पार्वतीश-वर्णन

श्लोक 1 (skanda.4.90.1)

अगस्त्य उवाच ।। ।। पार्वतीहृदयानंद पार्वतीश समुद्भवम् ।। कथयेह यदुद्दिष्टं भवता प्रागघापहम्

agastya uvāca || || pārvatīhṛdayānaṁda pārvatīśa samudbhavam || kathayeha yaduddiṣṭaṁ bhavatā prāgaghāpaham

अगस्त्य ने कहा — हे पार्वती के हृदय को आनन्दित करने वाले, पार्वतीश की उत्पत्ति की वह कथा, जो आपने पहले संकेत की थी, और जो पूर्व-पापों को हरने वाली है, यहाँ कहिए।

श्लोक 2 (skanda.4.90.2)

।। स्कंद उवाच ।। शृण्वगस्ते यदा मेना हिमाचलपतिव्रता ।। गिरींद्रजां सुतामाह पुत्रि तेस्य महेशितुः

|| skaṁda uvāca || śṛṇvagaste yadā menā himācalapativratā || girīṁdrajāṁ sutāmāha putri tesya maheśituḥ

स्कन्द ने कहा — सुनो, हे अगस्त्य, जब हिमाचल की पतिव्रता पत्नी मेना ने पर्वत-पुत्री, अपनी बेटी से कहा — "हे पुत्री, उस महेश की —"

श्लोक 3 (skanda.4.90.3)

किं स्थानं वसतिर्वा का को बंधुर्वेत्सि किंचन ।। प्रायो गृहं न जामातुरस्य कोपि च कुत्रचित्

kiṁ sthānaṁ vasatirvā kā ko baṁdhurvetsi kiṁcana || prāyo gṛhaṁ na jāmāturasya kopi ca kutracit

"— कौन-सा स्थान या निवास है? कौन उसके बन्धु हैं? क्या तुम कुछ जानती हो? प्रायः इस दामाद का कहीं भी अपना घर नहीं है।"

श्लोक 4 (skanda.4.90.4)

निशम्येति वचो मातुरतिह्रीणा गिरींद्रजा ।। आसाद्यावसरं शंभुं नत्वा गौरी व्यजिज्ञपत्

niśamyeti vaco māturatihrīṇā girīṁdrajā || āsādyāvasaraṁ śaṁbhuṁ natvā gaurī vyajijñapat

माता का यह वचन सुनकर अत्यन्त लज्जित पर्वत-पुत्री ने अवसर पाकर शम्भु को प्रणाम करके गौरी ने निवेदन किया —

श्लोक 5 (skanda.4.90.5)

मया श्वश्रूगृहं कांत गम्यमद्य विनिश्चितम् ।। नाथात्र नैव वस्तव्यं नय मां स्वं निकेतनम्

mayā śvaśrūgṛhaṁ kāṁta gamyamadya viniścitam || nāthātra naiva vastavyaṁ naya māṁ svaṁ niketanam

"हे प्रिय, मुझे आज ससुराल जाना निश्चित है। हे नाथ, यहाँ नहीं रहना चाहिए; मुझे अपने ही घर ले चलिए।"

श्लोक 6 (skanda.4.90.6)

गिरींद्रजागिरं श्रुत्वा गिरीश इति तत्त्ववित् ।। हित्वा हिमगिरिं प्राप्तो निजमानंदकाननम्

girīṁdrajāgiraṁ śrutvā girīśa iti tattvavit || hitvā himagiriṁ prāpto nijamānaṁdakānanam

पर्वत-पुत्री की यह बात सुनकर, तत्त्ववेत्ता गिरीश ने हिमगिरि को छोड़कर अपने ही आनन्द-कानन को प्राप्त किया।

श्लोक 7 (skanda.4.90.7)

प्राप्यानंदवनं देवी परमानंदकारणम्।। विस्मृत्य पितृसंवासं जाता चानंदरूपिणी

prāpyānaṁdavanaṁ devī paramānaṁdakāraṇam|| vismṛtya pitṛsaṁvāsaṁ jātā cānaṁdarūpiṇī

आनन्दवन को पाकर, जो परमानन्द का कारण है, देवी अपने पिता के घर को भूलकर स्वयं आनन्द-स्वरूपिणी हो गईं।

श्लोक 8 (skanda.4.90.8)

अथ विज्ञापयांचक्रे गौरी गिरिशमेकदा ।। अच्छिन्नानंदसंदोहः कुतः क्षेत्रेऽत्र तद्वद

atha vijñāpayāṁcakre gaurī giriśamekadā || acchinnānaṁdasaṁdohaḥ kutaḥ kṣetre'tra tadvada

फिर एक बार गौरी ने गिरीश से निवेदन किया — "यहाँ इस क्षेत्र में अखण्ड आनन्द की राशि कहाँ से है, वह बताइए।"

श्लोक 9 (skanda.4.90.9)

इति गौरीरितं श्रुत्वा प्रत्युवाच पिनाकधृक् ।। पंचक्रोशपरीमाणे क्षेत्रेस्मिन्मुक्तिसद्मनि

iti gaurīritaṁ śrutvā pratyuvāca pinākadhṛk || paṁcakrośaparīmāṇe kṣetresminmuktisadmani

गौरी का यह कथन सुनकर पिनाकधारी ने उत्तर दिया — "पाँच कोस के इस मुक्ति-सदन क्षेत्र में,"

श्लोक 10 (skanda.4.90.10)

तिलांतरं न देव्यस्ति विना लिंगं हि कुत्रचित् ।। एकैकं परितो लिंगं क्रोशं क्रोशं च यावनिः

tilāṁtaraṁ na devyasti vinā liṁgaṁ hi kutracit || ekaikaṁ parito liṁgaṁ krośaṁ krośaṁ ca yāvaniḥ

"हे देवी, कहीं भी बिना लिंग के तिल-भर स्थान भी नहीं है; हर एक क्रोश-क्रोश की दूरी पर चारों ओर एक-एक लिंग है, जितनी भी सीमा है —"

श्लोक 11 (skanda.4.90.11)

अन्यत्रापि हि सा देवि भवेदानंदकारणम् ।। अत्रानंदवने देवि परमानंदजन्मनि

anyatrāpi hi sā devi bhavedānaṁdakāraṇam || atrānaṁdavane devi paramānaṁdajanmani

"— वहाँ, हे देवी, वह आनन्द का कारण अन्यत्र भी हो सकता है। परन्तु यहाँ इस आनन्द-वन में, जो परमानन्द के जन्म का स्थान है —"

श्लोक 12 (skanda.4.90.12)

परमानंदरूपाणि संति लिंगान्यनेकशः ।। चतुर्दशसु लोकेषु कृतिनो ये वसंति हि

paramānaṁdarūpāṇi saṁti liṁgānyanekaśaḥ || caturdaśasu lokeṣu kṛtino ye vasaṁti hi

"— परमानन्द-रूप अनेक लिंग हैं, जिन्हें चौदह लोकों में रहने वाले पुण्यवानों ने —"

श्लोक 13 (skanda.4.90.13)

तैः स्वनाम्नेह लिंगानि कृत्वाऽऽपि कृतकृत्यता ।। अत्र येन महादेवि लिंगं संस्थापितं मम

taiḥ svanāmneha liṁgāni kṛtvā''pi kṛtakṛtyatā || atra yena mahādevi liṁgaṁ saṁsthāpitaṁ mama

"— अपने-अपने नाम से यहाँ लिंग स्थापित करके ही कृतकृत्यता पाई है। हे महादेवी, यहाँ जिसने मेरे लिए लिंग स्थापित किया है,"

श्लोक 14 (skanda.4.90.14)

वेत्ति तच्छ्रेयसः संख्यां शेषोपि न विशेषवित्

vetti tacchreyasaḥ saṁkhyāṁ śeṣopi na viśeṣavit

"उस पुण्य की गणना को कोई जानता ही नहीं, शेषनाग भी उसका विशेष ज्ञाता नहीं है।"

श्लोक 15 (skanda.4.90.15)

परिच्छेदव्यतीतस्यानंदस्य परकारणम् ।। अतस्त्विदं परं क्षेत्रं लिर्गैर्भूयोभिरद्रिजे

paricchedavyatītasyānaṁdasya parakāraṇam || atastvidaṁ paraṁ kṣetraṁ lirgairbhūyobhiradrije

"जो आनन्द परिच्छेद से परे है, उसका यह परम कारण है; इसलिए, हे अद्रिजा (पर्वत-पुत्री), यह परम क्षेत्र और भी अधिक लिंगों से भरा है।"

श्लोक 16 (skanda.4.90.16)

निशम्येति महादेवी पुनः पादौ प्रणम्य च ।। देह्यनुज्ञां महादेव लिंगसंस्थापनाय मे

niśamyeti mahādevī punaḥ pādau praṇamya ca || dehyanujñāṁ mahādeva liṁgasaṁsthāpanāya me

यह सुनकर महादेवी ने फिर उनके चरणों में प्रणाम करके कहा — "हे महादेव, मुझे लिंग स्थापित करने की अनुमति दीजिए।"

श्लोक 17 (skanda.4.90.17)

पत्युराज्ञां समासाद्य यच्छेच्छ्रेयः पतिव्रता ।। न तस्याः श्रेयसो हानिः संवर्तेपि कदाचन

patyurājñāṁ samāsādya yacchecchreyaḥ pativratā || na tasyāḥ śreyaso hāniḥ saṁvartepi kadācana

पति की आज्ञा पाकर पतिव्रता जो कल्याण देती है, उसके कल्याण की हानि कभी भी, किसी भी परिवर्तन में नहीं होती।

श्लोक 18 (skanda.4.90.18)

इति प्रसाद्य देवेशमाज्ञां प्राप्य महेशितुः ।। लिंगं संस्थापितं गौर्या महादेव समीपतः

iti prasādya deveśamājñāṁ prāpya maheśituḥ || liṁgaṁ saṁsthāpitaṁ gauryā mahādeva samīpataḥ

इस प्रकार देवेश को प्रसन्न करके, महेश की आज्ञा पाकर, गौरी ने महादेव के निकट लिंग स्थापित किया।

श्लोक 19 (skanda.4.90.19)

तल्लिंगदर्शनात्पुंसां ब्रह्महत्यादिपातकम् ।। विलीयेत न संदेहो देहबंधोपि नो पुनः

talliṁgadarśanātpuṁsāṁ brahmahatyādipātakam || vilīyeta na saṁdeho dehabaṁdhopi no punaḥ

उस लिंग के दर्शन से मनुष्यों का ब्रह्महत्या आदि पाप निःसंदेह विलीन हो जाता है, और पुनः देह-बन्धन भी नहीं होता।

श्लोक 20 (skanda.4.90.20)

तत्र लिंगे वरो दत्तो देवदेवेन यः पुनः ।। निशामय मुने तं तु भक्तानां हितकाम्यया

tatra liṁge varo datto devadevena yaḥ punaḥ || niśāmaya mune taṁ tu bhaktānāṁ hitakāmyayā

उस लिंग को देवदेव ने जो वर पुनः दिया, वह सुनिए, हे मुने, भक्तों के हित की कामना से।

श्लोक 21 (skanda.4.90.21)

लिंगं यः पार्वतीशाख्यं काश्यां संपूजयिष्यति ।। तद्देहावसितिं प्राप्य काशीलिंगं भविष्यति

liṁgaṁ yaḥ pārvatīśākhyaṁ kāśyāṁ saṁpūjayiṣyati || taddehāvasitiṁ prāpya kāśīliṁgaṁ bhaviṣyati

जो 'पार्वतीश' नामक लिंग की काशी में पूजा करेगा, वह अपनी देह त्यागकर काशी-लिंग हो जाएगा,

श्लोक 22 (skanda.4.90.22)

काशीलिंगत्वमासाद्य मामेवानुप्रवेक्ष्यति ।। चैत्रशुक्लतृतीयायां पार्वतीशसमर्चनात्

kāśīliṁgatvamāsādya māmevānupravekṣyati || caitraśuklatṛtīyāyāṁ pārvatīśasamarcanāt

और काशी-लिंगत्व पाकर मुझमें ही प्रवेश कर जाएगा। चैत्र शुक्ल तृतीया को पार्वतीश की पूजा करने से,

श्लोक 23 (skanda.4.90.23)

इह सौभाग्यमाप्नोति परत्र च शुभां गतिम् ।। पार्वतीश्वरमाराध्य योषिद्वा पुरुषोपि वा

iha saubhāgyamāpnoti paratra ca śubhāṁ gatim || pārvatīśvaramārādhya yoṣidvā puruṣopi vā

इस लोक में सौभाग्य पाता है और परलोक में शुभ गति। पार्वतीश्वर की आराधना करके, चाहे स्त्री हो या पुरुष,

श्लोक 24 (skanda.4.90.24)

न गर्भमाविशेद्भूयो भवेत्सौभाग्यभाजनम् ।। पार्वतीशस्य लिंगस्य नामापि परिगृह्णतः

na garbhamāviśedbhūyo bhavetsaubhāgyabhājanam || pārvatīśasya liṁgasya nāmāpi parigṛhṇataḥ

फिर गर्भ में प्रवेश नहीं करता, और सौभाग्य का पात्र बनता है। पार्वतीश लिंग का नाम मात्र लेने वाले का भी,

श्लोक 25 (skanda.4.90.25)

अपि जन्मसहस्रस्य पापं क्षयति तत्क्षणात् ।। पार्वतीशस्य माहात्म्यं यः श्रोष्यति नरोत्तमः ।। ऐहिकामुष्मिकान्कामान्स प्राप्स्यति महामतिः

api janmasahasrasya pāpaṁ kṣayati tatkṣaṇāt || pārvatīśasya māhātmyaṁ yaḥ śroṣyati narottamaḥ || aihikāmuṣmikānkāmānsa prāpsyati mahāmatiḥ

हज़ार जन्मों का पाप भी उसी क्षण नष्ट हो जाता है। जो उत्तम मनुष्य पार्वतीश का यह माहात्म्य सुनेगा, वह महामति इहलोक और परलोक की सारी कामनाएँ पाएगा।