मधु वध

श्लोक 1 (padma.1.72.1)

व्यास उवाच । दिव्यं रथं समास्थाय धनुर्हस्तो बलैर्युतः । गत्वा च माधवं संख्ये देवासुरगणाग्रतः

vyāsa uvāca | divyaṁ rathaṁ samāsthāya dhanurhasto balairyutaḥ | gatvā ca mādhavaṁ saṁkhye devāsuragaṇāgrataḥ

व्यास जी ने कहा — दिव्य रथ पर आरूढ़ होकर, हाथ में धनुष लिए, अपनी सेनाओं सहित मधु दैत्य देवों और असुरों की समस्त सेनाओं के समक्ष माधव (विष्णु) से युद्ध करने चला।

श्लोक 2 (padma.1.72.2)

क्रोधेन महताविष्टो मधुर्निर्जरमर्दनः । अब्रवीत्परुषं वाक्यमव्ययं हरिमीश्वरम्

krodhena mahatāviṣṭo madhurnirjaramardanaḥ | abravītparuṣaṁ vākyamavyayaṁ harimīśvaram

अत्यंत क्रोध से भरा हुआ, देवताओं का मर्दन करने वाला मधु, अविनाशी ईश्वर हरि से कठोर वचन बोला।

श्लोक 3 (padma.1.72.3)

नारायण न जानासि युद्धधर्ममितः कथम् । अन्यायाद्दुर्वधोपायं कृत्वा नष्टो न शोचसि

nārāyaṇa na jānāsi yuddhadharmamitaḥ katham | anyāyāddurvadhopāyaṁ kṛtvā naṣṭo na śocasi

हे नारायण! तुम युद्ध-धर्म को बिल्कुल नहीं जानते। अन्याय से दुष्ट वध का उपाय करके भी तुम्हें लज्जा नहीं आती।

श्लोक 4 (padma.1.72.4)

अनेन पंकयोगेन व्यवहारा कृतस्य च । सुरत्वं चोपनष्टं स्यादन्यसृष्टिं करोम्यहम्

anena paṁkayogena vyavahārā kṛtasya ca | suratvaṁ copanaṣṭaṁ syādanyasṛṣṭiṁ karomyaham

इस मलिन आचरण और तुम्हारे इस व्यवहार से देवत्व ही नष्ट हो जाएगा — मैं स्वयं एक नई सृष्टि रचूँगा।

श्लोक 5 (padma.1.72.5)

त्वामेव निहनिष्यामि सह देवगणैरिह । इत्युक्त्वा धनुरादाय जघान विशिखैर्विभुम्

tvāmeva nihaniṣyāmi saha devagaṇairiha | ityuktvā dhanurādāya jaghāna viśikhairvibhum

मैं यहीं तुम्हें देवगणों सहित मार डालूँगा — ऐसा कहकर उसने धनुष उठाकर प्रभु को बाणों से बींध दिया।

श्लोक 6 (padma.1.72.6)

माधवस्तान्बिभेदाथ शरैर्वज्रसमप्रभैः । बहुभिस्सर्वगात्रेषु जघान च मधुं ततः

mādhavastānbibhedātha śarairvajrasamaprabhaiḥ | bahubhissarvagātreṣu jaghāna ca madhuṁ tataḥ

तब माधव ने वज्र के समान तेजस्वी अनेक बाणों से उसे बींध डाला और उसके सारे अंगों पर प्रहार कर मधु को घायल कर दिया।

श्लोक 7 (padma.1.72.7)

मायया छादितः सोभूद्दैत्यस्तं सुरसत्तमाः । ये वै शूराश्च रुद्राद्यास्त्रिदशास्सत्त्वधारिणः

māyayā chāditaḥ sobhūddaityastaṁ surasattamāḥ | ye vai śūrāśca rudrādyāstridaśāssattvadhāriṇaḥ

वह दैत्य अपनी माया से आच्छादित हो गया, हे श्रेष्ठ देवगण! उस समय रुद्र आदि शूरवीर, सत्त्वधारी तैंतीस देवता —

श्लोक 8 (padma.1.72.8)

देव्यो नानाविधाश्चापि सायुधा वाहनान्विताः । सेनान्यो गणपा देवा लोकेश हरविष्णवः

devyo nānāvidhāścāpi sāyudhā vāhanānvitāḥ | senānyo gaṇapā devā lokeśa haraviṣṇavaḥ

नाना रूप धारण किए देवियाँ शस्त्रास्त्रों और वाहनों सहित, सेनापति, गणपति देवगण, लोकेश ब्रह्मा, हर तथा विष्णु —

श्लोक 9 (padma.1.72.9)

अन्ये ग्रहादयो देवाः सर्वे युध्यन्ति संगताः । विनष्टाश्च तदा देवा मधोर्वै मायया ध्रुवम्

anye grahādayo devāḥ sarve yudhyanti saṁgatāḥ | vinaṣṭāśca tadā devā madhorvai māyayā dhruvam

— और ग्रह आदि अन्य देवता, सभी मिलकर युद्ध करने लगे। उस समय मधु की माया से देवगण निश्चय ही व्याकुल हो उठे।

श्लोक 10 (padma.1.72.10)

संमुखे विमुखे चैव शरशक्त्यृष्टिवृष्टिभिः । पतंति सहसा देवा भूमौ शस्त्राभिपीडिताः

saṁmukhe vimukhe caiva śaraśaktyṛṣṭivṛṣṭibhiḥ | pataṁti sahasā devā bhūmau śastrābhipīḍitāḥ

सम्मुख हो या पीठ फेरकर, बाणों, शक्तियों और ऋष्टियों की वर्षा से आहत होकर देवगण एकाएक भूमि पर गिरने लगे।

श्लोक 11 (padma.1.72.11)

एतस्मिन्नंतरे विष्णुर्गृहीत्वा च सुदर्शनम् । असुरान्मायया देवान्जघान रणमूर्धनि

etasminnaṁtare viṣṇurgṛhītvā ca sudarśanam | asurānmāyayā devānjaghāna raṇamūrdhani

इसी बीच विष्णु ने सुदर्शन चक्र धारण कर उस माया से देवताओं को सता रहे असुरों को युद्ध के अग्रभाग में मार डाला।

श्लोक 12 (padma.1.72.12)

अथ तेषां शिरांस्येष छित्वा चैव सहस्रशः । पातयामास देवेशो दैत्यानां च सुरात्मनाम्

atha teṣāṁ śirāṁsyeṣa chitvā caiva sahasraśaḥ | pātayāmāsa deveśo daityānāṁ ca surātmanām

तब देवेश (विष्णु) ने उनके सिरों को हजारों की संख्या में काटकर उन दैत्यों को, जो देव-रूप धारण किए हुए थे, धराशायी कर दिया।

श्लोक 13 (padma.1.72.13)

एवमन्यान्विभुर्दैत्यान्द्रावयामास संगरात् । तं दृष्ट्वा मुनयो देवाः सर्वे विस्मयमाययुः

evamanyānvibhurdaityāndrāvayāmāsa saṁgarāt | taṁ dṛṣṭvā munayo devāḥ sarve vismayamāyayuḥ

इसी प्रकार प्रभु ने अन्य दैत्यों को भी युद्ध से भगा दिया। यह देखकर मुनि और समस्त देवगण अत्यंत विस्मित हो उठे।

श्लोक 14 (padma.1.72.14)

कर्णे कर्णे प्रजल्पंते देवा मुनिगणास्तथा । सदा देवैकगोप्ता च हरिरव्यय ईश्वरः

karṇe karṇe prajalpaṁte devā munigaṇāstathā | sadā devaikagoptā ca hariravyaya īśvaraḥ

देवगण और मुनिगण एक-दूसरे के कान में कहने लगे — 'अविनाशी ईश्वर हरि ही सदा देवताओं के एकमात्र रक्षक हैं।'

श्लोक 15 (padma.1.72.15)

सर्वसाक्षी त्वयं देवो दैत्यजिष्णुर्युगे युगे । कथं हंति सुरान्सर्वान्कल्पांत इह जायते

sarvasākṣī tvayaṁ devo daityajiṣṇuryuge yuge | kathaṁ haṁti surānsarvānkalpāṁta iha jāyate

'हे देव! आप सबके साक्षी हैं, युग-युग में दैत्यों पर विजयी होते हैं — फिर कल्प के अंत में आप ही समस्त देवताओं का संहार कैसे करते हैं?'

श्लोक 16 (padma.1.72.16)

एतस्मिन्नंतरे दूरे मधुर्मायां प्रयोजिता । हररूपधरो भूत्वा अब्रवीद्धरिमव्ययम्

etasminnaṁtare dūre madhurmāyāṁ prayojitā | hararūpadharo bhūtvā abravīddharimavyayam

इसी बीच दूर खड़े मधु ने अपनी माया का प्रयोग किया; हर (शिव) का रूप धारण कर उसने अविनाशी हरि से कहा।

श्लोक 17 (padma.1.72.17)

दैत्यानामग्रतः पाप रणे देवान्समंततः । हत्वा किं ते शिवं चाद्य धर्मकीर्ति यशो गुणाः

daityānāmagrataḥ pāpa raṇe devānsamaṁtataḥ | hatvā kiṁ te śivaṁ cādya dharmakīrti yaśo guṇāḥ

'हे पापी! दैत्यों के समक्ष चारों ओर देवताओं का वध करके आज तुम्हें कौन-सा कल्याण, धर्म, कीर्ति, यश अथवा गुण प्राप्त होगा?'

श्लोक 18 (padma.1.72.18)

महतोन्मत्तभावेन न जानासि परान्स्वकान् । अतस्त्वां निशितैर्बाणैर्नयामि यमसादनम्

mahatonmattabhāvena na jānāsi parānsvakān | atastvāṁ niśitairbāṇairnayāmi yamasādanam

'तुम अत्यंत उन्मत्तता में पराए और अपने में भेद नहीं कर पाते। इसलिए मैं तीक्ष्ण बाणों से तुम्हें यमलोक भेजता हूँ।'

श्लोक 19 (padma.1.72.19)

एवमुक्त्वा शरैरुग्रैर्जघान केशवं रणे । निचकर्त शरांस्तांस्तु माधवो वाक्यमब्रवीत्

evamuktvā śarairugrairjaghāna keśavaṁ raṇe | nicakarta śarāṁstāṁstu mādhavo vākyamabravīt

ऐसा कहकर उसने तीक्ष्ण बाणों से युद्ध में केशव पर प्रहार किया। किंतु माधव ने उन बाणों को काट डाला और यह वचन कहा।

श्लोक 20 (padma.1.72.20)

जानामि त्वां रणे दैत्यं हररूपधरं प्रियम् । शूरं शूरविकर्माणं मधुं मायानियोजितम्

jānāmi tvāṁ raṇe daityaṁ hararūpadharaṁ priyam | śūraṁ śūravikarmāṇaṁ madhuṁ māyāniyojitam

'हे प्रिय! मैं युद्ध में हर का रूप धारण करने वाले तुम्हें पहचानता हूँ — शूरवीर, शूरतापूर्ण कर्म करने वाले, अपनी माया से युक्त मधु दैत्य!'

श्लोक 21 (padma.1.72.21)

मिथ्यालोकं प्रदास्यामि पातयित्वा रणाजिरे । एतस्मिन्नंतरे तीक्ष्णैः शरैर्विव्याध संयुगे

mithyālokaṁ pradāsyāmi pātayitvā raṇājire | etasminnaṁtare tīkṣṇaiḥ śarairvivyādha saṁyuge

'मैं तुम्हें इस रणभूमि में गिराकर मिथ्या लोक भेज दूँगा।' इतना कहकर उन्होंने युद्ध में तीक्ष्ण बाणों से उसे बींध दिया।

श्लोक 22 (padma.1.72.22)

जटिलं वृषकेतुं च वृषभस्थं महेश्वरम् । तयोर्युद्धमतीवासीद्देवदानवयोस्तदा

jaṭilaṁ vṛṣaketuṁ ca vṛṣabhasthaṁ maheśvaram | tayoryuddhamatīvāsīddevadānavayostadā

जटाधारी, वृषभ के चिह्नवाले, वृषभ पर आरूढ़ महेश्वर (के रूप में मधु) — उन दोनों देव और दानव में उस समय अत्यंत भीषण युद्ध हुआ।

श्लोक 23 (padma.1.72.23)

परस्परं भिंदतोश्च प्राप्तान्प्राप्तान्शरान्शरैः । क्षुरप्रेण धनुस्तस्य चिच्छेद हरिरव्ययः

parasparaṁ bhiṁdatośca prāptānprāptānśarānśaraiḥ | kṣurapreṇa dhanustasya ciccheda hariravyayaḥ

एक-दूसरे पर प्रहार करते हुए, जो भी बाण आते उन्हें बाणों से काटते हुए, अविनाशी हरि ने क्षुरप्र बाण से उसका धनुष काट डाला।

श्लोक 24 (padma.1.72.24)

ततश्च पातयामास घोटकं वृषरूपिणम् । स दैत्यश्शूलहस्तोथ प्रदुद्राव जगत्पतिम्

tataśca pātayāmāsa ghoṭakaṁ vṛṣarūpiṇam | sa daityaśśūlahastotha pradudrāva jagatpatim

फिर उन्होंने वृषभ-रूपधारी उसके घोड़े को गिरा दिया। तब वह दैत्य त्रिशूल हाथ में लेकर जगत्पति की ओर दौड़ा।

श्लोक 25 (padma.1.72.25)

भ्रामयित्वा ततः शूलं जघान परमेश्वरम् । त्रिभिश्चिच्छेद बाणैश्च शूलं कालानलप्रभम्

bhrāmayitvā tataḥ śūlaṁ jaghāna parameśvaram | tribhiściccheda bāṇaiśca śūlaṁ kālānalaprabham

त्रिशूल को घुमाकर उसने परमेश्वर पर फेंका, किंतु उन्होंने कालाग्नि के समान तेजस्वी उस त्रिशूल को तीन बाणों से काट डाला।

श्लोक 26 (padma.1.72.26)

ततः क्रूरो महाबाहुर्मधुर्मायातिमायिकः । देवीरूपं समास्थाय सिंहस्थः प्रययौ हरिः

tataḥ krūro mahābāhurmadhurmāyātimāyikaḥ | devīrūpaṁ samāsthāya siṁhasthaḥ prayayau hariḥ

तब क्रूर, महाबाहु और अत्यंत मायावी मधु ने देवी का रूप धारण कर सिंह पर आरूढ़ होकर आक्रमण किया।

श्लोक 27 (padma.1.72.27)

शरैर्बहुविधैर्विष्णुं जघानैवाब्रवीद्वचः । स्वामी तु मे सुरश्रेष्ठ त्वयैव पातितो युधि

śarairbahuvidhairviṣṇuṁ jaghānaivābravīdvacaḥ | svāmī tu me suraśreṣṭha tvayaiva pātito yudhi

उसने अनेक प्रकार के बाणों से विष्णु पर प्रहार करते हुए कहा — 'हे देवश्रेष्ठ! तुमने ही युद्ध में मेरे स्वामी को मार डाला है।'

श्लोक 28 (padma.1.72.28)

अहं त्वां च हनिष्यामि सुतौ स्कंदविनायकौ । उक्तवंतं च दैतेयं जघान बहुमार्गणैः

ahaṁ tvāṁ ca haniṣyāmi sutau skaṁdavināyakau | uktavaṁtaṁ ca daiteyaṁ jaghāna bahumārgaṇaiḥ

'अब मैं तुम्हें और स्कंद-विनायक दोनों पुत्रों को भी मार डालूँगी।' ऐसा कहने वाले उस दैत्य को उन्होंने अनेक बाणों से मार गिराया।

श्लोक 29 (padma.1.72.29)

स पपात महीपृष्ठे गतासुर्लोहितोद्गिरः । पितरौ निहतौ दृष्ट्वा मायाबद्धो महाबलः

sa papāta mahīpṛṣṭhe gatāsurlohitodgiraḥ | pitarau nihatau dṛṣṭvā māyābaddho mahābalaḥ

वह रक्त वमन करता हुआ प्राणहीन होकर पृथ्वी पर गिर पड़ा। अपने (मायाकृत) माता-पिता को मारा गया देखकर मायाबद्ध महाबली स्कंद —

श्लोक 30 (padma.1.72.30)

स्कंदः शक्तिं समादाय प्रायाद्योधयितुं हरिम् । ततो धाताऽब्रवीद्वाक्यं स्कंदं मोहप्रपीडितम्

skaṁdaḥ śaktiṁ samādāya prāyādyodhayituṁ harim | tato dhātā'bravīdvākyaṁ skaṁdaṁ mohaprapīḍitam

— शक्ति उठाकर हरि से युद्ध करने चल पड़े। तब मोह से पीड़ित स्कंद से ब्रह्मा जी ने यह वचन कहा।

श्लोक 31 (padma.1.72.31)

पश्य ते पितरौ दूरे पश्यंतौ युद्धमीदृशम् । अंतरिक्षे भ्रमंतौ च संस्थितौ लोकसाक्षिणौ

paśya te pitarau dūre paśyaṁtau yuddhamīdṛśam | aṁtarikṣe bhramaṁtau ca saṁsthitau lokasākṣiṇau

'देखो, तुम्हारे माता-पिता दूर आकाश में विचरण करते हुए, संसार के साक्षीरूप में खड़े होकर यह युद्ध देख रहे हैं।'

श्लोक 32 (padma.1.72.32)

एतच्छ्रुत्वा ततो दृष्ट्वा तत्रैवांतरधीयत । ततो धुंधुश्च सुंधुश्च भ्रातरावतिदर्पितौ

etacchrutvā tato dṛṣṭvā tatraivāṁtaradhīyata | tato dhuṁdhuśca suṁdhuśca bhrātarāvatidarpitau

यह सुनकर और देखकर स्कंद वहीं अंतर्धान हो गए। तब अत्यंत घमंडी दो भाई धुंधु और सुंधु —

श्लोक 33 (padma.1.72.33)

वधं प्रति हरेर्युद्धे पेततुर्गरुडोपरि । खड्गहस्तं च धुंधुं च सगदं सुंधुमेव च

vadhaṁ prati hareryuddhe petaturgaruḍopari | khaḍgahastaṁ ca dhuṁdhuṁ ca sagadaṁ suṁdhumeva ca

— हरि का वध करने के लिए युद्ध में गरुड़ पर टूट पड़े — धुंधु हाथ में खड्ग लिए और सुंधु गदा सहित।

श्लोक 34 (padma.1.72.34)

चिच्छेद नंदकेनैकं गदया सादयत्परम् । पेततुस्तौ धरापृष्ठे प्रवीरौ क्षतविक्षतौ

ciccheda naṁdakenaikaṁ gadayā sādayatparam | petatustau dharāpṛṣṭhe pravīrau kṣatavikṣatau

उन्होंने नंदक खड्ग से एक को काट डाला और गदा से दूसरे को मार गिराया। वे दोनों वीर घायल होकर पृथ्वी पर गिर पड़े।

श्लोक 35 (padma.1.72.35)

मधुस्तदागतस्तूर्णमंतर्धानं तमोवृतः । पातयामास विष्णौ च मायया शतपर्वतान्

madhustadāgatastūrṇamaṁtardhānaṁ tamovṛtaḥ | pātayāmāsa viṣṇau ca māyayā śataparvatān

तब मधु स्वयं शीघ्रता से अंधकार में छिपा हुआ आया और अपनी माया से विष्णु पर सैकड़ों पर्वत गिरा दिए।

श्लोक 36 (padma.1.72.36)

ततस्तान्पर्वतांश्छित्वा तमसोऽन्तर्गतो युधि । क्रोधात्सुदर्शनेनैव शिरश्छित्वा निपातितः

tatastānparvatāṁśchitvā tamaso'ntargato yudhi | krodhātsudarśanenaiva śiraśchitvā nipātitaḥ

तब उन पर्वतों को काटकर, अंधकार में छिपे हुए उस दैत्य का सिर, क्रोध में भरकर, सुदर्शन चक्र से ही काटकर उन्होंने उसे गिरा दिया।

श्लोक 37 (padma.1.72.37)

ततो ब्रह्मादिभिर्देवैश्शंभुना त्रिदशैरपि । मधुसूदन इतिख्यातिर्विष्णोर्लोकेषु कारिता

tato brahmādibhirdevaiśśaṁbhunā tridaśairapi | madhusūdana itikhyātirviṣṇorlokeṣu kāritā

तब ब्रह्मा आदि देवताओं ने, शंभु ने तथा तैंतीस देवताओं ने मिलकर विष्णु का 'मधुसूदन' नाम संसार में प्रसिद्ध किया।