पुराणावतार

श्लोक 1 (padma.1.2.1)

सूत उवाच। नमस्ये सर्वलोकानां विश्वस्य जगतः पतिम्। य इमं कुरुते भावं सृष्टिरूपं प्रधानवित्।

sūta uvāca namasye sarvalokānāṁ viśvasya jagataḥ patim ya imaṁ kurute bhāvaṁ sṛṣṭirūpaṁ pradhānavit

सूत ने कहा — मैं समस्त लोकों के, विश्व के, जगत् के स्वामी को नमस्कार करता हूँ, जो प्रधान को जानते हुए सृष्टिरूप इस भाव को रचते हैं।

श्लोक 2 (padma.1.2.2)

लोककृल्लोकतत्वज्ञो योगमास्थाय योगवित्। असृजत्सर्वभूतानि स्थावराणि चराणि च।

lokakṛllokatatvajño yogamāsthāya yogavit asṛjatsarvabhūtāni sthāvarāṇi carāṇi ca

लोकों के रचयिता, लोकतत्त्व के ज्ञाता, योगवेत्ता, योग में स्थित होकर उन्होंने चराचर समस्त प्राणियों को रचा।

श्लोक 3 (padma.1.2.3)

तमजं विश्वकर्माणं चित्पतिं लोकसाक्षिणम्। पुराणाख्यानजिज्ञासुर्व्रजामि शरणं विभुम्।

tamajaṁ viśvakarmāṇaṁ citpatiṁ lokasākṣiṇam purāṇākhyānajijñāsurvrajāmi śaraṇaṁ vibhum

उस अजन्मे, विश्व के कर्ता, चित्पति, लोकसाक्षी विभु की शरण में मैं जाता हूँ, पुराण की कथा कहने की इच्छा से।

श्लोक 4 (padma.1.2.4)

ब्रह्मविष्णुगिरीशेभ्यो नमस्कृत्वा समाहितः। इंद्राय लोकपालेभ्यः सवित्रे च समाधिना।

brahmaviṣṇugirīśebhyo namaskṛtvā samāhitaḥ iṁdrāya lokapālebhyaḥ savitre ca samādhinā

ब्रह्मा, विष्णु और गिरीश (शिव) को, तथा इंद्र, लोकपालों और सविता को समाधिपूर्वक एकाग्रचित्त होकर नमस्कार करके —

श्लोक 5 (padma.1.2.5)

मुनीनां च वरिष्ठाय वसिष्ठाय महात्मने। तद्वक्त्रेभाततपसे जातूकर्ण्याय चाक्षुषे।

munīnāṁ ca variṣṭhāya vasiṣṭhāya mahātmane tadvaktrebhātatapase jātūkarṇyāya cākṣuṣe

— और मुनियों में श्रेष्ठ, महात्मा वसिष्ठ को, तथा उनकी परम्परा में तपस्तेजस्वी, स्वच्छदृष्टि जातूकर्ण्य को नमस्कार करके —

श्लोक 6 (padma.1.2.6)

तस्मै भगवते नत्वा वेदव्यासाय वेधसे। पुरुषाय पुराणाय भृगुवाक्यानुवर्तिने।

tasmai bhagavate natvā vedavyāsāya vedhase puruṣāya purāṇāya bhṛguvākyānuvartine

— उन भगवान् वेदव्यास, विधाता, पुराणपुरुष, भृगु की वाणी का अनुसरण करने वाले को नमस्कार करके —

श्लोक 7 (padma.1.2.7)

तस्मादहमुपाश्रौषं पुराणं ब्रह्मवादिनः। सर्वज्ञात्सर्वलोकेषु पूजिताद्दीप्ततेजसः।

tasmādahamupāśrauṣaṁ purāṇaṁ brahmavādinaḥ sarvajñātsarvalokeṣu pūjitāddīptatejasaḥ

— उन्हीं से मैंने यह पुराण सुना, उस ब्रह्मवादी, सर्वज्ञ, सभी लोकों में पूजित, दीप्ततेजस्वी से।

श्लोक 8 (padma.1.2.8)

अव्यक्तं कारणं यत्तन्नित्यं सदसदात्मकम्। महदादिविशेषांतं सृजतीति विनिश्चयः।

avyaktaṁ kāraṇaṁ yattannityaṁ sadasadātmakam mahadādiviśeṣāṁtaṁ sṛjatīti viniścayaḥ

जो अव्यक्त कारण है, वह नित्य है, सत् और असत् दोनों स्वरूप वाला है; वह महत् से लेकर विशेष तत्त्वों तक सबको रचता है — यह निश्चित सिद्धांत है।

श्लोक 9 (padma.1.2.9)

अण्डे हिरण्मये पूर्वं ब्रह्मणः सूतिरुत्तमा। अंडस्यावरणं चाद्भिरपामपि च तेजसा।

aṇḍe hiraṇmaye pūrvaṁ brahmaṇaḥ sūtiruttamā aṁḍasyāvaraṇaṁ cādbhirapāmapi ca tejasā

स्वर्णमय अंडे में पहले ब्रह्मा का श्रेष्ठ जन्म हुआ। उस अंडे का आवरण जल से है, और जल का आवरण तेज से है —

श्लोक 10 (padma.1.2.10)

वायुना तस्य वायोः खात्तद्भूतादित आवृतम्। भूतादिर्महता चापि अव्यक्तेनावृतो महान्।

vāyunā tasya vāyoḥ khāttadbhūtādita āvṛtam bhūtādirmahatā cāpi avyaktenāvṛto mahān

— तेज का आवरण वायु से, वायु का आकाश से; वह आकाश भूतादि (अहंकार) से आवृत है; भूतादि महत् से, और महत् अव्यक्त से आवृत है।

श्लोक 11 (padma.1.2.11)

प्रादुर्भावश्च लोकानामंड एवोपवर्णितः। नदीनां पर्वतानां च प्रादुर्भावोनुवर्ण्यते।

prādurbhāvaśca lokānāmaṁḍa evopavarṇitaḥ nadīnāṁ parvatānāṁ ca prādurbhāvonuvarṇyate

लोकों का प्रादुर्भाव अंडे के भीतर ही वर्णित है; नदियों और पर्वतों का प्रादुर्भाव भी वर्णित है।

श्लोक 12 (padma.1.2.12)

मन्वंतराणां संक्षेपात्कल्पानां चोपवर्णनम्। ब्रह्मवृक्षलय ब्रह्मप्रजासर्गोपवर्णनम्।

manvaṁtarāṇāṁ saṁkṣepātkalpānāṁ copavarṇanam brahmavṛkṣalaya brahmaprajāsargopavarṇanam

मन्वंतरों का संक्षिप्त और कल्पों का विवरण, तथा ब्रह्मवृक्ष के लय और ब्रह्मा की प्रजा-सृष्टि का वर्णन —

श्लोक 13 (padma.1.2.13)

कल्पानां संचरश्चैव जगतः स्थापनं तथा। शयनं च हरेरप्सु पृथिव्युद्धरणं पुनः।

kalpānāṁ saṁcaraścaiva jagataḥ sthāpanaṁ tathā śayanaṁ ca harerapsu pṛthivyuddharaṇaṁ punaḥ

— कल्पों का संचार और जगत् की स्थापना; तथा हरि का जल पर शयन और पुनः पृथ्वी का उद्धार —

श्लोक 14 (padma.1.2.14)

दशधा जन्मसंचारो भृगुशापेन केशवे। सन्निवेशो युगादीनां सर्वाश्रमविभाजनम्।

daśadhā janmasaṁcāro bhṛguśāpena keśave sanniveśo yugādīnāṁ sarvāśramavibhājanam

— भृगु के शाप से केशव का दसविध जन्म-संचार (अवतार); युगों के आरम्भ की व्यवस्था, समस्त आश्रमों का विभाजन —

श्लोक 15 (padma.1.2.15)

स्वर्गस्थानविभागश्च मर्त्यानां स्वर्गचारिणां। पशूनां पक्षिणां चैव संभवः परिकीर्त्तितः।

svargasthānavibhāgaśca martyānāṁ svargacāriṇāṁ paśūnāṁ pakṣiṇāṁ caiva saṁbhavaḥ parikīrttitaḥ

— स्वर्ग जाने वाले मर्त्यों के स्वर्गस्थान का विभाजन; तथा पशु-पक्षियों की उत्पत्ति कही गई है।

श्लोक 16 (padma.1.2.16)

तथा निर्वचनं कल्पं स्वाध्यायस्य परिग्रहः। प्रतिसर्गाः पुनः प्रोक्ता ब्रह्मणो बुद्धिपूर्वकाः।

tathā nirvacanaṁ kalpaṁ svādhyāyasya parigrahaḥ pratisargāḥ punaḥ proktā brahmaṇo buddhipūrvakāḥ

इसी प्रकार 'कल्प' शब्द की व्युत्पत्ति, स्वाध्याय का ग्रहण; तथा ब्रह्मा के बुद्धिपूर्वक किए प्रतिसर्ग पुनः कहे गए हैं —

श्लोक 17 (padma.1.2.17)

त्रयोन्येऽबुद्धिपूर्वास्ते तथा लोकानकल्पयत्। ब्रह्मणो वदनेभ्यश्च भृग्वादीनां समुद्भवः।

trayonye'buddhipūrvāste tathā lokānakalpayat brahmaṇo vadanebhyaśca bhṛgvādīnāṁ samudbhavaḥ

— और अन्य तीन (सृष्टियाँ) जो बुद्धिपूर्वक नहीं थीं, जिनसे उन्होंने लोकों की रचना की; तथा ब्रह्मा के मुखों से भृगु आदि की उत्पत्ति।

श्लोक 18 (padma.1.2.18)

कल्पयोरंतरं प्रोक्तं प्रतिसंधिश्च सर्गयोः। भृग्वादीनामृषीणां च प्रजासर्गोपवर्णनम्।

kalpayoraṁtaraṁ proktaṁ pratisaṁdhiśca sargayoḥ bhṛgvādīnāmṛṣīṇāṁ ca prajāsargopavarṇanam

दो कल्पों के बीच का अंतराल कहा गया है, और दो सर्गों की संधि; तथा भृगु आदि ऋषियों की प्रजा-सृष्टि का वर्णन।

श्लोक 19 (padma.1.2.19)

वसिष्ठस्य च ब्रह्मर्षेर्ब्रह्मत्त्वं परिकीर्त्तितम्। स्वायंभुवस्य च मनोस्ततश्चाप्यनुकीर्तनम्।

vasiṣṭhasya ca brahmarṣerbrahmattvaṁ parikīrttitam svāyaṁbhuvasya ca manostataścāpyanukīrtanam

ब्रह्मर्षि वसिष्ठ का ब्रह्मत्व कहा गया है; और स्वायंभुव मनु का, और उसके पश्चात् का वर्णन भी।

श्लोक 20 (padma.1.2.20)

उक्तो नाभेर्विसर्गश्च रजसश्च महात्मनः। द्वीपानां च समुद्राणां पर्वतानां च कीर्तनम्।

ukto nābhervisargaśca rajasaśca mahātmanaḥ dvīpānāṁ ca samudrāṇāṁ parvatānāṁ ca kīrtanam

नाभि से विसर्ग और महात्मा रजस् का वर्णन कहा गया है; द्वीपों, समुद्रों और पर्वतों का कीर्तन —

श्लोक 21 (padma.1.2.21)

द्वीपभेदसमुद्राणामन्तर्भावश्च सप्तसु। कीर्त्यन्ते योजनाग्रेण ये च तत्र निवासिनः।

dvīpabhedasamudrāṇāmantarbhāvaśca saptasu kīrtyante yojanāgreṇa ye ca tatra nivāsinaḥ

— द्वीपभेद और सातों समुद्रों के भीतर उनका समावेश योजन की गणना सहित कहा गया है, और वहाँ के निवासी भी।

श्लोक 22 (padma.1.2.22)

तदीयानि च वर्षाणि नदीभिः पर्वतैः सह। जंबूद्वीपादयो द्वीपाः समुद्रैः सप्तभिर्वृताः।

tadīyāni ca varṣāṇi nadībhiḥ parvataiḥ saha jaṁbūdvīpādayo dvīpāḥ samudraiḥ saptabhirvṛtāḥ

उनके वर्ष (क्षेत्र), नदियों और पर्वतों सहित; जम्बूद्वीप आदि द्वीप, जो सात समुद्रों से घिरे हैं।

श्लोक 23 (padma.1.2.23)

अंडस्यांतस्त्विमेलोकाः सप्तद्वीपा च मेदिनी। सूर्याचंद्रमसोश्चारो ग्रहाणां ज्योतिषां तथा।

aṁḍasyāṁtastvimelokāḥ saptadvīpā ca medinī sūryācaṁdramasoścāro grahāṇāṁ jyotiṣāṁ tathā

अंडे के भीतर ही ये लोक हैं, सप्तद्वीपा पृथ्वी भी; सूर्य-चंद्र का संचार, तथा ग्रहों और नक्षत्रों का भी।

श्लोक 24 (padma.1.2.24)

कीर्त्यते ध्रुवसामर्थ्यात्प्रजानां च शुभाशुभम्। ब्रह्मणा निर्मितः सौरः स्यंदनोर्थवशात्स्वयम्।

kīrtyate dhruvasāmarthyātprajānāṁ ca śubhāśubham brahmaṇā nirmitaḥ sauraḥ syaṁdanorthavaśātsvayam

ध्रुव के सामर्थ्य से यह कहा जाता है, और प्रजाओं का शुभ-अशुभ भी; ब्रह्मा द्वारा रचित सूर्यरथ, अपने प्रयोजनवश स्वयं —

श्लोक 25 (padma.1.2.25)

कल्पितो भगवांस्तेन प्रसर्पति दिवाकरः। सूर्यादीनां स्यंदनानां ध्रुवादेव प्रवर्त्तनं।

kalpito bhagavāṁstena prasarpati divākaraḥ sūryādīnāṁ syaṁdanānāṁ dhruvādeva pravarttanaṁ

— उन्हीं के द्वारा रचित होकर सूर्यदेव संचरण करते हैं; सूर्य आदि के रथों का संचालन ध्रुव से ही होता है।

श्लोक 26 (padma.1.2.26)

कल्पितः शिंशुमारश्च यस्य पुच्छे ध्रुवः स्थितः। संभवांते च संहारः संहारांते च संभवः।

kalpitaḥ śiṁśumāraśca yasya pucche dhruvaḥ sthitaḥ saṁbhavāṁte ca saṁhāraḥ saṁhārāṁte ca saṁbhavaḥ

शिंशुमार (मत्स्याकार तारामंडल) की रचना कही गई है, जिसकी पूँछ पर ध्रुव स्थित है; सृष्टि के अंत में संहार, और संहार के अंत में सृष्टि —

श्लोक 27 (padma.1.2.27)

देवतानामृषीणां च मनोः पितृगणस्य च। न शक्यं विस्तराद्वक्तुमित्युक्तं च समासतः।

devatānāmṛṣīṇāṁ ca manoḥ pitṛgaṇasya ca na śakyaṁ vistarādvaktumityuktaṁ ca samāsataḥ

— देवताओं, ऋषियों, मनु और पितृगण का — इसे विस्तार से कहना संभव नहीं, अतः संक्षेप में कहा गया है।

श्लोक 28 (padma.1.2.28)

अतीतानागतानां वै समं स्वायंभुवेन तु। मन्वंतरेषु देवानां प्रजेशानां च कीर्तनम्।

atītānāgatānāṁ vai samaṁ svāyaṁbhuvena tu manvaṁtareṣu devānāṁ prajeśānāṁ ca kīrtanam

भूत और भविष्य के मन्वंतर स्वायंभुव मनु के समान ही हैं; मन्वंतरों में देवताओं और प्रजापतियों का वर्णन।

श्लोक 29 (padma.1.2.29)

नैमित्तिकः प्राकृतिकस्तथैवात्यंतिकः स्मृतः। त्रिविधः सर्वभूतानां कल्पितः प्रतिसंचरः।

naimittikaḥ prākṛtikastathaivātyaṁtikaḥ smṛtaḥ trividhaḥ sarvabhūtānāṁ kalpitaḥ pratisaṁcaraḥ

नैमित्तिक, प्राकृतिक और आत्यंतिक — तीन प्रकार का प्रलय समस्त प्राणियों के लिए कल्पित है।

श्लोक 30 (padma.1.2.30)

अनावृष्टिर्भास्कराच्च घोरः संवर्त्तकानलः। मेघाश्चैकार्णवा ये तु तथा रात्रिर्महात्मनः।

anāvṛṣṭirbhāskarācca ghoraḥ saṁvarttakānalaḥ meghāścaikārṇavā ye tu tathā rātrirmahātmanaḥ

सूर्य से अनावृष्टि, भयंकर संवर्तक अग्नि, एकार्णव करने वाले मेघ, तथा महात्मा (विष्णु) की रात्रि —

श्लोक 31 (padma.1.2.31)

संध्यालक्षणमुद्दिष्टं तथा ब्राह्मं विशेषतः। भूतानां चापि लोकानां सप्तानामनुवर्णनम्।

saṁdhyālakṣaṇamuddiṣṭaṁ tathā brāhmaṁ viśeṣataḥ bhūtānāṁ cāpi lokānāṁ saptānāmanuvarṇanam

— संध्या का लक्षण कहा गया है, और विशेषतः ब्रह्मा की संध्या का; तथा भूतों और सातों लोकों का वर्णन।

श्लोक 32 (padma.1.2.32)

संकीर्त्यं ते मया चात्र पापानां रौरवादयः। सर्वेषामेव सत्वानां परिणामविनिर्णयः।

saṁkīrtyaṁ te mayā cātra pāpānāṁ rauravādayaḥ sarveṣāmeva satvānāṁ pariṇāmavinirṇayaḥ

मैं यहाँ पापियों के रौरव आदि नरकों का वर्णन करूँगा; और समस्त प्राणियों के परिणाम का निर्णय।

श्लोक 33 (padma.1.2.33)

ब्रह्मणः प्रतिसर्गश्च सर्वसंहारवर्णनम्। कल्पेकल्पे च भूतानां महतामपि संक्षयः।

brahmaṇaḥ pratisargaśca sarvasaṁhāravarṇanam kalpekalpe ca bhūtānāṁ mahatāmapi saṁkṣayaḥ

ब्रह्मा का प्रतिसर्ग और सम्पूर्ण संहार का वर्णन; और कल्प-कल्प में महान् प्राणियों तक का क्षय।

श्लोक 34 (padma.1.2.34)

सुसंख्याय च बुद्ध्वा वै ब्रह्मणश्चाप्यनित्यताम्। दौरात्म्यं चैव भोगानां संसारस्य च कष्टताम्।

susaṁkhyāya ca buddhvā vai brahmaṇaścāpyanityatām daurātmyaṁ caiva bhogānāṁ saṁsārasya ca kaṣṭatām

भलीभाँति समझकर और जानकर ब्रह्मा-पद की भी अनित्यता, भोगों की दुष्टता, और संसार की दुःखमयता को —

श्लोक 35 (padma.1.2.35)

दुर्ल्लभत्वं च मोक्षस्य वैराग्याद्दोषदर्शनम्। व्यक्ताव्यक्तं परित्यज्य सत्वं ब्रह्मणि संस्थितम्।

durllabhatvaṁ ca mokṣasya vairāgyāddoṣadarśanam vyaktāvyaktaṁ parityajya satvaṁ brahmaṇi saṁsthitam

— मोक्ष की दुर्लभता, और वैराग्य से दोषदर्शन को; व्यक्त-अव्यक्त को त्यागकर, ब्रह्म में स्थित सत्त्व —

श्लोक 36 (padma.1.2.36)

नानात्व दर्शनात्सुस्थस्ततस्तदभिवर्त्तते। ततस्तापत्रयातीतो विरूपाख्यो निरंजनः।

nānātva darśanātsusthastatastadabhivarttate tatastāpatrayātīto virūpākhyo niraṁjanaḥ

— नानात्व-दर्शन से हटकर, सुस्थिर होकर उसकी ओर उन्मुख होता है; फिर त्रिविध ताप से अतीत, विरूपाख्य, निरंजन —

श्लोक 37 (padma.1.2.37)

आनंदं ब्रह्मणः प्राप्तो न बिभेति कुतश्चन। इति कृत्य समुद्देशः प्रमाणस्योपवर्णितः।

ānaṁdaṁ brahmaṇaḥ prāpto na bibheti kutaścana iti kṛtya samuddeśaḥ pramāṇasyopavarṇitaḥ

— ब्रह्म का आनंद पाकर किसी से भी भयभीत नहीं होता। इस प्रकार विषयों और प्रमाण का संक्षिप्त उद्देश्य वर्णित है।

श्लोक 38 (padma.1.2.38)

कीर्त्यंते जगतो यत्र सर्गप्रलयविक्रियाः। प्रवृत्तिश्चापि भूतानां निवृत्तीनां फलानि च।

kīrtyaṁte jagato yatra sargapralayavikriyāḥ pravṛttiścāpi bhūtānāṁ nivṛttīnāṁ phalāni ca

जहाँ जगत् की सृष्टि, प्रलय और विक्रियाएँ वर्णित हैं; प्राणियों की प्रवृत्ति और निवृत्ति के फल भी।

श्लोक 39 (padma.1.2.39)

प्रादुर्भावो वसिष्ठस्य शक्तेर्जन्म तथैव च। सौदासान्निग्रहस्तस्य विश्वामित्रकृतेन च।

prādurbhāvo vasiṣṭhasya śakterjanma tathaiva ca saudāsānnigrahastasya viśvāmitrakṛtena ca

वसिष्ठ का प्रादुर्भाव, और उसी प्रकार शक्ति का जन्म; विश्वामित्र द्वारा राजा सौदास से उनका विनाश।

श्लोक 40 (padma.1.2.40)

पराशरस्य चोत्पत्तिरदृश्यन्त्यां यथा विभोः। जज्ञे पितॄणां कन्यायां व्यासश्चापि यथा मुनिः।

parāśarasya cotpattiradṛśyantyāṁ yathā vibhoḥ jajñe pitṝṇāṁ kanyāyāṁ vyāsaścāpi yathā muniḥ

अदृश्यंती से विभु पराशर की उत्पत्ति; और पितरों की कन्या से व्यास मुनि का जन्म जैसे हुआ।

श्लोक 41 (padma.1.2.41)

शुकस्य च यथा जन्म पुत्रस्य सह धीमतः। पराशरस्य विद्वेषो विश्वामित्रकृतो यथा।

śukasya ca yathā janma putrasya saha dhīmataḥ parāśarasya vidveṣo viśvāmitrakṛto yathā

और बुद्धिमान पुत्र शुक का जन्म जैसे हुआ; और विश्वामित्र द्वारा किया गया पराशर का द्वेष जैसे हुआ।

श्लोक 42 (padma.1.2.42)

वसिष्ठसंभृतश्चाग्निर्विश्वामित्रजिघांसया। संधानहेतोर्विभुना जीर्णः कण्वेन धीमता।

vasiṣṭhasaṁbhṛtaścāgnirviśvāmitrajighāṁsayā saṁdhānahetorvibhunā jīrṇaḥ kaṇvena dhīmatā

विश्वामित्र के वध की इच्छा से वसिष्ठ द्वारा प्रज्वलित अग्नि, संधि के हेतु बुद्धिमान् कण्व द्वारा शांत की गई —

श्लोक 43 (padma.1.2.43)

देवेन विप्रा विप्राणां विश्वामित्रहितैषिणा। एकं वेदं चतुःपादं चतुर्धा पुनरीश्वरः।

devena viprā viprāṇāṁ viśvāmitrahitaiṣiṇā ekaṁ vedaṁ catuḥpādaṁ caturdhā punarīśvaraḥ

— विश्वामित्र के हितैषी देव (ब्रह्मा) द्वारा ब्राह्मणों के हित में; एक ही चतुष्पाद वेद को ईश्वर ने पुनः चार भागों में —

श्लोक 44 (padma.1.2.44)

यथा बिभेद भगवान् व्यासः सर्वेष्वनुग्रहात्। तस्य शिष्यप्रशिष्यैश्च शाखाभेदाः पुनः कृताः।

yathā bibheda bhagavān vyāsaḥ sarveṣvanugrahāt tasya śiṣyapraśiṣyaiśca śākhābhedāḥ punaḥ kṛtāḥ

— जैसे भगवान् व्यास ने सबके अनुग्रह हेतु विभाजित किया; और उनके शिष्य-प्रशिष्यों द्वारा पुनः शाखा-भेद किए गए।

श्लोक 45 (padma.1.2.45)

प्रयागे मुनिवर्यैश्च यथा पृष्टः स्वयं प्रभुः। कृष्णेन चानुशिष्टास्ते मुनयो धर्मकांक्षिणः।

prayāge munivaryaiśca yathā pṛṣṭaḥ svayaṁ prabhuḥ kṛṣṇena cānuśiṣṭāste munayo dharmakāṁkṣiṇaḥ

प्रयाग में जैसे श्रेष्ठ मुनियों ने स्वयं प्रभु से पूछा; और कृष्ण (द्वैपायन) द्वारा उन धर्मेच्छु मुनियों को उपदेश दिया गया।

श्लोक 46 (padma.1.2.46)

एतत्सर्वं यथातत्वमाख्यातं द्विजसत्तमाः। मुनीनां धर्मनित्यानां लोकतंत्रमनुत्तमम्।

etatsarvaṁ yathātatvamākhyātaṁ dvijasattamāḥ munīnāṁ dharmanityānāṁ lokataṁtramanuttamam

हे द्विजश्रेष्ठो! यह सब यथातथ्य कहा गया — धर्मनिष्ठ मुनियों के लिए यह लोकतंत्र सर्वोत्तम है —

श्लोक 47 (padma.1.2.47)

ब्रह्मणा यत्पुरा प्रोक्तं पुलस्त्याय महात्मने। पुलस्त्येनाथ भीष्माय गंगाद्वारे प्रभाषितम्।

brahmaṇā yatpurā proktaṁ pulastyāya mahātmane pulastyenātha bhīṣmāya gaṁgādvāre prabhāṣitam

— जो पूर्वकाल में ब्रह्मा ने महात्मा पुलस्त्य से कहा था, और पुलस्त्य ने गंगाद्वार में भीष्म से कहा था।

श्लोक 48 (padma.1.2.48)

धन्यं यशस्यमायुष्यं सर्व्वपापप्रणाशनम्। कीर्तनं श्रवणं चास्य धारणं च विशेषतः।

dhanyaṁ yaśasyamāyuṣyaṁ sarvvapāpapraṇāśanam kīrtanaṁ śravaṇaṁ cāsya dhāraṇaṁ ca viśeṣataḥ

यह धन्य, यशस्वी, आयुष्यकर और सर्वपाप-नाशक है; इसका कीर्तन, श्रवण, और विशेषतः इसका धारण भी।

श्लोक 49 (padma.1.2.49)

सूतेनानुक्रमेणेदं पुराणं संप्रकाशितम्। ब्राह्मणेषु पुरा यच्च ब्रह्मणोक्तं सविस्तरम्।

sūtenānukrameṇedaṁ purāṇaṁ saṁprakāśitam brāhmaṇeṣu purā yacca brahmaṇoktaṁ savistaram

सूत द्वारा क्रमशः यह पुराण प्रकाशित किया गया, जैसा पहले ब्राह्मणों के मध्य ब्रह्मा ने विस्तार से कहा था।

श्लोक 50 (padma.1.2.50)

पादमस्य विदन्सम्यग्योधीयीत जितेंद्रियः। तेनाधीतं पुराणं स्यात्सर्वं नास्त्यत्र संशयः।

pādamasya vidansamyagyodhīyīta jiteṁdriyaḥ tenādhītaṁ purāṇaṁ syātsarvaṁ nāstyatra saṁśayaḥ

जो जितेंद्रिय पुरुष इसका चौथाई भाग भी भलीभाँति पढ़ता है, उसने मानो सम्पूर्ण पुराण पढ़ लिया — इसमें कोई संशय नहीं।

श्लोक 51 (padma.1.2.51)

यो विद्याच्चतुरो वेदान्सांगोपनिषदो द्विजः। पुराणं च विजानाति यः स तस्माद्विचक्षणः।

yo vidyāccaturo vedānsāṁgopaniṣado dvijaḥ purāṇaṁ ca vijānāti yaḥ sa tasmādvicakṣaṇaḥ

जो द्विज सांगोपनिषद् चारों वेदों को जानता है, और साथ ही पुराण को भी जानता है, वह उससे भी अधिक विचक्षण है।

श्लोक 52 (padma.1.2.52)

इतिहासपुराणाभ्यां वेदं समुपबृंहयेत्। बिभेत्यल्पश्रुताद्वेदो मामयं प्रतरिष्यति।

itihāsapurāṇābhyāṁ vedaṁ samupabṛṁhayet bibhetyalpaśrutādvedo māmayaṁ pratariṣyati

इतिहास और पुराण से वेद को पुष्ट करना चाहिए। अल्पश्रुत से वेद डरता है कि 'यह मुझे भी पार कर जाएगा'।

श्लोक 53 (padma.1.2.53)

अधीत्य चैकमध्यायं स्वयं प्रोक्तं स्वयंभुवा। आपदः प्राप्य मुच्येत यथेष्टां प्राप्नुयाद्गतिम्।

adhītya caikamadhyāyaṁ svayaṁ proktaṁ svayaṁbhuvā āpadaḥ prāpya mucyeta yatheṣṭāṁ prāpnuyādgatim

स्वयंभू द्वारा कहे गए इसके एक अध्याय को भी पढ़कर, मनुष्य विपत्ति से मुक्त हो जाता है और मनचाही गति पाता है।

श्लोक 54 (padma.1.2.54)

पुरा परंपरां वक्ति पुराणं तेन वै स्मृतम्। निरुक्तिमस्य यो वेद सर्वपापैः प्रमुच्यते।

purā paraṁparāṁ vakti purāṇaṁ tena vai smṛtam niruktimasya yo veda sarvapāpaiḥ pramucyate

यह प्राचीन परम्परा को कहता है, इसीलिए इसे 'पुराण' कहा जाता है। जो इसकी व्युत्पत्ति जानता है, वह सब पापों से मुक्त होता है।

श्लोक 55 (padma.1.2.55)

ऋषयोह्यब्रुवन्सूतं कथं भीष्मेण सङ्गतः। ब्रह्मणो मानसः पुत्रः पुलस्त्यो भगवानृषिः।

ṛṣayohyabruvansūtaṁ kathaṁ bhīṣmeṇa saṅgataḥ brahmaṇo mānasaḥ putraḥ pulastyo bhagavānṛṣiḥ

ऋषियों ने सूत से कहा — कैसे भीष्म की भेंट हुई ब्रह्मा के मानस-पुत्र, भगवान् ऋषि पुलस्त्य से,

श्लोक 56 (padma.1.2.56)

दुर्लभं दर्शनं यस्य नरैः पापसमन्वितैः। अत्याश्चर्यमिदं सूत क्षत्रियेण कथं मुनिः।

durlabhaṁ darśanaṁ yasya naraiḥ pāpasamanvitaiḥ atyāścaryamidaṁ sūta kṣatriyeṇa kathaṁ muniḥ

जिनका दर्शन पापयुक्त मनुष्यों के लिए दुर्लभ है? यह अत्यंत आश्चर्यजनक है, हे सूत — एक क्षत्रिय से मुनि की भेंट कैसे हुई,

श्लोक 57 (padma.1.2.57)

आराधितो बृहद्भूतस्तन्नो वद महामते। कीदृशं वा तपस्तेन को वान्यो नियमः कृतः।

ārādhito bṛhadbhūtastanno vada mahāmate kīdṛśaṁ vā tapastena ko vānyo niyamaḥ kṛtaḥ

और वह महान् सत्ता कैसे आराधित हुई? यह हमें बताओ, हे महामते! उन्होंने कैसा तप किया, या कौन-सा अन्य नियम पालन किया,

श्लोक 58 (padma.1.2.58)

येन तुष्टो मुनिर्ब्राह्मस्तथा तेन प्रभाषितः। पर्वं वाप्यथ पर्वार्धं समग्रं वा प्रभाषितम्।

yena tuṣṭo munirbrāhmastathā tena prabhāṣitaḥ parvaṁ vāpyatha parvārdhaṁ samagraṁ vā prabhāṣitam

जिससे प्रसन्न होकर ब्रह्मा-पुत्र मुनि ने उनसे बात की? एक पर्व, या आधा पर्व, या सम्पूर्ण पुराण उन्होंने सुनाया?

श्लोक 59 (padma.1.2.59)

यस्मिन्स्थाने यथादृष्टः पुलस्त्यो भगवानृषिः। तन्नो वद महाभाग कल्याः स्म श्रवणे वयम्।

yasminsthāne yathādṛṣṭaḥ pulastyo bhagavānṛṣiḥ tanno vada mahābhāga kalyāḥ sma śravaṇe vayam

किस स्थान में, कैसे भगवान् ऋषि पुलस्त्य दिखाई दिए? यह हमें बताओ, हे महाभाग! हम इसे सुनने योग्य हैं।'

श्लोक 60 (padma.1.2.60)

सूत उवाच। यत्र गंगा महाभागा साधूनां हितकारिणी। विभिद्य पर्वतं वेगान्निःसृता लोकपावनी।

sūta uvāca yatra gaṁgā mahābhāgā sādhūnāṁ hitakāriṇī vibhidya parvataṁ vegānniḥsṛtā lokapāvanī

सूत ने कहा — जहाँ महाभागा, साधुओं की हितकारिणी गंगा, पर्वत को वेगपूर्वक भेदकर, लोकपावनी होकर निकलीं —

श्लोक 61 (padma.1.2.61)

गंगाद्वारे महातीर्थे भीष्मः पितृपरायणः। शुश्रूषुः सुचिरं कालं महतां नियमे स्थितः।

gaṁgādvāre mahātīrthe bhīṣmaḥ pitṛparāyaṇaḥ śuśrūṣuḥ suciraṁ kālaṁ mahatāṁ niyame sthitaḥ

— उस महातीर्थ गंगाद्वार में, पितृपरायण भीष्म, अत्यंत दीर्घकाल तक महापुरुषों के नियम में स्थित होकर, सेवा-भाव से रहे।

श्लोक 62 (padma.1.2.62)

यावद्वर्षशतं साग्रं परमेण समाधिना। ध्यायमानः परं ब्रह्म त्रिकालं स्नानमाचरत्।

yāvadvarṣaśataṁ sāgraṁ parameṇa samādhinā dhyāyamānaḥ paraṁ brahma trikālaṁ snānamācarat

पूर्ण सौ वर्षों से भी अधिक, परम समाधि द्वारा परब्रह्म का ध्यान करते हुए, वे त्रिकाल स्नान करते रहे।

श्लोक 63 (padma.1.2.63)

पितॄन्देवांस्तर्पयतः स्वाध्यायेन महात्मनः। आत्मानं कर्षतश्चास्य तुष्टो देवः पितामहः।

pitṝndevāṁstarpayataḥ svādhyāyena mahātmanaḥ ātmānaṁ karṣataścāsya tuṣṭo devaḥ pitāmahaḥ

स्वाध्याय से पितरों और देवताओं को तृप्त करते हुए, आत्मसंयम करते उस महात्मा से देव पितामह प्रसन्न हुए।

श्लोक 64 (padma.1.2.64)

उवाच तनयं ब्रह्मा पुलस्त्यमृषिसत्तमम्। स त्वं देवव्रतं भीष्मं वीरं कुरुकुलोद्भवम्।

uvāca tanayaṁ brahmā pulastyamṛṣisattamam sa tvaṁ devavrataṁ bhīṣmaṁ vīraṁ kurukulodbhavam

ब्रह्मा ने अपने पुत्र, ऋषिश्रेष्ठ पुलस्त्य से कहा — 'तुम कुरुकुल में उत्पन्न वीर देवव्रत भीष्म के पास जाओ,

श्लोक 65 (padma.1.2.65)

तपसः संनिवर्त्तस्व कारणं चास्य कीर्त्तय। पितॄन्भक्त्या महाभागो ध्यायमानस्समास्थितः।

tapasaḥ saṁnivarttasva kāraṇaṁ cāsya kīrttaya pitṝnbhaktyā mahābhāgo dhyāyamānassamāsthitaḥ

और उन्हें तप से निवृत्त करो, उसका कारण भी कहो; वह महाभाग पितरों की भक्ति से ध्यानरत होकर स्थित है।

श्लोक 66 (padma.1.2.66)

यो ह्यस्य मनसः कामस्तं संपादयमाचिरम्। पितामहवचः श्रुत्वा पुलस्त्यो मुनिसत्तमः।

yo hyasya manasaḥ kāmastaṁ saṁpādayamāciram pitāmahavacaḥ śrutvā pulastyo munisattamaḥ

उसके मन की जो भी कामना हो, उसे शीघ्र पूरी करो।' पितामह का यह वचन सुनकर मुनिश्रेष्ठ पुलस्त्य —

श्लोक 67 (padma.1.2.67)

गंगाद्वारमथागत्य भीष्मं वचनमब्रवीत्। वरं वरय भद्रं ते यत्ते मनसि वर्त्तते।

gaṁgādvāramathāgatya bhīṣmaṁ vacanamabravīt varaṁ varaya bhadraṁ te yatte manasi varttate

— गंगाद्वार में आकर भीष्म से बोले — 'वर माँगो, तुम्हारा कल्याण हो, जो भी तुम्हारे मन में हो।

श्लोक 68 (padma.1.2.68)

तुष्टस्ते तपसा वीर साक्षाद्देवः पितामहः। ब्रह्मणा प्रेषितस्तेहं वरान्दास्यामि कांक्षितान्।

tuṣṭaste tapasā vīra sākṣāddevaḥ pitāmahaḥ brahmaṇā preṣitastehaṁ varāndāsyāmi kāṁkṣitān

हे वीर! तुम्हारे तप से देव पितामह स्वयं प्रसन्न हुए हैं; ब्रह्मा द्वारा भेजा गया मैं, तुम्हारी वांछित वर तुम्हें दूँगा।'

श्लोक 69 (padma.1.2.69)

भीष्मोपि तद्वचः श्रुत्वा मनःश्रोत्रसुखावहम्। उन्मील्य नयने दृष्ट्वा पुलस्त्यं पुरतः स्थितम्।

bhīṣmopi tadvacaḥ śrutvā manaḥśrotrasukhāvaham unmīlya nayane dṛṣṭvā pulastyaṁ purataḥ sthitam

मन और कान को सुख देने वाला वह वचन सुनकर, भीष्म ने आँखें खोलकर, सामने खड़े पुलस्त्य को देखा।

श्लोक 70 (padma.1.2.70)

अष्टांगप्रणिपातेन नत्वा तं मुनिसत्तमम्। उवाच प्रणतो भूत्वा सर्वांगालिंगितावनिः।

aṣṭāṁgapraṇipātena natvā taṁ munisattamam uvāca praṇato bhūtvā sarvāṁgāliṁgitāvaniḥ

उस मुनिश्रेष्ठ को अष्टांग प्रणिपात से प्रणाम करके, सम्पूर्ण शरीर से पृथ्वी का आलिंगन करते हुए, प्रणत होकर वे बोले —

श्लोक 71 (padma.1.2.71)

अद्य मे सफलं जन्म दिनं चेदं सुशोभनम्। भवतश्चरणौ दृष्टौ जगद्वंद्यौ मया त्विह।

adya me saphalaṁ janma dinaṁ cedaṁ suśobhanam bhavataścaraṇau dṛṣṭau jagadvaṁdyau mayā tviha

'आज मेरा जन्म सफल हुआ, यह दिन अत्यंत शोभन है, कि यहाँ मैंने जगद्वंद्य आपके चरण देखे।

श्लोक 72 (padma.1.2.72)

तपसश्च फलं प्राप्तं यद्दृष्टोभगवान्मया। वरप्रदो विशेषेण संप्राप्तश्च नदीतटे।

tapasaśca phalaṁ prāptaṁ yaddṛṣṭobhagavānmayā varaprado viśeṣeṇa saṁprāptaśca nadītaṭe

और मेरे तप का फल मुझे प्राप्त हुआ, कि मैंने भगवान्, विशेष रूप से वरदाता, को इस नदी-तट पर पाया।

श्लोक 73 (padma.1.2.73)

इयं ब्रसी मया क्लप्ता आस्यतां सुखदा कृता। अर्घ्यपात्रे तु पालाशे दूर्वाक्षतसुमैः कुशैः।

iyaṁ brasī mayā klaptā āsyatāṁ sukhadā kṛtā arghyapātre tu pālāśe dūrvākṣatasumaiḥ kuśaiḥ

यह आसन मैंने आपके लिए बनाया है, सुखद बनाकर रखा है — इस पर विराजें; और पलाश-पत्र के पात्र में दूर्वा, अक्षत, फूल और कुश सहित —

श्लोक 74 (padma.1.2.74)

सर्षपैश्च दधिक्षौद्रैर्यवैश्च पयसा सह। अष्टांगो ह्येष निर्द्दिष्टो ह्यर्घो हि मुनिभिः पुरा।

sarṣapaiśca dadhikṣaudrairyavaiśca payasā saha aṣṭāṁgo hyeṣa nirddiṣṭo hyargho hi munibhiḥ purā

— सरसों, दही, मधु, जौ और दूध सहित यह अर्घ्य — पूर्वकाल में मुनियों द्वारा यह अष्टांग अर्घ्य ही निर्दिष्ट किया गया है।'

श्लोक 75 (padma.1.2.75)

श्रुत्वैतद्वचनं तस्य भीष्मस्यामिततेजसः। उपविष्टो ब्रह्मसुतः पुलस्त्यो भगवानृषिः।

śrutvaitadvacanaṁ tasya bhīṣmasyāmitatejasaḥ upaviṣṭo brahmasutaḥ pulastyo bhagavānṛṣiḥ

अपरिमित तेजस्वी भीष्म का यह वचन सुनकर, ब्रह्मपुत्र भगवान् ऋषि पुलस्त्य वहाँ बैठ गए।

श्लोक 76 (padma.1.2.76)

विष्टरं सहपाद्येन अर्घपात्रं मुदान्वितः। जुजोष भगवान्प्रीतः सदाचारेण तेन तु।

viṣṭaraṁ sahapādyena arghapātraṁ mudānvitaḥ jujoṣa bhagavānprītaḥ sadācāreṇa tena tu

पाद्य सहित आसन और अर्घ्यपात्र को, हर्षपूर्वक भगवान् ने उस सदाचार से प्रसन्न होकर स्वीकार किया।

श्लोक 77 (padma.1.2.77)

पुलस्त्य उवाच। सत्यवान्दानशीलोसि सत्यसंधिर्नरेश्वरः। ह्रीमान्मैत्रः क्षमाशीलो विक्रांतः शत्रुशासने।

pulastya uvāca satyavāndānaśīlosi satyasaṁdhirnareśvaraḥ hrīmānmaitraḥ kṣamāśīlo vikrāṁtaḥ śatruśāsane

पुलस्त्य ने कहा — 'तुम सत्यवान्, दानशील, सत्यसंधि नरेश्वर हो; लज्जाशील, मित्रवत्सल, क्षमाशील, और शत्रु-दमन में पराक्रमी हो।'

श्लोक 78 (padma.1.2.78)

धर्मज्ञस्त्वं कृतज्ञस्त्वं दयावान्प्रियभाषिता। मान्यमानयिता विज्ञो ब्रह्मण्यः साधुवत्सलः।

dharmajñastvaṁ kṛtajñastvaṁ dayāvānpriyabhāṣitā mānyamānayitā vijño brahmaṇyaḥ sādhuvatsalaḥ

'तुम धर्मज्ञ हो, कृतज्ञ हो, दयावान् और मधुरभाषी हो; मान्यजनों का सम्मान करने वाले, विज्ञ, ब्राह्मणभक्त, सज्जनवत्सल हो।'

श्लोक 79 (padma.1.2.79)

तुष्टस्तेहं सदा वत्स प्रणिपातपरस्य वै। प्रब्रूहि त्वं महाभाग कथनं ते वदाम्यहम्।

tuṣṭastehaṁ sadā vatsa praṇipātaparasya vai prabrūhi tvaṁ mahābhāga kathanaṁ te vadāmyaham

'हे वत्स! तुम्हारी प्रणिपात-भक्ति से मैं सदा प्रसन्न हूँ। हे महाभाग! कहो, मैं तुम्हें उसका उत्तर दूँगा।'

श्लोक 80 (padma.1.2.80)

भीष्म उवाच। भगवन्भगवान्ब्रह्मा कस्मिन्काले स्थितो विभुः। सृष्टिं चकार वै पूर्वं देवादीनां वदस्व मे।

bhīṣma uvāca bhagavanbhagavānbrahmā kasminkāle sthito vibhuḥ sṛṣṭiṁ cakāra vai pūrvaṁ devādīnāṁ vadasva me

भीष्म ने कहा — 'हे भगवन्! भगवान् विभु ब्रह्मा किस काल में स्थित होकर देवताओं आदि की सृष्टि पूर्वकाल में करते हैं, यह मुझे बताएँ।'

श्लोक 81 (padma.1.2.81)

स्थितिं वा भगवान्विष्णुः कथं रुद्रस्तु निर्मितः। कथं वा ऋषयो देवास्सृष्टास्तेन महात्मना।

sthitiṁ vā bhagavānviṣṇuḥ kathaṁ rudrastu nirmitaḥ kathaṁ vā ṛṣayo devāssṛṣṭāstena mahātmanā

'भगवान् विष्णु उस स्थिति को कैसे धारण करते हैं, और रुद्र कैसे रचे गए? और उस महात्मा द्वारा ऋषि-देवता कैसे सृजे गए?'

श्लोक 82 (padma.1.2.82)

कथं पृथ्वी कथं व्योम कथं चेमे तु सागराः। कथं द्वीपाः पर्वताश्च ग्रामारण्यपुराणि च।

kathaṁ pṛthvī kathaṁ vyoma kathaṁ ceme tu sāgarāḥ kathaṁ dvīpāḥ parvatāśca grāmāraṇyapurāṇi ca

'पृथ्वी कैसे बनी, आकाश कैसे, ये सागर कैसे बने? द्वीप और पर्वत, गाँव, वन और नगर कैसे बने?'

श्लोक 83 (padma.1.2.83)

मुनीन्प्रजापतींश्चैव सप्तर्षीन्प्रवरानपि। वर्णान्वायुं पुरास्थानं गंधर्वान्यक्षराक्षसान्।

munīnprajāpatīṁścaiva saptarṣīnpravarānapi varṇānvāyuṁ purāsthānaṁ gaṁdharvānyakṣarākṣasān

'मुनि, प्रजापति, सप्तर्षिगण, वर्ण, वायु, नगरस्थान, गंधर्व, यक्ष, राक्षस —'

श्लोक 84 (padma.1.2.84)

तीर्थानि सरितो वाथ सूर्यादीन्ग्रहतारकान्। यथा ससर्ज भगवांस्तथा मे त्वं वदस्व ह।

tīrthāni sarito vātha sūryādīngrahatārakān yathā sasarja bhagavāṁstathā me tvaṁ vadasva ha

'— तीर्थ, नदियाँ, सूर्य आदि, ग्रह-तारे — भगवान् ने जैसे इन्हें रचा, वैसे ही आप मुझे बताएँ।'

श्लोक 85 (padma.1.2.85)

पुलस्त्य उवाच। परः पराणां परमः परमात्मा पितामहः। रूपवर्णादिरहितो विशेषण विवर्जितः।

pulastya uvāca paraḥ parāṇāṁ paramaḥ paramātmā pitāmahaḥ rūpavarṇādirahito viśeṣaṇa vivarjitaḥ

पुलस्त्य ने कहा — 'पितामह श्रेष्ठों में श्रेष्ठ, परमात्मा हैं; रूप-रंग आदि से रहित और सब विशेषणों से रहित हैं।'

श्लोक 86 (padma.1.2.86)

अपक्षयविनाशाभ्यां परिणामर्द्धिजन्मभिः। गुणैर्विवर्जितः सर्वैः स भातीति हि केवलम्।

apakṣayavināśābhyāṁ pariṇāmarddhijanmabhiḥ guṇairvivarjitaḥ sarvaiḥ sa bhātīti hi kevalam

'वे क्षय-विनाश से, परिणाम-वृद्धि-जन्म से, और समस्त गुणों से रहित हैं; वे केवल स्वयं ही प्रकाशमान हैं।'

श्लोक 87 (padma.1.2.87)

सर्वत्रासौ समश्चापि वसन्ननुपमो मतः। भावयन्ब्रह्मरूपेण विद्वद्भिः परिपठ्यते।

sarvatrāsau samaścāpi vasannanupamo mataḥ bhāvayanbrahmarūpeṇa vidvadbhiḥ paripaṭhyate

'वे सर्वत्र समान रूप से रहते हुए भी अनुपम माने जाते हैं; ब्रह्मरूप में उनका ध्यान करते हुए विद्वान् उन्हें पढ़ते हैं।'

श्लोक 88 (padma.1.2.88)

तं गुह्यं परमं नित्यमजमक्षयमव्ययम्। तथा पुरुषरूपेण कालरूपेण संस्थितम्।

taṁ guhyaṁ paramaṁ nityamajamakṣayamavyayam tathā puruṣarūpeṇa kālarūpeṇa saṁsthitam

'उस गुह्य, परम, नित्य, अजन्मा, अक्षय, अव्यय को, तथा पुरुषरूप और कालरूप में स्थित उसी को —'

श्लोक 89 (padma.1.2.89)

तं नत्वाहं प्रवक्ष्यामि यथा सृष्टिं चकार ह। पूर्वं तु पद्मशयनादुत्थाय जगतःप्रभुः।

taṁ natvāhaṁ pravakṣyāmi yathā sṛṣṭiṁ cakāra ha pūrvaṁ tu padmaśayanādutthāya jagataḥprabhuḥ

— उसे नमस्कार करके मैं कहूँगा कि उन्होंने सृष्टि कैसे रची। पूर्वकाल में पद्मशयन से उठकर जगत्प्रभु —

श्लोक 90 (padma.1.2.90)

गुणव्यंजनसंभूतः सर्गकाले नराधिप। सात्विको राजसश्चैव तामसश्च त्रिधा महान्।

guṇavyaṁjanasaṁbhūtaḥ sargakāle narādhipa sātviko rājasaścaiva tāmasaśca tridhā mahān

— सृष्टिकाल में गुणों की अभिव्यक्ति से प्रकट, हे राजन्! सात्त्विक, राजस और तामस — तीन प्रकार का महत्तत्त्व —

श्लोक 91 (padma.1.2.91)

प्रधानतत्वेन समं तथा बीजादिभिर्वृतः। वैकारिकस्तैजसश्च भूतादिश्चैव तामसः।

pradhānatatvena samaṁ tathā bījādibhirvṛtaḥ vaikārikastaijasaśca bhūtādiścaiva tāmasaḥ

— प्रधानतत्त्व सहित, बीज आदि से युक्त; वैकारिक, तैजस, और तामस भूतादि —

श्लोक 92 (padma.1.2.92)

त्रिविधोयमहंकारो महत्तत्त्वादजायत। भूतेंद्रियाणां पंचानां तथा कर्मेन्द्रियैः सह।

trividhoyamahaṁkāro mahattattvādajāyata bhūteṁdriyāṇāṁ paṁcānāṁ tathā karmendriyaiḥ saha

— यह त्रिविध अहंकार महत्तत्त्व से उत्पन्न हुआ; उससे पाँच भूत-इंद्रियाँ, तथा कर्मेन्द्रियाँ सहित उत्पन्न हुईं।

श्लोक 93 (padma.1.2.93)

पृथिव्यापस्तथातेजो वायुराकाशमेव च। एकैकशः स्वरूपेण कथयामि यथोत्तरम्।

pṛthivyāpastathātejo vāyurākāśameva ca ekaikaśaḥ svarūpeṇa kathayāmi yathottaram

पृथ्वी, जल, तेज, वायु और आकाश — इनमें से प्रत्येक का स्वरूप मैं क्रमशः कहूँगा।

श्लोक 94 (padma.1.2.94)

शब्दमात्रमथाकाशं भूतादिः खं समावृणोत्। अथाकाशं विकुर्वाणं स्पर्शमात्रं ससर्ज ह।

śabdamātramathākāśaṁ bhūtādiḥ khaṁ samāvṛṇot athākāśaṁ vikurvāṇaṁ sparśamātraṁ sasarja ha

आकाश केवल शब्दमात्र है, जिसे भूतादि ने आवृत किया; फिर विकार को प्राप्त होते आकाश ने स्पर्शमात्र को उत्पन्न किया।

श्लोक 95 (padma.1.2.95)

बलवानेष वै वायुस्तस्य स्पर्शो गुणो मतः। आकाशं शब्दमात्रं तु स्पर्शमात्रं समावृणोत्।

balavāneṣa vai vāyustasya sparśo guṇo mataḥ ākāśaṁ śabdamātraṁ tu sparśamātraṁ samāvṛṇot

यही बलवान् वायु है, जिसका गुण स्पर्श माना गया है; शब्दमात्र आकाश ने उस स्पर्शमात्र को आवृत किया।

श्लोक 96 (padma.1.2.96)

ततो वायुर्विकुर्वाणो रूपमात्रं ससर्ज ह। ज्योतीरूपन्तु तद्वायुस्तद्रूपगुणमुच्यते।

tato vāyurvikurvāṇo rūpamātraṁ sasarja ha jyotīrūpantu tadvāyustadrūpaguṇamucyate

फिर विकार को प्राप्त होते वायु ने रूपमात्र को उत्पन्न किया; वही वायु ज्योतिरूप हो गया, उसका गुण रूप कहा गया।

श्लोक 97 (padma.1.2.97)

स्पर्शरूपस्तु वै वायू रूपमात्रं समावृणोत्। ज्योतिश्चापि विकुर्वाणं रसमात्रं ससर्ज ह।

sparśarūpastu vai vāyū rūpamātraṁ samāvṛṇot jyotiścāpi vikurvāṇaṁ rasamātraṁ sasarja ha

स्पर्शरूप वायु ने उस रूपमात्र को आवृत किया; और ज्योति ने भी विकार को प्राप्त होकर रसमात्र को उत्पन्न किया।

श्लोक 98 (padma.1.2.98)

संभवंति ततोंभांसि रूपमात्रं समावृणोत्। विकुर्वाणानि चांभांसि गंधमात्रं ससर्जिरे।

saṁbhavaṁti tatoṁbhāṁsi rūpamātraṁ samāvṛṇot vikurvāṇāni cāṁbhāṁsi gaṁdhamātraṁ sasarjire

इससे जल उत्पन्न हुआ, जिसने रूपमात्र को आवृत किया; और विकार को प्राप्त होते जल ने गंधमात्र को उत्पन्न किया।

श्लोक 99 (padma.1.2.99)

संघातो जायते तस्मात्तस्य गंधो मतो गुणः। तैजसानीन्द्रियाण्याहुर्देवा वैकारिका दश।

saṁghāto jāyate tasmāttasya gaṁdho mato guṇaḥ taijasānīndriyāṇyāhurdevā vaikārikā daśa

उससे ठोस पदार्थ (पृथ्वी) की उत्पत्ति होती है, जिसका गुण गंध माना गया है; इंद्रियों को तैजस कहते हैं, और दस देवताओं को वैकारिक।

श्लोक 100 (padma.1.2.100)

एकादशम्मनश्चात्र देवा वैकारिकाः स्मृताः। त्वक्चक्षुर्नासिका जिह्वा श्रोत्रमत्र च पंचमम्।

ekādaśammanaścātra devā vaikārikāḥ smṛtāḥ tvakcakṣurnāsikā jihvā śrotramatra ca paṁcamam

और यहाँ ग्यारहवाँ मन है, जिसका देवता वैकारिक माना गया है; त्वचा, आँख, नाक, जीभ, और पाँचवाँ कान —

श्लोक 101 (padma.1.2.101)

एतेषां तु मतं कृत्यं शब्दादि ग्रहणं पुनः। वाक्पाणिपादपायूनि चोपस्थं तत्र पञ्चमम्।

eteṣāṁ tu mataṁ kṛtyaṁ śabdādi grahaṇaṁ punaḥ vākpāṇipādapāyūni copasthaṁ tatra pañcamam

— इनका कार्य शब्द आदि का ग्रहण माना गया है; वाणी, हाथ, पैर, गुदा, और पाँचवाँ उपस्थ (जननेंद्रिय) —

श्लोक 102 (padma.1.2.102)

विसर्गशिल्पगत्युक्तिर्गुणा एषां विपर्ययात्। आकाश वायु तेजांसि सलिलं पृथिवी तथा।

visargaśilpagatyuktirguṇā eṣāṁ viparyayāt ākāśa vāyu tejāṁsi salilaṁ pṛthivī tathā

— विसर्जन, शिल्प, गति, वाणी — इनके गुण क्रमशः विपरीत क्रम से हैं। आकाश, वायु, तेज, जल और पृथ्वी —

श्लोक 103 (padma.1.2.103)

शब्दादिभिर्गुणैर्वीर युक्तानीत्युत्तरोत्तरैः। शांता घोराश्च मूढाश्च विशेषास्तेन ते स्मृताः।

śabdādibhirguṇairvīra yuktānītyuttarottaraiḥ śāṁtā ghorāśca mūḍhāśca viśeṣāstena te smṛtāḥ

— हे वीर! ये उत्तरोत्तर शब्द आदि गुणों से युक्त हैं। शांत, घोर और मूढ — इन विशेषताओं से वे जाने जाते हैं।

श्लोक 104 (padma.1.2.104)

नानावीर्याः पृथग्भूतास्ततस्ते संहतिं विना। नाशक्नुवन्प्रजाः स्रष्टुमसमागम्य कृत्स्नशः।

nānāvīryāḥ pṛthagbhūtāstataste saṁhatiṁ vinā nāśaknuvanprajāḥ sraṣṭumasamāgamya kṛtsnaśaḥ

नाना शक्तियों वाले, पृथक्-पृथक् रहते वे तत्त्व, संगठित हुए बिना, सम्पूर्ण रूप से मिले बिना प्रजा को रचने में असमर्थ थे।

श्लोक 105 (padma.1.2.105)

समेत्यान्योन्यसंयोगात्परस्परसमाश्रयात्। एकसंघातलक्षाश्च संप्राप्यैक्यमशेषतः।

sametyānyonyasaṁyogātparasparasamāśrayāt ekasaṁghātalakṣāśca saṁprāpyaikyamaśeṣataḥ

परस्पर मिलकर, एक-दूसरे के आश्रय से संयुक्त होकर, एक ही समूह-लक्षण से युक्त होकर, पूर्ण एकता प्राप्त कर —

श्लोक 106 (padma.1.2.106)

पुरुषाधिष्ठितत्वाच्च व्यक्तानुग्रहणे तथा। महदादयो विशेषांता ह्यंडमुत्पादयंति वै।

puruṣādhiṣṭhitatvācca vyaktānugrahaṇe tathā mahadādayo viśeṣāṁtā hyaṁḍamutpādayaṁti vai

— और पुरुष के अधिष्ठान से तथा व्यक्त के अनुग्रह से, महत् आदि विशेष तत्त्व तक, वे सब मिलकर अंड को उत्पन्न करते हैं।

श्लोक 107 (padma.1.2.107)

तत्क्रमेण विवृत्तं तु जलबुद्बुदवत्समम्। तत्राव्यक्तस्वरूपोसौ व्यक्तरूपी जनार्दनः।

tatkrameṇa vivṛttaṁ tu jalabudbudavatsamam tatrāvyaktasvarūposau vyaktarūpī janārdanaḥ

वह क्रमशः जल के बुलबुले के समान प्रकट हुआ। उसमें अव्यक्तस्वरूप वे ही जनार्दन व्यक्तरूप में प्रकट हुए —

श्लोक 108 (padma.1.2.108)

ब्रह्माब्रह्मस्वरूपेण स्वयमेव व्यवस्थितः। मेरुरुल्बमभूत्तस्य जरायुश्च महीधराः।

brahmābrahmasvarūpeṇa svayameva vyavasthitaḥ merurulbamabhūttasya jarāyuśca mahīdharāḥ

— अपने ब्रह्मस्वरूप से स्वयं ब्रह्मा के रूप में स्थित हुए। मेरु उसका उल्ब (गर्भ-झिल्ली) बना, और पर्वत उसकी जरायु (गर्भ-कोश) बने।

श्लोक 109 (padma.1.2.109)

गर्भोदकं समुद्राश्च तस्यासंश्च महात्मनः। तत्र द्वीपास्समुद्राश्च सज्योतिर्लोकसंग्रहः।

garbhodakaṁ samudrāśca tasyāsaṁśca mahātmanaḥ tatra dvīpāssamudrāśca sajyotirlokasaṁgrahaḥ

उस महात्मा के गर्भ-जल समुद्र बने; उसी में द्वीप, समुद्र और ज्योतियों सहित समस्त लोक-समूह हैं।

श्लोक 110 (padma.1.2.110)

तस्मिन्नंडेऽभवन्वीर सदेवासुरमानुषाः। वारि वह्न्यनिलाकाशैर्वृतैर्भूतादिना बहिः।

tasminnaṁḍe'bhavanvīra sadevāsuramānuṣāḥ vāri vahnyanilākāśairvṛtairbhūtādinā bahiḥ

उस अंडे में, हे वीर! देवता, असुर और मनुष्य सहित सब हुए — वह बाहर से जल, अग्नि, वायु, आकाश और भूतादि से आवृत था।

श्लोक 111 (padma.1.2.111)

वृतं दशगुणैरंडं भूतादिर्महता तथा। अव्यक्तेनावृतो राजंस्तैः सर्वैः सहितो महान्।

vṛtaṁ daśaguṇairaṁḍaṁ bhūtādirmahatā tathā avyaktenāvṛto rājaṁstaiḥ sarvaiḥ sahito mahān

अंड दस गुणों से आवृत है, भूतादि महत् से आवृत है; और हे राजन्! महत् उन सबसहित अव्यक्त से आवृत है।

श्लोक 112 (padma.1.2.112)

एभिरावरणैः सर्वैः सर्वभूतैश्च संयुतम्। नारिकेलफलं यद्वद्बीजं बाह्यदलैरिव।

ebhirāvaraṇaiḥ sarvaiḥ sarvabhūtaiśca saṁyutam nārikelaphalaṁ yadvadbījaṁ bāhyadalairiva

इन समस्त आवरणों और समस्त भूतों से युक्त वह वैसा ही है जैसे नारियल का बीज बाहरी छिलकों से घिरा होता है।

श्लोक 113 (padma.1.2.113)

ब्रह्मा स्वयं च जगतो विसृष्टौ संप्रवर्त्तते। सृष्टिं च पात्यनुयुगं यावत्कल्पविकल्पना।

brahmā svayaṁ ca jagato visṛṣṭau saṁpravarttate sṛṣṭiṁ ca pātyanuyugaṁ yāvatkalpavikalpanā

ब्रह्मा स्वयं जगत् की उत्पत्ति में प्रवृत्त होते हैं, और जब तक कल्प का विभाजन रहता है, प्रत्येक युग में सृष्टि की रक्षा करते हैं।

श्लोक 114 (padma.1.2.114)

स संज्ञां याति भगवानेक एव जनार्दनः। सत्वभुग्गुणवान्देवो ह्यप्रमेय पराक्रमः।

sa saṁjñāṁ yāti bhagavāneka eva janārdanaḥ satvabhugguṇavāndevo hyaprameya parākramaḥ

वे ही एक भगवान् जनार्दन विभिन्न संज्ञाएँ पाते हैं — सत्त्वभोगी, गुणवान् देव, अप्रमेय पराक्रमी।

श्लोक 115 (padma.1.2.115)

तमोद्रेकं च कल्पांते रूपं रौद्रं करोति च। राजेंद्राखिलभूतानि भक्षयत्यतिभीषणः।

tamodrekaṁ ca kalpāṁte rūpaṁ raudraṁ karoti ca rājeṁdrākhilabhūtāni bhakṣayatyatibhīṣaṇaḥ

कल्पांत में तमोगुण की प्रधानता से वे रौद्ररूप धारण करते हैं; हे राजेंद्र! वे अत्यंत भीषण होकर समस्त प्राणियों को निगल जाते हैं।

श्लोक 116 (padma.1.2.116)

भक्षयित्वा च भूतानि जगत्येकार्णवीकृते। नागपर्यंकशयने शेते सर्वस्वरूपधृक्।

bhakṣayitvā ca bhūtāni jagatyekārṇavīkṛte nāgaparyaṁkaśayane śete sarvasvarūpadhṛk

समस्त प्राणियों को निगलकर, जगत् के एकार्णव हो जाने पर, वे सर्वस्वरूपधारी शेषनाग की शय्या पर सो जाते हैं।

श्लोक 117 (padma.1.2.117)

प्रबुद्धश्च पुनः सृष्टिं प्रकरोति च रूपधृक्। सृष्टिस्थित्यंतकरणाद्ब्रह्मविष्णुशिवात्मकः।

prabuddhaśca punaḥ sṛṣṭiṁ prakaroti ca rūpadhṛk sṛṣṭisthityaṁtakaraṇādbrahmaviṣṇuśivātmakaḥ

और जागकर पुनः रूपधारी होकर सृष्टि करते हैं; सृष्टि-स्थिति-संहार करने के कारण वे ब्रह्मा-विष्णु-शिव स्वरूप हैं।

श्लोक 118 (padma.1.2.118)

स्रष्टा सृजति चात्मानं विष्णुः पाल्यं च पाति च। उपसंह्रियते चापि संहर्त्ता च स्वयं प्रभुः।

sraṣṭā sṛjati cātmānaṁ viṣṇuḥ pālyaṁ ca pāti ca upasaṁhriyate cāpi saṁharttā ca svayaṁ prabhuḥ

स्रष्टा रूप में वे स्वयं को रचते हैं; विष्णु रूप में पाल्य और पालक दोनों हैं; और वे स्वयं प्रभु ही संहृत होते हैं और संहारकर्ता भी हैं।

श्लोक 119 (padma.1.2.119)

पृथिव्यापस्तथा तेजो वायुराकाशमेव च। स एव सर्वभूतेशो विश्वरूपो यतोव्ययः।

pṛthivyāpastathā tejo vāyurākāśameva ca sa eva sarvabhūteśo viśvarūpo yatovyayaḥ

पृथ्वी, जल, तेज, वायु और आकाश — वे ही समस्त भूतों के ईश्वर, विश्वरूप, अव्यय हैं।

श्लोक 120 (padma.1.2.120)

सर्गादिकं ततोस्यैव भूतस्थमुपकारकम्। स एव सृज्यः स च सर्गकर्त्ता स एव पाल्यं प्रतिपाल्यते यतः। ब्रह्माद्यवस्थाभिरशेषमूर्त्तिर्ब्रह्मा वरिष्ठो वरदो वरेण्यः।

sargādikaṁ tatosyaiva bhūtasthamupakārakam sa eva sṛjyaḥ sa ca sargakarttā sa eva pālyaṁ pratipālyate yataḥ brahmādyavasthābhiraśeṣamūrttirbrahmā variṣṭho varado vareṇyaḥ

सृष्टि आदि जो कुछ भूतों में स्थित है, वह सब उन्हीं का उपकार है; वे ही सृज्य और सृष्टिकर्ता हैं, वे ही पाल्य हैं क्योंकि वे ही पालन करते हैं। ब्रह्मा आदि अवस्थाओं में सम्पूर्ण मूर्तिवाले वे ब्रह्मा — सर्वश्रेष्ठ, वरदाता, वरणीय हैं।