द्वितीय नमुचि वध

श्लोक 1 (padma.1.71.1)

व्यास उवाच। अथान्यो नमुचिः क्रुद्धः स्यंदनस्थो दिवौकसः। विशिखैरर्दयामस घोरैराशीविषोपमैः

vyāsa uvāca. athānyo namuciḥ kruddhaḥ syaṁdanastho divaukasaḥ. viśikhairardayāmasa ghorairāśīviṣopamaiḥ

व्यास जी ने कहा — तब क्रुद्ध होकर रथ पर खड़े एक अन्य नमुचि ने विषधर सर्पों के समान भयंकर बाणों से देवताओं को पीड़ित किया।

श्लोक 2 (padma.1.71.2)

ततस्तु संयुगे देवाः सिद्धकिन्नरपन्नगाः। न शक्नुवंति बाणानां वेगं सोढुं समंततः

tatastu saṁyuge devāḥ siddhakinnarapannagāḥ. na śaknuvaṁti bāṇānāṁ vegaṁ soḍhuṁ samaṁtataḥ

तब उस युद्ध में देवता, सिद्ध, किन्नर तथा नाग सभी उसके बाणों के वेग को चारों ओर से सहन करने में असमर्थ हो गए।

श्लोक 3 (padma.1.71.3)

रथमुच्चैश्श्रवोश्वेन युक्तं मातलिनेरितम्। पुरुहूतः समास्थाय प्रागमत्तं महाबलम्

rathamuccaiśśravośvena yuktaṁ mātalineritam. puruhūtaḥ samāsthāya prāgamattaṁ mahābalam

पुरुहूत (इंद्र) उच्चैःश्रवा घोड़े से युक्त तथा मातलि द्वारा संचालित रथ पर सवार होकर उस महाबली की ओर बढ़े।

श्लोक 4 (padma.1.71.4)

दृष्ट्वा शक्रं महावीर्यं नमुचिर्दैत्यपुंगवः। अब्रवीद्वासवं संख्ये वचनं सानुगं तदा

dṛṣṭvā śakraṁ mahāvīryaṁ namucirdaityapuṁgavaḥ. abravīdvāsavaṁ saṁkhye vacanaṁ sānugaṁ tadā

महापराक्रमी शक्र को देखकर दैत्यश्रेष्ठ नमुचि ने युद्ध में अपने अनुचरों सहित वासव (इंद्र) से यह वचन कहा—

श्लोक 5 (padma.1.71.5)

प्राकृतं निर्जरं हत्वा न यशोस्ति न च प्रियम्। न लाभकृतकं वापि न जयस्तु पुरष्टुत

prākṛtaṁ nirjaraṁ hatvā na yaśosti na ca priyam. na lābhakṛtakaṁ vāpi na jayastu puraṣṭuta

'—हे पुरष्टुत! किसी साधारण देवता को मारने में न तो यश है, न प्रसन्नता, न लाभ और न ही सच्ची विजय।'

श्लोक 6 (padma.1.71.6)

तस्मात्वयि हतेत्रैव सर्वं भवति शाश्वतम्। देवराज्यं प्रलप्स्यामि सुखं भोग्यं सुरालये

tasmātvayi hatetraiva sarvaṁ bhavati śāśvatam. devarājyaṁ pralapsyāmi sukhaṁ bhogyaṁ surālaye

'—इसलिए यहीं तुम्हारे मारे जाने पर ही सब कुछ स्थायी रूप से [मेरा] हो जाएगा; मैं देवराज्य तथा सुरलोक का सुखभोग्य वैभव प्राप्त करूँगा।'

श्लोक 7 (padma.1.71.7)

तमब्रवीन्महातेजाः शक्रः परपुरंजयः। शूरता वाक्यमात्रेण सर्वत्र सुलभा भवेत्

tamabravīnmahātejāḥ śakraḥ parapuraṁjayaḥ. śūratā vākyamātreṇa sarvatra sulabhā bhavet

उससे महातेजस्वी, शत्रुनगरी-विजेता शक्र ने कहा — 'केवल वचनों से शूरता तो सर्वत्र सहज ही प्राप्त हो जाती है—'

श्लोक 8 (padma.1.71.8)

महापराक्रमं यद्वा अस्ति ते दानवाधम। दर्शयस्वाहवे वीर्यं पुरं नेष्यामि भास्करेः

mahāparākramaṁ yadvā asti te dānavādhama. darśayasvāhave vīryaṁ puraṁ neṣyāmi bhāskareḥ

'—हे दानवाधम! तुझमें जो भी महापराक्रम है, युद्ध में दिखा; मैं तुझे भास्कर की नगरी भेज दूँगा।'

श्लोक 9 (padma.1.71.9)

एतच्छ्रुत्वा महातेजाश्चुकोप दैत्यपुंगवः। पंचभिर्निशितैर्बाणैर्जघान सुरसत्तमम्

etacchrutvā mahātejāścukopa daityapuṁgavaḥ. paṁcabhirniśitairbāṇairjaghāna surasattamam

यह सुनकर महातेजस्वी दैत्यश्रेष्ठ अत्यंत क्रुद्ध हो उठा और उसने पाँच तीक्ष्ण बाणों से देवश्रेष्ठ (इंद्र) पर प्रहार किया।

श्लोक 10 (padma.1.71.10)

तांस्तु चिच्छेद मघवा क्षुरप्रैः पंचभिर्द्रुतम्। जग्मतुस्तौ महावीर्यौ समरे विषयैषिणौ

tāṁstu ciccheda maghavā kṣurapraiḥ paṁcabhirdrutam. jagmatustau mahāvīryau samare viṣayaiṣiṇau

मघवा (इंद्र) ने पाँच क्षुरप्र बाणों से शीघ्र ही उन्हें काट डाला। एक-दूसरे को पराजित करने की इच्छा से वे दोनों महापराक्रमी युद्ध में जुट गए।

श्लोक 11 (padma.1.71.11)

अन्योन्यं सहसा वेगाच्छरैश्चिच्छिदतुः शरान्। बिभिदातेथ गात्राणि विशिखैर्भिदुरोपमैः

anyonyaṁ sahasā vegāccharaiścicchidatuḥ śarān. bibhidātetha gātrāṇi viśikhairbhiduropamaiḥ

वे दोनों वेगपूर्वक एक-दूसरे के बाणों को बाणों से काटने लगे; फिर वज्र के समान बाणों से एक-दूसरे के अंगों को बींधने लगे।

श्लोक 12 (padma.1.71.12)

अत्यपूर्वं कृतं कर्म ताभ्यामेव रणे भृशम्। लाघवं शरसंधान ग्रहमोक्षं सुदुर्लभम्

atyapūrvaṁ kṛtaṁ karma tābhyāmeva raṇe bhṛśam. lāghavaṁ śarasaṁdhāna grahamokṣaṁ sudurlabham

उन दोनों ने उस घोर युद्ध में अत्यंत अपूर्व कर्म किया — बाण जोड़ने, साधने और छोड़ने में ऐसी फुर्ती, जो अत्यंत दुर्लभ थी।

श्लोक 13 (padma.1.71.13)

दृष्ट्वा तु विस्मयं जग्मुर्देवासुरगणास्तदा। एतस्मिन्नंतरे दैत्यो मायास्संप्रमुमोच ह

dṛṣṭvā tu vismayaṁ jagmurdevāsuragaṇāstadā. etasminnaṁtare daityo māyāssaṁpramumoca ha

यह देखकर देवता और असुर दोनों दलों के समूह विस्मित हो गए। इसी बीच दैत्य ने माया-अस्त्रों का प्रयोग किया।

श्लोक 14 (padma.1.71.14)

विशिखाः शतशस्तत्र विनिश्चेरुस्समंततः। शक्रः कोपात्पुनः शीघ्रं धनुरुद्यम्य वीर्यवान्

viśikhāḥ śataśastatra viniścerussamaṁtataḥ. śakraḥ kopātpunaḥ śīghraṁ dhanurudyamya vīryavān

वहाँ सैकड़ों बाण चारों ओर से निकलने लगे। तब पराक्रमी शक्र ने क्रोधवश पुनः शीघ्रता से धनुष उठाकर—

श्लोक 15 (padma.1.71.15)

जघान विशिखैरुग्रैः सर्वगात्रेषु संज्वलन्। ततो मार्गणसाहस्रैरष्टभिस्त्वधिकं तथा

jaghāna viśikhairugraiḥ sarvagātreṣu saṁjvalan. tato mārgaṇasāhasrairaṣṭabhistvadhikaṁ tathā

—क्रोध से प्रज्वलित होकर, भीषण बाणों से उसके समस्त अंगों पर प्रहार किया; तत्पश्चात् एक हजार आठ से भी अधिक बाणों से—

श्लोक 16 (padma.1.71.16)

बिभिदाते ततोन्योन्यं चिच्छिदाते परस्परम्। शरैर्निरंतराकाशं ददृशुस्तत्र संयुगे

bibhidāte tatonyonyaṁ cicchidāte parasparam. śarairniraṁtarākāśaṁ dadṛśustatra saṁyuge

—वे दोनों एक-दूसरे को बींधने और एक-दूसरे के बाणों को काटने लगे। उस युद्ध में आकाश बाणों से सर्वत्र आच्छादित दिखाई देने लगा।

श्लोक 17 (padma.1.71.17)

निपतंति धरापृष्ठे खड्गपातैः सहस्रशः। एवं सुदीर्घकाले तु गते तस्मिन्महाहवे

nipataṁti dharāpṛṣṭhe khaḍgapātaiḥ sahasraśaḥ. evaṁ sudīrghakāle tu gate tasminmahāhave

तलवारों के प्रहारों से सहस्रों बाण भूतल पर गिरने लगे। इस प्रकार उस महासंग्राम में अत्यंत दीर्घकाल बीत जाने पर—

श्लोक 18 (padma.1.71.18)

मायास्त्रं दर्शयामास क्रूरकृन्नमुचिस्तदा। तामसं त्रिषुलोकेषु कृतं स्यात्तु निरंतरम्

māyāstraṁ darśayāmāsa krūrakṛnnamucistadā. tāmasaṁ triṣulokeṣu kṛtaṁ syāttu niraṁtaram

—क्रूरकर्मा नमुचि ने तब मायास्त्र का प्रयोग किया, जिससे तीनों लोकों में निरंतर अंधकार छा गया।

श्लोक 19 (padma.1.71.19)

परस्परं न पश्यंति देवासुरगणा भृशम्। सूर्यचंद्रग्रहाणां च वह्नीनां च दिवौकसाम्

parasparaṁ na paśyaṁti devāsuragaṇā bhṛśam. sūryacaṁdragrahāṇāṁ ca vahnīnāṁ ca divaukasām

देवता और असुर दोनों दल परस्पर एक-दूसरे को बिल्कुल नहीं देख पा रहे थे; सूर्य, चंद्र, ग्रहों, अग्नियों तथा देवताओं का तेज भी—

श्लोक 20 (padma.1.71.20)

तस्मिंस्तमसि दुष्पारे गभस्तिर्नैव दृश्यते। दैत्यस्य च ततस्तूर्णं शरैरग्निशिखोपमैः

tasmiṁstamasi duṣpāre gabhastirnaiva dṛśyate. daityasya ca tatastūrṇaṁ śarairagniśikhopamaiḥ

—उस दुस्तर अंधकार में एक भी किरण दिखाई नहीं दे रही थी। तब उस दैत्य के अग्निशिखा के समान बाणों से शीघ्र ही—

श्लोक 21 (padma.1.71.21)

विभग्नाः सर्वदेवाश्च शक्रश्चरणसंमुखे। शरैर्विभिन्नदेहास्तु निपेतुर्धरणीतले

vibhagnāḥ sarvadevāśca śakraścaraṇasaṁmukhe. śarairvibhinnadehāstu nipeturdharaṇītale

—समस्त देवगण छिन्न-भिन्न हो गए और शक्र भी उसके सम्मुख भागने लगे; बाणों से विदीर्ण शरीर वाले वे सब पृथ्वी पर गिर पड़े।

श्लोक 22 (padma.1.71.22)

प्रभग्नाश्चापरे शूरास्संयांति च दिशो दश। कूटं तस्य परिज्ञाय सर्वदेवार्चितो हरिः

prabhagnāścāpare śūrāssaṁyāṁti ca diśo daśa. kūṭaṁ tasya parijñāya sarvadevārcito hariḥ

अन्य शूरवीर भी छिन्न-भिन्न होकर दसों दिशाओं में भाग गए। उसकी कपट-माया को पहचानकर सर्वदेव-पूजित हरि ने—

श्लोक 23 (padma.1.71.23)

सौम्यमस्त्रं मुमोचाथ दिवि सूर्यशतप्रभम्। विलंबितं समालोक्य शक्त्या च बहुघंटया

saumyamastraṁ mumocātha divi sūryaśataprabham. vilaṁbitaṁ samālokya śaktyā ca bahughaṁṭayā

—आकाश में शत सूर्यों के समान तेजस्वी सौम्य अस्त्र छोड़ा। उसे विलंब करते देखकर अनेक घंटियों से युक्त शक्ति (भाले) से—

श्लोक 24 (padma.1.71.24)

जघानोरसि दैत्यस्य स पपात व्यथान्वितः। चिरात्संलभ्य संज्ञां च दैतेयः क्रोधमूर्च्छितः

jaghānorasi daityasya sa papāta vyathānvitaḥ. cirātsaṁlabhya saṁjñāṁ ca daiteyaḥ krodhamūrcchitaḥ

—दैत्य की छाती पर प्रहार किया; वह पीड़ा से गिर पड़ा। दीर्घकाल पश्चात् चेतना पाकर वह दैत्य क्रोध से उन्मत्त होकर—

श्लोक 25 (padma.1.71.25)

गत्वा वेगात्सुरश्रेष्ठमैरावतं दधार ह। त्रासयामास सुतरामिंद्रस्य द्विरदं रुषा

gatvā vegātsuraśreṣṭhamairāvataṁ dadhāra ha. trāsayāmāsa sutarāmiṁdrasya dviradaṁ ruṣā

—वेगपूर्वक जाकर उसने देवश्रेष्ठ ऐरावत को पकड़ लिया; क्रोधवश उसने इंद्र के गजराज को अत्यंत भयभीत कर दिया।

श्लोक 26 (padma.1.71.26)

धृत्वा स तु गजं सेंद्रं मुमोच धरणीतले। ततो भूमिगतः शक्रः कश्मलं च क्षणं गतः

dhṛtvā sa tu gajaṁ seṁdraṁ mumoca dharaṇītale. tato bhūmigataḥ śakraḥ kaśmalaṁ ca kṣaṇaṁ gataḥ

इंद्र सहित उस गजराज को पकड़कर उसने उन्हें भूतल पर पटक दिया। तब भूमि पर गिरे हुए शक्र क्षणभर के लिए मूर्च्छित हो गए।

श्लोक 27 (padma.1.71.27)

अवप्लुत्य स दैत्येंद्रो गजदंतांतरस्थितः। शक्रं ग्रहीतुकामस्य वधार्थं यूथपस्य सः

avaplutya sa daityeṁdro gajadaṁtāṁtarasthitaḥ. śakraṁ grahītukāmasya vadhārthaṁ yūthapasya saḥ

वह दैत्येंद्र (नमुचि) कूदकर हाथी के दाँतों के बीच खड़ा हो गया, शक्र को पकड़ने की इच्छा से; और उसके वध के लिए—

श्लोक 28 (padma.1.71.28)

असिनाऽसुरमुख्यस्य शिरश्छित्वा न्यपातयत्। सर्वे प्रजहृषुर्देवा गंधर्वा ललितं जगुः। मुदितास्ते च मुनयः स्तुवंति सुरसत्तमम्

asinā'suramukhyasya śiraśchitvā nyapātayat. sarve prajahṛṣurdevā gaṁdharvā lalitaṁ jaguḥ. muditāste ca munayaḥ stuvaṁti surasattamam

—[हरि ने] तलवार से उस असुरश्रेष्ठ का सिर काटकर गिरा दिया। समस्त देवता हर्षित हुए, गंधर्वों ने मधुर गान गाया और प्रसन्न मुनिगण देवश्रेष्ठ की स्तुति करने लगे।