मणिकर्णिका-आख्यान

श्लोक 1 (skanda.4.26.1)

अगस्तिरुवाच॥ प्रसन्नोसि यदि स्कंद मयि प्रीतिरनुत्तमा॥ तत्समाचक्ष्व भगवंश्चिरं यन्मे हृदिस्थितम्

agastiruvāca prasannosi yadi skaṁda mayi prītiranuttamā tatsamācakṣva bhagavaṁściraṁ yanme hṛdisthitam

अगस्ति ने कहा — हे स्कंद! यदि आप मुझसे प्रसन्न हैं और मेरे प्रति आपका प्रेम सर्वोत्तम है, तो हे भगवन्! जो बात बहुत समय से मेरे हृदय में बसी है, वह मुझे बताइए।

श्लोक 2 (skanda.4.26.2)

अविमुक्तमिदं क्षेत्रं कदारभ्य भुवस्तले॥ परां प्रथितिमापन्नं मोक्षदं चाभवत्कथम्

avimuktamidaṁ kṣetraṁ kadārabhya bhuvastale parāṁ prathitimāpannaṁ mokṣadaṁ cābhavatkatham

यह अविमुक्त नामक क्षेत्र पृथ्वीतल पर कब से विद्यमान है? यह किस प्रकार परम कीर्ति को प्राप्त हुआ और मोक्षदायक बना?

श्लोक 3 (skanda.4.26.3)

कथमेषा त्रिलोकीड्या गीयते मणिकर्णिका॥ तत्रासीत्किं पुरास्वामिन्यदा नामरनिम्नगा

kathameṣā trilokīḍyā gīyate maṇikarṇikā tatrāsītkiṁ purāsvāminyadā nāmaranimnagā

तीनों लोकों द्वारा वंदित यह मणिकर्णिका किस प्रकार गाई जाती है? हे स्वामिन्! पहले, जब वहाँ देवनदी नहीं थी, तब वहाँ क्या था?

श्लोक 4 (skanda.4.26.4)

वाराणसीति काशीति रुद्रावास इति प्रभो॥ अवाप नामधेयानि कथमेतानि सा पुरी॥ आनंदकाननं रम्यमविमुक्तमनंतरम्

vārāṇasīti kāśīti rudrāvāsa iti prabho avāpa nāmadheyāni kathametāni sā purī ānaṁdakānanaṁ ramyamavimuktamanaṁtaram

हे प्रभो! वह नगरी वाराणसी, काशी, रुद्रावास — ये नाम किस प्रकार प्राप्त हुई? तथा वह रमणीय आनंदकानन और अविमुक्त नाम भी कैसे पड़ा?

श्लोक 5 (skanda.4.26.5)

महाश्मशान इति च कथं ख्यातं शिखिध्वज॥ एतदिच्छाम्यहं श्रोतुं संदेहं मेऽपनोदय

mahāśmaśāna iti ca kathaṁ khyātaṁ śikhidhvaja etadicchāmyahaṁ śrotuṁ saṁdehaṁ me'panodaya

और हे शिखिध्वज! यह महाश्मशान नाम से किस प्रकार विख्यात हुआ? मैं यह सब सुनना चाहता हूँ; मेरा संशय दूर कीजिए।

श्लोक 6 (skanda.4.26.6)

॥ स्कंद उवाच॥ प्रश्नभारोयमतुलस्त्वया यः समुदाहृतः॥ कुंभयोनेऽमुमेवार्थमप्राक्षीदंबिका हरम्

skaṁda uvāca praśnabhāroyamatulastvayā yaḥ samudāhṛtaḥ kuṁbhayone'mumevārthamaprākṣīdaṁbikā haram

स्कंद ने कहा — हे कुंभयोने! आपने जो यह अतुलनीय भारी प्रश्न पूछा है, यही प्रश्न पूर्वकाल में अंबिका ने हर से पूछा था।

श्लोक 7 (skanda.4.26.7)

यथा च देवदेवेन सर्वज्ञेन निवेदितम्॥ जगन्मातुः पुरस्ताच्च तथैव कथयामि ते

yathā ca devadevena sarvajñena niveditam jaganmātuḥ purastācca tathaiva kathayāmi te

सर्वज्ञ देवाधिदेव ने जगन्माता के समक्ष जैसे इसे कहा था, वैसे ही मैं तुम्हें सुनाता हूँ।

श्लोक 8 (skanda.4.26.8)

महाप्रलय काले च नष्टे स्थावरजंगमे॥ आसीत्तमोमयं सर्वमनर्कग्रहतारकम्

mahāpralaya kāle ca naṣṭe sthāvarajaṁgame āsīttamomayaṁ sarvamanarkagrahatārakam

महाप्रलय के समय, जब समस्त चराचर नष्ट हो चुके थे, सब कुछ अंधकारमय था — न सूर्य था, न ग्रह, न तारे।

श्लोक 9 (skanda.4.26.9)

अचंद्रमनहोरात्रमनग्न्यनिलभूतलम्॥ अप्रधानं वियच्छून्यमन्यतेजोविवर्धितम्

acaṁdramanahorātramanagnyanilabhūtalam apradhānaṁ viyacchūnyamanyatejovivardhitam

न चंद्रमा था, न दिन-रात्रि, न अग्नि, वायु या पृथ्वी थी। प्रधान (मूल प्रकृति) भी नहीं था, आकाश शून्य था, केवल किसी अन्य दिव्य तेज से वह प्रकाशित था।

श्लोक 10 (skanda.4.26.10)

द्रष्टृत्वादि विहीनं च शब्दस्पर्शसमुज्झितम्॥ व्यपेतगंधरूपं च रसत्यक्तमदिङ्मुखम्॥ इत्थं सत्यंधतमसि सूचीभेद्ये निरंतरे॥ तत्सद्ब्रह्मेति यच्छ्रुत्या सदैकं प्रतिपाद्यते

draṣṭṛtvādi vihīnaṁ ca śabdasparśasamujjhitam vyapetagaṁdharūpaṁ ca rasatyaktamadiṅmukham itthaṁ satyaṁdhatamasi sūcībhedye niraṁtare tatsadbrahmeti yacchrutyā sadaikaṁ pratipādyate

वहाँ द्रष्टापन आदि भी नहीं था, शब्द और स्पर्श से रहित, गंध-रूप से वर्जित, रसहीन और दिशाशून्य — ऐसे उस निरंतर सूच्यभेद्य घोर अंधकार में केवल वह सत्-ब्रह्म ही था, जिसे श्रुति सदा एक ही तत्त्व के रूप में प्रतिपादित करती है।

श्लोक 11 (skanda.4.26.11)

अमनोगोचरोवाचां विषयं न कथंचन॥ अनामरूपवर्णं च न स्थूलं न च यत्कृशम्

amanogocarovācāṁ viṣayaṁ na kathaṁcana anāmarūpavarṇaṁ ca na sthūlaṁ na ca yatkṛśam

वह मन से भी अगोचर था, वाणी का विषय कदापि नहीं था; नाम-रूप-वर्ण से रहित था, न स्थूल था न सूक्ष्म।

श्लोक 12 (skanda.4.26.12)

अह्रस्वदीर्घमलघुगुरुत्वपरिवर्जितम्॥ न यत्रोपचयः कश्चित्तथा चापचयोपि च

ahrasvadīrghamalaghugurutvaparivarjitam na yatropacayaḥ kaścittathā cāpacayopi ca

न ह्रस्व था न दीर्घ, न लघु न गुरु; जहाँ न कोई वृद्धि थी और न कोई क्षय।

श्लोक 13 (skanda.4.26.13)

अभिधत्ते स चकितं यदस्तीति श्रुतिः पुनः॥ सत्यं ज्ञानमनंतं च यदानंदं परं महः

abhidhatte sa cakitaṁ yadastīti śrutiḥ punaḥ satyaṁ jñānamanaṁtaṁ ca yadānaṁdaṁ paraṁ mahaḥ

जिसके विषय में श्रुति चकित होकर बार-बार केवल इतना ही कहती है कि 'वह है' — जो सत्य, ज्ञान, अनंत तथा आनंदमय परम तेज है।

श्लोक 14 (skanda.4.26.14)

अप्रमेयमनाधारमविकारमनाकृति॥ निर्गुणं योगिगम्यं च सर्वव्याप्येककारणम्

aprameyamanādhāramavikāramanākṛti nirguṇaṁ yogigamyaṁ ca sarvavyāpyekakāraṇam

वह अप्रमेय, आधाररहित, अविकारी और आकाररहित था; निर्गुण होते हुए भी योगियों द्वारा प्राप्य, सर्वव्यापी और एकमात्र कारण था।

श्लोक 15 (skanda.4.26.15)

निर्विकल्पं निरारंभं निर्मायं निरुपद्रवम्॥ यस्येत्थं संविकल्प्यंते संज्ञाः संज्ञोदितस्य वै

nirvikalpaṁ nirāraṁbhaṁ nirmāyaṁ nirupadravam yasyetthaṁ saṁvikalpyaṁte saṁjñāḥ saṁjñoditasya vai

वह निर्विकल्प, निरारंभ, मायारहित और उपद्रवरहित था; उसी के लिए इस प्रकार की संज्ञाएँ केवल नाम मात्र के लिए कल्पित की जाती हैं।

श्लोक 16 (skanda.4.26.16)

तस्यैकलस्य चरतो द्वितीयेच्छा भवत्किल॥ अमूर्तेन स्वमूर्तिश्च तेनाकल्पि स्वलीलया

tasyaikalasya carato dvitīyecchā bhavatkila amūrtena svamūrtiśca tenākalpi svalīlayā

जब वह अकेला ही विचरण कर रहा था, तब उसमें द्वितीय की इच्छा उत्पन्न हुई; और उस अमूर्त ने अपनी लीला से स्वयं अपनी मूर्ति रची।

श्लोक 17 (skanda.4.26.17)

सर्वैश्वर्यगुणोपेता सर्वज्ञानमयी शुभा॥ सर्वगा सर्वरूपा च सर्वदृक्सर्वकारिणी

sarvaiśvaryaguṇopetā sarvajñānamayī śubhā sarvagā sarvarūpā ca sarvadṛksarvakāriṇī

वह रूप समस्त ऐश्वर्य-गुणों से युक्त, सर्वज्ञानमयी और शुभ था; सर्वव्यापिनी, सर्वरूपिणी, सर्वद्रष्ट्री और सब कुछ करने वाली थी।

श्लोक 18 (skanda.4.26.18)

सर्वैकवंद्या सर्वाद्या सर्वदा सर्वसंकृतिः॥ परिकल्प्येति तां मूर्तिमीश्वरीं शुद्धरूपिणीम्

sarvaikavaṁdyā sarvādyā sarvadā sarvasaṁkṛtiḥ parikalpyeti tāṁ mūrtimīśvarīṁ śuddharūpiṇīm

वह सबकी एकमात्र वंदनीया, सबकी आदिस्वरूपा और सदा सबका संस्करण करने वाली थी। इस प्रकार उस शुद्धस्वरूपा ईश्वरी मूर्ति की कल्पना करके...

श्लोक 19 (skanda.4.26.19)

अंतर्दधे पराख्यं यद्ब्रह्मसर्वंगमव्ययम्॥ अमूर्तं यत्पराख्यं वै तस्य मूर्तिरहं प्रिये॥ अर्वाचीनपराचीना ईश्वरं मां जगुर्बुधाः

aṁtardadhe parākhyaṁ yadbrahmasarvaṁgamavyayam amūrtaṁ yatparākhyaṁ vai tasya mūrtirahaṁ priye arvācīnaparācīnā īśvaraṁ māṁ jagurbudhāḥ

...वह परम, सर्वव्यापी, अविनाशी ब्रह्म उसी में अंतर्हित हो गया। 'हे प्रिये! जो वह अमूर्त परमतत्त्व है, उसी की मूर्ति मैं हूँ — पूर्व और अर्वाचीन काल के विद्वानों ने मुझे ईश्वर कहा है।'

श्लोक 20 (skanda.4.26.20)

ततस्तदैकलेनापि स्वैरं विहरतामया॥ स्वविग्रहात्स्वयं सृष्टा स्वशरीरानपायिनी

tatastadaikalenāpi svairaṁ viharatāmayā svavigrahātsvayaṁ sṛṣṭā svaśarīrānapāyinī

फिर, यद्यपि मैं अकेला ही स्वेच्छा से विचरण कर रहा था, तथापि मैंने अपने ही शरीर से अपनी अविनाशी शक्ति को स्वयं उत्पन्न किया।

श्लोक 21 (skanda.4.26.21)

प्रधानं प्रकृतिं त्वां च मायां गुणवतीं पराम्॥ बुद्धि तत्त्वस्य जननीमाहुर्विकृतिवर्जिताम्

pradhānaṁ prakṛtiṁ tvāṁ ca māyāṁ guṇavatīṁ parām buddhi tattvasya jananīmāhurvikṛtivarjitām

तुम्हें ही प्रधान, प्रकृति, गुणवती परा माया कहा गया है — तुम बुद्धितत्त्व की जननी हो, फिर भी विकाररहित हो।

श्लोक 22 (skanda.4.26.22)

युगपच्च त्वया शक्त्या साकं कालस्वरूपिणा॥ मयाऽऽद्य पुरुषेणैतत्क्षेत्रं चापि विनिर्मितम्

yugapacca tvayā śaktyā sākaṁ kālasvarūpiṇā mayā''dya puruṣeṇaitatkṣetraṁ cāpi vinirmitam

और उसी समय मुझ आदिपुरुष ने, काल-स्वरूप होकर, तुम शक्ति के साथ मिलकर यह क्षेत्र भी रच डाला।

श्लोक 23 (skanda.4.26.23)

सा शक्तिः प्रकृतिः प्रोक्ता स पुमानीश्वरः परः॥ ताभ्यां च रममाणाभ्यां तस्मिन्क्षेत्रे घटोद्भव

sā śaktiḥ prakṛtiḥ proktā sa pumānīśvaraḥ paraḥ tābhyāṁ ca ramamāṇābhyāṁ tasminkṣetre ghaṭodbhava

वह शक्ति प्रकृति कही गई और वह पुरुष परमेश्वर कहा गया; हे घटोद्भव! उन दोनों के उसी क्षेत्र में रमण करते हुए...

श्लोक 24 (skanda.4.26.24)

परमानंदरूपाभ्यां परमानंदरूपिणी॥ पंचक्रोशपरीमाणे स्वपादतलनिर्मिते

paramānaṁdarūpābhyāṁ paramānaṁdarūpiṇī paṁcakrośaparīmāṇe svapādatalanirmite

...दोनों परमानंदस्वरूप थे, उसी प्रकार वह क्षेत्र भी परमानंदस्वरूप है, जो पंचक्रोश परिमाण में मेरे ही चरणतल से निर्मित हुआ।

श्लोक 25 (skanda.4.26.25)

मुने प्रलयकालेपि न तत्क्षेत्रं कदाचन॥ विमुक्तं हि शिवाभ्यां यदविमुक्तं ततो विदुः

mune pralayakālepi na tatkṣetraṁ kadācana vimuktaṁ hi śivābhyāṁ yadavimuktaṁ tato viduḥ

हे मुने! प्रलयकाल में भी वह क्षेत्र शिव-शक्ति द्वारा कभी नहीं त्यागा जाता; इसीलिए वह 'अविमुक्त' कहलाता है।

श्लोक 26 (skanda.4.26.26)

न यदा भूमिवलयं न यदाऽपां समुद्भवः॥ तदा विहर्तुमीशेन क्षेत्रमेतद्विनि र्मितम्

na yadā bhūmivalayaṁ na yadā'pāṁ samudbhavaḥ tadā vihartumīśena kṣetrametadvini rmitam

जब न पृथ्वी-मंडल था और न जलों की उत्पत्ति हुई थी, तब ही ईश्वर ने विहार करने हेतु यह क्षेत्र रच दिया था।

श्लोक 27 (skanda.4.26.27)

इदं रहस्यं क्षेत्रस्य वेद कोपि न कुंभज॥ नास्तिकाय न वक्तव्यं कदाचिच्चर्मचक्षुषे

idaṁ rahasyaṁ kṣetrasya veda kopi na kuṁbhaja nāstikāya na vaktavyaṁ kadāciccarmacakṣuṣe

हे कुंभज! इस क्षेत्र का यह रहस्य विरले ही जानते हैं; यह न तो नास्तिक को कभी कहना चाहिए, न केवल चर्मचक्षु वाले को।

श्लोक 28 (skanda.4.26.28)

श्रद्धालवे विनीताय त्रिकालज्ञानचक्षुषे॥ शिवभक्ताय शांताय वक्तव्यं च मुमुक्षवे॥ अविमुक्तं तदरभ्य क्षेत्रमेतदुदीर्यते॥ पर्यंकभूतं शिवयोर्निरंतरसुखास्पदम्

śraddhālave vinītāya trikālajñānacakṣuṣe śivabhaktāya śāṁtāya vaktavyaṁ ca mumukṣave avimuktaṁ tadarabhya kṣetrametadudīryate paryaṁkabhūtaṁ śivayorniraṁtarasukhāspadam

इसे श्रद्धावान्, विनम्र, त्रिकालज्ञानी, शिवभक्त, शांत और मुमुक्षु को ही बताना चाहिए। तभी से यह क्षेत्र 'अविमुक्त' कहा जाने लगा — यह शिव-शक्ति का पर्यंक बनकर उनके निरंतर सुख का आश्रयस्थान बन गया।

श्लोक 29 (skanda.4.26.29)

अभावः कल्प्यते मूढैर्यदा च शिवयोस्तयोः॥ क्षेत्रस्यास्य तदाभावः कल्प्यो निर्वाणकारिणः

abhāvaḥ kalpyate mūḍhairyadā ca śivayostayoḥ kṣetrasyāsya tadābhāvaḥ kalpyo nirvāṇakāriṇaḥ

जब मूर्ख लोग उन शिव-शक्ति के अभाव की कल्पना कर सकें, तभी इस निर्वाणदायक क्षेत्र के अभाव की कल्पना की जा सकती है।

श्लोक 30 (skanda.4.26.30)

अनाराध्य महेशानमनवाप्य च काशिकाम्॥ योगाद्युपायविज्ञोपि न निर्वाणमवाप्नुयात्

anārādhya maheśānamanavāpya ca kāśikām yogādyupāyavijñopi na nirvāṇamavāpnuyāt

महेश्वर की आराधना किए बिना और काशी को प्राप्त किए बिना, योग आदि उपायों में निपुण व्यक्ति भी निर्वाण को प्राप्त नहीं कर सकता।

श्लोक 31 (skanda.4.26.31)

अस्यानंदवनं नाम पुरा कारि पिनाकिना॥ क्षेत्रस्यानंदहेतुत्वादविमुक्तमंनतरम्

asyānaṁdavanaṁ nāma purā kāri pinākinā kṣetrasyānaṁdahetutvādavimuktamaṁnataram

पहले पिनाकधारी शिव ने इस क्षेत्र का नाम आनंदवन रखा था; और यह क्षेत्र आनंद का हेतु होने से इसके पश्चात् अविमुक्त भी कहलाया।

श्लोक 32 (skanda.4.26.32)

आनंदकंदबीजानामंकुराणि यतस्ततः॥ ज्ञेयानि सर्वलिंगानि तस्मिन्नानंदकानने

ānaṁdakaṁdabījānāmaṁkurāṇi yatastataḥ jñeyāni sarvaliṁgāni tasminnānaṁdakānane

चूँकि वहाँ के समस्त लिंग आनंद-कंद के बीजों के अंकुर के समान हैं, अतः उस आनंदकानन में उन्हें उसी रूप में जानना चाहिए।

श्लोक 33 (skanda.4.26.33)

अविमुक्तमिति ख्यातमासीदित्थं घटोद्भव॥ तथा चाख्याम्यथ मुने यथासीन्मणिकर्णिका

avimuktamiti khyātamāsīditthaṁ ghaṭodbhava tathā cākhyāmyatha mune yathāsīnmaṇikarṇikā

हे घटोद्भव! इस प्रकार यह अविमुक्त नाम से विख्यात हुआ। अब हे मुने! मैं तुम्हें बताता हूँ कि मणिकर्णिका किस प्रकार अस्तित्व में आई।

श्लोक 34 (skanda.4.26.34)

प्रागानंदवने तत्र शिवयो रममाणयोः॥ इच्छेत्यभूत्कलशज सृज्यः कोप्यपरः किल

prāgānaṁdavane tatra śivayo ramamāṇayoḥ icchetyabhūtkalaśaja sṛjyaḥ kopyaparaḥ kila

हे कलशज! पूर्वकाल में उस आनंदवन में शिव-शक्ति के रमण करते समय उन्हें यह इच्छा हुई कि 'कोई अन्य सृज्य भी हो।'

श्लोक 35 (skanda.4.26.35)

यस्मिन्न्यस्ते महाभारे आवां स्वः स्वैरचारिणौ॥ निर्वाणश्राणनं कुर्वः केवलं काशिशायिनाम्

yasminnyaste mahābhāre āvāṁ svaḥ svairacāriṇau nirvāṇaśrāṇanaṁ kurvaḥ kevalaṁ kāśiśāyinām

'जिस पर यह महान भार सौंपकर हम दोनों स्वतंत्र होकर विचरण कर सकें, और केवल काशी में शयन करने वालों को निर्वाण प्रदान करते रहें।'

श्लोक 36 (skanda.4.26.36)

स एव सर्वं कुरुते स एव परिपाति च॥ स एव संवृणोत्यंते सर्वैश्वर्यनिधिः स च

sa eva sarvaṁ kurute sa eva paripāti ca sa eva saṁvṛṇotyaṁte sarvaiśvaryanidhiḥ sa ca

'वही सब कुछ करता है, वही पालन करता है, और अंत में वही सबका संहार करता है — वही समस्त ऐश्वर्य का निधान है।'

श्लोक 37 (skanda.4.26.37)

चेतःसमुद्रमाकुंच्य चिंताकल्लोलदोलितम्॥ सत्त्वरत्नं तमोग्राहं रजोविद्रुमवल्लितम्॥ यस्य प्रसादात्तिष्ठावः सुखमानंदकानने॥ परिक्षिप्त मनोवृत्तौ क्व हि चिंतातुरे सुखम्

cetaḥsamudramākuṁcya ciṁtākalloladolitam sattvaratnaṁ tamogrāhaṁ rajovidrumavallitam yasya prasādāttiṣṭhāvaḥ sukhamānaṁdakānane parikṣipta manovṛttau kva hi ciṁtāture sukham

'हम उसकी कृपा से ही, चिंता की तरंगों से हिलते हुए, सत्त्वरूपी रत्न, तमोरूपी ग्राह और रजोरूपी मूँगे की लता से युक्त इस चित्तसमुद्र को समेटकर, आनंदकानन में सुखपूर्वक निवास करेंगे — क्योंकि जिसकी मनोवृत्तियाँ बिखरी हों और जो चिंता से आतुर हो, उसे भला सुख कहाँ?'

श्लोक 38 (skanda.4.26.38)

संप्रधार्येति स विभुः सर्वतश्चित्स्वरूपया॥ तया सह जगद्धात्र्या जगद्धाताऽथ धूर्जटिः

saṁpradhāryeti sa vibhuḥ sarvataścitsvarūpayā tayā saha jagaddhātryā jagaddhātā'tha dhūrjaṭiḥ

ऐसा निश्चय करके, सर्वव्यापी और सर्वत्र चित्स्वरूपा जगद्धात्री शक्ति के साथ जगत् के धाता वे धूर्जटि...

श्लोक 39 (skanda.4.26.39)

सव्ये व्यापारयांचक्रे दृशमंगे सुधामुचम्॥ ततः पुमानाविरासीदेकस्त्रैलोक्यसुंदरः

savye vyāpārayāṁcakre dṛśamaṁge sudhāmucam tataḥ pumānāvirāsīdekastrailokyasuṁdaraḥ

...ने अपने अमृतवर्षी दृष्टि को अपने बाएँ अंग पर डाला; तब वहाँ से एक पुरुष प्रकट हुआ, जो त्रिलोक-सुंदर था।

श्लोक 40 (skanda.4.26.40)

शांतः सत्त्वगुणोद्रिक्तो गांभीर्य जितसागरः॥ तथा च क्षमया युक्तो मुनेऽलब्धोपमोऽभवत्

śāṁtaḥ sattvaguṇodrikto gāṁbhīrya jitasāgaraḥ tathā ca kṣamayā yukto mune'labdhopamo'bhavat

वह शांत था, सत्त्वगुण से परिपूर्ण था, अपनी गंभीरता से सागर को भी जीतने वाला था; और हे मुने! क्षमा से युक्त होने के कारण वह अनुपम हो गया।

श्लोक 41 (skanda.4.26.41)

इंद्रनीलद्युतिःश्रीमान्पुंडरीकोत्तमेक्षणः॥ सुवर्णाकृति सुच्छाय दुकूलयुगलावृतः

iṁdranīladyutiḥśrīmānpuṁḍarīkottamekṣaṇaḥ suvarṇākṛti succhāya dukūlayugalāvṛtaḥ

वह इंद्रनील मणि के समान कांतिमान्, श्रीसंपन्न, उत्तम कमल-सदृश नेत्रों वाला था; स्वर्ण के समान आकृति वाला, सुंदर कांति वाला और दो दिव्य वस्त्रों से आवृत था।

श्लोक 42 (skanda.4.26.42)

लसत्प्रचंडदोर्दंड युगलद्वयराजितः॥ उल्लसत्परमामोदनाभीह्रदकुशेशयः

lasatpracaṁḍadordaṁḍa yugaladvayarājitaḥ ullasatparamāmodanābhīhradakuśeśayaḥ

वह दो-दो प्रचंड भुजदंडों की युगल-जोड़ी से सुशोभित था; उसकी नाभि-सरोवर में खिलता हुआ कमल परम आनंद की सुगंध से उल्लसित था।

श्लोक 43 (skanda.4.26.43)

एकः सर्वगुणावासस्त्वेकः सर्वकलानिधिः॥ एकः सर्वोत्तमो यस्मात्ततो यः पुरुषोत्तमः

ekaḥ sarvaguṇāvāsastvekaḥ sarvakalānidhiḥ ekaḥ sarvottamo yasmāttato yaḥ puruṣottamaḥ

वह अकेला ही समस्त गुणों का आवास था, अकेला ही समस्त कलाओं का निधि था; अकेला ही सबसे श्रेष्ठ था, इसीलिए वह पुरुषोत्तम कहलाया।

श्लोक 44 (skanda.4.26.44)

ततो महांतं तं वीक्ष्य महामहिमभूषणम्॥ महादेव उवाचेदं महाविष्णुर्भवाच्युत

tato mahāṁtaṁ taṁ vīkṣya mahāmahimabhūṣaṇam mahādeva uvācedaṁ mahāviṣṇurbhavācyuta

तब उस महिमामंडित महान पुरुष को देखकर, महादेव ने उस महाविष्णु से यह कहा — 'हे अच्युत!'

श्लोक 45 (skanda.4.26.45)

तव निःश्वसितं वेदास्तेभ्यः सर्वमवैष्यसि॥ वेददृष्टेन मार्गेण कुरु सर्वं यथोचितम्

tava niḥśvasitaṁ vedāstebhyaḥ sarvamavaiṣyasi vedadṛṣṭena mārgeṇa kuru sarvaṁ yathocitam

'वेद तुम्हारे ही श्वास हैं, उन्हीं से तुम सब कुछ जान लोगे। वेद-दृष्ट मार्ग से ही सब कुछ यथोचित रूप से करो।'

श्लोक 46 (skanda.4.26.46)

इत्युक्त्वा तं महेशानो बुद्धितत्त्वस्वरूपिणम्॥ शिवया सहितो रुद्रो विवेशानंदकाननम्॥ ततः स भगवान्विष्णुर्मौलावाज्ञां निधाय च॥ क्षणं ध्यानपरो भूत्वा तपस्येव मनो दधौ

ityuktvā taṁ maheśāno buddhitattvasvarūpiṇam śivayā sahito rudro viveśānaṁdakānanam tataḥ sa bhagavānviṣṇurmaulāvājñāṁ nidhāya ca kṣaṇaṁ dhyānaparo bhūtvā tapasyeva mano dadhau

बुद्धितत्त्वस्वरूप उस विष्णु से यह कहकर, महेश्वर रुद्र शिवा के साथ आनंदकानन में प्रविष्ट हो गए। तब भगवान विष्णु ने उस आज्ञा को मस्तक पर धारण कर, क्षणभर ध्यानपरायण होकर तप में मन लगाया।

श्लोक 47 (skanda.4.26.47)

खनित्वा तत्र चक्रेण रम्यां पुष्करिणीं हरिः॥ निजांगस्वेदसंदोह सलिलैस्तामपूरयत्

khanitvā tatra cakreṇa ramyāṁ puṣkariṇīṁ hariḥ nijāṁgasvedasaṁdoha salilaistāmapūrayat

हरि ने वहाँ अपने चक्र से एक रमणीय पुष्करिणी खोदी, और अपने ही शरीर के प्रचुर स्वेदजल से उसे भर दिया।

श्लोक 48 (skanda.4.26.48)

समाः सहस्रं पंचाशत्तप उग्रं चचार सः॥ चक्रपुष्कीरणी तीरे तत्र स्थाणुसमाकृतिः

samāḥ sahasraṁ paṁcāśattapa ugraṁ cacāra saḥ cakrapuṣkīraṇī tīre tatra sthāṇusamākṛtiḥ

वहाँ चक्रपुष्करिणी के तट पर वह एक हजार पचास वर्षों तक स्थाणु के समान अचल होकर घोर तप करता रहा।

श्लोक 49 (skanda.4.26.49)

ततः स भगवानीशो मृडान्या सहितो मृडः॥ दृष्ट्वा ज्वलंतं तपसा निश्चलं मीलितेक्षणम्

tataḥ sa bhagavānīśo mṛḍānyā sahito mṛḍaḥ dṛṣṭvā jvalaṁtaṁ tapasā niścalaṁ mīlitekṣaṇam

तब वे भगवान् मृड, मृडानी के साथ, उसे तप से प्रज्वलित, निश्चल और मुँदी हुई आँखों वाला देखकर...

श्लोक 50 (skanda.4.26.50)

तमुवाच हृषीकेशं मौलिमांदोलयन्मुहुः॥ अहो महत्त्वं तपसस्त्वहो धैर्यं च चेतसः

tamuvāca hṛṣīkeśaṁ maulimāṁdolayanmuhuḥ aho mahattvaṁ tapasastvaho dhairyaṁ ca cetasaḥ

...उस हृषीकेश से बार-बार अपना सिर हिलाते हुए बोले — 'अहो! इस तप की महानता! अहो! इस चित्त की धीरता!'

श्लोक 51 (skanda.4.26.51)

अहो अनिंधनो वह्निर्ज्वलत्येष निरंतरम्॥ अलं तप्त्वा महाविष्णो वरं वरय सत्तम

aho aniṁdhano vahnirjvalatyeṣa niraṁtaram alaṁ taptvā mahāviṣṇo varaṁ varaya sattama

'अहो! यह बिना ईंधन के ही निरंतर जलती हुई अग्नि है! हे महाविष्णो! अब तप बहुत हो चुका, हे सत्तम! वर माँगो।'

श्लोक 52 (skanda.4.26.52)

मृडस्याम्रोडितमिदं प्रत्यभिज्ञाय भाषितम्॥ उन्मीलित दृगंभोजः समुत्तस्थौ चतुर्भुजः

mṛḍasyāmroḍitamidaṁ pratyabhijñāya bhāṣitam unmīlita dṛgaṁbhojaḥ samuttasthau caturbhujaḥ

मृड के इस स्नेहपूर्ण वचन को पहचानकर, चतुर्भुज विष्णु ने अपने कमल-नेत्र खोले और उठ खड़े हुए।

श्लोक 53 (skanda.4.26.53)

श्रीविष्णुरुवाच॥ यदि प्रसन्नो देवेश देवदेव महेश्वर॥ भवान्या सहितं त्वां तु द्रष्टुमिच्छामि सर्वदा

śrīviṣṇuruvāca yadi prasanno deveśa devadeva maheśvara bhavānyā sahitaṁ tvāṁ tu draṣṭumicchāmi sarvadā

श्री विष्णु ने कहा — 'हे देवेश! हे देवदेव महेश्वर! यदि आप प्रसन्न हैं, तो मैं सदा भवानी सहित आपका दर्शन करना चाहता हूँ।'

श्लोक 54 (skanda.4.26.54)

सर्वकर्मसु सर्वत्र त्वामेव शशिशेखर॥ पुरश्चरं तं पश्यामि यथा तन्मे वरस्तथा

sarvakarmasu sarvatra tvāmeva śaśiśekhara puraścaraṁ taṁ paśyāmi yathā tanme varastathā

'हे शशिशेखर! समस्त कर्मों में, सर्वत्र, मैं आपको ही अपने आगे-आगे चलते हुए देखूँ — मेरा यही वर हो।'

श्लोक 55 (skanda.4.26.55)

त्वदीय चरणांभोज मकरंदमधूत्सुकः॥ मच्चेतो भ्रमरो भ्रांतिं विहायास्तु सुनिश्चलः॥ ॥ श्रीशिव उवाच॥ एवमस्तु हृषीकेश यत्त्वयोक्तं जनार्दन॥ अन्यं वरं प्रयच्छामि तमाकर्णय सुव्रत

tvadīya caraṇāṁbhoja makaraṁdamadhūtsukaḥ macceto bhramaro bhrāṁtiṁ vihāyāstu suniścalaḥ śrīśiva uvāca evamastu hṛṣīkeśa yattvayoktaṁ janārdana anyaṁ varaṁ prayacchāmi tamākarṇaya suvrata

'और तुम्हारे चरणकमलों के मकरंद के लिए लालायित मेरा चित्तरूपी भ्रमर भ्रांति त्यागकर सुनिश्चल हो जाए।' श्री शिव ने कहा — 'हे हृषीकेश! तुमने जो कहा, वैसा ही हो, हे जनार्दन! मैं तुम्हें एक और वर भी देता हूँ, हे सुव्रत! उसे सुनो।'

श्लोक 56 (skanda.4.26.56)

त्वदीयस्यास्य तपसो महोपचय दर्शनात्॥ यन्मयांदोलितो मौलिरहिश्रवणभूषणः

tvadīyasyāsya tapaso mahopacaya darśanāt yanmayāṁdolito maulirahiśravaṇabhūṣaṇaḥ

'तुम्हारे इस तप की महान वृद्धि देखकर, सर्प के कर्णभूषण से सुशोभित मेरा मस्तक जो हिल गया...'

श्लोक 57 (skanda.4.26.57)

तदांदोलनतः कर्णात्पपात मणिकर्णिका॥ मणिभिः खचिता रम्या ततोऽस्तु मणिकर्णिका

tadāṁdolanataḥ karṇātpapāta maṇikarṇikā maṇibhiḥ khacitā ramyā tato'stu maṇikarṇikā

'...उसी हलचल से मेरे कान से मणिकर्णिका गिर पड़ी, जो रत्नों से जड़ित और रमणीय थी — अतः यह स्थान मणिकर्णिका कहलाए।'

श्लोक 58 (skanda.4.26.58)

चक्रपुष्करिणी तीर्थं पुराख्यातमिदं शुभम्॥ त्वया चक्रेण खननाच्छंखचक्रगदाधर

cakrapuṣkariṇī tīrthaṁ purākhyātamidaṁ śubham tvayā cakreṇa khananācchaṁkhacakragadādhara

'हे शंख-चक्र-गदाधर! तुमने अपने चक्र से जो खोदा, वह यह शुभ तीर्थ पूर्व में चक्रपुष्करिणी नाम से विख्यात था।'

श्लोक 59 (skanda.4.26.59)

मम कर्णात्पपातेयं यदा च मणिकर्णिका॥ तदाप्रभृति लोकेऽत्र ख्यातास्तु मणिकर्णिका

mama karṇātpapāteyaṁ yadā ca maṇikarṇikā tadāprabhṛti loke'tra khyātāstu maṇikarṇikā

'और चूँकि यह मणिकर्णिका मेरे कान से गिरी है, अतः तभी से यह लोक में मणिकर्णिका नाम से विख्यात हो।'

श्लोक 60 (skanda.4.26.60)

॥ श्रीविष्णुरुवाच॥ मुक्ताकुंडलपातेन तवाद्रितनयाप्रिय॥ तीर्थानां परमं तीर्थं मुक्तिक्षेत्रमिहास्तु वै

śrīviṣṇuruvāca muktākuṁḍalapātena tavādritanayāpriya tīrthānāṁ paramaṁ tīrthaṁ muktikṣetramihāstu vai

श्री विष्णु ने कहा — 'हे गिरिजा-प्रिय! आपके मुक्ताकुंडल के गिरने से यह स्थान समस्त तीर्थों में परम तीर्थ और मुक्तिक्षेत्र बने।'

श्लोक 61 (skanda.4.26.61)

काशतेऽत्र यतो ज्योतिस्तदनाख्येयमीश्वरः॥ अतो नामापरं चास्तु काशीति प्रथितं विभो

kāśate'tra yato jyotistadanākhyeyamīśvaraḥ ato nāmāparaṁ cāstu kāśīti prathitaṁ vibho

'हे विभो! चूँकि यहाँ वह अवर्णनीय ज्योति प्रकाशित होती है, अतः इसका एक और नाम भी काशी के रूप में विख्यात हो।'

श्लोक 62 (skanda.4.26.62)

अन्यं वरं वरे देव देयः सोप्यविचारितम्॥ स ते परोपकारार्थं जगद्रक्षामणे शिव

anyaṁ varaṁ vare deva deyaḥ sopyavicāritam sa te paropakārārthaṁ jagadrakṣāmaṇe śiva

'हे देव! एक और वर दीजिए, जो बिना विचारे ही देय हो — हे जगद्रक्षामणे शिव! यह पर-कल्याण के लिए है।'

श्लोक 63 (skanda.4.26.63)

आब्रह्मस्तंबपर्यंतं यत्किंचिज्जंतुसंज्ञितम्॥ चतुर्षु भूतग्रामेषु काश्यां तन्मुक्तिमाप्स्यतु

ābrahmastaṁbaparyaṁtaṁ yatkiṁcijjaṁtusaṁjñitam caturṣu bhūtagrāmeṣu kāśyāṁ tanmuktimāpsyatu

'ब्रह्मा से लेकर तिनके तक जो भी प्राणी कहलाता है, चारों भूतग्रामों में से कोई भी हो, वह काशी में मुक्ति प्राप्त करे।'

श्लोक 64 (skanda.4.26.64)

अस्मिंस्तीर्थवरे शंभो मणिश्रव णभूषणे॥ संध्यां स्नानं जपं होमं वेदाध्ययनमुत्तमम्॥ तर्पण पिंडदानं च देवतानां च पूजनम्॥ गोभूतिलहिरण्याश्वदीपान्नांबरभूषणम्॥ कन्यादानं प्रयत्नेन सप्ततंतूननेकशः

asmiṁstīrthavare śaṁbho maṇiśrava ṇabhūṣaṇe saṁdhyāṁ snānaṁ japaṁ homaṁ vedādhyayanamuttamam tarpaṇa piṁḍadānaṁ ca devatānāṁ ca pūjanam gobhūtilahiraṇyāśvadīpānnāṁbarabhūṣaṇam kanyādānaṁ prayatnena saptataṁtūnanekaśaḥ

'हे शंभो! आपके कर्ण से गिरे इस मणि से सुशोभित इस श्रेष्ठ तीर्थ में जो सन्ध्या, स्नान, जप, होम, उत्तम वेदाध्ययन, तर्पण, पिंडदान, देवताओं का पूजन, गौ-भूमि-तिल-स्वर्ण-अश्व-दीप-अन्न-वस्त्र-आभूषण का दान, प्रयत्नपूर्वक कन्यादान तथा वंश बढ़ाने वाले अनेक सत्कर्म करता है...'

श्लोक 65 (skanda.4.26.65)

व्रतोत्सर्गं वृषोत्सर्गं लिंगादि स्थापनं तथा॥ करोति यो महाप्राज्ञो ज्ञात्वायुःक्षणगत्वरम्

vratotsargaṁ vṛṣotsargaṁ liṁgādi sthāpanaṁ tathā karoti yo mahāprājño jñātvāyuḥkṣaṇagatvaram

'...व्रतोद्यापन, वृषोत्सर्ग, लिंगादि की स्थापना — जो भी महाप्राज्ञ यह जानकर करता है कि आयु क्षणभंगुर है...'

श्लोक 66 (skanda.4.26.66)

विपत्तिं विपुलां चापि संपत्तिमतिभंगुराम्॥ अक्षया मुक्तिरेकास्तु विपाकस्तस्य कर्मणः

vipattiṁ vipulāṁ cāpi saṁpattimatibhaṁgurām akṣayā muktirekāstu vipākastasya karmaṇaḥ

'...और यह भी जानकर कि विपत्ति विपुल है और संपत्ति अत्यंत क्षणभंगुर है — उसके उस कर्म का फल केवल अक्षय मुक्ति हो।'

श्लोक 67 (skanda.4.26.67)

अन्यच्चापि शुभं कर्म यदत्र श्रद्धयायुतम्॥ विनात्मघातमीशान त्यक्त्वा प्रायोपवेशनम्

anyaccāpi śubhaṁ karma yadatra śraddhayāyutam vinātmaghātamīśāna tyaktvā prāyopaveśanam

'हे ईशान! यहाँ श्रद्धापूर्वक किया गया अन्य कोई भी शुभ कर्म, आत्मघात को छोड़कर, प्रायोपवेशन का त्याग करके भी...'

श्लोक 68 (skanda.4.26.68)

नैःश्रेयस्याः श्रियो हेतुस्तदस्तु जगदीश्वर॥ नानुशोचति नाख्याति कृत्वा कालांतरेपि यत्

naiḥśreyasyāḥ śriyo hetustadastu jagadīśvara nānuśocati nākhyāti kṛtvā kālāṁtarepi yat

'...हे जगदीश्वर! वह परम कल्याण की श्री का हेतु बने — जिसे करने के बाद व्यक्ति कालांतर में भी न पछताए और न ही उसका उल्लेख करे।'

श्लोक 69 (skanda.4.26.69)

तदिहाक्षयतामेतु तस्येश त्वदनुग्रहात्॥ तव प्रसादात्तस्येश सर्वमक्षयमस्तु तत्

tadihākṣayatāmetu tasyeśa tvadanugrahāt tava prasādāttasyeśa sarvamakṣayamastu tat

'हे ईश! आपके अनुग्रह से वह यहाँ अक्षय हो जाए। हे ईश! आपके प्रसाद से वह सब कुछ अक्षय हो जाए।'

श्लोक 70 (skanda.4.26.70)

यदस्ति यद्भविष्यच्च यद्भूतं च सदाशिव॥ तस्मादेतच्च सर्वस्मात्क्षेत्रमस्तु शुभोदयम्

yadasti yadbhaviṣyacca yadbhūtaṁ ca sadāśiva tasmādetacca sarvasmātkṣetramastu śubhodayam

'हे सदाशिव! जो कुछ है, जो होगा और जो हो चुका है — उन सबसे बढ़कर यह क्षेत्र शुभोदय बने।'

श्लोक 71 (skanda.4.26.71)

यथा सदाशिव त्वत्तो न किंचिदधिकं शिवम्॥ तथानंदवनादस्मात्किंचिन्मास्त्वधिकं क्वचित्

yathā sadāśiva tvatto na kiṁcidadhikaṁ śivam tathānaṁdavanādasmātkiṁcinmāstvadhikaṁ kvacit

'हे सदाशिव! जैसे आपसे बढ़कर कुछ भी शिव नहीं है, वैसे ही इस आनंदवन से बढ़कर भी कहीं कुछ न हो।'

श्लोक 72 (skanda.4.26.72)

विना सांख्येन योगेन विना स्वात्मावलोकनम्॥ विना व्रत तपो दानैः श्रेयोऽस्तु प्राणिनामिह

vinā sāṁkhyena yogena vinā svātmāvalokanam vinā vrata tapo dānaiḥ śreyo'stu prāṇināmiha

'सांख्य के बिना, योग के बिना, आत्मदर्शन के बिना, व्रत-तप-दान के बिना भी, यहाँ प्राणियों का कल्याण हो।'

श्लोक 73 (skanda.4.26.73)

शशका मशका कीटाः पतं गास्तुरगोरगाः॥ पंचक्रोश्यां मृताः काश्यां संतु निर्वाणदीक्षिताः॥ नामापि गृह्णतां काश्याः सदैवास्त्वेनसः क्षयः

śaśakā maśakā kīṭāḥ pataṁ gāsturagoragāḥ paṁcakrośyāṁ mṛtāḥ kāśyāṁ saṁtu nirvāṇadīkṣitāḥ nāmāpi gṛhṇatāṁ kāśyāḥ sadaivāstvenasaḥ kṣayaḥ

'खरगोश, मच्छर, कीट, पतंगे, घोड़े, सर्प — जो भी काशी के पंचक्रोश में मरें, वे निर्वाण में दीक्षित हों। और जो केवल काशी का नाम भी लें, उनके पापों का सदैव क्षय हो।'

श्लोक 74 (skanda.4.26.74)

सदा कृतयुगं चास्तु सदाचास्तूत्तरायणम्॥ सदा महोदयश्चास्तु काश्यां निवसतां सताम्

sadā kṛtayugaṁ cāstu sadācāstūttarāyaṇam sadā mahodayaścāstu kāśyāṁ nivasatāṁ satām

'काशी में निवास करने वाले सज्जनों के लिए सदा कृतयुग हो, सदा उत्तरायण हो, सदा महोदय पर्व हो।'

श्लोक 75 (skanda.4.26.75)

यानि कानि पवित्राणि श्रुत्युक्तानि सदाशिव॥ तेभ्योऽधिकतरं चास्तु क्षेत्रमेतत्त्रिलोचन

yāni kāni pavitrāṇi śrutyuktāni sadāśiva tebhyo'dhikataraṁ cāstu kṣetrametattrilocana

'हे सदाशिव! श्रुतियों में कहे गए जो भी पवित्र स्थान हैं, हे त्रिलोचन! यह क्षेत्र उन सबसे बढ़कर हो।'

श्लोक 76 (skanda.4.26.76)

चतुर्णामपि वेदानां पुण्यमध्ययनाच्च यत्॥ तत्पुण्यं जायतां काश्यां गायत्रीलक्ष जाप्यतः

caturṇāmapi vedānāṁ puṇyamadhyayanācca yat tatpuṇyaṁ jāyatāṁ kāśyāṁ gāyatrīlakṣa jāpyataḥ

'चारों वेदों के अध्ययन से जो पुण्य मिलता है, वह पुण्य काशी में एक लाख गायत्री-जप से प्राप्त हो जाए।'

श्लोक 77 (skanda.4.26.77)

अष्टांगयोगाभ्यासेन यत्पुण्यमपि जायतेः॥ तत्पुण्यं साधिकं भूयाच्छ्रद्धाकाशीनिषेवणात्

aṣṭāṁgayogābhyāsena yatpuṇyamapi jāyateḥ tatpuṇyaṁ sādhikaṁ bhūyācchraddhākāśīniṣevaṇāt

'अष्टांग योग के अभ्यास से जो पुण्य उत्पन्न होता है, वह पुण्य श्रद्धापूर्वक काशी-निवास मात्र से और भी अधिक प्राप्त हो जाए।'

श्लोक 78 (skanda.4.26.78)

कृच्छ्रचांद्रायणाद्यैश्च यच्छ्रेयः समुपार्ज्यते॥ तदेकेनोपवासेन भवत्वानंदकानने

kṛcchracāṁdrāyaṇādyaiśca yacchreyaḥ samupārjyate tadekenopavāsena bhavatvānaṁdakānane

'कृच्छ्र, चांद्रायण आदि व्रतों से जो कल्याण अर्जित होता है, वह आनंदकानन में एक ही उपवास से प्राप्त हो जाए।'

श्लोक 79 (skanda.4.26.79)

अन्यत्र यत्तपस्तप्त्वा श्रेयः स्याच्छरदां शतम्॥ तदस्तु काश्यां वर्षेण भूमिशय्या व्रतेन हि

anyatra yattapastaptvā śreyaḥ syāccharadāṁ śatam tadastu kāśyāṁ varṣeṇa bhūmiśayyā vratena hi

'अन्यत्र सौ वर्षों तक तप करने से जो कल्याण होता है, वह काशी में एक वर्ष भूमि-शयन व्रत से हो जाए।'

श्लोक 80 (skanda.4.26.80)

आजन्म मौनव्रततो यदन्यत्रफलं स्मृतम्॥ तदस्तु काश्यां पक्षाहः सत्यवाक्परिभाषणात्

ājanma maunavratato yadanyatraphalaṁ smṛtam tadastu kāśyāṁ pakṣāhaḥ satyavākparibhāṣaṇāt

'अन्यत्र आजीवन मौनव्रत से जो फल कहा गया है, वह काशी में पंद्रह दिन तक केवल सत्य वचन बोलने से प्राप्त हो जाए।'

श्लोक 81 (skanda.4.26.81)

अन्यत्र दत्त्वा सर्वस्वं सुकृतं यत्समीरितम्॥ सहस्रभोजनात्काश्यां तद्भूयादयुताधिकम्

anyatra dattvā sarvasvaṁ sukṛtaṁ yatsamīritam sahasrabhojanātkāśyāṁ tadbhūyādayutādhikam

'अन्यत्र सर्वस्व दान करने से जो पुण्य कहा गया है, वह काशी में एक हजार लोगों को भोजन कराने से दस हजार गुना अधिक हो जाए।'

श्लोक 82 (skanda.4.26.82)

मुक्तिक्षेत्राणि सर्वाणि यत्संसेव्योदितं फलम्॥ पंचरात्रात्तदत्रास्तु निषेव्य मणिकर्णिकाम्॥ प्रयागस्नानपुण्येन यत्पुण्यं स्याच्छिवप्रदम्॥ काशीदर्शनमात्रेण तत्पुण्यं श्रद्धयास्त्विह

muktikṣetrāṇi sarvāṇi yatsaṁsevyoditaṁ phalam paṁcarātrāttadatrāstu niṣevya maṇikarṇikām prayāgasnānapuṇyena yatpuṇyaṁ syācchivapradam kāśīdarśanamātreṇa tatpuṇyaṁ śraddhayāstviha

'सभी मुक्तिक्षेत्रों की सेवा से जो फल कहा गया है, वह यहाँ मणिकर्णिका का सेवन करने से पाँच रात्रियों में प्राप्त हो जाए। प्रयाग-स्नान के पुण्य से जो शिवप्रद पुण्य होता है, वह यहाँ श्रद्धापूर्वक केवल काशी-दर्शन मात्र से प्राप्त हो जाए।'

श्लोक 83 (skanda.4.26.83)

यत्पुण्यमश्वमेधेन यत्पुण्यं राजसूयतः॥ काश्यां तत्पुण्यमाप्नोतु त्रिरात्रशयनाद्यमी

yatpuṇyamaśvamedhena yatpuṇyaṁ rājasūyataḥ kāśyāṁ tatpuṇyamāpnotu trirātraśayanādyamī

'अश्वमेध से जो पुण्य होता है, राजसूय से जो पुण्य होता है, वह पुण्य काशी में तीन रात्रियों तक शयन करने से प्राप्त हो जाए।'

श्लोक 84 (skanda.4.26.84)

तुलापुरुषदानेन यत्पुण्यं सम्यगाप्यते॥ काशीदर्शनमात्रेण तत्पुण्यं श्रद्धयास्तु वै

tulāpuruṣadānena yatpuṇyaṁ samyagāpyate kāśīdarśanamātreṇa tatpuṇyaṁ śraddhayāstu vai

'तुलापुरुष दान से जो पुण्य भलीभाँति प्राप्त होता है, वह पुण्य श्रद्धापूर्वक काशी-दर्शन मात्र से ही प्राप्त हो जाए।'

श्लोक 85 (skanda.4.26.85)

उवाच च प्रसन्नात्मा तथाऽस्तु मधुसूदन

uvāca ca prasannātmā tathā'stu madhusūdana

प्रसन्नचित्त होकर शिव ने कहा — 'हे मधुसूदन! ऐसा ही हो।'

श्लोक 86 (skanda.4.26.86)

॥ श्रीमहादेव उवाच॥ शृणु विष्णो महाबाहो जगतः प्रभवाप्यय॥ विधेहि सृष्टिं विविधां यथावत्त्वं श्रुतीरिताम्

śrīmahādeva uvāca śṛṇu viṣṇo mahābāho jagataḥ prabhavāpyaya vidhehi sṛṣṭiṁ vividhāṁ yathāvattvaṁ śrutīritām

श्री महादेव ने कहा — 'हे महाबाहो विष्णु! सुनो, तुम जगत् की उत्पत्ति और लय के कारण हो। यथाविधि, श्रुति में कहे अनुसार, विविध सृष्टि की रचना करो।'

श्लोक 87 (skanda.4.26.87)

पितेव सर्वभूतानां धर्मतः पालको भव॥ विध्वंसनीया विविधा धर्मध्वंसविधायिनः

piteva sarvabhūtānāṁ dharmataḥ pālako bhava vidhvaṁsanīyā vividhā dharmadhvaṁsavidhāyinaḥ

'सब प्राणियों के लिए पिता के समान धर्मपूर्वक पालक बनो; और जो धर्म का नाश करने वाले हैं, उन विविध लोगों का विध्वंस करो।'

श्लोक 88 (skanda.4.26.88)

धर्मेतरपथस्थानामुपसंहृतये हरे॥ हेतुमात्रं भवान्यस्मात्स्वकर्मनिहता हि ते

dharmetarapathasthānāmupasaṁhṛtaye hare hetumātraṁ bhavānyasmātsvakarmanihatā hi te

'हे हरे! धर्म के विपरीत मार्ग पर चलने वालों के संहार में तुम केवल निमित्तमात्र हो, क्योंकि वे वस्तुतः अपने ही कर्मों से नष्ट होते हैं।'

श्लोक 89 (skanda.4.26.89)

यथा परिणतं सस्यं पतेत्प्रसवबंधनात्॥ ते परीणतपाप्मानः पतिष्यंति तथा स्वयम्

yathā pariṇataṁ sasyaṁ patetprasavabaṁdhanāt te parīṇatapāpmānaḥ patiṣyaṁti tathā svayam

'जैसे पका हुआ अन्न अपने बंधन से स्वयं गिर पड़ता है, वैसे ही जिनका पाप परिपक्व हो चुका है, वे स्वयं ही गिर पड़ेंगे।'

श्लोक 90 (skanda.4.26.90)

ये च त्वामवमन्यंते दर्पिताः स्वतपोबलैः॥ तेषां चैवोपसंहृत्यै प्रभविष्याम्यहं हरे

ye ca tvāmavamanyaṁte darpitāḥ svatapobalaiḥ teṣāṁ caivopasaṁhṛtyai prabhaviṣyāmyahaṁ hare

'और हे हरे! जो लोग अपनी तपःशक्ति के मद में तुम्हारा अनादर करते हैं, उनके संहार के लिए भी मैं स्वयं समर्थ रहूँगा।'

श्लोक 91 (skanda.4.26.91)

उपपातकिनो ये च महापातकिनश्च ये॥ तेपि काशीं समासाद्य भविष्यंति गतैनसः॥ इदं मम प्रियं क्षेत्रं पंचक्रोशीपरीमितम्॥ ममाज्ञा प्रभवेदत्र नान्याज्ञा प्रभवेदिह

upapātakino ye ca mahāpātakinaśca ye tepi kāśīṁ samāsādya bhaviṣyaṁti gatainasaḥ idaṁ mama priyaṁ kṣetraṁ paṁcakrośīparīmitam mamājñā prabhavedatra nānyājñā prabhavediha

'जो उपपातकी हैं और जो महापातकी हैं, वे भी काशी को प्राप्त कर पापरहित हो जाएँगे। यह पंचक्रोश-परिमित क्षेत्र मुझे प्रिय है; यहाँ केवल मेरी ही आज्ञा चलती है, अन्य किसी की नहीं।'

श्लोक 92 (skanda.4.26.92)

पुनर्विष्णुर्मया प्रोक्तो मृडानि शुभलोचने॥ अत्युग्रतेजसा तेजो भ्रमंस्त्रैलोक्यविभ्रमः

punarviṣṇurmayā prokto mṛḍāni śubhalocane atyugratejasā tejo bhramaṁstrailokyavibhramaḥ

'हे शुभलोचने मृडानी! फिर मैंने विष्णु से कहा — अत्यंत उग्र तेज से युक्त तथा त्रिलोक को मोहित करने वाला...'

श्लोक 93 (skanda.4.26.93)

पापिनामपि जंतूनामविमुक्तनिवासिनाम्॥ नान्यः शासयिता विप्णो तेषां शास्ताऽहमेव हि

pāpināmapi jaṁtūnāmavimuktanivāsinām nānyaḥ śāsayitā vipṇo teṣāṁ śāstā'hameva hi

'...हे विष्णो! अविमुक्त में निवास करने वाले पापी प्राणियों का भी कोई अन्य शासक नहीं है, उनका शासक मैं ही हूँ।'

श्लोक 94 (skanda.4.26.94)

योजनानां शतस्थोपि योऽविमुक्तं स्मरेद्धृदि॥ बहुपातकपूर्णोपि न स पापैः प्रबाध्यते

yojanānāṁ śatasthopi yo'vimuktaṁ smareddhṛdi bahupātakapūrṇopi na sa pāpaiḥ prabādhyate

'सौ योजन दूर रहने वाला भी यदि हृदय में अविमुक्त का स्मरण करे, तो वह बहुत पापों से भरा होने पर भी उन पापों से पीड़ित नहीं होता।'

श्लोक 95 (skanda.4.26.95)

मम प्रियस्य क्षेत्रस्य योऽविमुक्तस्य संस्मरेत्॥ प्राण प्रयाणसमये दूरगोप्यघवानपि

mama priyasya kṣetrasya yo'vimuktasya saṁsmaret prāṇa prayāṇasamaye dūragopyaghavānapi

'जो प्राणों के प्रयाण-समय में मेरे प्रिय क्षेत्र अविमुक्त का स्मरण करे, चाहे वह दूर हो और पापी भी हो...'

श्लोक 96 (skanda.4.26.96)

स पापपूगमुत्सृज्य स्वर्गभोगान्समश्नुते॥ काशीस्मरणपुण्येन स्वर्गाद्भ्रष्टो हि जायते

sa pāpapūgamutsṛjya svargabhogānsamaśnute kāśīsmaraṇapuṇyena svargādbhraṣṭo hi jāyate

'...वह अपने समस्त पापसमूह को त्यागकर स्वर्ग के भोगों का भोग करता है; काशी-स्मरण के पुण्य से वह स्वर्ग से भी च्युत हो जाता है (अर्थात् और ऊपर उठ जाता है)।'

श्लोक 97 (skanda.4.26.97)

पृथिव्यामेकराड्भूत्वा भुक्त्वा भोगाननेकशः॥ प्राप्याविमुक्तं तत्पुण्यान्निर्वाणपदभाग्भवेत्

pṛthivyāmekarāḍbhūtvā bhuktvā bhogānanekaśaḥ prāpyāvimuktaṁ tatpuṇyānnirvāṇapadabhāgbhavet

'वह पृथ्वी पर एकच्छत्र सम्राट् बनकर, अनेक भोगों को भोगकर, फिर अविमुक्त को प्राप्त कर उस पुण्य से निर्वाणपद का भागी बनता है।'

श्लोक 98 (skanda.4.26.98)

बहुकालमुषित्वाऽत्र नियतेंद्रियमानसः॥ यद्यन्यत्र विपद्येत दैवयोगाच्छुचिस्मिते

bahukālamuṣitvā'tra niyateṁdriyamānasaḥ yadyanyatra vipadyeta daivayogācchucismite

'हे शुचिस्मिते! यदि जितेन्द्रिय होकर यहाँ दीर्घकाल तक निवास करने वाला कोई व्यक्ति दैवयोग से कहीं और मृत्यु को प्राप्त हो जाए...'

श्लोक 99 (skanda.4.26.99)

सोपि स्वर्गसुखं भुक्त्वा भूत्वा क्षितिपतीश्वरः॥ पुनः काशीमवाप्याथ विंदेन्नैःश्रेयसीं श्रियम्

sopi svargasukhaṁ bhuktvā bhūtvā kṣitipatīśvaraḥ punaḥ kāśīmavāpyātha viṁdennaiḥśreyasīṁ śriyam

'...तो वह भी स्वर्गसुख भोगकर, राजाओं का ईश्वर बनकर, फिर काशी को प्राप्त कर परम कल्याण की श्री को पा लेगा।'

श्लोक 100 (skanda.4.26.100)

विष्णोऽविमुक्ते संवासः कर्मनिर्मूलनक्षमः॥ द्वित्राणां हि पवित्राणां निर्वाणा येह जायते॥ विष्णुरुवाच॥ देवेशक्षेत्रमाहात्म्यं यो न जानाति तत्त्वतः॥ न श्रद्दधाति म्रियते मृते तस्येह का गतिः

viṣṇo'vimukte saṁvāsaḥ karmanirmūlanakṣamaḥ dvitrāṇāṁ hi pavitrāṇāṁ nirvāṇā yeha jāyate viṣṇuruvāca deveśakṣetramāhātmyaṁ yo na jānāti tattvataḥ na śraddadhāti mriyate mṛte tasyeha kā gatiḥ

'हे विष्णो! अविमुक्त में निवास कर्मों को समूल नष्ट करने में समर्थ है; यहाँ दो-तीन जन्मों के पवित्र लोगों को भी निर्वाण प्राप्त होता है।' विष्णु ने कहा — 'हे देवेश! जो इस क्षेत्र की महिमा को वास्तव में नहीं जानता, श्रद्धा नहीं रखता, और मर जाता है — उसकी मृत्यु के बाद क्या गति होती है?'

श्लोक 101 (skanda.4.26.101)

॥ शिव उवाच॥ अन्यत्र कृत्वा पापानि बहूनि सुमहांति च॥ अश्रद्दधानोऽतत्त्वज्ञो यद्यत्र च विपद्यते

śiva uvāca anyatra kṛtvā pāpāni bahūni sumahāṁti ca aśraddadhāno'tattvajño yadyatra ca vipadyate

शिव ने कहा — 'यदि अन्यत्र बहुत से महापाप करने वाला, श्रद्धारहित और तत्त्व से अनभिज्ञ कोई व्यक्ति यहाँ मर जाए...'

श्लोक 102 (skanda.4.26.102)

महिमन्यनभिज्ञोपि क्षेत्रस्यास्य जनार्दन॥ तस्य या गतिरुद्दिष्टा तां निशामय सुव्रत

mahimanyanabhijñopi kṣetrasyāsya janārdana tasya yā gatiruddiṣṭā tāṁ niśāmaya suvrata

'...हे जनार्दन! इस क्षेत्र की महिमा से अनभिज्ञ होने पर भी, हे सुव्रत! उसकी जो गति निर्धारित है, उसे सुनो।'

श्लोक 103 (skanda.4.26.103)

पंचक्रोशीं प्रविशतस्तस्य पातकसंततिः॥ बहिरेव प्रतिष्ठेत नांतर्निर्विशते क्वचित्

paṁcakrośīṁ praviśatastasya pātakasaṁtatiḥ bahireva pratiṣṭheta nāṁtarnirviśate kvacit

'जैसे ही वह पंचक्रोशी में प्रवेश करता है, उसकी पापपरंपरा बाहर ही ठहर जाती है, कभी भीतर प्रवेश नहीं कर पाती।'

श्लोक 104 (skanda.4.26.104)

भयाद्बहिः स्थितायां च तस्य पातकसंततौ॥ त्रिशूलपाशपाणीनां गणानां सीमचारिणाम्

bhayādbahiḥ sthitāyāṁ ca tasya pātakasaṁtatau triśūlapāśapāṇīnāṁ gaṇānāṁ sīmacāriṇām

'और उसकी वह पापपरंपरा भय से बाहर ही खड़ी रह जाती है, क्योंकि सीमा पर त्रिशूल और पाश धारण किए हुए गण विचरण करते रहते हैं।'

श्लोक 105 (skanda.4.26.105)

प्रवेशमात्रादनघ सर्वैरेनोभिरुज्झितः॥ संस्नाय मणिकर्णिक्यां पुण्यं प्राप्नोत्यनुत्तमम्

praveśamātrādanagha sarvairenobhirujjhitaḥ saṁsnāya maṇikarṇikyāṁ puṇyaṁ prāpnotyanuttamam

'...हे अनघ! केवल प्रवेश करने मात्र से ही वह समस्त पापों से मुक्त हो जाता है, और मणिकर्णिका में स्नान कर वह अनुपम पुण्य प्राप्त करता है।'

श्लोक 106 (skanda.4.26.106)

सर्वतीर्थेषुसंस्नानाद्यत्पुण्यं समवाप्यते॥ तत्पुण्यमाप्यते सम्यङ्मणिकर्ण्येक मज्जनात्

sarvatīrtheṣusaṁsnānādyatpuṇyaṁ samavāpyate tatpuṇyamāpyate samyaṅmaṇikarṇyeka majjanāt

'समस्त तीर्थों में स्नान करने से जो पुण्य प्राप्त होता है, वह पुण्य मणिकर्णिका में एक बार डुबकी लगाने से ही भलीभाँति प्राप्त हो जाता है।'

श्लोक 107 (skanda.4.26.107)

विधिना तत्र संस्नाय मृद्गोमयकुशादिभिः॥ स्वशाखावारुणैर्मंत्रैर्दूर्वापामार्गदर्भकैः

vidhinā tatra saṁsnāya mṛdgomayakuśādibhiḥ svaśākhāvāruṇairmaṁtrairdūrvāpāmārgadarbhakaiḥ

'वहाँ मिट्टी, गोबर, कुश आदि से तथा अपनी शाखा के वारुण मंत्रों से, दूर्वा, अपामार्ग और दर्भ से विधिपूर्वक स्नान करके...'

श्लोक 108 (skanda.4.26.108)

सर्वतीर्थेषु यत्पुण्यं सर्वदानेषु यत्फलम्॥ मणिकर्ण्यां विधिस्नातः श्रद्धया तदवाप्नुयात्

sarvatīrtheṣu yatpuṇyaṁ sarvadāneṣu yatphalam maṇikarṇyāṁ vidhisnātaḥ śraddhayā tadavāpnuyāt

'...समस्त तीर्थों में जो पुण्य है, समस्त दानों में जो फल है, मणिकर्णिका में श्रद्धापूर्वक विधिवत् स्नान करने वाला उसे प्राप्त कर लेता है।'

श्लोक 109 (skanda.4.26.109)

अश्रद्धयापि यः स्नातो मणिकर्ण्यां विधानतः॥ सोपि पुण्यमवाप्नोति स्वर्गप्राप्तिकरं परम्॥ श्रद्धया विधिवत्स्नात्वा कृत्वा देवादितर्पणम्॥ तिलबर्हिर्यवैः सम्यक्सर्वयज्ञफलं लभेत्

aśraddhayāpi yaḥ snāto maṇikarṇyāṁ vidhānataḥ sopi puṇyamavāpnoti svargaprāptikaraṁ param śraddhayā vidhivatsnātvā kṛtvā devāditarpaṇam tilabarhiryavaiḥ samyaksarvayajñaphalaṁ labhet

'जो बिना श्रद्धा के भी विधिपूर्वक मणिकर्णिका में स्नान करता है, वह भी स्वर्गप्राप्ति कराने वाला उत्तम पुण्य पाता है। परंतु जो श्रद्धापूर्वक विधिवत् स्नान कर तिल, कुश के अग्रभाग और जौ से देवादि का तर्पण करता है, वह समस्त यज्ञों का फल भलीभाँति प्राप्त करता है।'

श्लोक 110 (skanda.4.26.110)

श्रद्दधानो विधिस्नातः कृत सर्वोदकक्रियः॥ जपन्देवान्समभ्यर्च्य सर्वमंत्रफलं लभेत्

śraddadhāno vidhisnātaḥ kṛta sarvodakakriyaḥ japandevānsamabhyarcya sarvamaṁtraphalaṁ labhet

'श्रद्धावान्, विधिवत् स्नान कर, समस्त जलकर्म संपन्न कर, जप करते हुए देवताओं का पूजन करने वाला समस्त मंत्रों का फल प्राप्त करता है।'

श्लोक 111 (skanda.4.26.111)

स्नात्वा मौनेन विश्वेश दर्शना न्नियतेंद्रियः॥ सर्वव्रतकृतं श्रेयो लभेद्वाचंयमः शिवे

snātvā maunena viśveśa darśanā nniyateṁdriyaḥ sarvavratakṛtaṁ śreyo labhedvācaṁyamaḥ śive

'हे शिवे! स्नान कर, मौन रहकर, जितेन्द्रिय होकर केवल विश्वेश्वर के दर्शन से ही, वाचंयम व्यक्ति समस्त व्रतों के पालन का पुण्य प्राप्त कर लेता है।'

श्लोक 112 (skanda.4.26.112)

स्नाने देवार्चने जप्ये मलमूत्रविसर्जने॥ मौनं कुर्यात्प्रयत्नेन दंतधावनहोमयोः

snāne devārcane japye malamūtravisarjane maunaṁ kuryātprayatnena daṁtadhāvanahomayoḥ

'स्नान, देवपूजन, जप, मल-मूत्र विसर्जन, दंतधावन और होम के समय प्रयत्नपूर्वक मौन रखना चाहिए।'

श्लोक 113 (skanda.4.26.113)

विश्वेश्वरं समभ्यर्च्य सूपचारैर्विधानतः॥ यावज्जीवं शिवार्चायाः फलमाप्नोति वै सकृत्

viśveśvaraṁ samabhyarcya sūpacārairvidhānataḥ yāvajjīvaṁ śivārcāyāḥ phalamāpnoti vai sakṛt

'विश्वेश्वर की विधिपूर्वक उत्तम उपचारों से पूजा करने पर, एक ही बार में जीवनभर की शिवपूजा का फल प्राप्त हो जाता है।'

श्लोक 114 (skanda.4.26.114)

दत्त्वाल्पमपि देवेशि न्यायेनोपार्जितं धनम्॥ अविमुक्ते मम क्षेत्रे न दरिद्रो भवेत्क्वचित्

dattvālpamapi deveśi nyāyenopārjitaṁ dhanam avimukte mama kṣetre na daridro bhavetkvacit

'हे देवेशि! न्यायपूर्वक अर्जित धन का थोड़ा-सा भी दान मेरे अविमुक्त क्षेत्र में करने वाला कभी दरिद्र नहीं होता।'

श्लोक 115 (skanda.4.26.115)

विविधं धनमावर्ज्य योऽविमुक्ते न यच्छति॥ संप्राप्य निधनं मूढोऽन्यत्र शोचति सर्वदा

vividhaṁ dhanamāvarjya yo'vimukte na yacchati saṁprāpya nidhanaṁ mūḍho'nyatra śocati sarvadā

'जो विविध धन को संचित करके भी अविमुक्त में उसे नहीं देता, वह मूर्ख मृत्यु को प्राप्त होकर अन्यत्र सदा शोक करता रहता है।'

श्लोक 116 (skanda.4.26.116)

रम्याणि यानि रत्नानि गोगजाश्वांबराण्यपि॥ कृतानि तानि श्रेयोर्थमविमुक्तनिवासिनाम्

ramyāṇi yāni ratnāni gogajāśvāṁbarāṇyapi kṛtāni tāni śreyorthamavimuktanivāsinām

'जो भी सुंदर रत्न, गौ, हाथी, घोड़े और वस्त्र हैं, वे सब अविमुक्त-निवासियों के कल्याण हेतु ही बनाए गए हैं।'

श्लोक 117 (skanda.4.26.117)

विश्वेशप्रीणनार्थाय धनं निधनमेव वा॥ न्यायेन काश्यां यः कुर्यात्स धन्यः स च धर्मवित्

viśveśaprīṇanārthāya dhanaṁ nidhanameva vā nyāyena kāśyāṁ yaḥ kuryātsa dhanyaḥ sa ca dharmavit

'जो काशी में न्यायपूर्वक अपने धन को विश्वेश की प्रसन्नता के लिए अथवा मृत्यु-पर्यंत भी लगाता है, वह धन्य है और वही धर्मज्ञ है।'

श्लोक 118 (skanda.4.26.118)

योसौ विश्वेश्वरो देवः काशीपुर्यामुमे स्थितः॥ लिंगरूपधरः साक्षान्मम श्रेयास्पदं हि तत्॥ अविमुक्तं महत्क्षेत्रं पंचक्रोशपरीमितम्॥ ज्योतिर्लिगं तदेकं हि ज्ञेयं विश्वेश्वराभिधम्

yosau viśveśvaro devaḥ kāśīpuryāmume sthitaḥ liṁgarūpadharaḥ sākṣānmama śreyāspadaṁ hi tat avimuktaṁ mahatkṣetraṁ paṁcakrośaparīmitam jyotirligaṁ tadekaṁ hi jñeyaṁ viśveśvarābhidham

'हे उमे! वह जो विश्वेश्वर देव काशीपुरी में लिंगरूप धारण किए साक्षात् स्थित हैं, वही मेरे कल्याण का धाम है। पंचक्रोश-परिमित यह महान अविमुक्त क्षेत्र — यही एकमात्र ज्योतिर्लिंग है, जिसे विश्वेश्वर नाम से जानना चाहिए।'

श्लोक 119 (skanda.4.26.119)

एकदेशस्थितमपि यथा मार्तंडमंडलम्॥ दृश्यते सर्वगं सर्वैः काश्यां विश्वेश्वरस्तथा

ekadeśasthitamapi yathā mārtaṁḍamaṁḍalam dṛśyate sarvagaṁ sarvaiḥ kāśyāṁ viśveśvarastathā

'जैसे सूर्यमंडल एक ही स्थान पर स्थित होकर भी सबको सर्वत्र व्याप्त दिखाई देता है, वैसे ही काशी में विश्वेश्वर भी हैं।'

श्लोक 120 (skanda.4.26.120)

निष्प्रत्यूहेन योगेन नानाजन्मार्जितेन च॥ यत्फलं लभ्यतेऽन्यत्र तत्काश्यां त्यजतस्तनुम

niṣpratyūhena yogena nānājanmārjitena ca yatphalaṁ labhyate'nyatra tatkāśyāṁ tyajatastanuma

'अन्यत्र अनेक जन्मों में अर्जित निर्विघ्न योग से जो फल मिलता है, वही फल काशी में शरीर त्यागने मात्र से प्राप्त हो जाता है।'

श्लोक 121 (skanda.4.26.121)

तप्त्वा तपांसि सर्वाणि बहुकालं जितेंद्रियैः॥ यत्फलं लभ्यतेऽन्यत्र तत्काश्यामेकरात्रतः

taptvā tapāṁsi sarvāṇi bahukālaṁ jiteṁdriyaiḥ yatphalaṁ labhyate'nyatra tatkāśyāmekarātrataḥ

'जितेन्द्रिय पुरुषों द्वारा दीर्घकाल तक समस्त तपों के करने से अन्यत्र जो फल मिलता है, वही फल काशी में एक ही रात्रि में प्राप्त हो जाता है।'

श्लोक 122 (skanda.4.26.122)

अक्षेत्रमहिमज्ञोपि श्रद्धाहीनोपि कालतः॥ काशीप्रवेशादनघोऽमृतत्वं लभतेमृतः

akṣetramahimajñopi śraddhāhīnopi kālataḥ kāśīpraveśādanagho'mṛtatvaṁ labhatemṛtaḥ

'क्षेत्र की महिमा को न जानने वाला, श्रद्धाहीन व्यक्ति भी, काल आने पर काशी में प्रवेश कर मरने से निष्पाप होकर अमरत्व प्राप्त कर लेता है।'

श्लोक 123 (skanda.4.26.123)

कृत्वाप्येनांसि चोग्राणि कालात्प्राप्याथ काशिकाम्॥ त्यक्त्वा तनुं प्रसादान्मे मामेव प्रतिपद्यते

kṛtvāpyenāṁsi cogrāṇi kālātprāpyātha kāśikām tyaktvā tanuṁ prasādānme māmeva pratipadyate

'घोर पाप करने वाला भी काल आने पर काशी को प्राप्त कर, वहाँ शरीर त्यागकर, मेरी कृपा से मुझे ही प्राप्त कर लेता है।'

श्लोक 124 (skanda.4.26.124)

विना मम प्रसादं वै कः काशीं प्रतिपद्यते॥ विना ब्रध्नं विशालाक्षि दिनकृत्क इहोच्यते

vinā mama prasādaṁ vai kaḥ kāśīṁ pratipadyate vinā bradhnaṁ viśālākṣi dinakṛtka ihocyate

'हे विशालाक्षि! मेरी कृपा के बिना कौन काशी को प्राप्त कर सकता है? जैसे सूर्य के बिना यहाँ कोई दिनकर नहीं कहलाता।'

श्लोक 125 (skanda.4.26.125)

अप्राप्य काशीं को देवि निरंतर सुखं लभेत्॥ बह्माद्याः प्राकृतैः पाशैर्यतो बद्धा निरंतरम्

aprāpya kāśīṁ ko devi niraṁtara sukhaṁ labhet bahmādyāḥ prākṛtaiḥ pāśairyato baddhā niraṁtaram

'हे देवि! काशी को प्राप्त किए बिना कौन निरंतर सुख पा सकता है, जबकि ब्रह्मा आदि भी सदा प्राकृतिक पाशों से बँधे रहते हैं?'

श्लोक 126 (skanda.4.26.126)

चतुर्विंशतिभिः पाशैस्त्रिगुणैः क्रियया दृढैः॥ कंठे बद्धा विमुच्यंते कथं काशीं विना जनाः

caturviṁśatibhiḥ pāśaistriguṇaiḥ kriyayā dṛḍhaiḥ kaṁṭhe baddhā vimucyaṁte kathaṁ kāśīṁ vinā janāḥ

'चौबीस तत्त्वरूपी पाशों से, जो त्रिगुणमय और कर्म से दृढ़ हैं, गले में बँधे हुए लोग काशी के बिना कैसे मुक्त हो सकते हैं?'

श्लोक 127 (skanda.4.26.127)

बहूपसर्गो योगोयं कृच्छ्रसाध्यं तपो हि यत्॥ योगाद्भ्रष्टस्तपोभ्रष्टो गर्भक्लेशसहःपुनः॥ कृत्वापि काश्यां पापानि काश्यामेव म्रियेत चेत्॥ भूत्वा रुद्रपिशाचोपि पुनर्मुक्तिमवाप्स्यति

bahūpasargo yogoyaṁ kṛcchrasādhyaṁ tapo hi yat yogādbhraṣṭastapobhraṣṭo garbhakleśasahaḥpunaḥ kṛtvāpi kāśyāṁ pāpāni kāśyāmeva mriyeta cet bhūtvā rudrapiśācopi punarmuktimavāpsyati

'यह योग अनेक विघ्नों से भरा है, तप भी कृच्छ्र से ही सिद्ध होता है; और योग-भ्रष्ट, तप-भ्रष्ट व्यक्ति पुनः गर्भ के क्लेश को सहता है। परंतु यदि कोई काशी में पाप भी करे और काशी में ही मृत्यु को प्राप्त हो, तो वह रुद्र-पिशाच बनकर भी पुनः मुक्ति प्राप्त कर लेता है।'

श्लोक 128 (skanda.4.26.128)

काश्यां मृतानां जंतूनां दैवात्पापकृतामपि॥ न पातो नरके तेषां तेषां शास्ताहमेव यत्

kāśyāṁ mṛtānāṁ jaṁtūnāṁ daivātpāpakṛtāmapi na pāto narake teṣāṁ teṣāṁ śāstāhameva yat

'काशी में मरने वाले प्राणियों का, चाहे वे दैवयोग से पापी भी क्यों न हों, नरक में पतन नहीं होता, क्योंकि उनका शासक मैं ही हूँ।'

श्लोक 129 (skanda.4.26.129)

कायं विज्ञाय सापायं स्मृत्वा गर्भस्य वेदनाम्॥ त्यक्त्वा राज्यमपि प्राज्यं सेव्या काशी निरंतरम्

kāyaṁ vijñāya sāpāyaṁ smṛtvā garbhasya vedanām tyaktvā rājyamapi prājyaṁ sevyā kāśī niraṁtaram

'शरीर को नाशवान् जानकर और गर्भ की पीड़ा का स्मरण कर, विशाल राज्य को भी त्यागकर, निरंतर काशी का सेवन करना चाहिए।'

श्लोक 130 (skanda.4.26.130)

अतर्कितं समभ्येत्य यमदूताः सुदारुणाः॥ बद्ध्वा पाशैर्हनिष्यंति क्षिप्रं काशीं ततः श्रयेत

atarkitaṁ samabhyetya yamadūtāḥ sudāruṇāḥ baddhvā pāśairhaniṣyaṁti kṣipraṁ kāśīṁ tataḥ śrayeta

'चूँकि यम के अत्यंत भयंकर दूत अचानक आकर पाशों से बाँधकर शीघ्र ही मार डालेंगे, अतः शीघ्र ही काशी की शरण लेनी चाहिए।'

श्लोक 131 (skanda.4.26.131)

न पापेभ्यो भयं यत्र न भयं यत्र वै यमात्॥ न गर्भवासभीर्यत्र तां काशीं को न संश्रयेत्

na pāpebhyo bhayaṁ yatra na bhayaṁ yatra vai yamāt na garbhavāsabhīryatra tāṁ kāśīṁ ko na saṁśrayet

'जहाँ न पापों का भय है, न यम का भय है, न गर्भवास का भय है — उस काशी की शरण कौन न ले?'

श्लोक 132 (skanda.4.26.132)

अद्य प्रातः परश्वो वा मरणं प्राप्यमेव च॥ यावत्कालविलंबोस्ति तावत्काशीं समाश्रयेत्

adya prātaḥ paraśvo vā maraṇaṁ prāpyameva ca yāvatkālavilaṁbosti tāvatkāśīṁ samāśrayet

'आज हो, कल सुबह हो या परसों — मृत्यु तो अवश्य ही आनी है; इसलिए जब तक समय का अवकाश है, तब तक काशी की शरण ले लेनी चाहिए।'

श्लोक 133 (skanda.4.26.133)

प्राप्ते तु मरणे पुंसां पुनर्जन्म पुनर्मृतिः॥ अपुनर्भवभूमिं च तस्मात्काशीं श्रयेद्बुधः

prāpte tu maraṇe puṁsāṁ punarjanma punarmṛtiḥ apunarbhavabhūmiṁ ca tasmātkāśīṁ śrayedbudhaḥ

'क्योंकि मनुष्यों को मृत्यु प्राप्त होने पर पुनः जन्म और पुनः मृत्यु होती रहती है; इसलिए बुद्धिमान् को अपुनर्भव की भूमि काशी की शरण लेनी चाहिए।'

श्लोक 134 (skanda.4.26.134)

पुत्रक्षेत्रकलत्राख्यां त्यक्त्वा मायां हि वैष्णवीम्॥ भवांतरेनेकरूपां भवघ्नीं काशिकां श्रयेत्

putrakṣetrakalatrākhyāṁ tyaktvā māyāṁ hi vaiṣṇavīm bhavāṁtarenekarūpāṁ bhavaghnīṁ kāśikāṁ śrayet

'पुत्र, क्षेत्र और पत्नी के नाम वाली वैष्णवी माया को त्यागकर — जो जन्म-जन्मांतर में अनेक रूप धारण करती है — भवनाशिनी काशिका की शरण लेनी चाहिए।'

श्लोक 135 (skanda.4.26.135)

॥ स्कंद उवाच॥ दूरं मे मरणंयुवाहमधुना धार्यं न चित्तेत्विति श्रोतव्यो निभृतं कृतांत महिषग्रैवेयघंटारवः॥ नैकट्यात्प्रकटोत्कटश्रमघटामप्राप्य हित्वा द्रुतं जीर्णां पर्णकुटीं ततः पटुमतिर्गच्छेत्पुरीं धूर्जटेः

skaṁda uvāca dūraṁ me maraṇaṁyuvāhamadhunā dhāryaṁ na cittetviti śrotavyo nibhṛtaṁ kṛtāṁta mahiṣagraiveyaghaṁṭāravaḥ naikaṭyātprakaṭotkaṭaśramaghaṭāmaprāpya hitvā drutaṁ jīrṇāṁ parṇakuṭīṁ tataḥ paṭumatirgacchetpurīṁ dhūrjaṭeḥ

स्कंद ने कहा — 'यह सोचना कि मृत्यु दूर है, मैं अभी युवा हूँ, इसे मन में धारण करने की आवश्यकता नहीं — ऐसा नहीं सोचना चाहिए; अपितु सावधान होकर यमराज की महिष की गर्दन की घंटी की ध्वनि को चुपचाप सुनते रहना चाहिए। उसकी निकटता से प्रकट होने वाले भीषण श्रम को प्राप्त होने से पहले ही, बुद्धिमान् को चाहिए कि वह अपनी जीर्ण पर्णकुटी को शीघ्र त्यागकर धूर्जटि की नगरी की ओर चला जाए।'

श्लोक 136 (skanda.4.26.136)

व्यास उवाच॥ अगस्त्यस्य पुरः सूत कथयित्वा कथामिमाम्॥ सर्वपापप्रशमनीं पुनः स्कंद उवाच ह

vyāsa uvāca agastyasya puraḥ sūta kathayitvā kathāmimām sarvapāpapraśamanīṁ punaḥ skaṁda uvāca ha

व्यास ने कहा — 'हे सूत! अगस्त्य के समक्ष सर्वपापनाशिनी यह कथा कहकर, स्कंद ने पुनः कहा।'