मरुत्त-चरित

श्लोक 1 (markandeya.125.1)

मार्कण्डेय उवाच ततः स राजपुत्रस्तमादाय दयितं सुतम् । पत्नीं चानुगतो विप्र गन्धर्वैराययौ पुरम् ॥ 125.1 ॥

mārkaṇḍeya uvāca tataḥ sa rājaputrastamādāya dayitaṁ sutam patnīṁ cānugato vipra gandharvairāyayau puram

मार्कण्डेय ने कहा—तब वह राजपुत्र अपने प्रिय पुत्र को लेकर, तथा पत्नी सहित, हे विप्र, गन्धर्वों के साथ नगरी में आया।

श्लोक 2 (markandeya.125.2)

स पितुर्भवनं प्राप्य ववन्दे पितुरादरात् । चरणौ सा च तन्वङ्गी ह्रीमती नृपते सुता ॥ 125.2 ॥

sa piturbhavanaṁ prāpya vavande piturādarāt caraṇau sā ca tanvaṅgī hrīmatī nṛpate sutā

उसने अपने पिता के भवन में पहुँचकर आदरपूर्वक पिता के चरणों में प्रणाम किया; और उस कोमलांगी, लज्जाशील राजकुमारी ने भी वैसा ही किया।

श्लोक 3 (markandeya.125.3)

तथाह राजपुत्रोऽसौ गृहीत्वा बालकं सुतम् । धर्मासनगतं भूपं राज्ञां मध्ये करन्धमम् ॥ 125.3 ॥

tathāha rājaputro ’sau gṛhītvā bālakaṁ sutam dharmāsanagataṁ bhūpaṁ rājñāṁ madhye karandhamam

तब उस राजपुत्र ने अपने शिशु पुत्र को लेकर, धर्मासन पर बैठे हुए राजाओं के मध्य करन्धम राजा से यह कहा।

श्लोक 4 (markandeya.125.4)

मुखं पौत्रस्य पश्यैतदुत्सङ्गस्थस्य यन्मया । किमिच्छके प्रतिज्ञातं तुभ्यं मातुः कृते पुरा ॥ 125.4 ॥

mukhaṁ pautrasya paśyaitadutsaṅgasthasya yanmayā kimicchake pratijñātaṁ tubhyaṁ mātuḥ kṛte purā

"अपनी गोद में स्थित इस पौत्र का मुख देखिए; यह वही प्रतिज्ञा है जो मैंने पहले किमिच्छक व्रत में, अपनी माता के लिए, आपसे की थी।"

श्लोक 5 (markandeya.125.5)

इत्युक्त्वा पितुरुत्सङ्गे तं कृत्वा तनयं ततः । यथावृत्तमशेषं स कथयामास तस्य तत् ॥ 125.5 ॥

ityuktvā piturutsaṅge taṁ kṛtvā tanayaṁ tataḥ yathāvṛttamaśeṣaṁ sa kathayāmāsa tasya tat

ऐसा कहकर, तथा उस पुत्र को पिता की गोद में रखकर, उसने तब उसे संपूर्ण घटित वृत्तांत बता दिया।

श्लोक 6 (markandeya.125.6)

स परिष्वज्य तं पौत्रमानन्दास्राविलेक्षणः । स भाग्योऽस्मीत्यथात्मानं प्रशशंस पुनः पुनः ॥ 125.6 ॥

sa pariṣvajya taṁ pautramānandāsrāvilekṣaṇaḥ sa bhāgyo ’smītyathātmānaṁ praśaśaṁsa punaḥ punaḥ

वह उस पौत्र को गले लगाकर, आनन्दाश्रुओं से भरे नेत्रों वाला होकर, बार-बार अपनी प्रशंसा करने लगा—"मैं भाग्यशाली हूँ!"

श्लोक 7 (markandeya.125.7)

ततः सोऽर्घ्यादिना सम्यग्गन्धर्वान्समुपागतान् । सम्मानयामास मुदा विस्मृतान्यप्रयोजनः ॥ 125.7 ॥

tataḥ so ’rghyādinā samyaggandharvānsamupāgatān sammānayāmāsa mudā vismṛtānyaprayojanaḥ

तब अर्घ्य आदि से उसने वहाँ आए हुए गन्धर्वों का भलीभाँति सम्मान किया, हर्षपूर्वक, अन्य समस्त कार्य भूलकर।

श्लोक 8 (markandeya.125.8)

ततः पुरे महानासीदानन्दः पौरवेश्मसु । अस्माकं सन्ततिर्जाता नाथस्येति महामुने ॥ 125.8 ॥

tataḥ pure mahānāsīdānandaḥ pauraveśmasu asmākaṁ santatirjātā nāthasyeti mahāmune

हे महामुने, तब नगर में प्रजाजनों के घर-घर में महान् आनन्द छा गया—"हमारे स्वामी को सन्तान प्राप्त हुई है!"

श्लोक 9 (markandeya.125.9)

हृष्टपुष्टे पुरे तस्मिन्गीतवाद्यैर्वराङ्गनाः । विलासिन्योऽतिचार्वङ्ग्यो ननृतुर्लास्यमुत्तमम् ॥ 125.9 ॥

hṛṣṭapuṣṭe pure tasmingītavādyairvarāṅganāḥ vilāsinyo ’ticārvaṅgyo nanṛturlāsyamuttamam

उस समृद्ध नगर में, सुन्दर स्त्रियाँ, अत्यंत मनोहर अंगों वाली विलासिनी नर्तकियाँ, गीत-वाद्य के साथ उत्तम लास्य नृत्य करने लगीं।

श्लोक 10 (markandeya.125.10)

राजा च द्विजमुख्येभ्यो रत्नानि च वसूनि च । गावो वस्त्राण्यलङ्कारानददाद्धृष्टमानसः ॥ 125.10 ॥

rājā ca dvijamukhyebhyo ratnāni ca vasūni ca gāvo vastrāṇyalaṅkārānadadāddhṛṣṭamānasaḥ

और राजा ने हर्षित मन से श्रेष्ठ ब्राह्मणों को रत्न, धन, गौएँ, वस्त्र और आभूषण प्रदान किए।

श्लोक 11 (markandeya.125.11)

ततः स बालो ववृधे शुक्लपक्षे यथा शशी । पितॄणां प्रीतिजनको जनस्येष्टश्च सोऽभवत् ॥ 125.11 ॥

tataḥ sa bālo vavṛdhe śuklapakṣe yathā śaśī pitṝṇāṁ prītijanako janasyeṣṭaśca so ’bhavat

तब वह बालक शुक्ल पक्ष के चन्द्रमा के समान बढ़ता गया; वह अपने बड़ों के लिए प्रीतिजनक और जनसाधारण का प्रिय बना।

श्लोक 12 (markandeya.125.12)

आचार्याणां सकाशात्स प्राग्वेदाञ्जगृहे मुने । ततः शास्त्राण्यशेषाणि धनुर्वेदं ततः परम् ॥ 125.12 ॥

ācāryāṇāṁ sakāśātsa prāgvedāñjagṛhe mune tataḥ śāstrāṇyaśeṣāṇi dhanurvedaṁ tataḥ param

हे मुने, उसने आचार्यों से पहले वेद ग्रहण किए, फिर समस्त शास्त्र, और उसके पश्चात् धनुर्वेद।

श्लोक 13 (markandeya.125.13)

कृतोद्योगो यदा सोऽभूत्खड्गकार्मुककर्मणि । अन्येषु च तथा वीरः शस्त्रेषु विजितश्रमः ॥ 125.13 ॥

kṛtodyogo yadā so ’bhūtkhaḍgakārmukakarmaṇi anyeṣu ca tathā vīraḥ śastreṣu vijitaśramaḥ

जब वह वीर खड्ग और धनुष के प्रयोग में, तथा उसी प्रकार अन्य शस्त्रों में भी निपुण हो गया, अथक परिश्रम से—

श्लोक 14 (markandeya.125.14)

ततोऽस्त्राणि स जग्राह भार्गवाद्भृगुसम्भवात् । विनयावनतो विप्र गुरोः प्रीतिपरायणः ॥ 125.14 ॥

tato ’strāṇi sa jagrāha bhārgavādbhṛgusambhavāt vinayāvanato vipra guroḥ prītiparāyaṇaḥ

—तब उसने भार्गव वंश में उत्पन्न भृगुवंशी से दिव्यास्त्र प्राप्त किए, हे विप्र, विनयपूर्वक झुककर, गुरु की प्रसन्नता में तत्पर रहते हुए।

श्लोक 15 (markandeya.125.15)

गृहीतास्त्रः कृती वेदे धनुर्वेदस्य पारगः । निष्णातः सर्वविद्यासु न बभूव ततः परः ॥ 125.15 ॥

gṛhītāstraḥ kṛtī vede dhanurvedasya pāragaḥ niṣṇātaḥ sarvavidyāsu na babhūva tataḥ paraḥ

दिव्यास्त्र प्राप्त कर, वेद में निपुण, धनुर्वेद में पारंगत, समस्त विद्याओं में निष्णात हो जाने पर, उसके समान अन्य कोई न रहा।

श्लोक 16 (markandeya.125.16)

विशालोऽपि सुतावार्त्तामुपलभ्याखिलामिमाम् । हर्षनिर्भरचित्तोऽभूद्दौहित्रस्य च योग्यताम् ॥ 125.16 ॥

viśālo ’pi sutāvārttāmupalabhyākhilāmimām harṣanirbharacitto ’bhūddauhitrasya ca yogyatām

विशाल भी अपनी पुत्री के विषय में यह सम्पूर्ण वृत्तांत पाकर हर्ष से परिपूर्ण हुआ, तथा अपने दौहित्र की योग्यता से भी।

श्लोक 17 (markandeya.125.17)

अथ राजा सुतसुतं दृष्ट्वा प्राप्तमनोरथः । यज्ञाननेकान्निष्याद्य दत्त्वा दानानि चार्थिनाम् ॥ 125.17 ॥

atha rājā sutasutaṁ dṛṣṭvā prāptamanorathaḥ yajñānanekānniṣyādya dattvā dānāni cārthinām

तब राजा करन्धम, अपने पुत्र के पुत्र को देखकर तथा अपनी मनोकामना पूर्ण होने पर, अनेक यज्ञ सम्पन्न कर और याचकों को दान देकर—

श्लोक 18 (markandeya.125.18)

कृतशेषक्रियो युक्तः स वर्णेर्धर्मतो महीम् । परिपाल्यारिविजयी बलबुद्धिसमन्वितः ॥ 125.18 ॥

kṛtaśeṣakriyo yuktaḥ sa varṇerdharmato mahīm paripālyārivijayī balabuddhisamanvitaḥ

—अपने शेष कर्तव्य पूर्ण कर, वर्णों के अनुसार धर्मपूर्वक पृथ्वी का पालन करते हुए, शत्रुओं पर विजयी, बल और बुद्धि से सम्पन्न—

श्लोक 19 (markandeya.125.19)

स यियासुर्वनं पुत्रमविक्षितमभाषत । पुत्र वृद्धोऽस्मि गच्छामि वनं राज्यं गृहाण मे ॥ 125.19 ॥

sa yiyāsurvanaṁ putramavikṣitamabhāṣata putra vṛddho ’smi gacchāmi vanaṁ rājyaṁ gṛhāṇa me

—वन जाने की इच्छा से उसने अपने पुत्र अविक्षित से कहा—"हे पुत्र, मैं वृद्ध हो गया हूँ; मैं वन जाता हूँ — मुझसे राज्य ग्रहण करो।

श्लोक 20 (markandeya.125.20)

कृतकृत्योऽस्मि नास्त्यन्यत्किञ्चित्त्वदभिषेचनात् । सुनिष्पन्नमतो राज्यं त्वं गृहाण मयार्पितम् ॥ 125.20 ॥

kṛtakṛtyo ’smi nāstyanyatkiñcittvadabhiṣecanāt suniṣpannamato rājyaṁ tvaṁ gṛhāṇa mayārpitam

"मैं कृतकृत्य हूँ; तुम्हारे अभिषेक के अतिरिक्त मेरे लिए और कुछ शेष नहीं है। अतः यह सुव्यवस्थित राज्य, मेरे द्वारा सौंपा गया, ग्रहण करो।"

श्लोक 21 (markandeya.125.21)

इत्युक्तः पितरं प्राह सोऽविक्षिन्नृपनन्दनः । प्रश्रयावनतो भूत्वा यियासुस्तपसे वनम् ॥ 125.21 ॥

ityuktaḥ pitaraṁ prāha so ’vikṣinnṛpanandanaḥ praśrayāvanato bhūtvā yiyāsustapase vanam

इस प्रकार कहे जाने पर, राजा का आनन्द अविक्षित, विनयपूर्वक झुककर, तप के लिए वन जाने की इच्छा से अपने पिता से बोला।

श्लोक 22 (markandeya.125.22)

नाहं तात करिष्यामि पृथिव्याः परिपालनम् । नापैति ह्रीर्मे मनसि राज्येऽयं त्वं नियोजय ॥ 125.22 ॥

nāhaṁ tāta kariṣyāmi pṛthivyāḥ paripālanam nāpaiti hrīrme manasi rājye ’yaṁ tvaṁ niyojaya

"हे तात, मैं पृथ्वी का पालन नहीं करूँगा; मेरे मन से लज्जा नहीं जाती — इसे [अपने पुत्र को] राज्य पर नियुक्त कीजिए।

श्लोक 23 (markandeya.125.23)

तातेन मोक्षितो बद्धो न स्ववीर्यादहं यतः । ततः कियत्पौरुषं मे पुरुषैः पाल्यते मही ॥ 125.23 ॥

tātena mokṣito baddho na svavīryādahaṁ yataḥ tataḥ kiyatpauruṣaṁ me puruṣaiḥ pālyate mahī

"चूँकि मैं अपने पिता द्वारा बन्धन से मुक्त किया गया, अपने पराक्रम से नहीं — तो मुझमें ऐसा कैसा पौरुष है, कि इस प्रकार के पुरुष द्वारा पृथ्वी का पालन हो?

श्लोक 24 (markandeya.125.24)

योऽहं न पालनायालमात्मनोऽपि वसुन्धराम् । स कथं पालयिष्यामि राज्यमन्यत्र विक्षिप ॥ 125.24 ॥

yo ’haṁ na pālanāyālamātmano ’pi vasundharām sa kathaṁ pālayiṣyāmi rājyamanyatra vikṣipa

"मैं, जो अपनी ही रक्षा करने में समर्थ न था, पृथ्वी का पालन कैसे करूँगा? राज्य कहीं अन्यत्र सौंप दीजिए।

श्लोक 25 (markandeya.125.25)

स स्त्रीसधर्मा पुरुषो यश्चान्येनावद्रुह्यते । आत्माऽमोहाय भवता बन्धनाद्येन मोक्षितः ॥ 125.25 ॥

sa strīsadharmā puruṣo yaścānyenāvadruhyate ātmā ’mohāya bhavatā bandhanādyena mokṣitaḥ

"जो पुरुष अन्य से पीड़ित होकर, अपने विषय में मोहित होकर, किसी अन्य के द्वारा बन्धन से मुक्त किया जाए, वह स्त्री के समान ही है।

श्लोक 26 (markandeya.125.26)

सोऽहं कथं भविष्यामि स्त्रीसधर्मा महीपतिः । स्त्रियः पुमान्भवेद्भर्त्ता य शूरः स महीपतिः ॥ 125.26 ॥

so ’haṁ kathaṁ bhaviṣyāmi strīsadharmā mahīpatiḥ striyaḥ pumānbhavedbharttā ya śūraḥ sa mahīpatiḥ

"तो मैं, स्त्री के समान होकर, पृथ्वीपति कैसे बनूँ? वही पुरुष स्त्री का पति और पृथ्वी का स्वामी हो, जो वास्तव में शूरवीर हो।"

श्लोक 27 (markandeya.125.27)

पितोवाच न भिन्न एव पुत्रस्य पिता पुत्रस्तथा पितुः । नान्येन मोक्षितो वीर यस्त्वं पित्रा विमोक्षितः । पुत्र उवाच । हृदयं नान्यथा नेतुं मया शक्यं नरेश्वर ॥ 125.27 ॥

pitovāca na bhinna eva putrasya pitā putrastathā pituḥ nānyena mokṣito vīra yastvaṁ pitrā vimokṣitaḥ putra uvāca hṛdayaṁ nānyathā netuṁ mayā śakyaṁ nareśvara

पिता ने कहा—"पिता पुत्र से भिन्न नहीं है, न पुत्र पिता से; हे वीर, तुम किसी अन्य के द्वारा नहीं, अपने पिता के द्वारा ही मुक्त किए गए थे।" पुत्र ने कहा—"हे नरेश्वर, मेरा हृदय अन्यथा नहीं ले जाया जा सकता।

श्लोक 28 (markandeya.125.28)

हृदये ह्रीर्ममातीव यस्त्वहं मोक्षितस्त्वया ॥ 125.28 ॥

hṛdaye hrīrmamātīva yastvahaṁ mokṣitastvayā

"मेरे हृदय में यह अत्यधिक लज्जा है, कि मैं आपके द्वारा मुक्त किया गया।"

श्लोक 29 (markandeya.125.29)

पित्रोपात्तां श्रियं भुङ्क्ते पित्रा कृच्छ्रात्समुद्धृतः । विज्ञायते च यः पित्रा मानवः सोऽस्तु नो कुले ॥ 125.29 ॥

pitropāttāṁ śriyaṁ bhuṅkte pitrā kṛcchrātsamuddhṛtaḥ vijñāyate ca yaḥ pitrā mānavaḥ so ’stu no kule

"जो अपने पिता द्वारा अर्जित सम्पत्ति का भोग करता है, पिता द्वारा संकट से उबारा जाता है, और पिता के द्वारा ही मनुष्य के रूप में पहचाना जाता है — वह हमारे कुल में न गिना जाए।

श्लोक 30 (markandeya.125.30)

स्वयमर्जितवित्तानां ख्यातिं स्वयमुपेयुषाम् । स्वयं निस्तीर्णकृच्छ्राणां या गतिः साऽस्तु मे गतिः ॥ 125.30 ॥

svayamarjitavittānāṁ khyātiṁ svayamupeyuṣām svayaṁ nistīrṇakṛcchrāṇāṁ yā gatiḥ sā ’stu me gatiḥ

"जिन्होंने स्वयं धन अर्जित किया, स्वयं ख्याति प्राप्त की, स्वयं कठिनाइयों को पार किया — उनकी जो गति हो, वही मेरी गति हो।"

श्लोक 31 (markandeya.125.31)

मार्कण्डेय उवाच इत्याह बहुशः पित्रा यदाप्युक्त्वाऽप्यसौ मुने । तदा तस्य सुतं राज्ये मरुत्तमकरोन्नृपः ॥ 125.31 ॥

mārkaṇḍeya uvāca ityāha bahuśaḥ pitrā yadāpyuktvā ’pyasau mune tadā tasya sutaṁ rājye maruttamakaronnṛpaḥ

मार्कण्डेय ने कहा—जब वह इस प्रकार बार-बार यह कहता रहा, और पिता द्वारा बहुत बार कहे जाने पर भी अपनी बात पर दृढ़ रहा, हे मुने, तब उस राजा ने अपने पौत्र मरुत्त को राज्य पर अभिषिक्त कर दिया।

श्लोक 32 (markandeya.125.32)

स पित्रा समनुज्ञातं राज्यं प्राप्य पितामहात् । चकार सम्यक्सुहृदामानन्दमुपपादयन् ॥ 125.32 ॥

sa pitrā samanujñātaṁ rājyaṁ prāpya pitāmahāt cakāra samyaksuhṛdāmānandamupapādayan

उसने पिता और पितामह दोनों द्वारा अनुज्ञात राज्य प्राप्त कर, अपने हितैषियों को आनन्द प्रदान करते हुए, भलीभाँति शासन किया।

श्लोक 33 (markandeya.125.33)

राजा करन्धमश्चापि वीरामादाय तां तथा । वनं जगाम तपसे यतवाक्कायमानसः ॥ 125.33 ॥

rājā karandhamaścāpi vīrāmādāya tāṁ tathā vanaṁ jagāma tapase yatavākkāyamānasaḥ

राजा करन्धम भी वीरा को साथ लेकर, वाणी-काया-मन को संयत रखते हुए, तप के लिए वन को चला गया।

श्लोक 34 (markandeya.125.34)

तत्र वर्षसहस्रं स तपस्तप्त्वा सुदुश्चरम् । विहाय देहं नृपतिः शक्रस्याप सलोकताम् ॥ 125.34 ॥

tatra varṣasahasraṁ sa tapastaptvā suduścaram vihāya dehaṁ nṛpatiḥ śakrasyāpa salokatām

वहाँ एक सहस्र वर्ष तक अत्यंत दुष्कर तप करके, वह राजा शरीर त्यागकर इन्द्रलोक की समानता को प्राप्त हुआ।

श्लोक 35 (markandeya.125.35)

सास्य पत्नी तदा वीरा वर्षाणामपरं शतम् । तपश्चचार विप्रर्षे जटिलामलपङ्किनी । सालोक्यमिच्छती भर्त्तुः स्वर्गतस्य महात्मनः । फलमूलकृताहारा भार्गवाश्रमसंश्रया । द्विजातिपत्नीमध्यस्था द्विजशुश्रूषणादृता ॥ 125.35 ॥

sāsya patnī tadā vīrā varṣāṇāmaparaṁ śatam tapaścacāra viprarṣe jaṭilāmalapaṅkinī sālokyamicchatī bharttuḥ svargatasya mahātmanaḥ phalamūlakṛtāhārā bhārgavāśramasaṁśrayā dvijātipatnīmadhyasthā dvijaśuśrūṣaṇādṛtā

हे विप्रर्षे, उसकी पत्नी वीरा तब एक सौ वर्ष और तप करती रही, जटाधारी और निर्मल होकर, स्वर्गगत उस महात्मा पति के साथ सालोक्य की इच्छा रखते हुए — फल-मूल का आहार करती हुई, भार्गव के आश्रम में शरण लेकर, द्विजपत्नियों के मध्य रहकर, द्विजों की सेवा में समादृत।