जल्पेश्वर की महिमा

श्लोक 1 (skanda.5.137.1)

ईश्वर उवाच। षट्षष्टितमकं विद्धि देवं जल्पेश्वरं प्रिये। यस्य दर्शनमात्रेण महापापं शमं व्रजेत्॥

īśvara uvāca| ṣaṭṣaṣṭitamakaṁ viddhi devaṁ jalpeśvaraṁ priye| yasya darśanamātreṇa mahāpāpaṁ śamaṁ vrajet||

ईश्वर ने कहा - हे प्रिये! छासठवें देव जल्पेश्वर को जानो, जिनके दर्शनमात्र से महापाप भी शांत हो जाता है।

श्लोक 2 (skanda.5.137.2)

जल्पोनाम महादेवि राजाभूद्भुवि विश्रुतः। सदा जल्परतो नित्यं जल्प वादप्रवर्तकः॥

jalponāma mahādevi rājābhūdbhuvi viśrutaḥ| sadā jalparato nityaṁ jalpa vādapravartakaḥ||

हे महादेवी! पृथ्वी पर जल्प नामक एक विख्यात राजा हुआ, जो सदा वाद-विवाद में रत रहता था और वाद-चर्चा को सदा बढ़ावा देता था।

श्लोक 3 (skanda.5.137.3)

विकल्पबहुलो नित्यं संसारगतिचिंतकः। सुबाहुप्रमुखाः पंच पुत्रा जाता महाबलाः॥

vikalpabahulo nityaṁ saṁsāragaticiṁtakaḥ| subāhupramukhāḥ paṁca putrā jātā mahābalāḥ||

वह सदा संशयशील और संसार की गति का चिंतन करने वाला था; उसके सुबाहु आदि पांच अत्यंत बलशाली पुत्र हुए।

श्लोक 4 (skanda.5.137.4)

तस्य राज्ञो वरारोहे मूर्ताः पंचाग्नयो यथा। सुबाहुः शत्रुमर्द्दी च जयो विजय एव च। विक्रांतः पंचमः पुत्रः सर्वे शस्त्रास्त्रपारगाः॥

tasya rājño varārohe mūrtāḥ paṁcāgnayo yathā| subāhuḥ śatrumarddī ca jayo vijaya eva ca| vikrāṁtaḥ paṁcamaḥ putraḥ sarve śastrāstrapāragāḥ||

हे वरारोहे! उस राजा के पुत्र मानो पांच अग्नियों के साकार रूप थे - सुबाहु, शत्रुमर्दी, जय, विजय, तथा पांचवां पुत्र विक्रांत; सभी शस्त्र-अस्त्रों में पारंगत थे।

श्लोक 5 (skanda.5.137.5)

पित्रा जल्पेन ते राज्ञा पृथग्राज्ये प्रतिष्ठिताः। पृथक्पुत्रा हि ते सर्वे पृथग्देशाधिपाः कृताः॥

pitrā jalpena te rājñā pṛthagrājye pratiṣṭhitāḥ| pṛthakputrā hi te sarve pṛthagdeśādhipāḥ kṛtāḥ||

उनके पिता राजा जल्प ने उन सबको अलग-अलग राज्यों में प्रतिष्ठित किया; सभी पुत्रों को अलग-अलग देशों का अधिपति बना दिया गया।

श्लोक 6 (skanda.5.137.6)

प्राच्यां सुबाहुर्नृपतिर्याम्यां वै शत्रुमर्दनः। पश्चिमायां जयो राजा उत्तरे विजयो नृपः॥

prācyāṁ subāhurnṛpatiryāmyāṁ vai śatrumardanaḥ| paścimāyāṁ jayo rājā uttare vijayo nṛpaḥ||

पूर्व दिशा में राजा सुबाहु, दक्षिण में शत्रुमर्दन, पश्चिम में राजा जय, तथा उत्तर में राजा विजय स्थापित हुए।

श्लोक 7 (skanda.5.137.7)

मध्ये विक्रांतसंज्ञस्तु स्वपदे विनियोजितः। व्यवस्थामीदृशीं कृत्वा स्वयमेव वनं ययौ॥

madhye vikrāṁtasaṁjñastu svapade viniyojitaḥ| vyavasthāmīdṛśīṁ kṛtvā svayameva vanaṁ yayau||

मध्य में विक्रांत नामक पुत्र को अपने पद पर नियुक्त किया गया। इस प्रकार व्यवस्था करके राजा जल्प स्वयं वन को चले गए।

श्लोक 8 (skanda.5.137.8)

बभूवुर्मंत्रिणस्तेषां हिता वंशक्रमागताः। बुभुजुः स्वस्वराज्यानि मंत्रिभिः सहितास्तदा॥

babhūvurmaṁtriṇasteṣāṁ hitā vaṁśakramāgatāḥ| bubhujuḥ svasvarājyāni maṁtribhiḥ sahitāstadā||

उन सबके पास वंश-परंपरा से चले आए हितैषी मंत्री थे; वे तब अपने-अपने मंत्रियों सहित अपने-अपने राज्यों का उपभोग करने लगे।

श्लोक 9 (skanda.5.137.9)

विक्रांतस्य च यो मंत्री विकल्पैकपरायणः। तेनोक्तं विजने देशे विक्रांतस्य महीभृतः॥

vikrāṁtasya ca yo maṁtrī vikalpaikaparāyaṇaḥ| tenoktaṁ vijane deśe vikrāṁtasya mahībhṛtaḥ||

विक्रांत का जो मंत्री था, वह सदा संशय और तर्क-वितर्क में रत रहता था; उसने एकांत स्थान में राजा विक्रांत से यह कहा।

श्लोक 10 (skanda.5.137.10)

यस्यैषा पृथिवी कृत्स्ना स समर्थः प्रकीर्तितः। उद्यमेन पदं लब्धं वासवेन महात्मना॥

yasyaiṣā pṛthivī kṛtsnā sa samarthaḥ prakīrtitaḥ| udyamena padaṁ labdhaṁ vāsavena mahātmanā||

'जिसकी यह संपूर्ण पृथ्वी हो, वही समर्थ कहलाता है। महात्मा वासव (इंद्र) ने भी उद्यम से ही अपना पद प्राप्त किया था।'

श्लोक 11 (skanda.5.137.11)

त्रिदशैश्चामृतं लब्धमुद्यमेन महीपते॥

tridaśaiścāmṛtaṁ labdhamudyamena mahīpate||

'हे महीपते! देवताओं ने भी उद्यम से ही अमृत प्राप्त किया था।'

श्लोक 12 (skanda.5.137.12)

हीनोद्यमा मानवा ये क्षत्त्रियाश्च विशेषतः। ते हास्यास्पदतां यांति हीनवीर्या दिनेदिने॥

hīnodyamā mānavā ye kṣattriyāśca viśeṣataḥ| te hāsyāspadatāṁ yāṁti hīnavīryā dinedine||

'जो मनुष्य, विशेषकर क्षत्रिय, उद्यमहीन होते हैं, वे दिन-प्रतिदिन बलहीन होकर हंसी के पात्र बन जाते हैं।'

श्लोक 13 (skanda.5.137.13)

स्नेहं च कुरुते भ्राता राज्यलुब्धोऽर्थकारणात्। अर्थवीर्येण तेनैव संतोषं कुरुते नृपः॥

snehaṁ ca kurute bhrātā rājyalubdho'rthakāraṇāt| arthavīryeṇa tenaiva saṁtoṣaṁ kurute nṛpaḥ||

'राज्य का लोभी भाई भी धन के कारण ही स्नेह दिखाता है; और राजा भी उसी अर्थ-बल से संतोष प्राप्त करता है।'

श्लोक 14 (skanda.5.137.14)

क्रियते न किमर्थं तु भूप मंत्रपरिग्रहः। भुज्यते सकलं राज्यं मया ते मंत्रिणा बलात्॥

kriyate na kimarthaṁ tu bhūpa maṁtraparigrahaḥ| bhujyate sakalaṁ rājyaṁ mayā te maṁtriṇā balāt||

'हे भूप! फिर मंत्र (सलाह) क्यों न ग्रहण किया जाए? मुझ मंत्री के बल से तुम संपूर्ण राज्य का बलपूर्वक उपभोग करोगे।'

श्लोक 15 (skanda.5.137.15)

परोऽपि हितवान्बन्धुर्बन्धुरप्यहितः परः। अहितो देहजो व्याधिर्हितमारण्यमौषधम्॥

paro'pi hitavānbandhurbandhurapyahitaḥ paraḥ| ahito dehajo vyādhirhitamāraṇyamauṣadham||

'जो हितकारी हो, वह पराया भी बंधु है; जो अहितकारी हो, वह बंधु भी पराया है। शरीर से उत्पन्न रोग अहितकारी है, और वन से प्राप्त औषधि भी हितकारी है।'

श्लोक 16 (skanda.5.137.16)

भूमिमेते निर्गिलंति सर्पा बिलशयानिव। राजानमविरोद्धारं ब्राह्मणं चाप्रवासिनम्॥

bhūmimete nirgilaṁti sarpā bilaśayāniva| rājānamaviroddhāraṁ brāhmaṇaṁ cāpravāsinam||

'ये भाई, बिल में छिपे सर्पों के समान, इस पृथ्वी को निगल रहे हैं - जैसे विरोध न करने वाला राजा और अन्यत्र न जाने वाला ब्राह्मण भी उसे व्यर्थ निगल जाते हैं।'

श्लोक 17 (skanda.5.137.17)

मायया मोहितं सर्वं को वा कस्य च बांधवः। उद्यमः क्रियतां तस्माद्भ्रातॄणां निग्रहे द्रुतम्॥

māyayā mohitaṁ sarvaṁ ko vā kasya ca bāṁdhavaḥ| udyamaḥ kriyatāṁ tasmādbhrātṝṇāṁ nigrahe drutam||

'यह सब माया से मोहित है; कौन किसका बंधु है? इसलिए शीघ्र ही भाइयों के दमन का प्रयत्न करना चाहिए।'

श्लोक 18 (skanda.5.137.18)

भ्रातृभिर्भ्रातरः सर्वे निहता राज्यकारणात्। धर्मं च शाश्वतं ज्ञात्वा निहताश्चासुराः सुरैः॥

bhrātṛbhirbhrātaraḥ sarve nihatā rājyakāraṇāt| dharmaṁ ca śāśvataṁ jñātvā nihatāścāsurāḥ suraiḥ||

'राज्य के कारण भाइयों ने ही भाइयों को मार डाला है; इसे शाश्वत धर्म जानकर ही देवताओं ने भी असुरों का वध किया था।'

श्लोक 19 (skanda.5.137.19)

इति मंत्रिवचः श्रुत्वा स राजा विस्मयान्वितः। हसित्वा प्रत्युवाचेदं ममायं शत्रुरागतः॥

iti maṁtrivacaḥ śrutvā sa rājā vismayānvitaḥ| hasitvā pratyuvācedaṁ mamāyaṁ śatrurāgataḥ||

मंत्री के इस वचन को सुनकर राजा विस्मित हो गया; हंसते हुए उसने कहा - मानो यह मेरा शत्रु ही आ पहुंचा है।

श्लोक 20 (skanda.5.137.20)

विक्रान्त उवाच। वयं च भ्रातरः पंच पृथिवीं कामयामहे। अतुष्टाः पृथगैश्वर्यं कथं कृत्स्ना भविष्यति॥

vikrānta uvāca| vayaṁ ca bhrātaraḥ paṁca pṛthivīṁ kāmayāmahe| atuṣṭāḥ pṛthagaiśvaryaṁ kathaṁ kṛtsnā bhaviṣyati||

विक्रांत ने कहा - हम पांचों भाई पृथ्वी की कामना करते हैं; पृथक्-पृथक् ऐश्वर्य से असंतुष्ट होकर, यह संपूर्ण पृथ्वी एक कैसे होगी?

श्लोक 21 (skanda.5.137.21)

ज्येष्ठो भ्राता सुबाहुश्च द्वितीयः शत्रुमर्दनः। जयश्च विजयश्चैव तेषां लघुरहं यतः॥

jyeṣṭho bhrātā subāhuśca dvitīyaḥ śatrumardanaḥ| jayaśca vijayaścaiva teṣāṁ laghurahaṁ yataḥ||

'सबसे बड़ा भाई सुबाहु है, दूसरा शत्रुमर्दन, फिर जय और विजय - चूंकि मैं उन सबमें सबसे छोटा हूं -'

श्लोक 22 (skanda.5.137.22)

मंत्र्युवाच। राज्ये स्थितं पूजयंति ज्येष्ठं पूजार्हणैर्वरैः। कनिष्ठज्येष्ठता केयं राज्यं प्रार्थयतां नृणाम्॥

maṁtryuvāca| rājye sthitaṁ pūjayaṁti jyeṣṭhaṁ pūjārhaṇairvaraiḥ| kaniṣṭhajyeṣṭhatā keyaṁ rājyaṁ prārthayatāṁ nṛṇām||

मंत्री ने कहा - जो राज्य पर स्थित होता है, उसी को लोग श्रेष्ठ सम्मानों से ज्येष्ठ मानकर पूजते हैं; राज्य चाहने वाले मनुष्यों के लिए यह छोटे-बड़े का भेद क्या मायने रखता है?

श्लोक 23 (skanda.5.137.23)

तथेति च प्रतिज्ञाते विक्रांतेन महीभृता। स मंत्री कारयामास अभिचारविधिं तदा॥

tatheti ca pratijñāte vikrāṁtena mahībhṛtā| sa maṁtrī kārayāmāsa abhicāravidhiṁ tadā||

राजा विक्रांत द्वारा 'ऐसा ही हो' कहकर स्वीकृति दिए जाने पर, उस मंत्री ने तब अभिचार विधि करवाई।

श्लोक 24 (skanda.5.137.24)

अथर्वणेन मंत्रेण पुरोधाः प्रचकार ह। ज्ञातं पुरोहितैस्तेषां तेऽपि चक्रुः समाहिताः॥

atharvaṇena maṁtreṇa purodhāḥ pracakāra ha| jñātaṁ purohitaisteṣāṁ te'pi cakruḥ samāhitāḥ||

पुरोहित ने अथर्ववेद के मंत्रों से वह विधि की; जब उन भाइयों के पुरोहितों को यह ज्ञात हुआ, तो उन्होंने भी सावधान होकर वैसा ही किया।

श्लोक 25 (skanda.5.137.25)

अथ कृत्या समुत्पन्ना पश्चात्कृत्याचतुष्टयम्। सपुरोहितभृत्यांस्तानग्रसंस्तु समं तदा॥

atha kṛtyā samutpannā paścātkṛtyācatuṣṭayam| sapurohitabhṛtyāṁstānagrasaṁstu samaṁ tadā||

तब एक कृत्या (अभिचार-देवी) उत्पन्न हुई, और उसके पश्चात् चार और कृत्याएं उत्पन्न हुईं; उन्होंने पुरोहितों और सेवकों सहित उन सबको एक साथ ही ग्रस लिया।

श्लोक 26 (skanda.5.137.26)

ततः समस्तलोकस्य विस्मयश्चाभवन्महान्। यदैक कालं नेशुस्ते पृथक्पुरनिवासिनः॥

tataḥ samastalokasya vismayaścābhavanmahān| yadaika kālaṁ neśuste pṛthakpuranivāsinaḥ||

तब संपूर्ण जगत् को महान् आश्चर्य हुआ, जब अलग-अलग नगरों में रहने वाले वे सभी एक ही समय में नष्ट हो गए।

श्लोक 27 (skanda.5.137.27)

ततः श्रुत्वा च निधनं पुत्राणां जल्पको नृपः। वने वशिष्ठं पप्रच्छ किमेतद्भगवन्प्रभो॥

tataḥ śrutvā ca nidhanaṁ putrāṇāṁ jalpako nṛpaḥ| vane vaśiṣṭhaṁ papraccha kimetadbhagavanprabho||

तब अपने पुत्रों की मृत्यु का समाचार सुनकर राजा जल्प ने वन में वशिष्ठ से पूछा - हे भगवन् प्रभो! यह क्या हुआ?

श्लोक 28 (skanda.5.137.28)

तेनापि कथितं सर्वं वशिष्ठेन महात्मना। दिव्यज्ञानेन वृत्तांतं विकल्पं चाकरोन्नृपः॥

tenāpi kathitaṁ sarvaṁ vaśiṣṭhena mahātmanā| divyajñānena vṛttāṁtaṁ vikalpaṁ cākaronnṛpaḥ||

महात्मा वशिष्ठ ने अपने दिव्य ज्ञान से संपूर्ण वृत्तांत कह सुनाया; और राजा संशय में पड़ गया।

श्लोक 29 (skanda.5.137.29)

राजोवाच। निमित्तोऽहं विनाशस्य धिग्धि ग्जन्म मदीयकम्। सार्द्धं त्वमात्यपुत्रैश्च मृतं ब्राह्मणपंचकम्॥

rājovāca| nimitto'haṁ vināśasya dhigdhi gjanma madīyakam| sārddhaṁ tvamātyaputraiśca mṛtaṁ brāhmaṇapaṁcakam||

राजा ने कहा - मैं ही इस विनाश का निमित्त हूं, धिक्कार है मेरे जन्म को! मंत्री-पुत्रों सहित पांचों ब्राह्मण-समूह भी मृत्यु को प्राप्त हो गए।

श्लोक 30 (skanda.5.137.30)

मत्तोऽन्यः कः पापरतो भविष्यति महान्भुवि। यदि जन्म मदीयं स्या न्न च जातु महीतले॥

matto'nyaḥ kaḥ pāparato bhaviṣyati mahānbhuvi| yadi janma madīyaṁ syā nna ca jātu mahītale||

'मुझसे बढ़कर इस पृथ्वी पर पाप में रत और कौन महान होगा? यदि मेरा जन्म ही न हुआ होता, तो अच्छा होता, कभी इस भूतल पर।'

श्लोक 31 (skanda.5.137.31)

ततस्ते न विनश्येयुर्मम पुत्रपुरोहिताः। धिग्राज्यं धिक्च मे जन्म भूभुजां च महाकुले॥

tataste na vinaśyeyurmama putrapurohitāḥ| dhigrājyaṁ dhikca me janma bhūbhujāṁ ca mahākule||

'तब मेरे पुत्र और पुरोहित नष्ट न होते। धिक्कार है राज्य को, और धिक्कार है राजाओं के इस महान कुल में मेरे जन्म को!'

श्लोक 32 (skanda.5.137.32)

कारणत्वं गतो योऽहं विनाशस्य द्विजन्मनाम्। कुर्वन्तः स्वामिनस्तेऽर्थं पुत्राणां मम याजकाः। नाशं ययुर्न दुष्टास्ते दुष्टोऽहं नाशकारणे॥

kāraṇatvaṁ gato yo'haṁ vināśasya dvijanmanām| kurvantaḥ svāminaste'rthaṁ putrāṇāṁ mama yājakāḥ| nāśaṁ yayurna duṣṭāste duṣṭo'haṁ nāśakāraṇe||

'मैं ही द्विजों के विनाश का कारण बना; मेरे पुत्रों के हित के लिए कार्य करने वाले वे पुरोहित नष्ट हो गए, वे दोषी नहीं थे, दोषी तो मैं ही हूं, जो विनाश का कारण बना।'

श्लोक 33 (skanda.5.137.33)

इत्थमुद्विग्नहृदयः स जल्पः पृथिवीपतिः। पप्रच्छ च पुनः प्रह्वो वशिष्ठं ज्ञानिनां वरम्॥

itthamudvignahṛdayaḥ sa jalpaḥ pṛthivīpatiḥ| papraccha ca punaḥ prahvo vaśiṣṭhaṁ jñānināṁ varam||

इस प्रकार उद्विग्न-हृदय पृथ्वीपति जल्प ने पुनः विनम्रतापूर्वक ज्ञानियों में श्रेष्ठ वशिष्ठ से प्रश्न किया।

श्लोक 34 (skanda.5.137.34)

राजोवाच। भगवन्ब्रूहि मे तीर्थमवियोगकरं सदा। सद्यः पापहरं विप्र लिंगं वा कथय प्रभो॥

rājovāca| bhagavanbrūhi me tīrthamaviyogakaraṁ sadā| sadyaḥ pāpaharaṁ vipra liṁgaṁ vā kathaya prabho||

राजा ने कहा - हे भगवन्! मुझे कोई ऐसा तीर्थ बताइए जो सदा वियोग न होने दे, अथवा हे विप्र प्रभो! कोई ऐसा लिंग बताइए जो तत्काल पाप का नाश करने वाला हो।

श्लोक 35 (skanda.5.137.35)

तस्य तद्वचनं श्रुत्वा जल्पस्य पृथिवीपतेः। वशिष्ठः कथयामास दिव्यज्ञानेन पार्वति॥

tasya tadvacanaṁ śrutvā jalpasya pṛthivīpateḥ| vaśiṣṭhaḥ kathayāmāsa divyajñānena pārvati||

पृथ्वीपति जल्प के इन वचनों को सुनकर, हे पार्वती! वशिष्ठ ने अपने दिव्य ज्ञान से यह कहा।

श्लोक 36 (skanda.5.137.36)

गच्छ जल्प ममादेशान्महाकालवनोत्तमम्। कृत्वा निः क्षत्रियां पृथ्वीं यत्र रामस्तपस्यति। तत्र लिंगमनाद्यं च कुक्कुटेश्वरपश्चिमे॥

gaccha jalpa mamādeśānmahākālavanottamam| kṛtvā niḥ kṣatriyāṁ pṛthvīṁ yatra rāmastapasyati| tatra liṁgamanādyaṁ ca kukkuṭeśvarapaścime||

'हे जल्प! मेरी आज्ञा से उस उत्तम महाकालवन को जाओ, जहां पृथ्वी को क्षत्रियों से रहित करके राम तपस्या कर रहे हैं; वहां कुक्कुटेश्वर के पश्चिम में वह अनादि लिंग स्थित है।'

श्लोक 37 (skanda.5.137.37)

तदाराधय राजेंद्र जामदग्न्याश्रमे स्थितः। वशिष्ठस्य वचः श्रुत्वा जल्पोऽसौ पृथिवीपतिः॥

tadārādhaya rājeṁdra jāmadagnyāśrame sthitaḥ| vaśiṣṭhasya vacaḥ śrutvā jalpo'sau pṛthivīpatiḥ||

'हे राजेंद्र! जामदग्न्य (परशुराम) के आश्रम में रहकर उसकी आराधना करो।' वशिष्ठ के इन वचनों को सुनकर वह पृथ्वीपति जल्प -

श्लोक 38 (skanda.5.137.38)

देवदारुवनं त्यक्त्वा महाकालवनं गतः। ददर्श तत्र तल्लिंगमनाद्यं देवसंस्तुतम्। पूजयामास विधिवत्परमेण समाधिना॥

devadāruvanaṁ tyaktvā mahākālavanaṁ gataḥ| dadarśa tatra talliṁgamanādyaṁ devasaṁstutam| pūjayāmāsa vidhivatparameṇa samādhinā||

- देवदारुवन को छोड़कर महाकालवन को गया; वहां उसने देवताओं द्वारा स्तुत उस अनादि लिंग का दर्शन किया, और परम समाधि के साथ विधिपूर्वक उसकी पूजा की।

श्लोक 39 (skanda.5.137.39)

तत्र वाणी समुत्पन्ना लिंगमध्याद्वरानने। न त्वं पापसमाचारो न त्वं मरणकारणम्। पुत्राणां नृपविप्राणामदृष्टं तत्र कारणम्॥

tatra vāṇī samutpannā liṁgamadhyādvarānane| na tvaṁ pāpasamācāro na tvaṁ maraṇakāraṇam| putrāṇāṁ nṛpaviprāṇāmadṛṣṭaṁ tatra kāraṇam||

वहां, हे वरानने! उस लिंग के मध्य से एक वाणी उत्पन्न हुई - 'तुम पापाचारी नहीं हो, न ही तुम मृत्यु के कारण हो; राजकुमारों और ब्राह्मणों की मृत्यु का कारण तो अदृष्ट (प्रारब्ध) ही था।'

श्लोक 40 (skanda.5.137.40)

विपाकेन स्वकीयेन गता वैवस्वतं पुरम्। मा शोकं कुरु राजेंद्र गहना कर्मणो गतिः॥

vipākena svakīyena gatā vaivasvataṁ puram| mā śokaṁ kuru rājeṁdra gahanā karmaṇo gatiḥ||

'अपने ही कर्मों के फल से वे वैवस्वत (यम) के नगर को गए; हे राजेंद्र! शोक मत करो, कर्म की गति अत्यंत गहन है।'

श्लोक 41 (skanda.5.137.41)

अनेन शुद्धभावेन तुष्टोऽहं नृपसत्तम। यदभीष्टं वरं ब्रूहि तत्ते दास्यामि नान्यथा॥

anena śuddhabhāvena tuṣṭo'haṁ nṛpasattama| yadabhīṣṭaṁ varaṁ brūhi tatte dāsyāmi nānyathā||

'हे नृपसत्तम! इस शुद्ध भाव से मैं प्रसन्न हूं; जो भी वर तुम्हें अभीष्ट हो, वह कहो, मैं वही तुम्हें दूंगा, अन्यथा नहीं।'

श्लोक 42 (skanda.5.137.42)

राजोवाच। यदि तुष्टोऽसि मे देव यदि देयो वरो मम। संसारसागरे घोरे मा भवेन्मम जन्म च॥

rājovāca| yadi tuṣṭo'si me deva yadi deyo varo mama| saṁsārasāgare ghore mā bhavenmama janma ca||

राजा ने कहा - हे देव! यदि आप मुझसे प्रसन्न हैं, यदि मुझे वर देना चाहते हैं, तो इस घोर संसार-सागर में मेरा पुनर्जन्म न हो।

श्लोक 43 (skanda.5.137.43)

अक्षयां देहि मे कीर्त्तिं नाम्ना मे विश्रुतो भुवि। अयं जल्पेश्वरो देवो जल्पेनाराधितो विभुः॥

akṣayāṁ dehi me kīrttiṁ nāmnā me viśruto bhuvi| ayaṁ jalpeśvaro devo jalpenārādhito vibhuḥ||

'मुझे अक्षय कीर्ति प्रदान कीजिए; मेरे नाम से यह पृथ्वी पर विख्यात हो - यह विभु देव जल्प द्वारा आराधित होने से जल्पेश्वर नाम से जाना जाए।'

श्लोक 44 (skanda.5.137.44)

वदंतु त्रिदशाः सर्वे एष मे दुर्लभो वरः। ये त्वां पश्यंति मनुजा मन्नाम्ना ख्यातिमागतम्। तेषां वियोगो मा भूयात्पुत्रतो धनतोऽपि वा॥

vadaṁtu tridaśāḥ sarve eṣa me durlabho varaḥ| ye tvāṁ paśyaṁti manujā mannāmnā khyātimāgatam| teṣāṁ viyogo mā bhūyātputrato dhanato'pi vā||

'सभी देवगण यह कहें कि यही मेरा दुर्लभ वर है - मेरे नाम से विख्यात हुए आपके जो दर्शन करेंगे, उन मनुष्यों का पुत्रों से अथवा धन से भी वियोग न हो।'

श्लोक 45 (skanda.5.137.45)

न संसारभयं तेषां दस्युतो नैव राजतः। न भूतग्रहरोगेभ्यो भयमस्तु कदाचन॥

na saṁsārabhayaṁ teṣāṁ dasyuto naiva rājataḥ| na bhūtagraharogebhyo bhayamastu kadācana||

'उन्हें न संसार का भय हो, न चोरों का, न राजा का; भूत, ग्रह और रोगों से भी उन्हें कभी भय न हो।'

श्लोक 46 (skanda.5.137.46)

शिवमस्तु सदा तेषां येषां त्वं दर्शनं गतः। ते धन्या मानुषे लोके ये त्वां शरणमागताः॥

śivamastu sadā teṣāṁ yeṣāṁ tvaṁ darśanaṁ gataḥ| te dhanyā mānuṣe loke ye tvāṁ śaraṇamāgatāḥ||

'जिन्हें आपका दर्शन प्राप्त हो, उनका सदा कल्याण हो। मनुष्य-लोक में वे ही धन्य हैं जो आपकी शरण में आए हैं।'

श्लोक 47 (skanda.5.137.47)

सर्वतीर्थाभिषेकैस्तु यत्पुण्यं प्राप्यते नरैः। तत्सर्वमधिकं देव लभ्यते तव दर्शनात॥

sarvatīrthābhiṣekaistu yatpuṇyaṁ prāpyate naraiḥ| tatsarvamadhikaṁ deva labhyate tava darśanāta||

'समस्त तीर्थों में स्नान करने से मनुष्यों को जो पुण्य प्राप्त होता है, हे देव! उससे भी अधिक पुण्य आपके दर्शन से प्राप्त हो जाता है।'

श्लोक 48 (skanda.5.137.48)

तावत्पतंति संसारे घोरे दुःखशताकुले। यावन्न दृश्यते देवः संसारार्णवतारकः॥

tāvatpataṁti saṁsāre ghore duḥkhaśatākule| yāvanna dṛśyate devaḥ saṁsārārṇavatārakaḥ||

'जब तक संसार-सागर से तारने वाले उस देव के दर्शन नहीं होते, तब तक ही मनुष्य इस घोर, सैकड़ों दुःखों से भरे संसार में गिरते रहते हैं।'

श्लोक 49 (skanda.5.137.49)

यदा पापक्षयः पुंसां तदा ते दर्शनं भवेत्। महता सुकृतेनैव नाल्पेन तपसा प्रभो॥

yadā pāpakṣayaḥ puṁsāṁ tadā te darśanaṁ bhavet| mahatā sukṛtenaiva nālpena tapasā prabho||

'जब मनुष्यों के पाप क्षीण हो जाते हैं, तभी आपका दर्शन प्राप्त होता है; हे प्रभो! यह महान पुण्य से ही होता है, अल्प तप से नहीं।'

श्लोक 50 (skanda.5.137.50)

एवं भविष्यतीत्युक्त्वा तेन लिंगेन पार्वति। पश्यतां सर्वदेवानां स्वतनौ संनिवेशितः॥

evaṁ bhaviṣyatītyuktvā tena liṁgena pārvati| paśyatāṁ sarvadevānāṁ svatanau saṁniveśitaḥ||

'ऐसा ही होगा' यह कहकर, हे पार्वती! उस लिंग ने समस्त देवताओं के देखते हुए राजा को अपने ही स्वरूप में लीन कर लिया।

श्लोक 51 (skanda.5.137.51)

तस्मिँल्लिंगे लयं प्राप्ते नृपे जल्पे वरानने। देवो जल्पेश्वरः ख्यातो देवैरुक्तो महीतले। भुक्तिदो मुक्तिदश्चैव सदाभीष्टकरः स्मृतः॥

tasmi~lliṁge layaṁ prāpte nṛpe jalpe varānane| devo jalpeśvaraḥ khyāto devairukto mahītale| bhuktido muktidaścaiva sadābhīṣṭakaraḥ smṛtaḥ||

हे वरानने! राजा जल्प के उस लिंग में लीन हो जाने पर, वह देव पृथ्वी पर देवताओं द्वारा जल्पेश्वर नाम से विख्यात हुआ - भोग और मोक्ष दोनों प्रदान करने वाला, तथा सदा अभीष्ट फल देने वाला माना गया।

श्लोक 52 (skanda.5.137.52)

एष ते कथितो देवि प्रभावः पापनाशनः। जल्पेश्वरस्य देवस्य शृणु केदारसंज्ञकम्॥

eṣa te kathito devi prabhāvaḥ pāpanāśanaḥ| jalpeśvarasya devasya śṛṇu kedārasaṁjñakam||

हे देवी! यह मैंने तुम्हें जल्पेश्वर देव का पापनाशक प्रभाव बताया; अब केदार नामक लिंग के विषय में सुनो।