ऋषियों का प्रश्न

श्लोक 1 (shiva.rudra.1.1)

विश्वोद्भवस्थितिलयादिषु हेतुमेकं गौरीपतिं विदिततत्त्वमनन्तकीर्तिम् । मायाश्रयं विगतमायमचिन्त्यरूपं बोधस्वरूपममलं हि शिवं नमामि

viśvodbhavasthitilayādiṣu hetumekaṁ gaurīpatiṁ viditatattvamanantakīrtim māyāśrayaṁ vigatamāyamacintyarūpaṁ bodhasvarūpamamalaṁ hi śivaṁ namāmi

जो विश्व की उत्पत्ति, स्थिति और लय आदि के एकमात्र कारण हैं, जो गौरी के पति हैं, तत्त्वतः ज्ञात हैं, अनन्त कीर्तिवाले हैं, जो माया के आश्रय होकर भी माया-रहित हैं, अचिन्त्य-रूप हैं, बोधस्वरूप और निर्मल हैं — उन शिव को मैं मन में नमस्कार करता हूँ।

श्लोक 2 (shiva.rudra.1.2)

वन्दे शिवं तं प्रकृतेरनादिं प्रशान्तमेकं पुरुषोत्तमं हि । स्वमायया कृत्स्नमिदं हि सृष्ट्वा नभोवदन्तर्बहिरास्थितो यः

vande śivaṁ taṁ prakṛteranādiṁ praśāntamekaṁ puruṣottamaṁ hi svamāyayā kṛtsnamidaṁ hi sṛṣṭvā nabhovadantarbahirāsthito yaḥ

मैं उन शिव को नमन करता हूँ जो प्रकृति से भी अनादि हैं, परम शान्त, एकमात्र पुरुषोत्तम हैं, जिन्होंने अपनी माया से इस सम्पूर्ण जगत् की सृष्टि करके भी आकाश की भाँति उसके भीतर और बाहर स्थित हैं।

श्लोक 3 (shiva.rudra.1.3)

वन्देऽन्तरस्थं निजगूढरूपं शिवं स्वतः स्रष्टुमिदं विचष्टे । जगन्ति नित्यं परितो भ्रमन्ति यत्सन्निधौ चुम्बकलोहवत्तम्

vande'ntarasthaṁ nijagūḍharūpaṁ śivaṁ svataḥ sraṣṭumidaṁ vicaṣṭe jaganti nityaṁ parito bhramanti yatsannidhau cumbakalohavattam

मैं उन अन्तर्यामी शिव को नमन करता हूँ जो अपने गूढ़ स्वरूप में स्थित रहकर स्वयं ही इस सृष्टि की रचना करने का विचार करते हैं, जिनकी समीपता से समस्त लोक चुम्बक और लोहे की भाँति सदा घूमते रहते हैं।

श्लोक 4 (shiva.rudra.1.4)

व्यास उवाच । जगतः पितरं शम्भुं जगतो मातरं शिवाम् । तत्पुत्रश्च गणाधीशं नत्वैतद्वर्णयामहे

vyāsa uvāca jagataḥ pitaraṁ śambhuṁ jagato mātaraṁ śivām tatputraśca gaṇādhīśaṁ natvaitadvarṇayāmahe

व्यास जी ने कहा — जगत् के पिता शम्भु, जगत् की माता शिवा (पार्वती), और उनके पुत्र गणों के स्वामी गणेश को नमन करके, हम यह (कथा) वर्णन करते हैं।

श्लोक 5 (shiva.rudra.1.5)

एकदा मुनयः सर्वे नैमिषारण्यवासिनः । पप्रच्छुर्वरया भक्त्या सूतं ते शौनकादयः

ekadā munayaḥ sarve naimiṣāraṇyavāsinaḥ papracchurvarayā bhaktyā sūtaṁ te śaunakādayaḥ

एक बार नैमिषारण्य में निवास करने वाले शौनक आदि समस्त मुनियों ने श्रेष्ठ भक्तिभाव से सूत जी से प्रश्न किया।

श्लोक 6 (shiva.rudra.1.6)

ऋषय ऊचुः । विद्येश्वरसंहितायाः श्रुता सा सत्कथा शुभा । साध्यसाधनखण्डाख्या रम्याद्या भक्तवत्सला

ṛṣaya ūcuḥ vidyeśvarasaṁhitāyāḥ śrutā sā satkathā śubhā sādhyasādhanakhaṇḍākhyā ramyādyā bhaktavatsalā

ऋषियों ने कहा — विद्येश्वर संहिता की वह मंगलमयी सत्कथा, जिसे साध्य-साधन-खण्ड कहा जाता है, आरम्भ से ही रम्य और भक्तों पर वत्सल स्नेह रखने वाली है, हमने सुनी।

श्लोक 7 (shiva.rudra.1.7)

सूत सूत महाभाग चिरञ्जीव सुखी भव । यच्छ्रावयसि नस्तात शाङ्करीं परमां कथाम्

sūta sūta mahābhāga cirañjīva sukhī bhava yacchrāvayasi nastāta śāṅkarīṁ paramāṁ kathām

हे सूत, सूत! हे महाभाग्यशाली! चिरंजीवी रहें, सुखी रहें, क्योंकि आप हमें शंकर की परम कथा सुनाते हैं।

श्लोक 8 (shiva.rudra.1.8)

पिबन्तस्त्वन्मुखाम्भोजच्युतं ज्ञानामृतं वयम् । अवितृप्ताः पुनः किञ्चित्प्रष्टुमिच्छामहेऽनघ

pibantastvanmukhāmbhojacyutaṁ jñānāmṛtaṁ vayam avitṛptāḥ punaḥ kiñcitpraṣṭumicchāmahe'nagha

हे निष्पाप! आपके मुखकमल से झरते हुए ज्ञानरूपी अमृत को पीते हुए भी हम तृप्त नहीं हुए हैं; हम फिर कुछ और पूछना चाहते हैं।

श्लोक 9 (shiva.rudra.1.9)

व्यासप्रसादात्सर्वज्ञो प्राप्तोऽसि कृतकृत्यताम् । नाज्ञातं विद्यते किञ्चिद्भूतं भव्यं भवच्च यत्

vyāsaprasādātsarvajño prāpto'si kṛtakṛtyatām nājñātaṁ vidyate kiñcidbhūtaṁ bhavyaṁ bhavacca yat

व्यास जी की कृपा से आप सर्वज्ञ होकर कृतकृत्य हो गये हैं; तीनों लोकों में जो हो चुका, जो होने वाला है और जो वर्तमान है, उसमें से कुछ भी आपसे अज्ञात नहीं है।

श्लोक 10 (shiva.rudra.1.10)

गुरोर्व्यासस्य सद्भक्त्या समासाद्य कृपां पराम् । सर्वं ज्ञातं विशेषेण सर्वं सार्थं कृतं जनुः

gurorvyāsasya sadbhaktyā samāsādya kṛpāṁ parām sarvaṁ jñātaṁ viśeṣeṇa sarvaṁ sārthaṁ kṛtaṁ januḥ

गुरु व्यास जी की सच्ची भक्ति से उनकी परम कृपा प्राप्त करके आपने सब कुछ विशेष रूप से जान लिया है, और आपका जन्म पूर्णतः सार्थक हो गया है।

श्लोक 11 (shiva.rudra.1.11)

इदानीं कथय प्राज्ञ शिवरूपमनुत्तमम् । दिव्यानि वै चरित्राणि शिवयोरप्यशेषतः

idānīṁ kathaya prājña śivarūpamanuttamam divyāni vai caritrāṇi śivayorapyaśeṣataḥ

हे प्राज्ञ! अब आप शिव के अनुपम स्वरूप का, तथा शिव और शिवा (पार्वती) दोनों के दिव्य चरित्रों का सम्पूर्ण वर्णन कीजिए।

श्लोक 12 (shiva.rudra.1.12)

अगुणो गुणतां याति कथं लोके महेश्वरः । शिवतत्त्वं वयं सर्वे न जानीमो विचारतः

aguṇo guṇatāṁ yāti kathaṁ loke maheśvaraḥ śivatattvaṁ vayaṁ sarve na jānīmo vicārataḥ

निर्गुण महेश्वर लोक में सगुण किस प्रकार होते हैं? हम सब विचार करने पर भी शिवतत्त्व को नहीं जान पाते।

श्लोक 13 (shiva.rudra.1.13)

सृष्टेः पूर्वं कथं शम्भुः स्वरूपेणावतिष्ठते । सृष्टिमध्ये स हि कथं क्रीडन्संवर्तते प्रभुः

sṛṣṭeḥ pūrvaṁ kathaṁ śambhuḥ svarūpeṇāvatiṣṭhate sṛṣṭimadhye sa hi kathaṁ krīḍansaṁvartate prabhuḥ

सृष्टि से पूर्व शम्भु अपने स्वरूप में किस प्रकार स्थित रहते हैं? सृष्टि के मध्य वे प्रभु लीला करते हुए किस प्रकार रहते हैं?

श्लोक 14 (shiva.rudra.1.14)

तदन्ते च कथं देवः स तिष्ठति महेश्वरः । कथं प्रसन्नतां याति शङ्करो लोकशङ्करः

tadante ca kathaṁ devaḥ sa tiṣṭhati maheśvaraḥ kathaṁ prasannatāṁ yāti śaṅkaro lokaśaṅkaraḥ

सृष्टि के अन्त में वे महेश्वर देव किस प्रकार स्थित रहते हैं? लोक के कल्याणकारी शंकर किस प्रकार प्रसन्न होते हैं?

श्लोक 15 (shiva.rudra.1.15)

स प्रसन्नो महेशानः किं प्रयच्छति सत्फलम् । स्वभक्तेभ्यः परेभ्यश्च तत्सर्वं कथयस्व नः

sa prasanno maheśānaḥ kiṁ prayacchati satphalam svabhaktebhyaḥ parebhyaśca tatsarvaṁ kathayasva naḥ

प्रसन्न होने पर वे महेशान अपने भक्तों को तथा अन्य जनों को क्या शुभ फल प्रदान करते हैं? वह सब हमें बताइये।

श्लोक 16 (shiva.rudra.1.16)

सद्यः प्रसन्नो भगवान्भवतीत्यनुशुश्रुम । भक्तप्रयासं स महान्न पश्यति दयापरः

sadyaḥ prasanno bhagavānbhavatītyanuśuśruma bhaktaprayāsaṁ sa mahānna paśyati dayāparaḥ

हमने सुना है कि भगवान शीघ्र ही प्रसन्न हो जाते हैं; वे परम दयालु भक्त के परिश्रम की ओर भी दृष्टि नहीं डालते।

श्लोक 17 (shiva.rudra.1.17)

ब्रह्मा विष्णुर्महेशश्च त्रयो देवाः शिवाङ्गजाः । महेशस्तत्र पूर्णांशः स्वयमेव शिवोऽपरः

brahmā viṣṇurmaheśaśca trayo devāḥ śivāṅgajāḥ maheśastatra pūrṇāṁśaḥ svayameva śivo'paraḥ

ब्रह्मा, विष्णु और महेश — ये तीनों देव शिव के ही अंग से उत्पन्न हैं; उनमें महेश उनका पूर्ण अंश हैं, और शिव स्वयं उनसे भी परे हैं।

श्लोक 18 (shiva.rudra.1.18)

तस्याविर्भावमाख्याहि चरितानि विशेषतः । उमाविर्भावमाख्याहि तद्विवाहं तथा प्रभो

tasyāvirbhāvamākhyāhi caritāni viśeṣataḥ umāvirbhāvamākhyāhi tadvivāhaṁ tathā prabho

उनके आविर्भाव तथा चरित्रों का विशेष वर्णन कीजिए; उमा के आविर्भाव और उनके विवाह का भी वर्णन कीजिए, हे प्रभो!

श्लोक 19 (shiva.rudra.1.19)

तद्गार्हस्थ्यं विशेषेण तथा लीलाः परा अपि । एतत्सर्वं तदन्यच्च कथनीयं त्वयानघ

tadgārhasthyaṁ viśeṣeṇa tathā līlāḥ parā api etatsarvaṁ tadanyacca kathanīyaṁ tvayānagha

उनके गार्हस्थ्य जीवन का विशेष वर्णन कीजिए, तथा उनकी अन्य दिव्य लीलाओं का भी; हे निष्पाप! यह सब तथा जो कुछ और हो, वह हमें कहिये।

श्लोक 20 (shiva.rudra.1.20)

व्यास उवाच । इति पृष्टस्तदा तैस्तु सूतो हर्षसमन्वितः । स्मृत्वा शम्भुपदाम्भोजं प्रत्युवाच मुनीश्वरान्

vyāsa uvāca iti pṛṣṭastadā taistu sūto harṣasamanvitaḥ smṛtvā śambhupadāmbhojaṁ pratyuvāca munīśvarān

व्यास जी ने कहा — इस प्रकार उनके द्वारा पूछे जाने पर हर्ष से भरे सूत जी ने शम्भु के चरण-कमलों का स्मरण करके उन मुनीश्वरों को उत्तर दिया।

श्लोक 21 (shiva.rudra.1.21)

सूत उवाच । सम्यक् पृष्टं भवद्भिश्च धन्या यूयं मुनीश्वराः । सदाशिवकथायां वो यज्जाता नैष्ठिकी मतिः

sūta uvāca samyak pṛṣṭaṁ bhavadbhiśca dhanyā yūyaṁ munīśvarāḥ sadāśivakathāyāṁ vo yajjātā naiṣṭhikī matiḥ

सूत जी ने कहा — आप लोगों ने भली-भाँति प्रश्न किया है; हे मुनीश्वरो! आप धन्य हैं, जिनकी बुद्धि सदाशिव की कथा में इस प्रकार दृढ़ हो गई है।

श्लोक 22 (shiva.rudra.1.22)

सदाशिवकथाप्रश्नः पुरुषांस्त्रीन्पुनाति हि । वक्तारं पृच्छकं श्रोतॄञ्जाह्नवीसलिलं यथा

sadāśivakathāpraśnaḥ puruṣāṁstrīnpunāti hi vaktāraṁ pṛcchakaṁ śrotṝñjāhnavīsalilaṁ yathā

सदाशिव की कथा का प्रश्न ही तीन प्रकार के पुरुषों को पवित्र कर देता है — वक्ता को, प्रश्नकर्ता को, और श्रोताओं को — ठीक जैसे गंगा का जल पवित्र करता है।

श्लोक 23 (shiva.rudra.1.23)

शम्भोर्गुणानुवादात्को विरज्येत पुमान्द्विजाः । विना पशुघ्नं त्रिविधजनानन्दकरात्सदा

śambhorguṇānuvādātko virajyeta pumāndvijāḥ vinā paśughnaṁ trividhajanānandakarātsadā

हे द्विजो! शम्भु के गुणों के कीर्तन से कौन-सा पुरुष विरक्त नहीं होगा, जो सदा तीनों प्रकार के जनों को आनन्द देने वाला है — केवल पशुघाती (क्रूर हृदय वाले) को छोड़कर?

श्लोक 24 (shiva.rudra.1.24)

गीयमानो वितृष्णैश्च भवरोगौषधोऽपि हि । मनःश्रोत्राभिरामश्च यतः सर्वार्थदः स वै

gīyamāno vitṛṣṇaiśca bhavarogauṣadho'pi hi manaḥśrotrābhirāmaśca yataḥ sarvārthadaḥ sa vai

यह कथा वीतराग पुरुषों द्वारा भी गाई जाती है, यह संसार-रोग की औषधि है, मन और श्रोत्र दोनों को प्रिय है, क्योंकि यह सब कुछ फल देने वाली है।

श्लोक 25 (shiva.rudra.1.25)

कथयामि यथाबुद्धि भवत्प्रश्नानुसारतः । शिवलीलां प्रयत्नेन द्विजास्तां शृणुतादरात्

kathayāmi yathābuddhi bhavatpraśnānusārataḥ śivalīlāṁ prayatnena dvijāstāṁ śṛṇutādarāt

मैं अपनी बुद्धि के अनुसार, आपके प्रश्नों के क्रम से, प्रयत्नपूर्वक शिव की लीला का वर्णन करता हूँ; हे द्विजो! उसे आदरपूर्वक सुनिये।

श्लोक 26 (shiva.rudra.1.26)

भवद्भिः पृच्छ्यते यद्वत्तत्तथा नारदेन वै । पृष्टं पित्रे प्रेरितेन हरिणा शिवरूपिणा

bhavadbhiḥ pṛcchyate yadvattattathā nāradena vai pṛṣṭaṁ pitre preritena hariṇā śivarūpiṇā

जैसा आप लोग अब पूछ रहे हैं, वैसा ही पहले नारद जी ने भी पूछा था, जब पिता (ब्रह्मा) की प्रेरणा से शिवरूपधारी हरि द्वारा उनसे यह प्रश्न किया गया था।

श्लोक 27 (shiva.rudra.1.27)

ब्रह्मा श्रुत्वा सुतवचः शिवभक्तः प्रसन्नधीः । जगौ शिवयशः प्रीत्या हर्षयन्मुनिसत्तमम्

brahmā śrutvā sutavacaḥ śivabhaktaḥ prasannadhīḥ jagau śivayaśaḥ prītyā harṣayanmunisattamam

पुत्र (नारद) के वचन सुनकर शिवभक्त, प्रसन्नचित्त ब्रह्मा ने उस श्रेष्ठ मुनि को हर्षित करते हुए प्रेमपूर्वक शिव के यश का गान किया।

श्लोक 28 (shiva.rudra.1.28)

व्यास उवाच । सूतोक्तमिति तद्वाक्यमाकर्ण्य द्विजसत्तमाः । पप्रच्छुस्तत्सुसंवादं कुतूहलसमन्विताः

vyāsa uvāca sūtoktamiti tadvākyamākarṇya dvijasattamāḥ papracchustatsusaṁvādaṁ kutūhalasamanvitāḥ

व्यास जी ने कहा — सूत जी के इस वचन को सुनकर वे श्रेष्ठ द्विज कुतूहल से भरकर उस सुन्दर संवाद के विषय में पूछने लगे।

श्लोक 29 (shiva.rudra.1.29)

ऋषय ऊचुः । सूत सूत महाभाग शैवोत्तम महामते । श्रुत्वा तव वचो रम्यं चेतो नः सकुतूहलम्

ṛṣaya ūcuḥ sūta sūta mahābhāga śaivottama mahāmate śrutvā tava vaco ramyaṁ ceto naḥ sakutūhalam

ऋषियों ने कहा — हे सूत, सूत! हे महाभाग्यशाली, शैवोत्तम, महामते! आपकी रमणीय वाणी सुनकर हमारा चित्त कुतूहल से भर गया है।

श्लोक 30 (shiva.rudra.1.30)

कदा बभूव सुखकृद्विधिनारदयोर्महान् । संवादो यत्र गिरिशसुलीला भवमोचनी

kadā babhūva sukhakṛdvidhināradayormahān saṁvādo yatra giriśasulīlā bhavamocanī

ब्रह्मा और नारद के बीच वह सुखदायी महान संवाद, जिसमें गिरीश (शिव) की भवबन्धन-नाशिनी सुन्दर लीला वर्णित हुई, कब हुआ था?

श्लोक 31 (shiva.rudra.1.31)

विधिनारदसंवादपूर्वकं शाङ्करं यशः । ब्रूहि नस्तात तत्प्रीत्या तत्तत्प्रश्नानुसारतः

vidhināradasaṁvādapūrvakaṁ śāṅkaraṁ yaśaḥ brūhi nastāta tatprītyā tattatpraśnānusārataḥ

हे तात! ब्रह्मा-नारद संवाद में कहे गए शंकर के उस यश को प्रेमपूर्वक और उन-उन प्रश्नों के क्रम में हमें सुनाइये।

श्लोक 32 (shiva.rudra.1.32)

इत्याकर्ण्य वचस्तेषां मुनीनां भावितात्मनाम् । सूतः प्रोवाच सुप्रीतस्तत्संवादानुसारतः

ityākarṇya vacasteṣāṁ munīnāṁ bhāvitātmanām sūtaḥ provāca suprītastatsaṁvādānusārataḥ

व्यास जी ने कहा — शुद्ध अन्तःकरण वाले उन मुनियों के वचन सुनकर, अत्यन्त प्रसन्न सूत जी ने उस संवाद के अनुसार कहना आरम्भ किया।