इंद्र की शुद्धि और चार महापापी

श्लोक 1 (padma.2.91.1)

कुंजल उवाच- ब्रह्महत्याभिभूतस्तु सहस्राक्षो यदा पुरा । गौतमस्य प्रियासंगादगम्यागमनं महत्

kuṁjala uvāca- brahmahatyābhibhūtastu sahasrākṣo yadā purā gautamasya priyāsaṁgādagamyāgamanaṁ mahat

कुंजल ने कहा - जब पहले सहस्राक्ष इंद्र, गौतम की पत्नी के संग से उत्पन्न अगम्यागमन के महापाप से, ब्रह्महत्या से अभिभूत हो गया -

श्लोक 2 (padma.2.91.2)

संजातं पातकं तस्य त्यक्तो देवैश्च ब्राह्मणैः । सहस्राक्षस्तपस्तेपे निरालंबो निराश्रयः

saṁjātaṁ pātakaṁ tasya tyakto devaiśca brāhmaṇaiḥ sahasrākṣastapastepe nirālaṁbo nirāśrayaḥ

तब यह पातक उसे प्राप्त हुआ; देवताओं और ब्राह्मणों द्वारा त्यागे जाने पर सहस्राक्ष ने बिना किसी सहारे और आश्रय के तप किया।

श्लोक 3 (padma.2.91.3)

तपोंते देवताः सर्वा ऋषयो यक्षकिन्नराः । देवराजस्य पूजार्थमभिषेकं प्रचक्रिरे

tapoṁte devatāḥ sarvā ṛṣayo yakṣakinnarāḥ devarājasya pūjārthamabhiṣekaṁ pracakrire

तप के अंत में समस्त देवताओं, ऋषियों, यक्षों और किन्नरों ने देवराज की पूजा के लिए अभिषेक किया।

श्लोक 4 (padma.2.91.4)

देशं मालवकं नीत्वा देवराजं सुतोत्तम । चक्रे स्नानं महाभाग कुंभैरुदकपूरितैः

deśaṁ mālavakaṁ nītvā devarājaṁ sutottama cakre snānaṁ mahābhāga kuṁbhairudakapūritaiḥ

हे सुपुत्र! हे महाभाग! देवराज को मालव देश ले जाकर, जल से भरे कलशों से उनका स्नान कराया गया।

श्लोक 5 (padma.2.91.5)

स्नापितुं प्रथमं नीतो वाराणस्यां स्वयं ततः । प्रयागे तु सहस्राक्ष अर्घतीर्थे ततः पुनः

snāpituṁ prathamaṁ nīto vārāṇasyāṁ svayaṁ tataḥ prayāge tu sahasrākṣa arghatīrthe tataḥ punaḥ

उन्हें पहले स्वयं वाराणसी में स्नान कराने ले जाया गया, फिर प्रयाग में, हे सहस्राक्ष! फिर अर्घ-तीर्थ में -

श्लोक 6 (padma.2.91.6)

पुष्करेण महात्मासौ स्नापितः स्वयमेव हि । ब्रह्मादिभिः सुरैः सर्वैर्मुनिवृंदैर्द्विजोत्तम

puṣkareṇa mahātmāsau snāpitaḥ svayameva hi brahmādibhiḥ suraiḥ sarvairmunivṛṁdairdvijottama

उस महात्मा को स्वयं पुष्कर ने स्नान कराया; हे द्विजोत्तम! ब्रह्मा आदि सभी देवताओं और मुनि-समूहों द्वारा -

श्लोक 7 (padma.2.91.7)

नागैर्वृक्षैर्नागसर्पैर्गंधर्वैस्तु सकिन्नरैः । स्नापितो देवराजस्तु वेदमंत्रैः सुसंस्कृतः

nāgairvṛkṣairnāgasarpairgaṁdharvaistu sakinnaraiḥ snāpito devarājastu vedamaṁtraiḥ susaṁskṛtaḥ

नागों, वृक्षों, सर्पों, गंधर्वों और किन्नरों द्वारा देवराज को स्नान कराया गया, वेद-मंत्रों से भलीभाँति संस्कारित होकर।

श्लोक 8 (padma.2.91.8)

मुनिभिः सर्वपापघ्नैस्तस्मिन्काले द्विजोत्तम । शुद्धे तस्मिन्महाभागे सहस्राक्षे महात्मनि

munibhiḥ sarvapāpaghnaistasminkāle dvijottama śuddhe tasminmahābhāge sahasrākṣe mahātmani

हे द्विजोत्तम! समस्त पापनाशक मुनियों द्वारा उस समय, जब वह महाभाग सहस्राक्ष महात्मा शुद्ध हो गया -

श्लोक 9 (padma.2.91.9)

ब्रह्महत्या गता तस्य अगम्यागमनं तथा । ब्रह्महत्या ततो नष्टा अगम्यागमनेन च

brahmahatyā gatā tasya agamyāgamanaṁ tathā brahmahatyā tato naṣṭā agamyāgamanena ca

तब उसकी ब्रह्महत्या दूर हो गई, और वैसे ही अगम्यागमन भी; ब्रह्महत्या तब नष्ट हो गई, और अगम्यागमन से उत्पन्न पाप भी -

श्लोक 10 (padma.2.91.10)

पापेन तेन घोरेण सार्द्धमिंद्रस्य भूतले । सुप्रसन्नः सहस्राक्षस्तीर्थेभ्यो हि वरं ददौ

pāpena tena ghoreṇa sārddhamiṁdrasya bhūtale suprasannaḥ sahasrākṣastīrthebhyo hi varaṁ dadau

उस भयंकर पाप के साथ इंद्र का पृथ्वी पर का दोष [दूर हो गया]। अत्यंत प्रसन्न होकर सहस्राक्ष ने तीर्थों को वर दिया -

श्लोक 11 (padma.2.91.11)

भवंतस्तीर्थराजानो भविष्यथ न संशयः । मत्प्रसादात्पवित्राश्च यस्मादहं विमोक्षितः

bhavaṁtastīrtharājāno bhaviṣyatha na saṁśayaḥ matprasādātpavitrāśca yasmādahaṁ vimokṣitaḥ

'तुम निःसंदेह तीर्थों के राजा बनोगे। मेरी कृपा से तुम पवित्र हो, क्योंकि मैं मुक्त हो गया हूँ -'

श्लोक 12 (padma.2.91.12)

सुघोरात्किल्बिषादत्र युष्माभिर्विमलैरहम् । एवं तेभ्यो वरं दत्वा मालवाय वरं ददौ

sughorātkilbiṣādatra yuṣmābhirvimalairaham evaṁ tebhyo varaṁ datvā mālavāya varaṁ dadau

'तुम निर्मल तीर्थों के द्वारा मुझे इस अत्यंत भयंकर पाप से मुक्त किया गया है।' इस प्रकार उन्हें वर देकर उन्होंने मालव को भी वर दिया -

श्लोक 13 (padma.2.91.13)

यस्मात्त्वया मलं मेऽद्य विधृतं श्रमदायकम् । तस्मात्त्वमन्नपानैश्च धनधान्यैरलंकृतः

yasmāttvayā malaṁ me'dya vidhṛtaṁ śramadāyakam tasmāttvamannapānaiśca dhanadhānyairalaṁkṛtaḥ

'चूँकि तूने आज मेरा वह श्रमदायक मल धारण किया, इसलिए तू अन्न-पान और धन-धान्य से सुशोभित होगा।'

श्लोक 14 (padma.2.91.14)

भविष्यसि न संदेहो मत्प्रसादान्न संशयः । सुदुःकालैर्विना त्वं तु भविष्यसि सुपुण्यवान्

bhaviṣyasi na saṁdeho matprasādānna saṁśayaḥ suduḥkālairvinā tvaṁ tu bhaviṣyasi supuṇyavān

'तू मेरी कृपा से निःसंदेह ऐसा ही बनेगा; दुष्काल से रहित होकर तू अत्यंत पुण्यवान बनेगा।'

श्लोक 15 (padma.2.91.15)

एवं तस्मै वरं दत्वा देवराजः पुरंदरः । क्षेत्राणि सर्वतीर्थानि देशो मालवकस्तथा

evaṁ tasmai varaṁ datvā devarājaḥ puraṁdaraḥ kṣetrāṇi sarvatīrthāni deśo mālavakastathā

इस प्रकार उसे वर देकर देवराज पुरंदर ने, समस्त तीर्थों के क्षेत्रों और मालव देश के साथ -

श्लोक 16 (padma.2.91.16)

आखंडलेन सार्द्धं ते स्वस्थानं प्रतिजग्मिरे । सूत उवाच- तदाप्रभृति चत्वारः प्रयागः पुष्करस्तथा

ākhaṁḍalena sārddhaṁ te svasthānaṁ pratijagmire sūta uvāca- tadāprabhṛti catvāraḥ prayāgaḥ puṣkarastathā

आखंडल (इंद्र) के साथ अपने-अपने स्थानों को लौट गए। सूत ने कहा - तभी से वे चार - प्रयाग, पुष्कर,

श्लोक 17 (padma.2.91.17)

वाराणसी चार्घतीर्थं प्राप्ता राजत्वमुत्तमम्

vārāṇasī cārghatīrthaṁ prāptā rājatvamuttamam

वाराणसी और अर्घ-तीर्थ - ने उत्तम राजपद प्राप्त किया।

श्लोक 18 (padma.2.91.18)

कुंजल उवाच- अस्ति पंचालदेशेषु विदुरो नाम क्षत्रियः । तेन मोहप्रसंगेन ब्राह्मणो निहतः पुराः

kuṁjala uvāca- asti paṁcāladeśeṣu viduro nāma kṣatriyaḥ tena mohaprasaṁgena brāhmaṇo nihataḥ purāḥ

कुंजल ने कहा - पांचाल देश में विदुर नाम का एक क्षत्रिय है; उसने मोह के प्रसंग से पहले एक ब्राह्मण की हत्या कर दी थी।

श्लोक 19 (padma.2.91.19)

शिखासूत्रविहीनस्तु तिलकेन विवर्जितः । भिक्षार्थमटतेसोऽपि ब्रह्मघ्नोहं समागतः

śikhāsūtravihīnastu tilakena vivarjitaḥ bhikṣārthamaṭateso'pi brahmaghnohaṁ samāgataḥ

शिखा-सूत्र से रहित, तिलक से वंचित, वह अब भी भीख माँगते हुए घूमता है - 'मैं ब्रह्महत्यारा यहाँ आया हूँ -'

श्लोक 20 (padma.2.91.20)

ब्रह्मघ्नाय सुरापाय भिक्षा चान्नं प्रदीयताम् । गृहेष्वेवं समस्तेषु भ्रमते याचते पुरा

brahmaghnāya surāpāya bhikṣā cānnaṁ pradīyatām gṛheṣvevaṁ samasteṣu bhramate yācate purā

'इस ब्रह्महत्यारे, सुरापी को भिक्षा और अन्न दिया जाए।' इस प्रकार वह सभी घरों में घूमता, भीख माँगता रहा -

श्लोक 21 (padma.2.91.21)

एवं सर्वेषु तीर्थेषु अटित्वैव समागतः । ब्रह्महत्या न तस्यापि प्रयाति द्विजसत्तम

evaṁ sarveṣu tīrtheṣu aṭitvaiva samāgataḥ brahmahatyā na tasyāpi prayāti dvijasattama

इस प्रकार सभी तीर्थों में भी घूमकर वह आ पहुँचा; हे द्विजसत्तम! उसकी ब्रह्महत्या अब भी दूर नहीं हुई।

श्लोक 22 (padma.2.91.22)

वृक्षच्छायां समाश्रित्यदह्यमानेन चेतसा । संस्थितो विदुरः पापो दुःखशोकसमन्वितः

vṛkṣacchāyāṁ samāśrityadahyamānena cetasā saṁsthito viduraḥ pāpo duḥkhaśokasamanvitaḥ

वृक्ष की छाया का आश्रय लेकर, जलते हुए मन से, वह पापी विदुर वहाँ दुःख और शोक से युक्त होकर बैठा था।

श्लोक 23 (padma.2.91.23)

चंद्रशर्मा ततो विप्रो महामोहेन पीडितः । न्यवसन्मागधे देशे गुरुघातकरश्च सः

caṁdraśarmā tato vipro mahāmohena pīḍitaḥ nyavasanmāgadhe deśe gurughātakaraśca saḥ

वहाँ महामोह से पीड़ित चंद्रशर्मा नाम का एक ब्राह्मण आया, जो मगध देश में रहता था और अपने गुरु का हत्यारा था -

श्लोक 24 (padma.2.91.24)

स्वजनैर्बंधुवर्गैश्च परित्यक्तो दुरात्मवान् । स हि तत्र समायातो यत्रासौ विदुरः स्थितः

svajanairbaṁdhuvargaiśca parityakto durātmavān sa hi tatra samāyāto yatrāsau viduraḥ sthitaḥ

अपने ही स्वजनों और बंधुओं द्वारा त्यागा गया वह दुरात्मा, ठीक वहीं आया जहाँ वह विदुर बैठा था।

श्लोक 25 (padma.2.91.25)

शिखासूत्रविहीनस्तु विप्रलिंगैर्विवर्जितः । तदासौ पृच्छितस्तेन विदुरेण दुरात्मना

śikhāsūtravihīnastu vipraliṁgairvivarjitaḥ tadāsau pṛcchitastena vidureṇa durātmanā

शिखा-सूत्र से रहित, ब्राह्मण के चिह्नों से वंचित - तब उस दुरात्मा विदुर ने उससे पूछा -

श्लोक 26 (padma.2.91.26)

भवान्को हि समायातोः दुर्भगो दग्धमानसः । विप्रलिंगविहीनस्तु कस्मात्त्वं भ्रमसे महीम्

bhavānko hi samāyātoḥ durbhago dagdhamānasaḥ vipraliṁgavihīnastu kasmāttvaṁ bhramase mahīm

'आप कौन हैं जो यहाँ आए हैं, अभागे, जलते हुए मन वाले? ब्राह्मण-चिह्न से रहित होकर आप पृथ्वी पर क्यों भटकते हैं?'

श्लोक 27 (padma.2.91.27)

विदुरेणोक्तमात्रस्तु चंद्रशर्मा द्विजाधमः । आचष्टे सर्वमेवापि यथापूर्वकृतं स्वकम्

vidureṇoktamātrastu caṁdraśarmā dvijādhamaḥ ācaṣṭe sarvamevāpi yathāpūrvakṛtaṁ svakam

विदुर द्वारा इतना ही कहे जाने पर उस अधम ब्राह्मण चंद्रशर्मा ने अपना सब कुछ, पहले किया हुआ कर्म, कह सुनाया -

श्लोक 28 (padma.2.91.28)

पातकं च महाघोरं वसता च गुरोर्गृहे । महामोहगतेनापि क्रोधेनाकुलितेन च

pātakaṁ ca mahāghoraṁ vasatā ca gurorgṛhe mahāmohagatenāpi krodhenākulitena ca

गुरु के घर में रहते हुए किया गया वह अत्यंत भयंकर पाप, महामोह और क्रोध से व्याकुल होकर -

श्लोक 29 (padma.2.91.29)

गुरोर्घातः कृतः पूर्वं तेन दग्धोस्मि सांप्रतम् । चंद्रशर्मा च वृत्तांतमुक्त्वा सर्वमपृच्छत

gurorghātaḥ kṛtaḥ pūrvaṁ tena dagdhosmi sāṁpratam caṁdraśarmā ca vṛttāṁtamuktvā sarvamapṛcchata

'मैंने पहले अपने गुरु की हत्या कर दी थी, उसी से मैं अब तक जल रहा हूँ।' चंद्रशर्मा ने अपना वृत्तांत बताकर फिर पूछा -

श्लोक 30 (padma.2.91.30)

भवान्को हि सुदुःखात्मा वृक्षच्छायां समाश्रितः । विदुरेण समासेन आत्मपापं निवेदितम्

bhavānko hi suduḥkhātmā vṛkṣacchāyāṁ samāśritaḥ vidureṇa samāsena ātmapāpaṁ niveditam

'आप कौन हैं, इतने दुःखी मन वाले, वृक्ष की छाया का आश्रय लिए हुए?' विदुर ने संक्षेप में अपना पाप बता दिया।

श्लोक 31 (padma.2.91.31)

अथ कश्चिद्द्विजः प्राप्तस्तृतीयः श्रमकर्षितः । वेदशर्मेति वै नाम बहुपातकसंचयः

atha kaściddvijaḥ prāptastṛtīyaḥ śramakarṣitaḥ vedaśarmeti vai nāma bahupātakasaṁcayaḥ

तब एक तीसरा ब्राह्मण भी आया, श्रम से थका हुआ, वेदशर्मा नाम का, जिस पर अनेक पापों का संचय था।

श्लोक 32 (padma.2.91.32)

द्वाभ्यामपि सुसंपृष्टः को भवान्दुःखिताकृतिः । कस्माद्भ्रमसि वै पृथ्वीं वद भावं त्वमात्मनः

dvābhyāmapi susaṁpṛṣṭaḥ ko bhavānduḥkhitākṛtiḥ kasmādbhramasi vai pṛthvīṁ vada bhāvaṁ tvamātmanaḥ

दोनों द्वारा भलीभाँति पूछे जाने पर - 'आप कौन हैं, इतने दुःखी दिखने वाले? आप पृथ्वी पर क्यों भटकते हैं, अपने मन की बात बताइए।'

श्लोक 33 (padma.2.91.33)

वेदशर्मा ततः सर्वमात्मचेष्टितमेव च । कथयामास ताभ्यां वै ह्यगम्यागमनं कृतम्

vedaśarmā tataḥ sarvamātmaceṣṭitameva ca kathayāmāsa tābhyāṁ vai hyagamyāgamanaṁ kṛtam

वेदशर्मा ने तब उन्हें अपना सारा आचरण बता दिया - कि उसने अगम्यागमन का पाप किया था।

श्लोक 34 (padma.2.91.34)

धिक्कृतः सर्वलोकैश्च अन्यैः स्वजनबांधवैः । तेन पापेन संलिप्तो भ्रमाम्येवं महीमिमाम्

dhikkṛtaḥ sarvalokaiśca anyaiḥ svajanabāṁdhavaiḥ tena pāpena saṁlipto bhramāmyevaṁ mahīmimām

'समस्त लोगों द्वारा धिक्कारा गया, अपने ही अन्य स्वजनों और बंधुओं द्वारा भी - उसी पाप से लिप्त होकर मैं इस पृथ्वी पर इस प्रकार भटकता हूँ।'

श्लोक 35 (padma.2.91.35)

वंजुलो नाम वैश्योथ सुरापायी समागतः । स गोघ्नश्च विशेषेण तैश्च पृष्टो यथा पुरा

vaṁjulo nāma vaiśyotha surāpāyī samāgataḥ sa goghnaśca viśeṣeṇa taiśca pṛṣṭo yathā purā

तब वंजुल नाम का एक वैश्य आया, सुरापी, और विशेष रूप से गोहत्यारा भी; उससे भी उन्होंने पहले की तरह पूछा।

श्लोक 36 (padma.2.91.36)

तेन आवेदितं सर्वं पातकं यत्पुराकृतम् । तैराकर्णितमन्यैश्च सर्वं तस्यप्रभाषितम्

tena āveditaṁ sarvaṁ pātakaṁ yatpurākṛtam tairākarṇitamanyaiśca sarvaṁ tasyaprabhāṣitam

उसने भी अपना सारा पूर्वकृत पाप बता दिया; उसके द्वारा कहा गया सब कुछ उन्होंने और अन्य लोगों ने सुना।

श्लोक 37 (padma.2.91.37)

एवं चत्वारःपापिष्ठा एकस्थानं समागताः । कः कस्यापि न संपर्कं भोजनाच्छादनेन च

evaṁ catvāraḥpāpiṣṭhā ekasthānaṁ samāgatāḥ kaḥ kasyāpi na saṁparkaṁ bhojanācchādanena ca

इस प्रकार चार अत्यंत पापी लोग एक स्थान पर एकत्र हुए। उनमें से कोई भी किसी अन्य के साथ भोजन या वस्त्र का संपर्क -

श्लोक 38 (padma.2.91.38)

करोति च महाभाग वार्तां चक्रुः परस्परम् । न विशंत्यासने चैके न स्वपंत्येकसंस्तरे

karoti ca mahābhāga vārtāṁ cakruḥ parasparam na viśaṁtyāsane caike na svapaṁtyekasaṁstare

हे महाभाग! नहीं करता था, फिर भी वे आपस में बातचीत करते थे। कुछ एक ही आसन पर नहीं बैठते, एक ही बिछौने पर नहीं सोते थे -

श्लोक 39 (padma.2.91.39)

एवं दुःखसमाविष्टा नानातीर्थेषु वै गताः । तेषां तु पापका घोरा न नश्यंति च नंदन

evaṁ duḥkhasamāviṣṭā nānātīrtheṣu vai gatāḥ teṣāṁ tu pāpakā ghorā na naśyaṁti ca naṁdana

इस प्रकार दुःख से भरे हुए वे नाना तीर्थों में गए; परंतु हे नंदन! उनके वे भयंकर पाप नष्ट नहीं हुए -

श्लोक 40 (padma.2.91.40)

सामर्थ्यं नास्ति तीर्थानां महापातकनाशने । विदुराद्यास्ततस्ते तु गताः कालंजरं गिरिम्

sāmarthyaṁ nāsti tīrthānāṁ mahāpātakanāśane vidurādyāstataste tu gatāḥ kālaṁjaraṁ girim

क्योंकि महापातकों के नाश में तीर्थों की सामर्थ्य नहीं है। तब विदुर आदि वे कालंजर पर्वत पर गए।