ययाति का कर्म और काल विषयक उपदेश तथा हरि की शरण

श्लोक 1 (padma.2.81.1)

सुकर्मोवाच- यथेंद्रोसौ महाप्राज्ञः सदा भीतो महात्मनः । ययातेर्विक्रमं दृष्ट्वा दानपुण्यादिकं बहु

sukarmovāca- yatheṁdrosau mahāprājñaḥ sadā bhīto mahātmanaḥ yayātervikramaṁ dṛṣṭvā dānapuṇyādikaṁ bahu

सुकर्मा ने कहा - जैसे वह महाबुद्धिमान इंद्र सदा उस महात्मा से भयभीत रहता था, ययाति के पराक्रम और उसके अनेक दान-पुण्य आदि को देखकर -

श्लोक 2 (padma.2.81.2)

मेनकां प्रेषयामास अप्सरां दूतकर्मणि । गच्छ भद्रे महाभागे ममादेशं वदस्व हि

menakāṁ preṣayāmāsa apsarāṁ dūtakarmaṇi gaccha bhadre mahābhāge mamādeśaṁ vadasva hi

उसने अप्सरा मेनका को दूत-कार्य के लिए भेजा - 'जाओ, हे महाभागे भद्रे! मेरा आदेश जाकर कह दो।'

श्लोक 3 (padma.2.81.3)

कामकन्यामितो गत्वा देवराजवचो वद । येनकेनाप्युपायेन राजानं त्वमिहानय

kāmakanyāmito gatvā devarājavaco vada yenakenāpyupāyena rājānaṁ tvamihānaya

'यहाँ से जाकर काम-कन्या से देवराज का यह वचन कहो - जिस किसी भी उपाय से तुम राजा को यहाँ ले आओ।'

श्लोक 4 (padma.2.81.4)

एवं श्रुत्वा गता सा च मेनका तत्र प्रेषिता । समाचष्ट तु तत्सर्वं देवराजस्य भाषितम्

evaṁ śrutvā gatā sā ca menakā tatra preṣitā samācaṣṭa tu tatsarvaṁ devarājasya bhāṣitam

यह सुनकर वहाँ भेजी गई मेनका गई, और देवराज का वह सारा वचन उसने कह सुनाया।

श्लोक 5 (padma.2.81.5)

एवमुक्ता गता सा च मेनका तत्प्रचोदिता । गतायां मेनकायां तु रतिपुत्री मनस्विनी

evamuktā gatā sā ca menakā tatpracoditā gatāyāṁ menakāyāṁ tu ratiputrī manasvinī

इस प्रकार आज्ञा पाकर मेनका, उस आदेश से प्रेरित होकर गई। मेनका के चले जाने पर बुद्धिमती रति-पुत्री ने -

श्लोक 6 (padma.2.81.6)

राजानं धर्मसंकेतं प्रत्युवाच यशस्विनी । राजंस्त्वयाहमानीता सत्यवाक्येन वै पुरा

rājānaṁ dharmasaṁketaṁ pratyuvāca yaśasvinī rājaṁstvayāhamānītā satyavākyena vai purā

धर्म के प्रतीक उस राजा से यशस्विनी ने कहा - 'हे राजन्! आप मुझे पहले सत्य-वचन देकर लाए थे।'

श्लोक 7 (padma.2.81.7)

स्वकरश्चांतरे दत्तो भवनं च समाहृता । यद्यद्वदाम्यहं राजंस्तत्तत्कार्यं हि वै त्वया

svakaraścāṁtare datto bhavanaṁ ca samāhṛtā yadyadvadāmyahaṁ rājaṁstattatkāryaṁ hi vai tvayā

'आपने बीच में अपना हाथ दिया था और मुझे अपने भवन ले आए थे। हे राजन्! मैं जो कुछ कहूँ, वह आपको अवश्य करना चाहिए।'

श्लोक 8 (padma.2.81.8)

तदेवं हि त्वया वीर न कृतं भाषितं मम । त्वामेवं तु परित्यक्ष्ये यास्यामि पितृमंदिरम्

tadevaṁ hi tvayā vīra na kṛtaṁ bhāṣitaṁ mama tvāmevaṁ tu parityakṣye yāsyāmi pitṛmaṁdiram

'हे वीर! फिर भी आपने मेरी वह बात पूरी नहीं की। इसलिए मैं आपको त्यागकर अपने पिता के घर चली जाऊँगी।'

श्लोक 9 (padma.2.81.9)

राजोवाच- यथोक्तं हि त्वया भद्रे तत्ते कर्त्ता न संशयः । असाध्यं तु परित्यज्य साध्यं देवि वदस्व मे

rājovāca- yathoktaṁ hi tvayā bhadre tatte karttā na saṁśayaḥ asādhyaṁ tu parityajya sādhyaṁ devi vadasva me

राजा ने कहा - हे भद्रे! तुमने जो कहा, वह मैं अवश्य करूँगा, इसमें संशय नहीं। जो असाध्य हो उसे छोड़कर, हे देवी! जो साध्य हो वह मुझे बताओ।

श्लोक 10 (padma.2.81.10)

अश्रुबिंदुमत्युवाच- एतदर्थे महीकांत भवानिह मया वृतः । सर्वलक्षणसंपन्नः सर्वधर्मसमन्वितः

aśrubiṁdumatyuvāca- etadarthe mahīkāṁta bhavāniha mayā vṛtaḥ sarvalakṣaṇasaṁpannaḥ sarvadharmasamanvitaḥ

अश्रुबिंदुमती ने कहा - हे महीकांत! इसी कारण मैंने आपको यहाँ चुना था - सभी लक्षणों से संपन्न, सभी धर्मों से युक्त,

श्लोक 11 (padma.2.81.11)

सर्वं साध्यमिति ज्ञात्वा सर्वधर्तारमेव च । कर्त्तारं सर्वधर्माणां स्रष्टारं पुण्यकर्मणाम्

sarvaṁ sādhyamiti jñātvā sarvadhartārameva ca karttāraṁ sarvadharmāṇāṁ sraṣṭāraṁ puṇyakarmaṇām

आपको सर्वसाध्य, सबका धारण करने वाला, सभी धर्मों का कर्ता और पुण्य-कर्मों का स्रष्टा जानकर -

श्लोक 12 (padma.2.81.12)

त्रैलोक्यसाधकं ज्ञात्वा त्रैलोक्येऽप्रतिमं च वै । विष्णुभक्तमहं जाने वैष्णवानां महावरम्

trailokyasādhakaṁ jñātvā trailokye'pratimaṁ ca vai viṣṇubhaktamahaṁ jāne vaiṣṇavānāṁ mahāvaram

त्रिलोक का साधक और त्रिलोक में अनुपम जानकर - मैं आपको विष्णु-भक्त और वैष्णवों में महाश्रेष्ठ मानती हूँ।

श्लोक 13 (padma.2.81.13)

इत्याशया मया भर्त्ता भवानंगीकृतः पुरा । यस्य विष्णुप्रसादोऽस्ति स सर्वत्र परिव्रजेत्

ityāśayā mayā bharttā bhavānaṁgīkṛtaḥ purā yasya viṣṇuprasādo'sti sa sarvatra parivrajet

इसी आशा से मैंने पहले आपको पति के रूप में स्वीकार किया था। जिसे विष्णु की कृपा प्राप्त है, वह सर्वत्र विचरण कर सकता है।

श्लोक 14 (padma.2.81.14)

दुर्लभं नास्ति राजेंद्र त्रैलोक्ये सचराचरे । सर्वेष्वेव सुलोकेषु विद्यते तव सुव्रत

durlabhaṁ nāsti rājeṁdra trailokye sacarācare sarveṣveva sulokeṣu vidyate tava suvrata

हे राजेंद्र! चराचर त्रिलोक में कुछ भी दुर्लभ नहीं है; हे सुव्रत! सभी उत्तम लोकों में आपके लिए वह विद्यमान है।

श्लोक 15 (padma.2.81.15)

विष्णोश्चैव प्रसादेन गगने गतिरुत्तमा । मर्त्यलोकं समासाद्य त्वयैव वसुधाधिप

viṣṇoścaiva prasādena gagane gatiruttamā martyalokaṁ samāsādya tvayaiva vasudhādhipa

विष्णु की कृपा से ही आपको आकाश में उत्तम गति प्राप्त है। हे वसुधाधिप! मर्त्यलोक में आकर आपने ही -

श्लोक 16 (padma.2.81.16)

जरापलितहीनास्तु मृत्युहीना जनाः कृताः । गृहद्वारेषु सर्वेषु मर्त्यानां च नरर्षभ

jarāpalitahīnāstu mṛtyuhīnā janāḥ kṛtāḥ gṛhadvāreṣu sarveṣu martyānāṁ ca nararṣabha

हे नरर्षभ! मनुष्यों के प्रत्येक घर के द्वार पर लोगों को जरा, पलित (श्वेत केश) और मृत्यु से रहित बना दिया है।

श्लोक 17 (padma.2.81.17)

कल्पद्रुमा अनेकाश्च त्वयैव परिकल्पिताः । येषां गृहेषु मर्त्यानां मुनयः कामधेनवः

kalpadrumā anekāśca tvayaiva parikalpitāḥ yeṣāṁ gṛheṣu martyānāṁ munayaḥ kāmadhenavaḥ

आपने ही अनेक कल्पवृक्ष यहाँ स्थापित किए हैं; इन मनुष्यों के घरों में मुनि और कामधेनुएँ -

श्लोक 18 (padma.2.81.18)

त्वयैव प्रेषिता राजन्स्थिरीभूताः सदा कृताः । सुखिनः सर्वकामैश्च मानवाश्च त्वया कृताः

tvayaiva preṣitā rājansthirībhūtāḥ sadā kṛtāḥ sukhinaḥ sarvakāmaiśca mānavāśca tvayā kṛtāḥ

हे राजन्! आपने ही भेजकर उन्हें सदा के लिए स्थिर कर दिया है; मनुष्यों को सुखी और सर्वकाम-संपन्न आपने ही बनाया है।

श्लोक 19 (padma.2.81.19)

गृहैकमध्ये साहस्रं कुलीनानां प्रदृश्यते । एवं वंशविवृद्धिश्च मानवानां त्वया कृता

gṛhaikamadhye sāhasraṁ kulīnānāṁ pradṛśyate evaṁ vaṁśavivṛddhiśca mānavānāṁ tvayā kṛtā

एक ही घर में सहस्रों कुलीन जन दिखाई देते हैं; इस प्रकार मनुष्यों के वंश की यह वृद्धि आपके ही द्वारा हुई है।

श्लोक 20 (padma.2.81.20)

यमस्यापि विरोधेन इंद्रस्य च नरोत्तम । व्याधिपापविहीनस्तु मर्त्यलोकस्त्वया कृतः

yamasyāpi virodhena iṁdrasya ca narottama vyādhipāpavihīnastu martyalokastvayā kṛtaḥ

हे नरोत्तम! यम और इंद्र दोनों के विरुद्ध जाकर आपने ही मर्त्यलोक को रोग और पाप से रहित बनाया है।

श्लोक 21 (padma.2.81.21)

स्वतेजसाहंकारेण स्वर्गरूपं तु भूतलम् । दर्शितं हि महाराज त्वत्समो नास्ति भूपतिः

svatejasāhaṁkāreṇa svargarūpaṁ tu bhūtalam darśitaṁ hi mahārāja tvatsamo nāsti bhūpatiḥ

हे महाराज! आपने अपने ही तेज और संकल्प से पृथ्वी को स्वर्ग-रूप दिखा दिया है; आपके समान कोई राजा नहीं है।

श्लोक 22 (padma.2.81.22)

नरो नैव प्रसूतो हि नोत्पत्स्यति भवादृशः । भवंतमित्यहं जाने सर्वधर्मप्रभाकरम्

naro naiva prasūto hi notpatsyati bhavādṛśaḥ bhavaṁtamityahaṁ jāne sarvadharmaprabhākaram

आपके समान न कोई मनुष्य उत्पन्न हुआ है, न होगा। मैं आपको इस प्रकार सभी धर्मों को प्रकाशित करने वाला मानती हूँ।

श्लोक 23 (padma.2.81.23)

तस्मान्मया कृतो भर्ता वदस्वैवं ममाग्रतः । नर्ममुक्त्वा नृपेंद्र त्वं वद सत्यं ममाग्रतः

tasmānmayā kṛto bhartā vadasvaivaṁ mamāgrataḥ narmamuktvā nṛpeṁdra tvaṁ vada satyaṁ mamāgrataḥ

इसीलिए मैंने आपको अपना पति बनाया - यह मेरे समक्ष कहिए। हे राजेंद्र! हँसी-मजाक छोड़कर, मेरे समक्ष सत्य बताइए।

श्लोक 24 (padma.2.81.24)

यदि ते सत्यमस्तीह धर्ममस्ति नराधिप । देवलोकेषु मे नास्ति गगने गतिरुत्तमा

yadi te satyamastīha dharmamasti narādhipa devalokeṣu me nāsti gagane gatiruttamā

'यदि आपमें सत्य है, हे नराधिप! यदि आपमें धर्म है - तो देवलोकों में मुझे प्रवेश क्यों नहीं, आकाश में मुझे उत्तम गति क्यों नहीं मिलती?'

श्लोक 25 (padma.2.81.25)

सत्यं त्यक्त्वा यदा च त्वं नैव स्वर्गं गमिष्यसि । तदा कूटं तव वचो भविष्यति न संशयः

satyaṁ tyaktvā yadā ca tvaṁ naiva svargaṁ gamiṣyasi tadā kūṭaṁ tava vaco bhaviṣyati na saṁśayaḥ

'सत्य को त्यागकर यदि आप स्वर्ग नहीं जाएँगे, तो आपका वचन निश्चय ही मिथ्या सिद्ध होगा।'

श्लोक 26 (padma.2.81.26)

पूर्वंकृतं हि यच्छ्रेयो भस्मीभूतं भविष्यति । राजोवाच- सत्यमुक्तं त्वया भद्रे साध्यासाध्यं न चास्ति मे

pūrvaṁkṛtaṁ hi yacchreyo bhasmībhūtaṁ bhaviṣyati rājovāca- satyamuktaṁ tvayā bhadre sādhyāsādhyaṁ na cāsti me

'आपने पहले जो श्रेष्ठ कार्य किए हैं, वे भी भस्म हो जाएँगे।' राजा ने कहा - हे भद्रे! तुमने सत्य कहा है, मेरे लिए न कुछ साध्य है, न असाध्य।

श्लोक 27 (padma.2.81.27)

सर्वंसाध्यं सुलोकं मे सुप्रसादाज्जगत्पते । स्वर्गं देवि यतो नैमि तत्र मे कारणं शृणु

sarvaṁsādhyaṁ sulokaṁ me suprasādājjagatpate svargaṁ devi yato naimi tatra me kāraṇaṁ śṛṇu

हे जगत्पते [स्वामिनी]! उनकी कृपा से मेरे लिए हर उत्तम लोक सुसाध्य है। हे देवी! मैं स्वर्ग क्यों नहीं जाता, इसका कारण सुनो।

श्लोक 28 (padma.2.81.28)

आगंतुं तु न दास्यंति लोके मर्त्ये च देवताः । ततो मे मानवाः सर्वे प्रजाः सर्वा वरानने

āgaṁtuṁ tu na dāsyaṁti loke martye ca devatāḥ tato me mānavāḥ sarve prajāḥ sarvā varānane

मर्त्यलोक में रहते हुए मुझे देवता वहाँ आने की अनुमति नहीं देंगे; इसलिए, हे सुंदरमुखी! मेरी सभी प्रजाएँ -

श्लोक 29 (padma.2.81.29)

मृत्युयुक्ता भविष्यंति मया हीना न संशयः । गंतुं स्वर्गं न वाञ्छामि सत्यमुक्तं वरानने

mṛtyuyuktā bhaviṣyaṁti mayā hīnā na saṁśayaḥ gaṁtuṁ svargaṁ na vāñchāmi satyamuktaṁ varānane

मेरे बिना निश्चय ही मृत्युयुक्त हो जाएँगी। इसलिए मैं स्वर्ग जाना नहीं चाहता - यह सत्य मैंने तुम्हें बताया, हे सुंदरी!

श्लोक 30 (padma.2.81.30)

देव्युवाच-। लोकान्दृष्ट्वा महाराज आगमिष्यसि वै पुनः । पूरयस्व ममाद्यत्वं जातां श्रद्धां महातुलाम्

devyuvāca- lokāndṛṣṭvā mahārāja āgamiṣyasi vai punaḥ pūrayasva mamādyatvaṁ jātāṁ śraddhāṁ mahātulām

देवी ने कहा - हे महाराज! लोकों को देखकर आप अवश्य लौट आएँगे। आज मेरी इस उठी हुई महान श्रद्धा को पूर्ण कीजिए।

श्लोक 31 (padma.2.81.31)

राजोवाच-। सर्वमेवं करिष्यामि यत्त्वयोक्तं न संशयः । समालोक्य महातेजा ययातिर्नहुषात्मजः

rājovāca- sarvamevaṁ kariṣyāmi yattvayoktaṁ na saṁśayaḥ samālokya mahātejā yayātirnahuṣātmajaḥ

राजा ने कहा - तुमने जो कहा, वह सब मैं अवश्य करूँगा, इसमें संशय नहीं। यह विचारकर वह महातेजस्वी नहुषपुत्र ययाति -

श्लोक 32 (padma.2.81.32)

एवमुक्त्वा प्रियां राजा चिंतयामास वै तदा । अंतर्जलचरो मत्स्यः सोपि जाले न बध्यते

evamuktvā priyāṁ rājā ciṁtayāmāsa vai tadā aṁtarjalacaro matsyaḥ sopi jāle na badhyate

अपनी प्रिया से यह कहकर तब मन में सोचने लगे - 'जल के भीतर विचरण करने वाली मछली भी जाल में नहीं फँसती -'

श्लोक 33 (padma.2.81.33)

मरुत्समानवेगोपि मृगः प्राप्नोति बंधनम् । योजनानां सहस्रस्थमामिषं वीक्षते खगः

marutsamānavegopi mṛgaḥ prāpnoti baṁdhanam yojanānāṁ sahasrasthamāmiṣaṁ vīkṣate khagaḥ

'फिर भी वायु के समान वेगवान मृग बंधन में पड़ जाता है। पक्षी सहस्रों योजन दूर मांस को देख लेता है -'

श्लोक 34 (padma.2.81.34)

सकंठलग्नपाशं च न पश्येद्दैवमोहितः । कालः समविषमकृत्कालः सन्मानहानिदः

sakaṁṭhalagnapāśaṁ ca na paśyeddaivamohitaḥ kālaḥ samaviṣamakṛtkālaḥ sanmānahānidaḥ

'पर दैव से मोहित होकर अपने ही गले में लगे पाश को नहीं देखता। काल समता और विषमता दोनों करता है, काल ही मान और अपमान देता है -'

श्लोक 35 (padma.2.81.35)

परिभावकरः कालो यत्रकुत्रापि तिष्ठतः । नरं करोति दातारं याचितारं च वै पुनः

paribhāvakaraḥ kālo yatrakutrāpi tiṣṭhataḥ naraṁ karoti dātāraṁ yācitāraṁ ca vai punaḥ

'काल ही अपमान करने वाला है, वह जहाँ कहीं भी हो; वही मनुष्य को कभी दाता और कभी याचक बना देता है।'

श्लोक 36 (padma.2.81.36)

भूतानि स्थावरादीनि दिवि वा यदि वा भुवि । सर्वं कलयते कालः कालो ह्येक इदं जगत्

bhūtāni sthāvarādīni divi vā yadi vā bhuvi sarvaṁ kalayate kālaḥ kālo hyeka idaṁ jagat

'स्थावर आदि सभी प्राणी, चाहे आकाश में हों या पृथ्वी पर, काल ही सबको गति देता है; काल ही यह संपूर्ण जगत है।'

श्लोक 37 (padma.2.81.37)

अनादिनिधनो धाता जगतः कारणं परम् । लोकान्कालः स पचति वृक्षे फलमिवाहितम्

anādinidhano dhātā jagataḥ kāraṇaṁ param lokānkālaḥ sa pacati vṛkṣe phalamivāhitam

'आदि-अंत से रहित विधाता, जगत का परम कारण, काल ही लोकों को उसी प्रकार पकाता है जैसे वृक्ष अपने फल को।'

श्लोक 38 (padma.2.81.38)

न मंत्रा न तपो दानं न मित्राणि न बांधवाः । शक्नुवंति परित्रातुं नरं कालेन पीडितम्

na maṁtrā na tapo dānaṁ na mitrāṇi na bāṁdhavāḥ śaknuvaṁti paritrātuṁ naraṁ kālena pīḍitam

'न मंत्र, न तप, न दान, न मित्र, न बांधव - कोई भी काल से पीड़ित मनुष्य की रक्षा करने में समर्थ नहीं है।'

श्लोक 39 (padma.2.81.39)

त्रयः कालकृताः पाशाः शक्यंते नातिवर्तितुम् । विवाहो जन्ममरणं यदा यत्र तु येन च

trayaḥ kālakṛtāḥ pāśāḥ śakyaṁte nātivartitum vivāho janmamaraṇaṁ yadā yatra tu yena ca

'काल द्वारा बनाए गए तीन पाशों का उल्लंघन नहीं किया जा सकता - विवाह, जन्म और मृत्यु, चाहे जब, जहाँ और जिसके द्वारा भी हों।'

श्लोक 40 (padma.2.81.40)

यथा जलधरा व्योम्नि भ्राम्यंते मातरिश्वना । तथेदं कर्मयुक्तेन कालेन भ्राम्यते जगत्

yathā jaladharā vyomni bhrāmyaṁte mātariśvanā tathedaṁ karmayuktena kālena bhrāmyate jagat

'जैसे आकाश में बादल वायु द्वारा इधर-उधर घुमाए जाते हैं, वैसे ही यह जगत कर्म से युक्त काल द्वारा घुमाया जाता है।'

श्लोक 41 (padma.2.81.41)

सुकर्मोवाच-। कालोऽयं कर्मयुक्तस्तु यो नरैः समुपासितः । कालस्तु प्रेरयेत्कर्म न तं कालः करोति सः

sukarmovāca- kālo'yaṁ karmayuktastu yo naraiḥ samupāsitaḥ kālastu prerayetkarma na taṁ kālaḥ karoti saḥ

सुकर्मा ने कहा - यह कर्मयुक्त काल ही है जिसकी मनुष्य उपासना करते हैं; काल कर्म को प्रेरित करता है, काल स्वयं उसे नहीं करता।

श्लोक 42 (padma.2.81.42)

उपद्रवा घातदोषाः सर्पाश्च व्याधयस्ततः । सर्वे कर्मनियुक्तास्ते प्रचरंति च मानुषे

upadravā ghātadoṣāḥ sarpāśca vyādhayastataḥ sarve karmaniyuktāste pracaraṁti ca mānuṣe

उपद्रव, हिंसा के दोष, सर्प और व्याधियाँ - ये सब कर्म द्वारा नियुक्त होकर मनुष्य के बीच विचरण करते हैं।

श्लोक 43 (padma.2.81.43)

सुखस्य हेतवो ये च उपायाः पुण्यमिश्रिताः । ते सर्वे कर्मसंयुक्ता न पश्येयुः शुभाशुभम्

sukhasya hetavo ye ca upāyāḥ puṇyamiśritāḥ te sarve karmasaṁyuktā na paśyeyuḥ śubhāśubham

जो सुख के कारण हैं और जो पुण्यमिश्रित उपाय हैं, वे सब भी कर्म से जुड़े हुए हैं; वे शुभ-अशुभ को नहीं देख सकते।

श्लोक 44 (padma.2.81.44)

कर्मदा यदि वा लोके कर्मसंबधि बांधवाः । कर्माणि चोदयंतीह पुरुषं सुखदुःखयोः

karmadā yadi vā loke karmasaṁbadhi bāṁdhavāḥ karmāṇi codayaṁtīha puruṣaṁ sukhaduḥkhayoḥ

चाहे लोक में कर्म देने वाले हों या कर्म से जुड़े बांधव - वे सब कर्म ही हैं जो मनुष्य को सुख-दुःख की ओर प्रेरित करते हैं।

श्लोक 45 (padma.2.81.45)

सुवर्णं रजतं वापि यथा रूपं विनिश्चितम् । तथा निबध्यते जंतुः स्वकर्मणि वशानुगः

suvarṇaṁ rajataṁ vāpi yathā rūpaṁ viniścitam tathā nibadhyate jaṁtuḥ svakarmaṇi vaśānugaḥ

जैसे सोना या चाँदी एक निश्चित रूप में ढाली जाती है, वैसे ही प्राणी अपने ही कर्म के वशीभूत होकर बँध जाता है।

श्लोक 46 (padma.2.81.46)

पंचैतानीह सृज्यंते गर्भस्थस्यैव देहिनः । आयुः कर्म च वित्तं च विद्यानिधनमेव च

paṁcaitānīha sṛjyaṁte garbhasthasyaiva dehinaḥ āyuḥ karma ca vittaṁ ca vidyānidhanameva ca

गर्भ में रहते हुए ही देही के लिए ये पाँच रचे जाते हैं - आयु, कर्म, धन, विद्या और मृत्यु।

श्लोक 47 (padma.2.81.47)

यथा मृत्पिंडतः कर्ता कुरुते यद्यदिच्छति । तथा पूर्वकृतं कर्म कर्तारमनुगच्छति

yathā mṛtpiṁḍataḥ kartā kurute yadyadicchati tathā pūrvakṛtaṁ karma kartāramanugacchati

जैसे मिट्टी के पिंड से कुम्हार जो चाहे वह बना लेता है, वैसे ही पहले किया गया कर्म अपने कर्ता का अनुसरण करता है।

श्लोक 48 (padma.2.81.48)

देवत्वमथ मानुष्यं पशुत्वं पक्षिता तथा । तिर्यक्त्वं स्थावरत्वं च प्राप्यते च स्वकर्मभिः

devatvamatha mānuṣyaṁ paśutvaṁ pakṣitā tathā tiryaktvaṁ sthāvaratvaṁ ca prāpyate ca svakarmabhiḥ

देवत्व, फिर मनुष्यत्व, पशुत्व, पक्षी-भाव, वैसे ही तिर्यक्-भाव और स्थावर-भाव - ये सब अपने ही कर्मों से प्राप्त होते हैं।

श्लोक 49 (padma.2.81.49)

स एव तत्तथा भुंक्ते नित्यं विहितमात्मना । आत्मना विहितं दुःखं चात्मना विहितं सुखम्

sa eva tattathā bhuṁkte nityaṁ vihitamātmanā ātmanā vihitaṁ duḥkhaṁ cātmanā vihitaṁ sukham

वही आत्मा सदा अपने द्वारा विहित का ही भोग करती है; दुःख भी आत्मा द्वारा ही विहित है, और सुख भी आत्मा द्वारा ही विहित है।

श्लोक 50 (padma.2.81.50)

गर्भशय्यामुपादाय भुंजते पूर्वदैहिकम् । संत्यजंति स्वकं कर्म न क्वचित्पुरुषा भुवि

garbhaśayyāmupādāya bhuṁjate pūrvadaihikam saṁtyajaṁti svakaṁ karma na kvacitpuruṣā bhuvi

गर्भ-शय्या में रहकर प्राणी अपने पूर्वदेह के कर्म का भोग करते हैं; मनुष्य पृथ्वी पर कहीं भी अपने कर्म का त्याग नहीं करते।

श्लोक 51 (padma.2.81.51)

बलेन प्रज्ञया वापि समर्थाः कर्तुमन्यथा । सुकृतान्युपभुंजंति दुःखानि च सुखानि च

balena prajñayā vāpi samarthāḥ kartumanyathā sukṛtānyupabhuṁjaṁti duḥkhāni ca sukhāni ca

बल से या बुद्धि से अन्यथा करने में समर्थ होते हुए भी, वे अपने सुकृतों और दुःख-सुखों का ही भोग करते हैं।

श्लोक 52 (padma.2.81.52)

हेतुं प्राप्य नरो नित्यं कर्मबंधैस्तु बध्यते । यथा धेनुसहस्रेषु वत्सो विंदति मातरम्

hetuṁ prāpya naro nityaṁ karmabaṁdhaistu badhyate yathā dhenusahasreṣu vatso viṁdati mātaram

अपना कारण पाकर मनुष्य सदा कर्म के बंधनों से बँध जाता है; जैसे सहस्रों गायों में बछड़ा अपनी माता को ढूँढ लेता है -

श्लोक 53 (padma.2.81.53)

तथा शुभाशुभं कर्म कर्तारमनुगच्छति । उपभोगादृते यस्य नाश एव न विद्यते

tathā śubhāśubhaṁ karma kartāramanugacchati upabhogādṛte yasya nāśa eva na vidyate

वैसे ही शुभ या अशुभ कर्म अपने कर्ता का अनुसरण करता है। उसका भोग किए बिना उसका नाश कभी नहीं होता।

श्लोक 54 (padma.2.81.54)

प्राक्तनं बंधनं कर्म कोन्यथा कर्तुमर्हति । सुशीघ्रमपि धावंतं विधानमनुधावति

prāktanaṁ baṁdhanaṁ karma konyathā kartumarhati suśīghramapi dhāvaṁtaṁ vidhānamanudhāvati

पूर्वजन्म का बँधा हुआ कर्म कौन अन्यथा कर सकता है? अत्यंत वेग से दौड़ते हुए मनुष्य के पीछे भी विधान दौड़ता ही रहता है।

श्लोक 55 (padma.2.81.55)

शेते सह शयानेन पुरा कर्म यथाकृतम् । उपतिष्ठति तिष्ठंतं गच्छंतमनुगच्छति

śete saha śayānena purā karma yathākṛtam upatiṣṭhati tiṣṭhaṁtaṁ gacchaṁtamanugacchati

पहले किया गया वह कर्म लेटे हुए के साथ लेटता है; खड़े हुए के पास खड़ा रहता है, चलते हुए के पीछे चलता है।

श्लोक 56 (padma.2.81.56)

करोति कुर्वतः कर्मच्छायेवानु विधीयते । यथा छायातपौ नित्यं सुसंबद्धौ परस्परम्

karoti kurvataḥ karmacchāyevānu vidhīyate yathā chāyātapau nityaṁ susaṁbaddhau parasparam

कर्म करने वाले के साथ कर्म भी करता है, छाया के समान उसके पीछे लगा रहता है; जैसे छाया और धूप सदा परस्पर जुड़े रहते हैं -

श्लोक 57 (padma.2.81.57)

तद्वत्कर्म च कर्ता च सुसंबद्धौ परस्परम् । ग्रहा रोगा विषाः सर्पाः शाकिन्यो राक्षसास्तथा

tadvatkarma ca kartā ca susaṁbaddhau parasparam grahā rogā viṣāḥ sarpāḥ śākinyo rākṣasāstathā

वैसे ही कर्म और कर्ता सदा परस्पर जुड़े रहते हैं। ग्रह, रोग, विष, सर्प, शाकिनी और राक्षस भी -

श्लोक 58 (padma.2.81.58)

पीडयंति नरं पश्चात्पीडितं पूर्वकर्मणा । येन यत्रोपभोक्तव्यं सुखं वा दुःखमेव वा

pīḍayaṁti naraṁ paścātpīḍitaṁ pūrvakarmaṇā yena yatropabhoktavyaṁ sukhaṁ vā duḥkhameva vā

पूर्वकर्म से पहले ही पीड़ित मनुष्य को बाद में पीड़ा देते हैं। जहाँ जिसे सुख या दुःख भोगना हो -

श्लोक 59 (padma.2.81.59)

स तत्र बद्ध्वा रज्ज्वा वै बलाद्दैवेन नीयते । दैवः प्रभुर्हि भूतानां सुखदुःखोपपादने

sa tatra baddhvā rajjvā vai balāddaivena nīyate daivaḥ prabhurhi bhūtānāṁ sukhaduḥkhopapādane

वह वहीं रस्सी से बाँधकर बलपूर्वक दैव द्वारा ले जाया जाता है। सुख-दुःख की व्यवस्था में दैव ही प्राणियों का स्वामी है।

श्लोक 60 (padma.2.81.60)

अन्यथा चिंत्यते कर्म जाग्रता स्वपतापि वा । अन्यथा स तथा प्राज्ञ दैव एवं जिघांसति

anyathā ciṁtyate karma jāgratā svapatāpi vā anyathā sa tathā prājña daiva evaṁ jighāṁsati

जागते हुए या सोते हुए भी कर्म का अन्यथा ही चिंतन होता है; हे प्राज्ञ! उसी प्रकार भिन्न रूप से दैव भी नाश करना चाहता है।

श्लोक 61 (padma.2.81.61)

शस्त्राग्नि विष दुर्गेभ्यो रक्षितव्यं च रक्षति । अरक्षितं भवेत्सत्यं तदेवं दैवरक्षितम्

śastrāgni viṣa durgebhyo rakṣitavyaṁ ca rakṣati arakṣitaṁ bhavetsatyaṁ tadevaṁ daivarakṣitam

जिसकी शस्त्र, अग्नि, विष और संकट से रक्षा होनी हो, उसकी रक्षा होती है; जिसकी रक्षा नहीं होनी, उसकी रक्षा वास्तव में दैव द्वारा ही नहीं होती।

श्लोक 62 (padma.2.81.62)

दैवेन नाशितं यत्तु तस्य रक्षा न दृश्यते । यथा पृथिव्यां बीजानि उप्तानि च धनानि च

daivena nāśitaṁ yattu tasya rakṣā na dṛśyate yathā pṛthivyāṁ bījāni uptāni ca dhanāni ca

जिसे दैव ने नष्ट कर दिया हो, उसकी कोई रक्षा नहीं दिखाई देती। जैसे पृथ्वी में बीज बोए जाते हैं और धन गाड़ा जाता है -

श्लोक 63 (padma.2.81.63)

तथैवात्मनि कर्माणि तिष्ठंति प्रभवंति च । तैलक्षयाद्यथा दीपो निर्वाणमधिगच्छति

tathaivātmani karmāṇi tiṣṭhaṁti prabhavaṁti ca tailakṣayādyathā dīpo nirvāṇamadhigacchati

वैसे ही कर्म आत्मा में ही टिके रहते हैं और फल देते हैं। जैसे तेल के क्षीण होने से दीपक बुझ जाता है -

श्लोक 64 (padma.2.81.64)

कर्मक्षयात्तथा जंतुः शरीरान्नाशमृच्छति । कर्मक्षयात्तथा मृत्युस्तत्त्वविद्भिरुदाहृतः

karmakṣayāttathā jaṁtuḥ śarīrānnāśamṛcchati karmakṣayāttathā mṛtyustattvavidbhirudāhṛtaḥ

वैसे ही कर्म के क्षय से प्राणी अपने शरीर के नाश को प्राप्त होता है; इस प्रकार कर्म के क्षय से ही मृत्यु होती है, ऐसा तत्त्वज्ञों ने कहा है।

श्लोक 65 (padma.2.81.65)

विविधाः प्राणिनस्तस्य मृत्यो रोगाश्च हेतवः । तथा मम विपाकोयं पूर्वं कृतस्य नान्यथा

vividhāḥ prāṇinastasya mṛtyo rogāśca hetavaḥ tathā mama vipākoyaṁ pūrvaṁ kṛtasya nānyathā

प्राणियों के लिए मृत्यु के विविध कारण रोग आदि हैं; इसी प्रकार यह मेरा भी परिणाम पहले किए गए कर्म का ही है, अन्यथा नहीं।

श्लोक 66 (padma.2.81.66)

संप्राप्तो नात्र संदेहः स्त्रीरूपोऽयं न संशयः । क्व मे गेहं समायाता नाटका नटनर्तकाः

saṁprāpto nātra saṁdehaḥ strīrūpo'yaṁ na saṁśayaḥ kva me gehaṁ samāyātā nāṭakā naṭanartakāḥ

इसमें संशय नहीं कि यह मुझ पर आ चुका है; यह स्त्री-रूप भी इससे भिन्न नहीं है। मेरे घर में वे अभिनेता और नर्तक कब आए थे? -

श्लोक 67 (padma.2.81.67)

तेषां संगप्रसंगेन जरा देहं समाश्रिता । सर्वं कर्मकृतं मन्ये यन्मे संभावितं ध्रुवम्

teṣāṁ saṁgaprasaṁgena jarā dehaṁ samāśritā sarvaṁ karmakṛtaṁ manye yanme saṁbhāvitaṁ dhruvam

उन्हीं के संग-प्रसंग से जरा ने मेरे शरीर का आश्रय लिया। मैं मानता हूँ कि यह सब निश्चय ही कर्म द्वारा ही किया हुआ है।

श्लोक 68 (padma.2.81.68)

तस्मात्कर्मप्रधानं च उपायाश्च निरर्थकाः । पुरा वै देवराजेन मदर्थे दूतसत्तमः

tasmātkarmapradhānaṁ ca upāyāśca nirarthakāḥ purā vai devarājena madarthe dūtasattamaḥ

इसलिए कर्म ही प्रधान है, अन्य उपाय व्यर्थ हैं। पहले देवराज ने मेरे लिए श्रेष्ठ दूत मातलि को भेजा था -

श्लोक 69 (padma.2.81.69)

प्रेषितो मातलिर्नाम न कृतं तस्य तद्वचः । तस्य कर्मविपाकोऽयं दृश्यते सांप्रतं मम

preṣito mātalirnāma na kṛtaṁ tasya tadvacaḥ tasya karmavipāko'yaṁ dṛśyate sāṁprataṁ mama

और मैंने उसकी बात नहीं मानी थी; उसी कर्म का यह फल अब मुझे दिखाई दे रहा है।

श्लोक 70 (padma.2.81.70)

इति चिंतापरो भूत्वा दुःखेन महतान्वितः । यद्यस्याहि वचः प्रीत्या न करोमि हि सर्वथा

iti ciṁtāparo bhūtvā duḥkhena mahatānvitaḥ yadyasyāhi vacaḥ prītyā na karomi hi sarvathā

इस प्रकार चिंतामग्न और महान दुःख से युक्त होकर उन्होंने सोचा - 'इसकी जो भी बात हो, मैं उसे केवल प्रेम के कारण किसी भी प्रकार पूरा नहीं कर सकता -'

श्लोक 71 (padma.2.81.71)

सत्यधर्मावुभावेतौ यास्यतस्तौ न संशयः । सदृशं च समायातं यद्दृष्टं मम कर्मणा

satyadharmāvubhāvetau yāsyatastau na saṁśayaḥ sadṛśaṁ ca samāyātaṁ yaddṛṣṭaṁ mama karmaṇā

'सत्य और धर्म दोनों ही निश्चय ही नष्ट हो जाएँगे। मेरे कर्म के कारण ही जो देखा गया है वह इसी के अनुरूप आया है -'

श्लोक 72 (padma.2.81.72)

भविष्यति न संदेहो दैवो हि दुरतिक्रमः । एवं चिंतापरो भूत्वा ययातिः पृथिवीपतिः

bhaviṣyati na saṁdeho daivo hi duratikramaḥ evaṁ ciṁtāparo bhūtvā yayātiḥ pṛthivīpatiḥ

'इसमें कोई संशय नहीं होगा; दैव को टालना अत्यंत कठिन है।' इस प्रकार चिंतामग्न होकर पृथ्वीपति ययाति ने -

श्लोक 73 (padma.2.81.73)

कृष्णं क्लेशापहं देवं जगाम शरणं हरिम् । ध्यात्वा नत्वा ततः स्तुत्वा मनसा मधुसूदनम्

kṛṣṇaṁ kleśāpahaṁ devaṁ jagāma śaraṇaṁ harim dhyātvā natvā tataḥ stutvā manasā madhusūdanam

क्लेश को दूर करने वाले देव कृष्ण, हरि की शरण ली; उनका ध्यान कर, नमन कर, फिर मन ही मन मधुसूदन की स्तुति करते हुए -

श्लोक 74 (padma.2.81.74)

त्राहि मां शरणं प्राप्तस्त्वामहं कमलाप्रिय

trāhi māṁ śaraṇaṁ prāptastvāmahaṁ kamalāpriya

'हे कमला के प्रिय! मैं आपकी शरण में आया हूँ, मेरी रक्षा कीजिए।'