शूलेश्वर माहात्म्य वर्णन

श्लोक 1 (skanda.5.122.1)

ईश्वर उवाच। एकाधिकं विजानीहि पंचाशत्तममीश्वरम्। देवं शूलेश्वरं देवि सर्वव्याधिविनाशनम्॥

īśvara uvāca| ekādhikaṁ vijānīhi paṁcāśattamamīśvaram| devaṁ śūleśvaraṁ devi sarvavyādhivināśanam||

ईश्वर ने कहा—इक्यावनवें देव शूलेश्वर को जानो, हे देवि, जो समस्त व्याधियों का नाशक है।

श्लोक 2 (skanda.5.122.2)

आद्ये कल्पे प्रवृत्ते च राज्यहेतोर्वरानने। देवानां दानवानां च युद्धमासीत्सुदारुणम्। दैत्यानामीश्वरे जंभे देवानां च शचीपतौ॥

ādye kalpe pravṛtte ca rājyahetorvarānane| devānāṁ dānavānāṁ ca yuddhamāsītsudāruṇam| daityānāmīśvare jaṁbhe devānāṁ ca śacīpatau||

प्रथम कल्प में, हे वरानने, राज्य के हेतु देवताओं और दानवों के बीच अत्यन्त भयंकर युद्ध हुआ, दैत्यों के ईश्वर जंभ और देवताओं के शचीपति के बीच।

श्लोक 3 (skanda.5.122.3)

ततो देवाः पराभूता दैत्या विजयिनोऽभवन्। अंधको मंदरं प्राप्तो दूतं मे प्राहिणोत्तदा॥

tato devāḥ parābhūtā daityā vijayino'bhavan| aṁdhako maṁdaraṁ prāpto dūtaṁ me prāhiṇottadā||

तब देवता पराजित हो गए, और दैत्य विजयी हुए; अन्धक मन्दराचल पहुँचा और तब मेरे पास एक दूत भेजा।

श्लोक 4 (skanda.5.122.4)

स दूतो मामुवाचोच्चैः सगर्वो दुष्टमानसः। अन्धकेनाहमादिष्टः शृणु शंकर मद्वचः॥

sa dūto māmuvācoccaiḥ sagarvo duṣṭamānasaḥ| andhakenāhamādiṣṭaḥ śṛṇu śaṁkara madvacaḥ||

वह दूत गर्वित और दुष्ट मन वाला होकर मुझसे ऊँचे स्वर में बोला—'मुझे अन्धक द्वारा आदेश दिया गया है; हे शंकर, मेरा वचन सुनो —'

श्लोक 5 (skanda.5.122.5)

गौरीं मे देहि पत्न्यर्थं मंदरस्त्यज्यतामयम्। एवं कृते कृतार्थस्त्वमन्यथा नास्ति ते गतिः॥

gaurīṁ me dehi patnyarthaṁ maṁdarastyajyatāmayam| evaṁ kṛte kṛtārthastvamanyathā nāsti te gatiḥ||

'गौरी को मुझे पत्नी के रूप में दे दो; यह मन्दराचल छोड़ दो। ऐसा करने से तुम कृतार्थ होगे, अन्यथा तुम्हारे लिए कोई गति नहीं है।'

श्लोक 6 (skanda.5.122.6)

उक्तोऽहं तेन दूतेन त्वया सह महागिरौ। स्मिताननः क्षणं भूत्वा मया प्रोक्तमिदं वचः॥

ukto'haṁ tena dūtena tvayā saha mahāgirau| smitānanaḥ kṣaṇaṁ bhūtvā mayā proktamidaṁ vacaḥ||

उस दूत ने महागिरि पर तुम्हारे सहित मुझसे ऐसा कहा; क्षणभर मुस्कुराते हुए मैंने यह वचन कहा—

श्लोक 7 (skanda.5.122.7)

गच्छ दूत ममादेशादंधकं ब्रूहि सत्वरम्। इहाभ्येत्याहवं कृत्वा जित्वेमां सुन्दरीं नय॥

gaccha dūta mamādeśādaṁdhakaṁ brūhi satvaram| ihābhyetyāhavaṁ kṛtvā jitvemāṁ sundarīṁ naya||

'जाओ, हे दूत, मेरी आज्ञा से; अन्धक को शीघ्र कहो—यहाँ आकर युद्ध करो, और जीतकर इस सुन्दरी को ले जाओ।'

श्लोक 8 (skanda.5.122.8)

इत्युक्तः प्रययौ दूतस्तेनाख्यातं वचो मम। अन्धकोऽपि तदा दैत्यः समरार्थी तु मन्दरम्। समायातः सहामात्यो बलेन चतुरंगिणा॥

ityuktaḥ prayayau dūtastenākhyātaṁ vaco mama| andhako'pi tadā daityaḥ samarārthī tu mandaram| samāyātaḥ sahāmātyo balena caturaṁgiṇā||

ऐसा कहे जाने पर दूत चला गया और उसने मेरा वचन बताया; अन्धक भी वह दैत्य तब युद्ध का इच्छुक होकर मन्दराचल पर आया, मन्त्रियों सहित, चतुरंगिणी सेना के साथ;

श्लोक 9 (skanda.5.122.9)

मया सह ततस्तस्य घोरं युद्धमभूच्चिरम्। अन्धकस्य रथो घोरश्छिन्नो भिन्नः समं ततः॥

mayā saha tatastasya ghoraṁ yuddhamabhūcciram| andhakasya ratho ghoraśchinno bhinnaḥ samaṁ tataḥ||

तब मेरे और उसके बीच बहुत देर तक भयंकर युद्ध हुआ; अन्धक का भयंकर रथ खण्डित और भिन्न हो गया।

श्लोक 10 (skanda.5.122.10)

ततः कुद्धोंऽधको देवि रथात्तस्मादवप्लुतः। मद्रथं बलवान्गृह्य मया सह बलोत्कटः। युयुधे स महादैत्यः शूलेन ताडितो मया॥

tataḥ kuddhoṁ'dhako devi rathāttasmādavaplutaḥ| madrathaṁ balavāngṛhya mayā saha balotkaṭaḥ| yuyudhe sa mahādaityaḥ śūlena tāḍito mayā||

तब, हे देवि, क्रुद्ध अन्धक उस रथ से कूद पड़ा; वह बलवान्, अत्यन्त बलोत्कट, मेरे रथ को पकड़कर मुझसे युद्ध करने लगा, वह महादैत्य, और मेरे त्रिशूल से आहत हुआ।

श्लोक 11 (skanda.5.122.11)

मया धृतोन्तरिक्षे स शूलप्रोतो महासुरः। शूलप्रोतोऽथ वै दुष्टस्तावत्स भ्रामितो मया॥

mayā dhṛtontarikṣe sa śūlaproto mahāsuraḥ| śūlaproto'tha vai duṣṭastāvatsa bhrāmito mayā||

मेरे द्वारा आकाश में धारण किया गया वह महासुर त्रिशूल से बिंधा हुआ था — तब त्रिशूल से बिंधे हुए उस दुष्ट को मैंने घुमाया।

श्लोक 12 (skanda.5.122.12)

सुस्राव तस्य गात्रेभ्यः शोणितोघस्ततो महान्। बिन्दौबिन्दौ तु रक्तस्य तत्तुल्या दानवास्तथा॥

susrāva tasya gātrebhyaḥ śoṇitoghastato mahān| bindaubindau tu raktasya tattulyā dānavāstathā||

तब उसके अंगों से रक्त की एक विशाल धारा बही; और उस रक्त की प्रत्येक बूँद से उसके समान दानव,

श्लोक 13 (skanda.5.122.13)

संभूताः कोटिशो देवि तैरहं पुनरर्द्दितः। किं कर्त्तव्यमिति ध्यायन्स्थितोऽहं तत्र भामिनि॥

saṁbhūtāḥ koṭiśo devi tairahaṁ punarardditaḥ| kiṁ karttavyamiti dhyāyansthito'haṁ tatra bhāmini||

हे देवि, करोड़ों की संख्या में उत्पन्न हुए; उनसे मैं पुनः पीड़ित हो गया। क्या करना चाहिए, यह सोचते हुए मैं वहाँ खड़ा रहा, हे भामिनि।

श्लोक 14 (skanda.5.122.14)

मया चोत्पादिता दुर्गा रक्तदंता सुभीषणा। अन्धकस्य तदा पीतं रक्तं वहुविधं तया॥

mayā cotpāditā durgā raktadaṁtā subhīṣaṇā| andhakasya tadā pītaṁ raktaṁ vahuvidhaṁ tayā||

तब मेरे द्वारा रक्तदन्ता, अत्यन्त भयंकर दुर्गा उत्पन्न की गई; उसके द्वारा अन्धक का बहुविध रक्त पीया गया।

श्लोक 15 (skanda.5.122.15)

तस्मिन्पीते ततो रक्ते नोत्तस्थुर्देवि चापरे। पूर्वोत्थितास्तयैवाशु निहता दानवाधिपाः। तेन शूलवरेणैव तत्क्षणान्निधनं गताः॥

tasminpīte tato rakte nottasthurdevi cāpare| pūrvotthitāstayaivāśu nihatā dānavādhipāḥ| tena śūlavareṇaiva tatkṣaṇānnidhanaṁ gatāḥ||

उस रक्त के पी लिए जाने पर, हे देवि, फिर अन्य दानव उत्पन्न नहीं हुए; जो पहले उत्पन्न हो चुके थे, वे उसी के द्वारा शीघ्र मारे गए; और उस श्रेष्ठ त्रिशूल से भी वे उसी क्षण मृत्यु को प्राप्त हो गए।

श्लोक 16 (skanda.5.122.16)

स मामुवाच हृष्टात्मा कृतांजलिपुटोंऽधकः। त्वयि भक्तिः सदा मेस्तु दुर्लभं तव दर्शनम्॥

sa māmuvāca hṛṣṭātmā kṛtāṁjalipuṭoṁ'dhakaḥ| tvayi bhaktiḥ sadā mestu durlabhaṁ tava darśanam||

वह अन्धक हर्षित आत्मा होकर, हाथ जोड़कर, मुझसे बोला—'तुम्हारे प्रति मेरी भक्ति सदा बनी रहे; तुम्हारा दर्शन दुर्लभ है।'

श्लोक 17 (skanda.5.122.17)

स्वामिना निहतश्चाहं कोऽन्यो धन्यतरो हि मत्। त्वच्छूलेन विनिर्भिन्नो ह्यन्तरिक्षे ततोऽप्यहम्॥

svāminā nihataścāhaṁ ko'nyo dhanyataro hi mat| tvacchūlena vinirbhinno hyantarikṣe tato'pyaham||

'स्वामी के द्वारा मारा जाकर मुझसे अधिक धन्य कौन है? तुम्हारे त्रिशूल से बिंधकर, आकाश में ही, मैं —'

श्लोक 18 (skanda.5.122.18)

संकल्पाक्षेपविक्षेपं कल्पकार्यप्रवर्त्तकम्। सहस्रवक्त्रशिरसं त्वामहं शरणं व्रजे॥

saṁkalpākṣepavikṣepaṁ kalpakāryapravarttakam| sahasravaktraśirasaṁ tvāmahaṁ śaraṇaṁ vraje||

'संकल्प के आक्षेप और प्रक्षेप को करने वाले, कल्प के कार्य को प्रवर्तित करने वाले, सहस्र मुख और सिर वाले तुम्हारी मैं शरण जाता हूँ।'

श्लोक 19 (skanda.5.122.19)

गिरींद्रतनयानाथं गिरींद्रशिखरालयम्। महालयकृतावासं त्वामहं शरणं व्रजे॥

girīṁdratanayānāthaṁ girīṁdraśikharālayam| mahālayakṛtāvāsaṁ tvāmahaṁ śaraṇaṁ vraje||

'पर्वतराज-कन्या के नाथ, पर्वतराज के शिखर पर निवास करने वाले, महालय में आवास बनाए हुए तुम्हारी मैं शरण जाता हूँ।'

श्लोक 20 (skanda.5.122.20)

एवं स्तुतोऽहं दैत्येन शूलप्रोतेन सुन्दरि। ततो मे करुणा जाता कृतोंधको गणस्तदा॥

evaṁ stuto'haṁ daityena śūlaprotena sundari| tato me karuṇā jātā kṛtoṁdhako gaṇastadā||

हे सुन्दरी, त्रिशूल से बिंधे हुए उस दैत्य द्वारा इस प्रकार स्तुत होने पर, तब मुझ में करुणा उत्पन्न हुई, और अन्धक को गण बना दिया गया।

श्लोक 21 (skanda.5.122.21)

स च शूलवरो देवि मया प्रोक्तो मुदा तदा। एहि शूल हतो दैत्यस्त्वया दुष्टोंधको मृधे॥

sa ca śūlavaro devi mayā prokto mudā tadā| ehi śūla hato daityastvayā duṣṭoṁdhako mṛdhe||

और, हे देवि, उस श्रेष्ठ त्रिशूल से भी तब मैंने हर्षपूर्वक कहा—'आओ, हे शूल; दुष्ट अन्धक तुम्हारे द्वारा युद्ध में मारा गया;'

श्लोक 22 (skanda.5.122.22)

परितुष्टः प्रयच्छामि परमं स्थानमुत्तमम्। न देवैर्न च गन्धर्वैर्नापि तत्परमर्षिभिः॥

parituṣṭaḥ prayacchāmi paramaṁ sthānamuttamam| na devairna ca gandharvairnāpi tatparamarṣibhiḥ||

'अत्यन्त संतुष्ट होकर मैं तुम्हें एक परम उत्तम स्थान देता हूँ — जो न देवताओं को, न गन्धर्वों को, न परम ऋषियों को भी,'

श्लोक 23 (skanda.5.122.23)

संप्राप्यं मामनाराध्य तथा विध्वस्तकल्मषैः। मामुवाच ततः शूलः प्रणम्यानतकन्धरः॥

saṁprāpyaṁ māmanārādhya tathā vidhvastakalmaṣaiḥ| māmuvāca tataḥ śūlaḥ praṇamyānatakandharaḥ||

'मेरी आराधना किए बिना प्राप्त नहीं होता, चाहे पाप विध्वस्त हो चुके हों।' तब शूल ने प्रणाम करके, गर्दन झुकाकर मुझसे कहा—

श्लोक 24 (skanda.5.122.24)

यदि प्रसन्नो भगवन्करुणा मयि ते यदि। कथयस्व परं स्थानं मनो मे यत्र शुद्ध्यति। दुष्टसंपर्कसंजातमन्यत्पातकमात्मनः॥

yadi prasanno bhagavankaruṇā mayi te yadi| kathayasva paraṁ sthānaṁ mano me yatra śuddhyati| duṣṭasaṁparkasaṁjātamanyatpātakamātmanaḥ||

'हे भगवन्, यदि तुम प्रसन्न हो, यदि तुम्हारी मुझ पर करुणा हो, तो मुझे उस परम स्थान के विषय में बताओ, जहाँ दुष्ट-संसर्ग से उत्पन्न मेरे अन्य पाप से मेरा मन शुद्ध हो जाए।'

श्लोक 25 (skanda.5.122.25)

ततो मया समादिष्टः करुणाश्लिष्टचेतसा। महाकालवनं रम्यमतिपुण्यफलप्रदम्॥

tato mayā samādiṣṭaḥ karuṇāśliṣṭacetasā| mahākālavanaṁ ramyamatipuṇyaphalapradam||

तब करुणा से आलिंगित चित्त वाले मैंने उसे बताया—'रमणीय महाकालवन, अत्यन्त पुण्यफल का दाता —'

श्लोक 26 (skanda.5.122.26)

तत्रास्मत्प्राप्तिदं लिंगं लोकानुग्रहकारकम्। पृधुकेश्वरपूर्वेण तदाराधय यत्नतः॥

tatrāsmatprāptidaṁ liṁgaṁ lokānugrahakārakam| pṛdhukeśvarapūrveṇa tadārādhaya yatnataḥ||

'वहाँ हमारी प्राप्ति देने वाला, लोक का अनुग्रह करने वाला एक लिंग है; पृथुकेश्वर के पूर्व में — उसकी प्रयत्नपूर्वक आराधना करो।'

श्लोक 27 (skanda.5.122.27)

मदीयं वचनं श्रुत्वा स जगाम त्वरान्वितः। ददर्श तत्र तल्लिंगमनेकफलदायकम्॥

madīyaṁ vacanaṁ śrutvā sa jagāma tvarānvitaḥ| dadarśa tatra talliṁgamanekaphaladāyakam||

मेरे वचन सुनकर वह शीघ्रतापूर्वक वहाँ गया; उसने वहाँ नाना फल देने वाले उस लिंग को देखा।

श्लोक 28 (skanda.5.122.28)

लिंगेन च पुनर्दृष्टः शूलः शंकरवल्लभः। संभूतोऽनेकवक्त्रस्तु हर्षाद्विस्मितमानसः॥

liṁgena ca punardṛṣṭaḥ śūlaḥ śaṁkaravallabhaḥ| saṁbhūto'nekavaktrastu harṣādvismitamānasaḥ||

और उस लिंग द्वारा पुनः दृष्ट होकर, शंकर का प्रिय शूल, अनेक मुखों वाला बनकर, हर्ष से विस्मित मन वाला हुआ,

श्लोक 29 (skanda.5.122.29)

स्नेहात्संश्लेषितोऽत्यर्थं पृष्टस्तु कुशलं पुनः। कथितं तेन शूलेन दुष्टांधक वधं तदा॥

snehātsaṁśleṣito'tyarthaṁ pṛṣṭastu kuśalaṁ punaḥ| kathitaṁ tena śūlena duṣṭāṁdhaka vadhaṁ tadā||

अत्यन्त स्नेह से आलिंगित हुआ, और पुनः उसकी कुशलता पूछी गई; तब उसने दुष्ट अन्धक के वध का वृत्तान्त सुनाया,

श्लोक 30 (skanda.5.122.30)

प्रभुणा प्रेरितोऽत्यर्थं शुद्ध्यर्थं भवतोंतिके। त्वद्दर्शनेन पूतोऽहं यास्यामि शिवसंनिधौ। अद्यप्रभृति भूलोके मन्नाम्ना ख्यातिमेष्यसि॥

prabhuṇā prerito'tyarthaṁ śuddhyarthaṁ bhavatoṁtike| tvaddarśanena pūto'haṁ yāsyāmi śivasaṁnidhau| adyaprabhṛti bhūloke mannāmnā khyātimeṣyasi||

'और अपने स्वामी द्वारा शुद्धि के लिए अत्यन्त प्रेरित होकर मैं तुम्हारे समीप आया। तुम्हारे दर्शन से पवित्र होकर मैं शिव के सन्निधान को जाऊँगा। आज से भूलोक में तुम मेरे ही नाम से विख्यात होगे।'

श्लोक 31 (skanda.5.122.31)

ततो भविष्यत्यधिकं दर्शनात्ते वृणोम्यहम्। किं तीर्थैर्विविधैः स्नातैः किं दानैर्विविधैः कृतैः॥

tato bhaviṣyatyadhikaṁ darśanātte vṛṇomyaham| kiṁ tīrthairvividhaiḥ snātaiḥ kiṁ dānairvividhaiḥ kṛtaiḥ||

'फिर, तुम्हारे दर्शन से मैं और भी अधिक फल दूँगा — नाना तीर्थों में स्नान की क्या आवश्यकता, नाना दानों के करने की क्या आवश्यकता?'

श्लोक 32 (skanda.5.122.32)

ते प्राप्स्यंति फलं सर्वं ये त्वां द्रक्ष्यंति भक्तितः॥

te prāpsyaṁti phalaṁ sarvaṁ ye tvāṁ drakṣyaṁti bhaktitaḥ||

वे समस्त फल प्राप्त करेंगे, जो भक्तिपूर्वक तुम्हारा दर्शन करेंगे।

श्लोक 33 (skanda.5.122.33)

यः करिष्यति ते पूजां भक्तियुक्तोऽपि मानवः। अष्टम्यां वा चतुर्दश्यां दिने भौमस्य भक्तितः॥

yaḥ kariṣyati te pūjāṁ bhaktiyukto'pi mānavaḥ| aṣṭamyāṁ vā caturdaśyāṁ dine bhaumasya bhaktitaḥ||

जो मनुष्य भक्तियुक्त होकर अष्टमी या चतुर्दशी को, मंगलवार के दिन, भक्तिपूर्वक तुम्हारी पूजा करेगा,

श्लोक 34 (skanda.5.122.34)

विमानवरमास्थाय कामगं रत्नभूषितम्। उदितादित्यसंकाशं स मुदा विचरिष्यति॥

vimānavaramāsthāya kāmagaṁ ratnabhūṣitam| uditādityasaṁkāśaṁ sa mudā vicariṣyati||

वह रत्नभूषित, इच्छानुसार गमन करने वाले, उदित सूर्य के समान तेजस्वी उत्तम विमान पर आरूढ़ होकर हर्षपूर्वक विचरण करेगा।

श्लोक 35 (skanda.5.122.35)

त्वन्नाम ये ग्रहीष्यंति सर्वदा भयपीडिताः। व्याधिभिः पीडिता नित्यं दुःखैर्वा क्लेशिता भृशम्। न भविष्यति भीस्तेषां घोरसंसारसागरे॥

tvannāma ye grahīṣyaṁti sarvadā bhayapīḍitāḥ| vyādhibhiḥ pīḍitā nityaṁ duḥkhairvā kleśitā bhṛśam| na bhaviṣyati bhīsteṣāṁ ghorasaṁsārasāgare||

जो तुम्हारा नाम लेंगे, चाहे वे सदा भय से पीड़ित हों, चाहे व्याधियों से नित्य पीड़ित हों, चाहे दुःखों से अत्यन्त क्लेशित हों — उनके लिए भयंकर संसार-सागर में कोई भय नहीं होगा।

श्लोक 36 (skanda.5.122.36)

ये त्वां द्रक्ष्यंति पुरुषा भावहीनाः प्रसंगतः। न पतिष्यंति संसारे नरके चातिदारुणे॥

ye tvāṁ drakṣyaṁti puruṣā bhāvahīnāḥ prasaṁgataḥ| na patiṣyaṁti saṁsāre narake cātidāruṇe||

भावरहित होते हुए भी जो पुरुष प्रसंगवश तुम्हारा दर्शन करते हैं, वे संसार में तथा अत्यन्त भयंकर नरक में नहीं गिरेंगे।

श्लोक 37 (skanda.5.122.37)

इत्युक्तं तेन शूलेन लिंगमाश्लिष्य यत्नतः॥

ityuktaṁ tena śūlena liṁgamāśliṣya yatnataḥ||

ऐसा कहकर उस शूल ने प्रयत्नपूर्वक लिंग का आलिंगन किया।

श्लोक 38 (skanda.5.122.38)

एष ते कथितो देवि प्रभावः पापनाशनः। शूलेश्वरस्य देवस्य अथोंकारेश्वरं शृणु॥

eṣa te kathito devi prabhāvaḥ pāpanāśanaḥ| śūleśvarasya devasya athoṁkāreśvaraṁ śṛṇu||

हे देवि, यह देव शूलेश्वर का पापनाशक प्रभाव तुम्हें बताया गया; अब ओंकारेश्वर के विषय में सुनो।