स्कन्दागस्त्यदर्शनम्

श्लोक 1 (skanda.4.25.1)

व्यास उवाच । शृणु सूत प्रवक्ष्यामि कथां कलशजन्मनः । यामाकर्ण्य नरो भूयाद्विरजा ज्ञानभाजनम्

vyāsa uvāca śṛṇu sūta pravakṣyāmi kathāṁ kalaśajanmanaḥ yāmākarṇya naro bhūyādvirajā jñānabhājanam

व्यास ने कहा -- "हे सूत! सुनो, अब मैं कलशजन्मा की कथा कहूँगा, जिसे सुनकर मनुष्य निर्मल ज्ञान का पात्र बन जाता है।"

श्लोक 2 (skanda.4.25.2)

गिरिं प्रदक्षिणीकृत्य श्रीसंज्ञं कलशोद्भवः । सपत्नीको ददर्शाथ रम्यं स्कंदवनं महत्

giriṁ pradakṣiṇīkṛtya śrīsaṁjñaṁ kalaśodbhavaḥ sapatnīko dadarśātha ramyaṁ skaṁdavanaṁ mahat

श्री नामक पर्वत की प्रदक्षिणा कर, कलशोद्भव ने अपनी पत्नी सहित उस समय रमणीय एवं विशाल स्कंदवन को देखा।

श्लोक 3 (skanda.4.25.3)

सर्वर्तं कुसुमाढ्यं च रसवत्फलपादपम् । सुसेव्य कंदमूलाढ्यं सुवल्कलमहीरुहम्

sarvartaṁ kusumāḍhyaṁ ca rasavatphalapādapam susevya kaṁdamūlāḍhyaṁ suvalkalamahīruham

सभी ऋतुओं में पुष्पों से भरा, रसीले फलों वाले वृक्षों से युक्त, सुखद कंद-मूलों से भरपूर, सुंदर छाल वाले वृक्षों से युक्त...

श्लोक 4 (skanda.4.25.4)

निवीतश्वापदगणं ससरित्पल्वलावृतम् । स्वच्छ गंभीरकासारं सारं सर्वभुवः परम्

nivītaśvāpadagaṇaṁ sasaritpalvalāvṛtam svaccha gaṁbhīrakāsāraṁ sāraṁ sarvabhuvaḥ param

...हिंसक पशुओं के समूह से घिरा, नदी-तालाबों से आवृत, स्वच्छ और गंभीर सरोवरों वाला, समस्त पृथ्वी का सारभूत तथा सर्वश्रेष्ठ स्थान।

श्लोक 5 (skanda.4.25.5)

नानापतत्रिसंघुष्टं नानामुनिजनोषितम् । तपःसंकेतनिलयमिवैकं संपदां पदम्

nānāpatatrisaṁghuṣṭaṁ nānāmunijanoṣitam tapaḥsaṁketanilayamivaikaṁ saṁpadāṁ padam

अनेक पक्षियों के कलरव से गुंजायमान, अनेक मुनियों द्वारा बसा हुआ, मानो तपस्या का संकेत-स्थल हो, समस्त सम्पदाओं का एकमात्र स्थान।

श्लोक 6 (skanda.4.25.6)

लोहितो नाम तत्रास्ति गिरिः स्वर्णगिरिप्रभः । सुकंदरप्रस्रवणः स्वसानु शिखरप्रभः

lohito nāma tatrāsti giriḥ svarṇagiriprabhaḥ sukaṁdaraprasravaṇaḥ svasānu śikharaprabhaḥ

वहाँ लोहित नामक पर्वत है, जो स्वर्णगिरि के समान कांतिमान है, जिसकी गुफाओं में झरने हैं, तथा जिसकी चोटियाँ और शिखर देदीप्यमान हैं।

श्लोक 7 (skanda.4.25.7)

कैलासस्यैकशकलं कर्मभूमाविहागतम् । तपस्तप्तुमिव प्रोच्चैर्नानाश्चर्यसमन्वितम्

kailāsasyaikaśakalaṁ karmabhūmāvihāgatam tapastaptumiva proccairnānāścaryasamanvitam

वह मानो कैलास का ही एक खंड हो, जो इस कर्मभूमि में मानो तप करने के लिए आया हो, अत्यंत ऊँचा तथा अनेक आश्चर्यों से युक्त।

श्लोक 8 (skanda.4.25.8)

तत्राद्राक्षीन्मुनिश्रेष्ठोऽगस्त्यः साक्षात्षडाननम् । प्रणम्य दंडवद्भूमौ सपत्नीको महातपाः

tatrādrākṣīnmuniśreṣṭho'gastyaḥ sākṣātṣaḍānanam praṇamya daṁḍavadbhūmau sapatnīko mahātapāḥ

वहाँ महातपस्वी मुनिश्रेष्ठ अगस्त्य ने साक्षात् षडानन को देखा; और अपनी पत्नी सहित भूमि पर दंडवत् प्रणाम किया।

श्लोक 9 (skanda.4.25.9)

तुष्टाव गिरिजासूनुं सूक्तैः श्रुतिसमुद्भवैः । तथा स्वकृतया स्तुत्या प्रबद्ध करसंपुटः

tuṣṭāva girijāsūnuṁ sūktaiḥ śrutisamudbhavaiḥ tathā svakṛtayā stutyā prabaddha karasaṁpuṭaḥ

हाथ जोड़े हुए उसने गिरिजा-पुत्र की स्तुति श्रुति-प्रोक्त सूक्तों से तथा अपनी स्वरचित स्तुति से भी की।

श्लोक 10 (skanda.4.25.10)

अगस्तिरुवाच । नमोस्तु वृंदारकवृंदवंद्य पादारविंदाय सुधाकराय । षडाननायामितविक्रमाय गौरीहृदानंदसमुद्भवाय

agastiruvāca namostu vṛṁdārakavṛṁdavaṁdya pādāraviṁdāya sudhākarāya ṣaḍānanāyāmitavikramāya gaurīhṛdānaṁdasamudbhavāya

अगस्त्य ने कहा -- "देवताओं के समूह द्वारा वंदित चरणकमल वाले, सुधाकर, षडानन, अपरिमित पराक्रमी, गौरी के हृदय के आनंदस्वरूप उत्पन्न आपको नमस्कार।"

श्लोक 11 (skanda.4.25.11)

नमोस्तु तुभ्यं प्रणतार्तिहंत्रे कर्त्रे समस्तस्य मनोरथानाम् । दात्रे रथानां परतारकस्य हंत्रे प्रचंडासुर तारकस्य

namostu tubhyaṁ praṇatārtihaṁtre kartre samastasya manorathānām dātre rathānāṁ paratārakasya haṁtre pracaṁḍāsura tārakasya

"नत जनों की पीड़ा हरने वाले, समस्त मनोरथों को पूर्ण करने वाले, रथों के दाता, परम तारक, प्रचंड असुर तारकासुर के संहारक आपको नमस्कार।"

श्लोक 12 (skanda.4.25.12)

अमूर्तमूर्ताय सहस्रमूर्तये गुणाय गुण्याय परात्पराय । अपारपाराय परापराय नमोस्तु तुभ्यं शिखिवाहनाय

amūrtamūrtāya sahasramūrtaye guṇāya guṇyāya parātparāya apārapārāya parāparāya namostu tubhyaṁ śikhivāhanāya

"अमूर्त होकर भी मूर्तिधारी, सहस्रमूर्ति, गुण और गुणी दोनों, परात्पर, अपार के भी पार, परापर, मयूरवाहन आपको नमस्कार।"

श्लोक 13 (skanda.4.25.13)

नमोस्तु ते ब्रह्मविदांवराय दिगंबरायांबर संस्थिताय । हिरण्यवर्णाय हिरण्यबाहवे नमो हिरण्याय हिरण्यरेतसे

namostu te brahmavidāṁvarāya digaṁbarāyāṁbara saṁsthitāya hiraṇyavarṇāya hiraṇyabāhave namo hiraṇyāya hiraṇyaretase

"ब्रह्मवेत्ताओं में श्रेष्ठ, दिगंबर, आकाश में स्थित, हिरण्यवर्ण, हिरण्यबाहु आपको नमस्कार; हिरण्य, हिरण्यरेता आपको नमस्कार।"

श्लोक 14 (skanda.4.25.14)

तपःस्वरूपाय तपोधनाय तपःफलानां प्रतिपादकाय । सदा कुमाराय हिमारमारिणे तणीकृतैश्वर्य विरागिणे नमः

tapaḥsvarūpāya tapodhanāya tapaḥphalānāṁ pratipādakāya sadā kumārāya himāramāriṇe taṇīkṛtaiśvarya virāgiṇe namaḥ

"तपःस्वरूप, तपोधन, तपोफलों के दाता, सदा कुमार, हिमारि के संहारक, ऐश्वर्य को तृणवत् मानने वाले वैरागी आपको नमस्कार।"

श्लोक 15 (skanda.4.25.15)

नमोस्तु तुभ्यं शरजन्मने विभो प्रभातसूर्यारुणदंतपंक्तये । बालाय चाबालपराक्रमाय षाण्मातुरायालमनातुराय

namostu tubhyaṁ śarajanmane vibho prabhātasūryāruṇadaṁtapaṁktaye bālāya cābālaparākramāya ṣāṇmāturāyālamanāturāya

"हे विभो! शरवन में जन्मे, प्रभात सूर्य के समान लाल दंतपंक्ति वाले, बालक होते हुए भी अद्भुत पराक्रमी, छह माताओं के पुत्र, सर्वथा रोगरहित आपको नमस्कार।"

श्लोक 16 (skanda.4.25.16)

मीढुष्टमायोत्तरमीढुषे नमो नमो गणानां पतये गणाय । नमोस्तु ते जन्मजरातिगाय नमो विशाखाय सुशक्तिपाणये

mīḍhuṣṭamāyottaramīḍhuṣe namo namo gaṇānāṁ pataye gaṇāya namostu te janmajarātigāya namo viśākhāya suśaktipāṇaye

"अत्यंत वरदाता में भी श्रेष्ठ वरदाता, गणों के स्वामी तथा गणस्वरूप को नमस्कार; जन्म-जरा से परे आपको नमस्कार; उत्तम शक्ति धारण करने वाले विशाख को नमस्कार।"

श्लोक 17 (skanda.4.25.17)

सर्वस्य नाथस्य कुमारकाय क्रौंचारये तारकमारकाय । स्वाहेय गांगेय च कार्तिकेय शैवेय तुभ्यं सततं नमोऽस्तु

sarvasya nāthasya kumārakāya krauṁcāraye tārakamārakāya svāheya gāṁgeya ca kārtikeya śaiveya tubhyaṁ satataṁ namo'stu

"सबके स्वामी के पुत्र, क्रौंच पर्वत के शत्रु, तारकासुर के संहारक को नमस्कार; हे स्वाहेय, गांगेय, कार्तिकेय, शैवेय! आपको सतत नमस्कार।"

श्लोक 18 (skanda.4.25.18)

इत्थं परिष्टुत्य स कार्तिकेयं नमो नमस्त्वित्यभिभाषमाणः । द्विस्त्रिःपरिक्रम्य पुरो विवेश स्थितो मुनीशोपविशेति चोक्तः

itthaṁ pariṣṭutya sa kārtikeyaṁ namo namastvityabhibhāṣamāṇaḥ dvistriḥparikramya puro viveśa sthito munīśopaviśeti coktaḥ

इस प्रकार कार्तिकेय की स्तुति कर, "नमो नमः" कहते हुए उसने उनकी दो-तीन बार परिक्रमा की और सामने आकर खड़ा हो गया; तब उस मुनीश्वर से कहा गया -- "बैठिये।"

श्लोक 19 (skanda.4.25.19)

कार्तिकेय उवाच । क्षेमोस्ति कुंभज मुने त्रिदशैकसहायकृत् । जाने त्वामिह संप्राप्तं तथा विंध्याचलोन्नतिम्

kārtikeya uvāca kṣemosti kuṁbhaja mune tridaśaikasahāyakṛt jāne tvāmiha saṁprāptaṁ tathā viṁdhyācalonnatim

कार्तिकेय ने कहा -- "हे कुंभज मुने! क्या आप कुशल हैं, हे देवताओं के सहायक? मैं जानता हूँ कि आप यहाँ पधारे हैं, और विंध्याचल की उन्नति को भी जानता हूँ।"

श्लोक 20 (skanda.4.25.20)

अविमुक्ते महाक्षेत्रे क्षेमं त्र्यक्षेण रक्षिते । यत्र क्षीणायुषां साक्षाद्विरूपाक्षोऽस्ति मोक्षदः

avimukte mahākṣetre kṣemaṁ tryakṣeṇa rakṣite yatra kṣīṇāyuṣāṁ sākṣādvirūpākṣo'sti mokṣadaḥ

"त्र्यक्ष द्वारा रक्षित महाक्षेत्र अविमुक्त कुशल है, जहाँ आयुक्षीण प्राणियों को साक्षात् विरूपाक्ष ही मोक्ष प्रदान करते हैं।"

श्लोक 21 (skanda.4.25.21)

भूर्भुवः स्वस्तले वापि न पातालतले मलम् । नोर्ध्वलोके मया दृष्टं तादृक्क्षेत्रं क्वचिन्मुने

bhūrbhuvaḥ svastale vāpi na pātālatale malam nordhvaloke mayā dṛṣṭaṁ tādṛkkṣetraṁ kvacinmune

"हे मुने! न भूः, भुवः, स्वः में, न पाताल के तल में, न ऊर्ध्वलोक में मैंने कहीं भी वैसा निर्मल क्षेत्र देखा है।"

श्लोक 22 (skanda.4.25.22)

अहमेकचरोप्यत्र तत्क्षेत्रप्राप्तये मुने । तप्ये तपांसिनाद्यापि फलेयुर्मे मनोरथाः

ahamekacaropyatra tatkṣetraprāptaye mune tapye tapāṁsinādyāpi phaleyurme manorathāḥ

"हे मुने! यद्यपि मैं यहाँ अकेला विचरता हूँ, फिर भी उस क्षेत्र की प्राप्ति के लिए आज तक तपस्या करता हूँ, तथापि मेरे मनोरथ अभी तक फलित नहीं हुए।"

श्लोक 23 (skanda.4.25.23)

न तत्पुण्यैर्न तद्दानैर्न तपोभिर्न तज्जपैः । न लभ्यं विविधैर्यज्ञैर्लभ्यमैशादनुग्रहात्

na tatpuṇyairna taddānairna tapobhirna tajjapaiḥ na labhyaṁ vividhairyajñairlabhyamaiśādanugrahāt

"वह न पुण्य से, न दान से, न तप से, न जप से प्राप्य है; न विविध यज्ञों से प्राप्य है; वह केवल ईश्वर की कृपा से ही प्राप्त होता है।"

श्लोक 24 (skanda.4.25.24)

ईश्वरानुग्रहादेव काशीवासः सुदुर्लभः । सुलभः स्यान्मुने नूनं न वै सुकृतकोटिभिः

īśvarānugrahādeva kāśīvāsaḥ sudurlabhaḥ sulabhaḥ syānmune nūnaṁ na vai sukṛtakoṭibhiḥ

"केवल ईश्वर की कृपा से ही अत्यंत दुर्लभ काशीवास सुलभ होता है, हे मुने; करोड़ों सुकृतों से भी वह सुलभ नहीं होता।"

श्लोक 25 (skanda.4.25.25)

अन्यैव काचित्सा सृष्टिर्विधातुर्याऽतिरेकिणी । न तत्क्षेत्रगुणान्वक्तुमीश्वरोऽपीश्वरो यतः

anyaiva kācitsā sṛṣṭirvidhāturyā'tirekiṇī na tatkṣetraguṇānvaktumīśvaro'pīśvaro yataḥ

"वह विधाता की कोई अन्य ही अतिरिक्त सृष्टि है, क्योंकि उस क्षेत्र के गुणों का वर्णन करने में स्वयं ईश्वर भी समर्थ नहीं हैं।"

श्लोक 26 (skanda.4.25.26)

अहो मतेः सुदौर्बल्यमहोभाग्यस्य दौर्विधम् । अहो मोहस्य माहात्म्यं यत्काशीह न सेव्यते

aho mateḥ sudaurbalyamahobhāgyasya daurvidham aho mohasya māhātmyaṁ yatkāśīha na sevyate

"अहो! मनुष्यों की बुद्धि की कितनी बड़ी दुर्बलता है! अहो! उनके भाग्य की कैसी विडंबना है! अहो! मोह की कितनी बड़ी महिमा है, कि यहाँ काशी का सेवन नहीं किया जाता!"

श्लोक 27 (skanda.4.25.27)

शरीरं जीर्यते नित्यं संजीर्यंतींद्रियाण्यपि । आयुर्मृगो मृगयुना कृतलक्ष्यो हि मृत्युना

śarīraṁ jīryate nityaṁ saṁjīryaṁtīṁdriyāṇyapi āyurmṛgo mṛgayunā kṛtalakṣyo hi mṛtyunā

"शरीर नित्य क्षीण होता जाता है, इंद्रियाँ भी क्षीण होती जाती हैं; आयुरूपी मृग मृत्युरूपी शिकारी का लक्ष्य बना हुआ है।"

श्लोक 28 (skanda.4.25.28)

सापदं संपदं ज्ञात्वा सापायं कायमुच्चकैः । चपला चपलं चायुर्मत्वा काशीं समाश्रयेत्

sāpadaṁ saṁpadaṁ jñātvā sāpāyaṁ kāyamuccakaiḥ capalā capalaṁ cāyurmatvā kāśīṁ samāśrayet

"सम्पत्ति को विपत्तिसहित, शरीर को अत्यंत विनाशशील, तथा आयु को चपला के समान चंचल जानकर, मनुष्य को काशी का आश्रय लेना चाहिए।"

श्लोक 29 (skanda.4.25.29)

यावन्नैत्यायुषश्चांतस्तावत्काशी न मुच्यते । कालः कलालवस्यापि संख्यातुं नैव विस्मरेत्

yāvannaityāyuṣaścāṁtastāvatkāśī na mucyate kālaḥ kalālavasyāpi saṁkhyātuṁ naiva vismaret

"जब तक निश्चित आयु का अंत नहीं आ जाता, तब तक काशी को नहीं छोड़ना चाहिए; काल कला के लव को गिनना भी कभी नहीं भूलता।"

श्लोक 30 (skanda.4.25.30)

जरानिकटनिक्षिप्ता बाधंते व्याधयो भृशम् । तथापि देहो नानेहो नाहो काशीं समीहते

jarānikaṭanikṣiptā bādhaṁte vyādhayo bhṛśam tathāpi deho nāneho nāho kāśīṁ samīhate

"बुढ़ापे के निकट लायी गयी व्याधियाँ अत्यंत पीड़ा देती हैं; फिर भी, हाय! यह देह काशी की अभिलाषा नहीं करता।"

श्लोक 31 (skanda.4.25.31)

तीर्थस्नानेन जप्येन परोपकरणोक्तिभिः । विनार्थं लभ्यते धर्मो धर्मादर्थः स्वयं भवेत्

tīrthasnānena japyena paropakaraṇoktibhiḥ vinārthaṁ labhyate dharmo dharmādarthaḥ svayaṁ bhavet

"तीर्थस्नान से, जप से, तथा परोपकार के वचनों से, धन के बिना ही धर्म प्राप्त होता है; और धर्म से स्वयं ही अर्थ प्राप्त हो जाता है।"

श्लोक 32 (skanda.4.25.32)

विनैवार्थार्जनोपायं धर्मादर्थो भवेद्ध्रुवम् । अतोऽर्थचिंतामुत्सृज्य धर्ममेकं समाश्रयेत्

vinaivārthārjanopāyaṁ dharmādartho bhaveddhruvam ato'rthaciṁtāmutsṛjya dharmamekaṁ samāśrayet

"धन कमाने का कोई उपाय किये बिना भी धर्म से निश्चय ही अर्थ प्राप्त होता है। अतः धन की चिंता त्यागकर केवल धर्म का आश्रय लेना चाहिए।"

श्लोक 33 (skanda.4.25.33)

धर्मादर्थोऽर्थतः कामः कामात्सर्वसुखोदयः । स्वर्गोपि सुलभो धर्मात्काश्ये का दुर्लभा परम्

dharmādartho'rthataḥ kāmaḥ kāmātsarvasukhodayaḥ svargopi sulabho dharmātkāśye kā durlabhā param

"धर्म से अर्थ, अर्थ से काम, और काम से समस्त सुखों की उत्पत्ति होती है; धर्म से स्वर्ग भी सुलभ हो जाता है -- फिर काशी में क्या दुर्लभ है?"

श्लोक 34 (skanda.4.25.34)

उपायत्रयमेवात्र स्थाणुर्निर्वाणकारणम्। शर्वाण्यग्रेव भाणाद्धा परिनिर्णीय सर्वतः

upāyatrayamevātra sthāṇurnirvāṇakāraṇam śarvāṇyagreva bhāṇāddhā parinirṇīya sarvataḥ

"यहाँ केवल तीन ही उपाय, स्थाणु द्वारा निर्धारित, निर्वाण के कारण हैं, जैसा कि शर्वाणी के समक्ष सर्वथा निर्णीत होकर कहा गया था।"

श्लोक 35 (skanda.4.25.35)

पूर्वं पाशुपतो योगस्ततस्तीर्थं सितासितम् । ततोप्येकमनायासमविमुक्तं विमुक्तिदम्

pūrvaṁ pāśupato yogastatastīrthaṁ sitāsitam tatopyekamanāyāsamavimuktaṁ vimuktidam

"पहला पाशुपत योग है, फिर श्वेत-श्याम संगम तीर्थ है; और उससे भी बढ़कर एकमात्र सर्वथा निरायास अविमुक्त, जो मुक्तिदाता है।"

श्लोक 36 (skanda.4.25.36)

श्रीशैल हिमशैलाद्या नानान्यायतनानि च । त्रिदंडधारणंचापि संन्यासः सर्वकर्मणाम्

śrīśaila himaśailādyā nānānyāyatanāni ca tridaṁḍadhāraṇaṁcāpi saṁnyāsaḥ sarvakarmaṇām

"श्रीशैल, हिमशैल आदि विविध अन्य तीर्थस्थान, त्रिदंडधारण तथा समस्त कर्मों का संन्यास..."

श्लोक 37 (skanda.4.25.37)

तपांसि नानारूपाणि व्रतानि नियमा यमाः । सिंधूनामपि संभेदा अरण्यानि बहून्यपि

tapāṁsi nānārūpāṇi vratāni niyamā yamāḥ siṁdhūnāmapi saṁbhedā araṇyāni bahūnyapi

"...अनेक प्रकार के तप, व्रत, नियम, यम; नदियों के संगम, तथा अनेक वन..."

श्लोक 38 (skanda.4.25.38)

मानसान्यपि भौमानि धारातीर्थादिकानि च । ऊषराश्चापि पीठानि ह्यच्छिन्नाम्नायपाठनम्

mānasānyapi bhaumāni dhārātīrthādikāni ca ūṣarāścāpi pīṭhāni hyacchinnāmnāyapāṭhanam

"...मानससरोवर आदि पार्थिव तीर्थ, धारातीर्थ आदि; ऊसर भूमियाँ भी, पीठ भी, तथा अखंड आम्नाय-पाठ..."

श्लोक 39 (skanda.4.25.39)

जपश्चापि मनूनां च तथाऽग्निहवनानि च । दानानि नानाक्रतवो देवतोपासनानि च

japaścāpi manūnāṁ ca tathā'gnihavanāni ca dānāni nānākratavo devatopāsanāni ca

"...मंत्रों का जप, अग्निहवन, दान, विविध यज्ञ, तथा देवताओं की उपासना..."

श्लोक 40 (skanda.4.25.40)

त्रिरात्रं पंचरात्राणि सांख्ययोगादयस्तथा । विष्णोराराधनं श्रेष्ठं मुक्तयेऽभिहितं किल

trirātraṁ paṁcarātrāṇi sāṁkhyayogādayastathā viṣṇorārādhanaṁ śreṣṭhaṁ muktaye'bhihitaṁ kila

"...त्रिरात्र और पंचरात्र व्रत, सांख्य-योग आदि; तथा विष्णु की आराधना, जो मुक्ति के लिए श्रेष्ठ कही गयी है..."

श्लोक 41 (skanda.4.25.41)

पुर्यश्चापि समाख्यातानृतजंतु विमुक्तिदा । कैवल्यसाधनानीह भवंत्येव विनिश्चितम्

puryaścāpi samākhyātānṛtajaṁtu vimuktidā kaivalyasādhanānīha bhavaṁtyeva viniścitam

"...तथा मरणशील प्राणियों को मुक्ति देने वाली पुरियाँ भी कही गयी हैं -- ये सब निश्चित रूप से इस लोक में कैवल्य-प्राप्ति के साधन हैं।"

श्लोक 42 (skanda.4.25.42)

एतानि यानि प्रोक्तानि काशीप्राप्तिकराणि च । प्राप्य काशीं भवेन्मुक्तो जंतुर्नान्यत्रकुत्रचित्

etāni yāni proktāni kāśīprāptikarāṇi ca prāpya kāśīṁ bhavenmukto jaṁturnānyatrakutracit

"ये सब जो कहे गये, वे काशी की प्राप्ति कराने वाले साधन हैं; काशी को प्राप्त कर ही प्राणी मुक्त होता है, अन्यत्र कहीं भी नहीं।"

श्लोक 43 (skanda.4.25.43)

अतएव हि तत्क्षेत्रं पवित्रमतिचित्रकृत् । विश्वेशितुः प्रियनित्यं विष्वग्ब्रह्माण्डमंडले

ataeva hi tatkṣetraṁ pavitramaticitrakṛt viśveśituḥ priyanityaṁ viṣvagbrahmāṇḍamaṁḍale

"इसीलिए वह क्षेत्र अत्यंत पवित्र, चारों ओर आश्चर्य करने वाला है, तथा सम्पूर्ण ब्रह्मांडमंडल में विश्वेशित को सदा प्रिय है।"

श्लोक 44 (skanda.4.25.44)

इदमेव हि तत्क्षेत्रं कुशलप्रश्नकारणम् । एह्येहि देहि मे स्पर्शं निजगात्रस्य सुव्रत

idameva hi tatkṣetraṁ kuśalapraśnakāraṇam ehyehi dehi me sparśaṁ nijagātrasya suvrata

"यही वह क्षेत्र है जो मेरे कुशल-प्रश्न का कारण है। आइये, आइये, हे सुव्रत! मुझे अपने शरीर का स्पर्श दीजिये।"

श्लोक 45 (skanda.4.25.45)

अपि काश्याः समागच्छत्स्पर्शवत्स्पर्श इष्यते । मयात्र तिष्ठता नित्यं किंतु त्वं तत आगतः

api kāśyāḥ samāgacchatsparśavatsparśa iṣyate mayātra tiṣṭhatā nityaṁ kiṁtu tvaṁ tata āgataḥ

"यहाँ नित्य निवास करने वाले मुझ जैसे को भी, काशी से आने वाले का स्पर्श काशी के स्पर्श के समान वांछनीय है -- और आप तो वहीं से आये हैं।"

श्लोक 46 (skanda.4.25.46)

त्रिरात्रमपिये काश्यां वसंति नियतेंद्रियाः । तेषां पुनंति नियतं स्पृष्टाश्चरणरेणवः

trirātramapiye kāśyāṁ vasaṁti niyateṁdriyāḥ teṣāṁ punaṁti niyataṁ spṛṣṭāścaraṇareṇavaḥ

"जो लोग केवल तीन रात्रि भी संयतेंद्रिय होकर काशी में निवास करते हैं, उनके चरणों की धूलि भी स्पर्श मात्र से पवित्र कर देती है।"

श्लोक 47 (skanda.4.25.47)

त्वं तु तत्र कृतावासः कृतपुण्यमहोच्चयः । उत्तरप्रवहा स्नान जातपिंगलमूर्धजः

tvaṁ tu tatra kṛtāvāsaḥ kṛtapuṇyamahoccayaḥ uttarapravahā snāna jātapiṁgalamūrdhajaḥ

"किन्तु आपने तो वहाँ निवास किया है, महान पुण्यसंचय किया है, तथा उत्तरवाहिनी में स्नान से आपके केश पिंगल वर्ण के हो गये हैं।"

श्लोक 48 (skanda.4.25.48)

तव तत्र तु यत्कुंडमगस्तीश्वरसन्निधौ । तत्र स्नात्वा च पीत्वा च कृतसर्वोदकक्रियः

tava tatra tu yatkuṁḍamagastīśvarasannidhau tatra snātvā ca pītvā ca kṛtasarvodakakriyaḥ

"वहाँ अगस्तीश्वर के समीप जो आपका कुंड है, वहाँ स्नान कर, जल पीकर, तथा जल से समस्त क्रियाएँ सम्पन्न कर..."

श्लोक 49 (skanda.4.25.49)

पितॄन्पिंडैः समभ्यर्च्य श्रद्धाश्राद्धविधानतः । कृत्यकृत्यो भवेज्जंतुर्वाराणस्याः फलं लभेत्

pitṝnpiṁḍaiḥ samabhyarcya śraddhāśrāddhavidhānataḥ kṛtyakṛtyo bhavejjaṁturvārāṇasyāḥ phalaṁ labhet

"...तथा श्रद्धापूर्वक श्राद्धविधि से पितरों को पिंडदान अर्पित कर, प्राणी कृतकृत्य हो जाता है और वाराणसी का फल प्राप्त करता है।"

श्लोक 50 (skanda.4.25.50)

इत्युक्त्वा सर्वगात्राणि स्पष्ट्वा कुंभोद्भवस्य च । स्कंदोऽमृतसरोवारि विगाह्य सुखमाप्तवान्

ityuktvā sarvagātrāṇi spaṣṭvā kuṁbhodbhavasya ca skaṁdo'mṛtasarovāri vigāhya sukhamāptavān

ऐसा कहकर और कुंभज मुनि के समस्त अंगों का स्पर्श कर, स्कंद ने अमृतसरोवर के जल में डुबकी लगायी और सुख प्राप्त किया।

श्लोक 51 (skanda.4.25.51)

जय विश्वेश नेत्राणि विनिमील्य वदन्नपि । ततः किंचित्क्षणं दध्यौ गुहः स्थाणुसुनिश्चलः

jaya viśveśa netrāṇi vinimīlya vadannapi tataḥ kiṁcitkṣaṇaṁ dadhyau guhaḥ sthāṇusuniścalaḥ

"जय विश्वेश" कहते हुए नेत्र बंदकर, गुह तब कुछ क्षण के लिए स्थाणु के समान निश्चल होकर ध्यानमग्न रहे।

श्लोक 52 (skanda.4.25.52)

स्कंदे विसर्जितध्याने सुप्रसन्नमनोमुखे । प्रतीक्ष्य वागवसरं पप्रच्छाथ मुनिर्गुहम्

skaṁde visarjitadhyāne suprasannamanomukhe pratīkṣya vāgavasaraṁ papracchātha munirguham

जब स्कंद का ध्यान समाप्त हो गया, उनका मन और मुख दोनों प्रसन्न हो उठे, तब अवसर की प्रतीक्षा कर मुनि ने गुह से प्रश्न किया।

श्लोक 53 (skanda.4.25.53)

अगस्तिरुवाच । स्वामिन्यथा भगवता भगवत्यै पुराऽकथि । वाराणस्यास्तु महिमा हिमशैलभुवे मुदा

agastiruvāca svāminyathā bhagavatā bhagavatyai purā'kathi vārāṇasyāstu mahimā himaśailabhuve mudā

अगस्त्य ने कहा -- "हे स्वामिन्! जैसे भगवान ने हिमालयतनया भगवती को वाराणसी की महिमा हर्षपूर्वक पूर्वकाल में सुनायी थी..."

श्लोक 54 (skanda.4.25.54)

त्वया यथा समाकर्णि तदुत्संगनिवासिना । तथा कथय षड्वक्त्र तत्क्षेत्रं मेऽतिरोचते

tvayā yathā samākarṇi tadutsaṁganivāsinā tathā kathaya ṣaḍvaktra tatkṣetraṁ me'tirocate

"...जैसे आपने उसकी गोद में बैठकर सुना था, वैसे ही मुझे बताइये, हे षड्वक्त्र! वह क्षेत्र मुझे अत्यंत रुचता है।"

श्लोक 55 (skanda.4.25.55)

स्कंद उवाच । शृणुष्व मैत्रावरुणे यथा भगवताऽकथि । तत्क्षेत्रस्याविमुक्तस्य मम मातुः पुरः पुरा

skaṁda uvāca śṛṇuṣva maitrāvaruṇe yathā bhagavatā'kathi tatkṣetrasyāvimuktasya mama mātuḥ puraḥ purā

स्कंद ने कहा -- "हे मैत्रावरुणे! सुनिये, जैसे भगवान ने पूर्वकाल में मेरी माता के समक्ष उस अविमुक्त क्षेत्र के विषय में कहा था..."

श्लोक 56 (skanda.4.25.56)

श्रुतं च यत्तदुत्संगे स्थितेन स्थिरचेतसा । माहात्म्यं तच्छृणु मुने कथ्यमानं मयाऽनघ

śrutaṁ ca yattadutsaṁge sthitena sthiracetasā māhātmyaṁ tacchṛṇu mune kathyamānaṁ mayā'nagha

"...और जैसे उनकी गोद में बैठे स्थिरचित्त मैंने सुना था, हे निष्पाप मुने! अब मेरे द्वारा कहे जाते हुए उसी माहात्म्य को सुनिये।"

श्लोक 57 (skanda.4.25.57)

गुह्यानां परमं गुह्यमविमुक्तमिहेरितम् । तत्र संनिहिता सिद्धिस्तत्र नित्यं स्थितो विभुः

guhyānāṁ paramaṁ guhyamavimuktamiheritam tatra saṁnihitā siddhistatra nityaṁ sthito vibhuḥ

"अविमुक्त यहाँ गुह्यों के भी परम गुह्य के रूप में कहा गया है; वहाँ सिद्धि सन्निहित है, वहाँ विभु नित्य स्थित हैं।"

श्लोक 58 (skanda.4.25.58)

भूर्लोके नैव संलग्नं तत्क्षेत्रं त्वंतरिक्षगम् । अयोगिनो न वीक्षंते पश्यंत्येव च योगिनः

bhūrloke naiva saṁlagnaṁ tatkṣetraṁ tvaṁtarikṣagam ayogino na vīkṣaṁte paśyaṁtyeva ca yoginaḥ

"वह क्षेत्र भूलोक से संलग्न नहीं है, अपितु अंतरिक्ष में विचरण करता है; अयोगी उसे नहीं देख पाते, किन्तु योगी उसे अवश्य देखते हैं।"

श्लोक 59 (skanda.4.25.59)

यस्तत्र निवसेद्विप्र संयतात्मा समाहितः । त्रिकालमपि भुंजानो वायुभक्षसमो भवेत्

yastatra nivasedvipra saṁyatātmā samāhitaḥ trikālamapi bhuṁjāno vāyubhakṣasamo bhavet

"हे विप्र! जो वहाँ संयतात्मा और समाहितचित्त होकर निवास करता है, वह त्रिकाल भोजन करते हुए भी वायुभक्षी के समान हो जाता है।"

श्लोक 60 (skanda.4.25.60)

निमेषमात्रमपि यो ह्यविमुक्तेऽतिभक्तिभाक् । ब्रह्मचर्यसमायुक्तं तेन तप्तं महत्तपः

nimeṣamātramapi yo hyavimukte'tibhaktibhāk brahmacaryasamāyuktaṁ tena taptaṁ mahattapaḥ

"जो निमेषमात्र भी अविमुक्त में अत्यंत भक्तिभाव से युक्त होकर, ब्रह्मचर्य से युक्त रहता है, उसने महान तप कर लिया है।"

श्लोक 61 (skanda.4.25.61)

यस्तु मासं वसेद्धीरो लघ्वाहारो जितेंद्रियः । सर्वं तेन व्रतं चीर्णं दिव्यं पाशुपतं भवेत्

yastu māsaṁ vaseddhīro laghvāhāro jiteṁdriyaḥ sarvaṁ tena vrataṁ cīrṇaṁ divyaṁ pāśupataṁ bhavet

"और जो धीर पुरुष अल्पाहारी और जितेन्द्रिय होकर वहाँ एक मास निवास करता है, उसने दिव्य पाशुपत व्रत को पूर्णतः पूर्ण कर लिया है।"

श्लोक 62 (skanda.4.25.62)

संवत्सरं वसंस्तत्र जितक्रोधो जितेंद्रियः । अपरस्वविपुष्टांगः परान्नपरिवर्जकः

saṁvatsaraṁ vasaṁstatra jitakrodho jiteṁdriyaḥ aparasvavipuṣṭāṁgaḥ parānnaparivarjakaḥ

"वहाँ एक वर्ष निवास करते हुए, क्रोध को जीतकर, इन्द्रियों को जीतकर, दूसरों की वस्तु से अपने अंग को न पुष्ट करते हुए, दूसरे के अन्न का त्याग करते हुए..."

श्लोक 63 (skanda.4.25.63)

परापवादरहितः किंचिद्दानपरायणः । समाः सहस्रमन्यत्र तेन तप्तं महत्तपः

parāpavādarahitaḥ kiṁciddānaparāyaṇaḥ samāḥ sahasramanyatra tena taptaṁ mahattapaḥ

"...दूसरों की निंदा से रहित, कुछ दान में भी तत्पर रहकर -- उसने अन्यत्र सहस्र वर्षों के तुल्य महान तप कर लिया है।"

श्लोक 64 (skanda.4.25.64)

यावज्जीवं वसेद्यस्तु क्षेत्रमाहात्म्यविन्नरः । जन्ममृत्यु भयं हित्वा स याति परमां गतिम्

yāvajjīvaṁ vasedyastu kṣetramāhātmyavinnaraḥ janmamṛtyu bhayaṁ hitvā sa yāti paramāṁ gatim

"जो मनुष्य क्षेत्र की महिमा को जानकर वहाँ जीवनभर निवास करता है, वह जन्म-मृत्यु के भय को त्यागकर परम गति को प्राप्त करता है।"

श्लोक 65 (skanda.4.25.65)

न योगैर्या गतिर्लभ्या जन्मांतरशतैरपि । अन्यत्रहेलया साऽत्र लभ्येशस्य प्रसादतः

na yogairyā gatirlabhyā janmāṁtaraśatairapi anyatrahelayā sā'tra labhyeśasya prasādataḥ

"जो गति योगों द्वारा भी सैकड़ों जन्मों में प्राप्त नहीं होती, वह यहाँ ईश्वर की कृपा से सहज ही प्राप्त हो जाती है।"

श्लोक 66 (skanda.4.25.66)

ब्रह्महा योऽभिगच्छेद्वै दैवाद्वाराणसीं पुरीम् । तस्य क्षेत्रस्य माहात्म्याद्ब्रह्महत्या निवर्तते

brahmahā yo'bhigacchedvai daivādvārāṇasīṁ purīm tasya kṣetrasya māhātmyādbrahmahatyā nivartate

"जो ब्रह्महत्यारा भी दैवयोग से वाराणसी नगरी में आ जाता है, उस क्षेत्र की महिमा से उसकी ब्रह्महत्या दूर हो जाती है।"

श्लोक 67 (skanda.4.25.67)

आदेहपतनं यावद्योविमुक्तं न मुंचति । न केवलं ब्रह्महत्या प्रकृतिश्च निवर्तते

ādehapatanaṁ yāvadyovimuktaṁ na muṁcati na kevalaṁ brahmahatyā prakṛtiśca nivartate

"जो देहपात तक अविमुक्त को नहीं छोड़ता, उसकी न केवल ब्रह्महत्या, अपितु उसकी दुष्ट प्रकृति भी दूर हो जाती है।"

श्लोक 68 (skanda.4.25.68)

अनन्यमानसो भूत्वा तत्क्षेत्रं यो न मुंचति । स मुंचति जरामृत्युं गर्भवासं सुदुःसहम्

ananyamānaso bhūtvā tatkṣetraṁ yo na muṁcati sa muṁcati jarāmṛtyuṁ garbhavāsaṁ suduḥsaham

"अनन्यचित्त होकर जो उस क्षेत्र को नहीं छोड़ता, वह जरा-मृत्यु तथा अत्यंत दुःसह गर्भवास से मुक्त हो जाता है।"

श्लोक 69 (skanda.4.25.69)

अविमुक्तं निषेवेत देवर्षिगणसेवितम् । यदीच्छेन्मानवो धीमान्न पुनर्जननं भुवि

avimuktaṁ niṣeveta devarṣigaṇasevitam yadīcchenmānavo dhīmānna punarjananaṁ bhuvi

"जो बुद्धिमान मनुष्य पृथ्वी पर पुनर्जन्म नहीं चाहता, उसे देवताओं और ऋषियों के समूह द्वारा सेवित अविमुक्त का सेवन करना चाहिए।"

श्लोक 70 (skanda.4.25.70)

अविमुक्तं न मुंचेत संसारभयमोचनम् । प्राप्य विश्वेश्वरं देवं न स भूयोऽभिजायते

avimuktaṁ na muṁceta saṁsārabhayamocanam prāpya viśveśvaraṁ devaṁ na sa bhūyo'bhijāyate

"संसार-भय से मुक्त करने वाले अविमुक्त को कभी नहीं छोड़ना चाहिए; विश्वेश्वर देव को प्राप्त कर वह पुनः जन्म नहीं लेता।"

श्लोक 71 (skanda.4.25.71)

कृत्वा पापसह्स्राणि पिशाचत्वं वरंत्विह । न तु क्रतुशतप्राप्यः स्वर्गः काशीपुरीं विना

kṛtvā pāpasahsrāṇi piśācatvaṁ varaṁtviha na tu kratuśataprāpyaḥ svargaḥ kāśīpurīṁ vinā

"यहाँ हजारों पाप करके भी पिशाचत्व ही श्रेष्ठ है, क्योंकि सैकड़ों यज्ञों से प्राप्य स्वर्ग भी काशी पुरी के बिना प्राप्त नहीं होता।"

श्लोक 72 (skanda.4.25.72)

अंतकाले मनुष्याणां भिद्यमानेषु मर्मसु । वातेनातुद्यमानानां स्मृतिर्नैवोपजायते

aṁtakāle manuṣyāṇāṁ bhidyamāneṣu marmasu vātenātudyamānānāṁ smṛtirnaivopajāyate

"अंतकाल में, जब मनुष्यों के मर्मस्थल भिद जाते हैं, तथा वे मृत्युकालीन वायु से पीड़ित होते हैं, तब उन्हें स्मृति उत्पन्न ही नहीं होती।"

श्लोक 73 (skanda.4.25.73)

तत्रोत्क्रमणकाले तु साक्षाद्विश्वेश्वरः स्वयम् । व्याचष्टे तारकं ब्रह्म येनासौ तन्मयो भवेत्

tatrotkramaṇakāle tu sākṣādviśveśvaraḥ svayam vyācaṣṭe tārakaṁ brahma yenāsau tanmayo bhavet

"किन्तु वहाँ, प्राणोत्क्रमण के समय, साक्षात् विश्वेश्वर स्वयं तारक ब्रह्म का उपदेश देते हैं, जिससे वह उसी में तन्मय हो जाता है।"

श्लोक 74 (skanda.4.25.74)

अशाश्वतमिदं ज्ञात्वा मानुष्यं बहुकिल्बिषम् । अविमुक्तं निषेवेत संसारभयनाशनम्

aśāśvatamidaṁ jñātvā mānuṣyaṁ bahukilbiṣam avimuktaṁ niṣeveta saṁsārabhayanāśanam

"इस मानव जीवन को अनित्य और अनेक पापों से युक्त जानकर, संसार-भय के नाशक अविमुक्त का सेवन करना चाहिए।"

श्लोक 75 (skanda.4.25.75)

विघ्रैरालोड्यमानोपि योऽविमुक्तं न मुंचति । नैःश्रेयसी श्रियं प्राप्य दुःखांतं सोधिगच्छति

vighrairāloḍyamānopi yo'vimuktaṁ na muṁcati naiḥśreyasī śriyaṁ prāpya duḥkhāṁtaṁ sodhigacchati

"विघ्नों से आलोड़ित होते हुए भी जो अविमुक्त को नहीं छोड़ता, वह निःश्रेयस रूपी सम्पत्ति को प्राप्त कर दुःख के अंत को प्राप्त कर लेता है।"

श्लोक 76 (skanda.4.25.76)

महापापौघशमनीं पुण्योपचयकारिणीम् । भुक्तिमुक्तिप्रदामंते को न काशीं सुधीः श्रयेत्

mahāpāpaughaśamanīṁ puṇyopacayakāriṇīm bhuktimuktipradāmaṁte ko na kāśīṁ sudhīḥ śrayet

"महापापों के प्रवाह को शांत करने वाली, पुण्य की वृद्धि करने वाली, तथा भुक्ति और मुक्ति दोनों को देने वाली काशी का आश्रय अंत में कौन बुद्धिमान न लेगा?"

श्लोक 77 (skanda.4.25.77)

एवं ज्ञात्वा तु मेधावी नाविमुक्तं त्यजेन्नरः । अविमुक्तप्रसादेन विमुक्तो जायते यतः

evaṁ jñātvā tu medhāvī nāvimuktaṁ tyajennaraḥ avimuktaprasādena vimukto jāyate yataḥ

"यह जानकर बुद्धिमान मनुष्य को अविमुक्त को कभी नहीं त्यागना चाहिए, क्योंकि अविमुक्त की कृपा से ही मनुष्य मुक्त होता है।"

श्लोक 78 (skanda.4.25.78)

अविमुक्तस्य माहात्म्यं षड्भिर्वक्त्रैः कथं मया । वक्तुं शक्यं न शक्नोति सहस्रास्योपि यत्परम्

avimuktasya māhātmyaṁ ṣaḍbhirvaktraiḥ kathaṁ mayā vaktuṁ śakyaṁ na śaknoti sahasrāsyopi yatparam

"अविमुक्त की महिमा को मैं अपने छह मुखों से कैसे कह सकता हूँ, जिसे सहस्रमुख भी पूर्णतया कहने में समर्थ नहीं हैं?"