महाकालवन-प्रशंसा-वर्णन

श्लोक 1 (skanda.5.1.1)

श्रीगणेशाय नमः। श्रीजगदंबायै नमः। अथावन्त्यखण्डेऽवन्तीक्षेत्रमाहात्म्यं प्रारभ्यते। व्यास उवाच। स्रष्टारोऽपि प्रजानां प्रबलभवभयाद्यं नमस्यंति देवा यो ह्यव्यक्ते प्रविष्टः प्रविहितमनसां ध्यानयुक्तात्मनां च। लोकानामादिदेवः स जयतु भगवाञ्छ्रीमहा कालनामा बिभ्राणः सोमलेखामहिवलययुतं व्यक्तलिंगं कपालम्

śrīgaṇeśāya namaḥ| śrījagadaṁbāyai namaḥ| athāvantyakhaṇḍe'vantīkṣetramāhātmyaṁ prārabhyate| vyāsa uvāca| sraṣṭāro'pi prajānāṁ prabalabhavabhayādyaṁ namasyaṁti devā yo hyavyakte praviṣṭaḥ pravihitamanasāṁ dhyānayuktātmanāṁ ca| lokānāmādidevaḥ sa jayatu bhagavāñchrīmahā kālanāmā bibhrāṇaḥ somalekhāmahivalayayutaṁ vyaktaliṁgaṁ kapālam

श्रीगणेशजी को नमस्कार। श्रीजगदम्बा को नमस्कार। इस प्रकार अवन्त्यखण्ड के अवन्तीक्षेत्रमाहात्म्य का आरम्भ होता है। व्यासजी ने कहा—संसार के प्रबल भय से प्रजाओं के स्रष्टा भी जिन्हें नमस्कार करते हैं, जो अव्यक्त में प्रविष्ट हैं और ध्यानपरायण चित्तवालों के मन में विराजते हैं, वे लोकों के आदिदेव भगवान श्रीमहाकाल विजयी हों, जो चन्द्ररेखा और सर्पवलय धारण किए हुए हैं तथा जिनका लिंग प्रकट रूप में विद्यमान है।

श्लोक 2 (skanda.5.1.2)

उमोवाच। पृथिव्यां यानि तीर्थानि पुण्याश्च सरितस्तथा। कथ्यंतां तानि यत्नेन श्रद्धा येषु प्रजायते

umovāca| pṛthivyāṁ yāni tīrthāni puṇyāśca saritastathā| kathyaṁtāṁ tāni yatnena śraddhā yeṣu prajāyate

उमा ने कहा—पृथ्वी पर जो भी पुण्य तीर्थ और नदियाँ हैं, उन्हें यत्नपूर्वक बताइए, जिनमें श्रद्धा उत्पन्न होती है।

श्लोक 3 (skanda.5.1.3)

ईश्वर उवाच। अस्ति लोकेषु विख्याता गंगा त्रिपथगा नदी। सेविता देवगन्धर्वैर्मुनिभिश्च निषेविता

īśvara uvāca| asti lokeṣu vikhyātā gaṁgā tripathagā nadī| sevitā devagandharvairmunibhiśca niṣevitā

ईश्वर ने कहा—लोकों में त्रिपथगामिनी गंगा नामक नदी विख्यात है, जो देवताओं और गन्धर्वों द्वारा सेवित तथा मुनियों द्वारा निषेवित है।

श्लोक 4 (skanda.5.1.4)

तपनस्य सुता देवी यमुना लोकपावनी। पितॄणां वल्लभा देवी महापातकनाशिनी

tapanasya sutā devī yamunā lokapāvanī| pitṝṇāṁ vallabhā devī mahāpātakanāśinī

सूर्यपुत्री देवी यमुना लोकपावनी हैं, पितरों की परम प्रिय तथा महापातकों का नाश करने वाली देवी हैं।

श्लोक 5 (skanda.5.1.5)

चन्द्रभागा वितस्ता च नर्मदाऽमरकण्टके। कुरुक्षेत्रं गया देवि प्रभासं नैमिषं तथा

candrabhāgā vitastā ca narmadā'marakaṇṭake| kurukṣetraṁ gayā devi prabhāsaṁ naimiṣaṁ tathā

चन्द्रभागा, वितस्ता तथा अमरकण्टक में नर्मदा; हे देवि, कुरुक्षेत्र, गया, प्रभास और नैमिष भी इसी प्रकार पुण्यमय हैं।

श्लोक 6 (skanda.5.1.6)

केदारं पुष्करं चैव तथा कायावरोहणम्। तथा पुण्यतमं देवि महाकालवनं शुभम्

kedāraṁ puṣkaraṁ caiva tathā kāyāvarohaṇam| tathā puṇyatamaṁ devi mahākālavanaṁ śubham

केदार और पुष्कर, तथा कायावरोहण भी; और हे देवि, अत्यन्त पुण्यमय एवं शुभ महाकालवन भी।

श्लोक 7 (skanda.5.1.7)

यत्रास्ते श्रीमहाकालः पापेन्धनहुताशनः। क्षेत्रं योजनपर्यंतं ब्रह्महत्यादिनाशनम्

yatrāste śrīmahākālaḥ pāpendhanahutāśanaḥ| kṣetraṁ yojanaparyaṁtaṁ brahmahatyādināśanam

जहाँ श्रीमहाकाल विराजमान हैं, जो पापरूपी ईंधन के लिए अग्नि हैं—वह क्षेत्र एक योजन तक विस्तृत है और ब्रह्महत्या आदि पापों का नाश करने वाला है।

श्लोक 8 (skanda.5.1.8)

भुक्तिदं मुक्तिदं क्षेत्रं कलिकल्मषनाशनम्। प्रलयेऽप्यक्षयं देवि दुष्प्रापं त्रिदशैरपि

bhuktidaṁ muktidaṁ kṣetraṁ kalikalmaṣanāśanam| pralaye'pyakṣayaṁ devi duṣprāpaṁ tridaśairapi

वह क्षेत्र भुक्ति और मुक्ति दोनों प्रदान करने वाला तथा कलियुग के पापों का नाश करने वाला है; हे देवि, प्रलयकाल में भी वह अक्षय रहता है और देवताओं के लिए भी दुष्प्राप्य है।

श्लोक 9 (skanda.5.1.9)

उमोवाच। प्रभावः कथ्यतां देव क्षेत्रस्यास्य महेश्वर। यानि तीर्थानि विद्यन्ते यानि लिंगानि संति वै

umovāca| prabhāvaḥ kathyatāṁ deva kṣetrasyāsya maheśvara| yāni tīrthāni vidyante yāni liṁgāni saṁti vai

उमा ने कहा—हे देव महेश्वर, इस क्षेत्र का प्रभाव कहिए; यहाँ जो तीर्थ हैं और जो लिंग विद्यमान हैं, वे भी बताइए।

श्लोक 10 (skanda.5.1.10)

तान्यहं श्रोतुमिच्छामि परं कौतूहलं हि मे

tānyahaṁ śrotumicchāmi paraṁ kautūhalaṁ hi me

मैं यह सब यत्नपूर्वक सुनना चाहती हूँ; मुझे इसके प्रति अत्यन्त कौतूहल है।

श्लोक 11 (skanda.5.1.11)

महादेव उवाच। शृणु देवि प्रयत्नेन प्रभावं पापनाशनम्। क्षेत्रमाद्यं महादेवि सर्वपापप्रणाशनम्

mahādeva uvāca| śṛṇu devi prayatnena prabhāvaṁ pāpanāśanam| kṣetramādyaṁ mahādevi sarvapāpapraṇāśanam

महादेव ने कहा—हे देवि, प्रयत्नपूर्वक सुनो इस पापनाशक प्रभाव को। हे महादेवि, यह समस्त पापों का नाश करने वाला आद्य क्षेत्र है।

श्लोक 12 (skanda.5.1.12)

श्रीमेरोः संनिधाने च शिखरं रत्नचिह्नितम्। अनेकाश्चर्यनिलयं बहुपादपसंकुलम्

śrīmeroḥ saṁnidhāne ca śikharaṁ ratnacihnitam| anekāścaryanilayaṁ bahupādapasaṁkulam

श्रीमेरु पर्वत के समीप रत्नों से चिह्नित एक शिखर है, जो अनेक आश्चर्यों का निवासस्थान तथा अनेक वृक्षों से आच्छादित है।

श्लोक 13 (skanda.5.1.13)

विचित्रधातुभिश्चित्रं स्वच्छस्फटिकवेदिकम्। विचित्रवर्णशोभाढ्यमृषिसंघनिनादितम्

vicitradhātubhiścitraṁ svacchasphaṭikavedikam| vicitravarṇaśobhāḍhyamṛṣisaṁghanināditam

वह विचित्र धातुओं से रंगबिरंगा तथा स्वच्छ स्फटिक की वेदिकाओं से युक्त है; नाना वर्णों की शोभा से समृद्ध तथा ऋषिसमूहों की ध्वनि से गुंजायमान है।

श्लोक 14 (skanda.5.1.14)

मृगनागेन्द्रसंयुक्तं गजयूथसमाकुलम्। निर्झरांबुप्रपातोत्थशीकराकरसंकुलम्

mṛganāgendrasaṁyuktaṁ gajayūthasamākulam| nirjharāṁbuprapātotthaśīkarākarasaṁkulam

वह मृगों और महानागों से युक्त तथा गजयूथों से भरा हुआ है; पर्वतीय झरनों के जलप्रपात से उठी फुहारों के समूह से व्याप्त है।

श्लोक 15 (skanda.5.1.15)

वाताहततरुव्रातप्रसूनास्थानचित्रितम्। मृगनाभिवरामोदवासिता शेषकाननम्

vātāhatataruvrātaprasūnāsthānacitritam| mṛganābhivarāmodavāsitā śeṣakānanam

वायु से हिलते वृक्षों के पुष्पों से उसके विश्रामस्थल चित्रित हैं; कस्तूरीमृगों की उत्तम सुगन्ध से सम्पूर्ण वन सुवासित है।

श्लोक 16 (skanda.5.1.16)

लतागृहरतिस्थानं सिद्धविद्याधराश्रयम्। प्रवीणकिन्नरव्रातमधुरध्वनिनादितम्

latāgṛharatisthānaṁ siddhavidyādharāśrayam| pravīṇakinnaravrātamadhuradhvanināditam

वह लता-मण्डपों का रतिस्थान तथा सिद्धों और विद्याधरों का आश्रयस्थल है; कुशल किन्नरों के समूहों की मधुर ध्वनि से गुंजायमान है।

श्लोक 17 (skanda.5.1.17)

तस्मिन्वने महारम्ये शोभिताशेषभूमिकम्। वैराजं नाम भवनं ब्रह्मणः परमेष्ठिनः

tasminvane mahāramye śobhitāśeṣabhūmikam| vairājaṁ nāma bhavanaṁ brahmaṇaḥ parameṣṭhinaḥ

उस महारमणीय वन में, जिसकी सम्पूर्ण भूमि शोभायमान है, परमेष्ठी ब्रह्मा का वैराज नामक भवन स्थित है।

श्लोक 18 (skanda.5.1.18)

तत्र दिव्यांगनागीतमधुरध्वनिनादिता। पारिजाततरुच्छन्नमंजरीदामशोभिता

tatra divyāṁganāgītamadhuradhvanināditā| pārijātatarucchannamaṁjarīdāmaśobhitā

वहाँ दिव्य अंगनाओं के गाए मधुर गीतों की ध्वनि गूंजती है, तथा वह पारिजात वृक्षों की मंजरियों की मालाओं से शोभित है।

श्लोक 19 (skanda.5.1.19)

बहुवाद्यसमुन्नद्धमहास्वननिनादिता। लयतालयुतानेकगीतवादित्रनादिता

bahuvādyasamunnaddhamahāsvananināditā| layatālayutānekagītavāditranāditā

वह अनेक वाद्यों की महाध्वनि से गुंजायमान तथा ताल-लय से युक्त अनेक गीत-वाद्यों की ध्वनि से निनादित है।

श्लोक 20 (skanda.5.1.20)

विन्यस्ता कोटिभिः स्तंभैर्निर्मलादर्शशोभिता। लयतालयुतानेकमहाकौतुकसंयुता

vinyastā koṭibhiḥ staṁbhairnirmalādarśaśobhitā| layatālayutānekamahākautukasaṁyutā

वह करोड़ों स्तम्भों से सुसज्जित तथा निर्मल दर्पणों से शोभित है; ताल-लय से युक्त अनेक महान कौतुकों से संयुक्त है।

श्लोक 21 (skanda.5.1.21)

अप्सरोनृत्यविन्यासविलासोल्लासशोभिता। सभा कांतिमतीनाम देवानां हर्षदायिका

apsaronṛtyavinyāsavilāsollāsaśobhitā| sabhā kāṁtimatīnāma devānāṁ harṣadāyikā

वह अप्सराओं के नृत्य-विन्यास के विलासपूर्ण उल्लास से शोभित है; वह कान्तिमती सभा देवताओं को हर्ष प्रदान करने वाली है।

श्लोक 22 (skanda.5.1.22)

ऋषिसंघसमाकीर्णा मुनिवृन्दनिषेविता। द्विजातिवेदशब्देन नादिताऽनंददायिका

ṛṣisaṁghasamākīrṇā munivṛndaniṣevitā| dvijātivedaśabdena nāditā'naṁdadāyikā

वह ऋषिसमूहों से भरी हुई तथा मुनिवृन्दों से सेवित है; द्विजों के वेदघोष से गुंजायमान, आनन्द प्रदान करने वाली है।

श्लोक 23 (skanda.5.1.23)

तस्यां निविष्टं वागीशं शंकराराधने रतम्। सनत्कुमारं ब्रह्मर्षिं ब्रह्मणो मानसं सुतम्

tasyāṁ niviṣṭaṁ vāgīśaṁ śaṁkarārādhane ratam| sanatkumāraṁ brahmarṣiṁ brahmaṇo mānasaṁ sutam

उस सभा में शंकर की आराधना में रत वागीश सनत्कुमार विराजमान थे, जो ब्रह्मर्षि और ब्रह्माजी के मानसपुत्र हैं।

श्लोक 24 (skanda.5.1.24)

मुनिमध्यात्समुत्थाय कृष्णद्वैपायनो मुनिः। पराशरसुतो व्यासः प्रणिपत्य यथाविधि

munimadhyātsamutthāya kṛṣṇadvaipāyano muniḥ| parāśarasuto vyāsaḥ praṇipatya yathāvidhi

मुनियों के मध्य से उठकर पराशरपुत्र मुनि कृष्णद्वैपायन व्यास ने विधिपूर्वक प्रणाम किया।

श्लोक 25 (skanda.5.1.25)

कृतांजलिपुटो भूत्वा भवभक्त्यानुभावितः। पप्रच्छ परया तुष्ट्या हर्षितांगरुहाननः

kṛtāṁjalipuṭo bhūtvā bhavabhaktyānubhāvitaḥ| papraccha parayā tuṣṭyā harṣitāṁgaruhānanaḥ

अंजलि बाँधकर, शिवभक्ति से अभिभूत होकर, उन्होंने परम प्रसन्नता से प्रश्न पूछा, उनका मुख हर्ष से खिल उठा और शरीर रोमांचित हो गया।

श्लोक 26 (skanda.5.1.26)

महाकालस्य माहात्म्यं प्राणिनां मोहनाशनम्। व्यास उवाच। महाकालवनं कस्मात्प्रोच्यते सर्वतो वरम्

mahākālasya māhātmyaṁ prāṇināṁ mohanāśanam| vyāsa uvāca| mahākālavanaṁ kasmātprocyate sarvato varam

...महाकाल का माहात्म्य, जो प्राणियों के मोह का नाश करने वाला है। व्यासजी ने कहा—महाकालवन सबसे श्रेष्ठ क्यों कहा जाता है?

श्लोक 27 (skanda.5.1.27)

भगवन्क्षेत्रमाहात्म्यं महाकालस्य कथ्यताम्। कथं गुह्यवनं प्रोक्तं पीठत्वमूषरं तथा

bhagavankṣetramāhātmyaṁ mahākālasya kathyatām| kathaṁ guhyavanaṁ proktaṁ pīṭhatvamūṣaraṁ tathā

हे भगवन्, महाकाल के क्षेत्र का माहात्म्य बताइए। यह गुह्यवन क्यों कहलाता है, तथा इसका पीठत्व और ऊषरत्व कैसे है?

श्लोक 28 (skanda.5.1.28)

फलं यथात्र वसतां मृतानां च गतिर्यथा। स्नानेन यद्भवेत्पुण्यं दानेनापि च यत्फलम्

phalaṁ yathātra vasatāṁ mṛtānāṁ ca gatiryathā| snānena yadbhavetpuṇyaṁ dānenāpi ca yatphalam

यहाँ निवास करने वालों का फल क्या है, तथा यहाँ मरने वालों की गति क्या है; स्नान से क्या पुण्य होता है, और दान से क्या फल मिलता है?

श्लोक 29 (skanda.5.1.29)

कथमेतत्स्मशानं च क्षेत्रं प्रोक्तं यथा तथा। पृष्टं मे शंकरे भक्त्या ब्रूहि त्वं शास्त्रकोविद

kathametatsmaśānaṁ ca kṣetraṁ proktaṁ yathā tathā| pṛṣṭaṁ me śaṁkare bhaktyā brūhi tvaṁ śāstrakovida

यह स्मशान किस प्रकार है, और क्षेत्र किस प्रकार कहा गया है? शंकर के प्रति भक्तिभाव से मैंने यह पूछा है, हे शास्त्रकोविद, आप मुझे बताइए।

श्लोक 30 (skanda.5.1.30)

सनत्कुमार उवाच। क्षीयते पातकं यत्र तेनेदं क्षेत्रमुच्यते। यस्मात्स्थानं च मातॄणां पीठं तेनैव कथ्यते

sanatkumāra uvāca| kṣīyate pātakaṁ yatra tenedaṁ kṣetramucyate| yasmātsthānaṁ ca mātṝṇāṁ pīṭhaṁ tenaiva kathyate

सनत्कुमार ने कहा—जहाँ पाप क्षीण होता है, इसलिए इसे क्षेत्र कहा जाता है; और चूँकि यह मातृकाओं का स्थान है, इसलिए इसे पीठ कहते हैं।

श्लोक 31 (skanda.5.1.31)

मृताः पुनर्न जायंते तेनेदमूषरं स्मृतम्। गुह्यमेतत्प्रियं नित्यं क्षेत्रं शंभोर्महात्मनः

mṛtāḥ punarna jāyaṁte tenedamūṣaraṁ smṛtam| guhyametatpriyaṁ nityaṁ kṣetraṁ śaṁbhormahātmanaḥ

यहाँ मृत व्यक्ति पुनः जन्म नहीं लेते, इसलिए इसे ऊषर कहा गया है; यह महात्मा शम्भु का सदा प्रिय और गुह्य क्षेत्र है।

श्लोक 32 (skanda.5.1.32)

यस्मादिष्टं हि भूतानां स्मशानमतिवल्लभम्। महाकालवनं यच्च तथा चैवाविमुक्तिकम्

yasmādiṣṭaṁ hi bhūtānāṁ smaśānamativallabham| mahākālavanaṁ yacca tathā caivāvimuktikam

चूँकि यह समस्त प्राणियों को प्रिय है, अतः यह स्मशान अत्यन्त वल्लभ है; इसीलिए महाकालवन अविमुक्तिक भी कहलाता है।

श्लोक 33 (skanda.5.1.33)

एकाम्रकं भद्रकालं करवीरवनमेव च। कोलागिरिस्तथा काशी प्रयागममरेश्वरम्

ekāmrakaṁ bhadrakālaṁ karavīravanameva ca| kolāgiristathā kāśī prayāgamamareśvaram

एकाम्रक, भद्रकाल तथा करवीरवन भी; कोलागिरि, तथा काशी, प्रयाग और अमरेश्वर भी इसी प्रकार हैं।

श्लोक 34 (skanda.5.1.34)

भरथं चैव केदारं दिव्यं रुद्रमहालयम्। दिव्यस्मशानान्येतानि रुद्रस्येष्टानि नित्यशः

bharathaṁ caiva kedāraṁ divyaṁ rudramahālayam| divyasmaśānānyetāni rudrasyeṣṭāni nityaśaḥ

भरथ, तथा केदार, जो रुद्र का दिव्य महालय है; ये सब दिव्य स्मशान हैं, जो रुद्र को सदा प्रिय हैं।

श्लोक 35 (skanda.5.1.35)

रमते भगवानेषु सिद्धक्षेत्रेषु सर्वदा। पृथिव्यां नैमिषं तीर्थमुत्तमं तीर्थपुष्करम्

ramate bhagavāneṣu siddhakṣetreṣu sarvadā| pṛthivyāṁ naimiṣaṁ tīrthamuttamaṁ tīrthapuṣkaram

भगवान इन सिद्धक्षेत्रों में सदा रमण करते हैं; पृथ्वी पर नैमिष उत्तम तीर्थ है, और पुष्कर तीर्थों में उत्तम है।

श्लोक 36 (skanda.5.1.36)

त्रयाणामपि लोकानां कुरुक्षेत्रं प्रशस्यते। कुरुक्षेत्राद्दशगुणा पुण्या वाराणसी मता

trayāṇāmapi lokānāṁ kurukṣetraṁ praśasyate| kurukṣetrāddaśaguṇā puṇyā vārāṇasī matā

तीनों लोकों में कुरुक्षेत्र सर्वाधिक प्रशंसित है; कुरुक्षेत्र से दस गुना अधिक पुण्यमयी वाराणसी मानी गई है।

श्लोक 37 (skanda.5.1.37)

तस्या दशगुणं व्यास महाकालवनोत्तमम्। प्रभासाद्यानि तीर्थानि पृथिव्यामिह यानि तु

tasyā daśaguṇaṁ vyāsa mahākālavanottamam| prabhāsādyāni tīrthāni pṛthivyāmiha yāni tu

हे व्यास, उससे भी दस गुना श्रेष्ठ महाकालवन है; प्रभास आदि जो भी तीर्थ इस पृथ्वी पर हैं।

श्लोक 38 (skanda.5.1.38)

प्रभासमुत्तमं तीर्थं क्षेत्रमाद्यं पिनाकिनः। श्रीशैलमुत्तमं तीर्थं देवदारुवनं तथा

prabhāsamuttamaṁ tīrthaṁ kṣetramādyaṁ pinākinaḥ| śrīśailamuttamaṁ tīrthaṁ devadāruvanaṁ tathā

प्रभास उत्तम तीर्थ है, जो पिनाकी शिव का आद्य क्षेत्र है; श्रीशैल उत्तम तीर्थ है, तथा देवदारुवन भी।

श्लोक 39 (skanda.5.1.39)

तस्मादप्युत्तमं व्यास पुण्या वाराणसी मता। तस्माद्दशगुणं प्रोक्तं सर्वतीर्थोत्तमं यतः

tasmādapyuttamaṁ vyāsa puṇyā vārāṇasī matā| tasmāddaśaguṇaṁ proktaṁ sarvatīrthottamaṁ yataḥ

हे व्यास, उससे भी उत्तम पुण्यमयी वाराणसी मानी गई है; उससे भी दस गुना श्रेष्ठ कहा गया है, क्योंकि वह समस्त तीर्थों में उत्तम है।

श्लोक 40 (skanda.5.1.40)

महाकालवनं गुह्यं सिद्धक्षेत्रं तथोषरम्। किंचिद्गुह्यान्यथान्यानि स्मशानान्यूषराणि च

mahākālavanaṁ guhyaṁ siddhakṣetraṁ tathoṣaram| kiṁcidguhyānyathānyāni smaśānānyūṣarāṇi ca

महाकालवन गुह्य, सिद्धक्षेत्र तथा ऊषर भी है; कुछ अन्य स्थान भी गुह्य, स्मशान और ऊषर हैं।

श्लोक 41 (skanda.5.1.41)

सर्वतस्तु समाख्यातं महाकालवनं मुने। स्मशानमूषरक्षेत्रं पीठं तु वनमेव च

sarvatastu samākhyātaṁ mahākālavanaṁ mune| smaśānamūṣarakṣetraṁ pīṭhaṁ tu vanameva ca

हे मुने, सब प्रकार से महाकालवन इस प्रकार कहा गया है—स्मशान, ऊषरक्षेत्र, पीठ तथा वन भी।

श्लोक 42 (skanda.5.1.42)

पंचैकत्र न लभ्यंते महाकालपुरादृते

paṁcaikatra na labhyaṁte mahākālapurādṛte

ये पाँचों गुण एक साथ महाकालपुर के अतिरिक्त अन्यत्र कहीं नहीं मिलते।