना नहीं रहते।

श्लोक 18 (devibhagavatam.9.50.18)

राध्नोति सकलान्कामांस्तस्माद्राधेति कीर्तिता । अत्रोक्तानां मनूनां च ऋषिरस्म्यहमेव च

rādhnoti sakalānkāmāṁstasmādrādheti kīrtitā | atroktānāṁ manūnāṁ ca ṛṣirasmyahameva ca

वे सब कामनाएँ पूर्ण करती हैं, इसीलिए "राधा" कही जाती हैं। यहाँ कहे गए मन्त्रों का ऋषि मैं ही हूँ,

श्लोक 19 (devibhagavatam.9.50.19)

छन्दश्च देवी गायत्री देवतात्र च राधिका । तारो बीजं शक्तिबीजं शक्तिस्तु परिकीर्तिता

chandaśca devī gāyatrī devatātra ca rādhikā | tāro bījaṁ śaktibījaṁ śaktistu parikīrtitā

छन्द देवी गायत्री है, और यहाँ देवता राधिका हैं; "ॐ" बीज है, शक्ति-बीज शक्ति कही गई है।

श्लोक 20 (devibhagavatam.9.50.20)

मूलावृत्त्या षडङ्गानि कर्तव्यानीतरत्र च । अथ ध्यायेन्महादेवीं राधिकां रासनायिकाम्

mūlāvṛttyā ṣaḍaṅgāni kartavyānītaratra ca | atha dhyāyenmahādevīṁ rādhikāṁ rāsanāyikām

मूल-मन्त्र की आवृत्ति से षडंग-न्यास करना चाहिए, जैसे अन्यत्र होता है। फिर महादेवी राधिका, रास की नायिका का ध्यान करना चाहिए,

श्लोक 21 (devibhagavatam.9.50.21)

पूर्वोक्तरीत्या तु मुने सामवेदे विगीतया । श्वेतचम्पकवर्णाभां शरदिन्दुसमाननाम्

pūrvoktarītyā tu mune sāmavede vigītayā | śvetacampakavarṇābhāṁ śaradindusamānanām

हे मुनि, पूर्वोक्त रीति से, सामवेद में गाई गई — श्वेत चम्पक के वर्ण वाली, शरद्-चन्द्र-सम मुख वाली,

श्लोक 22 (devibhagavatam.9.50.22)

कोटिचन्द्रप्रतीकाशां शरदम्भोजलोचनाम् । बिम्बाधरां पृथुश्रोणीं काञ्चीयुतनितम्बिनीम्

koṭicandrapratīkāśāṁ śaradambhojalocanām | bimbādharāṁ pṛthuśroṇīṁ kāñcīyutanitambinīm

करोड़ों चन्द्रमाओं के समान, शरद्-कमल-सम नेत्रों वाली, बिम्बफल-सम ओष्ठ, विशाल नितम्बों वाली, रत्न-मेखला से युक्त कटि वाली,

श्लोक 23 (devibhagavatam.9.50.23)

कुन्दपङ्क्तिसमानाभदन्तपङ्क्तिविराजिताम् । क्षौमाम्बरपरीधानां वह्निशुद्धांशुकान्विताम्

kundapaṅktisamānābhadantapaṅktivirājitām | kṣaumāmbaraparīdhānāṁ vahniśuddhāṁśukānvitām

कुन्द-पंक्ति जैसी सुशोभित दन्त-पंक्ति वाली, रेशमी वस्त्र धारण किए, अग्नि से शुद्ध किए वस्त्र से युक्त,

श्लोक 24 (devibhagavatam.9.50.24)

ईषद्धास्यप्रसन्नास्यां करिकुम्भयुगस्तनीम् । सदा द्वादशवर्षीयां रत्नभूषणभूषिताम्

īṣaddhāsyaprasannāsyāṁ karikumbhayugastanīm | sadā dvādaśavarṣīyāṁ ratnabhūṣaṇabhūṣitām

मन्द मुस्कान से प्रसन्न मुख वाली, गजराज के गंडस्थल जैसे युगल स्तन वाली, सदा बारह वर्ष की, रत्नाभूषणों से भूषित,

श्लोक 25 (devibhagavatam.9.50.25)

शृङ्गारसिन्धुलहरीं भक्तानुग्रहकातराम् । मल्लिकामालतीमालाकेशपाशविराजिताम्

śṛṅgārasindhulaharīṁ bhaktānugrahakātarām | mallikāmālatīmālākeśapāśavirājitām

शृंगार-सागर की लहर-सी, भक्तों पर अनुग्रह करने को उत्सुक, मल्लिका-मालती की मालाओं से सुशोभित केश-पाश वाली,

श्लोक 26 (devibhagavatam.9.50.26)

सुकुमाराङ्गलतिकां रासमण्डलमध्यगाम् । वराभयकरां शान्तां शश्वत्सुस्थिरयौवनाम्

sukumārāṅgalatikāṁ rāsamaṇḍalamadhyagām | varābhayakarāṁ śāntāṁ śaśvatsusthirayauvanām

कोमल अंगों वाली लता-सी, रासमण्डल के मध्य में स्थित, वर और अभय की मुद्रा में हाथ, शान्त, सदा स्थिर यौवन वाली,

श्लोक 27 (devibhagavatam.9.50.27)

रत्नसिंहासनासीनां गोपीमण्डलनायिकाम् । कृष्णप्राणाधिकां वेदबोधितां परमेश्वरीम्

ratnasiṁhāsanāsīnāṁ gopīmaṇḍalanāyikām | kṛṣṇaprāṇādhikāṁ vedabodhitāṁ parameśvarīm

रत्न-सिंहासन पर विराजमान, गोपी-मण्डल की नायिका, कृष्ण को प्राणों से भी प्रिय, वेद द्वारा प्रकाशित परमेश्वरी का।

श्लोक 28 (devibhagavatam.9.50.28)

एवं ध्यात्वा ततो बाह्ये शालग्रामे घटेऽथवा । यन्त्रे वाष्टदले देवीं पूजयेत्तु विधानतः

evaṁ dhyātvā tato bāhye śālagrāme ghaṭe'thavā | yantre vāṣṭadale devīṁ pūjayettu vidhānataḥ

इस प्रकार ध्याकर फिर बाहर, शालग्राम में, कलश में, यन्त्र में, या अष्टदल में देवी की विधिवत् पूजा करनी चाहिए।

श्लोक 29 (devibhagavatam.9.50.29)

आवाह्य देवीं तत्पश्चादासनादि प्रदीयताम् । मूलमन्त्रं समुच्चार्य चासनादीनि कल्पयेत्

āvāhya devīṁ tatpaścādāsanādi pradīyatām | mūlamantraṁ samuccārya cāsanādīni kalpayet

देवी का आवाहन कर फिर आसन आदि अर्पित करने चाहिए। मूल-मन्त्र का उच्चारण कर आसन आदि की कल्पना करनी चाहिए।

श्लोक 30 (devibhagavatam.9.50.30)

पाद्यं तु पादयोर्दद्यान्मस्तकेऽर्घ्यं समीरितम् । मुखे त्वाचमनीयं स्यात्त्रिवारं मूलविद्यया

pādyaṁ tu pādayordadyānmastake'rghyaṁ samīritam | mukhe tvācamanīyaṁ syāttrivāraṁ mūlavidyayā

पाद्य चरणों में अर्पित करना चाहिए, मस्तक पर अर्घ्य कहा गया है; मुख में आचमनीय तीन बार मूल-विद्या से देना चाहिए।

श्लोक 31 (devibhagavatam.9.50.31)

मधुपर्कं ततो दद्यादेकां गां च पयस्विनीम् । ततो नयेत्स्नानशालां तां च तत्रैव भावयेत्

madhuparkaṁ tato dadyādekāṁ gāṁ ca payasvinīm | tato nayetsnānaśālāṁ tāṁ ca tatraiva bhāvayet

फिर मधुपर्क और एक दूध देने वाली गौ अर्पित करनी चाहिए; फिर उन्हें स्नान-शाला में ले जाकर वहीं उनका ध्यान करना चाहिए।

श्लोक 32 (devibhagavatam.9.50.32)

अभ्यङ्गादिस्नानविधिं कल्पयित्वाथ वाससी । ततश्च चन्दनं दद्यान्नानालङ्कारपूर्वकम्

abhyaṅgādisnānavidhiṁ kalpayitvātha vāsasī | tataśca candanaṁ dadyānnānālaṅkārapūrvakam

अभ्यंग आदि स्नान-विधि सम्पन्न कर फिर दो वस्त्र अर्पित करने चाहिए; फिर नाना अलंकारों सहित चन्दन देना चाहिए।

श्लोक 33 (devibhagavatam.9.50.33)

पुष्पमाला बहुविधास्तुलसीमञ्जरीयुताः । पारिजातप्रसूनानि शतपत्रादिकानि च

puṣpamālā bahuvidhāstulasīmañjarīyutāḥ | pārijātaprasūnāni śatapatrādikāni ca

तुलसी-मंजरियों से युक्त नाना प्रकार की पुष्प-मालाएँ, पारिजात के फूल और शतपत्र (कमल) आदि [अर्पित करने चाहिए]।

श्लोक 34 (devibhagavatam.9.50.34)

ततः कुर्यात्पवित्रं तत्परिवारार्चनं विभोः । अग्नीशासुरवायव्यमध्ये दिक्ष्वङ्गपूजनम्

tataḥ kuryātpavitraṁ tatparivārārcanaṁ vibhoḥ | agnīśāsuravāyavyamadhye dikṣvaṅgapūjanam

फिर उस विभु के परिवार की पवित्र पूजा करनी चाहिए — अग्नि, ईशान, नैर्ऋत्य, वायव्य के मध्य में दिशाओं और अंगों की पूजा।

श्लोक 35 (devibhagavatam.9.50.35)

कृत्वा पश्चादष्टदले दक्षिणावर्ततोऽग्रतः । मालावतीमग्रदले वह्निकोणे च माधवीम्

kṛtvā paścādaṣṭadale dakṣiṇāvartato'grataḥ | mālāvatīmagradale vahnikoṇe ca mādhavīm

यह करके फिर अष्टदल में, आगे से दक्षिणावर्त — अग्र-दल में मालावती की, अग्नि-कोण में माधवी की,

श्लोक 36 (devibhagavatam.9.50.36)

रत्नमालां दक्षिणे च नैरृत्ये तु सुशीलकाम् । पश्चाद्दले शशिकलां पूजयेन्मतिमान्नरः

ratnamālāṁ dakṣiṇe ca nairṛtye tu suśīlakām | paścāddale śaśikalāṁ pūjayenmatimānnaraḥ

दक्षिण में रत्नमाला की, नैर्ऋत्य में सुशीलका की; पश्चिम-दल में बुद्धिमान् पुरुष को शशिकला की पूजा करनी चाहिए।

श्लोक 37 (devibhagavatam.9.50.37)

मारुते पारिजातां चाप्युत्तरे च परावतीम् । ईशानकोणे सम्पूज्या सुन्दरी प्रियकारिणी

mārute pārijātāṁ cāpyuttare ca parāvatīm | īśānakoṇe sampūjyā sundarī priyakāriṇī

वायव्य कोण में पारिजाता की, उत्तर में परावती की; ईशान-कोण में प्रिय-कारिणी सुन्दरी की पूजा करनी चाहिए।

श्लोक 38 (devibhagavatam.9.50.38)

ब्राह्म्यादयस्तु तद्बाह्येऽप्याशापालांस्तु भूपुरे । वज्रादिकान्यायुधानि देवीमित्थं प्रपूजयेत्

brāhmyādayastu tadbāhye'pyāśāpālāṁstu bhūpure | vajrādikānyāyudhāni devīmitthaṁ prapūjayet

उससे बाहर ब्राह्मी आदि मातृकाओं की, भूपुर (चतुष्कोण) में दिशाओं के रक्षकों की, वज्र आदि आयुधों सहित — इस प्रकार देवी की सम्पूर्ण पूजा करनी चाहिए।

श्लोक 39 (devibhagavatam.9.50.39)

ततो देवीं सावरणां गन्धाद्यैरुपचारकैः । राजोपचारसहितैः पूजयेन्मतिमान्नरः

tato devīṁ sāvaraṇāṁ gandhādyairupacārakaiḥ | rājopacārasahitaiḥ pūjayenmatimānnaraḥ

फिर बुद्धिमान् पुरुष को गन्ध आदि उपचारों और राजोपचारों सहित देवी की, उनके सम्पूर्ण परिवार सहित, पूजा करनी चाहिए।

श्लोक 40 (devibhagavatam.9.50.40)

ततः स्तुवीत देवेशीं स्तोत्रैर्नामसहस्रकैः । सहस्रसङ्ख्यं च जपं नित्यं कुर्यात्प्रयत्नतः

tataḥ stuvīta deveśīṁ stotrairnāmasahasrakaiḥ | sahasrasaṅkhyaṁ ca japaṁ nityaṁ kuryātprayatnataḥ

फिर स्तोत्रों और सहस्र नामों से देवेशी की स्तुति करनी चाहिए; और सदा यत्नपूर्वक सहस्र-संख्यक जप करना चाहिए।

श्लोक 41 (devibhagavatam.9.50.41)

य एवं पूजयेद्देवीं राधां रासेश्वरीं पराम् । स भवेद्विष्णुतुल्यस्तु गोलोकं याति सन्ततम्

ya evaṁ pūjayeddevīṁ rādhāṁ rāseśvarīṁ parām | sa bhavedviṣṇutulyastu golokaṁ yāti santatam

जो इस प्रकार परा रासेश्वरी राधा देवी की पूजा करता है, वह विष्णु के तुल्य हो जाता है और अन्त में गोलोक को प्राप्त होता है।

श्लोक 42 (devibhagavatam.9.50.42)

यः कार्तिक्यां पौर्णमास्यां राधाजन्मोत्सव बुधः । कुरुते तस्य सान्निध्यं दद्याद्रासेश्वरी परा

yaḥ kārtikyāṁ paurṇamāsyāṁ rādhājanmotsava budhaḥ | kurute tasya sānnidhyaṁ dadyādrāseśvarī parā

जो बुद्धिमान् कार्तिक पूर्णिमा को राधा के जन्मोत्सव को मनाता है, उसे परा रासेश्वरी अपनी सान्निध्य प्रदान करती हैं।

श्लोक 43 (devibhagavatam.9.50.43)

केनचित्कारणेनैव राधा वृन्दावने वने । वृषभानुसुता जाता गोलोकस्थायिनी सदा

kenacitkāraṇenaiva rādhā vṛndāvane vane | vṛṣabhānusutā jātā golokasthāyinī sadā

किसी कारणवश ही राधा, सदा गोलोक-निवासिनी होते हुए भी, वृन्दावन वन में वृषभानु की पुत्री के रूप में जन्मी।

श्लोक 44 (devibhagavatam.9.50.44)

अत्रोक्तानां तु मन्त्राणां वर्णसङ्ख्याविधानतः । पुरश्चरणकर्मोक्तं दशांशं होममाचरेत्

atroktānāṁ tu mantrāṇāṁ varṇasaṅkhyāvidhānataḥ | puraścaraṇakarmoktaṁ daśāṁśaṁ homamācaret

यहाँ कहे गए मन्त्रों के अक्षरों की संख्या के अनुसार पुरश्चरण-कर्म कहा गया है; उसका दसवाँ अंश होम करना चाहिए।

श्लोक 45 (devibhagavatam.9.50.45)

तिलैस्त्रिस्वादुसंयुक्तैर्जुहुयाद्भक्तिभावतः । नारद उवाच । स्तोत्रं वद मुने सम्यग्येन देवी प्रसीदति

tilaistrisvādusaṁyuktairjuhuyādbhaktibhāvataḥ | nārada uvāca | stotraṁ vada mune samyagyena devī prasīdati

तीन स्वादु पदार्थों से युक्त तिलों से भक्तिभाव से हवन करना चाहिए। नारद ने कहा — हे मुनि, वह स्तोत्र कहिए जिससे देवी सम्यक् प्रसन्न होती हैं।

श्लोक 46 (devibhagavatam.9.50.46)

श्रीनारायण उवाच । नमस्ते परमेशानि रासमण्डलवासिनि । रासेश्वरि नमस्तेऽस्तु कृष्णप्राणाधिकप्रिये

śrīnārāyaṇa uvāca | namaste parameśāni rāsamaṇḍalavāsini | rāseśvari namaste'stu kṛṣṇaprāṇādhikapriye

श्री नारायण ने कहा — हे परमेश्वरी, रासमण्डल-वासिनी, तुम्हें नमस्कार। हे रासेश्वरी, कृष्ण को प्राणों से भी प्रिय, तुम्हें नमस्कार हो।

श्लोक 47 (devibhagavatam.9.50.47)

नमस्त्रैलोक्यजननि प्रसीद करुणार्णवे । ब्रह्मविष्ण्वादिभिर्देवैर्वन्द्यमानपदाम्बुजे

namastrailokyajanani prasīda karuṇārṇave | brahmaviṣṇvādibhirdevairvandyamānapadāmbuje

हे त्रैलोक्य की जननी, नमस्कार; हे करुणा-सागर, प्रसन्न होओ; तुम्हारे चरण-कमल ब्रह्मा-विष्णु आदि देवों द्वारा वन्दित हैं।

श्लोक 48 (devibhagavatam.9.50.48)

नमः सरस्वतीरूपे नमः सावित्रि शङ्करि । गङ्गापद्मावतीरूपे षष्ठि मङ्गलचण्डिके

namaḥ sarasvatīrūpe namaḥ sāvitri śaṅkari | gaṅgāpadmāvatīrūpe ṣaṣṭhi maṅgalacaṇḍike

सरस्वती-रूपा को नमस्कार, हे सावित्री, हे शंकरी, नमस्कार; गंगा-रूपा, पद्मावती-रूपा, हे षष्ठी, हे मंगलचण्डिके,

श्लोक 49 (devibhagavatam.9.50.49)

नमस्ते तुलसीरूपे नमो लक्ष्मीस्वरूपिणि । नमो दुर्गे भगवति नमस्ते सर्वरूपिणि

namaste tulasīrūpe namo lakṣmīsvarūpiṇi | namo durge bhagavati namaste sarvarūpiṇi

तुलसी-रूपा को नमस्कार; लक्ष्मी-स्वरूपिणी को नमस्कार; भगवती दुर्गा को नमस्कार; हे सर्वरूपिणी, तुम्हें नमस्कार।

श्लोक 50 (devibhagavatam.9.50.50)

मूलप्रकृतिरूपां त्वां भजामः करुणार्णवाम् । संसारसागरादस्मानुद्धराम्ब दयां कुरु

mūlaprakṛtirūpāṁ tvāṁ bhajāmaḥ karuṇārṇavām | saṁsārasāgarādasmānuddharāmba dayāṁ kuru

मूलप्रकृति-स्वरूपा, करुणा-सागर तुम्हारा हम भजन करते हैं। हे अम्ब, हमें संसार-सागर से पार करो, दया करो।"

श्लोक 51 (devibhagavatam.9.50.51)

इदं स्तोत्रं त्रिसन्ध्यं यः पठेद्राधां स्मरन्नरः । न तस्य दुर्लभं किञ्चित्कदाचिच्च भविष्यति

idaṁ stotraṁ trisandhyaṁ yaḥ paṭhedrādhāṁ smarannaraḥ | na tasya durlabhaṁ kiñcitkadācicca bhaviṣyati

जो पुरुष राधा का स्मरण करते हुए तीनों सन्ध्याओं में इस स्तोत्र का पाठ करता है, उसके लिए कभी कुछ भी दुर्लभ नहीं होगा।

श्लोक 52 (devibhagavatam.9.50.52)

देहान्ते च वसेन्नित्यं गोलोके रासमण्डले । इदं रहस्यं परमं न चाख्येयं तु कस्यचित्

dehānte ca vasennityaṁ goloke rāsamaṇḍale | idaṁ rahasyaṁ paramaṁ na cākhyeyaṁ tu kasyacit

देहान्त होने पर वह सदा गोलोक के रासमण्डल में निवास करेगा। यह परम रहस्य है, किसी को भी नहीं कहना चाहिए।

श्लोक 53 (devibhagavatam.9.50.53)

अधुना शृणु विप्रेन्द्र दुर्गादेव्या विधानकम् । यस्याः स्मरणमात्रेण पलायन्ते महापदः

adhunā śṛṇu viprendra durgādevyā vidhānakam | yasyāḥ smaraṇamātreṇa palāyante mahāpadaḥ

अब हे विप्रेन्द्र, दुर्गा देवी की पूजा-विधि सुनो — जिनके स्मरण मात्र से बड़ी-बड़ी विपत्तियाँ भाग जाती हैं।

श्लोक 54 (devibhagavatam.9.50.54)

एनां न भजते यो हि तादृङ्नास्त्येव कुत्रचित् । सर्वोपास्या सर्वमाता शैवी शक्तिर्महाद्भुता

enāṁ na bhajate yo hi tādṛṅnāstyeva kutracit | sarvopāsyā sarvamātā śaivī śaktirmahādbhutā

जो इनका भजन नहीं करता, ऐसा कोई कहीं भी नहीं है। सबकी उपास्या, सबकी माता, शिव की शक्ति, महान् अद्भुत —

श्लोक 55 (devibhagavatam.9.50.55)

सर्वबुद्ध्याधिदेवीयमन्तर्यामिस्वरूपिणी । दुर्गसङ्कटहन्त्रीति दुर्गेति प्रथिता भुवि

sarvabuddhyādhidevīyamantaryāmisvarūpiṇī | durgasaṅkaṭahantrīti durgeti prathitā bhuvi

सारी बुद्धियों की अधिष्ठात्री देवी, अन्तर्यामी-स्वरूपा — कठिन विपत्तियों (दुर्ग) की नाशक होने से "दुर्गा" के नाम से पृथ्वी पर विख्यात हैं।

श्लोक 56 (devibhagavatam.9.50.56)

वैष्णवानां च शैवानामुपास्येयं च नित्यशः । मूलप्रकृतिरूपा सा सृष्टिस्थित्यन्तकारिणी

vaiṣṇavānāṁ ca śaivānāmupāsyeyaṁ ca nityaśaḥ | mūlaprakṛtirūpā sā sṛṣṭisthityantakāriṇī

वे वैष्णवों और शैवों दोनों के लिए सदा उपास्य हैं; वे मूलप्रकृति-स्वरूपा, सृष्टि-स्थिति-प्रलय की कर्त्री हैं।

श्लोक 57 (devibhagavatam.9.50.57)

तस्या नवाक्षरं मन्त्रं वक्ष्ये मन्त्रोत्तमोत्तमम् । वाग्भवं शम्भुवनिता कामबीजं ततः परम्

tasyā navākṣaraṁ mantraṁ vakṣye mantrottamottamam | vāgbhavaṁ śambhuvanitā kāmabījaṁ tataḥ param

अब मैं उनका नौ-अक्षर का मन्त्र कहता हूँ, मन्त्रों में उत्तमोत्तम — वाणी का बीज [ऐं], शम्भु की वनिता का बीज [ह्रीं], फिर काम-बीज [क्लीं],

श्लोक 58 (devibhagavatam.9.50.58)

चामुण्डायै पदं पश्चाद्विच्चे इत्यक्षरद्वयम् । नवाक्षरो मनुः प्रोक्तो भजतां कल्पपादपः

cāmuṇḍāyai padaṁ paścādvicce ityakṣaradvayam | navākṣaro manuḥ prokto bhajatāṁ kalpapādapaḥ

फिर "चामुण्डायै" पद, फिर "विच्चे" ये दो अक्षर — इस प्रकार नौ-अक्षर का यह मन्त्र कहा गया है, जो भजन करने वालों के लिए कल्पवृक्ष है।

श्लोक 59 (devibhagavatam.9.50.59)

ब्रह्मविष्णुमहेशाना ऋषयोऽस्य प्रकीर्तिताः । छन्दांस्युक्तानि सततं गायत्र्युष्णिगनुष्टुभः

brahmaviṣṇumaheśānā ṛṣayo'sya prakīrtitāḥ | chandāṁsyuktāni satataṁ gāyatryuṣṇiganuṣṭubhaḥ

ब्रह्मा, विष्णु और महेश इसके ऋषि कहे गए हैं। इसके छन्द सदा गायत्री, उष्णिक् और अनुष्टुभ् कहे गए हैं;

श्लोक 60 (devibhagavatam.9.50.60)

महाकाली महालक्ष्मीः सरस्वत्यपि देवताः । स्याद्रक्तदन्तिकाबीजं दुर्गा च भ्रामरी तथा

mahākālī mahālakṣmīḥ sarasvatyapi devatāḥ | syādraktadantikābījaṁ durgā ca bhrāmarī tathā

महाकाली, महालक्ष्मी और सरस्वती भी इसकी देवता हैं; रक्तदन्तिका, दुर्गा और भ्रामरी इसका बीज-रूप हैं;

श्लोक 61 (devibhagavatam.9.50.61)

नन्दाशाकम्भरीदेव्यौ भीमा च शक्तयः स्मृताः । धर्मार्थकाममोक्षेषु विनियोग उदाहृतः

nandāśākambharīdevyau bhīmā ca śaktayaḥ smṛtāḥ | dharmārthakāmamokṣeṣu viniyoga udāhṛtaḥ

नन्दा, शाकम्भरी देवी और भीमा इसकी शक्तियाँ स्मरण की गई हैं। धर्म, अर्थ, काम, मोक्ष के लिए इसका विनियोग बताया गया है।

श्लोक 62 (devibhagavatam.9.50.62)

ऋषिच्छन्दो दैवतानि मौलौ वक्त्रे हृदि न्यसेत् । स्तनयोः शक्तिबीजानि न्यसेत्सर्वार्थसिद्धये

ṛṣicchando daivatāni maulau vaktre hṛdi nyaset | stanayoḥ śaktibījāni nyasetsarvārthasiddhaye

ऋषि, छन्द और देवताओं का न्यास मस्तक, मुख और हृदय पर करना चाहिए; सर्वार्थ-सिद्धि के लिए शक्ति-बीजों का न्यास दोनों स्तनों पर करना चाहिए।

श्लोक 63 (devibhagavatam.9.50.63)

बीजत्रयैश्चतुर्भिश्च द्वाभ्यां सर्वेण चैव हि । षडङ्गानि मनोः कुर्याज्जातियुक्तानि देशिकः

bījatrayaiścaturbhiśca dvābhyāṁ sarveṇa caiva hi | ṣaḍaṅgāni manoḥ kuryājjātiyuktāni deśikaḥ

तीन बीजाक्षरों से, फिर चार से, फिर दो से, फिर सम्पूर्ण मन्त्र से — गुरु को मन्त्र के षडंग, उनकी उचित संगति सहित, करने चाहिए।

श्लोक 64 (devibhagavatam.9.50.64)

शिखायां लोचनद्वन्द्वे श्रुतिनासाननेषु च । गुदे न्यसेन्मन्त्रवर्णान्सर्वेण व्यापकं चरेत्

śikhāyāṁ locanadvandve śrutināsānaneṣu ca | gude nyasenmantravarṇānsarveṇa vyāpakaṁ caret

शिखा में, दोनों नेत्रों में, कान, नासिका और मुख में, तथा गुद-स्थान में मन्त्राक्षरों का न्यास करना चाहिए; सम्पूर्ण मन्त्र से पूरे शरीर का व्यापक न्यास करना चाहिए।

श्लोक 65 (devibhagavatam.9.50.65)

खड्गचक्रगदाबाणचापानि परिघं तथा । शूलं भुशुण्डीं च शिरः शङ्खं सन्दधतीं करैः

khaḍgacakragadābāṇacāpāni parighaṁ tathā | śūlaṁ bhuśuṇḍīṁ ca śiraḥ śaṅkhaṁ sandadhatīṁ karaiḥ

[ध्यान करना चाहिए] — हाथों में खड्ग, चक्र, गदा, बाण, धनुष, परिघ, शूल, भुशुण्डी, कटा हुआ सिर और शंख धारण किए हुए,

श्लोक 66 (devibhagavatam.9.50.66)

महाकालीं त्रिनयनां नानाभूषणभूषिताम् । नीलाञ्जनसमप्रख्यां दशपादाननां भजे

mahākālīṁ trinayanāṁ nānābhūṣaṇabhūṣitām | nīlāñjanasamaprakhyāṁ daśapādānanāṁ bhaje

त्रिनेत्र, नाना आभूषणों से भूषित, नीलांजन-सम वर्ण वाली, दस पैरों और दस मुखों वाली महाकाली का मैं भजन करता हूँ,

श्लोक 67 (devibhagavatam.9.50.67)

मधुकैटभनाशार्थं यां तुष्टावाम्बुजासनः । एवं ध्यायेन्महाकालीं कामबीजस्वरूपिणीम्

madhukaiṭabhanāśārthaṁ yāṁ tuṣṭāvāmbujāsanaḥ | evaṁ dhyāyenmahākālīṁ kāmabījasvarūpiṇīm

जिनकी स्तुति मधु-कैटभ के नाश के लिए कमलासन (ब्रह्मा) ने की थी। इस प्रकार काम-बीज-स्वरूपा महाकाली का ध्यान करना चाहिए।

श्लोक 68 (devibhagavatam.9.50.68)

अक्षमालां च परशुं गदेषुकुलिशानि च । पद्मं धनुष्कुण्डिकां च दण्डं शक्तिमसिं तथा

akṣamālāṁ ca paraśuṁ gadeṣukuliśāni ca | padmaṁ dhanuṣkuṇḍikāṁ ca daṇḍaṁ śaktimasiṁ tathā

[ध्यान करना चाहिए] — अक्षमाला, फरसा, गदा, बाण, वज्र, कमल, धनुष, कमण्डलु, दण्ड, शक्ति और खड्ग धारण किए हुए,

श्लोक 69 (devibhagavatam.9.50.69)

चर्माम्बुजं तथा घण्टां सुरापात्रं च शूलकम् । पाशं सुदर्शनं चैव दधतीमरुणप्रभाम्

carmāmbujaṁ tathā ghaṇṭāṁ surāpātraṁ ca śūlakam | pāśaṁ sudarśanaṁ caiva dadhatīmaruṇaprabhām

ढाल, कमल, घण्टा, सुरापात्र, त्रिशूल, पाश और सुदर्शन-चक्र धारण किए हुए, अरुण-प्रभा वाली,

श्लोक 70 (devibhagavatam.9.50.70)

रक्ताम्बुजासनगतां मायाबीजस्वरूपिणीम् । महालक्ष्मीं भजेदेवं महिषासुरमर्दिनीम्

raktāmbujāsanagatāṁ māyābījasvarūpiṇīm | mahālakṣmīṁ bhajedevaṁ mahiṣāsuramardinīm

लाल कमल के आसन पर विराजमान, माया-बीज-स्वरूपा महालक्ष्मी, महिषासुर की मर्दिनी का इस प्रकार भजन करना चाहिए।

श्लोक 71 (devibhagavatam.9.50.71)

घण्टाशूले हलं शङ्खं मुसलं च सुदर्शनम् । धनुर्बाणान् हस्तपद्मैर्दधानां कुन्दसन्निभाम्

ghaṇṭāśūle halaṁ śaṅkhaṁ musalaṁ ca sudarśanam | dhanurbāṇān hastapadmairdadhānāṁ kundasannibhām

[ध्यान करना चाहिए] — कमल-हाथों में घण्टा, शूल, हल, शंख, मूसल, सुदर्शन-चक्र, धनुष-बाण धारण किए हुए, कुन्द-पुष्प के समान श्वेत,

श्लोक 72 (devibhagavatam.9.50.72)

शुम्भादिदैत्यसंहर्त्रीं वाणीबीजस्वरूपिणीम् । महासरस्वतीं ध्यायेत्सच्चिदानन्दविग्रहाम्

śumbhādidaityasaṁhartrīṁ vāṇībījasvarūpiṇīm | mahāsarasvatīṁ dhyāyetsaccidānandavigrahām

शुम्भ आदि दैत्यों की संहारक, वाणी-बीज-स्वरूपा महासरस्वती का ध्यान करना चाहिए, जिनका शरीर सच्चिदानन्द है।

श्लोक 73 (devibhagavatam.9.50.73)

यन्त्रमस्याः शृणु प्राज्ञ त्र्यस्रं षट्कोणसंयुतम् । ततोऽष्टदलपद्मं च चतुर्विंशतिपत्रकम्

yantramasyāḥ śṛṇu prājña tryasraṁ ṣaṭkoṇasaṁyutam | tato'ṣṭadalapadmaṁ ca caturviṁśatipatrakam

हे प्राज्ञ, अब उनका यन्त्र सुनो — त्रिकोण, षट्कोण से युक्त; फिर अष्टदल कमल, फिर चौबीस पंखुड़ियों वाला कमल —

श्लोक 74 (devibhagavatam.9.50.74)

भूगृहेण समायुक्तं यन्त्रमेवं विचिन्तयेत् । शालग्रामे घटे वापि यन्त्रे वा प्रतिमासु वा

bhūgṛheṇa samāyuktaṁ yantramevaṁ vicintayet | śālagrāme ghaṭe vāpi yantre vā pratimāsu vā

— भूगृह (चतुष्कोण) सहित युक्त — इस प्रकार यन्त्र का ध्यान करना चाहिए। शालग्राम में, कलश में, यन्त्र में, प्रतिमाओं में,

श्लोक 75 (devibhagavatam.9.50.75)

बाणलिङ्गेऽथवा सूर्ये यजेद्देवीमनन्यधीः । जयादिशक्तिसंयुक्ते पीठे देवीं प्रपूजयेत्

bāṇaliṅge'thavā sūrye yajeddevīmananyadhīḥ | jayādiśaktisaṁyukte pīṭhe devīṁ prapūjayet

बाणलिंग में या सूर्य में — अनन्य मन से देवी की पूजा करनी चाहिए। जय आदि शक्तियों से युक्त पीठ पर देवी की सम्पूर्ण पूजा करनी चाहिए।

श्लोक 76 (devibhagavatam.9.50.76)

पूर्वकोणे सरस्वत्या सहितं पद्मजं यजेत् । श्रिया सह हरिं तत्र नैरृते कोणके यजेत्

pūrvakoṇe sarasvatyā sahitaṁ padmajaṁ yajet | śriyā saha hariṁ tatra nairṛte koṇake yajet

पूर्व-कोण में सरस्वती सहित पद्मज (ब्रह्मा) की पूजा करनी चाहिए; वहाँ नैर्ऋत्य कोण में श्री सहित हरि की पूजा करनी चाहिए;

श्लोक 77 (devibhagavatam.9.50.77)

पार्वत्या सहितं शम्भुं वायुकोणे समर्चयेत् । देव्या उत्तरतः पूज्यः सिंहो वामे महासुरम्

pārvatyā sahitaṁ śambhuṁ vāyukoṇe samarcayet | devyā uttarataḥ pūjyaḥ siṁho vāme mahāsuram

वायव्य कोण में पार्वती सहित शम्भु की पूजा करनी चाहिए। देवी के उत्तर में सिंह पूज्य है, बाईं ओर महासुर,

श्लोक 78 (devibhagavatam.9.50.78)

महिषं पूजयेदन्ते षट्कोणेषु यजेत्क्रमात् । नन्दजां रक्तदन्तां च तथा शाकम्भरीं शिवाम्

mahiṣaṁ pūjayedante ṣaṭkoṇeṣu yajetkramāt | nandajāṁ raktadantāṁ ca tathā śākambharīṁ śivām

अन्त में महिष की पूजा करनी चाहिए। छह कोणों में क्रमशः नन्दजा, रक्तदन्ता, वैसे ही शिवा शाकम्भरी,

श्लोक 79 (devibhagavatam.9.50.79)

दुर्गां भीमां भ्रामरीं च ततो वसुदलेषु च । ब्राह्मीं माहेश्वरीं चैव कौमारीं वैष्णवीं तथा

durgāṁ bhīmāṁ bhrāmarīṁ ca tato vasudaleṣu ca | brāhmīṁ māheśvarīṁ caiva kaumārīṁ vaiṣṇavīṁ tathā

दुर्गा, भीमा और भ्रामरी की पूजा करनी चाहिए; फिर आठ पंखुड़ियों में — ब्राह्मी, माहेश्वरी, कौमारी, वैष्णवी,

श्लोक 80 (devibhagavatam.9.50.80)

वाराहीं नारसिंहीं च ऐन्द्रीं चामुण्डकां तथा । पूजयेच्च ततः पश्चात्तत्त्वपत्रेषु पूर्वतः

vārāhīṁ nārasiṁhīṁ ca aindrīṁ cāmuṇḍakāṁ tathā | pūjayecca tataḥ paścāttattvapatreṣu pūrvataḥ

वाराही, नारसिंही, ऐन्द्री और चामुण्डा की पूजा करनी चाहिए; फिर उसके बाद पूर्व से आरम्भ कर चौबीस "तत्त्व"-पंखुड़ियों में —

श्लोक 81 (devibhagavatam.9.50.81)

विष्णुमायां चेतनां च बुद्धिं निद्रां क्षुधां तथा । छायां शक्तिं परां तृष्णां शान्तिं जातिं च लज्जया

viṣṇumāyāṁ cetanāṁ ca buddhiṁ nidrāṁ kṣudhāṁ tathā | chāyāṁ śaktiṁ parāṁ tṛṣṇāṁ śāntiṁ jātiṁ ca lajjayā

विष्णुमाया, चेतना, बुद्धि, निद्रा, क्षुधा, छाया, परा-शक्ति, तृष्णा, शान्ति, जाति और लज्जा,

श्लोक 82 (devibhagavatam.9.50.82)

क्षान्तिं श्रद्धां कीर्तिलक्ष्म्यौ धृतिं वृत्तिं श्रुतिं स्मृतिम् । दयां तुष्टिं ततः पुष्टिं मातृभ्रान्ती इति क्रमात्

kṣāntiṁ śraddhāṁ kīrtilakṣmyau dhṛtiṁ vṛttiṁ śrutiṁ smṛtim | dayāṁ tuṣṭiṁ tataḥ puṣṭiṁ mātṛbhrāntī iti kramāt

क्षान्ति, श्रद्धा, कीर्ति-लक्ष्मी, धृति, वृत्ति, श्रुति, स्मृति, दया, तुष्टि, पुष्टि, मातृ और भ्रान्ति — इस क्रम से [पूजा करनी चाहिए]।

श्लोक 83 (devibhagavatam.9.50.83)

ततो भूपुरकोणेषु गणेशं क्षेत्रपालकम् । वटुकं योगिनीश्चापि पूजयेन्मतिमान्नरः

tato bhūpurakoṇeṣu gaṇeśaṁ kṣetrapālakam | vaṭukaṁ yoginīścāpi pūjayenmatimānnaraḥ

फिर भूपुर के कोणों में बुद्धिमान् पुरुष को गणेश, क्षेत्रपाल, वटुक और योगिनियों की पूजा करनी चाहिए।

श्लोक 84 (devibhagavatam.9.50.84)

इन्द्राद्यानपि तद्बाह्ये वज्राद्यायुधसंयुतान् । पूजयेदनया रीत्या देवीं सावरणां ततः

indrādyānapi tadbāhye vajrādyāyudhasaṁyutān | pūjayedanayā rītyā devīṁ sāvaraṇāṁ tataḥ

और उससे बाहर वज्र आदि आयुधों से युक्त इन्द्र आदि दिक्पालों की भी — इस विधि से देवी की उनके सम्पूर्ण परिवार सहित पूजा करनी चाहिए,

श्लोक 85 (devibhagavatam.9.50.85)

राजोपचारान्विविधान्दद्यादम्बाप्रतुष्टये । ततो जपेन्नवार्णं च मन्त्रं मन्त्रार्थपूर्वकम्

rājopacārānvividhāndadyādambāpratuṣṭaye | tato japennavārṇaṁ ca mantraṁ mantrārthapūrvakam

और माता की पूर्ण सन्तुष्टि के लिए नाना राजोपचार अर्पित करने चाहिए। फिर नौ-अक्षर के मन्त्र का अर्थ सहित जप करना चाहिए।

श्लोक 86 (devibhagavatam.9.50.86)

ततः सप्तशतीस्तोत्रं देव्या अग्रे तु सम्पठेत् । नानेन सदृशं स्तोत्रं विद्यते भुवनत्रये

tataḥ saptaśatīstotraṁ devyā agre tu sampaṭhet | nānena sadṛśaṁ stotraṁ vidyate bhuvanatraye

फिर देवी के समक्ष सप्तशती का स्तोत्र पूर्ण रूप से पढ़ना चाहिए; तीनों लोकों में इसके समान कोई स्तोत्र नहीं है।

श्लोक 87 (devibhagavatam.9.50.87)

ततश्चानेन देवेशीं तोषयेत् प्रत्यहं नरः । धर्मार्थकाममोक्षाणामालयं जायते नरः

tataścānena deveśīṁ toṣayet pratyahaṁ naraḥ | dharmārthakāmamokṣāṇāmālayaṁ jāyate naraḥ

इसी से पुरुष को प्रतिदिन देवेशी को सन्तुष्ट करना चाहिए; ऐसा पुरुष धर्म, अर्थ, काम, मोक्ष का आलय बन जाता है।

श्लोक 88 (devibhagavatam.9.50.88)

इति ते कथितं विप्र श्रीदुर्गाया विधानकम् । कृतार्थता येन भवेत्तदेतत्कथितं तव

iti te kathitaṁ vipra śrīdurgāyā vidhānakam | kṛtārthatā yena bhavettadetatkathitaṁ tava

हे विप्र, इस प्रकार तुम्हें श्री दुर्गा की पूजा-विधि कही गई; जिससे कृतार्थता प्राप्त हो, वह यह तुम्हें कहा गया।

श्लोक 89 (devibhagavatam.9.50.89)

सर्वे देवा हरिब्रह्मप्रमुखा मनवस्तथा । मुनयो ज्ञाननिष्ठाश्च योगिनश्चाश्रमास्तथा

sarve devā haribrahmapramukhā manavastathā | munayo jñānaniṣṭhāśca yoginaścāśramāstathā

हरि-ब्रह्मा प्रमुख सभी देवता, वैसे ही मनु; ज्ञान-निष्ठ मुनि, योगी और चारों आश्रमों के लोग —

श्लोक 90 (devibhagavatam.9.50.90)

लक्ष्म्यादयस्तथा देव्यः सर्वे ध्यायन्ति तां शिवाम् । तदैव जन्मसाफल्यं दुर्गास्मरणमस्ति चेत्

lakṣmyādayastathā devyaḥ sarve dhyāyanti tāṁ śivām | tadaiva janmasāphalyaṁ durgāsmaraṇamasti cet

लक्ष्मी आदि देवियाँ भी — सब उन शिवा (कल्याणी) का ध्यान करते हैं। जन्म की सार्थकता तभी है जब दुर्गा का स्मरण हो।

श्लोक 91 (devibhagavatam.9.50.91)

चतुर्दशापि मनवो ध्यात्वा चरणपङ्कजम् । मनुत्वं प्राप्तवन्तश्च देवाः स्वं स्वं पदं तथा

caturdaśāpi manavo dhyātvā caraṇapaṅkajam | manutvaṁ prāptavantaśca devāḥ svaṁ svaṁ padaṁ tathā

चौदहों मनु भी उनके चरण-कमल का ध्यान कर ही मनुपद को प्राप्त हुए, और देवगण भी वैसे ही अपने-अपने पद को प्राप्त हुए।

श्लोक 92 (devibhagavatam.9.50.92)

तदेतत्सर्वमाख्यातं रहस्यातिरहस्यकम् । प्रकृतीनां पञ्चकस्य तदंशानां च वर्णनम्

tadetatsarvamākhyātaṁ rahasyātirahasyakam | prakṛtīnāṁ pañcakasya tadaṁśānāṁ ca varṇanam

इस प्रकार यह सब, रहस्यों में भी अति रहस्य, कहा गया — पंचविध प्रकृति और उनके अंशों का यह वर्णन।

श्लोक 93 (devibhagavatam.9.50.93)

श्रुत्वैतन्मनुजो नित्यं पुरुषार्थचतुष्टयम् । लभते नात्र सन्देहः सत्यं सत्यं मयोदितम्

śrutvaitanmanujo nityaṁ puruṣārthacatuṣṭayam | labhate nātra sandehaḥ satyaṁ satyaṁ mayoditam

इसे सुनकर मनुष्य सदा चारों पुरुषार्थों को प्राप्त करता है, इसमें संशय नहीं; मैंने यह सत्य-सत्य कहा है।

श्लोक 94 (devibhagavatam.9.50.94)

अपुत्रो लभते पुत्रं विद्यार्थी प्राप्नुयाच्च ताम् । यं यं कामं स्मरेद्वापि तं तं श्रुत्वा समाप्नुयात्

aputro labhate putraṁ vidyārthī prāpnuyācca tām | yaṁ yaṁ kāmaṁ smaredvāpi taṁ taṁ śrutvā samāpnuyāt

अपुत्र पुत्र पाता है, विद्यार्थी विद्या पाता है; जो-जो कामना का स्मरण करे, इसे सुनकर वह उसी कामना को प्राप्त कर लेता है।

श्लोक 95 (devibhagavatam.9.50.95)

नवरात्रे पठेदेतद्देव्यग्रे तु समाहितः । परितुष्टा जगद्धात्री भवत्येव हि निश्चितम्

navarātre paṭhedetaddevyagre tu samāhitaḥ | parituṣṭā jagaddhātrī bhavatyeva hi niścitam

नवरात्र में देवी के समक्ष स्थिर मन से जो इसे पढ़ता है, जगत्-धात्री निश्चय ही पूर्णतः सन्तुष्ट होती हैं।

श्लोक 96 (devibhagavatam.9.50.96)

नित्यमेकैकमध्यायं पठेद्यः प्रत्यहं नरः । तस्य वश्या भवेद्देवी देवीप्रियकरो हि सः

nityamekaikamadhyāyaṁ paṭhedyaḥ pratyahaṁ naraḥ | tasya vaśyā bhaveddevī devīpriyakaro hi saḥ

जो पुरुष प्रतिदिन नित्य एक-एक अध्याय पढ़ता है, देवी उसके वश में हो जाती हैं, क्योंकि वह देवी को प्रिय करने वाला बन जाता है।

श्लोक 97 (devibhagavatam.9.50.97)

शकुनांश्च परीक्षेत नित्यमस्मिन्यथाविधि । कुमारीदिव्यहस्तेन यद्वा बटुकराम्बुजात्

śakunāṁśca parīkṣeta nityamasminyathāvidhi | kumārīdivyahastena yadvā baṭukarāmbujāt

इस अनुष्ठान में सदा यथाविधि शकुनों की परीक्षा करनी चाहिए — किसी कुमारी के दिव्य हाथ से या बालक के कमल-हाथ से।

श्लोक 98 (devibhagavatam.9.50.98)

मनोरथं तु सङ्कल्प्य पुस्तकं पूजयेत्ततः । देवीं च जगदीशानीं प्रणमेच्च पुनः पुनः

manorathaṁ tu saṅkalpya pustakaṁ pūjayettataḥ | devīṁ ca jagadīśānīṁ praṇamecca punaḥ punaḥ

मनोरथ का संकल्प कर फिर पुस्तक की पूजा करनी चाहिए; और जगदीश्वरी देवी को बार-बार प्रणाम करना चाहिए।

श्लोक 99 (devibhagavatam.9.50.99)

सुस्नातां कन्यकां तत्रानीयाभ्यर्च्य यथाविधि । शलाकां रोपयेन्मध्ये तथा स्वर्णेन निर्मिताम्

susnātāṁ kanyakāṁ tatrānīyābhyarcya yathāvidhi | śalākāṁ ropayenmadhye tathā svarṇena nirmitām

वहाँ एक भलीभाँति स्नान की हुई कन्या को लाकर विधिवत् उसकी पूजा कर, बीच में सोने से बनी एक शलाका रोपनी चाहिए,

श्लोक 100 (devibhagavatam.9.50.100)

शुभं वाप्यशुभं तत्र यदायाति च तद्भवेत् । उदासीनेऽप्युदासीनं कार्यं भवति निश्चितम्

śubhaṁ vāpyaśubhaṁ tatra yadāyāti ca tadbhavet | udāsīne'pyudāsīnaṁ kāryaṁ bhavati niścitam

और वहाँ जो शुभ या अशुभ घटित हो, वही परिणाम होता है। उदासीन संकेत होने पर भी कार्य निश्चय ही उदासीन ही होता है।