सुबाहु की पराजय

श्लोक 1 (padma.5.28.1)

शेष उवाच। अथ पुत्रं समालोक्य पतितं व्यसुमुद्धतम् । विललाप भृशं राजा सुतदुःखेन दुःखितः

śeṣa uvāca atha putraṁ samālokya patitaṁ vyasumuddhatam vilalāpa bhṛśaṁ rājā sutaduḥkhena duḥkhitaḥ

शेष जी ने कहा — तब अपने पुत्र को प्राणहीन, गिरा हुआ देखकर, पुत्र के दुःख से दुःखी राजा अत्यंत विलाप करने लगे।

श्लोक 2 (padma.5.28.2)

मूर्ध्नि संताडयामास पाणिभ्यामतिदुःखितः । कम्पमानो भृशं चाश्रूण्यमुञ्चन्नयनाब्जयोः

mūrdhni saṁtāḍayāmāsa pāṇibhyāmatiduḥkhitaḥ kampamāno bhṛśaṁ cāśrūṇyamuñcannayanābjayoḥ

अत्यंत दुःखी होकर उन्होंने दोनों हाथों से अपने सिर पर प्रहार किया, अत्यंत काँपते हुए, कमल-नेत्रों से आँसू बहाते हुए,

श्लोक 3 (padma.5.28.3)

गृहीत्वा पतितं वक्त्रं चंद्रबिंबमनोरमम् । पुष्कलेषु क्षतासृग्भिः क्लिन्नं कुंडलशोभितम्

gṛhītvā patitaṁ vaktraṁ caṁdrabiṁbamanoramam puṣkaleṣu kṣatāsṛgbhiḥ klinnaṁ kuṁḍalaśobhitam

चंद्रबिंब के समान मनोहर उस गिरे हुए मुख को, जो फूलों के बीच घाव के रक्त से भीगा, कुंडलों से सुशोभित था, उठाकर —

श्लोक 4 (padma.5.28.4)

कुटिलभ्रूयुगं श्रेष्ठं संदष्टाधरपल्लवम् । स चुंबन्मुखपद्मेन विलपन्निदमब्रवीत्

kuṭilabhrūyugaṁ śreṣṭhaṁ saṁdaṣṭādharapallavam sa cuṁbanmukhapadmena vilapannidamabravīt

टेढ़ी भौंहों वाले, ओठ काटे हुए उस श्रेष्ठ मुख-कमल को चूमते हुए, विलाप करते हुए उन्होंने यह कहा —

श्लोक 5 (padma.5.28.5)

हा पुत्र वीर कथमुत्सुकचेतसं मां । किं नेक्षसे विशदनेत्रयुगेन शूर । किं मद्विनोदकथयारहितस्त्वमेव । रोषोदधिप्लुतमनाः किल लक्ष्यसे च

hā putra vīra kathamutsukacetasaṁ māṁ kiṁ nekṣase viśadanetrayugena śūra kiṁ madvinodakathayārahitastvameva roṣodadhiplutamanāḥ kila lakṣyase ca

'हाय पुत्र, वीर! कैसे तुम मुझ उत्सुक-चित्त को अपने स्वच्छ नेत्रों से नहीं देखते, हे शूर? क्या तुम मुझे प्रसन्न करने वाली बातों से रहित हो, मानो क्रोध-सागर में डूबे मन वाले दिखाई दे रहे हो?

श्लोक 6 (padma.5.28.6)

वद पुत्र कथं मां त्वं प्रब्रूषे न हसन्पुनः । अमृतैर्मधुरास्वादैर्विनोदयसि पुत्रक

vada putra kathaṁ māṁ tvaṁ prabrūṣe na hasanpunaḥ amṛtairmadhurāsvādairvinodayasi putraka

बोलो पुत्र, तुम पहले की भाँति हँसते हुए मुझसे क्यों नहीं बोलते? हे पुत्रक! मधुर अमृत-वचनों से मुझे प्रसन्न क्यों नहीं करते?

श्लोक 7 (padma.5.28.7)

शत्रुघ्नाश्वं गृहाण त्वं सितचामरशोभितम् । स्वर्णपत्रेण शोभाढ्यं त्यज निद्रां महामते

śatrughnāśvaṁ gṛhāṇa tvaṁ sitacāmaraśobhitam svarṇapatreṇa śobhāḍhyaṁ tyaja nidrāṁ mahāmate

श्वेत चँवर से सुशोभित, स्वर्ण-पत्र से युक्त शत्रुघ्न के इस घोड़े को ग्रहण करो — हे महामते! यह निद्रा त्याग दो।

श्लोक 8 (padma.5.28.8)

एष प्रतापविशदः प्रतापाग्र्यः परंतपः । धनुर्बिभ्रत्पुरो भाति पुष्कलः परवीरहा

eṣa pratāpaviśadaḥ pratāpāgryaḥ paraṁtapaḥ dhanurbibhratpuro bhāti puṣkalaḥ paravīrahā

यह प्रताप में उज्ज्वल, शत्रुओं को संतप्त करने वाला प्रतापाग्र्य, तथा धनुष धारण किए शत्रुवीरों का संहारक पुष्कल सामने खड़े हैं।

श्लोक 9 (padma.5.28.9)

एनं वारय सत्तीक्ष्णैर्बाणैः कोदंडनिर्गतैः । कथं त्वं रणमध्ये वै शेते वीरविमोहितः

enaṁ vāraya sattīkṣṇairbāṇaiḥ kodaṁḍanirgataiḥ kathaṁ tvaṁ raṇamadhye vai śete vīravimohitaḥ

धनुष से छूटे तीक्ष्ण बाणों से इन्हें रोको — तुम क्यों युद्ध के मध्य में मोहित होकर यों पड़े हो, हे वीर?

श्लोक 10 (padma.5.28.10)

हस्तिनः पत्तयश्चैव रथारूढा भयार्दिताः । शरणं त्वां समायांति तानीक्षस्व महामते

hastinaḥ pattayaścaiva rathārūḍhā bhayārditāḥ śaraṇaṁ tvāṁ samāyāṁti tānīkṣasva mahāmate

हाथी, पैदल सैनिक तथा रथारूढ़ भयभीत होकर तुम्हारी शरण में आ रहे हैं — उन्हें देखो, हे महामते!

श्लोक 11 (padma.5.28.11)

पुत्र त्वया विना सोढुं कथं शक्तो रणांगणे । शत्रुघ्नसायकांस्तीक्ष्णांश्चंडकोदंडनिर्गतान्

putra tvayā vinā soḍhuṁ kathaṁ śakto raṇāṁgaṇe śatrughnasāyakāṁstīkṣṇāṁścaṁḍakodaṁḍanirgatān

हे पुत्र! तुम्हारे बिना युद्धभूमि में शत्रुघ्न के उग्र धनुष से छूटे तीक्ष्ण बाणों को मैं कैसे सह सकूँगा?

श्लोक 12 (padma.5.28.12)

अतो मां तु त्वया हीनं को वा पालयितुं क्षमः । यदि त्यक्ष्यसि निद्रा त्वं जयायाहं क्षमस्तदा

ato māṁ tu tvayā hīnaṁ ko vā pālayituṁ kṣamaḥ yadi tyakṣyasi nidrā tvaṁ jayāyāhaṁ kṣamastadā

इसलिए तुम्हारे बिना मेरी रक्षा कौन कर सकता है? यदि तुम यह निद्रा त्याग दो, तो मैं भी विजय के योग्य हो सकूँ!'

श्लोक 13 (padma.5.28.13)

इत्थं विलप्य सुभृशं तताड हृदयं स्वकम् । बहुशः पाणिना राजा पुत्रदुःखेन दुःखितः

itthaṁ vilapya subhṛśaṁ tatāḍa hṛdayaṁ svakam bahuśaḥ pāṇinā rājā putraduḥkhena duḥkhitaḥ

इस प्रकार अत्यंत विलाप करते हुए, पुत्र के दुःख से दुःखी राजा ने बार-बार अपने ही हाथ से अपने हृदय पर प्रहार किया।

श्लोक 14 (padma.5.28.14)

तदा विचित्र दमनौ स्व स्व स्यंदनसंस्थितौ । पितुश्चरणयोर्नत्वा ऊचतुः समयोचितम्

tadā vicitra damanau sva sva syaṁdanasaṁsthitau pituścaraṇayornatvā ūcatuḥ samayocitam

तब विचित्र और दमन, अपने-अपने रथ पर स्थित, पिता के चरणों में प्रणाम करके समयोचित वचन कहने लगे —

श्लोक 15 (padma.5.28.15)

राजन्नस्मासु जीवत्सु किं दुःखं हृदि तद्वद । वीराणां प्रधने मृत्युर्वांच्छितो जायते महान्

rājannasmāsu jīvatsu kiṁ duḥkhaṁ hṛdi tadvada vīrāṇāṁ pradhane mṛtyurvāṁcchito jāyate mahān

'हे राजन्! हमारे जीवित रहते आपके हृदय में यह कैसा शोक? बताइए। वीरों के लिए युद्ध में मृत्यु ही अभीष्ट, महान् मानी जाती है।

श्लोक 16 (padma.5.28.16)

धन्योऽयं बत चित्रांगो यो वीर भुवि शोभते । सकिरीटस्तु संदष्टदंतच्छदयुगः प्रभुः

dhanyo'yaṁ bata citrāṁgo yo vīra bhuvi śobhate sakirīṭastu saṁdaṣṭadaṁtacchadayugaḥ prabhuḥ

धन्य है यह चित्रांग, जो हे वीर! पृथ्वी पर, मुकुट सहित, ओठों को दाँतों से दबाए हुए, प्रभु के समान सुशोभित है।

श्लोक 17 (padma.5.28.17)

कथयाशु किमद्यैव कुर्वस्ते कार्यमीप्सितम् । शत्रुघ्नवाहिनीं सर्वां हन्व आवामनाथिनीम्

kathayāśu kimadyaiva kurvaste kāryamīpsitam śatrughnavāhinīṁ sarvāṁ hanva āvāmanāthinīm

शीघ्र बताइए, आज ही हमें क्या अभीष्ट कार्य करना है; हम शत्रुघ्न की समस्त अनाथ सेना का संहार कर देंगे।

श्लोक 18 (padma.5.28.18)

अद्यैव पुष्कलं भ्रातुर्वधकारिणमाहवे । पातयावो रथाच्छित्त्वा शिरोमुकुटमंडितम्

adyaiva puṣkalaṁ bhrāturvadhakāriṇamāhave pātayāvo rathācchittvā śiromukuṭamaṁḍitam

आज ही युद्ध में भाई के वधकर्ता पुष्कल को हम रथ से गिराकर, मुकुट सहित उसका सिर काट डालेंगे।

श्लोक 19 (padma.5.28.19)

त्यज शोकं सुदुःखार्तः कथं भासि महामते । आज्ञापयावां मानार्ह कुरु युद्धे मतिं तथा

tyaja śokaṁ suduḥkhārtaḥ kathaṁ bhāsi mahāmate ājñāpayāvāṁ mānārha kuru yuddhe matiṁ tathā

शोक त्याग दीजिए — अत्यंत दुःखार्त होकर हे महामते! आप ऐसे क्यों दिखाई दे रहे हैं? हे मानार्ह! हमें आज्ञा दीजिए, युद्ध में मन लगाइए।'

श्लोक 20 (padma.5.28.20)

इति वाक्यं समाकर्ण्य पुत्रयोर्वीरमानिनोः । शोकं त्यक्त्वा महाराजो युद्धाय मतिमादधात्

iti vākyaṁ samākarṇya putrayorvīramāninoḥ śokaṁ tyaktvā mahārājo yuddhāya matimādadhāt

वीरत्व का अभिमान रखने वाले अपने दोनों पुत्रों का यह वचन सुनकर महाराज ने शोक त्यागकर युद्ध में मन लगाया।

श्लोक 21 (padma.5.28.21)

तावपि प्रतियोद्धारं वांच्छंतौ रणदुर्मदौ । जग्मतुः कटके शत्रोरनंतभटपूरिते

tāvapi pratiyoddhāraṁ vāṁcchaṁtau raṇadurmadau jagmatuḥ kaṭake śatroranaṁtabhaṭapūrite

युद्ध के लिए उत्कट, प्रतिद्वंद्वी योद्धा चाहने वाले वे दोनों भी करोड़ों सैनिकों से भरी शत्रु की छावनी में गए।

श्लोक 22 (padma.5.28.22)

रिपुतापेन दमनो नीलरत्नेन चेतरः । युयुधाते रणे वीरौ प्रावृषीव बलाहकौ

riputāpena damano nīlaratnena cetaraḥ yuyudhāte raṇe vīrau prāvṛṣīva balāhakau

दमन रिपुताप से, और दूसरा नीलरत्न से — दोनों वीर वर्षा ऋतु के मेघों के समान युद्ध करने लगे।

श्लोक 23 (padma.5.28.23)

राजा कनकसन्नद्धे रथे मणिविचित्रिते । रत्नकूबरशोभाढ्ये तिष्ठंश्चापधरो बली

rājā kanakasannaddhe rathe maṇivicitrite ratnakūbaraśobhāḍhye tiṣṭhaṁścāpadharo balī

बलशाली राजा स्वर्ण से जड़े, मणियों से चित्रित, रत्नजड़ित कूबर से सुशोभित रथ पर धनुष धारण किए खड़े होकर —

श्लोक 24 (padma.5.28.24)

ययौ योद्धुं तु शत्रुघ्नं वीरकोटभिरावृतम् । तृणीकुर्वन्महावीरान्धनुर्विद्याविशारदान्

yayau yoddhuṁ tu śatrughnaṁ vīrakoṭabhirāvṛtam tṛṇīkurvanmahāvīrāndhanurvidyāviśāradān

धनुर्विद्या में निपुण महावीरों को भी तिनके के समान मानते हुए, करोड़ों वीरों से घिरे शत्रुघ्न से युद्ध करने चले।

श्लोक 25 (padma.5.28.25)

तं योद्धुमागतं दृष्ट्वा सुबाहुं रोषपूरितम् । पुत्रनाशेन कुर्वंतं सर्वसैन्यवधादिकम्

taṁ yoddhumāgataṁ dṛṣṭvā subāhuṁ roṣapūritam putranāśena kurvaṁtaṁ sarvasainyavadhādikam

युद्ध करने आए, क्रोध से भरे, पुत्र-नाश के कारण समस्त सेना के वध में लगे उस सुबाहु को देखकर —

श्लोक 26 (padma.5.28.26)

शत्रुघ्नपार्श्वसंचारी हनूमांस्तमुपाद्रवत् । नखायुधो महानादं कुर्वन्मेघ इवाहवे

śatrughnapārśvasaṁcārī hanūmāṁstamupādravat nakhāyudho mahānādaṁ kurvanmegha ivāhave

शत्रुघ्न के पार्श्व में विचरण करने वाले हनुमान् मेघ के समान महान् गर्जना करते हुए, नखों के अस्त्र से युक्त, उस पर टूट पड़े।

श्लोक 27 (padma.5.28.27)

सुबाहुस्तं हनूमंतमागच्छंतं महारवम् । उवाच प्रहसन्वाक्यं रोषपूरितलोचनः

subāhustaṁ hanūmaṁtamāgacchaṁtaṁ mahāravam uvāca prahasanvākyaṁ roṣapūritalocanaḥ

महाध्वनि करते हुए आते हनुमान् को देखकर सुबाहु ने क्रोध से भरे नेत्रों से हँसते हुए यह वचन कहा —

श्लोक 28 (padma.5.28.28)

क्व गतः पुष्कलो हत्वा मत्पुत्रं रणमंडले । पातयाम्यद्य तस्याशु शिरो ज्वलितकुंडलम्

kva gataḥ puṣkalo hatvā matputraṁ raṇamaṁḍale pātayāmyadya tasyāśu śiro jvalitakuṁḍalam

'मेरे पुत्र को युद्धभूमि में मारकर पुष्कल कहाँ गया? मैं आज ही उसका ज्वलित कुंडलों वाला सिर गिरा दूँगा!

श्लोक 29 (padma.5.28.29)

क्व शत्रुघ्नो वाहपालः क्व च रामः कुतो भटाः । प्राणहंतारमायांतं पश्यंतु प्रधने तु माम्

kva śatrughno vāhapālaḥ kva ca rāmaḥ kuto bhaṭāḥ prāṇahaṁtāramāyāṁtaṁ paśyaṁtu pradhane tu mām

शत्रुघ्न, घोड़े का रक्षक कहाँ है? राम कहाँ हैं? योद्धा कहाँ हैं? युद्ध में आते हुए प्राणहर्ता मुझे वे देख लें!'

श्लोक 30 (padma.5.28.30)

इति तद्वाक्यमाकर्ण्य हनूमान्निजगाद तम् । शत्रुघ्नो लवणच्छेत्ता वर्तते सैन्यपालकः

iti tadvākyamākarṇya hanūmānnijagāda tam śatrughno lavaṇacchettā vartate sainyapālakaḥ

यह वचन सुनकर हनुमान् ने उससे कहा — 'लवणासुर का संहारक शत्रुघ्न सेना का पालक बना हुआ है।

श्लोक 31 (padma.5.28.31)

स कथं प्रधने युध्येत्सेवकेऽग्रे स्थिते नृप । मां विजित्य रणे तं च त्वं गंतासि नरर्षभ

sa kathaṁ pradhane yudhyetsevake'gre sthite nṛpa māṁ vijitya raṇe taṁ ca tvaṁ gaṁtāsi nararṣabha

हे नृप! वह युद्ध में कैसे लड़ेगा, जब सेवक सामने खड़ा है? हे नरर्षभ! मुझे युद्ध में जीतकर ही तुम उसके पास जाओगे।'

श्लोक 32 (padma.5.28.32)

इत्युक्तवंतं तरसा विव्याध दशसायकैः । हृदि वानरमत्युग्रं पर्वताग्र्यमिवस्थितम्

ityuktavaṁtaṁ tarasā vivyādha daśasāyakaiḥ hṛdi vānaramatyugraṁ parvatāgryamivasthitam

इस प्रकार कहने वाले उस पर्वत-शिखर के समान खड़े अत्यंत उग्र वानर के हृदय पर उन्होंने शीघ्रता से दस बाणों का प्रहार किया।

श्लोक 33 (padma.5.28.33)

सबाणानागतांस्तांश्च गृहीत्वा करसंपुटे । चूर्णयामास तिलशः शितान्वैरिविदारणान्

sabāṇānāgatāṁstāṁśca gṛhītvā karasaṁpuṭe cūrṇayāmāsa tilaśaḥ śitānvairividāraṇān

उन शत्रु-विदारक तीक्ष्ण बाणों को अपने आते ही हाथ की हथेली में पकड़कर उन्होंने तिल-तिल कर चूर्ण कर दिया।

श्लोक 34 (padma.5.28.34)

चूर्णयित्वा शरांस्तांस्तु निनदन्घनगर्जितैः । पुच्छेनावेष्ट्य तस्योच्चै रथं निन्ये महाबलः

cūrṇayitvā śarāṁstāṁstu ninadanghanagarjitaiḥ pucchenāveṣṭya tasyoccai rathaṁ ninye mahābalaḥ

उन बाणों को चूर्ण करके, मेघ की गर्जना के समान गरजते हुए, उस महाबली ने पूँछ से उसके रथ को लपेटकर ऊँचे उठा लिया।

श्लोक 35 (padma.5.28.35)

तदा तं नृपवर्योऽसावाकाशे स्थित एव सः । लांगूलं ताडयामास शिताग्रैः सायकैर्मुहुः

tadā taṁ nṛpavaryo'sāvākāśe sthita eva saḥ lāṁgūlaṁ tāḍayāmāsa śitāgraiḥ sāyakairmuhuḥ

तब आकाश में स्थित ही वह श्रेष्ठ राजा बार-बार तीक्ष्ण नोक वाले बाणों से उनकी पूँछ पर प्रहार करने लगा।

श्लोक 36 (padma.5.28.36)

स ताडितस्तु पुच्छाग्रे शरैः सन्नतपर्वभिः । मुमोच तद्रथं दिव्यं कनकेन विचित्रितम्

sa tāḍitastu pucchāgre śaraiḥ sannataparvabhiḥ mumoca tadrathaṁ divyaṁ kanakena vicitritam

पूँछ के अग्रभाग में सुसज्जित बाणों से आहत होकर उन्होंने वह स्वर्ण से चित्रित दिव्य रथ छोड़ दिया।

श्लोक 37 (padma.5.28.37)

स मुक्तस्तेन तरसा शरैस्तीक्ष्णैर्जघान तम् । हनूमंतं कपिवरं रोषसंपूरितेक्षणः

sa muktastena tarasā śaraistīkṣṇairjaghāna tam hanūmaṁtaṁ kapivaraṁ roṣasaṁpūritekṣaṇaḥ

छूटते ही, क्रोध से भरे नेत्रों वाले उसने शीघ्रता से उस श्रेष्ठ वानर हनुमान् पर तीक्ष्ण बाणों से प्रहार किया।

श्लोक 38 (padma.5.28.38)

हनूमान्बाणविच्छिन्नः सर्वत्ररुधिराप्लुतः । महारोषं समाधत्त नृपोपरि कपीश्वरः

hanūmānbāṇavicchinnaḥ sarvatrarudhirāplutaḥ mahāroṣaṁ samādhatta nṛpopari kapīśvaraḥ

उन बाणों से कटे, सर्वत्र रक्त से भीगे उस वानरराज हनुमान् ने राजा पर महान् क्रोध धारण किया।

श्लोक 39 (padma.5.28.39)

गृहीत्वा तस्य दंष्ट्राभी रथं हयसमन्वितम् । चूर्णयामस वेगेन तदद्भुतमिवाभवत्

gṛhītvā tasya daṁṣṭrābhī rathaṁ hayasamanvitam cūrṇayāmasa vegena tadadbhutamivābhavat

अपने ही दाँतों से उसके रथ को घोड़ों सहित पकड़कर वेगपूर्वक चूर्ण कर दिया — यह मानो अद्भुत ही हुआ।

श्लोक 40 (padma.5.28.40)

स्वरथं भज्यमानं तु दृष्ट्वा राजा त्वरन्बली । अन्यं रथं समास्थाय युयुधे तं महाबलम्

svarathaṁ bhajyamānaṁ tu dṛṣṭvā rājā tvaranbalī anyaṁ rathaṁ samāsthāya yuyudhe taṁ mahābalam

अपने रथ को टूटता देखकर बलशाली राजा शीघ्रता से दूसरे रथ पर आरूढ़ होकर उस महाबली से युद्ध करने लगे।

श्लोक 41 (padma.5.28.41)

पुच्छे मुखेऽथोरसि च भुजे चरणयोर्नृपः । जघान शरसंधानकोविदः परमास्त्रवित्

pucche mukhe'thorasi ca bhuje caraṇayornṛpaḥ jaghāna śarasaṁdhānakovidaḥ paramāstravit

पूँछ पर, मुख पर, वक्ष पर, भुजा पर तथा दोनों चरणों पर बाण-संधान में निपुण, परम अस्त्र-ज्ञाता राजा ने प्रहार किया।

श्लोक 42 (padma.5.28.42)

तदा क्रुद्धः कपिवरस्ताडयामास वक्षसि । पादेनोत्प्लुत्य वेगेन राज्ञः सुभटशोभिनः

tadā kruddhaḥ kapivarastāḍayāmāsa vakṣasi pādenotplutya vegena rājñaḥ subhaṭaśobhinaḥ

तब क्रुद्ध वानरश्रेष्ठ ने वेगपूर्वक उछलकर, श्रेष्ठ योद्धाओं में सुशोभित उस राजा के वक्ष पर पैर से प्रहार किया।

श्लोक 43 (padma.5.28.43)

स पदा प्रहतो भूमौ पपात किल मूर्च्छितः । मुखाद्वमन्नसृक्चोष्णं श्वासपूरप्रवेपितः

sa padā prahato bhūmau papāta kila mūrcchitaḥ mukhādvamannasṛkcoṣṇaṁ śvāsapūrapravepitaḥ

उस पैर के प्रहार से आहत होकर वे भूमि पर मूर्च्छित होकर गिर पड़े, मुख से गरम रक्त वमन करते हुए, श्वास की धार से काँपते हुए।

श्लोक 44 (padma.5.28.44)

तदा प्रकुपितोऽत्यंतं हनूमान्प्रधनांगणे । अश्वान्वीरान्गजांश्चापि चूर्णयामास वेगतः

tadā prakupito'tyaṁtaṁ hanūmānpradhanāṁgaṇe aśvānvīrāngajāṁścāpi cūrṇayāmāsa vegataḥ

तब अत्यंत क्रुद्ध हनुमान् ने युद्धभूमि में घोड़ों, वीरों तथा हाथियों को भी वेगपूर्वक चूर्ण कर डाला।

श्लोक 45 (padma.5.28.45)

तदा सुकेतुस्तद्भ्राता तथा लक्ष्मीनिधिर्नृपः । उभावपि सुसन्नद्धौ युद्धाय समुपस्थितौ

tadā suketustadbhrātā tathā lakṣmīnidhirnṛpaḥ ubhāvapi susannaddhau yuddhāya samupasthitau

तब सुकेतु का भाई तथा राजा लक्ष्मीनिधि, दोनों ही सुसज्जित होकर युद्ध के लिए तत्पर खड़े हुए।

श्लोक 46 (padma.5.28.46)

राजानं मूर्च्छितं दृष्ट्वा प्रपलाय्य गता नराः । इतस्ततो बाणसंघैः क्षताः पुष्कलवर्षितैः

rājānaṁ mūrcchitaṁ dṛṣṭvā prapalāyya gatā narāḥ itastato bāṇasaṁghaiḥ kṣatāḥ puṣkalavarṣitaiḥ

राजा को मूर्च्छित देखकर सैनिक इधर-उधर भाग गए, पुष्कल द्वारा बरसाए गए बाण-समूहों से घायल होकर।

श्लोक 47 (padma.5.28.47)

तद्भज्यमानं स्वबलं वीक्ष्य राजात्मजो बली । दमनः स्तंभयामास सेतुर्वार्धिमिवोच्चलम्

tadbhajyamānaṁ svabalaṁ vīkṣya rājātmajo balī damanaḥ staṁbhayāmāsa seturvārdhimivoccalam

अपनी सेना को इस प्रकार टूटते देखकर बलशाली राजपुत्र दमन उठती हुई समुद्र के सेतु के समान अडिग खड़ा रहा।

श्लोक 48 (padma.5.28.48)

तदा तु मूर्च्छितो राजा स्वप्नमेकं ददर्श ह । रणमध्ये कपिवरप्रपदाघातताडितः

tadā tu mūrcchito rājā svapnamekaṁ dadarśa ha raṇamadhye kapivaraprapadāghātatāḍitaḥ

तब मूर्च्छित राजा ने एक स्वप्न देखा — युद्ध के मध्य में महावानर के चरण-प्रहार से आहत होकर —

श्लोक 49 (padma.5.28.49)

रामचंद्रस्त्वयोध्यायां सरयूतीरमंडपे । ब्राह्मणैर्याज्ञिकश्रेष्ठैर्बहुभिः परिवारितः

rāmacaṁdrastvayodhyāyāṁ sarayūtīramaṁḍape brāhmaṇairyājñikaśreṣṭhairbahubhiḥ parivāritaḥ

अयोध्या में, सरयू के तट के मंडप में रामचंद्र, अनेक श्रेष्ठ याज्ञिक ब्राह्मणों से घिरे हुए —

श्लोक 50 (padma.5.28.50)

तत्र ब्रह्मादयो देवास्तत्र ब्रह्मांडकोटयः । कृतप्राञ्जलयस्तं वै स्तुवंति स्तुतिभिर्मुहुः

tatra brahmādayo devāstatra brahmāṁḍakoṭayaḥ kṛtaprāñjalayastaṁ vai stuvaṁti stutibhirmuhuḥ

वहाँ ब्रह्मा आदि देवगण, वहाँ करोड़ों ब्रह्मांड, हाथ जोड़े हुए उनकी बार-बार स्तुतियों से वंदना कर रहे थे।

श्लोक 51 (padma.5.28.51)

रामं श्यामं सुनयनं मृगशृंगपरिग्रहम् । गायंति नारदाद्याश्च वीणोल्लसितपाणयः

rāmaṁ śyāmaṁ sunayanaṁ mṛgaśṛṁgaparigraham gāyaṁti nāradādyāśca vīṇollasitapāṇayaḥ

श्याम वर्ण, सुंदर नेत्रों वाले, मृगशृंग धारण किए राम को नारद आदि वीणा बजाते हाथों से गा रहे थे।

श्लोक 52 (padma.5.28.52)

नृत्यंत्यप्सरसस्तत्र घृताची मेनकादयः । वेदा मूर्तिधरा भूत्वा उपतिष्ठंति राघवम्

nṛtyaṁtyapsarasastatra ghṛtācī menakādayaḥ vedā mūrtidharā bhūtvā upatiṣṭhaṁti rāghavam

वहाँ घृताची, मेनका आदि अप्सराएँ नृत्य कर रही थीं; वेद स्वयं मूर्तिमान् होकर राघव की सेवा कर रहे थे।

श्लोक 53 (padma.5.28.53)

यच्च किंचिद्वस्तुजातं सर्वशोभासमन्वितम् । तस्य दातारमखिलं भक्तानां भोगदायकम्

yacca kiṁcidvastujātaṁ sarvaśobhāsamanvitam tasya dātāramakhilaṁ bhaktānāṁ bhogadāyakam

और जो भी कुछ वस्तु-समूह समस्त शोभा से युक्त था, वे ही उन सबके दाता थे, भक्तों को भोग देने वाले।

श्लोक 54 (padma.5.28.54)

इत्येवमादिसंपश्यञ्जाग्रत्संज्ञामवाप सः । ब्रह्मशापहतज्ञानः किं दृष्टमिति वै वदन्

ityevamādisaṁpaśyañjāgratsaṁjñāmavāpa saḥ brahmaśāpahatajñānaḥ kiṁ dṛṣṭamiti vai vadan

इन सब को और अधिक देखते हुए वे जाग्रत अवस्था को प्राप्त हुए, जिनका ज्ञान ब्राह्मण के शाप से हरा गया था — 'यह मैंने क्या देखा' — ऐसा कहते हुए।

श्लोक 55 (padma.5.28.55)

उत्थाय प्रययौ पद्भ्यां शत्रुघ्नचरणं प्रति । भृत्यकोटिपरीवारो रथकोटिपरीवृतः

utthāya prayayau padbhyāṁ śatrughnacaraṇaṁ prati bhṛtyakoṭiparīvāro rathakoṭiparīvṛtaḥ

उठकर वे करोड़ों सेवकों और करोड़ों रथों से घिरे हुए, पैदल ही शत्रुघ्न के चरणों की ओर चल पड़े।

श्लोक 56 (padma.5.28.56)

सुकेतुं तु समाहूय विचित्रं दमनं तथा । युद्धं कर्तुं समुद्युक्तान्वारयामास धर्मवित्

suketuṁ tu samāhūya vicitraṁ damanaṁ tathā yuddhaṁ kartuṁ samudyuktānvārayāmāsa dharmavit

सुकेतु, विचित्र तथा दमन को भी बुलाकर, युद्ध के लिए तत्पर उन्हें उस धर्मज्ञ ने रोक दिया।

श्लोक 57 (padma.5.28.57)

उवाच तान्महाराजो धर्मात्मा धर्मसंयुतः । भ्रातःपुत्रौ शृणुत मे वाक्यं धर्मसमन्वितम्

uvāca tānmahārājo dharmātmā dharmasaṁyutaḥ bhrātaḥputrau śṛṇuta me vākyaṁ dharmasamanvitam

धर्मात्मा, धर्म से युक्त महाराज ने उनसे कहा — 'हे भाई-पुत्रो! धर्मयुक्त मेरा वचन सुनो।

श्लोक 58 (padma.5.28.58)

मा युद्धं कुरुत क्षिप्रमनयस्तु महानभूत् । यद्रामचंद्रवाहं त्वमगृह्णाद्दमनोर्ज्जितम्

mā yuddhaṁ kuruta kṣipramanayastu mahānabhūt yadrāmacaṁdravāhaṁ tvamagṛhṇāddamanorjjitam

युद्ध मत करो, शीघ्र रुक जाओ; बड़ा अनर्थ हो चुका है, कि दमन ने बलपूर्वक रामचंद्र के घोड़े को पकड़ लिया।

श्लोक 59 (padma.5.28.59)

एष रामः परंब्रह्म कार्यकारणतः परम् । चराचरजगत्स्वामी न मानुषवपुर्धरः

eṣa rāmaḥ paraṁbrahma kāryakāraṇataḥ param carācarajagatsvāmī na mānuṣavapurdharaḥ

यह राम कार्य-कारण से परे साक्षात् परब्रह्म हैं, चराचर जगत् के स्वामी हैं, केवल मनुष्य-शरीर धारण करने वाले नहीं।

श्लोक 60 (padma.5.28.60)

एतद्धि ब्रह्मविज्ञानमधुना ज्ञातवानहम् । पुरासितांगशापेन हृतज्ञानधनोऽनघाः

etaddhi brahmavijñānamadhunā jñātavānaham purāsitāṁgaśāpena hṛtajñānadhano'naghāḥ

हे निष्पापो! यह ब्रह्म-ज्ञान मुझे अभी प्राप्त हुआ है — मैं जिसका ज्ञान-धन पूर्वकाल में असितांग के शाप से हरा गया था।

श्लोक 61 (padma.5.28.61)

अहं पुरा तीर्थयात्रां गतस्तत्त्वविवित्सया । तत्रानेके मया दृष्टा मुनयो धर्मवित्तमाः

ahaṁ purā tīrthayātrāṁ gatastattvavivitsayā tatrāneke mayā dṛṣṭā munayo dharmavittamāḥ

मैं पूर्वकाल में तत्त्व जानने की इच्छा से तीर्थयात्रा को गया था; वहाँ मैंने धर्म में श्रेष्ठ अनेक मुनियों को देखा।

श्लोक 62 (padma.5.28.62)

असितांगं मुनिमहं गतवाञ्ज्ञातुमिच्छया । तदा प्रोवाच मां विप्रः कृपां कृत्वा ममोपरि

asitāṁgaṁ munimahaṁ gatavāñjñātumicchayā tadā provāca māṁ vipraḥ kṛpāṁ kṛtvā mamopari

मैं जानने की इच्छा से असितांग मुनि के पास गया; तब उस ब्राह्मण ने मुझ पर कृपा करके मुझसे कहा —

श्लोक 63 (padma.5.28.63)

योऽसावयोध्याधिपतिः स परब्रह्मशब्दितः । तस्य या जानकी देवी साक्षात्सा चिन्मयी स्मृता

yo'sāvayodhyādhipatiḥ sa parabrahmaśabditaḥ tasya yā jānakī devī sākṣātsā cinmayī smṛtā

'जो अयोध्या के स्वामी हैं, वे ही परब्रह्म कहलाते हैं; उनकी जो देवी जानकी हैं, वे साक्षात् चिन्मयी मानी जाती हैं।

श्लोक 64 (padma.5.28.64)

एनं तु योगिनः साक्षादुपासते यमादिभिः । दुस्तरा पारसंसारवारिधिं संतितीर्षवः

enaṁ tu yoginaḥ sākṣādupāsate yamādibhiḥ dustarā pārasaṁsāravāridhiṁ saṁtitīrṣavaḥ

योगी लोग यम आदि साधनों सहित इनकी साक्षात् उपासना करते हैं, दुस्तर संसार-सागर से पार होने की इच्छा रखते हुए।

श्लोक 65 (padma.5.28.65)

स्मृतमात्रो महापापहारी स गरुडध्वजः । य एनं सेवते विद्वान्स संसारं तरिष्यति

smṛtamātro mahāpāpahārī sa garuḍadhvajaḥ ya enaṁ sevate vidvānsa saṁsāraṁ tariṣyati

केवल स्मरण मात्र से गरुड़-ध्वजधारी वे महापाप का हरण करने वाले हैं; जो विद्वान् इनकी सेवा करता है, वह संसार से पार हो जाएगा।'

श्लोक 66 (padma.5.28.66)

तदाहमहसं विप्रं कोऽयं रामस्तु मानुषः । केयं सा जानकी देवी हर्षशोकसमाकुला

tadāhamahasaṁ vipraṁ ko'yaṁ rāmastu mānuṣaḥ keyaṁ sā jānakī devī harṣaśokasamākulā

तब मैंने उस ब्राह्मण पर हँसते हुए कहा — 'यह राम कौन है, केवल मनुष्य ही तो! यह जानकी देवी कौन है, हर्ष-शोक से व्याकुल?

श्लोक 67 (padma.5.28.67)

अजन्मनः कथं जन्म अकर्तुः कृत्यमत्र किम् । जन्मदुःखजरातीतं कथयस्व मुने मम

ajanmanaḥ kathaṁ janma akartuḥ kṛtyamatra kim janmaduḥkhajarātītaṁ kathayasva mune mama

अजन्मा का जन्म कैसे? अकर्ता का यहाँ क्या कर्तव्य? हे मुने! जन्म-दुःख-जरा से परे उस देव को मुझे बताओ।'

श्लोक 68 (padma.5.28.68)

इत्युक्तवंतं मां क्रुद्धः शशाप स मुनीश्वरः । अज्ञात्वा तत्स्वरूपं त्वं प्रतिब्रूषे ममाधम

ityuktavaṁtaṁ māṁ kruddhaḥ śaśāpa sa munīśvaraḥ ajñātvā tatsvarūpaṁ tvaṁ pratibrūṣe mamādhama

इस प्रकार कहने वाले मुझे उस मुनीश्वर ने क्रुद्ध होकर शाप दिया — 'हे अधम! तू उसके स्वरूप को न जानकर मेरे विरुद्ध बोलता है।

श्लोक 69 (padma.5.28.69)

एनं निंदसि रामं त्वं मानुषोऽयमिदं हसन् । तस्मात्त्वं तत्त्वसंमूढो भविष्यस्युदरंभरिः

enaṁ niṁdasi rāmaṁ tvaṁ mānuṣo'yamidaṁ hasan tasmāttvaṁ tattvasaṁmūḍho bhaviṣyasyudaraṁbhariḥ

इस राम को, जो मनुष्य है, ऐसा हँसते हुए तू निंदा करता है — इसलिए तत्त्व से भ्रमित होकर तू केवल अपना पेट भरने वाला हो जाएगा।'

श्लोक 70 (padma.5.28.70)

तदाहं तस्य चरणावगृह्णं सदया युतः । दृष्ट्वा मे विनयं मां तु प्रावोचत्करुणानिधिः

tadāhaṁ tasya caraṇāvagṛhṇaṁ sadayā yutaḥ dṛṣṭvā me vinayaṁ māṁ tu prāvocatkaruṇānidhiḥ

तब मैंने दयायुक्त होकर उनके चरण पकड़ लिए; मेरी विनम्रता देखकर करुणानिधि ने मुझसे कहा —

श्लोक 71 (padma.5.28.71)

त्वं रामस्य मखे विघ्नं करिष्यसि यदा नृप । तदा हनूमानंघ्रिं त्वां ताडयिष्यति वेगतः

tvaṁ rāmasya makhe vighnaṁ kariṣyasi yadā nṛpa tadā hanūmānaṁghriṁ tvāṁ tāḍayiṣyati vegataḥ

'हे राजन्! जब तू राम के यज्ञ में विघ्न करेगा, तब हनुमान् वेगपूर्वक तेरे चरण पर प्रहार करेगा;

श्लोक 72 (padma.5.28.72)

तदा त्वं ज्ञास्यसे राजन्नान्यथा स्वमनीषया । पुराहमुक्तस्तेनैवं तद्दृष्टमधुना मया

tadā tvaṁ jñāsyase rājannānyathā svamanīṣayā purāhamuktastenaivaṁ taddṛṣṭamadhunā mayā

तभी, हे राजन्! अन्यथा नहीं, तू अपनी ही बुद्धि से यह जान लेगा।' पूर्वकाल में उसने मुझे यह कहा था, वही अब मैंने देखा है।

श्लोक 73 (padma.5.28.73)

यदा मां हनुमान्क्रुद्धस्ताडयामास वक्षसि । तदाऽदर्शं रमानाथं पूर्णब्रह्मस्वरूपिणम्

yadā māṁ hanumānkruddhastāḍayāmāsa vakṣasi tadā'darśaṁ ramānāthaṁ pūrṇabrahmasvarūpiṇam

जब क्रुद्ध हनुमान् ने मेरे वक्ष पर प्रहार किया, तभी मैंने पूर्ण ब्रह्मस्वरूप, रमा के स्वामी को देखा।

श्लोक 74 (padma.5.28.74)

तस्मादश्वं तु शोभाढ्यमानयंतु महाबलाः । धनानि चैव वासांसि राज्यं चेदं समर्पये

tasmādaśvaṁ tu śobhāḍhyamānayaṁtu mahābalāḥ dhanāni caiva vāsāṁsi rājyaṁ cedaṁ samarpaye

इसलिए महाबली उस शोभायुक्त घोड़े को लाएँ; धन तथा वस्त्र, और यह राज्य भी मैं अर्पित करता हूँ।

श्लोक 75 (padma.5.28.75)

रामं दृष्ट्वा कृतार्थः स्यामहं यज्ञेति पुण्यदे । आनयंतु हयं मह्यं रोचते तु तदर्पणम्

rāmaṁ dṛṣṭvā kṛtārthaḥ syāmahaṁ yajñeti puṇyade ānayaṁtu hayaṁ mahyaṁ rocate tu tadarpaṇam

हे पुण्यदे! राम को देखकर मैं इस यज्ञ में कृतार्थ हो जाऊँगा। मेरे लिए घोड़े को ले आएँ — उसका अर्पण मुझे भाता है।'