घण्टेश्वर की महिमा

श्लोक 1 (skanda.5.128.1)

ईश्वर उवाच। सप्तपंचाशतं विद्धि घंटेश्वरमथो शृणु। यस्य दर्शनमात्रेण कामावाप्तिश्च जायते॥

īśvara uvāca| saptapaṁcāśataṁ viddhi ghaṁṭeśvaramatho śṛṇu| yasya darśanamātreṇa kāmāvāptiśca jāyate||

ईश्वर ने कहा - सत्तावनवें को जानो, अब घंटेश्वर के विषय में सुनो, जिनके दर्शनमात्र से कामनाओं की प्राप्ति होती है।

श्लोक 2 (skanda.5.128.2)

घंटोनाम गणश्रेष्ठो बभूव मम वल्लभः। चाक्षुषस्य मनोः काले कौतुकार्थं यदृच्छया। प्रस्थितो ब्रह्मसदनं द्रष्टुं ब्रह्माणमव्ययम्॥

ghaṁṭonāma gaṇaśreṣṭho babhūva mama vallabhaḥ| cākṣuṣasya manoḥ kāle kautukārthaṁ yadṛcchayā| prasthito brahmasadanaṁ draṣṭuṁ brahmāṇamavyayam||

घंट नाम का एक श्रेष्ठ गण था, जो मुझे अत्यंत प्रिय था। चाक्षुष मनु के काल में, कौतुकवश स्वेच्छा से वह ब्रह्मलोक को, अविनाशी ब्रह्मा के दर्शन के लिए प्रस्थान कर गया।

श्लोक 3 (skanda.5.128.3)

अथायान्तं समालोक्य गन्धर्वं गीतकोविदम्। चित्रसेनं गणश्रेष्ठः पप्रच्छ कुशलं मुदा॥

athāyāntaṁ samālokya gandharvaṁ gītakovidam| citrasenaṁ gaṇaśreṣṭhaḥ papraccha kuśalaṁ mudā||

तब गीतकुशल गंधर्व चित्रसेन को आते हुए देखकर उस गणश्रेष्ठ ने प्रसन्नतापूर्वक उसका कुशल-क्षेम पूछा।

श्लोक 4 (skanda.5.128.4)

मया तत्रैव गन्तव्यं सदने परमेष्ठिनः। गीतैराराधयिष्यामि ब्रह्माणं जगतां पतिम्॥

mayā tatraiva gantavyaṁ sadane parameṣṭhinaḥ| gītairārādhayiṣyāmi brahmāṇaṁ jagatāṁ patim||

मुझे भी वहीं, उस परमेष्ठी के सदन में जाना है। मैं गीतों से जगत्पति ब्रह्मा की आराधना करूंगा।

श्लोक 5 (skanda.5.128.5)

चित्रसेनोऽथ तं देवि प्रत्युक्तो घंटमब्रवीत्। पद्मयोनिः सुरैः सार्धं गुह्यं मन्त्रमचीकरत्॥

citraseno'tha taṁ devi pratyukto ghaṁṭamabravīt| padmayoniḥ suraiḥ sārdhaṁ guhyaṁ mantramacīkarat||

हे देवी! तब इस प्रकार कहे जाने पर चित्रसेन ने घंट से कहा - पद्मयोनि ब्रह्मा देवताओं के साथ एक गुप्त मंत्रणा कर रहे हैं।

श्लोक 6 (skanda.5.128.6)

एतच्छ्रुत्वा गणो घंटस्तस्थौ विस्मितमानसः। मूहूर्तं चिंतयामास प्रतिहारनिवारितः॥

etacchrutvā gaṇo ghaṁṭastasthau vismitamānasaḥ| mūhūrtaṁ ciṁtayāmāsa pratihāranivāritaḥ||

यह सुनकर गण घंट विस्मित मन से खड़ा रह गया; द्वारपाल द्वारा रोके जाने पर वह कुछ क्षण सोचता रहा।

श्लोक 7 (skanda.5.128.7)

हित्वा स्वामिनमीशानं द्रष्टुं ब्रह्माणमागतः। प्रवेशोपि न लभ्येत प्रसादो दूरतः स्थितः॥

hitvā svāminamīśānaṁ draṣṭuṁ brahmāṇamāgataḥ| praveśopi na labhyeta prasādo dūrataḥ sthitaḥ||

अपने स्वामी ईशान को छोड़कर मैं ब्रह्मा के दर्शन के लिए आया, परंतु मुझे प्रवेश भी नहीं मिल रहा - उनकी कृपा तो दूर की बात है।

श्लोक 8 (skanda.5.128.8)

एवं चिंतयतस्तस्य साग्रः संवत्सरो गतः। घंटस्य ब्रह्मणो द्वारि प्रवेशो देवि नाभवत्॥

evaṁ ciṁtayatastasya sāgraḥ saṁvatsaro gataḥ| ghaṁṭasya brahmaṇo dvāri praveśo devi nābhavat||

इस प्रकार सोचते-सोचते उसका एक वर्ष से भी अधिक समय बीत गया; हे देवी! घंट को ब्रह्मा के द्वार पर प्रवेश नहीं मिला।

श्लोक 9 (skanda.5.128.9)

निर्गच्छतमथालोक्य वीणाहस्तं समुत्सुकम्। नारदं स गणश्रेष्ठः पद्मयोनिं गृहोदरात्॥

nirgacchatamathālokya vīṇāhastaṁ samutsukam| nāradaṁ sa gaṇaśreṣṭhaḥ padmayoniṁ gṛhodarāt||

तभी वीणा हाथ में लिए, उत्सुकतापूर्वक, पद्मयोनि ब्रह्मा के गृह के भीतर से निकलते हुए नारद को देखकर उस गणश्रेष्ठ ने—

श्लोक 10 (skanda.5.128.10)

प्रोक्तो घंटेन सहसा मां निवेदय नारद। गणोऽहं गीततत्त्वज्ञो महादेवस्य वल्लभः॥

prokto ghaṁṭena sahasā māṁ nivedaya nārada| gaṇo'haṁ gītatattvajño mahādevasya vallabhaḥ||

—घंट ने सहसा कहा - हे नारद! मुझे निवेदित कीजिए। मैं गीत के तत्त्व को जानने वाला महादेव का प्रिय गण हूं।

श्लोक 11 (skanda.5.128.11)

दर्शनार्थं समायातो ब्रह्मणः परमेष्ठिनः। घंटस्य वचनं श्रुत्वा प्रीतिमानभवन्मुनिः। नारदः प्रत्युवाचेदं समाश्वास्य सकैतवम्॥

darśanārthaṁ samāyāto brahmaṇaḥ parameṣṭhinaḥ| ghaṁṭasya vacanaṁ śrutvā prītimānabhavanmuniḥ| nāradaḥ pratyuvācedaṁ samāśvāsya sakaitavam||

मैं परमेष्ठी ब्रह्मा के दर्शन के लिए आया हूं। घंट के इन वचनों को सुनकर मुनि नारद प्रसन्न हुए; उन्होंने उसे सांत्वना देते हुए कुछ छलपूर्ण वचन कहे।

श्लोक 12 (skanda.5.128.12)

अहं बृहस्पतेः पार्श्वे प्रेषितोऽस्मि गणाधिप। किंचित्कार्यांतरं प्रष्टुं ब्रह्मणा लोककर्तृणा। आयास्यामि क्षणेनैव तावत्कालं प्रतीक्ष्यताम्॥

ahaṁ bṛhaspateḥ pārśve preṣito'smi gaṇādhipa| kiṁcitkāryāṁtaraṁ praṣṭuṁ brahmaṇā lokakartṛṇā| āyāsyāmi kṣaṇenaiva tāvatkālaṁ pratīkṣyatām||

हे गणाधिप! मुझे लोककर्ता ब्रह्मा ने किसी अन्य कार्य के विषय में पूछने के लिए बृहस्पति के पास भेजा है। मैं क्षणभर में लौट आऊंगा, तब तक प्रतीक्षा कीजिए।

श्लोक 13 (skanda.5.128.13)

इत्युक्त्वा नारदो देवि मम पार्श्वमुपागतः। वृत्तांतं कथयामास घंटस्य मुनिसत्तमः॥

ityuktvā nārado devi mama pārśvamupāgataḥ| vṛttāṁtaṁ kathayāmāsa ghaṁṭasya munisattamaḥ||

ऐसा कहकर, हे देवी! नारद मेरे समीप आए; उस मुनिश्रेष्ठ ने मुझे घंट का सारा वृत्तांत बताया।

श्लोक 14 (skanda.5.128.14)

ईदृशो दुर्ल्लभो भृत्यो घंटेन सदृशः प्रभो। यस्त्वां त्यक्त्वा गणो देव सेवायै परमेष्ठिनः। स्थितः संवत्सरं साग्रं प्रवेशं न च लब्धवान्॥

īdṛśo durllabho bhṛtyo ghaṁṭena sadṛśaḥ prabho| yastvāṁ tyaktvā gaṇo deva sevāyai parameṣṭhinaḥ| sthitaḥ saṁvatsaraṁ sāgraṁ praveśaṁ na ca labdhavān||

हे प्रभो! घंट के समान ऐसा दुर्लभ सेवक है, जिसने आपको छोड़कर, हे देव! परमेष्ठी की सेवा के लिए एक वर्ष से अधिक समय तक प्रतीक्षा की, फिर भी प्रवेश नहीं पा सका।

श्लोक 15 (skanda.5.128.15)

तच्छ्रुत्वा वचनं तस्य नारदस्य मुनेस्तदा। मया शप्तस्तु कोपेन पत घण्ट महीतले॥

tacchrutvā vacanaṁ tasya nāradasya munestadā| mayā śaptastu kopena pata ghaṇṭa mahītale||

मुनि नारद के उन वचनों को सुनकर तब मैंने क्रोधवश शाप दिया - हे घंट! तुम पृथ्वीतल पर गिर जाओ!

श्लोक 16 (skanda.5.128.16)

मां त्यक्त्वा हि गतोन्यत्र सेवार्थं परवेश्मनि। मयेत्युक्ते च वचने ब्रह्माद्वारि स्थितोऽपि सन्॥

māṁ tyaktvā hi gatonyatra sevārthaṁ paraveśmani| mayetyukte ca vacane brahmādvāri sthito'pi san||

—मुझे त्यागकर सेवा के लिए दूसरे के घर गया था। मेरे इस प्रकार वचन कहते ही, ब्रह्मा के द्वार पर खड़ा होते हुए भी—

श्लोक 17 (skanda.5.128.17)

पतितो भूतले घंटो देवदारुवनांतिके। आत्मानं पतितं दृष्ट्वा भूमौ घंटेन पार्वति॥

patito bhūtale ghaṁṭo devadāruvanāṁtike| ātmānaṁ patitaṁ dṛṣṭvā bhūmau ghaṁṭena pārvati||

—घंट पृथ्वी पर, देवदारुवन के समीप जा गिरा। हे पार्वती! अपने आप को भूमि पर गिरा हुआ देखकर घंट ने—

श्लोक 18 (skanda.5.128.18)

प्रोक्तं शोकोत्तरेणैव वचनं गद्गदाक्षरम्। सेवार्थं याति योऽन्यत्र परिहृत्य स्वकं प्रभुम्॥

proktaṁ śokottareṇaiva vacanaṁ gadgadākṣaram| sevārthaṁ yāti yo'nyatra parihṛtya svakaṁ prabhum||

—शोक से अभिभूत होकर गद्गद वाणी में कहा - जो कोई अपने स्वामी को त्यागकर सेवा के लिए अन्यत्र जाता है—

श्लोक 19 (skanda.5.128.19)

स याति नरकं घोरमपकीर्तिं च विंदति। नारदेन मम त्वद्य वंचितस्य द्वयं गतम्। यस्मात्स्वामी न मे ब्रह्मा न च देवो महेश्वरः॥

sa yāti narakaṁ ghoramapakīrtiṁ ca viṁdati| nāradena mama tvadya vaṁcitasya dvayaṁ gatam| yasmātsvāmī na me brahmā na ca devo maheśvaraḥ||

—वह घोर नरक को जाता है और अपयश पाता है। आज नारद द्वारा मैं छला गया हूं, मेरे दोनों ही चले गए - न तो ब्रह्मा मेरे स्वामी रहे, न देव महेश्वर।

श्लोक 20 (skanda.5.128.20)

एवं विलपतस्तस्य नारदो मुनिसत्तमः। आजगाम तमुद्देशं यत्र घंटो व्यवस्थितः॥

evaṁ vilapatastasya nārado munisattamaḥ| ājagāma tamuddeśaṁ yatra ghaṁṭo vyavasthitaḥ||

इस प्रकार विलाप करते हुए उसके पास मुनिश्रेष्ठ नारद उस स्थान पर आए, जहां घंट स्थित था।

श्लोक 21 (skanda.5.128.21)

देवदारुवने देवि दर्शनार्थं तपस्विनाम्। घंटेन नारदो दृष्टो भीतेनाकुलचेतसा॥

devadāruvane devi darśanārthaṁ tapasvinām| ghaṁṭena nārado dṛṣṭo bhītenākulacetasā||

हे देवी! देवदारुवन में तपस्वियों के दर्शन के लिए आए हुए नारद को भयभीत और व्याकुल चित्त वाले घंट ने देखा।

श्लोक 22 (skanda.5.128.22)

अवस्थामीदृशीं कृत्वा किमन्यन्मे करिष्यति। एवं तं चिंतयानं तु नारदो वाक्यमब्रवीत्॥

avasthāmīdṛśīṁ kṛtvā kimanyanme kariṣyati| evaṁ taṁ ciṁtayānaṁ tu nārado vākyamabravīt||

[घंट ने सोचा] मुझे ऐसी दशा में डालकर अब यह मेरा और क्या करेगा? इस प्रकार सोचते हुए उससे नारद ने यह वचन कहा।

श्लोक 23 (skanda.5.128.23)

गणाध्यक्ष न ते कार्यो मन्युः पुण्यविनाशनः। कीर्त्यर्थं पतितो घंट प्रायश्चित्तार्थमेव च॥

gaṇādhyakṣa na te kāryo manyuḥ puṇyavināśanaḥ| kīrtyarthaṁ patito ghaṁṭa prāyaścittārthameva ca||

हे गणाध्यक्ष! तुम्हें पुण्य का नाश करने वाला क्रोध नहीं करना चाहिए। हे घंट! तुम अपनी कीर्ति के लिए तथा प्रायश्चित्त के लिए ही गिरे हो।

श्लोक 24 (skanda.5.128.24)

प्रायश्चित्तविशुद्धात्मा प्रभुं प्राप्स्यसि शंकरम्। तस्माद्गच्छ ममादेशान्महाकालवनं शुभम्॥

prāyaścittaviśuddhātmā prabhuṁ prāpsyasi śaṁkaram| tasmādgaccha mamādeśānmahākālavanaṁ śubham||

प्रायश्चित्त से शुद्ध आत्मा होकर तुम प्रभु शंकर को प्राप्त करोगे। इसलिए मेरी आज्ञा से शुभ महाकालवन को जाओ।

श्लोक 25 (skanda.5.128.25)

रेवंतेश्वर पूर्वे तु विद्यते लिंगमुत्तमम्। सर्वसंपत्करं दिव्यं त्वन्नाम्ना ख्यातिमेष्यति॥

revaṁteśvara pūrve tu vidyate liṁgamuttamam| sarvasaṁpatkaraṁ divyaṁ tvannāmnā khyātimeṣyati||

रेवंतेश्वर के पूर्व में एक उत्तम लिंग है, जो दिव्य और सर्वसंपत्तिदायक है; वह तुम्हारे ही नाम से विख्यात होगा।

श्लोक 26 (skanda.5.128.26)

इत्युक्तो नारदेनैव जैगीषव्यः समागतः। तेनापि कथितं सर्वं सत्यमुक्तमनेन वै॥

ityukto nāradenaiva jaigīṣavyaḥ samāgataḥ| tenāpi kathitaṁ sarvaṁ satyamuktamanena vai||

नारद द्वारा इस प्रकार कहे जाने पर तभी जैगीषव्य वहां आ पहुंचे; उन्होंने भी सब कुछ बताया - इसने जो कहा है, वह सत्य ही कहा है।

श्लोक 27 (skanda.5.128.27)

नारदेन गणाध्यक्ष कीर्त्तिस्ते भविताऽक्षया। कश्यपेन मृकण्डेन कण्वेन जमदग्निना॥

nāradena gaṇādhyakṣa kīrttiste bhavitā'kṣayā| kaśyapena mṛkaṇḍena kaṇvena jamadagninā||

हे गणाध्यक्ष! नारद के द्वारा तुम्हारी कीर्ति अक्षय होगी। कश्यप, मृकण्ड, कण्व तथा जमदग्नि ने भी—

श्लोक 28 (skanda.5.128.28)

अत्रिणा भृगुणा देवि लोमशेन सुरर्षिणा। प्रोक्तो घंटो गतः शीघ्रं महाकालवनं शुभम्॥

atriṇā bhṛguṇā devi lomaśena surarṣiṇā| prokto ghaṁṭo gataḥ śīghraṁ mahākālavanaṁ śubham||

—हे देवी! अत्रि, भृगु तथा देवर्षि लोमश ने भी यही कहा। इस प्रकार कहे जाने पर घंट शीघ्र ही शुभ महाकालवन को गया।

श्लोक 29 (skanda.5.128.29)

यत्र घंटानिनादेन युध्यतो मम संयुगे। पापक्षयकरं देवि संभूतं लिंगमुत्तमम्। दृष्टं तत्र गणेनैव लिंगं तेजोमयं शुभम्॥

yatra ghaṁṭāninādena yudhyato mama saṁyuge| pāpakṣayakaraṁ devi saṁbhūtaṁ liṁgamuttamam| dṛṣṭaṁ tatra gaṇenaiva liṁgaṁ tejomayaṁ śubham||

हे देवी! जहां युद्ध में लड़ते हुए मेरी घंटा की ध्वनि से पापनाशक उत्तम लिंग उत्पन्न हुआ था, वहां उस गण ने उस तेजोमय शुभ लिंग को देखा।

श्लोक 30 (skanda.5.128.30)

दर्शनात्तस्य लिंगस्य भूयो घंटो गणोऽभवत्। लक्ष्म्या कांत्या समायुक्तः सहस्रकिरणाकृतिः॥

darśanāttasya liṁgasya bhūyo ghaṁṭo gaṇo'bhavat| lakṣmyā kāṁtyā samāyuktaḥ sahasrakiraṇākṛtiḥ||

उस लिंग के दर्शन से घंट पुनः गण बन गया, लक्ष्मी और कांति से युक्त, सहस्र किरणों के समान तेजस्वी रूप वाला।

श्लोक 31 (skanda.5.128.31)

घण्टोभिनंदितोऽत्यर्थं विमानैः सार्वकामिकैः। मम पार्श्वं समायातो ममातीव प्रियोऽभवत्॥

ghaṇṭobhinaṁdito'tyarthaṁ vimānaiḥ sārvakāmikaiḥ| mama pārśvaṁ samāyāto mamātīva priyo'bhavat||

घंट सर्वकामनापूरक विमानों द्वारा अत्यंत सम्मानित होकर मेरे समीप आया, और मुझे अत्यंत प्रिय हो गया।

श्लोक 32 (skanda.5.128.32)

ये पश्यन्ति विशालाक्षि देवं घण्डेश्वरं शिवम्। ते घण्टाभिर्नादितास्तु विमानैः सार्वकामिकैः॥

ye paśyanti viśālākṣi devaṁ ghaṇḍeśvaraṁ śivam| te ghaṇṭābhirnāditāstu vimānaiḥ sārvakāmikaiḥ||

हे विशालाक्षि! जो लोग देव घंटेश्वर शिव का दर्शन करते हैं, वे घंटाओं की ध्वनि से गूंजते हुए, सर्वकामनापूरक विमानों द्वारा—

श्लोक 33 (skanda.5.128.33)

यास्यंति सुचिरं कालं मम लोकं सनातनम्। घण्टेश्वरं परं लिंगं नाख्येयं यस्यकस्यचित्॥

yāsyaṁti suciraṁ kālaṁ mama lokaṁ sanātanam| ghaṇṭeśvaraṁ paraṁ liṁgaṁ nākhyeyaṁ yasyakasyacit||

—बहुत दीर्घकाल तक मेरे सनातन लोक को जाते हैं। यह परम लिंग घंटेश्वर सबको बताने योग्य नहीं है।

श्लोक 34 (skanda.5.128.34)

व्याधितो यदि वा दीनो दुःखितो वा भवेन्नरः। यः पश्यति प्रसंगेन देवं घण्टेश्वरं प्रिये। दीप्तकांचनवर्णाभैर्विमानैः सार्वकामिकैः॥

vyādhito yadi vā dīno duḥkhito vā bhavennaraḥ| yaḥ paśyati prasaṁgena devaṁ ghaṇṭeśvaraṁ priye| dīptakāṁcanavarṇābhairvimānaiḥ sārvakāmikaiḥ||

हे प्रिये! यदि कोई रोगी, दीन अथवा दुःखी मनुष्य भी संयोगवश देव घंटेश्वर का दर्शन कर लेता है, तो देदीप्यमान स्वर्ण के समान वर्ण वाले, सर्वकामनापूरक विमानों द्वारा—

श्लोक 35 (skanda.5.128.35)

गंधर्वाप्सरसां मध्ये स्वर्गे मोदति मानवः। ईप्सिताँल्लभते कामान्वीणावेणुविनोदितः॥

gaṁdharvāpsarasāṁ madhye svarge modati mānavaḥ| īpsitā~llabhate kāmānvīṇāveṇuvinoditaḥ||

—वह मनुष्य स्वर्ग में गंधर्वों और अप्सराओं के बीच आनंदित होता है; वीणा और वेणु से मनोरंजित होकर वह अपनी इच्छित कामनाओं को प्राप्त करता है।

श्लोक 36 (skanda.5.128.36)

ततः स्वर्गात्परिभ्रष्टः सर्वैश्वर्यसमन्वितः। हिरण्यधान्यसंपूर्णे समृद्धे जायते कुले। राजा वा राजतुल्यो वा जंबूद्वीपपतिर्भवेत्॥

tataḥ svargātparibhraṣṭaḥ sarvaiśvaryasamanvitaḥ| hiraṇyadhānyasaṁpūrṇe samṛddhe jāyate kule| rājā vā rājatulyo vā jaṁbūdvīpapatirbhavet||

फिर स्वर्ग से च्युत होकर वह संपूर्ण ऐश्वर्य से संपन्न होकर स्वर्ण-धान्य से परिपूर्ण, समृद्ध कुल में जन्म लेता है; वह राजा होता है, या राजा के तुल्य, या जंबूद्वीप का अधिपति होता है।

श्लोक 37 (skanda.5.128.37)

यः पूजयति देवेशं श्रद्धया परया युतः। स याति परमं स्थानमपुनर्भवकारणम्॥

yaḥ pūjayati deveśaṁ śraddhayā parayā yutaḥ| sa yāti paramaṁ sthānamapunarbhavakāraṇam||

जो कोई परम श्रद्धा से युक्त होकर उस देवेश की पूजा करता है, वह उस परम स्थान को प्राप्त करता है, जो पुनर्जन्म का कारण नहीं बनता।

श्लोक 38 (skanda.5.128.38)

एष ते कथितो देवि प्रभावः पापनाशनः। घण्टेश्वरस्य देवस्य प्रयागेशमथो शृणु॥

eṣa te kathito devi prabhāvaḥ pāpanāśanaḥ| ghaṇṭeśvarasya devasya prayāgeśamatho śṛṇu||

हे देवी! यह मैंने तुम्हें देव घंटेश्वर का पापनाशक प्रभाव बताया; अब प्रयागेश के विषय में सुनो।