केदार-महिमा-आख्यान

श्लोक 1 (skanda.4.77.1)

।। पार्वत्युवाच ।। ।। नमस्ते देवदेवेश प्रणमत्करुणानिधे ।। वद केदारमाहात्म्यं भक्तानामनुकंपया

|| pārvatyuvāca || || namaste devadeveśa praṇamatkaruṇānidhe || vada kedāramāhātmyaṁ bhaktānāmanukaṁpayā

पार्वती ने कहा — हे देवदेवेश, प्रणाम करने वालों के लिए करुणानिधि, आपको नमस्कार है। भक्तों पर अनुकम्पा करके केदार की महिमा बताइए।

श्लोक 2 (skanda.4.77.2)

तस्मिँल्लिंगे महाप्रीतिस्तव काश्यामनुत्तमा ।। तद्भक्ताश्च जना नित्यं देवदेवमहाधियः

tasmi~lliṁge mahāprītistava kāśyāmanuttamā || tadbhaktāśca janā nityaṁ devadevamahādhiyaḥ

काशी में उस लिंग में आपका सर्वोच्च प्रेम है; और उसके भक्त सदा देवाधिदेव के प्रति महान बुद्धि वाले होते हैं।

श्लोक 3 (skanda.4.77.3)

।। देवदेव उवाच ।। ।। शृण्वपर्णेभिधास्यामि केदारेश्वर संकथाम् ।। समाकर्ण्यापि यां पापोप्यपापो जायते क्षणात्

|| devadeva uvāca || || śṛṇvaparṇebhidhāsyāmi kedāreśvara saṁkathām || samākarṇyāpi yāṁ pāpopyapāpo jāyate kṣaṇāt

देवदेव ने कहा — हे अपर्णे, सुनो, मैं केदारेश्वर की कथा कहूँगा, जिसे सुनकर पापी भी क्षणभर में निष्पाप हो जाता है।

श्लोक 4 (skanda.4.77.4)

केदारं यातुकामस्य पुंसो निश्चितचेतसः ।। आजन्मसंचितं पापं तत्क्षणादेव नश्यति

kedāraṁ yātukāmasya puṁso niścitacetasaḥ || ājanmasaṁcitaṁ pāpaṁ tatkṣaṇādeva naśyati

निश्चित मन वाले जो पुरुष केदार जाने की इच्छा करता है, उसका जन्म से संचित पाप उसी क्षण नष्ट हो जाता है।

श्लोक 5 (skanda.4.77.5)

गृहाद्विनिर्गते पुंसि केदारमभिनिश्चितम् ।। जन्मद्वयार्जितं पापं शरीरादपि निर्व्रजेत्

gṛhādvinirgate puṁsi kedāramabhiniścitam || janmadvayārjitaṁ pāpaṁ śarīrādapi nirvrajet

केदार जाने के लिए निश्चय करके घर से निकलते ही मनुष्य के दो जन्मों में अर्जित पाप उसके शरीर से भी निकल जाते हैं।

श्लोक 6 (skanda.4.77.6)

मध्ये मार्गं प्रपन्नस्य त्रिजन्मजनितं त्वघम् ।। देहगेहाद्विनिःसृत्य निराशं याति निःश्वसत्

madhye mārgaṁ prapannasya trijanmajanitaṁ tvagham || dehagehādviniḥsṛtya nirāśaṁ yāti niḥśvasat

मार्ग के मध्य पहुँचे व्यक्ति का तीन जन्मों में उत्पन्न पाप उसके देह-रूपी घर से आह भरकर, निराश होकर निकल जाता है।

श्लोक 7 (skanda.4.77.7)

सायंकेदारकेदारकेदारेति त्रिरुच्चरन्।। गृहेपि निवसन्नूनं यात्राफलमवाप्नुयात्

sāyaṁkedārakedārakedāreti triruccaran|| gṛhepi nivasannūnaṁ yātrāphalamavāpnuyāt

सायंकाल "केदार-केदार-केदार" ऐसा तीन बार उच्चारण करने वाला घर में रहकर भी निश्चय ही यात्रा का फल प्राप्त कर लेता है।

श्लोक 8 (skanda.4.77.8)

दृष्ट्वा केदारशिखरं पीत्वा तत्रत्यमंबु च ।। सप्तजन्मकृतात्पापान्मुच्यते नात्र संशयः

dṛṣṭvā kedāraśikharaṁ pītvā tatratyamaṁbu ca || saptajanmakṛtātpāpānmucyate nātra saṁśayaḥ

केदार के शिखर को देखकर और वहाँ का जल पीकर सात जन्मों में किए पापों से मुक्त हो जाता है, इसमें संशय नहीं।

श्लोक 9 (skanda.4.77.9)

हरपापह्रदे स्नात्वा केदारेशं प्रपूज्य च ।। कोटिजन्मार्जितैनोभिर्मुच्यते नात्र संशयः

harapāpahrade snātvā kedāreśaṁ prapūjya ca || koṭijanmārjitainobhirmucyate nātra saṁśayaḥ

हरपाप ह्रद में स्नान करके और केदारेश की भलीभाँति पूजा करके करोड़ों जन्मों में अर्जित पापों से मुक्त हो जाता है, इसमें संशय नहीं।

श्लोक 10 (skanda.4.77.10)

सकृत्प्रणम्य केदारं हरपापकृतोदकः ।। स्थाप्य लिंगं हृदंभोजे प्रांते मोक्षं गमिष्यति

sakṛtpraṇamya kedāraṁ harapāpakṛtodakaḥ || sthāpya liṁgaṁ hṛdaṁbhoje prāṁte mokṣaṁ gamiṣyati

एक बार केदार को प्रणाम करके, हरपाप-जल से आचमन करके, हृदय-कमल में लिंग को स्थापित करके, वह अन्ततः मोक्ष को प्राप्त करता है।

श्लोक 11 (skanda.4.77.11)

हरपापह्रदे श्राद्धं श्रद्धया यः करिष्यति ।। उद्धृत्य सप्तपुरुषान्स मे लोकं गमिष्यति

harapāpahrade śrāddhaṁ śraddhayā yaḥ kariṣyati || uddhṛtya saptapuruṣānsa me lokaṁ gamiṣyati

जो श्रद्धा से हरपाप ह्रद में श्राद्ध करता है, वह सात पीढ़ियों का उद्धार करके मेरे लोक को जाता है।

श्लोक 12 (skanda.4.77.12)

पुरा राथंतरे कल्पे यदभूदत्र तच्छृणु ।। अपर्णे दत्तकर्णा त्वं वर्णयामि तवाग्रतः

purā rāthaṁtare kalpe yadabhūdatra tacchṛṇu || aparṇe dattakarṇā tvaṁ varṇayāmi tavāgrataḥ

पूर्वकाल में रथन्तर कल्प में यहाँ जो हुआ था, वह सुनो; हे अपर्णे, कान लगाकर सुनो, मैं तुम्हारे समक्ष उसका वर्णन करता हूँ।

श्लोक 13 (skanda.4.77.13)

एको ब्राह्मणदायाद उज्जयिन्या इहागतः ।। कृतोपनयनः पित्रा ब्रह्मचर्यव्रतेस्थितः

eko brāhmaṇadāyāda ujjayinyā ihāgataḥ || kṛtopanayanaḥ pitrā brahmacaryavratesthitaḥ

एक ब्राह्मण-पुत्र उज्जयिनी से यहाँ आया, जिसका पिता ने उपनयन-संस्कार किया था, और जो ब्रह्मचर्य-व्रत में स्थित था।

श्लोक 14 (skanda.4.77.14)

स्थलीं पाशुपतीं काशीं स विलोक्य समंततः।। द्विजैः पाशुपतैः कीर्णां जटामुकुटभूषितैः

sthalīṁ pāśupatīṁ kāśīṁ sa vilokya samaṁtataḥ|| dvijaiḥ pāśupataiḥ kīrṇāṁ jaṭāmukuṭabhūṣitaiḥ

उसने पशुपति की भूमि काशी को चारों ओर देखा, जो जटा-मुकुट से सुशोभित लिंग-पूजक पाशुपत ब्राह्मणों से भरी हुई थी,

श्लोक 15 (skanda.4.77.15)

कृतलिंगसमर्चैश्च भूतिभूषितवर्ष्मभिः ।। भिक्षाहृतान्नसंतुष्टैः पुष्टैर्गंगामृतोदकैः

kṛtaliṁgasamarcaiśca bhūtibhūṣitavarṣmabhiḥ || bhikṣāhṛtānnasaṁtuṣṭaiḥ puṣṭairgaṁgāmṛtodakaiḥ

जो लिंग-पूजा करने वाले, भस्म से सुशोभित शरीर वाले, भिक्षा से लाए अन्न से सन्तुष्ट, गंगा के अमृत-जल से पुष्ट थे।

श्लोक 16 (skanda.4.77.16)

बभूवानंदितमना व्रतं जग्राह चोत्तमम्।। हिरण्यगर्भादाचार्यान्महत्पाशुपताभिधम्

babhūvānaṁditamanā vrataṁ jagrāha cottamam|| hiraṇyagarbhādācāryānmahatpāśupatābhidham

उसका मन प्रसन्न हो गया, और उसने आचार्य हिरण्यगर्भ से महान पाशुपत नामक श्रेष्ठ व्रत ग्रहण किया।

श्लोक 17 (skanda.4.77.17)

स च शिष्यो वशिष्ठोभूत्सर्वपाशुपतोत्तमः ।। स्नात्वा ह्रदे हरपापे नित्यप्रातः समुत्थितः

sa ca śiṣyo vaśiṣṭhobhūtsarvapāśupatottamaḥ || snātvā hrade harapāpe nityaprātaḥ samutthitaḥ

वह शिष्य वशिष्ठ नाम से सर्वश्रेष्ठ पाशुपत हुआ; प्रतिदिन प्रातः उठकर हरपाप ह्रद में स्नान करता था।

श्लोक 18 (skanda.4.77.18)

विभूत्याहरहः स्नाति त्रिकालं लिंगमर्चयन् ।। नांतरं स विजानाति शिवलिंगे गुरौ तथा

vibhūtyāharahaḥ snāti trikālaṁ liṁgamarcayan || nāṁtaraṁ sa vijānāti śivaliṁge gurau tathā

वह प्रतिदिन भस्म से स्नान करता, तीनों संध्याओं में लिंग की पूजा करता; वह शिवलिंग और गुरु में कोई भेद नहीं मानता था।

श्लोक 19 (skanda.4.77.19)

स द्वादशाब्ददेशीयो वशिष्ठो गुरुणा सह ।। ययौ केदारयात्रार्थं गिरिं गौरीगुरोर्गुरुम्

sa dvādaśābdadeśīyo vaśiṣṭho guruṇā saha || yayau kedārayātrārthaṁ giriṁ gaurīgurorgurum

वह वशिष्ठ, बारह वर्ष की आयु में, गुरु के साथ केदार-यात्रा के लिए गौरी के पिता के भी गुरु उस पर्वत (हिमालय) की ओर चला।

श्लोक 20 (skanda.4.77.20)

यत्र गत्वा न शोचंति किंचित्संसारिणः क्वचित ।। प्राश्योदकं लिंगरूपं लिंगरूपत्वमागताः

yatra gatvā na śocaṁti kiṁcitsaṁsāriṇaḥ kvacita || prāśyodakaṁ liṁgarūpaṁ liṁgarūpatvamāgatāḥ

जहाँ जाकर संसारी प्राणी कहीं भी कोई शोक नहीं करते, और लिंग-रूप जल पीकर स्वयं लिंग-रूपता को प्राप्त हो जाते हैं।

श्लोक 21 (skanda.4.77.21)

असिधारं गिरिं प्राप्य वशिष्ठस्य तपस्विनः ।। गुरुर्हिरण्यगर्भाख्यः पंचत्वमगमत्तदा

asidhāraṁ giriṁ prāpya vaśiṣṭhasya tapasvinaḥ || gururhiraṇyagarbhākhyaḥ paṁcatvamagamattadā

असिधार पर्वत पर पहुँचकर तपस्वी वशिष्ठ के गुरु हिरण्यगर्भ ने तभी देह त्याग दी।

श्लोक 22 (skanda.4.77.22)

पश्यतां तापसानां च विमाने सार्वकामिके ।। आरोप्य तं पारिषदाः कैलासमनयन्मुदा

paśyatāṁ tāpasānāṁ ca vimāne sārvakāmike || āropya taṁ pāriṣadāḥ kailāsamanayanmudā

तपस्वियों के देखते-देखते ही शिव-पार्षदों ने उन्हें सर्वकामनापूरक विमान पर बैठाकर हर्षपूर्वक कैलास ले गए।

श्लोक 23 (skanda.4.77.23)

यस्तु केदारमुद्दिश्य गेहादर्धपथेप्यहो ।। अकातरस्त्यजेत्प्राणान्कैलासे स चिरं वसेत्

yastu kedāramuddiśya gehādardhapathepyaho || akātarastyajetprāṇānkailāse sa ciraṁ vaset

जो कोई केदार को लक्ष्य करके घर से आधे मार्ग में भी, हे अहो, बिना भय के प्राण त्याग देता है, वह कैलास में चिरकाल तक वास करता है।

श्लोक 24 (skanda.4.77.24)

तदाश्चर्यं समालोक्य स वशिष्ठस्तपोधनः ।। केदारमेव लिंगेषु बह्वमंस्त सुनिश्चितम्

tadāścaryaṁ samālokya sa vaśiṣṭhastapodhanaḥ || kedārameva liṁgeṣu bahvamaṁsta suniścitam

उस आश्चर्य को देखकर तपोधन वशिष्ठ ने केदार को ही सब लिंगों में सर्वश्रेष्ठ मान लिया, दृढ़ निश्चय के साथ।

श्लोक 25 (skanda.4.77.25)

अथ कृत्वा स कैदारीं यात्रां वाराणसीमगात् ।। अग्रहीन्नियमं चापि यथार्थं चाकरोत्पुनः ।।

atha kṛtvā sa kaidārīṁ yātrāṁ vārāṇasīmagāt || agrahīnniyamaṁ cāpi yathārthaṁ cākarotpunaḥ ||

फिर केदार-यात्रा पूरी करके वह वाराणसी गया; और वहाँ उसने एक नियम भी ग्रहण किया, जिसे उसने यथावत् पालन किया —

श्लोक 26 (skanda.4.77.26)

प्रति चैत्रं सदा चैत्र्यां यावज्जीवमहं ध्रुवम् ।। विलोकयिष्ये केदारं वसन्वाराणसीं पुरीम्

prati caitraṁ sadā caitryāṁ yāvajjīvamahaṁ dhruvam || vilokayiṣye kedāraṁ vasanvārāṇasīṁ purīm

"प्रत्येक चैत्र मास में, चैत्री तिथि को, जब तक मैं जीवित हूँ, वाराणसी नगरी में रहते हुए, निश्चय ही मैं केदार के दर्शन करूँगा।"

श्लोक 27 (skanda.4.77.27)

तेन यात्राः कृताः सम्यक् षष्टिरेकाधिका मुदा ।। आनंदकानने नित्यं वसता ब्रह्मचारिणा

tena yātrāḥ kṛtāḥ samyak ṣaṣṭirekādhikā mudā || ānaṁdakānane nityaṁ vasatā brahmacāriṇā

उसने आनन्दकानन में सदा ब्रह्मचारी बनकर रहते हुए भलीभाँति इकसठ यात्राएँ हर्षपूर्वक पूरी कीं।

श्लोक 28 (skanda.4.77.28)

पुनर्यात्रां स वै चक्रे मधौ निकटवर्तिनि ।। परमोत्साहसंतुष्टः पलिता कलितोप्यलम्

punaryātrāṁ sa vai cakre madhau nikaṭavartini || paramotsāhasaṁtuṣṭaḥ palitā kalitopyalam

फिर जब चैत्र मास निकट आया, तब उसने पुनः यात्रा आरम्भ की, परम उत्साह से सन्तुष्ट, यद्यपि वह वृद्ध होकर बालों से पलित हो चुका था।

श्लोक 29 (skanda.4.77.29)

तपोधनैस्तन्निधनं शंकमानैर्निवारितः ।। कारुण्यपूर्णहृदयैरन्यैरपि च संगिभिः

tapodhanaistannidhanaṁ śaṁkamānairnivāritaḥ || kāruṇyapūrṇahṛdayairanyairapi ca saṁgibhiḥ

उसकी मृत्यु की आशंका करते हुए तपस्वियों ने, और अन्य करुणा-हृदय सहचरों ने भी उसे रोका।

श्लोक 30 (skanda.4.77.30)

ततोपि न तदुत्साहभंगोभूद्दृढचेतसः ।। मध्ये मार्गं मृतस्यापि गुरोरिव गतिर्मम

tatopi na tadutsāhabhaṁgobhūddṛḍhacetasaḥ || madhye mārgaṁ mṛtasyāpi guroriva gatirmama

फिर भी दृढ़-चित्त उसका वह उत्साह भंग नहीं हुआ — [उसने कहा] "मार्ग के मध्य मरने पर भी गुरु की जैसी गति मुझे भी मिलेगी।"

श्लोक 31 (skanda.4.77.31)

इति निश्चितचेतस्के वशिष्ठे तापसे शुचौ ।। अशूद्रान्न परीपुष्टे तुष्टोहं चंडिकेऽभवम्

iti niścitacetaske vaśiṣṭhe tāpase śucau || aśūdrānna parīpuṣṭe tuṣṭohaṁ caṁḍike'bhavam

इस प्रकार दृढ़-निश्चय, पवित्र, अशूद्र के अन्न से पालित उस तपस्वी वशिष्ठ से, हे चण्डिके, मैं प्रसन्न हो गया।

श्लोक 32 (skanda.4.77.32)

स्वप्रेमया स संप्रोक्तो वशिष्ठस्तापसोत्तमः ।। दृढव्रत प्रसन्नोस्मि केदारं विद्धि मामिह

svapremayā sa saṁprokto vaśiṣṭhastāpasottamaḥ || dṛḍhavrata prasannosmi kedāraṁ viddhi māmiha

अपने प्रेम से मैंने उस श्रेष्ठ तपस्वी वशिष्ठ से कहा — "हे दृढ़-व्रत, मैं प्रसन्न हूँ; यहाँ मुझे केदार जानो।"

श्लोक 33 (skanda.4.77.33)

अभीष्टं च वरं मत्तः प्रार्थयस्वाविचारितम् ।। इत्युक्तवत्यपि मयि स्वप्नो मिथ्येति सोब्रवीत्

abhīṣṭaṁ ca varaṁ mattaḥ prārthayasvāvicāritam || ityuktavatyapi mayi svapno mithyeti sobravīt

"और अभीष्ट वर बिना विचारे मुझसे माँग लो।" यह कहने पर भी उसने कहा — "यह स्वप्न मिथ्या है।"

श्लोक 34 (skanda.4.77.34)

ततोपि स मया प्रोक्तः स्वप्नो मिथ्याऽशुचिष्मताम् ।। भवादृशाममिथ्यैव स्वाख्या सदृशवर्तिनाम्

tatopi sa mayā proktaḥ svapno mithyā'śuciṣmatām || bhavādṛśāmamithyaiva svākhyā sadṛśavartinām

फिर मैंने उससे कहा — "स्वप्न अशुद्ध लोगों के लिए मिथ्या होता है; तुम्हारे जैसे सदाचारी व्यक्तियों की अपनी अनुभूति मिथ्या नहीं होती।"

श्लोक 35 (skanda.4.77.35)

वरं ब्रूहि प्रसन्नोस्मि स्वप्नशंकां त्यज द्विज ।। तव सत्त्ववतः किंचिन्मयादेयं न किंचन

varaṁ brūhi prasannosmi svapnaśaṁkāṁ tyaja dvija || tava sattvavataḥ kiṁcinmayādeyaṁ na kiṁcana

"वर माँगो, मैं प्रसन्न हूँ; स्वप्न की शंका त्याग दो, हे द्विज। तुम्हारे जैसे सत्त्वशाली व्यक्ति को मैं कुछ भी न देने योग्य नहीं समझता।"

श्लोक 36 (skanda.4.77.36)

इत्युक्तं मे समाकर्ण्य वरयामास मामिति ।। शिष्यो हिरण्यगर्भस्य तपस्विजनसत्तमः

ityuktaṁ me samākarṇya varayāmāsa māmiti || śiṣyo hiraṇyagarbhasya tapasvijanasattamaḥ

मेरे ये वचन सुनकर हिरण्यगर्भ के उस शिष्य, तपस्वियों में श्रेष्ठ ने मुझसे यह वर माँगा —

श्लोक 37 (skanda.4.77.37)

यदि प्रसन्नो देवेश तदा मे सानुगा इमे ।। सर्वे शूलिन्नुग्राह्या एष एव वरो मम

yadi prasanno deveśa tadā me sānugā ime || sarve śūlinnugrāhyā eṣa eva varo mama

"हे देवेश, यदि आप प्रसन्न हैं तो मेरे ये सभी अनुयायी, हे शूलिन्, आपके द्वारा स्वीकार किए जाएँ — यही मेरा वर है।"

श्लोक 38 (skanda.4.77.38)

देवि तस्येदमाकर्ण्य परोपकृतिशालिनः ।। वचनं नितरां प्रीतस्तथेति तमुवाच ह

devi tasyedamākarṇya paropakṛtiśālinaḥ || vacanaṁ nitarāṁ prītastatheti tamuvāca ha

हे देवि, परोपकार से भरे उस शिष्य के इन वचनों को सुनकर मैं अत्यन्त प्रसन्न होकर "ऐसा ही हो" कहकर उससे बोला।

श्लोक 39 (skanda.4.77.39)

पुनः परोपकरणात्तत्तपो द्विगुणीकृतम् ।। तेन पुण्येन स मया पुनः प्रोक्तो वरं वृणु

punaḥ paropakaraṇāttattapo dviguṇīkṛtam || tena puṇyena sa mayā punaḥ prokto varaṁ vṛṇu

परोपकार के कारण उसका तप दुगुना हो गया; उस पुण्य से प्रसन्न होकर मैंने उससे फिर कहा — "वर माँगो।"

श्लोक 40 (skanda.4.77.40)

स वशिष्ठो महाप्राज्ञो दृढ पाशुपतव्रतः ।। देवि मे प्रार्थयामास हिमशैलादिह स्थितिम्

sa vaśiṣṭho mahāprājño dṛḍha pāśupatavrataḥ || devi me prārthayāmāsa himaśailādiha sthitim

महाप्राज्ञ वशिष्ठ, दृढ़ पाशुपत-व्रती, हे देवि, ने मुझसे यह प्रार्थना की — "आप हिमालय से यहाँ भी वैसे ही स्थित रहें।"

श्लोक 41 (skanda.4.77.41)

ततस्तत्तपसाकृष्टः कलामात्रेण तत्र हि ।। हिमशैले ततश्चात्र सर्वभावेन संस्थितः

tatastattapasākṛṣṭaḥ kalāmātreṇa tatra hi || himaśaile tataścātra sarvabhāvena saṁsthitaḥ

तब उस तप से आकर्षित होकर मैं वहाँ हिमालय में केवल एक कला मात्र से रहा, और यहाँ काशी में अपने सम्पूर्ण भाव से स्थित हो गया।

श्लोक 42 (skanda.4.77.42)

ततः प्रभाते संजाते सर्वेषां पश्यतामहम् ।। हिमाद्रे प्रस्थितः प्राप्तस्तूयमानः सुरर्षिभिः

tataḥ prabhāte saṁjāte sarveṣāṁ paśyatāmaham || himādre prasthitaḥ prāptastūyamānaḥ surarṣibhiḥ

फिर प्रातःकाल होने पर सबके देखते-देखते मैं हिमालय से चला और यहाँ आ पहुँचा, देवताओं और ऋषियों द्वारा स्तुत होते हुए।

श्लोक 43 (skanda.4.77.43)

वशिष्ठं पुरतः कृत्वा सर्वसार्थसमायुतम् ।। हरपापह्रदे तीर्थे स्थितोहं तद्नुग्रहात्

vaśiṣṭhaṁ purataḥ kṛtvā sarvasārthasamāyutam || harapāpahrade tīrthe sthitohaṁ tadnugrahāt

वशिष्ठ को आगे करके, उसके पूरे साथियों सहित, उसकी कृपा से मैं हरपाप तीर्थ में स्थित हो गया।

श्लोक 44 (skanda.4.77.44)

मत्परिग्रहतः सर्वे हरपापे कृतोदकाः ।। आराध्य मामनेनैव वपुषा सिद्धिमागताः

matparigrahataḥ sarve harapāpe kṛtodakāḥ || ārādhya māmanenaiva vapuṣā siddhimāgatāḥ

मेरे स्वीकार से सब लोगों ने हरपाप में आचमन किया, और इसी शरीर से मेरी आराधना करके सिद्धि प्राप्त कर ली।

श्लोक 45 (skanda.4.77.45)

तदा प्रभृति लिंगेस्मिन्स्थितः साधकसिद्धये ।। अविमुक्ते परे क्षेत्रे कलिकाले विशेषतः

tadā prabhṛti liṁgesminsthitaḥ sādhakasiddhaye || avimukte pare kṣetre kalikāle viśeṣataḥ

तब से यह मैं इस लिंग में साधकों की सिद्धि के लिए स्थित हूँ, इस अविमुक्त परम क्षेत्र में, विशेष रूप से कलियुग में।

श्लोक 46 (skanda.4.77.46)

तुषाराद्रिं समारुह्य केदारं वीक्ष्य यत्फलम् ।। तत्फलं सप्तगुणितं काश्यां केदारदर्शने

tuṣārādriṁ samāruhya kedāraṁ vīkṣya yatphalam || tatphalaṁ saptaguṇitaṁ kāśyāṁ kedāradarśane

हिमालय पर चढ़कर केदार को देखने से जो फल मिलता है, वह फल काशी में केदार के दर्शन से सात गुना हो जाता है।

श्लोक 47 (skanda.4.77.47)

गौरीकुंडं यथा तत्र हंसतीर्थं च निर्मलम् ।। यथा मधुस्रवा गंगा काश्यां तदखिलं तथा

gaurīkuṁḍaṁ yathā tatra haṁsatīrthaṁ ca nirmalam || yathā madhusravā gaṁgā kāśyāṁ tadakhilaṁ tathā

जैसे वहाँ गौरीकुण्ड और निर्मल हंस-तीर्थ है, और जैसे वहाँ मधु-स्रावी गंगा है, वैसा ही सब कुछ यहाँ काशी में भी है।

श्लोक 48 (skanda.4.77.48)

इदं तीर्थं हरपापं सप्तजन्माघनाशनम् ।। गंगायां मिलितं पश्चाज्जन्मकोटिकृताघहम्

idaṁ tīrthaṁ harapāpaṁ saptajanmāghanāśanam || gaṁgāyāṁ militaṁ paścājjanmakoṭikṛtāghaham

यह हरपाप तीर्थ सात जन्मों के पाप का नाश करता है; और गंगा में मिल जाने पर करोड़ों जन्मों में किए पाप का नाश करता है।

श्लोक 49 (skanda.4.77.49)

अत्र पूर्वं तु काकोलौ युध्यतौ खान्निपेततुः ।। पश्यतां तत्र संस्थानां हंसौ भूत्वा विनिर्गतौ

atra pūrvaṁ tu kākolau yudhyatau khānnipetatuḥ || paśyatāṁ tatra saṁsthānāṁ haṁsau bhūtvā vinirgatau

यहाँ पहले दो कौए लड़ते हुए आकाश से गिर पड़े थे; और वहाँ खड़े लोगों के देखते-देखते वे हंस बनकर निकले।

श्लोक 50 (skanda.4.77.50)

गौरि त्वया कृतं पूर्वं स्नानमत्र महाह्रदे ।। गौरीतीर्थं ततः ख्यातं सर्वतीर्थोत्तमोत्तमम्

gauri tvayā kṛtaṁ pūrvaṁ snānamatra mahāhrade || gaurītīrthaṁ tataḥ khyātaṁ sarvatīrthottamottamam

हे गौरी, तुमने पहले यहाँ इस महाह्रद में स्नान किया था; इसीलिए यह गौरी-तीर्थ के नाम से प्रसिद्ध हुआ, सब तीर्थों में सर्वश्रेष्ठ।

श्लोक 51 (skanda.4.77.51)

अत्रामृतस्रवा गंगा महामोहांधकारहृत् ।। अनेकजन्मजनित जाड्यध्वंसविधायिनी

atrāmṛtasravā gaṁgā mahāmohāṁdhakārahṛt || anekajanmajanita jāḍyadhvaṁsavidhāyinī

यहाँ अमृत बहाने वाली गंगा है, जो महामोह के अंधकार को हरने वाली और अनेक जन्मों में उत्पन्न जड़ता को नष्ट करने वाली है।

श्लोक 52 (skanda.4.77.52)

सरसा मानसेनात्र पूर्वं तप्तं महातपः ।। अतस्तु मानसं तीर्थं जने ख्यातिमिदं गतम्

sarasā mānasenātra pūrvaṁ taptaṁ mahātapaḥ || atastu mānasaṁ tīrthaṁ jane khyātimidaṁ gatam

यहाँ पहले मानस ऋषि ने बड़ी तपस्या की थी; इसीलिए यह तीर्थ लोगों में "मानस-तीर्थ" के नाम से प्रसिद्ध हुआ।

श्लोक 53 (skanda.4.77.53)

अत्र पूर्वं जनः स्नानमात्रेणैव प्रमुच्यते ।। पश्चात्प्रसादितश्चाहं त्रिदशैर्मुक्तिदुर्दृशैः

atra pūrvaṁ janaḥ snānamātreṇaiva pramucyate || paścātprasāditaścāhaṁ tridaśairmuktidurdṛśaiḥ

यहाँ पहले लोग केवल स्नान मात्र से ही मुक्त हो जाते थे; परन्तु बाद में मैं उन तैंतीस देवताओं द्वारा प्रसन्न किया गया, जिन्हें मुक्ति दुर्लभ लगती थी।

श्लोक 54 (skanda.4.77.54)

सर्वे मुक्तिं गमिष्यंति यदि देवेह मानवाः ।। केदारकुंडे सुस्नातास्तदोच्छित्तिर्भविष्यति

sarve muktiṁ gamiṣyaṁti yadi deveha mānavāḥ || kedārakuṁḍe susnātāstadocchittirbhaviṣyati

[देवताओं ने कहा —] "हे देव, यदि यहाँ सब मनुष्य केदार-कुण्ड में भलीभाँति स्नान करके ही मुक्ति पा जाएँगे, तो हमारा विनाश हो जाएगा।"

श्लोक 55 (skanda.4.77.55)

सर्वेषामेव वर्णानामाश्रमाणां च धर्मिणाम्।। तस्मात्तनुविसर्गेत्र मोक्षं दास्यति नान्यथा

sarveṣāmeva varṇānāmāśramāṇāṁ ca dharmiṇām|| tasmāttanuvisargetra mokṣaṁ dāsyati nānyathā

इसलिए [मैंने निश्चय किया] — "सभी वर्णों और आश्रमों के धर्मपरायण लोगों को यहाँ शरीर त्यागने पर ही मोक्ष दूँगा, अन्यथा नहीं।"

श्लोक 56 (skanda.4.77.56)

ततस्तदुपरोधेन तथेति च मयोदितम् ।। तदारभ्य महादेवि स्नानात्केदारकुंडतः।

tatastaduparodhena tatheti ca mayoditam || tadārabhya mahādevi snānātkedārakuṁḍataḥ|

फिर उनके आग्रह से मैंने "ऐसा ही हो" कहा; हे महादेवि, तब से केदार-कुण्ड में स्नान मात्र से —

श्लोक 57 (skanda.4.77.57)

समर्चनाच्च भक्त्या वै मम नाम जपादपि ।। नैःश्रेयसीं श्रियं दद्यामन्यत्रापि तनुत्यजाम

samarcanācca bhaktyā vai mama nāma japādapi || naiḥśreyasīṁ śriyaṁ dadyāmanyatrāpi tanutyajāma

— और भक्तिपूर्वक पूजा से, तथा मेरे नाम के जप से भी, मैं परम कल्याणकारी सम्पदा तो देता हूँ, परन्तु शरीर-त्याग (मोक्ष) अन्यत्र भी हो सकता है।

श्लोक 58 (skanda.4.77.58)

केदारतीर्थे यः स्नात्वा पिंडान्दास्यति चात्वरः ।। एकोत्तरशतं वंश्यास्तस्य तीर्णा भवांबुधिम्

kedāratīrthe yaḥ snātvā piṁḍāndāsyati cātvaraḥ || ekottaraśataṁ vaṁśyāstasya tīrṇā bhavāṁbudhim

जो केदार-तीर्थ में स्नान करके शीघ्र ही पिंडदान करता है, उसकी एक सौ एक पीढ़ियाँ भवसागर से तर जाती हैं।

श्लोक 59 (skanda.4.77.59)

भौमवारे यदा दर्शस्तदा यः श्राद्धदो नरः ।। केदारकुंडमासाद्य गयाश्राद्धेन किं ततः

bhaumavāre yadā darśastadā yaḥ śrāddhado naraḥ || kedārakuṁḍamāsādya gayāśrāddhena kiṁ tataḥ

जब मंगलवार को अमावस्या हो, उस दिन जो श्राद्ध करता है, केदार-कुण्ड में पहुँचकर, उसे गया के श्राद्ध की क्या आवश्यकता?

श्लोक 60 (skanda.4.77.60)

केदारं गंतुकामस्य बुद्धिर्देया नरैरियम् ।। काश्यां स्पृशंस्त्वं केदारं कृतकृत्यो भविष्यसि

kedāraṁ gaṁtukāmasya buddhirdeyā narairiyam || kāśyāṁ spṛśaṁstvaṁ kedāraṁ kṛtakṛtyo bhaviṣyasi

केदार जाने की इच्छा रखने वाले मनुष्यों को यह बुद्धि देनी चाहिए — "काशी में ही केदार का स्पर्श करके तुम कृतकृत्य हो जाओगे।"

श्लोक 61 (skanda.4.77.61)

चैत्रकृष्णचतुर्दश्यामुपवासं विधाय च ।। त्रिगंडूषान्पिबन्प्रातर्हृल्लिंगमधितिष्ठति

caitrakṛṣṇacaturdaśyāmupavāsaṁ vidhāya ca || trigaṁḍūṣānpibanprātarhṛlliṁgamadhitiṣṭhati

चैत्र-कृष्ण-चतुर्दशी को उपवास करके, और प्रातः तीन बार आचमन करके, जो हृदय में लिंग को धारण करता है —

श्लोक 62 (skanda.4.77.62)

केदारोदकपानेन यथा तत्र फलं भवेत् ।। तथात्र जायते पुंसां स्त्रीणां चापि न संशयः

kedārodakapānena yathā tatra phalaṁ bhavet || tathātra jāyate puṁsāṁ strīṇāṁ cāpi na saṁśayaḥ

केदार का जल पीने से वहाँ जो फल मिलता है, वही फल यहाँ भी पुरुषों और स्त्रियों को प्राप्त होता है, इसमें संशय नहीं।

श्लोक 63 (skanda.4.77.63)

केदारभक्तं संपूज्य वासोन्नद्रविणादिभिः ।। आजन्मजनितं पापं त्यक्त्वा याति ममालयम् ।।

kedārabhaktaṁ saṁpūjya vāsonnadraviṇādibhiḥ || ājanmajanitaṁ pāpaṁ tyaktvā yāti mamālayam ||

केदार-भक्त को वस्त्र, अन्न, धन आदि से पूजकर, जन्म से उत्पन्न पाप को त्यागकर वह मेरे धाम को जाता है।

श्लोक 64 (skanda.4.77.64)

आषण्मासं त्रिकालं यः केदारेशं नमस्यति ।। तं नमस्यंति सततं लोकपाला यमादयः

āṣaṇmāsaṁ trikālaṁ yaḥ kedāreśaṁ namasyati || taṁ namasyaṁti satataṁ lokapālā yamādayaḥ

जो छह मास तक तीनों समय केदारेश को नमस्कार करता है, उसे यम आदि लोकपाल भी सदा नमस्कार करते हैं।

श्लोक 65 (skanda.4.77.65)

कलौ केदारमाहात्म्यं योपि कोपि न वेत्स्यति ।। यो वेत्स्यति सुपुण्यात्मा सर्वं वेत्स्यति स ध्रुवम्

kalau kedāramāhātmyaṁ yopi kopi na vetsyati || yo vetsyati supuṇyātmā sarvaṁ vetsyati sa dhruvam

कलियुग में जो कोई केदार की महिमा नहीं जानता, वह बहुत कुछ नहीं जानता; जो जानता है, वह पुण्यात्मा निश्चय ही सब कुछ जान लेता है।

श्लोक 66 (skanda.4.77.66)

केदारेशं सकृद्दृष्ट्वा देवि मेऽनुचरो भवेत् ।। तस्मात्काश्यां प्रयत्नेन केदारेशं विलोकयेत्

kedāreśaṁ sakṛddṛṣṭvā devi me'nucaro bhavet || tasmātkāśyāṁ prayatnena kedāreśaṁ vilokayet

एक बार केदारेश का दर्शन करके, हे देवि, मनुष्य मेरा अनुचर बन जाता है; इसलिए काशी में प्रयत्नपूर्वक केदारेश का दर्शन करना चाहिए।

श्लोक 67 (skanda.4.77.67)

चित्रांगदेश्वरं लिंगं केदारादुत्तरे शुभम् ।। तस्यार्चनान्नरो नित्यं स्वर्गभोगानुपाश्नुते

citrāṁgadeśvaraṁ liṁgaṁ kedārāduttare śubham || tasyārcanānnaro nityaṁ svargabhogānupāśnute

केदार से उत्तर में चित्रांगदेश्वर नामक शुभ लिंग है; उसकी पूजा से मनुष्य सदा स्वर्ग के भोग प्राप्त करता है।

श्लोक 68 (skanda.4.77.68)

केदाराद्दक्षिणे भागे नीलकंठ विलोकनात् ।। संसारोरगदष्टस्य तस्य नास्ति विषाद्भयम्

kedārāddakṣiṇe bhāge nīlakaṁṭha vilokanāt || saṁsāroragadaṣṭasya tasya nāsti viṣādbhayam

केदार से दक्षिण भाग में नीलकण्ठ के दर्शन से संसार-रूपी सर्प द्वारा डसे गए व्यक्ति को विष का भय नहीं रहता।

श्लोक 69 (skanda.4.77.69)

तद्वायव्यंबरीषेशो नरस्तदवलोकनात् ।। गर्भवासं न चाप्नोति संसारे दुःखसंकुले

tadvāyavyaṁbarīṣeśo narastadavalokanāt || garbhavāsaṁ na cāpnoti saṁsāre duḥkhasaṁkule

उसके वायव्य कोण में अम्बरीषेश हैं; उनके दर्शन से मनुष्य दुःखों से भरे संसार में फिर गर्भवास को प्राप्त नहीं होता।

श्लोक 70 (skanda.4.77.70)

इंद्रद्युम्नेश्वरं लिंगं तत्समीपे समर्च्य च ।। तेजोमयेन यानेन स स्वर्ग भुवि मोदते

iṁdradyumneśvaraṁ liṁgaṁ tatsamīpe samarcya ca || tejomayena yānena sa svarga bhuvi modate

उसके समीप इन्द्रद्युम्नेश्वर लिंग की भलीभाँति पूजा करके मनुष्य तेजोमय विमान से स्वर्ग और पृथ्वी दोनों में आनन्द मनाता है।

श्लोक 71 (skanda.4.77.71)

तद्दक्षिणे नरो दृष्ट्वा लिंगं कालंजरेश्वरम् ।। जरां कालं विनिर्जित्य मम लोके वसेच्चिरम्

taddakṣiṇe naro dṛṣṭvā liṁgaṁ kālaṁjareśvaram || jarāṁ kālaṁ vinirjitya mama loke vasecciram

उसके दक्षिण में कालंजरेश्वर लिंग को देखकर मनुष्य जरा और मृत्यु को जीतकर मेरे लोक में चिरकाल तक निवास करता है।

श्लोक 72 (skanda.4.77.72)

दृष्ट्वा क्षेमेश्वरं लिंगमुद्क्चित्रांगदेश्वरात् ।। सर्वत्र क्षेममाप्नोति लोकेऽत्र च परत्र च

dṛṣṭvā kṣemeśvaraṁ liṁgamudkcitrāṁgadeśvarāt || sarvatra kṣemamāpnoti loke'tra ca paratra ca

चित्रांगदेश्वर से उत्तर में क्षेमेश्वर लिंग को देखकर मनुष्य इस लोक और परलोक दोनों में सर्वत्र कल्याण प्राप्त करता है।

श्लोक 73 (skanda.4.77.73)

।। स्कंद उवाच ।। ।। देवदेवेन विंध्यारे केदार महिमा महान् ।। इत्याख्यायि पुरांबायै मया तेपि निरूपितः

|| skaṁda uvāca || || devadevena viṁdhyāre kedāra mahimā mahān || ityākhyāyi purāṁbāyai mayā tepi nirūpitaḥ

स्कन्द ने कहा — हे विन्ध्य के शत्रु (अगस्त्य), इस प्रकार देवदेव ने पुरम्बा (पार्वती) को केदार की महान महिमा बताई थी, जिसे मैंने भी तुम्हें बता दिया है।

श्लोक 74 (skanda.4.77.74)

केदारेश्वरलिंगस्य श्रुत्वोत्पत्तिं कृती नरः ।। शिवलोकमवाप्नोति निष्पापो जायते क्षणात्

kedāreśvaraliṁgasya śrutvotpattiṁ kṛtī naraḥ || śivalokamavāpnoti niṣpāpo jāyate kṣaṇāt

केदारेश्वर लिंग की उत्पत्ति-कथा सुनकर पुण्यवान मनुष्य शिवलोक को प्राप्त करता है, और क्षणभर में निष्पाप हो जाता है।