विष्णु-पवित्रारोपण

श्लोक 1 (garuda.1.43.1)

।।हरिरुवाच ।। पवित्रारोपणं वक्ष्ये भुक्तिमुक्तिप्रदं हरेः ।। पुरा देवासुरे युद्धे ब्रह्माद्याः शरणं ययुः

..hariruvāca .. pavitrāropaṇaṁ vakṣye bhuktimuktipradaṁ hareḥ .. purā devāsure yuddhe brahmādyāḥ śaraṇaṁ yayuḥ

हरि ने कहा — अब मैं हरि के पवित्रारोपण का वर्णन करूँगा, जो भोग और मोक्ष दोनों देने वाला है। पूर्वकाल में देवासुर-संग्राम में ब्रह्मा आदि देवगण शरण में आए थे।

श्लोक 2 (garuda.1.43.2)

विष्णुश्च तेषां देवानां ध्वजं ग्रैवेयकं ददौ ।। एतौ दृष्ट्वा विनङ्क्ष्यन्ति दानवानब्रवीद्धरिः

viṣṇuśca teṣāṁ devānāṁ dhvajaṁ graiveyakaṁ dadau .. etau dṛṣṭvā vinaṅkṣyanti dānavānabravīddhariḥ

और विष्णु ने उन देवताओं को एक ध्वज और एक ग्रैवेयक (कण्ठहार) दिया। 'इन दोनों को देखकर (शत्रु) नष्ट हो जाएँगे' — ऐसा हरि ने कहा।

श्लोक 3 (garuda.1.43.3)

विष्णूक्ते ह्यब्रवीन्नागो वासुकेरनुजस्तदा ।। वृणीत च पवित्राख्यं वरं चेदं वृषध्वज

viṣṇūkte hyabravīnnāgo vāsukeranujastadā .. vṛṇīta ca pavitrākhyaṁ varaṁ cedaṁ vṛṣadhvaja

विष्णु के यह कहने पर वासुकि के छोटे भाई नाग ने कहा — 'हे वृषभध्वज, यह पवित्र नामक वर मुझे प्रदान कीजिए।'

श्लोक 4 (garuda.1.43.4)

ग्रैवेयं हरिदत्तं तु मन्नाम्ना ख्यातिमेष्यति ।। इत्युक्ते तेन ते देवास्तन्नाम्ना तद्वरं विदुः

graiveyaṁ haridattaṁ tu mannāmnā khyātimeṣyati .. ityukte tena te devāstannāmnā tadvaraṁ viduḥ

'हरि द्वारा दिया गया यह ग्रैवेयक मेरे ही नाम से प्रसिद्ध हो' — ऐसा कहे जाने पर उन देवताओं ने उस वर को उसी नाग के नाम से जाना।

श्लोक 5 (garuda.1.43.5)

प्रावृट्काले तु ये मर्त्त्या नार्चिष्यन्ति पवित्रकैः ।। तेषां सांवत्सरी पूजा विफला च भविष्यति

prāvṛṭkāle tu ye marttyā nārciṣyanti pavitrakaiḥ .. teṣāṁ sāṁvatsarī pūjā viphalā ca bhaviṣyati

वर्षा-ऋतु में जो मनुष्य पवित्रकों से (देवता की) पूजा नहीं करेंगे, उनकी वार्षिक पूजा निष्फल हो जाएगी।

श्लोक 6 (garuda.1.43.6)

तस्मात्सर्वेषु देवेषु पवित्रारोपणं क्रमात् ।। प्रतिपत्पौर्णमास्यान्ता यस्य या तिथिरुच्यते

tasmātsarveṣu deveṣu pavitrāropaṇaṁ kramāt .. pratipatpaurṇamāsyāntā yasya yā tithirucyate

इसलिए सभी देवताओं के लिए पवित्रारोपण क्रमशः करना चाहिए — प्रतिपदा से पूर्णिमा तक, जिस देवता की जो तिथि कही गई है, उसी के अनुसार।

श्लोक 7 (garuda.1.43.7)

द्वादश्यां विष्णवे कार्य्यं शुक्ले कृष्णेऽथ वा हर ।। व्यतीपातेऽयने चैव चन्द्रसूर्य्यग्रहे शिव

dvādaśyāṁ viṣṇave kāryyaṁ śukle kṛṣṇe'tha vā hara .. vyatīpāte'yane caiva candrasūryyagrahe śiva

हे हर, विष्णु के लिए यह द्वादशी को, चाहे शुक्ल पक्ष में या कृष्ण पक्ष में, करना चाहिए; तथा हे शिव, व्यतीपात में, अयन में, और चन्द्र या सूर्य ग्रहण में भी।

श्लोक 8 (garuda.1.43.8)

विष्णवे वृद्धिकार्य्ये च गुरोरागमने तथा ।। नित्यं पवित्रमुद्दिष्टं प्रावृट्काले त्ववश्यकम्

viṣṇave vṛddhikāryye ca gurorāgamane tathā .. nityaṁ pavitramuddiṣṭaṁ prāvṛṭkāle tvavaśyakam

विष्णु की वृद्धि-क्रिया के समय और गुरु के आगमन पर भी — पवित्र नित्य ही विहित है, किन्तु वर्षा-ऋतु में यह अवश्य करणीय है।

श्लोक 9 (garuda.1.43.9)

कौशेयं पट्टसूत्रं वा कार्पासं क्षौममेव वा ।। कुशसूत्र द्विजानां स्याद्राज्ञा कौशेयपट्टकम्

kauśeyaṁ paṭṭasūtraṁ vā kārpāsaṁ kṣaumameva vā .. kuśasūtra dvijānāṁ syādrājñā kauśeyapaṭṭakam

रेशम, पट्ट-सूत्र, कपास अथवा क्षौम (अलसी का वस्त्र) — इनमें से कोई भी। ब्राह्मणों के लिए कुश का सूत्र होना चाहिए, राजाओं के लिए रेशमी पट्टक।

श्लोक 10 (garuda.1.43.10)

वैश्यानां चीरणं क्षौमं शूद्राणां शणवल्कजम् ।। कार्पासं पद्मजं चैव सर्वेषां शस्तमीश्वर

vaiśyānāṁ cīraṇaṁ kṣaumaṁ śūdrāṇāṁ śaṇavalkajam .. kārpāsaṁ padmajaṁ caiva sarveṣāṁ śastamīśvara

वैश्यों के लिए चीरण अथवा क्षौम, शूद्रों के लिए शण अथवा वल्कल का। हे ईश्वर, कपास अथवा कमल-रेशा — दोनों ही सबके लिए प्रशस्त हैं।

श्लोक 11 (garuda.1.43.11)

ब्राह्मण्या कर्त्तितं सूत्रं त्रिगुणं त्रिगुणीकृतम् ।। ॐ कारोऽथ शिवः सोमो ह्यग्निर्ब्रह्या फणी रविः

brāhmaṇyā karttitaṁ sūtraṁ triguṇaṁ triguṇīkṛtam .. oṁ kāro'tha śivaḥ somo hyagnirbrahyā phaṇī raviḥ

ब्राह्मणी द्वारा काता हुआ सूत्र तिगुना करके फिर तिगुना किया जाए। ॐकार, फिर शिव, चन्द्र, अग्नि, ब्रह्मा, नाग (फणी) और सूर्य —

श्लोक 12 (garuda.1.43.12)

विघ्नेशो विष्णुरित्येते स्थितास्तन्तुषु देवताः ।। ब्रह्मा विष्णुश्च रुद्रश्च त्रिसूत्रे देवताः स्मृताः

vighneśo viṣṇurityete sthitāstantuṣu devatāḥ .. brahmā viṣṇuśca rudraśca trisūtre devatāḥ smṛtāḥ

विघ्नेश और विष्णु — ये देवता तन्तुओं में स्थित माने गए हैं। तीन-सूत्रीय (पवित्र) में ब्रह्मा, विष्णु और रुद्र देवता स्मरण किए गए हैं।

श्लोक 13 (garuda.1.43.13)

सौवर्णे राजते ताम्रे वैणवे मृन्मये न्यसेत् ।। अङ्गुष्ठेन चतुः षष्टिः श्रेष्ठं मध्यं तदर्द्धतः

sauvarṇe rājate tāmre vaiṇave mṛnmaye nyaset .. aṅguṣṭhena catuḥ ṣaṣṭiḥ śreṣṭhaṁ madhyaṁ tadarddhataḥ

सोने, चाँदी, ताँबे, बाँस अथवा मिट्टी में इसे स्थापित करे। अँगूठे से चौंसठ अंगुल — यह सर्वश्रेष्ठ माप है; मध्यम इसका आधा।

श्लोक 14 (garuda.1.43.14)

तदर्द्धा तु कनिष्ठा स्यात्सूत्रमष्टोत्तरं शतम् ।। उत्तमं मध्यमं चैव कन्यसं पूर्ववत्क्रमात्

tadarddhā tu kaniṣṭhā syātsūtramaṣṭottaraṁ śatam .. uttamaṁ madhyamaṁ caiva kanyasaṁ pūrvavatkramāt

और सबसे लघु उसका भी आधा; एक सौ आठ (अंगुल) का सूत्र भी होता है। उत्तम, मध्यम और लघु — पूर्वोक्त क्रम के अनुसार।

श्लोक 15 (garuda.1.43.15)

उत्तमोंऽगुष्ठमानेन मध्यमो मध्यमेन तु ।। कन्यसे च कनिष्ठेन अङ्गुल्या ग्रन्थयः स्मृताः

uttamoṁ'guṣṭhamānena madhyamo madhyamena tu .. kanyase ca kaniṣṭhena aṅgulyā granthayaḥ smṛtāḥ

उत्तम को अँगूठे के माप से, मध्यम को मध्यमा अंगुली के माप से, और लघु को कनिष्ठा अंगुली के माप से — अपनी-अपनी अंगुली से गाँठें नापी जाती हैं।

श्लोक 16 (garuda.1.43.16)

विमाने स्थण्डिले चैव एतत्सामान्यलक्षणम् ।। शिवोद्धृतं पवित्रं तु प्रतिमायां च कारयेत्

vimāne sthaṇḍile caiva etatsāmānyalakṣaṇam .. śivoddhṛtaṁ pavitraṁ tu pratimāyāṁ ca kārayet

विमान में हो या स्थण्डिल (भूमि-वेदी) में — यह सामान्य लक्षण है। शिव के लिए बताया गया पवित्र प्रतिमा के लिए भी बनाना चाहिए।

श्लोक 17 (garuda.1.43.17)

हृन्नाभिरू(रु) रुमाने च जानुभ्यामवलम्बिनी ।। अष्टोत्तरसहस्त्रेण चत्वारो ग्रन्थयः स्मृताः

hṛnnābhirū(ru) rumāne ca jānubhyāmavalambinī .. aṣṭottarasahastreṇa catvāro granthayaḥ smṛtāḥ

हृदय, नाभि और जाँघों तक का माप, और घुटनों तक लटकता हुआ। एक हजार आठ की संख्या से चार गाँठें स्मरण की गई हैं।

श्लोक 18 (garuda.1.43.18)

षट्त्रिं(ड्विं) शच्च चतुर्विशद्द्वादश ग्रन्थयोऽथवा ।। उत्तमादिषु विज्ञेयाः पर्वभिर्वा पवित्रकम्

ṣaṭtriṁ(ḍviṁ) śacca caturviśaddvādaśa granthayo'thavā .. uttamādiṣu vijñeyāḥ parvabhirvā pavitrakam

छत्तीस, चौबीस अथवा बारह गाँठें — अथवा पर्वों (जोड़ों) के अनुसार भी उत्तम आदि श्रेणियों में पवित्रक जानना चाहिए।

श्लोक 19 (garuda.1.43.19)

चर्चितं कुंकुमेनैव हरिद्राचन्दनेन वा ।। सोपवासः पवित्रन्तु पात्रस्थमधिवासयेत्

carcitaṁ kuṁkumenaiva haridrācandanena vā .. sopavāsaḥ pavitrantu pātrasthamadhivāsayet

कुंकुम से अथवा हल्दी और चन्दन से चर्चित करके, उपवास सहित पवित्र को पात्र में रखकर अधिवासित करना चाहिए।

श्लोक 20 (garuda.1.43.20)

अश्वत्थपत्रपुटके अष्टदिक्षु निवेशितम् ।। दण्डकाष्ठं कुशाग्रं च पूर्वे सङ्कर्षणेन तु

aśvatthapatrapuṭake aṣṭadikṣu niveśitam .. daṇḍakāṣṭhaṁ kuśāgraṁ ca pūrve saṅkarṣaṇena tu

पीपल के पत्तों की पुटिका में लपेटकर आठों दिशाओं में रखा जाए। पूर्व में दण्ड-काष्ठ और कुश की नोक, संकर्षण-मन्त्र सहित।

श्लोक 21 (garuda.1.43.21)

रोचनाकुंकुमेनैव प्रद्युम्नेन तु दक्षिणे ।। युद्धार्थी फलसिद्ध्यर्थमनिरुद्धेन पश्चिमे

rocanākuṁkumenaiva pradyumnena tu dakṣiṇe .. yuddhārthī phalasiddhyarthamaniruddhena paścime

गोरोचन और कुंकुम सहित दक्षिण में, प्रद्युम्न-मन्त्र से। युद्ध की कामना और फल-सिद्धि के लिए पश्चिम में अनिरुद्ध-मन्त्र से।

श्लोक 22 (garuda.1.43.22)

चन्दनं नीलयुक्तं च तिलभस्माक्षतं तथा ।। आग्नेयादिषु कोणेषु श्रियादीनां तु क्रमान्न्यसेत्

candanaṁ nīlayuktaṁ ca tilabhasmākṣataṁ tathā .. āgneyādiṣu koṇeṣu śriyādīnāṁ tu kramānnyaset

नील-मिश्रित चन्दन, तिल की भस्म और अक्षत — अग्निकोण आदि विदिशाओं में श्री आदि (शक्तियों) के लिए क्रमशः रखना चाहिए।

श्लोक 23 (garuda.1.43.23)

पवित्रं वासुदेवेन अभिमन्त्र्य सकृत्सकृत् ।। दृष्ट्वा पुनः प्रपूज्याथ वस्त्रेणाच्छाद्य यत्नतः

pavitraṁ vāsudevena abhimantrya sakṛtsakṛt .. dṛṣṭvā punaḥ prapūjyātha vastreṇācchādya yatnataḥ

पवित्र को वासुदेव-मन्त्र से बार-बार अभिमन्त्रित करके, फिर से देखकर, पुनः पूजा करके और यत्नपूर्वक वस्त्र से ढककर,

श्लोक 24 (garuda.1.43.24)

देवस्य पुरतः स्थाप्यं प्रतिमामण्डलस्य वा ।। पश्चिमे दक्षिणे चैव उत्तरे पूर्ववत्क्रमात्

devasya purataḥ sthāpyaṁ pratimāmaṇḍalasya vā .. paścime dakṣiṇe caiva uttare pūrvavatkramāt

देवता के सामने अथवा प्रतिमा-मण्डल के सामने रखना चाहिए — पश्चिम, दक्षिण और उत्तर में पूर्वोक्त क्रम से।

श्लोक 25 (garuda.1.43.25)

ब्राह्मादींश्चापि संस्थाप्य कलशं चापि पूजयेत् ।। अस्त्रेण मण्डलं कृत्वा नैवेद्यञ्च समर्पयेत्

brāhmādīṁścāpi saṁsthāpya kalaśaṁ cāpi pūjayet .. astreṇa maṇḍalaṁ kṛtvā naivedyañca samarpayet

ब्रह्मा आदि (व्यूह-देवों) को भी स्थापित करके कलश की भी पूजा करनी चाहिए। अस्त्र-मन्त्र से मण्डल बनाकर नैवेद्य अर्पित करना चाहिए।

श्लोक 26 (garuda.1.43.26)

अधिवास्य पवित्रं तु त्रिसूत्रेण नवेन वा (च) ।। वेदिकां वेष्टयित्वा तु आत्मानं कलशं घृतम्

adhivāsya pavitraṁ tu trisūtreṇa navena vā (ca) .. vedikāṁ veṣṭayitvā tu ātmānaṁ kalaśaṁ ghṛtam

पवित्र को त्रिसूत्र से अथवा नए सूत्र से अधिवासित करके, वेदिका को घेरकर — स्वयं को, कलश को, घी को,

श्लोक 27 (garuda.1.43.27)

अग्निकुण्डं विमानं च मण्डपं गृहमेव च ।। सूत्रमेकं तु संगृह्य दद्याद्देवस्य मृर्धानि

agnikuṇḍaṁ vimānaṁ ca maṇḍapaṁ gṛhameva ca .. sūtramekaṁ tu saṁgṛhya dadyāddevasya mṛrdhāni

अग्निकुण्ड, विमान, मण्डप और गृह को भी (घेरकर) — एक सूत्र लेकर देवता के मस्तक पर अर्पित करना चाहिए।

श्लोक 28 (garuda.1.43.28)

दत्त्वा पठेदिमं मन्त्रं पूजयित्वा महेश्वरम् ।। आवाहितोऽसि देवेश पूजार्थं परमेश्वर

dattvā paṭhedimaṁ mantraṁ pūjayitvā maheśvaram .. āvāhito'si deveśa pūjārthaṁ parameśvara

अर्पित करके और महेश्वर की पूजा करके यह मन्त्र पढ़े — 'हे देवेश, हे परमेश्वर, पूजा के निमित्त आप आवाहित हैं।'

श्लोक 29 (garuda.1.43.29)

तत्प्रभातेऽर्चयिष्यामि सामग्र्याः सन्निधौ भव ।। एकरात्रं त्रिरात्रं वा अधिवास्य पवित्रकम्

tatprabhāte'rcayiṣyāmi sāmagryāḥ sannidhau bhava .. ekarātraṁ trirātraṁ vā adhivāsya pavitrakam

'उस प्रातःकाल मैं आपकी पूजा करूँगा, तब तक सामग्री के समीप ही रहें।' एक रात्रि अथवा तीन रात्रि तक पवित्रक को अधिवासित करके,

श्लोक 30 (garuda.1.43.30)

रात्रौ जागरणं कृत्वा प्रातः संपूज्य केशवम् ।। आरोपयेत्क्रमेणैव ज्येष्ठमध्यकनीयसम्

rātrau jāgaraṇaṁ kṛtvā prātaḥ saṁpūjya keśavam .. āropayetkrameṇaiva jyeṣṭhamadhyakanīyasam

रात्रि में जागरण करके और प्रातःकाल केशव की पूजा करके, ज्येष्ठ, मध्यम और कनिष्ठ (गाँठों) को क्रमशः आरोपित करना चाहिए।

श्लोक 31 (garuda.1.43.31)

धूपयित्वा पवित्रं तु मन्त्रेणैवाभिमंत्रयेत् ।। प्रजप्तग्रन्थिकं चैव पूजयेत्कुसुमादिभिः

dhūpayitvā pavitraṁ tu mantreṇaivābhimaṁtrayet .. prajaptagranthikaṁ caiva pūjayetkusumādibhiḥ

पवित्र को धूप देकर मन्त्र से ही अभिमन्त्रित करना चाहिए। जपी हुई गाँठ को भी पुष्प आदि से पूजित करना चाहिए।

श्लोक 32 (garuda.1.43.32)

गायत्त्र्या चार्चितं तेन देवं संपूज्य दापयेत् ।। समं पुत्रकलत्राद्यैः सूत्रपुच्छं तु धारयेत्

gāyattryā cārcitaṁ tena devaṁ saṁpūjya dāpayet .. samaṁ putrakalatrādyaiḥ sūtrapucchaṁ tu dhārayet

गायत्री से उसकी पूजा करके, देवता की भली-भाँति पूजा करके इसे दिलवाना चाहिए — पुत्र, पत्नी आदि सहित सूत्र का अन्तिम छोर धारण करना चाहिए।

श्लोक 33 (garuda.1.43.33)

विशुद्धग्रन्थिकं रम्यं महापातकनाशनम् ।। सर्वपापक्षयं देव तवाग्रे धारयाम्यहम्

viśuddhagranthikaṁ ramyaṁ mahāpātakanāśanam .. sarvapāpakṣayaṁ deva tavāgre dhārayāmyaham

'यह विशुद्ध, रमणीय गाँठ महापातकों का नाश करने वाली है — हे देव, सब पापों का क्षय करने वाली इस (गाँठ) को मैं आपके सामने धारण करता हूँ।'

श्लोक 34 (garuda.1.43.34)

एवं धूपादिनाभ्यर्च्य मध्यमादीन्त्समर्पयेत् ।। पवित्रं वैष्णवं तेजः सर्वपातकनाशनम्

evaṁ dhūpādinābhyarcya madhyamādīntsamarpayet .. pavitraṁ vaiṣṇavaṁ tejaḥ sarvapātakanāśanam

इस प्रकार धूप आदि से पूजा करके मध्यम आदि (गाँठों) को भी अर्पित करना चाहिए। विष्णु-सम्बन्धी पवित्र का तेज सब पातकों का नाश करता है।

श्लोक 35 (garuda.1.43.35)

धर्मकामार्थसिद्ध्यर्थं स्वकंठे धारयाम्यहम् ।। वनमालां समभ्यर्च्य स्वेन मन्त्रेण दापयेत्

dharmakāmārthasiddhyarthaṁ svakaṁṭhe dhārayāmyaham .. vanamālāṁ samabhyarcya svena mantreṇa dāpayet

'धर्म, काम और अर्थ की सिद्धि के लिए मैं इसे अपने कण्ठ में धारण करता हूँ।' वनमाला की भली-भाँति पूजा करके अपने ही मन्त्र से इसे दिलवाना चाहिए।

श्लोक 36 (garuda.1.43.36)

नैवेद्यं विविधं दत्त्वा कुसुमादेर्बलिं हरेत् ।। अग्निं संतर्प्य तत्रापि द्वादशांगुलमानतः

naivedyaṁ vividhaṁ dattvā kusumāderbaliṁ haret .. agniṁ saṁtarpya tatrāpi dvādaśāṁgulamānataḥ

विविध नैवेद्य अर्पित करके पुष्प आदि की बलि लेनी चाहिए। वहीं अग्नि को भी तृप्त करके, बारह अंगुल के परिमाण से,

श्लोक 37 (garuda.1.43.37)

अष्टोत्तरशतेनैव दद्यादेकपवित्रकम् ।। आदौ दत्त्वार्घ्यमादित्ये तत्र चैकं पवित्रकम्

aṣṭottaraśatenaiva dadyādekapavitrakam .. ādau dattvārghyamāditye tatra caikaṁ pavitrakam

एक सौ आठ (आहुतियों) से एक पवित्रक अर्पित करना चाहिए। पहले सूर्य को अर्घ्य देकर, वहाँ भी एक पवित्रक (चढ़ाना चाहिए)।

श्लोक 38 (garuda.1.43.38)

विष्वक्सेनं ततः प्रार्च्य सुरुमर्घ्यादिभिर्हर ।। देवस्याग्रे पठेन्मन्त्रं कृताञ्जलिपुटः स्थितः

viṣvaksenaṁ tataḥ prārcya surumarghyādibhirhara .. devasyāgre paṭhenmantraṁ kṛtāñjalipuṭaḥ sthitaḥ

तत्पश्चात् विष्वक्सेन की अर्घ्य आदि से भली-भाँति पूजा करके, हाथ जोड़कर देवता के सामने खड़े होकर यह मन्त्र पढ़े —

श्लोक 39 (garuda.1.43.39)

ज्ञानतोऽज्ञानतो वापि पूजनादि कृतं मया ।। तत्सर्वं पूर्णमेवास्तु त्वत्प्रसादात्सुरेश्वर

jñānato'jñānato vāpi pūjanādi kṛtaṁ mayā .. tatsarvaṁ pūrṇamevāstu tvatprasādātsureśvara

'जो कुछ पूजन आदि मैंने जान-बूझकर अथवा अनजाने में किया हो, हे देवेश्वर, आपकी कृपा से वह सब पूर्ण ही हो।'

श्लोक 40 (garuda.1.43.40)

मणिविद्रुममालभिर्मन्दारकुसुमादिभिः ।। इयं सांवत्सरी पूजा तवास्तु गरुडध्वज

maṇividrumamālabhirmandārakusumādibhiḥ .. iyaṁ sāṁvatsarī pūjā tavāstu garuḍadhvaja

'मणि, मूँगा, मालाओं और मन्दार-पुष्प आदि से युक्त यह वार्षिक पूजा, हे गरुड़ध्वज, आपके लिए हो।'

श्लोक 41 (garuda.1.43.41)

वनमाला यथा देव कौस्तुभं सततं हृदि ।। तद्वत्पवित्रं तन्तूनां मालां त्वं हृदये धर

vanamālā yathā deva kaustubhaṁ satataṁ hṛdi .. tadvatpavitraṁ tantūnāṁ mālāṁ tvaṁ hṛdaye dhara

'हे देव, जिस प्रकार वनमाला और कौस्तुभ सदा आपके हृदय पर रहते हैं, उसी प्रकार इस तन्तुओं की माला — पवित्र — को भी अपने हृदय पर धारण कीजिए।'

श्लोक 42 (garuda.1.43.42)

एवं प्रार्थ्य द्विजान् भोज्य दत्त्वा तेभ्यश्च दक्षिणाम् ।। विसर्जयेत्तु तेनैव सायाह्ने त्वपरेऽहनि

evaṁ prārthya dvijān bhojya dattvā tebhyaśca dakṣiṇām .. visarjayettu tenaiva sāyāhne tvapare'hani

इस प्रकार प्रार्थना करके, द्विजों को भोजन कराकर और उन्हें दक्षिणा देकर, अगले दिन सायंकाल उसी मन्त्र से इसका विसर्जन करना चाहिए।

श्लोक 43 (garuda.1.43.43)

सांवत्सरीमिमां पूजां सम्पाद्य विधिवन्मया ।। व्रजेः पवित्रकेदानीं विष्णुलोकं विसर्जितः

sāṁvatsarīmimāṁ pūjāṁ sampādya vidhivanmayā .. vrajeḥ pavitrakedānīṁ viṣṇulokaṁ visarjitaḥ

'मेरे द्वारा विधिपूर्वक सम्पन्न इस वार्षिक पूजा को प्राप्त करके, हे पवित्रक, अब विसर्जित होकर विष्णुलोक को जाओ।'