उत्तरकुरु, भद्राश्व और जम्बूद्वीप

श्लोक 1 (padma.3.4.1)

ऋषय ऊचुः । मेरोरथोत्तरं पश्चात्पूर्वमाचक्ष्व सूततः । निखिलेन महाबुद्ध माल्यवंतं च पर्वतम्

ṛṣaya ūcuḥ merorathottaraṁ paścātpūrvamācakṣva sūtataḥ nikhilena mahābuddha mālyavaṁtaṁ ca parvatam

ऋषियों ने कहा — हे महाबुद्धिमान सूत! मेरु के उत्तर भाग को, फिर पूर्व भाग को, और साथ ही माल्यवान पर्वत को भी पूर्णरूप से कहिए।

श्लोक 2 (padma.3.4.2)

सूत उवाच । दक्षिणेन तु नीलस्य मेरोः पार्श्वे तथोत्तरे । उत्तराः कुरवो विप्राः पुण्याः सिद्धनिषेविताः

sūta uvāca dakṣiṇena tu nīlasya meroḥ pārśve tathottare uttarāḥ kuravo viprāḥ puṇyāḥ siddhaniṣevitāḥ

सूत जी ने कहा — नील पर्वत के दक्षिण में और मेरु के उत्तर में, हे विप्रो, पुण्यमय और सिद्धों से सेवित उत्तरकुरु प्रदेश है।

श्लोक 3 (padma.3.4.3)

तत्र वृक्षा मधुफला नित्यपुष्पफलोपगाः । पुष्पाणि च सुगंधीनि रसवंति फलानि च

tatra vṛkṣā madhuphalā nityapuṣpaphalopagāḥ puṣpāṇi ca sugaṁdhīni rasavaṁti phalāni ca

वहाँ के वृक्ष मधुर फलों वाले हैं, सदा फूल-फलों से युक्त रहते हैं; उनके फूल सुगंधित और फल रसयुक्त हैं।

श्लोक 4 (padma.3.4.4)

सर्वकामफलास्तत्र केचिद्वृत्या द्विजोत्तमाः । अपरे क्षीरिणो नाम वृक्षास्तत्र द्विजोत्तमाः

sarvakāmaphalāstatra kecidvṛtyā dvijottamāḥ apare kṣīriṇo nāma vṛkṣāstatra dvijottamāḥ

हे द्विजोत्तमो! वहाँ कुछ वृक्ष स्वभाव से ही सर्वकाम्य फल देने वाले हैं; और कुछ अन्य वृक्ष क्षीरी (दूध देने वाले) नाम से जाने जाते हैं, हे द्विजोत्तमो,

श्लोक 5 (padma.3.4.5)

प्रक्षरंति सदा क्षीरं तत्र सर्वेऽमृतोपमम् । वस्त्राणि च प्रसूयंते फलेष्वाभरणानि च

prakṣaraṁti sadā kṣīraṁ tatra sarve'mṛtopamam vastrāṇi ca prasūyaṁte phaleṣvābharaṇāni ca

जिनसे सदा दूध बहता रहता है, वह सब अमृत के समान है; और वहाँ के फलों में वस्त्र तथा आभूषण भी उत्पन्न होते हैं।

श्लोक 6 (padma.3.4.6)

सर्वा मणिमयी भूमिः सूक्ष्मकांचनवालुका । सर्वर्तुसुखसंस्पर्शा निष्फलाश्च तपोधनाः

sarvā maṇimayī bhūmiḥ sūkṣmakāṁcanavālukā sarvartusukhasaṁsparśā niṣphalāśca tapodhanāḥ

वहाँ की समस्त भूमि मणिमय है, सूक्ष्म स्वर्ण-बालू से युक्त, सब ऋतुओं में सुखद स्पर्श वाली, और श्रम से रहित है, हे तपोधनो।

श्लोक 7 (padma.3.4.7)

देवलोकच्युताः सर्वे जायंते तत्र मानवाः । शुक्लाभिजनसंपन्नाः सर्वसुप्रियदर्शनाः

devalokacyutāḥ sarve jāyaṁte tatra mānavāḥ śuklābhijanasaṁpannāḥ sarvasupriyadarśanāḥ

वहाँ जन्म लेने वाले सभी मनुष्य देवलोक से च्युत होकर आते हैं; वे शुद्ध कुल से संपन्न और सबको प्रिय लगने वाले हैं।

श्लोक 8 (padma.3.4.8)

मिथुनानि च जायंते स्त्रियश्चाप्सरसोपमाः । तेषां ते क्षीरिणां क्षीरं पिबंत्यमृतसंनिभम्

mithunāni ca jāyaṁte striyaścāpsarasopamāḥ teṣāṁ te kṣīriṇāṁ kṣīraṁ pibaṁtyamṛtasaṁnibham

वहाँ जोड़े (युगल) जन्म लेते हैं, और स्त्रियाँ अप्सराओं के समान होती हैं; वे उन क्षीरी वृक्षों का अमृत के समान दूध पीते हैं।

श्लोक 9 (padma.3.4.9)

मिथुनं जायते काले समंताच्च प्रवर्द्धते । तुल्यरूपगुणोपेतं समवेशं तथैव च

mithunaṁ jāyate kāle samaṁtācca pravarddhate tulyarūpaguṇopetaṁ samaveśaṁ tathaiva ca

समय आने पर युगल उत्पन्न होता है और चारों ओर बढ़ता है, समान रूप और गुण से युक्त तथा समान स्वभाव वाला।

श्लोक 10 (padma.3.4.10)

एकमेवानुरूपं च चक्रवाकसमं द्विजाः । निरामयाश्च ते लोका नित्यं मुदितमानसाः

ekamevānurūpaṁ ca cakravākasamaṁ dvijāḥ nirāmayāśca te lokā nityaṁ muditamānasāḥ

हे द्विजो! वे चक्रवाक पक्षियों के समान एक-दूसरे के अनुरूप होते हैं; वे लोक रोगरहित और सदा प्रसन्नचित्त रहते हैं।

श्लोक 11 (padma.3.4.11)

दशवर्षसहस्राणि दशवर्षशतानि च । जीवंति ते महाभागा न चान्योन्यं जहत्युत

daśavarṣasahasrāṇi daśavarṣaśatāni ca jīvaṁti te mahābhāgā na cānyonyaṁ jahatyuta

हे महाभाग्यशालियो! वे ग्यारह हजार वर्ष तक जीवित रहते हैं और परस्पर एक-दूसरे को कभी नहीं त्यागते।

श्लोक 12 (padma.3.4.12)

भारुंडा नाम शकुनास्तीक्ष्णतुंडा महाबलाः । तान्निर्हरंतीहमृतान्दरीषु प्रक्षिपंति च

bhāruṁḍā nāma śakunāstīkṣṇatuṁḍā mahābalāḥ tānnirharaṁtīhamṛtāndarīṣu prakṣipaṁti ca

भारुण्ड नामक तीक्ष्ण चोंच वाले महाबली पक्षी उनके मृत शरीरों को उठाकर पर्वत की कंदराओं में डाल देते हैं।

श्लोक 13 (padma.3.4.13)

उत्तराःकुरवो विप्रा व्याख्यातास्ते समासतः । मेरुपार्श्वमहं पूर्वं प्रवक्ष्यामि यथातथम्

uttarāḥkuravo viprā vyākhyātāste samāsataḥ merupārśvamahaṁ pūrvaṁ pravakṣyāmi yathātatham

हे विप्रो! इस प्रकार उत्तरकुरु का संक्षेप में वर्णन किया गया। अब मैं मेरु के पूर्वी भाग को यथार्थ रूप से कहूँगा।

श्लोक 14 (padma.3.4.14)

तस्य मूर्द्धाभिषेकस्तु भद्राश्वस्य तपोधनाः । भद्रशालवनं यत्र कालाम्राश्च महाद्रुमाः

tasya mūrddhābhiṣekastu bhadrāśvasya tapodhanāḥ bhadraśālavanaṁ yatra kālāmrāśca mahādrumāḥ

हे तपोधनो! वहाँ भद्राश्व का शिरोभिषेक-स्थल है, जहाँ भद्रशाल वन है और वहाँ विशाल काले आम के वृक्ष हैं।

श्लोक 15 (padma.3.4.15)

कालाम्रास्तु महाभागा नित्यंपुष्पफलाः शुभाः । द्रुमाश्च योजनोत्सेधाः सिद्धचारणसेविताः

kālāmrāstu mahābhāgā nityaṁpuṣpaphalāḥ śubhāḥ drumāśca yojanotsedhāḥ siddhacāraṇasevitāḥ

हे महाभाग्यशालियो! वे काले आम के वृक्ष सदा शुभ फूल-फलों से युक्त रहते हैं; वे वृक्ष एक योजन ऊँचे हैं और सिद्ध-चारणों द्वारा सेवित हैं।

श्लोक 16 (padma.3.4.16)

तत्र ते पुरुषाः श्वेतास्तेजोयुक्तमहाबलाः । स्त्रियः कुमुदवर्णाश्च सुंदर्यः प्रियदर्शनाः

tatra te puruṣāḥ śvetāstejoyuktamahābalāḥ striyaḥ kumudavarṇāśca suṁdaryaḥ priyadarśanāḥ

वहाँ के पुरुष गौरवर्ण, तेजस्वी और महाबली हैं; स्त्रियाँ कुमुद-पुष्प के समान वर्ण वाली, सुंदर और मनोहर हैं।

श्लोक 17 (padma.3.4.17)

चंद्रवर्णाश्चतुर्वर्णाः पूर्णचंद्रनिभाननाः । चंद्रशीतलगात्राश्च नृत्यगीतविशारदाः

caṁdravarṇāścaturvarṇāḥ pūrṇacaṁdranibhānanāḥ caṁdraśītalagātrāśca nṛtyagītaviśāradāḥ

वे चंद्रमा के समान वर्ण वाले, चारों वर्णों से युक्त, पूर्णचंद्र के समान मुख वाले, चंद्रमा के समान शीतल अंगों वाले, और नृत्य-गीत में निपुण हैं।

श्लोक 18 (padma.3.4.18)

दशवर्षसहस्राणि तत्रायुर्द्विजसत्तमाः । कालाम्ररसपीतास्ते नित्यं संस्थितयौवनाः

daśavarṣasahasrāṇi tatrāyurdvijasattamāḥ kālāmrarasapītāste nityaṁ saṁsthitayauvanāḥ

हे द्विजश्रेष्ठो! वहाँ आयु दस हजार वर्ष है; काले आम के रस से पोषित होकर वे सदा युवावस्था में ही स्थित रहते हैं।

श्लोक 19 (padma.3.4.19)

दक्षिणेन तु नीलस्य निषधस्योत्तरेण तु । सुदर्शनो नाम महान्जंबूवृक्षः सनातनः

dakṣiṇena tu nīlasya niṣadhasyottareṇa tu sudarśano nāma mahānjaṁbūvṛkṣaḥ sanātanaḥ

नील पर्वत के दक्षिण में और निषध के उत्तर में सुदर्शन नामक विशाल, सनातन जम्बू वृक्ष है,

श्लोक 20 (padma.3.4.20)

सर्वकामफलः पुण्यः सिद्धचारणसेवितः । तस्य नाम्ना समाख्यातो जंबूद्वीपः सनातनः

sarvakāmaphalaḥ puṇyaḥ siddhacāraṇasevitaḥ tasya nāmnā samākhyāto jaṁbūdvīpaḥ sanātanaḥ

जो समस्त कामनाओं के फल देने वाला, पुण्यमय और सिद्ध-चारणों द्वारा सेवित है। उसी के नाम से यह सनातन प्रदेश जम्बूद्वीप कहलाता है।

श्लोक 21 (padma.3.4.21)

योजनानां सहस्रं च शतं च द्विजसत्तमाः । तथा माल्यवतः शृंगे पूर्वे पूर्वानुगांतकाः

yojanānāṁ sahasraṁ ca śataṁ ca dvijasattamāḥ tathā mālyavataḥ śṛṁge pūrve pūrvānugāṁtakāḥ

हे द्विजश्रेष्ठो! एक हजार एक सौ योजन तक — इसी प्रकार माल्यवान की पूर्वी चोटी पर एक के बाद एक क्रम से,

श्लोक 22 (padma.3.4.22)

योजनानां सहस्राणि पंचाशन्माल्यवान्द्विजाः । महारजतसंकाशा जायंते तत्र मानवाः

yojanānāṁ sahasrāṇi paṁcāśanmālyavāndvijāḥ mahārajatasaṁkāśā jāyaṁte tatra mānavāḥ

हे द्विजो! माल्यवान पर्वत पचास हजार योजन तक फैला है; वहाँ चाँदी के समान वर्णवाले मनुष्य जन्म लेते हैं।

श्लोक 23 (padma.3.4.23)

ब्रह्मलोकच्युताः सर्वे सर्वे च ब्रह्मवादिनः । तपस्तप्यंति ते दिव्यं भवंति ह्यूर्ध्वरेतसः

brahmalokacyutāḥ sarve sarve ca brahmavādinaḥ tapastapyaṁti te divyaṁ bhavaṁti hyūrdhvaretasaḥ

वे सब ब्रह्मलोक से च्युत, ब्रह्मवाद के ज्ञाता हैं; वे वहाँ दिव्य तप करते हैं और ऊर्ध्वरेता (ब्रह्मचारी) होते हैं।

श्लोक 24 (padma.3.4.24)

रक्षणार्थं तु भूतानां प्रविशंति दिवाकरम् । षष्टिस्तानि सहस्राणि षष्टिरेव शतानि च

rakṣaṇārthaṁ tu bhūtānāṁ praviśaṁti divākaram ṣaṣṭistāni sahasrāṇi ṣaṣṭireva śatāni ca

प्राणियों की रक्षा के लिए वे सूर्य में प्रवेश करते हैं — वे छियासठ हजार [सूक्ष्मकाय ऋषि] हैं,

श्लोक 25 (padma.3.4.25)

अरुणस्याग्रतो यांति परिवार्य दिवाकरम् । षष्टिवर्षसहस्राणि षष्टिरेव शतानि च

aruṇasyāgrato yāṁti parivārya divākaram ṣaṣṭivarṣasahasrāṇi ṣaṣṭireva śatāni ca

सूर्य को घेरकर अरुण के आगे-आगे चलते हैं, छियासठ हजार वर्षों तक।

श्लोक 26 (padma.3.4.26)

आदित्यतापतप्तास्ते विशंति शशिमंडलम्

ādityatāpataptāste viśaṁti śaśimaṁḍalam

सूर्य के ताप से संतप्त होकर वे तब चंद्रमंडल में प्रवेश कर जाते हैं।