अविक्षित-चरित (५): वन-रक्षा

श्लोक 1 (markandeya.123.1)

मार्कण्डेय उवाच कदाचिद्राजपुत्रोऽसौ मृगयामचरद्वने । मृगान्विध्यन्वराहांश्च शार्दूलादींश्च दंष्ट्रिणः ॥ 123.1 ॥

mārkaṇḍeya uvāca kadācidrājaputro ’sau mṛgayāmacaradvane mṛgānvidhyanvarāhāṁśca śārdūlādīṁśca daṁṣṭriṇaḥ

मार्कण्डेय ने कहा—एक दिन वह राजपुत्र वन में मृगया करते हुए विचरण कर रहा था, मृगों, वराहों तथा दाढ़ों वाले व्याघ्रों आदि को बींधता हुआ।

श्लोक 2 (markandeya.123.2)

शुश्राव सहसा शब्दं त्राहित्राहीति योषितः । विक्रोशन्त्याः सुबहुशो भयगद्गदमुच्चकैः ॥ 123.2 ॥

śuśrāva sahasā śabdaṁ trāhitrāhīti yoṣitaḥ vikrośantyāḥ subahuśo bhayagadgadamuccakaiḥ

उसने अचानक एक स्त्री का शब्द सुना—'बचाओ! बचाओ!'—बार-बार भय से गद्गद होकर ऊँचे स्वर में विलाप करती हुई।

श्लोक 3 (markandeya.123.3)

माभैर्माभैरिति वदन्राजपुत्रः स वेगितः । चोदयामास तुरगं यतः शब्दः समागतः ॥ 123.3 ॥

mābhairmābhairiti vadanrājaputraḥ sa vegitaḥ codayāmāsa turagaṁ yataḥ śabdaḥ samāgataḥ

'डरो मत, डरो मत' कहते हुए, वह वेगवान् राजपुत्र अपने घोड़े को उस दिशा में हाँकने लगा, जिधर से वह शब्द आया था।

श्लोक 4 (markandeya.123.4)

ततश्च सापि चुक्रोश कन्यका विजने वने । गृहीता दनुपुत्रेण दृढकेशेन मानिनी ॥ 123.4 ॥

tataśca sāpi cukrośa kanyakā vijane vane gṛhītā danuputreṇa dṛḍhakeśena māninī

और तब वह मानिनी कन्या भी उस निर्जन वन में विलाप करने लगी, दनुपुत्र दृढ़केश द्वारा पकड़ी गई।

श्लोक 5 (markandeya.123.5)

करन्धमसुतस्याहं भार्या चाहमविक्षितः । हरत्यनार्यो विपिने पृथिवीशस्य धीमतः ॥ 123.5 ॥

karandhamasutasyāhaṁ bhāryā cāhamavikṣitaḥ haratyanāryo vipine pṛthivīśasya dhīmataḥ

मैं करन्धम के पुत्र अविक्षित की पत्नी हूँ; यह अनार्य मुझे वन में हर ले जा रहा है — मैं उस बुद्धिमान् पृथ्वीश की पत्नी।

श्लोक 6 (markandeya.123.6)

यस्य सर्वे महीपालास्तथा गन्धर्वगुह्यकाः । न समर्थाः पुरः स्थातुं तस्य भार्या हतास्म्यहम् ॥ 123.6 ॥

yasya sarve mahīpālāstathā gandharvaguhyakāḥ na samarthāḥ puraḥ sthātuṁ tasya bhāryā hatāsmyaham

जिसके समक्ष खड़े रहने में समस्त पृथ्वीपति, तथा गन्धर्व और गुह्यक भी असमर्थ हैं, उसकी पत्नी मैं आज हरी जा रही हूँ।

श्लोक 7 (markandeya.123.7)

यस्य मृत्योरिव क्रोधः शक्रस्येव पराक्रमः । करन्धमसुतस्यैषा तस्य भार्या हृतास्म्यहम् ॥ 123.7 ॥

yasya mṛtyoriva krodhaḥ śakrasyeva parākramaḥ karandhamasutasyaiṣā tasya bhāryā hṛtāsmyaham

जिसका क्रोध मृत्यु के समान और पराक्रम इन्द्र के समान है, उस करन्धम-पुत्र की यह पत्नी मैं हरी जा रही हूँ!

श्लोक 8 (markandeya.123.8)

मार्कण्डेय उवाच इत्याकर्ण्य महीपालतनयः सशरासनी । चिन्तयामास किमिदं मम भार्यात्र कानने ॥ 123.8 ॥

mārkaṇḍeya uvāca ityākarṇya mahīpālatanayaḥ saśarāsanī cintayāmāsa kimidaṁ mama bhāryātra kānane

मार्कण्डेय ने कहा—यह सुनकर, धनुष हाथ में लिए हुए उस राजपुत्र ने सोचा—यह क्या है? मेरी पत्नी यहाँ इस वन में?

श्लोक 9 (markandeya.123.9)

मायेयं रक्षसां नूनं दुष्टानां काननौकसाम् । अथवा गत एवाहं सर्वं वेत्स्यामि कारणम् ॥ 123.9 ॥

māyeyaṁ rakṣasāṁ nūnaṁ duṣṭānāṁ kānanaukasām athavā gata evāhaṁ sarvaṁ vetsyāmi kāraṇam

यह अवश्य ही दुष्ट वननिवासी राक्षसों की कोई माया है; अथवा मैं स्वयं जाकर इसका सम्पूर्ण कारण जान लूँगा।

श्लोक 10 (markandeya.123.10)

मार्कण्डेय उवाच त्वरितः स ततो गत्वा ददर्शातिमनोरमाम् । कानने कन्यकामेकां सर्वालङ्कारभूषिताम् ॥ 123.10 ॥

mārkaṇḍeya uvāca tvaritaḥ sa tato gatvā dadarśātimanoramām kānane kanyakāmekāṁ sarvālaṅkārabhūṣitām

मार्कण्डेय ने कहा—तब वह शीघ्रता से जाकर वन में एक अत्यंत मनोरम, सर्वालंकार भूषित कन्या को देखने लगा।

श्लोक 11 (markandeya.123.11)

गृहीतां दनुपुत्रेण दृढकेशेन दण्डिना । त्राहित्राहीति करुणं विक्रोशन्ती पुनः पुनः ॥ 123.11 ॥

gṛhītāṁ danuputreṇa dṛḍhakeśena daṇḍinā trāhitrāhīti karuṇaṁ vikrośantī punaḥ punaḥ

दण्डधारी दनुपुत्र दृढ़केश द्वारा पकड़ी गई वह बार-बार करुणापूर्वक 'बचाओ! बचाओ!' पुकार रही थी।

श्लोक 12 (markandeya.123.12)

मा भैरिति स तामाह हतोऽसीति च तं वदन् । शासतीमां महीं दुष्टः को दूयेत करन्धमे ॥ 123.12 ॥

mā bhairiti sa tāmāha hato ’sīti ca taṁ vadan śāsatīmāṁ mahīṁ duṣṭaḥ ko dūyeta karandhame

'डरो मत,' उसने उससे कहा, और उससे कहा—'तू मारा गया! भला जब करन्धम इस पृथ्वी पर शासन कर रहे हों, तब कौन दुष्ट किसी को पीड़ित करने का साहस कर सकता है?

श्लोक 13 (markandeya.123.13)

यस्य प्रतापावनता भुवि सर्वे महीक्षितः । ततस्तमागतं दृष्ट्वा गृहीतवरकार्मुकम् ॥ 123.13 ॥

yasya pratāpāvanatā bhuvi sarve mahīkṣitaḥ tatastamāgataṁ dṛṣṭvā gṛhītavarakārmukam

—जिसके प्रताप से समस्त पृथ्वीपति नत हैं।' तब उसे उत्तम धनुष धारण किए आते देखकर—

श्लोक 14 (markandeya.123.14)

मां त्राहीत्याह तन्वङ्गी हृतास्म्येषेति चासकृत् । राज्ञः करन्धमस्याहं स्नुषा भार्याप्यविक्षितः । हृतास्म्येतेन दुष्टेन सनाथाऽनाथवद्वने ॥ 123.14 ॥

māṁ trāhītyāha tanvaṅgī hṛtāsmyeṣeti cāsakṛt rājñaḥ karandhamasyāhaṁ snuṣā bhāryāpyavikṣitaḥ hṛtāsmyetena duṣṭena sanāthā ’nāthavadvane

—उस कोमलांगी ने उससे कहा—'मुझे बचाओ! मैं हरी जा रही हूँ! मैं राजा करन्धम की पुत्रवधू और अविक्षित की पत्नी हूँ — मैं, सनाथ होते हुए भी, इस दुष्ट के द्वारा अनाथ की भाँति वन में हरी जा रही हूँ।'

श्लोक 15 (markandeya.123.15)

मार्कण्डेय उवाच ततो विममृशे वाक्यमविक्षित्स तथोदितम् । कथमेषा हि मे भार्या स्नुषा तातस्य वा कथम् ॥ 123.15 ॥

mārkaṇḍeya uvāca tato vimamṛśe vākyamavikṣitsa tathoditam kathameṣā hi me bhāryā snuṣā tātasya vā katham

मार्कण्डेय ने कहा—तब अविक्षित ने इस प्रकार कहे गए इन वचनों पर विचार किया—यह मेरी पत्नी या मेरे पिता की पुत्रवधू कैसे हो सकती है?

श्लोक 16 (markandeya.123.16)

अथवा मोचयाम्येतां तन्वीं वेत्स्यामि तत्पुनः । क्षत्रियैर्धार्यते शस्त्रमार्तानां त्राणकारणात् ॥ 123.16 ॥

athavā mocayāmyetāṁ tanvīṁ vetsyāmi tatpunaḥ kṣatriyairdhāryate śastramārtānāṁ trāṇakāraṇāt

अथवा मैं इस कोमलांगी को मुक्त कर दूँ — इसे मैं बाद में फिर से जान लूँगा; क्षत्रियों द्वारा शस्त्र पीड़ितों की रक्षा के लिए ही धारण किया जाता है।

श्लोक 17 (markandeya.123.17)

ततः कुद्धोऽब्रवीद्वीरो दानवं तं सुदुर्मतिम् । जीवन्गच्छ विमुच्यैनामन्यथा न भविष्यसि ॥ 123.17 ॥

tataḥ kuddho ’bravīdvīro dānavaṁ taṁ sudurmatim jīvangaccha vimucyaināmanyathā na bhaviṣyasi

तब वह वीर क्रुद्ध होकर उस दुर्मति दानव से बोला—'इसे छोड़कर जीवित ही चला जा, अन्यथा तू जीवित नहीं बचेगा।'

श्लोक 18 (markandeya.123.18)

ततः स तां विहायोच्चैर्दण्डमुत्क्षिप्य दानवः । तमप्यधावत्सोऽप्येनं शरवर्षैरवाकिरत् ॥ 123.18 ॥

tataḥ sa tāṁ vihāyoccairdaṇḍamutkṣipya dānavaḥ tamapyadhāvatso ’pyenaṁ śaravarṣairavākirat

तब वह दानव उसे छोड़कर, अपनी गदा ऊँची उठाकर उस पर भी झपटा; और उसने भी बाणों की वर्षा से उसे ढँक दिया।

श्लोक 19 (markandeya.123.19)

स वार्यमाणो बाणौघैर्दानवोऽतिमदान्वितः । राजपुत्राय चिक्षेप दण्डं शंकुशतावृतम् ॥ 123.19 ॥

sa vāryamāṇo bāṇaughairdānavo ’timadānvitaḥ rājaputrāya cikṣepa daṇḍaṁ śaṁkuśatāvṛtam

बाणों की उस बाढ़ से रोका गया, अत्यंत मद से उन्मत्त वह दानव, राजकुमार पर सौ कीलों से जड़ी अपनी गदा फेंकने लगा।

श्लोक 20 (markandeya.123.20)

तमापतन्तं चिच्छेद शरैर्भूपसुतस्ततः । सोऽप्यासन्नं गृहीत्वोच्चैर्द्रुममाजौ व्यवस्थितः ॥ 123.20 ॥

tamāpatantaṁ ciccheda śarairbhūpasutastataḥ so ’pyāsannaṁ gṛhītvoccairdrumamājau vyavasthitaḥ

राजपुत्र ने तब उस आती हुई गदा को अपने बाणों से काट डाला; और उस दानव ने भी समीप का एक ऊँचा वृक्ष उखाड़कर युद्ध में डट गया।

श्लोक 21 (markandeya.123.21)

सृजतः शरवर्षाणि तं चिक्षेप ततो द्रुमम् । स च तं तिलशश्चैके भल्लैः कार्मुकमोचितैः ॥ 123.21 ॥

sṛjataḥ śaravarṣāṇi taṁ cikṣepa tato drumam sa ca taṁ tilaśaścaike bhallaiḥ kārmukamocitaiḥ

जब वह बाणों की वर्षा कर रहा था, तब उसने वह वृक्ष उस पर फेंका; और उसने अपने धनुष से छोड़े गए भल्ल बाणों से उसे टुकड़े-टुकड़े कर दिया।

श्लोक 22 (markandeya.123.22)

ततश्चिक्षेप च शिलां राजपुत्राय दानवः । सापि मोघा पपातोर्व्यामुज्झिता तेन लाघवात् ॥ 123.22 ॥

tataścikṣepa ca śilāṁ rājaputrāya dānavaḥ sāpi moghā papātorvyāmujjhitā tena lāghavāt

तब उस दानव ने राजकुमार पर एक शिला फेंकी; वह भी उसके द्वारा कुशलतापूर्वक विफल कर भूमि पर गिरा दी गई।

श्लोक 23 (markandeya.123.23)

राजपुत्राय कुपितो यद्यच्चिक्षेप दानवः । तत्तच्चिच्छेद बाणौघैर्भूभृत्सूनुः सलीलया ॥ 123.23 ॥

rājaputrāya kupito yadyaccikṣepa dānavaḥ tattacciccheda bāṇaughairbhūbhṛtsūnuḥ salīlayā

क्रुद्ध हुए उस दानव ने राजकुमार पर जो-जो फेंका, उस पृथ्वीपति-पुत्र ने बाण-समूहों से लीलापूर्वक उन सबको काट डाला।

श्लोक 24 (markandeya.123.24)

ततो विच्छिन्नदण्डोऽसौ विच्छिन्नसकलायुधः । मुष्टिमुद्यम्य सक्रोधो राजपुत्रमधावत ॥ 123.24 ॥

tato vicchinnadaṇḍo ’sau vicchinnasakalāyudhaḥ muṣṭimudyamya sakrodho rājaputramadhāvata

तब गदा टूट जाने और समस्त शस्त्र नष्ट हो जाने पर, वह क्रुद्ध होकर मुष्टि उठाकर राजपुत्र की ओर झपटा।

श्लोक 25 (markandeya.123.25)

तस्यापतत एवासौ करन्धमसुतः शिरः । छित्त्वा वेतसपत्रेण पातयामास वै भुवि ॥ 123.25 ॥

tasyāpatata evāsau karandhamasutaḥ śiraḥ chittvā vetasapatreṇa pātayāmāsa vai bhuvi

जब वह झपट रहा था, तभी करन्धम-पुत्र ने वेतसपत्र बाण से उसका सिर काटकर भूमि पर गिरा दिया।

श्लोक 26 (markandeya.123.26)

तस्मिन्विनिहते देवैर्दानवे दुष्टचेष्टिते । करन्धमसुतः सर्वैः साधुसाध्विति भाषितः ॥ 123.26 ॥

tasminvinihate devairdānave duṣṭaceṣṭite karandhamasutaḥ sarvaiḥ sādhusādhviti bhāṣitaḥ

उस दुष्टाचारी दानव के मारे जाने पर, करन्धम-पुत्र की सभी देवताओं ने 'साधु! साधु!' कहकर सराहना की।

श्लोक 27 (markandeya.123.27)

वरं वृणीष्वेति तदा देवैरुक्तो नृपात्मजः । वव्रे पुत्रं महावीर्यं पितुः प्रियचिकीर्षया ॥ 123.27 ॥

varaṁ vṛṇīṣveti tadā devairukto nṛpātmajaḥ vavre putraṁ mahāvīryaṁ pituḥ priyacikīrṣayā

तब देवताओं ने उससे कहा—'वर माँगो'; और राजपुत्र ने अपने पिता को प्रसन्न करने की इच्छा से महापराक्रमी पुत्र माँगा।

श्लोक 28 (markandeya.123.28)

देवा ऊचुः भविष्यति हि ते पुत्रश्चक्रवर्त्ती महाबलः । अस्यामेव हि कन्यायां मोक्षितायां त्वयानघ ॥ 123.28 ॥

devā ūcuḥ bhaviṣyati hi te putraścakravarttī mahābalaḥ asyāmeva hi kanyāyāṁ mokṣitāyāṁ tvayānagha

देवताओं ने कहा—हे निष्पाप, तुम्हें एक पुत्र अवश्य होगा, महाबली चक्रवर्ती — इसी कन्या से, जो अभी तुम्हारे द्वारा मुक्त की गई है।

श्लोक 29 (markandeya.123.29)

राजपुत्र उवाच पित्राहं सत्यपाशेन बद्ध इच्छाम्यहं सुतम् । राजभिनिर्जितेनाजौ त्यक्तो मे दारसंग्रहः ॥ 123.29 ॥

rājaputra uvāca pitrāhaṁ satyapāśena baddha icchāmyahaṁ sutam rājabhinirjitenājau tyakto me dārasaṁgrahaḥ

राजपुत्र ने कहा—पिता द्वारा सत्य के पाश में बाँधे जाने के कारण मैं पुत्र चाहता हूँ; परन्तु राजाओं द्वारा युद्ध में पराजित होने पर मैंने पत्नी ग्रहण करने का त्याग कर दिया था।

श्लोक 30 (markandeya.123.30)

सा च मे यावता त्यक्ता विशालनृपतेः सुता । तया च मत्कृते त्यक्तो मामृते नरसङ्गमः ॥ 123.30 ॥

sā ca me yāvatā tyaktā viśālanṛpateḥ sutā tayā ca matkṛte tyakto māmṛte narasaṅgamaḥ

और राजा विशाल की जिस पुत्री को मैंने तब त्याग दिया था — मेरे कारण उसने भी मुझसे भिन्न किसी पुरुष के साथ संग का त्याग कर दिया है।

श्लोक 31 (markandeya.123.31)

तत्कथं तामपास्याद्य विशालतनयामहम् । नृशंसात्मा करिष्यामि अन्यनारीपरिग्रहम् ॥ 123.31 ॥

tatkathaṁ tāmapāsyādya viśālatanayāmaham nṛśaṁsātmā kariṣyāmi anyanārīparigraham

तो आज विशाल-पुत्री को त्यागकर, क्रूर हृदय वाला बनकर, मैं किसी अन्य स्त्री को कैसे ग्रहण करूँ?

श्लोक 32 (markandeya.123.32)

देवा ऊचुः इयमेव हि ते भार्या श्लाघ्यते या त्वया सदा । विशालस्य सुता सुभ्रूस्त्वत्कृते याऽऽश्रिता तपः ॥ 123.32 ॥

devā ūcuḥ iyameva hi te bhāryā ślāghyate yā tvayā sadā viśālasya sutā subhrūstvatkṛte yā ’ ’śritā tapaḥ

देवताओं ने कहा—यही तुम्हारी पत्नी है, जिसकी तुम सदा प्रशंसा करते हो — विशाल की वह भ्रूयुक्त पुत्री, जिसने तुम्हारे लिए तप का आश्रय लिया है।

श्लोक 33 (markandeya.123.33)

अस्यामुत्पत्स्यते वीरः सप्तद्वीपप्रसाधकः । यष्टा यज्ञसहस्राणां चक्रवर्त्ती सुतस्तव ॥ 123.33 ॥

asyāmutpatsyate vīraḥ saptadvīpaprasādhakaḥ yaṣṭā yajñasahasrāṇāṁ cakravarttī sutastava

उसी से एक वीर उत्पन्न होगा, सप्तद्वीपों का भूषण, सहस्र यज्ञों का यजनकर्ता, चक्रवर्ती — तुम्हारा पुत्र।

श्लोक 34 (markandeya.123.34)

मार्कण्डेय उवाच इत्युच्चार्य ययुर्देवाः करन्धमसुतं द्विज । सोऽप्याह तां तदा पत्नी कथ्यतां भीरु किन्त्विदम् ॥ 123.34 ॥

mārkaṇḍeya uvāca ityuccārya yayurdevāḥ karandhamasutaṁ dvija so ’pyāha tāṁ tadā patnī kathyatāṁ bhīru kintvidam

मार्कण्डेय ने कहा—हे विप्र, ऐसा कहकर देवता करन्धम-पुत्र के पास से चले गए; और उसने भी तब अपनी उस पत्नी से कहा—हे भीरु, बताओ, यह क्या है?

श्लोक 35 (markandeya.123.35)

सा चास्मै कथयामास त्यक्ताहं भवता यदा । त्यक्तबन्धुजनाऽरण्यं निर्वेदात्समुपागता ॥ 123.35 ॥

sā cāsmai kathayāmāsa tyaktāhaṁ bhavatā yadā tyaktabandhujanā ’raṇyaṁ nirvedātsamupāgatā

और उसने उससे कहा—जब मैं तुम्हारे द्वारा त्याग दी गई, तब अपने बन्धुजनों द्वारा भी छोड़ी जाकर, वैराग्यवश मैं वन में आ गई।

श्लोक 36 (markandeya.123.36)

अत्राहं तपसा वीर क्षीणप्रायं कलेवरम् । त्यक्तुकामा समभ्येत्य देवदूतेन वारिता ॥ 123.36 ॥

atrāhaṁ tapasā vīra kṣīṇaprāyaṁ kalevaram tyaktukāmā samabhyetya devadūtena vāritā

हे वीर, यहाँ तप के द्वारा जब मेरा शरीर लगभग क्षीण हो गया, तब मैं इसे त्यागने की इच्छा करने लगी — परन्तु देवदूत के आगमन से रोक दी गई।

श्लोक 37 (markandeya.123.37)

भविष्यति च पुत्रस्ते चक्रवर्त्ती महाबलः । प्रीणयिष्यति यो देवानसुरांश्च हनिष्यति ॥ 123.37 ॥

bhaviṣyati ca putraste cakravarttī mahābalaḥ prīṇayiṣyati yo devānasurāṁśca haniṣyati

'तुम्हें एक पुत्र होगा, महाबली चक्रवर्ती, जो देवताओं को प्रसन्न करेगा और असुरों का वध करेगा।'

श्लोक 38 (markandeya.123.38)

इति देवाज्ञया तेन देवदूतेन वारिता । न सन्न्यक्तवती देहं त्वत्सङ्गममनोरथा ॥ 123.38 ॥

iti devājñayā tena devadūtena vāritā na sannyaktavatī dehaṁ tvatsaṅgamamanorathā

इस प्रकार देवाज्ञा से उस देवदूत के द्वारा रोकी जाकर, तुमसे मिलने की कामना रखते हुए, मैंने अपने शरीर का त्याग नहीं किया।

श्लोक 39 (markandeya.123.39)

परश्वश्च महाभाग स्नातुं गङ्गाह्रदं गता । अवतीर्णा विकृष्टास्मि वृद्धनागेन केनचित् ॥ 123.39 ॥

paraśvaśca mahābhāga snātuṁ gaṅgāhradaṁ gatā avatīrṇā vikṛṣṭāsmi vṛddhanāgena kenacit

हे महाभाग, परसों मैं गंगा के एक कुण्ड में स्नान करने गई थी; उसमें उतरते ही किसी प्राचीन नाग ने मुझे खींच लिया।

श्लोक 40 (markandeya.123.40)

ततो रसातलं नीता तेन तत्र च मे पुरः । नागाः सहस्रशस्तस्थुर्नागपत्न्यः कुमारकाः ॥ 123.40 ॥

tato rasātalaṁ nītā tena tatra ca me puraḥ nāgāḥ sahasraśastasthurnāgapatnyaḥ kumārakāḥ

तब मुझे रसातल ले जाया गया, और वहाँ मेरे समक्ष सहस्रों नाग, नागपत्नियाँ, तथा उनके बालक खड़े थे।

श्लोक 41 (markandeya.123.41)

तुष्टुवुर्मां समभ्येत्य मामन्येऽपूजयंस्तथा । ययाचिरे सविनयं नागा मामङ्गनास्तथा ॥ 123.41 ॥

tuṣṭuvurmāṁ samabhyetya māmanye ’pūjayaṁstathā yayācire savinayaṁ nāgā māmaṅganāstathā

समीप आकर उन्होंने मेरी स्तुति की, और अन्यों ने भी मेरा सम्मान किया; तथा नागों और नाग-स्त्रियों ने भी विनयपूर्वक मुझसे याचना की।

श्लोक 42 (markandeya.123.42)

प्रसादं कुरु सर्वेषां त्वमस्माकं सुतस्त्वया । अपराधमुपेतानां संनिवार्यो वधोन्मुखः ॥ 123.42 ॥

prasādaṁ kuru sarveṣāṁ tvamasmākaṁ sutastvayā aparādhamupetānāṁ saṁnivāryo vadhonmukhaḥ

'हम सब पर कृपा करो — तुम हमारे पुत्र की माता बनोगी; अपराध कर चुके, वध के लिए उद्यत किसी को तुम रोक देना।'

श्लोक 43 (markandeya.123.43)

अपराधं करिष्यन्ति त्वत्पुत्रस्यानिलाशनाः । तन्निमित्तं निवार्योऽसौ प्रसादः क्रियतामिति ॥ 123.43 ॥

aparādhaṁ kariṣyanti tvatputrasyānilāśanāḥ tannimittaṁ nivāryo ’sau prasādaḥ kriyatāmiti

'वायु-भक्षी नाग तुम्हारे पुत्र का किसी दिन अपराध करेंगे; उनके निमित्त वह रोक दिया जाए, यही कृपा की जाए,' उन्होंने कहा।

श्लोक 44 (markandeya.123.44)

तथेति च मया प्रोक्ते दिव्यैः पातालभूषणैः । भूषिताहं तथा पुष्पैर्गन्धवासोभिरुत्तमैः ॥ 123.44 ॥

tatheti ca mayā prokte divyaiḥ pātālabhūṣaṇaiḥ bhūṣitāhaṁ tathā puṣpairgandhavāsobhiruttamaiḥ

मेरे 'तथास्तु' कहने पर, मुझे पाताल के दिव्य आभूषणों से, तथा पुष्पों और उत्तम सुगन्धित वस्त्रों से सुसज्जित किया गया।

श्लोक 45 (markandeya.123.45)

समानीता तथा लोकमिमं तेनानिलाशिना । पुरा यथा कान्तिमती पूर्ववद्रूपशालिनी ॥ 123.45 ॥

samānītā tathā lokamimaṁ tenānilāśinā purā yathā kāntimatī pūrvavadrūpaśālinī

और उस वायु-भक्षी नाग द्वारा मैं इस लोक में पुनः लाई गई, पहले की भाँति ही सुन्दर और रूपवती।

श्लोक 46 (markandeya.123.46)

इति रूपवतीं दृष्ट्वा सर्वालङ्कारभूषिताम् । जग्राह दृढकेशोऽयं हर्तुकामः सुदुर्मतिः ॥ 123.46 ॥

iti rūpavatīṁ dṛṣṭvā sarvālaṅkārabhūṣitām jagrāha dṛḍhakeśo ’yaṁ hartukāmaḥ sudurmatiḥ

मुझे इस प्रकार सुन्दर, सर्वालंकार-भूषित देखकर, इस दुर्मति दृढ़केश ने मुझे पकड़ लिया, हर ले जाने की इच्छा से।

श्लोक 47 (markandeya.123.47)

युष्मद्बाहुबलेनाहं राजपुत्र विमोक्षिता । तत्प्रसीद महाबाहो मा प्रतीच्छ त्वया समः । भूलोके राजपुत्रोऽन्यो नास्ति सत्यं ब्रवीम्यहम् ॥ 123.47 ॥

yuṣmadbāhubalenāhaṁ rājaputra vimokṣitā tatprasīda mahābāho mā pratīccha tvayā samaḥ bhūloke rājaputro ’nyo nāsti satyaṁ bravīmyaham

हे राजपुत्र, तुम्हारी भुजाओं के बल से मैं मुक्त हुई हूँ; अतः हे महाबाहो, प्रसन्न होओ — मुझ पर संदेह मत करो; मैं सत्य कहती हूँ, पृथ्वीतल पर तुम्हारे समान कोई अन्य राजपुत्र नहीं है।