ढुण्ढिराज-स्तुति और काशी के छप्पन विनायक

श्लोक 1 (skanda.4.57.1)

॥स्कंद उवाच॥ विश्वेशो विश्वया सार्धं मया च मुनिसत्तम ॥ महाशाखविशाखाभ्यां नंदिभृंगिपुरोगमः

||skaṁda uvāca|| viśveśo viśvayā sārdhaṁ mayā ca munisattama || mahāśākhaviśākhābhyāṁ naṁdibhṛṁgipurogamaḥ

स्कन्द ने कहा - हे मुनिश्रेष्ठ, विश्वेश (शिव) विश्वा (पार्वती) के साथ और मेरे साथ, महाशाख और विशाख सहित, नन्दी और भृंगी को आगे किए हुए...

श्लोक 2 (skanda.4.57.2)

नैगमेयेन सहितो रुद्रैः सर्वत्र संवृतः ॥ देवर्षिभिः समायुक्तः सनकाद्यैरभिष्टुतः

naigameyena sahito rudraiḥ sarvatra saṁvṛtaḥ || devarṣibhiḥ samāyuktaḥ sanakādyairabhiṣṭutaḥ

...नैगमेय के साथ, सब ओर से रुद्रों से घिरे, देवर्षियों से युक्त, सनक आदि द्वारा स्तुत होते हुए...

श्लोक 3 (skanda.4.57.3)

समस्तायतनाधीशैर्दिक्पालैरभिनंदितः ॥ तीर्थैर्दर्शित तीर्थश्च गंधर्वैर्गीतमंगलः

samastāyatanādhīśairdikpālairabhinaṁditaḥ || tīrthairdarśita tīrthaśca gaṁdharvairgītamaṁgalaḥ

...सभी तीर्थस्थानों के अधिष्ठाता देवों और दिक्पालों से अभिनन्दित, मानो तीर्थ ही अपने सच्चे तीर्थ को देख रहे हों, गन्धर्वों द्वारा मंगलगान करते हुए...

श्लोक 4 (skanda.4.57.4)

कृतपूजोप्सरोभिश्च नृत्यहस्तकपल्लवैः ॥ वियत्यनाहतैर्वाद्यैः समंतादनुमोदितः

kṛtapūjopsarobhiśca nṛtyahastakapallavaiḥ || viyatyanāhatairvādyaiḥ samaṁtādanumoditaḥ

...अप्सराओं द्वारा नृत्य करते हुए पल्लव-सी कोमल भुजाओं से पूजित, चारों ओर आकाश में बजते अनाहत वाद्यों से आनन्दित...

श्लोक 5 (skanda.4.57.5)

ऋषीणां ब्रह्मनिर्घोषैर्बधिरीकृतदिङ्मुखः ॥ कृतस्तुतिश्चारणौघैर्विमानैरभितोवृतः

ṛṣīṇāṁ brahmanirghoṣairbadhirīkṛtadiṅmukhaḥ || kṛtastutiścāraṇaughairvimānairabhitovṛtaḥ

...ऋषियों के वेद-घोष से दिशाओं को बधिर करते हुए, चारण-समूहों द्वारा स्तुत, विमानों से चारों ओर घिरे...

श्लोक 6 (skanda.4.57.6)

त्रिविष्टप वधूमुष्टिभ्रष्टैर्लाजैरितस्ततः ॥ अभिवृष्टो महादेवः संप्रहृष्टतनूरुहः

triviṣṭapa vadhūmuṣṭibhraṣṭairlājairitastataḥ || abhivṛṣṭo mahādevaḥ saṁprahṛṣṭatanūruhaḥ

...स्वर्ग की वधुओं की मुट्ठियों से बिखरे लाजा (भुने हुए अन्न) से इधर-उधर अभिषिक्त, हर्ष से रोमांचित शरीर वाले महादेव...

श्लोक 7 (skanda.4.57.7)

दत्तमाल्योपहारश्च बहुविद्याधरी गणैः ॥ यक्षगुह्यकसिद्धैश्च खेचरैरभिनंदितः

dattamālyopahāraśca bahuvidyādharī gaṇaiḥ || yakṣaguhyakasiddhaiśca khecarairabhinaṁditaḥ

...विद्याधरियों के अनेक गणों द्वारा माला और उपहार अर्पित किए जाते हुए, यक्ष, गुह्यक, सिद्ध और खेचरों द्वारा अभिनन्दित...

श्लोक 8 (skanda.4.57.8)

कृतप्रवेश शकुनो मृगैः शकुनिभिः पुरः ॥ किंनरीभिः प्रहष्टास्यैः किंनरैरुपवर्णितः

kṛtapraveśa śakuno mṛgaiḥ śakunibhiḥ puraḥ || kiṁnarībhiḥ prahaṣṭāsyaiḥ kiṁnarairupavarṇitaḥ

...शुभ पक्षियों, मृगों और शकुनि पक्षियों द्वारा जिनके प्रवेश का शुभ संकेत मिला, प्रसन्नमुख किन्नरियों और किन्नरों द्वारा वर्णित...

श्लोक 9 (skanda.4.57.9)

विष्णुना च महालक्ष्म्या ब्रह्मणा विश्वकर्मणा ॥ नंदिनाथ गणेशेन आविष्कृतमहोत्सवः

viṣṇunā ca mahālakṣmyā brahmaṇā viśvakarmaṇā || naṁdinātha gaṇeśena āviṣkṛtamahotsavaḥ

...विष्णु, महालक्ष्मी, ब्रह्मा, विश्वकर्मा, नन्दिनाथ और गणेश द्वारा जिनका महोत्सव प्रकट किया गया...

श्लोक 10 (skanda.4.57.10)

नागांगनाभिः परितः कृतनीराजनाविधिः ॥ प्रविवेश महादेवः पुरीं वाराणसीं शुभाम्

nāgāṁganābhiḥ paritaḥ kṛtanīrājanāvidhiḥ || praviveśa mahādevaḥ purīṁ vārāṇasīṁ śubhām

...नाग-कन्याओं द्वारा चारों ओर नीराजन-विधि की जाती हुई, महादेव शुभ नगरी वाराणसी में प्रविष्ट हुए।

श्लोक 11 (skanda.4.57.11)

पश्यतां सर्वदेवानामवरुह्य वृषेंद्रतः ॥ परिष्वज्य गणाधीशं प्रोवाच वृषभध्वजः

paśyatāṁ sarvadevānāmavaruhya vṛṣeṁdrataḥ || pariṣvajya gaṇādhīśaṁ provāca vṛṣabhadhvajaḥ

सभी देवों के देखते हुए, वृषभेन्द्र (नन्दी) से उतरकर, वृषभध्वज (शिव) ने गणाधीश को आलिंगन कर कहा -

श्लोक 12 (skanda.4.57.12)

यदहं प्राप्तवानस्मि पुरीं वाराणसीं शुभाम् ॥ मयाप्यतीव दुष्प्राप्यां स प्रसादो स्य वै शिशोः

yadahaṁ prāptavānasmi purīṁ vārāṇasīṁ śubhām || mayāpyatīva duṣprāpyāṁ sa prasādo sya vai śiśoḥ

"मैं जो इस शुभ वाराणसी नगरी को, जो मेरे लिए भी अत्यन्त दुष्प्राप्य थी, प्राप्त कर सका - वह इस बालक की ही कृपा है।"

श्लोक 13 (skanda.4.57.13)

यद्दुष्प्रसाध्यं हि पितुरपि त्रिजगतीतले ॥ तत्सूनुना सुसाध्यं स्यादत्र दृष्टांतता मयि

yadduṣprasādhyaṁ hi piturapi trijagatītale || tatsūnunā susādhyaṁ syādatra dṛṣṭāṁtatā mayi

"जो त्रिलोक में पिता के लिए भी दुष्साध्य है, वह पुत्र द्वारा सुसाध्य हो सकता है - इसका दृष्टान्त मैं स्वयं हूँ।"

श्लोक 14 (skanda.4.57.14)

अनेन गजवक्त्रेण स्वबुद्धिविभवेरिह ॥ काशीप्राप्तिर्यथा मे स्यात्तथा किंचिदनुष्ठितम्

anena gajavaktreṇa svabuddhivibhaveriha || kāśīprāptiryathā me syāttathā kiṁcidanuṣṭhitam

"इस गजमुख ने अपनी बुद्धि के प्रभाव से यहाँ कुछ ऐसा किया, जिससे मुझे काशी की प्राप्ति हो सके।"

श्लोक 15 (skanda.4.57.15)

पुत्रवानहमेवास्मि यच्च मे चिरचिंतितम् ॥ स्वपौरुषेण कृतवानभिलाषं करस्थितम्

putravānahamevāsmi yacca me ciraciṁtitam || svapauruṣeṇa kṛtavānabhilāṣaṁ karasthitam

"मैं ही सच्चे अर्थों में पुत्रवान् हूँ, क्योंकि जो मेरी चिरकाल से चिन्तित इच्छा थी, उसे इसने अपने पौरुष से मेरे हाथ में रखी हुई सी कर दिया।"

श्लोक 16 (skanda.4.57.16)

इत्युक्त्वा त्रिपुरीहर्ता पुरुहूतादिभिः स्तुतः ॥ परितुष्टावसंहृष्टः स्पष्टगीर्भिर्गजाननम्

ityuktvā tripurīhartā puruhūtādibhiḥ stutaḥ || parituṣṭāvasaṁhṛṣṭaḥ spaṣṭagīrbhirgajānanam

ऐसा कहकर, पुरुहूत (इन्द्र) आदि द्वारा स्तुत त्रिपुरहर (शिव) ने अत्यन्त प्रसन्न होकर, स्पष्ट वाणी में गजानन की स्तुति की।

श्लोक 17 (skanda.4.57.17)

॥श्रीकंठ उवाच॥ जय विघ्नकृतामाद्य भक्तनिर्विघ्नकारक ॥ अविघ्नविघ्नशमन महाविघ्नैकविघ्नकृत्

||śrīkaṁṭha uvāca|| jaya vighnakṛtāmādya bhaktanirvighnakāraka || avighnavighnaśamana mahāvighnaikavighnakṛt

श्रीकण्ठ ने कहा - "जय हो, हे विघ्न करने वालों में प्रथम, फिर भी भक्तों को निर्विघ्न करने वाले! हे विघ्नहीन को भी शान्त करने वाले, महाविघ्न के भी एकमात्र विघ्नकर्ता!"

श्लोक 18 (skanda.4.57.18)

जय सर्वगणाधीश जय सर्व गणाग्रणीः ॥ गणप्रणतपादाब्ज गणनातीतसद्गुण

jaya sarvagaṇādhīśa jaya sarva gaṇāgraṇīḥ || gaṇapraṇatapādābja gaṇanātītasadguṇa

"जय हो, हे समस्त गणों के अधीश! जय हो, हे सब गणों में अग्रणी! गण जिनके चरणकमलों में नमस्कार करते हैं, गिनती से परे जिनके सद्गुण हैं!"

श्लोक 19 (skanda.4.57.19)

जय सर्वग सर्वेश सर्वबुद्ध्येकशेवधे ॥ सर्वमायाप्रपंचज्ञ सर्वकर्माग्रपूजित

jaya sarvaga sarveśa sarvabuddhyekaśevadhe || sarvamāyāprapaṁcajña sarvakarmāgrapūjita

"जय हो, हे सर्वव्यापी, सबके ईश, समस्त बुद्धि के एकमात्र निधान! सम्पूर्ण माया-प्रपंच के ज्ञाता, सब कर्मों में सबसे पहले पूजित!"

श्लोक 20 (skanda.4.57.20)

सर्वमंगलमांगल्य जय त्वं सर्वमंगल ॥ अमंगलोपशमन महामंगलहेतुक

sarvamaṁgalamāṁgalya jaya tvaṁ sarvamaṁgala || amaṁgalopaśamana mahāmaṁgalahetuka

"सब मंगलों के भी मंगल, जय हो, हे सर्वमंगल! अमंगल को शान्त करने वाले, महामंगल के हेतु!"

श्लोक 21 (skanda.4.57.21)

जय सृष्टिकृतां वंद्य जय स्थितिकृतानत ॥ जय संहृतिकृत्स्तुत्य जयसत्कर्मसिद्धिद

jaya sṛṣṭikṛtāṁ vaṁdya jaya sthitikṛtānata || jaya saṁhṛtikṛtstutya jayasatkarmasiddhida

"जय हो, सृष्टिकर्ताओं द्वारा वन्दित! जय हो, स्थितिकर्ताओं द्वारा नमित! जय हो, संहारकर्ताओं द्वारा स्तुत! जय हो, सत्कर्मों की सिद्धि देने वाले!"

श्लोक 22 (skanda.4.57.22)

सिद्धवंद्यपदांभोज जयसिद्धिविधायक ॥ सर्वसिद्ध्येकनिलय महासिद्ध्यृद्धिसूचक

siddhavaṁdyapadāṁbhoja jayasiddhividhāyaka || sarvasiddhyekanilaya mahāsiddhyṛddhisūcaka

"सिद्धों द्वारा वन्दित चरणकमल! जय हो, सिद्धि प्रदान करने वाले! सब सिद्धियों के एकमात्र आवास, महासिद्धि-ऋद्धि के सूचक!"

श्लोक 23 (skanda.4.57.23)

अशेषगुणनिर्माण गुणातीत गुणाग्रणी ॥ परिपूर्णचरित्रार्थ जय त्वं गुणवर्णित

aśeṣaguṇanirmāṇa guṇātīta guṇāgraṇī || paripūrṇacaritrārtha jaya tvaṁ guṇavarṇita

"समस्त गुणों के निर्माता, फिर भी गुणों से परे, गुणों में अग्रणी! जिनका चरित्र पूर्ण है, जय हो आपको, जो गुणों से वर्णित हैं!"

श्लोक 24 (skanda.4.57.24)

जय सर्वबलाधीश बलाराति बलप्रद ॥ बलाकोज्ज्वल दंताग्र बालाबालपराकम

jaya sarvabalādhīśa balārāti balaprada || balākojjvala daṁtāgra bālābālaparākama

"जय हो, समस्त बल के अधीश, बल के शत्रुओं के भी बल देने वाले! बगुले-सी उज्ज्वल दाँतों वाले, बालक और वृद्ध सभी के पराक्रम!"

श्लोक 25 (skanda.4.57.25)

अनंतमहिमाधार धराधर विदारण ॥ दंताग्रप्रोतां दङ्नाग जयनागविभूषण

anaṁtamahimādhāra dharādhara vidāraṇa || daṁtāgraprotāṁ daṅnāga jayanāgavibhūṣaṇa

"अनन्त महिमा के आधार, पर्वतों को विदीर्ण करने वाले! अपने दाँत की नोक पर सर्प को धारण करने वाले, जय हो, नागों से विभूषित!"

श्लोक 26 (skanda.4.57.26)

ये त्वांनमंति करुणामय दिव्य मूर्ते सर्वैनसामपि भुवो भुविमुक्तिभाजः ॥ तेषां सदैव हरसीहमहोपसर्गान्स्वर्गापवर्गमपि संप्रददासि तेभ्यः

ye tvāṁnamaṁti karuṇāmaya divya mūrte sarvainasāmapi bhuvo bhuvimuktibhājaḥ || teṣāṁ sadaiva harasīhamahopasargānsvargāpavargamapi saṁpradadāsi tebhyaḥ

"हे करुणामय दिव्यमूर्ते, जो लोग आपको नमस्कार करते हैं, वे भूमि के समस्त पापों से युक्त होकर भी पृथ्वी पर ही मुक्ति के भागी हो जाते हैं। उनके महान् उपद्रवों को आप सदा यहीं हर लेते हैं, और उन्हें स्वर्ग तथा मुक्ति भी प्रदान करते हैं।"

श्लोक 27 (skanda.4.57.27)

ये विघ्नराज भवता करुणाकटाक्षैः संप्रेक्षिताः क्षितितले क्षणमात्रमत्र ॥ तेषां क्षयंति सकलान्यपिकिल्विषाणि लक्ष्मीः कटाक्षयतितान्पुरुषोत्तमान्हि

ye vighnarāja bhavatā karuṇākaṭākṣaiḥ saṁprekṣitāḥ kṣititale kṣaṇamātramatra || teṣāṁ kṣayaṁti sakalānyapikilviṣāṇi lakṣmīḥ kaṭākṣayatitānpuruṣottamānhi

"हे विघ्नराज, जिनको आप अपनी करुणादृष्टि से पृथ्वी पर एक क्षणमात्र भी देख लेते हैं, उनके सम्पूर्ण पाप नष्ट हो जाते हैं; और लक्ष्मी स्वयं उन श्रेष्ठ पुरुषों पर कटाक्ष करती हैं।"

श्लोक 28 (skanda.4.57.28)

ये त्वां स्तुवंति नतविघ्नविघातदक्ष दाक्षायणीहृदयपंकजतिग्मरश्मे ॥ श्रूयंत एव त इह प्रथिता न चित्रं चित्रं तदत्र गणपा यदहो त एव

ye tvāṁ stuvaṁti natavighnavighātadakṣa dākṣāyaṇīhṛdayapaṁkajatigmaraśme || śrūyaṁta eva ta iha prathitā na citraṁ citraṁ tadatra gaṇapā yadaho ta eva

"हे नमन करने वालों के विघ्न-विनाश में कुशल, हे दाक्षायणी के हृदय-कमल के सूर्य! जो आपकी स्तुति करते हैं, वे यहाँ विख्यात होते ही हैं - इसमें आश्चर्य नहीं; आश्चर्य तो यह है, हे गणप, कि वे ही [ऐसे बन पाते] हैं।"

श्लोक 29 (skanda.4.57.29)

ये शीलयंति सततं भवतोंघ्रियुग्मं ते पुत्रपौत्रधनधान्यसमृद्धिभाजः ॥ संशीलितांघ्रिकमला बहुभृत्यवर्गैर्भूपालभोग्यकमलां विमलां लभंते

ye śīlayaṁti satataṁ bhavatoṁghriyugmaṁ te putrapautradhanadhānyasamṛddhibhājaḥ || saṁśīlitāṁghrikamalā bahubhṛtyavargairbhūpālabhogyakamalāṁ vimalāṁ labhaṁte

"जो निरन्तर आपके दोनों चरणों का सेवन करते हैं, वे पुत्र-पौत्र, धन-धान्य की समृद्धि के भागी होते हैं; आपके चरणकमलों की सेवा करने वाले, अनेक सेवकों सहित, राजा के योग्य निर्मल सम्पदा प्राप्त करते हैं।"

श्लोक 30 (skanda.4.57.30)

त्वं कारणं परमकारणकारणानां वेद्योसि वेदविदुषां सततं त्वमेकः ॥ त्वं मार्गणीयमसि किंचन मूलवाचां वाचामगोचरचराचरदिव्यमूर्ते

tvaṁ kāraṇaṁ paramakāraṇakāraṇānāṁ vedyosi vedaviduṣāṁ satataṁ tvamekaḥ || tvaṁ mārgaṇīyamasi kiṁcana mūlavācāṁ vācāmagocaracarācaradivyamūrte

"आप परम कारणों के भी कारणों के कारण हैं; आप ही सदा वेदविदों के एकमात्र वेद्य हैं। हे वाणी की पहुँच से परे चराचर की दिव्यमूर्ते, आप ही समस्त वाणियों के मूल, खोजने योग्य हैं।"

श्लोक 31 (skanda.4.57.31)

वेदा विदंति न यथार्थतया भवंतं ब्रह्मादयोपि न चराचर सूत्रधार ॥ त्वं हंसि पासि विदधासि समस्तमेकः कस्तेस्तुतिव्यतिकरो मनसाप्यगम्य

vedā vidaṁti na yathārthatayā bhavaṁtaṁ brahmādayopi na carācara sūtradhāra || tvaṁ haṁsi pāsi vidadhāsi samastamekaḥ kastestutivyatikaro manasāpyagamya

"न वेद आपको यथार्थ रूप से जानते हैं, न ब्रह्मा आदि भी, हे चराचर के सूत्रधार! आप ही अकेले संहार करते, रक्षा करते, और सब कुछ विधान करते हैं; मन से भी अगम्य आपकी स्तुति कौन सम्यक् रूप से कर सकता है?"

श्लोक 32 (skanda.4.57.32)

त्वद्दुष्टदृष्टिविशिखैर्निहतान्निहन्मि दैत्यान्पुरांधकजलंधरमुख्यकांश्च ॥ कस्यास्ति शक्तिरिह यस्त्वदृतेपि तुच्छं वांछेद्विधातु मिह सिद्धिदकार्यजातम्

tvadduṣṭadṛṣṭiviśikhairnihatānnihanmi daityānpurāṁdhakajalaṁdharamukhyakāṁśca || kasyāsti śaktiriha yastvadṛtepi tucchaṁ vāṁchedvidhātu miha siddhidakāryajātam

"आपकी भीषण दृष्टि के बाणों से पहले ही मारे गए त्रिपुर, अन्धक, जलन्धर आदि दैत्यों को मैं तो [केवल] मार भर देता हूँ। आपके बिना यहाँ किसे इतनी शक्ति है कि वह इस सिद्धिदायक कार्य के तुच्छ अंश की भी इच्छा कर सके?"

श्लोक 33 (skanda.4.57.33)

अन्वेषणे ढुंढिरयं प्रथितोस्तिधातुः सर्वार्थढुंढिततया तव ढुंढि नाम ॥ काशीप्रवेशमपि को लभतेत्र देही तोषं विना तव विनायकढुंढिराज

anveṣaṇe ḍhuṁḍhirayaṁ prathitostidhātuḥ sarvārthaḍhuṁḍhitatayā tava ḍhuṁḍhi nāma || kāśīpraveśamapi ko labhatetra dehī toṣaṁ vinā tava vināyakaḍhuṁḍhirāja

"'ढुंढ्' यह धातु 'खोजने' के अर्थ में प्रसिद्ध है; सबका प्रयोजन खोज लेने के कारण आपका नाम 'ढुण्ढि' है। हे विनायक ढुण्ढिराज, आपकी प्रसन्नता के बिना काशी में प्रवेश भी कौन जीव प्राप्त कर सकता है?"

श्लोक 34 (skanda.4.57.34)

ढुंढे प्रणम्यपुरतस्तवपादपद्मं यो मां नमस्यति पुमानिह काशिवासी ॥ तत्कर्णमूलमधिगम्य पुरा दिशामि तत्किंचिदत्र न पुनर्भवतास्ति येन

ḍhuṁḍhe praṇamyapuratastavapādapadmaṁ yo māṁ namasyati pumāniha kāśivāsī || tatkarṇamūlamadhigamya purā diśāmi tatkiṁcidatra na punarbhavatāsti yena

"हे ढुण्ढि, जो काशीवासी मनुष्य पहले आपके चरणकमलों को प्रणाम कर फिर मुझे नमस्कार करता है - उसके कर्णमूल के समीप जाकर मैं पहले ही उसे कुछ ऐसा बता देता हूँ, जिससे उसका यहाँ पुनर्जन्म न हो।"

श्लोक 35 (skanda.4.57.35)

स्नात्वा नरः प्रथमतो मणिकर्णिकायामुद्धूलितांघ्रियुगलस्तु सचैलमाशु ॥ देवर्षिमानवपितॄनपि तर्पयित्वा ज्ञानोदतीर्थमभिलभ्य भजेत्ततस्त्वाम्

snātvā naraḥ prathamato maṇikarṇikāyāmuddhūlitāṁghriyugalastu sacailamāśu || devarṣimānavapitṝnapi tarpayitvā jñānodatīrthamabhilabhya bhajettatastvām

"मनुष्य पहले मणिकर्णिका में स्नान कर, अपने दोनों चरणों में भस्म लगाकर, गीले वस्त्र सहित शीघ्र देव, ऋषि, मनुष्य और पितरों को तर्पण देकर, ज्ञानवापी तीर्थ प्राप्त कर, फिर आपकी उपासना करे।"

श्लोक 36 (skanda.4.57.36)

सामोदमोदकभरैर्वरधूपदीपैर्माल्यैः सुगंधबहुलैरनुलेपनैश्च ॥ संप्रीण्यकाशिनगरीफलदानदक्षं प्रोक्त्वाथ मां क इह सिध्यति नैव ढुंढे

sāmodamodakabharairvaradhūpadīpairmālyaiḥ sugaṁdhabahulairanulepanaiśca || saṁprīṇyakāśinagarīphaladānadakṣaṁ proktvātha māṁ ka iha sidhyati naiva ḍhuṁḍhe

"सुगन्धित मोदकों के ढेर, उत्तम धूप-दीप, माला, तथा सुगन्धित लेपों से आपको प्रसन्न कर, फिर मुझसे [प्रार्थना] कहकर, हे ढुण्ढि, काशी नगरी का फल देने में कुशल, यहाँ कौन सिद्ध नहीं होता?"

श्लोक 37 (skanda.4.57.37)

तीर्थांतराणि च ततः क्रमवर्जितोपि संसाधयन्निह भवत्करुणाकटाक्षैः ॥ दूरीकृतस्वहितघात्युपसर्गवर्गो ढुंढे लभेदविकलं फलमत्र काश्याम्

tīrthāṁtarāṇi ca tataḥ kramavarjitopi saṁsādhayanniha bhavatkaruṇākaṭākṣaiḥ || dūrīkṛtasvahitaghātyupasargavargo ḍhuṁḍhe labhedavikalaṁ phalamatra kāśyām

"क्रम के बिना भी यहाँ अन्य तीर्थों का सेवन करने वाला, आपकी करुणादृष्टि से अपने अहित करने वाले उपद्रवों को दूर कर, हे ढुण्ढि, इस काशी में सम्पूर्ण फल प्राप्त कर लेता है।"

श्लोक 38 (skanda.4.57.38)

यः प्रत्यहं नमति ढुं ढिविनायकं त्वां काश्यां प्रगे प्रतिहताखिलविघ्नसंघः ॥ नो तस्य जातु जगतीतलवर्ति वस्तु दुष्प्रापमत्र च परत्र च किंचनापि

yaḥ pratyahaṁ namati ḍhuṁ ḍhivināyakaṁ tvāṁ kāśyāṁ prage pratihatākhilavighnasaṁghaḥ || no tasya jātu jagatītalavarti vastu duṣprāpamatra ca paratra ca kiṁcanāpi

"जो प्रतिदिन प्रातः काशी में आप ढुण्ढि विनायक को नमस्कार करता है, उसके सम्पूर्ण विघ्न-समूह नष्ट हो जाते हैं; इस लोक अथवा परलोक में इस पृथ्वी पर स्थित कोई भी वस्तु उसके लिए दुष्प्राप्य नहीं रहती।"

श्लोक 39 (skanda.4.57.39)

यो नाम ते जपति ढुंढिविनायकस्य तं वै जपंत्यनुदिनं हृदि सिद्धयोष्टौ ॥ भोगान्विभुज्य विविधान्विबुधोपभोग्यान्निर्वाणया कमलया व्रियते स चांते

yo nāma te japati ḍhuṁḍhivināyakasya taṁ vai japaṁtyanudinaṁ hṛdi siddhayoṣṭau || bhogānvibhujya vividhānvibudhopabhogyānnirvāṇayā kamalayā vriyate sa cāṁte

"हे ढुण्ढि विनायक, जो आपके नाम का जप करता है, उसके हृदय में आठों सिद्धियाँ ही मानो निरन्तर आपके नाम का जप करती हैं; और देवताओं के योग्य नाना भोगों को भोगकर, अन्त में वह निर्वाणरूपिणी लक्ष्मी द्वारा वरण किया जाता है।"

श्लोक 40 (skanda.4.57.40)

दूरे स्थितोप्यहरहस्तव पादपीठं यः संस्मरेत्सकलसिद्धिद ढुंढिराज ॥ काशीस्थिते रविकलं सफलं लभेत नैवान्यथा न वितथा मम वाक्कदाचित्

dūre sthitopyaharahastava pādapīṭhaṁ yaḥ saṁsmaretsakalasiddhida ḍhuṁḍhirāja || kāśīsthite ravikalaṁ saphalaṁ labheta naivānyathā na vitathā mama vākkadācit

"हे सर्वसिद्धि देने वाले ढुण्ढिराज, दूर रहकर भी जो प्रतिदिन आपके पादपीठ का स्मरण करता है, वह काशी में स्थित के समान सूर्य की एक कला का सफल फल प्राप्त करता है - अन्यथा नहीं; मेरी वाणी कभी असत्य नहीं होती।"

श्लोक 41 (skanda.4.57.41)

जाने विघ्नानसंख्यातान्विनिहंतुमनेकधा ॥ क्षेत्रस्यास्य महाभाग नानारूपैरिहस्थितः

jāne vighnānasaṁkhyātānvinihaṁtumanekadhā || kṣetrasyāsya mahābhāga nānārūpairihasthitaḥ

"हे महाभाग, मैं इस क्षेत्र के असंख्य विघ्नों को अनेक प्रकार से नष्ट करना जानता हूँ, और इसीलिए यहाँ नाना रूपों में स्थित हूँ।"

श्लोक 42 (skanda.4.57.42)

यानि यानि च रूपाणि यत्रयत्र च तेनघ ॥ तानि तत्र प्रवक्ष्यामि शृण्वंत्वेते दिवौकसः

yāni yāni ca rūpāṇi yatrayatra ca tenagha || tāni tatra pravakṣyāmi śṛṇvaṁtvete divaukasaḥ

"हे निष्पाप, जो-जो रूप जहाँ-जहाँ हैं, उन्हें मैं वहाँ बताऊँगा; ये देववृन्द उन्हें सुनें।"

श्लोक 43 (skanda.4.57.43)

प्रथमं ढुंढिराजोसि मम दक्षिणतो मनाक् ॥ आढुंढ्य सर्वभक्तेभ्यः सर्वार्थान्संप्रयच्छसि

prathamaṁ ḍhuṁḍhirājosi mama dakṣiṇato manāk || āḍhuṁḍhya sarvabhaktebhyaḥ sarvārthānsaṁprayacchasi

"पहले, मेरे कुछ दक्षिण में आप ही ढुण्ढिराज हैं; सबका खोज-खोज कर सभी भक्तों को उनकी सारी अभीष्ट वस्तुएँ आप ही प्रदान करते हैं।"

श्लोक 44 (skanda.4.57.44)

अंगारवासरवतीमिह यैश्चतुर्थीं संप्राप्य मोदकभरैः परिमोदवद्भिः ॥ पूजा व्यधायि विविधा तव गंधमाल्यैस्तानत्र पुत्रविदधामि गणान्गणेश

aṁgāravāsaravatīmiha yaiścaturthīṁ saṁprāpya modakabharaiḥ parimodavadbhiḥ || pūjā vyadhāyi vividhā tava gaṁdhamālyaistānatra putravidadhāmi gaṇāngaṇeśa

"जो लोग यहाँ अंगारक-वार (मंगलवार) को पड़ने वाली चतुर्थी पाकर आनन्ददायक मोदकों के ढेर, सुगन्ध और माला से आपकी विविध पूजा करते हैं - हे गणेश, उन्हें मैं यहाँ पुत्र के समान गण बना लेता हूँ।"

श्लोक 45 (skanda.4.57.45)

ये त्वामिह प्रति चतुर्थि समर्चयंति ढुंढे विगाढमतयः कृतिनस्त एव ॥ सर्वापदां शिरसि वामपदं निधाय सम्यग्गजानन गजाननतां लभंते

ye tvāmiha prati caturthi samarcayaṁti ḍhuṁḍhe vigāḍhamatayaḥ kṛtinasta eva || sarvāpadāṁ śirasi vāmapadaṁ nidhāya samyaggajānana gajānanatāṁ labhaṁte

"हे ढुण्ढि, जो गम्भीर बुद्धि वाले प्रतिदिन आपकी चतुर्थी को पूजा करते हैं, वे ही सच्चे सिद्ध पुरुष हैं; हे गजानन, अपने बायें पैर को समस्त विपत्तियों के सिर पर रखकर वे सम्यक् रूप से गजानन-भाव को प्राप्त करते हैं।"

श्लोक 46 (skanda.4.57.46)

माघशुक्लचतुर्थ्यां तु नक्तव्रतपरायणाः ॥ ये त्वां ढुंढेर्चयिष्यंति तेऽर्च्याः स्युरसुरद्रुहाम्

māghaśuklacaturthyāṁ tu naktavrataparāyaṇāḥ || ye tvāṁ ḍhuṁḍhercayiṣyaṁti te'rcyāḥ syurasuradruhām

"माघ मास की शुक्ल चतुर्थी को रात्रि-व्रत में तत्पर रहकर, हे ढुण्ढि, जो आपकी पूजा करते हैं, वे असुरों के शत्रुओं (देवों) द्वारा भी पूज्य हो जाते हैं।"

श्लोक 47 (skanda.4.57.47)

विधाय वार्षिकीं यात्रां चतुर्थीं प्राप्य तापसीम् ॥ शुक्लां शुक्लतिलैर्बद्ध्वा प्राश्नीयाल्लड्डुकान्व्रती

vidhāya vārṣikīṁ yātrāṁ caturthīṁ prāpya tāpasīm || śuklāṁ śuklatilairbaddhvā prāśnīyāllaḍḍukānvratī

"वार्षिक यात्रा करके, तापसी चतुर्थी को प्राप्त कर, व्रती श्वेत तिल से बँधे शुक्ल लड्डू खाए।"

श्लोक 48 (skanda.4.57.48)

कार्या यात्रा प्रयत्नेन क्षेत्रसिद्धिमभीप्सुभिः ॥ तस्यां चतुर्थ्यां त्वत्प्रीत्यै ढुंढे सर्वोपसर्गहृत्

kāryā yātrā prayatnena kṣetrasiddhimabhīpsubhiḥ || tasyāṁ caturthyāṁ tvatprītyai ḍhuṁḍhe sarvopasargahṛt

"क्षेत्र की सिद्धि चाहने वालों को प्रयत्नपूर्वक यह यात्रा करनी चाहिए; हे सम्पूर्ण उपद्रवों को हरने वाले ढुण्ढि, उस चतुर्थी को आपकी प्रसन्नता के लिए ही [यह यात्रा] की जाए।"

श्लोक 49 (skanda.4.57.49)

तां यात्रां नात्रयः कुर्यान्नैवेद्यतिललडुकैः ॥ उपसर्गसहस्रैस्तु स हंतव्यो ममाज्ञया

tāṁ yātrāṁ nātrayaḥ kuryānnaivedyatilalaḍukaiḥ || upasargasahasraistu sa haṁtavyo mamājñayā

"यहाँ के निवासी उस तिल-लड्डू के नैवेद्य वाली यात्रा को न छोड़ें; जो [इसे] नहीं करेगा, वह मेरी आज्ञा से सहस्रों उपद्रवों से पीड़ित हो।"

श्लोक 50 (skanda.4.57.50)

होमं तिलाज्यद्रव्येण यः करिष्यति भक्तितः ॥ तस्यां चतुर्थ्यां मंत्रज्ञस्तस्य मंत्रः प्रसेत्स्यति

homaṁ tilājyadravyeṇa yaḥ kariṣyati bhaktitaḥ || tasyāṁ caturthyāṁ maṁtrajñastasya maṁtraḥ prasetsyati

"जो भक्तिपूर्वक उस चतुर्थी को तिल और घी से हवन करेगा, उस मन्त्रज्ञ का मन्त्र सफल होगा।"

श्लोक 51 (skanda.4.57.51)

वैदिकोऽवैदिको वापि यो मंत्रस्ते गजानन ॥ जप्तस्त्वत्संनिधौ ढुंढे सिद्धिं दास्यति वांछिताम्

vaidiko'vaidiko vāpi yo maṁtraste gajānana || japtastvatsaṁnidhau ḍhuṁḍhe siddhiṁ dāsyati vāṁchitām

"हे गजानन ढुण्ढि, आपके समीप जपा गया कोई भी मन्त्र, चाहे वैदिक हो या अवैदिक, वांछित सिद्धि प्रदान करेगा।"

श्लोक 52 (skanda.4.57.52)

॥ईश्वर उवाच॥ इमां स्तुतिं ममकृतिं यः पठिष्यति सन्मतिः ॥ न जातु तं तु विघ्नौघाः पीडयिष्यंति निश्चितम्

||īśvara uvāca|| imāṁ stutiṁ mamakṛtiṁ yaḥ paṭhiṣyati sanmatiḥ || na jātu taṁ tu vighnaughāḥ pīḍayiṣyaṁti niścitam

ईश्वर ने कहा - "जो सन्मति व्यक्ति मेरी रची इस स्तुति का पाठ करेगा, उसे विघ्न-समूह कभी निश्चय ही पीड़ित नहीं करेंगे।"

श्लोक 53 (skanda.4.57.53)

ढौंढीं स्तुतिमिमां पुण्यां यः पठेड्ढुंढि संनिधौ ॥ सान्निध्यं तस्य सततं भजेयुः सर्वसिद्धयः

ḍhauṁḍhīṁ stutimimāṁ puṇyāṁ yaḥ paṭheḍḍhuṁḍhi saṁnidhau || sānnidhyaṁ tasya satataṁ bhajeyuḥ sarvasiddhayaḥ

"जो ढुण्ढि की इस पुण्य स्तुति को ढुण्ढि के समीप ही पढ़ेगा, उसके पास समस्त सिद्धियाँ निरन्तर निवास करेंगी।"

श्लोक 54 (skanda.4.57.54)

इमां स्तुतिं नरो जप्त्वा परं नियतमानसः ॥ मानसैरपि पापैस्तैर्नाभिभूयेत कर्हिचित्

imāṁ stutiṁ naro japtvā paraṁ niyatamānasaḥ || mānasairapi pāpaistairnābhibhūyeta karhicit

"इस स्तुति का जप कर, नियतमानस मनुष्य मानसिक पापों से भी कभी अभिभूत नहीं होता।"

श्लोक 55 (skanda.4.57.55)

पुत्रान्कलत्रं क्षेत्राणि वराश्वान्वरमंदिरम् ॥ प्राप्नुयाच्च धनं धान्यं ढुंढिस्तोत्रं जपन्नरः

putrānkalatraṁ kṣetrāṇi varāśvānvaramaṁdiram || prāpnuyācca dhanaṁ dhānyaṁ ḍhuṁḍhistotraṁ japannaraḥ

"ढुण्ढि-स्तोत्र का जप करने वाला मनुष्य पुत्र, पत्नी, भूमि, उत्तम अश्व, उत्तम भवन, तथा धन-धान्य प्राप्त करता है।"

श्लोक 56 (skanda.4.57.56)

सर्वसंपत्करं नाम स्तोत्रमेतन्मयेरितम् ॥ प्रजप्तव्यं प्रयत्नेन मुक्तिकामेन सर्वदा

sarvasaṁpatkaraṁ nāma stotrametanmayeritam || prajaptavyaṁ prayatnena muktikāmena sarvadā

"मेरे द्वारा कहा गया यह 'सर्वसम्पत्कर' नामक स्तोत्र मुक्ति चाहने वाले द्वारा सदा प्रयत्नपूर्वक जपा जाना चाहिए।"

श्लोक 57 (skanda.4.57.57)

जप्त्वा स्तोत्रमिदं पुण्यं क्वापि कार्ये गमिष्यतः ॥ पुंसः पुरः समेष्यंति नियतं सर्वसिद्धयः

japtvā stotramidaṁ puṇyaṁ kvāpi kārye gamiṣyataḥ || puṁsaḥ puraḥ sameṣyaṁti niyataṁ sarvasiddhayaḥ

"किसी भी कार्य के लिए जाते हुए इस पुण्य स्तोत्र का जप कर, मनुष्य के आगे समस्त सिद्धियाँ निश्चय ही आ मिलती हैं।"

श्लोक 58 (skanda.4.57.58)

अन्यच्च कथयाम्यत्र शृण्वंत्वेते दिवौकसः ॥ ढुंढिना क्षेत्ररक्षार्थं यत्रयत्र स्थितिः कृता

anyacca kathayāmyatra śṛṇvaṁtvete divaukasaḥ || ḍhuṁḍhinā kṣetrarakṣārthaṁ yatrayatra sthitiḥ kṛtā

"और भी कुछ मैं यहाँ कहता हूँ, ये देववृन्द सुनें - ढुण्ढि ने क्षेत्र की रक्षा हेतु जहाँ-जहाँ अपनी स्थिति बनाई है।"

श्लोक 59 (skanda.4.57.59)

काश्यां गंगासि संभेदे नामतोर्कविनायकः ॥ दृष्टोर्कवासरे पुंभिः सर्वतापप्रशांतये

kāśyāṁ gaṁgāsi saṁbhede nāmatorkavināyakaḥ || dṛṣṭorkavāsare puṁbhiḥ sarvatāpapraśāṁtaye

"काशी में गंगा और असि के संगम पर अर्क-विनायक नाम से हैं; उन्हें रविवार को देखने से मनुष्यों के सभी संताप शान्त हो जाते हैं।"

श्लोक 60 (skanda.4.57.60)

दुर्गो नाम गणाध्यक्षः सर्वदुर्गतिनाशनः ॥ क्षेत्रस्य दक्षिणे भागे पूजनीयः प्रयत्नतः

durgo nāma gaṇādhyakṣaḥ sarvadurgatināśanaḥ || kṣetrasya dakṣiṇe bhāge pūjanīyaḥ prayatnataḥ

"दुर्ग नाम के गणाध्यक्ष, सब दुर्गतियों का नाश करने वाले, क्षेत्र के दक्षिण भाग में यत्नपूर्वक पूजनीय हैं।"

श्लोक 61 (skanda.4.57.61)

भीमचंडी समीपे तु भीमचंडविनायकः ॥ क्षेत्रनैर्ऋतदेशस्थो दृष्टो हंति महाभयम्

bhīmacaṁḍī samīpe tu bhīmacaṁḍavināyakaḥ || kṣetranairṛtadeśastho dṛṣṭo haṁti mahābhayam

"भीमचण्डी के समीप भीमचण्ड-विनायक, क्षेत्र की नैर्ऋत्य दिशा में स्थित, दृष्टिगत होकर महाभय का नाश करते हैं।"

श्लोक 62 (skanda.4.57.62)

क्षेत्रस्य पश्चिमे भागे स देहलिविनायकः ॥ सर्वान्निवारयेद्विघ्नान्भक्तानां नात्र संशयः

kṣetrasya paścime bhāge sa dehalivināyakaḥ || sarvānnivārayedvighnānbhaktānāṁ nātra saṁśayaḥ

"क्षेत्र के पश्चिम भाग में देहलि-विनायक हैं; वे भक्तों के सम्पूर्ण विघ्नों को निवारण करते हैं, इसमें संशय नहीं।"

श्लोक 63 (skanda.4.57.63)

क्षेत्रवायव्यदिग्भागे उद्दंडाख्यो गजाननः ॥ उद्दंडानपि विघ्नौघान्भक्तानां दंडयेत्सदा

kṣetravāyavyadigbhāge uddaṁḍākhyo gajānanaḥ || uddaṁḍānapi vighnaughānbhaktānāṁ daṁḍayetsadā

"क्षेत्र की वायव्य दिशा में उद्दण्ड नामक गजानन हैं; वे भक्तों के प्रचण्ड विघ्न-समूहों को भी सदा दण्डित करते हैं।"

श्लोक 64 (skanda.4.57.64)

काश्याः सदोत्तराशायां पाशपाणिर्विनायकः ॥ विनायकान्पाशयति भक्त्या काशीनिवासिनाम्

kāśyāḥ sadottarāśāyāṁ pāśapāṇirvināyakaḥ || vināyakānpāśayati bhaktyā kāśīnivāsinām

"काशी की सदा उत्तर दिशा में पाशपाणि-विनायक हैं; वे भक्तिपूर्वक काशी-निवासियों के विघ्नों को बाँध लेते हैं।"

श्लोक 65 (skanda.4.57.65)

गंगावरणयोः संगे रम्यः खर्वविनायकः ॥ अखर्वानपि विघ्नौघान्भक्तानां खर्वयेत्सताम्

gaṁgāvaraṇayoḥ saṁge ramyaḥ kharvavināyakaḥ || akharvānapi vighnaughānbhaktānāṁ kharvayetsatām

"गंगा और आवरण के संगम पर मनोहर खर्व-विनायक हैं; वे सच्चे भक्तों के लिए अखर्व (विशाल) विघ्न-समूहों को भी खर्व (लघु) कर देते हैं।"

श्लोक 66 (skanda.4.57.66)

प्राच्यां तु क्षेत्ररक्षार्थं सिद्धः सिद्धिविनायकः ॥ पश्चिमे यमतीर्थस्य साधकक्षिप्रसिद्धिदः

prācyāṁ tu kṣetrarakṣārthaṁ siddhaḥ siddhivināyakaḥ || paścime yamatīrthasya sādhakakṣiprasiddhidaḥ

"पूर्व में क्षेत्र-रक्षा हेतु सिद्ध सिद्धि-विनायक हैं; पश्चिम में यमतीर्थ के, साधकों को शीघ्र सिद्धि देने वाले हैं।"

श्लोक 67 (skanda.4.57.67)

बाह्यावरणगाश्चैते काश्यामष्टौ विनायकाः ॥ उच्चाटयत्यभक्तांश्च भक्तानां सर्वसिद्धिदाः

bāhyāvaraṇagāścaite kāśyāmaṣṭau vināyakāḥ || uccāṭayatyabhaktāṁśca bhaktānāṁ sarvasiddhidāḥ

काशी में बाह्य आवरण में स्थित ये आठों विनायक, अभक्तों को उजाड़ते और भक्तों को सर्वसिद्धि प्रदान करते हैं।

श्लोक 68 (skanda.4.57.68)

द्वितीयावरणे चैव ये रक्षंति विनायकाः ॥ अविमुक्तमिदं क्षेत्रं तानहं कथयाम्यतः

dvitīyāvaraṇe caiva ye rakṣaṁti vināyakāḥ || avimuktamidaṁ kṣetraṁ tānahaṁ kathayāmyataḥ

इस अविमुक्त क्षेत्र की द्वितीय आवरण में जो विनायक रक्षा करते हैं, उन्हें अब मैं बताता हूँ।

श्लोक 69 (skanda.4.57.69)

स्वर्धुन्याः पश्चिमे कूले उत्तरेर्कविनायकात् ॥ लंबोदरो गणाध्यक्षः क्षालयेद्विघ्नकर्दमम्

svardhunyāḥ paścime kūle uttarerkavināyakāt || laṁbodaro gaṇādhyakṣaḥ kṣālayedvighnakardamam

"स्वर्धुनी के पश्चिम तट पर, अर्क-विनायक के उत्तर में, गणाध्यक्ष लम्बोदर विघ्न-रूपी कीचड़ को धो देते हैं।"

श्लोक 70 (skanda.4.57.70)

तत्पश्चिमेकूटदंत उदग्दुर्गविनायकात् ॥ दुर्गोपसर्गसंहर्ता रक्षेत्क्षेत्रमिदं सदा

tatpaścimekūṭadaṁta udagdurgavināyakāt || durgopasargasaṁhartā rakṣetkṣetramidaṁ sadā

"उसके पश्चिम में कूटदन्त, दुर्ग-विनायक के उत्तर में; दुर्गम उपद्रवों के संहर्ता, वे सदा इस क्षेत्र की रक्षा करते हैं।"

श्लोक 71 (skanda.4.57.71)

भीमचंड गणाध्यक्षात्किंचिदीशानदिग्गतः ॥ क्षेत्ररक्षोगणाध्यक्षः पूज्यः शालकटंकटः

bhīmacaṁḍa gaṇādhyakṣātkiṁcidīśānadiggataḥ || kṣetrarakṣogaṇādhyakṣaḥ pūjyaḥ śālakaṭaṁkaṭaḥ

"भीमचण्ड गणाध्यक्ष से कुछ ईशान दिशा में, क्षेत्र-रक्षक गणों के अध्यक्ष, पूज्य शालकटंकट हैं।"

श्लोक 72 (skanda.4.57.72)

प्राच्या देहलिविघ्नेशात्कूश्मांडाख्यो विनायकः ॥ पूजनीयः सदा भक्तेर्महोत्पात प्रशांतये

prācyā dehalivighneśātkūśmāṁḍākhyo vināyakaḥ || pūjanīyaḥ sadā bhaktermahotpāta praśāṁtaye

"देहलि-विघ्नेश के पूर्व में कूश्माण्ड नामक विनायक हैं; महान् उत्पातों की शान्ति हेतु सदा भक्तिपूर्वक पूजनीय।"

श्लोक 73 (skanda.4.57.73)

उद्दंडाख्याद्गणपतेराशुशुक्षणिदिक्स्थितः ॥ महाप्रसिद्धः संपूज्यो भक्तैर्मुंडविनायकः

uddaṁḍākhyādgaṇapaterāśuśukṣaṇidiksthitaḥ || mahāprasiddhaḥ saṁpūjyo bhaktairmuṁḍavināyakaḥ

"उद्दण्ड नामक गणपति के आग्नेय (दक्षिण-पूर्व) में महाप्रसिद्ध मुण्ड-विनायक, भक्तों द्वारा सम्यक् पूजित हैं।"

श्लोक 74 (skanda.4.57.74)

पाताले तस्य देहोस्ति मुंडं काश्यां व्यवस्थितम ॥ अतः स गीयते काश्यां देवो मुंडविनायकः

pātāle tasya dehosti muṁḍaṁ kāśyāṁ vyavasthitama || ataḥ sa gīyate kāśyāṁ devo muṁḍavināyakaḥ

"उनका शरीर पाताल में है, केवल मुण्ड (सिर) काशी में स्थित है; इसीलिए काशी में वे मुण्ड-विनायक देव के नाम से गाए जाते हैं।"

श्लोक 75 (skanda.4.57.75)

पाशपाणेर्गणेशानाद्दक्षिणे विकटद्विजम् ॥ पूजयित्वा गणपतिं गाणपत्यपदं लभेत्

pāśapāṇergaṇeśānāddakṣiṇe vikaṭadvijam || pūjayitvā gaṇapatiṁ gāṇapatyapadaṁ labhet

"पाशपाणि गणेश के दक्षिण में विकट नामक द्विज हैं; इस गणपति की पूजा कर मनुष्य गाणपत्य पद प्राप्त करता है।"

श्लोक 76 (skanda.4.57.76)

खर्वाख्यान्नैर्ऋतेभागे राजपुत्रो विनायकः ॥ भ्रष्टराज्यं च राजानं राजानं कुरुतेऽर्चितः

kharvākhyānnairṛtebhāge rājaputro vināyakaḥ || bhraṣṭarājyaṁ ca rājānaṁ rājānaṁ kurute'rcitaḥ

"खर्व नामक से नैर्ऋत्य भाग में राजपुत्र-विनायक हैं; पूजित होने पर वे भ्रष्ट राज्य वाले राजा को पुनः राजा बना देते हैं।"

श्लोक 77 (skanda.4.57.77)

गंगायाः पश्चिमे कूले प्रणवाख्यो गणाधिपः ॥ अवाच्यां राजपुत्राच्च प्रणतः प्रणयेद्दिवम्

gaṁgāyāḥ paścime kūle praṇavākhyo gaṇādhipaḥ || avācyāṁ rājaputrācca praṇataḥ praṇayeddivam

"गंगा के पश्चिम तट पर प्रणव नामक गणाधिप हैं; राजपुत्र के दक्षिण-पश्चिम में स्थित, वे प्रणत को स्वर्ग की ओर ले जाते हैं।"

श्लोक 78 (skanda.4.57.78)

द्वितीयावरणे काश्यामष्टावेते विनायकाः ॥ उत्सादयेयुर्विघ्नौघान्काशी स्थितिनिवासिनाम्

dvitīyāvaraṇe kāśyāmaṣṭāvete vināyakāḥ || utsādayeyurvighnaughānkāśī sthitinivāsinām

काशी की द्वितीय आवरण के ये आठों विनायक, काशी में स्थित निवासियों के विघ्न-समूहों का नाश करते हैं।

श्लोक 79 (skanda.4.57.79)

क्षेत्रे तृतीयावरणे क्षेत्ररक्षाकृतः सदा ॥ ये विघ्नराजाः संतीह ते वक्तव्या मयाधुना

kṣetre tṛtīyāvaraṇe kṣetrarakṣākṛtaḥ sadā || ye vighnarājāḥ saṁtīha te vaktavyā mayādhunā

क्षेत्र की तृतीय आवरण में जो विघ्नराज सदा क्षेत्र-रक्षा करते हैं, उन्हें अब मैं कहता हूँ।

श्लोक 80 (skanda.4.57.80)

उदग्वहायाः स्वर्धुन्या रम्ये रोधसि विघ्नराट् ॥ लंबोदरादुदीच्यां तु वक्रतुंडोघसंघहृत्

udagvahāyāḥ svardhunyā ramye rodhasi vighnarāṭ || laṁbodarādudīcyāṁ tu vakratuṁḍoghasaṁghahṛt

"उत्तरवाहिनी स्वर्धुनी के मनोहर तट पर विघ्नराट् हैं; लम्बोदर के उत्तर में वक्रतुण्ड, उपद्रवों के समूह को हरने वाले।"

श्लोक 81 (skanda.4.57.81)

कूटदंताद्गणपतेरुदीच्यामेकदंतकः ॥ सदोपसर्गसंसर्गात्पायादानंदकाननम्

kūṭadaṁtādgaṇapaterudīcyāmekadaṁtakaḥ || sadopasargasaṁsargātpāyādānaṁdakānanam

"कूटदन्त गणपति के उत्तर में एकदन्त हैं; वे आनन्दकानन की सदा उपद्रवों के संसर्ग से रक्षा करें।"

श्लोक 82 (skanda.4.57.82)

काशीभयहरो नित्यमैश्यां शालकटंकटात् ॥ त्रिमुखो नाम विघ्नेशः कपिसिंहद्विपाननः

kāśībhayaharo nityamaiśyāṁ śālakaṭaṁkaṭāt || trimukho nāma vighneśaḥ kapisiṁhadvipānanaḥ

"काशी के भय को सदा हरने वाले, शालकटंकट के ईशान में त्रिमुख नामक विघ्नेश हैं, जिनके वानर, सिंह और गज के मुख हैं।"

श्लोक 83 (skanda.4.57.83)

कूश्मांडात्पूर्वदिग्भागे पंचास्यो नाम विघ्नराद् ॥ पंचास्यस्यंदनवरः पाति वाराणसीं पुरीम्

kūśmāṁḍātpūrvadigbhāge paṁcāsyo nāma vighnarād || paṁcāsyasyaṁdanavaraḥ pāti vārāṇasīṁ purīm

"कूश्माण्ड के पूर्व भाग में पंचास्य नामक विघ्नराज हैं; अपने उत्तम रथ पर, वे वाराणसी नगरी की रक्षा करते हैं।"

श्लोक 84 (skanda.4.57.84)

हेरंबाख्यः सदाग्नेय्यां पूज्यो मुंडविनायकात् ॥ अंबावत्पूरयेत्कामान्सर्वेषां काशिवासिनाम्

heraṁbākhyaḥ sadāgneyyāṁ pūjyo muṁḍavināyakāt || aṁbāvatpūrayetkāmānsarveṣāṁ kāśivāsinām

"मुण्ड-विनायक के सदा आग्नेय में पूज्य हेरम्ब हैं; माता के समान वे काशीवासियों की समस्त कामनाएँ पूर्ण करते हैं।"

श्लोक 85 (skanda.4.57.85)

अवाच्यामर्चयेद्धीमान्सिद्ध्यै विकटदंततः ॥ विघ्नराजं गणपतिं सर्वविघ्नविनाशनम्

avācyāmarcayeddhīmānsiddhyai vikaṭadaṁtataḥ || vighnarājaṁ gaṇapatiṁ sarvavighnavināśanam

"विकट के नैर्ऋत्य में बुद्धिमान को सिद्धि हेतु विघ्नराज गणपति की पूजा करनी चाहिए, जो सम्पूर्ण विघ्नों का नाश करने वाले हैं।"

श्लोक 86 (skanda.4.57.86)

विनायकाद्राजपुत्रात्किंचिद्रक्षोदिशिस्थितः ॥ वरदाख्यो गणाध्यक्षः पूज्यो भक्तवरप्रदः

vināyakādrājaputrātkiṁcidrakṣodiśisthitaḥ || varadākhyo gaṇādhyakṣaḥ pūjyo bhaktavarapradaḥ

"राजपुत्र-विनायक से कुछ दक्षिण दिशा में वरद नामक गणाध्यक्ष हैं; वे पूज्य, भक्तों को वर देने वाले हैं।"

श्लोक 87 (skanda.4.57.87)

याम्यां प्रणवविघ्नेशाद्गणेशो मोदकप्रियः ॥ पूज्यः पिशंगिला तीर्थे देवनद्यास्तटे शुभे

yāmyāṁ praṇavavighneśādgaṇeśo modakapriyaḥ || pūjyaḥ piśaṁgilā tīrthe devanadyāstaṭe śubhe

"प्रणव-विघ्नेश के दक्षिण में मोदक-प्रिय गणेश हैं; वे देवनदी के शुभ तट पर पिशंगिला तीर्थ में पूज्य हैं।"

श्लोक 88 (skanda.4.57.88)

चतुर्थावरणे काश्यां भक्तविघ्नविनाशकाः ॥ द्रष्टव्या हृष्टचेतोभिः स्पष्टमष्टौ विनायकाः

caturthāvaraṇe kāśyāṁ bhaktavighnavināśakāḥ || draṣṭavyā hṛṣṭacetobhiḥ spaṣṭamaṣṭau vināyakāḥ

काशी में चतुर्थ आवरण के ये स्पष्ट आठों विनायक, भक्तों के विघ्नों के नाशक हैं, इन्हें प्रसन्न मन से दर्शन करना चाहिए।

श्लोक 89 (skanda.4.57.89)

वक्रतुंडादुदग्दिक्स्थः स्वःसिंधो रोधसिस्थितः ॥ विनायकोस्त्यभयदः सर्वेषां भयनाशनः

vakratuṁḍādudagdiksthaḥ svaḥsiṁdho rodhasisthitaḥ || vināyakostyabhayadaḥ sarveṣāṁ bhayanāśanaḥ

"वक्रतुण्ड के उत्तर में, स्वर्गनदी के तट पर स्थित, एक विनायक हैं, जो अभयदाता और सबके भय के नाशक हैं।"

श्लोक 90 (skanda.4.57.90)

कौबेर्यामेकदशनात्सिंहतुंडो विनायकः ॥ उपसर्गगजान्हंति वाराणसि निवासिनाम्

kauberyāmekadaśanātsiṁhatuṁḍo vināyakaḥ || upasargagajānhaṁti vārāṇasi nivāsinām

"एकदन्त के कौबेर (उत्तर) दिशा में सिंहतुण्ड-विनायक हैं; वे वाराणसी-निवासियों के हाथी के समान बड़े उपद्रवों को मार डालते हैं।"

श्लोक 91 (skanda.4.57.91)

कूणिताक्षो गणाध्यक्षस्त्रितुंडादीश दिक्स्थितः ॥ महाश्मशानं सततं पायाद्दुष्टकुदृष्टितः

kūṇitākṣo gaṇādhyakṣastrituṁḍādīśa diksthitaḥ || mahāśmaśānaṁ satataṁ pāyādduṣṭakudṛṣṭitaḥ

"त्रिमुख से ईशान में स्थित गणाध्यक्ष कूणिताक्ष, महाश्मशान की सदा दुष्ट कुदृष्टि से रक्षा करें।"

श्लोक 92 (skanda.4.57.92)

प्राच्यां पंचास्यतः पायात्पुरीं क्षिप्रप्रसादनः ॥ क्षिप्रप्रसादनार्चातः क्षिप्रं सिध्यंति सिद्धयः

prācyāṁ paṁcāsyataḥ pāyātpurīṁ kṣipraprasādanaḥ || kṣipraprasādanārcātaḥ kṣipraṁ sidhyaṁti siddhayaḥ

"पंचास्य के पूर्व में क्षिप्रप्रसादन नगरी की रक्षा करें; क्षिप्रप्रसादन की अर्चना से सिद्धियाँ शीघ्र सिद्ध होती हैं।"

श्लोक 93 (skanda.4.57.93)

हेरंबाद्वह्निदिग्भागे चिंतामणि विनायकः ॥ भक्तचिंतामणिः साक्षाच्चिंतितार्थ समर्पकः

heraṁbādvahnidigbhāge ciṁtāmaṇi vināyakaḥ || bhaktaciṁtāmaṇiḥ sākṣācciṁtitārtha samarpakaḥ

"हेरम्ब के अग्नि दिशा (आग्नेय) भाग में चिन्तामणि-विनायक हैं; वे भक्तों के साक्षात् चिन्तामणि, चिन्तित अर्थ को प्रदान करने वाले हैं।"

श्लोक 94 (skanda.4.57.94)

विघ्नराजादवाच्यां तु दंतहस्तो गणेश्वरः ॥ लिखेद्विघ्नसहस्राणि नृणां वाराणसीद्रुहाम्

vighnarājādavācyāṁ tu daṁtahasto gaṇeśvaraḥ || likhedvighnasahasrāṇi nṛṇāṁ vārāṇasīdruhām

"विघ्नराज के नैर्ऋत्य में दन्तहस्त गणेश्वर हैं; वे वाराणसी से द्रोह करने वाले मनुष्यों के लिए सहस्रों विघ्न लिख देते हैं।"

श्लोक 95 (skanda.4.57.95)

वरदाद्यातुधान्यां च यातुधानगणावृतः ॥ देवः पिचिंडिलो नाम पुरीं रक्षेदहर्निशम्

varadādyātudhānyāṁ ca yātudhānagaṇāvṛtaḥ || devaḥ piciṁḍilo nāma purīṁ rakṣedaharniśam

"वरद से दक्षिण (यातुधानी) दिशा में, राक्षस-गणों से घिरे, पिचिण्डिल नामक देव, नगरी की रात-दिन रक्षा करते हैं।"

श्लोक 96 (skanda.4.57.96)

दृष्टः पिलिपिलातीर्थे दक्षिणे मोदकप्रियात् ॥ उद्दंड मुंडो हेरंबो भक्तेभ्यः किं न यच्छति

dṛṣṭaḥ pilipilātīrthe dakṣiṇe modakapriyāt || uddaṁḍa muṁḍo heraṁbo bhaktebhyaḥ kiṁ na yacchati

"मोदकप्रिय के दक्षिण में पिलिपिला तीर्थ में दिखाई देने वाले उद्दण्ड-मुण्ड-हेरम्ब भक्तों को क्या नहीं देते?"

श्लोक 97 (skanda.4.57.97)

प्राकारे पंचमे काश्यां द्विचतुष्क विनायकाः ॥ कुर्वंति रक्षां क्षेत्रस्य ये तानत्र ब्रवीम्यहम्

prākāre paṁcame kāśyāṁ dvicatuṣka vināyakāḥ || kurvaṁti rakṣāṁ kṣetrasya ye tānatra bravīmyaham

काशी में पंचम प्राकार में द्विचतुष्क (आठ) विनायक क्षेत्र की रक्षा करते हैं, अब मैं उन्हें बताता हूँ।

श्लोक 98 (skanda.4.57.98)

तीरे स्वर्गतरंगिण्या उत्तरे चाभयप्रदात् ॥ स्थूलदंतो गणेशानः स्थूलाः सिद्धीर्दिशेत्सताम्

tīre svargataraṁgiṇyā uttare cābhayapradāt || sthūladaṁto gaṇeśānaḥ sthūlāḥ siddhīrdiśetsatām

"स्वर्गतरंगिणी के तट पर, अभयप्रद के उत्तर में, गणेशान स्थूलदन्त हैं; वे साधुजनों को स्थूल सिद्धियाँ देते हैं।"

श्लोक 99 (skanda.4.57.99)

सिंहतुडादुदग्भागे कलिप्रिय विनायकः ॥ कलहं कारयेन्नित्यमन्योन्यं तैर्थिकद्रुहाम्

siṁhatuḍādudagbhāge kalipriya vināyakaḥ || kalahaṁ kārayennityamanyonyaṁ tairthikadruhām

"सिंहतुण्ड के उत्तर भाग में कलिप्रिय-विनायक हैं; वे तीर्थयात्रियों से द्रोह करने वालों में सदा परस्पर कलह करवाते हैं।"

श्लोक 100 (skanda.4.57.100)

कूणिताक्षात्तथैशान्यां चतुर्दंतो विनायकः ॥ तस्य दर्शनमात्रेण विघ्नसंघः क्षयेत्स्वयम्

kūṇitākṣāttathaiśānyāṁ caturdaṁto vināyakaḥ || tasya darśanamātreṇa vighnasaṁghaḥ kṣayetsvayam

"कूणिताक्ष से ईशान में चतुर्दन्त-विनायक हैं; उनके दर्शनमात्र से विघ्न-समूह स्वयं क्षीण हो जाता है।"

श्लोक 101 (skanda.4.57.101)

क्षिप्रप्रसादनादैंद्र्यां द्वितुंडो गणनायकः ॥ अग्रतः पृष्ठतश्चापि बिभर्ति सदृशीं श्रियम्

kṣipraprasādanādaiṁdryāṁ dvituṁḍo gaṇanāyakaḥ || agrataḥ pṛṣṭhataścāpi bibharti sadṛśīṁ śriyam

"क्षिप्रप्रसादन के पूर्व (ऐन्द्र) में गणनायक द्वितुण्ड हैं; वे आगे और पीछे दोनों ओर समान शोभा धारण करते हैं।"

श्लोक 102 (skanda.4.57.102)

तस्य संदर्शनात्पुसां भवेच्छ्रीः सर्वतोमुखी ॥ ज्येष्ठो नाम गणाध्यक्षो ज्येष्ठो मे पुत्रसंपदि

tasya saṁdarśanātpusāṁ bhavecchrīḥ sarvatomukhī || jyeṣṭho nāma gaṇādhyakṣo jyeṣṭho me putrasaṁpadi

"उनके दर्शन से मनुष्यों की सर्वतोमुखी सम्पत्ति हो जाती है। ज्येष्ठ नामक गणाध्यक्ष मेरे पुत्रों में पुत्रसम्पदा देने में ज्येष्ठ हैं।"

श्लोक 103 (skanda.4.57.103)

ज्येष्ठशुक्लचतुर्दश्यां संपूज्यो ज्येष्ठताप्तये ॥ स्थितो वह्निदिशो भागे चिंतामणि विनायकात्

jyeṣṭhaśuklacaturdaśyāṁ saṁpūjyo jyeṣṭhatāptaye || sthito vahnidiśo bhāge ciṁtāmaṇi vināyakāt

"वे ज्येष्ठ मास की शुक्ल चतुर्दशी को ज्येष्ठता की प्राप्ति हेतु पूजनीय हैं; चिन्तामणि-विनायक से आग्नेय भाग में स्थित हैं।"

श्लोक 104 (skanda.4.57.104)

दंतहस्ताद्यमाशायां पूज्यो गजविनायकः ॥ तस्य संपूजनाद्भक्त्या गजांता श्रीरवाप्यते

daṁtahastādyamāśāyāṁ pūjyo gajavināyakaḥ || tasya saṁpūjanādbhaktyā gajāṁtā śrīravāpyate

"दन्तहस्त से यम (दक्षिण) दिशा में पूज्य गज-विनायक हैं; उनकी भक्तिपूर्वक पूजा से गज-पर्यन्त (राजसी) सम्पत्ति प्राप्त होती है।"

श्लोक 105 (skanda.4.57.105)

पिचिण्डिलाद्गणपतेर्याम्यां कालविनायकः ॥ भयं न कालकलितं तस्य संसेवनान्नृणाम्

piciṇḍilādgaṇapateryāmyāṁ kālavināyakaḥ || bhayaṁ na kālakalitaṁ tasya saṁsevanānnṛṇām

"गणपति पिचिण्डिल के दक्षिण में काल-विनायक हैं; उनकी सेवा से मनुष्यों को काल से उत्पन्न भय नहीं होता।"

श्लोक 106 (skanda.4.57.106)

उद्दंडमुंडाद्गणपात्की नाशदिशि संस्थितम् ॥ नागेशं गणपं दृष्ट्वा नागलोके महीयते

uddaṁḍamuṁḍādgaṇapātkī nāśadiśi saṁsthitam || nāgeśaṁ gaṇapaṁ dṛṣṭvā nāgaloke mahīyate

"उद्दण्ड-मुण्ड गणपति के नैर्ऋत्य में स्थित नागेश गणप के दर्शन से नागलोक में सम्मान प्राप्त होता है।"

श्लोक 107 (skanda.4.57.107)

अथ षष्ठावरणगाः प्रोच्यंते विघ्ननायकाः ॥ तेषां नामश्रवादेव पुंसां सिद्धिः प्रजायते

atha ṣaṣṭhāvaraṇagāḥ procyaṁte vighnanāyakāḥ || teṣāṁ nāmaśravādeva puṁsāṁ siddhiḥ prajāyate

अब छठी आवरण में स्थित विघ्ननायकों को कहा जाता है; उनके नाम के श्रवणमात्र से ही मनुष्यों को सिद्धि प्राप्त होती है।

श्लोक 108 (skanda.4.57.108)

मणिकर्णो गणपतिः प्राच्यां विघ्नविघातकृत् ॥ आशाविनायको वह्न्यां भक्ताशां पूरयन्स्थितः

maṇikarṇo gaṇapatiḥ prācyāṁ vighnavighātakṛt || āśāvināyako vahnyāṁ bhaktāśāṁ pūrayansthitaḥ

"पूर्व में गणपति मणिकर्ण, विघ्नों के विघातक हैं; आग्नेय में आशा-विनायक, भक्तों की आशा पूर्ण करते हुए स्थित हैं।"

श्लोक 109 (skanda.4.57.109)

याम्यांसृष्टिगणेशश्च सृष्टिसंहारसूचकः ॥ नैर्ऋत्यां यक्षविघ्नेशः सर्वविघ्नहरः परः

yāmyāṁsṛṣṭigaṇeśaśca sṛṣṭisaṁhārasūcakaḥ || nairṛtyāṁ yakṣavighneśaḥ sarvavighnaharaḥ paraḥ

"दक्षिण में सृष्टि-गणेश, सृष्टि और संहार दोनों के सूचक; नैर्ऋत्य में यक्ष-विघ्नेश, सम्पूर्ण विघ्नों को हरने वाले परम देव हैं।"

श्लोक 110 (skanda.4.57.110)

प्रतीच्यां गजकर्णश्च सर्वेषां क्षेमकारकः ॥ चित्रघंटो गणपतिर्वायव्यां पालयेत्पुरीम्

pratīcyāṁ gajakarṇaśca sarveṣāṁ kṣemakārakaḥ || citraghaṁṭo gaṇapatirvāyavyāṁ pālayetpurīm

"पश्चिम में गजकर्ण, सबका कल्याण करने वाले; वायव्य में गणपति चित्रघण्ट नगरी की रक्षा करें।"

श्लोक 111 (skanda.4.57.111)

स्थूलजंघउदीच्यां च शमयेच्छमिनामघम् ॥ ऐश्यामैशीपुरीं पायात्समंगलविनायकः

sthūlajaṁghaudīcyāṁ ca śamayecchamināmagham || aiśyāmaiśīpurīṁ pāyātsamaṁgalavināyakaḥ

"उत्तर में स्थूलजंघ शान्तिपूर्वक रहने वालों के पापों को शान्त करें; ईशान में समंगल-विनायक ईश्वर की नगरी की रक्षा करें।"

श्लोक 112 (skanda.4.57.112)

यमतीर्थादुदीच्यां च पूज्यो मित्रविनायकः ॥ सप्तमावरणे ये च तांश्च वक्ष्ये विनायकान्

yamatīrthādudīcyāṁ ca pūjyo mitravināyakaḥ || saptamāvaraṇe ye ca tāṁśca vakṣye vināyakān

"यमतीर्थ के उत्तर में पूज्य मित्र-विनायक हैं; अब सातवीं आवरण में स्थित विनायकों को कहूँगा।"

श्लोक 113 (skanda.4.57.113)

मोदाद्याः पंचविघ्नेशाः षष्ठो ज्ञानविनायकः ॥ सप्तमो द्वारविघ्नेशो महाद्वारपुरश्चरः

modādyāḥ paṁcavighneśāḥ ṣaṣṭho jñānavināyakaḥ || saptamo dvāravighneśo mahādvārapuraścaraḥ

"मोद आदि पाँच विघ्नेश, छठे ज्ञान-विनायक; सातवें द्वार-विघ्नेश, महाद्वार पर आगे चलने वाले हैं।"

श्लोक 114 (skanda.4.57.114)

अष्टमः सर्वकष्टौघानविमुक्तविनायकः ॥ अविमुक्ते मम क्षेत्रे हरेत्प्रणतचेतसाम्

aṣṭamaḥ sarvakaṣṭaughānavimuktavināyakaḥ || avimukte mama kṣetre haretpraṇatacetasām

"आठवें अविमुक्त-विनायक हैं; मेरे अविमुक्त क्षेत्र में वे नमन करने वालों के समस्त कष्ट-समूहों को हर लेते हैं।"

श्लोक 115 (skanda.4.57.115)

षट्पंचाशद्गजमुखानेतान्यः संस्मरिष्यति ॥ दूरदेशांतरस्थोपि स मृतो ज्ञानमाप्नुयात्

ṣaṭpaṁcāśadgajamukhānetānyaḥ saṁsmariṣyati || dūradeśāṁtarasthopi sa mṛto jñānamāpnuyāt

"जो इन छप्पन गजमुखों का स्मरण करेगा, वह दूर देश में स्थित होकर भी मरणोपरान्त ज्ञान प्राप्त करेगा।"

श्लोक 116 (skanda.4.57.116)

ढुंढिस्तुतिं महापुण्यां षट्पंचाशद्गजाननाम् ॥ यः पठिष्यति पुण्यात्मा तस्य सिद्धिः पदेपदे

ḍhuṁḍhistutiṁ mahāpuṇyāṁ ṣaṭpaṁcāśadgajānanām || yaḥ paṭhiṣyati puṇyātmā tasya siddhiḥ padepade

"जो पुण्यात्मा छप्पन गजाननों की इस महापुण्य ढुण्ढि-स्तुति का पाठ करेगा, उसे पग-पग पर सिद्धि प्राप्त होगी।"

श्लोक 117 (skanda.4.57.117)

इमे गणेश्वराः सर्वे स्मर्तव्या यत्र कुत्रचित् ॥ महाविपत्समुद्रांतः पतंतं पांति मानवम्

ime gaṇeśvarāḥ sarve smartavyā yatra kutracit || mahāvipatsamudrāṁtaḥ pataṁtaṁ pāṁti mānavam

"ये सभी गणेश्वर कहीं भी स्मरण किए जाने योग्य हैं; वे महाविपत्ति के समुद्र में गिरते हुए मनुष्य की रक्षा करते हैं।"

श्लोक 118 (skanda.4.57.118)

इति स्तुतिं महापुण्यां श्रुत्वा चैतान्विनायकान् ॥ जातुविघ्नैर्नबाध्येत पापेभ्योपि प्रहीयते

iti stutiṁ mahāpuṇyāṁ śrutvā caitānvināyakān || jātuvighnairnabādhyeta pāpebhyopi prahīyate

"इस प्रकार यह महापुण्य स्तुति और इन विनायकों के [नाम] सुनकर, मनुष्य कभी विघ्नों से बाधित नहीं होता, और पापों से भी मुक्त हो जाता है।"

श्लोक 119 (skanda.4.57.119)

इत्युक्त्वा देवदेवोपि महोत्सवितमानसः ॥ कृताभिषेको ब्रह्माद्यैस्तेभ्यो दत्त्वाभिवांछितम्

ityuktvā devadevopi mahotsavitamānasaḥ || kṛtābhiṣeko brahmādyaistebhyo dattvābhivāṁchitam

ऐसा कहकर, अत्यन्त उत्सवित मन वाले देवदेव भी ब्रह्मा आदि द्वारा अभिषिक्त हुए, और उन्हें अभीष्ट वर देकर...

श्लोक 120 (skanda.4.57.120)

संप्रसाद्य यथायोगं सर्वानुचित चंचुरः ॥ अविशद्राजसदनं विश्वकर्मविनिर्मितम्

saṁprasādya yathāyogaṁ sarvānucita caṁcuraḥ || aviśadrājasadanaṁ viśvakarmavinirmitam

...यथायोग्य सबको सन्तुष्ट कर, वे शीघ्रगामी देव विश्वकर्मा द्वारा निर्मित राजभवन में प्रविष्ट हुए।

श्लोक 121 (skanda.4.57.121)

॥स्कंद उवाच॥ एवं स्तुतो भगवता देवदेवेन विघ्नजित् ॥ इत्थं च बहुधात्मानं स चकार विनायकः

||skaṁda uvāca|| evaṁ stuto bhagavatā devadevena vighnajit || itthaṁ ca bahudhātmānaṁ sa cakāra vināyakaḥ

स्कन्द ने कहा - "इस प्रकार भगवान् देवदेव द्वारा स्तुत विघ्नजित् ने, इस तरह स्वयं को अनेक रूपों में विभक्त किया।"

श्लोक 122 (skanda.4.57.122)

एतानि तस्य नामानि ढुंढिराजस्य कुंभज ॥ जपित्वा यानि मनुजो लप्स्यते निजवांछितम्

etāni tasya nāmāni ḍhuṁḍhirājasya kuṁbhaja || japitvā yāni manujo lapsyate nijavāṁchitam

"हे कुम्भज (अगस्त्य), ये उस ढुण्ढिराज के नाम हैं; इनका जप कर मनुष्य अपनी अभीष्ट वस्तु प्राप्त करता है।"

श्लोक 123 (skanda.4.57.123)

अन्येपि तत्र वै भेदास्तस्य ढुंढेर्गणेशितुः ॥ भक्तैः समर्चिता भक्त्या ह्यसंख्याताः सहस्रशः

anyepi tatra vai bhedāstasya ḍhuṁḍhergaṇeśituḥ || bhaktaiḥ samarcitā bhaktyā hyasaṁkhyātāḥ sahasraśaḥ

"उस ढुण्ढि गणेश के अन्य भेद भी वहाँ हैं, भक्तों द्वारा भक्तिपूर्वक पूजित - सहस्रों की संख्या में, अगणित।"

श्लोक 124 (skanda.4.57.124)

भगीरथगणाध्यक्षो हरिश्चंद्रविनायकः ॥ कपर्दाख्यो गणपतिस्तथा बिंदुविनायकः

bhagīrathagaṇādhyakṣo hariścaṁdravināyakaḥ || kapardākhyo gaṇapatistathā biṁduvināyakaḥ

"भगीरथ-गणाध्यक्ष, हरिश्चन्द्र-विनायक, कपर्द नामक गणपति, तथा बिन्दु-विनायक..."

श्लोक 125 (skanda.4.57.125)

इत्याद्यास्तत्र विघ्नेशाः प्रतिभक्तप्रतिष्ठिताः ॥ तेषामप्यर्चनात्पुंसां जायंते सर्वसंपदः

ityādyāstatra vighneśāḥ pratibhaktapratiṣṭhitāḥ || teṣāmapyarcanātpuṁsāṁ jāyaṁte sarvasaṁpadaḥ

"...इत्यादि विघ्नेश वहाँ प्रत्येक भक्त के लिए प्रतिष्ठित हैं; उनकी भी अर्चना से मनुष्यों की समस्त सम्पदाएँ उत्पन्न होती हैं।"

श्लोक 126 (skanda.4.57.126)

श्रुत्वाध्यायमिमं पुण्यं नरः श्रद्धासमन्वितः ॥ सर्वविघ्नान्समुत्सृज्य लभते वांछितं पदम्

śrutvādhyāyamimaṁ puṇyaṁ naraḥ śraddhāsamanvitaḥ || sarvavighnānsamutsṛjya labhate vāṁchitaṁ padam

श्रद्धायुक्त मनुष्य इस पुण्य अध्याय को सुनकर, सम्पूर्ण विघ्नों को त्यागकर, अपने वांछित पद को प्राप्त कर लेता है।