पुण्य-व्यक्ति

श्लोक 1 (padma.1.76.1)

संजय उवाच । येऽसुराश्च मृता युद्धे संमुखे विमुखेऽपि वा । गतिं तेषामहं ब्रह्मन्श्रोतुमिच्छामि तत्त्वतः

saṁjaya uvāca | ye'surāśca mṛtā yuddhe saṁmukhe vimukhe'pi vā | gatiṁ teṣāmahaṁ brahmanśrotumicchāmi tattvataḥ

संजय ने कहा — हे ब्रह्मन्! जो असुर युद्ध में सम्मुख होकर या पीठ फेरकर मारे गए, उनकी गति क्या हुई — यह मैं वास्तव में सुनना चाहता हूँ।

श्लोक 2 (padma.1.76.2)

असंख्याता इमे दैत्यास्त्रैलोक्ये सचराचरे । अद्याप्यासन्गताः कुत्र एतन्मे शंस भो गुरो

asaṁkhyātā ime daityāstrailokye sacarācare | adyāpyāsangatāḥ kutra etanme śaṁsa bho guro

चराचर सहित तीनों लोकों में ये असंख्य दैत्य आज भी कहाँ गए हुए हैं? हे गुरुवर! मुझे यह बताइए।

श्लोक 3 (padma.1.76.3)

व्यास उवाच । ये मृतास्संमुखे शूरा दैत्यानां प्रवरा रणे । स्वयं प्राप्य च देवत्वं भोग्यमश्नंति शाश्वतम्

vyāsa uvāca | ye mṛtāssaṁmukhe śūrā daityānāṁ pravarā raṇe | svayaṁ prāpya ca devatvaṁ bhogyamaśnaṁti śāśvatam

व्यास जी ने कहा — जो दैत्यों में श्रेष्ठ शूरवीर युद्ध में सम्मुख होकर मरे, वे स्वयं देवत्व प्राप्त कर शाश्वत भोग भोगते हैं।

श्लोक 4 (padma.1.76.4)

प्रासादा यत्र सौवर्णा नानारत्नाविभूषिताः । सर्वकामप्रदा वृक्षाः स्वर्णदीतोय संयुताः

prāsādā yatra sauvarṇā nānāratnāvibhūṣitāḥ | sarvakāmapradā vṛkṣāḥ svarṇadītoya saṁyutāḥ

वहाँ अनेक रत्नों से विभूषित स्वर्णिम प्रासाद हैं, सर्वकामप्रद वृक्ष हैं, तथा स्वर्ण के समान जल हैं।

श्लोक 5 (padma.1.76.5)

पद्मोत्पलसुकल्हारैर्गंधाढ्यैरन्यपुष्पकैः । दधिदुग्धाज्यखंडैश्च युता पुष्करिणी शुभा

padmotpalasukalhārairgaṁdhāḍhyairanyapuṣpakaiḥ | dadhidugdhājyakhaṁḍaiśca yutā puṣkariṇī śubhā

कमल, कुमुद, कल्हार तथा अन्य सुगंधित पुष्पों से युक्त, दधि-दुग्ध-घृत-खांड से परिपूर्ण मनोहर पुष्करिणी वहाँ है।

श्लोक 6 (padma.1.76.6)

अतीवरूपसंपन्नाः सदैव नवयौवनाः । तत्र राज्यं प्रकुर्वंति तथैव वसुधातले

atīvarūpasaṁpannāḥ sadaiva navayauvanāḥ | tatra rājyaṁ prakurvaṁti tathaiva vasudhātale

अत्यंत रूपसंपन्न, सदा नवयौवन से युक्त होकर वे वहाँ वैसे ही राज्य करते हैं जैसे पहले पृथ्वी पर करते थे।

श्लोक 7 (padma.1.76.7)

एवं जन्माष्टकं प्राप्य धनिनोऽध्यक्षमंत्रिणः । अर्धसंमुखगात्रेण दिवमश्नंति शाश्वतम्

evaṁ janmāṣṭakaṁ prāpya dhanino'dhyakṣamaṁtriṇaḥ | ardhasaṁmukhagātreṇa divamaśnaṁti śāśvatam

इस प्रकार आठ जन्म पाकर धनवान, अध्यक्ष और मंत्री, आधे शरीर से सम्मुख घायल होकर भी शाश्वत स्वर्ग भोगते हैं।

श्लोक 8 (padma.1.76.8)

विमुखाः कातरा भीता ये च मायाविनो रणे । ते यांति निरयं घोरं ये च देवद्विजद्विषः

vimukhāḥ kātarā bhītā ye ca māyāvino raṇe | te yāṁti nirayaṁ ghoraṁ ye ca devadvijadviṣaḥ

किंतु जो पीठ फेरते हैं, कायर, भयभीत तथा युद्ध में छल करने वाले हैं, वे घोर नरक जाते हैं — साथ ही देव-द्विजद्वेषी भी।

श्लोक 9 (padma.1.76.9)

पतितं मूर्च्छितं भग्नमन्ययोद्धारमाहवे । हंतारो निरयं यांति ते च म्लेच्छाः कुवाचकाः

patitaṁ mūrcchitaṁ bhagnamanyayoddhāramāhave | haṁtāro nirayaṁ yāṁti te ca mlecchāḥ kuvācakāḥ

जो गिरे हुए, मूर्च्छित या टूट चुके, किसी अन्य के आश्रित योद्धा को युद्ध में मार डालते हैं, वे नरक जाते हैं — साथ ही दुर्वचन बोलने वाले म्लेच्छ भी।

श्लोक 10 (padma.1.76.10)

परन्यासापहर्तारो विमुखास्संति तत्त्वतः । रात्रौ वा विपिने नष्टे चोरास्साहसकारिणः

paranyāsāpahartāro vimukhāssaṁti tattvataḥ | rātrau vā vipine naṣṭe corāssāhasakāriṇaḥ

जो दूसरे की धरोहर चुराते हैं, वे वस्तुतः कायर ही हैं; इसी प्रकार रात्रि में या सुनसान वन में साहस से लूटने वाले चोर भी।

श्लोक 11 (padma.1.76.11)

सर्वभक्षरता मूढा म्लेच्छा गोब्रह्मघातकाः । कुवाचकाः परे म्लेच्छा एते ये कूटयोनयः

sarvabhakṣaratā mūḍhā mlecchā gobrahmaghātakāḥ | kuvācakāḥ pare mlecchā ete ye kūṭayonayaḥ

सब कुछ खाने वाले मूढ़ म्लेच्छ, गौ-ब्राह्मण के हत्यारे, दुर्वचनी — ये सब कपट-योनि से उत्पन्न बहिष्कृत हैं।

श्लोक 12 (padma.1.76.12)

तेषां पैशाचिकी भाषा लोकाचारो न विद्यते । नास्ति शौचं तपो ज्ञानं न देवपितृतर्पणम्

teṣāṁ paiśācikī bhāṣā lokācāro na vidyate | nāsti śaucaṁ tapo jñānaṁ na devapitṛtarpaṇam

उनकी भाषा पिशाचों जैसी है, उन्हें लोकाचार का ज्ञान नहीं; न उनमें शौच है, न तप, न ज्ञान, न देव-पितृ-तर्पण।

श्लोक 13 (padma.1.76.13)

दानश्राद्धादिकं यज्ञे सुराणां च प्रपूजनम् । पितॄणां च न शुश्रूषा द्विजदेवतपस्विनाम्

dānaśrāddhādikaṁ yajñe surāṇāṁ ca prapūjanam | pitṝṇāṁ ca na śuśrūṣā dvijadevatapasvinām

उन्हें दान, श्राद्ध, यज्ञ, देवपूजन का ज्ञान नहीं; न वे पितरों, द्विजों, देवताओं और तपस्वियों की सेवा करते हैं।

श्लोक 14 (padma.1.76.14)

ज्ञानलोपादतस्तेषां मलशौचं न विद्यते । मातरं भगिनीं चान्यां गृहिणीं कामयंति च

jñānalopādatasteṣāṁ malaśaucaṁ na vidyate | mātaraṁ bhaginīṁ cānyāṁ gṛhiṇīṁ kāmayaṁti ca

ज्ञान के लोप से उन्हें मल-शौच का भी बोध नहीं; वे अपनी माता, बहन अथवा दूसरे की पत्नी तक की कामना करते हैं।

श्लोक 15 (padma.1.76.15)

सर्वो विपर्ययो लोकात्सदाचारो मलीमसः । तार्क्ष्यस्योद्ववनानां च अन्येषां गोत्रवासिनाम्

sarvo viparyayo lokātsadācāro malīmasaḥ | tārkṣyasyodvavanānāṁ ca anyeṣāṁ gotravāsinām

उनका सारा आचरण लोक से विपरीत, मलिन है — ये उद्ववन-वासी तथा अन्य गोत्र-वासी जनों की बात है।

श्लोक 16 (padma.1.76.16)

कुलजातास्सदा दैत्या येषां पुण्यमकारणम् । दुर्गतिं च मृता यांति द्विजस्त्रीशिशुघातिनः

kulajātāssadā daityā yeṣāṁ puṇyamakāraṇam | durgatiṁ ca mṛtā yāṁti dvijastrīśiśughātinaḥ

कुलीन वंश में उत्पन्न होकर भी जिन दैत्यों का पुण्य निराधार है, वे द्विज, स्त्री और शिशु के हत्यारे मरकर दुर्गति को प्राप्त होते हैं।

श्लोक 17 (padma.1.76.17)

गवाशिनो दुरात्मानो ह्यभक्ष्यभक्षणे रताः । कीटयोनिं व्रजंत्येते तरवश्च पिपीलिकाः

gavāśino durātmāno hyabhakṣyabhakṣaṇe ratāḥ | kīṭayoniṁ vrajaṁtyete taravaśca pipīlikāḥ

गौ खाने वाले दुरात्मा, अभक्ष्य भक्षण में रत जन कीट-योनि को, वृक्ष तथा चींटी की योनि को प्राप्त होते हैं।

श्लोक 18 (padma.1.76.18)

न मंत्रेषु न देवेषु कल्पंते ते सुरद्विषः । अग्रजः सहजस्तेषां सदृङ्नो ग्राम्यवृत्तयः

na maṁtreṣu na deveṣu kalpaṁte te suradviṣaḥ | agrajaḥ sahajasteṣāṁ sadṛṅno grāmyavṛttayaḥ

देवद्वेषियों का न मंत्रों में, न देवताओं में कोई स्थान है; उनके अग्रज-अनुज भी उन्हीं जैसे, ग्राम्य वृत्ति वाले होते हैं।

श्लोक 19 (padma.1.76.19)

लोमकेशप्रणेतारः क्रव्यभक्षरता भुवि । साहसं च व्रतं दानं स्नानं यज्ञादिकं च यत्

lomakeśapraṇetāraḥ kravyabhakṣaratā bhuvi | sāhasaṁ ca vrataṁ dānaṁ snānaṁ yajñādikaṁ ca yat

बाल-केश आदि का व्यापार करने वाले, कच्चे मांस के प्रेमी — इन्हें साहस, व्रत, दान, स्नान, यज्ञ आदि से कोई सरोकार नहीं।

श्लोक 20 (padma.1.76.20)

मत्स्यमांसादिषु प्रीता मृषावचनभाषिणः । सदाकामास्सदा लोभास्सदा क्रोधमदान्विताः

matsyamāṁsādiṣu prītā mṛṣāvacanabhāṣiṇaḥ | sadākāmāssadā lobhāssadā krodhamadānvitāḥ

मछली-मांस में प्रीति रखने वाले, मिथ्या वचन बोलने वाले — सदा कामी, सदा लोभी, सदा क्रोध-मद से युक्त।

श्लोक 21 (padma.1.76.21)

वधबंधरतोद्वेगा द्यूतसंगीतसंप्रियाः । कुभृत्याः कुजनप्रीताः पूतिगंधरता नराः

vadhabaṁdharatodvegā dyūtasaṁgītasaṁpriyāḥ | kubhṛtyāḥ kujanaprītāḥ pūtigaṁdharatā narāḥ

हिंसा-बंधन में रत, अशांत, द्यूत-संगीत के प्रिय, कुसेवक, दुर्जनप्रिय, दुर्गंधप्रिय मनुष्य।

श्लोक 22 (padma.1.76.22)

न देवेषु न विज्ञेषु न धर्मश्रवणेषु च । स्तोत्रमंत्रादिके पुण्ये यथाकार्येष्वनिश्चयाः

na deveṣu na vijñeṣu na dharmaśravaṇeṣu ca | stotramaṁtrādike puṇye yathākāryeṣvaniścayāḥ

उन्हें न देवताओं में, न विद्वानों में, न धर्म-श्रवण में — स्तोत्र-मंत्र आदि पुण्य-कर्मों में भी कोई निश्चय नहीं।

श्लोक 23 (padma.1.76.23)

बहुरोगाधिरोषाश्च बहुरूपपरिच्छदाः । नरजातिषु दैत्यानां चिह्नान्येतानि भूतले

bahurogādhiroṣāśca bahurūpaparicchadāḥ | narajātiṣu daityānāṁ cihnānyetāni bhūtale

अनेक रोग और अधिक क्रोध से युक्त, बहुरूपी वेष धारण करने वाले — पृथ्वी पर मनुष्य-जाति में ये दैत्य-भाव के चिह्न हैं।

श्लोक 24 (padma.1.76.24)

न जानंति परं लोकं न गुरुं स्वं न चापरं । गर्भपूरणमिच्छंति नातिथिं न गुरून्द्विजान्

na jānaṁti paraṁ lokaṁ na guruṁ svaṁ na cāparaṁ | garbhapūraṇamicchaṁti nātithiṁ na gurūndvijān

उन्हें न परलोक का ज्ञान, न अपने या पराए गुरु का; वे केवल पेट भरना चाहते हैं, अतिथि-गुरु-द्विज की चिंता नहीं करते।

श्लोक 25 (padma.1.76.25)

न देवं न सुतं गोत्रं न मित्रं न च बान्धवं । स्वप्ने दानं न जानंति भक्षणान्न परिच्छदं

na devaṁ na sutaṁ gotraṁ na mitraṁ na ca bāndhavaṁ | svapne dānaṁ na jānaṁti bhakṣaṇānna paricchadaṁ

न देव, न पुत्र, न गोत्र, न मित्र, न बांधव — स्वप्न में भी उन्हें दान का ज्ञान नहीं, केवल भक्षण और संग्रह का।

श्लोक 26 (padma.1.76.26)

गोपायंति धनं यस्मात्ते यक्षा नररूपिणः । प्राणांतेपि धनं किचिन्न दिशंति च राजनि

gopāyaṁti dhanaṁ yasmātte yakṣā nararūpiṇaḥ | prāṇāṁtepi dhanaṁ kicinna diśaṁti ca rājani

वे केवल धन छिपाते हैं, इसलिए वे नररूपधारी यक्ष हैं; प्राणांत होने पर भी वे राजा को भी कुछ धन नहीं देते।

श्लोक 27 (padma.1.76.27)

ते यक्षा दुर्गतिस्थाश्च परार्थे भारवाहकाः । प्रेतानां लक्षणं यद्वा सर्वलोकविगर्हितं

te yakṣā durgatisthāśca parārthe bhāravāhakāḥ | pretānāṁ lakṣaṇaṁ yadvā sarvalokavigarhitaṁ

वे यक्ष दुर्गति में रहते हैं, दूसरों के लिए भार ढोने वाले होते हैं — यही प्रेतों का लक्षण है, जो सर्वलोकनिंदित है।

श्लोक 28 (padma.1.76.28)

स्त्रीणां च पुरुषाणां च शृणुष्वैकमना मम । मलपंकधरा नित्यं सत्यशौचविवर्जिताः

strīṇāṁ ca puruṣāṇāṁ ca śṛṇuṣvaikamanā mama | malapaṁkadharā nityaṁ satyaśaucavivarjitāḥ

स्त्री और पुरुष दोनों का यह लक्षण एकाग्रचित्त होकर सुनो — सदा मलिन, सत्य-शौच से रहित।

श्लोक 29 (padma.1.76.29)

दंतकुंतलवस्त्राणां वपुषो मलसंचयाः । गृहपीठादिपात्राणां सकृच्छौचं न रोचते

daṁtakuṁtalavastrāṇāṁ vapuṣo malasaṁcayāḥ | gṛhapīṭhādipātrāṇāṁ sakṛcchaucaṁ na rocate

उनके दाँत, केश, वस्त्र और शरीर पर मैल जमा रहता है; घर, आसन, पात्र आदि की एक बार भी सफाई उन्हें नहीं भाती।

श्लोक 30 (padma.1.76.30)

न पश्यंति सुखं स्त्रीणां विशंति कानने द्रुतं । विघसोच्छिष्टपूतीनां भक्षणेभिरता भुवि

na paśyaṁti sukhaṁ strīṇāṁ viśaṁti kānane drutaṁ | vighasocchiṣṭapūtīnāṁ bhakṣaṇebhiratā bhuvi

वे स्त्रियों के सुख को नहीं देखते, वन में शीघ्रता से प्रवेश करते हैं; जूठन और सड़े-गले भोजन के भक्षण में रत रहते हैं।

श्लोक 31 (padma.1.76.31)

अन्नपानं च शयनमन्धकारेषु रोचते । कदाचित्स्वस्थता नास्ति क्वचिद्वा शुचितातनौ

annapānaṁ ca śayanamandhakāreṣu rocate | kadācitsvasthatā nāsti kvacidvā śucitātanau

अंधकार में ही उन्हें अन्न-पान और शयन भाता है; न उनमें कभी स्वस्थता है, न कहीं शरीर की पवित्रता।

श्लोक 32 (padma.1.76.32)

लक्षणं नरलोकेषु प्रेतानामीदृशं किल । हिताहितं न जानंति मित्रामित्रं गुणागुणम्

lakṣaṇaṁ naralokeṣu pretānāmīdṛśaṁ kila | hitāhitaṁ na jānaṁti mitrāmitraṁ guṇāguṇam

मनुष्यलोक में प्रेत-स्वभाव वालों का ऐसा ही लक्षण है — वे हित-अहित, मित्र-अमित्र, गुण-अवगुण कुछ नहीं जानते।

श्लोक 33 (padma.1.76.33)

पापपुण्यादिकं स्थानं स्नानं देवद्विजार्चनं । अरिमित्रमुदासीनं न विंदंति स्वभावतः

pāpapuṇyādikaṁ sthānaṁ snānaṁ devadvijārcanaṁ | arimitramudāsīnaṁ na viṁdaṁti svabhāvataḥ

पाप-पुण्य, तीर्थ, स्नान, देव-द्विज-अर्चन — इन्हें वे स्वभाव से ही नहीं जानते, न शत्रु-मित्र-उदासीन को पहचानते हैं।

श्लोक 34 (padma.1.76.34)

मर्त्यस्थाः पशवस्ते च ज्ञायंते बुद्धिसंमतैः । बुद्ध्या नानात्वभावाश्च भ्रमंति च मृषा भुवि

martyasthāḥ paśavaste ca jñāyaṁte buddhisaṁmataiḥ | buddhyā nānātvabhāvāśca bhramaṁti ca mṛṣā bhuvi

मनुष्यों में रहते हुए भी ऐसे लोग बुद्धिमानों द्वारा पशु ही समझे जाते हैं; अपनी विचित्र मनोवृत्तियों से वे इस पृथ्वी पर व्यर्थ भटकते रहते हैं।

श्लोक 35 (padma.1.76.35)

यक्षरूपा नरास्ते च सर्वकर्मबहिष्कृताः । एषां भेदं प्रवक्ष्यामि लक्षणं धरणीतले

yakṣarūpā narāste ca sarvakarmabahiṣkṛtāḥ | eṣāṁ bhedaṁ pravakṣyāmi lakṣaṇaṁ dharaṇītale

ये यक्षरूपी मनुष्य समस्त सत्कर्मों से बहिष्कृत हैं। अब मैं इनके भेद और पृथ्वी पर के लक्षणों का वर्णन करूँगा।

श्लोक 36 (padma.1.76.36)

विजाता मर्त्यलोकेषु पापस्यैवानुरूपतः । मलीमस भुविप्रस्थं नागरं छद्मरूपिणं

vijātā martyalokeṣu pāpasyaivānurūpataḥ | malīmasa bhuviprasthaṁ nāgaraṁ chadmarūpiṇaṁ

मनुष्यलोक में अपने पाप के अनुरूप ही अधम रूप में जन्म लेने वाला, मलिन, निम्न स्थिति वाला, नगरवासी होकर भी छद्मरूपी —

श्लोक 37 (padma.1.76.37)

विघसादिप्रभोक्तारं काकमाहुर्मनीषिणः । अभक्ष्ये निरतः पापः कुकुरः पूतिसंप्रियः

vighasādiprabhoktāraṁ kākamāhurmanīṣiṇaḥ | abhakṣye nirataḥ pāpaḥ kukuraḥ pūtisaṁpriyaḥ

— जूठन खाने वाले को विद्वान 'काक' कहते हैं; अभक्ष्य में रत पापी, दुर्गंधप्रिय व्यक्ति को 'कुत्ता' कहा जाता है।

श्लोक 38 (padma.1.76.38)

प्रवृत्तस्सर्वगृह्येषु भक्ष्याभक्ष्यसजीवनः । भूम्यां पश्वादियोनीनां कुलेषु प्राप्तसंभवाः

pravṛttassarvagṛhyeṣu bhakṣyābhakṣyasajīvanaḥ | bhūmyāṁ paśvādiyonīnāṁ kuleṣu prāptasaṁbhavāḥ

सभी गुह्य कर्मों में रत, भक्ष्य-अभक्ष्य दोनों पर जीवित रहने वाला — ऐसा व्यक्ति पृथ्वी पर पशु-योनियों के कुल में ही जन्मा माना जाता है।

श्लोक 39 (padma.1.76.39)

शुनो विगृह्य हस्तेन म्लेच्छानां भक्षणप्रियाः । विशेषात्सूकराणां च तथा च रणयोधिनां

śuno vigṛhya hastena mlecchānāṁ bhakṣaṇapriyāḥ | viśeṣātsūkarāṇāṁ ca tathā ca raṇayodhināṁ

कुत्ते की भाँति हाथ से पकड़कर खाने वाला, म्लेच्छों का भक्षण-प्रेमी — वह विशेषतः सूकर और केवल युद्ध के लिए लड़ने वालों जैसा है।

श्लोक 40 (padma.1.76.40)

पोषणे भक्षणे प्रीताः पूतिगर्ह्येष्वसाधुषु । पर्वतेकरणाद्वह्नेः काष्ठसंचयसंग्रहे

poṣaṇe bhakṣaṇe prītāḥ pūtigarhyeṣvasādhuṣu | parvatekaraṇādvahneḥ kāṣṭhasaṁcayasaṁgrahe

दुर्गंधित और निंदनीय, असाधु भोजन के पोषण-भक्षण में रत — केवल पर्वत जैसी लकड़ी की ढेरी और अग्नि के संग्रह में लगा रहने वाला।

श्लोक 41 (padma.1.76.41)

विज्ञेयास्ते सदा म्लेच्छाः क्षत्रियाणां भयाकुलाः । लोकानां नष्टधर्मे च सदा शौचविवर्जिते

vijñeyāste sadā mlecchāḥ kṣatriyāṇāṁ bhayākulāḥ | lokānāṁ naṣṭadharme ca sadā śaucavivarjite

ऐसे लोग सदा म्लेच्छ जाने जाते हैं, क्षत्रियों के लिए भय के कारण — जब लोक-धर्म नष्ट हो जाता है और शौच सदा के लिए त्याग दिया जाता है।

श्लोक 42 (padma.1.76.42)

कुलीनानां तदा म्लेच्छा भविष्यंति च दस्यवः । तेषां संसर्गतोन्ये च संबंधादन्नभोजनात्

kulīnānāṁ tadā mlecchā bhaviṣyaṁti ca dasyavaḥ | teṣāṁ saṁsargatonye ca saṁbaṁdhādannabhojanāt

तब कुलीन लोग भी म्लेच्छ और डाकू बन जाएँगे — उनके संग से, संबंध से, उनके साथ भोजन करने से —

श्लोक 43 (padma.1.76.43)

मैथुनात्तस्य योषासु तद्भावं तु व्रजंति ते । तस्मिन्काले जनास्सर्वे दुःखरोगप्रतापिताः

maithunāttasya yoṣāsu tadbhāvaṁ tu vrajaṁti te | tasminkāle janāssarve duḥkharogapratāpitāḥ

— तथा उनकी स्त्रियों के साथ संभोग से वे उन्हीं के स्वभाव को प्राप्त हो जाते हैं। उस समय सभी लोग दुःख और रोग से संतप्त होते हैं —

श्लोक 44 (padma.1.76.44)

दुर्भिक्षान्न परामूढाः सदा राजप्रपीडिताः । तत्रासत्येरता मर्त्याः सर्वशौचविवर्जिताः

durbhikṣānna parāmūḍhāḥ sadā rājaprapīḍitāḥ | tatrāsatyeratā martyāḥ sarvaśaucavivarjitāḥ

— दुर्भिक्ष से व्याकुल, सदा राजा से पीड़ित; वहाँ मनुष्य असत्य में रत और सर्वथा शौच-रहित होते हैं।

श्लोक 45 (padma.1.76.45)

न श्रूयंते जनैरेव पुराणागमसंहिताः । मद्यमांसप्रियाः पापास्सर्वभक्षास्सुदारुणाः

na śrūyaṁte janaireva purāṇāgamasaṁhitāḥ | madyamāṁsapriyāḥ pāpāssarvabhakṣāssudāruṇāḥ

लोग पुराण, आगम और संहिताएँ सुनना बंद कर देते हैं; मद्य-मांस-प्रिय पापी, सर्वभक्षी, अत्यंत क्रूर हो जाते हैं।

श्लोक 46 (padma.1.76.46)

दारुणाचारनिरता नित्यं छलपरायणाः । न पुष्णंति सुतास्तातं प्रसुवं च गुरूनपि

dāruṇācāraniratā nityaṁ chalaparāyaṇāḥ | na puṣṇaṁti sutāstātaṁ prasuvaṁ ca gurūnapi

सदा भयंकर आचरण में रत, सदा छल-परायण — पुत्र न पिता का पालन करते हैं, न माता का, न गुरुओं का।

श्लोक 47 (padma.1.76.47)

न शुश्रूषंति वै भृत्याः स्वामिनं गुणशालिनम् । भर्तारं न स्त्रियः काश्चिच्छ्वशुरौ च स्वमातरः

na śuśrūṣaṁti vai bhṛtyāḥ svāminaṁ guṇaśālinam | bhartāraṁ na striyaḥ kāścicchvaśurau ca svamātaraḥ

सेवक गुणवान स्वामी की सेवा नहीं करते; कोई भी स्त्री पति की, न सास-ससुर की, न अपनी माता की सेवा करती है।

श्लोक 48 (padma.1.76.48)

नित्यकष्टा नरास्तत्र कलहश्च गृहे गृहे । नृपा म्लेच्छाः सुरापाश्च तथा मंत्रिपुरोहिताः

nityakaṣṭā narāstatra kalahaśca gṛhe gṛhe | nṛpā mlecchāḥ surāpāśca tathā maṁtripurohitāḥ

वहाँ लोग सदा दुःखी रहते हैं, घर-घर कलह होता है; राजा, मंत्री और पुरोहित तक म्लेच्छ और मदिरापायी हो जाते हैं।

श्लोक 49 (padma.1.76.49)

मनुष्यैश्च बलिस्तेषां मत्स्यैर्मांसैर्निरामिषः । पाषंडायासयोगेभ्यः प्रधाना गुणवार्तयोः

manuṣyaiśca balisteṣāṁ matsyairmāṁsairnirāmiṣaḥ | pāṣaṁḍāyāsayogebhyaḥ pradhānā guṇavārtayoḥ

उनके बलि मनुष्य, मछली और मांस से बनते हैं, कभी शुद्ध वस्तु से नहीं; वे पाषंडी और स्वार्थ-साधनों में, गुण और लाभ दोनों में अग्रणी होते हैं।

श्लोक 50 (padma.1.76.50)

धनिकैः कोकिलैर्मंदैर्व्याप्तं तैस्तु महीतलम् । ततोन्योन्यं प्रिया मूढा वने वा नगरेषु च

dhanikaiḥ kokilairmaṁdairvyāptaṁ taistu mahītalam | tatonyonyaṁ priyā mūḍhā vane vā nagareṣu ca

ऐसे धनवान, मीठी परंतु छली वाणी वाले, आलसी लोगों से यह पृथ्वी भर गई है; मूढ़ होकर वे वन हो या नगर, परस्पर आसक्त रहते हैं।

श्लोक 51 (padma.1.76.51)

भक्ष्याभक्ष्यं समश्नंति मत्स्यमांसादिकं नराः । वने द्विजातयश्चान्ये भुंजते चानुपापकम्

bhakṣyābhakṣyaṁ samaśnaṁti matsyamāṁsādikaṁ narāḥ | vane dvijātayaścānye bhuṁjate cānupāpakam

मनुष्य भक्ष्य-अभक्ष्य सब खाते हैं, मछली-मांस आदि भी; वन में रहने वाले द्विज तथा अन्य लोग भी पाप के अनुगामी होकर वही भोजन करते हैं।

श्लोक 52 (padma.1.76.52)

भक्तिमंतं पशुं चान्यत्सर्वे यांत्यपुनर्भवम् । पातयंति पितॄन्पापाः सर्वे ते पूर्वदेवकाः

bhaktimaṁtaṁ paśuṁ cānyatsarve yāṁtyapunarbhavam | pātayaṁti pitṝnpāpāḥ sarve te pūrvadevakāḥ

एक भक्तिमान पशु भी पुनर्जन्म से मुक्ति पाता है; किंतु वे पापी अपने ही पितरों को नीचे गिराते हैं, क्योंकि वे सब कभी 'पूर्वदेव' थे।

श्लोक 53 (padma.1.76.53)

पिशाचा राक्षसा ये च मुर्त्यका गुह्यका ध्रुवम् । एते चाविनयप्रीता न देवा न च मानुषाः

piśācā rākṣasā ye ca murtyakā guhyakā dhruvam | ete cāvinayaprītā na devā na ca mānuṣāḥ

पिशाच, राक्षस, मूर्त्यक और गुह्यक — ये सब निश्चय ही अविनय में प्रीति रखते हैं; ये न देव हैं, न मनुष्य।

श्लोक 54 (padma.1.76.54)

संजय उवाच । कथं च मर्त्यभावेषु लक्षंजानंतितात्त्विकाः । एतं मे संशयं नाथ दूरीकुरु ततस्ततः

saṁjaya uvāca | kathaṁ ca martyabhāveṣu lakṣaṁjānaṁtitāttvikāḥ | etaṁ me saṁśayaṁ nātha dūrīkuru tatastataḥ

संजय ने कहा — हे नाथ! मनुष्य-भावों में तत्त्वज्ञ लोग इन लक्षणों को कैसे पहचानते हैं? मेरा यह संशय दूर कीजिए।

श्लोक 55 (padma.1.76.55)

व्यास उवाच । कृतपापानुरूपास्तु द्विजातिष्वन्यजातिषु । असुरा राक्षसाः प्रेताः स्वभावं न त्यजंति ते

vyāsa uvāca | kṛtapāpānurūpāstu dvijātiṣvanyajātiṣu | asurā rākṣasāḥ pretāḥ svabhāvaṁ na tyajaṁti te

व्यास जी ने कहा — द्विजातियों और अन्य जातियों में किए गए पाप के अनुरूप ही असुर, राक्षस और प्रेत अपना स्वभाव नहीं त्यागते।

श्लोक 56 (padma.1.76.56)

जाता ये चासुरा मर्त्ये सदाते कलहोत्सुकाः । कुहकाः कच्चराः क्रूराः विज्ञेया राक्षसाभुवि

jātā ye cāsurā martye sadāte kalahotsukāḥ | kuhakāḥ kaccarāḥ krūrāḥ vijñeyā rākṣasābhuvi

मनुष्यों में जन्मे असुर सदा कलह के इच्छुक, छली होते हैं; धूर्त और क्रूर लोगों को पृथ्वी पर राक्षस-स्वभाव वाला जानना चाहिए।

श्लोक 57 (padma.1.76.57)

जनोद्विग्नादिकं दानं तथा देवार्चनं भुवि । उग्रभावाद्धनं लब्ध्वा राज्यं भुञ्जंति शाश्वतम्

janodvignādikaṁ dānaṁ tathā devārcanaṁ bhuvi | ugrabhāvāddhanaṁ labdhvā rājyaṁ bhuñjaṁti śāśvatam

फिर भी वे लोगों को कष्ट देने वाला दान करते हैं और पृथ्वी पर देवपूजन भी करते हैं; अपने उग्र स्वभाव से धन पाकर वे दीर्घकाल तक राज्य भोगते हैं।

श्लोक 58 (padma.1.76.58)

जयं शौर्यादिकं पुण्यं पुनःपापक्षयं व्रजेत् । एवमुर्व्यां तथा नाके नागलोके यमालये

jayaṁ śauryādikaṁ puṇyaṁ punaḥpāpakṣayaṁ vrajet | evamurvyāṁ tathā nāke nāgaloke yamālaye

किंतु शौर्य आदि से प्राप्त वह पुण्य और विजय भी उनके पाप के क्षय में फिर लीन हो जाता है — ऐसा ही पृथ्वी, स्वर्ग, नागलोक और यमलोक में होता है।

श्लोक 59 (padma.1.76.59)

उग्रेण तपसा कश्चित्सुरत्वं लभते दिवि । वासुदेवं समाराध्य प्रह्लादः सुरपूजितः

ugreṇa tapasā kaścitsuratvaṁ labhate divi | vāsudevaṁ samārādhya prahlādaḥ surapūjitaḥ

कोई-कोई उग्र तप से स्वर्ग में देवत्व पाते हैं; प्रह्लाद ने वासुदेव की आराधना करके देवताओं द्वारा पूजित पद पाया।

श्लोक 60 (padma.1.76.60)

हरं तथान्धको दैत्यः स्तुत्वा तत्सभ्यकोऽभवत् । तस्यैव गणमुख्यत्वं लेभे भृंगी महाबलः

haraṁ tathāndhako daityaḥ stutvā tatsabhyako'bhavat | tasyaiva gaṇamukhyatvaṁ lebhe bhṛṁgī mahābalaḥ

इसी प्रकार अंधक दैत्य ने हर की स्तुति करके उन्हीं की सभा में स्थान पाया; महाबली भृंगी ने उन्हीं का गणमुख्यत्व प्राप्त किया।

श्लोक 61 (padma.1.76.61)

एते चान्ये च बहवो बलिरिंद्रो भविष्यति । गच्छंति सद्गतिं तात इहामुत्र च सर्वदा

ete cānye ca bahavo baliriṁdro bhaviṣyati | gacchaṁti sadgatiṁ tāta ihāmutra ca sarvadā

ये और भी अनेक लोग — बलि स्वयं भावी इंद्र होंगे; हे तात! वे यहाँ और परलोक में सदा सद्गति को प्राप्त होते हैं।

श्लोक 62 (padma.1.76.62)

केचिद्दैत्यकुले जाताः पृथिव्यां सुरसत्तमाः । भावयंति पितॄन्सर्वान्शतशोथ सहस्रशः

keciddaityakule jātāḥ pṛthivyāṁ surasattamāḥ | bhāvayaṁti pitṝnsarvānśataśotha sahasraśaḥ

कोई-कोई दैत्य-कुल में जन्मे होकर भी पृथ्वी पर श्रेष्ठ देव बन जाते हैं और सैकड़ों-हजारों पितरों का उद्धार करते हैं।

श्लोक 63 (padma.1.76.63)

एकेनापि सुपुत्रेण कुलत्राणं च धीमता । एकोपि वैष्णवः पुत्रः कुलकोटिं समुद्धरेत्

ekenāpi suputreṇa kulatrāṇaṁ ca dhīmatā | ekopi vaiṣṇavaḥ putraḥ kulakoṭiṁ samuddharet

एक ही सुपुत्र, बुद्धिमान होने पर, समस्त कुल का त्राण करता है; विष्णु-भक्त एक ही पुत्र करोड़ों कुलों का उद्धार कर सकता है।

श्लोक 64 (padma.1.76.64)

जितेंद्रियोपि धर्मात्मा द्विजदेवार्चने रतः । क्षये धर्मे कलौ शेषे पुरे जनपदेषु च

jiteṁdriyopi dharmātmā dvijadevārcane rataḥ | kṣaye dharme kalau śeṣe pure janapadeṣu ca

जितेंद्रिय, धर्मात्मा, द्विज-देवार्चन में रत ऐसा पुत्र — धर्म के क्षीण होते कलियुग के अंत में भी, नगर और जनपद में—

श्लोक 65 (padma.1.76.65)

एको रक्षति धर्मात्मा पुरे ग्रामं जनं कुलम् । विज्ञातृमेदुरं चासीद्ब्राह्मणानां पुरं महत्

eko rakṣati dharmātmā pure grāmaṁ janaṁ kulam | vijñātṛmeduraṁ cāsīdbrāhmaṇānāṁ puraṁ mahat

— वह एक धर्मात्मा अकेला ही नगर, ग्राम, जन और कुल की रक्षा करता है। एक बार ब्राह्मणों का महान नगर था, जो विद्वानों से समृद्ध था।

श्लोक 66 (padma.1.76.66)

तत्र सर्वे द्विजाः शश्वत्संध्योपासनतत्पराः । वेदपाठरता धीरा देवातिथिद्विजार्चकाः

tatra sarve dvijāḥ śaśvatsaṁdhyopāsanatatparāḥ | vedapāṭharatā dhīrā devātithidvijārcakāḥ

वहाँ सभी द्विज सदा संध्योपासना में तत्पर, वेदपाठ में रत, धीर तथा देव-अतिथि-द्विजों के अर्चक थे।

श्लोक 67 (padma.1.76.67)

यज्ञव्रताग्निकर्माणः षट्कर्मपरिनिश्चयाः । अतिकृच्छ्रे च तेषां वै न पापे वर्तते मनः

yajñavratāgnikarmāṇaḥ ṣaṭkarmapariniścayāḥ | atikṛcchre ca teṣāṁ vai na pāpe vartate manaḥ

वे यज्ञ-व्रत-अग्निकर्म करने वाले, षट्कर्मों में निश्चित थे; अत्यंत कष्ट में भी उनका मन पाप की ओर नहीं जाता था।

श्लोक 68 (padma.1.76.68)

कुर्वंति सततं वीरा व्रतं यज्ञं सनातनम् । कदाचिद्दैवयोगाच्च गृहस्थश्च स कोविदः

kurvaṁti satataṁ vīrā vrataṁ yajñaṁ sanātanam | kadāciddaivayogācca gṛhasthaśca sa kovidaḥ

वे वीर सदा सनातन व्रत और यज्ञ करते रहते थे। एक बार दैवयोग से वहाँ का एक विद्वान गृहस्थ —

श्लोक 69 (padma.1.76.69)

वह्नौ जुहोति विप्रर्षि राज्यं मंत्रेण मंत्रवित् । तस्मिन्काले च तस्यैव मूत्रकृच्छ्रं सुदारुणम्

vahnau juhoti viprarṣi rājyaṁ maṁtreṇa maṁtravit | tasminkāle ca tasyaiva mūtrakṛcchraṁ sudāruṇam

— हे विप्रऋषि! मंत्रवेत्ता राजन्य मंत्रोच्चार सहित अग्नि में आहुति दे रहा था; उसी समय उसे अत्यंत भीषण मूत्र-कृच्छ्र हुआ।

श्लोक 70 (padma.1.76.70)

तत्प्रोज्झितुं गतः सोपि रक्षार्थं स्थाप्य चेटिकाम् । तस्यास्त्वनवधानेन शुना चाज्यं च भक्षितम्

tatprojjhituṁ gataḥ sopi rakṣārthaṁ sthāpya ceṭikām | tasyāstvanavadhānena śunā cājyaṁ ca bhakṣitam

वह उसे शांत करने गया, रक्षा हेतु एक दासी को वहाँ बिठाकर; उसकी असावधानी से एक कुत्ते ने वह घृत खा लिया।

श्लोक 71 (padma.1.76.71)

भिया तया ततः पात्रं स्वीयमूत्रेण संभृतम् । असंलक्ष्या जुहोदग्नौ स विप्रस्त्वरया ततः

bhiyā tayā tataḥ pātraṁ svīyamūtreṇa saṁbhṛtam | asaṁlakṣyā juhodagnau sa viprastvarayā tataḥ

भय से उसने वह पात्र अपने ही मूत्र से भर दिया; और वह ब्राह्मण बिना पहचाने, शीघ्रता में उसे अग्नि में होम कर बैठा।

श्लोक 72 (padma.1.76.72)

आश्चर्यं च ततो वह्नौ लक्षितं तेन तत्क्षणात् । कूटं हेममयं साक्षात्स्वर्णं जांबूनदप्रभं

āścaryaṁ ca tato vahnau lakṣitaṁ tena tatkṣaṇāt | kūṭaṁ hemamayaṁ sākṣātsvarṇaṁ jāṁbūnadaprabhaṁ

तब आश्चर्यजनक रूप से उसने अग्नि में तत्क्षण देखा — साक्षात् जांबूनद के समान तेजस्वी शुद्ध सुवर्ण का ढेर।

श्लोक 73 (padma.1.76.73)

गृहीत्वा तन्मुदा विप्रः पापयोगं चकार ह । पप्रच्छ विस्मयाद्दासीं कथमेतद्वद प्रिये

gṛhītvā tanmudā vipraḥ pāpayogaṁ cakāra ha | papraccha vismayāddāsīṁ kathametadvada priye

उस ब्राह्मण ने हर्षपूर्वक उसे ले लिया — यद्यपि इससे अनजाने ही एक पापपूर्ण कृत्य हो गया था — और विस्मित होकर दासी से पूछा, 'यह कैसे हुआ, प्रिये, बताओ।'

श्लोक 74 (padma.1.76.74)

मुदा तत्र यथावृत्तं कथितं तु तया द्विज । ततो नित्यं यथाकालं तच्च तस्य प्रवर्तते

mudā tatra yathāvṛttaṁ kathitaṁ tu tayā dvija | tato nityaṁ yathākālaṁ tacca tasya pravartate

उसने हर्षपूर्वक वहाँ जो कुछ हुआ था वह ज्यों का त्यों कह दिया, हे द्विज! तब से वह नित्य, समय पर, उसके लिए वैसे ही होने लगा।

श्लोक 75 (padma.1.76.75)

समृद्धिरद्भुता गेहे लोकविस्मयकारिणी । ततः परस्पराच्छ्रुत्वा सर्वैरेव च तत्पुरे

samṛddhiradbhutā gehe lokavismayakāriṇī | tataḥ parasparācchrutvā sarvaireva ca tatpure

उसके घर में लोक को चकित करने वाली अद्भुत समृद्धि आ गई। फिर परस्पर सुनकर उस नगर के सभी लोगों ने —

श्लोक 76 (padma.1.76.76)

कृतं कर्म दुराचारं श्रुत्वा लोभादसाधुभिः । गुरुलोभाच्च सुमहत्स्वांते पंकं विशत्यपि

kṛtaṁ karma durācāraṁ śrutvā lobhādasādhubhiḥ | gurulobhācca sumahatsvāṁte paṁkaṁ viśatyapi

— वह कृत्य सुनकर, लोभवश दुष्ट लोगों ने भी वैसा ही दुराचार किया; और अत्यंत भारी लोभ से अंत में वे स्वयं उसी दलदल में डूब गए।

श्लोक 77 (padma.1.76.77)

पंकादेव भयान्मोहान्मतिभ्रंशोऽभवत्ततः । अथ किल्बिषकूटेन दग्धमेव पुरं च तत्

paṁkādeva bhayānmohānmatibhraṁśo'bhavattataḥ | atha kilbiṣakūṭena dagdhameva puraṁ ca tat

उसी दलदल से भय और मोहवश उनकी बुद्धि भ्रष्ट हो गई; और फिर उस संचित पाप के भार से वह पूरा नगर मानो जलकर भस्म हो गया।

श्लोक 78 (padma.1.76.78)

स्त्रियो दुष्टा जना दुष्टाः सर्वे पापबलात्तदा । वृद्धो ज्ञाता द्विजस्तत्र तत्कार्ये न मतिं दधौ

striyo duṣṭā janā duṣṭāḥ sarve pāpabalāttadā | vṛddho jñātā dvijastatra tatkārye na matiṁ dadhau

स्त्रियाँ दुष्ट हो गईं, सभी लोग उस पाप के प्रभाव से दुष्ट हो गए। किंतु वहाँ के वृद्ध, ज्ञानी ब्राह्मण ने उस कृत्य में मन नहीं लगाया।

श्लोक 79 (padma.1.76.79)

तस्य भार्या तदा साध्वी पुरुदुःखेन संयुता । भर्तारं कृच्छ्रसन्तप्ता पुरकार्यं जगाद सा

tasya bhāryā tadā sādhvī puruduḥkhena saṁyutā | bhartāraṁ kṛcchrasantaptā purakāryaṁ jagāda sā

उसकी साध्वी पत्नी, अत्यंत दुःख से युक्त, कष्ट से संतप्त होकर पति से नगर की उस स्थिति के बारे में बोली।

श्लोक 80 (padma.1.76.80)

ब्राह्मण्युवाच । कष्टं मे वर्तते नाथ दृष्ट्वा त्वां दुःखसंयुतम् । ग्रामाचारमिमं यद्वाप्यऽपरं कर्तुमर्हसि

brāhmaṇyuvāca | kaṣṭaṁ me vartate nātha dṛṣṭvā tvāṁ duḥkhasaṁyutam | grāmācāramimaṁ yadvāpya'paraṁ kartumarhasi

ब्राह्मणी ने कहा — 'हे नाथ! आपको दुःखी देखकर मुझे कष्ट होता है। या तो इस ग्रामाचार को अपनाइए, या कुछ और उपाय कीजिए।'

श्लोक 81 (padma.1.76.81)

ततस्तत्र स दोषज्ञः स्मित्वा वचनमब्रवीत् । यस्तु जीवति पापेन त्यक्त्वा धर्मं परं हितम्

tatastatra sa doṣajñaḥ smitvā vacanamabravīt | yastu jīvati pāpena tyaktvā dharmaṁ paraṁ hitam

तब उस दोष-ज्ञाता ने मुस्कुराकर कहा — 'जो व्यक्ति परम हितकारी धर्म को त्यागकर पाप से जीवित रहता है —'

श्लोक 82 (padma.1.76.82)

स वैधेयो महाभागे प्रगच्छत्यपुनर्भवम् । एते विप्रा दुराचाराः सदारास्सपरिच्छदाः

sa vaidheyo mahābhāge pragacchatyapunarbhavam | ete viprā durācārāḥ sadārāssaparicchadāḥ

'— हे महाभागे, वह मूर्ख अपुनर्भव (नरक) को ही जाता है। ये विप्र दुराचारी, अपनी स्त्रियों और परिजनों सहित —'

श्लोक 83 (padma.1.76.83)

अतिपातकयोगाच्च महापातकसंमताः । सह पापेन महता प्रयास्यंति रसातलम्

atipātakayogācca mahāpātakasaṁmatāḥ | saha pāpena mahatā prayāsyaṁti rasātalam

'— उस अतिपातक-योग से महापातक के भागी बनकर, अपने महान पाप के साथ रसातल को प्राप्त होंगे।'

श्लोक 84 (padma.1.76.84)

अंतेऽपुनर्भवं प्राप्यापराधांतो न विद्यते । अहमेकोत्र तिष्ठामि स्वपुण्यपरिरक्षणात्

aṁte'punarbhavaṁ prāpyāparādhāṁto na vidyate | ahamekotra tiṣṭhāmi svapuṇyaparirakṣaṇāt

'अंत में वे अपुनर्भव को प्राप्त होंगे, क्योंकि उनके अपराध का कोई अंत नहीं। मैं अकेला यहाँ अपने पुण्य की रक्षा से टिका हुआ हूँ।'

श्लोक 85 (padma.1.76.85)

ततस्सा तमुवाचेदं लोकहास्यवचस्तव । वक्तुमर्हसि नश्चाग्रे न पुरोऽन्यस्य कस्यचित्

tatassā tamuvācedaṁ lokahāsyavacastava | vaktumarhasi naścāgre na puro'nyasya kasyacit

तब उसने पति से कहा — 'आपके ये वचन लोगों के लिए हास्यास्पद हैं। यह बात आप हमारे सामने ही कहें, किसी और के सामने नहीं।'

श्लोक 86 (padma.1.76.86)

द्विज उवाच । यदि यास्यामि चान्यत्र इतोऽहं तत्क्षणात्प्रिये । सवित्तैः स्वजनैरेव पुरीयास्यत्यथोगतिम्

dvija uvāca | yadi yāsyāmi cānyatra ito'haṁ tatkṣaṇātpriye | savittaiḥ svajanaireva purīyāsyatyathogatim

ब्राह्मण ने कहा — 'हे प्रिये! यदि मैं इसी क्षण यहाँ से कहीं और चला जाऊँ, तो अपने धन और परिजनों सहित यह पूरा नगर नष्ट हो जाएगा।'

श्लोक 87 (padma.1.76.87)

इत्युक्त्वा परमप्रीतः संगृह्य च धनं स्वकम् । क्षिप्रं स च तया सार्धं ययौ सीमांतरं द्विजः

ityuktvā paramaprītaḥ saṁgṛhya ca dhanaṁ svakam | kṣipraṁ sa ca tayā sārdhaṁ yayau sīmāṁtaraṁ dvijaḥ

ऐसा कहकर अत्यंत प्रसन्न होकर, अपना धन समेटकर, वह ब्राह्मण शीघ्र ही उसके साथ नगर की सीमा तक गया।

श्लोक 88 (padma.1.76.88)

स्थित्वाऽपश्यत्पुरी तावत्स्थिरा तिष्ठति पूर्ववत् । सा चाह तं पतिं साध्वी पुरी चेयं न नश्यति

sthitvā'paśyatpurī tāvatsthirā tiṣṭhati pūrvavat | sā cāha taṁ patiṁ sādhvī purī ceyaṁ na naśyati

वहाँ खड़े होकर उसने देखा कि नगर अब भी पहले जैसा स्थिर खड़ा है। तब उसकी साध्वी पत्नी ने पति से कहा — 'देखिए, यह नगर तो नष्ट नहीं हुआ।'

श्लोक 89 (padma.1.76.89)

विमृश्यतामुवाचेदं विप्रवर्यस्सुविस्मितः । किं नु तिष्ठति तत्रैव द्रव्यमस्मद्गृहाद्बहिः

vimṛśyatāmuvācedaṁ vipravaryassuvismitaḥ | kiṁ nu tiṣṭhati tatraiva dravyamasmadgṛhādbahiḥ

अत्यंत विस्मित उस श्रेष्ठ ब्राह्मण ने कहा — 'सोचो तो, क्या हमारे घर की कोई वस्तु अभी भी वहीं, घर के बाहर, रह गई है?'

श्लोक 90 (padma.1.76.90)

विचार्य सा धवं प्राह मया भ्रांत्या उपानहौ । नानीते तिष्ठतस्तत्र धारयिष्यामि किं नु वै

vicārya sā dhavaṁ prāha mayā bhrāṁtyā upānahau | nānīte tiṣṭhatastatra dhārayiṣyāmi kiṁ nu vai

विचार कर उसने पति से कहा — 'भूलवश मैं अपनी जूतियाँ वहीं छोड़ आई हूँ। न लाई जाएँ तो वे वहीं पड़ी रहेंगी — क्या करूँ?'

श्लोक 91 (padma.1.76.91)

एवमुक्त्वा पतिं साध्वी गृहीत्वा ते उपागता । पत्युरभ्याशतो दृष्टं पुरं निर्व्यथनं गतम्

evamuktvā patiṁ sādhvī gṛhītvā te upāgatā | patyurabhyāśato dṛṣṭaṁ puraṁ nirvyathanaṁ gatam

पति से ऐसा कहकर वह साध्वी उन्हें लेने गई; और जैसे ही वह पति के निकट लौटी, नगर तत्काल विनाश को प्राप्त हो गया, ऐसा देखा गया।

श्लोक 92 (padma.1.76.92)

ततो विप्रादयो वर्णाः कच्चराः पुरवासिनः । तिष्ठंति नरके घोरे दुःखिताश्चापुनर्भवे

tato viprādayo varṇāḥ kaccarāḥ puravāsinaḥ | tiṣṭhaṁti narake ghore duḥkhitāścāpunarbhave

तब उस नगर में रहने वाले ब्राह्मण आदि दुष्ट वर्ण घोर नरक में दुःखी होकर अपुनर्भव-अवस्था में पड़े रहते हैं।

श्लोक 93 (padma.1.76.93)

कृच्छाद्यमपुरं यांति नास्ति तेषां च निष्कृतिः । पूतिगंधं ततो मेध्यं वर्जनीयं प्रकीर्तितम्

kṛcchādyamapuraṁ yāṁti nāsti teṣāṁ ca niṣkṛtiḥ | pūtigaṁdhaṁ tato medhyaṁ varjanīyaṁ prakīrtitam

वे बड़ी कठिनाई से यमपुरी जाते हैं, और उनके लिए कोई प्रायश्चित नहीं है। इसीलिए दुर्गंधित को त्याज्य और शुद्ध को ग्राह्य कहा गया है।

श्लोक 94 (padma.1.76.94)

पूर्ववद्भक्षणे प्रीतो ह्यद्यपापं करोति च । स्तेयशीलो निशाचारी बुधैर्ज्ञेयस्स वंचकः

pūrvavadbhakṣaṇe prīto hyadyapāpaṁ karoti ca | steyaśīlo niśācārī budhairjñeyassa vaṁcakaḥ

जो पहले की भाँति अभक्ष्य-भक्षण में प्रीति रखता है, वह आज भी पाप करता है; चोरी की आदत वाला, रात्रिचारी छली कहलाता है।

श्लोक 95 (padma.1.76.95)

अबुधः सर्वकार्येषु अज्ञातः सर्वकर्मसु । समयाचारहीनस्तु पशुरेव स बालिशः

abudhaḥ sarvakāryeṣu ajñātaḥ sarvakarmasu | samayācārahīnastu paśureva sa bāliśaḥ

समस्त कार्यों में अज्ञानी, समस्त कर्मों से अनभिज्ञ, सदाचार-हीन ऐसा मूर्ख व्यक्ति पशु ही है।

श्लोक 96 (padma.1.76.96)

एवमुष्ट्रादयस्संति भक्षादि नकुलादयः । हिंस्रो ज्ञातिजनोद्वेगरिते युद्धे च कातरः

evamuṣṭrādayassaṁti bhakṣādi nakulādayaḥ | hiṁsro jñātijanodvegarite yuddhe ca kātaraḥ

इस प्रकार कुछ लोग ऊँट के समान हैं, कुछ भोजन के लोभी नेवले के समान; जो हिंसक हो, अपने ही स्वजनों को कष्ट दे, पर युद्ध में कायर हो —

श्लोक 97 (padma.1.76.97)

विघसादिप्रियो नित्यं नरः श्वा कीर्तितो बुधैः । चौर्यकर्मरतो नित्यं बहुमित्रप्रवंचकः

vighasādipriyo nityaṁ naraḥ śvā kīrtito budhaiḥ | cauryakarmarato nityaṁ bahumitrapravaṁcakaḥ

— जूठन-प्रिय मनुष्य को विद्वान 'कुत्ता' कहते हैं; सदा चोरी में रत, अनेक मित्रों को छलने वाला —

श्लोक 98 (padma.1.76.98)

मिथुने कलहो नित्यं मर्त्यस्तु परिकीर्तितः । प्रकृत्या चपलो नित्यं सदा भोजनचंचलः

mithune kalaho nityaṁ martyastu parikīrtitaḥ | prakṛtyā capalo nityaṁ sadā bhojanacaṁcalaḥ

— अपनी ही पत्नी से सदा कलह करने वाला मनुष्य ऐसा ही कहलाता है; स्वभाव से सदा चंचल, सदा भोजन में अस्थिर —

श्लोक 99 (padma.1.76.99)

प्लवगः काननप्रीतो नरः शाखामृगो भुवि । सूचको भाषया बुध्या स्वजनेऽन्यजनेषु च

plavagaḥ kānanaprīto naraḥ śākhāmṛgo bhuvi | sūcako bhāṣayā budhyā svajane'nyajaneṣu ca

— वानर है; जो मनुष्य वन में रमता है, वह पृथ्वी पर शाखामृग है; जो वाणी और बुद्धि से अपने या दूसरों की सूचना (चुगली) करता है —

श्लोक 100 (padma.1.76.100)

उद्वेगजनकत्वाच्च स पुमानुरगः स्मृतः । बलवान्क्रांतशीलश्च सततं चानपत्रपः

udvegajanakatvācca sa pumānuragaḥ smṛtaḥ | balavānkrāṁtaśīlaśca satataṁ cānapatrapaḥ

— वह मनुष्य, सर्वत्र उद्वेग उत्पन्न करने के कारण, सर्प कहा गया है; जो बलवान्, आक्रामक स्वभाव वाला और सदा निर्लज्ज हो —

श्लोक 101 (padma.1.76.101)

पूतिमांसप्रियो भोगी नृसिंहस्समुदाहृतः । तत्स्वनादेव सीदंति भीता अन्ये वृकादयः

pūtimāṁsapriyo bhogī nṛsiṁhassamudāhṛtaḥ | tatsvanādeva sīdaṁti bhītā anye vṛkādayaḥ

— सड़े मांस का प्रेमी, भोगी — वह नृसिंह कहा गया है; जिसकी गर्जना मात्र से भयभीत होकर दूसरे भेड़िए आदि सिहर उठते हैं —

श्लोक 102 (padma.1.76.102)

द्विरदादि नरा ये च ज्ञायंते दूरदर्शिनः । एवमादि क्रमेणैव विजानीयान्नरेषु च

dviradādi narā ye ca jñāyaṁte dūradarśinaḥ | evamādi krameṇaiva vijānīyānnareṣu ca

— वे मनुष्य हाथी आदि के समान दूरदर्शी जाने जाते हैं। इस प्रकार क्रमशः मनुष्यों में इन सबका ज्ञान प्राप्त करना चाहिए।

श्लोक 103 (padma.1.76.103)

सुराणां लक्षणं ब्रूमो नररूपं व्यवस्थितम् । द्विजदेवातिथीनां च गुरुसाधुतपस्विनाम्

surāṇāṁ lakṣaṇaṁ brūmo nararūpaṁ vyavasthitam | dvijadevātithīnāṁ ca gurusādhutapasvinām

अब हम नररूप में स्थित देवताओं के लक्षण बताते हैं — द्विज, देव, अतिथि, गुरु, साधु और तपस्वियों के प्रति समर्पित —

श्लोक 104 (padma.1.76.104)

पूजातपोरतोनित्यं धर्मशास्त्रेषु नीतिषु । क्षमाशीलो जितक्रोधः सत्यवादी जितेंद्रिंयः

pūjātaporatonityaṁ dharmaśāstreṣu nītiṣu | kṣamāśīlo jitakrodhaḥ satyavādī jiteṁdriṁyaḥ

— सदा पूजा-तप में रत, धर्मशास्त्रों और नीति में निपुण; क्षमाशील, क्रोध-विजयी, सत्यवादी, जितेंद्रिय —

श्लोक 105 (padma.1.76.105)

दयालुर्दयितो लोके रूपवान्मधुरस्वरः । वागीशः सर्वकार्येषु गुणी दक्षो महाबलः

dayālurdayito loke rūpavānmadhurasvaraḥ | vāgīśaḥ sarvakāryeṣu guṇī dakṣo mahābalaḥ

— दयालु, लोकप्रिय, रूपवान, मधुरभाषी, सब कार्यों में वाक्पटु, गुणवान, दक्ष, महाबली —

श्लोक 106 (padma.1.76.106)

साक्षरश्चापि विद्वांश्च गीतनृत्यार्थतत्त्ववित् । आत्मविद्यादिकार्येषु सर्वतंत्रीस्वरेषु च

sākṣaraścāpi vidvāṁśca gītanṛtyārthatattvavit | ātmavidyādikāryeṣu sarvataṁtrīsvareṣu ca

— साक्षर, विद्वान, गीत-नृत्य के तत्त्व का ज्ञाता, आत्मविद्या आदि में निपुण, समस्त वाद्ययंत्रों के स्वर में कुशल —

श्लोक 107 (padma.1.76.107)

हविष्येषु च सर्वेषु गव्येषु च निरामिषे । सद्योगास्वादद्रव्ये च प्रत्यग्रे चातिशोभने

haviṣyeṣu ca sarveṣu gavyeṣu ca nirāmiṣe | sadyogāsvādadravye ca pratyagre cātiśobhane

— समस्त हविष्यान्न में, गोरस में, निरामिष भोजन में, सुयोग्य स्वादिष्ट और ताज़ी, अत्यंत सुंदर वस्तुओं में प्रीति रखने वाला —

श्लोक 108 (padma.1.76.108)

गंधमाल्येषु वस्त्रेषु शास्त्रेष्वाभरणेषु च । संप्रीतश्चातिथौ दाने पार्वणादिषु कर्मसु

gaṁdhamālyeṣu vastreṣu śāstreṣvābharaṇeṣu ca | saṁprītaścātithau dāne pārvaṇādiṣu karmasu

— सुगंध-माल्य में, वस्त्रों में, शास्त्रों में, आभूषणों में; अतिथि-सत्कार, दान तथा पार्वण आदि कर्मों में प्रीतिपूर्ण —

श्लोक 109 (padma.1.76.109)

स्नानदानादिभिः कार्ये व्रतैर्यज्ञैः सुरार्चनैः । कालो गच्छति पाठैश्च न क्लीबं वासरं भवेत्

snānadānādibhiḥ kārye vratairyajñaiḥ surārcanaiḥ | kālo gacchati pāṭhaiśca na klībaṁ vāsaraṁ bhavet

— स्नान, दान आदि कार्यों, व्रतों, यज्ञों, देवार्चनों और पाठ में उसका समय बीतता है; उसका कोई भी दिन व्यर्थ नहीं जाता।

श्लोक 110 (padma.1.76.110)

अयमेव मनुष्याणां सदाचारो निरंतरम् । देववन्मानवाचारो गीयते मुनिसत्तमैः

ayameva manuṣyāṇāṁ sadācāro niraṁtaram | devavanmānavācāro gīyate munisattamaiḥ

यही मनुष्यों का निरंतर सदाचार है; मुनिश्रेष्ठों द्वारा देवताओं के समान इस मानव-आचार का गुणगान किया जाता है।

श्लोक 111 (padma.1.76.111)

किंतु सत्त्वाधिको देवो मनुष्यो भीत एव च । गंभीरः सर्वदा देवः सदैव मानवो मृदुः

kiṁtu sattvādhiko devo manuṣyo bhīta eva ca | gaṁbhīraḥ sarvadā devaḥ sadaiva mānavo mṛduḥ

किंतु देव सत्त्वगुण में अधिक हैं, और मनुष्य सदा भयभीत रहता है; देव सदा गंभीर होते हैं, मनुष्य सदा कोमल।

श्लोक 112 (padma.1.76.112)

द्वयोस्तुत्या च संप्रीतिर्न दैत्यादौ भवेत्किल । प्रीतिभावं परं सौख्यं सौहृदं सुकृतं शुभम्

dvayostutyā ca saṁprītirna daityādau bhavetkila | prītibhāvaṁ paraṁ saukhyaṁ sauhṛdaṁ sukṛtaṁ śubham

इन दोनों में स्तुति से प्रीति होती है, दैत्य आदि में यह नहीं होता; परम प्रीति, सुख, सौहार्द, सुकृत और शुभता —

श्लोक 113 (padma.1.76.113)

दैवमानुषयोरेव दैत्यराक्षसयोस्तथा । प्रेतादीनां च प्रेतेषु पशौ प्रीतिः पशोरपि

daivamānuṣayoreva daityarākṣasayostathā | pretādīnāṁ ca preteṣu paśau prītiḥ paśorapi

— ये देव-मनुष्य के बीच ही होते हैं, वैसे ही दैत्य-राक्षस के बीच भी; प्रेत प्रेतों से प्रीति करते हैं, पशु पशु से।

श्लोक 114 (padma.1.76.114)

काकादयः स्वजातौ च तथान्ये च स्वजातिषु । प्रीता भवंति चाप्रीता विद्या तेषां च लक्षणम्

kākādayaḥ svajātau ca tathānye ca svajātiṣu | prītā bhavaṁti cāprītā vidyā teṣāṁ ca lakṣaṇam

काक आदि अपनी ही जाति में, तथा अन्य भी अपनी जाति में ही प्रीति या अप्रीति रखते हैं — यही उनका पहचानने योग्य लक्षण है।

श्लोक 115 (padma.1.76.115)

एवं पुण्यविशेषेण सविशेषा सुजातिषु । प्रियाप्रियं विजानीयात्पुण्यापुण्यं गुणागुणम्

evaṁ puṇyaviśeṣeṇa saviśeṣā sujātiṣu | priyāpriyaṁ vijānīyātpuṇyāpuṇyaṁ guṇāguṇam

इस प्रकार पुण्य की मात्रा के अनुसार ही श्रेष्ठ जातियों में भी भेद होता है; इसी से प्रिय-अप्रिय, पुण्य-अपुण्य, गुण-अवगुण जानना चाहिए।

श्लोक 116 (padma.1.76.116)

दंपत्योर्न सुखं किंचिज्जातिभेदान्नृणां भुवि । स्वजातिषु भवेत्प्रीतिर्मुक्तो वा निरयेपि वा

daṁpatyorna sukhaṁ kiṁcijjātibhedānnṛṇāṁ bhuvi | svajātiṣu bhavetprītirmukto vā nirayepi vā

पृथ्वी पर स्वभाव-भेद के कारण पति-पत्नी में कोई सुख नहीं होता; प्रीति अपनी ही जाति में होती है, चाहे मुक्त हो या नरकवासी।

श्लोक 117 (padma.1.76.117)

अतिपुण्याल्लभेदायुः शोभनाः पुण्यकारिणः । पापात्मानो लभंतेऽन्तं ये च दैत्यादयो नराः

atipuṇyāllabhedāyuḥ śobhanāḥ puṇyakāriṇaḥ | pāpātmāno labhaṁte'ntaṁ ye ca daityādayo narāḥ

अत्यंत पुण्य से दीर्घ आयु मिलती है, पुण्यकर्मी तेजस्वी होते हैं; पापी आत्माएँ और दैत्य-स्वभाव वाले मनुष्य अपने अंत को प्राप्त होते हैं।

श्लोक 118 (padma.1.76.118)

कृते जाताः सुरा भूमौ न दैत्याश्चान्यजातयः । त्रेतायामेकपादं च द्विपदं द्वापरे युगे

kṛte jātāḥ surā bhūmau na daityāścānyajātayaḥ | tretāyāmekapādaṁ ca dvipadaṁ dvāpare yuge

सतयुग में पृथ्वी पर केवल देव जन्मे, दैत्य या अन्य जातियाँ नहीं; त्रेता में उसका एक चौथाई भाग, द्वापर युग में आधा भाग —

श्लोक 119 (padma.1.76.119)

संध्यायां च कलेरेव सर्वपादं च संकुलम् । देवादीनां भवेज्जातं भारतं यत्प्रवर्तितम्

saṁdhyāyāṁ ca kalereva sarvapādaṁ ca saṁkulam | devādīnāṁ bhavejjātaṁ bhārataṁ yatpravartitam

— और कलियुग की संधि में तो वह पूर्ण रूप से, अत्यंत घुल-मिलकर व्याप्त हो गया; देव आदि का यह जन्म महाभारत में वर्णित हुआ है।

श्लोक 120 (padma.1.76.120)

ये ते दुर्योधनस्यैव योधाः सैन्यादयस्तथा । ते च दैत्यादयः सर्वे ये च कर्णादयो भुवि

ye te duryodhanasyaiva yodhāḥ sainyādayastathā | te ca daityādayaḥ sarve ye ca karṇādayo bhuvi

दुर्योधन के जो योद्धा और सैनिक थे, तथा जो कर्ण आदि पृथ्वी पर थे — वे सभी दैत्य-योनि से उत्पन्न थे।

श्लोक 121 (padma.1.76.121)

गांगेयो वसुमुख्यश्च द्रोणो देवमुनिः प्रभुः । अश्वत्थामा हरः साक्षाद्धरिर्नंदकुलोद्भवः

gāṁgeyo vasumukhyaśca droṇo devamuniḥ prabhuḥ | aśvatthāmā haraḥ sākṣāddharirnaṁdakulodbhavaḥ

गांगेय (भीष्म) वसुओं में मुख्य थे; द्रोण देवमुनि और प्रभु थे; अश्वत्थामा साक्षात् हर थे; तथा हरि नंदकुल में अवतरित हुए।

श्लोक 122 (padma.1.76.122)

पंचेंद्राः पांडवा जाता विदुरो धर्म एव च । गांधारी द्रौपदी कुंती चैता देव्यो धरातले

paṁceṁdrāḥ pāṁḍavā jātā viduro dharma eva ca | gāṁdhārī draupadī kuṁtī caitā devyo dharātale

पाँचों पांडव पाँच इंद्रों से जन्मे, विदुर साक्षात् धर्म थे; गांधारी, द्रौपदी और कुंती — ये पृथ्वी पर देवियाँ थीं।

श्लोक 123 (padma.1.76.123)

देवदैत्याः कलेर्मध्ये दैत्याश्शेषे च मानवाः । उत्पत्स्यंते सदा प्रेताः क्रव्यादाः पशुपक्षिणः

devadaityāḥ kalermadhye daityāśśeṣe ca mānavāḥ | utpatsyaṁte sadā pretāḥ kravyādāḥ paśupakṣiṇaḥ

कलियुग के मध्य में देव और दैत्य दोनों जन्म लेंगे, शेष काल में केवल दैत्य और साधारण मनुष्य — तथा सदा प्रेत, मांसाहारी, पशु-पक्षी उत्पन्न होते रहेंगे।

श्लोक 124 (padma.1.76.124)

तेषां च कुलटा दासी नित्यकष्टा यवीयसी । नित्यं द्वंद्वेषु संप्रीत्या तेषामाचारभाषिणी

teṣāṁ ca kulaṭā dāsī nityakaṣṭā yavīyasī | nityaṁ dvaṁdveṣu saṁprītyā teṣāmācārabhāṣiṇī

उनमें व्यभिचारिणी स्त्री सेविका बनकर सदा कष्ट में, हीन दशा में रहती है; वह सदा कलह में रत रहकर उन्हीं के आचरण की प्रवक्ता बन जाती है।

श्लोक 125 (padma.1.76.125)

किल्बिषेषु च सर्वेषु कलहेऽन्यायकर्मणि । रता दैत्यादयो ये ते सर्वे निरयगामिनः

kilbiṣeṣu ca sarveṣu kalahe'nyāyakarmaṇi | ratā daityādayo ye te sarve nirayagāminaḥ

जो दैत्य-स्वभाव वाले सभी पापों में, कलह में, अन्याय-कर्म में रत रहते हैं, वे सभी नरकगामी होते हैं।

श्लोक 126 (padma.1.76.126)

वैशंपायन उवाच । दैत्यादीनां मृषाभावात्सुरत्वं न सुरालयम् । कथं भोग्यं कथं सौख्यमारोग्यं बलसंचयम्

vaiśaṁpāyana uvāca | daityādīnāṁ mṛṣābhāvātsuratvaṁ na surālayam | kathaṁ bhogyaṁ kathaṁ saukhyamārogyaṁ balasaṁcayam

वैशंपायन ने कहा — दैत्यों का भाव मिथ्या होने से उन्हें देवत्व या देवलोक कैसे प्राप्त हो सकता है? उनका भोग, सुख, आरोग्य और बल-संचय कैसे संभव है?

श्लोक 127 (padma.1.76.127)

राज्यमायुस्तथा कीर्तिरभीष्टं दयितं बलम् । नीतिविद्यादिकं भाव्यं जन्मवृद्धं सनातनम्

rājyamāyustathā kīrtirabhīṣṭaṁ dayitaṁ balam | nītividyādikaṁ bhāvyaṁ janmavṛddhaṁ sanātanam

राज्य, आयु, कीर्ति, अभीष्ट, प्रिय बल, नीति-विद्या आदि, उत्तम जन्म और सनातन स्थिरता —

श्लोक 128 (padma.1.76.128)

दानाध्ययनकर्माणि यज्ञादि च कथं प्रभो । एतदाप्ताय शिष्याय मह्यं भो वक्तुमर्हसि

dānādhyayanakarmāṇi yajñādi ca kathaṁ prabho | etadāptāya śiṣyāya mahyaṁ bho vaktumarhasi

— दान, अध्ययन, यज्ञ आदि कर्म — ये उन्हें कैसे प्राप्त होते हैं, हे प्रभु? यह मुझ आप्त शिष्य को बताइए।

श्लोक 129 (padma.1.76.129)

व्यास उवाच । दैत्यानां साहसादेव तपो भवति निश्चितम् । व्रतं यज्ञादिकं चैव संप्रीतिः स्वजनस्य च

vyāsa uvāca | daityānāṁ sāhasādeva tapo bhavati niścitam | vrataṁ yajñādikaṁ caiva saṁprītiḥ svajanasya ca

व्यास जी ने कहा — दैत्यों का तप निश्चय ही केवल साहस से होता है; उनके व्रत, यज्ञ और स्वजन-प्रीति भी वैसी ही होती है।

श्लोक 130 (padma.1.76.130)

यो दांतो विगुणैर्मुक्तो नीतिशास्रार्थतत्त्वगः । एतैश्च विविधैः पूतः स भवेत्सुरलक्षणः

yo dāṁto viguṇairmukto nītiśāsrārthatattvagaḥ | etaiśca vividhaiḥ pūtaḥ sa bhavetsuralakṣaṇaḥ

किंतु जो संयमी, दोषों से मुक्त, नीतिशास्त्र के तत्त्व का ज्ञाता है, और इन विविध गुणों से पवित्र है — वही देवत्व के लक्षण वाला है।

श्लोक 131 (padma.1.76.131)

पुराणागमकर्माणि नाकेष्वत्र च वै द्विज । स्वयमाचरते पुण्यं स धरोद्धरणक्षमः

purāṇāgamakarmāṇi nākeṣvatra ca vai dvija | svayamācarate puṇyaṁ sa dharoddharaṇakṣamaḥ

हे द्विज! जो पुराणों और आगमों के कर्मों का, स्वर्ग और यहाँ दोनों में, स्वयं पुण्य का आचरण करता है — वह पृथ्वी के उद्धार में समर्थ है।

श्लोक 132 (padma.1.76.132)

विशेषाद्वैष्णवं दृष्ट्वा प्रीयते पूजयेच्च यः । विमुक्तस्सर्वपापेभ्यस्स धरोद्धरणक्षमः

viśeṣādvaiṣṇavaṁ dṛṣṭvā prīyate pūjayecca yaḥ | vimuktassarvapāpebhyassa dharoddharaṇakṣamaḥ

जो विशेष रूप से विष्णु-भक्त को देखकर प्रसन्न होता और उसकी पूजा करता है, वह समस्त पापों से मुक्त होकर पृथ्वी के उद्धार में समर्थ है।

श्लोक 133 (padma.1.76.133)

षट्कर्मनिरतो विप्रस्सर्वयज्ञरतस्सदा । धर्माख्यानप्रियो नित्यं स धरोद्धरणक्षमः

ṣaṭkarmanirato viprassarvayajñaratassadā | dharmākhyānapriyo nityaṁ sa dharoddharaṇakṣamaḥ

षट्कर्मों में रत, सदा सब यज्ञों में लीन ब्राह्मण, जो सदा धर्म-कथा का प्रेमी है — वह पृथ्वी के उद्धार में समर्थ है।

श्लोक 134 (padma.1.76.134)

विश्वासघातिनो ये च कृतघ्ना व्रतलोपिनः । द्विजदेवेषु विद्विष्टाः शातयंति धरां नराः

viśvāsaghātino ye ca kṛtaghnā vratalopinaḥ | dvijadeveṣu vidviṣṭāḥ śātayaṁti dharāṁ narāḥ

विश्वासघाती, कृतघ्न, व्रत तोड़ने वाले, द्विज-देवों से द्वेष रखने वाले मनुष्य — पृथ्वी को नष्ट करते हैं।

श्लोक 135 (padma.1.76.135)

ये च मद्यरताः पापा द्यूतकर्मरतास्तथा । पाषंडपतितालापाः शातयंति धरां नराः

ye ca madyaratāḥ pāpā dyūtakarmaratāstathā | pāṣaṁḍapatitālāpāḥ śātayaṁti dharāṁ narāḥ

मद्यरत पापी, द्यूतकर्म में रत, पाषंडियों और पतितों से वार्तालाप करने वाले मनुष्य — पृथ्वी को नष्ट करते हैं।

श्लोक 136 (padma.1.76.136)

सुकर्मरहिता ये च नित्योद्वेगाश्च निर्भयाः । स्मृतिशास्त्रार्थकोद्विग्नाश्शातयंति धरां नराः

sukarmarahitā ye ca nityodvegāśca nirbhayāḥ | smṛtiśāstrārthakodvignāśśātayaṁti dharāṁ narāḥ

सुकर्म से रहित, सदा उद्विग्न किंतु निर्भय, स्मृति-शास्त्र के अर्थ से क्षुब्ध रहने वाले मनुष्य — पृथ्वी को नष्ट करते हैं।

श्लोक 137 (padma.1.76.137)

निजवृत्तिं परित्यज्य कुर्वंति चाधमां च ये । गुरुनिंदारता द्वेषाच्छातयंति धरां नराः

nijavṛttiṁ parityajya kurvaṁti cādhamāṁ ca ye | guruniṁdāratā dveṣācchātayaṁti dharāṁ narāḥ

अपनी वृत्ति त्यागकर अधम वृत्ति अपनाने वाले, द्वेषवश गुरु-निंदा में रत मनुष्य — पृथ्वी को नष्ट करते हैं।

श्लोक 138 (padma.1.76.138)

दातारं ये रोधयंति पातके प्रेरयंति च । दीनानाथान्पीडयंति शातयंति धरां नराः

dātāraṁ ye rodhayaṁti pātake prerayaṁti ca | dīnānāthānpīḍayaṁti śātayaṁti dharāṁ narāḥ

दानी को रोकने वाले, पाप में प्रेरित करने वाले, दीन-अनाथों को पीड़ित करने वाले मनुष्य — पृथ्वी को नष्ट करते हैं।

श्लोक 139 (padma.1.76.139)

एते चान्ये च बहवः पापकर्मकृतो नराः । पुरुषान्पातयित्वा तु शातयंति धरां नराः

ete cānye ca bahavaḥ pāpakarmakṛto narāḥ | puruṣānpātayitvā tu śātayaṁti dharāṁ narāḥ

ये और भी अनेक पापकर्मी मनुष्य, सज्जनों को गिराकर, पृथ्वी को नष्ट करते हैं।

श्लोक 140 (padma.1.76.140)

य इदं शृणुयाद्रम्यं गुह्याद्गुह्यं परं हितम् । न तस्य दुर्गतिर्दुःखं दौर्भाग्यं दीनता भुवि

ya idaṁ śṛṇuyādramyaṁ guhyādguhyaṁ paraṁ hitam | na tasya durgatirduḥkhaṁ daurbhāgyaṁ dīnatā bhuvi

जो कोई इस मनोहर, गुह्य से भी गुह्यतर, परम हितकारी उपदेश को सुनता है — पृथ्वी पर उसकी दुर्गति, दुःख, दुर्भाग्य या दीनता नहीं होती।

श्लोक 141 (padma.1.76.141)

न दैत्यादौ भवेज्जन्म स्वर्लोके शाश्वतं सुखम् । नाकाले मरणं तस्य न च पापैः प्रलिप्यते

na daityādau bhavejjanma svarloke śāśvataṁ sukham | nākāle maraṇaṁ tasya na ca pāpaiḥ pralipyate

उसका जन्म दैत्य आदि योनियों में नहीं होता, वह स्वर्गलोक में शाश्वत सुख पाता है; उसकी मृत्यु असमय नहीं होती, न वह पापों से लिप्त होता है।

श्लोक 142 (padma.1.76.142)

इह सर्वजनाध्यक्षस्त्रिदिवे त्रिदिवेश्वरः । कल्पंकल्पं दिवं भुक्त्वा मोक्षमार्गं व्रजत्यसौ

iha sarvajanādhyakṣastridive tridiveśvaraḥ | kalpaṁkalpaṁ divaṁ bhuktvā mokṣamārgaṁ vrajatyasau

यहाँ वह समस्त जनों का अध्यक्ष और त्रिलोक में त्रिदिवेश्वर बनता है; कल्प-कल्प तक स्वर्ग भोगकर वह अंततः मोक्ष-मार्ग को प्राप्त होता है।