बिन्दुमाधव: अग्निबिन्दु की स्तुति और कार्तिक व्रत

श्लोक 1 (skanda.4.60.1)

स्कंद उवाच ॥ उक्ता पंचनदोत्पत्तिर्मित्रावरुणनंदन ॥ इदानीं कथयिष्यामि माधवाविष्कृतिं पराम्

skaṁda uvāca || uktā paṁcanadotpattirmitrāvaruṇanaṁdana || idānīṁ kathayiṣyāmi mādhavāviṣkṛtiṁ parām

स्कन्द ने कहा - "हे मित्रावरुणनन्दन, पंचनद की उत्पत्ति कही जा चुकी; अब मैं माधव के परम प्राकट्य को कहूँगा।"

श्लोक 2 (skanda.4.60.2)

यां श्रुत्वा श्रद्धया धीमान्पापेभ्यो मुच्यते क्षणात् ॥ न च श्रिया वियुज्येत संयुज्येत वृषेण च

yāṁ śrutvā śraddhayā dhīmānpāpebhyo mucyate kṣaṇāt || na ca śriyā viyujyeta saṁyujyeta vṛṣeṇa ca

"जिसे श्रद्धापूर्वक सुनकर बुद्धिमान् क्षणभर में पापों से मुक्त हो जाता है, न वह लक्ष्मी से वियुक्त होता है, न धर्म से।"

श्लोक 3 (skanda.4.60.3)

आगत्य मंदरादद्रेरुपेंद्रश्चंद्रशेखरम् ॥ आपृच्छ्य तार्क्ष्यरथगः क्षणाद्वाराणसीं पुरीम्

āgatya maṁdarādadrerupeṁdraścaṁdraśekharam || āpṛcchya tārkṣyarathagaḥ kṣaṇādvārāṇasīṁ purīm

मन्दराचल से आकर, चन्द्रशेखर (शिव) से अनुमति लेकर, गरुड़-रथ पर सवार उपेन्द्र (विष्णु) क्षणभर में वाराणसी नगरी पहुँचे।

श्लोक 4 (skanda.4.60.4)

दिवो दासं महीपालं समुच्चाट्य स्वमायया ॥ स्थित्वा पादोदके तीर्थे केशवाख्य स्वरूपतः

divo dāsaṁ mahīpālaṁ samuccāṭya svamāyayā || sthitvā pādodake tīrthe keśavākhya svarūpataḥ

राजा दिवोदास को अपनी माया से उजाड़कर, केशव नाम से अपने ही स्वरूप में पादोदक तीर्थ में स्थित होकर...

श्लोक 5 (skanda.4.60.5)

महिमानं परं काश्यां विचार्य सुविचार्य च ॥ दृष्ट्वा पंचनदं तीर्थं परां मुदमवाप ह

mahimānaṁ paraṁ kāśyāṁ vicārya suvicārya ca || dṛṣṭvā paṁcanadaṁ tīrthaṁ parāṁ mudamavāpa ha

...काशी की परम महिमा का भली भाँति विचार कर, पंचनद तीर्थ को देखकर उन्हें परम हर्ष हुआ।

श्लोक 6 (skanda.4.60.6)

उवाच च प्रसन्नात्मा पुंडरीकविलोचनः ॥ अगण्या अपि वैकुंठ गुणा विगणिता मया

uvāca ca prasannātmā puṁḍarīkavilocanaḥ || agaṇyā api vaikuṁṭha guṇā vigaṇitā mayā

प्रसन्नचित्त पुण्डरीकाक्ष ने कहा - "वैकुण्ठ के अगणनीय गुण भी मैंने यहाँ गिन लिए हैं।"

श्लोक 7 (skanda.4.60.7)

क्व क्षीरनीरधौ संति तावंतो निर्मला गुणाः ॥ यावंतो विजयं तेत्र काश्यां पंचनदे ह्रदे

kva kṣīranīradhau saṁti tāvaṁto nirmalā guṇāḥ || yāvaṁto vijayaṁ tetra kāśyāṁ paṁcanade hrade

"क्षीरसागर में कहाँ इतने निर्मल गुण हैं, जितनी विजय यहाँ काशी के पंचनद ह्रद में है?"

श्लोक 8 (skanda.4.60.8)

श्वेतद्वीपेपि सामग्री क्व गुणानां गरीयसी ॥ ईदृशी यादृशी काश्यां धूतपापेस्ति पावनी

śvetadvīpepi sāmagrī kva guṇānāṁ garīyasī || īdṛśī yādṛśī kāśyāṁ dhūtapāpesti pāvanī

"श्वेतद्वीप में भी गुणों की ऐसी गरिष्ठ सामग्री कहाँ, जैसी काशी में धूतपापा में पावनता है?"

श्लोक 9 (skanda.4.60.9)

मुदे कौमोदकी स्पर्शस्तथा न मम जायते ॥ धूतपापांबु संपर्को यथा भवति सर्वथा

mude kaumodakī sparśastathā na mama jāyate || dhūtapāpāṁbu saṁparko yathā bhavati sarvathā

"अपनी कौमोदकी गदा के स्पर्श से भी मुझे उतना हर्ष नहीं होता, जितना धूतपापा के जल के सम्पर्क से सर्वथा होता है।"

श्लोक 10 (skanda.4.60.10)

न क्षीरनीरधिजया सुखं मे श्लिष्टगात्रया ॥ तथा भवेद्यथात्र स्यात्स्पृष्टया धूतपापया

na kṣīranīradhijayā sukhaṁ me śliṣṭagātrayā || tathā bhavedyathātra syātspṛṣṭayā dhūtapāpayā

"क्षीरसागर से उत्पन्न लक्ष्मी के आलिंगन से भी मुझे उतना सुख नहीं होता, जितना यहाँ धूतपापा के स्पर्श से होगा।"

श्लोक 11 (skanda.4.60.11)

इत्थं पंचनदे तीर्थे क्षीरनीरधिजाधवः ॥ संप्रेष्य तार्क्ष्यं त्र्यक्षाग्रे वृत्तांतविनिवेदितुम्

itthaṁ paṁcanade tīrthe kṣīranīradhijādhavaḥ || saṁpreṣya tārkṣyaṁ tryakṣāgre vṛttāṁtaviniveditum

इस प्रकार पंचनद तीर्थ में, क्षीरसागर-सुता के स्वामी ने त्रिनेत्र के समक्ष वृत्तान्त निवेदन करने के लिए तार्क्ष्य (गरुड़) को भेजा -

श्लोक 12 (skanda.4.60.12)

आनंदकाननभवं दिवोदास क्षमापतेः ॥ संवर्णयन्गुणग्रामं पुण्यं पांचनदोद्भवम्

ānaṁdakānanabhavaṁ divodāsa kṣamāpateḥ || saṁvarṇayanguṇagrāmaṁ puṇyaṁ pāṁcanadodbhavam

...राजा दिवोदास के आनन्दकानन और पंचनद से उत्पन्न पुण्य गुण-समूह का वर्णन करते हुए।

श्लोक 13 (skanda.4.60.13)

सुखोपविष्टः संहृष्टः सुदृष्टिर्विष्टरश्रवाः ॥ दृष्टवांस्तपसा जुष्टमपुष्टांगं तपोधनम्

sukhopaviṣṭaḥ saṁhṛṣṭaḥ sudṛṣṭirviṣṭaraśravāḥ || dṛṣṭavāṁstapasā juṣṭamapuṣṭāṁgaṁ tapodhanam

सुखपूर्वक बैठे, अत्यन्त प्रसन्न, स्पष्ट दृष्टि वाले विष्टरश्रवा (विष्णु) ने तप से युक्त, क्षीण अंगों वाले तपोधन को देखा।

श्लोक 14 (skanda.4.60.14)

स ऋषिस्तं समभ्येत्य पुंडरीकाक्षमच्युतम् ॥ उपोपविष्टकमलं वनमालाविराजितम्

sa ṛṣistaṁ samabhyetya puṁḍarīkākṣamacyutam || upopaviṣṭakamalaṁ vanamālāvirājitam

वह ऋषि पुण्डरीकाक्ष अच्युत के समीप गया, जो कमल पर विराजमान, वनमाला से सुशोभित थे।

श्लोक 15 (skanda.4.60.15)

शंखपद्मगदाचक्र चंचत्करचतुष्टयम् ॥ कौस्तुभोद्भासितोरस्कं पीतकौशेयवाससम्

śaṁkhapadmagadācakra caṁcatkaracatuṣṭayam || kaustubhodbhāsitoraskaṁ pītakauśeyavāsasam

...शंख, पद्म, गदा और चक्र से युक्त चंचल चार भुजाओं वाले, कौस्तुभ से देदीप्यमान वक्ष वाले, पीत रेशमी वस्त्र धारण किए हुए...

श्लोक 16 (skanda.4.60.16)

सुनीलेंदीवररुचिं सुस्निग्ध मधुराकृतिम् ॥ नाभीह्रदलसत्पद्म सुपाटलरदच्छदम्

sunīleṁdīvararuciṁ susnigdha madhurākṛtim || nābhīhradalasatpadma supāṭalaradacchadam

...नीले कमल-सी कान्ति वाले, अत्यन्त स्निग्ध मधुर आकृति वाले, नाभि-सरोवर में सुशोभित कमल वाले, गुलाबी अधरों वाले...

श्लोक 17 (skanda.4.60.17)

दाडिमीबीजदशनं किरीटद्योतितांबरम् ॥ देवेंद्रवंदितपदं सनकादिपरिष्टुतम्

dāḍimībījadaśanaṁ kirīṭadyotitāṁbaram || deveṁdravaṁditapadaṁ sanakādipariṣṭutam

...अनार के बीज जैसे दाँतों वाले, मुकुट से प्रकाशित वस्त्र वाले, देवेन्द्र द्वारा वन्दित चरणों वाले, सनक आदि द्वारा स्तुत...

श्लोक 18 (skanda.4.60.18)

दिव्यर्षिभिर्नारदाद्यैः परिगीतमहोदयम् ॥ प्रह्लादाद्यैर्भागवतैः परिनंदितमानसम्

divyarṣibhirnāradādyaiḥ parigītamahodayam || prahlādādyairbhāgavataiḥ parinaṁditamānasam

...नारद आदि दिव्य ऋषियों द्वारा गाई गई महिमा वाले, प्रह्लाद आदि भागवतों द्वारा सदा आनन्दित मन वाले...

श्लोक 19 (skanda.4.60.19)

धृतशार्ङ्गधनुर्दंडं दंडिताखिलदानवम् ॥ मधुकैटभहंतारं कंसविध्वंससूचकम्

dhṛtaśārṅgadhanurdaṁḍaṁ daṁḍitākhiladānavam || madhukaiṭabhahaṁtāraṁ kaṁsavidhvaṁsasūcakam

...शार्ङ्ग धनुष धारण किए, सभी दानवों को दण्डित करने वाले, मधु-कैटभ के संहारक, कंस-विध्वंस के सूचक...

श्लोक 20 (skanda.4.60.20)

कैवल्यं यत्परं ब्रह्म निराकारमगोचरम् ॥ तं पुं मूर्त्या परिणतं भक्तानां भक्तिहेतुतः

kaivalyaṁ yatparaṁ brahma nirākāramagocaram || taṁ puṁ mūrtyā pariṇataṁ bhaktānāṁ bhaktihetutaḥ

...जो कैवल्य परब्रह्म निराकार और अगोचर है, उसी को भक्तों की भक्ति के कारण पुरुष-मूर्ति में परिणत हुए हुए...

श्लोक 21 (skanda.4.60.21)

वेदाविदुर्यदाकारं नैवोपनिषदोदितम् ॥ ब्रह्माद्या न च गीर्वाणाश्चक्रे नेत्रातिथिं सतम्

vedāviduryadākāraṁ naivopaniṣadoditam || brahmādyā na ca gīrvāṇāścakre netrātithiṁ satam

...जिसका आकार वेद भी नहीं जानते, उपनिषदों में भी नहीं कहा गया, ब्रह्मा आदि देवों ने भी जिसे नेत्रों का अतिथि नहीं बनाया -

श्लोक 22 (skanda.4.60.22)

प्रणनाम मुदायुक्तः क्षितिविन्यस्तमस्तकः ॥ स ऋषिस्तं हृषीकेशमग्निबिंदुर्महातपाः

praṇanāma mudāyuktaḥ kṣitivinyastamastakaḥ || sa ṛṣistaṁ hṛṣīkeśamagnibiṁdurmahātapāḥ

...उन हृषीकेश को हर्षपूर्वक, अपना मस्तक पृथ्वी पर रखकर, महातपस्वी उस ऋषि अग्निबिन्दु ने प्रणाम किया।

श्लोक 23 (skanda.4.60.23)

तुष्टाव परया भक्त्या मौलिबद्धकरांजलिः ॥ अध्यस्तविस्तीर्णशिलं बलिध्वंसिनमच्युतम्

tuṣṭāva parayā bhaktyā maulibaddhakarāṁjaliḥ || adhyastavistīrṇaśilaṁ balidhvaṁsinamacyutam

अपने मस्तक पर हाथ जोड़कर, परम भक्ति से, विशाल शिला पर विराजमान, बलि के विध्वंसक अच्युत की स्तुति की।

श्लोक 24 (skanda.4.60.24)

तत्र पंचनदाभ्याशे मार्कंडेयादि सेविते ॥ गोविंदमग्निबिंदुः स स्तुतवांस्तुष्टमानसः

tatra paṁcanadābhyāśe mārkaṁḍeyādi sevite || goviṁdamagnibiṁduḥ sa stutavāṁstuṣṭamānasaḥ

वहाँ मार्कण्डेय आदि द्वारा सेवित पंचनद के समीप, प्रसन्नचित्त अग्निबिन्दु ने गोविन्द की स्तुति की।

श्लोक 25 (skanda.4.60.25)

॥अग्निबिंदुरुवाच॥ ओं नमः पुंडरीकाक्ष बाह्यांतः शौचदायिने ॥ सहस्रशीर्षा पुरुषः सहस्राक्षः सहस्रपात्

||agnibiṁduruvāca|| oṁ namaḥ puṁḍarīkākṣa bāhyāṁtaḥ śaucadāyine || sahasraśīrṣā puruṣaḥ sahasrākṣaḥ sahasrapāt

अग्निबिन्दु ने कहा - "ॐ नमः पुण्डरीकाक्ष, भीतर-बाहर की शुद्धि देने वाले! 'सहस्रशीर्षा पुरुषः सहस्राक्षः सहस्रपात्' -"

श्लोक 26 (skanda.4.60.26)

नमामि ते पदद्वंद्वं सर्वद्वंद्वनिवारकम् ॥ निर्द्वंद्वया धिया विष्णो जिष्ण्वादि सुरवंदित

namāmi te padadvaṁdvaṁ sarvadvaṁdvanivārakam || nirdvaṁdvayā dhiyā viṣṇo jiṣṇvādi suravaṁdita

"मैं आपके सम्पूर्ण द्वन्द्वों को दूर करने वाले चरणयुगल को, द्वन्द्वरहित बुद्धि से नमस्कार करता हूँ, हे विष्णु, जिष्णु आदि देवों द्वारा वन्दित!"

श्लोक 27 (skanda.4.60.27)

यं स्तोतुं नाधिगच्छंति वाचो वाचस्पतेरपि ॥ तमीष्टे क इह स्तोतुं भक्तिरत्र बलीयसी

yaṁ stotuṁ nādhigacchaṁti vāco vācaspaterapi || tamīṣṭe ka iha stotuṁ bhaktiratra balīyasī

"जिसकी स्तुति करने में वाचस्पति की वाणी भी सफल नहीं होती, उसकी स्तुति यहाँ कौन कर सकता है? यहाँ केवल भक्ति ही बलवती है।"

श्लोक 28 (skanda.4.60.28)

अपि यो भगवानीशो मनःप्राचामगोचरः ॥ समादृशैरल्पधीभिः कथं स्तुत्यो वचः परः

api yo bhagavānīśo manaḥprācāmagocaraḥ || samādṛśairalpadhībhiḥ kathaṁ stutyo vacaḥ paraḥ

"जो भगवान् ईश, प्राचीन ऋषियों के मन से भी परे हैं, उन्हें हम जैसे अल्पबुद्धि वाले वचनों से कैसे स्तुत कर सकते हैं?"

श्लोक 29 (skanda.4.60.29)

यं वाचो न विशंतीशं मनतीह मनो न यम् ॥ मनो गिरामतीतं तं कः स्तोतुं शक्तिमान्भवेत्

yaṁ vāco na viśaṁtīśaṁ manatīha mano na yam || mano girāmatītaṁ taṁ kaḥ stotuṁ śaktimānbhavet

"जिसमें वाणियाँ प्रवेश नहीं करतीं, जिसे मन भी नहीं समझ पाता, मन और वाणी से परे उन्हें स्तुति करने में कौन समर्थ हो सकता है?"

श्लोक 30 (skanda.4.60.30)

यस्य निःश्वसितं वेदाः स षडंगपदक्रमाः ॥ तस्य देवस्य महिमा महान्कैरवगम्यते

yasya niḥśvasitaṁ vedāḥ sa ṣaḍaṁgapadakramāḥ || tasya devasya mahimā mahānkairavagamyate

"जिनका निःश्वास ही षडंग सहित पदक्रम वाले वेद हैं, उस देव की महान् महिमा तो [दूर से ही] जानी जाती है, जैसे कुमुद [चन्द्रमा को दूर से जानता है]।"

श्लोक 31 (skanda.4.60.31)

अतंद्रितमनोबुद्धींद्रिया यं सनकादयः ॥ ध्यायंतोपि हृदाकाशे न विंदंति यथार्थतः

ataṁdritamanobuddhīṁdriyā yaṁ sanakādayaḥ || dhyāyaṁtopi hṛdākāśe na viṁdaṁti yathārthataḥ

"जिन्हें सनक आदि, अथक मन-बुद्धि-इन्द्रियों से हृदयाकाश में ध्यान करते हुए भी, यथार्थ रूप से नहीं पा सकते,"

श्लोक 32 (skanda.4.60.32)

नारदाद्यैर्मुनिवरैराबाल ब्रह्मचारिभिः ॥ गीयमानचरित्रोपि न सम्यग्योधिगम्यते

nāradādyairmunivarairābāla brahmacāribhiḥ || gīyamānacaritropi na samyagyodhigamyate

"जिनका चरित्र नारद आदि बाल्यावस्था से ब्रह्मचारी श्रेष्ठ मुनियों द्वारा गाया जाकर भी सम्यक् रूप से समझा नहीं जाता,"

श्लोक 33 (skanda.4.60.33)

तंसूक्ष्मरूपमजमव्ययमेकमाद्यं बह्माद्यगोचरमजेयमनंतशक्तिम् ॥ नित्यं निरामयममूर्तमचिंत्यमूर्तिं कस्त्वां चराचर चराचरभिन्न वेत्ति

taṁsūkṣmarūpamajamavyayamekamādyaṁ bahmādyagocaramajeyamanaṁtaśaktim || nityaṁ nirāmayamamūrtamaciṁtyamūrtiṁ kastvāṁ carācara carācarabhinna vetti

"सूक्ष्म रूप वाले, अजन्मा, अव्यय, एक, आदि, ब्रह्मा आदि से भी अगोचर, अजेय, अनन्त शक्ति वाले, नित्य, निर्दोष, अमूर्त, अचिन्त्य मूर्ति वाले - हे चराचर से भिन्न होकर भी चराचररूप, आपको कौन जान सकता है?"

श्लोक 34 (skanda.4.60.34)

एकैकमेव तव नामहरेन्मुरारे जन्मार्जिताघमघिनां च महापदाढ्यम् ॥ दद्यात्फलं च महितं महतो मखस्य जप्तं मुकुंदमधुसूदनमाधवेति

ekaikameva tava nāmaharenmurāre janmārjitāghamaghināṁ ca mahāpadāḍhyam || dadyātphalaṁ ca mahitaṁ mahato makhasya japtaṁ mukuṁdamadhusūdanamādhaveti

"हे मुरारि, आपका एक-एक नाम ही जन्मों में अर्जित पाप को, चाहे वह महापद्रस्त पापियों का ही क्यों न हो, हर लेता है; और 'मुकुन्द', 'मधुसूदन', 'माधव' - यह जप महान् यज्ञ का भी पूजनीय फल देता है।"

श्लोक 35 (skanda.4.60.35)

नारायणेति नरकार्णव तारणेति दामोदरेति मधुहेति चतुर्भुजेति ॥ विश्वंभरेति विरजेति जनार्दनेति क्वास्तीह जन्म जपतां क्व कृतांतभीतिः

nārāyaṇeti narakārṇava tāraṇeti dāmodareti madhuheti caturbhujeti || viśvaṁbhareti virajeti janārdaneti kvāstīha janma japatāṁ kva kṛtāṁtabhītiḥ

"'नारायण', 'नरकार्णव-तारण', 'दामोदर', 'मधुहन्ता', 'चतुर्भुज', 'विश्वम्भर', 'विरज', 'जनार्दन' - इनका जप करने वालों के लिए यहाँ जन्म कहाँ, यमभय कहाँ?"

श्लोक 36 (skanda.4.60.36)

ये त्वां त्रिविक्रम सदा हृदि शीलयंति कादंबिनी रुचिर रोचिषमंबुजाक्षम् ॥ सौदामनीविलसितांशुकवीतमूर्ते तेपि स्पृशंति तव कांतिमचिंत्यरूपाम्

ye tvāṁ trivikrama sadā hṛdi śīlayaṁti kādaṁbinī rucira rociṣamaṁbujākṣam || saudāmanīvilasitāṁśukavītamūrte tepi spṛśaṁti tava kāṁtimaciṁtyarūpām

"हे त्रिविक्रम, जो आपको सदा हृदय में धारण करते हैं - मेघ-सी सुन्दर कान्ति वाले, कमलनयन, बिजली-सी चमकती दिव्य वसन वाले - वे भी आपकी अचिन्त्य कान्ति का [बस अंशमात्र] स्पर्श कर पाते हैं।"

श्लोक 37 (skanda.4.60.37)

श्रीवत्सलांछनहरेच्युतकैटभारे गोविंदतार्क्ष्य रथकेशवचक्रपाणे ॥ लक्ष्मीपते दनुजसूदन शार्ङ्गपाणे त्वद्भक्तिभाजि न भयंक्वचिदस्ति पुंसि

śrīvatsalāṁchanaharecyutakaiṭabhāre goviṁdatārkṣya rathakeśavacakrapāṇe || lakṣmīpate danujasūdana śārṅgapāṇe tvadbhaktibhāji na bhayaṁkvacidasti puṁsi

"हे श्रीवत्स-चिह्नधारी हरि, अच्युत, कैटभारि, गोविन्द, तार्क्ष्य-रथ, केशव, चक्रपाणि, लक्ष्मीपति, दनुजसूदन, शार्ङ्गपाणि - आपकी भक्ति रखने वाले पुरुष को कहीं भी कोई भय नहीं है।"

श्लोक 38 (skanda.4.60.38)

यैरर्चितोसि भगवंस्तुलसीप्रसूनैर्दूरीकृतैणमदसौरभदिव्यगंधैः ॥ तानर्चयंति दिवि देवगणाःसमस्ता मंदारदामभिरलं विमलस्वभावान्

yairarcitosi bhagavaṁstulasīprasūnairdūrīkṛtaiṇamadasaurabhadivyagaṁdhaiḥ || tānarcayaṁti divi devagaṇāḥsamastā maṁdāradāmabhiralaṁ vimalasvabhāvān

"हे भगवन्, जो तुलसी के फूलों से आपकी पूजा करते हैं, जिनकी दिव्य सुगन्ध कस्तूरी की सुगन्ध को भी परास्त कर देती है - उन निर्मल स्वभाव वालों की स्वर्ग में सभी देवगण मन्दार की मालाओं से पूजा करते हैं।"

श्लोक 39 (skanda.4.60.39)

यद्वाचि नाम तव कामदमब्जनेत्र यच्छ्रोत्रयोस्तव कथा मधुराक्षराणि ॥ यच्चित्तभित्तिलिखितं भवतोस्ति रूपं नीरूपभूपपदवी नहि तैर्दुरापा

yadvāci nāma tava kāmadamabjanetra yacchrotrayostava kathā madhurākṣarāṇi || yaccittabhittilikhitaṁ bhavatosti rūpaṁ nīrūpabhūpapadavī nahi tairdurāpā

"हे कमलनयन, जिसकी जिह्वा पर आपका कामनापूर्ण नाम है, जिसके कानों में आपकी मधुर कथाएँ हैं, जिसके चित्त की भित्ति पर आपका रूप अंकित है - उनके लिए निराकार पद (मोक्ष) दुष्प्राप्य नहीं है।"

श्लोक 40 (skanda.4.60.40)

ये त्वां भजंति सततं भुविशेषशायिंस्ताञ्छ्रीपते पितृपतींद्र कुबेरमुख्याः ॥ वृंदारका दिवि सदैव सभाजयंति स्वर्गापवर्गसुखसंततिदानदक्ष

ye tvāṁ bhajaṁti satataṁ bhuviśeṣaśāyiṁstāñchrīpate pitṛpatīṁdra kuberamukhyāḥ || vṛṁdārakā divi sadaiva sabhājayaṁti svargāpavargasukhasaṁtatidānadakṣa

"हे श्रीपति, पृथ्वी पर श्रेष्ठ स्थान में शयन करने वाले, स्वर्ग और मोक्ष के सुख-परम्परा देने में कुशल! जो आपकी सतत भक्ति करते हैं, उन्हें पितृपति यम और कुबेर आदि श्रेष्ठ देवगण स्वर्ग में सदा सम्मानित करते हैं।"

श्लोक 41 (skanda.4.60.41)

ये त्वां स्तुवंति सततं दिवितान्स्तुवंति सिद्धाप्सरोमरगणा लसदब्जपाणे ॥ विश्राणयत्यखिलसिद्धिदकोविना त्वां निर्वाणचारुकमलां कमलायताक्ष

ye tvāṁ stuvaṁti satataṁ divitānstuvaṁti siddhāpsaromaragaṇā lasadabjapāṇe || viśrāṇayatyakhilasiddhidakovinā tvāṁ nirvāṇacārukamalāṁ kamalāyatākṣa

"हे कमलहस्त, कमलनयन, जो आपकी सतत स्तुति करते हैं, उनकी सिद्ध, अप्सरा और देवगण भी स्तुति करते हैं। सम्पूर्ण सिद्धि देने वाले आपके बिना निर्वाण की सुन्दर कमला को कौन प्रदान करे?"

श्लोक 42 (skanda.4.60.42)

त्वं हंसि पासि सृजसि क्षणतः स्वलीला लीलावपुर्धर विरिंचिनतांघ्रियुग्म ॥ विश्वं त्वमेव परविश्वपतिस्त्वमेव विश्वस्यबीजमसि तत्प्रणतोस्मि नित्यम्

tvaṁ haṁsi pāsi sṛjasi kṣaṇataḥ svalīlā līlāvapurdhara viriṁcinatāṁghriyugma || viśvaṁ tvameva paraviśvapatistvameva viśvasyabījamasi tatpraṇatosmi nityam

"आप क्षणभर में अपनी लीला से संहार, रक्षा और सृजन करते हैं, हे लीलामूर्तिधारी, जिनके चरणयुगल में ब्रह्मा नमन करते हैं। आप ही विश्व हैं, आप ही विश्व के परम स्वामी हैं, आप ही विश्व के बीज हैं - इसलिए मैं सदा आपको प्रणाम करता हूँ।"

श्लोक 43 (skanda.4.60.43)

स्तोता त्वमेव दनुजेंद्ररिपो स्तुतिस्त्वं स्तुत्यस्त्वमेव सकलं हि भवानिहैकः ॥ त्वत्तो न किंचिदपि भिन्नमवैमि विष्णो तृष्णां सदा कृणुहि मे भवजांभवारे

stotā tvameva danujeṁdraripo stutistvaṁ stutyastvameva sakalaṁ hi bhavānihaikaḥ || tvatto na kiṁcidapi bhinnamavaimi viṣṇo tṛṣṇāṁ sadā kṛṇuhi me bhavajāṁbhavāre

"हे दनुजेन्द्रों के शत्रु, आप ही स्तोता हैं, आप ही स्तुति हैं, आप ही स्तुत्य हैं - यहाँ सब कुछ आप ही अकेले हैं। हे विष्णु, मैं आपसे भिन्न कुछ भी नहीं जानता; हे भव-बन्धन के शत्रु, मुझे सदा अपनी ओर तृष्णा दीजिए।"

श्लोक 44 (skanda.4.60.44)

इति स्तुत्वा हृषीकेशमग्निबिंदुर्महातपाः ॥ तस्थौ तूष्णीं ततो विष्णुरुवाच वरदो मुनिम्

iti stutvā hṛṣīkeśamagnibiṁdurmahātapāḥ || tasthau tūṣṇīṁ tato viṣṇuruvāca varado munim

इस प्रकार हृषीकेश की स्तुति कर, महातपस्वी अग्निबिन्दु मौन हो गए; तब वरदाता विष्णु ने उस मुनि से कहा -

श्लोक 45 (skanda.4.60.45)

॥श्रीविष्णुरुवाच॥ अग्निबिंदो महाप्राज्ञ महता तपसांनिधे ॥ वरं वरय सुप्रीतस्तवादेयं न किंचन

||śrīviṣṇuruvāca|| agnibiṁdo mahāprājña mahatā tapasāṁnidhe || varaṁ varaya suprītastavādeyaṁ na kiṁcana

श्रीविष्णु ने कहा - "हे महाप्राज्ञ अग्निबिन्दु, महान् तप के निधान, वर माँगो; मैं अत्यन्त प्रसन्न हूँ, तुम्हें कुछ भी अदेय नहीं है।"

श्लोक 46 (skanda.4.60.46)

अग्निबिंदुरुवाच ॥ यदि प्रीतोसि भगवन्वैकुंठेश जगत्पते ॥ कमलाकांत तद्देहि यदिह प्रार्थयाम्यहम्

agnibiṁduruvāca || yadi prītosi bhagavanvaikuṁṭheśa jagatpate || kamalākāṁta taddehi yadiha prārthayāmyaham

अग्निबिन्दु ने कहा - "हे भगवन् वैकुण्ठेश जगत्पते, हे कमलाकान्त, यदि आप प्रसन्न हैं, तो मैं जो यहाँ प्रार्थना करता हूँ, वह दीजिए।"

श्लोक 47 (skanda.4.60.47)

कृतानुज्ञोथ हरिणा भ्रूभंगेन स तापसः ॥ कृतप्रणामो हृष्टात्मा वरयामास केशवम्

kṛtānujñotha hariṇā bhrūbhaṁgena sa tāpasaḥ || kṛtapraṇāmo hṛṣṭātmā varayāmāsa keśavam

हरि द्वारा भ्रूभंग से अनुमति पाकर, वह तापस, प्रणाम कर, प्रसन्नचित्त होकर केशव से वर माँगने लगा।

श्लोक 48 (skanda.4.60.48)

भगवन्सर्वगोपीह तिष्ठ पंचनदे ह्रदे ॥ हिताय सर्व जंतूनां मुमुक्षूणां विशेषतः

bhagavansarvagopīha tiṣṭha paṁcanade hrade || hitāya sarva jaṁtūnāṁ mumukṣūṇāṁ viśeṣataḥ

"हे भगवन्, सबकी रक्षा करने वाले, आप यहाँ पंचनद ह्रद में स्थित रहिए - सब प्राणियों के हित के लिए, विशेषतः मुमुक्षुओं के लिए।"

श्लोक 49 (skanda.4.60.49)

लक्ष्मीशे न वरो मह्यमेष देयोऽविचारतः ॥ नान्यं वरं समीहेहं भक्तिं च त्वपदांबुजे

lakṣmīśe na varo mahyameṣa deyo'vicārataḥ || nānyaṁ varaṁ samīhehaṁ bhaktiṁ ca tvapadāṁbuje

"हे लक्ष्मीश, यह वर मुझे बिना विचारे ही दीजिए; मैं आपके चरणकमल में भक्ति के अतिरिक्त और कोई वर नहीं चाहता।"

श्लोक 50 (skanda.4.60.50)

इति श्रुत्वा वरं तस्याग्निबिंदोर्मधुसूदनः ॥ प्रीतः परोपकारार्थं तथेत्याहाब्धिजापतिः

iti śrutvā varaṁ tasyāgnibiṁdormadhusūdanaḥ || prītaḥ paropakārārthaṁ tathetyāhābdhijāpatiḥ

अग्निबिन्दु के इस वर को सुनकर, मधुसूदन, दूसरों के हित के लिए प्रसन्न होकर, समुद्र-सुता के पति ने "तथास्तु" कहा।

श्लोक 51 (skanda.4.60.51)

॥श्रीविष्णुरुवाच॥ अग्निबिंदो मुनिश्रेष्ठ स्थास्याम्यहमिह ध्रुवम् ॥ काशीभक्तिमतां पुंसां मुक्तिमार्गं समादिशन्

||śrīviṣṇuruvāca|| agnibiṁdo muniśreṣṭha sthāsyāmyahamiha dhruvam || kāśībhaktimatāṁ puṁsāṁ muktimārgaṁ samādiśan

श्रीविष्णु ने कहा - "हे मुनिश्रेष्ठ अग्निबिन्दु, मैं निश्चय ही यहाँ स्थित रहूँगा, काशी-भक्तों को मुक्तिमार्ग दिखाते हुए।"

श्लोक 52 (skanda.4.60.52)

मुने पुनः प्रसन्नोस्मि वरं ब्रूहि ददामि ते ॥ अतीव मम भक्तोसि भक्तिस्तेस्तु दृढा मयि

mune punaḥ prasannosmi varaṁ brūhi dadāmi te || atīva mama bhaktosi bhaktistestu dṛḍhā mayi

"हे मुने, मैं पुनः प्रसन्न हूँ, दूसरा वर माँगो, मैं दूँगा; तुम मेरे अत्यन्त भक्त हो, तुम्हारी मुझमें भक्ति दृढ़ रहे।"

श्लोक 53 (skanda.4.60.53)

आदावेव हि तिष्ठासुरहमत्र तपोनिधे ॥ ततस्त्वया समभ्यर्थि स्थास्याम्यत्र सदैव हि

ādāveva hi tiṣṭhāsurahamatra taponidhe || tatastvayā samabhyarthi sthāsyāmyatra sadaiva hi

"हे तपोनिधे, मैं आरम्भ से ही यहाँ रहना चाहता था; अब तुमने भी प्रार्थना की, तो मैं यहाँ सदा ही रहूँगा।"

श्लोक 54 (skanda.4.60.54)

प्राप्य काशीं सुदुर्मेधाः कस्त्यजेज्ज्ञानवान्यदि ॥ अनर्घ्यं प्राप्य माणिक्यं हित्वा काचं क ईहते

prāpya kāśīṁ sudurmedhāḥ kastyajejjñānavānyadi || anarghyaṁ prāpya māṇikyaṁ hitvā kācaṁ ka īhate

"काशी पाकर कौन ज्ञानवान् अत्यन्त दुर्बुद्धि होकर उसे त्यागेगा? अनमोल माणिक्य पाकर काँच के लिए कौन प्रयत्न करता है?"

श्लोक 55 (skanda.4.60.55)

अल्पीयसा श्रमेणेह वपुषो व्ययमात्रतः ॥ अवश्यं गत्वरस्याशु यथामुक्तिस्तथा क्व हि

alpīyasā śrameṇeha vapuṣo vyayamātrataḥ || avaśyaṁ gatvarasyāśu yathāmuktistathā kva hi

"यहाँ अवश्य ही शीघ्र नष्ट होने वाले शरीर के अत्यल्प व्यय-मात्र के परिश्रम से, अन्यत्र मुक्ति ऐसे कहाँ मिलती है?"

श्लोक 56 (skanda.4.60.56)

विनिमय्य जराजीर्णं देहं पार्थिवमत्र वै ॥ प्राज्ञाः किमु न गृह्णीयुरमृतं नैर्जरं वपुः

vinimayya jarājīrṇaṁ dehaṁ pārthivamatra vai || prājñāḥ kimu na gṛhṇīyuramṛtaṁ nairjaraṁ vapuḥ

"यहाँ जरा से जीर्ण हुए पार्थिव शरीर का विनिमय कर, ज्ञानी लोग अजर-अमृत शरीर को क्यों न ग्रहण करें?"

श्लोक 57 (skanda.4.60.57)

न तपोभिर्न वा दानैर्न यज्ञैर्बहुदक्षिणैः ॥ अन्यत्र लभ्यते मोक्षो यथा काश्यां तनु व्ययात्

na tapobhirna vā dānairna yajñairbahudakṣiṇaiḥ || anyatra labhyate mokṣo yathā kāśyāṁ tanu vyayāt

"न तप से, न दान से, न बहुदक्षिणा वाले यज्ञों से - अन्यत्र मोक्ष उतना नहीं मिलता, जितना काशी में शरीर-व्यय मात्र से मिलता है।"

श्लोक 58 (skanda.4.60.58)

अपि योगं हि युंजाना योगिनो यतमानसाः ॥ नैकेनजन्मना मुक्ताः काश्यां मुक्ता वपुर्व्ययात्

api yogaṁ hi yuṁjānā yogino yatamānasāḥ || naikenajanmanā muktāḥ kāśyāṁ muktā vapurvyayāt

"योगी लोग यत्नपूर्वक मन को संयत कर योग साधते हुए भी एक जन्म से मुक्त नहीं होते; परन्तु काशी में शरीर-व्यय मात्र से मुक्त हो जाते हैं।"

श्लोक 59 (skanda.4.60.59)

इदमेव महादानमिदमेव महत्तपः ॥ इदमेव व्रतं श्रेष्ठं यत्काश्यां म्रियते तनुः

idameva mahādānamidameva mahattapaḥ || idameva vrataṁ śreṣṭhaṁ yatkāśyāṁ mriyate tanuḥ

"यही महान् दान है, यही महान् तप है, यही श्रेष्ठ व्रत है - कि शरीर काशी में मरे।"

श्लोक 60 (skanda.4.60.60)

स एव विद्वाञ्जगति स एव विजितेंद्रियः ॥ स एव पुण्यवान्धन्यो लब्ध्वा काशीं न यस्त्यजेत्

sa eva vidvāñjagati sa eva vijiteṁdriyaḥ || sa eva puṇyavāndhanyo labdhvā kāśīṁ na yastyajet

"वही जगत् में विद्वान् है, वही इन्द्रियविजयी है, वही पुण्यवान् और धन्य है, जो काशी पाकर उसे नहीं छोड़ता।"

श्लोक 61 (skanda.4.60.61)

तावत्स्थास्याम्यहं चात्र यावत्काशी मुने त्विह ॥ प्रलयेपि न नाशोस्याः शिवशूलाग्र सुस्थितेः

tāvatsthāsyāmyahaṁ cātra yāvatkāśī mune tviha || pralayepi na nāśosyāḥ śivaśūlāgra susthiteḥ

"हे मुने, जब तक यहाँ काशी है, तब तक मैं यहाँ रहूँगा; प्रलय में भी इसका नाश नहीं होता, क्योंकि यह शिव के त्रिशूल की नोक पर सुस्थित है।"

श्लोक 62 (skanda.4.60.62)

इत्याकर्ण्य गिरं विष्णोरग्निबिंदुर्महामुनिः ॥ प्रहृष्टरोमा प्रोवाच पुनरन्यं वरं वृणे

ityākarṇya giraṁ viṣṇoragnibiṁdurmahāmuniḥ || prahṛṣṭaromā provāca punaranyaṁ varaṁ vṛṇe

विष्णु की यह वाणी सुनकर, महामुनि अग्निबिन्दु, रोमांचित होकर बोले - "मैं पुनः दूसरा वर चाहता हूँ।"

श्लोक 63 (skanda.4.60.63)

मापते मम नाम्नात्र तीर्थे पंचनदे शुभे ॥ अभक्तेभ्योपि भक्तेभ्यः स्थितो मुक्तिं सदादिश

māpate mama nāmnātra tīrthe paṁcanade śubhe || abhaktebhyopi bhaktebhyaḥ sthito muktiṁ sadādiśa

"हे लक्ष्मीपति, इस शुभ पंचनद तीर्थ में मेरे नाम से स्थित होकर, भक्त और अभक्त दोनों को सदा मुक्ति प्रदान कीजिए।"

श्लोक 64 (skanda.4.60.64)

येत्र पंचनदे स्नात्वा गत्वा देशांतरेष्वपि ॥ नरा पंचत्वमापन्ना मुक्तिं तेभ्योपि वै दिश

yetra paṁcanade snātvā gatvā deśāṁtareṣvapi || narā paṁcatvamāpannā muktiṁ tebhyopi vai diśa

"जो लोग पंचनद में स्नान कर अन्य देशों में जाकर पंचत्व को प्राप्त हों, उन्हें भी मुक्ति दीजिए।"

श्लोक 65 (skanda.4.60.65)

येतु पंचनदे स्नात्वा त्वां भजिष्यंति मानवाः ॥ चलाचलापि द्वैरूपा मा त्याक्षीच्छ्रीश्च तान्नरान्

yetu paṁcanade snātvā tvāṁ bhajiṣyaṁti mānavāḥ || calācalāpi dvairūpā mā tyākṣīcchrīśca tānnarān

"जो मनुष्य पंचनद में स्नान कर आपका भजन करेंगे, उन्हें चंचल और स्थिर - दोनों रूपों वाली श्री न त्यागे।"

श्लोक 66 (skanda.4.60.66)

॥श्रीविष्णुरुवाच॥ एवमस्त्वग्निबिंदोत्र भवता यद्वृतंमुने ॥ त्वन्नाम्नोऽर्धेन मे नाम मया सह भविष्यति

||śrīviṣṇuruvāca|| evamastvagnibiṁdotra bhavatā yadvṛtaṁmune || tvannāmno'rdhena me nāma mayā saha bhaviṣyati

श्रीविष्णु ने कहा - "हे अग्निबिन्दु, ऐसा ही हो, हे मुने, जो तुमने वरण किया है। तुम्हारे नाम के आधे भाग से मेरा नाम मेरे साथ होगा।"

श्लोक 67 (skanda.4.60.67)

बिंदुमाधव इत्याख्या मम त्रैलोक्यविश्रुता ॥ काश्यां भविष्यति मुने महापापौघ घातिनी

biṁdumādhava ityākhyā mama trailokyaviśrutā || kāśyāṁ bhaviṣyati mune mahāpāpaugha ghātinī

"'बिन्दुमाधव' यह मेरा नाम त्रैलोक्य में विख्यात होगा; हे मुने, यह काशी में महापाप-समूह का घातक बनेगा।"

श्लोक 68 (skanda.4.60.68)

ये मामत्र नराः पुण्याः पुण्ये पंचनदे ह्रदे ॥ सदा सपर्ययिष्यंति तेषां संसारभीः कुतः

ye māmatra narāḥ puṇyāḥ puṇye paṁcanade hrade || sadā saparyayiṣyaṁti teṣāṁ saṁsārabhīḥ kutaḥ

"जो पुण्यात्मा मनुष्य यहाँ पुण्य पंचनद ह्रद में मुझे सदा पूजेंगे, उनके लिए संसार का भय कहाँ?"

श्लोक 69 (skanda.4.60.69)

वसुस्वरूपिणी लक्ष्मीर्लक्ष्मीर्निर्वाणसंज्ञिका ॥ तत्पार्श्वगा सदा येषां हृदि पंचनदे ह्यहम्

vasusvarūpiṇī lakṣmīrlakṣmīrnirvāṇasaṁjñikā || tatpārśvagā sadā yeṣāṁ hṛdi paṁcanade hyaham

"धनरूपिणी लक्ष्मी और निर्वाणसंज्ञिका लक्ष्मी - दोनों उनके साथ सदा रहती हैं, जिनके हृदय में मैं पंचनद में हूँ।"

श्लोक 70 (skanda.4.60.70)

यैर्न पंचनदं प्राप्य वसुभिः प्रीणिता द्विजाः ॥ आशुलभ्यविपत्तीनां तेषां तद्वसुरोदिति

yairna paṁcanadaṁ prāpya vasubhiḥ prīṇitā dvijāḥ || āśulabhyavipattīnāṁ teṣāṁ tadvasuroditi

"जिन्होंने पंचनद पाकर भी धन से ब्राह्मणों को संतुष्ट नहीं किया, उनके लिए शीघ्र प्राप्त होने वाली विपत्तियों में वह धन ही विलाप-कारण बनता है।"

श्लोक 71 (skanda.4.60.71)

त एव धन्या लोकेस्मिन्कृतकृत्यास्त एव हि ॥ प्राप्य यैर्मम सांनिध्यं वसवो मम सात्कृताः

ta eva dhanyā lokesminkṛtakṛtyāsta eva hi || prāpya yairmama sāṁnidhyaṁ vasavo mama sātkṛtāḥ

"वे ही इस लोक में धन्य हैं, वे ही कृतकृत्य हैं, जिन्होंने मेरा सान्निध्य पाकर [समस्त] वसुओं को अपना बना लिया।"

श्लोक 72 (skanda.4.60.72)

बिंदुतीर्थमिदं नाम तव नाम्ना भविष्यति ॥ अग्निबिंदो मुनिश्रेष्ठ सर्वपातकनाशनम्

biṁdutīrthamidaṁ nāma tava nāmnā bhaviṣyati || agnibiṁdo muniśreṣṭha sarvapātakanāśanam

"हे मुनिश्रेष्ठ अग्निबिन्दु, यह तीर्थ तुम्हारे ही नाम से 'बिन्दुतीर्थ' कहलाएगा, जो सम्पूर्ण पातकों का नाश करने वाला होगा।"

श्लोक 73 (skanda.4.60.73)

कार्तिके बिंदुतीर्थे यो ब्रह्मचर्यपरायणः ॥ स्नास्यत्यनुदिते भानौ भानुजात्तस्य भीः कुतः

kārtike biṁdutīrthe yo brahmacaryaparāyaṇaḥ || snāsyatyanudite bhānau bhānujāttasya bhīḥ kutaḥ

"कार्तिक में ब्रह्मचर्य में तत्पर होकर जो बिन्दुतीर्थ में सूर्योदय से पूर्व स्नान करेगा, उसे यम का भय कहाँ?"

श्लोक 74 (skanda.4.60.74)

अपि पापसहस्राणि कृत्वा मोहेन मानवः ॥ ऊर्जे धर्मनदे स्नातो निष्पापो जायते क्षणात्

api pāpasahasrāṇi kṛtvā mohena mānavaḥ || ūrje dharmanade snāto niṣpāpo jāyate kṣaṇāt

"मोह से सहस्रों पाप करने वाला मनुष्य भी, ऊर्ज (कार्तिक) में धर्मनद में स्नान कर, क्षणभर में निष्पाप हो जाता है।"

श्लोक 75 (skanda.4.60.75)

यावत्स्वस्थोस्ति देहोयं यावन्नेंद्रियविक्लवः ॥ तावद्व्रतानि कुर्वीत यतो देहफलं व्रतम्

yāvatsvasthosti dehoyaṁ yāvanneṁdriyaviklavaḥ || tāvadvratāni kurvīta yato dehaphalaṁ vratam

"जब तक यह शरीर स्वस्थ है, जब तक इन्द्रियाँ विक्षिप्त नहीं हैं, तब तक व्रत करने चाहिए, क्योंकि व्रत का फल शरीर पर ही निर्भर है।"

श्लोक 76 (skanda.4.60.76)

एकभक्तेन नक्तेन तथैवायाचितेन च ॥ उपवासेन देहोयं संशोध्यो शुचिभाजनम्

ekabhaktena naktena tathaivāyācitena ca || upavāsena dehoyaṁ saṁśodhyo śucibhājanam

"एकभक्त, नक्त, अयाचित भोजन तथा उपवास से यह शरीर शुद्ध कर पवित्र पात्र बनाया जाए।"

श्लोक 77 (skanda.4.60.77)

कृच्छ्रचांद्रायणादीनि कर्तव्यानि प्रयत्नतः ॥ अशुचिः शुचितामेति कायो यद्व्रतधारणात्

kṛcchracāṁdrāyaṇādīni kartavyāni prayatnataḥ || aśuciḥ śucitāmeti kāyo yadvratadhāraṇāt

"कृच्छ्र, चान्द्रायण आदि व्रत यत्नपूर्वक करने चाहिए; क्योंकि व्रत धारण से अशुद्ध शरीर भी शुद्धता को प्राप्त होता है।"

श्लोक 78 (skanda.4.60.78)

व्रतैः संशोधिते देहे धर्मो वसति निश्चलः ॥ अर्थकामौ सनिर्वाणौ तत्र यत्र वृष स्थितिः

vrataiḥ saṁśodhite dehe dharmo vasati niścalaḥ || arthakāmau sanirvāṇau tatra yatra vṛṣa sthitiḥ

"व्रतों से शुद्ध शरीर में धर्म अचल होकर निवास करता है; जहाँ धर्म की स्थिति है, वहीं अर्थ और काम भी मोक्षसहित होते हैं।"

श्लोक 79 (skanda.4.60.79)

तस्माद्व्रतानि सततं चरितव्यानि मानवैः ॥ धर्मसान्निध्य कर्तृणि चतुर्वर्गफलेप्सुभिः

tasmādvratāni satataṁ caritavyāni mānavaiḥ || dharmasānnidhya kartṛṇi caturvargaphalepsubhiḥ

"इसलिए धर्म का सामीप्य करने वाले, चारों पुरुषार्थों के फल चाहने वाले मनुष्यों को सतत व्रत करने चाहिए।"

श्लोक 80 (skanda.4.60.80)

सदा कर्तुं न शक्नोति व्रतानि यदि मानवः ॥ चातुर्मास्यमनुप्राप्य तदा कुर्यात्प्रयत्नतः

sadā kartuṁ na śaknoti vratāni yadi mānavaḥ || cāturmāsyamanuprāpya tadā kuryātprayatnataḥ

"यदि मनुष्य सदा व्रत करने में समर्थ न हो, तो चातुर्मास्य आने पर उसे यत्नपूर्वक करे।"

श्लोक 81 (skanda.4.60.81)

भूशय्या ब्रह्मचर्यं च किंचिद्भक्ष्यनिषेधनम् ॥ एकभक्तादि नियमो नित्यदानं स्वशक्तितः

bhūśayyā brahmacaryaṁ ca kiṁcidbhakṣyaniṣedhanam || ekabhaktādi niyamo nityadānaṁ svaśaktitaḥ

"भूशय्या, ब्रह्मचर्य, कुछ भक्ष्य वस्तुओं का निषेध, एकभक्त आदि नियम, तथा अपनी शक्ति के अनुसार नित्य दान -"

श्लोक 82 (skanda.4.60.82)

पुराणश्रवणं चैव तदर्थाचरणं पुनः ॥ अखंडदीपोद्बोधश्च महापूजेष्टदैवते

purāṇaśravaṇaṁ caiva tadarthācaraṇaṁ punaḥ || akhaṁḍadīpodbodhaśca mahāpūjeṣṭadaivate

"-पुराण-श्रवण और फिर उसके अर्थ का आचरण, अखण्ड दीप जलाना और इष्टदेव की महापूजा -"

श्लोक 83 (skanda.4.60.83)

प्रभूतांकुरबीजाढ्ये देशे चापि गतागतम् ॥ यत्नेन वर्जयेद्धीमान्महाधर्मविवृद्धये

prabhūtāṁkurabījāḍhye deśe cāpi gatāgatam || yatnena varjayeddhīmānmahādharmavivṛddhaye

"-तथा अंकुर और बीजों से भरपूर स्थान में आना-जाना बुद्धिमान् को महाधर्म की वृद्धि के लिए यत्नपूर्वक त्याग देना चाहिए।"

श्लोक 84 (skanda.4.60.84)

असंभाष्या न संभाष्याश्चातुर्मास्य व्रतस्थितैः ॥ मौनं चापि सदा कार्यं तथ्यं वक्तव्यमेव वा

asaṁbhāṣyā na saṁbhāṣyāścāturmāsya vratasthitaiḥ || maunaṁ cāpi sadā kāryaṁ tathyaṁ vaktavyameva vā

"चातुर्मास्य-व्रतस्थ को असम्भाषणीय जनों से बात नहीं करनी चाहिए; सदा मौन रखना चाहिए, अथवा केवल सत्य ही बोलना चाहिए।"

श्लोक 85 (skanda.4.60.85)

निष्पावांश्च मसूरांश्च कोद्रवान्वर्जयेद्व्रती ॥ सदा शुचिभिरास्थेयं स्प्रष्टव्यो नाव्रती जनः

niṣpāvāṁśca masūrāṁśca kodravānvarjayedvratī || sadā śucibhirāstheyaṁ spraṣṭavyo nāvratī janaḥ

"व्रती को उड़द, मसूर और कोदो का त्याग करना चाहिए; सदा शुद्ध लोगों के साथ रहना चाहिए, अव्रती जन को स्पर्श नहीं करना चाहिए।"

श्लोक 86 (skanda.4.60.86)

दंतकेशांबरादीनि नित्यं शोध्यानि यत्नतः ॥ अनिष्टचिंता नो कार्या व्रतिना हृद्यपि क्वचित्

daṁtakeśāṁbarādīni nityaṁ śodhyāni yatnataḥ || aniṣṭaciṁtā no kāryā vratinā hṛdyapi kvacit

"दाँत, केश, वस्त्र आदि नित्य यत्नपूर्वक शुद्ध रखने चाहिए; व्रती को हृदय में भी कहीं अनिष्ट चिन्तन नहीं करना चाहिए।"

श्लोक 87 (skanda.4.60.87)

द्वादशस्वपि मासेषु व्रतिनो यत्फलं भवेत् ॥ चातुर्मास्यव्रतभृतां तत्फलं स्यादखंडितम्

dvādaśasvapi māseṣu vratino yatphalaṁ bhavet || cāturmāsyavratabhṛtāṁ tatphalaṁ syādakhaṁḍitam

"बारहों महीनों में व्रती को जो फल मिलता है, चातुर्मास्य व्रत धारण करने वालों को वही फल अखण्डित रूप से मिलता है।"

श्लोक 88 (skanda.4.60.88)

चतुर्ष्वपि च मासेषु न सामर्थ्यं व्रते यदि ॥ तदोर्जे व्रतिना भाव्यमप्यब्दफलमिच्छता

caturṣvapi ca māseṣu na sāmarthyaṁ vrate yadi || tadorje vratinā bhāvyamapyabdaphalamicchatā

"यदि चारों मासों में व्रत करने की सामर्थ्य न हो, तो पूरे वर्ष के फल की इच्छा रखने वाले व्रती को कम-से-कम ऊर्ज (कार्तिक) में तो करना ही चाहिए।"

श्लोक 89 (skanda.4.60.89)

अव्रतः कार्तिको येषां गतो मूढधियामिह ॥ तेषां पुण्यस्य लेशोपि न भवेत्सूकरात्मनाम्

avrataḥ kārtiko yeṣāṁ gato mūḍhadhiyāmiha || teṣāṁ puṇyasya leśopi na bhavetsūkarātmanām

"जिन मूढबुद्धि लोगों का यहाँ कार्तिक बिना व्रत के बीत जाता है, उनके पास पुण्य का लेशमात्र भी नहीं रहता - वे सूअर के समान होते हैं।"

श्लोक 90 (skanda.4.60.90)

कृच्छ्रं वा चातिकृच्छ्रं वा प्राजापत्यमथापि वा ॥ संप्राप्ते कार्तिके मासि कुर्याच्छक्त्याति पुण्यवान्

kṛcchraṁ vā cātikṛcchraṁ vā prājāpatyamathāpi vā || saṁprāpte kārtike māsi kuryācchaktyāti puṇyavān

"कार्तिक मास आने पर पुण्यात्मा को अपनी शक्ति के अनुसार कृच्छ्र, अतिकृच्छ्र अथवा प्राजापत्य व्रत करना चाहिए।"

श्लोक 91 (skanda.4.60.91)

एकांतरं व्रतं कुर्यात्त्रिरात्र व्रतमेव वा ॥ पंचरात्रं सप्तरात्रं संप्राप्ते कार्तिके व्रती

ekāṁtaraṁ vrataṁ kuryāttrirātra vratameva vā || paṁcarātraṁ saptarātraṁ saṁprāpte kārtike vratī

"कार्तिक आने पर व्रती को एकान्तर व्रत, त्रिरात्र व्रत, पंचरात्र अथवा सप्तरात्र व्रत करना चाहिए।"

श्लोक 92 (skanda.4.60.92)

पक्षव्रतं वा कुर्वीत मासोपोषणमेव वा ॥ नोर्जो वंध्यो विधातव्यो व्रतिना केनचित्क्वचित्

pakṣavrataṁ vā kurvīta māsopoṣaṇameva vā || norjo vaṁdhyo vidhātavyo vratinā kenacitkvacit

"अथवा पक्षव्रत या मासभर उपवास करे; किसी भी व्रती द्वारा कहीं भी ऊर्ज मास को व्यर्थ नहीं जाने देना चाहिए।"

श्लोक 93 (skanda.4.60.93)

शाकाहारं पयोहारं फलाहारमथापि वा ॥ चरेद्यवान्नाहारं वा संप्राप्ते कार्तिके व्रती

śākāhāraṁ payohāraṁ phalāhāramathāpi vā || caredyavānnāhāraṁ vā saṁprāpte kārtike vratī

"कार्तिक आने पर व्रती शाकाहार, दुग्धाहार, फलाहार अथवा केवल यव के अन्न पर रहे।"

श्लोक 94 (skanda.4.60.94)

नित्यनैमित्तिकं स्नानं कुर्यादूर्जे व्रती नरः ॥ ब्रह्मचर्यं चरेदूर्जे महाव्रतफलार्थवान्

nityanaimittikaṁ snānaṁ kuryādūrje vratī naraḥ || brahmacaryaṁ caredūrje mahāvrataphalārthavān

"ऊर्ज में व्रती को नित्य और नैमित्तिक दोनों स्नान करने चाहिए; महाव्रत का फल चाहने वाले को ऊर्ज में ब्रह्मचर्य पालना चाहिए।"

श्लोक 95 (skanda.4.60.95)

बाहुलं ब्रह्मचर्येण यः क्षिपेच्छुचिमानसः ॥ समस्तं हायनं तेन ब्रह्मचर्यकृतं भवेत्

bāhulaṁ brahmacaryeṇa yaḥ kṣipecchucimānasaḥ || samastaṁ hāyanaṁ tena brahmacaryakṛtaṁ bhavet

"जो पवित्र मन वाला बाहुल (कार्तिक) मास को ब्रह्मचर्य से बिताता है, उसके द्वारा पूरे वर्ष का ब्रह्मचर्य किया हुआ माना जाता है।"

श्लोक 96 (skanda.4.60.96)

यस्तु कार्तिकिकं मासमुपवासैः समापयेत् ॥ अप्यब्दमपि तेनेह भवेत्सम्यगुपोषितम्

yastu kārtikikaṁ māsamupavāsaiḥ samāpayet || apyabdamapi teneha bhavetsamyagupoṣitam

"जो कार्तिक मास को उपवासों से पूरा करता है, उसके द्वारा यहाँ पूरे वर्ष का ही भली भाँति उपवास किया हुआ माना जाता है।"

श्लोक 97 (skanda.4.60.97)

शाकाहारपयोहारैरूर्जों यैरतिवाहितः ॥ अखंडिता शरत्तेन तदाहारेण यापिता

śākāhārapayohārairūrjoṁ yairativāhitaḥ || akhaṁḍitā śarattena tadāhāreṇa yāpitā

"जिन्होंने शाकाहार-दुग्धाहार से ऊर्ज बिताया, उनके द्वारा उसी आहार से सम्पूर्ण शरद ऋतु भी बिताई गई मानी जाती है।"

श्लोक 98 (skanda.4.60.98)

पत्रभोजी भवेदूर्जे कांस्यं त्याज्यं प्रयत्नतः ॥ यो व्रती कांस्यभोजी स्यान्न तद्व्रतफलं लभेत्

patrabhojī bhavedūrje kāṁsyaṁ tyājyaṁ prayatnataḥ || yo vratī kāṁsyabhojī syānna tadvrataphalaṁ labhet

"ऊर्ज में पत्तल पर भोजन करना चाहिए; काँसे का यत्नपूर्वक त्याग करना चाहिए। जो व्रती काँसे में भोजन करेगा, वह उस व्रत का फल नहीं पाएगा।"

श्लोक 99 (skanda.4.60.99)

कांस्यस्य नियमे दद्यात्कांस्यं सर्पिः प्रपूरितम् ॥ ऊर्जे न भक्षयेत्क्षौद्रमतिक्षुद्रगतिप्रदम्

kāṁsyasya niyame dadyātkāṁsyaṁ sarpiḥ prapūritam || ūrje na bhakṣayetkṣaudramatikṣudragatipradam

"काँसे के प्रायश्चित्त में घी से भरा काँसे का पात्र देना चाहिए; ऊर्ज में अत्यन्त निम्न गति देने वाला मधु नहीं खाना चाहिए।"

श्लोक 100 (skanda.4.60.100)

मधुत्यागे घृतं दद्यात्पायसं च सशर्करम् ॥ अभ्यंगेऽभ्यवहारे च तैलमूर्जे विवर्जयेत्

madhutyāge ghṛtaṁ dadyātpāyasaṁ ca saśarkaram || abhyaṁge'bhyavahāre ca tailamūrje vivarjayet

"मधु-त्याग के प्रायश्चित्त में घी और मीठी खीर देनी चाहिए; ऊर्ज में उबटन और भोजन दोनों में तेल का त्याग करना चाहिए।"

श्लोक 101 (skanda.4.60.101)

भूयात्स नारकी देही तत्राभ्यंगाद्यतोनघ ॥ तैलत्यागे तिलान्दद्याद्द्रोणमात्रान्स कांचनान्

bhūyātsa nārakī dehī tatrābhyaṁgādyatonagha || tailatyāge tilāndadyāddroṇamātrānsa kāṁcanān

"हे निष्पाप, तेल-उबटन से वह देहधारी नारकी होता है; तेल-त्याग के प्रायश्चित्त में एक द्रोण भर स्वर्ण-वर्ण तिल देने चाहिए।"

श्लोक 102 (skanda.4.60.102)

कार्तिके मत्स्यभोजी यः स तैमीं योनिमृच्छति ॥ बाहुले मांसभोजी यः स कृमिःपूयशोणिते

kārtike matsyabhojī yaḥ sa taimīṁ yonimṛcchati || bāhule māṁsabhojī yaḥ sa kṛmiḥpūyaśoṇite

"कार्तिक में मछली खाने वाला तैमी योनि को प्राप्त होता है; बाहुल में मांस खाने वाला पीव और रक्त में कीड़ा बनता है।"

श्लोक 103 (skanda.4.60.103)

मांसाशिनोपि ये भूपास्त्यजेयुस्तेपि कार्तिके ॥ मत्स्यमांसानि संत्यज्य कार्त्तिके व्रततत्परः

māṁsāśinopi ye bhūpāstyajeyustepi kārtike || matsyamāṁsāni saṁtyajya kārttike vratatatparaḥ

"मांसाहारी राजा भी कार्तिक में मांस का त्याग करें; कार्तिक में व्रत में तत्पर होकर मछली-मांस दोनों को पूर्णतः त्याग दें।"

श्लोक 104 (skanda.4.60.104)

मत्स्यमांसादनाद्दोषाद्बहिर्भवति निश्चितम् ॥ नियमे मत्स्यमांसानां दद्यात्कार्तिकिके व्रती ॥ कूश्मांडानि समाषाणि दशस्वर्णयुतान्यपि

matsyamāṁsādanāddoṣādbahirbhavati niścitam || niyame matsyamāṁsānāṁ dadyātkārtikike vratī || kūśmāṁḍāni samāṣāṇi daśasvarṇayutānyapi

"मत्स्य-मांस खाने के दोष से वह निश्चय ही मुक्त हो जाता है; कार्तिक में मत्स्य-मांस के नियम-भंग पर व्रती को कूष्माण्ड, उड़द तथा दस स्वर्णमुद्राएँ देनी चाहिए।"

श्लोक 105 (skanda.4.60.105)

कार्तिके मीनभोजी यः सोश्नात्यमृतमेवहि ॥ सुघंटां सतिलां मौनी सहिरण्यां प्रदापयेत्

kārtike mīnabhojī yaḥ sośnātyamṛtamevahi || sughaṁṭāṁ satilāṁ maunī sahiraṇyāṁ pradāpayet

"कार्तिक में मछली खाने वाला मानो अमृत ही खाता है [ऐसा भ्रम रखने वालों को चेतावनी है] - मौन रहकर वह घण्टी, तिल और सुवर्ण सहित अर्पित करे [प्रायश्चित्त स्वरूप]।"

श्लोक 106 (skanda.4.60.106)

कार्तिके लवणं त्यक्तं येन व्रतभृता सता ॥ त्यक्ताः सर्वे रसास्तेन तत्त्यागी गां प्रदापयेत्

kārtike lavaṇaṁ tyaktaṁ yena vratabhṛtā satā || tyaktāḥ sarve rasāstena tattyāgī gāṁ pradāpayet

"जिस व्रतधारी सज्जन ने कार्तिक में नमक का त्याग किया, उसने सभी रसों का त्याग किया माना जाता है; [यदि वह भंग करे तो] वह त्यागी गाय दान करे।"

श्लोक 107 (skanda.4.60.107)

भूशय्यां कार्तिके कुर्वन्न भुवं संस्पृशेद्व्रती ॥ पर्यंकं भूशयो दद्यात्सतूलं सोपधानकम्

bhūśayyāṁ kārtike kurvanna bhuvaṁ saṁspṛśedvratī || paryaṁkaṁ bhūśayo dadyātsatūlaṁ sopadhānakam

"कार्तिक में भूशय्या करते हुए व्रती यदि भूमि का स्पर्श न करे [अर्थात् व्रत भंग करे], तो भूशायी होते हुए भी उसे रूई और तकिये सहित पलंग देना चाहिए [प्रायश्चित्तस्वरूप]।"

श्लोक 108 (skanda.4.60.108)

दीपं यः कार्तिके दद्यादखंडं घृतवर्तिकम् ॥ मोहांध तमसं प्राप्य स न गच्छति दुर्गतिम्

dīpaṁ yaḥ kārtike dadyādakhaṁḍaṁ ghṛtavartikam || mohāṁdha tamasaṁ prāpya sa na gacchati durgatim

"जो कार्तिक में घी की बत्ती वाला अखण्ड दीपक देता है, मोह-अन्ध तिमिर को पाकर भी वह दुर्गति को नहीं जाता।"

श्लोक 109 (skanda.4.60.109)

यः कुर्यात्कार्तिके मासे रजन्यां दीपकौमुदीम् ॥ तामिस्रं चांधतामिस्रं न स पश्येत्कदाचन

yaḥ kuryātkārtike māse rajanyāṁ dīpakaumudīm || tāmisraṁ cāṁdhatāmisraṁ na sa paśyetkadācana

"जो कार्तिक मास में रात्रि में दीपकौमुदी करता है, वह तामिस्र और अन्धतामिस्र नरक को कभी नहीं देखता।"

श्लोक 110 (skanda.4.60.110)

पापांधकारसंक्रुद्धः कार्तिके दीपदानतः ॥ क्रोधांधकारितमुखं भास्करिं स न वीक्षते

pāpāṁdhakārasaṁkruddhaḥ kārtike dīpadānataḥ || krodhāṁdhakāritamukhaṁ bhāskariṁ sa na vīkṣate

"पापान्धकार से क्रुद्ध व्यक्ति, कार्तिक में दीपदान से, क्रोध से अन्धकारित मुख वाले सूर्यपुत्र (यम) को नहीं देखता।"

श्लोक 111 (skanda.4.60.111)

स उद्द्योतमयं पश्येत्त्रैलोक्यं सचराचरम् ॥ प्रबोधयेन्ममाग्रे यो दीपं सोज्वलवर्तिकम्

sa uddyotamayaṁ paśyettrailokyaṁ sacarācaram || prabodhayenmamāgre yo dīpaṁ sojvalavartikam

"जो मेरे समक्ष उज्ज्वल बत्ती वाला दीपक जलाता है, वह चराचर सहित त्रैलोक्य को प्रकाशमय देखता है।"

श्लोक 112 (skanda.4.60.112)

पंचामृतानां कलशैरूर्जे मां स्नापयेन्नरः ॥ क्षीराब्धितटमासाद्य वसेत्कल्पं स पुण्यवान्

paṁcāmṛtānāṁ kalaśairūrje māṁ snāpayennaraḥ || kṣīrābdhitaṭamāsādya vasetkalpaṁ sa puṇyavān

"जो मनुष्य ऊर्ज में पंचामृत के कलशों से मुझे स्नान कराता है, वह पुण्यात्मा क्षीरसागर के तट पर पहुँचकर एक कल्प तक वहाँ निवास करता है।"

श्लोक 113 (skanda.4.60.113)

प्रतिक्षपं कार्तिकिके कुर्वञ्ज्योत्स्नां प्रदीपजाम् ॥ ममाग्रे भक्तिसंयुक्तो गर्भध्वांतं न संविशेत्

pratikṣapaṁ kārtikike kurvañjyotsnāṁ pradīpajām || mamāgre bhaktisaṁyukto garbhadhvāṁtaṁ na saṁviśet

"जो कार्तिक की प्रत्येक रात्रि मेरे समक्ष दीप-निर्मित ज्योत्स्ना करता है, भक्तिपूर्वक वह गर्भ-अन्धकार में प्रवेश नहीं करता।"

श्लोक 114 (skanda.4.60.114)

आज्यवर्तिकमूर्जे यो दीपं मेग्रे प्रबोधयेत् ॥ बुद्धिभ्रंशं न चाप्नोति महामृत्युभये सति

ājyavartikamūrje yo dīpaṁ megre prabodhayet || buddhibhraṁśaṁ na cāpnoti mahāmṛtyubhaye sati

"जो ऊर्ज में घी की बत्ती वाला दीप मेरे सामने जलाता है, वह महामृत्यु के भय के समय भी बुद्धि-भ्रंश को प्राप्त नहीं होता।"

श्लोक 115 (skanda.4.60.115)

कार्तिके मासि मे यात्रा यैः कृता भक्तितत्परैः ॥ बिंदुतीर्थे कृतस्नानैस्तेषां मुक्तिर्न दूरतः

kārtike māsi me yātrā yaiḥ kṛtā bhaktitatparaiḥ || biṁdutīrthe kṛtasnānaisteṣāṁ muktirna dūrataḥ

"कार्तिक मास में जिन भक्ति-तत्पर लोगों ने मेरी यात्रा की, और बिन्दुतीर्थ में स्नान किया, उनकी मुक्ति दूर नहीं है।"

श्लोक 116 (skanda.4.60.116)

व्रतिनः कार्तिके मासि स्नातस्य विधिवन्मम ॥ दामोदरगृहाणार्घ्यं दनुजेंद्रनिषूदन

vratinaḥ kārtike māsi snātasya vidhivanmama || dāmodaragṛhāṇārghyaṁ danujeṁdraniṣūdana

"हे दनुजेन्द्र-निषूदन, कार्तिक मास में विधिपूर्वक स्नान किए हुए व्रती का यह अर्घ्य - 'हे दामोदर, ग्रहण कीजिए।'"

श्लोक 117 (skanda.4.60.117)

स्नाने नैमित्तिके कृष्ण कार्तिके पापशोषणे ॥ गृह्णात्वर्घ्यं मया दत्तं राधया सहितो भवान्

snāne naimittike kṛṣṇa kārtike pāpaśoṣaṇe || gṛhṇātvarghyaṁ mayā dattaṁ rādhayā sahito bhavān

"हे कृष्ण, पाप को सुखा देने वाले कार्तिक के इस नैमित्तिक स्नान में, मेरे द्वारा दिया गया यह अर्घ्य राधा सहित ग्रहण कीजिए।"

श्लोक 118 (skanda.4.60.118)

इमौ मंत्रौ समुच्चार्य योर्घ्यं मह्यं प्रयच्छति ॥ सुवर्णरत्न पुष्पांबु युजा शंखेन पुण्यवान्

imau maṁtrau samuccārya yorghyaṁ mahyaṁ prayacchati || suvarṇaratna puṣpāṁbu yujā śaṁkhena puṇyavān

"इन दो मन्त्रों का उच्चारण कर, जो पुण्यात्मा शंख के साथ सुवर्ण, रत्न, पुष्प और जल से युक्त अर्घ्य मुझे देता है..."

श्लोक 119 (skanda.4.60.119)

सुवर्णपूर्णपृथिवी संकल्पोदकपूर्वकम् ॥ तेन दत्ता भवेत्सम्यक्सुपात्राय सुपर्वणि

suvarṇapūrṇapṛthivī saṁkalpodakapūrvakam || tena dattā bhavetsamyaksupātrāya suparvaṇi

"...उसके द्वारा, संकल्प-जल के साथ, सुवर्ण से भरी पृथ्वी ही मानो, शुभ पर्व पर सुपात्र को भली भाँति दी गई मानी जाती है।"

श्लोक 120 (skanda.4.60.120)

एकादशीं समासाद्य प्रबोधकरणीं मम ॥ बिंदुतीर्थकृतस्नानो रात्रौ जागरणान्वितः

ekādaśīṁ samāsādya prabodhakaraṇīṁ mama || biṁdutīrthakṛtasnāno rātrau jāgaraṇānvitaḥ

"मुझे जगाने वाली एकादशी को पाकर, बिन्दुतीर्थ में स्नान कर, रात्रि में जागरण करते हुए..."

श्लोक 121 (skanda.4.60.121)

दीपान्प्रोबोध्य बहुशो ममालंकृत्य शक्तितः ॥ तौर्यत्रिकविनोदेन पुराणश्रवणादिभिः

dīpānprobodhya bahuśo mamālaṁkṛtya śaktitaḥ || tauryatrikavinodena purāṇaśravaṇādibhiḥ

"...बहुत से दीप जलाकर, अपनी शक्ति के अनुसार मेरा शृंगार कर, गीत-नृत्य-वाद्य के विनोद और पुराण-श्रवण आदि से..."

श्लोक 122 (skanda.4.60.122)

महामहोत्सवं कृत्वा यावत्पूर्णा तिथिर्भवेत् ॥ तत्रान्नदानं बहुशः कृत्वामत्प्रीतये नरः

mahāmahotsavaṁ kṛtvā yāvatpūrṇā tithirbhavet || tatrānnadānaṁ bahuśaḥ kṛtvāmatprītaye naraḥ

"...जब तक तिथि पूर्ण न हो, तब तक महोत्सव मनाकर, वहाँ मेरी प्रसन्नता के लिए बार-बार अन्न-दान करने वाला मनुष्य..."

श्लोक 123 (skanda.4.60.123)

महापातकयुक्तोपि न विशेत्प्रमदोदरम् ॥ बिंदुमाधवनामानं यो मामत्र समर्चयेत्

mahāpātakayuktopi na viśetpramadodaram || biṁdumādhavanāmānaṁ yo māmatra samarcayet

"...महापातकों से युक्त होकर भी, फिर स्त्री के गर्भ में प्रवेश नहीं करता, जो मुझे यहाँ बिन्दुमाधव नाम से पूजता है।"

श्लोक 124 (skanda.4.60.124)

बिंदुतीर्थकृतस्नानो निर्वाणं स हि विंदति ॥ आदिमाधवनामाहं पूज्यः सत्ययुगे मुने

biṁdutīrthakṛtasnāno nirvāṇaṁ sa hi viṁdati || ādimādhavanāmāhaṁ pūjyaḥ satyayuge mune

"बिन्दुतीर्थ में स्नान कर वह निश्चय ही निर्वाण पाता है। हे मुने, सत्ययुग में मैं आदिमाधव नाम से पूजित होता हूँ।"

श्लोक 125 (skanda.4.60.125)

अनंतमाधवो ज्ञेयस्त्रेतायां सर्वसिद्धिदः ॥ श्रीदमाधवसंज्ञोहं द्वापरे परमार्थकृत्

anaṁtamādhavo jñeyastretāyāṁ sarvasiddhidaḥ || śrīdamādhavasaṁjñohaṁ dvāpare paramārthakṛt

"त्रेतायुग में सर्वसिद्धि देने वाला अनन्तमाधव कहा जाता है; द्वापर में मैं परमार्थ करने वाला श्रीदमाधव नाम से हूँ।"

श्लोक 126 (skanda.4.60.126)

कलौ कलिमलध्वंसी ज्ञेयोहं बिंदुमाधवः ॥ कलौ कल्मषसंपन्ना न मां विंदंति मानवाः

kalau kalimaladhvaṁsī jñeyohaṁ biṁdumādhavaḥ || kalau kalmaṣasaṁpannā na māṁ viṁdaṁti mānavāḥ

"कलियुग में कलि के मल का नाशक बिन्दुमाधव नाम से मैं जाना जाता हूँ; किन्तु कलियुग में पापयुक्त मनुष्य मुझे नहीं पाते।"

श्लोक 127 (skanda.4.60.127)

ममैव मायया मूढा भेदवादपरायणाः ॥ मम भक्तिं प्रकुर्वाणा ये विश्वेशं द्विषंति वै

mamaiva māyayā mūḍhā bhedavādaparāyaṇāḥ || mama bhaktiṁ prakurvāṇā ye viśveśaṁ dviṣaṁti vai

"मेरी ही माया से मूढ़, भेदवाद में तत्पर कुछ लोग मेरी भक्ति करते हुए भी विश्वेश (शिव) से द्वेष करते हैं।"

श्लोक 128 (skanda.4.60.128)

विद्विषो मम ते ज्ञेयाः पिशाचपदगामिनः ॥ पैशाचीं योनिमाप्यापि कालभैरवशासनात्

vidviṣo mama te jñeyāḥ piśācapadagāminaḥ || paiśācīṁ yonimāpyāpi kālabhairavaśāsanāt

"उन्हें मेरा द्वेषी जानो, जो पिशाच-गति को प्राप्त होते हैं; कालभैरव के शासन से वे पिशाच-योनि को भी प्राप्त होते हैं।"

श्लोक 129 (skanda.4.60.129)

त्रिंशद्वर्ष सहस्राणि उषित्वा दुःखसागरे ॥ विश्वेशानुग्रहादेव ततो मोक्षमवाप्नुयुः

triṁśadvarṣa sahasrāṇi uṣitvā duḥkhasāgare || viśveśānugrahādeva tato mokṣamavāpnuyuḥ

"तीस हजार वर्षों तक दुःखसागर में रहकर, वे विश्वेश की कृपा से ही मोक्ष पाते हैं।"

श्लोक 130 (skanda.4.60.130)

तस्माद्द्वेषो न कर्तव्यो विश्वेशे परमात्मनि ॥ विश्वेश द्वेषिणां पुंसां प्रायश्चित्तं यतो नहि

tasmāddveṣo na kartavyo viśveśe paramātmani || viśveśa dveṣiṇāṁ puṁsāṁ prāyaścittaṁ yato nahi

"इसलिए परमात्मा विश्वेश से द्वेष नहीं करना चाहिए; विश्वेश से द्वेष करने वाले मनुष्यों के लिए कोई प्रायश्चित्त नहीं है।"

श्लोक 131 (skanda.4.60.131)

मनसापि हि विश्वेशं विद्विषंतीह येऽधमाः ॥ अध्यासतेंधतामिस्रं मृतास्तेन्यत्र संततम्

manasāpi hi viśveśaṁ vidviṣaṁtīha ye'dhamāḥ || adhyāsateṁdhatāmisraṁ mṛtāstenyatra saṁtatam

"जो अधम मन से भी यहाँ विश्वेश से द्वेष करते हैं, वे मरकर वहाँ निरन्तर अन्धतामिस्र में निवास करते हैं।"

श्लोक 132 (skanda.4.60.132)

शिवनिंदापरा ये च ये पाशुपतनिंदकाः ॥ विद्विषो मम ते ज्ञेया पततो नरकेऽशुचौ

śivaniṁdāparā ye ca ye pāśupataniṁdakāḥ || vidviṣo mama te jñeyā patato narake'śucau

"जो शिव-निन्दा में तत्पर हैं और जो पाशुपतों की निन्दा करने वाले हैं, उन्हें भी मेरा द्वेषी जानो - वे अशुद्ध नरक में गिरते हैं।"

श्लोक 133 (skanda.4.60.133)

अष्टाविंशति कोटीषु नरकेषु क्रमेण हि ॥ कल्पं कल्पं वसेयुस्ते ये विश्वेश्वरनिंदकाः

aṣṭāviṁśati koṭīṣu narakeṣu krameṇa hi || kalpaṁ kalpaṁ vaseyuste ye viśveśvaraniṁdakāḥ

"जो विश्वेश्वर की निन्दा करते हैं, वे अट्ठाईस करोड़ नरकों में क्रमशः कल्प-कल्प तक निवास करते हैं।"

श्लोक 134 (skanda.4.60.134)

विश्वेशानुग्रहं प्राप्य मुनेहमपि मुक्तिदः ॥ मद्भक्तैस्तद्विशेषेण सेव्यो विश्वेश्वरोऽनिशम्

viśveśānugrahaṁ prāpya munehamapi muktidaḥ || madbhaktaistadviśeṣeṇa sevyo viśveśvaro'niśam

"हे मुने, विश्वेश की कृपा पाकर ही मैं भी मुक्तिदाता हूँ; इसलिए मेरे भक्तों को विशेष रूप से निरन्तर विश्वेश्वर की सेवा करनी चाहिए।"

श्लोक 135 (skanda.4.60.135)

इयं वाराणसी ज्ञेया मुने पाशुपतस्थली ॥ तस्मात्पशुपतिः सेव्यः काश्यां निश्रेयसार्थिभिः

iyaṁ vārāṇasī jñeyā mune pāśupatasthalī || tasmātpaśupatiḥ sevyaḥ kāśyāṁ niśreyasārthibhiḥ

"हे मुने, यह वाराणसी पाशुपतों की स्थली मानी जाती है; इसलिए काशी में निःश्रेयस चाहने वालों को पशुपति की सेवा करनी चाहिए।"

श्लोक 136 (skanda.4.60.136)

अत्र पंचनदे तीर्थे स्नाति विश्वेश्वरः स्वयम् ॥ ऊर्जे सदैव सगणः सस्कंदः सपरिच्छदः

atra paṁcanade tīrthe snāti viśveśvaraḥ svayam || ūrje sadaiva sagaṇaḥ saskaṁdaḥ saparicchadaḥ

"यहाँ पंचनद तीर्थ में स्वयं विश्वेश्वर, गणों, स्कन्द तथा सम्पूर्ण परिवार सहित ऊर्ज में सदा स्नान करते हैं।"

श्लोक 137 (skanda.4.60.137)

ब्रह्मा सवेदः समखो ब्रह्माण्याद्याश्च मातरः ॥ सप्ताब्धयः ससरितः स्नांत्यूर्जे धूतपापके

brahmā savedaḥ samakho brahmāṇyādyāśca mātaraḥ || saptābdhayaḥ sasaritaḥ snāṁtyūrje dhūtapāpake

"वेद सहित ब्रह्मा, यज्ञ सहित, ब्राह्मणी आदि माताएँ, सातों समुद्र नदियों सहित - सब ऊर्ज में धूतपापा में स्नान करते हैं।"

श्लोक 138 (skanda.4.60.138)

सचेतना हि यावंतस्त्रैलोक्ये देहधारिणः ॥ तावंतः स्नातुमायांति कार्तिके धूतपापके

sacetanā hi yāvaṁtastrailokye dehadhāriṇaḥ || tāvaṁtaḥ snātumāyāṁti kārtike dhūtapāpake

"त्रैलोक्य में जितने भी सचेतन देहधारी हैं, वे सब कार्तिक में धूतपापा में स्नान करने आते हैं।"

श्लोक 139 (skanda.4.60.139)

यैर्न पंचनदे स्नातं प्राप्य कार्तिकिकं शुभम् ॥ जलबुदुदवत्तेषां वृथाजन्म शरीरिणाम्

yairna paṁcanade snātaṁ prāpya kārtikikaṁ śubham || jalabududavatteṣāṁ vṛthājanma śarīriṇām

"जिन्होंने शुभ कार्तिक पाकर भी पंचनद में स्नान नहीं किया, उन देहधारियों का जन्म जल के बुलबुले के समान व्यर्थ है।"

श्लोक 140 (skanda.4.60.140)

आनंदकाननं पुण्यं पुण्यं पांचनदं ततः ॥ ततोपि मम सान्निध्यमग्निबिंदो महामुने

ānaṁdakānanaṁ puṇyaṁ puṇyaṁ pāṁcanadaṁ tataḥ || tatopi mama sānnidhyamagnibiṁdo mahāmune

"आनन्दकानन पुण्य है, उससे भी पुण्य पंचनद है; और हे महामुने अग्निबिन्दु, उससे भी बढ़कर मेरा सान्निध्य है।"

श्लोक 141 (skanda.4.60.141)

अनेनैवानुमानेन विद्धि पंचनदस्य वै ॥ महिमानं महाप्राज्ञ सर्वतीर्थोत्तमोत्तमम्

anenaivānumānena viddhi paṁcanadasya vai || mahimānaṁ mahāprājña sarvatīrthottamottamam

"हे महाप्राज्ञ, इसी अनुमान से पंचनद की महिमा जानो - यह सम्पूर्ण तीर्थों में सर्वश्रेष्ठ है।"

श्लोक 142 (skanda.4.60.142)

श्रुत्वापि यं महाप्राज्ञो महापापैः प्रमुच्यते ॥ विष्णोर्मुखादिति श्रुत्वा सोग्निबिंदुर्महामुनिः

śrutvāpi yaṁ mahāprājño mahāpāpaiḥ pramucyate || viṣṇormukhāditi śrutvā sognibiṁdurmahāmuniḥ

"इसे सुनकर भी महाप्राज्ञ मनुष्य महापापों से मुक्त हो जाता है" - विष्णु के मुख से यह सुनकर वह महामुनि अग्निबिन्दु...

श्लोक 143 (skanda.4.60.143)

पुनः प्रणम्य पप्रच्छ बिंदुमाधवमच्युतम्

punaḥ praṇamya papraccha biṁdumādhavamacyutam

...पुनः प्रणाम कर अच्युत बिन्दुमाधव से पूछने लगा।

श्लोक 144 (skanda.4.60.144)

अग्निबिंदुरुवाच ॥ भगवञ्छ्रोतुमिच्छामि बिंदुमाधव तद्वद ॥ कतिधा तव रूपाणि काश्यां संति जनार्दन

agnibiṁduruvāca || bhagavañchrotumicchāmi biṁdumādhava tadvada || katidhā tava rūpāṇi kāśyāṁ saṁti janārdana

अग्निबिन्दु ने कहा - "हे भगवन् बिन्दुमाधव, मैं सुनना चाहता हूँ, बताइए - हे जनार्दन, काशी में आपके कितने रूप हैं?"

श्लोक 145 (skanda.4.60.145)

भविष्याण्यपि कानीह तानि मे कथयाच्युत ॥ यानि संपूज्यते भक्ताः प्राप्स्यंति कृतकृत्यताम्

bhaviṣyāṇyapi kānīha tāni me kathayācyuta || yāni saṁpūjyate bhaktāḥ prāpsyaṁti kṛtakṛtyatām

"और भविष्य में कौन-कौन से [रूप] होंगे? हे अच्युत, मुझे वे भी बताइए, जिनकी पूजा से भक्त कृतकृत्यता को प्राप्त करेंगे।"