वृत्रासुर वध

श्लोक 1 (padma.1.73.1)

व्यास उवाच । ततो वृत्रो महातेजा दैत्यानां प्रवरो युधि । दिग्गजाढ्यं गजारूढः प्राद्रवद्बलसूदनम्

vyāsa uvāca | tato vṛtro mahātejā daityānāṁ pravaro yudhi | diggajāḍhyaṁ gajārūḍhaḥ prādravadbalasūdanam

व्यास जी ने कहा — तब महातेजस्वी वृत्रासुर, दैत्यों में युद्ध का श्रेष्ठ योद्धा, दिग्गजों के समान विशाल हाथी पर सवार होकर बल के संहारक इंद्र की ओर दौड़ा।

श्लोक 2 (padma.1.73.2)

आगच्छंतं ततो वृत्रं शरैः कालानलप्रभैः । विव्याध सर्वगात्रेषु द्विरदस्थो महाहवे

āgacchaṁtaṁ tato vṛtraṁ śaraiḥ kālānalaprabhaiḥ | vivyādha sarvagātreṣu dviradastho mahāhave

आते हुए वृत्र को हाथी पर सवार इंद्र ने उस महासमर में कालाग्नि के समान तेजस्वी बाणों से सर्वांग में बींध डाला।

श्लोक 3 (padma.1.73.3)

ततो वृत्रस्तु शीर्षं च जिष्णोरेव पतत्रिणा । विव्याध सहसा तेन स चचाल महाबलः

tato vṛtrastu śīrṣaṁ ca jiṣṇoreva patatriṇā | vivyādha sahasā tena sa cacāla mahābalaḥ

तब वृत्र ने अचानक एक पंखयुक्त बाण से जिष्णु (इंद्र) के सिर पर ही प्रहार किया, जिससे वह महाबली डगमगा उठा।

श्लोक 4 (padma.1.73.4)

आत्मानं च समाश्वास्य धनुरुद्यम्य वीर्यवान् । ववर्ष शरवर्षेण तस्य दैत्यस्य विग्रहे

ātmānaṁ ca samāśvāsya dhanurudyamya vīryavān | vavarṣa śaravarṣeṇa tasya daityasya vigrahe

स्वयं को संभालकर, पराक्रमी इंद्र ने धनुष उठाकर उस दैत्य के शरीर पर बाणों की वर्षा कर दी।

श्लोक 5 (padma.1.73.5)

शरांश्छित्वा बिभेदाशु शरैराशीविषोपमैः । शतक्रतुं महावीर्यः सर्वदेवाधिपं युधि

śarāṁśchitvā bibhedāśu śarairāśīviṣopamaiḥ | śatakratuṁ mahāvīryaḥ sarvadevādhipaṁ yudhi

उन बाणों को काटकर, महापराक्रमी वृत्र ने सर्पविष के समान तीक्ष्ण बाणों से समस्त देवताओं के अधिपति शतक्रतु (इंद्र) को उस युद्ध में तत्काल बींध डाला।

श्लोक 6 (padma.1.73.6)

ततः शरसहस्रैस्तु दैत्यं विव्याध देवराट् । परस्परं शरा यांति यथा सप्ताश्व रश्मयः

tataḥ śarasahasraistu daityaṁ vivyādha devarāṭ | parasparaṁ śarā yāṁti yathā saptāśva raśmayaḥ

तब देवराज ने हजारों बाणों से उस दैत्य को बींध दिया; उनके बाण परस्पर ऐसे टकराते थे जैसे सूर्य के सात घोड़ों की किरणें।

श्लोक 7 (padma.1.73.7)

एवं शरसहस्रैस्तु बिभिदाते परस्परम् । मनोजवसमाः शीघ्रा गाढाः शिखरिणो यथा

evaṁ śarasahasraistu bibhidāte parasparam | manojavasamāḥ śīghrā gāḍhāḥ śikhariṇo yathā

इस प्रकार हजारों बाणों से वे एक-दूसरे को मन के समान वेग से, सघन पर्वत-शिखरों के समान, शीघ्रता से बींधने लगे।

श्लोक 8 (padma.1.73.8)

बडवानलसंस्पर्शाः खगा वज्रारभेदकाः । तयोर्धनुष्मतोर्युद्धे शरास्तुल्यगुणान्विताः

baḍavānalasaṁsparśāḥ khagā vajrārabhedakāḥ | tayordhanuṣmatoryuddhe śarāstulyaguṇānvitāḥ

उन दोनों धनुर्धरों के युद्ध में उनके बाण बड़वानल के स्पर्श जैसे, पक्षियों की भाँति उड़ने वाले, वज्र को भी भेदने वाले तथा समान गुणों से युक्त थे।

श्लोक 9 (padma.1.73.9)

एवं क्रमेण युद्धे च अहोरात्रमवर्तत । महेंद्रो द्विरदं तस्य शूलेनैव जघान ह

evaṁ krameṇa yuddhe ca ahorātramavartata | maheṁdro dviradaṁ tasya śūlenaiva jaghāna ha

इस प्रकार क्रमशः यह युद्ध एक दिन-रात तक चलता रहा। तब महेंद्र ने उसके हाथी को त्रिशूल से ही मार डाला।

श्लोक 10 (padma.1.73.10)

स निपत्य महीपृष्ठे लाघवात्स्वरथं ययौ । रथस्थस्तस्य देवस्य शक्त्या चैरावणं दृढम्

sa nipatya mahīpṛṣṭhe lāghavātsvarathaṁ yayau | rathasthastasya devasya śaktyā cairāvaṇaṁ dṛḍham

भूमि पर गिरकर वह शीघ्रता से अपने रथ पर गया; तब रथ पर स्थित उसने उस देव (इंद्र) के दृढ़ ऐरावत हाथी पर अपनी शक्ति से प्रहार किया।

श्लोक 11 (padma.1.73.11)

बिभेद लाघवेनाशु वज्रेणेव महागिरिं । शुशुभे कंपमानस्तु सेंद्रः स च महागजः

bibheda lāghavenāśu vajreṇeva mahāgiriṁ | śuśubhe kaṁpamānastu seṁdraḥ sa ca mahāgajaḥ

उसने शीघ्रता और कौशल से, मानो वज्र से किसी महापर्वत को, उस हाथी को बींध डाला; इंद्र सहित काँपता हुआ वह विशाल गजराज भी शोभायमान होता रहा।

श्लोक 12 (padma.1.73.12)

ततः शक्तिं समादाय आविध्य मघवाऽसुरम् । बिभेदोरसि दैत्यस्य स पपात रथोपरि

tataḥ śaktiṁ samādāya āvidhya maghavā'suram | bibhedorasi daityasya sa papāta rathopari

तब मघवा (इंद्र) ने अपनी शक्ति उठाकर घुमाई और उस असुर को छाती में बींध दिया; वह अपने रथ पर गिर पड़ा।

श्लोक 13 (padma.1.73.13)

क्षणात्संज्ञां समालंब्य स विनद्य पतत्त्रिणा । बिभेद समरे शक्रं स ततः कश्मलं गतः

kṣaṇātsaṁjñāṁ samālaṁbya sa vinadya patattriṇā | bibheda samare śakraṁ sa tataḥ kaśmalaṁ gataḥ

क्षणभर में चेतना पाकर वह गर्जते हुए, एक पंखयुक्त बाण से समर में शक्र को बींध बैठा; तब वे मूर्च्छित हो गए।

श्लोक 14 (padma.1.73.14)

इंद्रः संज्ञां पुनः प्राप्य जघान विशिखैः शितैः । शतकोटिसमैर्बाणैरर्दितो व्यथयान्वितः

iṁdraḥ saṁjñāṁ punaḥ prāpya jaghāna viśikhaiḥ śitaiḥ | śatakoṭisamairbāṇairardito vyathayānvitaḥ

इंद्र पुनः चेतना पाकर तीक्ष्ण बाणों से उस पर प्रहार करने लगे; करोड़ों बाणों से आहत होकर वह अत्यंत व्यथित हो उठा।

श्लोक 15 (padma.1.73.15)

ततो वृत्रो महाशूलं प्राक्षिपन्निर्जरेश्वरे । शांभवास्त्रेण देवेशो वैष्णवास्त्रं मुमोच ह

tato vṛtro mahāśūlaṁ prākṣipannirjareśvare | śāṁbhavāstreṇa deveśo vaiṣṇavāstraṁ mumoca ha

तब वृत्र ने अमरेश्वर (इंद्र) पर एक विशाल त्रिशूल फेंका; देवेश ने शांभव अस्त्र के प्रतिकार में वैष्णव अस्त्र चलाया।

श्लोक 16 (padma.1.73.16)

उभयोरंबरे चास्त्रे वह्निकूटसमप्रभे । अन्योन्यं जघ्नतुस्तत्र स्फुलिगानि विमुंचती

ubhayoraṁbare cāstre vahnikūṭasamaprabhe | anyonyaṁ jaghnatustatra sphuligāni vimuṁcatī

अग्नि के समूह के समान तेजस्वी वे दोनों अस्त्र आकाश में एक-दूसरे से टकराकर चिंगारियाँ बिखेरने लगे।

श्लोक 17 (padma.1.73.17)

स्पर्शने च स्फुलिंगानामुभयोः सेनयोर्भटाः । न शक्ताः संमुखे स्थातुं शलभा ज्वलने यथा

sparśane ca sphuliṁgānāmubhayoḥ senayorbhaṭāḥ | na śaktāḥ saṁmukhe sthātuṁ śalabhā jvalane yathā

उन चिंगारियों के स्पर्श से दोनों सेनाओं के योद्धा सामने खड़े नहीं रह सके, जैसे पतंगे अग्नि में जल जाते हैं।

श्लोक 18 (padma.1.73.18)

दग्धाः पेतुः पृथिव्यां च दिशस्सर्वाः प्रदुद्रुवुः । देवदानवयोर्वीराः शून्यस्तत्राभवद्रणः

dagdhāḥ petuḥ pṛthivyāṁ ca diśassarvāḥ pradudruvuḥ | devadānavayorvīrāḥ śūnyastatrābhavadraṇaḥ

जलकर वे भूमि पर गिर पड़े और सभी दिशाओं में भाग गए; देव और दानव दोनों के वीर तितर-बितर हो गए, और वहाँ का रणक्षेत्र सूना हो गया।

श्लोक 19 (padma.1.73.19)

अस्त्रं निरस्तकं दृष्ट्वा स दैत्यः क्रोधमूर्च्छितः । मायया शैलसंदोहमस्त्रं शक्रे मुमोच ह

astraṁ nirastakaṁ dṛṣṭvā sa daityaḥ krodhamūrcchitaḥ | māyayā śailasaṁdohamastraṁ śakre mumoca ha

अपने अस्त्र को निष्फल हुआ देखकर वह दैत्य क्रोध से मूर्छित-सा हो उठा, और उसने माया से शक्र पर पर्वतों के समूह का अस्त्र चलाया।

श्लोक 20 (padma.1.73.20)

बाणौघैः शैलसंघातं प्रचिच्छेद रणे हरिः । अघोरं प्रासृजद्दैत्यः पुरुहूते महाबले

bāṇaughaiḥ śailasaṁghātaṁ praciccheda raṇe hariḥ | aghoraṁ prāsṛjaddaityaḥ puruhūte mahābale

हरि (इंद्र) ने बाणों की झड़ी से उस पर्वत-समूह को युद्ध में छिन्न-भिन्न कर दिया; तब उस दैत्य ने महाबली पुरुहूत (इंद्र) पर भयंकर अघोर अस्त्र चलाया।

श्लोक 21 (padma.1.73.21)

कोटिकोटिसहस्राणि जंतूनां प्रवराणि च । सिंहशार्दूलभल्लूक वृक व्याघ्र महागजाः

koṭikoṭisahasrāṇi jaṁtūnāṁ pravarāṇi ca | siṁhaśārdūlabhallūka vṛka vyāghra mahāgajāḥ

करोड़ों-करोड़ों श्रेष्ठ भयंकर जीव — सिंह, व्याघ्र, भालू, भेड़िए, बाघ और विशाल हाथी —

श्लोक 22 (padma.1.73.22)

दंदशूकादयः सत्वाः प्रधावंति सुरेश्वरं । क्षुरप्रैरर्धचंद्रैश्च भल्लैः शिलीमुखैस्तथा

daṁdaśūkādayaḥ satvāḥ pradhāvaṁti sureśvaraṁ | kṣuraprairardhacaṁdraiśca bhallaiḥ śilīmukhaistathā

— सर्प आदि जंतु देवेश्वर पर टूट पड़े। इंद्र ने क्षुरप्र, अर्धचंद्र, भल्ल तथा शिलीमुख बाणों से —

श्लोक 23 (padma.1.73.23)

असंप्राप्तान्प्रचिच्छेद मघवा परवीरहा । ततो वृत्रो महाबाहुर्धनुरुद्यम्य वीर्यवान्

asaṁprāptānpraciccheda maghavā paravīrahā | tato vṛtro mahābāhurdhanurudyamya vīryavān

— जो भी उन तक पहुँच पाते, उन्हें आते ही काट डाला। तब महाबाहु, पराक्रमी वृत्र ने धनुष उठाकर,

श्लोक 24 (padma.1.73.24)

बिभेद शरसाहस्रैर्वज्रकल्पैः शतक्रतुं । छित्वा क्षुरप्रैश्शक्रश्च धनुस्तस्य चकर्त च

bibheda śarasāhasrairvajrakalpaiḥ śatakratuṁ | chitvā kṣurapraiśśakraśca dhanustasya cakarta ca

वज्र के समान हजारों बाणों से शतक्रतु को बींध दिया। शक्र ने भी क्षुरप्र बाणों से उन्हें काटकर उसका धनुष तोड़ डाला।

श्लोक 25 (padma.1.73.25)

सूतं चाश्वान्पृथिव्यां च पातयामास तत्क्षणात् । सकंटकांगदां भीमां संपूज्यासुरसत्तमः

sūtaṁ cāśvānpṛthivyāṁ ca pātayāmāsa tatkṣaṇāt | sakaṁṭakāṁgadāṁ bhīmāṁ saṁpūjyāsurasattamaḥ

उसी क्षण उन्होंने उसके सारथी और घोड़ों को भूमि पर गिरा दिया। तब उस श्रेष्ठ असुर ने काँटेदार भयंकर गदा को नमन कर,

श्लोक 26 (padma.1.73.26)

जघान पद्मिनः शीर्षे मोहाद्दंती क्षितिं ययौ । सगदः सर्वदेवेशो धरणीं समुपस्थितः

jaghāna padminaḥ śīrṣe mohāddaṁtī kṣitiṁ yayau | sagadaḥ sarvadeveśo dharaṇīṁ samupasthitaḥ

मोहवश इंद्र के हाथी के सिर पर प्रहार किया, जिससे वह भूमि पर गिर पड़ा। तब गदाधारी सर्वदेवेश्वर स्वयं धरती पर उतर आए।

श्लोक 27 (padma.1.73.27)

ततस्तयोर्गदायुद्धमवर्तत मुहुर्मुहुः । तयोः प्रहरतोः शब्दो गदापातोद्भवो ध्रुवं

tatastayorgadāyuddhamavartata muhurmuhuḥ | tayoḥ praharatoḥ śabdo gadāpātodbhavo dhruvaṁ

फिर उन दोनों में बार-बार गदा-युद्ध होने लगा; उनके प्रहारों से उठने वाली गदाओं के टकराने की ध्वनि अत्यंत भीषण थी।

श्लोक 28 (padma.1.73.28)

आवर्तं परिवर्तं च चक्रतुस्तौ पुनः पुनः । अध ऊर्ध्वं प्रहारं च पार्श्वयोरतिभीषणं

āvartaṁ parivartaṁ ca cakratustau punaḥ punaḥ | adha ūrdhvaṁ prahāraṁ ca pārśvayoratibhīṣaṇaṁ

वे दोनों बार-बार घूमते और चक्कर काटते हुए ऊपर, नीचे और दोनों पार्श्वों में अत्यंत भयंकर प्रहार करते रहे।

श्लोक 29 (padma.1.73.29)

बभूवैवं तयोर्युद्धं लोकालोकभयंकरं । दृष्ट्वा देवगणाः सिद्धा दानवा विस्मयं गताः

babhūvaivaṁ tayoryuddhaṁ lokālokabhayaṁkaraṁ | dṛṣṭvā devagaṇāḥ siddhā dānavā vismayaṁ gatāḥ

उन दोनों का यह युद्ध लोक और अलोक दोनों के लिए भयकारी हो गया; इसे देखकर देवगण, सिद्ध और दानव सभी विस्मित रह गए।

श्लोक 30 (padma.1.73.30)

युद्ध्यमानौ तु तौ वीरौ मृत्युसंशयमागतौ । देवदानववीराश्च द्रष्टुं नैव तदीशिरे

yuddhyamānau tu tau vīrau mṛtyusaṁśayamāgatau | devadānavavīrāśca draṣṭuṁ naiva tadīśire

युद्धरत वे दोनों वीर मृत्यु की आशंका तक पहुँच गए; देव और दानव दोनों के वीर उसे देख भी नहीं पा रहे थे।

श्लोक 31 (padma.1.73.31)

ईशब्रह्मादयः खे तु स्थिता द्रष्टुं तदद्भुतं । तयोर्हुंकारशब्देन गदापातस्वनेन च

īśabrahmādayaḥ khe tu sthitā draṣṭuṁ tadadbhutaṁ | tayorhuṁkāraśabdena gadāpātasvanena ca

शिव, ब्रह्मा आदि उस अद्भुत दृश्य को देखने के लिए आकाश में खड़े हो गए; उनकी हुंकार और गदाओं के टकराने की ध्वनि से —

श्लोक 32 (padma.1.73.32)

ऊर्ध्वोर्ध्वमगमच्छब्दो ह्यशनेश्चोपजायते । भग्ने गदे द्वयोरेव करः संपुटितस्तयोः

ūrdhvordhvamagamacchabdo hyaśaneścopajāyate | bhagne gade dvayoreva karaḥ saṁpuṭitastayoḥ

— ऊपर-ऊपर उठती हुई वह ध्वनि मानो वज्रपात से उत्पन्न हो रही थी। दोनों की गदाएँ टूट जाने पर उन्होंने अपने हाथ मिला लिए।

श्लोक 33 (padma.1.73.33)

एवं चैवार्धयामेन तयोरस्त्रे निपेततुः । एतस्मिंन्नन्तरे वीरौ खड्गचर्मधरौ तदा

evaṁ caivārdhayāmena tayorastre nipetatuḥ | etasmiṁnnantare vīrau khaḍgacarmadharau tadā

इस प्रकार आधे प्रहर तक उनके अस्त्र गिरते-टूटते रहे। इसी बीच दोनों वीरों ने खड्ग और ढाल धारण कर ली।

श्लोक 34 (padma.1.73.34)

प्रतियोद्धुं महाघोरमाहवे संप्रचेरतुः । निस्त्रिंशौ विद्युदुल्काभौ तयोर्गात्रे च चर्मणी

pratiyoddhuṁ mahāghoramāhave saṁpraceratuḥ | nistriṁśau vidyudulkābhau tayorgātre ca carmaṇī

वे पुनः उस भीषण युद्ध में लड़ने के लिए बढ़े; उनकी तलवारें बिजली की भाँति उनके शरीर और ढालों पर चमकने लगीं,

श्लोक 35 (padma.1.73.35)

दृश्येते सर्वलोकैश्च लाघवं विस्मयं गतैः । चिच्छिदाते तयोरेव चर्मणी बहुवर्णके

dṛśyete sarvalokaiśca lāghavaṁ vismayaṁ gataiḥ | cicchidāte tayoreva carmaṇī bahuvarṇake

जिन्हें समस्त लोक विस्मय से उनके कौशल को देखते रहे। तब उन दोनों की बहुरंगी ढालें कट-कटकर गिर गईं।

श्लोक 36 (padma.1.73.36)

भीष्मकं बलयुद्धं च तयोरेवं प्रवर्तते । मंडलं चक्रधन्वं च लाघवं च परिप्लुतं

bhīṣmakaṁ balayuddhaṁ ca tayorevaṁ pravartate | maṁḍalaṁ cakradhanvaṁ ca lāghavaṁ ca pariplutaṁ

इस प्रकार उन दोनों में यह भीषण बलयुद्ध चलता रहा — घूमता, चक्राकार, तथा कौशल और वेग से परिपूर्ण।

श्लोक 37 (padma.1.73.37)

वृत्रवासवयोर्युद्धं वृत्रवासवयोरिव । केशान्वृत्रस्य उत्प्लुत्य संप्रधृत्यासिना द्रुतं

vṛtravāsavayoryuddhaṁ vṛtravāsavayoriva | keśānvṛtrasya utplutya saṁpradhṛtyāsinā drutaṁ

वृत्र और वासव का यह युद्ध वृत्र-वासव के युद्ध जैसा ही अद्वितीय था — तभी उछलकर इंद्र ने खड्ग हाथ में लिए वृत्र के केश पकड़ लिए,

श्लोक 38 (padma.1.73.38)

शिरश्चिच्छेद सहसा मघवा रणमूर्धनि । जयशब्दस्ततस्त्वासीद्देवानां च समंततः

śiraściccheda sahasā maghavā raṇamūrdhani | jayaśabdastatastvāsīddevānāṁ ca samaṁtataḥ

और मघवा ने तुरंत रणभूमि के मध्य में उसका सिर काट डाला। तब चारों ओर से देवताओं की विजय-ध्वनि गूँज उठी।

श्लोक 39 (padma.1.73.39)

प्रोत्फुल्लहृदया देवा मघवंतमपूजयन् । देवदुंदुभयो नेदुर्ननृतुश्चाप्सरोगणाः

protphullahṛdayā devā maghavaṁtamapūjayan | devaduṁdubhayo nedurnanṛtuścāpsarogaṇāḥ

हर्ष से प्रफुल्लित हृदय वाले देवताओं ने मघवा की पूजा की; देव-दुंदुभियाँ बज उठीं और अप्सराओं के समूह नाचने लगे।

श्लोक 40 (padma.1.73.40)

गीतं गायंति गंधर्वा मुनयः स्तुतिपाठकाः । भीताः पलायिताः सर्वे दैत्यास्त्यक्तायुधा दिशः

gītaṁ gāyaṁti gaṁdharvā munayaḥ stutipāṭhakāḥ | bhītāḥ palāyitāḥ sarve daityāstyaktāyudhā diśaḥ

गंधर्व गीत गाने लगे और मुनिगण स्तुति-पाठ करने लगे; सभी दैत्य भयभीत होकर अपने शस्त्र त्यागकर दिशाओं में भाग गए।