रेवंतेश्वर की महिमा

श्लोक 1 (skanda.5.127.1)

श्रीमहादेव उवाच। षट्पंचाशत्तमं विद्धि रेवंतेश्वरसंज्ञकम्। यस्य दर्शनमात्रेण परा सिद्धिः प्रजायते॥

śrīmahādeva uvāca| ṣaṭpaṁcāśattamaṁ viddhi revaṁteśvarasaṁjñakam| yasya darśanamātreṇa parā siddhiḥ prajāyate||

श्रीमहादेव ने कहा - छप्पनवें को रेवंतेश्वर नाम से जानो, जिनके दर्शनमात्र से परम सिद्धि उत्पन्न होती है।

श्लोक 2 (skanda.5.127.2)

असहंती पुरा संज्ञा रवेस्तेजोऽतिदुःसहम्। तपः कर्त्तुं गता देवि ज्ञाता सूर्येण सुव्रता॥

asahaṁtī purā saṁjñā ravestejo'tiduḥsaham| tapaḥ karttuṁ gatā devi jñātā sūryeṇa suvratā||

हे देवी! पूर्वकाल में संज्ञा, सूर्य के अत्यंत असह्य तेज को सहन न कर पाकर तप करने गई; उस सुव्रता को सूर्य ने जान लिया।

श्लोक 3 (skanda.5.127.3)

अश्वरूपं ततः कृत्वा जगामाथोत्तरान्कुरून्। ददृशे तत्र संज्ञां च वडवारूपधारिणीम्॥

aśvarūpaṁ tataḥ kṛtvā jagāmāthottarānkurūn| dadṛśe tatra saṁjñāṁ ca vaḍavārūpadhāriṇīm||

तब घोड़े का रूप धारण करके वे उत्तर कुरु गए; वहां उन्होंने घोड़ी का रूप धारण किए हुए संज्ञा को देखा।

श्लोक 4 (skanda.5.127.4)

गता सा सम्मुखं तस्य पृष्ठरक्षणतत्परा। ततोभून्नासिकायोगस्तयोस्तत्र समेतयोः॥

gatā sā sammukhaṁ tasya pṛṣṭharakṣaṇatatparā| tatobhūnnāsikāyogastayostatra sametayoḥ||

पीठ की रक्षा में तत्पर वह उसके सम्मुख हुई; तब वहां मिले हुए उन दोनों के बीच नासिका का संयोग हुआ।

श्लोक 5 (skanda.5.127.5)

नासत्य दस्रौ तनयावश्ववक्त्रौ विनिर्गतौ। रेतसोंऽते च रेवंतः खड्गी चर्मी तनुत्रधृक्॥

nāsatya dasrau tanayāvaśvavaktrau vinirgatau| retasoṁ'te ca revaṁtaḥ khaḍgī carmī tanutradhṛk||

नासत्य और दस्र नामक अश्वमुख दो पुत्र उत्पन्न हुए; और अंत में वीर्य से खड्ग, ढाल तथा कवच धारण किए हुए रेवंत उत्पन्न हुए।

श्लोक 6 (skanda.5.127.6)

अश्वारूढः समुद्भूतस्ततो बाणधनुर्द्धरः। तेन वै जातमात्रेण अश्वारूढेन लीलया। निर्जितं च जगच्चेदं सदेवासुरमानुषम्॥

aśvārūḍhaḥ samudbhūtastato bāṇadhanurddharaḥ| tena vai jātamātreṇa aśvārūḍhena līlayā| nirjitaṁ ca jagaccedaṁ sadevāsuramānuṣam||

वे अश्वारूढ़ होकर बाण-धनुष धारण किए हुए उत्पन्न हुए; जन्म लेते ही उस अश्वारूढ़ रेवंत ने लीलामात्र से देव, असुर और मनुष्यों सहित इस संपूर्ण जगत को जीत लिया।

श्लोक 7 (skanda.5.127.7)

ततो देवाः पराभूता ब्रह्माणं शरणं गताः। प्रणम्य कथयामासुर्भयकंपितकं धराः॥

tato devāḥ parābhūtā brahmāṇaṁ śaraṇaṁ gatāḥ| praṇamya kathayāmāsurbhayakaṁpitakaṁ dharāḥ||

तब पराजित हुए देवगण ब्रह्मा की शरण में गए; भय से कांपते हुए उन धराधारकों ने प्रणाम करके कहा।

श्लोक 8 (skanda.5.127.8)

अस्माकं विभवं तेजो रविपुत्रेण नाशितम्। रेवंतेन सुरेंद्रेण शृणु लोकपितामह॥

asmākaṁ vibhavaṁ tejo raviputreṇa nāśitam| revaṁtena sureṁdreṇa śṛṇu lokapitāmaha||

हे लोकपितामह! सुनिए - रविपुत्र सुरेंद्र रेवंत ने हमारे वैभव और तेज का नाश कर दिया है।

श्लोक 9 (skanda.5.127.9)

तस्य गात्रसमुद्भूतो वह्निर्धावति काल जित्। ज्वलंति पादपास्तेन पतंति शिखराणि च॥

tasya gātrasamudbhūto vahnirdhāvati kāla jit| jvalaṁti pādapāstena pataṁti śikharāṇi ca||

उसके शरीर से उत्पन्न हुई कालजित् अग्नि इधर-उधर दौड़ती है; उससे वृक्ष जल उठते हैं और पर्वत-शिखर गिर पड़ते हैं।

श्लोक 10 (skanda.5.127.10)

सर्वतो व्याकुलीभूतं हाहाकारमचेतनम्। तेनैव पीडितं सर्वं ज्वालामालासमाकुलम्॥

sarvato vyākulībhūtaṁ hāhākāramacetanam| tenaiva pīḍitaṁ sarvaṁ jvālāmālāsamākulam||

सब कुछ चारों ओर व्याकुल, चेतनाशून्य और हाहाकारपूर्ण हो गया है; उसी अग्नि से सब कुछ पीड़ित, ज्वाला-मालाओं से व्याकुल हो गया है।

श्लोक 11 (skanda.5.127.11)

दशदिक्षु प्रवृत्तोऽयं समृद्धो हव्यवाहनः। सर्वं किंशुकसंकाशं प्रज्वलन्निव दृश्यते॥

daśadikṣu pravṛtto'yaṁ samṛddho havyavāhanaḥ| sarvaṁ kiṁśukasaṁkāśaṁ prajvalanniva dṛśyate||

यह प्रचंड अग्नि दसों दिशाओं में फैल गई है; सब कुछ किंशुक पुष्प के समान लाल और प्रज्वलित सा दिखाई देता है।

श्लोक 12 (skanda.5.127.12)

इति तेषां वचः श्रुत्वा ब्रह्मणोक्तं वरानने। ज्ञातं मया सुरश्रेष्ठा भवतां कार्यमीदृशम्॥

iti teṣāṁ vacaḥ śrutvā brahmaṇoktaṁ varānane| jñātaṁ mayā suraśreṣṭhā bhavatāṁ kāryamīdṛśam||

हे वरानने! उनके ये वचन सुनकर ब्रह्मा ने कहा - हे सुरश्रेष्ठो! मैं तुम्हारे इस कार्य को समझ गया हूं।

श्लोक 13 (skanda.5.127.13)

भविष्यति च वस्तच्च कांक्षितं यत्सुरोत्तमाः। गच्छध्वं सहसा तस्माच्छंकरं शरणं सुराः॥

bhaviṣyati ca vastacca kāṁkṣitaṁ yatsurottamāḥ| gacchadhvaṁ sahasā tasmācchaṁkaraṁ śaraṇaṁ surāḥ||

हे सुरोत्तमो! तुम्हारी अभिलषित वस्तु अवश्य होगी। इसलिए हे सुरो! तत्काल जाकर शंकर की शरण लो।

श्लोक 14 (skanda.5.127.14)

ब्रह्मणो वचनं श्रुत्वा ममांतिकमुपागताः। त्रिदशा भयसंत्रस्ता नत्वा मामि दमब्रुवन्॥

brahmaṇo vacanaṁ śrutvā mamāṁtikamupāgatāḥ| tridaśā bhayasaṁtrastā natvā māmi damabruvan||

ब्रह्मा के इस वचन को सुनकर भय से त्रस्त वे त्रिदश मेरे समीप आए; मुझे प्रणाम करके उन्होंने यह कहा।

श्लोक 15 (skanda.5.127.15)

आदित्यतनयेनैव रेवंतेन महेश्वर। दग्धं त्रिभुवनं सर्वं शरीरस्थेन वह्निना। तेजसा महता चैव विक्रमेण बलेन च॥

ādityatanayenaiva revaṁtena maheśvara| dagdhaṁ tribhuvanaṁ sarvaṁ śarīrasthena vahninā| tejasā mahatā caiva vikrameṇa balena ca||

हे महेश्वर! आदित्यपुत्र रेवंत ने अपने शरीरस्थ अग्नि से, अपने महान तेज, पराक्रम और बल से संपूर्ण त्रिभुवन को जला डाला है।

श्लोक 16 (skanda.5.127.16)

असाध्यः किल सोऽस्माकं सर्वेषां देवसत्तम। भवान्प्रभवते तस्य नान्यः शंकर कश्चन॥

asādhyaḥ kila so'smākaṁ sarveṣāṁ devasattama| bhavānprabhavate tasya nānyaḥ śaṁkara kaścana||

हे देवसत्तम! वह हम सबके लिए असाध्य है। हे शंकर! उस पर केवल आपका ही प्रभाव है, अन्य कोई नहीं।

श्लोक 17 (skanda.5.127.17)

त्वां प्रपद्यामहे सर्वे भयार्त्ताः शरणार्थिनः। शरणं वरदं देवं त्रिदशानां महेश्वर॥

tvāṁ prapadyāmahe sarve bhayārttāḥ śaraṇārthinaḥ| śaraṇaṁ varadaṁ devaṁ tridaśānāṁ maheśvara||

हे महेश्वर! भय से पीड़ित शरणार्थी हम सब आप त्रिदशों के वरदाता, शरणदाता देव की शरण लेते हैं।

श्लोक 18 (skanda.5.127.18)

मया स्मृतः सूर्यपुत्रो रेवंतस्तत्क्षणात्प्रिये। प्राप्तः प्रीतिप्रसन्नात्मा वचनं चेदमब्रवीत्॥

mayā smṛtaḥ sūryaputro revaṁtastatkṣaṇātpriye| prāptaḥ prītiprasannātmā vacanaṁ cedamabravīt||

हे प्रिये! मेरे द्वारा स्मरण किए जाते ही सूर्यपुत्र रेवंत उसी क्षण प्रीति से प्रसन्न होकर आ पहुंचे और यह वचन कहा।

श्लोक 19 (skanda.5.127.19)

किं मया देव कर्त्तव्यं ब्रूहि सर्वमशेषतः। ततो मया सूर्यपुत्र उत्संगे च कृतस्तदा॥

kiṁ mayā deva karttavyaṁ brūhi sarvamaśeṣataḥ| tato mayā sūryaputra utsaṁge ca kṛtastadā||

हे देव! मुझे क्या करना है, सब कुछ पूर्णरूप से बताइए। तब मैंने उस सूर्यपुत्र को अपनी गोद में बिठा लिया,

श्लोक 20 (skanda.5.127.20)

स्नेहादाचुंबितो मूर्ध्नि परिष्वक्तः पुनःपुनः। ददामि ते महाभाग वरं वरय सुव्रत॥

snehādācuṁbito mūrdhni pariṣvaktaḥ punaḥpunaḥ| dadāmi te mahābhāga varaṁ varaya suvrata||

—स्नेहवश उसके मस्तक को चूमा, बार-बार आलिंगन किया - हे महाभाग! मैं तुम्हें वर देता हूं, हे सुव्रत! वर मांगो।

श्लोक 21 (skanda.5.127.21)

परितुष्टोस्मि ते कामं यथेष्टं काममाप्नुहि। इदमाज्ञापयामि त्वां श्रेयश्चैवमवाप्स्यसि॥

parituṣṭosmi te kāmaṁ yatheṣṭaṁ kāmamāpnuhi| idamājñāpayāmi tvāṁ śreyaścaivamavāpsyasi||

मैं तुम्हारे अभीष्ट से अत्यंत संतुष्ट हूं, यथेष्ट कामना प्राप्त करो। मैं तुम्हें यह आज्ञा देता हूं, इससे तुम्हें कल्याण प्राप्त होगा।

श्लोक 22 (skanda.5.127.22)

ममाभीष्टं परं स्थानं विद्यते पृथिवीतले। अक्षयं प्रलये पुत्र महाकालवनं शुभम्। तत्र दास्यामि ते स्थानं तत्र कीर्त्तिर्भविप्यति॥

mamābhīṣṭaṁ paraṁ sthānaṁ vidyate pṛthivītale| akṣayaṁ pralaye putra mahākālavanaṁ śubham| tatra dāsyāmi te sthānaṁ tatra kīrttirbhavipyati||

हे पुत्र! पृथ्वीतल पर मेरा परम अभीष्ट स्थान है, जो प्रलय में भी अक्षय रहता है - वह शुभ महाकालवन है; वहां मैं तुम्हें स्थान दूंगा, वहीं तुम्हारी कीर्ति होगी।

श्लोक 23 (skanda.5.127.23)

पूर्वे कंटेश्वरस्यापि स्थानं परमदुर्ल्भम्। तत्र त्वं वस रेवंत लिंगं द्रक्ष्यसि शाश्वतम्॥

pūrve kaṁṭeśvarasyāpi sthānaṁ paramadurlbham| tatra tvaṁ vasa revaṁta liṁgaṁ drakṣyasi śāśvatam||

पूर्व में कंटेश्वर का भी परम दुर्लभ स्थान है; हे रेवंत! तुम वहीं निवास करो, वहां तुम एक शाश्वत लिंग का दर्शन करोगे।

श्लोक 24 (skanda.5.127.24)

सर्वदा त्रिदशैः पूज्यो भविष्यसि न संशयः। गुह्यकाधिपतिस्त्वं च स्वर्गलोके भविष्यसि॥

sarvadā tridaśaiḥ pūjyo bhaviṣyasi na saṁśayaḥ| guhyakādhipatistvaṁ ca svargaloke bhaviṣyasi||

तुम सदैव त्रिदशों द्वारा पूज्य होगे, इसमें संदेह नहीं। तुम स्वर्गलोक में गुह्यकों के अधिपति होगे।

श्लोक 25 (skanda.5.127.25)

अश्वशालासु सर्वासु पूजनीयो भविष्यसि। नृपतीनां गृहे चैव वसिष्यसि सुपूजितः॥

aśvaśālāsu sarvāsu pūjanīyo bhaviṣyasi| nṛpatīnāṁ gṛhe caiva vasiṣyasi supūjitaḥ||

तुम समस्त अश्वशालाओं में पूजनीय होगे, और राजाओं के घरों में सम्मानपूर्वक निवास करोगे।

श्लोक 26 (skanda.5.127.26)

तेजो मदीयं तत्स्थानं लिंगाकारं सनातनम्। पूजितं त्रिदशैस्तत्र संसेव्यं यत्नतस्त्वया॥

tejo madīyaṁ tatsthānaṁ liṁgākāraṁ sanātanam| pūjitaṁ tridaśaistatra saṁsevyaṁ yatnatastvayā||

वह स्थान मेरा ही तेज है, सनातन लिंगाकार में; वहां त्रिदशों द्वारा पूजित उस लिंग की तुम्हें यत्नपूर्वक सेवा करनी चाहिए।

श्लोक 27 (skanda.5.127.27)

एवमुक्तो मया देवि रेवंतो रविजस्तदा। जगामाकाशमाविश्य महाकालवनं क्षणात्॥

evamukto mayā devi revaṁto ravijastadā| jagāmākāśamāviśya mahākālavanaṁ kṣaṇāt||

हे देवी! इस प्रकार मेरे द्वारा कहे जाने पर सूर्यपुत्र रेवंत आकाश में प्रवेश करके क्षणभर में महाकालवन को गए।

श्लोक 28 (skanda.5.127.28)

ददर्श तत्र तल्लिंगं ज्योतीरूपं सनातनम्। सूर्यपुत्रस्तु रेवंतो दृष्टो लिंगेन पार्वति॥

dadarśa tatra talliṁgaṁ jyotīrūpaṁ sanātanam| sūryaputrastu revaṁto dṛṣṭo liṁgena pārvati||

वहां उन्होंने उस सनातन ज्योतिर्मय लिंग को देखा; हे पार्वती! सूर्यपुत्र रेवंत को भी उस लिंग ने देखा।

श्लोक 29 (skanda.5.127.29)

प्रोक्तः प्रणयपूर्वेण दिष्ट्या दृष्टोऽसि सूर्यज। अद्यप्रभृति ते नाम्ना ख्यातिं यास्यामि भूतले॥

proktaḥ praṇayapūrveṇa diṣṭyā dṛṣṭo'si sūryaja| adyaprabhṛti te nāmnā khyātiṁ yāsyāmi bhūtale||

उससे स्नेहपूर्वक कहा गया - हे सूर्यज! सौभाग्य से तुम्हारा दर्शन हुआ। आज से मैं तुम्हारे ही नाम से पृथ्वी पर विख्यात होऊंगा।

श्लोक 30 (skanda.5.127.30)

स्थातव्यं मत्समीपे तु सूर्यपुत्र त्वया सदा। अक्षया भविता कीर्त्तिस्त्वदीया भुवनत्रये॥

sthātavyaṁ matsamīpe tu sūryaputra tvayā sadā| akṣayā bhavitā kīrttistvadīyā bhuvanatraye||

हे सूर्यपुत्र! तुम्हें सदा मेरे समीप रहना चाहिए; तुम्हारी कीर्ति त्रिभुवन में अक्षय होगी।

श्लोक 31 (skanda.5.127.31)

रेवंतेश्वरसंज्ञोऽहं भविष्यामि न संशयः। ये मां द्रक्ष्यंति रेवंत भक्त्या परमया युताः। तेषामश्वा भविष्यंति विजयो यश ऊर्जितम्॥

revaṁteśvarasaṁjño'haṁ bhaviṣyāmi na saṁśayaḥ| ye māṁ drakṣyaṁti revaṁta bhaktyā paramayā yutāḥ| teṣāmaśvā bhaviṣyaṁti vijayo yaśa ūrjitam||

मैं निःसंदेह रेवंतेश्वर नाम से प्रसिद्ध होऊंगा। हे रेवंत! जो लोग परम भक्ति से युक्त होकर मेरा दर्शन करेंगे, उनके अश्व समृद्ध होंगे, और उन्हें विजय तथा प्रबल यश प्राप्त होगा।

श्लोक 32 (skanda.5.127.32)

ऐश्वर्यं दानशक्तिश्च पुत्रपौत्रमनंतकम्। गुह्यकानां पतिर्भूत्वा स्वर्गलोके स वत्स्यति॥

aiśvaryaṁ dānaśaktiśca putrapautramanaṁtakam| guhyakānāṁ patirbhūtvā svargaloke sa vatsyati||

—ऐश्वर्य, दानशक्ति तथा अनंत पुत्र-पौत्र प्राप्त होंगे; वह गुह्यकों का स्वामी होकर स्वर्गलोक में निवास करेगा।

श्लोक 33 (skanda.5.127.33)

लिंगस्य वचनं श्रुत्वा प्रोक्तं वै रविसूनुना। रेवंतेन विशालाक्षि संतुष्टेनांतरात्मना॥

liṁgasya vacanaṁ śrutvā proktaṁ vai ravisūnunā| revaṁtena viśālākṣi saṁtuṣṭenāṁtarātmanā||

हे विशालाक्षि! लिंग के इन वचनों को सुनकर रविपुत्र रेवंत ने संतुष्ट अंतरात्मा से कहा।

श्लोक 34 (skanda.5.127.34)

देहि मे ह्यचला भक्तिं देहि मे स्थानमुत्तमम्। देहि मे परमं ज्ञानं ध्रुवां कीर्तिं च देहि मे॥

dehi me hyacalā bhaktiṁ dehi me sthānamuttamam| dehi me paramaṁ jñānaṁ dhruvāṁ kīrtiṁ ca dehi me||

मुझे अचल भक्ति दीजिए, मुझे उत्तम स्थान दीजिए। मुझे परम ज्ञान दीजिए, और मुझे स्थिर कीर्ति दीजिए।

श्लोक 35 (skanda.5.127.35)

भगवन्भूतभव्येश भवबंधभयापह। संस्कृतार्थोऽस्मि संजातस्तव देवस्य दर्शनात्॥

bhagavanbhūtabhavyeśa bhavabaṁdhabhayāpaha| saṁskṛtārtho'smi saṁjātastava devasya darśanāt||

हे भगवन्! हे भूत-भविष्य के स्वामी! हे भवबंधन के भय को दूर करने वाले! आपके दर्शन से मैं कृतकृत्य हो गया हूं।

श्लोक 36 (skanda.5.127.36)

जन्मकोटिसुसंशुद्धा ये त्वां पश्यंति देहिनः। न तेषां पुनरावृत्तिर्घोरसंसारसागरे॥

janmakoṭisusaṁśuddhā ye tvāṁ paśyaṁti dehinaḥ| na teṣāṁ punarāvṛttirghorasaṁsārasāgare||

करोड़ों जन्मों में भलीभांति शुद्ध हुए जो देहधारी आपका दर्शन करते हैं, उनकी घोर संसार-सागर में पुनरावृत्ति नहीं होती।

श्लोक 37 (skanda.5.127.37)

इत्युक्त्वा रविसूनुर्वै रेवंतो रविवल्लभः। रेवंतेश्वरदेवस्य समीपे संव्यवस्थितः॥

ityuktvā ravisūnurvai revaṁto ravivallabhaḥ| revaṁteśvaradevasya samīpe saṁvyavasthitaḥ||

ऐसा कहकर रविपुत्र, रवि के प्रिय रेवंत, देव रेवंतेश्वर के समीप ही स्थापित हो गए।

श्लोक 38 (skanda.5.127.38)

एष ते कथितो देवि प्रभावः पापनाशनः। रेवंतेश्वरदेवस्य घंटेश्वरमथो शृणु॥

eṣa te kathito devi prabhāvaḥ pāpanāśanaḥ| revaṁteśvaradevasya ghaṁṭeśvaramatho śṛṇu||

हे देवी! यह मैंने तुम्हें देव रेवंतेश्वर का पापनाशक प्रभाव बताया; अब घंटेश्वर के विषय में सुनो।