भरत के आवास नंदिग्राम का दर्शन

श्लोक 1 (padma.5.1.1)

श्रीगणेशाय नमः। श्रीकुलदेवतायै नमः। श्रीगुरुचरणारविंदाभ्यां नमः । नारायणं नमस्कृत्य नरं चैव नरोत्तमम् । देवींसरस्वतीं व्यासं ततो जयमुदीरयेत्

śrīgaṇeśāya namaḥ śrīkuladevatāyai namaḥ śrīgurucaraṇāraviṁdābhyāṁ namaḥ nārāyaṇaṁ namaskṛtya naraṁ caiva narottamam devīṁsarasvatīṁ vyāsaṁ tato jayamudīrayet

श्री गणेश को नमस्कार। कुलदेवता को नमस्कार। श्री गुरु के चरणकमलों को नमस्कार। नारायण को तथा नरोत्तम नर को नमस्कार करके, देवी सरस्वती और व्यास जी का स्मरण करके तत्पश्चात मंगल-जयकार करना चाहिए।

श्लोक 2 (padma.5.1.2)

ऋषय ऊचुः। श्रुतं सर्वं महाभाग स्वर्गखंडं मनोहरम् । त्वत्तोऽधुना वदायुष्मञ्छ्रीरामचरितं हि नः

ṛṣaya ūcuḥ śrutaṁ sarvaṁ mahābhāga svargakhaṁḍaṁ manoharam tvatto'dhunā vadāyuṣmañchrīrāmacaritaṁ hi naḥ

ऋषियों ने कहा — हे महाभाग! हमने मनोहर स्वर्गखण्ड सम्पूर्ण सुन लिया; अब हे आयुष्मान्! आप हमें श्रीरामचरित सुनाइए।

श्लोक 3 (padma.5.1.3)

सूत उवाच। अथैकदा धराधारं पृष्टवान्भुजगेश्वरम् । वात्स्यायनो मुनिवरः कथामेतां सुनिर्मलाम्

sūta uvāca athaikadā dharādhāraṁ pṛṣṭavānbhujageśvaram vātsyāyano munivaraḥ kathāmetāṁ sunirmalām

सूत जी ने कहा — एक बार महामुनि वात्स्यायन ने पृथ्वी को धारण करने वाले भुजगेश्वर शेष से यह अत्यंत निर्मल कथा पूछी।

श्लोक 4 (padma.5.1.4)

श्रीवात्स्यायन उवाच। शेषाशेष कथास्त्वत्तो जगत्सर्गलयादिकाः । भूगोलश्च खगोलश्च ज्योतिश्चक्रविनिर्णयः

śrīvātsyāyana uvāca śeṣāśeṣa kathāstvatto jagatsargalayādikāḥ bhūgolaśca khagolaśca jyotiścakravinirṇayaḥ

श्री वात्स्यायन जी ने कहा — आपसे मैंने जगत् की सृष्टि और प्रलय की समस्त शेष कथाएँ सुनीं — भूगोल, खगोल तथा ज्योतिश्चक्र का निर्णय।

श्लोक 5 (padma.5.1.5)

महत्तत्त्वादिसृष्टीनां पृथक्तत्त्वविनिर्णयः । नानाराजचरित्राणि कथितानि त्वयानघ

mahattattvādisṛṣṭīnāṁ pṛthaktattvavinirṇayaḥ nānārājacaritrāṇi kathitāni tvayānagha

महत्तत्त्व आदि की सृष्टियों का पृथक्-पृथक् तत्त्व-निर्णय, तथा अनेक राजाओं के चरित्र भी, हे निष्पाप! आपने मुझे सुनाए हैं।

श्लोक 6 (padma.5.1.6)

सूर्यवंशभवानां च राज्ञां चारित्रमद्भुतम् । तत्रानेकमहापापहरा रामकृता कथा

sūryavaṁśabhavānāṁ ca rājñāṁ cāritramadbhutam tatrānekamahāpāpaharā rāmakṛtā kathā

सूर्यवंश में उत्पन्न राजाओं का अद्भुत चरित्र भी आपने सुनाया, जिनमें अनेक महापापों को हरने वाली राम की कथा भी है।

श्लोक 7 (padma.5.1.7)

तस्य वीरस्य रामस्य हयमेधकथा श्रुता । संक्षेपतो मया त्वत्तस्तामिच्छामि सविस्तराम्

tasya vīrasya rāmasya hayamedhakathā śrutā saṁkṣepato mayā tvattastāmicchāmi savistarām

उस वीर राम की हयमेध कथा मैंने आपसे संक्षेप में सुनी है; अब मैं उसे विस्तार से सुनना चाहता हूँ।

श्लोक 8 (padma.5.1.8)

या श्रुता संस्मृता चोक्ता महापातकहारिणी । चिंतितार्थप्रदात्री च भक्तचित्तप्रतोषदा

yā śrutā saṁsmṛtā coktā mahāpātakahāriṇī ciṁtitārthapradātrī ca bhaktacittapratoṣadā

जो सुनी, स्मरण की तथा कही जाने पर महापातकों का नाश करने वाली, चिंतित अर्थ को प्रदान करने वाली और भक्तों के चित्त को संतोष देने वाली है।

श्लोक 9 (padma.5.1.9)

शेष उवाच। धन्योसि द्विजवर्य त्वं यस्य ते मतिरीदृशी । रघुवीरपदद्वंद्व मकरंद स्पृहावती

śeṣa uvāca dhanyosi dvijavarya tvaṁ yasya te matirīdṛśī raghuvīrapadadvaṁdva makaraṁda spṛhāvatī

शेष जी ने कहा — हे द्विजश्रेष्ठ! धन्य हो तुम, जिसकी ऐसी बुद्धि है — रघुवीर के चरण-युगल के मकरंद की अभिलाषा रखने वाली।

श्लोक 10 (padma.5.1.10)

वदंति मुनयः सर्वे साधूनां संगमं वरम् । यस्मात्पापक्षयकरी रघुनाथकथा भवेत्

vadaṁti munayaḥ sarve sādhūnāṁ saṁgamaṁ varam yasmātpāpakṣayakarī raghunāthakathā bhavet

सभी मुनि कहते हैं कि साधुओं का संग सबसे श्रेष्ठ है, क्योंकि उसी से पापनाशक रघुनाथ-कथा प्राप्त होती है।

श्लोक 11 (padma.5.1.11)

त्वया मेऽनुग्रहः सृष्टो यद्रामः स्मारितः पुनः । सुरासुरकिरीटौघ मणिनीराजितांघ्रिकः

tvayā me'nugrahaḥ sṛṣṭo yadrāmaḥ smāritaḥ punaḥ surāsurakirīṭaugha maṇinīrājitāṁghrikaḥ

तुमने मुझ पर यह अनुग्रह किया है कि तुमने पुनः मुझे राम का स्मरण कराया — जिनके चरण देवों और असुरों के मुकुट-मणियों से सुशोभित होते हैं।

श्लोक 12 (padma.5.1.12)

रावणारिकथा वार्द्धौ मशको मादृशः कियान् । यत्र ब्रह्मादयो देवा मोहिता न विदंत्यपि

rāvaṇārikathā vārddhau maśako mādṛśaḥ kiyān yatra brahmādayo devā mohitā na vidaṁtyapi

राम की कथा एक समुद्र है, उसमें मुझ जैसा प्राणी एक मच्छर के समान कितना तुच्छ है, जिसमें ब्रह्मा आदि देवगण भी मोहित होकर पूर्ण रूप से नहीं जान पाते।

श्लोक 13 (padma.5.1.13)

तथापि भो मया तुभ्यं वक्तव्यं स्वीयशक्तितः । पक्षिणः स्वगतिं श्रित्वा खे गच्छंति सुविस्तरे

tathāpi bho mayā tubhyaṁ vaktavyaṁ svīyaśaktitaḥ pakṣiṇaḥ svagatiṁ śritvā khe gacchaṁti suvistare

फिर भी, हे विप्रवर, मैं अपनी शक्ति के अनुसार आपसे यह कथा कहूँगा; पक्षी भी अपनी-अपनी गति के अनुसार ही विस्तृत आकाश में उड़ते हैं।

श्लोक 14 (padma.5.1.14)

चरितं रघुनाथस्य शतकोटिप्रविस्तरम् । येषां वै यादृशी बुद्धिस्ते वदंत्येव तादृशम्

caritaṁ raghunāthasya śatakoṭipravistaram yeṣāṁ vai yādṛśī buddhiste vadaṁtyeva tādṛśam

रघुनाथ का चरित्र सौ करोड़ विस्तार वाला है; जिसकी जैसी बुद्धि होती है, वह वैसा ही उसका वर्णन करता है।

श्लोक 15 (padma.5.1.15)

रघुनाथसतीकीर्तिर्मद्बुद्धिं निर्मलीमसाम् । करिष्यति स्वसंपर्कात्कनकं त्वनलो यथा

raghunāthasatīkīrtirmadbuddhiṁ nirmalīmasām kariṣyati svasaṁparkātkanakaṁ tvanalo yathā

रघुनाथ की पवित्र कीर्ति अपने संसर्ग से मेरी मलिन बुद्धि को वैसे ही निर्मल कर देगी, जैसे अग्नि सोने को शुद्ध करती है।

श्लोक 16 (padma.5.1.16)

सूत उवाच। इत्युक्त्वा तं मुनिवरं ध्यानस्तिमितलोचनः । ज्ञानेनालोकयांचक्रे कथां लोकोत्तरां शुभाम्

sūta uvāca ityuktvā taṁ munivaraṁ dhyānastimitalocanaḥ jñānenālokayāṁcakre kathāṁ lokottarāṁ śubhām

सूत जी ने कहा — यह कहकर, ध्यान से स्थिर नेत्रों वाले शेष जी ने ज्ञान से उस लोकोत्तर, शुभ कथा का अवलोकन किया।

श्लोक 17 (padma.5.1.17)

गद्गदस्वरसंयुक्तो महाहर्षांकितांगकः । कथयामास विशदां कथां दाशरथेः पुनः

gadgadasvarasaṁyukto mahāharṣāṁkitāṁgakaḥ kathayāmāsa viśadāṁ kathāṁ dāśaratheḥ punaḥ

गद्गद स्वर से युक्त, अत्यंत हर्ष से रोमांचित शरीर वाले शेष जी ने पुनः दशरथ-पुत्र की स्पष्ट कथा कहनी आरम्भ की।

श्लोक 18 (padma.5.1.18)

शेष उवाच। लंकेश्वरे विनिहते देवदानवदुःखदे । अप्सरोगणवक्त्राब्जचंद्रमः कांतिहर्तरि

śeṣa uvāca laṁkeśvare vinihate devadānavaduḥkhade apsarogaṇavaktrābjacaṁdramaḥ kāṁtihartari

शेष जी ने कहा — जब देव-दानवों को दुःख देने वाला और अप्सराओं के मुखकमल रूपी चन्द्रमा की कान्ति हरने वाला लंकेश्वर मारा गया —

श्लोक 19 (padma.5.1.19)

सुराः सर्वे सुखं प्रापुरिंद्र प्रभृतयस्तदा । सुखं प्राप्ताः स्तुतिं चक्रुर्दासवत्प्रणतिं गताः

surāḥ sarve sukhaṁ prāpuriṁdra prabhṛtayastadā sukhaṁ prāptāḥ stutiṁ cakrurdāsavatpraṇatiṁ gatāḥ

तब इन्द्र आदि सभी देवगण सुखी हुए; सुख पाकर उन्होंने सेवक के समान प्रणाम करते हुए स्तुति की।

श्लोक 20 (padma.5.1.20)

लंकायां च प्रतिष्ठाप्य धर्मयुक्तं बिभीषणम् । सीतयासहितो रामः पुष्पकं समुपाश्रितः

laṁkāyāṁ ca pratiṣṭhāpya dharmayuktaṁ bibhīṣaṇam sītayāsahito rāmaḥ puṣpakaṁ samupāśritaḥ

लंका में धर्मपरायण विभीषण को प्रतिष्ठित करके, राम सीता के साथ पुष्पक विमान पर आरूढ़ हुए।

श्लोक 21 (padma.5.1.21)

सुग्रीवहनुमत्सीतालक्ष्मणैः संयुतस्तदा । बिभीषणोऽपि सचिवैरन्वगाद्विरहोत्सुकः

sugrīvahanumatsītālakṣmaṇaiḥ saṁyutastadā bibhīṣaṇo'pi sacivairanvagādvirahotsukaḥ

तब सुग्रीव, हनुमान्, सीता और लक्ष्मण से युक्त होकर, विभीषण भी विरह से व्याकुल होते हुए अपने मंत्रियों के साथ पीछे-पीछे चले।

श्लोक 22 (padma.5.1.22)

लंकां स पश्यन्बहुधा भग्नप्राकारतोरणाम् । दृष्ट्वाऽशोकवनं तत्र सीतास्थानं मुमूर्च्छ ह

laṁkāṁ sa paśyanbahudhā bhagnaprākāratoraṇām dṛṣṭvā'śokavanaṁ tatra sītāsthānaṁ mumūrccha ha

लंका को अनेक स्थानों पर टूटे हुए परकोटों और द्वारों सहित देखकर, तथा वहाँ सीता के स्थान अशोकवाटिका को देखकर विभीषण मूर्च्छित हो गए।

श्लोक 23 (padma.5.1.23)

शिंशपांस्तत्र वृक्षांश्च पुष्पितान्कोरकैर्युतान् । राक्षसीभिः समाकीर्णान्मृताभिर्हनुमद्भयात्

śiṁśapāṁstatra vṛkṣāṁśca puṣpitānkorakairyutān rākṣasībhiḥ samākīrṇānmṛtābhirhanumadbhayāt

वहाँ पुष्पित एवं कलियों से युक्त शिंशपा वृक्षों को, तथा हनुमान के भय से मृत राक्षसियों से भरे हुए स्थान को देखकर —

श्लोक 24 (padma.5.1.24)

इत्थं सर्वं विलोक्याशु रामः प्रायात्पुरीं प्रति । ब्रह्मादिदेवैः सहितः स्वीयस्वीयविमानकैः

itthaṁ sarvaṁ vilokyāśu rāmaḥ prāyātpurīṁ prati brahmādidevaiḥ sahitaḥ svīyasvīyavimānakaiḥ

इस प्रकार सब कुछ देखकर राम शीघ्र ही अपनी नगरी की ओर चल पड़े, ब्रह्मा आदि देवताओं के साथ, जो अपने-अपने विमानों पर सवार थे।

श्लोक 25 (padma.5.1.25)

देवदुंदुभिनिर्घोषाञ्छृण्वञ्छ्रोत्रसुखावहान् । तथैवाप्सरसां नृत्यैः पूज्यमानो रघूत्तमः

devaduṁdubhinirghoṣāñchṛṇvañchrotrasukhāvahān tathaivāpsarasāṁ nṛtyaiḥ pūjyamāno raghūttamaḥ

देवताओं की दुंदुभियों की कर्णप्रिय ध्वनि सुनते हुए, तथा अप्सराओं के नृत्यों से पूजित होते हुए रघूत्तम राम —

श्लोक 26 (padma.5.1.26)

सीतायै दर्शयन्मार्गे तीर्थान्याश्रमवंति च । मुनींश्च मुनिपुत्रांश्च मुनिपत्नीः पतिव्रताः

sītāyai darśayanmārge tīrthānyāśramavaṁti ca munīṁśca muniputrāṁśca munipatnīḥ pativratāḥ

मार्ग में सीता को तीर्थ, आश्रम, मुनियों, मुनि-पुत्रों तथा पतिव्रता मुनि-पत्नियों को दिखाते हुए —

श्लोक 27 (padma.5.1.27)

यत्रयत्र कृतावासाः पूर्वं रामेण धीमता । तान्सर्वान्दर्शयामास लक्ष्मणेन समन्वितः

yatrayatra kṛtāvāsāḥ pūrvaṁ rāmeṇa dhīmatā tānsarvāndarśayāmāsa lakṣmaṇena samanvitaḥ

उन्होंने लक्ष्मण के साथ मिलकर वे सभी स्थान सीता को दिखाए जहाँ-जहाँ बुद्धिमान् राम ने पूर्व में निवास किया था।

श्लोक 28 (padma.5.1.28)

इत्येवं दर्शयंस्तस्यै रामोऽद्राक्षीत्स्वकां पुरीम् । तस्याः पुनः समीपे तु नंदिग्रामं ददर्श ह

ityevaṁ darśayaṁstasyai rāmo'drākṣītsvakāṁ purīm tasyāḥ punaḥ samīpe tu naṁdigrāmaṁ dadarśa ha

इस प्रकार उसे दिखाते हुए राम ने अपनी नगरी को देखा; और उसके निकट ही नंदिग्राम को भी देखा।

श्लोक 29 (padma.5.1.29)

यत्र वै भरतो राजा पालयन्धर्ममास्थितः । भ्रातुर्वियोगजनितं दुःखचिह्नं वहन्बहु

yatra vai bharato rājā pālayandharmamāsthitaḥ bhrāturviyogajanitaṁ duḥkhacihnaṁ vahanbahu

जहाँ राजा भरत, धर्म में स्थित होकर राज्य पालन करते हुए, अपने भाई के वियोग से उत्पन्न दुःख के अनेक चिह्न धारण करते थे।

श्लोक 30 (padma.5.1.30)

गर्तशायी ब्रह्मचारी जटावल्कलसंयुतः । कृशांगयष्टिर्दुःखार्तः कुर्वन्रामकथां मुहुः

gartaśāyī brahmacārī jaṭāvalkalasaṁyutaḥ kṛśāṁgayaṣṭirduḥkhārtaḥ kurvanrāmakathāṁ muhuḥ

भूमि पर शयन करने वाले, ब्रह्मचारी, जटा और वल्कल धारण किए हुए, कृशकाय, दुःखार्त भरत सदैव राम-कथा का ही उच्चारण करते रहते थे।

श्लोक 31 (padma.5.1.31)

यवान्नमपि नो भुंक्ते जलं पिबति नो मुहुः । उद्यंतं सवितारं यो नमस्कृत्य ब्रवीति च

yavānnamapi no bhuṁkte jalaṁ pibati no muhuḥ udyaṁtaṁ savitāraṁ yo namaskṛtya bravīti ca

वे जौ का अन्न भी ग्रहण नहीं करते थे, न ही नियमित रूप से जल पीते थे; प्रतिदिन उदय होते सूर्य को नमस्कार करके वे कहते —

श्लोक 32 (padma.5.1.32)

जगन्नेत्रसुरस्वामिन्हर मे दुष्कृतं महत् । मदर्थे रामचंद्रोऽपि जगत्पूज्यो वनं ययौ

jagannetrasurasvāminhara me duṣkṛtaṁ mahat madarthe rāmacaṁdro'pi jagatpūjyo vanaṁ yayau

हे जगन्नेत्र सुरस्वामिन्! मेरे इस महान् पाप को दूर करो — क्योंकि मेरे कारण जगत्पूज्य रामचंद्र वन को गए।

श्लोक 33 (padma.5.1.33)

सीतया सुकुमारांग्या सेव्यमानोऽटवीं गतः । या सीता पुष्पपर्यंके वृंतमासाद्य दुःखिता

sītayā sukumārāṁgyā sevyamāno'ṭavīṁ gataḥ yā sītā puṣpaparyaṁke vṛṁtamāsādya duḥkhitā

कोमलांगी सीता भी उनके साथ वन को गईं — वही सीता, जो पुष्प-शय्या पर भी दुःखी हो जाती थीं।

श्लोक 34 (padma.5.1.34)

या सीता रविसंतापं कदापि प्राप नो सती । मदर्थे जानकी सा च प्रत्यरण्यं भ्रमत्यहो

yā sītā ravisaṁtāpaṁ kadāpi prāpa no satī madarthe jānakī sā ca pratyaraṇyaṁ bhramatyaho

वह सती सीता, जिसने कभी सूर्य का ताप तक नहीं सहा था — मेरे कारण वही जानकी वन-वन में भटक रही हैं!

श्लोक 35 (padma.5.1.35)

या सीता राजवृंदैश्च न दृष्टा नयनैः कदा । सा सीता दृश्यते नूनं किरातैः कालरूपिभिः

yā sītā rājavṛṁdaiśca na dṛṣṭā nayanaiḥ kadā sā sītā dṛśyate nūnaṁ kirātaiḥ kālarūpibhiḥ

जिस सीता को राजाओं की भीड़ ने भी कभी अपनी आँखों से नहीं देखा था — वही सीता आज कालरूपी किरातों द्वारा देखी जा रही है!

श्लोक 36 (padma.5.1.36)

या सीता मधुरं त्वन्नं भोजिता न बुभुक्षति । सा सीताद्य वनस्थानि फलानि प्रार्थयत्यहो

yā sītā madhuraṁ tvannaṁ bhojitā na bubhukṣati sā sītādya vanasthāni phalāni prārthayatyaho

जिस सीता को मधुर भोजन कराने पर भी कभी भूख नहीं होती थी — वही सीता आज वन के फलों की याचना कर रही है!

श्लोक 37 (padma.5.1.37)

इत्येवमन्वहं सूर्यमुपस्थाय वदत्यदः । प्रातःप्रातर्महाराजो भरतो रामवल्लभः

ityevamanvahaṁ sūryamupasthāya vadatyadaḥ prātaḥprātarmahārājo bharato rāmavallabhaḥ

इस प्रकार प्रतिदिन सूर्य के समक्ष खड़े होकर राम के प्रिय महाराज भरत प्रातःकाल यह वचन कहा करते थे।

श्लोक 38 (padma.5.1.38)

यश्चोच्यमानः सचिवैः समदुःखसुखैर्बुधैः । नीतिज्ञैः शास्त्रनिपुणैरिति प्रोवाच तान्नृपः

yaścocyamānaḥ sacivaiḥ samaduḥkhasukhairbudhaiḥ nītijñaiḥ śāstranipuṇairiti provāca tānnṛpaḥ

सुख-दुःख में समान भाव रखने वाले, नीतिज्ञ तथा शास्त्रनिपुण मंत्रियों द्वारा जब इस प्रकार कहा गया, तब राजा ने उनसे कहा —

श्लोक 39 (padma.5.1.39)

अमात्या दुर्भगं मां किं प्रब्रूत पुरुषाधमम् । मदर्थे मेऽग्रजो रामो वनं प्राप्यावसीदति

amātyā durbhagaṁ māṁ kiṁ prabrūta puruṣādhamam madarthe me'grajo rāmo vanaṁ prāpyāvasīdati

हे अमात्यगण! तुम मुझ अभागे, पुरुषाधम को और क्या कहोगे? मेरे कारण ही मेरे बड़े भाई राम वन में जाकर कष्ट भोग रहे हैं।

श्लोक 40 (padma.5.1.40)

दुर्भगस्य मम प्रस्वाः पापमार्जनमादरात् । करोमि रामचंद्रांघ्रिं स्मारं स्मारं सुमंत्रिणः

durbhagasya mama prasvāḥ pāpamārjanamādarāt karomi rāmacaṁdrāṁghriṁ smāraṁ smāraṁ sumaṁtriṇaḥ

अपने दुर्भाग्य से हुए पाप को दूर करने के लिए मैं आदरपूर्वक बार-बार रामचंद्र के चरणों का स्मरण करता हूँ।

श्लोक 41 (padma.5.1.41)

धन्या सुमित्रा सुतरां वीरसूः स्वपतिप्रिया । यस्यास्तनूजो रामस्य चरणौ सेवतेऽन्वहम्

dhanyā sumitrā sutarāṁ vīrasūḥ svapatipriyā yasyāstanūjo rāmasya caraṇau sevate'nvaham

धन्य है सुमित्रा, वीरों को जन्म देने वाली, अपने पति की प्रिया, जिसका पुत्र प्रतिदिन राम के चरणों की सेवा करता है।

श्लोक 42 (padma.5.1.42)

यत्र ग्रामे स्थितो नूनं भरतो भ्रातृवत्सलः । विलापं प्रकरोत्युच्चैस्तं ग्रामं स ददर्श ह

yatra grāme sthito nūnaṁ bharato bhrātṛvatsalaḥ vilāpaṁ prakarotyuccaistaṁ grāmaṁ sa dadarśa ha

जिस ग्राम में भ्रातृवत्सल भरत रहकर उच्च स्वर से विलाप करते थे, उसी ग्राम को राम ने देखा।