अनुक्रमणिका

श्लोक 1 (skanda.4.100.1)

।। सूत उवाच ।। ।। इदं स्कांदमहं श्रुत्वा काशीखंडमनुत्तमम् ।। नितरां परितृप्तोस्मि हृदि चापि विधारितम्

|| sūta uvāca || || idaṁ skāṁdamahaṁ śrutvā kāśīkhaṁḍamanuttamam || nitarāṁ paritṛptosmi hṛdi cāpi vidhāritam

सूत ने कहा — इस अनुत्तम स्कान्द काशी-खण्ड को सुनकर मैं अत्यन्त तृप्त हूँ, और यह मेरे हृदय में धारण हो गया है।

श्लोक 2 (skanda.4.100.2)

अनुक्रमणिकाध्यायं तथा माहात्म्यमुत्तमम् ।। पाराशर्य समाचक्ष्व यथापूर्वमिदं भवेत्

anukramaṇikādhyāyaṁ tathā māhātmyamuttamam || pārāśarya samācakṣva yathāpūrvamidaṁ bhavet

अनुक्रमणिका-अध्याय और उत्तम माहात्म्य भी बताइए, हे पाराशर्य, जैसा पहले हुआ था।

श्लोक 3 (skanda.4.100.3)

।। व्यास उवाच ।। ।। सूतावधेहि धर्मात्मञ्जातूकर्ण्य निशामय ।। शुकवैशंपायनाद्याः शृण्वंत्वपि च बालकाः

|| vyāsa uvāca || || sūtāvadhehi dharmātmañjātūkarṇya niśāmaya || śukavaiśaṁpāyanādyāḥ śṛṇvaṁtvapi ca bālakāḥ

व्यास ने कहा — हे सूत, धर्मात्मन्, ध्यान से सुनो, भलीभाँति सुनो; शुक, वैशम्पायन आदि, और बालक भी सुनें।

श्लोक 4 (skanda.4.100.4)

अनुक्रमणिकाध्यायं माहात्म्यं चापि खंडजम् ।। प्रवक्ष्याम्यघनाशाय महापुण्यप्रवर्धनम्

anukramaṇikādhyāyaṁ māhātmyaṁ cāpi khaṁḍajam || pravakṣyāmyaghanāśāya mahāpuṇyapravardhanam

मैं अनुक्रमणिका-अध्याय और खण्ड से उत्पन्न माहात्म्य भी बताऊँगा, पाप के नाश के लिए, महापुण्य बढ़ाने वाला।

श्लोक 5 (skanda.4.100.5)

विंध्यनारदसंवादः प्रथमे परिकीर्तितः ।। सत्यलोकप्रभावश्च द्वितीयः समुदाहृतः

viṁdhyanāradasaṁvādaḥ prathame parikīrtitaḥ || satyalokaprabhāvaśca dvitīyaḥ samudāhṛtaḥ

विन्ध्य-नारद संवाद प्रथम में कहा गया; सत्यलोक का प्रभाव दूसरे में वर्णित हुआ।

श्लोक 6 (skanda.4.100.6)

अगस्तेराश्रमपदे देवानामागमस्ततः ।। पतिव्रता चरित्रं च प्रस्थानं कुंभसंभवः

agasterāśramapade devānāmāgamastataḥ || pativratā caritraṁ ca prasthānaṁ kuṁbhasaṁbhavaḥ

अगस्त्य के आश्रम-पद में देवों का आगमन; पतिव्रता का चरित्र, कुम्भ-सम्भव (अगस्त्य) का प्रस्थान,

श्लोक 7 (skanda.4.100.7)

तीर्थप्रशंसा च ततः सप्तपुर्यस्ततः स्मृताः ।। संयमिन्याः स्वरूपं च ब्रध्नलोकस्ततः परम्

tīrthapraśaṁsā ca tataḥ saptapuryastataḥ smṛtāḥ || saṁyaminyāḥ svarūpaṁ ca bradhnalokastataḥ param

फिर तीर्थ-प्रशंसा, फिर सात नगरियाँ स्मृत हुईं; संयमिनी (यम-नगरी) का स्वरूप, फिर सूर्य-लोक (ब्रध्न-लोक),

श्लोक 8 (skanda.4.100.8)

इंद्राग्न्योर्लोकसंप्राप्तिस्ततश्च शिवशर्मणः ।। अग्नेः समुद्भवस्तस्मात् क्रव्याद्वरुणसंभवः

iṁdrāgnyorlokasaṁprāptistataśca śivaśarmaṇaḥ || agneḥ samudbhavastasmāt kravyādvaruṇasaṁbhavaḥ

इन्द्र और अग्नि के लोकों की प्राप्ति, फिर शिवशर्मा की; अग्नि से उत्पत्ति, फिर क्रव्याद की, वरुण से उत्पत्ति,

श्लोक 9 (skanda.4.100.9)

गंधवत्यलकापुर्योरीशयोस्तु समुद्भवः ।। चंद्रलोकपरिप्राप्तिः शिवशर्मद्विजन्मनः

gaṁdhavatyalakāpuryorīśayostu samudbhavaḥ || caṁdralokapariprāptiḥ śivaśarmadvijanmanaḥ

गन्धवती और अलकापुरी के ईशों की उत्पत्ति; द्विज शिवशर्मा की चन्द्र-लोक की प्राप्ति,

श्लोक 10 (skanda.4.100.10)

उडुलोक कथा तस्मात्ततः शुक्रसमुद्भवः ।। माहेय गुरुसौरीणां लोकानां वर्णनं ततः

uḍuloka kathā tasmāttataḥ śukrasamudbhavaḥ || māheya gurusaurīṇāṁ lokānāṁ varṇanaṁ tataḥ

फिर नक्षत्र-लोक की कथा, फिर शुक्र से उत्पत्ति; फिर मंगल, गुरु, शनि के लोकों का वर्णन,

श्लोक 11 (skanda.4.100.11)

सप्तर्षीणां ततो लोका ध्रुवस्य च तपस्ततः ।। ततो ध्रुवपदप्राप्तिर्ध्रुवलोक स्थितिस्ततः.

saptarṣīṇāṁ tato lokā dhruvasya ca tapastataḥ || tato dhruvapadaprāptirdhruvaloka sthitistataḥ.

फिर सप्तर्षियों के लोक, और ध्रुव का तप; फिर ध्रुव-पद की प्राप्ति, फिर ध्रुव-लोक में स्थिति,

श्लोक 12 (skanda.4.100.12)

दर्शनं सत्यलोकस्य तस्य वै शिवशर्मणः ।। चतुर्भुजाभिषेकश्च निर्वाणं शिवशर्मणः

darśanaṁ satyalokasya tasya vai śivaśarmaṇaḥ || caturbhujābhiṣekaśca nirvāṇaṁ śivaśarmaṇaḥ

उस शिवशर्मा का सत्यलोक-दर्शन; चतुर्भुज द्वारा अभिषेक और शिवशर्मा का निर्वाण,

श्लोक 13 (skanda.4.100.13)

स्कंदागस्त्योश्च संवादो मणिकर्ण्याः समुद्भवः ।। ततस्तु गंगामाहात्म्यं ततो दशहरास्तवः

skaṁdāgastyośca saṁvādo maṇikarṇyāḥ samudbhavaḥ || tatastu gaṁgāmāhātmyaṁ tato daśaharāstavaḥ

स्कन्द-अगस्त्य संवाद, मणिकर्णिका की उत्पत्ति; फिर गंगा-माहात्म्य, फिर दशहरा-स्तव,

श्लोक 14 (skanda.4.100.14)

प्रभावश्चापि गंगाया गंगानामसहस्रकम् ।। वाराणस्याः प्रशंसाथ भैरवाविर्भवस्ततः

prabhāvaścāpi gaṁgāyā gaṁgānāmasahasrakam || vārāṇasyāḥ praśaṁsātha bhairavāvirbhavastataḥ

गंगा का प्रभाव भी, गंगा के हज़ार नाम; फिर वाराणसी की प्रशंसा, फिर भैरव का प्रादुर्भाव,

श्लोक 15 (skanda.4.100.15)

दंडपाणेः समुद्भूतिर्ज्ञानवाप्युद्भवस्ततः ।। आख्यानं च कलावत्याः सदाचारस्ततः परम्

daṁḍapāṇeḥ samudbhūtirjñānavāpyudbhavastataḥ || ākhyānaṁ ca kalāvatyāḥ sadācārastataḥ param

दण्डपाणि की उत्पत्ति, फिर ज्ञानवापी की उत्पत्ति; कलावती की कथा, फिर सदाचार,

श्लोक 16 (skanda.4.100.16)

ब्रह्मचारि प्रकरणं ततः स्त्रीलक्षणानि च ।। कृत्याकृत्यप्रकरणमविमुक्तेशवर्णनम्

brahmacāri prakaraṇaṁ tataḥ strīlakṣaṇāni ca || kṛtyākṛtyaprakaraṇamavimukteśavarṇanam

ब्रह्मचारी का प्रकरण, फिर स्त्री-लक्षण; कृत्याकृत्य का प्रकरण, अविमुक्तेश का वर्णन,

श्लोक 17 (skanda.4.100.17)

ततो गृहस्थधर्माश्च ततो योगनिरूपणम् ।। कालज्ञानं ततः प्रोक्तं दिवोदासस्य वर्णनम्

tato gṛhasthadharmāśca tato yoganirūpaṇam || kālajñānaṁ tataḥ proktaṁ divodāsasya varṇanam

फिर गृहस्थ-धर्म, फिर योग का निरूपण; फिर काल-ज्ञान कहा गया, दिवोदास का वर्णन,

श्लोक 18 (skanda.4.100.18)

काश्याश्च वर्णनं तस्माद्योगिनीवर्णनं ततः ।। लोलार्कस्य समाख्यानमुत्तरार्ककथा ततः।।

kāśyāśca varṇanaṁ tasmādyoginīvarṇanaṁ tataḥ || lolārkasya samākhyānamuttarārkakathā tataḥ||

काशी का वर्णन, फिर योगिनियों का वर्णन; लोलार्क का वर्णन, फिर उत्तरार्क की कथा,

श्लोक 19 (skanda.4.100.19)

सांबादित्यस्य महिमा द्रुपदादित्य शंसनम् ।। ततस्तु गरुडाख्यानमरुणार्कादयस्ततः

sāṁbādityasya mahimā drupadāditya śaṁsanam || tatastu garuḍākhyānamaruṇārkādayastataḥ

साम्बादित्य की महिमा, द्रुपदादित्य का वर्णन; फिर गरुड़-आख्यान, फिर अरुणार्क आदि,

श्लोक 20 (skanda.4.100.20)

दशाश्वमेधिकं तीर्थं मंदराच्च गणागमः ।। पिशाचमोचनाख्यानं गणेशप्रेषणं ततः

daśāśvamedhikaṁ tīrthaṁ maṁdarācca gaṇāgamaḥ || piśācamocanākhyānaṁ gaṇeśapreṣaṇaṁ tataḥ

दशाश्वमेधिक तीर्थ, मन्दर से गणों का आगमन; पिशाच-मोचन की कथा, फिर गणेश-प्रेषण,

श्लोक 21 (skanda.4.100.21)

मायागणपतेश्चाथ ढुंढिप्रादुर्भवस्ततः ।। विष्णुमायाप्रपंचोथ दिवोदासविसर्जनम्

māyāgaṇapateścātha ḍhuṁḍhiprādurbhavastataḥ || viṣṇumāyāprapaṁcotha divodāsavisarjanam

माया-गणपति की, फिर ढुण्ढि का प्रादुर्भाव; विष्णु-माया का प्रपंच, दिवोदास का विसर्जन,

श्लोक 22 (skanda.4.100.22)

ततः पंचनदोत्पत्तिर्बिंदुमाधवसंभवः ।। ततो वैष्णवतीर्थानां माहात्म्यपरिवर्णनम्

tataḥ paṁcanadotpattirbiṁdumādhavasaṁbhavaḥ || tato vaiṣṇavatīrthānāṁ māhātmyaparivarṇanam

फिर पंचनद की उत्पत्ति, बिन्दुमाधव की उत्पत्ति; फिर वैष्णव-तीर्थों की माहात्म्य-वर्णना,

श्लोक 23 (skanda.4.100.23)

प्रयाणं मंदरात्काशीं वृषभध्वजशूलिनः ।। जैगीषव्येन संवादो ज्येष्ठस्थाने महेशितुः

prayāṇaṁ maṁdarātkāśīṁ vṛṣabhadhvajaśūlinaḥ || jaigīṣavyena saṁvādo jyeṣṭhasthāne maheśituḥ

वृषभध्वज शूलधारी के मन्दर से काशी को प्रयाण; जैगीषव्य से संवाद, ज्येष्ठ-स्थान में महेशान का,

श्लोक 24 (skanda.4.100.24)

ततः क्षेत्ररहस्यस्य कथनं पापनाशनम् ।। अथातः कंदुकेशस्य व्याघ्रेशस्य समुद्भवः

tataḥ kṣetrarahasyasya kathanaṁ pāpanāśanam || athātaḥ kaṁdukeśasya vyāghreśasya samudbhavaḥ

फिर क्षेत्र-रहस्य का कथन, पाप-नाशक; फिर उससे आगे कन्दुकेश की, व्याघ्रेश की उत्पत्ति,

श्लोक 25 (skanda.4.100.25)

ततः शैलेश्वरकथा रत्नेशस्य च दर्शनम् ।। कृत्तिवासः समुत्पत्तिस्ततश्चायतनागमः

tataḥ śaileśvarakathā ratneśasya ca darśanam || kṛttivāsaḥ samutpattistataścāyatanāgamaḥ

फिर शैलेश्वर की कथा, रत्नेश का दर्शन; कृत्तिवास की उत्पत्ति, फिर आयतन का आगमन,

श्लोक 26 (skanda.4.100.26)

देवतानामधिष्ठानं दुर्गासुरपराक्रमः ।। दुर्गाया विजयश्चाथ तत ओंकारवर्णनम्

devatānāmadhiṣṭhānaṁ durgāsuraparākramaḥ || durgāyā vijayaścātha tata oṁkāravarṇanam

देवताओं की स्थापना, दुर्गासुर का पराक्रम; दुर्गा की विजय, फिर ओंकार का वर्णन,

श्लोक 27 (skanda.4.100.27)

पुनरोंकारमाहात्म्यं त्रिलोचनसमुद्भवः ।। त्रिलोचनप्रभावोथ केदाराख्यानमेव च

punaroṁkāramāhātmyaṁ trilocanasamudbhavaḥ || trilocanaprabhāvotha kedārākhyānameva ca

फिर ओंकार-माहात्म्य, त्रिलोचन की उत्पत्ति; त्रिलोचन का प्रभाव, और केदार-आख्यान,

श्लोक 28 (skanda.4.100.28)

ततो धर्मेशमहिमा ततः पक्षिकथा शुभा ।। ततो विश्वभुजाख्यानं दुर्दमस्य कथा ततः

tato dharmeśamahimā tataḥ pakṣikathā śubhā || tato viśvabhujākhyānaṁ durdamasya kathā tataḥ

फिर धर्मेश की महिमा, फिर पक्षियों की शुभ कथा; फिर विश्वभुज-आख्यान, दुर्दम की कथा,

श्लोक 29 (skanda.4.100.29)

ततो वीरेश्वराख्यानं वीरेश महिमा पुनः ।। गंगातीर्थैश्च संयुक्ता कामेश महिमा ततः

tato vīreśvarākhyānaṁ vīreśa mahimā punaḥ || gaṁgātīrthaiśca saṁyuktā kāmeśa mahimā tataḥ

फिर वीरेश्वर-आख्यान, वीरेश की महिमा फिर; गंगा-तीर्थों सहित कामेश की महिमा,

श्लोक 30 (skanda.4.100.30)

विश्वकर्मेश महिमा दक्षयज्ञसमुद्भवः ।। सत्या देहविसर्गश्च ततो दक्षेश्वरोद्भवः

viśvakarmeśa mahimā dakṣayajñasamudbhavaḥ || satyā dehavisargaśca tato dakṣeśvarodbhavaḥ

विश्वकर्मेश की महिमा, दक्ष-यज्ञ की उत्पत्ति; सती का देह-त्याग, फिर दक्षेश्वर की उत्पत्ति,

श्लोक 31 (skanda.4.100.31)

ततो वै पार्वतीशस्य महिम्नः परिकीर्तनम् ।। गंगेशस्याथ महिमा नर्मदेशसमुद्भवः

tato vai pārvatīśasya mahimnaḥ parikīrtanam || gaṁgeśasyātha mahimā narmadeśasamudbhavaḥ

फिर पार्वतीश की महिमा का कीर्तन; फिर गंगेश की महिमा, नर्मदेश की उत्पत्ति,

श्लोक 32 (skanda.4.100.32)

सतीश्वरसमुत्पत्तिरमृतेशादि वणर्नम् ।। व्यासस्य हि भुजस्तंभो व्यासशापविमोक्षणम्

satīśvarasamutpattiramṛteśādi vaṇarnam || vyāsasya hi bhujastaṁbho vyāsaśāpavimokṣaṇam

सतीश्वर की उत्पत्ति, अमृतेश आदि का वर्णन; व्यास का भुज-स्तम्भ, व्यास-शाप का विमोक्षण,

श्लोक 33 (skanda.4.100.33)

क्षेत्रतीर्थकदंबं च मुक्तिमंडप संकथा ।। विश्वेशाविर्भवश्चाथ ततो यात्रापरिक्रमः

kṣetratīrthakadaṁbaṁ ca muktimaṁḍapa saṁkathā || viśveśāvirbhavaścātha tato yātrāparikramaḥ

क्षेत्र के तीर्थों का समूह, मुक्ति-मण्डप की कथा; फिर विश्वेश का प्रादुर्भाव, फिर यात्रा-परिक्रम,

श्लोक 34 (skanda.4.100.34)

एतदाख्यानशतकं क्रमेण परिकीर्तितम् ।। यस्य श्रवणमात्रेण सर्वखंड श्रुतेः फलम् ।। अनुक्रमणिकाध्यायेप्यस्ति यात्रापरिक्रमः

etadākhyānaśatakaṁ krameṇa parikīrtitam || yasya śravaṇamātreṇa sarvakhaṁḍa śruteḥ phalam || anukramaṇikādhyāyepyasti yātrāparikramaḥ

यह सौ आख्यान क्रमशः कहे गए हैं; जिनके सुनने मात्र से सम्पूर्ण खण्ड के सुनने का फल मिलता है। इस अनुक्रमणिका-अध्याय में भी यात्रा-परिक्रम है।

श्लोक 35 (skanda.4.100.35)

।। सूत उवाच ।। यात्रा परिक्रमं ब्रूहि जनानां हितकाम्यया ।। यथावत्सिद्धिकामानां सत्यवत्याः सुतोत्तम

|| sūta uvāca || yātrā parikramaṁ brūhi janānāṁ hitakāmyayā || yathāvatsiddhikāmānāṁ satyavatyāḥ sutottama

सूत ने कहा — यात्रा-परिक्रम बताइए, लोगों के कल्याण की इच्छा से, सिद्धि चाहने वालों के लिए यथावत्, हे सत्यवती के उत्तम पुत्र।

श्लोक 36 (skanda.4.100.36)

।। व्यास उवाच।। ।। निशामय महाप्राज्ञ लोमहर्षण वच्मि ते ।। यथा प्रथमतो यात्रा कर्तव्या यात्रिकैर्मुदा

|| vyāsa uvāca|| || niśāmaya mahāprājña lomaharṣaṇa vacmi te || yathā prathamato yātrā kartavyā yātrikairmudā

व्यास ने कहा — सुनो, हे महाप्राज्ञ लोमहर्षण, मैं तुम्हें बताता हूँ, कैसे यात्रियों को पहले प्रसन्नतापूर्वक यात्रा करनी चाहिए।

श्लोक 37 (skanda.4.100.37)

सचैलमादौ संस्नाय चक्रपुष्करिणीजले ।। संतर्प्यदेवासपितॄन्ब्राह्मणांश्च तथार्थिनः

sacailamādau saṁsnāya cakrapuṣkariṇījale || saṁtarpyadevāsapitṝnbrāhmaṇāṁśca tathārthinaḥ

पहले वस्त्र सहित चक्रपुष्करिणी के जल में स्नान करके, देवों-पितरों-ब्राह्मणों और अर्थियों को तर्पण करके,

श्लोक 38 (skanda.4.100.38)

आदित्यं द्रौपदीं विष्णुं दंडपाणिं महेश्वरम् ।। नमस्कृत्य ततो गच्छेद्द्रष्टुं ढुंढिविनायकम्

ādityaṁ draupadīṁ viṣṇuṁ daṁḍapāṇiṁ maheśvaram || namaskṛtya tato gaccheddraṣṭuṁ ḍhuṁḍhivināyakam

आदित्य, द्रौपदी, विष्णु, दण्डपाणि, महेश्वर को प्रणाम करके, फिर ढुण्ढि-विनायक के दर्शन को जाना चाहिए।

श्लोक 39 (skanda.4.100.39)

ज्ञानवापीमुपस्पृश्य नंदिकेशं ततोर्चयेत् ।। तारकेशं ततोभ्यर्च्य महाकालेश्वरं ततः

jñānavāpīmupaspṛśya naṁdikeśaṁ tatorcayet || tārakeśaṁ tatobhyarcya mahākāleśvaraṁ tataḥ

ज्ञानवापी को छूकर फिर नन्दिकेश की पूजा करनी चाहिए; फिर तारकेश की पूजा करके, फिर महाकालेश्वर की,

श्लोक 40 (skanda.4.100.40)

ततः पुनर्दंडपाणिमित्येषा पंचतीर्थिका

tataḥ punardaṁḍapāṇimityeṣā paṁcatīrthikā

फिर पुनः दण्डपाणि की — यह पंच-तीर्थिका है।

श्लोक 41 (skanda.4.100.41)

दैनंदिनी विधातव्या महाफलमभीप्सुभिः ।। ततो वैश्वेश्वरी यात्रा कार्या सर्वार्थ सिद्धिदा

dainaṁdinī vidhātavyā mahāphalamabhīpsubhiḥ || tato vaiśveśvarī yātrā kāryā sarvārtha siddhidā

महाफल चाहने वालों को यह प्रतिदिन करनी चाहिए। फिर वैश्वेश्वरी यात्रा करनी चाहिए, सब अर्थों की सिद्धि देने वाली —

श्लोक 42 (skanda.4.100.42)

द्विसप्तायतनानां च कार्या यात्रा प्रयत्नतः ।। कृष्णां प्रतिपदं प्राप्य भूतावधि यथाविधि

dvisaptāyatanānāṁ ca kāryā yātrā prayatnataḥ || kṛṣṇāṁ pratipadaṁ prāpya bhūtāvadhi yathāvidhi

चौदह आयतनों की यात्रा प्रयत्नपूर्वक करनी चाहिए; कृष्ण-प्रतिपदा से भूत [अष्टमी] तक विधिपूर्वक।

श्लोक 43 (skanda.4.100.43)

अथवा प्रतिभूतं च क्षेत्रसिद्धिमभीप्सुभिः ।। तत्तत्तीर्थकृतस्नानस्तत्तल्लिंगकृतार्चनः

athavā pratibhūtaṁ ca kṣetrasiddhimabhīpsubhiḥ || tattattīrthakṛtasnānastattalliṁgakṛtārcanaḥ

अथवा, क्षेत्र-सिद्धि की प्रतिभूति चाहने वालों को, प्रत्येक तीर्थ में स्नान करके, प्रत्येक लिंग की पूजा करके,

श्लोक 44 (skanda.4.100.44)

मौनेन यात्रां कुर्वाणः फलं प्राप्नोति यात्रिकः।। ओंकारं प्रथमं पश्येन्मत्स्योदर्यां कृतोदकः

maunena yātrāṁ kurvāṇaḥ phalaṁ prāpnoti yātrikaḥ|| oṁkāraṁ prathamaṁ paśyenmatsyodaryāṁ kṛtodakaḥ

मौन से यात्रा करते हुए यात्री फल पाता है। मत्स्योदरी में जल-अर्पण करके पहले ओंकार का दर्शन करे।

श्लोक 45 (skanda.4.100.45)

त्रिविष्टपं महादेवं ततो वै कृत्तिवाससम् ।। रत्नेशं चाथ चंद्रेशं केदारं च ततो व्रजेत्

triviṣṭapaṁ mahādevaṁ tato vai kṛttivāsasam || ratneśaṁ cātha caṁdreśaṁ kedāraṁ ca tato vrajet

फिर त्रिविष्टप-महादेव, फिर कृत्तिवास; फिर रत्नेश, फिर चन्द्रेश, फिर केदार जाए,

श्लोक 46 (skanda.4.100.46)

धर्मेश्वरं च वीरेशं गच्छेत्कामेश्वरं ततः ।। विश्वकर्मेश्वरं चाथ मणिकर्णीश्वरं ततः

dharmeśvaraṁ ca vīreśaṁ gacchetkāmeśvaraṁ tataḥ || viśvakarmeśvaraṁ cātha maṇikarṇīśvaraṁ tataḥ

फिर धर्मेश्वर और वीरेश, फिर कामेश्वर जाए; फिर विश्वकर्मेश्वर, फिर मणिकर्णीश्वर,

श्लोक 47 (skanda.4.100.47)

अविमुक्तेश्वरं दृष्ट्वा ततो विश्वेशमर्चयेत् ।। एषा यात्रा प्रयत्नेन कर्तव्या क्षेत्रवासिना

avimukteśvaraṁ dṛṣṭvā tato viśveśamarcayet || eṣā yātrā prayatnena kartavyā kṣetravāsinā

अविमुक्तेश्वर का दर्शन करके फिर विश्वेश की पूजा करे। यह यात्रा क्षेत्र-वासी को प्रयत्नपूर्वक करनी चाहिए।

श्लोक 48 (skanda.4.100.48)

यस्तु क्षेत्रमुषित्वा तु नैतां यात्रां समाचरेत् ।। विघ्नास्तस्योपतिष्ठंते क्षेत्रोच्चाटनसूचकाः

yastu kṣetramuṣitvā tu naitāṁ yātrāṁ samācaret || vighnāstasyopatiṣṭhaṁte kṣetroccāṭanasūcakāḥ

जो क्षेत्र में रहकर भी यह यात्रा नहीं करता, उसे विघ्न घेर लेते हैं, क्षेत्र से निकाले जाने के सूचक।

श्लोक 49 (skanda.4.100.49)

अष्टायतन यात्रान्या कर्तव्या विघ्रशांतये ।। दक्षेशः पार्वतीशश्च तथा पशुपतीश्वरः

aṣṭāyatana yātrānyā kartavyā vighraśāṁtaye || dakṣeśaḥ pārvatīśaśca tathā paśupatīśvaraḥ

विघ्न-शान्ति के लिए एक और अष्ट-आयतन यात्रा करनी चाहिए: दक्षेश, पार्वतीश, तथा पशुपतीश्वर,

श्लोक 50 (skanda.4.100.50)

गंगेशो नर्मदेशश्च गभस्तीशः सतीश्वरः ।। अष्टमस्तारकेशश्च प्रत्यष्टमि विशेषतः

gaṁgeśo narmadeśaśca gabhastīśaḥ satīśvaraḥ || aṣṭamastārakeśaśca pratyaṣṭami viśeṣataḥ

गंगेश, नर्मदेश, गभस्तीश, सतीश्वर, आठवें तारकेश — विशेष रूप से हर आठवें दिन।

श्लोक 51 (skanda.4.100.51)

दृश्यान्येतानि लिंगानि महापापोपशांतये ।। अपरापि शुभा यात्रा योगक्षेमकरी सदा

dṛśyānyetāni liṁgāni mahāpāpopaśāṁtaye || aparāpi śubhā yātrā yogakṣemakarī sadā

ये लिंग महापाप की शान्ति के लिए दर्शनीय हैं। एक और शुभ यात्रा है, सदा योग-क्षेम करने वाली,

श्लोक 52 (skanda.4.100.52)

सर्वविघ्रोपहंत्री च कर्तव्या क्षेत्रवासिभिः ।। शैलेशं प्रथमं वीक्ष्य वरणास्नानपूर्वकम्

sarvavighropahaṁtrī ca kartavyā kṣetravāsibhiḥ || śaileśaṁ prathamaṁ vīkṣya varaṇāsnānapūrvakam

सब विघ्नों को नष्ट करने वाली, क्षेत्र-वासियों द्वारा करने योग्य। पहले वरणा-स्नान करके शैलेश का दर्शन करे,

श्लोक 53 (skanda.4.100.53)

स्नानं तु संगमे कृत्वा द्रष्टव्यः संगमेश्वरः ।। स्वलीन तीर्थे सुस्नातः पश्येत्स्वलीनमीश्वरम्

snānaṁ tu saṁgame kṛtvā draṣṭavyaḥ saṁgameśvaraḥ || svalīna tīrthe susnātaḥ paśyetsvalīnamīśvaram

संगम में स्नान करके संगमेश्वर का दर्शन करे; स्वलीन-तीर्थ में भलीभाँति स्नान करके स्वलीनेश्वर को देखे।

श्लोक 54 (skanda.4.100.54)

स्नात्वा मंदाकिनी तीर्थे द्रष्टव्यो मध्यमेश्वरः ।। पश्येद्धिरण्यगर्भेशं तत्र तीर्थे कृतोदकः

snātvā maṁdākinī tīrthe draṣṭavyo madhyameśvaraḥ || paśyeddhiraṇyagarbheśaṁ tatra tīrthe kṛtodakaḥ

मन्दाकिनी तीर्थ में स्नान करके मध्यमेश्वर का दर्शन करे; उस तीर्थ में जल-अर्पण करके हिरण्यगर्भेश को देखे।

श्लोक 55 (skanda.4.100.55)

मणिकर्ण्यां ततः स्नात्वा पश्येदीशानमीश्वरम्।। ततः कूपमुपस्पृश्य गोप्रेक्षमवलोकयेत्

maṇikarṇyāṁ tataḥ snātvā paśyedīśānamīśvaram|| tataḥ kūpamupaspṛśya goprekṣamavalokayet

फिर मणिकर्णिका में स्नान करके ईशानेश को देखे; फिर कूप को छूकर गोप्रेक्ष-लिंग का अवलोकन करे।

श्लोक 56 (skanda.4.100.56)

कापिलेय ह्रदे स्नात्वा वीक्षेत वृषभध्वजम् ।। उपशांतशिवं पश्येत्तत्कूपविहितोदकः

kāpileya hrade snātvā vīkṣeta vṛṣabhadhvajam || upaśāṁtaśivaṁ paśyettatkūpavihitodakaḥ

कापिलेय-ह्रद में स्नान करके वृषभध्वज को देखे; उस कूप का जल अर्पित करके उपशान्तशिव को देखे।

श्लोक 57 (skanda.4.100.57)

पंचचूडाह्रदे स्नात्वा ज्येष्ठस्थानं ततोर्चयेत् ।। चतुःसमुद्रकूपे तु स्नात्वा देवं समर्चयेत्

paṁcacūḍāhrade snātvā jyeṣṭhasthānaṁ tatorcayet || catuḥsamudrakūpe tu snātvā devaṁ samarcayet

पंचचूडा-ह्रद में स्नान करके फिर ज्येष्ठस्थान की पूजा करे; चतुःसमुद्र-कूप में स्नान करके देव की पूजा करे।

श्लोक 58 (skanda.4.100.58)

देवस्याग्रे तु या वापी तत्रोपस्पर्शने कृते ।। शुक्रेश्वरं ततः पश्येत्तत्कूपविहितोदकः

devasyāgre tu yā vāpī tatropasparśane kṛte || śukreśvaraṁ tataḥ paśyettatkūpavihitodakaḥ

देव के सामने जो बावली है, उसमें जल स्पर्श करके, फिर उस कूप का जल अर्पित करके शुक्रेश्वर को देखे।

श्लोक 59 (skanda.4.100.59)

दंडखाते ततः स्नात्वा व्याघ्रेशं पूजयेत्ततः ।। शौनकेश्वरकुंडे तु स्नानं कृत्वा ततोर्चयेत्

daṁḍakhāte tataḥ snātvā vyāghreśaṁ pūjayettataḥ || śaunakeśvarakuṁḍe tu snānaṁ kṛtvā tatorcayet

फिर दण्डखात में स्नान करके व्याघ्रेश की पूजा करे; शौनकेश्वर-कुण्ड में स्नान करके फिर उनकी पूजा करे,

श्लोक 60 (skanda.4.100.60)

जंबुकेशं महालिंगं कृत्वा यात्रामिमां नरः।। क्वचिन्न जायते भूयः संसारे दुःखसागरे

jaṁbukeśaṁ mahāliṁgaṁ kṛtvā yātrāmimāṁ naraḥ|| kvacinna jāyate bhūyaḥ saṁsāre duḥkhasāgare

और जम्बुकेश महालिंग की — यह यात्रा करने वाला मनुष्य संसार के दुःख-सागर में फिर कभी जन्म नहीं लेता।

श्लोक 61 (skanda.4.100.61)

समारभ्य प्रतिपदं यावत्कृष्णा चतुर्दशी ।। एतत्क्रमेण कर्तव्यान्ये तदायतनानि वै

samārabhya pratipadaṁ yāvatkṛṣṇā caturdaśī || etatkrameṇa kartavyānye tadāyatanāni vai

कृष्ण-पक्ष प्रतिपदा से चतुर्दशी तक ये अन्य आयतन क्रमशः देखने चाहिए।

श्लोक 62 (skanda.4.100.62)

इमां यात्रां नरः कृत्वा न भूयोप्यभिजायते ।। अन्या यात्रा प्रकर्तव्यैका दशायतनोद्भवा

imāṁ yātrāṁ naraḥ kṛtvā na bhūyopyabhijāyate || anyā yātrā prakartavyaikā daśāyatanodbhavā

यह यात्रा करके मनुष्य पुनः जन्म नहीं लेता। एक और यात्रा करनी चाहिए, ग्यारह आयतनों की।

श्लोक 63 (skanda.4.100.63)

आग्नीध्र कुंडे सुस्नातः पश्येदाग्नीध्रमीश्वरम् ।। उर्वशीशं ततो गच्छेत्ततस्तु नकुलीश्वरम्

āgnīdhra kuṁḍe susnātaḥ paśyedāgnīdhramīśvaram || urvaśīśaṁ tato gacchettatastu nakulīśvaram

अग्नीध्र-कुण्ड में भलीभाँति स्नान करके अग्नीध्रेश्वर को देखे; फिर उर्वशीश जाए, फिर नकुलीश्वर।

श्लोक 64 (skanda.4.100.64)

आषाढीशं ततो दृष्ट्वा भारभूतेश्वरं ततः ।। लांगलीशमथालोक्य ततस्तु त्रिपुरांतकम्

āṣāḍhīśaṁ tato dṛṣṭvā bhārabhūteśvaraṁ tataḥ || lāṁgalīśamathālokya tatastu tripurāṁtakam

फिर आषाढीश को देखकर, फिर भारभूतेश्वर; फिर लांगलीश को देखकर, फिर त्रिपुरान्तक,

श्लोक 65 (skanda.4.100.65)

ततो मनःप्रकामेशं प्रीतिकेशमथो व्रजेत् ।। मदालसेश्वरं तस्मात्तिलपर्णेश्वरं ततः

tato manaḥprakāmeśaṁ prītikeśamatho vrajet || madālaseśvaraṁ tasmāttilaparṇeśvaraṁ tataḥ

फिर मनःप्रकामेश, फिर प्रीतिकेश जाए; फिर मदालसेश्वर, फिर तिलपर्णेश्वर।

श्लोक 66 (skanda.4.100.66)

यात्रैकादशलिंगानामेषा कार्या प्रयत्नतः।। इमां यात्रां प्रकुर्वाणो रुद्रत्वं प्राप्नुयान्नरः

yātraikādaśaliṁgānāmeṣā kāryā prayatnataḥ|| imāṁ yātrāṁ prakurvāṇo rudratvaṁ prāpnuyānnaraḥ

यह ग्यारह लिंगों की यात्रा प्रयत्नपूर्वक करनी चाहिए। यह यात्रा करने वाला मनुष्य रुद्रत्व प्राप्त करता है।

श्लोक 67 (skanda.4.100.67)

अतः परं प्रवक्ष्यामि गारी यात्रामनुत्तमाम्।। शुक्लपक्षे तृतीयायां या यात्रा विष्वगृद्धिदा

ataḥ paraṁ pravakṣyāmi gārī yātrāmanuttamām|| śuklapakṣe tṛtīyāyāṁ yā yātrā viṣvagṛddhidā

अब इससे आगे उत्तम गौरी-यात्रा बताऊँगा। शुक्ल-पक्ष तृतीया को जो यात्रा सब दिशाओं में समृद्धि देती है —

श्लोक 68 (skanda.4.100.68)

गोप्रेक्षतीर्थे सुस्नाय मुखनिर्मालिकां व्रजेत् ।। ज्येष्ठावाप्यां नरः स्नात्वा ज्येष्ठागौरीं समर्चयेत्

goprekṣatīrthe susnāya mukhanirmālikāṁ vrajet || jyeṣṭhāvāpyāṁ naraḥ snātvā jyeṣṭhāgaurīṁ samarcayet

गोप्रेक्ष-तीर्थ में भलीभाँति स्नान करके मुख-निर्मालिका जाए; ज्येष्ठा-वापी में स्नान करके ज्येष्ठा-गौरी की पूजा करे।

श्लोक 69 (skanda.4.100.69)

सौभाग्यगौरी संपूज्या ज्ञानवाप्यां कृतोदकैः।। ततः शृंगारगौरीं च तत्रैव च कृतोदकः

saubhāgyagaurī saṁpūjyā jñānavāpyāṁ kṛtodakaiḥ|| tataḥ śṛṁgāragaurīṁ ca tatraiva ca kṛtodakaḥ

ज्ञानवापी में जल-अर्पण करके सौभाग्य-गौरी की पूजा करे; फिर शृंगार-गौरी की भी, वहीं जल-अर्पण करके।

श्लोक 70 (skanda.4.100.70)

स्नात्वा विशालगंगायां विशालाक्षीं ततो व्रजेत् ।। सुस्नातो ललितातीर्थे ललितामर्चयेत्ततः

snātvā viśālagaṁgāyāṁ viśālākṣīṁ tato vrajet || susnāto lalitātīrthe lalitāmarcayettataḥ

विशाल-गंगा में स्नान करके विशालाक्षी जाए; ललिता-तीर्थ में भलीभाँति स्नान करके ललिता की पूजा करे।

श्लोक 71 (skanda.4.100.71)

स्नात्वा भवानीतीर्थेथ भवानीं परिपूजयेत् ।। मंगला च ततोभ्यर्च्या बिंदुतीर्थकृतोदकैः

snātvā bhavānītīrthetha bhavānīṁ paripūjayet || maṁgalā ca tatobhyarcyā biṁdutīrthakṛtodakaiḥ

भवानी-तीर्थ में स्नान करके भवानी की भलीभाँति पूजा करे; और बिन्दु-तीर्थ में जल-अर्पण करके मंगला की पूजा करे।

श्लोक 72 (skanda.4.100.72)

ततो गच्छेन्महालक्ष्मीं स्थिरलक्ष्मीसमृद्धये ।। इमां यात्रां नरः कृत्वा क्षेत्रेस्मिन्मुक्तिजन्मनि

tato gacchenmahālakṣmīṁ sthiralakṣmīsamṛddhaye || imāṁ yātrāṁ naraḥ kṛtvā kṣetresminmuktijanmani

फिर स्थिर लक्ष्मी की समृद्धि के लिए महालक्ष्मी के पास जाए। यह यात्रा करके मनुष्य इस मुक्ति-जन्मभूमि क्षेत्र में,

श्लोक 73 (skanda.4.100.73)

न दुःखैरभिभूयेत इहामुत्रापि कुत्रचित् ।। कुर्यात्प्रतिचतुर्थीह यात्रां विघ्नेशितुः सदा

na duḥkhairabhibhūyeta ihāmutrāpi kutracit || kuryātpraticaturthīha yātrāṁ vighneśituḥ sadā

यहाँ या परलोक में भी कहीं दुःखों से अभिभूत नहीं होता। हर चतुर्थी को विघ्नेश की यात्रा सदा करनी चाहिए।

श्लोक 74 (skanda.4.100.74)

ब्राह्मणेभ्यस्तदुद्देशाद्देया वै मोदका मुदे ।। भौमे भैरवयात्रा च कार्या पातकहारिणी

brāhmaṇebhyastaduddeśāddeyā vai modakā mude || bhaume bhairavayātrā ca kāryā pātakahāriṇī

उस उद्देश्य से आनन्द के लिए ब्राह्मणों को मोदक देने चाहिए। मंगलवार को भैरव-यात्रा करनी चाहिए, पाप हरने वाली।

श्लोक 75 (skanda.4.100.75)

रविवारे रवेर्यात्रा षष्ठ्यां वारविसंयुजि ।। तथैव रविसप्तम्यां सर्वविघ्नोपशांतये

ravivāre raveryātrā ṣaṣṭhyāṁ vāravisaṁyuji || tathaiva ravisaptamyāṁ sarvavighnopaśāṁtaye

रविवार को सूर्य की यात्रा; छठे दिन जो वार-रहित हो; वैसे ही रवि-सप्तमी को, सब विघ्नों की शान्ति के लिए।

श्लोक 76 (skanda.4.100.76)

नवम्यामथवाष्टम्यां चंडीयात्रा शुभा मता ।। अंतर्गृहस्य वै यात्रा कर्तव्या प्रतिवासरम्

navamyāmathavāṣṭamyāṁ caṁḍīyātrā śubhā matā || aṁtargṛhasya vai yātrā kartavyā prativāsaram

नवमी या अष्टमी को चण्डी-यात्रा शुभ मानी गई है। अन्तर्गृह की यात्रा प्रतिदिन करनी चाहिए।

श्लोक 77 (skanda.4.100.77)

प्रातःस्नानं विधायादौ नत्वा पंचविनायकान् ।। नमस्कृत्वाथ विश्वेशं स्थित्वा निर्वाणमंडपे

prātaḥsnānaṁ vidhāyādau natvā paṁcavināyakān || namaskṛtvātha viśveśaṁ sthitvā nirvāṇamaṁḍape

पहले प्रातः-स्नान करके, पाँच विनायकों को प्रणाम करके, फिर विश्वेश को नमस्कार करके, निर्वाण-मण्डप में खड़े होकर,

श्लोक 78 (skanda.4.100.78)

अंतर्गृहस्य यात्रा वै करिष्ये घौघशांतये ।। गृहीत्वा नियमं चेति गत्वाथ मणिकर्णिकाम्

aṁtargṛhasya yātrā vai kariṣye ghaughaśāṁtaye || gṛhītvā niyamaṁ ceti gatvātha maṇikarṇikām

"मैं पाप-राशि की शान्ति के लिए अन्तर्गृह की यात्रा करूँगा" — यह संकल्प लेकर, फिर मणिकर्णिका जाकर,

श्लोक 79 (skanda.4.100.79)

स्नात्वा मौनेन चागत्य मणिकर्णीशमर्चयेत् ।। कंबलाश्वतरौ नत्वा वासुकीशं प्रणम्य च

snātvā maunena cāgatya maṇikarṇīśamarcayet || kaṁbalāśvatarau natvā vāsukīśaṁ praṇamya ca

स्नान करके मौन से लौटकर मणिकर्णीश की पूजा करे; कम्बल-अश्वतर को प्रणाम करके, वासुकीश को प्रणाम करके,

श्लोक 80 (skanda.4.100.80)

पर्वतेशं ततो दृष्ट्वा गंगाकेशवमप्यथ ।। ततस्तु ललितां दृष्ट्वा जरासंधेश्वरं ततः

parvateśaṁ tato dṛṣṭvā gaṁgākeśavamapyatha || tatastu lalitāṁ dṛṣṭvā jarāsaṁdheśvaraṁ tataḥ

फिर पर्वतेश को देखकर, गंगा-केशव को भी; फिर ललिता को देखकर, जरासन्धेश्वर को,

श्लोक 81 (skanda.4.100.81)

ततो वै सोमनाथं च वाराहं च ततो व्रजेत् ।। ब्रह्मेश्वरं ततो नत्वा नत्वागस्तीश्वरं ततः

tato vai somanāthaṁ ca vārāhaṁ ca tato vrajet || brahmeśvaraṁ tato natvā natvāgastīśvaraṁ tataḥ

फिर सोमनाथ को, फिर वराह को जाए; फिर ब्रह्मेश्वर को प्रणाम करके, फिर अगस्तीश्वर को,

श्लोक 82 (skanda.4.100.82)

कश्यपेशं नमस्कृत्य हरिकेशवनं ततः ।। वैद्यनाथं ततो दृष्ट्वा ध्रुवेशमथ वीक्ष्य च

kaśyapeśaṁ namaskṛtya harikeśavanaṁ tataḥ || vaidyanāthaṁ tato dṛṣṭvā dhruveśamatha vīkṣya ca

कश्यपेश को प्रणाम करके, हरिकेशवन को; फिर वैद्यनाथ को देखकर, ध्रुवेश को भी देखकर,

श्लोक 83 (skanda.4.100.83)

गोकर्णेश्वरमभ्यर्च्य हाटकेशमथो व्रजेत् ।। अस्थिक्षेप तडागे च दृष्ट्वा वै कीकसेश्वरम्

gokarṇeśvaramabhyarcya hāṭakeśamatho vrajet || asthikṣepa taḍāge ca dṛṣṭvā vai kīkaseśvaram

गोकर्णेश्वर की पूजा करके, फिर हाटकेश जाए; अस्थिक्षेप-ताल में कीकसेश्वर को देखकर,

श्लोक 84 (skanda.4.100.84)

भारभूतं ततो नत्वा चित्रेगुप्तेश्वरं ततः ।। चित्रघंटां प्रणम्याथ ततः पशुपतीश्वरम्

bhārabhūtaṁ tato natvā citregupteśvaraṁ tataḥ || citraghaṁṭāṁ praṇamyātha tataḥ paśupatīśvaram

फिर भारभूत को प्रणाम करके, फिर चित्रगुप्तेश्वर को; चित्रघण्टा को प्रणाम करके, फिर पशुपतीश्वर को,

श्लोक 85 (skanda.4.100.85)

पितामहेश्वरं गत्वा ततस्तु कलशेश्वरम् ।। चंद्रेशस्त्वथ वीरेशो विद्येशोग्नीश एव च

pitāmaheśvaraṁ gatvā tatastu kalaśeśvaram || caṁdreśastvatha vīreśo vidyeśognīśa eva ca

पितामहेश्वर जाकर, फिर कलशेश्वर को; फिर चन्द्रेश, वीरेश, विद्येश, और अग्नीश को,

श्लोक 86 (skanda.4.100.86)

नागेश्वरो हरिश्चंद्रश्चिंतामणिविनायकः ।। सेनाविनायकश्चाथ द्रष्टव्यः सर्वविघ्नहृत्

nāgeśvaro hariścaṁdraściṁtāmaṇivināyakaḥ || senāvināyakaścātha draṣṭavyaḥ sarvavighnahṛt

नागेश्वर, हरिश्चन्द्र, चिन्तामणि-विनायक; और फिर सेना-विनायक को देखना चाहिए, सब विघ्न हरने वाले।

श्लोक 87 (skanda.4.100.87)

वसिष्ठवामदेवौ च मूर्तिरूपधरावुभौ ।। द्रष्टव्यौ यत्नतः काश्यां महाविघ्नविनाशिनौ

vasiṣṭhavāmadevau ca mūrtirūpadharāvubhau || draṣṭavyau yatnataḥ kāśyāṁ mahāvighnavināśinau

वसिष्ठ और वामदेव, दोनों साकार रूप धारण किए हुए — दोनों को काशी में प्रयत्नपूर्वक देखना चाहिए, महाविघ्न-नाशक।

श्लोक 88 (skanda.4.100.88)

सीमाविनायकं चाथ करुणेशं ततो व्रजेत् ।। त्रिसंध्येशो विशालाक्षी धर्मेशो विश्वबाहुका ।। आशाविनायकश्चाथ वृद्धादित्यस्ततः पुनः

sīmāvināyakaṁ cātha karuṇeśaṁ tato vrajet || trisaṁdhyeśo viśālākṣī dharmeśo viśvabāhukā || āśāvināyakaścātha vṛddhādityastataḥ punaḥ

फिर सीमा-विनायक, फिर करुणेश जाए; त्रिसन्ध्येश, विशालाक्षी, धर्मेश, विश्वबाहुका, फिर आशा-विनायक, फिर पुनः वृद्धादित्य,

श्लोक 89 (skanda.4.100.89)

चतुर्वक्त्रेश्वरं लिंगं ब्राह्मीशस्तु ततः परः ।। ततो मनःप्रकामेश ईशानेशस्ततः परम्

caturvaktreśvaraṁ liṁgaṁ brāhmīśastu tataḥ paraḥ || tato manaḥprakāmeśa īśāneśastataḥ param

चतुर्वक्त्रेश्वर लिंग, फिर उसके बाद ब्राह्मीश; फिर मनःप्रकामेश, फिर उसके बाद ईशानेश।

श्लोक 90 (skanda.4.100.90)

चंडीचंडीश्वरौ दृश्यौ भवानीशंकरौ ततः ।। ढुंढिं प्रणम्य च ततो राजराजेशमर्चयेत्

caṁḍīcaṁḍīśvarau dṛśyau bhavānīśaṁkarau tataḥ || ḍhuṁḍhiṁ praṇamya ca tato rājarājeśamarcayet

चण्डी-चण्डीश्वर देखे जाने चाहिए, फिर भवानी-शंकर; ढुण्ढि को प्रणाम करके फिर राजराजेश की पूजा करे।

श्लोक 91 (skanda.4.100.91)

लांगलीशस्ततोभ्यर्च्यस्ततस्तु नकुलीश्वरः ।। परान्नेशमथो नत्वा परद्रव्येश्वरं ततः

lāṁgalīśastatobhyarcyastatastu nakulīśvaraḥ || parānneśamatho natvā paradravyeśvaraṁ tataḥ

फिर लांगलीश की पूजा करे, फिर नकुलीश्वर की; परान्नेश्वर को प्रणाम करके, फिर परद्रव्येश्वर को,

श्लोक 92 (skanda.4.100.92)

प्रतिग्रहेश्वरं वापि निष्कलंकेशमेव च ।। मार्कंडेयेशमभ्यर्च्य ततश्चाप्सरसेश्वरम्

pratigraheśvaraṁ vāpi niṣkalaṁkeśameva ca || mārkaṁḍeyeśamabhyarcya tataścāpsaraseśvaram

और प्रतिग्रहेश्वर को भी, और निष्कलंकेश को भी; मार्कण्डेयेश की पूजा करके, फिर अप्सरसेश्वर की,

श्लोक 93 (skanda.4.100.93)

गंगेशोर्च्यस्ततो ज्ञानवाप्यां स्नानं समाचरेत् ।। नंदिकेशं तारकेशं महाकालेश्वरं ततः

gaṁgeśorcyastato jñānavāpyāṁ snānaṁ samācaret || naṁdikeśaṁ tārakeśaṁ mahākāleśvaraṁ tataḥ

गंगेश की पूजा करके फिर ज्ञानवापी में स्नान करे; नन्दिकेश, तारकेश, फिर महाकालेश्वर को,

श्लोक 94 (skanda.4.100.94)

दंडपाणिं महेशं च मोक्षेशं प्रणमेत्ततः ।। वीरभद्रेश्वरं नत्वा अविमुक्तेश्वरं ततः

daṁḍapāṇiṁ maheśaṁ ca mokṣeśaṁ praṇamettataḥ || vīrabhadreśvaraṁ natvā avimukteśvaraṁ tataḥ

दण्डपाणि, महेश को, फिर मोक्षेश को प्रणाम करे; वीरभद्रेश्वर को प्रणाम करके, फिर अविमुक्तेश्वर को,

श्लोक 95 (skanda.4.100.95)

विनायकांस्ततः पंच विश्वनाथं ततो व्रजेत् ।।. ततो मौनं विसृज्याथ मंत्रमेतमुदीरयेत्

vināyakāṁstataḥ paṁca viśvanāthaṁ tato vrajet ||. tato maunaṁ visṛjyātha maṁtrametamudīrayet

फिर पाँचों विनायकों को, फिर विश्वनाथ जाए; फिर मौन त्यागकर यह मन्त्र बोले —

श्लोक 96 (skanda.4.100.96)

अंतर्गृहस्य यात्रेयं यथावद्या मया कृता ।। न्यूनातिरिक्तया शंभुः प्रीयतामनया विभुः

aṁtargṛhasya yātreyaṁ yathāvadyā mayā kṛtā || nyūnātiriktayā śaṁbhuḥ prīyatāmanayā vibhuḥ

"यह अन्तर्गृह की यात्रा मेरे द्वारा यथाविधि की गई; इसमें जो न्यून या अधिक हो, उससे भी प्रभु शम्भु प्रसन्न हों।"

श्लोक 97 (skanda.4.100.97)

इति मंत्रं समुच्चार्य क्षणं वै मुक्तिमंडपे ।। विश्रम्य यायाद्भवनं निष्पापः पुण्यवान्नरः

iti maṁtraṁ samuccārya kṣaṇaṁ vai muktimaṁḍape || viśramya yāyādbhavanaṁ niṣpāpaḥ puṇyavānnaraḥ

यह मन्त्र कहकर, मुक्ति-मण्डप में क्षण भर विश्राम करके, निष्पाप, पुण्यवान मनुष्य घर जाए।

श्लोक 98 (skanda.4.100.98)

संप्राप्य वासरं विष्णोर्विष्णुतीर्थेषु सर्वतः ।। कार्या यात्रा प्रयत्नेन महापुण्य समृद्धये

saṁprāpya vāsaraṁ viṣṇorviṣṇutīrtheṣu sarvataḥ || kāryā yātrā prayatnena mahāpuṇya samṛddhaye

विष्णु के दिन को पाकर, सर्वत्र विष्णु-तीर्थों की यात्रा प्रयत्नपूर्वक करनी चाहिए, महापुण्य की समृद्धि के लिए।

श्लोक 99 (skanda.4.100.99)

नभस्य पंचदश्यां च कुलस्तंभं समर्चयेत् ।। दुःखं रुद्रपिशाचत्वं न भवेद्यस्य पूजनात्

nabhasya paṁcadaśyāṁ ca kulastaṁbhaṁ samarcayet || duḥkhaṁ rudrapiśācatvaṁ na bhavedyasya pūjanāt

श्रावण की पूर्णिमा को कुल-स्तम्भ की पूजा करे; जिसकी पूजा से रुद्र-पिशाचत्व का दुःख नहीं होता।

श्लोक 100 (skanda.4.100.100)

श्रद्धापूर्वमिमा यात्रा कर्तव्याः क्षेत्रवासिभिः ।। पर्वस्वपि विशेषेण कार्या यात्राश्च सर्वतः

śraddhāpūrvamimā yātrā kartavyāḥ kṣetravāsibhiḥ || parvasvapi viśeṣeṇa kāryā yātrāśca sarvataḥ

ये यात्राएँ क्षेत्र-वासियों को श्रद्धापूर्वक करनी चाहिए; पर्वों पर विशेष रूप से यात्राएँ सर्वत्र करनी चाहिए।

श्लोक 101 (skanda.4.100.101)

न वंध्यं दिवसं कुर्याद्विनायात्रां क्वचित्कृती ।। यात्राद्वयं प्रयत्नेन कर्तव्यं प्रतिवासरम्

na vaṁdhyaṁ divasaṁ kuryādvināyātrāṁ kvacitkṛtī || yātrādvayaṁ prayatnena kartavyaṁ prativāsaram

सिद्ध पुरुष को कभी यात्रा के बिना कोई दिन व्यर्थ नहीं गँवाना चाहिए; प्रतिदिन प्रयत्नपूर्वक दो यात्राएँ करनी चाहिए —

श्लोक 102 (skanda.4.100.102)

आदौ स्वर्गतरंगिण्यास्ततो विश्वेशितुर्ध्रुवम् ।। यस्य वंध्यं दिनं यातं काश्यां निवसतः सतः

ādau svargataraṁgiṇyāstato viśveśiturdhruvam || yasya vaṁdhyaṁ dinaṁ yātaṁ kāśyāṁ nivasataḥ sataḥ

पहले स्वर्ग-नदी की, फिर निश्चय ही विश्वेश की। काशी में रहने वाले सज्जन का जिस दिन यह नहीं होता,

श्लोक 103 (skanda.4.100.103)

निराशाः पितरस्तस्य तस्मिन्नेव दिनेऽभवन् ।। स दष्टः कालसर्पेण स दृष्टो मृत्युना स्फुटम्

nirāśāḥ pitarastasya tasminneva dine'bhavan || sa daṣṭaḥ kālasarpeṇa sa dṛṣṭo mṛtyunā sphuṭam

उस दिन उसके पितर निराश हो जाते हैं। वह काल-सर्प से डसा जाता है, मृत्यु द्वारा स्पष्ट रूप से देखा जाता है।

श्लोक 104 (skanda.4.100.104)

स मुष्टस्तत्र दिवसे विश्वेशो यत्र नेक्षितः ।। सर्वतीर्थेषु सस्नौ स सर्वयात्रां व्यधात्स च ।। मणिकर्ण्यां तु यः स्नातो यो विश्वेशं निरैक्षत

sa muṣṭastatra divase viśveśo yatra nekṣitaḥ || sarvatīrtheṣu sasnau sa sarvayātrāṁ vyadhātsa ca || maṇikarṇyāṁ tu yaḥ snāto yo viśveśaṁ niraikṣata

वह उस दिन लुटा हुआ है, जिस दिन विश्वेश नहीं देखे गए। जिसने सब तीर्थों में स्नान किया, जिसने सारी यात्राएँ कीं,

श्लोक 105 (skanda.4.100.105)

सत्यं सत्यं पुनः सत्यं सत्यं सत्यं पुनःपुनः ।। दृश्यो विश्वेश्वरो नित्यं स्नातव्या मणिकर्णिका

satyaṁ satyaṁ punaḥ satyaṁ satyaṁ satyaṁ punaḥpunaḥ || dṛśyo viśveśvaro nityaṁ snātavyā maṇikarṇikā

और जिसने मणिकर्णिका में स्नान किया, जिसने विश्वेश को देखा — सत्य है, सत्य है, फिर सत्य, सत्य, सत्य, बार-बार — विश्वेश्वर सदा दर्शनीय हैं, मणिकर्णिका सदा स्नान करने योग्य है।

श्लोक 106 (skanda.4.100.106)

।। व्यास उवाच ।। ।। सूत स्कांदमिदं श्रुत्वा काशीमाहात्म्यमुत्तमम् ।। नरो न निरयं याति कृत्वाप्यघसहस्रकम्

|| vyāsa uvāca || || sūta skāṁdamidaṁ śrutvā kāśīmāhātmyamuttamam || naro na nirayaṁ yāti kṛtvāpyaghasahasrakam

व्यास ने कहा — हे सूत, स्कान्द के इस उत्तम काशी-माहात्म्य को सुनकर मनुष्य नरक नहीं जाता, हज़ार पाप करके भी।

श्लोक 107 (skanda.4.100.107)

स्नात्वा सर्वाणि तीर्थानि यच्छ्रेयः समुपार्ज्यते ।। काशीखंडस्य श्रवणात्तत्स्यात्सूत न संशयः

snātvā sarvāṇi tīrthāni yacchreyaḥ samupārjyate || kāśīkhaṁḍasya śravaṇāttatsyātsūta na saṁśayaḥ

सब तीर्थों में स्नान करके जो कल्याण अर्जित होता है, वह काशी-खण्ड के श्रवण से मिलता है, हे सूत, इसमें संशय नहीं।

श्लोक 108 (skanda.4.100.108)

दत्त्वा दानानि सर्वाणि कृत्वा यज्ञाननेकशः ।। तत्पुण्यं लभते मर्त्यस्तदा तच्छ्रवणाद्ध्रुवम्

dattvā dānāni sarvāṇi kṛtvā yajñānanekaśaḥ || tatpuṇyaṁ labhate martyastadā tacchravaṇāddhruvam

सब प्रकार के दान देकर, अनेक यज्ञ करके — वह पुण्य मनुष्य को निश्चय ही उसके सुनने से मिल जाता है।

श्लोक 109 (skanda.4.100.109)

तप्त्वा तपांसि चोग्राणि प्राप्यते यन्महत्फलम् ।। श्रवणादस्य खंडस्य लभते तन्न संशयः

taptvā tapāṁsi cogrāṇi prāpyate yanmahatphalam || śravaṇādasya khaṁḍasya labhate tanna saṁśayaḥ

उग्र तप करके जो महान फल प्राप्त होता है, वह इस खण्ड के सुनने से मिलता है, इसमें संशय नहीं।

श्लोक 110 (skanda.4.100.110)

अधीत्य चतुरो वेदान्सांगान्यत्फलमाप्यते ।। काशीखंडं समाकर्ण्य तत्फलं लभ्यते नरैः

adhītya caturo vedānsāṁgānyatphalamāpyate || kāśīkhaṁḍaṁ samākarṇya tatphalaṁ labhyate naraiḥ

अंगों सहित चारों वेद पढ़कर जो फल मिलता है, वह फल मनुष्यों को काशी-खण्ड सुनने से मिलता है।

श्लोक 111 (skanda.4.100.111)

गययां श्राद्धदानाच्च यथा तृप्यंति पूर्वजाः ।। तथैतच्छ्रवणान्नृणां तृप्नुवंति पितामहाः

gayayāṁ śrāddhadānācca yathā tṛpyaṁti pūrvajāḥ || tathaitacchravaṇānnṛṇāṁ tṛpnuvaṁti pitāmahāḥ

गया में श्राद्ध-दान से जैसे पूर्वज तृप्त होते हैं, वैसे ही इसके सुनने से मनुष्यों के प्रपितामह तृप्त होते हैं।

श्लोक 112 (skanda.4.100.112)

तैश्च सर्वपुराणानि श्रुतानि स्थिरबुद्धिभिः ।। काशीखंडं श्रुतं यैश्च सर्वेषां श्रेयसां पदम्

taiśca sarvapurāṇāni śrutāni sthirabuddhibhiḥ || kāśīkhaṁḍaṁ śrutaṁ yaiśca sarveṣāṁ śreyasāṁ padam

स्थिर-बुद्धि वालों ने सब पुराण सुने हैं; और जिन्होंने काशी-खण्ड सुना है, वे सब कल्याणों के पद को प्राप्त हुए हैं।

श्लोक 113 (skanda.4.100.113)

श्रुताश्च सर्वधर्मास्तैर्महापुण्येकराशिभिः ।। श्रुतं यैः स्थिरचेतोभिः काशीमाहात्म्यमुत्तमम्

śrutāśca sarvadharmāstairmahāpuṇyekarāśibhiḥ || śrutaṁ yaiḥ sthiracetobhiḥ kāśīmāhātmyamuttamam

महापुण्य के एकमात्र भण्डार, उन स्थिर-चित्त वालों ने सब धर्म सुन लिए हैं, जिन्होंने इस उत्तम काशी-माहात्म्य को सुना है।

श्लोक 114 (skanda.4.100.114)

इदमेव हि देवेज्या परमा परिकीर्तिता ।। जपेत्तत्खंडमखिलं श्रोतव्यं श्रद्धया द्विजाः

idameva hi devejyā paramā parikīrtitā || japettatkhaṁḍamakhilaṁ śrotavyaṁ śraddhayā dvijāḥ

यही देवताओं की परम पूजा कही गई है। इस सम्पूर्ण खण्ड का जप करना चाहिए; श्रद्धापूर्वक सुनना चाहिए, हे द्विजों।

श्लोक 115 (skanda.4.100.115)

शृणुयादेकमपि य आख्यानं काशिखंडजम् ।। श्रुतानि तेन सर्वाणि धर्मशास्त्राण्यसंशयम्

śṛṇuyādekamapi ya ākhyānaṁ kāśikhaṁḍajam || śrutāni tena sarvāṇi dharmaśāstrāṇyasaṁśayam

जो काशी-खण्ड से उत्पन्न एक भी आख्यान सुनेगा, उसने सब धर्मशास्त्र सुन लिए, इसमें संशय नहीं।

श्लोक 116 (skanda.4.100.116)

महाधर्मैकजननं महार्थप्रतिपादकम् ।। कारणं सर्वकामाप्तेः काशीखंडमिदं स्मृतम्

mahādharmaikajananaṁ mahārthapratipādakam || kāraṇaṁ sarvakāmāpteḥ kāśīkhaṁḍamidaṁ smṛtam

महाधर्म का एकमात्र जनक, महार्थ का प्रतिपादक, सब कामनाओं की प्राप्ति का कारण — यह काशी-खण्ड स्मृत है।

श्लोक 117 (skanda.4.100.117)

एतच्छ्रवणतः पुंसां कैवल्यं नैव दूरतः ।। तुष्यंति सर्वे पितरः श्रुत्वैतत्खंडमुत्तमम्

etacchravaṇataḥ puṁsāṁ kaivalyaṁ naiva dūrataḥ || tuṣyaṁti sarve pitaraḥ śrutvaitatkhaṁḍamuttamam

इसके सुनने से मनुष्यों के लिए कैवल्य दूर नहीं है। इस उत्तम खण्ड को सुनकर सब पितर सन्तुष्ट होते हैं।

श्लोक 118 (skanda.4.100.118)

प्रीणंत्यमर्त्याः सर्वेपि ब्रह्मविष्णुशिवादयः ।। मुनयः परिमोदंते माद्यंति सनकादयः

prīṇaṁtyamartyāḥ sarvepi brahmaviṣṇuśivādayaḥ || munayaḥ parimodaṁte mādyaṁti sanakādayaḥ

सब अमर प्रसन्न होते हैं — ब्रह्मा, विष्णु, शिव आदि; मुनि अत्यन्त आनन्दित होते हैं, सनक आदि उन्मत्त होते हैं।

श्लोक 119 (skanda.4.100.119)

हृष्टः सर्वो भवेदेव भूतग्रामश्चतुर्विधः ।। महिमश्रवणादस्माद्वाराणस्या न संशयः

hṛṣṭaḥ sarvo bhavedeva bhūtagrāmaścaturvidhaḥ || mahimaśravaṇādasmādvārāṇasyā na saṁśayaḥ

चारों प्रकार के प्राणी-समूह हर्षित होते हैं ही, वाराणसी की इस महिमा के सुनने से, इसमें संशय नहीं।

श्लोक 120 (skanda.4.100.120)

य इदं श्रावयेद्विद्वान्समस्तं त्वर्धमेव वा ।। पादमात्रं तदर्धं वा त्वेकं व्याख्यानमुत्तमम्

ya idaṁ śrāvayedvidvānsamastaṁ tvardhameva vā || pādamātraṁ tadardhaṁ vā tvekaṁ vyākhyānamuttamam

जो विद्वान इसे सम्पूर्ण, या आधा भी, या केवल एक चरण, या उसका आधा, या एक ही उत्तम व्याख्यान सुनाए —

श्लोक 121 (skanda.4.100.121)

स नमस्यः प्रयत्नेन संपूज्यस्त्विष्टदेववत् ।। तस्मै देयं प्रयत्नेन विश्वेश प्रीतये सदा

sa namasyaḥ prayatnena saṁpūjyastviṣṭadevavat || tasmai deyaṁ prayatnena viśveśa prītaye sadā

उसे प्रयत्नपूर्वक नमस्कार करना चाहिए, इष्ट-देव की भाँति पूजना चाहिए; उसे प्रयत्नपूर्वक विश्वेश की प्रसन्नता के लिए दान देना चाहिए।

श्लोक 122 (skanda.4.100.122)

तस्मिंस्तुष्टे हि संतुष्टो विश्वेशो नात्र संशयः।। यत्रैतत्पठ्यते खंडं परानंदसमाश्रयम्

tasmiṁstuṣṭe hi saṁtuṣṭo viśveśo nātra saṁśayaḥ|| yatraitatpaṭhyate khaṁḍaṁ parānaṁdasamāśrayam

उसके सन्तुष्ट होने पर विश्वेश भी सन्तुष्ट होते हैं, इसमें संशय नहीं। जहाँ यह खण्ड, परमानन्द का आश्रय, पढ़ा जाता है,

श्लोक 123 (skanda.4.100.123)

न तत्र प्रभवेत्कश्चिदमंगलसमुद्भवः ।। य इदं शृणुयाद्विद्वान्यश्चेदं श्रावयेत्सुधीः

na tatra prabhavetkaścidamaṁgalasamudbhavaḥ || ya idaṁ śṛṇuyādvidvānyaścedaṁ śrāvayetsudhīḥ

वहाँ कोई भी अमंगल कभी उत्पन्न नहीं हो सकता। जो विद्वान इसे सुनेगा, जो बुद्धिमान इसे सुनाएगा,

श्लोक 124 (skanda.4.100.124)

यः पठेदपि पुण्यात्मा ते सर्वे रुद्रमूर्तयः ।। य एतत्पुस्तकं रम्यं लेखयित्वा समर्पयेत्

yaḥ paṭhedapi puṇyātmā te sarve rudramūrtayaḥ || ya etatpustakaṁ ramyaṁ lekhayitvā samarpayet

जो पुण्यात्मा इसे पढ़ेगा भी, वे सब रुद्र-मूर्तियाँ हैं। जो इस सुन्दर पुस्तक को लिखवाकर अर्पित करेगा,

श्लोक 125 (skanda.4.100.125)

अखिलानि पुराणानि तेन दत्तानि नान्यथा ।। अत्राख्यानानि यावंति श्लोका यावंत एव हि

akhilāni purāṇāni tena dattāni nānyathā || atrākhyānāni yāvaṁti ślokā yāvaṁta eva hi

उसने सब पुराण दिए हैं, अन्यथा नहीं। यहाँ जितने आख्यान हैं, जितने श्लोक हैं,

श्लोक 126 (skanda.4.100.126)

तथा पदानि यावंति वर्णा यावंत एव हि ।। यावंत्यपि च मात्राणि यावंत्यः पदपंक्तयः

tathā padāni yāvaṁti varṇā yāvaṁta eva hi || yāvaṁtyapi ca mātrāṇi yāvaṁtyaḥ padapaṁktayaḥ

जितने पद हैं, जितने वर्ण हैं, जितनी मात्राएँ हैं, जितनी पद-पंक्तियाँ हैं,

श्लोक 127 (skanda.4.100.127)

गुणे सूत्राणि यावंति यावंतः पटतंतवः ।। चित्ररूपाणि यावंति रम्यपुस्तकसंचके

guṇe sūtrāṇi yāvaṁti yāvaṁtaḥ paṭataṁtavaḥ || citrarūpāṇi yāvaṁti ramyapustakasaṁcake

बन्धन-सूत्र में जितने धागे हैं, जितने बुने हुए रेशे हैं, सुन्दर पुस्तक-संग्रह में जितने चित्रित रूप हैं —

श्लोक 128 (skanda.4.100.128)

तावद्युगसहस्राणि दाता स्वर्गे महीयते ।। एतद्द्वादशकृत्वो यः शृणुयात्खंडमुत्तमम्

tāvadyugasahasrāṇi dātā svarge mahīyate || etaddvādaśakṛtvo yaḥ śṛṇuyātkhaṁḍamuttamam

उतने हज़ार युगों तक दाता स्वर्ग में सम्मानित होता है। जो इस उत्तम खण्ड को बारह बार सुनेगा,

श्लोक 129 (skanda.4.100.129)

ब्रह्महत्यापि तस्याशु नश्येच्छंभोरनुग्रहात् ।। अपुत्रः शृणुयाद्यस्तु सुस्नातः श्रद्धयान्वितः

brahmahatyāpi tasyāśu naśyecchaṁbhoranugrahāt || aputraḥ śṛṇuyādyastu susnātaḥ śraddhayānvitaḥ

उसकी ब्रह्महत्या भी शम्भु की कृपा से शीघ्र नष्ट हो जाएगी। जो सन्तान-रहित, भलीभाँति स्नात, श्रद्धा-युक्त इसे सुनेगा,

श्लोक 130 (skanda.4.100.130)

तस्य पुत्रो भवत्येव शंभोराज्ञा प्रभावतः ।। किं बहूक्तेन सूतेह यस्य यस्य मनोरथः

tasya putro bhavatyeva śaṁbhorājñā prabhāvataḥ || kiṁ bahūktena sūteha yasya yasya manorathaḥ

उसे शम्भु की आज्ञा के प्रभाव से पुत्र अवश्य प्राप्त होगा। हे सूत, अधिक कहने से क्या, जिस-जिस की जो-जो कामना हो,

श्लोक 131 (skanda.4.100.131)

यो यस्तं तं स ससदा श्रुत्वैतत्प्राप्नुयात्कृती ।। शृणुयाद्दूरदेशेपि यः काशीखंडमुत्तमम्

yo yastaṁ taṁ sa sasadā śrutvaitatprāpnuyātkṛtī || śṛṇuyāddūradeśepi yaḥ kāśīkhaṁḍamuttamam

इसे सुनकर वह पुण्यात्मा उसे सदा निश्चय ही प्राप्त करेगा। जो दूर देश में भी इस उत्तम काशी-खण्ड को सुनेगा,

श्लोक 132 (skanda.4.100.132)

स काशीवासपुण्यस्य भाजनं स्याच्छिवाज्ञया ।। एतच्छ्रवणतः पुंसां सर्वत्र विजयो भवेत् ।। सौभाग्यं चापि सर्वत्र प्राप्नुयान्निर्मलाशयः

sa kāśīvāsapuṇyasya bhājanaṁ syācchivājñayā || etacchravaṇataḥ puṁsāṁ sarvatra vijayo bhavet || saubhāgyaṁ cāpi sarvatra prāpnuyānnirmalāśayaḥ

वह शिव की आज्ञा से काशी-वास के पुण्य का भागी बनेगा। इसके सुनने से मनुष्यों को सर्वत्र विजय मिलेगी,

श्लोक 133 (skanda.4.100.133)

यस्य विश्वेश्वरस्तुष्टस्तस्यैतच्छ्रवणे मतिः ।। जायते पुण्ययुक्तस्य महानिर्मलचेतसः

yasya viśveśvarastuṣṭastasyaitacchravaṇe matiḥ || jāyate puṇyayuktasya mahānirmalacetasaḥ

और निर्मल-मन वाला सर्वत्र सौभाग्य भी पाएगा। जिस पर विश्वेश्वर सन्तुष्ट हैं, पुण्ययुक्त, महानिर्मल-चित्त उसी में इसे सुनने की बुद्धि उत्पन्न होती है।

श्लोक 134 (skanda.4.100.134)

सर्वेषां मंगलानां च महामंगलमुत्तमम् ।। गृहेपि लिखितं पूज्यं सर्वमंगलसिद्धये

sarveṣāṁ maṁgalānāṁ ca mahāmaṁgalamuttamam || gṛhepi likhitaṁ pūjyaṁ sarvamaṁgalasiddhaye

सब मंगलों में यह उत्तम महामंगल है; घर में लिखित रखा हुआ भी यह पूज्य है, सब मंगलों की सिद्धि के लिए।