व्याघ्र की भक्ति का वर्णन

श्लोक 1 (shiva.vayaviya.26.1)

वायुरुवाच । उत्पाद्य कौशिकीं गौरी ब्रह्मणे प्रतिपाद्य ताम् । तस्य प्रत्युपकाराय पितामहमथाब्रवीत्

vāyuruvāca | utpādya kauśikīṁ gaurī brahmaṇe pratipādya tām | tasya pratyupakārāya pitāmahamathābravīt

वायु ने कहा — कौशिकी को उत्पन्न करके और उसे ब्रह्मा को सौंपकर, गौरी ने फिर उस उपकार के प्रत्युपकार में पितामह (ब्रह्मा) से कहा।

श्लोक 2 (shiva.vayaviya.26.2)

देव्युवाच । दृष्टः किमेष भवता शार्दूलो मदुपाश्रयः । अनेन दुष्टसत्त्वेभ्यो रक्षितं मत्तपोवनम्

devyuvāca | dṛṣṭaḥ kimeṣa bhavatā śārdūlo madupāśrayaḥ | anena duṣṭasattvebhyo rakṣitaṁ mattapovanam

देवी ने कहा — क्या आपने इस शार्दूल (बाघ) को देखा, जो मेरा आश्रित है? इसी के द्वारा मेरा तपोवन दुष्ट प्राणियों से सुरक्षित रहा है।

श्लोक 3 (shiva.vayaviya.26.3)

मय्यर्पितमना एष भजते मामनन्यधीः । अस्य संरक्षणादन्यत्प्रियं मम न विद्यते

mayyarpitamanā eṣa bhajate māmananyadhīḥ | asya saṁrakṣaṇādanyatpriyaṁ mama na vidyate

यह मुझमें मन अर्पित करके अनन्य बुद्धि से मेरा भजन करता है। इसकी रक्षा से बढ़कर मुझे कुछ भी प्रिय नहीं है।

श्लोक 4 (shiva.vayaviya.26.4)

भवितव्यमनेनातो ममान्तःपुरचारिणा । गणेश्वरपदं चास्मै प्रीत्या दास्यति शङ्करः

bhavitavyamanenāto mamāntaḥpuracāriṇā | gaṇeśvarapadaṁ cāsmai prītyā dāsyati śaṅkaraḥ

अतः इसे मेरे अंतःपुर में विचरण करने वाला होना चाहिए, और शंकर भी प्रसन्न होकर इसे गणेश्वर का पद प्रदान करेंगे।

श्लोक 5 (shiva.vayaviya.26.5)

एनमग्रेसरं कृत्वा सखीभिर्गन्तुमुत्सहे । प्रदीयतामनुज्ञा मे प्रजानां पतिना त्वया

enamagresaraṁ kṛtvā sakhībhirgantumutsahe | pradīyatāmanujñā me prajānāṁ patinā tvayā

इसे अग्रगामी बनाकर मैं सखियों सहित जाने का उत्साह रखती हूँ। हे प्रजापति! आप मुझे इसकी अनुमति दें।

श्लोक 6 (shiva.vayaviya.26.6)

इत्युक्तः प्रहसन्ब्रह्मा देवीं मुग्धामिव स्मयन् । तस्य तीव्रैः पुरावृत्तैर्दौरात्म्यं समवर्णयत्

ityuktaḥ prahasanbrahmā devīṁ mugdhāmiva smayan | tasya tīvraiḥ purāvṛttairdaurātmyaṁ samavarṇayat

यह सुनकर ब्रह्मा हँस पड़े, मानो देवी की भोली बात पर मुस्कराते हुए, और उन्होंने बाघ के पूर्व-वृत्तांत की तीव्र दुष्टताओं का वर्णन किया।

श्लोक 7 (shiva.vayaviya.26.7)

ब्रह्मोवाच । पशौ देवि मृगाः क्रूराः क्व च तेऽनुग्रहः शुभः । आशीविषमुखे साक्षादमृतं किं निषिच्यते

brahmovāca | paśau devi mṛgāḥ krūrāḥ kva ca te'nugrahaḥ śubhaḥ | āśīviṣamukhe sākṣādamṛtaṁ kiṁ niṣicyate

ब्रह्मा ने कहा — हे देवी! पशु तो क्रूर मृग होते हैं, उन पर शुभ अनुग्रह कहाँ फबता है? क्या विषधर सर्प के मुख में साक्षात् अमृत उँडेला जाता है?

श्लोक 8 (shiva.vayaviya.26.8)

व्याघ्रमात्रेण सन्नेष दुष्टः कोऽपि निशाचरः । अनेन भक्षिता गावो ब्राह्मणाश्च तपोधनाः

vyāghramātreṇa sanneṣa duṣṭaḥ ko'pi niśācaraḥ | anena bhakṣitā gāvo brāhmaṇāśca tapodhanāḥ

यह मात्र बाघ नहीं है, यह कोई दुष्ट निशाचर है। इसने कितनी ही गायों और तपोधन ब्राह्मणों को खा डाला है।

श्लोक 9 (shiva.vayaviya.26.9)

तर्पयंस्तान् यथाकामं कामरूपी चरत्यसौ । अवश्यं खलु भोक्तव्यं फलं पापस्य कर्मणः

tarpayaṁstān yathākāmaṁ kāmarūpī caratyasau | avaśyaṁ khalu bhoktavyaṁ phalaṁ pāpasya karmaṇaḥ

यह कामरूपधारी उन्हें यथेच्छ तृप्त करता हुआ विचरता है। पाप-कर्म का फल तो अवश्य ही भोगना पड़ता है।

श्लोक 10 (shiva.vayaviya.26.10)

अतः किं कृपया कृत्यमीदृशेषु दुरात्मसु । अनेन देव्याः किं कृत्यं प्रकृत्या कलुषात्मना

ataḥ kiṁ kṛpayā kṛtyamīdṛśeṣu durātmasu | anena devyāḥ kiṁ kṛtyaṁ prakṛtyā kaluṣātmanā

अतः ऐसे दुरात्माओं पर कृपा करके क्या करना है? देवी को ऐसे स्वभाव से ही कलुषित प्राणी से क्या प्रयोजन है?

श्लोक 11 (shiva.vayaviya.26.11)

देव्युवाच । यदुक्तं भवता सर्वं तथ्यमस्त्वयमीदृशः । तथापि मां प्रपन्नोऽभून्न त्याज्यो मामुपाश्रितः

devyuvāca | yaduktaṁ bhavatā sarvaṁ tathyamastvayamīdṛśaḥ | tathāpi māṁ prapanno'bhūnna tyājyo māmupāśritaḥ

देवी ने कहा — आपने जो कुछ कहा, वह सब सत्य हो, यह वैसा ही हो — फिर भी यह मेरी शरण में आया है, और मेरा शरणागत त्याज्य नहीं है।

श्लोक 12 (shiva.vayaviya.26.12)

ब्रह्मोवाच । अस्य भक्तिमविज्ञाय प्राग्वृत्तं ते निवेदितम् । भक्तिश्चेदस्य किं पापैर्न ते भक्तः प्रणश्यति

brahmovāca | asya bhaktimavijñāya prāgvṛttaṁ te niveditam | bhaktiścedasya kiṁ pāpairna te bhaktaḥ praṇaśyati

ब्रह्मा ने कहा — इसकी भक्ति को न जानते हुए ही मैंने आपसे इसका पूर्व-वृत्तांत निवेदन किया था। यदि इसमें भक्ति है, तो पापों से क्या हानि — आपका भक्त तो नष्ट नहीं होता।

श्लोक 13 (shiva.vayaviya.26.13)

पुण्यकर्मापि किं कुर्य्यात्त्वदीयाज्ञानपेक्षया । अजा प्रज्ञा पुराणी च त्वमेव परमेश्वरी

puṇyakarmāpi kiṁ kuryyāttvadīyājñānapekṣayā | ajā prajñā purāṇī ca tvameva parameśvarī

आपकी आज्ञा की अपेक्षा में पुण्य-कर्म भी क्या कर सकता है? आप ही वह अजा, आदिम प्रज्ञा और परमेश्वरी हैं।

श्लोक 14 (shiva.vayaviya.26.14)

त्वदधीना हि सर्वेषां बन्धमोक्षव्यवस्थितिः । त्वदृते परमा शक्तिः संसिद्धिः कस्य कर्मणा

tvadadhīnā hi sarveṣāṁ bandhamokṣavyavasthitiḥ | tvadṛte paramā śaktiḥ saṁsiddhiḥ kasya karmaṇā

क्योंकि सभी प्राणियों के बंधन और मोक्ष की व्यवस्था आपके ही अधीन है। आपके बिना, हे परम शक्ति, किसका कर्म सिद्धि प्राप्त कर सकता है?

श्लोक 15 (shiva.vayaviya.26.15)

त्वमेव विविधा शक्तिः भवानामथ वा स्वयम् । अशक्तः कर्मकरणे कर्ता वा किं करिष्यति

tvameva vividhā śaktiḥ bhavānāmatha vā svayam | aśaktaḥ karmakaraṇe kartā vā kiṁ kariṣyati

आप ही समस्त भावों की विविध शक्ति हैं, अथवा स्वयं वे भाव ही हैं। शक्तिहीन कर्ता कर्म करने में क्या कर सकता है?

श्लोक 16 (shiva.vayaviya.26.16)

विष्णोश्च मम चान्येषां देवदानवरक्षसाम् । तत्तदैश्वर्यसम्प्राप्त्यै तवैवाज्ञा हि कारणम्

viṣṇośca mama cānyeṣāṁ devadānavarakṣasām | tattadaiśvaryasamprāptyai tavaivājñā hi kāraṇam

विष्णु के लिए, मेरे लिए, और अन्य देव-दानव-राक्षसों के लिए भी, उनके-उनके ऐश्वर्य की प्राप्ति का कारण आपकी ही आज्ञा है।

श्लोक 17 (shiva.vayaviya.26.17)

अतीताः खल्वसङ्ख्याता ब्रह्माणो हरयो भवाः । अनागतास्त्वसङ्ख्यातास्त्वदाज्ञानुविधायिनः

atītāḥ khalvasaṅkhyātā brahmāṇo harayo bhavāḥ | anāgatāstvasaṅkhyātāstvadājñānuvidhāyinaḥ

बीते हुए ब्रह्मा, विष्णु और शिव सचमुच असंख्य हैं, और भविष्य के भी असंख्य होंगे — सभी आपकी आज्ञा का ही अनुसरण करने वाले।

श्लोक 18 (shiva.vayaviya.26.18)

त्वामनाराध्य देवेशि पुरुषार्थचतुष्टयम् । लब्धुं न शक्यमस्माभिरपि सर्वैः सुरोत्तमैः

tvāmanārādhya deveśi puruṣārthacatuṣṭayam | labdhuṁ na śakyamasmābhirapi sarvaiḥ surottamaiḥ

हे देवेशि! आपकी आराधना किए बिना पुरुषार्थ-चतुष्टय (धर्म, अर्थ, काम, मोक्ष) को हम समस्त श्रेष्ठ देवगण भी प्राप्त नहीं कर सकते।

श्लोक 19 (shiva.vayaviya.26.19)

व्यत्यासोऽपि भवेत्सद्यो ब्रह्मत्वस्थावरत्वयोः । सुकृतं दुष्कृतं चापि त्वयैव स्थापितं यतः

vyatyāso'pi bhavetsadyo brahmatvasthāvaratvayoḥ | sukṛtaṁ duṣkṛtaṁ cāpi tvayaiva sthāpitaṁ yataḥ

ब्रह्मत्व और जड़ता (स्थावरत्व) का व्यत्यास भी तत्काल हो सकता है, क्योंकि पुण्य और पाप दोनों की स्थापना आपने ही की है।

श्लोक 20 (shiva.vayaviya.26.20)

त्वं हि सर्वजगद्भर्तुः शिवस्य परमात्मनः । अनादिमध्यनिधना शक्तिराद्या सनातनी

tvaṁ hi sarvajagadbhartuḥ śivasya paramātmanaḥ | anādimadhyanidhanā śaktirādyā sanātanī

आप ही सम्पूर्ण जगत् के स्वामी, परमात्मा शिव की आदि-अन्त-रहित, मध्य-रहित, आदिमा और सनातनी शक्ति हैं।

श्लोक 21 (shiva.vayaviya.26.21)

समस्तलोकयात्रार्थं मूर्तिमाविश्य कामपि । क्रीडसे विविधैर्भावैः कस्त्वां जानाति तत्त्वतः

samastalokayātrārthaṁ mūrtimāviśya kāmapi | krīḍase vividhairbhāvaiḥ kastvāṁ jānāti tattvataḥ

समस्त लोकों की व्यवस्था के लिए किसी न किसी रूप में प्रविष्ट होकर आप विविध भावों से क्रीड़ा करती हैं। आपको वास्तव में कौन जान सकता है?

श्लोक 22 (shiva.vayaviya.26.22)

अतो दुष्कृतकर्मापि व्याघ्रोऽयं त्वदनुग्रहात् । प्राप्नोतु परमां सिद्धिमत्र कः प्रतिबन्धकः

ato duṣkṛtakarmāpi vyāghro'yaṁ tvadanugrahāt | prāpnotu paramāṁ siddhimatra kaḥ pratibandhakaḥ

अतः यह बाघ, दुष्कर्म करने वाला होते हुए भी, आपके अनुग्रह से परम सिद्धि प्राप्त करे — इसमें बाधक कौन है?

श्लोक 23 (shiva.vayaviya.26.23)

इत्यात्मनः परं भावं स्मारयित्वानुरूपतः । ब्रह्मणाभ्यर्थिता गौरी तपसोऽपि न्यवर्तत

ityātmanaḥ paraṁ bhāvaṁ smārayitvānurūpataḥ | brahmaṇābhyarthitā gaurī tapaso'pi nyavartata

इस प्रकार अपने ही परम स्वरूप का उचित रूप से स्मरण कराकर, ब्रह्मा द्वारा प्रार्थित गौरी ने अपने तप को भी विराम दिया।

श्लोक 24 (shiva.vayaviya.26.24)

ततो देवीमनुज्ञाप्य ब्रह्मण्यन्तर्हिते सति । देवीं च मातरं दृष्ट्वा मेनां हिमवता सह

tato devīmanujñāpya brahmaṇyantarhite sati | devīṁ ca mātaraṁ dṛṣṭvā menāṁ himavatā saha

तब देवी से अनुमति लेकर ब्रह्मा अंतर्धान हो गए। और अपनी माता मेना को हिमवान् के साथ देखकर, देवी ने —

श्लोक 25 (shiva.vayaviya.26.25)

प्रणम्याश्वास्य बहुधा पितरौ विरहासहौ । तपः प्रणयिनो देवी तपोवनमहीरुहान्

praṇamyāśvāsya bahudhā pitarau virahāsahau | tapaḥ praṇayino devī tapovanamahīruhān

वियोग को सहन न कर सकने वाले अपने माता-पिता को प्रणाम कर और अनेक प्रकार से सांत्वना देकर, अपने तप में सहभागी रहे तपोवन के वृक्षों की ओर देखा।

श्लोक 26 (shiva.vayaviya.26.26)

विप्रयोगशुचेवाग्रे पुष्पबाष्पं विमुञ्चतः । तत्तच्छाखासमारूढविहगोदीरितै रुतैः

viprayogaśucevāgre puṣpabāṣpaṁ vimuñcataḥ | tattacchākhāsamārūḍhavihagodīritai rutaiḥ

वे वृक्ष मानो वियोग के शोक से आगे ही पुष्प-रूपी आँसू बहाते प्रतीत हुए, और उनकी विभिन्न शाखाओं पर बैठे पक्षियों की बोलियाँ —

श्लोक 27 (shiva.vayaviya.26.27)

व्याकुलं बहुधा दीनं विलापमिव कुर्वतः । सखीभ्यः कथयन्त्वेवं सत्त्वरा भर्तृदर्शने

vyākulaṁ bahudhā dīnaṁ vilāpamiva kurvataḥ | sakhībhyaḥ kathayantvevaṁ sattvarā bhartṛdarśane

मानो व्याकुल और करुण विलाप ही कर रही हों — इस प्रकार सखियों से कहती हुई देवी अपने पति के दर्शन के लिए शीघ्रता करने लगीं।

श्लोक 28 (shiva.vayaviya.26.28)

पुरस्कृत्य च तं व्याघ्रं स्नेहात्पुत्रमिवौरसम् । देहस्य प्रभया चैव दीपयन्ती दिशो दश

puraskṛtya ca taṁ vyāghraṁ snehātputramivaurasam | dehasya prabhayā caiva dīpayantī diśo daśa

उस बाघ को स्नेहपूर्वक अपने ही सगे पुत्र के समान आगे करके, और अपने शरीर की आभा से दसों दिशाओं को प्रकाशित करती हुईं —

श्लोक 29 (shiva.vayaviya.26.29)

प्रययौ मन्दरं गौरी यत्र भर्ता महेश्वरः । सर्वेषां जगतां धाता कर्ता पाता विनाशकृत्

prayayau mandaraṁ gaurī yatra bhartā maheśvaraḥ | sarveṣāṁ jagatāṁ dhātā kartā pātā vināśakṛt

गौरी मन्दराचल की ओर चल पड़ीं, जहाँ उनके पति महेश्वर विराजमान थे — जो समस्त जगतों के विधाता, कर्ता, पालनकर्ता और संहारक हैं।