संन्यास-मण्डल-विधि का वर्णन

श्लोक 1 (shiva.kailasa.5.1)

ईश्वर उवाच । परीक्ष्य विधिवद्भूमिं गंधवर्णरसादिभिः । मनोभिलषिते तत्र वितानवितताम्बरे

īśvara uvāca parīkṣya vidhivadbhūmiṁ gaṁdhavarṇarasādibhiḥ manobhilaṣite tatra vitānavitatāmbare

ईश्वर बोले — गंध, वर्ण, रस आदि से भूमि की विधिपूर्वक परीक्षा करके, जो स्थान मन को प्रिय लगे, वहाँ ऊपर वितान (चंदोवा) फैलाकर,

श्लोक 2 (shiva.kailasa.5.2)

सुप्रलिप्ते महीपृष्ठे दर्पणोदरसन्निभे । अरत्नियुग्ममानेन चतुरस्रं प्रकल्पयेत्

supralipte mahīpṛṣṭhe darpaṇodarasannibhe aratniyugmamānena caturasraṁ prakalpayet

दर्पण के समान चिकनी और भलीभाँति लीपी हुई भूमि पर, दो हाथ (अरत्नि) के प्रमाण से एक चतुरस्र (वर्गाकार) बनाए।

श्लोक 3 (shiva.kailasa.5.3)

तालपत्रं समादाय तत्समायामविस्तरम् । तस्मिन्भागान्प्रकुर्वीत त्रयोदशसमां कलाम्

tālapatraṁ samādāya tatsamāyāmavistaram tasminbhāgānprakurvīta trayodaśasamāṁ kalām

उसी लंबाई-चौड़ाई का ताड़पत्र लेकर, उस पर तेरह बराबर भागों (कलाओं) में विभाजन करे।

श्लोक 4 (shiva.kailasa.5.4)

तत्पत्रं तत्र निक्षिप्य पश्चिमाभिमुखः स्थितः । तत्पूर्वभागे सुदृढं सूत्रमादाय रंजितम्

tatpatraṁ tatra nikṣipya paścimābhimukhaḥ sthitaḥ tatpūrvabhāge sudṛḍhaṁ sūtramādāya raṁjitam

उस पत्र को वहाँ रखकर, पश्चिमाभिमुख होकर खड़ा हो, उसके पूर्व भाग में एक मजबूत रंगा हुआ सूत्र ले,

श्लोक 5 (shiva.kailasa.5.5)

प्राक्प्रत्यग्दक्षिणोदक् च चतुर्दिशि निपातयेत् । सूत्राणि देवदेवेशि नवषष्ट्युत्तरं शतम्

prākpratyagdakṣiṇodak ca caturdiśi nipātayet sūtrāṇi devadeveśi navaṣaṣṭyuttaraṁ śatam

और पूर्व, पश्चिम, दक्षिण तथा उत्तर — चारों दिशाओं में डाले। हे देवदेवेशि! ये सूत्र एक सौ उनहत्तर (१६९) होते हैं।

श्लोक 6 (shiva.kailasa.5.6)

कोष्ठानि स्युस्ततस्तस्य मध्यकोष्ठं तु कर्णिका । कोष्ठाष्टकं बहिस्तस्य दलाष्टकमिहोच्यते

koṣṭhāni syustatastasya madhyakoṣṭhaṁ tu karṇikā koṣṭhāṣṭakaṁ bahistasya dalāṣṭakamihocyate

इससे कोष्ठ (खाने) बनते हैं; मध्य कोष्ठ कर्णिका है। उसके बाहर के आठ कोष्ठ यहाँ आठ दल (पंखुड़ियाँ) कहलाते हैं।

श्लोक 7 (shiva.kailasa.5.7)

दलानि श्वेतवर्णात्रि समग्राणि प्रकल्पयेत् । पीतरूपां कर्णिकां च कृत्वा रक्तं च वृत्तकम्

dalāni śvetavarṇātri samagrāṇi prakalpayet pītarūpāṁ karṇikāṁ ca kṛtvā raktaṁ ca vṛttakam

दलों को पूर्णतः श्वेत वर्ण का बनाए, तथा कर्णिका को पीत वर्ण और उसके गोल घेरे को रक्त वर्ण का बनाकर,

श्लोक 8 (shiva.kailasa.5.8)

वनभिद्दलदक्षं तु समारभ्य सुरेश्वरि । रक्तकृष्णाः क्रमेणैव दलसन्धीन्विचित्रयेत्

vanabhiddaladakṣaṁ tu samārabhya sureśvari raktakṛṣṇāḥ krameṇaiva dalasandhīnvicitrayet

हे सुरेश्वरि! इन्द्र (पूर्व दिशा) के दाहिने दल से आरंभ कर, दलों की संधियों को क्रमशः रक्त और कृष्ण वर्ण से चित्रित करे।

श्लोक 9 (shiva.kailasa.5.9)

कर्णिकायां लिखेद्यंत्रं प्रणवार्थप्रकाशकम् । अधः पीठं समालिख्य श्रीकण्ठं च तदूर्ध्वतः

karṇikāyāṁ likhedyaṁtraṁ praṇavārthaprakāśakam adhaḥ pīṭhaṁ samālikhya śrīkaṇṭhaṁ ca tadūrdhvataḥ

कर्णिका पर प्रणव के अर्थ को प्रकाशित करने वाला यंत्र बनाए। नीचे पीठ बनाकर और उसके ऊपर श्रीकण्ठ,

श्लोक 10 (shiva.kailasa.5.10)

तदुपर्य्यमरेशं च महाकालं च मध्यतः । तन्मस्तकस्थं दण्डं च तत ईश्वरमालिखेत्

taduparyyamareśaṁ ca mahākālaṁ ca madhyataḥ tanmastakasthaṁ daṇḍaṁ ca tata īśvaramālikhet

उसके ऊपर अमरेश और मध्य में महाकाल; उसके सिर पर स्थित दण्ड और फिर ईश्वर को अंकित करे।

श्लोक 11 (shiva.kailasa.5.11)

श्यामेन पीठं पीतेन श्रीकण्ठं च विचित्रयेत् । अमरेशं महाकालं रक्तं कृष्णं च तौ क्रमात्

śyāmena pīṭhaṁ pītena śrīkaṇṭhaṁ ca vicitrayet amareśaṁ mahākālaṁ raktaṁ kṛṣṇaṁ ca tau kramāt

पीठ को श्याम वर्ण से और श्रीकण्ठ को पीत वर्ण से चित्रित करे। अमरेश और महाकाल को क्रमशः रक्त और कृष्ण वर्ण से।

श्लोक 12 (shiva.kailasa.5.12)

कुर्यात्सुधूम्रं दण्डं च धवलं चेश्वरं बुधः । एवं यंत्रं समालिख्य रक्तं सद्येन वेष्टयेत्

kuryātsudhūmraṁ daṇḍaṁ ca dhavalaṁ ceśvaraṁ budhaḥ evaṁ yaṁtraṁ samālikhya raktaṁ sadyena veṣṭayet

बुद्धिमान् दण्ड को धूम्र वर्ण का और ईश्वर को श्वेत वर्ण का बनाए। इस प्रकार यंत्र बनाकर, सद्योजात मंत्र सहित उसे रक्त वर्ण से घेरे।

श्लोक 13 (shiva.kailasa.5.13)

तदुत्थेनैव नादेन विद्यादीशानमीश्वरि । तद्वासपंक्तीर्गृह्णीयादाग्नेयादिक्रमेण वै

tadutthenaiva nādena vidyādīśānamīśvari tadvāsapaṁktīrgṛhṇīyādāgneyādikrameṇa vai

हे ईश्वरि! उससे उठने वाले नाद द्वारा ही ईशान को जानना चाहिए। आग्नेय आदि क्रम से उसके चारों ओर की पंक्तियों को ग्रहण करे।

श्लोक 14 (shiva.kailasa.5.14)

कोष्ठानि कोणभागेषु चत्वार्येतानि सुन्दरि । शुक्लेनापूर्य्य वर्णादि चतुष्कं रक्तधातुभिः

koṣṭhāni koṇabhāgeṣu catvāryetāni sundari śuklenāpūryya varṇādi catuṣkaṁ raktadhātubhiḥ

हे सुन्दरि! कोण भागों में स्थित इन चार कोष्ठों को श्वेत वर्ण से भरे; तथा वर्ण आदि चार को रक्त धातुओं से,

श्लोक 15 (shiva.kailasa.5.15)

आपूर्य्य तानि चत्वारि द्वाराणि परिकल्पयेत् । ततस्तत्पार्श्वयोर्द्वंद्वं पीतेनैव प्रपूरयेत्

āpūryya tāni catvāri dvārāṇi parikalpayet tatastatpārśvayordvaṁdvaṁ pītenaiva prapūrayet

उन चारों को भरकर, द्वारों की कल्पना करे। फिर उनके दोनों ओर की जोड़ी को केवल पीत वर्ण से भरे।

श्लोक 16 (shiva.kailasa.5.16)

आग्नेयकोष्ठमध्ये तु पीताभे चतुरस्रके । अष्टपत्रं लिखेत्पद्मं रक्ताभं पीतकर्णिकम्

āgneyakoṣṭhamadhye tu pītābhe caturasrake aṣṭapatraṁ likhetpadmaṁ raktābhaṁ pītakarṇikam

आग्नेय कोष्ठ के मध्य में, पीतवर्णी चतुष्कोण के भीतर, रक्तवर्णी आठ पंखुड़ियों वाला कमल बनाए, जिसकी कर्णिका पीत वर्ण की हो।

श्लोक 17 (shiva.kailasa.5.17)

हकारं विलिखेन्मध्ये विन्दुयुक्तं समाहितः । पद्मस्य नैर्ऋते कोष्ठे चतुरस्रन्तदा लिखेत्

hakāraṁ vilikhenmadhye vinduyuktaṁ samāhitaḥ padmasya nairṛte koṣṭhe caturasrantadā likhet

एकाग्रचित्त होकर मध्य में बिंदुयुक्त 'ह' अक्षर लिखे। फिर कमल के नैर्ऋत्य कोष्ठ में एक चतुष्कोण बनाए।

श्लोक 18 (shiva.kailasa.5.18)

पद्ममष्टदलं रक्तं पीतकिंजल्ककर्णिकम् । शवर्गस्य तृतीयन्तु षष्ठस्वरसमन्वितम्

padmamaṣṭadalaṁ raktaṁ pītakiṁjalkakarṇikam śavargasya tṛtīyantu ṣaṣṭhasvarasamanvitam

(वहाँ) रक्तवर्णी आठ पंखुड़ियों वाला कमल, जिसकी कर्णिका पीत केसर की हो, बनाए। शवर्ग का तीसरा अक्षर (ष), छठे स्वर (ऊ) से युक्त,

श्लोक 19 (shiva.kailasa.5.19)

चतुर्दशस्वरोपेतं बिन्दुनादविभूषितम् । एतद्बीजवरं भद्रे पद्ममध्ये समालिखेत्

caturdaśasvaropetaṁ bindunādavibhūṣitam etadbījavaraṁ bhadre padmamadhye samālikhet

चौदहवें स्वर से युक्त, बिंदु और नाद से विभूषित — हे भद्रे! यह श्रेष्ठ बीजाक्षर कमल के मध्य में लिखे।

श्लोक 20 (shiva.kailasa.5.20)

पद्मस्येशानकोष्ठे तु तथा पद्मं समालिखेत् । कवर्गस्य तृतीयं तु पंचमस्वरसंयुतम्

padmasyeśānakoṣṭhe tu tathā padmaṁ samālikhet kavargasya tṛtīyaṁ tu paṁcamasvarasaṁyutam

कमल के ईशान कोष्ठ में भी उसी प्रकार एक कमल बनाए। कवर्ग का तीसरा अक्षर (ग), पाँचवें स्वर से युक्त,

श्लोक 21 (shiva.kailasa.5.21)

विलिखेन्मध्यतस्तस्य बिन्दुकण्ठे स्वलंकृतम् । तद्बाह्यपंक्तित्रितये पूर्वादिपरितः क्रमात्

vilikhenmadhyatastasya bindukaṇṭhe svalaṁkṛtam tadbāhyapaṁktitritaye pūrvādiparitaḥ kramāt

उसके मध्य में, कंठ में बिंदु से सुशोभित करके लिखे। उसकी तीन बाह्य पंक्तियों में, पूर्व से आरंभ कर चारों ओर क्रमशः,

श्लोक 22 (shiva.kailasa.5.22)

कोष्ठानि पंच गृह्रीयाद्गिरिराजसुते शिवे । मध्ये तु कर्णिकां कुर्यात्पीतां रक्तं च वृत्तकम्

koṣṭhāni paṁca gṛhrīyādgirirājasute śive madhye tu karṇikāṁ kuryātpītāṁ raktaṁ ca vṛttakam

हे गिरिराजसुता शिवे! पाँच कोष्ठ ग्रहण करे। मध्य में कर्णिका को पीत वर्ण का और उसका गोल घेरा रक्त वर्ण का बनाए।

श्लोक 23 (shiva.kailasa.5.23)

दलानि रक्तवर्णानि कल्पयेत्कल्पवित्तमः । दलबाह्ये तु कृष्णेन रंध्राणि परिपूरयेत्

dalāni raktavarṇāni kalpayetkalpavittamaḥ dalabāhye tu kṛṣṇena raṁdhrāṇi paripūrayet

विधि के सर्वश्रेष्ठ ज्ञाता दलों को रक्त वर्ण का बनाए। दलों के बाहर की संधियों को कृष्ण वर्ण से भरे।

श्लोक 24 (shiva.kailasa.5.24)

आग्नेयादीनि चत्वारि शुक्लेनैव प्रपूरयेत् । पूर्वे षड्बिन्दुसहितं षट्कोणं कृष्णमालिखेत्

āgneyādīni catvāri śuklenaiva prapūrayet pūrve ṣaḍbindusahitaṁ ṣaṭkoṇaṁ kṛṣṇamālikhet

आग्नेय आदि चारों कोष्ठों को केवल श्वेत वर्ण से भरे। पूर्व दिशा में छह बिंदुओं सहित एक कृष्णवर्णी षट्कोण बनाए।

श्लोक 25 (shiva.kailasa.5.25)

रक्तवर्णं दक्षिणतस्त्रिकोणं चोत्तरे ततः । श्वेताभमर्द्धचन्द्रं च पीतवर्णं च पश्चिमे

raktavarṇaṁ dakṣiṇatastrikoṇaṁ cottare tataḥ śvetābhamarddhacandraṁ ca pītavarṇaṁ ca paścime

दक्षिण में रक्तवर्णी त्रिकोण, फिर उत्तर में श्वेत अर्द्धचन्द्र, और पश्चिम में पीत वर्ण।

श्लोक 26 (shiva.kailasa.5.26)

चतुरस्रं क्रमात्तेषु लिखेद्बीजचतुष्टयम् । पूर्वे बिन्दुं समालिख्य शुभ्रं कृष्णं तु दक्षिणे

caturasraṁ kramātteṣu likhedbījacatuṣṭayam pūrve binduṁ samālikhya śubhraṁ kṛṣṇaṁ tu dakṣiṇe

(वहाँ) एक चतुष्कोण बनाए। इनमें क्रमशः चार बीजाक्षर लिखे — पूर्व में श्वेत बिंदु और दक्षिण में कृष्ण बिंदु लिखकर,

श्लोक 27 (shiva.kailasa.5.27)

उकारमुत्तरे रक्तं मकारं पश्चिमे ततः । अकारं पीतमेवं तु कृत्वा वर्णचतुष्टयम्

ukāramuttare raktaṁ makāraṁ paścime tataḥ akāraṁ pītamevaṁ tu kṛtvā varṇacatuṣṭayam

उत्तर में रक्तवर्णी उकार, फिर पश्चिम में मकार; तथा पीतवर्णी अकार — इस प्रकार चारों वर्णों को बनाकर,

श्लोक 28 (shiva.kailasa.5.28)

सर्वोर्द्ध्वपंक्त्यधः पंक्तौ समारभ्य च सुन्दरि । पीतं श्वेतं च रक्तं च कृष्णं चेति चतुष्टयम्

sarvorddhvapaṁktyadhaḥ paṁktau samārabhya ca sundari pītaṁ śvetaṁ ca raktaṁ ca kṛṣṇaṁ ceti catuṣṭayam

हे सुन्दरि! सबसे ऊपर की पंक्ति के नीचे की पंक्ति से आरंभ करके, पीत, श्वेत, रक्त और कृष्ण — इन चारों को,

श्लोक 29 (shiva.kailasa.5.29)

तदधो धवलं श्यामं पीतं रक्तं चतुष्टयम् । अधस्त्रिकोणके रक्तं शुक्लं पीतं वरानने

tadadho dhavalaṁ śyāmaṁ pītaṁ raktaṁ catuṣṭayam adhastrikoṇake raktaṁ śuklaṁ pītaṁ varānane

उसके नीचे धवल, श्याम, पीत और रक्त — ये चार; तथा हे वरानने! नीचे के त्रिकोण में रक्त, शुक्ल और पीत।

श्लोक 30 (shiva.kailasa.5.30)

एवन्दक्षिणमारभ्य कुर्यात्सोमान्तमीश्वरि । तद्बाह्यपंक्तौ पूर्वादिमध्यमान्तं विचित्रयेत्

evandakṣiṇamārabhya kuryātsomāntamīśvari tadbāhyapaṁktau pūrvādimadhyamāntaṁ vicitrayet

हे ईश्वरि! इस प्रकार दक्षिण से आरंभ कर सोम (वायव्य) तक करे। उसकी बाह्य पंक्ति में पूर्व से मध्य होते हुए अंत तक चित्रित करे।

श्लोक 31 (shiva.kailasa.5.31)

पीतं रक्तं च कृष्णं च श्यामं श्वेतं च पीतकम् । आग्रेय्यादि समारभ्य रक्तं श्यामं सितं प्रिये

pītaṁ raktaṁ ca kṛṣṇaṁ ca śyāmaṁ śvetaṁ ca pītakam āgreyyādi samārabhya raktaṁ śyāmaṁ sitaṁ priye

पीत, रक्त, कृष्ण, श्याम, श्वेत और पुनः पीत; हे प्रिये! आग्नेय दिशा से आरंभ कर रक्त, श्याम और श्वेत,

श्लोक 32 (shiva.kailasa.5.32)

रक्तं कृष्णं च रक्तं च षट्कमेव प्रकीर्तितम् । दक्षिणाद्यं महेशानि पूर्वावधि समीरितम्

raktaṁ kṛṣṇaṁ ca raktaṁ ca ṣaṭkameva prakīrtitam dakṣiṇādyaṁ maheśāni pūrvāvadhi samīritam

रक्त, कृष्ण और रक्त — इस प्रकार छह का समूह कहा गया है। हे महेशानि! यह दक्षिण से आरंभ कर पूर्व तक कहा गया है।

श्लोक 33 (shiva.kailasa.5.33)

नैर्ऋताद्यन्तु विज्ञेयमाग्नेयावधि चेश्वरि । वारुणं तु समारभ्य दक्षिणावधि चेरितम

nairṛtādyantu vijñeyamāgneyāvadhi ceśvari vāruṇaṁ tu samārabhya dakṣiṇāvadhi ceritama

हे ईश्वरि! नैर्ऋत्य से आरंभ होकर आग्नेय तक जानना चाहिए; तथा वरुण (पश्चिम) से आरंभ कर दक्षिण तक कहा गया है।

श्लोक 34 (shiva.kailasa.5.34)

वायव्याद्यं महादेवि नैर्ऋतावधि चेरितम् । सोमार्थं परमेशानि वारुणावधि चेरितम्

vāyavyādyaṁ mahādevi nairṛtāvadhi ceritam somārthaṁ parameśāni vāruṇāvadhi ceritam

हे महादेवि! वायव्य से आरंभ कर नैर्ऋत्य तक कहा गया है; हे परमेशानि! सोम (उत्तर) के लिए वरुण (पश्चिम) तक कहा गया है।

श्लोक 35 (shiva.kailasa.5.35)

ईशानाद्यं तु विज्ञेयं वायव्यावधि चाम्बिके । इत्युक्तो मण्डलविधिर्मया तुभ्यं च पार्वति

īśānādyaṁ tu vijñeyaṁ vāyavyāvadhi cāmbike ityukto maṇḍalavidhirmayā tubhyaṁ ca pārvati

हे अम्बिके! ईशान से आरंभ कर वायव्य तक जानना चाहिए। हे पार्वति! इस प्रकार मैंने तुम्हें मण्डल की विधि बताई।

श्लोक 36 (shiva.kailasa.5.36)

एवं मण्डलमालिख्य नियतात्मा यतिस्स्वतः । सौरपूजां प्रकुर्वीत स हि तद्वस्तुतत्परः

evaṁ maṇḍalamālikhya niyatātmā yatissvataḥ saurapūjāṁ prakurvīta sa hi tadvastutatparaḥ

इस प्रकार मण्डल बनाकर, नियतात्मा यति स्वयं सूर्य की पूजा करे; क्योंकि वह उसी वस्तु में तत्पर है।