विजय-स्तोत्र

श्लोक 1 (padma.1.75.1)

व्यास उवाच । श्रुत्वा महेश्वराद्वाक्यं देवाः शक्रपुरोगमाः । दुद्रुवुर्दैत्यसंघांस्तान्सर्वे सर्वान्समंततः

vyāsa uvāca | śrutvā maheśvarādvākyaṁ devāḥ śakrapurogamāḥ | dudruvurdaityasaṁghāṁstānsarve sarvānsamaṁtataḥ

व्यास जी ने कहा — महेश्वर के वचन सुनकर, शक्र के नेतृत्व में देवगण चारों ओर से उन समस्त दैत्य-समूहों पर टूट पड़े।

श्लोक 2 (padma.1.75.2)

आजगाम महाबाहुः कुंभो नाम महासुरः । नैर्ऋतो यक्षराजानं गदया चाहनद्भृशम्

ājagāma mahābāhuḥ kuṁbho nāma mahāsuraḥ | nairṛto yakṣarājānaṁ gadayā cāhanadbhṛśam

महाबाहु कुंभ नामक महादैत्य वहाँ आया; और नैर्ऋत ने यक्षराज (कुबेर) पर गदा से भीषण प्रहार किया।

श्लोक 3 (padma.1.75.3)

गुह्यकेशो गदापातैर्जघान भृशमुत्तमम् । ततोन्योन्यं गदायुद्धमभवद्भीषणं तयोः

guhyakeśo gadāpātairjaghāna bhṛśamuttamam | tatonyonyaṁ gadāyuddhamabhavadbhīṣaṇaṁ tayoḥ

गुह्यकेश्वर (कुबेर) ने गदा-प्रहारों से अत्यंत प्रबल उत्तर दिया; तब उन दोनों में भीषण गदा-युद्ध छिड़ गया।

श्लोक 4 (padma.1.75.4)

चक्रबंधं महाबंधं पुरोवध्यनिबंधनम् । प्राचुरं भीषणं यानं स्फोटतैलाभिवास्तिकम्

cakrabaṁdhaṁ mahābaṁdhaṁ purovadhyanibaṁdhanam | prācuraṁ bhīṣaṇaṁ yānaṁ sphoṭatailābhivāstikam

चक्र-बंध और महा-बंध, आगे से वध हेतु पकड़ें, प्रचुर और भीषण फेंक — मानो जलते तेल के स्पर्श जैसी — उन दोनों में चलती रहीं।

श्लोक 5 (padma.1.75.5)

तेन कृत्वा महायुद्धमवसाने धनेश्वरः । पातयामास तं स्फोटं तस्य कुंभस्य चोरसि

tena kṛtvā mahāyuddhamavasāne dhaneśvaraḥ | pātayāmāsa taṁ sphoṭaṁ tasya kuṁbhasya corasi

इस प्रकार महायुद्ध करते हुए अंत में धनेश्वर (कुबेर) ने वह चोट कुंभ की छाती पर उतार दी।

श्लोक 6 (padma.1.75.6)

भग्नदंष्ट्रस्ततः कुंभो निपपात महीतले । स्यंदनस्थो महावीर्यो जंभो हरिहयं तदा

bhagnadaṁṣṭrastataḥ kuṁbho nipapāta mahītale | syaṁdanastho mahāvīryo jaṁbho harihayaṁ tadā

तब कुंभ के दाँत टूट गए और वह भूमि पर गिर पड़ा। उसी समय रथ पर स्थित महापराक्रमी जंभ दैत्य ने —

श्लोक 7 (padma.1.75.7)

जघानशरसंघैश्च तथैवैरावणं भृशम् । वासवो भिदुरेणैव संबिभेदासुरोत्तमम्

jaghānaśarasaṁghaiśca tathaivairāvaṇaṁ bhṛśam | vāsavo bhidureṇaiva saṁbibhedāsurottamam

— बाणों के समूहों से ऐरावत पर भी भीषण प्रहार किया; तब वासव (इंद्र) ने अपने भेदक अस्त्र से उस श्रेष्ठ दैत्य को बींध दिया।

श्लोक 8 (padma.1.75.8)

स पपात धरापृष्ठे गतासुर्लोहितोक्षितः । तथारण्यं सुघोरं च अघोरं घोरमेव च

sa papāta dharāpṛṣṭhe gatāsurlohitokṣitaḥ | tathāraṇyaṁ sughoraṁ ca aghoraṁ ghorameva ca

वह रक्तरंजित होकर प्राणहीन भूमि पर गिर पड़ा। इसी प्रकार अरण्य, अत्यंत भीषण अघोर और घोर —

श्लोक 9 (padma.1.75.9)

चतुरो गणमुख्यांश्च शक्त्या बिभेद संयुगे । सेनान्यश्चैव प्रत्येकं पातयामास लाघवात्

caturo gaṇamukhyāṁśca śaktyā bibheda saṁyuge | senānyaścaiva pratyekaṁ pātayāmāsa lāghavāt

— इन चार गणमुख्यों को शक्ति से बींधकर, प्रत्येक सेनापति को उन्होंने अपनी फुर्ती से गिरा दिया।

श्लोक 10 (padma.1.75.10)

सौरभं शरसंघैश्च जयंतो वशमानयत् । शक्तिहस्तं च संह्रादं यमदंडं नरांतकम्

saurabhaṁ śarasaṁghaiśca jayaṁto vaśamānayat | śaktihastaṁ ca saṁhrādaṁ yamadaṁḍaṁ narāṁtakam

जयंत ने बाणों के समूहों से सौरभ को वश में कर लिया; शक्तिहस्त, संह्राद, यमदंड और नरांतक —

श्लोक 11 (padma.1.75.11)

हत्वा च पातयामास स भस्मीकृतविग्रहः । कालश्च खड्गपातेन पातयामास बाभ्रवम्

hatvā ca pātayāmāsa sa bhasmīkṛtavigrahaḥ | kālaśca khaḍgapātena pātayāmāsa bābhravam

— इन्हें मारकर, उनके शरीर भस्म कर, उन्हें गिरा दिया गया। काल ने खड्ग के प्रहार से बाभ्रव को गिरा दिया।

श्लोक 12 (padma.1.75.12)

शक्त्या मृत्युर्बिभेदाश्वं तथा निर्घृणकं रणे । अग्निना दह्यमानाश्च सप्तैते च महाबलाः

śaktyā mṛtyurbibhedāśvaṁ tathā nirghṛṇakaṁ raṇe | agninā dahyamānāśca saptaite ca mahābalāḥ

मृत्यु ने शक्ति से अश्व को और उसी प्रकार निर्घृणक को युद्ध में बींध दिया; ये सात महाबली अग्नि द्वारा भस्म कर दिए गए।

श्लोक 13 (padma.1.75.13)

भद्रबाहुर्महाबाहुः सुगंधो गंध एव च । भौरिको वल्लिको भीम एते सेनाग्रगामिनः

bhadrabāhurmahābāhuḥ sugaṁdho gaṁdha eva ca | bhauriko valliko bhīma ete senāgragāminaḥ

भद्रबाहु, महाबाहु, सुगंध और गंध, भौरिक, वल्लिक तथा भीम — ये सेना के अग्रणी सेनापति थे —

श्लोक 14 (padma.1.75.14)

रणे संदग्धदेहाश्च पेतुरुर्व्यां गतासवः । पाशबद्धा महावीर्या वरुणस्य महात्मनः

raṇe saṁdagdhadehāśca petururvyāṁ gatāsavaḥ | pāśabaddhā mahāvīryā varuṇasya mahātmanaḥ

— युद्ध में जलकर वे भूमि पर गिर पड़े, प्राणहीन। अन्य महापराक्रमी महात्मा वरुण के पाश से बाँध लिए गए।

श्लोक 15 (padma.1.75.15)

पेतुरुर्व्यां महासत्वाः शूराः शूरभयानकाः । शूरस्य रश्मिजालेन निहताः पञ्चदानवाः

petururvyāṁ mahāsatvāḥ śūrāḥ śūrabhayānakāḥ | śūrasya raśmijālena nihatāḥ pañcadānavāḥ

महाबली, शूरों को भी भयभीत करने वाले वीर भूमि पर गिर पड़े; सूर्य की किरण-जाल से पाँच दानव मारे गए।

श्लोक 16 (padma.1.75.16)

तुरुतुंबुरुदुर्मेधस्साधका साधकाभिधाः । क्रूर क्रौंच रणेशान मोदसंमोद षण्मुखाः

turutuṁburudurmedhassādhakā sādhakābhidhāḥ | krūra krauṁca raṇeśāna modasaṁmoda ṣaṇmukhāḥ

तुरु, तुंबुरु, दुर्मेधा, साधक नामधारी, क्रूर, क्रौंच, रणेशान, मोद और सम्मोद —

श्लोक 17 (padma.1.75.17)

शरैर्निपातिता दैत्याः संयुगे मातरिश्वना । नैर्ऋतो गदया भीमं पातयामास भूतले

śarairnipātitā daityāḥ saṁyuge mātariśvanā | nairṛto gadayā bhīmaṁ pātayāmāsa bhūtale

— ये दैत्य युद्ध में वायु (मातरिश्वा) के बाणों से गिरा दिए गए; और नैर्ऋत ने भीम को गदा से भूमि पर गिरा दिया।

श्लोक 18 (padma.1.75.18)

शूलपातैश्च रुद्राणां शतशो दैत्यदानवाः । निपेतुः संयुगे भीताः संमुखा रणपंडिताः

śūlapātaiśca rudrāṇāṁ śataśo daityadānavāḥ | nipetuḥ saṁyuge bhītāḥ saṁmukhā raṇapaṁḍitāḥ

रुद्रों के त्रिशूल-प्रहारों से सैकड़ों दैत्य-दानव, रणकुशल और सम्मुख होने पर भी भयभीत होकर युद्ध में गिर पड़े।

श्लोक 19 (padma.1.75.19)

वसूनां शरपातैश्च शूराणां रश्मिमालिनाम् । मेघानां करकाभिश्च वज्रपातैस्सुदारुणैः

vasūnāṁ śarapātaiśca śūrāṇāṁ raśmimālinām | meghānāṁ karakābhiśca vajrapātaissudāruṇaiḥ

वसुओं के बाण-प्रहारों से, किरणमाला धारण करने वाले शूरों से, मेघों के ओलों से तथा अत्यंत भीषण वज्रपातों से —

श्लोक 20 (padma.1.75.20)

निपातिता रणे दैत्याः शतशो बलशालिनः । कुबेरस्य गदापातैर्निपतंति सहस्रशः

nipātitā raṇe daityāḥ śataśo balaśālinaḥ | kuberasya gadāpātairnipataṁti sahasraśaḥ

— सैकड़ों बलशाली दैत्य युद्ध में गिरा दिए गए; कुबेर के गदा-प्रहारों से हजारों गिर पड़े।

श्लोक 21 (padma.1.75.21)

शक्रस्य भिदुरेणैव भेदिता दैत्यपुंगवाः । असंख्याताः पतंत्युर्व्यां स्कंदशक्त्या तथा हताः

śakrasya bhidureṇaiva bheditā daityapuṁgavāḥ | asaṁkhyātāḥ pataṁtyurvyāṁ skaṁdaśaktyā tathā hatāḥ

शक्र के भेदक अस्त्र से श्रेष्ठ दैत्य बींधे गए; असंख्य दैत्य स्कंद की शक्ति से भी मारे जाकर भूमि पर गिरे।

श्लोक 22 (padma.1.75.22)

गणेशपर्शुपातेन पतंति मुख्यमुख्यकाः । वैकुंठकरमुक्तेन चक्रेण तीव्रकर्मणा

gaṇeśaparśupātena pataṁti mukhyamukhyakāḥ | vaikuṁṭhakaramuktena cakreṇa tīvrakarmaṇā

गणेश के परशु-प्रहार से मुख्य-मुख्य दैत्य गिर पड़े; वैकुंठ (विष्णु) के हाथ से छूटे तीव्रकर्मा चक्र से —

श्लोक 23 (padma.1.75.23)

दैत्यानां प्रवराणां च शिरांसि निपतंति कौ । शमनो यमदंडेन कोटिकोटिसहस्रशः

daityānāṁ pravarāṇāṁ ca śirāṁsi nipataṁti kau | śamano yamadaṁḍena koṭikoṭisahasraśaḥ

— श्रेष्ठ दैत्यों के सिर वहीं गिर पड़े; शमन (यम) ने अपने यमदंड से करोड़ों-करोड़ों दैत्यों को मार डाला।

श्लोक 24 (padma.1.75.24)

अपातयत्तदा भूम्यां कालः खड्गेन दानवान् । मृत्युश्शक्त्या तथा दैत्यान्पाशी पाशेन चापरान्

apātayattadā bhūmyāṁ kālaḥ khaḍgena dānavān | mṛtyuśśaktyā tathā daityānpāśī pāśena cāparān

तब काल ने खड्ग से दानवों को भूमि पर गिराया; मृत्यु ने शक्ति से दैत्यों को, और पाशी (वरुण) ने पाश से अन्य दैत्यों को गिराया।

श्लोक 25 (padma.1.75.25)

पातेन तक्षकादीनां सुधांशोः शिशिरेण च । अश्वारोही खरोमन्योहनिपाशस्तथा गजान्

pātena takṣakādīnāṁ sudhāṁśoḥ śiśireṇa ca | aśvārohī kharomanyohanipāśastathā gajān

तक्षक आदि सर्पों के प्रहारों से तथा चंद्रमा की शीतल किरणों से — अश्वारोही ने अत्यंत क्रोध में उसी प्रकार हाथियों पर भी पाश फेंका।

श्लोक 26 (padma.1.75.26)

परिघेण गजं कुंभे दैत्यानां नाशयत्ततः । एवमश्वान्गजांश्चैव लाघवात्स न्यपातयत्

parigheṇa gajaṁ kuṁbhe daityānāṁ nāśayattataḥ | evamaśvāngajāṁścaiva lāghavātsa nyapātayat

उसने परिघ से एक दैत्य-हाथी को गंडस्थल पर मार डाला; इसी प्रकार अपनी फुर्ती से उसने घोड़ों और हाथियों को भी गिरा दिया।

श्लोक 27 (padma.1.75.27)

एवं सिद्धैश्च गंधर्वैरप्सरोभिर्महाबलैः । अन्याभिर्देवताभिश्च समातृगणनायकैः

evaṁ siddhaiśca gaṁdharvairapsarobhirmahābalaiḥ | anyābhirdevatābhiśca samātṛgaṇanāyakaiḥ

इस प्रकार सिद्धों, गंधर्वों, महाबली अप्सराओं, अन्य देवताओं तथा मातृगणों के अधिपतियों द्वारा —

श्लोक 28 (padma.1.75.28)

निपातिता महोघोरा ये ते प्रलयदानवाः । शरैश्च खड्गपातैश्च शूलशक्तिपरश्वधैः

nipātitā mahoghorā ye te pralayadānavāḥ | śaraiśca khaḍgapātaiśca śūlaśaktiparaśvadhaiḥ

— प्रलयकालीन दानवों के समान वे अत्यंत भीषण दानव बाणों, खड्ग-प्रहारों, त्रिशूलों, शक्तियों और परशुओं से मार गिराए गए।

श्लोक 29 (padma.1.75.29)

यष्टिपरिघकुंतैश्च पातयंत्यसुरान्सुराः । एवं संक्षीयमाणेषु दैत्यराट्समपद्यत

yaṣṭiparighakuṁtaiśca pātayaṁtyasurānsurāḥ | evaṁ saṁkṣīyamāṇeṣu daityarāṭsamapadyata

लाठियों, परिघों और भालों से देवताओं ने असुरों को गिरा दिया। इस प्रकार जब दैत्य क्षीण होने लगे, तब दैत्यराज स्वयं आगे आया।

श्लोक 30 (padma.1.75.30)

आदित्यरथसंकाशं रथरत्नविभूषितम् । शातकुंभमयं दिव्यं घंटाचामरभूषितम्

ādityarathasaṁkāśaṁ ratharatnavibhūṣitam | śātakuṁbhamayaṁ divyaṁ ghaṁṭācāmarabhūṣitam

सूर्य के रथ के समान, रत्नों से विभूषित, शुद्ध स्वर्ण से निर्मित दिव्य रथ, घंटियों और चँवरों से सुसज्जित —

श्लोक 31 (padma.1.75.31)

पताकाध्वजसंपूर्णं रम्यं शक्ररथोपमम् । समारुह्य महावीरो हिरण्याक्षोऽसुराधिपः

patākādhvajasaṁpūrṇaṁ ramyaṁ śakrarathopamam | samāruhya mahāvīro hiraṇyākṣo'surādhipaḥ

— पताकाओं और ध्वजों से पूर्ण, रमणीय, इंद्र के रथ के समान उस रथ पर आरूढ़ होकर महावीर असुराधिप हिरण्याक्ष ने —

श्लोक 32 (padma.1.75.32)

जघान शरजालैश्च दुर्निवार्यः सुरासुरैः । ससैन्यानि गजान्वीरो रथांश्च सह सैंधवान्

jaghāna śarajālaiśca durnivāryaḥ surāsuraiḥ | sasainyāni gajānvīro rathāṁśca saha saiṁdhavān

— देव-दानव दोनों के लिए अजेय, बाण-जाल से प्रहार किया; उस वीर ने सेना सहित हाथियों, रथों और सिंधुदेशीय घोड़ों को —

श्लोक 33 (padma.1.75.33)

पातयामास भूमौ च शतशोथ सहस्रशः । एवं चरन्स वृंदेषु निखिलेषु दिवौकसाम्

pātayāmāsa bhūmau ca śataśotha sahasraśaḥ | evaṁ caransa vṛṁdeṣu nikhileṣu divaukasām

— सैकड़ों-हजारों की संख्या में भूमि पर गिरा दिया। इस प्रकार वह देवताओं के समस्त समूहों में विचरण करते हुए —

श्लोक 34 (padma.1.75.34)

पातयामास दैत्येंद्रः शरौघान्मृत्युसन्निभान् । क्रमेण समरे चाथ देवसैन्यान्यमंथत

pātayāmāsa daityeṁdraḥ śaraughānmṛtyusannibhān | krameṇa samare cātha devasainyānyamaṁthata

— मृत्यु के समान बाणों की झड़ी से दैत्येंद्र उन्हें गिराता रहा; और क्रमशः युद्ध में देव-सेनाओं को मथता रहा।

श्लोक 35 (padma.1.75.35)

यथा पुष्करिणीवृंदे गजः कंजवनं शितैः । शरपातैरथो वेगात्सिंहनादैः पुनः पुनः

yathā puṣkariṇīvṛṁde gajaḥ kaṁjavanaṁ śitaiḥ | śarapātairatho vegātsiṁhanādaiḥ punaḥ punaḥ

जैसे कोई हाथी सरोवर के कमल-वन को कुचल डाले, वैसे ही तीक्ष्ण बाणों की वर्षा से, वेग से और बार-बार सिंहनाद से —

श्लोक 36 (padma.1.75.36)

धरण्यां पतिता वेगात्तदा दैत्येश्वरस्य च । दशभिश्च सुतीक्ष्णाग्रैर्जयंतं स जघान ह

dharaṇyāṁ patitā vegāttadā daityeśvarasya ca | daśabhiśca sutīkṣṇāgrairjayaṁtaṁ sa jaghāna ha

— भूमि पर गिरे हुए देवगण उस दैत्येश्वर के वेग से पीड़ित थे; तब उसने दस अत्यंत तीक्ष्ण अग्रभाग वाले बाणों से जयंत को बींध दिया।

श्लोक 37 (padma.1.75.37)

रेमंतं पंचभिर्बाणैः शक्रं पंचदशेन तु । चित्ररथं विंशतिभिःपंचविंशतिभिर्गुहम्

remaṁtaṁ paṁcabhirbāṇaiḥ śakraṁ paṁcadaśena tu | citrarathaṁ viṁśatibhiḥpaṁcaviṁśatibhirguham

रेमंत को पाँच बाणों से, शक्र को पंद्रह से, चित्ररथ को बीस से, और गुह (स्कंद) को पच्चीस बाणों से —

श्लोक 38 (padma.1.75.38)

हेरंबं त्रिशरेणैव चत्वारिंशच्छरैर्यमम् । तथैव कालं मृत्युं च पाणिना द्विगुणेन च

heraṁbaṁ triśareṇaiva catvāriṁśaccharairyamam | tathaiva kālaṁ mṛtyuṁ ca pāṇinā dviguṇena ca

— हेरम्ब को केवल तीन बाणों से, यम को चालीस बाणों से, तथा काल और मृत्यु को अपनी दुगुनी मुट्ठी के प्रहार से —

श्लोक 39 (padma.1.75.39)

गुह्यकेशं जगत्प्राणं दशभिर्दशभिः शरैः । षडिभश्च सप्तभिश्चैव रुद्रान्सर्वान्पृथक्पृथक्

guhyakeśaṁ jagatprāṇaṁ daśabhirdaśabhiḥ śaraiḥ | ṣaḍibhaśca saptabhiścaiva rudrānsarvānpṛthakpṛthak

— गुह्यकेश्वर (कुबेर) और जगत्प्राण (वायु) को दस-दस बाणों से, तथा सभी रुद्रों को अलग-अलग छह-सात बाणों से —

श्लोक 40 (padma.1.75.40)

वसून्सर्वांश्च सशरैः सिद्धगंधर्वपन्नगान् । दशाष्टदशभिः षडिभर्युद्धे देवान्भिनत्त्यसौ

vasūnsarvāṁśca saśaraiḥ siddhagaṁdharvapannagān | daśāṣṭadaśabhiḥ ṣaḍibharyuddhe devānbhinattyasau

— समस्त वसुओं को, सिद्ध-गंधर्व-नागों को बाणों से, तथा दस, आठ, दस और छह बाणों से देवताओं को युद्ध में बींध डाला।

श्लोक 41 (padma.1.75.41)

ओजौघादतिवीर्यात्तु शीघ्रलाघवर्दशनान् । आपत्प्राप्ताः सुरा भीत्या प्रतिकर्तुं न चेश्वराः

ojaughādativīryāttu śīghralāghavardaśanān | āpatprāptāḥ surā bhītyā pratikartuṁ na ceśvarāḥ

उसके ओज-प्रवाह, अद्भुत पराक्रम, वेग और कुशलता को देखकर, विपत्ति में पड़े देवगण भय से प्रतिकार करने में असमर्थ हो गए।

श्लोक 42 (padma.1.75.42)

महेशशूलसंकाशैः शरैर्मर्मविभेदिभिः । ताडिता निर्जरा युद्धे मूर्च्छिता धरणीं ययुः

maheśaśūlasaṁkāśaiḥ śarairmarmavibhedibhiḥ | tāḍitā nirjarā yuddhe mūrcchitā dharaṇīṁ yayuḥ

महेश के त्रिशूल के समान मर्मभेदी बाणों से आहत होकर अमर देवगण युद्ध में मूर्च्छित होकर भूमि पर गिर पड़े।

श्लोक 43 (padma.1.75.43)

तस्यैव संमुखे स्थातुं न शेकुः प्रवरास्सुराः । ततो देवा विनिर्धूतास्त्रिदिवेशेन संयुताः

tasyaiva saṁmukhe sthātuṁ na śekuḥ pravarāssurāḥ | tato devā vinirdhūtāstridiveśena saṁyutāḥ

उसके सम्मुख खड़े होने में श्रेष्ठ देवगण भी समर्थ न हो सके; तब त्रिदिवेश (इंद्र) सहित देवगण पराजित होकर —

श्लोक 44 (padma.1.75.44)

शरण्यं ते हरिं तत्र शरणं ताडिता ययुः । एतस्मिन्नंतरे विष्णुः प्राह जिष्णुं खगेश्वरम्

śaraṇyaṁ te hariṁ tatra śaraṇaṁ tāḍitā yayuḥ | etasminnaṁtare viṣṇuḥ prāha jiṣṇuṁ khageśvaram

— आहत हो, वहाँ शरणदाता हरि की शरण में गए। इसी बीच विष्णु ने खगेश्वर जिष्णु (गरुड़) से कहा।

श्लोक 45 (padma.1.75.45)

अधुना गच्छ दैत्यस्य संमुखं रणमूर्धनि । नाशाय सततस्तूर्णं गतस्तस्यांतिकं जवात्

adhunā gaccha daityasya saṁmukhaṁ raṇamūrdhani | nāśāya satatastūrṇaṁ gatastasyāṁtikaṁ javāt

'अब तुम शीघ्र जाकर रणभूमि में उस दैत्य के सम्मुख उपस्थित हो, उसके विनाश के लिए।' — वे तुरंत वेग से उसके निकट गए।

श्लोक 46 (padma.1.75.46)

सरथं मार्गणैर्भित्वा विष्णुमारोधयज्जवम् । रथस्य संमुखे दैत्य उवाच विष्णुमव्ययम्

sarathaṁ mārgaṇairbhitvā viṣṇumārodhayajjavam | rathasya saṁmukhe daitya uvāca viṣṇumavyayam

रथ सहित उसे बाणों से बींधकर, गरुड़ ने वेग से विष्णु को उसके मार्ग में ला खड़ा किया। रथ के सम्मुख उस दैत्य ने अविनाशी विष्णु से कहा —

श्लोक 47 (padma.1.75.47)

अन्य सृष्टिं करोम्यद्य हत्वा त्वां च सनिर्ज्जरम् । ततो विष्णुरुवाचेदं गर्जंतं दैत्यपुंगवम्

anya sṛṣṭiṁ karomyadya hatvā tvāṁ ca sanirjjaram | tato viṣṇuruvācedaṁ garjaṁtaṁ daityapuṁgavam

'आज तुम्हें और देवगणों को मारकर मैं नई सृष्टि रचूँगा।' तब विष्णु ने गर्जते हुए उस दैत्यश्रेष्ठ से यह कहा —

श्लोक 48 (padma.1.75.48)

शक्तस्त्वं स्पर्द्धने पाप यदि युद्धे स्थिरो भव । ततः शरशतैरेव जघान विष्णुमव्ययम्

śaktastvaṁ sparddhane pāpa yadi yuddhe sthiro bhava | tataḥ śaraśataireva jaghāna viṣṇumavyayam

'यदि तुम स्पर्धा में समर्थ हो, हे पापी, तो युद्ध में स्थिर रहो।' तब उसने सैकड़ों बाणों से अविनाशी विष्णु पर प्रहार किया।

श्लोक 49 (padma.1.75.49)

असंभ्रांतः स चिच्छेद यमदंडनिभान्शरान् । पुनः शरसहस्राणि प्रेरयामास तं रणे

asaṁbhrāṁtaḥ sa ciccheda yamadaṁḍanibhānśarān | punaḥ śarasahasrāṇi prerayāmāsa taṁ raṇe

निर्विकार विष्णु ने यमदंड के समान उन बाणों को काट डाला; और पुनः हजारों बाणों को युद्ध में उस पर छोड़ा।

श्लोक 50 (padma.1.75.50)

तांश्च छित्वा शरैः शौरिस्तं च विव्याध मार्गणैः । प्रगौरवादहार्याभैः संस्पर्शाद्बाडवानलैः

tāṁśca chitvā śaraiḥ śauristaṁ ca vivyādha mārgaṇaiḥ | pragauravādahāryābhaiḥ saṁsparśādbāḍavānalaiḥ

उन्हें भी काटकर, शौरि ने अत्यंत भारी, असह्य, बड़वानल के स्पर्श जैसे बाणों से उसे बींध दिया —

श्लोक 51 (padma.1.75.51)

शरैश्च भेदकैस्तीक्ष्णैः खगमैश्च मनोजवैः । लाघवात्केशवास्त्रस्य तूलशुष्कतृणोपमैः

śaraiśca bhedakaistīkṣṇaiḥ khagamaiśca manojavaiḥ | lāghavātkeśavāstrasya tūlaśuṣkatṛṇopamaiḥ

— तीक्ष्ण भेदक, पक्षियों जैसे वेगवान बाणों से, केशव के अस्त्र-कौशल की फुर्ती से जो उसके लिए रुई या सूखी घास के समान हल्के थे।

श्लोक 52 (padma.1.75.52)

हैमैः शरसहस्रैस्तु ताडितो दैत्यपुंगवः । बाधयाभ्यर्दितः क्रुद्धो धृत्वा शिखरिणं रणे

haimaiḥ śarasahasraistu tāḍito daityapuṁgavaḥ | bādhayābhyarditaḥ kruddho dhṛtvā śikhariṇaṁ raṇe

सुवर्णमय हजारों बाणों से आहत होकर वह दैत्यश्रेष्ठ, पीड़ा से क्रुद्ध होकर, युद्ध में एक पर्वत-शिखर उठा लाया —

श्लोक 53 (padma.1.75.53)

जघान माधवं वेगाद्धिरण्याक्षो महाबलः । तं च संचूर्णयामास गदया लीलया हरिः

jaghāna mādhavaṁ vegāddhiraṇyākṣo mahābalaḥ | taṁ ca saṁcūrṇayāmāsa gadayā līlayā hariḥ

— और महाबली हिरण्याक्ष ने वेग से माधव पर वह फेंका; किंतु हरि ने खेल-खेल में उसे गदा से चूर-चूर कर डाला।

श्लोक 54 (padma.1.75.54)

एवं पर्वतसाहस्रं पातितं तु क्रमेण हि । तथैव लाघवाच्चूर्णं हरिणा दानवारिणा

evaṁ parvatasāhasraṁ pātitaṁ tu krameṇa hi | tathaiva lāghavāccūrṇaṁ hariṇā dānavāriṇā

इस प्रकार क्रमशः हजार पर्वत गिराए गए, और हर एक को दानवशत्रु हरि ने उसी सहजता से चूर्ण कर दिया।

श्लोक 55 (padma.1.75.55)

पुनर्बाहुसहस्राणि कृत्वासौ दानवोत्तमः । शरैः शक्तिभिरत्युग्रैः शूलैः परशुकादिभिः

punarbāhusahasrāṇi kṛtvāsau dānavottamaḥ | śaraiḥ śaktibhiratyugraiḥ śūlaiḥ paraśukādibhiḥ

फिर उस दानवश्रेष्ठ ने सहस्र भुजाएँ धारण कर, अत्यंत उग्र बाणों, शक्तियों, त्रिशूलों, परशुओं आदि से —

श्लोक 56 (padma.1.75.56)

ववर्ष बहुभिर्विष्णुं क्रोधाविष्टेन चेतसा । तांस्तु तेनैव प्रहितांश्चिच्छेद सुरसत्तमः

vavarṣa bahubhirviṣṇuṁ krodhāviṣṭena cetasā | tāṁstu tenaiva prahitāṁściccheda surasattamaḥ

— क्रोधाविष्ट मन से विष्णु पर बहुविध वर्षा की; किंतु उस श्रेष्ठ देव ने उन सभी फेंके गए अस्त्रों को काट डाला।

श्लोक 57 (padma.1.75.57)

शरैर्दीप्तैर्महाघोरैरसुराणां भयंकरैः । विव्याध सर्वगात्रेषु शंभुशूलोपमैश्शरैः

śarairdīptairmahāghorairasurāṇāṁ bhayaṁkaraiḥ | vivyādha sarvagātreṣu śaṁbhuśūlopamaiśśaraiḥ

दीप्तिमान, अत्यंत भीषण, दैत्यों को भी भयभीत करने वाले, शंभु के त्रिशूल के समान बाणों से उन्होंने उसे सर्वांग में बींध दिया।

श्लोक 58 (padma.1.75.58)

दानवाधिपतिः संख्ये ह्यव्ययो हरिरीश्वरः । स च कश्मलतां गत्वा सर्वशक्तिमनुत्तमाम्

dānavādhipatiḥ saṁkhye hyavyayo harirīśvaraḥ | sa ca kaśmalatāṁ gatvā sarvaśaktimanuttamām

उस युद्ध में अविनाशी देवेश्वर हरि द्वारा आहत होकर दानवाधिपति अत्यंत मूर्च्छित हो गया; तब उसने अपनी सर्वश्रेष्ठ अस्त्र —

श्लोक 59 (padma.1.75.59)

कालजिह्वोपमां घोरामष्टघंटासमन्विताम् । हरेरुरसि पीने च विद्रुत्या पातयद्द्रुतम्

kālajihvopamāṁ ghorāmaṣṭaghaṁṭāsamanvitām | harerurasi pīne ca vidrutyā pātayaddrutam

— काल की जिह्वा के समान भीषण, आठ घंटियों से युक्त उस अस्त्र को वेगपूर्वक हरि के विशाल वक्षस्थल पर फेंक दिया।

श्लोक 60 (padma.1.75.60)

शुशुभे स सुरश्रेष्ठस्तडित्त्वत्सान्द्रमेघवत् । ततश्च चुक्रुशुर्दैत्या जयेति साधुवादिनः

śuśubhe sa suraśreṣṭhastaḍittvatsāndrameghavat | tataśca cukruśurdaityā jayeti sādhuvādinaḥ

वह श्रेष्ठ देव उस प्रहार में बिजली-युक्त सघन मेघ के समान शोभायमान हुए; तब दैत्यगण 'विजय हो' कहकर जय-जयकार करने लगे।

श्लोक 61 (padma.1.75.61)

ततश्चक्रं दैत्यसैन्ये दानवारिर्व्यसर्जयत् । तेषां शिरांसि संच्छिद्य माधवं पुनरागमत्

tataścakraṁ daityasainye dānavārirvyasarjayat | teṣāṁ śirāṁsi saṁcchidya mādhavaṁ punarāgamat

तब दानवशत्रु (विष्णु) ने दैत्य-सेना में अपना चक्र छोड़ दिया; उनके सिर काटकर वह पुनः माधव के पास लौट आया।

श्लोक 62 (padma.1.75.62)

स दैत्यं शक्तिपातेन पातयामास वै रणे । चिरात्संज्ञां समालंब्य वह्निबाणेन केशवम्

sa daityaṁ śaktipātena pātayāmāsa vai raṇe | cirātsaṁjñāṁ samālaṁbya vahnibāṇena keśavam

उन्होंने शक्ति के प्रहार से उस दैत्य को उसी युद्ध में गिरा दिया; बहुत देर बाद चेतना पाकर उसने केशव पर अग्निबाण से प्रहार किया।

श्लोक 63 (padma.1.75.63)

निजघान रणे क्रुद्धो हरिः कौबेरमाक्षिपत् । ततो मुमोच मायास्त्रं चासुरं चातिदारुणम्

nijaghāna raṇe kruddho hariḥ kauberamākṣipat | tato mumoca māyāstraṁ cāsuraṁ cātidāruṇam

क्रोधित हरि ने युद्ध में उसे मार गिराया और कुबेर का अस्त्र चलाया; तब उसने अत्यंत भीषण मायास्त्र चलाया।

श्लोक 64 (padma.1.75.64)

सिंहव्याघ्रलुलायांश्च तद्वद्द्विप सरीसृपान् । जघान समरे विष्णुं हिरण्याक्षः प्रतापवान्

siṁhavyāghralulāyāṁśca tadvaddvipa sarīsṛpān | jaghāna samare viṣṇuṁ hiraṇyākṣaḥ pratāpavān

सिंह, व्याघ्र, भैंसे तथा हाथी और सर्प — इन्हें रचकर प्रतापी हिरण्याक्ष ने युद्ध में विष्णु पर आक्रमण किया।

श्लोक 65 (padma.1.75.65)

ततो मायास्त्रसंभूतान्शस्त्रास्त्रौघान्रणे हरिः । प्रचिच्छेद शरैरेव शूलेनैवमताडयत्

tato māyāstrasaṁbhūtānśastrāstraughānraṇe hariḥ | praciccheda śaraireva śūlenaivamatāḍayat

तब हरि ने उस मायास्त्र से उत्पन्न शस्त्रास्त्रों के प्रवाह को अपने बाणों से ही काट डाला और त्रिशूल से उस पर प्रहार किया।

श्लोक 66 (padma.1.75.66)

स विह्वलित सर्वांगस्तत्क्षणं लोहितोक्षितः । विचकर्ष हरन्विष्णुरसृग्विप्लुतविग्रहः

sa vihvalita sarvāṁgastatkṣaṇaṁ lohitokṣitaḥ | vicakarṣa haranviṣṇurasṛgviplutavigrahaḥ

समस्त अंगों में विह्वल होकर, उसी क्षण रक्त से लथपथ, अपने शरीर से रक्त बहाते हुए उसने वह त्रिशूल विष्णु पर से खींच लिया।

श्लोक 67 (padma.1.75.67)

तच्छूलं च त्रिभिर्बाणैः प्रविव्याध सुराधिपः । वरूथं सध्वजं केतुं रथं चैवातपत्रकम्

tacchūlaṁ ca tribhirbāṇaiḥ pravivyādha surādhipaḥ | varūthaṁ sadhvajaṁ ketuṁ rathaṁ caivātapatrakam

देवेश्वर ने तीन बाणों से उस त्रिशूल को ही बींध दिया; उसके रथ की परिधि, ध्वज, पताका, रथ और छत्र को भी नष्ट कर दिया।

श्लोक 68 (padma.1.75.68)

यंतारं च प्रचिच्छेद दशभिश्च हरिः शरैः । पातिते च रथे दैत्यः संप्लुत्याथ रथं परम्

yaṁtāraṁ ca praciccheda daśabhiśca hariḥ śaraiḥ | pātite ca rathe daityaḥ saṁplutyātha rathaṁ param

हरि ने दस बाणों से उसके सारथी को भी काट डाला। रथ नष्ट हो जाने पर वह दैत्य कूदकर दूसरे रथ पर —

श्लोक 69 (padma.1.75.69)

आरुरोह स दैत्येंद्रः संमुखं चाकरोद्बली । ततो युद्धं महाघोरमभवल्लोमहर्षणम्

āruroha sa daityeṁdraḥ saṁmukhaṁ cākarodbalī | tato yuddhaṁ mahāghoramabhavallomaharṣaṇam

— चढ़ गया, वह बलशाली दैत्येंद्र फिर से सम्मुख आ खड़ा हुआ; तब रोंगटे खड़े कर देने वाला अत्यंत भीषण युद्ध हुआ।

श्लोक 70 (padma.1.75.70)

हिरण्याक्षस्य च हरेर्लोकविस्मापनं महत् । अस्त्रयुद्धं तथान्योन्यं कृतप्रतिकृतं च तत्

hiraṇyākṣasya ca harerlokavismāpanaṁ mahat | astrayuddhaṁ tathānyonyaṁ kṛtapratikṛtaṁ ca tat

हिरण्याक्ष और हरि का वह अस्त्र-युद्ध, जिसमें प्रत्येक वार का उत्तर वार से दिया जाता था, समस्त लोकों को चकित करने वाला था।

श्लोक 71 (padma.1.75.71)

ततो नियुद्धे सततं दिव्यवर्षशतं गतम् । ततो दैत्यो महासत्वो ववृधे वामनो यथा

tato niyuddhe satataṁ divyavarṣaśataṁ gatam | tato daityo mahāsatvo vavṛdhe vāmano yathā

उस निरंतर युद्ध में सौ दिव्य वर्ष बीत गए; तब वह महाबली दैत्य वामन की भाँति (विपरीत क्रम में) बढ़ने लगा।

श्लोक 72 (padma.1.75.72)

मुखेन जग्राह रुषा त्रैलोक्यं सचराचरम् । भूमंडलं समुद्धृत्य विवेश च रसातलम्

mukhena jagrāha ruṣā trailokyaṁ sacarācaram | bhūmaṁḍalaṁ samuddhṛtya viveśa ca rasātalam

उसने क्रोध में अपने मुख से चराचर सहित त्रैलोक्य को ग्रस लिया; और भूमंडल को उखाड़कर रसातल में प्रवेश किया।

श्लोक 73 (padma.1.75.73)

शेषाश्च विविशुर्दैत्यास्तमनु प्रीतिसंयुताः । ततो विष्णुर्महातेजा ज्ञात्वा दैत्यबलं महत्

śeṣāśca viviśurdaityāstamanu prītisaṁyutāḥ | tato viṣṇurmahātejā jñātvā daityabalaṁ mahat

शेष दैत्यगण भी प्रसन्नतापूर्वक उसके पीछे-पीछे प्रवेश कर गए। तब महातेजस्वी विष्णु ने दैत्य के महान बल को जानकर —

श्लोक 74 (padma.1.75.74)

दधार रूपं वाराहं दैत्यराजजिघांसया । धृत्वा क्रोडतनुं विष्णुर्विवेश तमनुद्रुतम्

dadhāra rūpaṁ vārāhaṁ daityarājajighāṁsayā | dhṛtvā kroḍatanuṁ viṣṇurviveśa tamanudrutam

— दैत्यराज के वध की इच्छा से वराह-रूप धारण किया; और वह वराह-शरीर धारण किए हुए विष्णु शीघ्रता से उसके पीछे गए।

श्लोक 75 (padma.1.75.75)

तत्र गत्वा रसामूले रसातलगतां महीम् । दृष्ट्वा स्वदंष्ट्रयोर्दध्रे लोकाधारां वसुंधराम्

tatra gatvā rasāmūle rasātalagatāṁ mahīm | dṛṣṭvā svadaṁṣṭrayordadhre lokādhārāṁ vasuṁdharām

वहाँ रसातल की जड़ में पहुँचकर, रसातल में स्थित पृथ्वी को देखकर, उन्होंने लोकाधार वसुंधरा को अपनी दाढ़ों पर धारण कर लिया।

श्लोक 76 (padma.1.75.76)

तां धृत्वा गच्छतस्तस्य विष्णोरमिततेजसः । समाजगाम दैत्येंद्रो धृष्टं वाग्भिस्तुदन्ननु

tāṁ dhṛtvā gacchatastasya viṣṇoramitatejasaḥ | samājagāma daityeṁdro dhṛṣṭaṁ vāgbhistudannanu

अपार तेजस्वी विष्णु जब पृथ्वी को धारण कर लौट रहे थे, तब दैत्येंद्र सामने आकर उन्हें धृष्टतापूर्ण वचनों से ताड़ित करने लगा।

श्लोक 77 (padma.1.75.77)

मायाक्रोडतनुर्विष्णुर्दुर्वचांसि सहन्रुषा । जलोपरि दधारेमां धरां भूधर एव च

māyākroḍatanurviṣṇurdurvacāṁsi sahanruṣā | jalopari dadhāremāṁ dharāṁ bhūdhara eva ca

मायामय वराह-रूपधारी विष्णु ने उस कठोर वाणी को क्रोध सहते हुए सहन किया, और जल के ऊपर उस पृथ्वी को पर्वत के समान स्थिर धारण किया।

श्लोक 78 (padma.1.75.78)

तस्यां न्यस्य स्वसत्वं च स चकार तदाचलाम् । ततः पश्चात्स संलग्नो दैत्यराट्समुपस्थितः

tasyāṁ nyasya svasatvaṁ ca sa cakāra tadācalām | tataḥ paścātsa saṁlagno daityarāṭsamupasthitaḥ

उसमें अपना बल स्थापित कर उन्होंने उसे अचल बना दिया। इसके पश्चात् वह दैत्यराज उनके निकट आ पहुँचा।

श्लोक 79 (padma.1.75.79)

क्रोधेन महताविष्टो जघान गदया हरिम् । मायया सूकरो विष्णुस्तां गदां समवंचयत्

krodhena mahatāviṣṭo jaghāna gadayā harim | māyayā sūkaro viṣṇustāṁ gadāṁ samavaṁcayat

अत्यंत क्रोध से भरकर उसने हरि पर गदा से प्रहार किया; किंतु मायावी सूकर-रूपी विष्णु ने उस गदा को चकमा दे दिया।

श्लोक 80 (padma.1.75.80)

योगयुक्तो यथा मृत्युं कौमोदक्याहनच्च तम् । ततः पुना रुषाविष्टो हिरण्याक्षो महाबलः

yogayukto yathā mṛtyuṁ kaumodakyāhanacca tam | tataḥ punā ruṣāviṣṭo hiraṇyākṣo mahābalaḥ

योगयुक्त होकर, मानो मृत्यु पर ही, उन्होंने कौमोदकी गदा से उस पर प्रहार किया। तब पुनः क्रोध से भरे महाबली हिरण्याक्ष ने —

श्लोक 81 (padma.1.75.81)

मुष्टिना प्राहरद्देवं दक्षिणे तु भुजे प्रभोः । एवं युद्धं महाघोरं सव्यासव्यं गतागतम्

muṣṭinā prāharaddevaṁ dakṣiṇe tu bhuje prabhoḥ | evaṁ yuddhaṁ mahāghoraṁ savyāsavyaṁ gatāgatam

— प्रभु की दाहिनी भुजा पर मुक्के से प्रहार किया। इस प्रकार वह अत्यंत भीषण युद्ध, बाएँ-दाएँ, आगे-पीछे —

श्लोक 82 (padma.1.75.82)

परिभ्रमणविक्षेपं कृतानुकरणं तथा । ततो ब्रह्मादयो देवा युद्धं पश्यंति खे स्थिताः

paribhramaṇavikṣepaṁ kṛtānukaraṇaṁ tathā | tato brahmādayo devā yuddhaṁ paśyaṁti khe sthitāḥ

— घूमते-मुड़ते और एक-दूसरे की नकल करते हुए चलता रहा। तब ब्रह्मा आदि देवगण आकाश में खड़े होकर वह युद्ध देखने लगे,

श्लोक 83 (padma.1.75.83)

स्वस्ति प्रजाभ्यो देवेभ्य ऋषिभ्यश्चेति चाब्रुवन् । ऊचुश्च देवदेवेशं विष्णुं वाराहरूपिणम्

svasti prajābhyo devebhya ṛṣibhyaśceti cābruvan | ūcuśca devadeveśaṁ viṣṇuṁ vārāharūpiṇam

और कहने लगे — 'प्रजाओं का, देवताओं का और ऋषियों का कल्याण हो।' उन्होंने वराह-रूपधारी देवाधिदेव विष्णु से कहा —

श्लोक 84 (padma.1.75.84)

मा क्रीड बालवद्देव जह्यमुं देवकंटकम् । ततो विष्णुर्महातेजा मायावाराहरूपधृत्

mā krīḍa bālavaddeva jahyamuṁ devakaṁṭakam | tato viṣṇurmahātejā māyāvārāharūpadhṛt

'हे देव! बालक की भाँति क्रीड़ा मत करो — इस देवकंटक को नष्ट कर दो।' तब महातेजस्वी, मायामय वराह-रूपधारी विष्णु ने —

श्लोक 85 (padma.1.75.85)

ब्रह्माद्यनुमतिं प्राप्य चक्रं प्राक्षिपदुल्बणम् । सहस्रसूर्यसंकाशं सहस्रारं महाप्रभम्

brahmādyanumatiṁ prāpya cakraṁ prākṣipadulbaṇam | sahasrasūryasaṁkāśaṁ sahasrāraṁ mahāprabham

— ब्रह्मा आदि की अनुमति पाकर वह भीषण चक्र चलाया, जो सहस्र सूर्यों के समान तेजस्वी, सहस्र आरों वाला और महाप्रभावशाली था —

श्लोक 86 (padma.1.75.86)

दैत्यांतकरणं रौद्रं प्रलयाग्निसमप्रभम् । तच्चक्रं विष्णुना मुक्तं हिरण्याक्षं महाबलम्

daityāṁtakaraṇaṁ raudraṁ pralayāgnisamaprabham | taccakraṁ viṣṇunā muktaṁ hiraṇyākṣaṁ mahābalam

— दैत्यों का अंत करने वाला, रौद्र, प्रलयाग्नि के समान तेजस्वी। विष्णु द्वारा छोड़ा गया वह चक्र महाबली हिरण्याक्ष को —

श्लोक 87 (padma.1.75.87)

चकार भस्मसात्सद्यो ब्रह्मादीनां च पश्यताम् । दैत्यांतकरणं रौद्रं चक्रं चागमदच्युतम्

cakāra bhasmasātsadyo brahmādīnāṁ ca paśyatām | daityāṁtakaraṇaṁ raudraṁ cakraṁ cāgamadacyutam

— ब्रह्मा आदि के देखते-देखते तत्क्षण भस्म कर डाला; और वह दैत्यों का अंत करने वाला रौद्र चक्र अच्युत के पास लौट आया।

श्लोक 88 (padma.1.75.88)

ततो ब्रह्मादयो देवाः शक्रमुख्याश्च लोकपाः । दृष्ट्वा च विजयं विष्णोः स्तुवंति स्म समागताः

tato brahmādayo devāḥ śakramukhyāśca lokapāḥ | dṛṣṭvā ca vijayaṁ viṣṇoḥ stuvaṁti sma samāgatāḥ

तब ब्रह्मा आदि देवगण, शक्र आदि लोकपालों सहित, विष्णु की विजय देखकर एकत्र होकर उनकी स्तुति करने लगे।

श्लोक 89 (padma.1.75.89)

देवा ऊचुः । नताः स्म विष्णुं जगदादिभूतं सुरासुरेंद्रं जगतां प्रपालकम् । यन्नाभिपद्मात्किल पद्मयोनिर्बभूव तं वै शरणं गताः स्मः

devā ūcuḥ | natāḥ sma viṣṇuṁ jagadādibhūtaṁ surāsureṁdraṁ jagatāṁ prapālakam | yannābhipadmātkila padmayonirbabhūva taṁ vai śaraṇaṁ gatāḥ smaḥ

देवताओं ने कहा — हम विष्णु को नमन करते हैं, जो जगत् के आदि कारण, सुर-असुरों के अधीश्वर तथा सभी लोकों के पालक हैं; जिनके नाभि-कमल से पद्मयोनि ब्रह्मा प्रकट हुए, उन्हीं की हम शरण में आए हैं।

श्लोक 90 (padma.1.75.90)

नमोनमो मत्स्यवपुर्द्धराय नमोस्तु ते कच्छपरूपधारिणे । नमः प्रकुर्मश्च नृसिंहरूपिणे तथा पुनर्वामनरूपिणे नमः

namonamo matsyavapurddharāya namostu te kacchaparūpadhāriṇe | namaḥ prakurmaśca nṛsiṁharūpiṇe tathā punarvāmanarūpiṇe namaḥ

मत्स्य-रूप धारण करने वाले को बार-बार नमस्कार, कच्छप-रूपधारी को नमस्कार; नृसिंह-रूप को हम नमस्कार करते हैं तथा पुनः वामन-रूप को नमस्कार।

श्लोक 91 (padma.1.75.91)

नमोस्तु ते क्षत्रविनाशनाय रामाय रामाय दशास्यनाशिने । प्रलंबहंत्रे शितिवाससे नमो नमोस्तु बुद्धाय च दैत्यमोहिने

namostu te kṣatravināśanāya rāmāya rāmāya daśāsyanāśine | pralaṁbahaṁtre śitivāsase namo namostu buddhāya ca daityamohine

क्षत्रियों का नाश करने वाले (परशुराम) को नमस्कार, दशमुख रावण के नाशक श्रीराम को नमस्कार; प्रलंब के हंता, नीलवस्त्रधारी को नमस्कार, दैत्यों को मोहित करने वाले बुद्ध को नमस्कार।

श्लोक 92 (padma.1.75.92)

म्लेच्छांतकायापि च कल्किनाम्ने नमः पुनः क्रोडवपुर्धराय । जगद्धितार्थं च युगेयुगे भवान्बिभर्ति रूपं त्वसुराभवाय

mlecchāṁtakāyāpi ca kalkināmne namaḥ punaḥ kroḍavapurdharāya | jagaddhitārthaṁ ca yugeyuge bhavānbibharti rūpaṁ tvasurābhavāya

म्लेच्छों का अंत करने वाले कल्कि नाम को नमस्कार, पुनः वराह-रूपधारी को नमस्कार; जगत् के कल्याण हेतु आप युग-युग में असुरों के विनाश के लिए ये रूप धारण करते हैं।

श्लोक 93 (padma.1.75.93)

निषूदितोऽयं ह्यधुना किल त्वया दैत्यो हिरण्याक्ष इति प्रगल्भः । यश्चेंद्रमुख्यान्किललोकपालान्संहेलया चैव तिरश्चकार

niṣūdito'yaṁ hyadhunā kila tvayā daityo hiraṇyākṣa iti pragalbhaḥ | yaśceṁdramukhyānkilalokapālānsaṁhelayā caiva tiraścakāra

यह अहंकारी दैत्य हिरण्याक्ष, जिसने इंद्र आदि श्रेष्ठ लोकपालों का भी तिरस्कार कर दिया था, अब आपके द्वारा ही मारा गया है।

श्लोक 94 (padma.1.75.94)

स वै त्वया देवहितार्थमेव निपातितो देववर प्रसीद । त्वमस्य विश्वस्य विसर्गकर्ता ब्राह्मेण रूपेण च देवदेव

sa vai tvayā devahitārthameva nipātito devavara prasīda | tvamasya viśvasya visargakartā brāhmeṇa rūpeṇa ca devadeva

देवताओं के हित के लिए ही आपने उसे मारा है, हे देवश्रेष्ठ! प्रसन्न होइए। आप ही इस विश्व के सृष्टिकर्ता हैं, ब्राह्मी रूप में भी, हे देवाधिदेव!

श्लोक 95 (padma.1.75.95)

पाता त्वमेवास्य युगेयुगे च रूपाणि धत्से सुमनोहराणि । त्वमेव कालाग्निहरश्च भूत्वा विश्वं क्षयं नेष्यसि चांतकाले

pātā tvamevāsya yugeyuge ca rūpāṇi dhatse sumanoharāṇi | tvameva kālāgniharaśca bhūtvā viśvaṁ kṣayaṁ neṣyasi cāṁtakāle

आप ही युग-युग में इसके पालक हैं और अत्यंत मनोहर रूप धारण करते हैं; आप ही कालाग्नि-रूप हर बनकर अंतकाल में समस्त विश्व को क्षय में ले जाएँगे।

श्लोक 96 (padma.1.75.96)

अतो भवानेव च विश्वकारणं न ते परं जीवमजीवमीश । यत्किंच भूतं च भविष्यरूपं प्रवर्त्तमानं च तथैव रूपम्

ato bhavāneva ca viśvakāraṇaṁ na te paraṁ jīvamajīvamīśa | yatkiṁca bhūtaṁ ca bhaviṣyarūpaṁ pravarttamānaṁ ca tathaiva rūpam

इसलिए आप ही विश्व के कारण हैं, हे ईश्वर! आपसे परे न कोई जीव है न अजीव। जो कुछ हुआ, जो भविष्य में होगा, तथा जो वर्तमान में हो रहा है —

श्लोक 97 (padma.1.75.97)

सर्वं त्वमेवासि चराचराख्यं न भाति विश्वं त्वदृते च किंचित् । अस्तीति नास्तीति च भेदनिष्ठं त्वय्येव भातं सदसत्स्वरूपम्

sarvaṁ tvamevāsi carācarākhyaṁ na bhāti viśvaṁ tvadṛte ca kiṁcit | astīti nāstīti ca bhedaniṣṭhaṁ tvayyeva bhātaṁ sadasatsvarūpam

— वह सब कुछ, चराचर सहित, आप ही हैं; आपके बिना यह विश्व कुछ भी प्रकट नहीं होता। 'है' और 'नहीं है' के भेद पर आधारित सत्-असत् स्वरूप भी आप ही में प्रकट होता है।

श्लोक 98 (padma.1.75.98)

ततो भवंतं कतमोपि देव न ज्ञातुमर्हत्यविपक्वबुद्धिः । ऋते भवत्पादपरायणं जनं तेनागता स्मश्शरणं शरण्यम्

tato bhavaṁtaṁ katamopi deva na jñātumarhatyavipakvabuddhiḥ | ṛte bhavatpādaparāyaṇaṁ janaṁ tenāgatā smaśśaraṇaṁ śaraṇyam

इसलिए, हे देव! अपरिपक्व बुद्धि वाला कोई भी आपको जान नहीं सकता, सिवाय उस जन के जो आपके चरणों में परायण हो। इसीलिए हम शरणदाता आपकी शरण में आए हैं।

श्लोक 99 (padma.1.75.99)

व्यास उवाच । ततो विष्णुः प्रसन्नात्मा उवाच त्रिदिवौकसः । तुष्टोस्मि देवा भद्रं वो युष्मत्स्तोत्रेण सांप्रतम्

vyāsa uvāca | tato viṣṇuḥ prasannātmā uvāca tridivaukasaḥ | tuṣṭosmi devā bhadraṁ vo yuṣmatstotreṇa sāṁpratam

व्यास जी ने कहा — तब प्रसन्नचित्त विष्णु ने त्रिदिवौकसों (देवताओं) से कहा — 'हे देवगण! तुम्हारी इस स्तुति से मैं अभी संतुष्ट हूँ, तुम्हारा कल्याण हो।'

श्लोक 100 (padma.1.75.100)

य इदं प्रपठेद्भक्त्या विजयस्तोत्रमादरात् । न तस्य दुर्लभं देवास्त्रिषुलोकेषु किंचन

ya idaṁ prapaṭhedbhaktyā vijayastotramādarāt | na tasya durlabhaṁ devāstriṣulokeṣu kiṁcana

'जो कोई भक्तिपूर्वक आदरसहित इस विजय-स्तोत्र का पाठ करेगा, हे देवगण! तीनों लोकों में उसके लिए कुछ भी दुर्लभ नहीं रहेगा।'

श्लोक 101 (padma.1.75.101)

गवां शतसहस्रस्य सम्यग्दत्तस्य यत्फलम् । तत्फलं समवाप्नोति कीर्तनाच्छ्रवणान्नरः

gavāṁ śatasahasrasya samyagdattasya yatphalam | tatphalaṁ samavāpnoti kīrtanācchravaṇānnaraḥ

'सम्यक् रूप से दान किए गए एक लाख गौओं का जो फल है, वही फल मनुष्य इस स्तोत्र के कीर्तन और श्रवण से प्राप्त करता है।'

श्लोक 102 (padma.1.75.102)

सर्वकामप्रदं नित्यं देवदेवस्य कीर्तनम् । अतः परं महाज्ञानं न भूतं न भविष्यति

sarvakāmapradaṁ nityaṁ devadevasya kīrtanam | ataḥ paraṁ mahājñānaṁ na bhūtaṁ na bhaviṣyati

'देवाधिदेव का यह कीर्तन सदा सर्वकाम-प्रद है; इससे बढ़कर महान ज्ञान न कभी हुआ है, न होगा।'