गणपति स्तोत्र

श्लोक 1 (padma.1.63.1)

पुलस्त्य उवाच। एतस्मिन्नंतरे पूर्वं व्यासशिष्यो महामुनिः। नमस्कृत्य गुरुं भीष्म संजयः परिपृच्छति

pulastya uvāca. etasminnaṁtare pūrvaṁ vyāsaśiṣyo mahāmuniḥ. namaskṛtya guruṁ bhīṣma saṁjayaḥ paripṛcchati

पुलस्त्य ने कहा — इसी बीच, पूर्वकाल में, व्यास जी के शिष्य महामुनि संजय ने अपने गुरु भीष्म को नमस्कार करके यह प्रश्न पूछा।

श्लोक 2 (padma.1.63.2)

देवानां पूजनोपायं क्रमं ब्रूहि सुनिश्चितम्। अग्रे पूज्यतमः कोसौ को मध्यो नित्यपूजने

devānāṁ pūjanopāyaṁ kramaṁ brūhi suniścitam. agre pūjyatamaḥ kosau ko madhyo nityapūjane

देवताओं की पूजा के उपाय और क्रम को निश्चितरूप से बताइए — नित्य पूजा में सबसे पहले कौन पूज्य है और मध्य में कौन?

श्लोक 3 (padma.1.63.3)

अंते च पूजा कस्यैव कस्य को वा प्रभावकः। किंवा कं च फलं ब्रह्मन्पूजयित्वा लभेन्नरः

aṁte ca pūjā kasyaiva kasya ko vā prabhāvakaḥ. kiṁvā kaṁ ca phalaṁ brahmanpūjayitvā labhennaraḥ

अंत में किसकी पूजा होनी चाहिए, और किसका क्या प्रभाव है? हे ब्रह्मन्! मनुष्य किस-किस की पूजा करके कौन-सा फल प्राप्त करता है?

श्लोक 4 (padma.1.63.4)

व्यास उवाच। गणेशं पूजयेदग्रे त्वविघ्नार्थं परे त्विह। विनायकत्वमाप्नोति यथा गौरीसुतो हि सः

vyāsa uvāca. gaṇeśaṁ pūjayedagre tvavighnārthaṁ pare tviha. vināyakatvamāpnoti yathā gaurīsuto hi saḥ

व्यास जी ने कहा — यहाँ आगे के कार्यों में विघ्न-नाश हेतु सबसे पहले गणेश की पूजा करनी चाहिए, क्योंकि गौरी-पुत्र होने के कारण उन्होंने विनायक-पद प्राप्त किया है।

श्लोक 5 (padma.1.63.5)

पार्वत्यजनयत्पूर्वं सुतौ महेश्वरादिमौ। सर्वलोकधरौ शूरौ देवौ स्कंदगणाधिपौ

pārvatyajanayatpūrvaṁ sutau maheśvarādimau. sarvalokadharau śūrau devau skaṁdagaṇādhipau

पार्वती ने पहले महेश्वर से दो पुत्रों को जन्म दिया, जो समस्त लोकों के धारक, शूरवीर देवता — स्कंद और गणाधिप (गणेश) — थे।

श्लोक 6 (padma.1.63.6)

तौ च दृष्ट्वा नगसुता सिध्यर्थं पर्यभाषत। इदं तु मोदकं पुत्रौ देवैर्दत्तं मुदान्वितैः

tau ca dṛṣṭvā nagasutā sidhyarthaṁ paryabhāṣata. idaṁ tu modakaṁ putrau devairdattaṁ mudānvitaiḥ

उन दोनों को देखकर पर्वतपुत्री पार्वती ने सिद्धि की परीक्षा हेतु कहा — 'हे पुत्रो! यह मोदक हर्षित देवताओं द्वारा दिया गया है।'

श्लोक 7 (padma.1.63.7)

महाबुद्धीति विख्यातं सुधया परिनिर्मितम्। गुणं चास्य प्रवक्ष्यामि शृणुतं तु समाहितौ

mahābuddhīti vikhyātaṁ sudhayā parinirmitam. guṇaṁ cāsya pravakṣyāmi śṛṇutaṁ tu samāhitau

यह 'महाबुद्धि' नाम से विख्यात है और सुधा (अमृत) से निर्मित है। इसका गुण मैं बताती हूँ — तुम दोनों एकाग्रचित्त होकर सुनो।

श्लोक 8 (padma.1.63.8)

अस्यैवाघ्राणमात्रेण अमरत्वं लभेद्ध्रुवम्। सर्वशास्त्रार्थतत्त्वज्ञः सर्वशस्त्रास्त्रकोविदः

asyaivāghrāṇamātreṇa amaratvaṁ labheddhruvam. sarvaśāstrārthatattvajñaḥ sarvaśastrāstrakovidaḥ

केवल इसे सूंघने मात्र से निश्चय ही अमरत्व प्राप्त होता है — मनुष्य समस्त शास्त्रों के अर्थ-तत्त्व का ज्ञाता और सभी शस्त्र-अस्त्रों में निपुण हो जाता है।

श्लोक 9 (padma.1.63.9)

निपुणः सर्वतंत्रेषु लेखकश्चित्रकृत्सुधीः। ज्ञानविज्ञानतत्त्वज्ञः सर्वज्ञो नात्र संशयः

nipuṇaḥ sarvataṁtreṣu lekhakaścitrakṛtsudhīḥ. jñānavijñānatattvajñaḥ sarvajño nātra saṁśayaḥ

वह समस्त तंत्रों में निपुण, कुशल लेखक और चित्रकार, ज्ञान-विज्ञान के तत्त्व का ज्ञाता तथा सर्वज्ञ हो जाता है — इसमें कोई संशय नहीं।

श्लोक 10 (padma.1.63.10)

पुत्रौ धर्मादधिकतां प्राप्य सिद्धिशतं व्रजेत्। यस्तस्य वै प्रदास्यामि पितुस्ते संमतं त्विदम्

putrau dharmādadhikatāṁ prāpya siddhiśataṁ vrajet. yastasya vai pradāsyāmi pituste saṁmataṁ tvidam

हे पुत्रो! तुम दोनों में से जो धर्म से श्रेष्ठता प्राप्त करेगा, वह सौ सिद्धियों को पाएगा; उसी को मैं यह मोदक दूँगी — यह बात तुम्हारे पिता को भी स्वीकार्य है।

श्लोक 11 (padma.1.63.11)

श्रुत्वा मातृमुखादेवं वचः परमकोविदः। स्कंदस्तीर्थं ययौ सद्यः सर्वं त्रिभुवनस्थितं

śrutvā mātṛmukhādevaṁ vacaḥ paramakovidaḥ. skaṁdastīrthaṁ yayau sadyaḥ sarvaṁ tribhuvanasthitaṁ

माता के मुख से यह वचन सुनकर परम विद्वान स्कंद तुरंत त्रिभुवन में स्थित समस्त तीर्थों की यात्रा पर निकल पड़े।

श्लोक 12 (padma.1.63.12)

बर्हिणं स्वं समारुह्य त्वभिषेकः कृतः क्षणात्। पितरौ प्रदक्षिणं कृत्वा लंबोदरधरस्सुधीः

barhiṇaṁ svaṁ samāruhya tvabhiṣekaḥ kṛtaḥ kṣaṇāt. pitarau pradakṣiṇaṁ kṛtvā laṁbodaradharassudhīḥ

अपने मयूर पर सवार होकर स्कंद ने क्षणभर में समस्त तीर्थों में स्नान (अभिषेक) कर लिया। इधर बुद्धिमान लंबोदर (गणेश) ने अपने माता-पिता की प्रदक्षिणा की।

श्लोक 13 (padma.1.63.13)

तत एव मुदायुक्तः पित्रोरेवाग्रत स्थितः। पुरतश्च तथा स्कंदो मे देहीति ब्रुवन्स्थितः

tata eva mudāyuktaḥ pitrorevāgrata sthitaḥ. purataśca tathā skaṁdo me dehīti bruvansthitaḥ

तत्पश्चात् प्रसन्नचित्त होकर गणेश अपने माता-पिता के सामने ही खड़े हो गए; और स्कंद भी वहाँ आकर 'मुझे दीजिए' कहते हुए खड़े हो गए।

श्लोक 14 (padma.1.63.14)

ततस्तु तौ समीक्ष्याथ पार्वती विस्मिताब्रवीत्। सर्वतीर्थाभिषेकैस्तु सर्वदेवैर्न तैस्तथा

tatastu tau samīkṣyātha pārvatī vismitābravīt. sarvatīrthābhiṣekaistu sarvadevairna taistathā

तब उन दोनों को देखकर विस्मित पार्वती ने कहा — 'समस्त तीर्थों में स्नान करने से, और समस्त देवताओं की उस प्रकार पूजा करने से भी नहीं—'

श्लोक 15 (padma.1.63.15)

सर्वयज्ञव्रतैर्मंत्रैर्योगैरन्यैर्यमैस्तथा। पित्रोरर्चाकृतः कोपि कलां नार्हति षोडशीम्

sarvayajñavratairmaṁtrairyogairanyairyamaistathā. pitrorarcākṛtaḥ kopi kalāṁ nārhati ṣoḍaśīm

—न ही समस्त यज्ञों, व्रतों, मंत्रों, योगों तथा अन्य नियमों से — इनमें से कोई भी माता-पिता की पूजा की सोलहवीं कला के बराबर नहीं है।

श्लोक 16 (padma.1.63.16)

तस्मात्सुतशतादेषोऽधिकः शतगुणैरपि। अतो ददामि हेरम्बे मोदकं देवनिर्मितम्

tasmātsutaśatādeṣo'dhikaḥ śataguṇairapi. ato dadāmi herambe modakaṁ devanirmitam

इसलिए यह पुत्र सौ पुत्रों से भी सौ गुना श्रेष्ठ है। अतः मैं हेरम्ब (गणेश) को यह देवनिर्मित मोदक देती हूँ।

श्लोक 17 (padma.1.63.17)

अस्यैव कारणादस्य अग्रे पूजा मखेषु च। वेदशास्त्रस्तवादौ च नित्यं पूजाविधासु च

asyaiva kāraṇādasya agre pūjā makheṣu ca. vedaśāstrastavādau ca nityaṁ pūjāvidhāsu ca

इसी कारण यज्ञों में, वेद-शास्त्रों तथा स्तवों के आरंभ में, और नित्य पूजा-विधियों में सर्वप्रथम इन्हीं (गणेश) की पूजा होती है।

श्लोक 18 (padma.1.63.18)

पार्वत्या सह भूतेशो ददौ तस्मै वरं महत्। अस्यैव पूजनादग्रे देवास्तुष्टा भवंतु च

pārvatyā saha bhūteśo dadau tasmai varaṁ mahat. asyaiva pūjanādagre devāstuṣṭā bhavaṁtu ca

पार्वती सहित भूतेश (शिव) ने उन्हें यह महान वर दिया — 'इसकी पूजा सबसे पहले करने से ही समस्त देवगण संतुष्ट हों।'

श्लोक 19 (padma.1.63.19)

सर्वासामपि देवीनां पितॄणां च समंततः। तपो भवतु नित्यं च पूजितेऽग्रे गणेश्वरे

sarvāsāmapi devīnāṁ pitṝṇāṁ ca samaṁtataḥ. tapo bhavatu nityaṁ ca pūjite'gre gaṇeśvare

इसी प्रकार समस्त देवियों तथा पितरों के लिए भी — गणेश्वर की सर्वप्रथम पूजा हो जाने पर उनका तप नित्य फलदायी हो।

श्लोक 20 (padma.1.63.20)

ततः सर्वेषु यज्ञेषु पूजयेद्गणपं द्विजः। कोटिकोटिगुणं तेषु देवदेवी वचो यथा

tataḥ sarveṣu yajñeṣu pūjayedgaṇapaṁ dvijaḥ. koṭikoṭiguṇaṁ teṣu devadevī vaco yathā

अतः समस्त यज्ञों में द्विज को गणप (गणेश) की पूजा करनी चाहिए, क्योंकि देवदेव और देवी के वचनानुसार उससे करोड़ों-करोड़ गुना फल प्राप्त होता है।

श्लोक 21 (padma.1.63.21)

दत्वा सर्वगुणं पुण्यं देवदेव्या तथा मुदा। कृतं गणाधिपत्यं च सर्वदेवाग्रतस्तदा

datvā sarvaguṇaṁ puṇyaṁ devadevyā tathā mudā. kṛtaṁ gaṇādhipatyaṁ ca sarvadevāgratastadā

इस प्रकार देवदेव और देवी ने प्रसन्नतापूर्वक उन्हें समस्त गुण और पुण्य प्रदान करके सर्वदेवताओं के समक्ष उनका गणाधिपत्य स्थापित किया।

श्लोक 22 (padma.1.63.22)

तस्मात्प्राज्येषु यज्ञेषु स्तोत्रेषु नित्यपूजने। गणेशं पूजयित्वा तु सर्वसिद्धिं लभेन्नरः

tasmātprājyeṣu yajñeṣu stotreṣu nityapūjane. gaṇeśaṁ pūjayitvā tu sarvasiddhiṁ labhennaraḥ

अतः महान यज्ञों में, स्तोत्रों में और नित्य पूजा में गणेश की पूजा करके मनुष्य समस्त सिद्धियाँ प्राप्त करता है।

श्लोक 23 (padma.1.63.23)

एवं ज्ञात्वा तु देवैस्तु दयितप्राप्ति काम्यया। पूजितश्चाथसर्वैस्तु स्वर्गमोक्षार्थतो ध्रुवम्

evaṁ jñātvā tu devaistu dayitaprāpti kāmyayā. pūjitaścāthasarvaistu svargamokṣārthato dhruvam

यह जानकर देवताओं ने भी अपने प्रिय फल की प्राप्ति की कामना से गणेश की पूजा की; इस प्रकार स्वर्ग और मोक्ष की प्राप्ति के लिए निश्चय ही वे सबके द्वारा पूजित हैं।

श्लोक 24 (padma.1.63.24)

नक्ताहारश्चतुर्थ्यां तु पूजयित्वा गणाधिपं। लिंगे वा प्रतिमा चित्रे देवः पूज्यो भवेद्यदि

naktāhāraścaturthyāṁ tu pūjayitvā gaṇādhipaṁ. liṁge vā pratimā citre devaḥ pūjyo bhavedyadi

चतुर्थी के दिन एक समय (रात्रि में) भोजन करते हुए गणाधिप की पूजा करनी चाहिए — चाहे देवता की पूजा लिंग, प्रतिमा अथवा चित्र में की जाए।

श्लोक 25 (padma.1.63.25)

गणाधिप नमस्तुभ्यं सर्वविघ्नप्रशांतिद। उमानंदप्रद प्राज्ञ त्राहि मां भवसागरात्

gaṇādhipa namastubhyaṁ sarvavighnapraśāṁtida. umānaṁdaprada prājña trāhi māṁ bhavasāgarāt

हे गणाधिप! आपको नमस्कार, जो समस्त विघ्नों की शांति देने वाले हैं। हे प्राज्ञ, उमा को आनंद देने वाले! मुझे भवसागर से बचाइए।

श्लोक 26 (padma.1.63.26)

हरानंदकरध्यान ज्ञानविज्ञानद प्रभो। विघ्नराज नमस्तुभ्यं प्रसन्नो भव सर्वदा

harānaṁdakaradhyāna jñānavijñānada prabho. vighnarāja namastubhyaṁ prasanno bhava sarvadā

हे हर को आनंद देने वाले ध्यान के स्वामी, ज्ञान-विज्ञान के दाता प्रभो! हे विघ्नराज, आपको नमस्कार — सदा प्रसन्न रहिए।

श्लोक 27 (padma.1.63.27)

कृतोपवासो गणपं पूजयेद्यो नरो मुदा। सर्वपापविनिर्मुक्तः सुरलोके महीयते

kṛtopavāso gaṇapaṁ pūjayedyo naro mudā. sarvapāpavinirmuktaḥ suraloke mahīyate

जो मनुष्य उपवास करके आनंदपूर्वक गणप की पूजा करता है, वह समस्त पापों से मुक्त होकर देवलोक में सम्मानित होता है।

श्लोक 28 (padma.1.63.28)

स्तोत्रं तस्य प्रवक्ष्यामि नामद्वादशकं शुभं। ॐ नमो गणपतये मंत्र एष उदाहृतः

stotraṁ tasya pravakṣyāmi nāmadvādaśakaṁ śubhaṁ. oṁ namo gaṇapataye maṁtra eṣa udāhṛtaḥ

अब मैं उनका शुभ द्वादश-नाम स्तोत्र बताता हूँ। 'ॐ नमो गणपतये' — यही मंत्र कहा गया है।

श्लोक 29 (padma.1.63.29)

गणपतिर्विघ्नराजो लंबतुंडो गजाननः। द्वैमातुरश्च हेरम्ब एकदंतो गणाधिपः

gaṇapatirvighnarājo laṁbatuṁḍo gajānanaḥ. dvaimāturaśca heramba ekadaṁto gaṇādhipaḥ

गणपति, विघ्नराज, लंबतुंड, गजानन, द्वैमातुर, हेरम्ब, एकदंत, गणाधिप—

श्लोक 30 (padma.1.63.30)

विनायकश्चारुकर्णः पशुपालो भवात्मजः। द्वादशैतानि नामानि प्रातरुत्थाय यः पठेत्

vināyakaścārukarṇaḥ paśupālo bhavātmajaḥ. dvādaśaitāni nāmāni prātarutthāya yaḥ paṭhet

—विनायक, चारुकर्ण, पशुपाल, भवात्मज — ये बारह नाम हैं; जो प्रातःकाल उठकर इनका पाठ करता है—

श्लोक 31 (padma.1.63.31)

विश्वं तस्य भवेद्वश्यं न च विघ्नं भवेत्क्वचित्। महाप्रेताश्शमं यांति पीड्यते व्याधिभिर्न च। सर्वपापाद्विनिर्मुक्तो ह्यक्षयं स्वर्गमश्नुते

viśvaṁ tasya bhavedvaśyaṁ na ca vighnaṁ bhavetkvacit. mahāpretāśśamaṁ yāṁti pīḍyate vyādhibhirna ca. sarvapāpādvinirmukto hyakṣayaṁ svargamaśnute

—समस्त संसार उसके वश में हो जाता है और उसे कभी कोई विघ्न नहीं होता; महाप्रेत भी शांत हो जाते हैं और वह रोगों से पीड़ित नहीं होता; समस्त पापों से मुक्त होकर वह अक्षय स्वर्ग को प्राप्त करता है।