नरक-वर्णन

श्लोक 1 (garuda.2.3.1)

सूत उवाच । एवमुत्साहितः पक्षी स्वरूपं निरयस्य तु । पप्रच्छनरकाण्येवं श्रुत्वा चोत्कूलितान्तरः

sūta uvāca | evamutsāhitaḥ pakṣī svarūpaṁ nirayasya tu | papracchanarakāṇyevaṁ śrutvā cotkūlitāntaraḥ

सूत जी ने कहा — इस प्रकार उत्साहित हुआ पक्षी (गरुड़) यह सुनकर, हृदय में अत्यंत विचलित होकर, इस प्रकार नरकों के स्वरूप के विषय में पूछने लगा।

श्लोक 2 (garuda.2.3.2)

गरुड उवाच । नरकाणां स्वरूपं मे वद येषु विकर्मिणः । पात्यन्ते दुः खभूयिष्ठास्तेषां भेदांश्च कीर्तय

garuḍa uvāca | narakāṇāṁ svarūpaṁ me vada yeṣu vikarmiṇaḥ | pātyante duḥ khabhūyiṣṭhāsteṣāṁ bhedāṁśca kīrtaya

गरुड़ ने कहा — मुझे उन नरकों का स्वरूप बताइए, जिनमें दुष्कर्मी लोग अत्यंत दुःखपूर्वक गिराए जाते हैं, और उनके भेदों का भी वर्णन कीजिए।

श्लोक 3 (garuda.2.3.3)

श्रीभगवानुवाच । नरकाणां सहस्राणि वर्तन्ते ह्यरुणानुज । शक्यं विस्तरतो नैव वक्तुं प्राधान्यतो ब्रुवे

śrībhagavānuvāca | narakāṇāṁ sahasrāṇi vartante hyaruṇānuja | śakyaṁ vistarato naiva vaktuṁ prādhānyato bruve

श्रीभगवान ने कहा — हे अरुण के अनुज! नरक हजारों की संख्या में हैं; उन्हें विस्तार से कहना संभव नहीं, इसलिए मैं प्रमुखों का वर्णन करता हूँ।

श्लोक 4 (garuda.2.3.4)

रौरवं नाम नरकं मुख्यं तद्वैनिबोध मे । रौरवे कूटसाक्षी तु याति यश्चानृती नरः

rauravaṁ nāma narakaṁ mukhyaṁ tadvainibodha me | raurave kūṭasākṣī tu yāti yaścānṛtī naraḥ

रौरव नामक नरक मुख्य है, उसे सुनो। रौरव में वह मनुष्य जाता है जो झूठी गवाही देता है और जो असत्य बोलता है।

श्लोक 5 (garuda.2.3.5)

योजनानां सहस्रे द्वे रौरवो हि प्रमाणतः । जानुमात्रप्रमाणं तु तत्र गर्तं सुदुस्तरम्

yojanānāṁ sahasre dve rauravo hi pramāṇataḥ | jānumātrapramāṇaṁ tu tatra gartaṁ sudustaram

प्रमाण में रौरव दो हजार योजन का है; वहाँ घुटने तक गहरा एक अत्यंत दुर्गम गड्ढा है।

श्लोक 6 (garuda.2.3.6)

तत्राङ्गारचयौघेन कृतं तद्धरणीसमम् । तत्राग्निना सुतीव्रेण तापिताङ्गारभूमिना

tatrāṁgāracayaughena kṛtaṁ taddharaṇīsamam | tatrāgninā sutīvreṇa tāpitāṁgārabhūminā

वह अंगारों के ढेर से पृथ्वी के समतल भर दिया गया है; वहाँ अत्यंत तीव्र अग्नि से तपाई गई अंगार-भूमि पर,

श्लोक 7 (garuda.2.3.7)

तन्मध्ये पापकर्माणं विमुञ्चन्ति यमानुगाः । स दह्यमानस्तीव्रेण वह्निना परिधावति

tanmadhye pāpakarmāṇaṁ vimuñcanti yamānugāḥ | sa dahyamānastīvreṇa vahninā paridhāvati

उस [गड्ढे] के मध्य में यमदूत पापकर्मी को छोड़ देते हैं। वह उस तीव्र अग्नि से जलता हुआ इधर-उधर दौड़ता है।

श्लोक 8 (garuda.2.3.8)

पदेपदे च पादोऽस्य स्फुट्यते शीर्यते पुनः । अहोरात्रेणोद्धरणं पादन्यासेन गच्छति

padepade ca pādo'sya sphuṭyate śīryate punaḥ | ahorātreṇoddharaṇaṁ pādanyāsena gacchati

हर कदम पर उसका पैर फटता है और फिर से जुड़ जाता है; एक दिन-रात में वह इतना ही आगे बढ़ पाता है, जितना पैर रखने भर से होता है।

श्लोक 9 (garuda.2.3.9)

एवं सहस्रं विस्तीर्णं योजनानां विमुच्यते । ततोऽन्यत्पापशुद्ध्यर्थं तादृङ्निरयमृच्छति

evaṁ sahasraṁ vistīrṇaṁ yojanānāṁ vimucyate | tato'nyatpāpaśuddhyarthaṁ tādṛṁnirayamṛcchati

इस प्रकार वह हजार योजन की दूरी में विस्तृत [नरक] से मुक्त होता है; फिर अपने शेष पाप की शुद्धि के लिए वह वैसे ही किसी और नरक को प्राप्त होता है।

श्लोक 10 (garuda.2.3.10)

रौरवस्ते समाख्यातः प्रथमो नरको मया । महारौरवसंज्ञं तु शृणुष्व नरकं खग

rauravaste samākhyātaḥ prathamo narako mayā | mahārauravasaṁjñaṁ tu śṛṇuṣva narakaṁ khaga

यह मैंने तुम्हें प्रथम नरक रौरव का वर्णन किया है। अब हे खग! महारौरव नामक नरक को सुनो।

श्लोक 11 (garuda.2.3.11)

योजनानां सहस्राणि सन्ति पञ्च समन्ततः । तत्र ताम्रमयी भूमिरधस्तस्या हुताशनः

yojanānāṁ sahasrāṇi santi pañca samantataḥ | tatra tāmramayī bhūmiradhastasyā hutāśanaḥ

वह चारों ओर पाँच हजार योजन में फैला है; वहाँ ताँबे की भूमि है, और उसके नीचे अग्नि जल रही है।

श्लोक 12 (garuda.2.3.12)

तया तपन्त्या सा सर्वा प्रोद्यद्विद्युत्समप्रभा । विभाव्यते महारौद्रा पापिनां दर्शनादिषु

tayā tapantyā sā sarvā prodyadvidyutsamaprabhā | vibhāvyate mahāraudrā pāpināṁ darśanādiṣu

उस अग्नि से तपकर वह सारी भूमि, बिजली की चमक जैसी कान्तिवाली, अत्यंत भयंकर दिखाई पड़ती है — पापियों के देखते ही देखते।

श्लोक 13 (garuda.2.3.13)

तस्यां बद्धकराभ्यां च पद्भ्यां चैव यमानुगैः । मुच्यते पापकृन्मध्ये लुण्ठमानः स गच्छति

tasyāṁ baddhakarābhyāṁ ca padbhyāṁ caiva yamānugaiḥ | mucyate pāpakṛnmadhye luṇṭhamānaḥ sa gacchati

उस पर, यमदूतों द्वारा हाथ-पैर बाँधे जाकर, पापकर्मी को उसके बीच में छोड़ दिया जाता है, और वह लुढ़कता हुआ चलता है।

श्लोक 14 (garuda.2.3.14)

काकैर्बकैर्वृकोलूकैर्मशकैर्वृश्चिकैस्तथा । भक्ष्यमाणैस्तथा रौद्रैर्गतो मार्गे विकृष्यते

kākairbakairvṛkolūkairmaśakairvṛścikaistathā | bhakṣyamāṇaistathā raudrairgato mārge vikṛṣyate

काकों, बगुलों, भेड़ियों, उल्लुओं, मच्छरों और बिच्छुओं द्वारा नोचा जाता हुआ, वह उस भयंकर मार्ग पर घसीटा जाता है।

श्लोक 15 (garuda.2.3.15)

दह्यमानो गतमतिर्भ्रान्तस्तातेति चाकुलः । वदत्यसकृदुद्वग्नो न शान्तिमधिगच्छति

dahyamāno gatamatirbhrāntastāteti cākulaḥ | vadatyasakṛdudvagno na śāntimadhigacchati

जलता हुआ, चेतना खो चुका, भ्रमित और व्याकुल, वह बार-बार 'हे तात!' पुकारता है, किन्तु उसे कहीं शान्ति नहीं मिलती।

श्लोक 16 (garuda.2.3.16)

एवं तस्मान्नरैर्मोक्षस्त्वतिक्रान्तैरवाप्यते । वर्षायुतायुतैः पापं यैः कृतं दुष्टबुद्धिभिः

evaṁ tasmānnarairmokṣastvatikrāntairavāpyate | varṣāyutāyutaiḥ pāpaṁ yaiḥ kṛtaṁ duṣṭabuddhibhiḥ

इस प्रकार उन मनुष्यों को, जो अत्यंत दुर्बुद्धिपूर्वक अनगिनत वर्षों तक चलने वाला पाप करते हैं, इस [नरक] से पार होने पर ही मुक्ति मिलती है।

श्लोक 17 (garuda.2.3.17)

तथान्यस्तु ततो नाम सोऽतिशीतः स्वभावतः । महारौरववद्दीर्घस्तथान्धतमसा वृतः

tathānyastu tato nāma so'tiśītaḥ svabhāvataḥ | mahārauravavaddīrghastathāndhatamasā vṛtaḥ

इसके पश्चात् एक और नरक है, जो स्वभाव से अत्यंत शीत है, महारौरव के समान लंबा, और घोर अंधकार से आवृत है।

श्लोक 18 (garuda.2.3.18)

शीतार्तास्तत्र बध्यन्ते नरास्तमसि दारुणे । परस्परं समासाद्य परिरभ्याश्रयन्ति ते

śītārtāstatra badhyante narāstamasi dāruṇe | parasparaṁ samāsādya parirabhyāśrayanti te

शीत से पीड़ित मनुष्य उस भयंकर अंधकार में बँधे रहते हैं; वे एक-दूसरे के पास आकर आलिंगन करके शरण लेते हैं,

श्लोक 19 (garuda.2.3.19)

दन्तास्तेषां च भज्यन्ते शीतार्तिपरिकम्पिताः । क्षुतृषातिबलाः पक्षिन्नथ तत्राप्युपदवाः

dantāsteṣāṁ ca bhajyante śītārtiparikampitāḥ | kṣutṛṣātibalāḥ pakṣinnatha tatrāpyupadavāḥ

शीत की पीड़ा से काँपते हुए उनके दाँत टूट जाते हैं; हे पक्षिन्! भूख-प्यास से अत्यंत बलहीन, और वहाँ अन्य भी उपद्रव हैं —

श्लोक 20 (garuda.2.3.20)

हिमखण्डवहो वायुभिनत्त्यस्थीनि दारुणः । मज्जासृगस्थिगलितमश्रन्त्यत्र क्षुधान्विताः

himakhaṇḍavaho vāyubhinattyasthīni dāruṇaḥ | majjāsṛgasthigalitamaśrantyatra kṣudhānvitāḥ

बर्फ के खण्डों को बहाने वाली भयंकर वायु उनकी हड्डियों को चीर डालती है; क्षुधा से व्याकुल होकर वे वहाँ गिरे हुए मज्जा, रक्त और अस्थि-चूर्ण को खाते हैं,

श्लोक 21 (garuda.2.3.21)

आलिङ्ग्यमाना भ्राम्यन्ते परस्परसमागमे । एवं तत्रापि सुमहान्क्लेशस्तमसि मानवैः

āliṁgyamānā bhrāmyante parasparasamāgame | evaṁ tatrāpi sumahānkleśastamasi mānavaiḥ

आलिंगनबद्ध होकर वे परस्पर मिलते हुए भटकते रहते हैं। हे पक्षिश्रेष्ठ! इस प्रकार उस अंधकार में भी मनुष्यों को बहुत बड़ा क्लेश,

श्लोक 22 (garuda.2.3.22)

प्राप्यते शकुनिश्रेष्ठ यो बहूकृतसञ्चयः । निकृन्तन इति ख्यातस्ततोऽन्यो नरकोत्तमः

prāpyate śakuniśreṣṭha yo bahūkṛtasañcayaḥ | nikṛntana iti khyātastato'nyo narakottamaḥ

जिसने बहुत संचय किया हो, वैसे व्यक्ति को प्राप्त होता है। इसके बाद एक और श्रेष्ठ नरक है, जो 'निकृन्तन' नाम से विख्यात है।

श्लोक 23 (garuda.2.3.23)

कुलालचक्राणि तत्र भ्राम्यन्त्यविरतं खग । तेष्वापाष्ये निकृष्यन्ते कालसूत्रेण मानवाः

kulālacakrāṇi tatra bhrāmyantyavirataṁ khaga | teṣvāpāṣye nikṛṣyante kālasūtreṇa mānavāḥ

हे खग! वहाँ कुम्हार के चाकों के समान चक्र निरंतर घूमते रहते हैं; उन पर मनुष्यों को कालसूत्र (काल के धागे) से पैरों की ओर से काटा जाता है,

श्लोक 24 (garuda.2.3.24)

यमानुमाङ्गुलिस्थेन आपादतलमस्तकम् । न चैषां जीवितभ्रंशो जायते पक्षिसत्तम

yamānumāṁgulisthena āpādatalamastakam | na caiṣāṁ jīvitabhraṁśo jāyate pakṣisattama

यमदूत द्वारा अंगुली से पैर तक सिर से पैर तक [काटकर]; और फिर भी, हे पक्षिसत्तम! उनके प्राण नहीं निकलते।

श्लोक 25 (garuda.2.3.25)

छिन्नानि तेषां शतशः खण्डान्यैक्यं व्रजन्ति हि । एवं वर्षसहस्राणि भ्राम्यन्ते पापकर्मिणः

chinnāni teṣāṁ śataśaḥ khaṇḍānyaikyaṁ vrajanti hi | evaṁ varṣasahasrāṇi bhrāmyante pāpakarmiṇaḥ

उनके सैकड़ों टुकड़े होकर भी वे फिर एक हो जाते हैं। इस प्रकार पापकर्मी हजारों वर्षों तक भटकते रहते हैं,

श्लोक 26 (garuda.2.3.26)

तावद्यावदशेषं च तत्पापं संक्षयं गतम् । अप्रातष्ठं च नरकं शृणुष्व गदतो मम

tāvadyāvadaśeṣaṁ ca tatpāpaṁ saṁkṣayaṁ gatam | aprātaṣṭhaṁ ca narakaṁ śṛṇuṣva gadato mama

जब तक उनका सम्पूर्ण पाप पूरी तरह क्षय को प्राप्त न हो जाए। अब मुझसे कहा जाता 'अप्रतिष्ठ' नामक नरक भी सुनो।

श्लोक 27 (garuda.2.3.27)

तत्रस्थैर्नारकैर्दुः खमसह्यमनुभूयते । तान्येव तत्र चक्राणि घटीयन्त्राणि चान्यतः

tatrasthairnārakairduḥ khamasahyamanubhūyate | tānyeva tatra cakrāṇi ghaṭīyantrāṇi cānyataḥ

वहाँ रहने वाले नारकीय जीव असह्य दुःख भोगते हैं; वहाँ भी वही चक्र हैं, और दूसरी ओर घटीयंत्र (रहट) भी हैं,

श्लोक 28 (garuda.2.3.28)

दुः खस्य हेतुभूतानि पापकर्मकृतां नृणाम् । चक्रेष्वारोपिताः केचिद्भाम्यन्ते तत्र मानवाः

duḥ khasya hetubhūtāni pāpakarmakṛtāṁ nṛṇām | cakreṣvāropitāḥ kecidbhāmyante tatra mānavāḥ

जो पापकर्मी मनुष्यों के दुःख का कारण बनते हैं। कुछ मनुष्य उन चक्रों पर चढ़ाकर घुमाए जाते हैं,

श्लोक 29 (garuda.2.3.29)

यावद्वर्षसहस्राणि न तेषां स्थितिरन्तरा । घटीयन्त्रेषु बद्वा ये बद्धा तोयवटी यथा

yāvadvarṣasahasrāṇi na teṣāṁ sthitirantarā | ghaṭīyantreṣu badvā ye baddhā toyavaṭī yathā

और हजारों वर्षों तक उनकी स्थिति में कोई अंतराल नहीं आता; जो घटीयंत्रों में बाँधे जाते हैं, जैसे रहट में पानी के घड़े बँधे रहते हैं,

श्लोक 30 (garuda.2.3.30)

भ्राम्यन्ते मानवा रक्तमुद्गिरन्तः पुनः पुनः । अन्त्रैर्मुखविनिष्क्रान्तैर्नेत्रैरन्त्रावलम्बिभैः

bhrāmyante mānavā raktamudgirantaḥ punaḥ punaḥ | antrairmukhaviniṣkrāntairnetrairantrāvalambibhaiḥ

वे मनुष्य बार-बार रक्त उगलते हुए घुमाए जाते हैं, मुख से बाहर निकली हुई आँतों के साथ, और आँतों में उलझी हुई आँखों के साथ,

श्लोक 31 (garuda.2.3.31)

दुः खानि प्राप्नुवन्तीह यान्यसह्यानि जन्तुभिः । असिपत्रवनं नाम नरकं शृणु चापरम्

duḥ khāni prāpnuvantīha yānyasahyāni jantubhiḥ | asipatravanaṁ nāma narakaṁ śṛṇu cāparam

यहाँ ऐसे दुःख प्राप्त होते हैं जो प्राणियों के लिए असह्य हैं। अब असिपत्रवन नामक नरक को सुनो।

श्लोक 32 (garuda.2.3.32)

योजनानां सहस्रं यो ज्वलत्यग्न्याशृतावनिः । सप्ततीव्रकराश्चैण्डर्यत्र तीव्र सुदारुणे

yojanānāṁ sahasraṁ yo jvalatyagnyāśṛtāvaniḥ | saptatīvrakarāścaiṇḍaryatra tīvra sudāruṇe

वहाँ हजार योजन भूमि अग्नि की ज्वालाओं से घिरी हुई प्रज्वलित रहती है; वहाँ अत्यंत तीक्ष्ण किरणों वाला सूर्य भी अत्यंत भीषण रूप में,

श्लोक 33 (garuda.2.3.33)

प्रतपन्ति सदा तत्र प्राणिनो नरकौकसः । तन्मध्ये चरणं शीतस्निग्धपत्रं विभाष्यते

pratapanti sadā tatra prāṇino narakaukasaḥ | tanmadhye caraṇaṁ śītasnigdhapatraṁ vibhāṣyate

नारकीय प्राणियों को सदा तपाता रहता है। उसके बीच शीतल और स्निग्ध पत्तों वाला एक वन दिखाई पड़ता है,

श्लोक 34 (garuda.2.3.34)

पत्राणि यत्र खण्डानि फलानां पक्षिसत्तम । श्वानश्च तत्र सुबलाश्चरन्त्यामिषभोजनाः

patrāṇi yatra khaṇḍāni phalānāṁ pakṣisattama | śvānaśca tatra subalāścarantyāmiṣabhojanāḥ

हे पक्षिसत्तम! जिसके पत्ते फलों के टुकड़ों जैसे प्रतीत होते हैं। वहाँ अत्यंत बलवान कुत्ते मांस खाते हुए विचरण करते हैं,

श्लोक 35 (garuda.2.3.35)

महावक्त्रा महादंष्ट्रा व्याघ्रा इव महाबलाः । ततश्च वनमालोक्य शिशिरच्छायमग्रतः

mahāvaktrā mahādaṁṣṭrā vyāghrā iva mahābalāḥ | tataśca vanamālokya śiśiracchāyamagrataḥ

जिनके मुख और दाढ़ें बाघों के समान विशाल और बलवान हैं। तब उस वन को शीतल छायायुक्त देखकर,

श्लोक 36 (garuda.2.3.36)

प्रयान्ति प्राणिनस्तत्र क्षुत्तापपरिपीडिताः । मातर्भ्रातस्तात इति क्रन्दमानाः सुदुः खिताः

prayānti prāṇinastatra kṣuttāpaparipīḍitāḥ | mātarbhrātastāta iti krandamānāḥ suduḥ khitāḥ

क्षुधा और ताप से पीड़ित प्राणी वहाँ की ओर दौड़ पड़ते हैं, 'हे माता, भाई, तात!' पुकारते हुए अत्यंत दुःखी होकर,

श्लोक 37 (garuda.2.3.37)

दह्यमानाङ्घ्रियुगला धरणिस्थेन वह्निना । तेषां गतानां तत्रापि अति शीतिः समीरणः

dahyamānāṁghriyugalā dharaṇisthena vahninā | teṣāṁ gatānāṁ tatrāpi ati śītiḥ samīraṇaḥ

भूमि की अग्नि से उनके दोनों पैर जलते रहते हैं। वहाँ पहुँचने पर भी उन्हें एक अत्यंत शीतल वायु,

श्लोक 38 (garuda.2.3.38)

प्रवाति तेन पात्यन्ते तेषां खड्गास्तथोपरि । छिन्नाः पतन्ति ते भूमौ ज्वलत्पावकसंचये

pravāti tena pātyante teṣāṁ khaḍgāstathopari | chinnāḥ patanti te bhūmau jvalatpāvakasaṁcaye

बहती हुई मिलती है, और उसी से वृक्षों की तलवार जैसी पत्तियाँ ऊपर से गिरती हैं। कटकर वे भूमि पर जलती हुई अग्नि के ढेर में गिरते हैं,

श्लोक 39 (garuda.2.3.39)

लेलिह्यमाने चान्यत्र तप्ताशेषमहीतले । सारमेयाश्च ते शीघ्रं शातयन्ति शरीरतः

lelihyamāne cānyatra taptāśeṣamahītale | sārameyāśca te śīghraṁ śātayanti śarīrataḥ

और दूसरी ओर, उस चटकती हुई, पूरी तरह तपी हुई भूमि पर, कुत्ते तुरन्त ही उनके शरीर को नोच-नोचकर टुकड़े-टुकड़े कर देते हैं।

श्लोक 40 (garuda.2.3.40)

तेषां खण्डान्यनेकानि रुदतामतिभीषणे । असिपत्रवनं तात मयैतत्परिकीर्तितम्

teṣāṁ khaṇḍānyanekāni rudatāmatibhīṣaṇe | asipatravanaṁ tāta mayaitatparikīrtitam

अत्यंत भयानक रूप से रोते हुए उनके अनेक टुकड़े हो जाते हैं। हे तात! यह मैंने असिपत्रवन का वर्णन तुमसे किया।

श्लोक 41 (garuda.2.3.41)

अतः परं भीमतरं तप्तकुंभं निबोध मे । समन्ततस्तप्तकुम्भा वह्निज्वालासमन्विताः

ataḥ paraṁ bhīmataraṁ taptakuṁbhaṁ nibodha me | samantatastaptakumbhā vahnijvālāsamanvitāḥ

इसके आगे अत्यंत भीषण तप्तकुम्भ नामक नरक को सुनो। वहाँ चारों ओर अग्नि की ज्वालाओं से युक्त तपे हुए कुम्भ (कड़ाहे) रखे हैं,

श्लोक 42 (garuda.2.3.42)

ज्वलदग्निचयास्तप्ततैलायश्चूर्णपूरिताः । एषु दुष्कृतकर्माणो याम्यैः क्षिप्ता ह्यधोमुखाः

jvaladagnicayāstaptatailāyaścūrṇapūritāḥ | eṣu duṣkṛtakarmāṇo yāmyaiḥ kṣiptā hyadhomukhāḥ

जो जलती हुई अग्नि से भरे हैं, तपे हुए तेल, लोहे के चूर्ण से भरे हुए। इनमें दुष्कर्मी लोगों को यमदूत उलटा करके फेंक देते हैं,

श्लोक 43 (garuda.2.3.43)

क्वाथ्यन्ते विस्फुटद्गात्रा गलन्मज्जाजलान्विताः । स्फुटत्कपालेनत्रास्थिच्छिद्यमाना विभीषणैः

kvāthyante visphuṭadgātrā galanmajjājalānvitāḥ | sphuṭatkapālenatrāsthicchidyamānā vibhīṣaṇaiḥ

जहाँ उनके अंग फटते हुए उबाले जाते हैं, उनकी मज्जा और [शरीर के] रस बहते रहते हैं; फूटती हुई खोपड़ी और भयंकर [गिद्धों] द्वारा हड्डियाँ काटी जाती हैं,

श्लोक 44 (garuda.2.3.44)

गृध्रैरुत्पाट्य मुच्यन्ते पुनस्तेष्वेव वेगितैः । पुनश्चिमचिमायन्ते तैलनैक्यं व्रजन्ति च

gṛdhrairutpāṭya mucyante punasteṣveva vegitaiḥ | punaścimacimāyante tailanaikyaṁ vrajanti ca

गिद्धों द्वारा उखाड़कर, वे फिर उन्हीं तीव्र कड़ाहों में छोड़ दिए जाते हैं; और वे फिर तड़फड़ाते हुए तेल के साथ एकाकार हो जाते हैं,

श्लोक 45 (garuda.2.3.45)

द्रवीभूतैः शिरोगात्रैः स्नायुमांसत्वगास्थिभिः । ततो याम्यैर्नरैराशु दर्व्याघट्टनघट्टिताः

dravībhūtaiḥ śirogātraiḥ snāyumāṁsatvagāsthibhiḥ | tato yāmyairnarairāśu darvyāghaṭṭanaghaṭṭitāḥ

उनके सिर और अंग पिघलकर स्नायु, मांस, त्वचा और अस्थि के साथ [तेल में घुल जाते हैं]। फिर यमदूतों द्वारा तुरन्त कड़छुल से चलाए-हिलाए जाकर,

श्लोक 46 (garuda.2.3.46)

कृतावर्ते महातैले क्वाथ्यन्ते पापकर्मिणः । एष ते विस्तरेणोक्तस्तप्तकुम्भो मया खग

kṛtāvarte mahātaile kvāthyante pāpakarmiṇaḥ | eṣa te vistareṇoktastaptakumbho mayā khaga

उस विशाल तेल की भँवर में पापकर्मी उबाले जाते हैं। हे खग! यह मैंने तुम्हें तप्तकुम्भ नरक का विस्तार से वर्णन किया।

श्लोक 47 (garuda.2.3.47)

आदिमो रौरवः प्रोक्तो महारौरवकोऽपरः । अतिशीतस्तृतीयस्तु चतुर्थो हि निकृन्तनः

ādimo rauravaḥ prokto mahārauravako'paraḥ | atiśītastṛtīyastu caturtho hi nikṛntanaḥ

पहला रौरव कहा गया, दूसरा महारौरव; तीसरा अतिशीत है, चौथा निकृन्तन है,

श्लोक 48 (garuda.2.3.48)

अप्रतिष्ठः पञ्चमः स्यादसिपत्रवनोऽपरः । सप्तमस्तप्तकुम्भस्तु सप्तैते नरका मताः

apratiṣṭhaḥ pañcamaḥ syādasipatravano'paraḥ | saptamastaptakumbhastu saptaite narakā matāḥ

पाँचवाँ अप्रतिष्ठ है, दूसरा असिपत्रवन है; सातवाँ तप्तकुम्भ है — ये सात नरक माने गए हैं।

श्लोक 49 (garuda.2.3.49)

श्रूयन्तेन्यान्यपि तथा नरकाणि नराधमाः । कर्मणां तारतम्येन तेषुतेषु पतन्ति हि

śrūyantenyānyapi tathā narakāṇi narādhamāḥ | karmaṇāṁ tāratamyena teṣuteṣu patanti hi

हे नराधमो! अन्य भी अनेक नरकों के नाम सुने जाते हैं, जिनमें कर्मों की तरतमता के अनुसार [पापी] गिरते हैं।

श्लोक 50 (garuda.2.3.50)

तथा हि नरको रोधः शूकरस्ताल एव च । तप्तकुम्भो महाज्वालः शबलोऽथ विमोहनः

tathā hi narako rodhaḥ śūkarastāla eva ca | taptakumbho mahājvālaḥ śabalo'tha vimohanaḥ

जैसे — रोध, शूकर, ताल, तप्तकुम्भ, महाज्वाल, शबल, विमोहन,

श्लोक 51 (garuda.2.3.51)

क्रिमिश्च क्रिमभक्षश्च लालाभक्षो विषञ्जनः । अधः शिराः पूयवहो रुधिरान्धश्च विड्रभुजः

krimiśca krimabhakṣaśca lālābhakṣo viṣañjanaḥ | adhaḥ śirāḥ pūyavaho rudhirāndhaśca viḍrabhujaḥ

क्रिमि, क्रिमिभक्ष, लालाभक्ष, विषशन (विषजन), अधःशिरस्, पूयवह, रुधिरान्ध, विड्भुज (मलभक्षी),

श्लोक 52 (garuda.2.3.52)

तथा वैतरणी सू (मू) मसिपत्रवनं तथा । अग्निज्वालो महाघोरः सन्दंशो वाप्यभोजनः

tathā vaitaraṇī sū (mū) masipatravanaṁ tathā | agnijvālo mahāghoraḥ sandaṁśo vāpyabhojanaḥ

वैतरणी, [एक अनिश्चित नाम — पाठभेद], तथा असिपत्रवन भी; अग्निज्वाल, महाघोर, सन्दंश, तथा अभोजन —

श्लोक 53 (garuda.2.3.53)

तमश्च कालसूत्रं च लोहश्चाप्यभिदस्तथा । अप्रतिष्ठोऽप्यवीचिश्च नरका एवमादयः

tamaśca kālasūtraṁ ca lohaścāpyabhidastathā | apratiṣṭho'pyavīciśca narakā evamādayaḥ

तम, कालसूत्र, लोह, अभिद, अप्रतिष्ठ और अवीचि भी — ऐसे ये और भी नरक हैं।

श्लोक 54 (garuda.2.3.54)

तामसा नरकाः सर्वे यमस्य विषये स्थिताः । येषु दुष्कृतकर्माणः पतन्ति हि पृथक्पृथक्

tāmasā narakāḥ sarve yamasya viṣaye sthitāḥ | yeṣu duṣkṛtakarmāṇaḥ patanti hi pṛthakpṛthak

ये सभी तामस नरक यम के क्षेत्र में स्थित हैं, जिनमें दुष्कर्मी लोग अलग-अलग गिरते हैं।

श्लोक 55 (garuda.2.3.55)

भूमेरधस्तात्ते सर्वे रौरवाद्याः प्रकीर्तिताः । रोघो गोघ्नो भ्रूणहा च अग्निदाता नरः पतेत्

bhūmeradhastātte sarve rauravādyāḥ prakīrtitāḥ | rogho goghno bhrūṇahā ca agnidātā naraḥ patet

ये सभी रौरव आदि नरक पृथ्वी के नीचे कहे गए हैं। नरहत्या, गोहत्या, भ्रूणहत्या करने वाला तथा अग्निदाता — ऐसा मनुष्य रोध नामक नरक में गिरता है।

श्लोक 56 (garuda.2.3.56)

सूकरे ब्रह्महा मज्जेत्सुरापः स्वर्णतस्करः । ताले पतेत्क्षत्त्रहन्ता हत्वा वैश्यं च दुर्गतिः

sūkare brahmahā majjetsurāpaḥ svarṇataskaraḥ | tāle patetkṣattrahantā hatvā vaiśyaṁ ca durgatiḥ

ब्रह्महत्यारा शूकर [नरक] में डूबता है, सुरापायी और स्वर्ण-चोर भी; ताल [नरक] में क्षत्रिय-हत्यारा गिरता है, और वैश्य की हत्या करने वाले की भी दुर्गति होती है।

श्लोक 57 (garuda.2.3.57)

ब्रह्महत्यां च यः कुर्याद्यश्च स्याद्गुरुतल्पगः । स्वसृगामी तप्तकुम्भी तथा राजभटोऽनृती

brahmahatyāṁ ca yaḥ kuryādyaśca syādgurutalpagaḥ | svasṛgāmī taptakumbhī tathā rājabhaṭo'nṛtī

जो ब्रह्महत्या करता है और जो गुरु-पत्नीगामी होता है, अपनी बहन के साथ संबंध रखने वाला, राजा का सैनिक जो असत्य बोलता है — ये तप्तकुम्भ में जाते हैं;

श्लोक 58 (garuda.2.3.58)

तप्तलोहैश्च विक्रेता तथा बन्धनरक्षिता । माध्वी विक्रयकर्तां च यस्तु भक्तं परित्यजेत्

taptalohaiśca vikretā tathā bandhanarakṣitā | mādhvī vikrayakartāṁ ca yastu bhaktaṁ parityajet

तपे हुए लोहे का व्यापारी, बन्दीगृह-रक्षक, मधु बेचने वाला, तथा जो अपने आश्रित को त्याग देता है, [ये भी उसी नरक में जाते हैं]।

श्लोक 59 (garuda.2.3.59)

महाज्वाली दुहितरं स्नुषां गच्छति यस्तु वै । वेदो विक्रीयते यैश्च वेदं दूषयते तु यः

mahājvālī duhitaraṁ snuṣāṁ gacchati yastu vai | vedo vikrīyate yaiśca vedaṁ dūṣayate tu yaḥ

जो अपनी पुत्री या पुत्रवधू के साथ संबंध रखता है, वह महाज्वाल में जाता है; जो वेद बेचते हैं और जो वेद को दूषित करते हैं,

श्लोक 60 (garuda.2.3.60)

गुरुं चैवावमन्यन्ते वाक्शरैस्ताडयन्ति च । अगम्यागामी च नरो नरकं शबलं व्रजेत्

guruṁ caivāvamanyante vākśaraistāḍayanti ca | agamyāgāmī ca naro narakaṁ śabalaṁ vrajet

जो गुरु का अपमान करते हैं और वाणी के बाणों से उन्हें आहत करते हैं, तथा जो अगम्यागामी (निषिद्ध स्त्री-संगमी) पुरुष है — वह शबल नरक में जाता है।

श्लोक 61 (garuda.2.3.61)

विमोहे पतते शूरे मर्यादां यो भिनत्ति वै । दुरिष्टं कुरुते यस्तु कृमिभक्षं प्रपद्यते

vimohe patate śūre maryādāṁ yo bhinatti vai | duriṣṭaṁ kurute yastu kṛmibhakṣaṁ prapadyate

जो शूरवीर होकर मर्यादा भंग करता है वह विमोहन में गिरता है; जो अशुभ यज्ञ करता है वह कृमिभक्ष को प्राप्त होता है।

श्लोक 62 (garuda.2.3.62)

देवब्राह्मणविद्वेष्टा लालाभक्षे पतत्यपि । कुण्डकर्ता कुलालश्च न्यासहर्ता चिकित्सकः

devabrāhmaṇavidveṣṭā lālābhakṣe patatyapi | kuṇḍakartā kulālaśca nyāsahartā cikitsakaḥ

देवता और ब्राह्मणों से द्वेष रखने वाला लालाभक्ष में भी गिरता है; कुण्ड बनाने वाला (अवैध सन्तान उत्पन्न करने वाला), कुम्हार, धरोहर हड़पने वाला, वैद्य,

श्लोक 63 (garuda.2.3.63)

आरामेष्वग्निदाता च एते यान्ति विषञ्जने । असत्प्रतिग्रही यस्तु तथैवायाज्ययाजकः

ārāmeṣvagnidātā ca ete yānti viṣañjane | asatpratigrahī yastu tathaivāyājyayājakaḥ

और उद्यानों में आग लगाने वाला — ये सब विषशन (विषजन) में जाते हैं। जो अनुचित [दान] ग्रहण करता है, और वैसे ही जो अयोग्य के लिए यज्ञ कराता है,

श्लोक 64 (garuda.2.3.64)

न क्षत्त्रैर्जोवते यस्तु नरो गच्छेदधोमुखम् । क्षीरं सुरां च मासं लाक्षां गन्धं रसं तिलान्

na kṣattrairjovate yastu naro gacchedadhomukham | kṣīraṁ surāṁ ca māsaṁ lākṣāṁ gandhaṁ rasaṁ tilān

जो क्षत्रिय होकर [प्रजा की] रक्षा नहीं करता, वह पुरुष अधःशिरस् नरक में जाता है। दूध, सुरा, मांस, लाख, सुगंध, रस और तिल —

श्लोक 65 (garuda.2.3.65)

एवमादीनि विक्रीणन् घोरे पूयवहे पतेत् । यः कुक्कुटान्निबध्नाति मार्जारान् सूकरांश्च तान् । पक्षिणश्च मृगांश्छा गान्सोऽप्येवं नरकं व्रजेत्

evamādīni vikrīṇan ghore pūyavahe patet | yaḥ kukkuṭānnibadhnāti mārjārān sūkarāṁśca tān | pakṣiṇaśca mṛgāṁśchā gānso'pyevaṁ narakaṁ vrajet

इन्हीं वस्तुओं को बेचने वाला घोर पूयवह नरक में गिरता है। जो मुर्गों, बिल्लियों, सूअरों, पक्षियों, मृगों और बकरों को बाँधता है, वह भी उसी नरक को प्राप्त होता है।

श्लोक 66 (garuda.2.3.66)

आजाविको माहिषिकस्तथा चक्री ध्वजी च यः । रङ्गोपजीविको विप्रः शाकुनिर्ग्रामयाजकः

ājāviko māhiṣikastathā cakrī dhvajī ca yaḥ | raṁgopajīviko vipraḥ śākunirgrāmayājakaḥ

बकरी-भेड़ अथवा भैंस पालने वाला, चक्रधारी, ध्वजाधारी, रंगमंच से जीविका चलाने वाला ब्राह्मण, पक्षी पकड़ने वाला, ग्राम-पुरोहित,

श्लोक 67 (garuda.2.3.67)

अगारदाही गरदः कुण्डाशी सोमविक्रयी । सुरापो मांसभक्षी च तथा च पशुघातकः

agāradāhī garadaḥ kuṇḍāśī somavikrayī | surāpo māṁsabhakṣī ca tathā ca paśughātakaḥ

घर जलाने वाला, विष देने वाला, कुण्ड का [अन्न] खाने वाला, सोम बेचने वाला, सुरापायी, मांसाहारी और पशु-वधकर्ता —

श्लोक 68 (garuda.2.3.68)

रुधिरान्धे पतन्त्येते पतन्त्येते एवमाहुर्मनीषिणः । उपविष्टन्त्वेकपङ्क्त्यां विषं सम्भोजयन्ति ये

rudhirāndhe patantyete patantyete evamāhurmanīṣiṇaḥ | upaviṣṭantvekapaṁktyāṁ viṣaṁ sambhojayanti ye

ये सब रुधिरान्ध में गिरते हैं, ऐसा विद्वानों ने कहा है। जो एक ही पंक्ति में बैठकर विष खिलाते हैं,

श्लोक 69 (garuda.2.3.69)

पतन्ति निरये घोरे विड्भुजे नात्र संशयः । मधुग्राहो वैतरणीमाक्रोशी मूत्रसंज्ञके

patanti niraye ghore viḍbhuje nātra saṁśayaḥ | madhugrāho vaitaraṇīmākrośī mūtrasaṁjñake

वे निःसंदेह उस घोर विड्भुज नरक में गिरते हैं। शहद चुराने वाला वैतरणी में, गाली देने वाला मूत्र-संज्ञक नरक में,

श्लोक 70 (garuda.2.3.70)

असिपत्रवनेऽसौची क्रोधनश्च एतेदपि । अग्निज्वालां मृगव्याधो भोज्यते यत्र वायसैः

asipatravane'saucī krodhanaśca etedapi | agnijvālāṁ mṛgavyādho bhojyate yatra vāyasaiḥ

असिपत्रवन में अशुचि रहने वाला और क्रोधी भी [गिरता है]; जो शिकारी मृग का शिकार करता है, वह अग्निज्वाल में गिरकर कौओं द्वारा खाया जाता है।

श्लोक 71 (garuda.2.3.71)

इज्यायां व्रतलोपाच्च सन्दंशे नरके पतेत् । स्कन्दन्ते यदि वा स्वप्ने यतिनो ब्रह्मचारिणः

ijyāyāṁ vratalopācca sandaṁśe narake patet | skandante yadi vā svapne yatino brahmacāriṇaḥ

यज्ञ में और व्रत के लोप से सन्दंश नरक में गिरता है; तथा जो यति और ब्रह्मचारी स्वप्न में स्खलित हो जाते हैं,

श्लोक 72 (garuda.2.3.72)

पुत्रैरध्यापिता ये च पुत्रैराज्ञापिताश्च ये । ते सर्वे नरकं यान्ति निरयं चाप्यभोजनम्

putrairadhyāpitā ye ca putrairājñāpitāśca ye | te sarve narakaṁ yānti nirayaṁ cāpyabhojanam

जो पुत्रों द्वारा पढ़ाए और पुत्रों द्वारा आज्ञप्त किए जाते हैं — वे सब अभोजन नामक घोर नरक में जाते हैं।

श्लोक 73 (garuda.2.3.73)

वर्णाश्रमविरुद्धानि क्रोधहर्षसमन्विताः । कर्माणि ये तु कुर्वन्ति सर्वे निरयवासिनः

varṇāśramaviruddhāni krodhaharṣasamanvitāḥ | karmāṇi ye tu kurvanti sarve nirayavāsinaḥ

जो वर्ण और आश्रम के विरुद्ध कर्म क्रोध और हर्ष से युक्त होकर करते हैं, वे सब नरकवासी होते हैं।

श्लोक 74 (garuda.2.3.74)

उपरिष्टात्स्थितो घोर उष्णात्मा रौरवो महान् । सुदारुणः सुशीतात्मा तस्या धस्तामसः स्मृतः

upariṣṭātsthito ghora uṣṇātmā rauravo mahān | sudāruṇaḥ suśītātmā tasyā dhastāmasaḥ smṛtaḥ

ऊपर स्थित घोर, उष्ण स्वभाव वाला महान् रौरव है; उसके नीचे अत्यंत भयंकर, अत्यंत शीतल स्वभाव वाला तामस [नरक] कहा गया है।

श्लोक 75 (garuda.2.3.75)

एवमादिक्रमेणैव सर्वेऽधोऽधः परिस्थिताः । दुः खोत्कर्षश्च सर्वेषु कर्मस्वपि निमित्ततः

evamādikrameṇaiva sarve'dho'dhaḥ paristhitāḥ | duḥ khotkarṣaśca sarveṣu karmasvapi nimittataḥ

इसी क्रम से आगे भी सब नरक एक-दूसरे के नीचे स्थित हैं; सभी में दुःख की न्यूनाधिकता उन-उन कर्मों के कारण होती है,

श्लोक 76 (garuda.2.3.76)

सुखोत्कर्षश्च सर्वत्र धर्मस्येहनिमिततः । पश्यन्तिनरकान्देवा ह्यधोवक्त्रान्सुदारुणान्

sukhotkarṣaśca sarvatra dharmasyehanimitataḥ | paśyantinarakāndevā hyadhovaktrānsudāruṇān

जैसे सर्वत्र सुख की न्यूनाधिकता धर्माचरण के कारण होती है। देवता ऊपर से नीचे मुख किए हुए इन भयंकर नरकों को देखते हैं,

श्लोक 77 (garuda.2.3.77)

नारकाश्चापि ते देवान्सर्वान्पश्यन्ति ऊर्ध्वगान् । एतान्यान्यानि शतशो नरकाणि वियद्गते

nārakāścāpi te devānsarvānpaśyanti ūrdhvagān | etānyānyāni śataśo narakāṇi viyadgate

और वे नारकीय जीव भी ऊर्ध्वगामी सभी देवताओं को देखते हैं। ये और इस प्रकार के सैकड़ों अन्य नरक आकाश में स्थित [लोकों की सीमा तक फैले हैं]।

श्लोक 78 (garuda.2.3.78)

दिनेदिने तु नरके पच्यते दह्यतेन्यतः । शीर्यते भिद्यतेऽन्यत्र चूर्यते क्लिद्यतेन्यतः

dinedine tu narake pacyate dahyatenyataḥ | śīryate bhidyate'nyatra cūryate klidyatenyataḥ

प्रतिदिन नरक में [पापी] पकाया जाता है, कहीं जलाया जाता है, कहीं फाड़ा और तोड़ा जाता है, कहीं चूर-चूर किया जाता है और कहीं गलाया जाता है,

श्लोक 79 (garuda.2.3.79)

क्वथ्यते दीप्यतेऽन्यत्र तथा वातहतोऽन्यतः । एकं दिनं वर्षशतप्रमाणं नरके भवेत्

kvathyate dīpyate'nyatra tathā vātahato'nyataḥ | ekaṁ dinaṁ varṣaśatapramāṇaṁ narake bhavet

कहीं उबाला जाता है, कहीं जलाया जाता है, और कहीं वायु से आहत किया जाता है। नरक में एक दिन सौ वर्षों के बराबर होता है।

श्लोक 80 (garuda.2.3.80)

ततः सर्वेषु निस्तीर्णः पापी तिर्यक्त्वमश्नते । कृमिकीटपतङ्गेषु स्थावरैकशफेषु च

tataḥ sarveṣu nistīrṇaḥ pāpī tiryaktvamaśnate | kṛmikīṭapataṁgeṣu sthāvaraikaśapheṣu ca

इन सबसे पार होने पर पापी तिर्यक्-योनि (पशु-पक्षी आदि) को प्राप्त करता है — कृमि, कीट, पतंग, स्थावर (वृक्षादि), तथा एक-खुर वाले पशुओं में जन्म लेकर,

श्लोक 81 (garuda.2.3.81)

गत्वा वनगजाढ्येषु गोष्वषु तथैव च । खरोऽश्वोऽश्वतरो गौरः शरभश्चमरी तथा

gatvā vanagajāḍhyeṣu goṣvaṣu tathaiva ca | kharo'śvo'śvataro gauraḥ śarabhaścamarī tathā

वनों के हाथियों में जन्म लेकर, और गौओं में भी। गधा, घोड़ा, खच्चर, गौर, शरभ और चमरी मृग —

श्लोक 82 (garuda.2.3.82)

एते चैकशफाः षट्च शृणु पञ्चनखानतः । अन्यासु बहुपापासु दुः खदासु च यो निषु

ete caikaśaphāḥ ṣaṭca śṛṇu pañcanakhānataḥ | anyāsu bahupāpāsu duḥ khadāsu ca yo niṣu

ये छह एक-खुर वाले [पशु] हैं, अब पाँच-नखों वाले पशुओं को सुनो। अन्य अनेक पाप-युक्त और दुःखदायी योनियों में भटकने के बाद,

श्लोक 83 (garuda.2.3.83)

मानुष्यं प्राप्यते कुब्जो कुत्सितो वामनोऽपि वा । चण्डालपुक्कसाद्यासु नरयोनिषु जायते

mānuṣyaṁ prāpyate kubjo kutsito vāmano'pi vā | caṇḍālapukkasādyāsu narayoniṣu jāyate

मनुष्य-जन्म प्राप्त होता है, वह भी कुबड़ा, निन्दित, अथवा बौना होकर; चाण्डाल, पुक्कस आदि नीच मानव-योनियों में जन्म लेता है।

श्लोक 84 (garuda.2.3.84)

मुहुर्गर्भे वसन्त्येव म्रियन्ते च मुहुर्मुहुः । अवशिष्टेन पापेन पुण्येन च समन्वितः

muhurgarbhe vasantyeva mriyante ca muhurmuhuḥ | avaśiṣṭena pāpena puṇyena ca samanvitaḥ

वह बार-बार गर्भ में वास करता है और बार-बार मरता है; शेष बचे हुए पाप और पुण्य दोनों से युक्त होकर,

श्लोक 85 (garuda.2.3.85)

ततश्चारोहिणीं योनिं शूद्रवैश्यनृपादिकम् । विप्रदेवेन्द्रतां चापि कदाचिदधिरोहति

tataścārohiṇīṁ yoniṁ śūdravaiśyanṛpādikam | vipradevendratāṁ cāpi kadācidadhirohati

फिर वह आरोहिणी (ऊर्ध्वगामी) योनि — शूद्र, वैश्य, राजा आदि — प्राप्त करता है, और कभी विप्र या इन्द्र के पद तक भी पहुँच जाता है।

श्लोक 86 (garuda.2.3.86)

एवं तु पापकर्माणो निरयेषु पतन्त्यधः । यथा पुण्यकृतो यान्ति तन्मे निगदतः शृणु

evaṁ tu pāpakarmāṇo nirayeṣu patantyadhaḥ | yathā puṇyakṛto yānti tanme nigadataḥ śṛṇu

इस प्रकार पापकर्मी लोग नरकों में नीचे गिरते जाते हैं। अब पुण्यकर्मी किस प्रकार [ऊपर] जाते हैं, वह मुझसे सुनो।

श्लोक 87 (garuda.2.3.87)

ते यमेन विनिर्दिष्टां योनिं पुण्यगतिं नराः । प्रगीतगन्धर्वगणा नृत्योत्सवसमाकुलाः

te yamena vinirdiṣṭāṁ yoniṁ puṇyagatiṁ narāḥ | pragītagandharvagaṇā nṛtyotsavasamākulāḥ

यम द्वारा निर्दिष्ट पुण्य-गति की योनि को [प्राप्त होकर] वे मनुष्य, गंधर्वों के गायन-समूहों और नृत्य-उत्सवों से भरी हुई,

श्लोक 88 (garuda.2.3.88)

हारनूपुरमाधुर्यैः शोभितान्यमलानि तु । प्रयान्त्याशु विमानानि दिव्यगन्धस्रगुज्ज्वलाः

hāranūpuramādhuryaiḥ śobhitānyamalāni tu | prayāntyāśu vimānāni divyagandhasragujjvalāḥ

हार-नूपुरों की मधुर ध्वनि से सुशोभित, निर्मल विमानों पर, दिव्य सुगंधित मालाओं से देदीप्यमान होकर शीघ्र आरूढ़ हो जाते हैं।

श्लोक 89 (garuda.2.3.89)

तस्माच्च प्रच्युता राज्ञामन्येषां च महात्मनाम् । जायन्ते नीरुजां गेहे स द्वृत्तिपीरपालकाः

tasmācca pracyutā rājñāmanyeṣāṁ ca mahātmanām | jāyante nīrujāṁ gehe sa dvṛttipīrapālakāḥ

उस [स्थिति] से च्युत होकर वे राजाओं और अन्य महात्माओं के घरों में, अथवा नीरोग रक्षकों (वैद्यों?) के घरों में जन्म लेते हैं,

श्लोक 90 (garuda.2.3.90)

भोगान्सम्प्राप्नुवन्त्युग्रांस्ततो यान्त्यूर्ध्वमन्यथा । अवरोहिणीं सम्प्राप्य पूर्ववद्यन्ति मानवाः

bhogānsamprāpnuvantyugrāṁstato yāntyūrdhvamanyathā | avarohiṇīṁ samprāpya pūrvavadyanti mānavāḥ

और उत्तम भोगों को प्राप्त करते हैं; फिर वे ऊपर की ओर जाते हैं, अन्यथा अवरोहिणी (नीचे जाने वाली) गति प्राप्त करके मनुष्य पूर्ववत् [संसार-चक्र में भटकते] रहते हैं।

श्लोक 91 (garuda.2.3.91)

जातस्य मृत्युलोके वै प्राणिनो मरणं ध्रुवम् । पापिष्ठानामदोमार्गाज्जीवो निष्क्रमते ध्रुवम्

jātasya mṛtyuloke vai prāṇino maraṇaṁ dhruvam | pāpiṣṭhānāmadomārgājjīvo niṣkramate dhruvam

मृत्युलोक में जन्मे हुए प्राणी की मृत्यु निश्चित है; अत्यंत पापी लोगों का जीव उसके अधोमार्ग (गुदा आदि निम्न द्वार) से ही निकलता है, यह निश्चित है।

श्लोक 92 (garuda.2.3.92)

पृथिव्यां लीयते पृथ्वी आपश्चैव तथाप्सु च । तेजस्तेजसि लीयते समीरे च समीरणः

pṛthivyāṁ līyate pṛthvī āpaścaiva tathāpsu ca | tejastejasi līyate samīre ca samīraṇaḥ

पृथ्वी-तत्त्व पृथ्वी में लीन हो जाता है, जल जल में; तेज तेज में लीन होता है, और वायु वायु में।

श्लोक 93 (garuda.2.3.93)

आकाशे च तथाकाशं सर्वव्यापि निशाकरे । तत्र कामस्तथा क्रोधः काये पञ्चेन्द्रियाणि च

ākāśe ca tathākāśaṁ sarvavyāpi niśākare | tatra kāmastathā krodhaḥ kāye pañcendriyāṇi ca

आकाश आकाश में लीन होता है, यह चन्द्रमा तक सर्वव्यापी है। शरीर में काम, क्रोध और पाँचों इन्द्रियाँ भी,

श्लोक 94 (garuda.2.3.94)

एते तार्क्ष्य समाख्याता देहे तिष्ठन्ति तस्कराः । कामः क्रोधो ह्यहङ्कारो मनस्तत्रैव नायकः

ete tārkṣya samākhyātā dehe tiṣṭhanti taskarāḥ | kāmaḥ krodho hyahaṁkāro manastatraiva nāyakaḥ

हे तार्क्ष्य! ये सब शरीर में चोरों के समान वास करते हैं, ऐसा कहा गया है — काम, क्रोध, अहंकार, और वहीं प्रधान रूप से मन,

श्लोक 95 (garuda.2.3.95)

संहारश्चैव कालोऽसौ पुण्यपापेन संयुतः । पञ्चेन्द्रियसमायुक्तः सकलैर्विबुधैः सह

saṁhāraścaiva kālo'sau puṇyapāpena saṁyutaḥ | pañcendriyasamāyuktaḥ sakalairvibudhaiḥ saha

और यह संहारकारी काल भी, पुण्य-पाप से युक्त, पाँचों इन्द्रियों और समस्त देवताओं के साथ,

श्लोक 96 (garuda.2.3.96)

प्रविशेत्स नवे देहे पृहे दरधे गुही यथा । शरीरे ये समासीनाः सर्वे वै सप्त धातवः

praviśetsa nave dehe pṛhe daradhe guhī yathā | śarīre ye samāsīnāḥ sarve vai sapta dhātavaḥ

नए शरीर में उसी प्रकार प्रवेश करता है जैसे गृहस्थ अपने घर में प्रवेश करता है। शरीर में स्थित जो सातों धातुएँ हैं,

श्लोक 97 (garuda.2.3.97)

षाट्कौशिको ह्ययं कायः सर्वे वाताश्च देहिनाम् । मूत्रं पुरीषं तद्योगाद्ये चान्ये व्याधयस्तथा

ṣāṭkauśiko hyayaṁ kāyaḥ sarve vātāśca dehinām | mūtraṁ purīṣaṁ tadyogādye cānye vyādhayastathā

यह देह छह कोशों से बना है — प्राणियों की सभी वायुएँ, मूत्र, मल, और उनके संयोग से उत्पन्न होने वाले अन्य रोग भी,

श्लोक 98 (garuda.2.3.98)

पित्तं श्लेष्मा तथा मज्जा मांसं वै मेद एव च । अस्थि शुक्रं तथा स्नायुर्देहेन सह दह्यति

pittaṁ śleṣmā tathā majjā māṁsaṁ vai meda eva ca | asthi śukraṁ tathā snāyurdehena saha dahyati

पित्त, कफ, मज्जा, मांस, मेद, हड्डी, वीर्य और स्नायु — ये सब शरीर के साथ ही जल जाते हैं (नष्ट हो जाते हैं)।

श्लोक 99 (garuda.2.3.99)

एष ते कथितस्तार्क्ष्य विनासः सर्वदेहिनम् । कथयामि पुनस्तेषां शरीरं च यथा भवेत्

eṣa te kathitastārkṣya vināsaḥ sarvadehinam | kathayāmi punasteṣāṁ śarīraṁ ca yathā bhavet

हे तार्क्ष्य! यह मैंने तुम्हें सब प्राणियों के विनाश का वर्णन किया। अब पुनः बताता हूँ कि उनका शरीर किस प्रकार बनता है।

श्लोक 100 (garuda.2.3.100)

एकस्तम्बंस्नायुबद्धं स्थूणात्रयविभूषणम् । इन्द्रियैश्च समायुक्तं नवद्वारं शरीरकम्

ekastambaṁsnāyubaddhaṁ sthūṇātrayavibhūṣaṇam | indriyaiśca samāyuktaṁ navadvāraṁ śarīrakam

यह एक ही खंभे पर, स्नायुओं से बँधा हुआ, तीन स्तंभों से सुशोभित, इन्द्रियों से युक्त, नौ द्वारों वाला छोटा शरीर है,

श्लोक 101 (garuda.2.3.101)

विषयैश्च समाक्रान्तं कामक्रोधसमाकुलम् । रागद्वेषसमाकीर्णं तृष्णादुर्गमतस्करम्

viṣayaiśca samākrāntaṁ kāmakrodhasamākulam | rāgadveṣasamākīrṇaṁ tṛṣṇādurgamataskaram

विषयों से घिरा हुआ, काम-क्रोध से व्याकुल, राग-द्वेष से भरा हुआ, तृष्णा-रूपी दुर्गम चोर से युक्त,

श्लोक 102 (garuda.2.3.102)

लोभजालपरिच्छिन्नं मोहवस्त्रेण वेष्टितम् । सुबद्धं मायया चैतल्लोभेनाधिष्ठितं पुरम्

lobhajālaparicchinnaṁ mohavastreṇa veṣṭitam | subaddhaṁ māyayā caitallobhenādhiṣṭhitaṁ puram

लोभ के जाल से घिरा हुआ, मोह के वस्त्र से लिपटा हुआ, माया से भलीभाँति बाँधा गया, और लोभ द्वारा अधिष्ठित यह नगर,

श्लोक 103 (garuda.2.3.103)

एतद्गुणसमाकीर्णं शरीरं सर्वदेहिनाम् । आत्मानं ये न जानन्ति ते नराः पशवः स्मृताः

etadguṇasamākīrṇaṁ śarīraṁ sarvadehinām | ātmānaṁ ye na jānanti te narāḥ paśavaḥ smṛtāḥ

इन्हीं गुणों से भरा हुआ है यह शरीर, सभी प्राणियों का। जो लोग आत्मा को नहीं जानते, वे मनुष्य पशु के समान माने गए हैं।

श्लोक 104 (garuda.2.3.104)

एवमेव समाख्यातं शरीरं ते चतुर्विधम् । चतुरशीतिलक्षाणि निर्मिता योनयः पुरा

evameva samākhyātaṁ śarīraṁ te caturvidham | caturaśītilakṣāṇi nirmitā yonayaḥ purā

इस प्रकार तुम्हें यह चार प्रकार का शरीर बताया गया। प्राचीन काल में चौरासी लाख योनियाँ रची गईं —

श्लोक 105 (garuda.2.3.105)

उद्भिज्जाः स्वेदजाश्चैव अण्डजाश्च जरायुजाः । एतत्ते सर्वमाख्यातं निरयस्य प्रपञ्चतः

udbhijjāḥ svedajāścaiva aṇḍajāśca jarāyujāḥ | etatte sarvamākhyātaṁ nirayasya prapañcataḥ

उद्भिज्ज (अंकुर से उत्पन्न), स्वेदज (पसीने से उत्पन्न), अण्डज (अंडे से उत्पन्न) और जरायुज (गर्भ से उत्पन्न)। यह सब मैंने तुम्हें नरक के विस्तृत वर्णन के रूप में बताया।

श्लोक 106 (garuda.2.3.106)

अथयामि क्रमप्राप्तं प्रष्टु वा वर्तते स्पृहा

athayāmi kramaprāptaṁ praṣṭu vā vartate spṛhā

अब मैं क्रमशः जो प्राप्त हुआ है उसे पूछना चाहता हूँ, यदि आपकी इच्छा हो।