श्रीशिवमहापुराण की महिमा

श्लोक 1 (shiva.vayaviya.76.1)

सूत उवाच । तत्र स्कन्दसरो नाम सरः सागरसन्निभम् । अमृतस्वादुशिशिरस्वच्छागाधलघूदकम्

sūta uvāca | tatra skandasaro nāma saraḥ sāgarasannibham | amṛtasvāduśiśirasvacchāgādhalaghūdakam

सूत ने कहा - वहाँ स्कन्दसर नामक एक सरोवर था, जो समुद्र के समान विशाल था, जिसका जल अमृत के समान मधुर, शीतल, स्वच्छ, अथाह और हल्का था,

श्लोक 2 (shiva.vayaviya.76.2)

समन्ततः सङ्घटितं स्फटिकोपलसञ्चयैः । सर्वर्तुकुसुमैः फुल्लैश्छादिताखिलदिङ्मुखम्

samantataḥ saṅghaṭitaṃ sphaṭikopalasañcayaiḥ | sarvartukusumaiḥ phullaiśchāditākhiladiṅmukham

जो सब ओर से स्फटिक-पाषाणों के समूहों से घिरा हुआ था, जिसकी समस्त दिशाएँ ऋतु-ऋतु में खिले हुए पुष्पों से आच्छादित थीं,

श्लोक 3 (shiva.vayaviya.76.3)

शैवलैरुत्पलैः पद्मैः कुमुदैस्तारकोपमैः । तरङ्गैरभ्रसङ्काशैराकाशमिव भूमिगम्

śaivalairutpalaiḥ padmaiḥ kumudaistārakopamaiḥ | taraṅgairabhrasaṅkāśairākāśamiva bhūmigam

शैवाल, नीलकमल, कमल और तारों के समान कुमुदों से युक्त, जिसकी तरंगें मेघों के समान थीं - मानो आकाश ही भूमि पर उतर आया हो,

श्लोक 4 (shiva.vayaviya.76.4)

सुखावतरणारोहैः स्थलैर्नीलशिलामयैः । सोपानमार्गौ रुचिरैः शोभमानाष्टदिङ्मुखम्

sukhāvataraṇārohaiḥ sthalairnīlaśilāmayaiḥ | sopānamārgau ruciraiḥ śobhamānāṣṭadiṅmukham

सुखपूर्वक उतरने-चढ़ने योग्य नीले पाषाणों से बने स्थलों वाला, जिसकी मनोहर सोपान-मार्गों वाली आठों दिशाएँ शोभायमान थीं;

श्लोक 5 (shiva.vayaviya.76.5)

तत्रावतीर्णैश्च यथा तत्रोत्तीर्णैश्च भूयसा । स्नातैः सितोपवीतैश्च शुक्लाकौपीनवल्कलैः

tatrāvatīrṇaiśca yathā tatrottīrṇaiśca bhūyasā | snātaiḥ sitopavītaiśca śuklākaupīnavalkalaiḥ

वहाँ उतरते और वहाँ से अधिक संख्या में स्नान करके निकलते हुए, श्वेत यज्ञोपवीत, श्वेत कौपीन और वल्कल धारण किए हुए,

श्लोक 6 (shiva.vayaviya.76.6)

जटाशिखायनैर्मुण्डैस्त्रिपुण्ड्रकृतमण्डनैः । विरागविवशस्मेरमुखैर्मुनिकुमारकैः

jaṭāśikhāyanairmuṇḍaistripuṇḍrakṛtamaṇḍanaiḥ | virāgavivaśasmeramukhairmunikumārakaiḥ

जटा-शिखा बाँधे हुए अथवा मुंडित सिर वाले, त्रिपुण्ड्र से सुशोभित, वैराग्य में विवश हुए मुस्कुराते हुए मुखों वाले तरुण मुनियों से,

श्लोक 7 (shiva.vayaviya.76.7)

घटैः कमलिनीपत्रपुटैश्च कलशैः शिवैः । कमण्डलुभिरन्यैश्च तादृशैः करकादिभिः

ghaṭaiḥ kamalinīpatrapuṭaiśca kalaśaiḥ śivaiḥ | kamaṇḍalubhiranyaiśca tādṛśaiḥ karakādibhiḥ

घड़ों से, कमलिनी-पत्तों के दोनों से, मंगलमय कलशों से, कमण्डलुओं से, और उसी प्रकार के अन्य पात्रों से युक्त,

श्लोक 8 (shiva.vayaviya.76.8)

आत्मार्थं च परार्थं च देवतार्थं विशेषतः । आनीयमानसलिलमात्तपुष्पं च नित्यशः

ātmārthaṃ ca parārthaṃ ca devatārthaṃ viśeṣataḥ | ānīyamānasalilamāttapuṣpaṃ ca nityaśaḥ

अपने लिए, दूसरों के लिए, और विशेष रूप से देवताओं के लिए जल लाने वाले, तथा प्रतिदिन पुष्प चुनने वाले,

श्लोक 9 (shiva.vayaviya.76.9)

अन्तर्जलशिलारूढैर्नीचानां स्पर्शशङ्कया । आचारवद्भिर्मुनिभिः कृतभस्माङ्गधूसरैः

antarjalaśilārūḍhairnīcānāṃ sparśaśaṅkayā | ācāravadbhirmunibhiḥ kṛtabhasmāṅgadhūsaraiḥ

अनुचितों के स्पर्श की आशंका से जल के भीतर पाषाणों पर खड़े हुए सदाचारी मुनियों से, जिनके अंग भस्म से धूसरित थे,

श्लोक 10 (shiva.vayaviya.76.10)

इतस्ततोऽप्सु मज्जद्भिरिष्टशिष्टैः शिलागतैः । तिलैश्च साक्षतैः पुष्पैस्त्यक्तदर्भपवित्रकैः

itastato'psu majjadbhiriṣṭaśiṣṭaiḥ śilāgataiḥ | tilaiśca sākṣataiḥ puṣpaistyaktadarbhapavitrakaiḥ

इधर-उधर जल में डुबकी लगाने वाले सुशिक्षित तपस्वियों से, जो पाषाणों पर बैठकर तिल, अक्षत और पुष्पों से (पूजा करके) कुश-पवित्रकों को त्याग देते थे,

श्लोक 11 (shiva.vayaviya.76.11)

देवाद्यमृषिमध्यं च निर्वर्त्य पितृतर्पणम् । निवेदयेदभिज्ञेभ्यो नित्यस्नानगतान् द्विजान्

devādyamṛṣimadhyaṃ ca nirvartya pitṛtarpaṇam | nivedayedabhijñebhyo nityasnānagatān dvijān

जो देवताओं, ऋषियों और पितरों के तर्पण को विधिवत् सम्पन्न करके, प्रतिदिन स्नान के लिए आए हुए ज्ञानी द्विजों को यह निवेदित करते थे,

श्लोक 12 (shiva.vayaviya.76.12)

स्थाने स्थाने कृतानेकबलिपुष्पसमीरणैः । सौरार्घ्यपूर्वं कुर्वद्भिः स्थण्डलेभ्यर्चनादिकम्

sthāne sthāne kṛtānekabalipuṣpasamīraṇaiḥ | saurārghyapūrvaṃ kurvadbhiḥ sthaṇḍalebhyarcanādikam

जगह-जगह अनेक बलि-पुष्प बिखेरते हुए, पहले सूर्य को अर्घ्य देकर, फिर बनाई गई वेदियों पर पूजा आदि करने वालों से (वह सरोवर भरा था);

श्लोक 13 (shiva.vayaviya.76.13)

क्वचिन्निमज्जदुन्मज्जत्प्रस्रस्तगजयूथपम् । क्वचिच्च तृषयायातमृगीमृगतुरङ्गमम्

kvacinnimajjadunmajjatprasrastagajayūthapam | kvacicca tṛṣayāyātamṛgīmṛgaturaṅgamam

कहीं शिथिल अंगों वाला यूथपति हाथी डुबकी लगाकर उभर रहा था, कहीं प्यास से व्याकुल हरिणी अथवा वन्य अश्व आया हुआ था;

श्लोक 14 (shiva.vayaviya.76.14)

क्वचित्पीतजनोत्तीर्णमयूरवरवारणम् । क्वचित्कृततटाघातवृषप्रतिवृषोज्ज्वलम्

kvacitpītajanottīrṇamayūravaravāraṇam | kvacitkṛtataṭāghātavṛṣaprativṛṣojjvalam

कहीं जल पीकर बाहर निकला सुन्दर मयूर था, कहीं तट पर आघात करते हुए एक-दूसरे से भिड़ते वृषभ उज्ज्वल दिख रहे थे;

श्लोक 15 (shiva.vayaviya.76.15)

क्वचित्कारण्डवरवैः क्वचित्सारसकूजितैः । क्वचिच्च कोकनिनदैः क्वचिद्भ्रमरगीतिभिः

kvacitkāraṇḍavaravaiḥ kvacitsārasakūjitaiḥ | kvacicca kokaninadaiḥ kvacidbhramaragītibhiḥ

कहीं करण्डव पक्षियों की ध्वनि से, कहीं सारसों की कूक से, कहीं चकवों के स्वर से, और कहीं भ्रमरों के गुंजन से (वह सरोवर गूँज रहा था);

श्लोक 16 (shiva.vayaviya.76.16)

स्नानपानादिकरणैः स्वसम्पद्द्रुमजीविभिः । प्रणयात्प्राणिभिस्तैस्तैर्भाषमाणमिवासकृत्

snānapānādikaraṇaiḥ svasampaddrumajīvibhiḥ | praṇayātprāṇibhistaistairbhāṣamāṇamivāsakṛt

स्नान-पान आदि के लिए वहाँ आने वाले, अपने ही वृक्षों की सम्पदा पर जीवन-यापन करने वाले उन प्राणियों से, वह सरोवर मानो स्नेहवश बार-बार वार्तालाप कर रहा हो, ऐसा प्रतीत होता था;

श्लोक 17 (shiva.vayaviya.76.17)

कूलशाखिशिखालीनकोकिलाकुलकूजितैः । आतपोपहतान् सर्वान्नामन्त्रयदिवानिशम्

kūlaśākhiśikhālīnakokilākulakūjitaiḥ | ātapopahatān sarvānnāmantrayadivāniśam

तट के वृक्षों की चोटियों पर बैठी कोयलों की मिली-जुली कूक से, यह मानो रात-दिन धूप से पीड़ित समस्त प्राणियों को आमंत्रित कर रहा हो।

श्लोक 18 (shiva.vayaviya.76.18)

उत्तरे तस्य सरसस्तीरे कल्पतरोरधः । वेद्यां वज्रशिलामय्यां मृदुले मृगचर्मणि

uttare tasya sarasastīre kalpataroradhaḥ | vedyāṃ vajraśilāmayyāṃ mṛdule mṛgacarmaṇi

उस सरोवर के उत्तरी तट पर, एक कल्पवृक्ष के नीचे, वज्रशिला से बनी वेदी पर, कोमल मृगचर्म पर,

श्लोक 19 (shiva.vayaviya.76.19)

सनत्कुमारमासीनं शश्वद्बालवपुर्धरम् । तत्कालमात्रोपरतं समाधेरचलात्मनः

sanatkumāramāsīnaṃ śaśvadbālavapurdharam | tatkālamātroparataṃ samādheracalātmanaḥ

सदा बालक-रूप धारण करने वाले सनत्कुमार विराजमान थे, जो उसी क्षण अपने निश्चल समाधि से उठे थे,

श्लोक 20 (shiva.vayaviya.76.20)

उपास्यमानं मुनिभिर्योगीन्द्रैरपि पूजितम् । ददृशुर्नैमिषेयास्ते प्रणताश्चोपतस्थिरे

upāsyamānaṃ munibhiryogīndrairapi pūjitam | dadṛśurnaimiṣeyāste praṇatāścopatasthire

मुनियों द्वारा सेवित और योगीन्द्रों द्वारा भी पूजित - उन्हें उन नैमिषेय मुनियों ने देखा और प्रणाम करके उनके समक्ष उपस्थित हुए।

श्लोक 21 (shiva.vayaviya.76.21)

यावत्पृष्टवते तस्मै प्रोचुः स्वागतकारणम् । तुमुलः शुश्रुवे तावद्दिवि दुन्दुभिनिःस्वनः

yāvatpṛṣṭavate tasmai procuḥ svāgatakāraṇam | tumulaḥ śuśruve tāvaddivi dundubhiniḥsvanaḥ

जब वे उनके पूछने पर अपने आगमन का कारण बता ही रहे थे, तभी आकाश में डमरू-ध्वनि की तुमुल गड़गड़ाहट सुनाई दी।

श्लोक 22 (shiva.vayaviya.76.22)

ददृशे तत्क्षणे तस्मिन् विमानं भानुसन्निभम् । गणेश्वरैरसङ्ख्येयैः संवृतं च समन्ततः

dadṛśe tatkṣaṇe tasmin vimānaṃ bhānusannibham | gaṇeśvarairasaṅkhyeyaiḥ saṃvṛtaṃ ca samantataḥ

उसी क्षण वहाँ सूर्य के समान एक विमान दिखाई दिया, जो असंख्य गणेश्वरों से सब ओर से घिरा हुआ था,

श्लोक 23 (shiva.vayaviya.76.23)

अप्सरोगणसङ्कीर्णं रुद्रकन्याभिरावृतम् । मृदङ्गमुरजोद्घुष्टं वेणुवीणारवान्वितम्

apsarogaṇasaṅkīrṇaṃ rudrakanyābhirāvṛtam | mṛdaṅgamurajodghuṣṭaṃ veṇuvīṇāravānvitam

अप्सराओं के समूहों से व्याप्त, रुद्र-कन्याओं से घिरा हुआ, मृदंग और मुरज की ध्वनि से गूँजता, वेणु और वीणा के स्वर से युक्त,

श्लोक 24 (shiva.vayaviya.76.24)

चित्ररत्नवितानाढ्यं मुक्तादामविराजितम् । मुनिभिः सिद्धगन्धर्वैर्यक्षचारणकिन्नरैः

citraratnavitānāḍhyaṃ muktādāmavirājitam | munibhiḥ siddhagandharvairyakṣacāraṇakinnaraiḥ

विचित्र रत्नों के वितान से समृद्ध, मुक्ता-मालाओं से सुशोभित, मुनियों, सिद्धों, गन्धर्वों, यक्षों, चारणों और किन्नरों से -

श्लोक 25 (shiva.vayaviya.76.25)

नृत्यद्भिश्चैव गायद्भिर्वादयद्भिश्च संवृतम् । वीरगोवृषचिह्नेन विद्रमद्रुमयष्टिना

nṛtyadbhiścaiva gāyadbhirvādayadbhiśca saṃvṛtam | vīragovṛṣacihnena vidramadrumayaṣṭinā

नृत्य करते, गाते और वाद्य बजाते हुए घिरा हुआ - वीर वृषभ के चिह्न से युक्त, प्रवाल-वृक्ष के दण्ड से सुशोभित,

श्लोक 26 (shiva.vayaviya.76.26)

कृतगोपुरसत्कारं केतुना मान्यहेतुना । तस्य मध्ये विमानस्य चामरद्वितयान्तरे

kṛtagopurasatkāraṃ ketunā mānyahetunā | tasya madhye vimānasya cāmaradvitayāntare

गोपुर के सत्कार से युक्त, आदरणीय ध्वजा से सुशोभित - उस विमान के मध्य में, दो चँवरों के मध्य,

श्लोक 27 (shiva.vayaviya.76.27)

छत्त्रस्य मणिदण्डस्य चन्द्रस्येव शुचेरधः । दिव्यसिंहासनारूढं देव्या सुयशया सह

chattrasya maṇidaṇḍasya candrasyeva śuceradhaḥ | divyasiṃhāsanārūḍhaṃ devyā suyaśayā saha

चन्द्रमा के समान श्वेत, मणि-दण्ड वाले छत्र के नीचे, दिव्य सिंहासन पर सुयशा देवी के साथ आरूढ़,

श्लोक 28 (shiva.vayaviya.76.28)

श्रिया च वपुषा चैव त्रिभिश्चापि विलोचनैः । प्राकारैरभिकृत्यानां प्रत्यभिज्ञापकं प्रभोः

śriyā ca vapuṣā caiva tribhiścāpi vilocanaiḥ | prākārairabhikṛtyānāṃ pratyabhijñāpakaṃ prabhoḥ

अपनी शोभा, अपने शरीर और अपने तीनों नेत्रों से, तथा अभिकृत्य के अन्य चिह्नों से भी, प्रभु स्वयं को पहचान करा रहे थे,

श्लोक 29 (shiva.vayaviya.76.29)

अविलङ्घ्य जगत्कर्तुराज्ञापनमिवागतम् । सर्वानुग्रहणं शम्भोः साक्षादिव पुरःस्थितम्

avilaṅghya jagatkarturājñāpanamivāgatam | sarvānugrahaṇaṃ śambhoḥ sākṣādiva puraḥsthitam

जो मानो जगत के कर्ता की अलंघ्य आज्ञा लेकर आए हों, मानो शम्भु का सर्वानुग्रह साक्षात् सामने खड़ा हो,

श्लोक 30 (shiva.vayaviya.76.30)

शिलादतनयं साक्षाच्छ्रीमच्छूलवरायुधम् । विश्वेश्वरगणाध्यक्षं विश्वेश्वरमिवापरम्

śilādatanayaṃ sākṣācchrīmacchūlavarāyudham | viśveśvaragaṇādhyakṣaṃ viśveśvaramivāparam

साक्षात् शिलाद के पुत्र, श्रीमान् त्रिशूल जिनका श्रेष्ठ आयुध है, विश्वेश्वर के गणों के अध्यक्ष, मानो दूसरे विश्वेश्वर ही हों,

श्लोक 31 (shiva.vayaviya.76.31)

विश्वस्यापि विधातॄणां निग्रहानुग्रहक्षमम् । चतुर्बाहुमुदाराङ्गं चन्द्ररेखाविभूषितम्

viśvasyāpi vidhātṝṇāṃ nigrahānugrahakṣamam | caturbāhumudārāṅgaṃ candrarekhāvibhūṣitam

विश्व के विधाताओं का भी निग्रह और अनुग्रह करने में समर्थ, चार भुजाओं वाले, उदार अंगों वाले, चन्द्ररेखा से विभूषित,

श्लोक 32 (shiva.vayaviya.76.32)

कण्ठे नागेन मौलौ च शशाङ्केनाप्यलङ्कृतम् । सविग्रहमिवैश्वर्यं सामर्थ्यमिव सक्रियम्

kaṇṭhe nāgena maulau ca śaśāṅkenāpyalaṅkṛtam | savigrahamivaiśvaryaṃ sāmarthyamiva sakriyam

कण्ठ में सर्प और मस्तक पर चन्द्रमा से अलंकृत - मानो साक्षात् ऐश्वर्य और साक्षात् क्रियाशील सामर्थ्य ही हों,

श्लोक 33 (shiva.vayaviya.76.33)

समाप्तमिव निर्वाणं सर्वज्ञमिव सङ्गतम् । दृष्ट्वा प्रहृष्टवदनो ब्रह्मपुत्रः सहर्षिभिः

samāptamiva nirvāṇaṃ sarvajñamiva saṅgatam | dṛṣṭvā prahṛṣṭavadano brahmaputraḥ saharṣibhiḥ

मानो सम्पूर्ण निर्वाण ही हों, मानो साक्षात् सर्वज्ञता ही हों। उन्हें देखकर, ब्रह्मपुत्र सनत्कुमार ऋषियों सहित प्रसन्न मुख होकर -

श्लोक 34 (shiva.vayaviya.76.34)

तस्थौ प्राञ्जलिरुत्थाय तस्यात्मानमिवार्पयन् । अथ तत्रान्तरे तस्मिन्विमाने चावनिं गते

tasthau prāñjalirutthāya tasyātmānamivārpayan | atha tatrāntare tasminvimāne cāvaniṃ gate

उठकर अंजलि बाँधकर खड़े हो गए, मानो अपने-आप को उन्हें ही अर्पित कर रहे हों। इसी बीच वह विमान पृथ्वी पर उतर आया,

श्लोक 35 (shiva.vayaviya.76.35)

प्रणम्य दण्डवद्देवं स्तुत्वा व्यज्ञापयन्मुनीम् । षट्कुलीया इमे दीर्घं नैमिषे सत्रमास्थिताः । आगता ब्रह्मणादिष्टाः पूर्वमेवाभिकाङ्क्षया

praṇamya daṇḍavaddevaṃ stutvā vyajñāpayanmunīm | ṣaṭkulīyā ime dīrghaṃ naimiṣe satramāsthitāḥ | āgatā brahmaṇādiṣṭāḥ pūrvamevābhikāṅkṣayā

और उन्होंने दण्डवत् प्रणाम करके देव की स्तुति की और मुनि (सनत्कुमार) को निवेदन किया - 'ये छह कुलों वाले मुनि दीर्घकाल से नैमिष में यज्ञ-सत्र में स्थित थे; ब्रह्मा द्वारा भेजे गए ये यहाँ आए हैं, पहले से ही यह अभिलाषा रखते हुए।'

श्लोक 36 (shiva.vayaviya.76.36)

श्रुत्वा वाक्यं ब्रह्मपुत्रस्य नन्दी छित्त्वा पाशान्दृष्टिपातेन सद्यः । शैवं धर्मं चैश्वरं ज्ञानयोगं दत्त्वा भूयो देवपार्श्वं जगाम

śrutvā vākyaṃ brahmaputrasya nandī chittvā pāśāndṛṣṭipātena sadyaḥ | śaivaṃ dharmaṃ caiśvaraṃ jñānayogaṃ dattvā bhūyo devapārśvaṃ jagāma

ब्रह्मपुत्र सनत्कुमार के वचन सुनकर नन्दी ने अपनी दृष्टि-मात्र से उनके पाशों को तत्काल काटकर, उन्हें शैव धर्म और ईश्वर-सम्बन्धी ज्ञान-योग प्रदान करके, पुनः देव के समीप चले गए।

श्लोक 37 (shiva.vayaviya.76.37)

सनत्कुमारेण च तत्समस्तं व्यासाय साक्षाद्गुरवे ममोक्तम् । व्यासेन चोक्तं महितेन मह्यं मया च तद्वः कथितं समासात्

sanatkumāreṇa ca tatsamastaṃ vyāsāya sākṣādgurave mamoktam | vyāsena coktaṃ mahitena mahyaṃ mayā ca tadvaḥ kathitaṃ samāsāt

और सनत्कुमार ने वह सब मेरे साक्षात् गुरु व्यास से कहा; और आदरणीय व्यास ने मुझसे कहा; और मैंने संक्षेप में यह सब तुम लोगों से कहा है।

श्लोक 38 (shiva.vayaviya.76.38)

नावेदविद्भ्यः कथनीयमेतत् पुराणरत्नं पुरशासनस्य । नाभक्तशिष्याय च नास्तिकेभ्यो दत्तं हि मोहान्निरयं ददाति

nāvedavidbhyaḥ kathanīyametat purāṇaratnaṃ puraśāsanasya | nābhaktaśiṣyāya ca nāstikebhyo dattaṃ hi mohānnirayaṃ dadāti

त्रिपुरारि से सम्बन्धित यह पुराण-रत्न वेद-अज्ञानियों से नहीं कहना चाहिए; अश्रद्धावान् अभक्त शिष्य को और नास्तिकों को दिया जाए तो यह मोहवश केवल नरक ही देता है।

श्लोक 39 (shiva.vayaviya.76.39)

मार्गेण सेवानुगतेन यैस्तद् दत्तं गृहीतं पठितं श्रुतं वा । तेभ्यः सुखं धर्ममुखं त्रिवर्गं निर्वाणमन्ते नियतं ददाति

mārgeṇa sevānugatena yaistad dattaṃ gṛhītaṃ paṭhitaṃ śrutaṃ vā | tebhyaḥ sukhaṃ dharmamukhaṃ trivargaṃ nirvāṇamante niyataṃ dadāti

परन्तु उचित सेवा-मार्ग का अनुसरण करने वालों को यदि यह दिया जाए, ग्रहण किया जाए, पढ़ा जाए अथवा सुना जाए, तो यह उन्हें सुख, धर्म-प्रधान त्रिवर्ग, और अन्त में निश्चित रूप से निर्वाण प्रदान करता है।

श्लोक 40 (shiva.vayaviya.76.40)

परस्परस्योपकृतं भवद्भि र्मया च पौराणिकमार्गयोगात् । अतो गमिष्येऽहमवाप्तकामः समस्तमेवास्तु शिवं सदा नः

parasparasyopakṛtaṃ bhavadbhi rmayā ca paurāṇikamārgayogāt | ato gamiṣye'hamavāptakāmaḥ samastamevāstu śivaṃ sadā naḥ

इस पुराण-मार्ग के योग से तुम लोगों और मेरे द्वारा परस्पर उपकार किया गया है। इसलिए अब मैं अपनी कामना पूर्ण करके जाऊँगा - हम सबका सदा सर्वथा मंगल हो।

श्लोक 41 (shiva.vayaviya.76.41)

सूते कृताशिषि गते मुनयः सुवृत्ता यागे च पर्यवसिते महति प्रयोगे । काले कलौ च विषयैः कलुषायमाणे वाराणसीपरिसरे वसतिं विनेतुः

sūte kṛtāśiṣi gate munayaḥ suvṛttā yāge ca paryavasite mahati prayoge | kāle kalau ca viṣayaiḥ kaluṣāyamāṇe vārāṇasīparisare vasatiṃ vinetuḥ

इस प्रकार आशीर्वाद देकर सूत के चले जाने पर, और उस महान् यज्ञ-अनुष्ठान के समाप्त होने पर, सदाचारी मुनियों ने, कलिकाल विषयों से मलिन होते जाने पर, वाराणसी के आसपास निवास ग्रहण किया -

श्लोक 42 (shiva.vayaviya.76.42)

अथ च ते पशुपाशमुमुक्षया\- खिलतया कृतपाशुपतव्रताः । अधिकृताखिलबोधसमाधयः परमनिर्वृतिमापुरनिन्दिताः

atha ca te paśupāśamumukṣayā\- khilatayā kṛtapāśupatavratāḥ | adhikṛtākhilabodhasamādhayaḥ paramanirvṛtimāpuraninditāḥ

और वहाँ, अपने पशु-पाश-स्वरूप से पूर्णतः मुक्त होने की इच्छा से, पूर्ण रूप से पाशुपत-व्रत ग्रहण करके, समस्त बोध देने वाली समाधि में समर्पित होकर, वे निर्दोष मुनि परम निर्वृत्ति (मुक्ति) को प्राप्त हुए।

श्लोक 43 (shiva.vayaviya.76.43)

व्यास उवाच । एतच्छिवपुराणं हि समाप्तं हितमादरात् । पठितव्यं प्रयत्नेन श्रोतव्यं च तथैव हि

vyāsa uvāca | etacchivapurāṇaṃ hi samāptaṃ hitamādarāt | paṭhitavyaṃ prayatnena śrotavyaṃ ca tathaiva hi

व्यास ने कहा - यह शिवपुराण अब आदरपूर्वक कल्याणकारी रूप में समाप्त हुआ; इसे प्रयत्नपूर्वक पढ़ना चाहिए और उसी प्रकार सुनना भी चाहिए।

श्लोक 44 (shiva.vayaviya.76.44)

नास्तिकाय न वक्तव्यमश्रद्धाय शठाय च । अभक्ताय महेशस्य तथा धर्मध्वजाय च

nāstikāya na vaktavyamaśraddhāya śaṭhāya ca | abhaktāya maheśasya tathā dharmadhvajāya ca

यह नास्तिक को, अश्रद्धावान् को, धूर्त को, महेश के अभक्त को, तथा धर्म का केवल दिखावा करने वाले को नहीं कहना चाहिए।

श्लोक 45 (shiva.vayaviya.76.45)

एतच्छ्रुत्या ह्येकवारं भवेत् पापं हि भस्मसात् । अभक्तो भक्तिमाप्नोति भक्तो भक्तिसमृद्धिभाक्

etacchrutyā hyekavāraṃ bhavet pāpaṃ hi bhasmasāt | abhakto bhaktimāpnoti bhakto bhaktisamṛddhibhāk

इसे एक बार भी सुनने से पाप भस्म हो जाता है; अभक्त भक्ति प्राप्त करता है, और भक्त भक्ति की समृद्धि प्राप्त करता है।

श्लोक 46 (shiva.vayaviya.76.46)

पुनः श्रुते च सद्भक्तिर्मुक्तिः स्याच्च श्रुतेः पुनः । तस्मात् पुनःपुनश्चैव श्रोतव्यं हि मुमुक्षुभिः

punaḥ śrute ca sadbhaktirmuktiḥ syācca śruteḥ punaḥ | tasmāt punaḥpunaścaiva śrotavyaṃ hi mumukṣubhiḥ

पुनः सुनने से सद्भक्ति उत्पन्न होती है, और पुनः सुनने से मुक्ति प्राप्त होती है; इसलिए मुमुक्षुओं को बार-बार इसे सुनना चाहिए।

श्लोक 47 (shiva.vayaviya.76.47)

पञ्चावृत्तिः प्रकर्तव्या पुराणस्यास्य सद्धिया । परं फलं समुद्दिश्य तत्प्राप्नोति न संशयः

pañcāvṛttiḥ prakartavyā purāṇasyāsya saddhiyā | paraṃ phalaṃ samuddiśya tatprāpnoti na saṃśayaḥ

सद्बुद्धि वाले को इस पुराण की पाँच बार आवृत्ति करनी चाहिए; परम फल का उद्देश्य रखकर वह उसे प्राप्त कर ही लेता है - इसमें संशय नहीं।

श्लोक 48 (shiva.vayaviya.76.48)

पुरातनाश्च राजानो विप्रा वैश्याश्च सत्तमाः । सप्तकृत्वस्तदावृत्त्यालभन्त शिवदर्शनम्

purātanāśca rājāno viprā vaiśyāśca sattamāḥ | saptakṛtvastadāvṛttyālabhanta śivadarśanam

प्राचीन काल में राजाओं, ब्राह्मणों और श्रेष्ठ वैश्यों ने सात बार इसकी आवृत्ति करके शिव-दर्शन प्राप्त किया था।

श्लोक 49 (shiva.vayaviya.76.49)

श्रोष्यत्यथापि यश्चेदं मानवो भक्तितत्परः । इहभुक्त्वाखिलान् भोगानन्ते मुक्तिंलभेच्च सः

śroṣyatyathāpi yaścedaṃ mānavo bhaktitatparaḥ | ihabhuktvākhilān bhogānante muktiṃlabhecca saḥ

और जो भी भक्ति-परायण मनुष्य भविष्य में इसे सुनेगा, वह भी इस लोक में समस्त भोगों को भोगकर अन्त में मुक्ति प्राप्त करेगा।

श्लोक 50 (shiva.vayaviya.76.50)

एतच्छिवपुराणं हि शिवस्यातिप्रियं परम् । भुक्तिमुक्तिप्रदं ब्रह्मसम्मितं भक्तिवर्धनम्

etacchivapurāṇaṃ hi śivasyātipriyaṃ param | bhuktimuktipradaṃ brahmasammitaṃ bhaktivardhanam

यह शिवपुराण शिव को अत्यंत परम प्रिय है; यह भोग और मोक्ष दोनों देने वाला, वेद के समान महत्त्व वाला, और भक्ति को बढ़ाने वाला है।

श्लोक 51 (shiva.vayaviya.76.51)

एतच्छिवपुराणस्य वक्तुः श्रोतुश्च सर्वदा । सगणः ससुतः साम्बः शं करोतु स शङ्करः

etacchivapurāṇasya vaktuḥ śrotuśca sarvadā | sagaṇaḥ sasutaḥ sāmbaḥ śaṃ karotu sa śaṅkaraḥ

इस शिवपुराण के वक्ता और श्रोता दोनों का, गणों, पुत्र और अम्बा-सहित वे शंकर सदा कल्याण करें।