विश्वेश्वर-लिंग-महिमा

श्लोक 1 (skanda.4.99.1)

।। व्यास उवाच ।। शृणु सूत यथा प्रोक्तं कुंभजे शरजन्मना ।। देवदेवस्य चरितं विश्वेशस्य परात्मनः

|| vyāsa uvāca || śṛṇu sūta yathā proktaṁ kuṁbhaje śarajanmanā || devadevasya caritaṁ viśveśasya parātmanaḥ

व्यास ने कहा — सुनो, हे सूत, जैसा शर-जन्मा (स्कन्द) ने कुम्भज से कहा — परमात्मा विश्वेश, देवदेव का चरित्र।

श्लोक 2 (skanda.4.99.2)

अगस्त्य उवाच ।। सेनानीः कथय त्वं मे ततो निर्वाणमंडपात् ।। निर्गत्य देवो देवेंद्रैः सहितः किं चकार ह

agastya uvāca || senānīḥ kathaya tvaṁ me tato nirvāṇamaṁḍapāt || nirgatya devo deveṁdraiḥ sahitaḥ kiṁ cakāra ha

अगस्त्य ने कहा — हे सेनानी, मुझे बताइए, निर्वाण-मण्डप से निकलकर देवेन्द्रों सहित देव ने क्या किया।

श्लोक 3 (skanda.4.99.3)

स्कंद उवाच ।। मुक्तिमंडपतः शंभुर्ब्रह्मविष्णुपुरोगमः ।। शृंगारमंडपं प्राप्य यच्चकार वदामि तत्

skaṁda uvāca || muktimaṁḍapataḥ śaṁbhurbrahmaviṣṇupurogamaḥ || śṛṁgāramaṁḍapaṁ prāpya yaccakāra vadāmi tat

स्कन्द ने कहा — मुक्ति-मण्डप से, ब्रह्मा-विष्णु को आगे किए हुए शम्भु, शृंगार-मण्डप को पाकर जो कुछ किया, वह मैं बताता हूँ।

श्लोक 4 (skanda.4.99.4)

प्राङ्मुखस्तूपविश्येशः सहास्माभिः सहेशया ।। ब्रह्मणाधिष्ठितः सव्ये वामपार्श्वेथ शार्ङ्गिणा

prāṅmukhastūpaviśyeśaḥ sahāsmābhiḥ saheśayā || brahmaṇādhiṣṭhitaḥ savye vāmapārśvetha śārṅgiṇā

पूर्वाभिमुख होकर ईश बैठे, हम सहित, ईशा (देवी) सहित; दाहिनी ओर ब्रह्मा द्वारा, बाईं ओर शार्ङ्गधारी द्वारा,

श्लोक 5 (skanda.4.99.5)

वीज्यमानो महेंद्रेण ऋषिभिः परितो वृतः ।। गणैः पृष्ठप्रदेशस्थैर्जोषं तिष्ठद्भिरादरात्

vījyamāno maheṁdreṇa ṛṣibhiḥ parito vṛtaḥ || gaṇaiḥ pṛṣṭhapradeśasthairjoṣaṁ tiṣṭhadbhirādarāt

महेन्द्र द्वारा पंखा झला जाता, ऋषियों से चारों ओर घिरा हुआ, पीछे खड़े गणों से आदरपूर्वक मौन-सेवित,

श्लोक 6 (skanda.4.99.6)

उदायुधैः सेव्यमानश्चावसन्मानभूरिभिः ।। ब्रह्मणे विष्णवे शंभुः पाणिमुत्क्षिप्य दक्षिणम्

udāyudhaiḥ sevyamānaścāvasanmānabhūribhiḥ || brahmaṇe viṣṇave śaṁbhuḥ pāṇimutkṣipya dakṣiṇam

ऊँचे हथियार लिए हुओं द्वारा और बहुत सम्मानित [जनों] द्वारा सेवित — शम्भु ने अपनी दाहिनी हथेली उठाकर ब्रह्मा-विष्णु को,

श्लोक 7 (skanda.4.99.7)

दर्शयामास देवेशो लिंगं पश्यत पश्यत ।। इदमेव परं ज्योतिरिदमेव परात्परम् ।।

darśayāmāsa deveśo liṁgaṁ paśyata paśyata || idameva paraṁ jyotiridameva parātparam ||

देवेश ने लिंग दिखाया — "देखो, देखो! यही परम ज्योति है, यही परात्पर है।"

श्लोक 8 (skanda.4.99.8)

इदमेव हि मे रूपं स्थावरं चाति सिद्धिदम् ।। एते पाशुपता सिद्धा आबाल ब्रह्मचारिणः

idameva hi me rūpaṁ sthāvaraṁ cāti siddhidam || ete pāśupatā siddhā ābāla brahmacāriṇaḥ

"यही मेरा स्वरूप है, स्थावर और अत्यन्त सिद्धि देने वाला। ये पाशुपत सिद्ध हैं, बाल्यावस्था से ब्रह्मचारी,"

श्लोक 9 (skanda.4.99.9)

जितेंद्रियास्तपोनिष्ठाः पंचार्थज्ञाननिर्मलाः ।। भस्मकूटशया दाताः सुशीला ऊर्ध्वरेतसः

jiteṁdriyāstaponiṣṭhāḥ paṁcārthajñānanirmalāḥ || bhasmakūṭaśayā dātāḥ suśīlā ūrdhvaretasaḥ

"जितेन्द्रिय, तप में निष्ठ, पंच-अर्थ के ज्ञान से निर्मल, भस्म-ढेर पर सोने वाले, दानी, सुशील, ऊर्ध्व-रेतस्,"

श्लोक 10 (skanda.4.99.10)

लिंगार्चनरता नित्यमनन्येंद्रियमानसाः ।। सदैव वारुणाग्नेय स्नानद्वय सुनिर्मलाः

liṁgārcanaratā nityamananyeṁdriyamānasāḥ || sadaiva vāruṇāgneya snānadvaya sunirmalāḥ

"नित्य लिंग-पूजा में रत, इन्द्रिय-मन को अन्यत्र न लगाने वाले, सदा जल और अग्नि के दोनों स्नानों से निर्मल,"

श्लोक 11 (skanda.4.99.11)

कंदमूलफलाहाराः परतत्त्वार्पितेक्षणाः ।। सत्यवंतो जितक्रोधा निर्मोहा निष्परिग्रहाः

kaṁdamūlaphalāhārāḥ paratattvārpitekṣaṇāḥ || satyavaṁto jitakrodhā nirmohā niṣparigrahāḥ

"कन्द-मूल-फल खाने वाले, परतत्त्व में दृष्टि लगाए हुए, सत्यवान, क्रोध-विजयी, मोह-रहित, अपरिग्रही,"

श्लोक 12 (skanda.4.99.12)

निरीहा निष्प्रपंचाश्च निरातंका निरामयाः ।। निर्भगा निरुपायाश्च निःसंगा निर्मलाशयाः

nirīhā niṣprapaṁcāśca nirātaṁkā nirāmayāḥ || nirbhagā nirupāyāśca niḥsaṁgā nirmalāśayāḥ

"इच्छा-रहित, प्रपंच-रहित, भय-रहित, रोग-रहित, दुर्भाग्य-रहित, उपाय-रहित, आसक्ति-रहित, निर्मल-आशय वाले,"

श्लोक 13 (skanda.4.99.13)

निस्तीर्णोदग्रसंसारा निर्विकल्पा निरेनसः ।। निर्द्वंद्वा निश्चितार्थाश्च निरहंकारवृत्तयः

nistīrṇodagrasaṁsārā nirvikalpā nirenasaḥ || nirdvaṁdvā niścitārthāśca nirahaṁkāravṛttayaḥ

"विशाल संसार को पार कर चुके, विकल्प-रहित, पाप-रहित, द्वन्द्व-रहित, निश्चित-अर्थ वाले, अहंकार-रहित वृत्ति वाले —"

श्लोक 14 (skanda.4.99.14)

सदैव मे महाप्रीता मत्पुत्रा मत्स्वरूपिणः ।। एते पूज्या नमस्याश्च मद्बुद्ध्यामत्परायणैः

sadaiva me mahāprītā matputrā matsvarūpiṇaḥ || ete pūjyā namasyāśca madbuddhyāmatparāyaṇaiḥ

"ये मुझे सदा अत्यन्त प्रिय हैं, मेरे पुत्र, मेरे ही स्वरूप हैं। ये मेरी बुद्धि में, मुझमें लीन जनों द्वारा पूज्य और नमस्करणीय हैं।"

श्लोक 15 (skanda.4.99.15)

अर्चितेष्वेष्वहं प्रीतो भविष्यामि न संशयः ।। अस्मिन्वैश्वेश्वरे क्षेत्रे संभोज्याः शिवयोगिनः

arciteṣveṣvahaṁ prīto bhaviṣyāmi na saṁśayaḥ || asminvaiśveśvare kṣetre saṁbhojyāḥ śivayoginaḥ

"इनकी पूजा होने पर मैं प्रसन्न होऊँगा, इसमें संशय नहीं। इस वैश्वेश्वर क्षेत्र में शिव-योगियों को भोजन कराना चाहिए।"

श्लोक 16 (skanda.4.99.16)

कोटिभोज्यफलं सम्यगेकैक परिसंख्यया ।। अयं विश्वेश्वरः साक्षात्स्थावरात्मा जगत्प्रभुः

koṭibhojyaphalaṁ samyagekaika parisaṁkhyayā || ayaṁ viśveśvaraḥ sākṣātsthāvarātmā jagatprabhuḥ

"एक-एक की गिनती से भलीभाँति करोड़ भोजन का फल मिलता है। यह साक्षात् विश्वेश्वर, स्थावर-आत्मा, जगत् के प्रभु,"

श्लोक 17 (skanda.4.99.17)

सर्वेषां सर्वसिद्धीनां कर्ता भक्तिजुषामिह ।। अहं कदाचिद्दृश्यः स्यामदृश्यः स्यां कदाचन

sarveṣāṁ sarvasiddhīnāṁ kartā bhaktijuṣāmiha || ahaṁ kadāciddṛśyaḥ syāmadṛśyaḥ syāṁ kadācana

"यहाँ के सब भक्तों की सब सिद्धियों के कर्ता हैं। मैं कभी दृश्य हो सकता हूँ, कभी अदृश्य हो सकता हूँ।"

श्लोक 18 (skanda.4.99.18)

आनंदकानने चात्र स्वैरं तिष्ठामि देवताः ।। अनुग्रहाय सर्वेषां भक्तानामिह सर्वदा

ānaṁdakānane cātra svairaṁ tiṣṭhāmi devatāḥ || anugrahāya sarveṣāṁ bhaktānāmiha sarvadā

"इस आनन्द-कानन में, हे देवगण, मैं स्वेच्छा से सदा यहीं रहता हूँ, सब भक्तों पर अनुग्रह के लिए।"

श्लोक 19 (skanda.4.99.19)

स्थास्यामि लिंगरूपेण चिंतितार्थफलप्रदः ।। स्वयंभून्यस्वयंभूनि यानि लिंगानि सर्वतः ।। तानि सर्वाणि चायांति द्रष्टुं लिंगमिदं सदा

sthāsyāmi liṁgarūpeṇa ciṁtitārthaphalapradaḥ || svayaṁbhūnyasvayaṁbhūni yāni liṁgāni sarvataḥ || tāni sarvāṇi cāyāṁti draṣṭuṁ liṁgamidaṁ sadā

"मैं लिंग-रूप में रहूँगा, चिन्तित अर्थ का फल देने वाला। जो भी लिंग सर्वत्र हैं, स्वयंभू या अस्वयंभू, वे सब यहाँ इस लिंग को देखने सदा आते हैं।"

श्लोक 20 (skanda.4.99.20)

अहं सर्वेषु लिंगेषु तिष्ठा्म्येव न संशयः ।। परं त्वियं परामूर्तिर्मम लिंगस्वरूपिणी

ahaṁ sarveṣu liṁgeṣu tiṣṭhāmyeva na saṁśayaḥ || paraṁ tviyaṁ parāmūrtirmama liṁgasvarūpiṇī

"मैं सब लिंगों में स्थित रहता हूँ ही, इसमें संशय नहीं; परन्तु यह मेरी परम मूर्ति है, मेरा ही लिंग-स्वरूप है।"

श्लोक 21 (skanda.4.99.21)

येन लिंगमिदं दृष्टं श्रद्धया शुद्धचक्षुषा ।। साक्षात्कारेण तेनाहं दृष्ट एव दिवौकसः

yena liṁgamidaṁ dṛṣṭaṁ śraddhayā śuddhacakṣuṣā || sākṣātkāreṇa tenāhaṁ dṛṣṭa eva divaukasaḥ

"जिसने श्रद्धा से, शुद्ध दृष्टि से यह लिंग देखा है, उसके द्वारा साक्षात्कार से मैं ही देखा गया माना जाता हूँ, हे स्वर्गवासियों।"

श्लोक 22 (skanda.4.99.22)

श्रवणादस्य लिंगस्य पातकं जन्मसंचितम् ।। क्षणात्क्षयति शृण्वंतु देवा ऋषिगणैः सह

śravaṇādasya liṁgasya pātakaṁ janmasaṁcitam || kṣaṇātkṣayati śṛṇvaṁtu devā ṛṣigaṇaiḥ saha

"इस लिंग को सुनने मात्र से जन्म-संचित पातक क्षण भर में नष्ट हो जाता है — सुनें देव, ऋषि-गणों सहित।"

श्लोक 23 (skanda.4.99.23)

स्मरणादस्य लिंगस्य पापं जन्मद्वयार्जितम् ।। अवश्यं नश्यति क्षिप्रं मम वाक्यान्न संशयः

smaraṇādasya liṁgasya pāpaṁ janmadvayārjitam || avaśyaṁ naśyati kṣipraṁ mama vākyānna saṁśayaḥ

"इस लिंग के स्मरण मात्र से दो जन्मों में अर्जित पाप अवश्य ही शीघ्र नष्ट हो जाता है, मेरे वचन से, इसमें संशय नहीं।"

श्लोक 24 (skanda.4.99.24)

एतल्लिंगं समुद्दिश्य गृहान्निष्क्रमणक्षणात् ।। विलीयते महापापमपि जन्मत्रयार्जितम्

etalliṁgaṁ samuddiśya gṛhānniṣkramaṇakṣaṇāt || vilīyate mahāpāpamapi janmatrayārjitam

"इस लिंग की ओर लक्ष्य करके घर से निकलने के क्षण से ही तीन जन्मों में अर्जित महापाप भी विलीन हो जाता है।"

श्लोक 25 (skanda.4.99.25)

दर्शनादस्य लिंगस्य हयमेधशतोद्भवम् ।। पुण्यं लभेत नियतं ममानुग्रहतोमराः

darśanādasya liṁgasya hayamedhaśatodbhavam || puṇyaṁ labheta niyataṁ mamānugrahatomarāḥ

"इस लिंग के दर्शन से मेरी कृपा से निश्चय ही सौ अश्वमेधों से उत्पन्न पुण्य मिलता है, हे अमरों।"

श्लोक 26 (skanda.4.99.26)

स्वयंभुवोस्य लिंगस्य मम विश्वेशितुः सुराः ।। राजसूयसहस्रस्य फलं स्यात्स्पर्शमात्रतः

svayaṁbhuvosya liṁgasya mama viśveśituḥ surāḥ || rājasūyasahasrasya phalaṁ syātsparśamātrataḥ

"मेरे इस स्वयंभू विश्वेश लिंग के स्पर्श मात्र से, हे सुरों, एक हज़ार राजसूयों का फल मिलता है।"

श्लोक 27 (skanda.4.99.27)

पुष्पमात्र प्रदानाच्च चुलुकोदकपूवर्कम् ।। शतसौवर्णिकं पुण्यं लभते भक्तियोगतः

puṣpamātra pradānācca culukodakapūvarkam || śatasauvarṇikaṁ puṇyaṁ labhate bhaktiyogataḥ

"केवल पुष्प चढ़ाने से, चुल्लू भर जल या पुए के दान से, भक्तियोग से सौ स्वर्ण-दान का पुण्य मिलता है।"

श्लोक 28 (skanda.4.99.28)

पूजामात्रं विधायास्य लिंगराजस्य भक्तितः ।। सहस्रहेमकमलपूजाफलमवाप्यते

pūjāmātraṁ vidhāyāsya liṁgarājasya bhaktitaḥ || sahasrahemakamalapūjāphalamavāpyate

"इस लिंग-राज की भक्तिपूर्वक केवल पूजा करने से हज़ार स्वर्ण-कमलों की पूजा का फल मिलता है।"

श्लोक 29 (skanda.4.99.29)

विधाय महती पूजां पंचामृतपुरःसराम् ।। अस्य लिंगस्य लभते पुरुषार्थचतुष्टयम्

vidhāya mahatī pūjāṁ paṁcāmṛtapuraḥsarām || asya liṁgasya labhate puruṣārthacatuṣṭayam

"पंचामृत-पूर्वक इस लिंग की महती पूजा करके चारों पुरुषार्थ प्राप्त होते हैं।"

श्लोक 30 (skanda.4.99.30)

वस्त्रपूतजलैर्लिंगं स्नापयित्वा ममामराः ।। लक्षाश्वमेधजनितं पुण्यमाप्नोति सत्तमः

vastrapūtajalairliṁgaṁ snāpayitvā mamāmarāḥ || lakṣāśvamedhajanitaṁ puṇyamāpnoti sattamaḥ

"वस्त्र से पवित्र जल से लिंग को स्नान कराकर, हे अमरों, उत्तम पुरुष एक लाख अश्वमेधों से उत्पन्न पुण्य पाता है।"

श्लोक 31 (skanda.4.99.31)

सुगंधचंदनरसैर्लिंगमालिप्य भक्तितः ।। आलिप्यते सुरस्त्रीभिः सुगंधैर्यक्षकर्दमैः

sugaṁdhacaṁdanarasairliṁgamālipya bhaktitaḥ || ālipyate surastrībhiḥ sugaṁdhairyakṣakardamaiḥ

"भक्तिपूर्वक सुगन्धित चन्दन-रस से लिंग का लेप करके, वह देव-स्त्रियों द्वारा सुगन्धित यक्ष-कर्दम से लेपित होता है।"

श्लोक 32 (skanda.4.99.32)

सामोद धूपदानैश्च दिव्यगंधाश्रयो भवेत् ।। घृतदीपप्रबोधैश्च ज्योतीरूप विमानगः

sāmoda dhūpadānaiśca divyagaṁdhāśrayo bhavet || ghṛtadīpaprabodhaiśca jyotīrūpa vimānagaḥ

"सुगन्धित धूप-दान से दिव्य-गन्ध का आश्रय मिलता है; घी के दीप जलाने से ज्योतिर्मय विमान पर सवारी मिलती है।"

श्लोक 33 (skanda.4.99.33)

कर्पूरवर्तिदीपेन सकृद्दत्तेन भक्तितः।। कर्पूरदेहगौरश्रीर्भवेद्भालविलोचनः

karpūravartidīpena sakṛddattena bhaktitaḥ|| karpūradehagauraśrīrbhavedbhālavilocanaḥ

"भक्तिपूर्वक एक बार भी कर्पूर-बत्ती का दीप देने से, कर्पूर-देह की गौर श्री वाला, ललाट-नेत्र वाला बनता है।"

श्लोक 34 (skanda.4.99.34)

दत्त्वा नैवेद्यमात्रं तु सिक्थेसिक्थे युगंयुगम् ।। कैलासाद्रौ वसेद्धीमान्महाभोगसमन्वितः

dattvā naivedyamātraṁ tu sikthesikthe yugaṁyugam || kailāsādrau vaseddhīmānmahābhogasamanvitaḥ

"केवल नैवेद्य निवेदित करके, युग-युग तक कण-कण, बुद्धिमान कैलास पर्वत पर महाभोग सहित निवास करता है।"

श्लोक 35 (skanda.4.99.35)

विश्वेशे परमान्नं यो दद्यात्साज्य सशर्करम् ।। त्रैलोक्यं तर्पितं तेन सदेवपितृमानवम्

viśveśe paramānnaṁ yo dadyātsājya saśarkaram || trailokyaṁ tarpitaṁ tena sadevapitṛmānavam

"जो विश्वेश को घी और शक्कर सहित उत्तम अन्न चढ़ाता है, उसके द्वारा देव-पितृ-मनुष्य सहित त्रैलोक्य तृप्त हुआ माना जाता है।"

श्लोक 36 (skanda.4.99.36)

मुखवासं तु यो दद्याद्दर्पणं चारुचामरम् ।। उल्लोचं सुखपर्यंकं तस्य पुण्यफलं महत्

mukhavāsaṁ tu yo dadyāddarpaṇaṁ cārucāmaram || ullocaṁ sukhaparyaṁkaṁ tasya puṇyaphalaṁ mahat

"जो मुख-वास, दर्पण, सुन्दर चँवर, चंदोवा, सुखद पर्यंक देता है, उसका पुण्य-फल महान है।"

श्लोक 37 (skanda.4.99.37)

संख्या सागररत्नानां कथंचित्कर्तुमिष्यते ।। मुखवासादिदानस्य कः संख्यामत्र कारयेत्

saṁkhyā sāgararatnānāṁ kathaṁcitkartumiṣyate || mukhavāsādidānasya kaḥ saṁkhyāmatra kārayet

"समुद्र के रत्नों की संख्या तो किसी तरह की जा सकती है; परन्तु मुख-वास आदि के दान की संख्या यहाँ कौन कर सकता है?"

श्लोक 38 (skanda.4.99.38)

पूजोपकरणद्रव्यं यो घंटा गडुकादिकम् ।। भक्त्या मे भवने दद्यात्स वसेदत्र मेंतिके

pūjopakaraṇadravyaṁ yo ghaṁṭā gaḍukādikam || bhaktyā me bhavane dadyātsa vasedatra meṁtike

"जो घण्टा, कलश आदि पूजा के उपकरण-द्रव्य मेरे भवन में भक्तिपूर्वक देता है, वह यहाँ मेरे निकट रहेगा।"

श्लोक 39 (skanda.4.99.39)

यो गीतवाद्यनृत्यानामेकं मत्प्रीतये व्यधात् ।। तस्याग्रतो दिवारात्रं भवेत्तौर्यत्रिकं महत्

yo gītavādyanṛtyānāmekaṁ matprītaye vyadhāt || tasyāgrato divārātraṁ bhavettauryatrikaṁ mahat

"जो गीत, वाद्य, नृत्य में से एक भी मेरी प्रसन्नता के लिए करता है, उसके सामने दिन-रात महान त्रिक-वाद्य होता रहेगा।"

श्लोक 40 (skanda.4.99.40)

चित्रलेखनकर्मादि प्रासादे मेऽत्र कारयेत् ।। यः सचित्रान्महाभोगान्भुंक्ते मत्पुरतः स्थितः

citralekhanakarmādi prāsāde me'tra kārayet || yaḥ sacitrānmahābhogānbhuṁkte matpurataḥ sthitaḥ

"जो मेरे इस मन्दिर में चित्रकारी आदि कार्य कराता है, वह मेरे सामने बैठकर चित्रित महाभोगों को भोगता है।"

श्लोक 41 (skanda.4.99.41)

सकृद्विश्वेश्वरं नत्वा मध्ये जन्मसुधीर्नरः ।। त्रैलोक्यवंदितपदो जायते वसुधापतिः।।

sakṛdviśveśvaraṁ natvā madhye janmasudhīrnaraḥ || trailokyavaṁditapado jāyate vasudhāpatiḥ||

"जन्म के बीच में एक बार भी विश्वेश्वर को प्रणाम करने वाला सुबुद्धि मनुष्य त्रैलोक्य-वन्दित चरणों वाला भूपति बनता है।"

श्लोक 42 (skanda.4.99.42)

यस्तु विश्वेवरं दृष्ट्वा ह्यन्यत्रापि विपद्यते ।। तस्य जन्मांतरे मोक्षो भवत्येव न संशयः

yastu viśvevaraṁ dṛṣṭvā hyanyatrāpi vipadyate || tasya janmāṁtare mokṣo bhavatyeva na saṁśayaḥ

"जो विश्वेश्वर को देखकर अन्यत्र भी मरता है, उसे अगले जन्म में मोक्ष होता ही है, इसमें संशय नहीं।"

श्लोक 43 (skanda.4.99.43)

विश्वेशाख्या तु जिह्वाग्रे विश्वनाथकथाश्रुतौ ।। विश्वेशशीलनं चित्ते यस्य तस्य जनिः कुतः

viśveśākhyā tu jihvāgre viśvanāthakathāśrutau || viśveśaśīlanaṁ citte yasya tasya janiḥ kutaḥ

"जिसकी जिह्वा के अग्रभाग पर 'विश्वेश' नाम, कानों में विश्वनाथ की कथा, और चित्त में विश्वेश का चिन्तन है, उसका फिर जन्म कहाँ?"

श्लोक 44 (skanda.4.99.44)

लिंगं मे विश्वनाथस्य दृष्ट्वा यश्चानुमोदते ।। स मे गणेषु गण्येत महापुण्यबलाश्रितः

liṁgaṁ me viśvanāthasya dṛṣṭvā yaścānumodate || sa me gaṇeṣu gaṇyeta mahāpuṇyabalāśritaḥ

"जो मेरे विश्वनाथ-लिंग को देखकर आनन्दित होता है, वह महापुण्य-बल के आश्रित होकर मेरे गणों में गिना जाएगा।"

श्लोक 45 (skanda.4.99.45)

नित्यं विश्वेश विश्वेश विश्वनाथेति यो जपेत् ।। त्रिसंध्यं तं सुकृतिनं जपाम्यहमपि ध्रुवम्

nityaṁ viśveśa viśveśa viśvanātheti yo japet || trisaṁdhyaṁ taṁ sukṛtinaṁ japāmyahamapi dhruvam

"जो नित्य 'विश्वेश विश्वेश विश्वनाथ' जपता है, उस पुण्यात्मा को मैं भी निश्चय ही त्रिकाल जपता हूँ।"

श्लोक 46 (skanda.4.99.46)

ममापीदं महालिंगं सदा पूज्यतमं सुराः .।। तस्मात्सर्वप्रयत्नेन पूज्यं देवर्षि मानवैः

mamāpīdaṁ mahāliṁgaṁ sadā pūjyatamaṁ surāḥ .|| tasmātsarvaprayatnena pūjyaṁ devarṣi mānavaiḥ

"यह मेरा महालिंग भी, हे सुरों, सदा अत्यन्त पूज्य है; इसलिए देवों, ऋषियों और मनुष्यों द्वारा सब प्रयत्नों से पूजनीय है।"

श्लोक 47 (skanda.4.99.47)

यैर्न विश्वेश्वरो दृष्टो यैर्न विश्वेश्वरः स्मृतः ।। कृतांतदूतैस्ते दृष्टास्तैः स्मृता गर्भवेदना

yairna viśveśvaro dṛṣṭo yairna viśveśvaraḥ smṛtaḥ || kṛtāṁtadūtaiste dṛṣṭāstaiḥ smṛtā garbhavedanā

"जिन्होंने विश्वेश्वर को नहीं देखा, जिन्होंने विश्वेश्वर का स्मरण नहीं किया, वे यम-दूतों द्वारा देखे गए हैं, उन्होंने गर्भ-वेदना का ही स्मरण किया है।"

श्लोक 48 (skanda.4.99.48)

यैरिदं प्रणतं लिंगं प्रणतास्ते सुरासुरैः ।। यस्यै केन प्रणामेन दिक्पालपदमल्पकम् ।। दिक्पालपदतः पातः पातः शिवनतेर्नहि

yairidaṁ praṇataṁ liṁgaṁ praṇatāste surāsuraiḥ || yasyai kena praṇāmena dikpālapadamalpakam || dikpālapadataḥ pātaḥ pātaḥ śivanaternahi

"जिन्होंने इस लिंग को प्रणाम किया है, वे देवों-असुरों द्वारा प्रणाम किए गए हैं। किसी भी प्रणाम मात्र से दिक्पाल-पद तो अल्प है; दिक्पाल-पद से पतन होता है, पर शिव-नमन से कभी पतन नहीं होता।"

श्लोक 49 (skanda.4.99.49)

शृण्वंतु देवर्षिगणाः समस्तास्तथ्यं ब्रुवे तच्च परोपकृत्यै ।। न भूर्भुवः स्वर्गमहर्जनांतर्विश्वेशतुल्यं क्वचिदस्ति लिंगम्

śṛṇvaṁtu devarṣigaṇāḥ samastāstathyaṁ bruve tacca paropakṛtyai || na bhūrbhuvaḥ svargamaharjanāṁtarviśveśatulyaṁ kvacidasti liṁgam

"सब देव-ऋषि-गण सुनें, मैं परोपकार के लिए यह सत्य बताता हूँ — भू, भुवः, स्वः, महः, जन में कहीं भी विश्वेश के समान लिंग नहीं है।"

श्लोक 50 (skanda.4.99.50)

न सत्यलोके न तपस्यहो सुरा वैकुंठकैलासरसातलेषु ।। तीर्थं क्वचिद्वै मणिकर्णिकासमं लिंगं च विश्वेश्वरतुल्यमन्यतः

na satyaloke na tapasyaho surā vaikuṁṭhakailāsarasātaleṣu || tīrthaṁ kvacidvai maṇikarṇikāsamaṁ liṁgaṁ ca viśveśvaratulyamanyataḥ

"न सत्यलोक में, न तपोलोक में, अहो सुरों, न वैकुण्ठ, कैलास, रसातल में कहीं मणिकर्णिका के समान तीर्थ और विश्वेश्वर के समान लिंग अन्यत्र है।"

श्लोक 51 (skanda.4.99.51)

न विश्वनाथस्य समं हि लिंगं न तीर्थमन्यन्मणिकर्णिकातः ।। तपोवनं कुत्रचिदस्ति नान्यच्छुभं ममानंदवनेन तुल्यम्

na viśvanāthasya samaṁ hi liṁgaṁ na tīrthamanyanmaṇikarṇikātaḥ || tapovanaṁ kutracidasti nānyacchubhaṁ mamānaṁdavanena tulyam

"विश्वनाथ के समान लिंग नहीं है, मणिकर्णिका के समान कोई अन्य तीर्थ नहीं है; मेरे आनन्द-वन के समान कहीं भी कोई अन्य तपोवन या शुभ स्थान नहीं है।"

श्लोक 52 (skanda.4.99.52)

वाराणसी तीर्थमयी समस्ता यस्यास्तुनामापि हि तीर्थतीर्थम् ।। तत्रापि काचिन्मम सौख्यभूमिर्महापवित्रा मणिकर्णिकासौ

vārāṇasī tīrthamayī samastā yasyāstunāmāpi hi tīrthatīrtham || tatrāpi kācinmama saukhyabhūmirmahāpavitrā maṇikarṇikāsau

"वाराणसी सम्पूर्णतः तीर्थमयी है, जिसका नाम भी तीर्थों का तीर्थ है; उसमें भी मेरी सुख-भूमि विशेष है, वह अत्यन्त पवित्र मणिकर्णिका।"

श्लोक 53 (skanda.4.99.53)

स्थानादमुष्मान्ममराजसौधात्प्राच्यां मनागीशसमाश्रितायाम् ।। सव्येपसव्ये च कराः क्रमेण शतत्रयी यापि शतद्वयी च

sthānādamuṣmānmamarājasaudhātprācyāṁ manāgīśasamāśritāyām || savyepasavye ca karāḥ krameṇa śatatrayī yāpi śatadvayī ca

"उस मेरे राज-प्रासाद वाले स्थान से कुछ पूर्व, ईश के निकट आश्रित, दाहिने-बाएँ क्रम से तीन सौ और दो सौ,"

श्लोक 54 (skanda.4.99.54)

हस्ताः शतं पंच सुरापगायामुदीच्यवाच्योर्मणिकर्णिकेयम् ।। सारस्त्रिलोक्याः परकोशभूमिर्यैः सेविता ते मम हृच्छया हि

hastāḥ śataṁ paṁca surāpagāyāmudīcyavācyormaṇikarṇikeyam || sārastrilokyāḥ parakośabhūmiryaiḥ sevitā te mama hṛcchayā hi

"पाँच सौ हाथ, देव-नदी के साथ, वायव्य-नैर्ऋत्य में यह मणिकर्णिका है। त्रिलोकी का सार, परम खज़ाने की भूमि — जिन्होंने इसकी सेवा की है, वे मेरे हृदय के प्रिय हैं।"

श्लोक 55 (skanda.4.99.55)

अस्मिन्ममानंदवने यदेतल्लिंगं सुधाधाम सुधामधाम ।। आसप्त पातालतलात्स्वयंभु समुत्थितं भक्तकृपावशेन

asminmamānaṁdavane yadetalliṁgaṁ sudhādhāma sudhāmadhāma || āsapta pātālatalātsvayaṁbhu samutthitaṁ bhaktakṛpāvaśena

"मेरे इस आनन्द-वन में, जो यह लिंग है, अमृत का धाम, अमृत-गृह — यह भक्तों पर करुणा-वश सातवें पाताल-तल से स्वयं उत्पन्न हुआ।"

श्लोक 56 (skanda.4.99.56)

येस्मिञ्जनाः कृत्रिमभावबुद्ध्या लिंगं भजिष्यंति च हेतुवादैः ।। तेषां हि दंडः पर एष एव नगर्भवासाद्विरमंति ते ध्रुवम्

yesmiñjanāḥ kṛtrimabhāvabuddhyā liṁgaṁ bhajiṣyaṁti ca hetuvādaiḥ || teṣāṁ hi daṁḍaḥ para eṣa eva nagarbhavāsādviramaṁti te dhruvam

"जो लोग इस लिंग को कृत्रिम भाव की बुद्धि से, तर्क-वाद से पूजेंगे, उनके लिए यही सबसे बड़ा दण्ड है — वे निश्चय ही गर्भ-वास से मुक्त नहीं होते।"

श्लोक 57 (skanda.4.99.57)

यद्यद्धितं स्वस्य सदैव तत्तल्लिंगेत्र देयं मम भक्तिमद्भिः ।। इहाप्यमुत्रापि न तस्य संक्षयो यथेह पापस्य कृतस्य पापिभिः

yadyaddhitaṁ svasya sadaiva tattalliṁgetra deyaṁ mama bhaktimadbhiḥ || ihāpyamutrāpi na tasya saṁkṣayo yatheha pāpasya kṛtasya pāpibhiḥ

"जो-जो अपने लिए हितकर है, वह-वह सदा मेरे भक्तों द्वारा इस लिंग को देना चाहिए; इस लोक में भी, परलोक में भी उसका नाश नहीं होता, जैसे पापियों द्वारा किए गए पाप का यहाँ नाश नहीं होता।"

श्लोक 58 (skanda.4.99.58)

दूरस्थितैरप्यधिबुद्धिभिर्यैर्लिंगं समाराधि ममेदमत्र ।। मयैव दत्तैः शुभवस्तुजातैर्निःश्रेयसः श्रीर्वसं(?)येत्सतस्तान्

dūrasthitairapyadhibuddhibhiryairliṁgaṁ samārādhi mamedamatra || mayaiva dattaiḥ śubhavastujātairniḥśreyasaḥ śrīrvasaṁ(?)yetsatastān

"दूर रहते हुए भी जिन उच्च-बुद्धि वालों ने मेरे इस लिंग की मुझसे ही दिए गए शुभ पदार्थों से आराधना की है, उन सत्पुरुषों के पास कल्याण-लक्ष्मी सदा वास करेगी।"

श्लोक 59 (skanda.4.99.59)

शृणुष्व विष्णो शृणु सृष्टिकर्तः शृण्वंतु देवर्षिगणाः समस्ताः ।। इदं हि लिंगं परसिद्धिदं सतां भेदो मनागत्र न मत्सकाशतः

śṛṇuṣva viṣṇo śṛṇu sṛṣṭikartaḥ śṛṇvaṁtu devarṣigaṇāḥ samastāḥ || idaṁ hi liṁgaṁ parasiddhidaṁ satāṁ bhedo manāgatra na matsakāśataḥ

"सुनो, हे विष्णु, सुनो, हे सृष्टिकर्ता, सुनें सब देव-ऋषि-गण — यह लिंग सज्जनों को परम सिद्धि देने वाला है; इसमें मुझसे थोड़ा भी भेद नहीं है।"

श्लोक 60 (skanda.4.99.60)

अस्मिन्हि लिंगेऽखिलसिद्धिसाधने समर्पितं यैः सुकृतार्जितं वसु ।। तेभ्योतिमात्राखिलसौख्यसाधनं ददामि निर्वाणपदं सुनिर्भयम्

asminhi liṁge'khilasiddhisādhane samarpitaṁ yaiḥ sukṛtārjitaṁ vasu || tebhyotimātrākhilasaukhyasādhanaṁ dadāmi nirvāṇapadaṁ sunirbhayam

"इस सब-सिद्धि-साधक लिंग में जिन्होंने पुण्य से अर्जित धन अर्पित किया है, उन्हें मैं अत्यन्त सब सुखों का साधन, निर्भय निर्वाण-पद देता हूँ।"

श्लोक 61 (skanda.4.99.61)

उत्क्षिप्य बाहुं त्वसकृद्ब्रवीमि त्रयीमयेऽस्मिंस्त्रयमेव सारम् ।। विश्वेश लिंगं मणिकर्णिकांबु काशीपुरी सत्यमिदं त्रिसत्यम्

utkṣipya bāhuṁ tvasakṛdbravīmi trayīmaye'smiṁstrayameva sāram || viśveśa liṁgaṁ maṇikarṇikāṁbu kāśīpurī satyamidaṁ trisatyam

"भुजा उठाकर मैं बार-बार कहता हूँ — इस त्रयीमय [स्थान] में यही तीन सार हैं — विश्वेश लिंग, मणिकर्णिका का जल, काशी नगरी। यह सत्य है, त्रिसत्य है।"

श्लोक 62 (skanda.4.99.62)

उत्थाय देवोथ स शक्तिरीशस्तस्मिन्हि लिंगे कृतचारुपूजः ।। ययौ लयं ते च सुरा जयेति जयेति चोक्त्वा नुनुवुस्तमीशम्

utthāya devotha sa śaktirīśastasminhi liṁge kṛtacārupūjaḥ || yayau layaṁ te ca surā jayeti jayeti coktvā nunuvustamīśam

फिर उठकर देव और वह शक्ति, ईश्वरी (पार्वती), उस लिंग की सुन्दर पूजा करके, उसमें लीन हो गए; और वे देव "जय हो, जय हो" कहकर उस ईश की स्तुति करने लगे।

श्लोक 63 (skanda.4.99.63)

स्कंद उवाच ।। ।। क्षेत्रस्य मैत्रावरुणे विमुक्तस्य महामते ।। प्रभावस्यैकदेशोयं कथितः कल्मषापहः

skaṁda uvāca || || kṣetrasya maitrāvaruṇe vimuktasya mahāmate || prabhāvasyaikadeśoyaṁ kathitaḥ kalmaṣāpahaḥ

स्कन्द ने कहा — हे मैत्रावरुण, हे महामते, मुक्त इस क्षेत्र के प्रभाव का यह एक अंश तुम्हें बताया गया, जो पाप हरने वाला है।

श्लोक 64 (skanda.4.99.64)

तवाग्रे तु यथाबुद्धि काशीविश्लेषतापि नः ।। अचिरेणैव कालेन काशीं प्राप्स्यस्यनुत्तमाम्

tavāgre tu yathābuddhi kāśīviśleṣatāpi naḥ || acireṇaiva kālena kāśīṁ prāpsyasyanuttamām

मेरी समझ के अनुसार, तुम्हारे सामने ही काशी से हमारा भी विरह [निकट] है; शीघ्र ही समय में तुम इस सर्वोत्तम काशी को [फिर] प्राप्त करोगे।

श्लोक 65 (skanda.4.99.65)

अस्ताचलस्य शिखरं प्राप्तवानेष भानुमान् ।। तवापि हि ममाप्येष मौनस्य समयोऽभवत्

astācalasya śikharaṁ prāptavāneṣa bhānumān || tavāpi hi mamāpyeṣa maunasya samayo'bhavat

यह सूर्य अस्ताचल के शिखर पर पहुँच गया है; तुम्हारे और मेरे लिए भी, यह मौन का समय हो गया है।

श्लोक 66 (skanda.4.99.66)

।। व्यास उवाच ।। ।। श्रुत्वेति स मुनिः सूत संध्योपास्त्यै विनिर्गतः।। प्रणम्यौ मेयमसकृल्लोपामुद्रा समन्वितः

|| vyāsa uvāca || || śrutveti sa muniḥ sūta saṁdhyopāstyai vinirgataḥ|| praṇamyau meyamasakṛllopāmudrā samanvitaḥ

व्यास ने कहा — यह सुनकर, हे सूत, वह मुनि सन्ध्या-उपासना के लिए निकल गए, मुझे बार-बार प्रणाम करके, लोपामुद्रा सहित।

श्लोक 67 (skanda.4.99.67)

रहस्यं परिविज्ञाय क्षेत्रस्य शशिमौलिनः ।। अगस्त्यो निश्चितमनाः शिवध्यानपरोभवत्

rahasyaṁ parivijñāya kṣetrasya śaśimaulinaḥ || agastyo niścitamanāḥ śivadhyānaparobhavat

चन्द्र-मौलि के क्षेत्र के रहस्य को भलीभाँति जानकर, अगस्त्य दृढ़-मन होकर शिव-ध्यान में परायण हो गए।

श्लोक 68 (skanda.4.99.68)

आनंदकाननस्येह महिमानं महत्तरम् ।। कोत्र वर्णयितुं शक्तः सूत वर्षशतैरपि

ānaṁdakānanasyeha mahimānaṁ mahattaram || kotra varṇayituṁ śaktaḥ sūta varṣaśatairapi

इस आनन्द-कानन की उत्तरोत्तर बढ़ती महिमा का वर्णन करने में यहाँ कौन समर्थ है, हे सूत, सौ वर्षों में भी?

श्लोक 69 (skanda.4.99.69)

यथा देव्यै समाख्यायि शिवेन परमात्मना ।। तथा स्कंदेन कथितं माहात्म्यं कुंभसंभवे

yathā devyai samākhyāyi śivena paramātmanā || tathā skaṁdena kathitaṁ māhātmyaṁ kuṁbhasaṁbhave

जैसे परमात्मा शिव द्वारा देवी को बताई गई, वैसे ही स्कन्द द्वारा कुम्भ-सम्भव को यह महिमा कही गई।

श्लोक 70 (skanda.4.99.70)

तवाग्रे च समाख्यातं शुकादीनां च सत्तम ।। इदानीं प्रष्टुकामोसि किं तत्पृच्छ वदामि ते

tavāgre ca samākhyātaṁ śukādīnāṁ ca sattama || idānīṁ praṣṭukāmosi kiṁ tatpṛccha vadāmi te

और तुम्हारे सामने भी, हे सत्तम, शुक आदि को [बताए हुए के साथ] कहा गया है। अब तुम जो भी पूछना चाहते हो, वह पूछो, मैं तुम्हें बताऊँगा।

श्लोक 71 (skanda.4.99.71)

श्रुत्वाध्यायमिमं पुण्यं सर्वकल्मषनाशनम् ।। समस्तचिंतितफलप्रदं मर्त्यो भवेत्कृती

śrutvādhyāyamimaṁ puṇyaṁ sarvakalmaṣanāśanam || samastaciṁtitaphalapradaṁ martyo bhavetkṛtī

इस पुण्य अध्याय को सुनकर, जो सब पापों का नाश करने वाला है, सब चिन्तित फल देने वाला मनुष्य कृतार्थ हो जाता है।