देवी की गौरत्व-प्राप्ति

श्लोक 1 (shiva.vayaviya.25.1)

वायुरुवाच । ततः प्रदक्षिणीकृत्य पतिमम्बा पतिव्रता । नियम्य च वियोगार्तिं जगाम हिमवद्गिरिम्

vāyuruvāca | tataḥ pradakṣiṇīkṛtya patimambā pativratā | niyamya ca viyogārtiṁ jagāma himavadgirim

वायु ने कहा — तत्पश्चात् पतिव्रता माता (पार्वती) ने अपने पति की प्रदक्षिणा करके और वियोग की पीड़ा को संयत करके हिमवद्गिरि की ओर प्रस्थान किया।

श्लोक 2 (shiva.vayaviya.25.2)

तपः कृतवती पूर्वं देशे यस्मिन्सखीजनैः । तमेव देशमवृणोत्तपसे प्रणयात्पुनः

tapaḥ kṛtavatī pūrvaṁ deśe yasminsakhījanaiḥ | tameva deśamavṛṇottapase praṇayātpunaḥ

जिस स्थान पर उन्होंने पूर्वकाल में सखियों के साथ तप किया था, उसी स्थान को उन्होंने प्रेमवश पुनः तप के लिए चुना।

श्लोक 3 (shiva.vayaviya.25.3)

ततः स्वपितरं दृष्ट्वा मातरं च तयोर्गृहे । प्रणम्य वृत्तं विज्ञाप्य ताभ्यां चानुमता सती

tataḥ svapitaraṁ dṛṣṭvā mātaraṁ ca tayorgṛhe | praṇamya vṛttaṁ vijñāpya tābhyāṁ cānumatā satī

तब अपने घर में पिता और माता के दर्शन कर, प्रणाम कर और अपना निश्चय निवेदन करके, सती को उन दोनों की अनुमति प्राप्त हुई।

श्लोक 4 (shiva.vayaviya.25.4)

पुनस्तपोवनं गत्वा भूषणानि विसृज्य च । स्नात्वा तपस्विनो वेषं कृत्वा परमपावनम्

punastapovanaṁ gatvā bhūṣaṇāni visṛjya ca | snātvā tapasvino veṣaṁ kṛtvā paramapāvanam

पुनः तपोवन में जाकर आभूषणों को त्यागकर, स्नान करके, उन्होंने तपस्विनी का अत्यंत पवित्र वेश धारण किया।

श्लोक 5 (shiva.vayaviya.25.5)

सङ्कल्प्य च महातीव्रं तपः परमदुश्चरम् । सदा मनसि सन्धाय भर्तुश्चरणपङ्कजम्

saṅkalpya ca mahātīvraṁ tapaḥ paramaduścaram | sadā manasi sandhāya bhartuścaraṇapaṅkajam

अत्यंत उग्र और परम दुष्कर तप का संकल्प लेकर, सदा मन में अपने पति के चरण-कमलों का ध्यान करते हुए —

श्लोक 6 (shiva.vayaviya.25.6)

तमेव क्षणिके लिङ्गे ध्यात्वा बाह्यविधानतः । त्रिसन्ध्यमभ्यर्चयन्ती वन्यैः पुष्पैः फलादिभिः

tameva kṣaṇike liṅge dhyātvā bāhyavidhānataḥ | trisandhyamabhyarcayantī vanyaiḥ puṣpaiḥ phalādibhiḥ

उन्हीं शिव का एक क्षणिक (अस्थायी मिट्टी के) लिंग में बाह्य विधि से ध्यान करते हुए, वन के पुष्पों-फलों आदि से त्रिकाल पूजा करती हुईं —

श्लोक 7 (shiva.vayaviya.25.7)

स एव ब्रह्मणो मूर्तिमास्थाय तपसः फलम् । प्रदास्यति ममेत्येवं नित्यं कृत्वाऽकरोत्तपः

sa eva brahmaṇo mūrtimāsthāya tapasaḥ phalam | pradāsyati mametyevaṁ nityaṁ kṛtvā'karottapaḥ

यह सोचकर कि "वे ही तप के फलदाता रूप में मुझे इसका फल प्रदान करेंगे", नित्य यही भाव रखकर उन्होंने तप किया।

श्लोक 8 (shiva.vayaviya.25.8)

तथा तपश्चरन्तीं तां काले बहुतिथे गते । दृष्टः कश्चिन्महाव्याघ्रो दुष्टभावादुपागमत्

tathā tapaścarantīṁ tāṁ kāle bahutithe gate | dṛṣṭaḥ kaścinmahāvyāghro duṣṭabhāvādupāgamat

इस प्रकार तप करती हुई उनका बहुत समय बीत गया, तभी दुष्ट भाव से एक महाव्याघ्र (बड़ा बाघ) वहाँ आ पहुँचा।

श्लोक 9 (shiva.vayaviya.25.9)

तथैवोपगतस्यापि तस्यातीव दुरात्मनः । गात्रं चित्रार्पितमिव स्तब्धं तस्याः सकाशतः

tathaivopagatasyāpi tasyātīva durātmanaḥ | gātraṁ citrārpitamiva stabdhaṁ tasyāḥ sakāśataḥ

उस अत्यंत दुरात्मा बाघ का शरीर भी, उनके पास आते ही, मानो चित्र में अंकित हो, स्तब्ध (जड़वत्) हो गया।

श्लोक 10 (shiva.vayaviya.25.10)

तं दृष्ट्वापि तथा व्याघ्रं दुष्टभावादुपागतम् । न पृथग्जनवद्देवी स्वभावेन विविच्यते

taṁ dṛṣṭvāpi tathā vyāghraṁ duṣṭabhāvādupāgatam | na pṛthagjanavaddevī svabhāvena vivicyate

दुष्ट भाव से आते हुए उस बाघ को देखकर भी देवी ने साधारण जनों की भाँति उसे अलग (शत्रुरूप) करके नहीं देखा।

श्लोक 11 (shiva.vayaviya.25.11)

स तु विष्टब्धसर्वाङ्गो बुभुक्षापरिपीडितः । ममामिषं ततो नान्यदिति मत्वा निरन्तरम्

sa tu viṣṭabdhasarvāṅgo bubhukṣāparipīḍitaḥ | mamāmiṣaṁ tato nānyaditi matvā nirantaram

उसके सारे अंग जकड़े हुए थे, वह भूख से अत्यंत पीड़ित था, और यह निश्चय करके कि "इसके सिवा मेरे लिए और कोई भोजन नहीं है" — निरंतर

श्लोक 12 (shiva.vayaviya.25.12)

निरीक्ष्यमाणः सततं देवीमेव तदाऽनिशम् । अतिष्ठदग्रतस्तस्या उपासनमिवाचरत्

nirīkṣyamāṇaḥ satataṁ devīmeva tadā'niśam | atiṣṭhadagratastasyā upāsanamivācarat

वह निरंतर देवी की ओर ही अपलक दृष्टि से देखता हुआ उनके सामने खड़ा रहा, मानो उपासना ही कर रहा हो।

श्लोक 13 (shiva.vayaviya.25.13)

देव्याश्च हृदये नित्यं ममैवायमुपासकः । त्राता च दुष्टसत्त्वेभ्य इति प्रववृते कृपा

devyāśca hṛdaye nityaṁ mamaivāyamupāsakaḥ | trātā ca duṣṭasattvebhya iti pravavṛte kṛpā

देवी के हृदय में सदा यही भाव उठा कि "यह मेरा ही उपासक है और दुष्ट प्राणियों से मेरी रक्षा करने वाला है" — इस प्रकार उनकी कृपा उमड़ पड़ी।

श्लोक 14 (shiva.vayaviya.25.14)

तस्या एव कृपायोगात्सद्यो नष्टमलत्रयः । बभूव सहसा व्याघ्रो देवीं च बुबुधे तदा

tasyā eva kṛpāyogātsadyo naṣṭamalatrayaḥ | babhūva sahasā vyāghro devīṁ ca bubudhe tadā

उन्हीं की कृपा के प्रभाव से उसके तीनों मल तत्काल नष्ट हो गए, बाघ अचानक सचेत हो उठा और देवी को पहचान लिया।

श्लोक 15 (shiva.vayaviya.25.15)

न्यवर्तत बुभुक्षा च तस्याङ्गस्तम्भनं तथा । दौरात्म्यं जन्मसिद्धं च तृप्तिश्च समजायत

nyavartata bubhukṣā ca tasyāṅgastambhanaṁ tathā | daurātmyaṁ janmasiddhaṁ ca tṛptiśca samajāyata

उसकी भूख और अंगों की जड़ता दोनों दूर हो गईं, जन्म-सिद्ध दुष्टता भी मिट गई, और उसे तृप्ति का अनुभव हुआ।

श्लोक 16 (shiva.vayaviya.25.16)

तदा परमभावेन ज्ञात्वा कार्तार्थ्यमात्मनः । सद्योपासक एवैष सिषेवे परमेश्वरीम्

tadā paramabhāvena jñātvā kārtārthyamātmanaḥ | sadyopāsaka evaiṣa siṣeve parameśvarīm

तब परम भाव से अपनी कृतार्थता को जानकर वह तत्काल उपासक बनकर परमेश्वरी की सेवा करने लगा।

श्लोक 17 (shiva.vayaviya.25.17)

दुष्टानामपि सत्त्वानां तथान्येषां दुरात्मनाम् । स एव द्रावको भूत्वा विचचार तपोवने

duṣṭānāmapi sattvānāṁ tathānyeṣāṁ durātmanām | sa eva drāvako bhūtvā vicacāra tapovane

वह स्वयं भी अन्य दुष्ट प्राणियों तथा अन्य दुरात्माओं का द्रावक (भय दूर करने वाला/वश में करने वाला) बनकर तपोवन में विचरण करने लगा।

श्लोक 18 (shiva.vayaviya.25.18)

तपश्च ववृधे देव्यास्तीव्रं तीव्रतरात्मकम् । देवाश्च दैत्यनिर्बन्धाद् ब्रह्माणं शरणं गताः

tapaśca vavṛdhe devyāstīvraṁ tīvratarātmakam | devāśca daityanirbandhād brahmāṇaṁ śaraṇaṁ gatāḥ

देवी का तप उत्तरोत्तर तीव्र से तीव्रतर होता गया। इधर दैत्यों के उत्पीड़न से पीड़ित देवगण ब्रह्मा जी की शरण में गए।

श्लोक 19 (shiva.vayaviya.25.19)

चक्रुर्निवेदनं देवाः स्वदुःखस्यारिपीडनात् । यथा च ददतुः शुम्भनिशुम्भौ वरसम्मदात्

cakrurnivedanaṁ devāḥ svaduḥkhasyāripīḍanāt | yathā ca dadatuḥ śumbhaniśumbhau varasammadāt

देवों ने शत्रुओं द्वारा दी गई अपनी पीड़ा का निवेदन किया — कि किस प्रकार शुम्भ और निशुम्भ को वर के मद से यह पीड़ा प्राप्त हुई थी।

श्लोक 20 (shiva.vayaviya.25.20)

सोऽपि श्रुत्वा विधिर्दुःखं सुराणां कृपयान्वितः । आसीद्दैत्यवधायैव स्मृत्वा हेत्वाश्रयां कथाम्

so'pi śrutvā vidhirduḥkhaṁ surāṇāṁ kṛpayānvitaḥ | āsīddaityavadhāyaiva smṛtvā hetvāśrayāṁ kathām

देवताओं के दुःख को सुनकर विधाता (ब्रह्मा) भी करुणा से भर गए, और दैत्यों के वध के लिए उस मूल कथा का स्मरण करने लगे।

श्लोक 21 (shiva.vayaviya.25.21)

सामरः प्रार्थितो ब्रह्मा ययौ देव्यास्तपोवनम् । संस्मरन्मनसा देवदुःखमोक्षं स्वयत्नतः

sāmaraḥ prārthito brahmā yayau devyāstapovanam | saṁsmaranmanasā devaduḥkhamokṣaṁ svayatnataḥ

देवताओं सहित प्रार्थना किए गए ब्रह्मा देवी के तपोवन में गए, अपने मन में स्वयं ही देवों के दुःख से मुक्ति का उपाय सोचते हुए।

श्लोक 22 (shiva.vayaviya.25.22)

ददर्श च सुरश्रेष्ठः श्रेष्ठे तपसि निष्ठिताम् । प्रतिष्ठामिव विश्वस्य भवानीं परमेश्वरीम्

dadarśa ca suraśreṣṭhaḥ śreṣṭhe tapasi niṣṭhitām | pratiṣṭhāmiva viśvasya bhavānīṁ parameśvarīm

उस देवश्रेष्ठ ने भवानी परमेश्वरी को, विश्व की मानो प्रतिष्ठा (आधार) रूप में, श्रेष्ठ तप में स्थित देखा।

श्लोक 23 (shiva.vayaviya.25.23)

ननाम चास्य जगतो मातरं स्वस्य वै हरेः । रुद्रस्य च पितुर्भार्यामार्यामद्रीश्वरात्मजाम्

nanāma cāsya jagato mātaraṁ svasya vai hareḥ | rudrasya ca piturbhāryāmāryāmadrīśvarātmajām

उन्होंने इस जगत् की माता, अपने ही और हरि के तथा रुद्र के पिता (हिमवान्) की पत्नी, आर्या, पर्वतराज-पुत्री को प्रणाम किया।

श्लोक 24 (shiva.vayaviya.25.24)

ब्रह्माणमागतं दृष्ट्वा देवी देवगणैः सहः । अर्घ्यं तदर्हं दत्त्वाऽस्मै स्वागताद्यैरुपाचरत्

brahmāṇamāgataṁ dṛṣṭvā devī devagaṇaiḥ sahaḥ | arghyaṁ tadarhaṁ dattvā'smai svāgatādyairupācarat

ब्रह्मा को आया देखकर देवी ने देवगणों सहित उन्हें योग्य अर्घ्य देकर स्वागत आदि से उनका सत्कार किया।

श्लोक 25 (shiva.vayaviya.25.25)

तां च प्रत्युपचारोक्तिं पुरस्कृत्याभिनन्द्य च । पप्रच्छ तपसो हेतुमजानन्निव पद्मजः

tāṁ ca pratyupacāroktiṁ puraskṛtyābhinandya ca | papraccha tapaso hetumajānanniva padmajaḥ

उस स्वागत-वचन को आगे रखकर उनका अभिनन्दन करने के बाद, पद्मज (ब्रह्मा) ने मानो अनजान बनकर उनके तप का कारण पूछा।

श्लोक 26 (shiva.vayaviya.25.26)

ब्रह्मोवाच । तीव्रेण तपसानेन देव्या किमिह साध्यते । तपःफलानां सर्वेषां त्वदधीना हि सिद्धयः

brahmovāca | tīvreṇa tapasānena devyā kimiha sādhyate | tapaḥphalānāṁ sarveṣāṁ tvadadhīnā hi siddhayaḥ

ब्रह्मा ने कहा — हे देवी! इस तीव्र तप से यहाँ क्या साधना चाहती हो? तप के समस्त फलों की सिद्धियाँ तो आपके ही अधीन हैं।

श्लोक 27 (shiva.vayaviya.25.27)

यश्चैव जगतां भर्ता तमेव परमेश्वरम् । भर्तारमात्मना प्राप्य प्राप्तं च तपसः फलम्

yaścaiva jagatāṁ bhartā tameva parameśvaram | bhartāramātmanā prāpya prāptaṁ ca tapasaḥ phalam

जो स्वयं जगतों के स्वामी परमेश्वर हैं, उन्हीं को आपने पति के रूप में स्वयं प्राप्त कर लिया है, और तप का फल भी प्राप्त कर लिया है।

श्लोक 28 (shiva.vayaviya.25.28)

अथवा सर्वमेवैतत्क्रीडाविलसितं तव । इदं तु चित्रं देवस्य विरहं सहसे कथम्

athavā sarvamevaitatkrīḍāvilasitaṁ tava | idaṁ tu citraṁ devasya virahaṁ sahase katham

अथवा यह सब तुम्हारी ही क्रीड़ा का विलास है। किंतु आश्चर्य है — देव के वियोग को तुम कैसे सह रही हो?

श्लोक 29 (shiva.vayaviya.25.29)

देव्युवाच । सर्गादौ भवतो देवादुत्पत्तिः श्रूयते यदा । तदा प्रजानां प्रथमस्त्वं मे प्रथमजः सुतः

devyuvāca | sargādau bhavato devādutpattiḥ śrūyate yadā | tadā prajānāṁ prathamastvaṁ me prathamajaḥ sutaḥ

देवी ने कहा — जब सृष्टि के आरंभ में आपकी, हे देव, उत्पत्ति सुनी जाती है, तब प्रजाओं में आप मेरे प्रथम पुत्र के समान थे।

श्लोक 30 (shiva.vayaviya.25.30)

यदा पुनः प्रजावृद्ध्यै ललाटाद्भवतो भवः । उत्पन्नोऽभूत्तदा त्वं मे गुरुः श्वशुरभावतः

yadā punaḥ prajāvṛddhyai lalāṭādbhavato bhavaḥ | utpanno'bhūttadā tvaṁ me guruḥ śvaśurabhāvataḥ

पुनः जब प्रजा-वृद्धि के लिए भव (रुद्र) आपके ललाट से उत्पन्न हुए, तब आप श्वसुर के भाव से मेरे गुरु हुए।

श्लोक 31 (shiva.vayaviya.25.31)

यदाभवद्गिरीन्द्रस्ते पुत्रो मम पिता स्वयम् । तदा पितामहस्त्वं मे जातो लोकपितामह

yadābhavadgirīndraste putro mama pitā svayam | tadā pitāmahastvaṁ me jāto lokapitāmaha

और जब गिरीन्द्र (हिमवान्) आपके पुत्र हुए, जो स्वयं मेरे पिता हैं, तब आप, हे लोकपितामह, मेरे पितामह भी बन गए।

श्लोक 32 (shiva.vayaviya.25.32)

तदीदृशस्य भवतो लोकयात्राविधायिनः । वृत्तमन्तःपुरे भर्त्रा कथयिष्ये कथं पुनः

tadīdṛśasya bhavato lokayātrāvidhāyinaḥ | vṛttamantaḥpure bhartrā kathayiṣye kathaṁ punaḥ

ऐसे लोक-यात्रा को संचालित करने वाले आपसे, अंतःपुर में पति के साथ हुई बात मैं फिर कैसे कहूँ?

श्लोक 33 (shiva.vayaviya.25.33)

किमत्र बहुना देहे यश्चायं मम कालिमा । त्यक्त्वा सत्त्वविधानेन गौरी भवितुमुत्सहे

kimatra bahunā dehe yaścāyaṁ mama kālimā | tyaktvā sattvavidhānena gaurī bhavitumutsahe

यहाँ अधिक कहने से क्या लाभ — मेरे शरीर की यह जो श्यामलता है, उसे सत्त्व-विधि से त्यागकर मैं गौरी बनने का उत्साह रखती हूँ।

श्लोक 34 (shiva.vayaviya.25.34)

ब्रह्मोवाच । एतावता किमर्थेन तीव्रं देवि तपः कृतम् । स्वेच्छैव किमपर्याप्ता क्रीडेयं हि तवेदृशी

brahmovāca | etāvatā kimarthena tīvraṁ devi tapaḥ kṛtam | svecchaiva kimaparyāptā krīḍeyaṁ hi tavedṛśī

ब्रह्मा ने कहा — हे देवि! इतने भर के लिए यह तीव्र तप क्यों किया? क्या यह तुम्हारी ऐसी क्रीड़ा तुम्हारी अपनी इच्छा से ही पर्याप्त नहीं थी?

श्लोक 35 (shiva.vayaviya.25.35)

क्रीडाऽपि च जगन्मातस्तव लोकहिताय वै । अतो ममेष्टमनया फलं किमपि साध्यताम्

krīḍā'pi ca jaganmātastava lokahitāya vai | ato mameṣṭamanayā phalaṁ kimapi sādhyatām

देवी ने कहा — हे जगन्माता! यह क्रीड़ा भी लोक-हित के लिए ही है। अतः इस तप से मुझे कोई अभीष्ट फल भी सिद्ध होना चाहिए।

श्लोक 36 (shiva.vayaviya.25.36)

निशुम्भशुम्भनामानौ दैत्यौ दत्तवरौ मया । दृप्तौ देवान्प्रबाधेते त्वत्तो लब्धस्तयोर्वधः

niśumbhaśumbhanāmānau daityau dattavarau mayā | dṛptau devānprabādhete tvatto labdhastayorvadhaḥ

मैंने ही निशुम्भ और शुम्भ नामक दो दैत्यों को वर दिए थे। वे अहंकारी होकर देवताओं को पीड़ित कर रहे हैं — उन दोनों का वध आपसे ही प्राप्त होगा।

श्लोक 37 (shiva.vayaviya.25.37)

अलं विलम्बनेनात्र त्वं क्षणेन स्थिरा भव । शक्तिर्विसृज्यमानाद्य तयोर्मृत्युर्भविष्यति

alaṁ vilambanenātra tvaṁ kṣaṇena sthirā bhava | śaktirvisṛjyamānādya tayormṛtyurbhaviṣyati

अब विलम्ब न करो, तुम एक ही क्षण में स्थिर हो जाओ — आज जो शक्ति उत्सर्जित होगी, उससे उन दोनों की मृत्यु होगी।

श्लोक 38 (shiva.vayaviya.25.38)

ब्राह्मणाऽभ्यर्थिता चैव देवी गिरिवरात्मजा । त्वक्कोशं सहसोत्सृज्य गौरी सा समजायत

brāhmaṇā'bhyarthitā caiva devī girivarātmajā | tvakkośaṁ sahasotsṛjya gaurī sā samajāyata

ब्रह्मा द्वारा प्रार्थित हुई गिरिवरात्मजा देवी ने अपने त्वक्-कोश (शरीर की श्याम त्वचा) को तत्काल त्यागकर, वे स्वयं गौरी बन गईं।

श्लोक 39 (shiva.vayaviya.25.39)

सा त्वक्कोशात्मनोत्सृष्टा कौशिकी नाम नामतः । काली कालाम्बुदप्रख्या कन्यका समपद्यत

sā tvakkośātmanotsṛṣṭā kauśikī nāma nāmataḥ | kālī kālāmbudaprakhyā kanyakā samapadyata

उस त्वक्-कोश से स्वयं उत्सृष्ट होकर, कालमेघ के समान श्याम वर्ण वाली, कौशिकी नाम की एक कन्या उत्पन्न हुई, जो काली कहलाई।

श्लोक 40 (shiva.vayaviya.25.40)

सा तु मायात्मिका शक्तिर्योगनिद्रा च वैष्णवी । शङ्खचक्रत्रिशूलादिसायुधाष्टमहाभुजा

sā tu māyātmikā śaktiryoganidrā ca vaiṣṇavī | śaṅkhacakratriśūlādisāyudhāṣṭamahābhujā

वह मायामयी शक्ति योगनिद्रा और वैष्णवी थी, शंख-चक्र-त्रिशूल आदि आयुधों से युक्त, आठ विशाल भुजाओं वाली थी।

श्लोक 41 (shiva.vayaviya.25.41)

सौम्या घोरा च मिश्रा च त्रिनेत्रा चन्द्रशेखरा । अजातपुंस्पर्शरतिरधृष्या चातिसुन्दरी

saumyā ghorā ca miśrā ca trinetrā candraśekharā | ajātapuṁsparśaratiradhṛṣyā cātisundarī

वह सौम्य भी थी, घोर भी और मिश्र भी, तीन नेत्रों वाली, चन्द्रमा को शिरोभूषण धारण करने वाली, किसी पुरुष के स्पर्श में अनासक्त, अजेय और अत्यंत सुंदर थी।

श्लोक 42 (shiva.vayaviya.25.42)

दत्ता च ब्रह्मणे देव्या शक्तिरेषा सनातनी । निशुम्भस्य च शुम्भस्य निहन्त्री दैत्यसिंहयोः

dattā ca brahmaṇe devyā śaktireṣā sanātanī | niśumbhasya ca śumbhasya nihantrī daityasiṁhayoḥ

देवी ने वह सनातन शक्ति ब्रह्मा को अर्पित कर दी — निशुम्भ और शुम्भ, उन दोनों दैत्यसिंहों की संहारिणी।

श्लोक 43 (shiva.vayaviya.25.43)

ब्रह्मणाऽपि प्रहृष्टेन तस्यै परमशक्तये । प्रबलः केसरी दत्तो वाहनत्वे समागतः

brahmaṇā'pi prahṛṣṭena tasyai paramaśaktaye | prabalaḥ kesarī datto vāhanatve samāgataḥ

अत्यंत प्रसन्न होकर ब्रह्मा ने भी उस परम शक्ति को वाहन के रूप में एक बलशाली सिंह प्रदान किया।

श्लोक 44 (shiva.vayaviya.25.44)

विन्ध्ये च वसतिं तस्याः पूजामासवपूर्वकैः । मांसैर्मत्स्यैरपूपैश्च निर्वर्त्यासौ समादिशत्

vindhye ca vasatiṁ tasyāḥ pūjāmāsavapūrvakaiḥ | māṁsairmatsyairapūpaiśca nirvartyāsau samādiśat

उन्होंने विंध्य पर्वत पर उसके निवास का, तथा आसव-पूर्वक मांस, मत्स्य और अपूप (पूड़ी) से उसकी पूजा-विधि का आदेश दिया।

श्लोक 45 (shiva.vayaviya.25.45)

सा चैव सम्मता शक्तिर्ब्रह्मणो विश्वकर्मणः । प्रणम्य मातरं गौरीं ब्रह्माणं चानुपूर्वशः

sā caiva sammatā śaktirbrahmaṇo viśvakarmaṇaḥ | praṇamya mātaraṁ gaurīṁ brahmāṇaṁ cānupūrvaśaḥ

विश्वकर्मा ब्रह्मा द्वारा सम्मानित वह शक्ति, अपनी माता गौरी को और क्रमशः ब्रह्मा को प्रणाम करके —

श्लोक 46 (shiva.vayaviya.25.46)

शक्तिभिश्चापि तुल्याभिः स्वात्मजाभिरनेकशः । परीता प्रययौ विन्ध्यं दैत्येन्द्रौ हन्तुमुद्यता

śaktibhiścāpi tulyābhiḥ svātmajābhiranekaśaḥ | parītā prayayau vindhyaṁ daityendrau hantumudyatā

अपने ही जैसी अनेक अन्य शक्तियों से घिरी हुई, दोनों दैत्येन्द्रों का वध करने के लिए उद्यत होकर विंध्य पर्वत की ओर प्रस्थान कर गई।

श्लोक 47 (shiva.vayaviya.25.47)

निहतौ च तया तत्र समरे दैत्यपुङ्गवौ । तद्बाणैः कामबाणैश्च च्छिन्नभिन्नाङ्गमानसौ

nihatau ca tayā tatra samare daityapuṅgavau | tadbāṇaiḥ kāmabāṇaiśca cchinnabhinnāṅgamānasau

उस युद्ध में उसके द्वारा उन दोनों दैत्यश्रेष्ठों का वध हुआ — उसके बाणों से तथा काम के बाणों से भी, जिनसे उनके शरीर और मन दोनों छिन्न-भिन्न हो गए।

श्लोक 48 (shiva.vayaviya.25.48)

तद्युद्धविस्तरश्चात्र न कृतोऽन्यत्र वर्णनात् । ऊहनीयं परस्माच्च प्रस्तुतं वर्णयामि वः

tadyuddhavistaraścātra na kṛto'nyatra varṇanāt | ūhanīyaṁ parasmācca prastutaṁ varṇayāmi vaḥ

उस युद्ध का विस्तार यहाँ नहीं किया गया है, क्योंकि उसका वर्णन अन्यत्र हो चुका है। शेष विषय को अनुमान से समझ लेना चाहिए; अब मैं प्रस्तुत विषय का ही वर्णन करता हूँ।