ओंकारेश्वर की महिमा

श्लोक 1 (skanda.5.123.1)

श्रीविश्वेश्वर उवाच। द्व्यधिकं देवि जानीहि पंचाशत्तममीश्वरम्। ओंकारेश्वर इत्याख्या यस्यास्ति भुवनत्रये॥

śrīviśveśvara uvāca| dvyadhikaṁ devi jānīhi paṁcāśattamamīśvaram| oṁkāreśvara ityākhyā yasyāsti bhuvanatraye||

श्रीविश्वेश्वर ने कहा - हे देवी! बावनवें ईश्वर (लिंग) को जानो, जिसका नाम तीनों लोकों में ओंकारेश्वर है।

श्लोक 2 (skanda.5.123.2)

प्राकृते कल्पसंज्ञे तु प्रथमे प्रथमं मया। वक्त्रादुत्पादितो देवि पुरुषः कपिलाकृतिः॥

prākṛte kalpasaṁjñe tu prathame prathamaṁ mayā| vaktrādutpādito devi puruṣaḥ kapilākṛtiḥ||

आदिकल्प जिसे 'प्राकृत' कहा जाता है, उसमें सबसे पहले मैंने अपने मुख से, हे देवी! कपिल वर्ण वाले एक पुरुष को उत्पन्न किया।

श्लोक 3 (skanda.5.123.3)

ततः स पुरुषो दिव्यः किं करोमीत्युपस्थितः। विभजात्मानमित्युक्तो मयांतर्द्धानगोऽभवत्॥

tataḥ sa puruṣo divyaḥ kiṁ karomītyupasthitaḥ| vibhajātmānamityukto mayāṁtarddhānago'bhavat||

तब वह दिव्य पुरुष 'मैं क्या करूँ?' कहता हुआ मेरे सामने उपस्थित हुआ। मेरे द्वारा 'अपने को विभाजित करो' कहे जाने पर वह मेरी दृष्टि से अंतर्धान हो गया।

श्लोक 4 (skanda.5.123.4)

निर्वाणस्येव दीपस्य गतिस्तस्य न लक्षिता। ततस्तस्याभवच्चिंता कथमात्मा विभज्यते॥

nirvāṇasyeva dīpasya gatistasya na lakṣitā| tatastasyābhavacciṁtā kathamātmā vibhajyate||

जैसे बुझे हुए दीपक की गति नहीं दिखती, वैसे ही उसकी गति नहीं दिखी। तब उसे यह चिंता हुई कि आत्मा का विभाजन कैसे किया जाए।

श्लोक 5 (skanda.5.123.5)

एवं चिंतयतस्तस्य चतुर्मित्योत्थितस्ततः। त्रिवर्णस्वररूपी च चतुर्वर्गफलप्रदः॥

evaṁ ciṁtayatastasya caturmityotthitastataḥ| trivarṇasvararūpī ca caturvargaphalapradaḥ||

इस प्रकार चिंतन करते हुए उससे एक चतुर्मूर्ति तत्त्व प्रकट हुआ, जो त्रिवर्ण स्वर-रूप था और चारों पुरुषार्थों का फल देने वाला था।

श्लोक 6 (skanda.5.123.6)

ऋग्यजुःसामनामा च ब्रह्मविष्णुशिवात्मकः। व्याप्नुवन्सकलाँल्लोकान्प्रभावैः पृथुभिस्तदा॥

ṛgyajuḥsāmanāmā ca brahmaviṣṇuśivātmakaḥ| vyāpnuvansakalā~llokānprabhāvaiḥ pṛthubhistadā||

ऋक्, यजुः और साम नाम वाला, ब्रह्मा-विष्णु-शिव स्वरूप वह अपने विशाल प्रभावों से समस्त लोकों में व्याप्त हो गया।

श्लोक 7 (skanda.5.123.7)

ओंकार इति तस्याख्या मया दता प्रसादतः। तदोक्ताभिरुदाराभिर्वाणीभिः समलंकृतः॥

oṁkāra iti tasyākhyā mayā datā prasādataḥ| tadoktābhirudārābhirvāṇībhiḥ samalaṁkṛtaḥ||

मैंने प्रसन्न होकर उसका नाम 'ओंकार' रखा, और वह इस उदार, कहे गए नाम की वाणियों से सुशोभित हुआ।

श्लोक 8 (skanda.5.123.8)

हृदयात्तस्य देवस्य वषट्कारः समुत्थितः। छंदसां प्रवरा देवी चतुर्विंशाक्षरा परा॥

hṛdayāttasya devasya vaṣaṭkāraḥ samutthitaḥ| chaṁdasāṁ pravarā devī caturviṁśākṣarā parā||

उस देव के हृदय से वषट्कार उत्पन्न हुआ, और चौबीस अक्षरों वाली, छंदों में श्रेष्ठ परम देवी भी प्रकट हुई।

श्लोक 9 (skanda.5.123.9)

षट्कुक्षिः सा त्रिपादा च पंचशीर्षोपलक्षिता। समीपवर्त्तिनी देवी पार्श्वे तत्र व्यवस्थिता॥

ṣaṭkukṣiḥ sā tripādā ca paṁcaśīrṣopalakṣitā| samīpavarttinī devī pārśve tatra vyavasthitā||

वह देवी छह कुक्षियों वाली, तीन पादों वाली और पांच शिरों से चिह्नित थी, और वहां उसके निकट पार्श्व में स्थित रही।

श्लोक 10 (skanda.5.123.10)

गायत्री मधुराभाषा सावित्री लोकविश्रुता। स चोंकारो मया प्रोक्तो गायत्र्या सह पार्वति। सृष्टिं कुरु ममादेशाद्विचित्रामनया सह॥

gāyatrī madhurābhāṣā sāvitrī lokaviśrutā| sa coṁkāro mayā prokto gāyatryā saha pārvati| sṛṣṭiṁ kuru mamādeśādvicitrāmanayā saha||

मधुर भाषा वाली गायत्री लोक में सावित्री नाम से विख्यात हुई। हे पार्वती! मैंने उस ओंकार से कहा - 'गायत्री के साथ मेरी आज्ञा से विचित्र सृष्टि करो।'

श्लोक 11 (skanda.5.123.11)

इत्युक्तस्त्रिशिखो भूत्वा हिरण्यसदृशाकृतिः। सृष्टिमुत्पादयामास स्वशरीरान्ममाज्ञया॥

ityuktastriśikho bhūtvā hiraṇyasadṛśākṛtiḥ| sṛṣṭimutpādayāmāsa svaśarīrānmamājñayā||

ऐसा कहे जाने पर वह त्रिशिख और सुवर्ण के समान आकृति वाला होकर मेरी आज्ञा से अपने ही शरीर से सृष्टि उत्पन्न करने लगा।

श्लोक 12 (skanda.5.123.12)

पूर्वं देवगणाश्चैव त्रयस्त्रिंशच्च देवताः। मनुष्या ऋषयश्चैव वेदप्रामाण्यतः कृताः॥

pūrvaṁ devagaṇāścaiva trayastriṁśacca devatāḥ| manuṣyā ṛṣayaścaiva vedaprāmāṇyataḥ kṛtāḥ||

सबसे पहले देवगण और तैंतीस देवता, और फिर वेद की प्रामाणिकता से मनुष्य और ऋषि रचे गए।

श्लोक 13 (skanda.5.123.13)

तेषां देहे प्रविष्टानां प्रादुर्भावः पुनर्भवेत्। यथा सूर्यस्य सततमुदयास्तमनं भवेत्॥

teṣāṁ dehe praviṣṭānāṁ prādurbhāvaḥ punarbhavet| yathā sūryasya satatamudayāstamanaṁ bhavet||

उनके शरीर में प्रवेश करने पर उसका प्रादुर्भाव बार-बार होता रहता है, जैसे सूर्य का उदय और अस्त निरंतर होता रहता है।

श्लोक 14 (skanda.5.123.14)

संहृत्योंकारमखिलान्सदेवासुरपन्नगान्। कृतात्मगर्भे भगवानोंकारो जगतः प्रभुः॥

saṁhṛtyoṁkāramakhilānsadevāsurapannagān| kṛtātmagarbhe bhagavānoṁkāro jagataḥ prabhuḥ||

देव, असुर और नागों सहित समस्त प्राणियों का संहार करके, भगवान ओंकार, जो जगत् के स्वामी हैं, उन्हें अपने भीतर समेट लेते हैं।

श्लोक 15 (skanda.5.123.15)

ससर्ज सर्वभूतानि कल्पांते पर्वतात्मजे। अव्यक्तः शाश्वतश्चैव तस्य सर्वमिदं जगत्॥

sasarja sarvabhūtāni kalpāṁte parvatātmaje| avyaktaḥ śāśvataścaiva tasya sarvamidaṁ jagat||

हे पर्वतपुत्री! कल्प के अंत में वे पुनः समस्त प्राणियों की सृष्टि करते हैं; वे अव्यक्त और शाश्वत हैं, और यह सम्पूर्ण जगत् उन्हीं का है।

श्लोक 16 (skanda.5.123.16)

कर्त्ता चैव विकर्त्ता च संहर्ता च महांस्तु यः। ओंकारपूर्वका वेदा यज्ञाश्चोंकारपूर्वकाः॥

karttā caiva vikarttā ca saṁhartā ca mahāṁstu yaḥ| oṁkārapūrvakā vedā yajñāścoṁkārapūrvakāḥ||

जो कर्ता, विकर्ता और महान संहारकर्ता है, वेद ओंकारपूर्वक हैं और यज्ञ भी ओंकारपूर्वक ही हैं।

श्लोक 17 (skanda.5.123.17)

ओंकारपूर्वकं ज्ञानं तपश्चोंकारपूर्वकम्। स्वयंभूरिति विज्ञेयः स ब्रह्मा भुवनाधिपः॥

oṁkārapūrvakaṁ jñānaṁ tapaścoṁkārapūrvakam| svayaṁbhūriti vijñeyaḥ sa brahmā bhuvanādhipaḥ||

ज्ञान ओंकारपूर्वक है और तप भी ओंकारपूर्वक है। वही स्वयंभू ब्रह्मा, भुवनों के अधिपति, जानने योग्य हैं।

श्लोक 18 (skanda.5.123.18)

स वायुरिति विज्ञेयः सर्वज्ञः स प्रजाकरः। विश्वे देवास्तथा साध्या रुद्रादित्यास्तथाश्विनौ॥

sa vāyuriti vijñeyaḥ sarvajñaḥ sa prajākaraḥ| viśve devāstathā sādhyā rudrādityāstathāśvinau||

वे ही सर्वज्ञ प्रजापालक वायु के रूप में जानने योग्य हैं; वे ही विश्वेदेव, साध्यगण, रुद्र, आदित्य और अश्विनीकुमार हैं।

श्लोक 19 (skanda.5.123.19)

प्रजानां पतयश्चैव सप्त चैव महर्षयः। वसवोऽप्सरसश्चैव गंधर्वाश्चैव राक्षसाः॥

prajānāṁ patayaścaiva sapta caiva maharṣayaḥ| vasavo'psarasaścaiva gaṁdharvāścaiva rākṣasāḥ||

वे ही प्रजापति और सप्त महर्षि हैं; वे ही वसुगण, अप्सराएं, गंधर्व और राक्षस हैं।

श्लोक 20 (skanda.5.123.20)

दैत्याः पिशाचा रक्षांसि भूतानि विविधानि च। ब्राह्मणाः क्षत्रिया वैश्याः शूद्रा म्लेच्छादयो भुवि। सर्वे चतुष्पदाश्चैव तिर्यग्योनिगतास्तदा॥

daityāḥ piśācā rakṣāṁsi bhūtāni vividhāni ca| brāhmaṇāḥ kṣatriyā vaiśyāḥ śūdrā mlecchādayo bhuvi| sarve catuṣpadāścaiva tiryagyonigatāstadā||

वे ही दैत्य, पिशाच, राक्षस और नाना प्रकार के भूत हैं; पृथ्वी पर ब्राह्मण, क्षत्रिय, वैश्य, शूद्र और म्लेच्छादि हैं; तथा तिर्यक् योनि में उत्पन्न सभी चतुष्पद प्राणी भी वे ही हैं।

श्लोक 21 (skanda.5.123.21)

जंगमानि च सत्त्वानि यच्चान्यज्जीवसंज्ञकम्। कृत्वा सर्वमशेषं च ममांतिकमुपागतः॥

jaṁgamāni ca sattvāni yaccānyajjīvasaṁjñakam| kṛtvā sarvamaśeṣaṁ ca mamāṁtikamupāgataḥ||

समस्त चराचर प्राणियों और जीव नाम से पुकारे जाने वाले अन्य सभी को बिना शेष रचकर, वह मेरे समीप आया।

श्लोक 22 (skanda.5.123.22)

प्रणम्य प्रयतो भूत्वा वचनं चेदमब्रवीत्। कृता सृष्टिर्मया देव त्वत्प्रसादान्महेश्वर॥

praṇamya prayato bhūtvā vacanaṁ cedamabravīt| kṛtā sṛṣṭirmayā deva tvatprasādānmaheśvara||

प्रणाम करके, संयमपूर्वक, उसने यह वचन कहा - 'हे देव महेश्वर! आपकी कृपा से मैंने सृष्टि रच दी है।'

श्लोक 23 (skanda.5.123.23)

देहि मे परमं स्थानं यथा कीर्त्तिर्ध्रुवा भवेत्। ओंकारस्य वचः श्रुत्वा मया प्रोक्तं वरानने॥

dehi me paramaṁ sthānaṁ yathā kīrttirdhruvā bhavet| oṁkārasya vacaḥ śrutvā mayā proktaṁ varānane||

'मुझे परम स्थान दीजिए, जिससे मेरी कीर्ति स्थिर रहे।' ओंकार के इन वचनों को सुनकर, हे वरानने! मैंने कहा -

श्लोक 24 (skanda.5.123.24)

ममाभीष्टकरं स्थानं नित्यमव्ययमक्षयम्। महाकालवनं दिव्यं सर्वसंपत्करं शुभम्॥

mamābhīṣṭakaraṁ sthānaṁ nityamavyayamakṣayam| mahākālavanaṁ divyaṁ sarvasaṁpatkaraṁ śubham||

'मुझे अत्यंत प्रिय, नित्य, अव्यय और अक्षय स्थान है - वह दिव्य महाकालवन, जो शुभ और सर्वसंपत्तिदायक है।'

श्लोक 25 (skanda.5.123.25)

तत्र ते भविता कीर्त्तिः शाश्वती नात्र संशयः। शूलेश्वरस्य देवस्य पूर्वभागे व्यव स्थितम्॥

tatra te bhavitā kīrttiḥ śāśvatī nātra saṁśayaḥ| śūleśvarasya devasya pūrvabhāge vyava sthitam||

'वहां तुम्हारी कीर्ति शाश्वत होगी, इसमें कोई संशय नहीं। वह स्थान शूलेश्वर देव के पूर्व भाग में स्थित है।'

श्लोक 26 (skanda.5.123.26)

त्रिकल्पप्रभवं लिंगं त्वन्नाम्ना ख्यातिमेष्यति। ओंकारेश्वर इत्याख्या भविष्यति जगत्त्रये॥

trikalpaprabhavaṁ liṁgaṁ tvannāmnā khyātimeṣyati| oṁkāreśvara ityākhyā bhaviṣyati jagattraye||

'तीन कल्पों में उत्पन्न वह लिंग तुम्हारे ही नाम से विख्यात होगा; तीनों लोकों में उसका नाम ओंकारेश्वर होगा।'

श्लोक 27 (skanda.5.123.27)

इत्युक्तो हि मया देवि ओंकारो हृष्टमानसः। ददर्श तत्र तल्लिंगं तस्मिँल्लिंगे लयं गतः॥

ityukto hi mayā devi oṁkāro hṛṣṭamānasaḥ| dadarśa tatra talliṁgaṁ tasmi~lliṁge layaṁ gataḥ||

हे देवी! मेरे ऐसा कहने पर प्रसन्नचित्त ओंकार ने वहां उस लिंग का दर्शन किया और उसी लिंग में लीन हो गया।

श्लोक 28 (skanda.5.123.28)

ततः प्रभृति वेदेषु ओंकारः क्रियते द्विजैः। पुण्यार्थं मंगलार्थं च प्रथमं सर्ववस्तुषु॥

tataḥ prabhṛti vedeṣu oṁkāraḥ kriyate dvijaiḥ| puṇyārthaṁ maṁgalārthaṁ ca prathamaṁ sarvavastuṣu||

तभी से वेदों में द्विजों द्वारा पुण्य और मंगल के लिए सभी वस्तुओं के आरंभ में सबसे पहले ओंकार का उच्चारण किया जाता है।

श्लोक 29 (skanda.5.123.29)

लयंगतो यदोंकारस्तदाप्रभृति पार्वति। मयोच्यमानं लिंगस्य प्रभावातिशयं शृणु॥

layaṁgato yadoṁkārastadāprabhṛti pārvati| mayocyamānaṁ liṁgasya prabhāvātiśayaṁ śṛṇu||

हे पार्वती! जब ओंकार लीन हो गया, तभी से मेरे द्वारा कहा जाने वाला इस लिंग का अतिशय प्रभाव सुनो।

श्लोक 30 (skanda.5.123.30)

यद्युगादिसहस्रेषु व्यतीपातशतेषु च। अयनानां सहस्रेषु यत्पुण्यं समुदाहृतम्। तत्पुण्यमधिकं देवि ॐकारेश्वरदर्शनात्॥

yadyugādisahasreṣu vyatīpātaśateṣu ca| ayanānāṁ sahasreṣu yatpuṇyaṁ samudāhṛtam| tatpuṇyamadhikaṁ devi oṁkāreśvaradarśanāt||

हजारों युगादियों में, सैकड़ों व्यतीपातों में और हजारों अयनों में जो पुण्य कहा गया है, हे देवी! ओंकारेश्वर के दर्शन से उससे भी अधिक पुण्य प्राप्त होता है।

श्लोक 31 (skanda.5.123.31)

चतुर्ष्वपि च वेदेषु समधीतेषु यत्फलम्। ततोऽधिकं फलं प्रोक्तमोंकारेश्वरदर्शनात्॥

caturṣvapi ca vedeṣu samadhīteṣu yatphalam| tato'dhikaṁ phalaṁ proktamoṁkāreśvaradarśanāt||

चारों वेदों के सम्यक अध्ययन से जो फल मिलता है, ओंकारेश्वर के दर्शन से उससे भी अधिक फल कहा गया है।

श्लोक 32 (skanda.5.123.32)

ब्रह्मचर्येण यत्पुण्यं यावज्जीवं कृतेन च। तत्पुण्यमधिकं प्रोक्तमोंकारेश्वरदर्शनात्॥

brahmacaryeṇa yatpuṇyaṁ yāvajjīvaṁ kṛtena ca| tatpuṇyamadhikaṁ proktamoṁkāreśvaradarśanāt||

जीवनभर ब्रह्मचर्य पालन से जो पुण्य होता है, ओंकारेश्वर के दर्शन से उससे भी अधिक पुण्य कहा गया है।

श्लोक 33 (skanda.5.123.33)

करीषसाधने पुण्यं यच्च पुण्यमनाशके। तत्पुण्यमधिकं देवि ॐकारेश्वरदर्शनात्॥

karīṣasādhane puṇyaṁ yacca puṇyamanāśake| tatpuṇyamadhikaṁ devi oṁkāreśvaradarśanāt||

करीष-साधन (कठोर तप) से और अन्न-त्याग से जो पुण्य होता है, हे देवी! ओंकारेश्वर के दर्शन से उससे भी अधिक पुण्य होता है।

श्लोक 34 (skanda.5.123.34)

पूजायां यत्फलं प्रोक्तं तस्य संख्या न विद्यते॥

pūjāyāṁ yatphalaṁ proktaṁ tasya saṁkhyā na vidyate||

उनकी पूजा से जो फल कहा गया है, उसकी तो कोई गणना ही नहीं है।

श्लोक 35 (skanda.5.123.35)

किं यज्ञैर्बहुवित्ताढ्यैः किं तपोभिः सुदुष्करैः। ॐकारदर्शनादेव तत्फलं लभते यतः॥

kiṁ yajñairbahuvittāḍhyaiḥ kiṁ tapobhiḥ suduṣkaraiḥ| oṁkāradarśanādeva tatphalaṁ labhate yataḥ||

अत्यधिक धन से युक्त यज्ञों से क्या लाभ, अत्यंत दुष्कर तपों से क्या लाभ, जब वही फल केवल ओंकार के दर्शन से प्राप्त हो जाता है।

श्लोक 36 (skanda.5.123.36)

पूजनात्स्पर्शनाद्वापि कीर्त्तनाच्छ्रवणात्तथा। ॐकारेश्वरदेवस्य नराः स्युर्मुक्तिभाजनाः॥

pūjanātsparśanādvāpi kīrttanācchravaṇāttathā| oṁkāreśvaradevasya narāḥ syurmuktibhājanāḥ||

पूजन से, स्पर्श से, कीर्तन से अथवा श्रवण से भी, मनुष्य भगवान ओंकारेश्वर की कृपा से मुक्ति के अधिकारी बन जाते हैं।

श्लोक 37 (skanda.5.123.37)

एष ते कथितो देवि प्रभावः पापनाशनः। ॐकारेश्वरदेवस्य शृणु विश्वेश्वरं परम्॥

eṣa te kathito devi prabhāvaḥ pāpanāśanaḥ| oṁkāreśvaradevasya śṛṇu viśveśvaraṁ param||

हे देवी! यह मैंने तुम्हें भगवान ओंकारेश्वर का पापनाशक प्रभाव बताया; अब परम विश्वेश्वर के विषय में सुनो।