देवी-शिव मिलन का वर्णन

श्लोक 1 (shiva.vayaviya.27.1)

ऋषय ऊचुः । कृत्वा गौरं वपुर्दिव्यं देवी गिरिवरात्मजा । कथं ददर्श भर्तारं प्रविष्टा मन्दिरं सती

ṛṣaya ūcuḥ | kṛtvā gauraṁ vapurdivyaṁ devī girivarātmajā | kathaṁ dadarśa bhartāraṁ praviṣṭā mandiraṁ satī

ऋषियों ने कहा — दिव्य गौर शरीर धारण करके, पर्वतराज-पुत्री सती देवी ने भवन में प्रवेश करते हुए किस प्रकार अपने पति के दर्शन किए?

श्लोक 2 (shiva.vayaviya.27.2)

प्रवेशसमये तस्या भवनद्वारगोचरैः । गणेशैः किं कृतं देवस्तां दृष्ट्वा किं तदाकरोत्

praveśasamaye tasyā bhavanadvāragocaraiḥ | gaṇeśaiḥ kiṁ kṛtaṁ devastāṁ dṛṣṭvā kiṁ tadākarot

उनके प्रवेश के समय भवन-द्वार पर उपस्थित गणों ने क्या किया, और देवी को देखकर देव (शिव) ने तब क्या किया?

श्लोक 3 (shiva.vayaviya.27.3)

वायुरुवाच । प्रवक्तुमञ्जसाशक्यः तादृशः परमो रसः । येन प्रणयगर्भेण भावो भाववतां हृतः

vāyuruvāca | pravaktumañjasāśakyaḥ tādṛśaḥ paramo rasaḥ | yena praṇayagarbheṇa bhāvo bhāvavatāṁ hṛtaḥ

वायु ने कहा — वह परम रस, जिससे प्रेम से परिपूर्ण होकर भावुक हृदयों का भाव हर लिया गया, सरलता से वर्णन करना असंभव है।

श्लोक 4 (shiva.vayaviya.27.4)

द्वाःस्थैः ससम्भ्रमैरेव देवो देव्यागमोत्सुकः । शङ्कमाना प्रविष्टान्तस्तं च सा समपश्यत

dvāḥsthaiḥ sasambhramaireva devo devyāgamotsukaḥ | śaṅkamānā praviṣṭāntastaṁ ca sā samapaśyata

देवी के आगमन की उत्सुकता से भरे द्वारपाल घबराए हुए थे; भीतर प्रविष्ट होकर आशंकित देवी ने भी उन्हें (शिव को) देखा।

श्लोक 5 (shiva.vayaviya.27.5)

तैस्तैः प्रणयभावैश्च भवनान्तरवर्तिभिः । गणेन्द्रैर्वन्दिता वाचा प्रणनाम त्रियम्बकम्

taistaiḥ praṇayabhāvaiśca bhavanāntaravartibhiḥ | gaṇendrairvanditā vācā praṇanāma triyambakam

भवन के भीतर स्थित गणेश्वरों ने उन-उन प्रेम-भावों से युक्त वाणी से उनका अभिनन्दन किया, और उन्होंने त्रिनेत्रधारी शिव को प्रणाम किया।

श्लोक 6 (shiva.vayaviya.27.6)

प्रणम्य नोत्थिता यावत्तावत्तां परमेश्वरः । प्रगृह्य दोर्भ्यामाश्लिष्य परितः परया मुदा

praṇamya notthitā yāvattāvattāṁ parameśvaraḥ | pragṛhya dorbhyāmāśliṣya paritaḥ parayā mudā

प्रणाम करके वे उठ भी न पाई थीं कि परमेश्वर ने दोनों भुजाओं से उन्हें पकड़कर परम आनंद से सब ओर से आलिंगन कर लिया।

श्लोक 7 (shiva.vayaviya.27.7)

स्वाङ्के धर्तुं प्रवृत्तोऽपि सा पर्यङ्के न्यषीदत । पर्यङ्कतो बलाद्देवीं सोऽङ्कमारोप्य सुस्मिताम्

svāṅke dhartuṁ pravṛtto'pi sā paryaṅke nyaṣīdata | paryaṅkato balāddevīṁ so'ṅkamāropya susmitām

अपनी गोद में बिठाने का प्रयास करने पर भी वे पर्यंक पर ही बैठ गईं; तब उन्होंने बलपूर्वक मुस्कराती हुई देवी को पर्यंक से खींचकर अपनी गोद में बिठा लिया।

श्लोक 8 (shiva.vayaviya.27.8)

सस्मितो विवृतैर्नेत्रैस्तद्वक्त्रं प्रपिबन्निव । तया सम्भाषणायेशः पूर्वभाषितमब्रवीत्

sasmito vivṛtairnetraistadvaktraṁ prapibanniva | tayā sambhāṣaṇāyeśaḥ pūrvabhāṣitamabravīt

मुस्कराते हुए, विस्तृत नेत्रों से मानो उनके मुख को पीते हुए, ईश ने उनसे वार्तालाप करने के लिए पहले स्वयं यह कहा।

श्लोक 9 (shiva.vayaviya.27.9)

देवदेव उवाच । सा दशा च व्यतीता किं तव सर्वाङ्गसुन्दरि । यस्यामनुनयोपायः कोऽपि कोपान्न लभ्यते

devadeva uvāca | sā daśā ca vyatītā kiṁ tava sarvāṅgasundari | yasyāmanunayopāyaḥ ko'pi kopānna labhyate

देवदेव ने कहा — हे सर्वांगसुन्दरि! क्या वह अवस्था अब बीत गई, जिसमें तुम्हारे क्रोध का कोई शमन-उपाय ही नहीं मिलता था?

श्लोक 10 (shiva.vayaviya.27.10)

स्वेच्छयापि न कालीति नान्यवर्णवतीति च । त्वत्स्वभावहृतं चित्तं सुभ्रु चिन्तावहं मम

svecchayāpi na kālīti nānyavarṇavatīti ca | tvatsvabhāvahṛtaṁ cittaṁ subhru cintāvahaṁ mama

न तो तुम अपनी इच्छा से "काली" थीं, न किसी अन्य वर्ण की — हे सुभ्रु! तुम्हारे वास्तविक स्वभाव ने ही सदा मेरे मन को चिंतायुक्त कर रखा था।

श्लोक 11 (shiva.vayaviya.27.11)

विस्मृतः परमो भावः कथं स्वेच्छाङ्गयोगतः । न सम्भवन्ति ये तत्र चित्तकालुष्यहेतवः

vismṛtaḥ paramo bhāvaḥ kathaṁ svecchāṅgayogataḥ | na sambhavanti ye tatra cittakāluṣyahetavaḥ

अपने ही इच्छा से धारण किए शरीर के कारण हमारा परम स्वभाव कैसे विस्मृत हो सकता है? वहाँ चित्त की मलिनता के कोई कारण संभव ही नहीं हैं।

श्लोक 12 (shiva.vayaviya.27.12)

पृथग्जनवदन्योऽन्यं विप्रियस्यापि कारणम् । आवयोरपि यद्यस्ति नास्त्येवैतच्चराचरम्

pṛthagjanavadanyo'nyaṁ vipriyasyāpi kāraṇam | āvayorapi yadyasti nāstyevaitaccarācaram

यदि हम दोनों के बीच भी सामान्य जनों की भाँति परस्पर अप्रियता का कोई कारण होता, तो यह संपूर्ण चराचर जगत् ही अस्तित्व में न होता।

श्लोक 13 (shiva.vayaviya.27.13)

अहमग्निशिरोनिष्ठस्त्वं सोमशिरसि स्थिता । अग्नीषोमात्मकं विश्वमावाभ्यां समधिष्ठितम्

ahamagniśironiṣṭhastvaṁ somaśirasi sthitā | agnīṣomātmakaṁ viśvamāvābhyāṁ samadhiṣṭhitam

मैं अग्नि-शिखर पर स्थित हूँ, तुम सोम-शिखर पर स्थित हो; अग्नि और सोम के स्वरूप वाला यह विश्व हम दोनों द्वारा ही अधिष्ठित है।

श्लोक 14 (shiva.vayaviya.27.14)

जगद्धिताय चरतोः स्वेच्छाधृतशरीरयोः । आवयोर्विप्रयोगे हि स्यान्निरालम्बनं जगत्

jagaddhitāya caratoḥ svecchādhṛtaśarīrayoḥ | āvayorviprayoge hi syānnirālambanaṁ jagat

जगत् के हित के लिए स्वेच्छा से धारण किए शरीरों से विचरण करने वाले हम दोनों का यदि वियोग हो जाए, तो यह जगत् आधारहीन हो जाएगा।

श्लोक 15 (shiva.vayaviya.27.15)

अस्ति हेत्वन्तरं चात्र शास्त्रयुक्तिविनिश्चितम् । वागर्थमिव चैवैतज्जगत्स्थावरजङ्गमम्

asti hetvantaraṁ cātra śāstrayuktiviniścitam | vāgarthamiva caivaitajjagatsthāvarajaṅgamam

इसका एक और भी कारण है, जो शास्त्रों के तर्क से निश्चित है — यह चराचर जगत् मानो वाणी और उसके अर्थ के समान है।

श्लोक 16 (shiva.vayaviya.27.16)

त्वं हि वागमृतं साक्षादहमर्थामृतं परम् । द्वयमप्यमृतं कस्माद्वियुक्तमुपपद्यते

tvaṁ hi vāgamṛtaṁ sākṣādahamarthāmṛtaṁ param | dvayamapyamṛtaṁ kasmādviyuktamupapadyate

तुम साक्षात् वाणी का अमृत हो, मैं अर्थ का परम अमृत हूँ — दोनों ही अमृत होकर परस्पर वियुक्त कैसे हो सकते हैं?

श्लोक 17 (shiva.vayaviya.27.17)

विद्याप्रत्यायिका त्वं मे वेद्योऽहं प्रत्ययात्तव । विद्यावेद्यात्मनोरेव विश्लेषः कथमावयोः

vidyāpratyāyikā tvaṁ me vedyo'haṁ pratyayāttava | vidyāvedyātmanoreva viśleṣaḥ kathamāvayoḥ

तुम मुझे प्रतीति कराने वाली विद्या हो, मैं तुम्हारी प्रतीति से जाना जाने वाला वेद्य हूँ — विद्या और वेद्य के स्वरूप वाले हम दोनों में विश्लेष कैसे हो सकता है?

श्लोक 18 (shiva.vayaviya.27.18)

न कर्मणा सृजामीदं जगत्प्रतिसृजामि च । सर्वस्याज्ञैकलभ्यत्वादाज्ञात्वं हि गरीयसी

na karmaṇā sṛjāmīdaṁ jagatpratisṛjāmi ca | sarvasyājñaikalabhyatvādājñātvaṁ hi garīyasī

मैं कर्म से इस जगत् की सृष्टि नहीं करता, न ही उसका संहार करता हूँ — क्योंकि सब कुछ केवल आज्ञा से ही प्राप्त होता है, इसलिए आज्ञा-शक्ति ही सर्वश्रेष्ठ है।

श्लोक 19 (shiva.vayaviya.27.19)

आज्ञैकसारमैश्वर्यं यस्मात्स्वातन्त्र्यलक्षणम् । आज्ञया विप्रयुक्तस्य चैश्वर्यं मम कीदृशम्

ājñaikasāramaiśvaryaṁ yasmātsvātantryalakṣaṇam | ājñayā viprayuktasya caiśvaryaṁ mama kīdṛśam

क्योंकि स्वातंत्र्य-लक्षण ऐश्वर्य का सार आज्ञा में ही निहित है, इसलिए आज्ञा से (अर्थात् तुमसे) पृथक् हुए मेरे ऐश्वर्य का स्वरूप ही क्या रह जाएगा?

श्लोक 20 (shiva.vayaviya.27.20)

न कदाचिदवस्थानमावयोर्विप्रयुक्तयोः । देवानां कार्यमुद्दिश्य लीलोक्तिं कृतवानहम्

na kadācidavasthānamāvayorviprayuktayoḥ | devānāṁ kāryamuddiśya līloktiṁ kṛtavānaham

हम दोनों वियुक्त हों, ऐसी अवस्था कभी नहीं है। देवताओं के कार्य के निमित्त ही मैंने वह लीला-वचन कहा था।

श्लोक 21 (shiva.vayaviya.27.21)

त्वयाप्यविदितं नास्ति कथं कुपितवत्यसि । ततस्त्रिलोकरक्षार्थे कोपो मय्यपि ते कृतः

tvayāpyaviditaṁ nāsti kathaṁ kupitavatyasi | tatastrilokarakṣārthe kopo mayyapi te kṛtaḥ

तुमसे भी कुछ अज्ञात नहीं है, फिर तुम कैसे रुष्ट हो सकती थीं? त्रिलोक की रक्षा के लिए ही तुमने मुझ पर भी क्रोध किया था।

श्लोक 22 (shiva.vayaviya.27.22)

यदनर्थाय भूतानां न तदस्ति खलु त्वयि । इति प्रियंवदे साक्षादीश्वरे परमेश्वरे

yadanarthāya bhūtānāṁ na tadasti khalu tvayi | iti priyaṁvade sākṣādīśvare parameśvare

क्योंकि प्राणियों के अहित के लिए कुछ भी तुममें नहीं है — इस प्रकार प्रियवादी, साक्षात् ईश्वर, परमेश्वर ने कहा।

श्लोक 23 (shiva.vayaviya.27.23)

शृङ्गारभावसाराणां जन्मभूमिरकृत्रिमा । स्वभर्त्रा ललितं तथ्यमुक्तं मत्वा स्मितोत्तरम्

śṛṅgārabhāvasārāṇāṁ janmabhūmirakṛtrimā | svabhartrā lalitaṁ tathyamuktaṁ matvā smitottaram

शृंगार-भाव के सारतत्त्व की स्वाभाविक जन्मभूमि देवी ने अपने पति की इस ललित और सत्य वाणी को समझकर मुस्कराते हुए उत्तर दिया।

श्लोक 24 (shiva.vayaviya.27.24)

लज्जया न किमप्यूचे कौशिकी वर्णनात्परम् । तदेव वर्णयाम्यद्य शृणु देव्याश्च वर्णनम्

lajjayā na kimapyūce kauśikī varṇanātparam | tadeva varṇayāmyadya śṛṇu devyāśca varṇanam

कौशिकी ने लज्जावश उस वर्णन (जो पहले हो चुका था) से आगे कुछ न कहा। अब मैं उसी का वर्णन करता हूँ — देवी के उस वृत्तांत को सुनो।

श्लोक 25 (shiva.vayaviya.27.25)

देव्युवाच । किं देवेन न सा दृष्टा या सृष्टा कौशिकी मया । तादृशी कन्यका लोके न भूता न भविष्यति

devyuvāca | kiṁ devena na sā dṛṣṭā yā sṛṣṭā kauśikī mayā | tādṛśī kanyakā loke na bhūtā na bhaviṣyati

देवी ने कहा — क्या देव ने उसे नहीं देखा — कौशिकी को, जिसे मैंने ही उत्पन्न किया? ऐसी कन्या न कभी संसार में हुई है, न कभी होगी।

श्लोक 26 (shiva.vayaviya.27.26)

तस्या वीर्यं बलं विन्ध्यनिलयं विजयं तथा । शुम्भस्य च निशुम्भस्य मारणे च रणे तयोः

tasyā vīryaṁ balaṁ vindhyanilayaṁ vijayaṁ tathā | śumbhasya ca niśumbhasya māraṇe ca raṇe tayoḥ

उसका पराक्रम, उसका बल, विंध्य पर्वत पर उसका निवास, तथा शुम्भ और निशुम्भ को युद्ध में मारने में उसकी विजय —

श्लोक 27 (shiva.vayaviya.27.27)

प्रत्यक्षफलदानं च लोकाय भजते सदा । लोकानां रक्षणं शश्वद् ब्रह्मा विज्ञापयिष्यति

pratyakṣaphaladānaṁ ca lokāya bhajate sadā | lokānāṁ rakṣaṇaṁ śaśvad brahmā vijñāpayiṣyati

यह सब सदा ही संसार को प्रत्यक्ष फल प्रदान करता है, और लोकों की निरंतर रक्षा का वृत्तांत ब्रह्मा स्वयं आपको बताएँगे।

श्लोक 28 (shiva.vayaviya.27.28)

इति सम्भाषमाणाया देव्या एवाज्ञया तदा । व्याघ्रः सख्या समानीय पुरोऽवस्थापितस्तदा

iti sambhāṣamāṇāyā devyā evājñayā tadā | vyāghraḥ sakhyā samānīya puro'vasthāpitastadā

इस प्रकार देवी के वार्तालाप करते समय, उन्हीं की आज्ञा से एक सखी ने उस बाघ को लाकर उनके सामने खड़ा कर दिया।

श्लोक 29 (shiva.vayaviya.27.29)

तं प्रेक्ष्याह पुनर्देवी देवानीतमुपायतम् । व्याघ्रं पश्य न चानेन सदृशो मदुपासकः

taṁ prekṣyāha punardevī devānītamupāyatam | vyāghraṁ paśya na cānena sadṛśo madupāsakaḥ

उसे देखकर देवी ने फिर कहा — देखिए, देव द्वारा उचित रीति से लाए गए इस बाघ के समान मेरा कोई उपासक नहीं है।

श्लोक 30 (shiva.vayaviya.27.30)

अनेन दुष्टसङ्घेभ्यो रक्षितं मत्तपोवनम् । अतीव मम भक्तश्च विश्रब्धश्च स्वरक्षणात्

anena duṣṭasaṅghebhyo rakṣitaṁ mattapovanam | atīva mama bhaktaśca viśrabdhaśca svarakṣaṇāt

इसी के द्वारा मेरा तपोवन दुष्ट समूहों से सुरक्षित रहा है। यह मेरा अत्यंत भक्त है, और अपनी ही रक्षा करते हुए मेरा पूर्ण विश्वासपात्र बना है।

श्लोक 31 (shiva.vayaviya.27.31)

स्वदेशं च परित्यज्य प्रसादार्थं समागतः । यदि प्रीतिरभून्मत्तः परां प्रीतिं करोषि मे

svadeśaṁ ca parityajya prasādārthaṁ samāgataḥ | yadi prītirabhūnmattaḥ parāṁ prītiṁ karoṣi me

यह अपना ही देश त्यागकर आपकी कृपा के लिए यहाँ आया है। यदि आपको मुझसे प्रेम है, तो मुझ पर परम कृपा यही करें (कि इसे अपनाएँ)।

श्लोक 32 (shiva.vayaviya.27.32)

नित्यमन्तःपुरद्वारि नियोगान्नन्दिनः स्वयम् । रक्षिभिः सह तच्चिह्नैर्वर्ततामयमीश्वर

nityamantaḥpuradvāri niyogānnandinaḥ svayam | rakṣibhiḥ saha taccihnairvartatāmayamīśvara

हे ईश्वर! यह नित्य अंतःपुर के द्वार पर, नियुक्त होकर, स्वयं नंदी के साथ, रक्षकों के मध्य अपने चिह्नों सहित रहे।

श्लोक 33 (shiva.vayaviya.27.33)

वायुरुवाच । मधुरं प्रणयोदर्कं श्रुत्वा देव्याः शुभं वचः । प्रीतोऽस्मीत्याह तं देवः स चादृश्यत तत्क्षणात्

vāyuruvāca | madhuraṁ praṇayodarkaṁ śrutvā devyāḥ śubhaṁ vacaḥ | prīto'smītyāha taṁ devaḥ sa cādṛśyata tatkṣaṇāt

वायु ने कहा — देवी के इस मधुर और प्रेमपूर्ण फलदायी वचन को सुनकर देव ने उससे कहा, "मैं प्रसन्न हूँ" — और वह उसी क्षण अपने नए रूप में प्रकट हो गया।

श्लोक 34 (shiva.vayaviya.27.34)

बिभ्रद्वेत्रलतां हैमीं रत्नचित्रं च कञ्चुकम् । छुरिकामुरगप्रख्यां गणेशो रक्षवेषधृक्

bibhradvetralatāṁ haimīṁ ratnacitraṁ ca kañcukam | churikāmuragaprakhyāṁ gaṇeśo rakṣaveṣadhṛk

स्वर्णिम बेंत की छड़ी, रत्नों से चित्रित वस्त्र और सर्पाकार छुरिका धारण किए हुए, वह गणेश्वर रक्षक का वेश धारण कर गया।

श्लोक 35 (shiva.vayaviya.27.35)

यस्मात्सोमो महादेवो नन्दी चानेन नन्दितः । सोमनन्दीति विख्यातस्तस्मादेष समाख्यया

yasmātsomo mahādevo nandī cānena nanditaḥ | somanandīti vikhyātastasmādeṣa samākhyayā

चूँकि सोम अर्थात् महादेव तथा नंदी दोनों ही इससे आनंदित (नंदित) हुए, इसलिए यह "सोमनन्दी" नाम से विख्यात हुआ।

श्लोक 36 (shiva.vayaviya.27.36)

इत्थं देव्याः प्रियं कृत्वा देवश्चार्द्धेन्दुभूषणः । भूषयामास तं दिव्यैर्भूषणै रत्नभूषितैः

itthaṁ devyāḥ priyaṁ kṛtvā devaścārddhendubhūṣaṇaḥ | bhūṣayāmāsa taṁ divyairbhūṣaṇai ratnabhūṣitaiḥ

इस प्रकार देवी को प्रसन्न करके, अर्धचंद्र को भूषण धारण करने वाले देव ने उसे भी दिव्य, रत्न-जटित आभूषणों से सुसज्जित किया।

श्लोक 37 (shiva.vayaviya.27.37)

ततः स गौरीं गिरिशो गिरीन्द्रजां सगौरवां सर्वमनोहरां हरः । पर्यङ्कमारोप्य वराङ्गभूषणै- र्विभूषयामास शशाङ्कभूषणः

tataḥ sa gaurīṁ giriśo girīndrajāṁ sagauravāṁ sarvamanoharāṁ haraḥ | paryaṅkamāropya varāṅgabhūṣaṇai- rvibhūṣayāmāsa śaśāṅkabhūṣaṇaḥ

तत्पश्चात् शशांक को भूषण धारण करने वाले गिरीश हर ने, सर्वमनोहर और आदरणीय गिरिराज-पुत्री गौरी को पर्यंक पर बिठाकर, उत्तम आभूषणों से उन्हें सुसज्जित किया।