सूर्य-अर्चन-विधि

श्लोक 1 (garuda.1.17.1)

।।हरिरुवाच । पुनः सूर्य्यार्चनं वक्ष्ये यदुक्तं धनदाय हि । अष्टपत्रं लिखेत्पद्मं शुचौ देशे सकर्णिकम्

hariruvāca punaḥ sūryyārcanaṁ vakṣye yaduktaṁ dhanadāya hi aṣṭapatraṁ likhetpadmaṁ śucau deśe sakarṇikam

हरि ने कहा — अब मैं पुनः सूर्य-पूजन बताता हूँ, जो कुबेर से कहा गया था। पवित्र स्थान में कर्णिका सहित आठ पंखुड़ियों वाला कमल बनाना चाहिए।

श्लोक 2 (garuda.1.17.2)

आवाहनीं ततो बद्धा मुद्रामावाहयेद्धरिम् । खखोल्कं स्थाप्य मुद्रां तु स्थापयेन्मन्त्ररूपिणीम्

āvāhanīṁ tato baddhā mudrāmāvāhayeddharim khakholkaṁ sthāpya mudrāṁ tu sthāpayenmantrarūpiṇīm

तत्पश्चात् आवाहनी मुद्रा बांधकर हरि का आवाहन करे। खखोल्क (सूर्य) को स्थापित कर, मंत्र-स्वरूपिणी मुद्रा को स्थापित करे।

श्लोक 3 (garuda.1.17.3)

आग्नेय्यां दिशि देवस्य हृदयं स्थापयेच्छिव ! । ऐशान्यां तु शिरः स्थाप्यं नैर्ऋत्यां विन्यसेच्छिखाम्

āgneyyāṁ diśi devasya hṛdayaṁ sthāpayecchiva ! aiśānyāṁ tu śiraḥ sthāpyaṁ nairṛtyāṁ vinyasecchikhām

हे शिव! आग्नेय दिशा में देवता के हृदय को स्थापित करे। ईशान्य में शिर को स्थापित करे, और नैऋत्य में शिखा का न्यास करे।

श्लोक 4 (garuda.1.17.4)

पौरन्दर्य्यां न्यसेद्धर्म्ममेकाग्रस्थितमानसः । वायव्यां चैव नेत्रं तु वारुण्यामस्त्रमेव च

paurandaryyāṁ nyaseddharmmamekāgrasthitamānasaḥ vāyavyāṁ caiva netraṁ tu vāruṇyāmastrameva ca

एकाग्रचित्त होकर इंद्र-दिशा (पूर्व) में धर्म-रूपी कवच का न्यास करे। वायव्य में नेत्र का, और वरुण-दिशा (पश्चिम) में अस्त्र का न्यास करे।

श्लोक 5 (garuda.1.17.5)

ऐशान्यां स्थापयेत्सोमं पौरन्दर्य्यां तु लोहितम् । आग्नेय्यां सोमतनयं याम्यां चैव बृहस्पतिम्

aiśānyāṁ sthāpayetsomaṁ paurandaryyāṁ tu lohitam āgneyyāṁ somatanayaṁ yāmyāṁ caiva bṛhaspatim

ईशान्य में चंद्रमा को स्थापित करे, पूर्व में मंगल (लोहित) को। आग्नेय में बुध (सोम-पुत्र) को, और दक्षिण में बृहस्पति को स्थापित करे।

श्लोक 6 (garuda.1.17.6)

नैर्ऋत्यां दानवगुरुं वारुण्यां तु शनैश्चरम् । वायव्यां च तथा केतुं कौबेर्य्यां राहुमेव च

nairṛtyāṁ dānavaguruṁ vāruṇyāṁ tu śanaiścaram vāyavyāṁ ca tathā ketuṁ kauberyyāṁ rāhumeva ca

नैऋत्य में दानवों के गुरु शुक्र को, पश्चिम में शनैश्चर को। वायव्य में केतु को, और उत्तर दिशा में राहु को स्थापित करे।

श्लोक 7 (garuda.1.17.7)

द्वितीयायां तु कक्षायां सूर्य्यान्द्वादश पूजयेत् । भगः सूर्य्योऽर्य्यमा चैव मित्रो वै वरुणस्तथा

dvitīyāyāṁ tu kakṣāyāṁ sūryyāndvādaśa pūjayet bhagaḥ sūryyo'ryyamā caiva mitro vai varuṇastathā

दूसरी कक्षा (मंडल) में बारह सूर्यों (आदित्यों) की पूजा करे — भग, सूर्य, अर्यमा, मित्र, वरुण,

श्लोक 8 (garuda.1.17.8)

सविता चैव धाता च विवस्वांश्च महाबलः । त्वष्टा पूषा तथा चेन्द्रो द्वादशो विष्णुरुच्यते

savitā caiva dhātā ca vivasvāṁśca mahābalaḥ tvaṣṭā pūṣā tathā cendro dvādaśo viṣṇurucyate

सविता, धाता, महाबली विवस्वान, त्वष्टा, पूषा, इंद्र, और बारहवें विष्णु कहे गए हैं।

श्लोक 9 (garuda.1.17.9)

पूर्वादावर्चयेद्देवानिन्द्रादीञ्छ्रद्धया नरः । जया च विजया चैव जयन्ति चापराजिता । शेषश्च वासुकिश्चैव नागानित्यादि पूजयेत्

pūrvādāvarcayeddevānindrādīñchraddhayā naraḥ jayā ca vijayā caiva jayanti cāparājitā śeṣaśca vāsukiścaiva nāgānityādi pūjayet

पूर्व आदि दिशाओं में मनुष्य श्रद्धापूर्वक इंद्र आदि देवताओं की पूजा करे। जया, विजया, जयंती, अपराजिता, तथा शेष और वासुकि आदि नागों की भी पूजा करे।