प्रयागेश्वर की महिमा

श्लोक 1 (skanda.5.129.1)

ईश्वर उवाच। प्रयागेश्वरसंज्ञं तु सर्वकामकरं परम्। अष्टाधिकं विजानीहि पंचाशत्तममीश्वरम्॥

īśvara uvāca| prayāgeśvarasaṁjñaṁ tu sarvakāmakaraṁ param| aṣṭādhikaṁ vijānīhi paṁcāśattamamīśvaram||

ईश्वर ने कहा - हे देवी! सब कामनाओं को पूर्ण करने वाले परम, अट्ठावनवें ईश्वर को प्रयागेश्वर नाम से जानो।

श्लोक 2 (skanda.5.129.2)

आसीत्प्रथमकल्पे तु मनुः स्वायंभुवः पुरा। तस्य प्रियव्रतः पुत्रो यज्वा परमधार्मिकः॥

āsītprathamakalpe tu manuḥ svāyaṁbhuvaḥ purā| tasya priyavrataḥ putro yajvā paramadhārmikaḥ||

प्रथम कल्प में पूर्वकाल में स्वायंभुव मनु हुए; उनका पुत्र प्रियव्रत यज्ञकर्ता तथा परम धार्मिक था।

श्लोक 3 (skanda.5.129.3)

स चेष्ट्वा बहुभिर्यज्ञैः समाप्तवरदक्षिणैः। सप्तद्वीपेषु संप्राप्य भरतादीन्सुतान्प्रिये॥

sa ceṣṭvā bahubhiryajñaiḥ samāptavaradakṣiṇaiḥ| saptadvīpeṣu saṁprāpya bharatādīnsutānpriye||

उसने उत्तम दक्षिणा से युक्त अनेक यज्ञ करके सातों द्वीपों में भरत आदि पुत्रों को प्राप्त कर, हे प्रिये! -

श्लोक 4 (skanda.5.129.4)

स्वयं विशालां बदरीं गत्वा तेपे महत्तपः। कालेन बहुना तत्र नारदः समुपस्थितः॥

svayaṁ viśālāṁ badarīṁ gatvā tepe mahattapaḥ| kālena bahunā tatra nāradaḥ samupasthitaḥ||

- स्वयं विशाल बदरी में जाकर महान तप किया; बहुत काल बीतने पर वहां नारद आ पहुंचे।

श्लोक 5 (skanda.5.129.5)

पूजितो विष्टरार्घेण राज्ञा प्रियव्रतेन च। स पृष्टः पूजयित्वा तु किमाश्चर्यं वदस्व मे॥

pūjito viṣṭarārgheṇa rājñā priyavratena ca| sa pṛṣṭaḥ pūjayitvā tu kimāścaryaṁ vadasva me||

राजा प्रियव्रत ने आसन और अर्घ्य देकर उनका पूजन किया; पूजित होने पर उनसे पूछा गया - 'मुझे कोई आश्चर्य की बात सुनाइए।'

श्लोक 6 (skanda.5.129.6)

इत्युक्तः कथयामास नारदो मुनिसत्तमः। श्वेतद्वीपे मया राजन्कन्या दृष्टा सरोवरे॥

ityuktaḥ kathayāmāsa nārado munisattamaḥ| śvetadvīpe mayā rājankanyā dṛṣṭā sarovare||

ऐसा पूछे जाने पर मुनिश्रेष्ठ नारद ने कहना आरंभ किया - 'हे राजन्! मैंने श्वेतद्वीप में एक सरोवर के पास एक कन्या देखी।'

श्लोक 7 (skanda.5.129.7)

सा च पृष्टा विशालाक्षी कस्माद्वससि निर्जने। कासि भद्रे कथं वासि किंवा कार्यमिह त्वया॥

sā ca pṛṣṭā viśālākṣī kasmādvasasi nirjane| kāsi bhadre kathaṁ vāsi kiṁvā kāryamiha tvayā||

मैंने उस विशालाक्षी से पूछा - 'तुम इस निर्जन स्थान में क्यों रहती हो? हे भद्रे! तुम कौन हो, कैसे रहती हो, यहां तुम्हारा क्या प्रयोजन है?'

श्लोक 8 (skanda.5.129.8)

कर्त्तव्यं चारुसर्वांगि तन्ममाचक्ष्व शोभने। एवमुक्ता मया सा हि मां दृष्ट्वा मीलितेक्षणम्॥

karttavyaṁ cārusarvāṁgi tanmamācakṣva śobhane| evamuktā mayā sā hi māṁ dṛṣṭvā mīlitekṣaṇam||

'हे सुंदर सर्वांगी! अपना कर्तव्य मुझे बताओ।' ऐसा कहे जाने पर उसने मुझे देखकर अपने नेत्र मूंद लिए -

श्लोक 9 (skanda.5.129.9)

स्मृत्वा तूष्णीं स्थिता यावत्तावन्मे ज्ञानमुत्तमम्। विस्मृताः सर्ववेदाश्च सर्वशास्त्राणि चैव हि॥

smṛtvā tūṣṇīṁ sthitā yāvattāvanme jñānamuttamam| vismṛtāḥ sarvavedāśca sarvaśāstrāṇi caiva hi||

- और ध्यानमग्न होकर मौन खड़ी रह गई; और जब तक वह ऐसी रही, तब तक मेरा उत्तम ज्ञान - समस्त वेद और समस्त शास्त्र - मुझसे विस्मृत हो गए।

श्लोक 10 (skanda.5.129.10)

ततोऽहं विस्मयाविष्टश्चिंतामोहसमन्वितः। तामेव शरणं गत्वा यावत्पश्यामि पार्थिव॥

tato'haṁ vismayāviṣṭaściṁtāmohasamanvitaḥ| tāmeva śaraṇaṁ gatvā yāvatpaśyāmi pārthiva||

हे राजन्! तब मैं विस्मय से भर गया और चिंता तथा मोह से युक्त हो गया; मैं उसी की शरण में गया, और जब मैंने देखा -

श्लोक 11 (skanda.5.129.11)

तावद्दिव्यः पुमांस्तस्याः शरीरे समदृश्यत। तस्यापि पुंसो ह्रदये द्वितीयस्तस्य चोरसि। तस्यापि हृदये चान्यस्तृतीयस्तु व्यवस्थितः॥

tāvaddivyaḥ pumāṁstasyāḥ śarīre samadṛśyata| tasyāpi puṁso hradaye dvitīyastasya corasi| tasyāpi hṛdaye cānyastṛtīyastu vyavasthitaḥ||

- तब उसके शरीर में एक दिव्य पुरुष दिखाई दिया; उस पुरुष के हृदय में दूसरा, उसके वक्षस्थल पर; और उसके भी हृदय में एक अन्य तीसरा पुरुष स्थित था।

श्लोक 12 (skanda.5.129.12)

ततः पृष्टा मया देवी सा कुमारी कथंचन। वेदा नष्टा ममाशेषा भद्रे किं ब्रूहि कारणम्॥

tataḥ pṛṣṭā mayā devī sā kumārī kathaṁcana| vedā naṣṭā mamāśeṣā bhadre kiṁ brūhi kāraṇam||

तब मैंने किसी प्रकार उस देवी कुमारी से पूछा - 'हे भद्रे! मेरे समस्त वेद नष्ट हो गए हैं, कारण बताओ।'

श्लोक 13 (skanda.5.129.13)

कन्योवाच। माताहं सर्ववेदानां सावित्रीनाम नामतः। मां न जानासि येन त्वमतो वेदा हृतास्तव॥

kanyovāca| mātāhaṁ sarvavedānāṁ sāvitrīnāma nāmataḥ| māṁ na jānāsi yena tvamato vedā hṛtāstava||

कन्या ने कहा - 'मैं सावित्री नाम से विख्यात समस्त वेदों की माता हूं; तुम मुझे नहीं पहचान सके, इसीलिए तुम्हारे वेद हर लिए गए।'

श्लोक 14 (skanda.5.129.14)

एवमुक्ते मया पृष्टा विस्मयेन महीपते। वेदानां त्वं तु माता वै कथयस्व ममानघे॥

evamukte mayā pṛṣṭā vismayena mahīpate| vedānāṁ tvaṁ tu mātā vai kathayasva mamānaghe||

हे राजन्! ऐसा कहे जाने पर मैंने विस्मय से पूछा - 'हे निष्पाप! तुम वेदों की माता हो, तो मुझे बताओ -

श्लोक 15 (skanda.5.129.15)

त्वदीय हृदये देवि क एते पुरुषास्त्रयः॥

tvadīya hṛdaye devi ka ete puruṣāstrayaḥ||

- हे देवी! तुम्हारे हृदय में स्थित ये तीन पुरुष कौन हैं?'

श्लोक 16 (skanda.5.129.16)

कन्योवाच। य एष मच्छरीरस्थः शुभांगश्चारु शोभनः। एष ऋग्वेदनामा तु यजुर्वेदो द्वितीयकः॥

kanyovāca| ya eṣa maccharīrasthaḥ śubhāṁgaścāru śobhanaḥ| eṣa ṛgvedanāmā tu yajurvedo dvitīyakaḥ||

कन्या ने कहा - 'मेरे शरीर में स्थित यह सुंदर, शुभ अंगों वाला एक ऋग्वेद नाम से है, दूसरा यजुर्वेद है।

श्लोक 17 (skanda.5.129.17)

सामवेदस्तृतीयस्तु त्रयो वेदा मयि स्थिताः। त्रयोऽग्नयस्त्रयो देवा मच्छरीरे स्थिता द्विज॥

sāmavedastṛtīyastu trayo vedā mayi sthitāḥ| trayo'gnayastrayo devā maccharīre sthitā dvija||

तीसरा सामवेद है - ये तीनों वेद मुझमें स्थित हैं; हे द्विज! तीन अग्नियां और तीन देवता भी मेरे शरीर में स्थित हैं।'

श्लोक 18 (skanda.5.129.18)

इत्युक्त्वा सा तदा कन्या पश्यतो मम भूपते। अंतर्द्धानं गता सद्यस्ततोऽहं विस्मितोऽभवम्॥

ityuktvā sā tadā kanyā paśyato mama bhūpate| aṁtarddhānaṁ gatā sadyastato'haṁ vismito'bhavam||

हे राजन्! ऐसा कहकर वह कन्या मेरे देखते-देखते ही तत्क्षण अंतर्धान हो गई; तब मैं विस्मित हो उठा।

श्लोक 19 (skanda.5.129.19)

किं करोमि क्व गच्छामि शरणं यामि कं प्रभुम्। कथमाविर्भविष्यंति वेदाः शास्त्राणि सांप्रतम्॥

kiṁ karomi kva gacchāmi śaraṇaṁ yāmi kaṁ prabhum| kathamāvirbhaviṣyaṁti vedāḥ śāstrāṇi sāṁpratam||

'मैं क्या करूं, कहां जाऊं, किस प्रभु की शरण लूं? अब वेद और शास्त्र किस प्रकार पुनः प्रकट होंगे?'

श्लोक 20 (skanda.5.129.20)

कामिकस्तीर्थराजस्तु प्रयागः श्रूयते श्रुतौ। अहं तत्र गमिष्यामि ज्ञानं सम्यग्भविष्यति॥

kāmikastīrtharājastu prayāgaḥ śrūyate śrutau| ahaṁ tatra gamiṣyāmi jñānaṁ samyagbhaviṣyati||

'तीर्थराज, सर्वकामनापूरक प्रयाग का वर्णन श्रुति में सुना जाता है; मैं वहां जाऊंगा, वहां मेरा ज्ञान भलीभांति पुनः प्राप्त होगा।'

श्लोक 21 (skanda.5.129.21)

नष्टवेदेन रैभ्येण प्राप्ता सिद्धिरनुत्तमा। सावित्री श्रूयते तत्र अक्षय्यवटसन्निधौ॥

naṣṭavedena raibhyeṇa prāptā siddhiranuttamā| sāvitrī śrūyate tatra akṣayyavaṭasannidhau||

'जिनके वेद नष्ट हो गए थे, उन रैभ्य ने भी वहां परम सिद्धि प्राप्त की; और वहीं अक्षय्यवट के समीप सावित्री का निवास सुना जाता है।'

श्लोक 22 (skanda.5.129.22)

एवं मनसि संध्याय गतोऽहं नृपसत्तम। प्रयागं कामिकं तीर्थं सर्वदेवनमस्कृतम्॥

evaṁ manasi saṁdhyāya gato'haṁ nṛpasattama| prayāgaṁ kāmikaṁ tīrthaṁ sarvadevanamaskṛtam||

हे नृपश्रेष्ठ! मन में ऐसा निश्चय कर मैं सब देवों द्वारा नमस्कृत, सर्वकामनापूरक तीर्थ प्रयाग को गया।

श्लोक 23 (skanda.5.129.23)

तपस्तीव्रं मया तत्र तप्तं परमदुष्करम्। अथाजगाम राजेंद्र प्रयागो मूर्त्तिमान्स्वयम्॥

tapastīvraṁ mayā tatra taptaṁ paramaduṣkaram| athājagāma rājeṁdra prayāgo mūrttimānsvayam||

वहां मैंने अत्यंत उग्र, परम दुष्कर तप किया। तब हे राजेंद्र! प्रयाग स्वयं मूर्तिमान होकर आ उपस्थित हुए।

श्लोक 24 (skanda.5.129.24)

उक्तोऽहं प्रणयात्तेन न मां तापय नारद। ब्रह्मपुत्र प्रयागोऽहं भीषितस्तपसा तव॥

ukto'haṁ praṇayāttena na māṁ tāpaya nārada| brahmaputra prayāgo'haṁ bhīṣitastapasā tava||

उन्होंने प्रेमपूर्वक मुझसे कहा - 'हे नारद! मुझे संताप मत दो; मैं ब्रह्मपुत्र प्रयाग हूं, तुम्हारे तप से भयभीत हूं।

श्लोक 25 (skanda.5.129.25)

भवतः पार्श्वमायातः प्रणयेन तपोधन। धन्योऽसि सर्वथा ब्रह्मंस्तपसा च विशेषतः॥

bhavataḥ pārśvamāyātaḥ praṇayena tapodhana| dhanyo'si sarvathā brahmaṁstapasā ca viśeṣataḥ||

'हे तपोधन! मैं स्नेहवश तुम्हारे पास आया हूं; हे ब्रह्मन्! तुम सर्वथा धन्य हो, विशेषतः अपने तप के कारण।

श्लोक 26 (skanda.5.129.26)

मया सार्धं त्वया ब्रह्मन्गतिः कार्याऽविकल्पतः। महाकालवने रम्ये तत्र ते ज्ञानमुत्तमम्। भविष्यति न संदेहो मम कीर्तिश्च सुस्थिरा॥

mayā sārdhaṁ tvayā brahmangatiḥ kāryā'vikalpataḥ| mahākālavane ramye tatra te jñānamuttamam| bhaviṣyati na saṁdeho mama kīrtiśca susthirā||

'हे ब्रह्मन्! तुम्हें मेरे साथ बिना संकोच के जाना चाहिए; उस रमणीय महाकालवन में तुम्हें उत्तम ज्ञान प्राप्त होगा, इसमें संदेह नहीं, और मेरी कीर्ति भी सुस्थिर होगी।'

श्लोक 27 (skanda.5.129.27)

एवं हि ब्रुवतस्तस्य प्रयागस्य नृपोत्तम। प्रादुर्बभूव सहसा पीतवासा जनार्द्दनः॥

evaṁ hi bruvatastasya prayāgasya nṛpottama| prādurbabhūva sahasā pītavāsā janārddanaḥ||

हे नृपोत्तम! प्रयाग के ऐसा कहते-कहते ही सहसा पीतवस्त्रधारी जनार्दन प्रकट हो गए।

श्लोक 28 (skanda.5.129.28)

शङ्खचक्रगदापाणिर्गरुडस्थो वियद्गतः। उवाच मेघगंभीरं वाक्यं स पुरुषोत्तमः॥

śaṅkhacakragadāpāṇirgaruḍastho viyadgataḥ| uvāca meghagaṁbhīraṁ vākyaṁ sa puruṣottamaḥ||

शंख, चक्र और गदा हाथ में लिए, गरुड़ पर आरूढ़, आकाश में स्थित उस पुरुषोत्तम ने मेघ के समान गंभीर वाणी में कहा -

श्लोक 29 (skanda.5.129.29)

एहि नारद गच्छामः प्रयागो यत्र यास्यति। कृष्णस्य वचनं श्रुत्वा मया प्रोक्तो जनार्दनः॥

ehi nārada gacchāmaḥ prayāgo yatra yāsyati| kṛṣṇasya vacanaṁ śrutvā mayā prokto janārdanaḥ||

- 'आओ नारद, चलें, जहां प्रयाग जाएंगे।' कृष्ण के इस वचन को सुनकर मैंने जनार्दन से कहा -

श्लोक 30 (skanda.5.129.30)

ज्ञानं मे देहि देवेश कथं यास्यामि तद्वनम्। महाकालं जगन्नाथ श्रुतज्ञानविवर्जितः॥

jñānaṁ me dehi deveśa kathaṁ yāsyāmi tadvanam| mahākālaṁ jagannātha śrutajñānavivarjitaḥ||

- 'हे देवेश! मुझे ज्ञान दीजिए; श्रुत ज्ञान से रहित मैं उस महाकाल वन में, हे जगन्नाथ! कैसे जाऊंगा?'

श्लोक 31 (skanda.5.129.31)

इत्युक्तः श्रीधरेणाहं महाकालवनं नृप। आनीतस्तत्क्षणाच्छीघ्रं प्रयागसहितस्तदा॥

ityuktaḥ śrīdhareṇāhaṁ mahākālavanaṁ nṛpa| ānītastatkṣaṇācchīghraṁ prayāgasahitastadā||

हे राजन्! ऐसा कहे जाने पर श्रीधर ने मुझे उसी क्षण शीघ्र ही प्रयाग सहित महाकालवन में ला दिया।

श्लोक 32 (skanda.5.129.32)

घंटेश्वरस्य पूर्वे तु नवनद्यास्तु दक्षिणे। तत्र लिंगमनादि तु ज्योतीरूपं सनातनम्॥

ghaṁṭeśvarasya pūrve tu navanadyāstu dakṣiṇe| tatra liṁgamanādi tu jyotīrūpaṁ sanātanam||

घंटेश्वर के पूर्व में और नवनदी के दक्षिण में, वहां अनादि, ज्योतिस्वरूप, सनातन लिंग स्थित था।

श्लोक 33 (skanda.5.129.33)

प्रयागः पूजयामास पश्यतो मम भूपते। लिंगेनोक्तं प्रसन्नेन किमर्थं त्वमिहागतः॥

prayāgaḥ pūjayāmāsa paśyato mama bhūpate| liṁgenoktaṁ prasannena kimarthaṁ tvamihāgataḥ||

हे राजन्! मेरे देखते-देखते ही प्रयाग ने उसकी पूजा की; प्रसन्न लिंग ने कहा - 'तुम यहां किस प्रयोजन से आए हो?'

श्लोक 34 (skanda.5.129.34)

प्रयाग प्रयतो भूत्वा प्रसन्नोऽहं सदा तव। दर्शनं च मदीयं तु विफलं न भविष्यति॥

prayāga prayato bhūtvā prasanno'haṁ sadā tava| darśanaṁ ca madīyaṁ tu viphalaṁ na bhaviṣyati||

'हे प्रयाग! सदा तत्पर रहकर मैं तुमसे सदा प्रसन्न रहता हूं; मेरा दर्शन कभी निष्फल नहीं होगा।'

श्लोक 35 (skanda.5.129.35)

इत्युक्तस्तेन लिंगेन मदर्थं प्रार्थितस्तदा। ज्ञानं देहि द्विजायास्मै नारदाय महात्मने॥

ityuktastena liṁgena madarthaṁ prārthitastadā| jñānaṁ dehi dvijāyāsmai nāradāya mahātmane||

उस लिंग द्वारा ऐसा कहे जाने पर प्रयाग ने मेरे लिए प्रार्थना की - 'इस महात्मा द्विज नारद को ज्ञान दीजिए।

श्लोक 36 (skanda.5.129.36)

नष्टा वेदाश्च शास्त्राणि सावित्र्या दर्शनात्प्रभो॥

naṣṭā vedāśca śāstrāṇi sāvitryā darśanātprabho||

'हे प्रभो! सावित्री के दर्शन से इसके वेद और शास्त्र नष्ट हो गए हैं।'

श्लोक 37 (skanda.5.129.37)

ततो लिंगात्समुत्तस्थौ ब्रह्मा वेदैर्वृतस्तदा। षडंगैः सरहस्यैश्च पुराणैः सहितस्तदा॥

tato liṁgātsamuttasthau brahmā vedairvṛtastadā| ṣaḍaṁgaiḥ sarahasyaiśca purāṇaiḥ sahitastadā||

तब उस लिंग से वेदों से घिरे हुए ब्रह्मा प्रकट हुए, षडंगों, उपनिषदों तथा पुराणों सहित।

श्लोक 38 (skanda.5.129.38)

इत्युक्तोऽहं तदा देव्या सावित्र्या नृपसत्तम। लिंगस्यास्य प्रभावेण प्रयागाभ्यर्थितस्य वै॥

ityukto'haṁ tadā devyā sāvitryā nṛpasattama| liṁgasyāsya prabhāveṇa prayāgābhyarthitasya vai||

हे नृपसत्तम! तब प्रयाग की प्रार्थना पर, इस लिंग के प्रभाव से, देवी सावित्री ने मुझसे कहा -

श्लोक 39 (skanda.5.129.39)

प्रतिभास्यंति ते वेदा धर्मशास्त्राणि नारद। इत्युक्ते वचने भूयः प्राप्ता वेदा मया नृप॥

pratibhāsyaṁti te vedā dharmaśāstrāṇi nārada| ityukte vacane bhūyaḥ prāptā vedā mayā nṛpa||

- 'हे नारद! तुम्हारे वेद और धर्मशास्त्र पुनः प्रकट होंगे।' यह वचन कहे जाने पर, हे राजन्! मुझे वेद पुनः प्राप्त हुए।

श्लोक 40 (skanda.5.129.40)

ज्ञानं षडंगसहितं शास्त्राणि विविधानि च। लब्धज्ञानेन राजेंद्र मया प्रोक्तं वचस्तदा॥

jñānaṁ ṣaḍaṁgasahitaṁ śāstrāṇi vividhāni ca| labdhajñānena rājeṁdra mayā proktaṁ vacastadā||

- षडंगों सहित ज्ञान तथा विविध शास्त्र। हे राजेंद्र! ज्ञान प्राप्त होने पर मैंने तब यह वचन कहा -

श्लोक 41 (skanda.5.129.41)

प्रयागेनार्चितो देवो मम ज्ञानस्य कारणात्। प्रयागेश्वरसंज्ञस्तु ख्यातिं लोकेषु यास्यति॥

prayāgenārcito devo mama jñānasya kāraṇāt| prayāgeśvarasaṁjñastu khyātiṁ lokeṣu yāsyati||

- 'प्रयाग द्वारा पूजित यह देव मेरे ज्ञान का कारण होने से प्रयागेश्वर नाम से लोकों में ख्याति पाएगा।'

श्लोक 42 (skanda.5.129.42)

तदाप्रभृति तल्लिंगं तीर्थकोटिशतैर्वृतम्। स्वर्गापवर्गफलदं तत्र त्वं गंतुमर्हसि॥

tadāprabhṛti talliṁgaṁ tīrthakoṭiśatairvṛtam| svargāpavargaphaladaṁ tatra tvaṁ gaṁtumarhasi||

उस समय से वह लिंग सैकड़ों करोड़ तीर्थों से घिरा हुआ, स्वर्ग तथा मोक्ष का फल देने वाला है; तुम्हें वहां जाना चाहिए।

श्लोक 43 (skanda.5.129.43)

किमनेनाश्वमेधेन इष्टेन नृपसत्तम। अश्वमेधशतफलं जायते तस्य दर्शनात्॥

kimanenāśvamedhena iṣṭena nṛpasattama| aśvamedhaśataphalaṁ jāyate tasya darśanāt||

हे नृपसत्तम! इस अश्वमेध यज्ञ से क्या लाभ? उसके दर्शन मात्र से सौ अश्वमेधों का फल प्राप्त होता है।

श्लोक 44 (skanda.5.129.44)

तपसा किं सुतप्तेन कायक्लेशकरेण तु। वाञ्छितं लभते सद्यः प्रयागेश्वरदर्शनात्॥

tapasā kiṁ sutaptena kāyakleśakareṇa tu| vāñchitaṁ labhate sadyaḥ prayāgeśvaradarśanāt||

शरीर को क्लेश देने वाले उग्र तप से भी क्या लाभ? प्रयागेश्वर के दर्शन से मनोवांछित फल तत्काल प्राप्त हो जाता है।

श्लोक 45 (skanda.5.129.45)

ईश्वर उवाच। नारदस्य वचः श्रुत्वा स्वायंभुवसुतो नृपः। प्रियव्रतो महादेवि महाकालवनं गतः॥

īśvara uvāca| nāradasya vacaḥ śrutvā svāyaṁbhuvasuto nṛpaḥ| priyavrato mahādevi mahākālavanaṁ gataḥ||

ईश्वर ने कहा - हे महादेवी! नारद के वचन सुनकर स्वायंभुव मनु का पुत्र राजा प्रियव्रत महाकालवन गया।

श्लोक 46 (skanda.5.129.46)

ददर्श तत्र तल्लिंगं नवनद्यास्तु दक्षिणे। दर्शनात्तस्य लिंगस्य मत्समीपं समागतः॥

dadarśa tatra talliṁgaṁ navanadyāstu dakṣiṇe| darśanāttasya liṁgasya matsamīpaṁ samāgataḥ||

उसने वहां नवनदी के दक्षिण में उस लिंग का दर्शन किया; उस लिंग के दर्शन से वह मेरे समीप आ पहुंचा।

श्लोक 47 (skanda.5.129.47)

मया संमानितो देवि गणानामधिपः कृतः। ये पश्यंति नरा भक्त्या प्रयागेश्वरमीश्वरम्। ते धन्या मानुषे लोके क्लिश्यन्त्यन्ये निरर्थकाः॥

mayā saṁmānito devi gaṇānāmadhipaḥ kṛtaḥ| ye paśyaṁti narā bhaktyā prayāgeśvaramīśvaram| te dhanyā mānuṣe loke kliśyantyanye nirarthakāḥ||

हे देवी! मैंने उसका सम्मान करके उसे गणों का अधिपति बनाया। जो मनुष्य भक्तिपूर्वक ईश्वर प्रयागेश्वर का दर्शन करते हैं, वे मनुष्यलोक में धन्य हैं; अन्य व्यर्थ ही क्लेश उठाते हैं।

श्लोक 48 (skanda.5.129.48)

या गतिर्योगयुक्तस्य सत्त्वस्थस्य मनीषिणः। सा गतिर्जायते सम्यक्प्रयागेश्वरदर्शनात्॥

yā gatiryogayuktasya sattvasthasya manīṣiṇaḥ| sā gatirjāyate samyakprayāgeśvaradarśanāt||

योगयुक्त, सत्त्वस्थ मनीषी जिस गति को प्राप्त करता है, वही गति प्रयागेश्वर के दर्शन से भलीभांति प्राप्त हो जाती है।

श्लोक 49 (skanda.5.129.49)

माघमासे समेष्यंति प्रयागेश्वरदर्शनम्। कर्त्तुं ये मानुषास्तेषामश्वमेधः पदेपदे॥

māghamāse sameṣyaṁti prayāgeśvaradarśanam| karttuṁ ye mānuṣāsteṣāmaśvamedhaḥ padepade||

जो मनुष्य माघ मास में प्रयागेश्वर का दर्शन करने आते हैं, उनके लिए पग-पग पर अश्वमेध का फल है।

श्लोक 50 (skanda.5.129.50)

एष ते कथितो देवि प्रभावः पापनाशनः। प्रयागेश्वरदेवस्य शृणु सिद्धेश्वरं परम्॥

eṣa te kathito devi prabhāvaḥ pāpanāśanaḥ| prayāgeśvaradevasya śṛṇu siddheśvaraṁ param||

हे देवी! यह मैंने तुम्हें प्रयागेश्वर देव का पापनाशक प्रभाव बताया; अब सिद्धेश्वर के विषय में सुनो।