पुष्कल और शत्रुघ्न की पराजय

श्लोक 1 (padma.5.43.1)

शेष उवाच हनूमान्वीरसिंहं तु समागत्याब्रवीद्वचः । तिष्ठ यासि कुतो वीर जेष्यामि त्वां क्षणादिह

śeṣa uvāca hanūmānvīrasiṁhaṁ tu samāgatyābravīdvacaḥ tiṣṭha yāsi kuto vīra jeṣyāmi tvāṁ kṣaṇādiha

शेष जी ने कहा — हनुमान वीरसिंह के पास जाकर बोले — "ठहरो, हे वीर! कहाँ जाओगे? मैं तुम्हें अभी क्षणभर में जीत लूँगा।"

श्लोक 2 (padma.5.43.2)

एवमुक्तं समाकर्ण्य प्लवगस्य वचो महत् । कोपपूरपरिप्लुष्टः कार्मुकं जलदस्वनम्

evamuktaṁ samākarṇya plavagasya vaco mahat kopapūraparipluṣṭaḥ kārmukaṁ jaladasvanam

वानर के इस महान् वचन को सुनकर, क्रोध की बाढ़ में जलते हुए उसने मेघ के समान गर्जन करने वाला धनुष उठाया —

श्लोक 3 (padma.5.43.3)

विनद्य घोरान्निशितान्बाणान्मुंचन्बभौ रणे । आषाढे जलदस्येव धारासारे मनोहरः

vinadya ghorānniśitānbāṇānmuṁcanbabhau raṇe āṣāḍhe jaladasyeva dhārāsāre manoharaḥ

— और उसे टंकारकर घोर तीक्ष्ण बाण छोड़ते हुए वह युद्ध में आषाढ़ के मनोहर वर्षाकालीन मेघ के समान सुशोभित हो रहा था।

श्लोक 4 (padma.5.43.4)

तान्दृष्ट्वा निशितान्बाणान्स्वदेहे सुविलग्नकान् । चुकोप हृदयेऽत्यतं हनूमानंजनी सुतः

tāndṛṣṭvā niśitānbāṇānsvadehe suvilagnakān cukopa hṛdaye'tyataṁ hanūmānaṁjanī sutaḥ

अपने शरीर में भलीभाँति लगे हुए उन तीक्ष्ण बाणों को देखकर अंजनीपुत्र हनुमान हृदय में अत्यंत क्रुद्ध हो उठे।

श्लोक 5 (padma.5.43.5)

मुष्टिना ताडयामास हृदये वज्रसारिणा । समुष्टिना हतो वीरः पपात धरणीतले

muṣṭinā tāḍayāmāsa hṛdaye vajrasāriṇā samuṣṭinā hato vīraḥ papāta dharaṇītale

वज्र के समान कठोर मुष्टि से उन्होंने उसके हृदय पर प्रहार किया; उस मुष्टि-प्रहार से आहत होकर वह वीर धरती पर गिर पड़ा।

श्लोक 6 (padma.5.43.6)

मूर्च्छितं तं समालोक्य पितृव्यं स शुभांगदः । रुक्मांगदोऽपि संमूर्च्छां त्यक्त्वागाद्रणमंडलम्

mūrcchitaṁ taṁ samālokya pitṛvyaṁ sa śubhāṁgadaḥ rukmāṁgado'pi saṁmūrcchāṁ tyaktvāgādraṇamaṁḍalam

अपने चाचा को मूर्च्छित देखकर शुभांगद उसकी ओर दौड़ा; रुक्मांगद भी अपनी मूर्च्छा त्यागकर रणभूमि में आ गया।

श्लोक 7 (padma.5.43.7)

बाणान्समभिवर्षंतौ मेघाविव महास्वनौ । कुर्वंतौ कदनं घोरं प्लवंगं प्रति जग्मतुः

bāṇānsamabhivarṣaṁtau meghāviva mahāsvanau kurvaṁtau kadanaṁ ghoraṁ plavaṁgaṁ prati jagmatuḥ

दोनों मेघों के समान महाध्वनि करते हुए बाणों की वर्षा करते, घोर संहार मचाते हुए वानर की ओर बढ़े।

श्लोक 8 (padma.5.43.8)

तौ दृष्ट्वा समरे वीरौ समायातौ कपीश्वरः । लांगूलेन च संवेष्ट्य सरथौ चापधारकौ

tau dṛṣṭvā samare vīrau samāyātau kapīśvaraḥ lāṁgūlena ca saṁveṣṭya sarathau cāpadhārakau

युद्ध में साथ आते उन दोनों वीरों को देखकर कपीश्वर ने अपनी पूँछ से उन दोनों धनुर्धारियों को रथों सहित लपेट लिया —

श्लोक 9 (padma.5.43.9)

स्फोटयामास भूदेशे तत्क्षणान्मूर्च्छितावुभौ । निश्चेष्टौ समभूतां तौ रुधिरारक्तदेहकौ

sphoṭayāmāsa bhūdeśe tatkṣaṇānmūrcchitāvubhau niśceṣṭau samabhūtāṁ tau rudhirāraktadehakau

— और उन्हें भूमि पर पटक दिया; उसी क्षण दोनों मूर्च्छित हो गए, निश्चेष्ट पड़े रहे, उनके शरीर रक्त से रंजित हो गए।

श्लोक 10 (padma.5.43.10)

बलमित्रश्चिरं युद्धं विधाय सुमदेन हि । मूर्च्छामप्रापयत्तं वै बाणैः सुशितपर्वभिः

balamitraściraṁ yuddhaṁ vidhāya sumadena hi mūrcchāmaprāpayattaṁ vai bāṇaiḥ suśitaparvabhiḥ

बलमित्र ने सुमद के साथ दीर्घकाल तक युद्ध करके उसे सुतीक्ष्ण पर्ववाले बाणों से मूर्च्छित कर दिया।

श्लोक 11 (padma.5.43.11)

पुष्कलेन क्षणान्नीतो मूर्च्छां चैतन्यवर्जिताम् । जयमाप्तं तु कटकं शत्रुघ्नस्य भटार्दनम्

puṣkalena kṣaṇānnīto mūrcchāṁ caitanyavarjitām jayamāptaṁ tu kaṭakaṁ śatrughnasya bhaṭārdanam

और पुष्कल ने क्षणभर में, शत्रुघ्न के सैनिकों को पीड़ित करने वाली उस विजयी सेना को, चेतनाशून्य मूर्च्छा में डाल दिया।

श्लोक 12 (padma.5.43.12)

एतस्मिन्समये सांबः स्यंदनं वरमास्थितः । विस्फारयन्धनुर्दिव्यमुपाधावद्भटानिमान्

etasminsamaye sāṁbaḥ syaṁdanaṁ varamāsthitaḥ visphārayandhanurdivyamupādhāvadbhaṭānimān

इसी समय साम्ब श्रेष्ठ रथ पर आरूढ़ होकर, अपने दिव्य धनुष को खींचते हुए इन योद्धाओं पर टूट पड़े।

श्लोक 13 (padma.5.43.13)

जटाजूटांतरगतां चंद्ररेखां वहन्महान् । सर्पाभूषां मनःस्पर्शां दधदाजगवं धनुः

jaṭājūṭāṁtaragatāṁ caṁdrarekhāṁ vahanmahān sarpābhūṣāṁ manaḥsparśāṁ dadhadājagavaṁ dhanuḥ

जटाजूट के मध्य चंद्ररेखा धारण किए हुए वह महान् देव, मन को मोहित करने वाले सर्प-आभूषण तथा आजगव धनुष धारण किए —

श्लोक 14 (padma.5.43.14)

मूर्च्छितान्स्वजनान्दृष्ट्वा भक्तार्तिघ्नो महेश्वरः । योद्धुं प्रायान्महासैन्यैः शत्रुघ्नस्य भटानिमान्

mūrcchitānsvajanāndṛṣṭvā bhaktārtighno maheśvaraḥ yoddhuṁ prāyānmahāsainyaiḥ śatrughnasya bhaṭānimān

— महेश्वर, जो अपने भक्तों की पीड़ा हरने वाले हैं, अपने जनों को मूर्च्छित देखकर महासैन्य सहित शत्रुघ्न के इन योद्धाओं से युद्ध करने चले।

श्लोक 15 (padma.5.43.15)

सगणः सपरीवारः कंपयन्पृथिवीतलम् । भक्तरक्षार्थमागच्छंस्त्रिपुरं तु पुरा यथा

sagaṇaḥ saparīvāraḥ kaṁpayanpṛthivītalam bhaktarakṣārthamāgacchaṁstripuraṁ tu purā yathā

अपने गणों और परिवार सहित, पृथ्वीतल को कंपाते हुए, वे अपने भक्तों की रक्षा के लिए उसी प्रकार आए जैसे पूर्वकाल में त्रिपुर के विरुद्ध आए थे।

श्लोक 16 (padma.5.43.16)

कोपाच्छोणतरे नेत्रे वहन्प्रलयकारकः । पश्यन्वीरान्बहुमतीन्पिनाकी देववंदितः

kopācchoṇatare netre vahanpralayakārakaḥ paśyanvīrānbahumatīnpinākī devavaṁditaḥ

क्रोध से रक्तवर्ण नेत्रों वाले, प्रलयकारी, अनेक अभिमानी वीरों को देखते हुए वे देववंदित पिनाकधारी —

श्लोक 17 (padma.5.43.17)

तमागतं महेशानं वीक्ष्य रामानुजो बली । जगाम समरे योद्धुं सर्वदेवशिरोमणिम्

tamāgataṁ maheśānaṁ vīkṣya rāmānujo balī jagāma samare yoddhuṁ sarvadevaśiromaṇim

महेश को इस प्रकार आते देखकर, राम के बलशाली अनुज (शत्रुघ्न) उस समस्त देवताओं के शिरोमणि से युद्ध करने के लिए चल पड़े।

श्लोक 18 (padma.5.43.18)

अथागतं तु शत्रुघ्नं रुद्रो वीक्ष्य पिनाकधृक् । उवाच परमापन्नः कोपं सगुणचापधृक्

athāgataṁ tu śatrughnaṁ rudro vīkṣya pinākadhṛk uvāca paramāpannaḥ kopaṁ saguṇacāpadhṛk

तब पिनाकधारी रुद्र, शत्रुघ्न को आते देखकर अत्यंत क्रोधित हो उठे, और अपना प्रत्यंचाबद्ध धनुष धारण करते हुए बोले —

श्लोक 19 (padma.5.43.19)

पुष्कलेन महत्कर्म कृतं रामांघ्रिसेविना । मद्भक्तं यो रणे हत्वा गतः समरमंडलम्

puṣkalena mahatkarma kṛtaṁ rāmāṁghrisevinā madbhaktaṁ yo raṇe hatvā gataḥ samaramaṁḍalam

"राम के चरणों के सेवक पुष्कल ने बड़ा भारी कार्य किया है, जिसने युद्ध में मेरे भक्त को मारकर रणक्षेत्र से प्रस्थान किया।

श्लोक 20 (padma.5.43.20)

अद्य क्वास्ति परो वीरः पुष्कलः परमास्त्रवित् । तं हत्वा सुखमाप्स्यामि समरे भक्तपीडनम्

adya kvāsti paro vīraḥ puṣkalaḥ paramāstravit taṁ hatvā sukhamāpsyāmi samare bhaktapīḍanam

आज वह श्रेष्ठ वीर परमास्त्रवेत्ता पुष्कल कहाँ है? उसे मारकर मैं युद्ध में अपने भक्त की पीड़ा से सुखपूर्वक मुक्त हो जाऊँगा।"

श्लोक 21 (padma.5.43.21)

शेष उवाच इत्युक्त्वा वीरभद्रं स प्रेषयामास पुष्कलम् । याहि त्वं समरे योद्धुं पुष्कलं सेवकार्दनम्

śeṣa uvāca ityuktvā vīrabhadraṁ sa preṣayāmāsa puṣkalam yāhi tvaṁ samare yoddhuṁ puṣkalaṁ sevakārdanam

शेष जी ने कहा — यह कहकर उन्होंने वीरभद्र को भेजा — "तुम जाकर मेरे सेवक को पीड़ित करने वाले पुष्कल से युद्ध करो।"

श्लोक 22 (padma.5.43.22)

नंदिनं प्रेषयामास हनूमंतं महाबलम् । कुशध्वजं प्रचंडं तु भृंगिणं च सुबाहुकम्

naṁdinaṁ preṣayāmāsa hanūmaṁtaṁ mahābalam kuśadhvajaṁ pracaṁḍaṁ tu bhṛṁgiṇaṁ ca subāhukam

उन्होंने नंदी को महाबली हनुमान के विरुद्ध भेजा, और उग्र कुशध्वज तथा भृंगी को सुबाहु के विरुद्ध भेजा।

श्लोक 23 (padma.5.43.23)

सुमदं चंडनामानं गणं स्वीयं समादिशत् । पुष्कलस्तु समायांतं वीरभद्रं महागणम्

sumadaṁ caṁḍanāmānaṁ gaṇaṁ svīyaṁ samādiśat puṣkalastu samāyāṁtaṁ vīrabhadraṁ mahāgaṇam

उन्होंने अपने 'चंड' नामक गण को सुमद के विरुद्ध भेजा। इधर पुष्कल ने महागण वीरभद्र को अपनी ओर आते देखा —

श्लोक 24 (padma.5.43.24)

महारुद्रस्य संवीक्ष्य योद्धुं प्रायान्महामनाः । पुष्कलः पंचभिर्बाणैस्ताडयामास संयुगे

mahārudrasya saṁvīkṣya yoddhuṁ prāyānmahāmanāḥ puṣkalaḥ paṁcabhirbāṇaistāḍayāmāsa saṁyuge

— महारुद्र के उस गण को युद्ध हेतु आते देखकर वह महामना (पुष्कल) आगे बढ़ा और युद्ध में उसे पाँच बाणों से मारा।

श्लोक 25 (padma.5.43.25)

तैर्बाणैः क्षतगात्रस्तु त्रिशूलं स समादिशत् । स त्रिशूलं क्षणाच्छित्त्वा व्यगर्जत महाबलः

tairbāṇaiḥ kṣatagātrastu triśūlaṁ sa samādiśat sa triśūlaṁ kṣaṇācchittvā vyagarjata mahābalaḥ

उन बाणों से शरीर क्षत-विक्षत होने पर उसने त्रिशूल का प्रहार किया; परंतु उस महाबली (पुष्कल) ने क्षणभर में त्रिशूल को काट डाला और गरज उठा।

श्लोक 26 (padma.5.43.26)

छिन्नं स्वीयं त्रिशूलं वै वीक्ष्य रुद्रानुगो बली । खट्वांगेन जघानाशु मस्तके भारतिं द्विज

chinnaṁ svīyaṁ triśūlaṁ vai vīkṣya rudrānugo balī khaṭvāṁgena jaghānāśu mastake bhāratiṁ dvija

हे द्विज! अपने त्रिशूल को इस प्रकार कटा देखकर रुद्र के उस बलशाली अनुचर ने भारति (पुष्कल) के सिर पर तुरंत खट्वांग से प्रहार किया।

श्लोक 27 (padma.5.43.27)

खट्वांगाभिहतः सोऽथ मुमूर्च्छ क्षणमुद्भटः । विहाय मूर्च्छां सद्वीरः पुष्कलः परमास्त्रवित्

khaṭvāṁgābhihataḥ so'tha mumūrccha kṣaṇamudbhaṭaḥ vihāya mūrcchāṁ sadvīraḥ puṣkalaḥ paramāstravit

खट्वांग के प्रहार से वह उग्र वीर क्षणभर के लिए मूर्च्छित हो गया; किंतु उत्तम वीर, परमास्त्रवेत्ता पुष्कल मूर्च्छा त्यागकर —

श्लोक 28 (padma.5.43.28)

शरैश्चिच्छेद खट्वांगं करस्थं तस्य तत्क्षणात् । वीरभद्रः स्वकेच्छिन्ने खट्वांगे करसंस्थिते

śaraiściccheda khaṭvāṁgaṁ karasthaṁ tasya tatkṣaṇāt vīrabhadraḥ svakecchinne khaṭvāṁge karasaṁsthite

— अपने बाणों से तत्क्षण उसके हाथ में स्थित खट्वांग को काट डाला; अपने हाथ में स्थित खट्वांग के इस प्रकार कट जाने पर —

श्लोक 29 (padma.5.43.29)

परमक्रोधमापन्नो बभंज रथिनो रथम् । भंक्त्वा रथं तु वीरस्य पदातिं च विधाय सः

paramakrodhamāpanno babhaṁja rathino ratham bhaṁktvā rathaṁ tu vīrasya padātiṁ ca vidhāya saḥ

— वीरभद्र अत्यंत क्रोधित होकर रथी के रथ को तोड़ डाला; वीर का रथ तोड़कर और उसे पैदल कर —

श्लोक 30 (padma.5.43.30)

बाहुयुद्धेन युयुधे पुष्कलेन महात्मना । स पुष्कलो रथं त्यक्त्वा चूर्णितं तेन वेगतः

bāhuyuddhena yuyudhe puṣkalena mahātmanā sa puṣkalo rathaṁ tyaktvā cūrṇitaṁ tena vegataḥ

— उसने महात्मा पुष्कल के साथ बाहुयुद्ध किया; और पुष्कल भी अपने रथ को, जो उसके द्वारा वेगपूर्वक चूर-चूर कर दिया गया था, त्यागकर —

श्लोक 31 (padma.5.43.31)

मुष्टिना ताडयामास वीरभद्रं महाबलः । अन्योन्यं मुष्टिभिर्घ्नंतावूरुभिर्जानुभिस्तथा

muṣṭinā tāḍayāmāsa vīrabhadraṁ mahābalaḥ anyonyaṁ muṣṭibhirghnaṁtāvūrubhirjānubhistathā

— उस महाबली ने वीरभद्र को मुष्टि से प्रहार किया; दोनों एक-दूसरे को मुष्टियों से तथा जंघाओं और घुटनों से भी मारते हुए —

श्लोक 32 (padma.5.43.32)

परस्परवधोद्युक्तौ परस्परजयैषिणौ । एवं चतुर्दिनमभूद्रात्रिं दिवमपीशयोः

parasparavadhodyuktau parasparajayaiṣiṇau evaṁ caturdinamabhūdrātriṁ divamapīśayoḥ

— परस्पर वध के लिए उद्यत, परस्पर विजय की कामना करते हुए दोनों स्वामियों के बीच यह युद्ध चार दिन-रात तक चलता रहा —

श्लोक 33 (padma.5.43.33)

न कोपि तत्र हीयेत न जीयेत महाबलः । पंचमे तु दिने वृत्ते वीरभद्रो महाबलः

na kopi tatra hīyeta na jīyeta mahābalaḥ paṁcame tu dine vṛtte vīrabhadro mahābalaḥ

— उन दोनों महाबलियों में से न तो कोई हारा और न ही कोई पराजित हुआ। परंतु पाँचवें दिन आने पर महाबली वीरभद्र ने —

श्लोक 34 (padma.5.43.34)

गृहीत्वा नभ उड्डीनो महावीरं तु पुष्कलम् । तत्र युद्धं तयोरासीद्देवासुरविमोहनम्

gṛhītvā nabha uḍḍīno mahāvīraṁ tu puṣkalam tatra yuddhaṁ tayorāsīddevāsuravimohanam

— महावीर पुष्कल को पकड़कर आकाश में उड़ गया; वहाँ उन दोनों में देवों और असुरों को भी मोहित कर देने वाला युद्ध हुआ।

श्लोक 35 (padma.5.43.35)

मुष्टिना चरणाघातैर्बाहुभिः सुखुरैर्महत् । तदात्यंतं प्रकुपितः पुष्कलो वीरभद्रकम्

muṣṭinā caraṇāghātairbāhubhiḥ sukhurairmahat tadātyaṁtaṁ prakupitaḥ puṣkalo vīrabhadrakam

मुष्टियों से, चरण-प्रहारों से, भुजाओं तथा एड़ियों के भारी प्रहारों से — तब अत्यंत क्रुद्ध पुष्कल ने वीरभद्र को पकड़कर —

श्लोक 36 (padma.5.43.36)

गृहीत्वा कंठदेशे तु ताडयामास भूतले । तत्प्रहारेण व्यथितो वीरभद्रो महाबलः

gṛhītvā kaṁṭhadeśe tu tāḍayāmāsa bhūtale tatprahāreṇa vyathito vīrabhadro mahābalaḥ

— गर्दन से पकड़कर उसे भूमि पर पटक दिया। उस प्रहार से आहत होकर महाबली वीरभद्र ने —

श्लोक 37 (padma.5.43.37)

गृहीत्वा पुष्कलं पादे जघानास्फालयन्मुहुः । ताडयित्वा महीदेशे पुष्कलं सुमहाबलः

gṛhītvā puṣkalaṁ pāde jaghānāsphālayanmuhuḥ tāḍayitvā mahīdeśe puṣkalaṁ sumahābalaḥ

— पुष्कल के पैर को पकड़कर उसे बार-बार पछाड़ा, तथा भूमि पर बार-बार पटककर उस महाबली ने —

श्लोक 38 (padma.5.43.38)

त्रिशूलेन चकर्ताशु शिरो ज्वलितकुंडलम् । जगर्ज पुष्कलं हत्वा वीरभद्रो महाबलः

triśūlena cakartāśu śiro jvalitakuṁḍalam jagarja puṣkalaṁ hatvā vīrabhadro mahābalaḥ

— अपने त्रिशूल से उसका, अभी भी जगमगाते कुंडलों सहित, सिर काट डाला; पुष्कल को मारकर महाबली वीरभद्र गरज उठा।

श्लोक 39 (padma.5.43.39)

गर्जता तेन शार्वेण प्रापितास्त्रा समुद्भटाः । हाहाकारो महानासीत्पुष्कले पतिते रणे

garjatā tena śārveṇa prāpitāstrā samudbhaṭāḥ hāhākāro mahānāsītpuṣkale patite raṇe

उस गरजते हुए शिवगण द्वारा तब भयंकर अस्त्र चलाए गए; पुष्कल के युद्ध में गिरने पर महान् हाहाकार मच गया।

श्लोक 40 (padma.5.43.40)

त्रासं प्रापुर्जनाः सर्वे रणमध्ये सुकोविदाः । ते शशंशुश्च शत्रुघ्नं पुष्कलं पतितं रणे

trāsaṁ prāpurjanāḥ sarve raṇamadhye sukovidāḥ te śaśaṁśuśca śatrughnaṁ puṣkalaṁ patitaṁ raṇe

युद्ध में कुशल वे सभी लोग भयभीत हो उठे; उन्होंने जाकर शत्रुघ्न को बताया कि पुष्कल युद्ध में गिर पड़ा है —

श्लोक 41 (padma.5.43.41)

निहतं वीरभद्रेण महेश्वरगणेन वै । इत्याश्रुत्य महावीरः पुष्कलस्य वधं तदा

nihataṁ vīrabhadreṇa maheśvaragaṇena vai ityāśrutya mahāvīraḥ puṣkalasya vadhaṁ tadā

— महेश्वर के गण वीरभद्र द्वारा मारा गया। पुष्कल का यह वध सुनकर महावीर शत्रुघ्न —

श्लोक 42 (padma.5.43.42)

दुःखं प्राप्तो रणेऽत्यतं कंपमानः शुचा महान् । तं दुःखितं च शत्रुघ्नं ज्ञात्वा रुद्रो ऽब्रवीद्वचः

duḥkhaṁ prāpto raṇe'tyataṁ kaṁpamānaḥ śucā mahān taṁ duḥkhitaṁ ca śatrughnaṁ jñātvā rudro 'bravīdvacaḥ

— रणभूमि में अत्यंत दुःखी हो उठे, काँपने लगे, महान् शोक से अभिभूत हुए। शत्रुघ्न को इस प्रकार दुःखी जानकर रुद्र ने यह वचन कहा —

श्लोक 43 (padma.5.43.43)

शत्रुघ्नं समरे वीरं शोचंतं पुष्कले हते । रे शत्रुघ्न रणे शोकं मा कृथाः सुमहाबल

śatrughnaṁ samare vīraṁ śocaṁtaṁ puṣkale hate re śatrughna raṇe śokaṁ mā kṛthāḥ sumahābala

"हे शत्रुघ्न! पुष्कल के मारे जाने पर युद्ध में शोक करते हुए हे महाबली वीर! शोक मत करो।

श्लोक 44 (padma.5.43.44)

वीराणां रणमध्ये तु पातनं कीर्तये स्मृतम् । धन्यो वीरः पुष्कलाख्यो यश्च वै दिनपंचकम्

vīrāṇāṁ raṇamadhye tu pātanaṁ kīrtaye smṛtam dhanyo vīraḥ puṣkalākhyo yaśca vai dinapaṁcakam

वीरों के लिए युद्ध के मध्य गिरना भी कीर्ति ही मानी जाती है, जैसा स्मृतियों में कहा गया है। धन्य है वह पुष्कल नामक वीर, जिसने पूरे पाँच दिनों तक —

श्लोक 45 (padma.5.43.45)

युयुधे वीरभद्रेण महाप्रलयकारिणा । येन क्षणाद्विनिहतो दक्षो मदपमानकृत्

yuyudhe vīrabhadreṇa mahāpralayakāriṇā yena kṣaṇādvinihato dakṣo madapamānakṛt

— महाप्रलयकारी वीरभद्र से युद्ध किया, जिसने क्षणभर में उस दक्ष का वध किया था, जिसने अभिमानवश मेरा अपमान किया था —

श्लोक 46 (padma.5.43.46)

क्षणाद्विनिहता येन दैत्यास्त्रिपुरसैनिकाः । तस्माद्युद्ध्स्व राजेंद्र शोकं त्यक्त्वा महाबल

kṣaṇādvinihatā yena daityāstripurasainikāḥ tasmādyuddhsva rājeṁdra śokaṁ tyaktvā mahābala

— जिसने त्रिपुर के दैत्य-सैनिकों को भी क्षणभर में मार डाला था। इसलिए हे राजेंद्र! हे महाबली! शोक त्यागकर युद्ध करो।

श्लोक 47 (padma.5.43.47)

यत्नात्तिष्ठाद्य वीराग्र्य मयि योद्धरि संस्थिते । शोकं संत्यज्य शत्रुघ्नो वीरश्चुक्रोध शंकरम्

yatnāttiṣṭhādya vīrāgrya mayi yoddhari saṁsthite śokaṁ saṁtyajya śatrughno vīraścukrodha śaṁkaram

आज हे वीरश्रेष्ठ! सावधानी से डटे रहो, क्योंकि अब मैं स्वयं तुमसे युद्ध करने को खड़ा हूँ।" शोक त्यागकर वीर शत्रुघ्न शंकर पर क्रुद्ध हो उठे।

श्लोक 48 (padma.5.43.48)

आत्तसज्जधनुर्बाणैः प्रचच्छाद महेश्वरम् । ते बाणाः सुरशीर्षण्य वपुषं क्षतविक्षतम्

āttasajjadhanurbāṇaiḥ pracacchāda maheśvaram te bāṇāḥ suraśīrṣaṇya vapuṣaṁ kṣatavikṣatam

सुसज्जित धनुष पर बाण चढ़ाकर उन्होंने महेश्वर को बाणों से ढँक दिया; उन बाणों ने देवताओं में श्रेष्ठ उस देव के शरीर को क्षत-विक्षत करते हुए —

श्लोक 49 (padma.5.43.49)

अकुर्वत महच्चित्रं भक्तरक्षार्थमागतम् । ते बाणाः शंकरस्यापि बाणा नभसि संस्थिताः

akurvata mahaccitraṁ bhaktarakṣārthamāgatam te bāṇāḥ śaṁkarasyāpi bāṇā nabhasi saṁsthitāḥ

— एक बड़ा अद्भुत दृश्य उत्पन्न किया — यद्यपि वे स्वयं अपने भक्त की रक्षा हेतु आए थे; तथा शंकर के भी वे बाण आकाश में ठहरे हुए —

श्लोक 50 (padma.5.43.50)

व्याप्यैतत्सकलं विश्वं चित्रकारि मुनेरपि । तद्बाणयोर्युद्धबलं वीक्ष्य सर्वत्र मेनिरे

vyāpyaitatsakalaṁ viśvaṁ citrakāri munerapi tadbāṇayoryuddhabalaṁ vīkṣya sarvatra menire

— इस संपूर्ण विश्व को व्याप्त करते हुए, मुनि के लिए भी विचित्र दृश्य उत्पन्न कर रहे थे। उन दोनों के बाण-युद्ध के बल को देखकर सर्वत्र लोगों को यह प्रतीत हुआ कि —

श्लोक 51 (padma.5.43.51)

प्रलयं लोकसंहारकारकं सर्वमोहकम् । आकाशे तु विमानानि संश्रित्य स्वपुरस्थिताः

pralayaṁ lokasaṁhārakārakaṁ sarvamohakam ākāśe tu vimānāni saṁśritya svapurasthitāḥ

— यह तो संपूर्ण लोकों का संहार करने वाला, सबको मोहित कर देने वाला प्रलय ही है। आकाश में अपने-अपने विमानों पर आश्रित होकर, अपने-अपने नगरों में स्थित —

श्लोक 52 (padma.5.43.52)

विलोकयितुमागत्य प्रशंसंति तयोर्भृशम् । अयं लोकत्रयस्यास्य प्रलयोत्पत्तिकारकः

vilokayitumāgatya praśaṁsaṁti tayorbhṛśam ayaṁ lokatrayasyāsya pralayotpattikārakaḥ

— देवगण देखने आकर उन दोनों की अत्यंत प्रशंसा करने लगे — "यह तो तीनों लोकों के प्रलय और उत्पत्ति का कारण है —

श्लोक 53 (padma.5.43.53)

असावपि महाराज रामचंद्रस्य चानुजः । किमिदं भविता को वा जेष्यति क्षितिमंडले

asāvapi mahārāja rāmacaṁdrasya cānujaḥ kimidaṁ bhavitā ko vā jeṣyati kṣitimaṁḍale

— और यह दूसरा, हे महाराज, स्वयं रामचंद्र का अनुज है। अब क्या होगा? इस पृथ्वीमंडल को कौन जीतेगा?

श्लोक 54 (padma.5.43.54)

पराजयं वा को वीरः प्राप्स्यते रणमूर्धनि । एवमेकादशाहानि वृत्तं युद्धं परस्परम्

parājayaṁ vā ko vīraḥ prāpsyate raṇamūrdhani evamekādaśāhāni vṛttaṁ yuddhaṁ parasparam

युद्ध के अग्रभाग में कौन-सा वीर पराजय प्राप्त करेगा?" इस प्रकार ग्यारह दिनों तक उन दोनों में परस्पर यह युद्ध चलता रहा।

श्लोक 55 (padma.5.43.55)

द्वादशे दिवसे प्राप्ते मुमोचास्त्रं नराधिपः । ब्रह्मसंज्ञं महादेवं हंतुं क्रोधसमन्वितः

dvādaśe divase prāpte mumocāstraṁ narādhipaḥ brahmasaṁjñaṁ mahādevaṁ haṁtuṁ krodhasamanvitaḥ

बारहवें दिन के आने पर उस नरेश ने क्रोध से युक्त होकर महादेव का वध करने के लिए ब्रह्मास्त्र नामक अस्त्र छोड़ा।

श्लोक 56 (padma.5.43.56)

सविज्ञाय महास्त्रं तन्मुक्तं शत्रुघ्नवैरिणा । हसन्नप्यपिबत्तेन मुक्तं ब्रह्मशिरो महत्

savijñāya mahāstraṁ tanmuktaṁ śatrughnavairiṇā hasannapyapibattena muktaṁ brahmaśiro mahat

उस छोड़े गए महान् अस्त्र को पहचानकर, शत्रुघ्न के प्रतिद्वंद्वी (रुद्र) ने हँसते हुए ही उस महान् ब्रह्मशिर अस्त्र को निगल लिया।

श्लोक 57 (padma.5.43.57)

अत्यंतं विस्मयं प्राप्य किं कर्तव्यमतः परम् । एवं विचारयुक्तस्य हृदये ज्वलनोपमम्

atyaṁtaṁ vismayaṁ prāpya kiṁ kartavyamataḥ param evaṁ vicārayuktasya hṛdaye jvalanopamam

अत्यंत विस्मय को प्राप्त होकर, "अब क्या करना चाहिए" — इस प्रकार हृदय में अग्नि के समान जलते हुए विचार करते हुए उस —

श्लोक 58 (padma.5.43.58)

शरं वै निचखानाशु देवदेव शिरोमणिः । तेन बाणेन शत्रुघ्नो मूर्च्छितो रणमंडले

śaraṁ vai nicakhānāśu devadeva śiromaṇiḥ tena bāṇena śatrughno mūrcchito raṇamaṁḍale

— देवाधिदेव-शिरोमणि (शिव) ने तुरंत ही एक बाण उस पर चला दिया; उस बाण से शत्रुघ्न रणभूमि में मूर्च्छित हो गए।

श्लोक 59 (padma.5.43.59)

हाहाभूतमभूत्सर्वं कटकं भटसेवितम् । वीराः सर्वे रुद्रगणैः पातिताः पृथिवीतले

hāhābhūtamabhūtsarvaṁ kaṭakaṁ bhaṭasevitam vīrāḥ sarve rudragaṇaiḥ pātitāḥ pṛthivītale

योद्धाओं से भरी हुई वह समस्त सेना हाहाकार करने लगी; रुद्र के गणों ने सभी वीरों को पृथ्वी पर गिरा दिया।

श्लोक 60 (padma.5.43.60)

सुबाहुसुमदोन्मुख्याः स्वबाहुबलदर्पिताः । पतितं मूर्च्छया वीक्ष्य शत्रुघ्नं शरपीडितम्

subāhusumadonmukhyāḥ svabāhubaladarpitāḥ patitaṁ mūrcchayā vīkṣya śatrughnaṁ śarapīḍitam

सुबाहु, सुमद आदि, जो अपनी भुजाओं के बल पर गर्वित थे, शत्रुघ्न को बाणों से पीड़ित होकर मूर्च्छित गिरा हुआ देखकर —

श्लोक 61 (padma.5.43.61)

पुष्कलं तु रथे स्थाप्य सेवकैः परिरक्षितुम् । हनूमानागतो योद्धुं शिवं संहारकारकम्

puṣkalaṁ tu rathe sthāpya sevakaiḥ parirakṣitum hanūmānāgato yoddhuṁ śivaṁ saṁhārakārakam

— उन्हें रथ पर बिठाकर सेवकों द्वारा सुरक्षित करवाया; तब हनुमान संहारकारी शिव से युद्ध करने के लिए आगे बढ़े।

श्लोक 62 (padma.5.43.62)

श्रीरामस्मरणं योधान्स्वीयान्विप्र प्रहर्षितान् । प्रकुर्वन्रोषितस्तीव्रं लांगूलं च प्रकंपयन्

śrīrāmasmaraṇaṁ yodhānsvīyānvipra praharṣitān prakurvanroṣitastīvraṁ lāṁgūlaṁ ca prakaṁpayan

हे विप्र! श्रीराम का स्मरण कराकर अपने योद्धाओं को हर्षित करते हुए, अत्यंत क्रुद्ध होकर अपनी पूँछ को कँपाते हुए —