सती-देह-विसर्जन

श्लोक 1 (skanda.4.88.1)

अगस्त्य उवाच ।। ।। शिवलोकं समासाद्य मुनिना ब्रह्मसूनुना ।। किं चक्रे ब्रूहि षड्वक्त्र कथां कौतुकशालिनीम्

agastya uvāca || || śivalokaṁ samāsādya muninā brahmasūnunā || kiṁ cakre brūhi ṣaḍvaktra kathāṁ kautukaśālinīm

अगस्त्य ने कहा — शिवलोक पहुँचकर ब्रह्मा-पुत्र मुनि (नारद) ने क्या किया? बताइए, हे षड्मुख, वह कौतुकपूर्ण कथा।

श्लोक 2 (skanda.4.88.2)

स्कंद उवाच ।। ।। शृणु कुंभज वक्ष्यामि नारदेन महात्मना ।। यत्कृतं तत्र गत्वाशु कैलासं शंकरालयम्

skaṁda uvāca || || śṛṇu kuṁbhaja vakṣyāmi nāradena mahātmanā || yatkṛtaṁ tatra gatvāśu kailāsaṁ śaṁkarālayam

स्कन्द ने कहा — सुनो, हे कुम्भज, मैं बताता हूँ, महात्मा नारद ने वहाँ शीघ्र जाकर शंकर के धाम कैलास में जो किया।

श्लोक 3 (skanda.4.88.3)

मुनिर्गगनमार्गेण प्राप्य तद्धाम शांभवम्।। दृष्ट्वा शिवौ प्रणम्याथ शिवेन विहितादरः

munirgaganamārgeṇa prāpya taddhāma śāṁbhavam|| dṛṣṭvā śivau praṇamyātha śivena vihitādaraḥ

वह मुनि आकाश-मार्ग से शाम्भव धाम पहुँचकर, शिव-दंपती को देखकर प्रणाम करके, शिव द्वारा आदरित हुआ।

श्लोक 4 (skanda.4.88.4)

तदुद्दिष्टासनं भेजे पश्यंस्तत्क्रीडनं परम्।। क्रीडंतौ तौ तु चाक्षाभ्यां यदा न च विरमेतुः

taduddiṣṭāsanaṁ bheje paśyaṁstatkrīḍanaṁ param|| krīḍaṁtau tau tu cākṣābhyāṁ yadā na ca virametuḥ

उन्हें दिखाए गए आसन पर बैठकर वह उनका परम पासा-क्रीड़ा देखने लगा; जब वे दोनों खेलते हुए क्षणभर भी नहीं रुके,

श्लोक 5 (skanda.4.88.5)

तदौत्सुक्येन स मुनिः प्रेर्यमाण उवाच ह ।। ।। नारद उवाच ।। ।। देवदेव तव क्रीडाखिलं ब्रह्मांडगोलकम् ।। मासा द्वादश ये नाथ ते सारिफलके गृहाः

tadautsukyena sa muniḥ preryamāṇa uvāca ha || || nārada uvāca || || devadeva tava krīḍākhilaṁ brahmāṁḍagolakam || māsā dvādaśa ye nātha te sāriphalake gṛhāḥ

तब उत्सुकता से प्रेरित होकर वह मुनि बोला। नारद ने कहा — "हे देवदेव, आपका खेल ही यह सम्पूर्ण ब्रह्माण्ड-गोलक है; बारह मास, हे नाथ, आपके पासे-पट्टी के घर हैं;"

श्लोक 6 (skanda.4.88.6)

कृष्णाः कृष्णेतरा या वै तिथयस्ताश्च सारिकाः ।। द्विपंचदशमासे यास्त्वक्षयुग्मं तथायने

kṛṣṇāḥ kṛṣṇetarā yā vai tithayastāśca sārikāḥ || dvipaṁcadaśamāse yāstvakṣayugmaṁ tathāyane

"कृष्ण और शुक्ल तिथियाँ ही गोटियाँ हैं; तीस दिन का महीना और अयन ही दोनों पासे हैं;"

श्लोक 7 (skanda.4.88.7)

सृष्टिप्रलय संज्ञौ द्वौ ग्लहौ जयपराजयौ ।। देवीजये भवेत्सृष्टिरसृष्टिर्धूर्जटेर्जये

sṛṣṭipralaya saṁjñau dvau glahau jayaparājayau || devījaye bhavetsṛṣṭirasṛṣṭirdhūrjaṭerjaye

"सृष्टि और प्रलय नामक दो दाँव जय-पराजय हैं; देवी की जीत में सृष्टि होती है, धूर्जटि की जीत में असृष्टि;"

श्लोक 8 (skanda.4.88.8)

भवतोः खेलसमयो यः सा स्थितिरुदाहृता।। इत्थं क्रीडैव सकलमेतद्ब्रह्मांडमीशयोः

bhavatoḥ khelasamayo yaḥ sā sthitirudāhṛtā|| itthaṁ krīḍaiva sakalametadbrahmāṁḍamīśayoḥ

"और आप दोनों के खेल का जो समय है, वही स्थिति (पालन) कहलाती है। इस प्रकार यह सम्पूर्ण ब्रह्माण्ड ईश्वर-ईश्वरी की लीला-मात्र है।"

श्लोक 9 (skanda.4.88.9)

न देवी जेष्यति पतिं नेशः शक्तिं विजेष्यति ।। किंचिद्विज्ञप्तुकामोस्मि तन्मातरवधार्यताम्

na devī jeṣyati patiṁ neśaḥ śaktiṁ vijeṣyati || kiṁcidvijñaptukāmosmi tanmātaravadhāryatām

"न देवी पति को जीत पाएँगी, न ईश शक्ति को जीत पाएँगे। मुझे कुछ निवेदन करना है, हे माता, वह सुनिए —"

श्लोक 10 (skanda.4.88.10)

देवः सर्वज्ञनाथोपि न किंचिदवबुध्यति ।। मानापमानयोर्यस्मादसौ दूरे व्यवस्थितः

devaḥ sarvajñanāthopi na kiṁcidavabudhyati || mānāpamānayoryasmādasau dūre vyavasthitaḥ

"देव सर्वज्ञ-नाथ होते हुए भी इस विषय में कुछ नहीं समझते, क्योंकि वे मान-अपमान से दूर स्थित हैं।"

श्लोक 11 (skanda.4.88.11)

लीलात्मा गुणवानेष विचारादतिनिर्गुणः ।। कुर्वन्नपि हि कर्माणि बाध्यते नैव कर्मभिः

līlātmā guṇavāneṣa vicārādatinirguṇaḥ || kurvannapi hi karmāṇi bādhyate naiva karmabhiḥ

"वे लीला-स्वभाव, गुणवान होते हुए भी विचार से पूर्ण गुण-रहित हैं; कर्म करते हुए भी कभी कर्मों से नहीं बँधते।"

श्लोक 12 (skanda.4.88.12)

मध्यस्थोपि हि सर्वस्य माध्यस्थ्यमवलंबतै ।। सर्वत्रायं महेशानो मित्राऽमित्रसमानदृक्

madhyasthopi hi sarvasya mādhyasthyamavalaṁbatai || sarvatrāyaṁ maheśāno mitrā'mitrasamānadṛk

"सबके मध्य में रहते हुए भी वे मध्यस्थता ही रखते हैं; ये महेशान सर्वत्र मित्र-शत्रु में समान दृष्टि रखते हैं।"

श्लोक 13 (skanda.4.88.13)

त्वं शक्तिरस्य देवस्य सर्वेषां मान्यभूः परा ।। दक्षस्यापि त्वया मानो दत्तो पत्यनिमित्तकः

tvaṁ śaktirasya devasya sarveṣāṁ mānyabhūḥ parā || dakṣasyāpi tvayā māno datto patyanimittakaḥ

"आप इस देव की शक्ति हैं, सबके लिए परम आदर की भूमि हैं; दक्ष को भी आपके ही कारण, पति के निमित्त से सम्मान मिला है।"

श्लोक 14 (skanda.4.88.14)

परं त्वं सर्वजगतां जनयित्र्येकिका ध्रुवम् ।। त्वत्त आविर्भवंत्येव धातृकेशववासवाः।।

paraṁ tvaṁ sarvajagatāṁ janayitryekikā dhruvam || tvatta āvirbhavaṁtyeva dhātṛkeśavavāsavāḥ||

"परन्तु आप ही निश्चय ही सम्पूर्ण जगत् की एकमात्र जननी हैं; आपसे ही ब्रह्मा, विष्णु, इन्द्र प्रकट होते हैं।"

श्लोक 15 (skanda.4.88.15)

त्वमात्मानं न जानासि त्र्यक्षमायाविमोहिता ।। अतएव हि मे चित्तं दुनोत्यतितरां सति

tvamātmānaṁ na jānāsi tryakṣamāyāvimohitā || ataeva hi me cittaṁ dunotyatitarāṁ sati

"आप त्रिनेत्र की माया से मोहित होकर अपने आप को नहीं जानतीं। इसीलिए, हे सती, मेरा मन अत्यन्त व्यथित हो रहा है।"

श्लोक 16 (skanda.4.88.16)

अन्या अपि हि याः सत्यः पातिव्रत्यपरायणाः ।। ता भर्तृचरणौ हित्वा किंचिदन्यन्न मन्वते

anyā api hi yāḥ satyaḥ pātivratyaparāyaṇāḥ || tā bhartṛcaraṇau hitvā kiṁcidanyanna manvate

"अन्य भी जो सती स्त्रियाँ पतिव्रत में परायण हैं, वे भी पति के चरणों को छोड़कर कुछ और नहीं मानतीं।"

श्लोक 17 (skanda.4.88.17)

अथवास्तामियं वार्ता प्रस्तुतं प्रब्रवीम्यहम् ।। अद्य नीलगिरेस्तस्माद्धरिद्वारसमीपतः

athavāstāmiyaṁ vārtā prastutaṁ prabravīmyaham || adya nīlagirestasmāddharidvārasamīpataḥ

"परन्तु वह बात रहने दीजिए, मैं जो प्रस्तुत है वह कहता हूँ। आज उस नीलगिरि से, हरिद्वार के समीप से,"

श्लोक 18 (skanda.4.88.18)

अपूर्वमिव संवीक्ष्य परिप्राप्तस्तवांतिकम् ।। अत्याश्चर्यविषादाभ्यां किचिद्वक्तुमिहोत्सुकः

apūrvamiva saṁvīkṣya pariprāptastavāṁtikam || atyāścaryaviṣādābhyāṁ kicidvaktumihotsukaḥ

"एक अपूर्व-सी दृश्य देखकर मैं आपके पास आया हूँ, अत्यन्त आश्चर्य और विषाद के साथ, कुछ कहने को उत्सुक होकर।"

श्लोक 19 (skanda.4.88.19)

आश्चर्यहेतुरेवायं यत्पुंजातं त्रयीतले ।। तद्दृष्टं सकलत्रं च दक्षस्याध्वरमंडपे

āścaryaheturevāyaṁ yatpuṁjātaṁ trayītale || taddṛṣṭaṁ sakalatraṁ ca dakṣasyādhvaramaṁḍape

"आश्चर्य का कारण यह है कि मैंने वेद-भूमि पर मनुष्य-रूप में जन्मे सब देवताओं को, पत्नियों सहित, दक्ष के यज्ञ-मण्डप में देखा —"

श्लोक 20 (skanda.4.88.20)

सालंकारं समानं च सानंदमुखपंकजम् ।। विस्मृताखिलकार्यं च दक्षयज्ञप्रवर्तकम्

sālaṁkāraṁ samānaṁ ca sānaṁdamukhapaṁkajam || vismṛtākhilakāryaṁ ca dakṣayajñapravartakam

"— सब आभूषित, सब समान, सब आनन्दित मुख-कमल वाले, अन्य सब कार्य भूलकर दक्ष-यज्ञ में लगे हुए।"

श्लोक 21 (skanda.4.88.21)

विषादे कारणं चैतद्यतो जातमिदं जगत् ।। यस्मिन्प्रवर्तते यत्र लयमेष्यति च ध्रुवम्

viṣāde kāraṇaṁ caitadyato jātamidaṁ jagat || yasminpravartate yatra layameṣyati ca dhruvam

"परन्तु मेरे विषाद का कारण यह है — जिनसे यह जगत् उत्पन्न हुआ, जिनमें यह चलता है, और जिनमें यह निश्चय ही लय को प्राप्त होगा,"

श्लोक 22 (skanda.4.88.22)

तदेव तत्र नो दृष्टं भवद्वंद्वं भवापहम् ।। प्रायो विषादजनकं भवतोर्यददर्शनम्

tadeva tatra no dṛṣṭaṁ bhavadvaṁdvaṁ bhavāpaham || prāyo viṣādajanakaṁ bhavatoryadadarśanam

"— वह भव-हरण करने वाला आपका युगल वहाँ कहीं दिखाई नहीं दिया। आप दोनों का न दिखना ही मेरे विषाद का प्रायः कारण है।"

श्लोक 23 (skanda.4.88.23)

तदेव नाभवत्तत्र समभूदन्यदेव हि ।। तच्च वक्तुं न शक्येत तद्वक्ता दक्ष एव सः

tadeva nābhavattatra samabhūdanyadeva hi || tacca vaktuṁ na śakyeta tadvaktā dakṣa eva saḥ

"वह तो वहाँ नहीं था, कुछ और ही हुआ था, जो मैं कह नहीं सकता — उसे कहने वाला तो स्वयं दक्ष ही है।"

श्लोक 24 (skanda.4.88.24)

तानि वाक्यानि चाकर्ण्य द्रुहिणेन ययेततः ।। महर्षिणा दधीचेन धिक्कृतो नितरां हि सः

tāni vākyāni cākarṇya druhiṇena yayetataḥ || maharṣiṇā dadhīcena dhikkṛto nitarāṁ hi saḥ

"वे वचन सुनकर ब्रह्मा वहाँ से चले गए; और वह दक्ष महर्षि दधीचि द्वारा अत्यन्त धिक्कारा गया।"

श्लोक 25 (skanda.4.88.25)

शप्तश्च वीक्षमाणानां देवर्षीणां प्रजापतिः ।। मया च कर्णौ पिहितौ श्रुत्वा तद्गर्हणा गिरः

śaptaśca vīkṣamāṇānāṁ devarṣīṇāṁ prajāpatiḥ || mayā ca karṇau pihitau śrutvā tadgarhaṇā giraḥ

"देखते हुए देवर्षियों के समक्ष प्रजापति को शाप दिया गया; उस निन्दा-वाणी को सुनकर मैंने भी कान बन्द कर लिए थे।"

श्लोक 26 (skanda.4.88.26)

दधीचिना समं केचिद्दुर्वासः प्रमुखा द्विजाः ।। भवनिंदां समाकर्ण्य कियतोपि विनिर्ययुः

dadhīcinā samaṁ keciddurvāsaḥ pramukhā dvijāḥ || bhavaniṁdāṁ samākarṇya kiyatopi viniryayuḥ

"दधीचि के साथ कुछ ब्राह्मण, दुर्वासा प्रमुख, आपकी निन्दा सुनकर, वे कितने ही वहाँ से निकल गए।"

श्लोक 27 (skanda.4.88.27)

प्रावर्तत महायागो हृष्टपुष्टमहाजनः ।। तथा द्रष्टुं न शक्नोमि तत आगतवानिह

prāvartata mahāyāgo hṛṣṭapuṣṭamahājanaḥ || tathā draṣṭuṁ na śaknomi tata āgatavāniha

"फिर भी वह महायाग चलता रहा, हर्षित-पुष्ट महाजनों के साथ। मुझसे वह देखा नहीं गया, इसलिए यहाँ चला आया।"

श्लोक 28 (skanda.4.88.28)

भगिन्योपि च या देवि तव तत्र सभर्तृकाः ।। तासां गौरवमालोक्य न किंचिद्वक्तुमुत्सहे

bhaginyopi ca yā devi tava tatra sabhartṛkāḥ || tāsāṁ gauravamālokya na kiṁcidvaktumutsahe

"हे देवि, आपकी बहनें भी वहाँ अपने-अपने पतियों सहित थीं; उनका वैभव देखकर मैं और कुछ कहने का साहस नहीं करता।"

श्लोक 29 (skanda.4.88.29)

इति देवी समाकर्ण्य सती दक्षकुमारिका ।। करादक्षौ समुत्सृज्य दध्यौ किंचित्क्षणं हृदि

iti devī samākarṇya satī dakṣakumārikā || karādakṣau samutsṛjya dadhyau kiṁcitkṣaṇaṁ hṛdi

यह सुनकर दक्ष-कन्या सती देवी ने हाथ से पासे गिरा दिए, और क्षणभर हृदय में विचार किया।

श्लोक 30 (skanda.4.88.30)

उवाच च भवत्वेवं शरणं भव एव मे ।। संप्रधार्येति मनसि सती दाक्षायणी ततः

uvāca ca bhavatvevaṁ śaraṇaṁ bhava eva me || saṁpradhāryeti manasi satī dākṣāyaṇī tataḥ

और कहा — "ऐसा ही हो, भव ही मेरी शरण हैं।" यह मन में निश्चय करके सती दाक्षायणी —

श्लोक 31 (skanda.4.88.31)

द्रुतमेव समुत्तस्थौ प्रणनाम च शंकरम् ।। मौलावंजलिमाधाय देवी देवं व्यजिज्ञपत्

drutameva samuttasthau praṇanāma ca śaṁkaram || maulāvaṁjalimādhāya devī devaṁ vyajijñapat

— शीघ्र उठ खड़ी हुईं और शंकर को प्रणाम किया; सिर पर हाथ जोड़कर देवी ने देव से निवेदन किया —

श्लोक 32 (skanda.4.88.32)

।। देव्युवाच ।। ।। विजयस्वांधकध्वंसिं त्र्यंबक त्रिपुरांतक ।। चरणौ शरणं ते मे देह्यनुज्ञा सदाशिव

|| devyuvāca || || vijayasvāṁdhakadhvaṁsiṁ tryaṁbaka tripurāṁtaka || caraṇau śaraṇaṁ te me dehyanujñā sadāśiva

देवी ने कहा — "जय हो, अन्धक के नाशक, त्र्यम्बक, त्रिपुरान्तक! आपके चरण ही मेरी शरण हैं, अनुज्ञा दीजिए, हे सदाशिव।"

श्लोक 33 (skanda.4.88.33)

मा निषेधीः प्रार्थयामि यास्यमि पितुरंतिकम् ।। उक्त्वेति मौलिमदधादंधकारि पदांबुजे

mā niṣedhīḥ prārthayāmi yāsyami pituraṁtikam || uktveti maulimadadhādaṁdhakāri padāṁbuje

"मत रोकिए, मैं प्रार्थना करती हूँ, मैं पिता के पास जाऊँगी।" यह कहकर उसने अन्धकारि के चरण-कमल में मस्तक झुकाया।

श्लोक 34 (skanda.4.88.34)

अथोक्ता शंभुना देवी मृडान्युत्तिष्ठ भामिनि ।। किमपूर्णं तवास्त्यत्र वदसौ भाग्यसुंदरि

athoktā śaṁbhunā devī mṛḍānyuttiṣṭha bhāmini || kimapūrṇaṁ tavāstyatra vadasau bhāgyasuṁdari

तब शम्भु ने देवी से कहा — "उठो, हे मृडानी, हे उत्साहिनी। तुम्हें यहाँ क्या अपूर्ण है, बताओ, हे सौभाग्य-सुन्दरी।"

श्लोक 35 (skanda.4.88.35)

लक्ष्म्या अपि च सौभाग्यं ब्रह्माण्यै कांतिरुत्तमा ।। शच्यै नित्यनवीनत्वं भवत्या दत्तमीश्वरि

lakṣmyā api ca saubhāgyaṁ brahmāṇyai kāṁtiruttamā || śacyai nityanavīnatvaṁ bhavatyā dattamīśvari

"लक्ष्मी को सौभाग्य, ब्रह्माणी को उत्तम कान्ति, शची को नित्य-नवीनता — यह सब, हे ईश्वरि, तुम्हारे ही द्वारा दी गई है।"

श्लोक 36 (skanda.4.88.36)

त्वया च शक्तिमानस्मि महदैश्वर्यरक्षणे ।। त्वां च शक्तिं समासाद्य स्वलीलारूपधारिणीम्

tvayā ca śaktimānasmi mahadaiśvaryarakṣaṇe || tvāṁ ca śaktiṁ samāsādya svalīlārūpadhāriṇīm

"तुम्हारे ही कारण मैं महान ऐश्वर्य की रक्षा में समर्थ हूँ; तुम्हें ही शक्ति रूप में पाकर, अपनी ही लीला-रूप धारण करने वाली,"

श्लोक 37 (skanda.4.88.37)

एतत्सृजामि पाम्यद्मि त्वल्लीलाप्रेरितोंगने ।। कुतो मां हातुमिच्छेस्त्वं मम वामार्धधारिणि

etatsṛjāmi pāmyadmi tvallīlāpreritoṁgane || kuto māṁ hātumicchestvaṁ mama vāmārdhadhāriṇi

"मैं इस जगत् की रचना, पालन और भक्षण करता हूँ, तुम्हारी ही लीला से प्रेरित होकर, हे अंगने। तुम मुझे छोड़ने की इच्छा क्यों करती हो, तुम जो मेरे वामार्ध की धारिणी हो?"

श्लोक 38 (skanda.4.88.38)

शिवा शिवोदितं चेति श्रुत्वाप्याह महेश्वरम् ।। जीवितेश विहाय त्वां न क्वापि परियाम्यहम्

śivā śivoditaṁ ceti śrutvāpyāha maheśvaram || jīviteśa vihāya tvāṁ na kvāpi pariyāmyaham

शिव के इस कथन को सुनकर शिवा (देवी) ने महेश्वर से कहा — "हे प्राणनाथ, आपको छोड़कर मैं कहीं भी नहीं जाऊँगी।"

श्लोक 39 (skanda.4.88.39)

मनो मे चरणद्वंद्वे तव स्थास्यति निश्चलम् ।। क्रतुं द्रष्टुं पितुर्यामि नैक्षि यज्ञो मया क्वचित्

mano me caraṇadvaṁdve tava sthāsyati niścalam || kratuṁ draṣṭuṁ pituryāmi naikṣi yajño mayā kvacit

"मेरा मन आपके दोनों चरणों में निश्चल रहेगा। मैं केवल पिता का यज्ञ देखने जाती हूँ; मैंने कभी यज्ञ नहीं देखा।"

श्लोक 40 (skanda.4.88.40)

शंभुः कात्यायनीवाक्यामिति श्रुत्वा तदाब्रवीत् ।। क्रतुस्त्वया नेक्षितश्चेदाहरामि ततः क्रतुम्

śaṁbhuḥ kātyāyanīvākyāmiti śrutvā tadābravīt || kratustvayā nekṣitaścedāharāmi tataḥ kratum

कात्यायनी के इस वचन को सुनकर शम्भु ने कहा — "यदि तुमने यज्ञ नहीं देखा, तो मैं यहीं यज्ञ ले आता हूँ।"

श्लोक 41 (skanda.4.88.41)

मच्छक्ति धारिणी त्वं वा सृजैवान्यां क्रतुक्रियाम् ।। अन्यो यज्ञपुमानस्तु संत्वन्ये लोकपालकाः

macchakti dhāriṇī tvaṁ vā sṛjaivānyāṁ kratukriyām || anyo yajñapumānastu saṁtvanye lokapālakāḥ

"तुम, मेरी शक्ति धारण करने वाली, स्वयं ही एक और यज्ञ-कर्म रच लो; अन्य कोई यज्ञ-पुरुष हो, अन्य लोकपाल हों —"

श्लोक 42 (skanda.4.88.42)

अन्यानाशु विधेहि त्वमृषीनार्त्विज्यकर्मणि ।। पुनर्जगाद देवीति श्रुत्वा शंभोरुदीरितम्

anyānāśu vidhehi tvamṛṣīnārtvijyakarmaṇi || punarjagāda devīti śrutvā śaṁbhorudīritam

"— अन्य ऋषियों को तुरन्त ऋत्विज-कर्म में नियुक्त करो।" यह शम्भु का वचन सुनकर देवी ने फिर कहा —

श्लोक 43 (skanda.4.88.43)

पितुर्यज्ञोत्सवो नाथ द्रष्टव्योऽत्र मया ध्रुवम् ।। देह्यनुज्ञां गमिष्यामि मा मे कार्षीर्वचोन्यथा

pituryajñotsavo nātha draṣṭavyo'tra mayā dhruvam || dehyanujñāṁ gamiṣyāmi mā me kārṣīrvaconyathā

"मुझे पिता का यज्ञोत्सव अवश्य देखना है, हे नाथ। अनुज्ञा दीजिए, मैं जाऊँगी; मेरी बात को अन्यथा मत कीजिए।"

श्लोक 44 (skanda.4.88.44)

कः प्रतीपयितुं शक्तश्चेतो वा जलमेव वा ।। निम्नायाभ्युद्यतं नाथ माद्य मां प्रतिषेधय

kaḥ pratīpayituṁ śaktaśceto vā jalameva vā || nimnāyābhyudyataṁ nātha mādya māṁ pratiṣedhaya

"मन को या जल को नीचे बहने से कौन रोक सकता है? हे नाथ, आज मुझे मत रोकिए।"

श्लोक 45 (skanda.4.88.45)

निशम्येति पुनः प्राह सर्वज्ञो भूतनायकः ।। मा याहि देवि मां हित्वा गता च न मिलिष्यसि

niśamyeti punaḥ prāha sarvajño bhūtanāyakaḥ || mā yāhi devi māṁ hitvā gatā ca na miliṣyasi

यह सुनकर सर्वज्ञ भूतनाथ ने फिर कहा — "मत जाओ, हे देवि; मुझे छोड़कर गई तो फिर नहीं मिलोगी।"

श्लोक 46 (skanda.4.88.46)

अद्य प्राचीं यियासुं त्वां वारयेत्पंगुवासरः ।। नक्षत्रं च तथा ज्येष्ठा तिथिश्च नवमी प्रिये

adya prācīṁ yiyāsuṁ tvāṁ vārayetpaṁguvāsaraḥ || nakṣatraṁ ca tathā jyeṣṭhā tithiśca navamī priye

"आज पूर्व दिशा में जाने की इच्छा रखने वाली तुम्हें अशुभ दिन रोकता है; और नक्षत्र ज्येष्ठा है, तिथि नवमी है, हे प्रिये।"

श्लोक 47 (skanda.4.88.47)

अद्य सप्तदशो योगो वियोगोद्य तनोऽशुभः ।। धनिष्ठार्ध समुत्पन्ने तव ताराद्य पंचमी ।।

adya saptadaśo yogo viyogodya tano'śubhaḥ || dhaniṣṭhārdha samutpanne tava tārādya paṁcamī ||

"आज सत्रहवाँ योग है, जो वियोग लाने वाला अशुभ योग है; धनिष्ठा का उत्तरार्ध उदय हुआ है, और तुम्हारा जन्म-तारा आज पाँचवें स्थान पर है।"

श्लोक 48 (skanda.4.88.48)

मा गा देवि गताद्य त्वं नहि द्रक्ष्यसि मां पुनः ।। पुनर्देवी बभाषे सा यदि नाम्नाप्यहं सती

mā gā devi gatādya tvaṁ nahi drakṣyasi māṁ punaḥ || punardevī babhāṣe sā yadi nāmnāpyahaṁ satī

"मत जाओ, हे देवि; आज गईं तो मुझे फिर नहीं देखोगी।" देवी ने फिर कहा — "यदि मैं नाम से भी सती हूँ,"

श्लोक 49 (skanda.4.88.49)

तदा तन्वंतरेणापि करिष्ये तव दासताम् ।। ततो भवः पुनः प्राह को वा वारयितुं प्रभुः

tadā tanvaṁtareṇāpi kariṣye tava dāsatām || tato bhavaḥ punaḥ prāha ko vā vārayituṁ prabhuḥ

"तो दूसरी देह में भी मैं तुम्हारी दासी रहूँगी।" फिर भव ने कहा — "किसमें सामर्थ्य है कि —"

श्लोक 50 (skanda.4.88.50)

परिक्षुब्धमनोवृत्तिं स्त्रियं वा पुरुषं तु वा ।। पुनर्न दर्शनं देवि मया सत्यं ब्रवीम्यहम्

parikṣubdhamanovṛttiṁ striyaṁ vā puruṣaṁ tu vā || punarna darśanaṁ devi mayā satyaṁ bravīmyaham

"— अत्यन्त क्षुब्ध चित्तवृत्ति वाली स्त्री या पुरुष को रोक सके? हे देवि, मैं सत्य कहता हूँ, फिर मुझसे भेंट नहीं होगी।"

श्लोक 51 (skanda.4.88.51)

परं न देवि गंतव्यं महामानधनेच्छुभिः ।। अनाहूत तया कांते मातापितृगृहानपि

paraṁ na devi gaṁtavyaṁ mahāmānadhanecchubhiḥ || anāhūta tayā kāṁte mātāpitṛgṛhānapi

"परन्तु, हे देवि, महान मान-सम्पदा चाहने वाली स्त्री को बिना बुलाए, अपने माता-पिता के घर भी नहीं जाना चाहिए —"

श्लोक 52 (skanda.4.88.52)

यथा सिंधुगता सिंधुर्न पुनः परिवर्तते ।। तथाद्य गंत्र्या नो जातु तवागमनमिष्यते

yathā siṁdhugatā siṁdhurna punaḥ parivartate || tathādya gaṁtryā no jātu tavāgamanamiṣyate

"— जैसे समुद्र में मिली नदी फिर नहीं लौटती, वैसे ही आज जाने वाली तुम्हारा फिर आना मुझे इष्ट नहीं है।"

श्लोक 53 (skanda.4.88.53)

।। देव्युवाच ।। ।। अवश्यं यद्यहं रक्ता तव पादाबुंजद्वये ।। तथा त्वमेव मे नाथो भविष्यसि भवांतरे

|| devyuvāca || || avaśyaṁ yadyahaṁ raktā tava pādābuṁjadvaye || tathā tvameva me nātho bhaviṣyasi bhavāṁtare

देवी ने कहा — "यदि मैं वास्तव में आपके चरण-कमलों में अनुरक्त हूँ, तो निश्चय ही आप ही अगले जन्म में मेरे स्वामी बनेंगे।"

श्लोक 54 (skanda.4.88.54)

इत्युक्त्वा निर्ययौ देवी कोपांधीकृतलोचना ।। यियासुभिश्च कार्यार्थं यत्कर्तव्यं न तत्कृतम्

ityuktvā niryayau devī kopāṁdhīkṛtalocanā || yiyāsubhiśca kāryārthaṁ yatkartavyaṁ na tatkṛtam

यह कहकर देवी वहाँ से निकल गईं, क्रोध से आँखें अन्धी करके; जाने की उत्सुकता में जो करना चाहिए था, वह नहीं किया —

श्लोक 55 (skanda.4.88.55)

न ननाम महादेवं न च चक्रे प्रदक्षिणम् ।। अतएव हि सा देवी न गता पुनरागता

na nanāma mahādevaṁ na ca cakre pradakṣiṇam || ataeva hi sā devī na gatā punarāgatā

— उन्होंने न महादेव को प्रणाम किया, न उनकी प्रदक्षिणा की। इसीलिए वह देवी गईं तो फिर कभी नहीं लौटीं।

श्लोक 56 (skanda.4.88.56)

अप्रणम्य महेशानमकृत्वापि प्रदक्षिणम् ।। अद्यापि न निवर्तंते गताः प्राग्वासरा इव

apraṇamya maheśānamakṛtvāpi pradakṣiṇam || adyāpi na nivartaṁte gatāḥ prāgvāsarā iva

महेशान को प्रणाम और प्रदक्षिणा किए बिना गए हुए आज तक भी नहीं लौटते, जैसे बीते हुए दिन कभी नहीं लौटते।

श्लोक 57 (skanda.4.88.57)

तया चरणचारिण्या राज्ञ्या त्रिभुवनेशितुः ।। अपि तत्पावनं वर्त्म मेनेति कठिनं बहु

tayā caraṇacāriṇyā rājñyā tribhuvaneśituḥ || api tatpāvanaṁ vartma meneti kaṭhinaṁ bahu

पैदल चलने वाली उस त्रिभुवनेश्वर की रानी ने उस पवित्र मार्ग को भी बहुत कठिन समझा।

श्लोक 58 (skanda.4.88.58)

देवोपि तां सतीं यांतीं दृष्ट्वा चरणचारिणीम् ।। अतीव विव्यथे चित्ते गणांश्चाथ समाह्वयत्

devopi tāṁ satīṁ yāṁtīṁ dṛṣṭvā caraṇacāriṇīm || atīva vivyathe citte gaṇāṁścātha samāhvayat

देव ने भी उस सती को पैदल जाते देखकर हृदय में अत्यन्त व्यथित होकर अपने गणों को बुलाया —

श्लोक 59 (skanda.4.88.59)

गणा विमानं नयत मनःपवनचक्रिणम् ।। पंचास्यायुतसंयुक्तं रत्नसानुध्वजोच्छ्रितम्

gaṇā vimānaṁ nayata manaḥpavanacakriṇam || paṁcāsyāyutasaṁyuktaṁ ratnasānudhvajocchritam

"हे गणों, वह विमान लाओ, जो मन और वायु के समान तेज़, चक्रों वाला,"

श्लोक 60 (skanda.4.88.60)

महावातपताकं च महाबुद्ध्यक्षलक्षितम् ।। नर्मदालकनंदा च यत्रेषादंडतांगते

mahāvātapatākaṁ ca mahābuddhyakṣalakṣitam || narmadālakanaṁdā ca yatreṣādaṁḍatāṁgate

"दस हज़ार सिंहों से युक्त, रत्न-शिखरों की ध्वजा से ऊँचा, महान वायु-पताका वाला, महान बुद्धि-चिह्नों से युक्त — जहाँ नर्मदा और अलकनन्दा ही रथ की धुरी-दंड बनी हैं,"

श्लोक 61 (skanda.4.88.61)

छत्रीभूतौ च यत्रस्तः सूर्याचंद्रमसावपि ।। यस्मिन्मकरतुंडं च वाराहीशक्तिरुत्तमा

[http://vedastudy.tripod.com/pur_index25/ratha.htm rathopari ṭippaṇī] chatrībhūtau ca yatrastaḥ sūryācaṁdramasāvapi || yasminmakaratuṁḍaṁ ca vārāhīśaktiruttamā

"जहाँ सूर्य और चन्द्रमा स्वयं छत्र बने हैं, जिसमें मकर-मुख वाराही शक्ति उत्तम रूप से विराजती है,"

श्लोक 62 (skanda.4.88.62)

धूः स्वयं चापि गायत्री रज्जवस्तक्षकादयः ।। सारथिः प्रणवो यत्र क्रेंकारः प्रणवध्वनिः

dhūḥ svayaṁ cāpi gāyatrī rajjavastakṣakādayaḥ || sārathiḥ praṇavo yatra kreṁkāraḥ praṇavadhvaniḥ

"जहाँ स्वयं गायत्री धुरी है, तक्षक आदि सर्प रस्सियाँ हैं; जहाँ प्रणव (ॐ) स्वयं सारथी है, और 'क्रें' प्रणव की ध्वनि है,"

श्लोक 63 (skanda.4.88.63)

अंगानि रक्षका यत्र वरूथश्छंदसां गणः ।। इत्याज्ञप्ता गणास्तूर्णं रथं निन्युर्हराज्ञया

aṁgāni rakṣakā yatra varūthaśchaṁdasāṁ gaṇaḥ || ityājñaptā gaṇāstūrṇaṁ rathaṁ ninyurharājñayā

"जहाँ उसके अंग ही रक्षक हैं, और छन्दों का समूह उसका कवच है।" इस प्रकार आज्ञप्त गणों ने हर की आज्ञा से शीघ्र वह रथ ला दिया।

श्लोक 64 (skanda.4.88.64)

देव्या सनाथं तं कृत्वा विमानं पार्षदा दिवि ।। अनुजग्मुर्महादेवीं दिव्यां तेजोविजृंभिणीम्

devyā sanāthaṁ taṁ kṛtvā vimānaṁ pārṣadā divi || anujagmurmahādevīṁ divyāṁ tejovijṛṁbhiṇīm

देवी को उस पर बिठाकर पार्षद-गण आकाश में उस दिव्य, तेज से देदीप्यमान महादेवी के पीछे-पीछे गए।

श्लोक 65 (skanda.4.88.65)

सा क्षणं त्र्यक्षरमणी वीक्ष्य दक्षसभांगणम्।। नभोंऽगणाद्विमानस्थानतो वेगादवातरत्

sā kṣaṇaṁ tryakṣaramaṇī vīkṣya dakṣasabhāṁgaṇam|| nabhoṁ'gaṇādvimānasthānato vegādavātarat

त्रिनेत्र की प्रिया ने क्षणभर दक्ष की सभा-भूमि देखकर, आकाश-मण्डल से विमान-स्थान से वेगपूर्वक उतर आईं,

श्लोक 66 (skanda.4.88.66)

अविशद् यज्ञवाटं च चकितंरक्षि वीक्षिता ।। कृतमंगलनेपथ्यां प्रसूं दृष्ट्वा किरीटिनीम्

aviśad yajñavāṭaṁ ca cakitaṁrakṣi vīkṣitā || kṛtamaṁgalanepathyāṁ prasūṁ dṛṣṭvā kirīṭinīm

और यज्ञ-स्थल में प्रविष्ट हुईं, चकित रक्षकों द्वारा देखी गईं, मंगल-वेश धारण किए, मुकुट पहने उस माता को देखकर,

श्लोक 67 (skanda.4.88.67)

सभर्तृकाश्च भगिनीर्नवालंकृतिशालिनीः ।। साश्चर्याश्च सगर्वाश्च सानंदाश्च ससाध्वसाः

sabhartṛkāśca bhaginīrnavālaṁkṛtiśālinīḥ || sāścaryāśca sagarvāśca sānaṁdāśca sasādhvasāḥ

पतियों सहित उसकी बहनें, नई सजावट से सुशोभित, आश्चर्य से भरी, गर्वित, आनन्दित, और भयभीत भी,

श्लोक 68 (skanda.4.88.68)

अचिंतिता त्वनाहूता विमानाद्धरवल्लभा ।। कथमेषा परिप्राप्ता क्षणमित्थं प्रपश्यतीः।।

aciṁtitā tvanāhūtā vimānāddharavallabhā || kathameṣā pariprāptā kṣaṇamitthaṁ prapaśyatīḥ||

[सोचने लगीं —] "अनचिन्ती, अनबुलाई, हर की प्रिया विमान से आई है — यह यहाँ कैसे पहुँची?" — इस प्रकार वे क्षणभर देखती रहीं।

श्लोक 69 (skanda.4.88.69)

असंभाष्या पिताः सर्वा गता दक्षांतिकं सती ।। पित्रा पृष्टा तु मात्रापि भद्रं जातं त्वदागमे

asaṁbhāṣyā pitāḥ sarvā gatā dakṣāṁtikaṁ satī || pitrā pṛṣṭā tu mātrāpi bhadraṁ jātaṁ tvadāgame

बहनों से बिना बात किए ही सती सीधे दक्ष के पास गई; पिता और माता दोनों ने पूछा — "क्या तुम्हारे आने में सब शुभ हुआ?"

श्लोक 70 (skanda.4.88.70)

।। सत्युवाच ।। ।। यदि भद्रं जनेतर्मे समागमनतो भवेत् ।। कथं नाहं समाहूता यथैता मे सहोदराः

|| satyuvāca || || yadi bhadraṁ janetarme samāgamanato bhavet || kathaṁ nāhaṁ samāhūtā yathaitā me sahodarāḥ

सती ने कहा — "यदि मेरे आने में शुभ ही हुआ होता, हे पिता, तो जैसे मेरी ये बहनें बुलाई गई हैं, वैसे मैं क्यों नहीं बुलाई गई?"

श्लोक 71 (skanda.4.88.71)

।। दक्ष उवाच ।। ।। अयि कन्ये महाधन्ये ह्यनन्ये सर्वमंगले ।। अयं ते न मनाग्दोषो दोष एष ममैव हि

|| dakṣa uvāca || || ayi kanye mahādhanye hyananye sarvamaṁgale || ayaṁ te na manāgdoṣo doṣa eṣa mamaiva hi

दक्ष ने कहा — "हे परम धन्य, अद्वितीय, सर्वमंगला पुत्री! इसमें तुम्हारा तनिक भी दोष नहीं है, यह दोष पूर्णतः मेरा ही है।"

श्लोक 72 (skanda.4.88.72)

तादृग्विधाय यत्पत्ये मया दत्ताज्ञबुद्धिना ।। यदहं तं समाज्ञास्यमीश्वरोसौ निरीश्वरः

tādṛgvidhāya yatpatye mayā dattājñabuddhinā || yadahaṁ taṁ samājñāsyamīśvarosau nirīśvaraḥ

"मैंने अज्ञानतापूर्वक तुम्हें जिसे उसका ठीक ज्ञान समझकर पति के रूप में दिया, वह मैंने सोचा वह ईश्वर है — जबकि वह तो निरीश्वर है।"

श्लोक 73 (skanda.4.88.73)

तदा कथमदास्यं त्वां तस्मै मायास्वरूपिणं ।। अहं शिवाख्यया तुष्टो न जाने शिवरूपिणम्

tadā kathamadāsyaṁ tvāṁ tasmai māyāsvarūpiṇaṁ || ahaṁ śivākhyayā tuṣṭo na jāne śivarūpiṇam

"तब मैं तुम्हें उस माया-स्वरूप को कैसे देता? मैं तो केवल 'शिव' (कल्याणकारी) नाम से प्रसन्न हुआ था, उसका असली रूप नहीं जानता था।"

श्लोक 74 (skanda.4.88.74)

पितामहेन बहुधा वर्णितोसौ ममाग्रतः ।। शंकरोयमयं शभुरसौ पशुपतिः शिवः

pitāmahena bahudhā varṇitosau mamāgrataḥ || śaṁkaroyamayaṁ śabhurasau paśupatiḥ śivaḥ

"मेरे दादा (ब्रह्मा) ने मेरे समक्ष उसे अनेक प्रकार से वर्णित किया था — 'यह शंकर है, यह शम्भु है, यह पशुपति है, यह शिव है,'"

श्लोक 75 (skanda.4.88.75)

श्रीकंठोसौ महेशोऽसौ सर्वज्ञोसौ वृषध्वजः ।। अस्मै कन्यां प्रयच्छ त्वं महादेवाय धन्विने

śrīkaṁṭhosau maheśo'sau sarvajñosau vṛṣadhvajaḥ || asmai kanyāṁ prayaccha tvaṁ mahādevāya dhanvine

"'यह श्रीकण्ठ है, यह महेश है, यह सर्वज्ञ है, वृषभ-ध्वज है — इस महादेव धनुर्धारी को तुम अपनी कन्या दे दो।'"

श्लोक 76 (skanda.4.88.76)

वाक्याच्छतधृतेस्तस्मात्तस्मै दत्ता मयानघे ।। न जाने तं विरूपाक्षमुक्षगं विषभक्षिणम्

vākyācchatadhṛtestasmāttasmai dattā mayānaghe || na jāne taṁ virūpākṣamukṣagaṁ viṣabhakṣiṇam

"ब्रह्मा के इस वचन से ही मैंने तुम्हें उसे दे दिया, हे निष्पापे — यह न जानते हुए कि वह विरूपाक्ष, बैल-सवार, विष-भक्षी है,"

श्लोक 77 (skanda.4.88.77)

पितृकाननसंवासं शूलिनं च कपालिनम् ।। द्विजिह्वसंगसुभगं जलाधारं कपर्दिनम्

pitṛkānanasaṁvāsaṁ śūlinaṁ ca kapālinam || dvijihvasaṁgasubhagaṁ jalādhāraṁ kapardinam

"श्मशान में रहने वाला, त्रिशूलधारी, कपाली, दो-जीभ वाले सर्पों से सज्जित, जटाधारी, गंगा-धारक,"

श्लोक 78 (skanda.4.88.78)

कलंकिकृतमौलिं च धूलिधूसरचर्चितम् ।। क्वचित्कौपीनवसनं नग्नं वातूलवत्क्वचित्

kalaṁkikṛtamauliṁ ca dhūlidhūsaracarcitam || kvacitkaupīnavasanaṁ nagnaṁ vātūlavatkvacit

"मुकुट को कलंकित किए हुए, धूल से धूसरित, कभी केवल लंगोटी पहने, कभी पागल की भाँति नग्न,"

श्लोक 79 (skanda.4.88.79)

क्वचिच्च चर्मवसनं क्वचिद्भिक्षाटनप्रियम् ।। विटंकभूतानुचरं स्थाणुमुग्रं तमोगुणम्।।

kvacicca carmavasanaṁ kvacidbhikṣāṭanapriyam || viṭaṁkabhūtānucaraṁ sthāṇumugraṁ tamoguṇam||

"कभी चमड़े का वस्त्र पहने, कभी भिक्षाटन प्रिय, छत पर बैठे भूतों के अनुचर वाला, स्तम्भ-सा स्थिर, उग्र, तमोगुणी —"

श्लोक 80 (skanda.4.88.80)

रुद्रं रौद्रपरीवारं महाकालवपुर्धरम् ।। नृकरोटीपरिकरं जातिगोत्रविवर्जितम्

rudraṁ raudraparīvāraṁ mahākālavapurdharam || nṛkaroṭīparikaraṁ jātigotravivarjitam

"रुद्र, भयंकर परिवार वाला, महाकाल का शरीर धारण करने वाला, मनुष्य-खोपड़ियों से सज्जित, जाति-गोत्र से रहित।"

श्लोक 81 (skanda.4.88.81)

न सम्यग्वेत्ति तं कश्चिज्जानानोपि प्रतारितः ।। किं बहूक्तेन तनये समस्त नयशालिनि

na samyagvetti taṁ kaścijjānānopi pratāritaḥ || kiṁ bahūktena tanaye samasta nayaśālini

"उसे कोई भलीभाँति नहीं जानता; जानने वाला भी धोखा खाता है। क्या अधिक कहूँ, हे पुत्री, समस्त नीति में निपुण —"

श्लोक 82 (skanda.4.88.82)

क्व पांसुलपटच्छन्नो महाशंखविभूषणः ।। प्रबद्धसर्पकेयूरः प्रलंबित जटासटः

kva pāṁsulapaṭacchanno mahāśaṁkhavibhūṣaṇaḥ || prabaddhasarpakeyūraḥ pralaṁbita jaṭāsaṭaḥ

"— धूल-भरे चीथड़ों से ढका, महाशंख से भूषित, बँधे सर्पों को भुजबन्ध बनाए, लम्बी लटकती जटाओं वाला,"

श्लोक 83 (skanda.4.88.83)

डमड्डमरुकव्यग्र हस्ताग्रः खंडचंद्रभृत् ।। तांडवाडंबररुचिः सर्वामंगल चेष्टितः

ḍamaḍḍamarukavyagra hastāgraḥ khaṁḍacaṁdrabhṛt || tāṁḍavāḍaṁbararuciḥ sarvāmaṁgala ceṣṭitaḥ

"डमरू बजाते हाथ वाला, अर्ध-चन्द्र धारण करने वाला, ताण्डव के आडम्बर में रुचि रखने वाला, सर्व-अमंगल चेष्टा वाला —"

श्लोक 84 (skanda.4.88.84)

मृडानि सहरः क्वाऽयमध्वरो मंगलालयः ।। अतएव समाहूता नेह त्वं सर्वमंगले

mṛḍāni saharaḥ kvā'yamadhvaro maṁgalālayaḥ || ataeva samāhūtā neha tvaṁ sarvamaṁgale

"हे मृडानी, यह हर कहाँ, और मंगल का धाम यह यज्ञ कहाँ! इसीलिए तुम्हें यहाँ नहीं बुलाया गया, हे सर्वमंगले।"

श्लोक 85 (skanda.4.88.85)

दुकूलान्यनुकूलानि रत्नालंकृतयः शुभाः ।। प्रागेव धारितास्तेत्र पश्यागत्य गृहाण च

dukūlānyanukūlāni ratnālaṁkṛtayaḥ śubhāḥ || prāgeva dhāritāstetra paśyāgatya gṛhāṇa ca

"अनुकूल रेशमी वस्त्र, शुभ रत्न-आभूषण पहले से ही यहाँ तुम्हारे लिए रखे हैं; आओ, देखो और ले लो।"

श्लोक 86 (skanda.4.88.86)

इह मंगलवेशेषु देवेंद्रेषु स शूलधृक् ।। कथमर्हो भवेच्चेति मंगले विषमेक्षणः

iha maṁgalaveśeṣu deveṁdreṣu sa śūladhṛk || kathamarho bhavecceti maṁgale viṣamekṣaṇaḥ

"यहाँ मंगल-वेश वाले देवेन्द्रों में वह शूलधारी कैसे योग्य हो सकता है?" — यह उन्होंने मंगल में विषम दृष्टि रखते हुए कहा।

श्लोक 87 (skanda.4.88.87)

इत्याकर्ण्य सती साध्वी जनेतुरुदितं तदा ।। अत्यंतदूनहृदया वक्तुं समुपचक्रमे

ityākarṇya satī sādhvī janeturuditaṁ tadā || atyaṁtadūnahṛdayā vaktuṁ samupacakrame

यह पिता का कथन सुनकर वह साध्वी सती, हृदय से अत्यन्त दुःखी होकर बोलने लगीं —

श्लोक 88 (skanda.4.88.88)

सत्युवाच ।। ।। नाकर्णितं मया किंचित्त्वयि प्रब्रुवति प्रभो ।। पदद्वयीं समाकर्ण्य तां च ते कथयाम्यहम्

satyuvāca || || nākarṇitaṁ mayā kiṁcittvayi prabruvati prabho || padadvayīṁ samākarṇya tāṁ ca te kathayāmyaham

सती ने कहा — "आपके कहे में मैंने कुछ भी अनसुना नहीं किया, हे प्रभो। आपके दो वचन सुनकर मैं उनका उत्तर देती हूँ।"

श्लोक 89 (skanda.4.88.89)

न सम्यग्वेत्ति तं कश्चिज्जानानोपि प्रतारितः ।। एतत्सम्यक्त्वयाख्यायि कस्तं वेत्ति सदाशिवम्

na samyagvetti taṁ kaścijjānānopi pratāritaḥ || etatsamyaktvayākhyāyi kastaṁ vetti sadāśivam

"'उसे कोई भलीभाँति नहीं जानता; जानने वाला भी धोखा खाता है' — यह आपने ठीक ही कहा। सदाशिव को भला कौन जानता है?"

श्लोक 90 (skanda.4.88.90)

त्वं तु प्रतारितः पूर्वमधुनापि प्रतारितः ।। कृत्वा तेन च संबंधमसंबद्धप्रलापभाक्

tvaṁ tu pratāritaḥ pūrvamadhunāpi pratāritaḥ || kṛtvā tena ca saṁbaṁdhamasaṁbaddhapralāpabhāk

"आप पहले भी धोखा खा चुके, अब भी धोखा खा रहे हैं; उनसे सम्बन्ध जोड़कर भी असंगत प्रलाप कर रहे हैं।"

श्लोक 91 (skanda.4.88.91)

यादृशं वक्षितं शंभुं तादृशं यद्यमन्यथाः ।। कुतो मामददास्तस्मै यं च कश्च न वेद न

yādṛśaṁ vakṣitaṁ śaṁbhuṁ tādṛśaṁ yadyamanyathāḥ || kuto māmadadāstasmai yaṁ ca kaśca na veda na

"यदि आप शम्भु को वैसा ही समझते थे जैसा अभी वर्णन किया, तो मुझे उन्हें क्यों दिया, जिसे कोई भी नहीं जानता?"

श्लोक 92 (skanda.4.88.92)

अथवा तेन संबंधे न हेतुर्भवतो मतिः ।। तत्र हेतुरभूत्तात मम पुण्यैकगौरवम्।।

athavā tena saṁbaṁdhe na heturbhavato matiḥ || tatra heturabhūttāta mama puṇyaikagauravam||

"या फिर, उस सम्बन्ध में आपकी बुद्धि कारण नहीं थी — उसका कारण, हे तात, मेरे ही पुण्य का गौरव था।"

श्लोक 93 (skanda.4.88.93)

अथोक्त्वैवं बहुतरं त्वं जनेतास्य वर्ष्मणः ।। श्रुतानेन च देहेन पत्युः परिविगर्हणा

athoktvaivaṁ bahutaraṁ tvaṁ janetāsya varṣmaṇaḥ || śrutānena ca dehena patyuḥ parivigarhaṇā

"इतना कहकर, आप ही इस शरीर के जनक हैं; और इसी देह से मैंने पति की निन्दा सुनी है —"

श्लोक 94 (skanda.4.88.94)

पुरश्चरणमेवैतद्यदस्यैव विसर्जनम् ।। सुश्लाघ्यजन्मया तावत्प्राणितव्यं सुयोषिता ।। यावज्जीवितनाथस्याश्रवणीया विगर्हणा

puraścaraṇamevaitadyadasyaiva visarjanam || suślāghyajanmayā tāvatprāṇitavyaṁ suyoṣitā || yāvajjīvitanāthasyāśravaṇīyā vigarhaṇā

"— इसलिए इस देह का त्याग ही पुरश्चरण है। भलीभाँति प्रशंसनीय जन्म वाली सुशीला स्त्री को तभी तक जीना चाहिए जब तक अपने जीवन-नाथ की निन्दा सुनने को न आए।"

श्लोक 95 (skanda.4.88.95)

इत्युक्त्वा क्रोधदीप्ताग्नौ महादेवस्वरूपिणि ।। जुहाव देहसमिधं प्राणरोधविधानतः

ityuktvā krodhadīptāgnau mahādevasvarūpiṇi || juhāva dehasamidhaṁ prāṇarodhavidhānataḥ

यह कहकर उन्होंने महादेव-स्वरूप क्रोधाग्नि में, प्राण-निरोध की विधि से अपनी देह को समिधा बनाकर हवन कर दिया।

श्लोक 96 (skanda.4.88.96)

ततो विवर्णतां प्राप्ताः सर्वे देवाः सवासवाः ।। नाग्निर्जज्वाल च तथा यथाज्याहुतिभिः पुरा

tato vivarṇatāṁ prāptāḥ sarve devāḥ savāsavāḥ || nāgnirjajvāla ca tathā yathājyāhutibhiḥ purā

तब इन्द्र सहित सब देवता विवर्ण हो गए; और अग्नि पहले की तरह घी की आहुतियों से भी नहीं प्रज्वलित हुई।

श्लोक 97 (skanda.4.88.97)

मंत्राः कुंठितसामर्थ्यास्तत्क्षणादेव चाभवन् ।। अहो महानिष्टतरं किमेतत्समुपस्थितम्

maṁtrāḥ kuṁṭhitasāmarthyāstatkṣaṇādeva cābhavan || aho mahāniṣṭataraṁ kimetatsamupasthitam

मन्त्र उसी क्षण शक्ति-हीन हो गए; [सबने सोचा —] "अहो, इससे बड़ा अनिष्ट और क्या हो सकता है?"

श्लोक 98 (skanda.4.88.98)

केचिदूचुर्द्विजवरा मिथः परियियासवः ।। महाझंझानिलः प्राप्तः पर्वतांदोलनक्षमः

kecidūcurdvijavarā mithaḥ pariyiyāsavaḥ || mahājhaṁjhānilaḥ prāptaḥ parvatāṁdolanakṣamaḥ

कुछ श्रेष्ठ ब्राह्मण, भागने की इच्छा से आपस में कहने लगे — "पर्वतों को भी हिला देने वाला महाझंझा-वायु आ गया है!"

श्लोक 99 (skanda.4.88.99)

मखमंडप भूस्तेन क्षणतः स्थपुटीकृता ।। अकांडं तडिदापातो जातोभूद्भूप्रकपनः

makhamaṁḍapa bhūstena kṣaṇataḥ sthapuṭīkṛtā || akāṁḍaṁ taḍidāpāto jātobhūdbhūprakapanaḥ

यज्ञ-मण्डप की भूमि उसी क्षण उससे फट गई; अकस्मात् बिजली गिरने लगी, पृथ्वी काँपने लगी।

श्लोक 100 (skanda.4.88.100)

दिवश्चोल्काः प्रपतिताः पिशाचा नृत्यमादधुः ।। आतापिगृध्रैरुपरि गगने मंडलायितम्

divaścolkāḥ prapatitāḥ piśācā nṛtyamādadhuḥ || ātāpigṛdhrairupari gagane maṁḍalāyitam

आकाश से उल्काएँ गिरने लगीं, पिशाच नाचने लगे; ऊपर आकाश में गिद्ध चक्कर काटने लगे।

श्लोक 101 (skanda.4.88.101)

रवेरधस्तादशिवं शिवास्तत्राप्यरारिषुः ।। मेघारुधिरविपुड्भिस्तत्र वृष्टिं व्यधुः पराम्

raveradhastādaśivaṁ śivāstatrāpyarāriṣuḥ || meghārudhiravipuḍbhistatra vṛṣṭiṁ vyadhuḥ parām

सूर्य के नीचे सियार अशुभ रूप से बोलने लगे; बादलों ने वहाँ रक्त की बूँदों की भयंकर वर्षा की।

श्लोक 102 (skanda.4.88.102)

निर्घातनिःस्वनो भूमेरुत्थितो हृत्प्रकंपनः ।। दिव्यायुधानि च मिथो युध्यंति स्मातिभीषणम्

nirghātaniḥsvano bhūmerutthito hṛtprakaṁpanaḥ || divyāyudhāni ca mitho yudhyaṁti smātibhīṣaṇam

हृदय काँपा देने वाली गड़गड़ाहट पृथ्वी से उठी; और दिव्य शस्त्र आपस में अत्यन्त भयंकर युद्ध करने लगे।

श्लोक 103 (skanda.4.88.103)

हवनीयं महद्रव्यं दूषितं क्रोष्टुभिः श्वभिः ।। चकोराः करटास्तत्र विचेरुर्यज्ञमंडपे

havanīyaṁ mahadravyaṁ dūṣitaṁ kroṣṭubhiḥ śvabhiḥ || cakorāḥ karaṭāstatra viceruryajñamaṁḍape

हवन-योग्य महान सामग्री सियारों और कुत्तों द्वारा दूषित हो गई; चकोर और कौवे यज्ञ-मण्डप में विचरने लगे।

श्लोक 104 (skanda.4.88.104)

श्मशानवाटवज्जातो यज्ञवाटः स वै क्षणात।। यद्यत्रावस्थितं सर्वं तत्तत्रैव परिष्ठितम्

śmaśānavāṭavajjāto yajñavāṭaḥ sa vai kṣaṇāta|| yadyatrāvasthitaṁ sarvaṁ tattatraiva pariṣṭhitam

यज्ञ-स्थल क्षणभर में श्मशान-भूमि जैसा हो गया; जो जहाँ स्थित था, वह वहीं जड़वत् रह गया।

श्लोक 105 (skanda.4.88.105)

चित्रन्यस्तमिवासीच्च वस्तुजातमशोभि च ।। स्थगिता इव संवृत्तास्तत्र चक्रधरादयः

citranyastamivāsīcca vastujātamaśobhi ca || sthagitā iva saṁvṛttāstatra cakradharādayaḥ

सारी वस्तुएँ मानो चित्र में बनी हुई-सी दिखने लगीं, अपनी शोभा खो बैठीं; चक्रधारी विष्णु आदि भी वहाँ मानो स्तब्ध हो गए।

श्लोक 106 (skanda.4.88.106)

दक्षोपि वदनग्लानिमवाप्य सपरिच्छदः ।। पुनर्यथाकथंचिच्च यज्ञं प्रावर्तयन्द्विजाः

dakṣopi vadanaglānimavāpya saparicchadaḥ || punaryathākathaṁcicca yajñaṁ prāvartayandvijāḥ

दक्ष भी अपने परिवार सहित मुख की कान्ति खोकर, फिर भी किसी तरह ब्राह्मणों ने यज्ञ को पुनः आरम्भ किया।