भद्रेश्वर आख्यान

श्लोक 1 (padma.1.79.1)

व्यास उवाच । मध्यदेशे स्वराट् सम्राट् भद्रेश्वर इति श्रुतः । तपोभिर्बहुभिः पूतो व्रतैर्नानाविधैरपि

vyāsa uvāca | madhyadeśe svarāṭ samrāṭ bhadreśvara iti śrutaḥ | tapobhirbahubhiḥ pūto vratairnānāvidhairapi

व्यास जी ने कहा — मध्यदेश में भद्रेश्वर नामक एक स्वराट् सम्राट् थे, जो अनेक तपों और नाना प्रकार के व्रतों से पवित्र थे।

श्लोक 2 (padma.1.79.2)

देवांस्तु पूजयेन्नित्यं सुभावेन सदा खलु । तस्य सव्येऽभवत्कुष्ठं करे श्वेतमजायत

devāṁstu pūjayennityaṁ subhāvena sadā khalu | tasya savye'bhavatkuṣṭhaṁ kare śvetamajāyata

वे सदा सद्भाव से नित्य देवताओं की पूजा करते थे; किंतु उनके बाएँ हाथ में श्वेत कुष्ठ रोग उत्पन्न हो गया।

श्लोक 3 (padma.1.79.3)

ततो भिषक्प्रयोगाच्च लक्षणं दृश्यते पुरा । आहूय द्विजमुख्यांश्च मंत्रिणः सोब्रवीद्वचः

tato bhiṣakprayogācca lakṣaṇaṁ dṛśyate purā | āhūya dvijamukhyāṁśca maṁtriṇaḥ sobravīdvacaḥ

वैद्यों के उपचार से भी वह लक्षण पहले से अधिक दिखाई देने लगा। तब श्रेष्ठ द्विजों और मंत्रियों को बुलाकर उन्होंने यह वचन कहा।

श्लोक 4 (padma.1.79.4)

राजोवाच । किल्बिषं मे करे विप्रा दुःसहं लोकगर्हितं । तस्मात्पुण्यं महाक्षेत्रं यत्र त्यक्ष्यामि विग्रहं

rājovāca | kilbiṣaṁ me kare viprā duḥsahaṁ lokagarhitaṁ | tasmātpuṇyaṁ mahākṣetraṁ yatra tyakṣyāmi vigrahaṁ

राजा ने कहा — 'हे विप्रो! मेरे हाथ का यह पाप असह्य और लोकनिंदित है। इसलिए कोई पुण्य महाक्षेत्र बताइए, जहाँ मैं यह शरीर त्याग सकूँ।'

श्लोक 5 (padma.1.79.5)

आज्ञापयत धर्मज्ञाः परलोकहिताय वै । वंशहीनस्य मे वीराः प्रेत्यामुत्र हितं च यत्

ājñāpayata dharmajñāḥ paralokahitāya vai | vaṁśahīnasya me vīrāḥ pretyāmutra hitaṁ ca yat

'हे धर्मज्ञो! परलोक के हित के लिए आज्ञा दीजिए; हे वीरो! मेरे लिए, जो वंशहीन हूँ, परलोक में जो हितकर हो —'

श्लोक 6 (padma.1.79.6)

तद्ब्रूत सुप्रसन्ना म उद्दिष्टं यत्करोम्यहं । द्विजा ऊचुः । परित्यक्ते त्वया राष्ट्रे धर्मशीलेन धीमता

tadbrūta suprasannā ma uddiṣṭaṁ yatkaromyahaṁ | dvijā ūcuḥ | parityakte tvayā rāṣṭre dharmaśīlena dhīmatā

'— वह प्रसन्नतापूर्वक बताइए, जो निर्दिष्ट होगा वह मैं करूँगा।' द्विजों ने कहा — 'यदि तुम धर्मशील और बुद्धिमान होकर राष्ट्र त्याग दो —'

श्लोक 7 (padma.1.79.7)

नष्टं जगदिदं राजंस्तस्मान्नो वक्तुमर्हसि । अयमस्य प्रतीकारो ह्यस्माभिरवगम्यते

naṣṭaṁ jagadidaṁ rājaṁstasmānno vaktumarhasi | ayamasya pratīkāro hyasmābhiravagamyate

'— तो हे राजन्! यह जगत् नष्ट हो जाएगा, अतः यह बात मत कहो। इसका यह उपाय हमें ज्ञात है —'

श्लोक 8 (padma.1.79.8)

सूरं मंत्रैर्महादेवं यत्नादाराधय प्रभो । राजोवाच । केनोपायेन विप्रेंद्रास्तोषयिष्यामि भास्करं

sūraṁ maṁtrairmahādevaṁ yatnādārādhaya prabho | rājovāca | kenopāyena vipreṁdrāstoṣayiṣyāmi bhāskaraṁ

'— हे प्रभु! मंत्रों द्वारा यत्नपूर्वक महादेव सूर्य की आराधना करो।' राजा ने कहा — 'हे विप्रेंद्रो! किस उपाय से मैं भास्कर को संतुष्ट करूँ?'

श्लोक 9 (padma.1.79.9)

अमेध्येनाथ कुष्ठेन लोकानां गर्हितेन च । अदृश्यः सर्वभूतानां गर्हितोस्मि द्विजातयः

amedhyenātha kuṣṭhena lokānāṁ garhitena ca | adṛśyaḥ sarvabhūtānāṁ garhitosmi dvijātayaḥ

'इस अपवित्र, लोकनिंदित कुष्ठ रोग से मैं सभी प्राणियों के लिए अदृश्य और निंदित हो गया हूँ, हे द्विजो!'

श्लोक 10 (padma.1.79.10)

किं करिष्यामि राज्यं च किं स्यादाराधनेन तु । द्विजा ऊचुः । अत्र स्थित्वा स्वराज्ये तु समुपास्य विरोचनं

kiṁ kariṣyāmi rājyaṁ ca kiṁ syādārādhanena tu | dvijā ūcuḥ | atra sthitvā svarājye tu samupāsya virocanaṁ

'मैं राज्य से क्या करूँगा? आराधना से क्या होगा?' द्विजों ने कहा — 'यहीं अपने राज्य में रहकर विरोचन (सूर्य) की उपासना करके —'

श्लोक 11 (padma.1.79.11)

प्रमुच्य किल्विषाद्घोरात्स्वर्गं मोक्षं च लप्स्यसे । एतच्छ्रुत्वा तु राजेंद्रः प्रणिपत्य द्विजोत्तमान्

pramucya kilviṣādghorātsvargaṁ mokṣaṁ ca lapsyase | etacchrutvā tu rājeṁdraḥ praṇipatya dvijottamān

'— उस घोर पाप से मुक्त होकर तुम स्वर्ग और मोक्ष दोनों पाओगे।' यह सुनकर राजेंद्र ने श्रेष्ठ द्विजों को प्रणाम करके,

श्लोक 12 (padma.1.79.12)

आकार्षीत्तस्य सूर्यस्य परमाराधनं च यत् । नित्यपूजां तथा मंत्रैरुपहारैर्विलेपनैः

ākārṣīttasya sūryasya paramārādhanaṁ ca yat | nityapūjāṁ tathā maṁtrairupahārairvilepanaiḥ

उस सूर्य की परम आराधना आरंभ की — मंत्रों, उपहारों और लेपन सहित नित्य पूजा,

श्लोक 13 (padma.1.79.13)

फलैर्नानाविधैरर्घैरक्षतातप तंडुलैः । जपापुष्पार्कपर्णैश्च करवीरकरंजकैः

phalairnānāvidhairarghairakṣatātapa taṁḍulaiḥ | japāpuṣpārkaparṇaiśca karavīrakaraṁjakaiḥ

नाना प्रकार के फलों, अर्घ्यों, अक्षत धूप-सुखाए चावलों, जपा-पुष्प, अर्क-पत्र, कनेर और करंज से,

श्लोक 14 (padma.1.79.14)

रक्तकुंकुमसिन्दूरैस्तथा वासंतिकादिभिः । सुगंधकदलीपत्रैस्तत्फलैः सुमनोहरैः

raktakuṁkumasindūraistathā vāsaṁtikādibhiḥ | sugaṁdhakadalīpatraistatphalaiḥ sumanoharaiḥ

लाल कुंकुम-सिंदूर से, तथा वासंती आदि पुष्पों से, सुगंधित केले के पत्तों और उसके मनोहर फल से,

श्लोक 15 (padma.1.79.15)

अर्घ्यमौदुंबरे कृत्वा सदा सूर्याय पार्थिवः । आदित्यसंमुखो दत्ते सदा मंत्रिपुरोहितैः

arghyamauduṁbare kṛtvā sadā sūryāya pārthivaḥ | ādityasaṁmukho datte sadā maṁtripurohitaiḥ

औदुंबर पात्र में अर्घ्य बनाकर वह राजा सदा सूर्य के सम्मुख होकर मंत्रियों और पुरोहितों सहित उसे अर्पित करता था।

श्लोक 16 (padma.1.79.16)

महिषीभिस्तथा चार्घो भोगिनीभिः समंततः । सर्वैरंतःपुरस्थैश्च सपत्नीकैश्च रक्षिभिः

mahiṣībhistathā cārgho bhoginībhiḥ samaṁtataḥ | sarvairaṁtaḥpurasthaiśca sapatnīkaiśca rakṣibhiḥ

उसकी रानियों और सभी उपपत्नियों द्वारा भी चारों ओर अर्घ्य दिया जाता था; अंतःपुर के सभी लोगों और स्त्रियों सहित रक्षकों द्वारा भी,

श्लोक 17 (padma.1.79.17)

चेटवर्गैस्तथान्यैश्च दीयतेऽर्घो दिनेदिने । अर्कशांतिभिरत्युग्रैः स्तोत्रमंत्रादिभिः परैः

ceṭavargaistathānyaiśca dīyate'rgho dinedine | arkaśāṁtibhiratyugraiḥ stotramaṁtrādibhiḥ paraiḥ

तथा सेवकगणों और अन्य लोगों द्वारा भी दिन-प्रतिदिन अर्घ्य दिया जाता था; अत्यंत प्रबल सूर्य-शांति विधियों, स्तोत्र-मंत्रों आदि श्रेष्ठ उपायों से —

श्लोक 18 (padma.1.79.18)

मूलमंत्रान्यमंत्रैश्च यजंति स्म दिवाकरं । तथार्कांगव्रतं चान्यत्कृतं तैः सुसमाहितैः

mūlamaṁtrānyamaṁtraiśca yajaṁti sma divākaraṁ | tathārkāṁgavrataṁ cānyatkṛtaṁ taiḥ susamāhitaiḥ

— मूलमंत्र और अन्य मंत्रों से वे दिवाकर का यजन करते थे; इसी प्रकार उन्होंने पूर्ण एकाग्रता से अर्कांग-व्रत भी किया।

श्लोक 19 (padma.1.79.19)

क्रमात्समांसमासाद्य रोगस्यांतं गतो नृपः । बाधिते चामये घोरे स राजा निखिलं जगत्

kramātsamāṁsamāsādya rogasyāṁtaṁ gato nṛpaḥ | bādhite cāmaye ghore sa rājā nikhilaṁ jagat

क्रमशः महीने-दर-महीने राजा उस रोग के अंत तक पहुँच गए; और जब वह भीषण रोग शांत हो गया, तब उस राजा ने समस्त जगत् को —

श्लोक 20 (padma.1.79.20)

नियम्य कारयामास कल्ये च याजनव्रतम् । एवमेव जपापुष्पं सुगंधं कदलीफलम्

niyamya kārayāmāsa kalye ca yājanavratam | evameva japāpuṣpaṁ sugaṁdhaṁ kadalīphalam

— अनुशासित करके इस पूजा-व्रत का पालन कराया; इसी प्रकार जपा-पुष्प, सुगंधित केला-फल,

श्लोक 21 (padma.1.79.21)

बाणैर्जायाभिरालभ्यमर्कपर्णान्यपुष्पकं । एवमेव महापुण्यं कृत्वा सर्वजनप्रियं

bāṇairjāyābhirālabhyamarkaparṇānyapuṣpakaṁ | evameva mahāpuṇyaṁ kṛtvā sarvajanapriyaṁ

अपनी रानियों के हाथों से स्पर्शित अर्क-पत्र और अन्य पुष्पों से — इसी तरह यह महापुण्य, सर्वजनप्रिय अनुष्ठान करके,

श्लोक 22 (padma.1.79.22)

हविष्यान्नो निराहारो जनो यजति भास्करम् । एवमेव त्रिभिर्वर्गैरर्चितस्तैर्विभाकरः

haviṣyānno nirāhāro jano yajati bhāskaram | evameva tribhirvargairarcitastairvibhākaraḥ

प्रजाजन हविष्यान्न लेकर, निराहार रहकर भास्कर का यजन करने लगे। इस प्रकार तीनों वर्गों द्वारा पूजित होकर विभाकर (सूर्य) —

श्लोक 23 (padma.1.79.23)

संतुष्टो भूपमागम्य कृपया चाब्रवीद्वचः । वरं वरय चाभीष्टं यस्ते मनसि वर्तते

saṁtuṣṭo bhūpamāgamya kṛpayā cābravīdvacaḥ | varaṁ varaya cābhīṣṭaṁ yaste manasi vartate

— अत्यंत संतुष्ट होकर राजा के पास आए और कृपापूर्वक बोले — 'जो भी अभीष्ट वर तुम्हारे मन में हो, माँगो —'

श्लोक 24 (padma.1.79.24)

सर्वेषां वो हितार्थाय सानुगः पुरवासिनाम् । राजोवाच । यदीच्छसि वरं दातुं सर्वलोचनमत्प्रियम्

sarveṣāṁ vo hitārthāya sānugaḥ puravāsinām | rājovāca | yadīcchasi varaṁ dātuṁ sarvalocanamatpriyam

'— तुम्हारे तथा तुम्हारे अनुगामी पुरवासियों सबके हित के लिए।' राजा ने कहा — 'हे सर्वलोचन, मुझे प्रिय! यदि आप वर देना चाहते हैं —'

श्लोक 25 (padma.1.79.25)

सर्वेषां नः परं स्वर्गं त्वत्सकाशे भवत्विति । सूर्य उवाच । अमात्यास्ते द्विजा विप्राः सदारास्सपरिच्छदाः

sarveṣāṁ naḥ paraṁ svargaṁ tvatsakāśe bhavatviti | sūrya uvāca | amātyāste dvijā viprāḥ sadārāssaparicchadāḥ

'— तो हम सबको आपके सान्निध्य में परम स्वर्ग प्राप्त हो।' सूर्य ने कहा — 'तुम्हारे ये मंत्री, द्विज, विप्र, अपनी पत्नियों-परिवार सहित —'

श्लोक 26 (padma.1.79.26)

नवीनयौवनाः शुद्धा यावदाभूतसंप्लवम् । तिष्ठंतु मत्पुरे रम्ये सर्वभोगैर्निरामयाः

navīnayauvanāḥ śuddhā yāvadābhūtasaṁplavam | tiṣṭhaṁtu matpure ramye sarvabhogairnirāmayāḥ

'— सदा नवयौवन और शुद्ध रहकर, सृष्टि के प्रलय तक मेरे रमणीय नगर में समस्त भोगों सहित निरामय रहेंगे।'

श्लोक 27 (padma.1.79.27)

सुरद्रुमैः सुसंपूर्णैः प्रासादैर्द्रुमकल्पकैः । प्रमदाभिर्महाभाग नृत्यगीतादिभिः परैः

suradrumaiḥ susaṁpūrṇaiḥ prāsādairdrumakalpakaiḥ | pramadābhirmahābhāga nṛtyagītādibhiḥ paraiḥ

'— देवतरुओं से परिपूर्ण, कल्पवृक्ष जैसे प्रासादों में, हे महाभाग! सुंदरियों, नृत्य-गीत आदि श्रेष्ठ भोगों सहित।'

श्लोक 28 (padma.1.79.28)

पंचकल्पांतरे राजा मन्वादौ त्वं भविष्यसि । अमी ते मनुजा भूप पुरस्थाश्च पुरोधसः

paṁcakalpāṁtare rājā manvādau tvaṁ bhaviṣyasi | amī te manujā bhūpa purasthāśca purodhasaḥ

'पाँच कल्पांतर बाद, हे राजन्! तुम मन्वादि में स्वयं (इंद्र) बनोगे; तुम्हारे ये प्रजाजन, नगरवासी और पुरोहित —'

श्लोक 29 (padma.1.79.29)

तथा जनपदस्थाश्च विद्वांसो धनिनो नराः । तत्र मत्तो वरं लब्ध्वा सुखं स्वर्गमवाप्स्यथ

tathā janapadasthāśca vidvāṁso dhanino narāḥ | tatra matto varaṁ labdhvā sukhaṁ svargamavāpsyatha

'— तथा जनपदवासी, विद्वान और धनी मनुष्य — सभी मुझसे यह वर पाकर सुखपूर्वक स्वर्ग प्राप्त करेंगे।'

श्लोक 30 (padma.1.79.30)

एवमुक्त्वा जगच्चक्षुस्तत्रैवांतरधीयत । ततो भद्रेश्वरो राजा सपुरो दिवि मोदते

evamuktvā jagaccakṣustatraivāṁtaradhīyata | tato bhadreśvaro rājā sapuro divi modate

ऐसा कहकर जगच्चक्षु (सूर्य) वहीं अंतर्धान हो गए। तब राजा भद्रेश्वर अपने नगर सहित स्वर्ग में आनंदित हुए।

श्लोक 31 (padma.1.79.31)

तत्र कीटादयो ये च ते पीताः ससुतादयः । स्वर्गे देवद्रुमे भोग्यं कुर्वंति महदद्भुतम्

tatra kīṭādayo ye ca te pītāḥ sasutādayaḥ | svarge devadrume bhogyaṁ kurvaṁti mahadadbhutam

वहाँ के कीट आदि जीव भी अपनी संतानों सहित उठा लिए गए; वे स्वर्ग में देवतरु के नीचे महान अद्भुत भोग भोगते हैं।

श्लोक 32 (padma.1.79.32)

एवमेव नृपा विप्रा मुनयश्शंसितव्रताः । ये च क्षत्रादयो वर्णास्सूर स्वर्गं ययुर्द्रुतम्

evameva nṛpā viprā munayaśśaṁsitavratāḥ | ye ca kṣatrādayo varṇāssūra svargaṁ yayurdrutam

इसी प्रकार राजा, विप्र, व्रतपालक मुनि, तथा क्षत्रिय आदि वर्ण — सूर्य की कृपा से सभी शीघ्र स्वर्ग गए।

श्लोक 33 (padma.1.79.33)

कैश्चिदभ्यर्थितं वित्तं पुत्रदारास्तथापरैः । सुखं स्वर्गं तथारोग्यं भास्करस्य प्रसादतः

kaiścidabhyarthitaṁ vittaṁ putradārāstathāparaiḥ | sukhaṁ svargaṁ tathārogyaṁ bhāskarasya prasādataḥ

किसी ने धन माँगा, किसी ने पुत्र-पत्नी माँगे — सुख, स्वर्ग तथा आरोग्य सबको भास्कर की कृपा से प्राप्त हुआ।

श्लोक 34 (padma.1.79.34)

पुण्यकूटमिदं भद्रं यः पठेन्मानवः शुचिः । सर्वपापक्षयस्तस्य रुद्रवत्पूजितो भुवि

puṇyakūṭamidaṁ bhadraṁ yaḥ paṭhenmānavaḥ śuciḥ | sarvapāpakṣayastasya rudravatpūjito bhuvi

जो शुद्ध मनुष्य इस पुण्य-संग्रह भद्र कथा को पढ़ता है, उसके समस्त पाप नष्ट हो जाते हैं और वह पृथ्वी पर रुद्र के समान पूजित होता है।

श्लोक 35 (padma.1.79.35)

सर्वसाक्षी भवेत्स्वर्गे वरदो भास्करप्रियः । शृणोति संयतो मर्त्यः सोभीष्टं फलमाप्नुयात्

sarvasākṣī bhavetsvarge varado bhāskarapriyaḥ | śṛṇoti saṁyato martyaḥ sobhīṣṭaṁ phalamāpnuyāt

वह स्वर्ग में सर्वसाक्षी, वरदाता और भास्कर का प्रिय बन जाता है; जो संयमित मनुष्य इसे सुनता है, वह अभीष्ट फल प्राप्त करता है।

श्लोक 36 (padma.1.79.36)

पारगः सर्वपापानां भास्करस्यैव संसदि । वावदूको भवेन्नित्यं श्रवणात्पुण्यवान्धनी

pāragaḥ sarvapāpānāṁ bhāskarasyaiva saṁsadi | vāvadūko bhavennityaṁ śravaṇātpuṇyavāndhanī

वह समस्त पापों से पार होकर भास्कर की सभा में स्थान पाता है; इसे सुनने से वह सदा वाक्पटु, पुण्यवान और धनी होता है।

श्लोक 37 (padma.1.79.37)

इदं गुह्यातिगुह्यं च भास्करेण प्रचारितं । इदं यमाय कथितं क्षितौ व्यासेन कीर्तितम्

idaṁ guhyātiguhyaṁ ca bhāskareṇa pracāritaṁ | idaṁ yamāya kathitaṁ kṣitau vyāsena kīrtitam

यह अत्यंत गुह्य रहस्य स्वयं भास्कर द्वारा प्रचारित किया गया; यह यम को कहा गया, और पृथ्वी पर व्यास द्वारा कीर्तित हुआ।