अर्कांग-सप्तमी व्रत

श्लोक 1 (padma.1.77.1)

वैशंपायन उवाच । प्रभवत्ययमाकाशे नित्यं द्विजवर प्रभो । कोऽयं को वा प्रभावोस्य कुत्र जातो घृणीश्वरः

vaiśaṁpāyana uvāca | prabhavatyayamākāśe nityaṁ dvijavara prabho | ko'yaṁ ko vā prabhāvosya kutra jāto ghṛṇīśvaraḥ

वैशंपायन ने कहा — हे द्विजश्रेष्ठ! यह जो आकाश में सदा प्रकाशमान है, वह कौन है, इसका प्रभाव क्या है, यह घृणीश्वर (तेजोमय ईश्वर) कहाँ जन्मा?

श्लोक 2 (padma.1.77.2)

किं करोति हि कार्यं वै यतो रश्मिमयो भृशम् । देवैर्मुनिवरैस्सिद्धैश्चारणैर्दैत्यराक्षसैः

kiṁ karoti hi kāryaṁ vai yato raśmimayo bhṛśam | devairmunivaraissiddhaiścāraṇairdaityarākṣasaiḥ

वह इतना तीव्र किरणमय होकर क्या कार्य करता है, जिससे देवता, श्रेष्ठ मुनि, सिद्ध, चारण, दैत्य-राक्षस —

श्लोक 3 (padma.1.77.3)

निखिलैर्मानुषैः पूज्यः सदैव ब्राह्मणादिभिः । व्यास उवाच । परमं ब्रह्मणस्तेजो ब्रह्मदेहाद्विनिस्सृतम्

nikhilairmānuṣaiḥ pūjyaḥ sadaiva brāhmaṇādibhiḥ | vyāsa uvāca | paramaṁ brahmaṇastejo brahmadehādvinissṛtam

— तथा समस्त मनुष्य, ब्राह्मण आदि सभी सदा उसकी पूजा करते हैं? व्यास जी ने कहा — वह परब्रह्म का परम तेज है, जो ब्रह्मा के शरीर से निकला है।

श्लोक 4 (padma.1.77.4)

साक्षाद्ब्रह्ममयं विद्धि धर्मकामार्थमोक्षदम् । मयूखैर्निर्मलैः कूटमतिचंडं सुदुःसहम्

sākṣādbrahmamayaṁ viddhi dharmakāmārthamokṣadam | mayūkhairnirmalaiḥ kūṭamaticaṁḍaṁ suduḥsaham

उसे साक्षात् ब्रह्मस्वरूप, धर्म-काम-अर्थ-मोक्ष का दाता जानो; अपनी निर्मल किरणों के समूह से वह अत्यंत प्रचंड और असह्य हो गया।

श्लोक 5 (padma.1.77.5)

दृष्ट्वा प्रदुद्रुवुर्लोकाः करैश्चंडैः प्रपीडिताः । ततश्च सागराः सर्वे वरनद्यो नदादयः

dṛṣṭvā pradudruvurlokāḥ karaiścaṁḍaiḥ prapīḍitāḥ | tataśca sāgarāḥ sarve varanadyo nadādayaḥ

यह देखकर उसकी प्रचंड किरणों से पीड़ित होकर सारे लोक भाग खड़े हुए; तब सभी सागर, श्रेष्ठ नदियाँ और अन्य नद —

श्लोक 6 (padma.1.77.6)

शुष्यंति जंतवस्तत्र म्रियंते चातुरा जनाः । अथ शक्रादयो देवा ब्रह्माणं समुपागताः

śuṣyaṁti jaṁtavastatra mriyaṁte cāturā janāḥ | atha śakrādayo devā brahmāṇaṁ samupāgatāḥ

— सूख गए, वहाँ जीव मरने लगे और पीड़ित लोग मृत्यु को प्राप्त हुए। तब शक्र आदि देवता ब्रह्मा के पास गए।

श्लोक 7 (padma.1.77.7)

इममर्थं तदा प्रोचुर्देवांश्च विधिरब्रवीत् । आदिर्ब्रह्मतनोर्देवाः सत्त्वगो जनकः प्रभुः

imamarthaṁ tadā procurdevāṁśca vidhirabravīt | ādirbrahmatanordevāḥ sattvago janakaḥ prabhuḥ

उन्होंने यह विषय बताया, और विधाता ने देवताओं से कहा — 'हे देवगण, मैं ब्रह्मशरीर का आदि, सत्त्वगामी, जनक और प्रभु हूँ —'

श्लोक 8 (padma.1.77.8)

अयं रजोमयः साक्षात्सुधांशुस्तनुमध्यगः । एताभ्यां पालिता लोकास्त्रैलोक्ये सचराचराः

ayaṁ rajomayaḥ sākṣātsudhāṁśustanumadhyagaḥ | etābhyāṁ pālitā lokāstrailokye sacarācarāḥ

'— यह सूर्य साक्षात् रजोमय है, और चंद्रमा मध्यम स्वभाव वाला है; इन दोनों से ही त्रैलोक्य के चराचर लोक पालित होते हैं।'

श्लोक 9 (padma.1.77.9)

दिव्योपपादका देवा ये वात्रैव जरायुजाः । अंडजाः स्वेदजाश्चैव ये वात्रैवोद्भिज्जादयः

divyopapādakā devā ye vātraiva jarāyujāḥ | aṁḍajāḥ svedajāścaiva ye vātraivodbhijjādayaḥ

'दिव्य उत्पत्ति वाले देव हों, जरायुज हों, अंडज, स्वेदज अथवा उद्भिज्ज हों —'

श्लोक 10 (padma.1.77.10)

सूर्यस्यास्य प्रभावं तु वक्तुमेव न शक्नुमः । अनेन रक्षिता लोका जनिताः पालिता ध्रुवम्

sūryasyāsya prabhāvaṁ tu vaktumeva na śaknumaḥ | anena rakṣitā lokā janitāḥ pālitā dhruvam

'— इस सूर्य का प्रभाव हम कह ही नहीं सकते; इसी के द्वारा सभी लोक निश्चय ही रक्षित, उत्पन्न और पालित होते हैं।'

श्लोक 11 (padma.1.77.11)

अस्यैव सदृशो नास्ति सर्वेषां परिरक्षणात् । यं च दृष्ट्वाप्युषःकाले पापराशिः प्रलीयते

asyaiva sadṛśo nāsti sarveṣāṁ parirakṣaṇāt | yaṁ ca dṛṣṭvāpyuṣaḥkāle pāparāśiḥ pralīyate

'सबकी रक्षा करने में इसके समान कोई नहीं; जिसे प्रातःकाल देखने मात्र से ही पापों का समूह विलीन हो जाता है।'

श्लोक 12 (padma.1.77.12)

तमाराध्य जना मोक्षं साधयंति द्विजातयः । संध्योपासनकाले तु विप्रा ब्रह्मविदः किल

tamārādhya janā mokṣaṁ sādhayaṁti dvijātayaḥ | saṁdhyopāsanakāle tu viprā brahmavidaḥ kila

'उसकी आराधना करके द्विजगण मोक्ष सिद्ध करते हैं; संध्योपासना के समय ब्रह्मवेत्ता विप्रगण —'

श्लोक 13 (padma.1.77.13)

उद्बाहवो भवंत्येव ते च देवप्रपूजिताः । अस्यैव मंडलस्थां च देवीं संध्यास्वरूपिणीं

udbāhavo bhavaṁtyeva te ca devaprapūjitāḥ | asyaiva maṁḍalasthāṁ ca devīṁ saṁdhyāsvarūpiṇīṁ

'— भुजाएँ उठाकर उपासना करते हैं, और वे स्वयं देवताओं द्वारा पूजित होते हैं। इसी के मंडल में स्थित संध्या-स्वरूपिणी देवी की —'

श्लोक 14 (padma.1.77.14)

समुपास्य द्विजास्सर्वे लभंते स्वर्गमोक्षकौ । धरायां पतितोच्छिष्टाः पूतास्ते चास्य रश्मिभिः

samupāsya dvijāssarve labhaṁte svargamokṣakau | dharāyāṁ patitocchiṣṭāḥ pūtāste cāsya raśmibhiḥ

'— उपासना करके सभी द्विज स्वर्ग और मोक्ष दोनों पाते हैं। भूमि पर गिरी हुई जूठन भी इसकी किरणों से पवित्र हो जाती है।'

श्लोक 15 (padma.1.77.15)

संध्योपासनमात्रेण कल्मषात्पूततां व्रजेत् । दृष्ट्वा चांडालकं गोघ्नं पतितं कुष्ठसंगतम्

saṁdhyopāsanamātreṇa kalmaṣātpūtatāṁ vrajet | dṛṣṭvā cāṁḍālakaṁ goghnaṁ patitaṁ kuṣṭhasaṁgatam

'केवल संध्योपासना से ही व्यक्ति पाप से पवित्र हो जाता है। चांडाल, गोघाती, पतित अथवा कुष्ठरोगी को देखकर भी —'

श्लोक 16 (padma.1.77.16)

महापातकसंकीर्णमुपपातकसंवृतम् । पश्यंति ये नरास्सूरं ते पूता गुरुकिल्बिषात्

mahāpātakasaṁkīrṇamupapātakasaṁvṛtam | paśyaṁti ye narāssūraṁ te pūtā gurukilbiṣāt

'— महापातकों और उपपातकों से घिरे मनुष्य भी, जो सूर्य को देख लेते हैं, वे बड़े से बड़े पाप से भी पवित्र हो जाते हैं।'

श्लोक 17 (padma.1.77.17)

अस्योपासनमात्रेण सर्वरोगात्प्रमुच्यते । नांधत्वं न च दारिद्र्यं दुःखं न च शोच्यताम्

asyopāsanamātreṇa sarvarogātpramucyate | nāṁdhatvaṁ na ca dāridryaṁ duḥkhaṁ na ca śocyatām

'केवल इसकी उपासना से ही मनुष्य समस्त रोगों से मुक्त हो जाता है; न अंधत्व, न दरिद्रता, न दुःख, न शोक उसे प्राप्त होता है।'

श्लोक 18 (padma.1.77.18)

लभते च इहामुत्र समुपास्य विरोचनम् । अदृष्टा नैव लोकैश्च देवा हरिहरादयः

labhate ca ihāmutra samupāsya virocanam | adṛṣṭā naiva lokaiśca devā hariharādayaḥ

'विरोचन (तेजस्वी सूर्य) की उपासना करके मनुष्य इहलोक और परलोक दोनों में सुख पाता है। हरि-हर आदि देवता तो लोकों को कभी दिखाई ही नहीं देते —'

श्लोक 19 (padma.1.77.19)

ध्यानरूपप्रगम्यास्ते दृष्टो देवो ह्ययं स्मृतः । देवा ऊचुः । अस्तु प्रसादनाराध्यश्चास्तूपासनपूजनम्

dhyānarūpapragamyāste dṛṣṭo devo hyayaṁ smṛtaḥ | devā ūcuḥ | astu prasādanārādhyaścāstūpāsanapūjanam

'— वे केवल ध्यान से ही जाने जाते हैं; परंतु यह देव तो साक्षात् दृष्ट माना जाता है।' देवताओं ने कहा — 'तो ऐसा ही हो, यह प्रसाद से आराध्य हो, इसकी उपासना और पूजा हो।'

श्लोक 20 (padma.1.77.20)

अस्यैव दर्शनं ब्रह्मन्प्रलयानलसंमितम् । सर्वे नरादयस्सत्वा मृतावस्थां गता भुवि

asyaiva darśanaṁ brahmanpralayānalasaṁmitam | sarve narādayassatvā mṛtāvasthāṁ gatā bhuvi

हे ब्रह्मन्! इसका दर्शन मात्र प्रलयाग्नि के समान है; समस्त मनुष्य आदि प्राणी पृथ्वी पर मृतप्राय अवस्था को प्राप्त हो गए —

श्लोक 21 (padma.1.77.21)

अस्य तेजःप्रभावेण प्रणष्टास्सागरादयः । न समर्था वयं सोढुं कथमन्ये पृथग्जनाः

asya tejaḥprabhāveṇa praṇaṣṭāssāgarādayaḥ | na samarthā vayaṁ soḍhuṁ kathamanye pṛthagjanāḥ

— इसके तेज के प्रभाव से सागर आदि नष्ट हो गए। हम स्वयं इसे सहन करने में असमर्थ हैं, तो अन्य साधारण जन कैसे सहेंगे?

श्लोक 22 (padma.1.77.22)

तस्मात्तवप्रसादाच्च पूजयामो यथा रविम् । यजंति च नरा भक्त्या तदुपायो विधीयताम्

tasmāttavaprasādācca pūjayāmo yathā ravim | yajaṁti ca narā bhaktyā tadupāyo vidhīyatām

इसलिए आपकी कृपा से हम सूर्य की भाँति पूजा करें, और मनुष्य भी भक्तिपूर्वक यजन करें — इसका उपाय कीजिए।

श्लोक 23 (padma.1.77.23)

देवानां वचनं श्रुत्वा गतो ब्रह्मखगेश्वरम् । गत्वा स्तोतुं समारेभे सर्वलोकहिताय वै

devānāṁ vacanaṁ śrutvā gato brahmakhageśvaram | gatvā stotuṁ samārebhe sarvalokahitāya vai

देवताओं का वचन सुनकर ब्रह्मा आकाशगामी सूर्यदेव के पास गए; वहाँ जाकर उन्होंने समस्त लोक के हित के लिए स्तुति आरंभ की।

श्लोक 24 (padma.1.77.24)

देवत्वं सर्वलोकस्य चक्षुर्भूतो निरामयः । ब्रह्मरूपधरः साक्षाद्दुष्प्रेक्ष्यः प्रलयानलः

devatvaṁ sarvalokasya cakṣurbhūto nirāmayaḥ | brahmarūpadharaḥ sākṣādduṣprekṣyaḥ pralayānalaḥ

'आप समस्त लोक की देवता, नेत्ररूप, निरामय हैं; साक्षात् ब्रह्मरूपधारी, प्रलयाग्नि के समान दुर्दर्श हैं।'

श्लोक 25 (padma.1.77.25)

सर्वदेवस्थितस्त्वं हि सदा वायुसखस्तनौ । अन्नादिपाचनं त्वत्तो जीवनं च भवेद्ध्रुवम्

sarvadevasthitastvaṁ hi sadā vāyusakhastanau | annādipācanaṁ tvatto jīvanaṁ ca bhaveddhruvam

'आप सभी देवताओं में स्थित हैं, सदा शरीर में वायु के सखा रूप में; आपसे ही अन्न का पाचन और जीवन निश्चय ही होता है।'

श्लोक 26 (padma.1.77.26)

उत्पत्तिप्रलयौ देव त्वमेको भुवनेश्वरः । त्वदृते सर्वलोकानां दिनैकं नास्ति जीवनम्

utpattipralayau deva tvameko bhuvaneśvaraḥ | tvadṛte sarvalokānāṁ dinaikaṁ nāsti jīvanam

'हे देव! आप ही अकेले उत्पत्ति और प्रलय, भुवनेश्वर हैं; आपके बिना समस्त लोकों का एक दिन भी जीवन नहीं।'

श्लोक 27 (padma.1.77.27)

प्रभुस्त्वं सर्वलोकानां त्राता गोप्ता पिता प्रसूः । चराचराणां सर्वेषां त्वत्प्रसादाद्धृतं जगत्

prabhustvaṁ sarvalokānāṁ trātā goptā pitā prasūḥ | carācarāṇāṁ sarveṣāṁ tvatprasādāddhṛtaṁ jagat

'आप सभी लोकों के प्रभु, त्राता, रक्षक, पिता और जनक हैं; आपकी कृपा से ही चराचर सहित यह जगत् धृत है।'

श्लोक 28 (padma.1.77.28)

देवेषु त्वत्समो नास्ति भगवंस्त्वखिलेषु च । सर्वत्र तेऽस्ति सद्भावस्त्वयैव धारितं जगत्

deveṣu tvatsamo nāsti bhagavaṁstvakhileṣu ca | sarvatra te'sti sadbhāvastvayaiva dhāritaṁ jagat

'हे भगवन्! देवताओं में तथा समस्त प्राणियों में आपके समान कोई नहीं; आपका सद्भाव सर्वत्र है, आप ही से यह जगत् धारण किया गया है।'

श्लोक 29 (padma.1.77.29)

रूपगंधादिकारी त्वं रसानां स्वादुता त्वया । एवं विश्वेश्वरः सूरो निखिलस्थितिकारकः

rūpagaṁdhādikārī tvaṁ rasānāṁ svādutā tvayā | evaṁ viśveśvaraḥ sūro nikhilasthitikārakaḥ

'आप रूप, गंध आदि के कर्ता हैं, रसों की स्वादुता आप ही से है; इस प्रकार विश्वेश्वर सूर्य समस्त स्थिति के कारक हैं।'

श्लोक 30 (padma.1.77.30)

तीर्थानां पुण्यक्षेत्राणां मखानां जगतः प्रभो । त्वमेकः प्रयतो हेतुस्सर्वसाक्षी गुणाकरः

tīrthānāṁ puṇyakṣetrāṇāṁ makhānāṁ jagataḥ prabho | tvamekaḥ prayato hetussarvasākṣī guṇākaraḥ

'हे जगत्प्रभु! तीर्थों, पुण्यक्षेत्रों और यज्ञों के आप ही अकेले पवित्र कारण हैं, सबके साक्षी, गुणों की खान हैं।'

श्लोक 31 (padma.1.77.31)

सर्वज्ञः सर्वकर्ता च हर्ता पाता सदोत्सुकः । ध्वांतपंकामयघ्नश्च दारिद्र्यदुःखनाशनः

sarvajñaḥ sarvakartā ca hartā pātā sadotsukaḥ | dhvāṁtapaṁkāmayaghnaśca dāridryaduḥkhanāśanaḥ

'सर्वज्ञ, सर्वकर्ता, संहारक और पालक, सदा उत्सुक; अंधकार, मल और रोग के नाशक, दरिद्रता-दुःख के विनाशक।'

श्लोक 32 (padma.1.77.32)

प्रेत्येह च परो बंधुः सर्वज्ञः सर्वलोचनः । त्वदृते सर्वलोकानामुपकारी न विद्यते

pretyeha ca paro baṁdhuḥ sarvajñaḥ sarvalocanaḥ | tvadṛte sarvalokānāmupakārī na vidyate

'इहलोक और परलोक में आप ही सच्चे बंधु हैं, सर्वज्ञ, सर्वद्रष्टा; आपके बिना समस्त लोकों का कोई उपकारी नहीं है।'

श्लोक 33 (padma.1.77.33)

आदित्य उवाच । पितामह महाप्राज्ञ विश्वेंद्र विश्वभावक । ब्रूहि शीघ्रं परं यत्ते करिष्यामि मतं विधे

āditya uvāca | pitāmaha mahāprājña viśveṁdra viśvabhāvaka | brūhi śīghraṁ paraṁ yatte kariṣyāmi mataṁ vidhe

आदित्य ने कहा — 'हे पितामह, महाप्राज्ञ, विश्वेंद्र, विश्वभावक! शीघ्र अपना श्रेष्ठ अभिप्राय कहिए, हे विधे! मैं वैसा ही करूँगा।'

श्लोक 34 (padma.1.77.34)

ब्रह्मोवाच । मयूखस्त्वतिचंडश्च लोकानामतिदुःसहः । यथैव मृदुतामेति तथा कुरु सुरेश्वर

brahmovāca | mayūkhastvaticaṁḍaśca lokānāmatiduḥsahaḥ | yathaiva mṛdutāmeti tathā kuru sureśvara

ब्रह्मा ने कहा — 'तुम्हारी किरणें अत्यंत प्रचंड और लोकों के लिए असह्य हैं; हे सुरेश्वर! जैसे वे कोमल हो जाएँ, वैसा करो।'

श्लोक 35 (padma.1.77.35)

आदित्य उवाच । किरणाः कोटिकोटिर्मे लोकनाशकराः पराः । न चाभीष्टकरा लोके प्रयोगाच्छिन्धि तान्प्रभो

āditya uvāca | kiraṇāḥ koṭikoṭirme lokanāśakarāḥ parāḥ | na cābhīṣṭakarā loke prayogācchindhi tānprabho

आदित्य ने कहा — 'मेरी करोड़ों-करोड़ों किरणें लोकों के लिए अत्यंत विनाशकारी हैं, अभीष्टकारी नहीं — हे प्रभु! उन्हें प्रयोग द्वारा काट दीजिए।'

श्लोक 36 (padma.1.77.36)

ततो विरिंचिना तूर्णं रविवाक्यवशाद्ध्रुवं । आहूय विश्वकर्माणं कृत्वा वज्रमयीं भ्रमि

tato viriṁcinā tūrṇaṁ ravivākyavaśāddhruvaṁ | āhūya viśvakarmāṇaṁ kṛtvā vajramayīṁ bhrami

तब विरिंचि (ब्रह्मा) ने सूर्य के वचन के अनुसार शीघ्र ही विश्वकर्मा को बुलाकर वज्रमयी शान (घिसने का पत्थर) बनवाई,

श्लोक 37 (padma.1.77.37)

चिच्छेद च रवेर्भानून्प्रलयानलसन्निभान् । तैरेव रचितं तत्र विष्णोश्चक्रं सुदर्शनम्

ciccheda ca raverbhānūnpralayānalasannibhān | taireva racitaṁ tatra viṣṇoścakraṁ sudarśanam

— और प्रलयाग्नि के समान तेजस्वी सूर्य की किरणों को काट डाला; उन्हीं से वहाँ विष्णु का सुदर्शन चक्र रचा गया।

श्लोक 38 (padma.1.77.38)

अमोघं यमदंडं च शूलं पशुपतेस्तथा । कालस्य च परः खड्गश्शक्तिर्गुरुप्रमोदिनी

amoghaṁ yamadaṁḍaṁ ca śūlaṁ paśupatestathā | kālasya ca paraḥ khaḍgaśśaktirgurupramodinī

अमोघ यमदंड, तथा पशुपति का त्रिशूल; काल की श्रेष्ठ तलवार, गुरु (स्कंद) को प्रिय शक्ति —

श्लोक 39 (padma.1.77.39)

चंडिकायाः परं शस्त्रं विचित्रं शूलकं तथा । चक्रे ब्रह्माज्ञया शीघ्रं तेनैव विश्वकर्मणा

caṁḍikāyāḥ paraṁ śastraṁ vicitraṁ śūlakaṁ tathā | cakre brahmājñayā śīghraṁ tenaiva viśvakarmaṇā

— चंडिका का श्रेष्ठ अस्त्र, तथा उनका विचित्र त्रिशूल भी — ये सब ब्रह्मा की आज्ञा से उसी विश्वकर्मा ने शीघ्र रच दिए।

श्लोक 40 (padma.1.77.40)

सहस्रकिरणं शिष्टमन्यच्चैव प्रशातितम् । अजनोपायभावेन पुनश्च कश्यपान्मुने

sahasrakiraṇaṁ śiṣṭamanyaccaiva praśātitam | ajanopāyabhāvena punaśca kaśyapānmune

सहस्र किरणों में से जो शेष बची, उतनी काटी जाकर, प्राकृतिक जन्म-विधि से पुनः कश्यप मुनि से —

श्लोक 41 (padma.1.77.41)

अदितेर्गर्भसंजात आदित्य इति वै स्मृतः । अयं चरति विश्वांते मेरुशृंगं भ्रमत्यपि

aditergarbhasaṁjāta āditya iti vai smṛtaḥ | ayaṁ carati viśvāṁte meruśṛṁgaṁ bhramatyapi

— अदिति के गर्भ से उत्पन्न होकर 'आदित्य' नाम से जाना गया। यह विश्व के छोर पर विचरण करता है और मेरु-शिखर की परिक्रमा भी करता है।

श्लोक 42 (padma.1.77.42)

सदोर्ध्वं दिनरात्रं च धरण्या लक्षयोजने । ग्रहाश्चंद्रादयस्तत्र चरंति विधिनोदिताः

sadordhvaṁ dinarātraṁ ca dharaṇyā lakṣayojane | grahāścaṁdrādayastatra caraṁti vidhinoditāḥ

पृथ्वी से एक लाख योजन ऊपर सदा दिन-रात, वहाँ चंद्रमा आदि ग्रह विधिपूर्वक निर्धारित मार्ग पर चलते हैं।

श्लोक 43 (padma.1.77.43)

सूरः संचरते मासान्द्वादशद्वादशात्मकः । संक्रमादस्य संक्रांतिः सर्वैरेव प्रतीयते

sūraḥ saṁcarate māsāndvādaśadvādaśātmakaḥ | saṁkramādasya saṁkrāṁtiḥ sarvaireva pratīyate

सूर्य बारह-बारह महीनों में, स्वयं द्वादश-स्वरूप होकर संचरण करता है; इसी संक्रमण से संक्रांति सबके द्वारा जानी जाती है।

श्लोक 44 (padma.1.77.44)

तासु यद्वा फलं ब्रूमो लोकानां निखिलं मुने । धनुर्मिथुनमीनेषु कन्यायां षडशीतयः

tāsu yadvā phalaṁ brūmo lokānāṁ nikhilaṁ mune | dhanurmithunamīneṣu kanyāyāṁ ṣaḍaśītayaḥ

हे मुने! उनका जो फल हम लोकों के लिए बताते हैं — धनु, मिथुन, मीन और कन्या में षडशीति (छियासी) फल होता है।

श्लोक 45 (padma.1.77.45)

वृषवृश्चिककुंभेषु सिंहे विष्णुपदी स्मृता । तर्पणं चाक्षयं विद्धि दानं देवार्चनं तथा

vṛṣavṛścikakuṁbheṣu siṁhe viṣṇupadī smṛtā | tarpaṇaṁ cākṣayaṁ viddhi dānaṁ devārcanaṁ tathā

वृष, वृश्चिक, कुंभ और सिंह में इसे विष्णुपदी कहा गया है; जान लो कि इनमें किया गया तर्पण, दान और देवार्चन अक्षय है।

श्लोक 46 (padma.1.77.46)

षडशीतिसहस्राणि षडशीतौ फलं भवेत् । विष्णुपद्यां तु लक्षं तु अयने कोटिकोटकं

ṣaḍaśītisahasrāṇi ṣaḍaśītau phalaṁ bhavet | viṣṇupadyāṁ tu lakṣaṁ tu ayane koṭikoṭakaṁ

षडशीति में छियासी हजार का फल होता है; विष्णुपदी में लाख गुना, तथा अयन (संक्रांति) में करोड़ों-करोड़ गुना फल होता है।

श्लोक 47 (padma.1.77.47)

विष्णुपद्यां तु यद्दानमक्षयं परिकीर्तितं । दातुर्वदामि सान्निध्यं सदा जन्मनिजन्मनि

viṣṇupadyāṁ tu yaddānamakṣayaṁ parikīrtitaṁ | dāturvadāmi sānnidhyaṁ sadā janmanijanmani

विष्णुपदी में जो दान दिया जाता है, वह अक्षय कहा गया है; मैं कहता हूँ कि दाता को जन्म-जन्मांतर तक उस देवता का सान्निध्य प्राप्त होता है।

श्लोक 48 (padma.1.77.48)

शीते तूलपटीदानान्न दुःखं जायते तनौ । तुलादाने तल्पदाने द्वयोरेवाक्षयं फलं

śīte tūlapaṭīdānānna duḥkhaṁ jāyate tanau | tulādāne talpadāne dvayorevākṣayaṁ phalaṁ

शीत ऋतु में रुई की चादर के दान से शरीर को दुःख नहीं होता; तुला-दान (शरीर-तुल्य स्वर्ण) और शय्या-दान — दोनों का फल अक्षय है।

श्लोक 49 (padma.1.77.49)

सर्वोपकरणां शय्यां यो ददाति विमत्सरः । वर्णमुख्याय विप्राय स राजपदवीं लभेत्

sarvopakaraṇāṁ śayyāṁ yo dadāti vimatsaraḥ | varṇamukhyāya viprāya sa rājapadavīṁ labhet

जो ईर्ष्यारहित होकर संपूर्ण उपकरणों सहित शय्या श्रेष्ठ ब्राह्मण को देता है, वह राजपद प्राप्त करता है।

श्लोक 50 (padma.1.77.50)

तथैवाग्निं जलं दत्वा नदीतीरे पथिप्रगे । दत्वा च तैलतांबूलमूर्व्या अधिपतिर्भवेत्

tathaivāgniṁ jalaṁ datvā nadītīre pathiprage | datvā ca tailatāṁbūlamūrvyā adhipatirbhavet

इसी प्रकार नदी-तट पर पथिकों के लिए अग्नि और जल की व्यवस्था करने वाला, तथा तेल और ताम्बूल देने वाला पृथ्वी का अधिपति होता है।

श्लोक 51 (padma.1.77.51)

सत्यभावाद्द्विजं नत्वा धनी चाक्षयतां व्रजेत् । माघे मास्यसिते पक्षे पंचदश्यामहर्मुखे

satyabhāvāddvijaṁ natvā dhanī cākṣayatāṁ vrajet | māghe māsyasite pakṣe paṁcadaśyāmaharmukhe

सत्यभाव से द्विज को नमन करके धनी अक्षयता को प्राप्त होता है; माघ मास के कृष्णपक्ष की पंचदशी को, प्रातःकाल —

श्लोक 52 (padma.1.77.52)

पितॄंस्तिलजलैरेव तर्पयित्वाक्षयो दिवि । सुलक्षणां च गां दत्वा हेमशृंगां मणिप्रभाम्

pitṝṁstilajalaireva tarpayitvākṣayo divi | sulakṣaṇāṁ ca gāṁ datvā hemaśṛṁgāṁ maṇiprabhām

— तिल-जल से पितरों का तर्पण करके स्वर्ग में अक्षय पद मिलता है; तथा स्वर्णशृंगी, मणि-द्युति वाली सुलक्षणा गौ के दान से —

श्लोक 53 (padma.1.77.53)

रौप्यखुरप्रदेशां च तथा कांस्यसुदोहनाम् । एतां दत्वा द्विजाग्र्याय सार्वभौमो भवेन्नृपः

raupyakhurapradeśāṁ ca tathā kāṁsyasudohanām | etāṁ datvā dvijāgryāya sārvabhaumo bhavennṛpaḥ

— चाँदी से मढ़े खुरों वाली, तथा उत्तम काँसे के दोहन-पात्र सहित, श्रेष्ठ ब्राह्मण को देकर राजा सार्वभौम बनता है।

श्लोक 54 (padma.1.77.54)

दत्वान्नाभरणं राजा मंडलेशो धनीश्वरः । तिलधेनुं तु यो दद्यात्सर्वोपस्करणान्विताम्

datvānnābharaṇaṁ rājā maṁḍaleśo dhanīśvaraḥ | tiladhenuṁ tu yo dadyātsarvopaskaraṇānvitām

अन्न और आभूषण देकर राजा मंडलेश्वर और धनेश्वर बनता है; जो तिल की गौ, समस्त उपकरणों सहित दान करता है —

श्लोक 55 (padma.1.77.55)

सप्तजन्मार्जितात्पापान्मुक्तो नाकेऽक्षयो भवेत् । भोज्यान्नं ब्राह्मणे दत्वा अक्षयं स्वर्गमश्नुते

saptajanmārjitātpāpānmukto nāke'kṣayo bhavet | bhojyānnaṁ brāhmaṇe datvā akṣayaṁ svargamaśnute

— वह सात जन्मों के अर्जित पाप से मुक्त होकर स्वर्ग में अक्षय हो जाता है; ब्राह्मण को भोजन कराकर अक्षय स्वर्ग प्राप्त करता है।

श्लोक 56 (padma.1.77.56)

धान्यं वस्त्रं तथा भृत्यं गृहपीठादिकं च यत् । यो ददाति द्विजाग्र्याय तं च लक्ष्मीर्न मुंचति

dhānyaṁ vastraṁ tathā bhṛtyaṁ gṛhapīṭhādikaṁ ca yat | yo dadāti dvijāgryāya taṁ ca lakṣmīrna muṁcati

जो अनाज, वस्त्र, सेवक तथा घर-आसन आदि श्रेष्ठ ब्राह्मण को देता है, उसे लक्ष्मी कभी नहीं छोड़तीं।

श्लोक 57 (padma.1.77.57)

यत्किंचिद्दीयते दानं स्वल्पं वा यदि वा बहु । अक्षयं परलोकेषु युगाद्यासु तथैव च

yatkiṁciddīyate dānaṁ svalpaṁ vā yadi vā bahu | akṣayaṁ paralokeṣu yugādyāsu tathaiva ca

जो भी दान दिया जाता है, चाहे थोड़ा हो या बहुत, वह परलोक में तथा युगादि तिथियों में अक्षय होता है।

श्लोक 58 (padma.1.77.58)

यद्वा देवार्चनं स्तोत्रं धर्माख्यानप्रतिश्रवः । पुनाति सर्वपापेभ्यो दिवि पूज्यो भवत्यसौ

yadvā devārcanaṁ stotraṁ dharmākhyānapratiśravaḥ | punāti sarvapāpebhyo divi pūjyo bhavatyasau

अथवा देवार्चन, स्तोत्र और धर्म-कथा का श्रवण — यह सब पापों से पवित्र करता है, और वह स्वर्ग में पूज्य होता है।

श्लोक 59 (padma.1.77.59)

तृतीया माघमासस्य सिता मन्वंतरा स्मृता । तस्यां यद्दीयते दानं सर्वमक्षयमुच्यते

tṛtīyā māghamāsasya sitā manvaṁtarā smṛtā | tasyāṁ yaddīyate dānaṁ sarvamakṣayamucyate

माघ मास की शुक्ल तृतीया मन्वंतर के समान मानी गई है; उस दिन दिया गया सारा दान अक्षय कहा जाता है।

श्लोक 60 (padma.1.77.60)

धनं भोग्यं तथा राज्यं नाकं कल्पांतरस्थितम् । तस्माद्दानं सतां पूजा प्रेत्यानंतफलप्रदा

dhanaṁ bhogyaṁ tathā rājyaṁ nākaṁ kalpāṁtarasthitam | tasmāddānaṁ satāṁ pūjā pretyānaṁtaphalapradā

धन, भोग, राज्य तथा कल्पांतर तक स्थित स्वर्ग — इसलिए दान सत्पुरुषों की पूजा है, जो परलोक में अनंत फल देती है।

श्लोक 61 (padma.1.77.61)

मन्वंतरा तु माघे स्यात्सप्तमी या शितीतरा । तिथिः पुण्यतमा प्रोक्ता पुराणैरभिरक्षिता

manvaṁtarā tu māghe syātsaptamī yā śitītarā | tithiḥ puṇyatamā proktā purāṇairabhirakṣitā

किंतु माघ की शुक्ल सप्तमी मन्वंतर के समान है — यह तिथि परम पुण्यमयी कही गई है, पुराणों द्वारा संरक्षित।

श्लोक 62 (padma.1.77.62)

माघमासे सिते पक्षे सप्तमी कोटिभास्करा । तामुपोष्य नरः पुण्यां मुच्यते नात्र संशयः

māghamāse site pakṣe saptamī koṭibhāskarā | tāmupoṣya naraḥ puṇyāṁ mucyate nātra saṁśayaḥ

माघ मास के शुक्लपक्ष की सप्तमी करोड़ों सूर्यों के समान है; इसका उपवास करने वाला मनुष्य निश्चय ही पवित्र होकर मुक्त होता है।

श्लोक 63 (padma.1.77.63)

सूर्यग्रहणतुल्या हि शुक्ला माघस्य सप्तमी । अरुणोदयवेलायां तस्यां स्नानं महाफलम्

sūryagrahaṇatulyā hi śuklā māghasya saptamī | aruṇodayavelāyāṁ tasyāṁ snānaṁ mahāphalam

माघ की शुक्ल सप्तमी सूर्यग्रहण के समान है; अरुणोदय के समय उस दिन स्नान करना महाफलदायक है।

श्लोक 64 (padma.1.77.64)

यच्च तत्र कृतं पापं मया सप्तसु जन्मसु । तन्मे रोगं च शोकं च भास्करी हंतु सप्तमी

yacca tatra kṛtaṁ pāpaṁ mayā saptasu janmasu | tanme rogaṁ ca śokaṁ ca bhāskarī haṁtu saptamī

'मैंने सात जन्मों में जो भी पाप किया है, वह सब — मेरा रोग और शोक — यह भास्करी सप्तमी नष्ट करे।'

श्लोक 65 (padma.1.77.65)

जननी सर्वभूतानां सप्तमी सप्तसप्तिके । सप्तम्यामुदिते देवि नमस्ते रविमंडले

jananī sarvabhūtānāṁ saptamī saptasaptike | saptamyāmudite devi namaste ravimaṁḍale

'हे सप्तमी! तुम समस्त प्राणियों की जननी हो, सप्त-सप्तिक (सात घोड़ों वाले सूर्य) की सप्तमी हो; हे देवि, सूर्यमंडल में उदित होने वाली सप्तमी, तुम्हें नमस्कार है।'

श्लोक 66 (padma.1.77.66)

अर्कपत्रं यवाः पुष्पं सुगंधं बदरीफलम् । तत्पत्रे ताम्रपात्रे वा युक्तमानीय तण्डुलम्

arkapatraṁ yavāḥ puṣpaṁ sugaṁdhaṁ badarīphalam | tatpatre tāmrapātre vā yuktamānīya taṇḍulam

अर्क-पत्र, जौ, पुष्प, सुगंधित द्रव्य, बेर का फल — उस पत्र पर या ताम्रपात्र में उचित चावल लेकर —

श्लोक 67 (padma.1.77.67)

यज्ञसूत्रं ससिंदूरं दत्वा चार्घं सुशोभनम् । सर्वपापं क्षयं याति सप्तजन्मकृतं च यत्

yajñasūtraṁ sasiṁdūraṁ datvā cārghaṁ suśobhanam | sarvapāpaṁ kṣayaṁ yāti saptajanmakṛtaṁ ca yat

— सिंदूर-लिप्त यज्ञोपवीत और सुंदर अर्घ्य देकर, सात जन्मों में किया गया समस्त पाप भी नष्ट हो जाता है।

श्लोक 68 (padma.1.77.68)

नरकैः पीड्यते तावद्रोगैः पापैश्च दुःखदैः । हविष्यं भोजयेदन्नं शुद्धमातपतंडुलैः

narakaiḥ pīḍyate tāvadrogaiḥ pāpaiśca duḥkhadaiḥ | haviṣyaṁ bhojayedannaṁ śuddhamātapataṁḍulaiḥ

अन्यथा वह नरकों, रोगों और दुःखदायी पापों से पीड़ित होता है; इसलिए शुद्ध धूप में सुखाए चावल से बना हविष्यान्न खाना चाहिए।

श्लोक 69 (padma.1.77.69)

वर्जयेच्च शिलाघृष्टं शृंगबेरं तु शाककम् । कोरदूषकपत्रं च रंभाच्छागीघृतं तथा

varjayecca śilāghṛṣṭaṁ śṛṁgaberaṁ tu śākakam | koradūṣakapatraṁ ca raṁbhācchāgīghṛtaṁ tathā

पत्थर पर पीसा हुआ, अदरक, सामान्य शाक, कोरदूषक-पत्र, केला तथा बकरी के घी का त्याग करना चाहिए।

श्लोक 70 (padma.1.77.70)

केशकीटादिकं वर्ज्यमुष्णोदस्नानमेव च । अल्पबीजादिकं सर्वं व्रते सूरस्य वर्जयेत्

keśakīṭādikaṁ varjyamuṣṇodasnānameva ca | alpabījādikaṁ sarvaṁ vrate sūrasya varjayet

बाल-कीट आदि से युक्त भोजन और गर्म जल से स्नान वर्जित है; सूर्य-व्रत में छोटे बीजों वाली सभी वस्तुओं का त्याग करना चाहिए।

श्लोक 71 (padma.1.77.71)

अन्यच्च नाचरेत्तत्र धर्मचिंतां विना व्रती । सौरव्रतं महापुण्यं पुराणैरभिनंदितम्

anyacca nācarettatra dharmaciṁtāṁ vinā vratī | sauravrataṁ mahāpuṇyaṁ purāṇairabhinaṁditam

व्रती को धर्मचिंतन के अतिरिक्त वहाँ अन्य कुछ नहीं करना चाहिए; सूर्य-व्रत महान पुण्यमय है, पुराणों में इसकी सराहना की गई है।

श्लोक 72 (padma.1.77.72)

वर्षकोटिसहस्राणि वर्षकोटिशतानि च । आदित्यस्य समं भोग्यं लभते दिवि शाश्वतम्

varṣakoṭisahasrāṇi varṣakoṭiśatāni ca | ādityasya samaṁ bhogyaṁ labhate divi śāśvatam

हजारों करोड़ वर्षों और सैकड़ों करोड़ वर्षों तक मनुष्य स्वर्ग में सूर्य के समान शाश्वत भोग प्राप्त करता है।

श्लोक 73 (padma.1.77.73)

एवं स्वर्गक्षयादेव राजा भूमौ महाधनी । मर्त्यलोके पुराभ्यासात्करोति भास्करव्रतम्

evaṁ svargakṣayādeva rājā bhūmau mahādhanī | martyaloke purābhyāsātkaroti bhāskaravratam

इस प्रकार स्वर्ग का पुण्य क्षीण होने पर, पूर्व अभ्यास के कारण, वह पृथ्वी पर महाधनी राजा बनकर मर्त्यलोक में भास्कर-व्रत करता है।

श्लोक 74 (padma.1.77.74)

तथा स्वयं सुखं भोग्यं लभते दिवि शाश्वतम् । आरोग्यं संपदं जन्मी भास्करस्य प्रसादतः

tathā svayaṁ sukhaṁ bhogyaṁ labhate divi śāśvatam | ārogyaṁ saṁpadaṁ janmī bhāskarasya prasādataḥ

इस प्रकार वह स्वयं स्वर्ग में शाश्वत सुख पाता है; और भास्कर की कृपा से पुनः जन्म लेने पर आरोग्य और संपत्ति भी पाता है।

श्लोक 75 (padma.1.77.75)

रविवारे भवेद्या च सप्तमी माघशुक्लके । महाजयेति विख्याता अन्यत्र विजया स्मृता

ravivāre bhavedyā ca saptamī māghaśuklake | mahājayeti vikhyātā anyatra vijayā smṛtā

माघ की शुक्ल सप्तमी जब रविवार को पड़ती है, तब वह 'महाजया' कहलाती है; अन्यथा 'विजया' कही जाती है।

श्लोक 76 (padma.1.77.76)

विजया कोटिलक्षं स्यादनंतं स्यान्महाजया । तत्रैकेन व्रतेनैव मुच्यते जन्मबंधनात्

vijayā koṭilakṣaṁ syādanaṁtaṁ syānmahājayā | tatraikena vratenaiva mucyate janmabaṁdhanāt

विजया का फल एक करोड़-लाख गुना है, महाजया का फल अनंत है; उसमें एक ही व्रत से मनुष्य जन्म-बंधन से मुक्त हो जाता है।

श्लोक 77 (padma.1.77.77)

अश्वरत्नं सुवर्णं च रक्तवस्त्रं च धान्यकम् । ददाति भास्कर प्रीत्या स्वर्ग मर्त्यपतिः क्रमात्

aśvaratnaṁ suvarṇaṁ ca raktavastraṁ ca dhānyakam | dadāti bhāskara prītyā svarga martyapatiḥ kramāt

रत्नतुल्य अश्व, स्वर्ण, लाल वस्त्र और अनाज भास्कर की प्रीति के लिए देकर मनुष्यों का स्वामी क्रमशः स्वर्ग को प्राप्त करता है।

श्लोक 78 (padma.1.77.78)

एषां भेदं प्रवक्ष्यमि शृणु विप्र यथार्थवत् । उत्तमाभरणैर्युक्तं सद्वाहं यो ददाति ह

eṣāṁ bhedaṁ pravakṣyami śṛṇu vipra yathārthavat | uttamābharaṇairyuktaṁ sadvāhaṁ yo dadāti ha

हे विप्र! इनका भेद यथार्थतः बताता हूँ, सुनो। जो उत्तम आभूषणों सहित एक श्रेष्ठ वाहन देता है —

श्लोक 79 (padma.1.77.79)

समुद्रैस्सप्तभिर्जुष्टां भूमिमेत्यारिवर्जिताम् । लभेद्भवांतरे मर्त्यमेकेनैकाधिपो भवेत्

samudraissaptabhirjuṣṭāṁ bhūmimetyārivarjitām | labhedbhavāṁtare martyamekenaikādhipo bhavet

— वह अगले जन्म में सात समुद्रों से घिरी, शत्रुरहित पृथ्वी पाता है; इस एक ही दान से मनुष्य एकाधिपति बनता है।

श्लोक 80 (padma.1.77.80)

अश्वहीनं च पत्रांगं वृषभैर्वाप्यलंकृतम् । हेममाषं द्विमाषं वा दक्षिणा विहिता बुधैः

aśvahīnaṁ ca patrāṁgaṁ vṛṣabhairvāpyalaṁkṛtam | hemamāṣaṁ dvimāṣaṁ vā dakṣiṇā vihitā budhaiḥ

अश्वरहित वाहन या बैलों से सुसज्जित यान के लिए बुधजनों ने एक या दो माषा स्वर्ण की दक्षिणा विहित की है।

श्लोक 81 (padma.1.77.81)

रत्नभांडं महार्थं च हैमैरेव कृतं च यत् । स्वर्णं वा केवलं दत्वा त्रिविष्टपधनेश्वरः

ratnabhāṁḍaṁ mahārthaṁ ca haimaireva kṛtaṁ ca yat | svarṇaṁ vā kevalaṁ datvā triviṣṭapadhaneśvaraḥ

मूल्यवान रत्नपात्र, अथवा केवल स्वर्ण से बना पात्र, या केवल स्वर्ण देकर मनुष्य स्वर्ग का धनेश्वर बनता है।

श्लोक 82 (padma.1.77.82)

रक्तवस्त्रं च धान्यं च शक्तितो यः प्रयच्छति । स्वर्गोर्व्योरीशतामेति न तं लक्ष्मीर्विमुंचति

raktavastraṁ ca dhānyaṁ ca śaktito yaḥ prayacchati | svargorvyorīśatāmeti na taṁ lakṣmīrvimuṁcati

जो शक्ति के अनुसार लाल वस्त्र और अनाज देता है, वह स्वर्ग और पृथ्वी दोनों का स्वामित्व पाता है; लक्ष्मी उसे कभी नहीं छोड़तीं।

श्लोक 83 (padma.1.77.83)

अरोगी सुप्रसन्नात्मा दस्युजेता प्रतापवान् । यावत्प्रभासते भानुस्तावत्पूज्यतमो हि सः

arogī suprasannātmā dasyujetā pratāpavān | yāvatprabhāsate bhānustāvatpūjyatamo hi saḥ

वह निरोग, प्रसन्नचित्त, दस्युविजयी और प्रतापी होता है; जब तक सूर्य प्रकाशित रहता है, वह सर्वाधिक पूज्य रहता है।

श्लोक 84 (padma.1.77.84)

माघादौ द्वादशींमायां सप्तमीं कारयेत्स तु । इहाभीष्टफलं भुक्त्वा सुरैश्चैव प्रपूज्यते

māghādau dvādaśīṁmāyāṁ saptamīṁ kārayetsa tu | ihābhīṣṭaphalaṁ bhuktvā suraiścaiva prapūjyate

माघ के आरंभ में द्वादशी से सप्तमी तक यह व्रत करना चाहिए; इस लोक में अभीष्ट फल भोगकर वह देवताओं द्वारा भी पूजित होता है।

श्लोक 85 (padma.1.77.85)

अर्काङ्गसप्तमी व्रतं कृत्वा च विधिवद्बुधः । पापात्पूत इहाभीष्टं संप्राप्य मुक्तिमाप्नुयात्

arkāṅgasaptamī vrataṁ kṛtvā ca vidhivadbudhaḥ | pāpātpūta ihābhīṣṭaṁ saṁprāpya muktimāpnuyāt

इस प्रकार विधिपूर्वक अर्कांग-सप्तमी व्रत करके बुद्धिमान व्यक्ति पाप से पवित्र होकर, इस लोक में अभीष्ट पाकर, मुक्ति प्राप्त करता है।

श्लोक 86 (padma.1.77.86)

लक्षणं च प्रवक्ष्यामि मासि मासि च यो विधिः । व्रतस्यास्य प्रसादाच्च सुराणामर्चितो दिवि

lakṣaṇaṁ ca pravakṣyāmi māsi māsi ca yo vidhiḥ | vratasyāsya prasādācca surāṇāmarcito divi

अब मैं इसका लक्षण और मास-मास की विधि बताऊँगा; इस व्रत की कृपा से मनुष्य स्वर्ग में देवताओं द्वारा भी पूजित होता है।

श्लोक 87 (padma.1.77.87)

शुक्लपक्षे रविदिने प्रवृत्ते चोत्तरायणे । पुंनामधेयनक्षत्रे गृह्णीयात्सप्तमीव्रतम्

śuklapakṣe ravidine pravṛtte cottarāyaṇe | puṁnāmadheyanakṣatre gṛhṇīyātsaptamīvratam

शुक्लपक्ष में, रविवार को, उत्तरायण के प्रवृत्त होने पर, पुंनामधेय नक्षत्र में सप्तमी-व्रत ग्रहण करना चाहिए।

श्लोक 88 (padma.1.77.88)

हस्तो मैत्रं तथा पुष्यः श्रवो मृग पुनर्वसु । पुंनामधेय नक्षत्राण्येतान्याहुर्मनीषिणः

hasto maitraṁ tathā puṣyaḥ śravo mṛga punarvasu | puṁnāmadheya nakṣatrāṇyetānyāhurmanīṣiṇaḥ

हस्त, अनुराधा (मैत्र), पुष्य, श्रवण, मृगशिरा और पुनर्वसु — इन्हें विद्वानों ने पुंनामधेय नक्षत्र कहा है।

श्लोक 89 (padma.1.77.89)

पंचम्यामेकभक्तं तु षष्ठ्यां नक्तं प्रकीर्तितम् । सप्तम्यामुपवासं च अष्टम्यां पारणं भवेत्

paṁcamyāmekabhaktaṁ tu ṣaṣṭhyāṁ naktaṁ prakīrtitam | saptamyāmupavāsaṁ ca aṣṭamyāṁ pāraṇaṁ bhavet

पंचमी को एक समय भोजन, षष्ठी को रात्रि में भोजन कहा गया है; सप्तमी को उपवास और अष्टमी को पारण होता है।

श्लोक 90 (padma.1.77.90)

अर्काग्रं शुचिगोमयं सुमरिचं तोयं फलं चाश्नुते । मूलं नक्तमुपोषणं च विधिवत्कृत्वैकभक्तं तथा । क्षीरं वाप्यशनं घृताक्तमिति च प्रोक्ताः क्रमेणामुना । कृत्वा वासरसप्तमीं दिनकृतः प्राप्नोत्यभीष्टं फलं

arkāgraṁ śucigomayaṁ sumaricaṁ toyaṁ phalaṁ cāśnute | mūlaṁ naktamupoṣaṇaṁ ca vidhivatkṛtvaikabhaktaṁ tathā | kṣīraṁ vāpyaśanaṁ ghṛtāktamiti ca proktāḥ krameṇāmunā | kṛtvā vāsarasaptamīṁ dinakṛtaḥ prāpnotyabhīṣṭaṁ phalaṁ

क्रम से अर्क-पत्र का अग्रभाग, शुद्ध गोमय सुमिर्च और जल सहित, फिर फल, फिर मूल — रात्रि में एक बार विधिपूर्वक भोजन; फिर दूध या घृतयुक्त भोजन — इस क्रम से बताए गए हैं। इस प्रकार वासर-सप्तमी करने वाला मनुष्य प्रतिदिन अभीष्ट फल प्राप्त करता है।

श्लोक 91 (padma.1.77.91)

अर्काग्रं ग्रामात्पूर्वोत्तरदिग्गतार्कविटपस्य शाखाग्रस्थितं । विशिष्टं सूक्ष्मपत्रद्वयं सतोयं दन्तैरस्पृष्टं पातव्यं । शुचिगोमयं भूमावपतितं मद्याङ्गुष्ठाभ्यां पलमात्रं दन्तैरस्पृष्टं सतोयं पातव्यम् । सुमरिचमव्रणमपुरातनं स्थूलमवशुष्कमेकं दन्तैरस्पृष्टं सतोयं पातव्यम् । तोयं ब्रह्मपित्रङ्गुलीमूलप्रसरं पातव्यम्फलं खर्जूरनारिकेलानामन्यतमं दंतैरस्पृष्टं पातव्यं घृताक्तमिति चाहारं मयूरडिंभपरिमाणं । घृतमपि तत्परिमाणम्

arkāgraṁ grāmātpūrvottaradiggatārkaviṭapasya śākhāgrasthitaṁ | viśiṣṭaṁ sūkṣmapatradvayaṁ satoyaṁ dantairaspṛṣṭaṁ pātavyaṁ | śucigomayaṁ bhūmāvapatitaṁ madyāṅguṣṭhābhyāṁ palamātraṁ dantairaspṛṣṭaṁ satoyaṁ pātavyam | sumaricamavraṇamapurātanaṁ sthūlamavaśuṣkamekaṁ dantairaspṛṣṭaṁ satoyaṁ pātavyam | toyaṁ brahmapitraṅgulīmūlaprasaraṁ pātavyamphalaṁ kharjūranārikelānāmanyatamaṁ daṁtairaspṛṣṭaṁ pātavyaṁ ghṛtāktamiti cāhāraṁ mayūraḍiṁbhaparimāṇaṁ | ghṛtamapi tatparimāṇam

अर्काग्र: गाँव से पूर्वोत्तर दिशा में स्थित अर्क-वृक्ष की शाखा के अग्रभाग के दो सूक्ष्म पत्ते, दाँतों से बिना छुए, जल सहित पीने चाहिए। शुद्ध गोमय: भूमि पर गिरा हुआ, अंगूठे और मध्यमा उँगली से लिया हुआ, लगभग एक हथेली-भर, दाँतों से बिना छुए, जल सहित पीना चाहिए। सुमिर्च: बिना दाग वाली, पुरानी न हो, मोटी और सूखी, एक ही, दाँतों से बिना छुए, जल सहित पीनी चाहिए। जल: अंगूठे के मूल तक की माप में पीना चाहिए। फल: खजूर या नारियल में से कोई एक, दाँतों से बिना छुए खाना चाहिए। घृतयुक्त आहार मोरनी के अंडे के बराबर मात्रा में लेना चाहिए — घृत भी उतनी ही मात्रा में।

श्लोक 92 (padma.1.77.92)

आत्मनो द्विगुणां छायां यदा कुर्वीत भास्करः । तदा नक्तं विजानीयान्न नक्तं निशिभोजनं

ātmano dviguṇāṁ chāyāṁ yadā kurvīta bhāskaraḥ | tadā naktaṁ vijānīyānna naktaṁ niśibhojanaṁ

जब सूर्य अपनी छाया को अपने से दुगुना कर देता है, तब 'नक्त' समझना चाहिए — नक्त का अर्थ रात्रि में भोजन नहीं है।

श्लोक 93 (padma.1.77.93)

प्रथमं पूजयेद्देवं फलपुष्पादिमंत्रकैः । अन्नदानं ततः कुर्याद्विध्युक्तपरिमाणकं

prathamaṁ pūjayeddevaṁ phalapuṣpādimaṁtrakaiḥ | annadānaṁ tataḥ kuryādvidhyuktaparimāṇakaṁ

पहले फल-पुष्प आदि मंत्रों सहित देव की पूजा करनी चाहिए; फिर विधि-अनुसार निर्धारित मात्रा में अन्नदान करना चाहिए।

श्लोक 94 (padma.1.77.94)

ततो ध्यानम् । सर्वलक्षणसंपूर्णं सर्वाभरणभूषितं । द्विभुजं रक्तवर्णं च रक्तपंकजधृत्करं

tato dhyānam | sarvalakṣaṇasaṁpūrṇaṁ sarvābharaṇabhūṣitaṁ | dvibhujaṁ raktavarṇaṁ ca raktapaṁkajadhṛtkaraṁ

फिर ध्यान करें — 'समस्त शुभ लक्षणों से पूर्ण, सभी आभूषणों से भूषित, दो भुजाओं वाले, रक्तवर्ण, लाल कमल हाथ में धारण किए हुए —'

श्लोक 95 (padma.1.77.95)

तेजोबिंबं बहुजलमध्यस्थं सपरिच्छदं । पद्मासनगतं देवं रक्तगंधानुलेपनं

tejobiṁbaṁ bahujalamadhyasthaṁ saparicchadaṁ | padmāsanagataṁ devaṁ raktagaṁdhānulepanaṁ

'— तेजोमय बिंब, विशाल जल के मध्य स्थित, अपने परिवार सहित, पद्मासन पर विराजमान देव, लाल चंदन से अनुलिप्त —'

श्लोक 96 (padma.1.77.96)

आदित्यं चिंतयेद्देवं पूजाकाले विशेषतः । अथ मंत्रश्चायं । भास्कराय विद्महे सहस्ररश्मये धीमहि तन्नः सूर्यः प्रचोदयात्

ādityaṁ ciṁtayeddevaṁ pūjākāle viśeṣataḥ | atha maṁtraścāyaṁ | bhāskarāya vidmahe sahasraraśmaye dhīmahi tannaḥ sūryaḥ pracodayāt

'— ऐसे आदित्य देव का पूजा के समय विशेष रूप से ध्यान करना चाहिए।' और यह मंत्र है — 'हम भास्कर को जानते हैं, सहस्ररश्मि का ध्यान करते हैं, वह सूर्य हमें प्रेरित करें।'

श्लोक 97 (padma.1.77.97)

जप्य एष परः प्रोक्तःसप्तम्यां विजयावहः । करवीरैः करंजैश्च रक्तकुंकुमसन्निभैः

japya eṣa paraḥ proktaḥsaptamyāṁ vijayāvahaḥ | karavīraiḥ karaṁjaiśca raktakuṁkumasannibhaiḥ

सप्तमी को विजय देने वाला यह मंत्र सर्वश्रेष्ठ जप कहा गया है; कनेर और करंज के लाल कुंकुम-सदृश पुष्पों से —

श्लोक 98 (padma.1.77.98)

पश्चाच्च पारणा कार्या तथाष्टम्यां विशेषतः । अष्टम्यामेव कर्तव्यं नवम्यां नैव पारणं

paścācca pāraṇā kāryā tathāṣṭamyāṁ viśeṣataḥ | aṣṭamyāmeva kartavyaṁ navamyāṁ naiva pāraṇaṁ

— इसके पश्चात् पारण करना चाहिए, विशेषतः अष्टमी को ही; अष्टमी को ही करना चाहिए, नवमी को कभी पारण नहीं करना चाहिए।

श्लोक 99 (padma.1.77.99)

व्रते फलं न चाप्नोति नवम्यां पारणे कृते । पारणं त्वपराह्णे तु कटुतिक्ताम्लवर्जितं

vrate phalaṁ na cāpnoti navamyāṁ pāraṇe kṛte | pāraṇaṁ tvaparāhṇe tu kaṭutiktāmlavarjitaṁ

नवमी को पारण करने से व्रत का फल नहीं मिलता; पारण अपराह्न में, कटु-तिक्त-खट्टे पदार्थों से रहित होना चाहिए।

श्लोक 100 (padma.1.77.100)

तंडुलं शोधयेद्यत्नात्तृणबीजादिकं त्यजेत् । मुद्ग माष तिलादीनि घृतं च परिवर्जयेत्

taṁḍulaṁ śodhayedyatnāttṛṇabījādikaṁ tyajet | mudga māṣa tilādīni ghṛtaṁ ca parivarjayet

चावल को यत्नपूर्वक शुद्ध करना चाहिए, तिनके-बीज आदि त्याग देने चाहिए; मूँग, उड़द, तिल तथा घी का त्याग करना चाहिए।

श्लोक 101 (padma.1.77.101)

ब्राह्मणान्भोजयेद्भक्त्या शक्तः क्षीरादिहव्यकैः । यथाशक्त्यन्नपानैश्च व्यंजनैश्च निरामिषैः

brāhmaṇānbhojayedbhaktyā śaktaḥ kṣīrādihavyakaiḥ | yathāśaktyannapānaiśca vyaṁjanaiśca nirāmiṣaiḥ

समर्थ व्यक्ति भक्तिपूर्वक ब्राह्मणों को दूध आदि हविष्य पदार्थों से भोजन कराए; यथाशक्ति अन्न-पान और निरामिष व्यंजनों से।

श्लोक 102 (padma.1.77.102)

विप्राय दक्षिणां दद्याद्विभज्य चानुरूपतः । इमामनंतफलदां यः कुर्यात्सप्तमीं नरः

viprāya dakṣiṇāṁ dadyādvibhajya cānurūpataḥ | imāmanaṁtaphaladāṁ yaḥ kuryātsaptamīṁ naraḥ

योग्यतानुसार विभाजित कर विप्र को दक्षिणा देनी चाहिए। जो मनुष्य यह अनंत फल देने वाली सप्तमी करता है —

श्लोक 103 (padma.1.77.103)

सर्वपापप्रशमनीं धनपुत्रविवर्धनीम् । मासि मासि द्विजश्रेष्ठ व्रतं कृत्वार्कतुष्टये

sarvapāpapraśamanīṁ dhanaputravivardhanīm | māsi māsi dvijaśreṣṭha vrataṁ kṛtvārkatuṣṭaye

— जो समस्त पापों को शांत करने वाली और धन-पुत्र को बढ़ाने वाली है — हे द्विजश्रेष्ठ! सूर्य की तुष्टि के लिए मास-मास यह व्रत करके —

श्लोक 104 (padma.1.77.104)

यः कुर्यात्पारणं भक्त्या सूर्यलोकं स गच्छति । कल्पकोटिं वसेत्स्वर्गे ततो याति परां गतिं

yaḥ kuryātpāraṇaṁ bhaktyā sūryalokaṁ sa gacchati | kalpakoṭiṁ vasetsvarge tato yāti parāṁ gatiṁ

— जो भक्तिपूर्वक पारण करता है, वह सूर्यलोक जाता है; करोड़ों कल्पों तक स्वर्ग में रहकर फिर परम गति को प्राप्त होता है।

श्लोक 105 (padma.1.77.105)

इदमेव परं गुह्यं भाषितं शंभुना पुरा । श्रवणात्सततं तस्य व्रतस्य परिपालनात् । श्रावयेद्वापि लोकस्य फलं तुल्यं प्रकीर्तितं

idameva paraṁ guhyaṁ bhāṣitaṁ śaṁbhunā purā | śravaṇātsatataṁ tasya vratasya paripālanāt | śrāvayedvāpi lokasya phalaṁ tulyaṁ prakīrtitaṁ

यही परम गुह्य रहस्य पूर्वकाल में शंभु द्वारा कहा गया था; इसे निरंतर सुनने और इस व्रत का पालन करने से, अथवा दूसरों को सुनाने से भी समान फल कहा गया है।