स्थावरेश्वर माहात्म्य वर्णन

श्लोक 1 (skanda.5.121.1)

श्रीमहादेव उवाच। शृणु देवि प्रयत्नेन पंचाशत्तममीश्वरम्। यस्य दर्शनमात्रेण ग्रहबाधा न जायते॥

śrīmahādeva uvāca| śṛṇu devi prayatnena paṁcāśattamamīśvaram| yasya darśanamātreṇa grahabādhā na jāyate||

श्री महादेव ने कहा—हे देवि, प्रयत्नपूर्वक पचासवें ईश्वर के विषय में सुनो, जिसके दर्शनमात्र से ग्रह-बाधा उत्पन्न नहीं होती।

श्लोक 2 (skanda.5.121.2)

संज्ञानाम रवेर्भार्या सा सुता विश्वकर्मणः। भर्त्तुस्तेजोऽसहंत्याथ कदाचिच्चैव संज्ञया। छायामयी चात्मनस्तु निर्मिता तरसा तया॥

saṁjñānāma raverbhāryā sā sutā viśvakarmaṇaḥ| bharttustejo'sahaṁtyātha kadāciccaiva saṁjñayā| chāyāmayī cātmanastu nirmitā tarasā tayā||

संज्ञा, सूर्य की पत्नी, विश्वकर्मा की पुत्री — वह एक बार अपने पति के तेज को सहन न कर सकने के कारण, तत्परता से अपनी छायामयी प्रतिकृति बना ली।

श्लोक 3 (skanda.5.121.3)

सा प्रोक्ता सादरेणैव स्थीयतां सूर्यसंनिधौ। पृष्ट्यापि न वाच्यं ते मदीयं गमनं रवेः॥

sā proktā sādareṇaiva sthīyatāṁ sūryasaṁnidhau| pṛṣṭyāpi na vācyaṁ te madīyaṁ gamanaṁ raveḥ||

उससे आदरपूर्वक कहा गया—'सूर्य के समीप रहना; पूछे जाने पर भी मेरे चले जाने की बात सूर्य से मत कहना।'

श्लोक 4 (skanda.5.121.4)

इत्युक्त्वा सा तदा संज्ञा जगाम भवनं पितुः। संज्ञेयमिति मन्वानो द्वितीयायां दिवस्पतिः। जनयामास तनयं नामतो यः शनैश्चरः॥

ityuktvā sā tadā saṁjñā jagāma bhavanaṁ pituḥ| saṁjñeyamiti manvāno dvitīyāyāṁ divaspatiḥ| janayāmāsa tanayaṁ nāmato yaḥ śanaiścaraḥ||

ऐसा कहकर संज्ञा तब पिता के भवन को चली गई; उसे संज्ञा ही मानते हुए दिवस्पति ने दूसरी बार शनैश्चर नामक पुत्र को जन्म दिया।

श्लोक 5 (skanda.5.121.5)

तस्मिञ्जाते भयं जग्मुः सदेवासुरमानुषाः। त्रैलोक्यं जातमात्रेण आक्रांतं सचराचरम्॥

tasmiñjāte bhayaṁ jagmuḥ sadevāsuramānuṣāḥ| trailokyaṁ jātamātreṇa ākrāṁtaṁ sacarācaram||

उसके जन्म लेते ही देव, असुर और मनुष्य भय को प्राप्त हुए; जन्म लेते ही चराचरसहित त्रैलोक्य आक्रान्त हो गया।

श्लोक 6 (skanda.5.121.6)

इन्द्रोऽपि भयसंत्रस्तो ब्रह्माणं शरणं गतः। सूर्यपुत्रस्य वृत्तांतं कथयामास गद्गदम्॥

indro'pi bhayasaṁtrasto brahmāṇaṁ śaraṇaṁ gataḥ| sūryaputrasya vṛttāṁtaṁ kathayāmāsa gadgadam||

इन्द्र भी भयभीत होकर ब्रह्मा की शरण गए, और गद्गद वाणी से सूर्यपुत्र का सारा वृत्तान्त सुनाया।

श्लोक 7 (skanda.5.121.7)

भिन्नं तु रोहिणीचक्रं व्याप्तं नक्षत्रमंडलम्। जातमात्रेण चाक्रांतं त्रैलोक्यं रविसूनुना॥

bhinnaṁ tu rohiṇīcakraṁ vyāptaṁ nakṣatramaṁḍalam| jātamātreṇa cākrāṁtaṁ trailokyaṁ ravisūnunā||

'रोहिणी का चक्र भिन्न हो गया, नक्षत्रमण्डल व्याप्त हो गया; जन्म लेते ही सूर्यपुत्र से त्रैलोक्य आक्रान्त हो गया।'

श्लोक 8 (skanda.5.121.8)

वासवस्य वचः श्रुत्वा ब्रह्मा लोकपितामहः। आहूय सहसा सूर्यं वचनं चेदमब्रवीत्॥

vāsavasya vacaḥ śrutvā brahmā lokapitāmahaḥ| āhūya sahasā sūryaṁ vacanaṁ cedamabravīt||

वासव का वचन सुनकर लोकपितामह ब्रह्मा ने शीघ्र सूर्य को बुलाकर उससे यह वचन कहा—

श्लोक 9 (skanda.5.121.9)

मर्यादा क्रियतां भानो वार्यतां पुत्र औरसः। आक्रांतं तेजसा तेन त्रैलोक्यं भूभुवादिकम्॥

maryādā kriyatāṁ bhāno vāryatāṁ putra aurasaḥ| ākrāṁtaṁ tejasā tena trailokyaṁ bhūbhuvādikam||

'हे भानो, मर्यादा बाँधो; अपने औरस पुत्र को रोको; उसके तेज से पृथ्वी, स्वर्ग आदि तीनों लोक आक्रान्त हैं।'

श्लोक 10 (skanda.5.121.10)

ब्रह्मणो वचनं श्रुत्वा रविणा प्रोक्तमीदृशः। असाध्योऽयं मम सुतो वार्यतां स्वयमेव तम्॥

brahmaṇo vacanaṁ śrutvā raviṇā proktamīdṛśaḥ| asādhyo'yaṁ mama suto vāryatāṁ svayameva tam||

ब्रह्मा के वचन सुनकर सूर्य ने ऐसा कहा—'यह मेरा पुत्र मेरे लिए भी असाध्य है; इसे स्वयं ही रोका जाए —'

श्लोक 11 (skanda.5.121.11)

पश्य मे चरणौ दग्धौ दृष्टिमात्रेण लीलया। ब्रह्मापि भयसंत्रस्तो जगाम मनसा हरिम्॥

paśya me caraṇau dagdhau dṛṣṭimātreṇa līlayā| brahmāpi bhayasaṁtrasto jagāma manasā harim||

'देखो, मेरे ही चरण इसकी दृष्टिमात्र से लीलावश दग्ध हो गए हैं।' ब्रह्मा भी भयभीत होकर मन से हरि के पास गए।

श्लोक 12 (skanda.5.121.12)

सूर्यस्य वचनं श्रुत्वा हरिः प्राप्तस्तु तत्क्षणात्। ब्रह्मणो वचनं श्रुत्वा भीतः कृष्णोऽब्रवीदिदम्॥

sūryasya vacanaṁ śrutvā hariḥ prāptastu tatkṣaṇāt| brahmaṇo vacanaṁ śrutvā bhītaḥ kṛṣṇo'bravīdidam||

सूर्य का वचन सुनकर हरि उसी क्षण उपस्थित हुए; ब्रह्मा का वचन सुनकर भयभीत कृष्ण ने यह कहा—

श्लोक 13 (skanda.5.121.13)

गम्यतां तत्र यत्रास्ते देवदेवो महेश्वरः। कृष्णस्य वचनात्सर्वे ममांतिकमुपागताः॥

gamyatāṁ tatra yatrāste devadevo maheśvaraḥ| kṛṣṇasya vacanātsarve mamāṁtikamupāgatāḥ||

'चलें वहाँ, जहाँ देवाधिदेव महेश्वर विराजमान हैं।' कृष्ण के वचन से वे सभी मेरे समीप आए।

श्लोक 14 (skanda.5.121.14)

वृत्तांतः कथितः सर्वो रविपुत्रस्य पार्वति। मया स्मृतस्तु संप्राप्तः सूर्यपुत्रस्तु तत्क्षणात्॥

vṛttāṁtaḥ kathitaḥ sarvo raviputrasya pārvati| mayā smṛtastu saṁprāptaḥ sūryaputrastu tatkṣaṇāt||

हे पार्वती, सूर्यपुत्र का सारा वृत्तान्त बताया गया; मैंने तब सूर्यपुत्र का स्मरण किया, और वह उसी क्षण उपस्थित हो गया।

श्लोक 15 (skanda.5.121.15)

अधोदृष्टिर्मया दृष्टो वक्रांगो रूपतोऽसितः। स्थैर्यं कृत्वा नमस्कृत्य विज्ञप्तोऽहं शनैःशनैः॥

adhodṛṣṭirmayā dṛṣṭo vakrāṁgo rūpato'sitaḥ| sthairyaṁ kṛtvā namaskṛtya vijñapto'haṁ śanaiḥśanaiḥ||

मैंने उसे अधोदृष्टि, वक्रांग, कृष्णवर्ण रूप वाला देखा; स्थिर होकर, प्रणाम करके, मैंने धीरे-धीरे उससे निवेदन किया—

श्लोक 16 (skanda.5.121.16)

किमर्थं वै स्मृतो देव देह्याजां मम शंकर। आदेशे तव तिष्ठामि किं करोमि प्रशाधि माम्॥

kimarthaṁ vai smṛto deva dehyājāṁ mama śaṁkara| ādeśe tava tiṣṭhāmi kiṁ karomi praśādhi mām||

'किस कारण मुझे स्मरण किया गया, हे देव? हे शंकर, मुझे आज्ञा दीजिए। मैं तुम्हारे आदेश में स्थित हूँ; मैं क्या करूँ? मुझे बताइए।'

श्लोक 17 (skanda.5.121.17)

इत्युक्तोऽहं तदा तेन रविपुत्रेण पार्वति। मया स वारितोऽत्यर्थं मा पीडय जगत्त्रयम्॥

ityukto'haṁ tadā tena raviputreṇa pārvati| mayā sa vārito'tyarthaṁ mā pīḍaya jagattrayam||

हे पार्वती, उस सूर्यपुत्र से मैंने ऐसा कहे जाने पर उसे अत्यन्त रोका—'तीनों लोकों को पीड़ा मत दो।'

श्लोक 18 (skanda.5.121.18)

तेनोक्तं देहि मे स्थानं पानमाहारमेव च। मया दत्तं विशालाक्षि पूजार्थं स्थानमुत्तमम्॥

tenoktaṁ dehi me sthānaṁ pānamāhārameva ca| mayā dattaṁ viśālākṣi pūjārthaṁ sthānamuttamam||

उसने कहा—'मुझे स्थान दो, तथा पान और आहार भी।' हे विशालाक्षि, मेरे द्वारा उसे पूजा के लिए एक उत्तम स्थान दिया गया —

श्लोक 19 (skanda.5.121.19)

मेषादिराशिसंस्थः संस्त्रिंशन्मासान्प्रपीडय। मानुषान्क्रमशो वत्स तत्र तृप्तिमवाप्स्यसि॥

meṣādirāśisaṁsthaḥ saṁstriṁśanmāsānprapīḍaya| mānuṣānkramaśo vatsa tatra tṛptimavāpsyasi||

'मेष आदि राशियों में स्थित होकर, हे वत्स, क्रमशः तीस मासों तक मनुष्यों को पीड़ा दो; वहाँ तुम्हें तृप्ति प्राप्त होगी।'

श्लोक 20 (skanda.5.121.20)

अष्टमश्च चतुर्थश्च द्वितीयो जन्मसंस्थितः। द्वादशराशिसंस्थोऽपि विरुद्धो भव सर्वदा॥

aṣṭamaśca caturthaśca dvitīyo janmasaṁsthitaḥ| dvādaśarāśisaṁstho'pi viruddho bhava sarvadā||

'जन्मराशि से आठवीं, चौथी और दूसरी राशि में, तथा बारहवीं राशि में स्थित होकर भी, सदा विरुद्ध रहो।'

श्लोक 21 (skanda.5.121.21)

एकादशो वा षष्ठो वा तृतीयस्थानगोथवा। भव भव्यतरो नॄणामतः पूजा भविष्यति॥

ekādaśo vā ṣaṣṭho vā tṛtīyasthānagothavā| bhava bhavyataro nṝṇāmataḥ pūjā bhaviṣyati||

'ग्यारहवें, छठे या तीसरे स्थान में मनुष्यों के लिए अधिक कल्याणकारी बनो; इससे तुम्हें पूजा प्राप्त होगी।'

श्लोक 22 (skanda.5.121.22)

पंचमो नवमश्चैव उदासीनस्तु सप्तमः। भव राशिगतो नित्यं मानुषे कर्मभिर्युते॥

paṁcamo navamaścaiva udāsīnastu saptamaḥ| bhava rāśigato nityaṁ mānuṣe karmabhiryute||

'पाँचवें और नवें में, तथा सातवें में उदासीन रहो; राशि में स्थित होकर मनुष्यों के कर्मों से नित्य युक्त रहो।'

श्लोक 23 (skanda.5.121.23)

पूजां प्राप्स्यसि चात्यर्थं ग्रहाणामधिकं सदा। गतिः स्थिरा भवित्री ते वरः श्रेष्ठोभिधीयते॥

pūjāṁ prāpsyasi cātyarthaṁ grahāṇāmadhikaṁ sadā| gatiḥ sthirā bhavitrī te varaḥ śreṣṭhobhidhīyate||

'तुम्हें अत्यधिक पूजा प्राप्त होगी, सदा अन्य ग्रहों से भी अधिक; तुम्हारी गति स्थिर होगी — यह श्रेष्ठ वर तुम्हें कहा जाता है।'

श्लोक 24 (skanda.5.121.24)

अतस्ते स्थावरं नाम भविष्यति महीतले। शनैश्चरस्त्वं राशिस्थो ग्रहाणामधिको यतः॥

ataste sthāvaraṁ nāma bhaviṣyati mahītale| śanaiścarastvaṁ rāśistho grahāṇāmadhiko yataḥ||

'अतः तुम्हारा नाम पृथ्वी पर स्थावर होगा; चूँकि राशि में स्थित होकर तुम ग्रहों में सबसे अधिक मन्दगति हो,'

श्लोक 25 (skanda.5.121.25)

अतः शनैश्चरोनाम भविष्यसि सदा भुवि। गजगण्डनिभाकारो मम कण्ठसमोपि च॥

ataḥ śanaiścaronāma bhaviṣyasi sadā bhuvi| gajagaṇḍanibhākāro mama kaṇṭhasamopi ca||

'अतः तुम पृथ्वी पर सदा शनैश्चर नाम से जाने जाओगे। हाथी के गण्डस्थल के समान आकृति वाले, और मेरे ही कण्ठ के समान वर्ण वाले,'

श्लोक 26 (skanda.5.121.26)

वर्णतो ह्यसितो नाम भविष्यसि महीतले। ग्रहमध्ये ह्यधोदृष्टिर्गतिर्मंदा भविष्यति। तुष्टो ददासि राज्यं च रुष्टो वै हरसि क्षणात्॥

varṇato hyasito nāma bhaviṣyasi mahītale| grahamadhye hyadhodṛṣṭirgatirmaṁdā bhaviṣyati| tuṣṭo dadāsi rājyaṁ ca ruṣṭo vai harasi kṣaṇāt||

'वर्ण से पृथ्वी पर तुम असित नाम से कहलाओगे। ग्रहों के मध्य अधोदृष्टि वाले, मन्दगति वाले — प्रसन्न होने पर राज्य देते हो, और रुष्ट होने पर क्षणभर में हर लेते हो।'

श्लोक 27 (skanda.5.121.27)

देवासुरमनुष्याश्च सिद्धविद्याधरोरगाः। त्वत्क्रूरदृष्टिनिहता नाशं यास्यंति नान्यथा॥

devāsuramanuṣyāśca siddhavidyādharoragāḥ| tvatkrūradṛṣṭinihatā nāśaṁ yāsyaṁti nānyathā||

'देव, असुर, मनुष्य, सिद्ध, विद्याधर और नाग, तुम्हारी क्रूर दृष्टि से आहत होकर नाश को प्राप्त होंगे — अन्यथा नहीं।'

श्लोक 28 (skanda.5.121.28)

तव प्रसादात्प्राप्स्यंति मनोऽभीष्टं सुदुर्ल्लभम्। अन्यच्च ते प्रदास्यामि स्थानं गुह्यं मनोहरम्॥

tava prasādātprāpsyaṁti mano'bhīṣṭaṁ sudurllabham| anyacca te pradāsyāmi sthānaṁ guhyaṁ manoharam||

'तुम्हारी कृपा से वे मन के अभीष्ट, अत्यन्त दुर्लभ को भी प्राप्त करेंगे। और मैं तुम्हें एक और वस्तु दूँगा — एक गुप्त, मनोहर स्थान,'

श्लोक 29 (skanda.5.121.29)

मनोभीष्टकरं पुण्यं देवदानवदुर्लभम्। प्रलयेऽप्यक्षयं प्रोक्तं महाकालवनं परम्॥

manobhīṣṭakaraṁ puṇyaṁ devadānavadurlabham| pralaye'pyakṣayaṁ proktaṁ mahākālavanaṁ param||

'मन के अभीष्ट को देने वाला, पुण्यमय, देव-दानवों के लिए भी दुर्लभ, प्रलयकाल में भी अक्षय कहा गया — वह परम महाकालवन है।'

श्लोक 30 (skanda.5.121.30)

तत्र गच्छ ममादेशत्त्वपृथुकेश्वरपश्चिमे। विद्यते तत्र यल्लिंगं तत्ते नाम्ना भविष्यति॥

tatra gaccha mamādeśattvapṛthukeśvarapaścime| vidyate tatra yalliṁgaṁ tatte nāmnā bhaviṣyati||

'मेरी आज्ञा से वहाँ जाओ, पृथुकेश्वर के पश्चिम में; वहाँ जो लिंग विद्यमान है, वह तुम्हारे ही नाम से विख्यात होगा।'

श्लोक 31 (skanda.5.121.31)

कीर्त्तिरेषा त्वदीयापि त्रैलोक्ये भविता धुवम्॥

kīrttireṣā tvadīyāpi trailokye bhavitā dhuvam||

'तुम्हारी यह कीर्ति भी त्रैलोक्य में निश्चय ही होगी।'

श्लोक 32 (skanda.5.121.32)

इत्युक्तः स्थावरो देवि ममाज्ञापालकस्तदा। जगाम त्वरितो रम्यं महाकालवनं शुभम्॥

ityuktaḥ sthāvaro devi mamājñāpālakastadā| jagāma tvarito ramyaṁ mahākālavanaṁ śubham||

हे देवि, ऐसा कहे जाने पर मेरी आज्ञा का पालन करने वाला स्थावर तब शीघ्रतापूर्वक रमणीय, शुभ महाकालवन को गया।

श्लोक 33 (skanda.5.121.33)

दृष्ट्वा तत्रैव तल्लिंगं स्थानं लब्धं सुशोभनम्। तल्लिंगं भुवने ख्यातं नामतः स्थावरेश्वरम्॥

dṛṣṭvā tatraiva talliṁgaṁ sthānaṁ labdhaṁ suśobhanam| talliṁgaṁ bhuvane khyātaṁ nāmataḥ sthāvareśvaram||

वहीं उस लिंग को देखकर उसने अत्यन्त सुशोभित स्थान प्राप्त किया; वह लिंग संसार में स्थावरेश्वर नाम से विख्यात हुआ।

श्लोक 34 (skanda.5.121.34)

शनिनोक्तं तदा देवि येऽत्र द्रक्ष्यंति भक्तितः। मया प्रपूजितं लिंगं विख्यातं स्थावरेश्वरम्। तेषां पीडा मदीया तु न भविष्यति कर्हिचित्॥

śaninoktaṁ tadā devi ye'tra drakṣyaṁti bhaktitaḥ| mayā prapūjitaṁ liṁgaṁ vikhyātaṁ sthāvareśvaram| teṣāṁ pīḍā madīyā tu na bhaviṣyati karhicit||

तब शनि ने कहा, हे देवि—'जो यहाँ भक्तिपूर्वक मेरे द्वारा पूजित इस विख्यात स्थावरेश्वर लिंग का दर्शन करेंगे, उनके लिए मेरी पीड़ा कभी नहीं होगी।'

श्लोक 35 (skanda.5.121.35)

मदीये च दिने यो वै नियमेन प्रपश्यति। तस्याहं सकलां बाधां शमयिष्याम्यसंशयम्॥

madīye ca dine yo vai niyamena prapaśyati| tasyāhaṁ sakalāṁ bādhāṁ śamayiṣyāmyasaṁśayam||

'और मेरे ही दिन जो नियमपूर्वक इसका दर्शन करता है, उसकी समस्त बाधा मैं निःसंदेह शान्त कर दूँगा।'

श्लोक 36 (skanda.5.121.36)

धक्ष्यामि सततं पीडामन्यग्रहकृतामपि। मदीयं च भयं तस्य स्वप्नेऽपि न भविष्यति॥

dhakṣyāmi satataṁ pīḍāmanyagrahakṛtāmapi| madīyaṁ ca bhayaṁ tasya svapne'pi na bhaviṣyati||

'अन्य ग्रहों द्वारा की गई पीड़ा को भी मैं निरन्तर भस्म कर दूँगा; और मेरा भय उसे स्वप्न में भी नहीं होगा।'

श्लोक 37 (skanda.5.121.37)

न ग्रहा न पिशाचाश्च न यक्षा न च राक्षसाः। विघ्नं कुर्वंति तस्यापि मयि तुष्टे न संशयः॥

na grahā na piśācāśca na yakṣā na ca rākṣasāḥ| vighnaṁ kurvaṁti tasyāpi mayi tuṣṭe na saṁśayaḥ||

'न ग्रह, न पिशाच, न यक्ष, न राक्षस उसके लिए कोई विघ्न करेंगे, जब मैं प्रसन्न हूँ — इसमें कोई संशय नहीं।'

श्लोक 38 (skanda.5.121.38)

संक्रांतौ शनिवारे च व्यतीपातेऽयने तथा। ये पश्यंति नरा भक्त्या लिंगं वै स्थावरेश्वरम्। भविष्यत्यक्षयस्तेषां स्थिरो वासस्त्रिविष्टपे॥

saṁkrāṁtau śanivāre ca vyatīpāte'yane tathā| ye paśyaṁti narā bhaktyā liṁgaṁ vai sthāvareśvaram| bhaviṣyatyakṣayasteṣāṁ sthiro vāsastriviṣṭape||

'संक्रान्ति में, शनिवार को, व्यतीपात में तथा अयन में — जो मनुष्य भक्तिपूर्वक स्थावरेश्वर लिंग का दर्शन करते हैं, उनके लिए स्वर्ग में अक्षय, स्थिर निवास होगा।'

श्लोक 39 (skanda.5.121.39)

नियमेन प्रपश्यंति मम वारेऽत्र ये नराः। न तेषां दुष्कृतं किंचिद्दुष्कृतोत्था न चापदः॥

niyamena prapaśyaṁti mama vāre'tra ye narāḥ| na teṣāṁ duṣkṛtaṁ kiṁcidduṣkṛtotthā na cāpadaḥ||

'जो मनुष्य नियमपूर्वक मेरे ही दिन इसका दर्शन करते हैं, उनका कोई दुष्कृत्य नहीं होगा, और न ही दुष्कृत्य से उत्पन्न विपत्तियाँ होंगी।'

श्लोक 40 (skanda.5.121.40)

भविष्यति न दारिद्र्यं न चैवेष्टवियोजनम्। दास्यामि पुत्रकामस्य फलं पुत्रकृतं सदा॥

bhaviṣyati na dāridryaṁ na caiveṣṭaviyojanam| dāsyāmi putrakāmasya phalaṁ putrakṛtaṁ sadā||

'न दरिद्रता होगी, न प्रिय वस्तुओं का वियोग; पुत्रकामी को मैं सदा पुत्र से प्राप्त होने वाला फल दूँगा।'

श्लोक 41 (skanda.5.121.41)

अधनस्य धनं चैव भयार्त्तस्याभयं तथा। स्वर्गं वै स्वर्गकामस्य प्रयच्छामि च वांछितम्॥

adhanasya dhanaṁ caiva bhayārttasyābhayaṁ tathā| svargaṁ vai svargakāmasya prayacchāmi ca vāṁchitam||

'निर्धन को धन, और भयार्त को अभय; स्वर्गकामी को स्वर्ग, और जो भी वांछित हो, मैं वह प्रदान करता हूँ।'

श्लोक 42 (skanda.5.121.42)

इत्युक्त्वा पूजयामास भूयो लिंगं शनैश्चरः। पूजयित्वा शुभैः पुष्पैर्भक्त्या तत्रैव संस्थितः॥

ityuktvā pūjayāmāsa bhūyo liṁgaṁ śanaiścaraḥ| pūjayitvā śubhaiḥ puṣpairbhaktyā tatraiva saṁsthitaḥ||

ऐसा कहकर शनैश्चर ने पुनः उस लिंग की पूजा की; शुभ पुष्पों से पूजा करके भक्तिपूर्वक वहीं स्थित रहा।

श्लोक 43 (skanda.5.121.43)

एष ते कथितो देवि प्रभावः पापनाशनः। स्थावरेश्वरदेवस्य शूलेश्वरमथो शृणु॥

eṣa te kathito devi prabhāvaḥ pāpanāśanaḥ| sthāvareśvaradevasya śūleśvaramatho śṛṇu||

हे देवि, यह देव स्थावरेश्वर का पापनाशक प्रभाव तुम्हें बताया गया; अब शूलेश्वर के विषय में सुनो।