मन्दराचल पर शिव का निवास

श्लोक 1 (shiva.vayaviya.24.1)

ऋषय ऊचुः । अन्तर्धानगतो देव्या सह सानुचरो हरः । क्व यातः कुत्र वा वासः किं कृत्वा विरराम ह

ṛṣaya ūcuḥ | antardhānagato devyā saha sānucaro haraḥ | kva yātaḥ kutra vā vāsaḥ kiṁ kṛtvā virarāma ha

ऋषियों ने कहा — देवी और अपने अनुचरों के साथ अन्तर्धान हुए हर कहाँ गए? उनका निवास कहाँ है? वे क्या करके विश्राम को प्राप्त हुए?

श्लोक 2 (shiva.vayaviya.24.2)

वायुरुवाच । महीधरवरः श्रीमान् मन्दरश्चित्रकन्दरः । दयितो देवदेवस्य निवासस्तपसोऽभवत्

vāyuruvāca | mahīdharavaraḥ śrīmān mandaraścitrakandaraḥ | dayito devadevasya nivāsastapaso'bhavat

वायु ने कहा — श्रीमान् मन्दर, पर्वतों में श्रेष्ठ, विचित्र गुफाओं वाला, देवों के देव का प्रिय निवास तथा तपस्या-स्थल बना।

श्लोक 3 (shiva.vayaviya.24.3)

तपो महत्कृतं तेन वोढुं स्वशिरसा शिवौ । चिरेण लब्धं तत्पादपङ्कजस्पर्शजं सुखम्

tapo mahatkṛtaṁ tena voḍhuṁ svaśirasā śivau | cireṇa labdhaṁ tatpādapaṅkajasparśajaṁ sukham

उसने अपने ही सिर पर शिव-दम्पति को धारण करने के लिए महान् तप किया, और दीर्घकाल के बाद उनके चरण-कमलों के स्पर्श से उत्पन्न सुख प्राप्त किया।

श्लोक 4 (shiva.vayaviya.24.4)

तस्य शैलस्य सौन्दर्यं सहस्रवदनैरपि । न शक्यं विस्तराद्वक्तुं वर्षकोटिशतैरपि

tasya śailasya saundaryaṁ sahasravadanairapi | na śakyaṁ vistarādvaktuṁ varṣakoṭiśatairapi

उस पर्वत के सौन्दर्य का वर्णन सहस्र मुखों से भी, करोड़ों वर्षों में भी विस्तार से करना सम्भव नहीं है।

श्लोक 5 (shiva.vayaviya.24.5)

शक्यमप्यस्य सौन्दर्यं न वर्णयितुमुत्सहे । पर्वतान्तरसौन्दर्यं साधारणविधारणात्

śakyamapyasya saundaryaṁ na varṇayitumutsahe | parvatāntarasaundaryaṁ sādhāraṇavidhāraṇāt

यद्यपि सम्भव भी हो, तो भी मैं अन्य पर्वतों के सामान्य सौन्दर्य के वर्णन जैसे इसके सौन्दर्य का वर्णन करने का साहस नहीं करता।

श्लोक 6 (shiva.vayaviya.24.6)

इदं तु शक्यते वक्तुमस्मिन्पर्वतसुन्दरे । ऋद्ध्या कयापि सौन्दर्यमीश्वरावासयोग्यता

idaṁ tu śakyate vaktumasminparvatasundare | ṛddhyā kayāpi saundaryamīśvarāvāsayogyatā

किन्तु इतना अवश्य कहा जा सकता है कि इस सुन्दर पर्वत में जो सौन्दर्य है, वह किसी अलौकिक समृद्धि के कारण ईश्वर के निवास के योग्य बन गया।

श्लोक 7 (shiva.vayaviya.24.7)

अत एव हि देवेन देव्याः प्रियचिकीर्षया । अतीव रमणीयोऽयं गिरिरन्तःपुरीकृतः

ata eva hi devena devyāḥ priyacikīrṣayā | atīva ramaṇīyo'yaṁ girirantaḥpurīkṛtaḥ

इसीलिए देवी को प्रसन्न करने की इच्छा से देव ने इस अत्यन्त रमणीय पर्वत को अपने अन्तःपुर के रूप में बना लिया।

श्लोक 8 (shiva.vayaviya.24.8)

मेखलाभूमयस्तस्य विमलोपलपादपाः । शिवयोर्नित्यसान्निध्यान्न्यक्कुर्वन्त्यखिलं जगत्

mekhalābhūmayastasya vimalopalapādapāḥ | śivayornityasānnidhyānnyakkurvantyakhilaṁ jagat

उसकी घाटियों की भूमियाँ, निर्मल पाषाणों और वृक्षों से युक्त, शिव-दम्पति के नित्य सान्निध्य के कारण समस्त जगत् को तुच्छ कर देती हैं।

श्लोक 9 (shiva.vayaviya.24.9)

पितृभ्यां जगतो नित्यं स्नानपानोपयोगतः । अवाप्तपुण्यसंस्कारः प्रसरद्भिरितस्ततः

pitṛbhyāṁ jagato nityaṁ snānapānopayogataḥ | avāptapuṇyasaṁskāraḥ prasaradbhiritastataḥ

जगत् के माता-पिता द्वारा नित्य स्नान और पान में उपयोग किए जाने से, इधर-उधर बहते हुए झरनों ने पुण्य-संस्कार प्राप्त किया।

श्लोक 10 (shiva.vayaviya.24.10)

लघुशीतलसंस्पर्शैरच्छाच्छैर्निर्झराम्बुभिः । अधिराज्येन चाद्रीणामद्रीरेषोऽभिषिच्यते

laghuśītalasaṁsparśairacchācchairnirjharāmbubhiḥ | adhirājyena cādrīṇāmadrīreṣo'bhiṣicyate

हल्के, शीतल स्पर्श वाले, अत्यन्त स्वच्छ झरनों के जल से, तथा पर्वतों के अधिराज्य से, यह पर्वत मानो अभिषिक्त होता है।

श्लोक 11 (shiva.vayaviya.24.11)

निशासु शिखरप्रान्तर्वर्तिना स शिलोच्चयः । चन्द्रेणाचलसाम्राज्यच्छत्रेणेव विराजते

niśāsu śikharaprāntarvartinā sa śiloccayaḥ | candreṇācalasāmrājyacchatreṇeva virājate

रात्रि में शिखर के छोर पर स्थित चन्द्रमा से, वह पर्वत मानो पर्वत-साम्राज्य के छत्र से सुशोभित होता है।

श्लोक 12 (shiva.vayaviya.24.12)

स शैलश्चञ्चलीभूतैर्बालैश्चामरयोषिताम् । सर्वपर्वतसाम्राज्यचामरैरिव वीज्यते

sa śailaścañcalībhūtairbālaiścāmarayoṣitām | sarvaparvatasāmrājyacāmarairiva vījyate

वह पर्वत, चामरी-गायों की पूँछों के हिलते बालों से, मानो समस्त पर्वतों के साम्राज्य के चँवरों से हवा किया जाता है।

श्लोक 13 (shiva.vayaviya.24.13)

प्रातरभ्युदिते भानौ भूधरो रत्नभूषितः । दर्पणे देहसौभाग्यं द्रष्टुकाम इव स्थितः

prātarabhyudite bhānau bhūdharo ratnabhūṣitaḥ | darpaṇe dehasaubhāgyaṁ draṣṭukāma iva sthitaḥ

प्रातःकाल सूर्य के उदय होने पर, रत्नों से भूषित वह पर्वत ऐसे प्रतीत होता है, मानो दर्पण में अपने शरीर के सौभाग्य को देखने का इच्छुक हो।

श्लोक 14 (shiva.vayaviya.24.14)

कूजद्विहङ्गवाचालैर्वातोद्धृतलताभुजैः । विमुक्तपुष्पैः सततं व्यालम्बिमृदुपल्लवैः

kūjadvihaṅgavācālairvātoddhṛtalatābhujaiḥ | vimuktapuṣpaiḥ satataṁ vyālambimṛdupallavaiḥ

कूजते हुए पक्षियों से मुखरित, वायु से उठी हुई लतारूपी भुजाओं वाले, निरन्तर पुष्प बिखेरते हुए, लटकती हुई कोमल कोंपलों वाले —

श्लोक 15 (shiva.vayaviya.24.15)

लताप्रतानजटिलैस्तरुभिस्तापसैरिव । जयाशिषा सहाभ्यर्च्य निषेव्यत इवाद्रिराट्

latāpratānajaṭilaistarubhistāpasairiva | jayāśiṣā sahābhyarcya niṣevyata ivādrirāṭ

— लताओं के विस्तार से जटाधारी तपस्वियों के समान प्रतीत होने वाले वृक्षों द्वारा, वह पर्वतराज मानो जय-आशीर्वाद के साथ पूजित होकर सेवित होता है।

श्लोक 16 (shiva.vayaviya.24.16)

अधोमुखैरूर्ध्वमुखैः शृङ्गैस्तिर्यङ्मुखैस्तथा । प्रपतन्निव पाताले भूपृष्ठादुत्पतन्निव

adhomukhairūrdhvamukhaiḥ śṛṅgaistiryaṅmukhaistathā | prapatanniva pātāle bhūpṛṣṭhādutpatanniva

नीचे की ओर मुख किए, ऊपर की ओर मुख किए, तथा आड़े मुख किए हुए शिखरों से, वह मानो पाताल में गिरता हुआ, और मानो पृथ्वी की सतह से ऊपर उड़ता हुआ प्रतीत होता है।

श्लोक 17 (shiva.vayaviya.24.17)

परीतः सर्वतो दिक्षु भ्रमन्निव विहायसि । पश्यन्निव जगत्सर्वं नृत्यन्निव निरन्तरम्

parītaḥ sarvato dikṣu bhramanniva vihāyasi | paśyanniva jagatsarvaṁ nṛtyanniva nirantaram

सभी दिशाओं में फैला हुआ, मानो आकाश में घूमता हुआ, मानो समस्त जगत् को देखता हुआ, मानो निरन्तर नृत्य करता हुआ प्रतीत होता है।

श्लोक 18 (shiva.vayaviya.24.18)

गुहामुखैः प्रतिदिनं व्यात्तास्यो विपुलोदरैः । अजीर्णलावण्यतया जृम्भमाण इवाचलः

guhāmukhaiḥ pratidinaṁ vyāttāsyo vipulodaraiḥ | ajīrṇalāvaṇyatayā jṛmbhamāṇa ivācalaḥ

प्रतिदिन गुफाओं के मुखों से फैले हुए मुख वाला, विशाल उदरों वाला वह पर्वत, मानो अपने अक्षय लावण्य के कारण जँभाई लेता हुआ प्रतीत होता है।

श्लोक 19 (shiva.vayaviya.24.19)

ग्रसन्निव जगत्सर्वं पिबन्निव पयोनिधिम् । वमन्निव तमोऽन्तस्थं माद्यन्निव खमम्बुदैः

grasanniva jagatsarvaṁ pibanniva payonidhim | vamanniva tamo'ntasthaṁ mādyanniva khamambudaiḥ

वह मानो समस्त जगत् को निगलता हुआ, मानो समुद्र का जल पीता हुआ, मानो अपने भीतर के अन्धकार को उगलता हुआ, तथा मेघों से आकाश को मानो मदमस्त करता हुआ प्रतीत होता है।

श्लोक 20 (shiva.vayaviya.24.20)

निवासभूमयस्तास्ता दर्पणप्रतिमोदराः । तिरस्कृतातपाः स्निग्धाश्रमच्छायामहीरुहाः

nivāsabhūmayastāstā darpaṇapratimodarāḥ | tiraskṛtātapāḥ snigdhāśramacchāyāmahīruhāḥ

उसकी वे-वे निवास-भूमियाँ, दर्पण के समान उदर वाली, धूप को रोकने वाली, तथा स्निग्ध आश्रम-छाया देने वाले महान् वृक्षों से युक्त हैं।

श्लोक 21 (shiva.vayaviya.24.21)

सरित्सरस्तडागादिसम्पर्कशिशिरानिलाः । तत्र तत्र निषण्णाभ्यां शिवाभ्यां सफलीकृताः

saritsarastaḍāgādisamparkaśiśirānilāḥ | tatra tatra niṣaṇṇābhyāṁ śivābhyāṁ saphalīkṛtāḥ

नदी, सरोवर, तालाब आदि के संसर्ग से शीतल वायु वाली वे भूमियाँ, वहाँ-वहाँ विराजमान शिव-दम्पति द्वारा सफल बनाई गईं।

श्लोक 22 (shiva.vayaviya.24.22)

तमिमं सर्वतः श्रेष्ठं स्मृत्वा साम्बस्त्रियम्बकः । रैभ्याश्रमसमीपस्थश्चान्तर्धानं गतो ययौ

tamimaṁ sarvataḥ śreṣṭhaṁ smṛtvā sāmbastriyambakaḥ | raibhyāśramasamīpasthaścāntardhānaṁ gato yayau

सर्वत्र श्रेष्ठ इस पर्वत का स्मरण करके, अम्बा सहित त्र्यम्बक, जो रैभ्य के आश्रम के समीप स्थित थे, अन्तर्धान होकर वहाँ चले गए।

श्लोक 23 (shiva.vayaviya.24.23)

तत्रोद्यानमनुप्राप्य देव्या सह महेश्वरः । रराम रमणीयासु देव्यान्तःपुरभूमिषु

tatrodyānamanuprāpya devyā saha maheśvaraḥ | rarāma ramaṇīyāsu devyāntaḥpurabhūmiṣu

वहाँ उद्यान में पहुँचकर, महेश्वर देवी के साथ, देवी के अन्तःपुर की रमणीय भूमियों में क्रीड़ा करने लगे।

श्लोक 24 (shiva.vayaviya.24.24)

तथा गतेषु कालेषु प्रवृद्धासु प्रजासु च । दैत्यौ शुम्भनिशुम्भाख्यौ भ्रातरौ सम्बभूवतुः

tathā gateṣu kāleṣu pravṛddhāsu prajāsu ca | daityau śumbhaniśumbhākhyau bhrātarau sambabhūvatuḥ

इस प्रकार समय बीतते-बीतते और प्रजा के बढ़ते-बढ़ते, शुम्भ और निशुम्भ नामक दो दैत्य भाई उत्पन्न हुए।

श्लोक 25 (shiva.vayaviya.24.25)

ताभ्यां तपोबलाद्दत्तं ब्रह्मणा परमेष्ठिना । अवध्यत्वं जगत्यस्मिन्पुरुषैरखिलैरपि

tābhyāṁ tapobalāddattaṁ brahmaṇā parameṣṭhinā | avadhyatvaṁ jagatyasminpuruṣairakhilairapi

उन दोनों को तपोबल से, सर्वोच्च ब्रह्मा द्वारा, इस जगत् में समस्त पुरुषों द्वारा भी अवध्य होने का वरदान दिया गया।

श्लोक 26 (shiva.vayaviya.24.26)

अयोनिजा तु या कन्या ह्यम्बिकांशसमुद्भवा । अजातपुंस्पर्शरतिरविलङ्घ्यपराक्रमा

ayonijā tu yā kanyā hyambikāṁśasamudbhavā | ajātapuṁsparśaratiravilaṅghyaparākramā

किन्तु जो कन्या अयोनिज है, अम्बिका के अंश से उत्पन्न हुई है, जिसे कभी किसी पुरुष के स्पर्श की रति उत्पन्न नहीं हुई, तथा जिसका पराक्रम अलंघ्य है —

श्लोक 27 (shiva.vayaviya.24.27)

तया तु नौ वधः सङ्ख्ये तस्यां कामाभिभूतयोः । इति चाभ्यर्थितो ब्रह्मा ताभ्यां प्राह तथास्त्विति

tayā tu nau vadhaḥ saṅkhye tasyāṁ kāmābhibhūtayoḥ | iti cābhyarthito brahmā tābhyāṁ prāha tathāstviti

— उसी के हाथों युद्ध में हमारा वध हो, जब हम उसके प्रति काम से अभिभूत हों — ऐसी प्रार्थना उन दोनों ने ब्रह्मा से की, और ब्रह्मा ने कहा — "ऐसा ही हो।"

श्लोक 28 (shiva.vayaviya.24.28)

ततः प्रभृति शक्रादीन्विजित्य समरे सुरान् । निःस्वाध्यायवषट्कारं जगच्चक्रतुरक्रमात्

tataḥ prabhṛti śakrādīnvijitya samare surān | niḥsvādhyāyavaṣaṭkāraṁ jagaccakraturakramāt

तत्पश्चात् उन दोनों ने युद्ध में इन्द्र आदि देवताओं को जीतकर, क्रमशः जगत् को स्वाध्याय और यज्ञ के "वषट्कार" से रहित कर दिया।

श्लोक 29 (shiva.vayaviya.24.29)

तयोर्वधाय देवेशं ब्रह्माभ्यर्थितवान्पुनः । विनिन्द्यापि रहस्यम्बां क्रोधयित्वा यथा तथा

tayorvadhāya deveśaṁ brahmābhyarthitavānpunaḥ | vinindyāpi rahasyambāṁ krodhayitvā yathā tathā

उन दोनों के वध के लिए ब्रह्मा ने पुनः देवेश से प्रार्थना की — किसी न किसी प्रकार से, गुप्त रूप से अम्बा की निन्दा करके भी उन्हें क्रुद्ध कराकर,

श्लोक 30 (shiva.vayaviya.24.30)

तद्वर्णकोशजां शक्तिमकामां कन्यकात्मिकाम् । निशुम्भशुम्भयोर्हन्त्रीं सुरेभ्यो दातुमर्हसि

tadvarṇakośajāṁ śaktimakāmāṁ kanyakātmikām | niśumbhaśumbhayorhantrīṁ surebhyo dātumarhasi

उनके वर्ण के कोश से उत्पन्न, इच्छारहित, कुमारी-स्वरूपा शक्ति को, जो शुम्भ और निशुम्भ की संहारक हो, देवताओं को प्रदान करने योग्य हैं।

श्लोक 31 (shiva.vayaviya.24.31)

एवमभ्यर्थितो धात्रा भगवान्नीललोहितः । कालीत्याह रहस्यं वां निन्दयन्निव सस्मितः

evamabhyarthito dhātrā bhagavānnīlalohitaḥ | kālītyāha rahasyaṁ vāṁ nindayanniva sasmitaḥ

विधाता द्वारा इस प्रकार प्रार्थना किए जाने पर, नीललोहित भगवान् ने मुसकराते हुए, मानो निन्दा करते हुए, गुप्त रूप से देवी को "काली" कहकर सम्बोधित किया।

श्लोक 32 (shiva.vayaviya.24.32)

ततः क्रुद्धा तदा देवी सुवर्णा वर्णकारणात् । स्मयन्ती चाह भर्तारमसमाधेयया गिरा

tataḥ kruddhā tadā devī suvarṇā varṇakāraṇāt | smayantī cāha bhartāramasamādheyayā girā

तब अपने वर्ण के कारण क्रुद्ध हुई सुवर्णा देवी ने, मुसकराते हुए भी, अत्यन्त उद्विग्न वाणी में अपने पति से कहा —

श्लोक 33 (shiva.vayaviya.24.33)

देव्युवाच । ईदृशे मम वर्णेऽस्मिन्न रतिर्भवतोऽस्ति चेत् । एवावन्तं चिरं कालं कथमेषा नियम्यते

devyuvāca | īdṛśe mama varṇe'sminna ratirbhavato'sti cet | evāvantaṁ ciraṁ kālaṁ kathameṣā niyamyate

देवी ने कहा — यदि मेरे इस वर्ण में तुम्हें रति नहीं है, तो इतने दीर्घकाल तक यह विवाह-बन्धन किस प्रकार निभाया गया?

श्लोक 34 (shiva.vayaviya.24.34)

अरत्या वर्तमानोऽपि कथं च रमसे मया । न ह्यशक्यं जगत्यस्मिन्नीश्वरस्य जगत्प्रभोः

aratyā vartamāno'pi kathaṁ ca ramase mayā | na hyaśakyaṁ jagatyasminnīśvarasya jagatprabhoḥ

अरुचि के होते हुए भी मेरे साथ किस प्रकार क्रीड़ा करते हो? जगत् के स्वामी ईश्वर के लिए इस जगत् में कुछ भी असम्भव नहीं है।

श्लोक 35 (shiva.vayaviya.24.35)

स्वात्मारामस्य भवतो रतिर्न सुखसाधनम् । इति हेतोः स्मरो यस्मात्प्रसभं भस्मसात्कृतः

svātmārāmasya bhavato ratirna sukhasādhanam | iti hetoḥ smaro yasmātprasabhaṁ bhasmasātkṛtaḥ

तुम स्वयं में ही रमण करने वाले हो, तुम्हारे लिए रति सुख का साधन नहीं है — इसी कारण तो तुमने कामदेव को बलपूर्वक भस्म कर डाला था।

श्लोक 36 (shiva.vayaviya.24.36)

या च नाभिरता भर्तुरपि सर्वाङ्गसुन्दरी । सा वृथैव हि जायेत सर्वैरपि गुणान्तरैः

yā ca nābhiratā bharturapi sarvāṅgasundarī | sā vṛthaiva hi jāyeta sarvairapi guṇāntaraiḥ

जो सर्वांगसुन्दरी होते हुए भी अपने पति की प्रीति को प्राप्त न कर सके, वह अन्य समस्त गुणों के होते हुए भी व्यर्थ ही जन्मी है।

श्लोक 37 (shiva.vayaviya.24.37)

भर्तुर्भोगैकशेषो हि सर्ग एवैष योषिताम् । तथासत्यन्यथा भूता नारी कुत्रोपयुज्यते

bharturbhogaikaśeṣo hi sarga evaiṣa yoṣitām | tathāsatyanyathā bhūtā nārī kutropayujyate

स्त्रियों की यह सृष्टि केवल पति के भोग के लिए ही शेष रहती है; ऐसा न होने पर, अन्यथा हुई नारी किस काम की?

श्लोक 38 (shiva.vayaviya.24.38)

तस्माद्वर्णमिमं त्यक्त्वा त्वया रहसि निन्दितम् । वर्णान्तरं भजिष्ये वा न भजिष्यामि वा स्वयम्

tasmādvarṇamimaṁ tyaktvā tvayā rahasi ninditam | varṇāntaraṁ bhajiṣye vā na bhajiṣyāmi vā svayam

इसलिए, तुमने गुप्त रूप से जिस वर्ण की निन्दा की, उसे त्यागकर, मैं स्वयं अन्य वर्ण धारण करूँगी अथवा नहीं करूँगी।

श्लोक 39 (shiva.vayaviya.24.39)

इत्युक्त्वोत्थाय शयनाद्देवी साचष्ट गद्गदम् । ययाचेऽनुमतिं भर्तुस्तपसे कृतनिश्चया

ityuktvotthāya śayanāddevī sācaṣṭa gadgadam | yayāce'numatiṁ bhartustapase kṛtaniścayā

ऐसा कहकर, शय्या से उठकर, गद्गद वाणी में यह कहते हुए, दृढ़ निश्चय की हुई देवी ने तपस्या के लिए अपने पति से अनुमति माँगी।

श्लोक 40 (shiva.vayaviya.24.40)

तथा प्रणयभङ्गेन भीतो भूतपतिः स्वयम् । पादयोः प्रणमन्नेव भवानीं प्रत्यभाषत

tathā praṇayabhaṅgena bhīto bhūtapatiḥ svayam | pādayoḥ praṇamanneva bhavānīṁ pratyabhāṣata

इस प्रकार प्रणय के भंग हो जाने से स्वयं भूतपति भी भयभीत होकर, उनके चरणों में प्रणाम करते हुए भवानी से इस प्रकार बोले —

श्लोक 41 (shiva.vayaviya.24.41)

ईश्वर उवाच । अजानती च क्रीडोक्तिं प्रिये किं कुपितासि मे । रतिः कुतो वा जायेत त्वत्तश्चेदरतिर्मम

īśvara uvāca | ajānatī ca krīḍoktiṁ priye kiṁ kupitāsi me | ratiḥ kuto vā jāyeta tvattaścedaratirmama

ईश्वर ने कहा — हे प्रिये! मेरी परिहास-वाणी को न समझकर तुम मुझसे क्यों क्रुद्ध हो? यदि तुम्हारे प्रति मेरी अरुचि होती, तो रति कहाँ से उत्पन्न होती?

श्लोक 42 (shiva.vayaviya.24.42)

माता त्वमस्य जगतः पिताहमधिपस्तथा । कथं तदुपपद्येत त्वत्तो नाभिरतिर्मम

mātā tvamasya jagataḥ pitāhamadhipastathā | kathaṁ tadupapadyeta tvatto nābhiratirmama

तुम इस जगत् की माता हो, मैं इसका पिता और अधिपति हूँ; तब यह कैसे संगत हो सकता है कि तुम्हारे प्रति मेरी अरुचि हो?

श्लोक 43 (shiva.vayaviya.24.43)

आवयोरभिकामोऽपि किमसौ कामकारितः । यतः कामसमुत्तेः प्रागेव जगदुद्भवः

āvayorabhikāmo'pi kimasau kāmakāritaḥ | yataḥ kāmasamutteḥ prāgeva jagadudbhavaḥ

क्या हम दोनों की परस्पर कामना भी काम द्वारा प्रेरित है? क्योंकि कामदेव की उत्पत्ति से पहले ही जगत् का उद्भव हो चुका था।

श्लोक 44 (shiva.vayaviya.24.44)

पृथग्जनानां रतये कामात्मा कल्पितो मया । ततः कथमुपालब्धः कामदाहादहं त्वया

pṛthagjanānāṁ rataye kāmātmā kalpito mayā | tataḥ kathamupālabdhaḥ kāmadāhādahaṁ tvayā

सामान्य जनों की रति के लिए ही कामदेव मेरे द्वारा रचा गया था; फिर कामदेव को भस्म करने के लिए मुझे तुम क्यों उलाहना देती हो?

श्लोक 45 (shiva.vayaviya.24.45)

मां वै त्रिदशसामान्यं मन्यमानो मनोभवः । मनाक्परिभवं कुर्वन्मया वै भस्मसात्कृतः

māṁ vai tridaśasāmānyaṁ manyamāno manobhavaḥ | manākparibhavaṁ kurvanmayā vai bhasmasātkṛtaḥ

मुझे साधारण देवताओं के समान मानकर, मुझे थोड़ा-सा भी तिरस्कृत करने का साहस करने वाले मनोभव को ही मैंने भस्म कर दिया था।

श्लोक 46 (shiva.vayaviya.24.46)

विहारोऽप्यावयोरस्य जगतस्त्राणकारणात् । ततस्तदर्थं त्वय्यद्य क्रीडोक्तिं कृतवानहम्

vihāro'pyāvayorasya jagatastrāṇakāraṇāt | tatastadarthaṁ tvayyadya krīḍoktiṁ kṛtavānaham

हम दोनों की यह क्रीड़ा भी इस जगत् की रक्षा के लिए ही है; इसीलिए उसी उद्देश्य से आज मैंने तुमसे यह परिहास-वचन कहा है।

श्लोक 47 (shiva.vayaviya.24.47)

स चायमचिरादर्थस्तवैवाविष्करिष्यते । क्रोधस्य जनकं वाक्यं हृदि कृत्वेदमब्रवीत्

sa cāyamacirādarthastavaivāviṣkariṣyate | krodhasya janakaṁ vākyaṁ hṛdi kṛtvedamabravīt

और यह प्रयोजन शीघ्र ही तुम्हारे सामने प्रकट हो जाएगा। शिव ने इस क्रोध उत्पन्न करने वाले वचन को अपने हृदय में रखकर यह कहा।

श्लोक 48 (shiva.vayaviya.24.48)

देव्युवाच । श्रुतपूर्वं हि भगवंस्तव चाटुवचो मया । येनैवमतिधीराहमपि प्रागभिवञ्चिता

devyuvāca | śrutapūrvaṁ hi bhagavaṁstava cāṭuvaco mayā | yenaivamatidhīrāhamapi prāgabhivañcitā

देवी ने कहा — हे भगवन्! तुम्हारे इस चाटुकारी वचन को मैंने पहले भी सुना है, जिससे मैं, अत्यन्त धैर्यशाली होते हुए भी, पहले ही छली जा चुकी हूँ।

श्लोक 49 (shiva.vayaviya.24.49)

प्राणानप्यप्रिया भर्तुर्नारी या न परित्यजेत् । कुलाङ्गना शुभा सद्भिः कुत्सितैव हि गम्यते

prāṇānapyapriyā bharturnārī yā na parityajet | kulāṅganā śubhā sadbhiḥ kutsitaiva hi gamyate

जो स्त्री, अपने पति को अप्रिय होने पर भी, अपने प्राणों तक का त्याग न करे, वह कुलीन और शुभ होते हुए भी सज्जनों के द्वारा निन्दनीय ही मानी जाती है।

श्लोक 50 (shiva.vayaviya.24.50)

भूयसी च तवाप्रीतिरगौरमिति मे वपुः । क्रीडोक्तिरपि कालीति घटते कथमन्यथा

bhūyasī ca tavāprītiragauramiti me vapuḥ | krīḍoktirapi kālīti ghaṭate kathamanyathā

तुम्हारी अत्यधिक अप्रीति ही यह बताती है कि मेरा यह शरीर गौरवर्ण का नहीं है; अन्यथा तुम्हारा वह परिहास-वचन "काली" कैसे संगत हो सकता है?

श्लोक 51 (shiva.vayaviya.24.51)

सद्भिर्विगर्हितं तस्मात्तव कार्ष्ण्यमसम्मतम् । अनुत्सृज्य तपोयोगात्स्थातुमेवेह नोत्सहे

sadbhirvigarhitaṁ tasmāttava kārṣṇyamasammatam | anutsṛjya tapoyogātsthātumeveha notsahe

इसलिए सज्जनों द्वारा निन्दित, तुम्हें अस्वीकार्य इस श्यामवर्ण को त्यागे बिना, मैं यहाँ तपस्या-योग को छोड़कर रहने का साहस नहीं रखती।

श्लोक 52 (shiva.vayaviya.24.52)

शिव उवाच । यद्येवंविधतापस्ते तपसा किं प्रयोजनम् । ममेच्छया स्वेच्छया वा वर्णान्तरवती भव

śiva uvāca | yadyevaṁvidhatāpaste tapasā kiṁ prayojanam | mamecchayā svecchayā vā varṇāntaravatī bhava

शिव ने कहा — यदि तुम्हारा ऐसा दृढ़ संकल्प है, तो तप करने की क्या आवश्यकता? मेरी इच्छा से अथवा अपनी ही इच्छा से अन्य वर्ण धारण कर लो।

श्लोक 53 (shiva.vayaviya.24.53)

देव्युवाच । नेच्छामि भवतो वर्णं स्वयं वा कर्तुमन्यथा । ब्रह्माणं तपसाराध्य क्षिप्रं गौरी भवाम्यहम्

devyuvāca | necchāmi bhavato varṇaṁ svayaṁ vā kartumanyathā | brahmāṇaṁ tapasārādhya kṣipraṁ gaurī bhavāmyaham

देवी ने कहा — मैं यह नहीं चाहती कि तुम्हारी इच्छा से, या स्वयं ही, मेरा वर्ण बदल दिया जाए। मैं ब्रह्मा की तपस्या से आराधना करके शीघ्र ही स्वयं गौरी बनूँगी।

श्लोक 54 (shiva.vayaviya.24.54)

ईश्वर उवाच । मत्प्रसादात्पुरा ब्रह्मा ब्रह्मत्वं प्राप्तवान्पुरा । तमाहूय महादेवि तपसा किं करिष्यसि

īśvara uvāca | matprasādātpurā brahmā brahmatvaṁ prāptavānpurā | tamāhūya mahādevi tapasā kiṁ kariṣyasi

ईश्वर ने कहा — हे महादेवी! ब्रह्मा ने भी पूर्वकाल में मेरी ही कृपा से ब्रह्मत्व प्राप्त किया था। उसे बुलाकर तप करने से तुम क्या प्राप्त करोगी?

श्लोक 55 (shiva.vayaviya.24.55)

देव्युवाच । त्वत्तो लब्धपदा एव सर्वे ब्रह्मादयः सुराः । तथाप्याराध्य तपसा ब्रह्माणं त्वन्नियोगतः

devyuvāca | tvatto labdhapadā eva sarve brahmādayaḥ surāḥ | tathāpyārādhya tapasā brahmāṇaṁ tvanniyogataḥ

देवी ने कहा — मैं जानती हूँ कि ब्रह्मा आदि समस्त देवताओं ने तुमसे ही अपना पद प्राप्त किया है; फिर भी, तुम्हारी ही नियुक्ति के अनुसार, तप से ब्रह्मा की आराधना करके —

श्लोक 56 (shiva.vayaviya.24.56)

पुरा किल सती नाम्ना दक्षस्य दुहिताऽभवम् । जगतां पतिमेव त्वां पतिं प्राप्तवती तथा

purā kila satī nāmnā dakṣasya duhitā'bhavam | jagatāṁ patimeva tvāṁ patiṁ prāptavatī tathā

पूर्वकाल में मैं सती नाम से दक्ष की पुत्री थी, और उसी प्रकार जगत्पति तुम्हें ही पति के रूप में प्राप्त किया था।

श्लोक 57 (shiva.vayaviya.24.57)

एवमद्यापि तपसा तोषयित्वा द्विजं विधिम् । गौरी भवितुमिच्छामि को दोषः कथ्यतामिह

evamadyāpi tapasā toṣayitvā dvijaṁ vidhim | gaurī bhavitumicchāmi ko doṣaḥ kathyatāmiha

उसी प्रकार आज भी तप से द्विज ब्रह्मा को प्रसन्न करके मैं गौरी बनना चाहती हूँ। इसमें क्या दोष है, यह मुझे बताया जाए।

श्लोक 58 (shiva.vayaviya.24.58)

एवमुक्तो महादेव्या वामदेवः स्मयन्निव । न तां निर्बन्धयामास देवकार्यचिकीर्षया

evamukto mahādevyā vāmadevaḥ smayanniva | na tāṁ nirbandhayāmāsa devakāryacikīrṣayā

महादेवी द्वारा इस प्रकार कहे जाने पर, वामदेव ने मुसकराते हुए, देवकार्य को सिद्ध करने की इच्छा से, उन्हें आगे और आग्रह नहीं किया।